హాంకాంగ్: హాంకాంగ్ ఇన్విటేషనల్ టోర్నమెంట్‌లో భారత స్టార్ స్క్వాష్ ప్లేయర్లు జోష్నా చిన్నప్ప, దీపికా పల్లికల్ క్వార్టర్స్‌లోకి దూసుకె ళ్లారు. బుధవారం జరిగిన మ్యాచ్‌లో భారత అగ్రశ్రేణి క్రీడాకారిణి జోష్నా 11-8, 11-7, 6-11, 11-8తో సల్మా హనీ (ఈజిప్ట్)పై విజయం సాధించింది. మరో మ్యాచ్‌లో దీపికా పల్లికల్ 11-1, 11-3, 11-3తో లో వీ వెన్(మలేసియా)పై గెలుపొందింది.
  


 మెల్‌బోర్న్: విక్టోరియా ఓపెన్ అంతర్జాతీయ స్క్వాష్ టోర్నమెంట్‌లో భారత స్టార్ జోష్నా చిన్నప్ప విజేతగా నిలిచింది. ఆదివారం జరిగిన మహిళల సింగిల్స్ ఫైనల్లో మూడో సీడ్ జోష్నా 11-5, 11-4, 11-9తో రెండో సీడ్ లైన్ హాన్సెన్ (డెన్మార్క్)ను ఓడించింది. ఈ ఏడాది జోష్నాకిదే తొలి అంతర్జాతీయ టైటిల్. గతేడాది ఏప్రిల్‌లో అమెరికాలో జరిగిన రిచ్‌మండ్ ఓపెన్‌లో చాంపియన్‌గా నిలిచిన జోష్నా ఆ తర్వాత ఈ టోర్నీలోనే టైటిల్ సాధించింది. విక్టోరియా ఓపెన్‌లో టైటిల్ సాధించే క్రమంలో ఈ భారత స్టార్ తన ప్రత్యర్థులకు కేవలం ఒక గేమ్‌ను మాత్రమే కోల్పోయింది. అంతేకాకుండా నలుగురు సీడెడ్ క్రీడాకారిణులను ఓడించింది.