బెళుగుప్ప : మండలంలోని జీడిపల్లి రిజర్వాయర్‌లో కృష్ణా  పుష్కర స్నానాలు చేసేందుకు  భక్తులు పెద్దఎత్తున తరలివస్తున్నారు. రిజర్వాయర్‌లో ఏర్పాటు చేసిన  ఘాట్‌లో  వేల సంఖ్యలో పుష్కర స్నానాలను ఆచరిస్తున్నారు. మంగళవారం కూడా వేలాది మంది  పుణ్యస్నానాలు ఆచరించారు. 
 
 భక్తులకు ఏర్పాట్లను కళ్యాణదుర్గం రెవెన్యూ డివిజనల్‌ ఆఫీసర్‌ (ఆర్డీఓ) కేఎస్‌ రామారావు  పర్యవేక్షిస్తున్నారు.  మంగళవారం జిల్లా ఎస్పీ రాజశేఖర్‌బాబు ఘాట్‌ను పరిశీలించారు. ఇక్కడ హిందూ పరిరక్షణ సమితి రాష్ట్ర అధ్యక్షుడు రఘుస్వామి  ఆధ్వర్యంలో వేదపండితులు తెల్లవారుజామున, సాయంత్రం గంగాహారతి ఇస్తున్నారు.