ఇవాళ వ్యక్తులుగా పౌరులూ, సమాఖ్యలో భాగంగా ఉన్న రాష్ట్రాలూ తమ హక్కులను కోల్పోయే పరిస్థితి కనిపిస్తోంది. జాతీయవాదం పేరుతో జాతీయోన్మాదాన్ని పాలకులు ప్రేరేపిస్తున్నారు. భిన్నాభిప్రాయాలను దేశ వ్యతిరేకమైనవిగా ముద్ర వేస్తున్నారు.రాజకీయ వ్యతిరేకతను, పౌర సమాజంలో భిన్నాభిప్రాయాలను కలిగివుండి, పాలనను విమర్శించే ప్రతి ఒక్కరినీ ప్రస్తుత భారత పాలక వ్యవస్థ తరచుగా దేశ వ్యతిరేకులుగా చిత్రీకరించింది. ఈ ద్వేషభావం... అసలు జాతీయవాదం అంటే ఏమిటి, నిజమైన జాతీయవాది ఎవరు అనే మౌలిక ప్రశ్నలను లేవనెత్తింది. జాతీయవాదం అనే పదం విభిన్న రాజకీయ తత్త్వశాస్త్రాల ద్వారా ప్రత్యేకంగా గుర్తించబడింది.జాతీయవాదంపై వలసవాద వ్యతిరేక దృక్పథం... కుల, మత, వర్గ, ప్రాంతీయ అనుబంధాలతో సంబంధం లేకుండా నిర్దిష్ట రాజకీయ భౌగోళిక ప్రాంతంలో నివసించే ప్రజలందరినీ తప్పనిసరిగా కలుపుతుంది. శక్తిమంతమైన వలస పాలకుల నుండి భార తదేశం విముక్తి పొందేందుకు అటువంటి జాతీయవాద దృక్పథం చాలా అవసరం. ఆ విధంగా, స్వాతంత్య్ర పోరాటంలో అందరినీ కలుపుకొని పోవడం వల్ల జాతీయవాదపు రాజ్యాంగ దార్శనికత అభివృద్ధి చెందింది. ఇతర సంకుచిత గుర్తింపుల కన్నా మిన్నగా అది పౌరుల ప్రాధాన్యాన్ని గుర్తిస్తుంది.మతం లేదా జాతి వంటి వివాదాస్పద పరిగణనలపై ఆధారపడిన జాతీయవాద విభజన దృక్పథం తన లోపలే ఒక శత్రువును కనుగొంటుంది. విభజించి పాలించే వలస రాజ్యాల ప్రాజెక్టును లక్ష్యంగా చేసుకున్న బ్రిటిష్‌ వలసవాద వారసత్వపు కమ్యూనల్‌ అవార్డు చరిత్ర దృష్ట్యా, భారతదేశంలోని మతపరమైన మెజారిటీ శక్తులు ఇప్పుడు ముస్లింలను లోపలి శత్రువుగా ముద్ర వేసేందుకు ప్రయత్నిస్తున్నాయి. ముస్లిం, ముజ్రా, మంగళసూత్ర, మందిర్‌ వంటివి సార్వత్రిక ఎన్నికలలో అధికార పార్టీ విభజిత ఎన్నికల చర్చలో ఆధిపత్యం చలా యించాయి. కానీ, నిరుద్యోగం, ద్రవ్యోల్బణం, ఇతర జీవనోపాధి సమస్యలు దాని పాలనను సవాలు చేశాయి.జాతీయవాదపు వలసవాద వ్యతిరేక దృక్పథంలోని మరొక కోణం ఏమిటంటే... వైవిధ్యాన్ని వేడుకగా జరుపుకోవడమే! నిజానికి, భారత రాజ్యాంగం, దానిలోని అనేక నిబంధనలు, దేశ న్యాయశాస్త్రం అనేవి భిన్నత్వంలో ఏకత్వాన్ని ఎల్లప్పుడూ ఆధునిక భారత జాతీయవాదపు కొనసాగుతున్న ఇతివృత్తంగా సమర్థించాయి. దేశం దైవపరిపాలనచే నడుస్తోందనే దృష్టి కోణం ఉద్దేశపూర్వకంగా దేశం, దాని ప్రజల సజాతీయ దృక్పథాన్ని ప్రోత్సహించడం ద్వారా వైవిధ్యాన్ని అణిచివేస్తుంది. జాతీయతలోని అనేక ఉపజాతి విధేయతలు తప్పనిసరిగా పరస్పర విరుద్ధమైనవి కానప్పటికీ, వాస్తవానికి అవి పరి పూర్ణమైనవి అనే వాస్తవాన్ని గుర్తించడానికి ఇది నిరాకరిస్తుంది. ఉదాహరణకు, భాషాపరమైన గుర్తింపులు జాతీయ గుర్తింపుతో విభేదించాల్సిన అవసరం లేదు. స్వాతంత్య్ర పోరాటం భాషాప్రయుక్త రాష్ట్రాల పునర్వ్యవస్థీకరణ పోరా టాన్ని హృదయపూర్వకంగా స్వీకరించింది, దాని చట్టబద్ధ మైన ప్రజాస్వామ్య స్వభావాన్ని గుర్తించింది. కానీ, భిన్న త్వానికి విరుద్ధమైన వారు విస్తృతమైన జాతీయ గుర్తింపు పేరుతో సమాజంపై ఏకరూప దృక్పథాన్ని రుద్దడానికి ప్రయ త్నిస్తారు. ఒక దేశం – ఒకే మార్కెట్, ఒక దేశం – ఒకటే భాష, ఒక దేశం – ఒకేసారి ఎన్నికలు, ఒక దేశం – ఒకటే పన్ను అలాంటి అసహన ప్రయత్నాలకు ఉదాహరణలు. ప్రస్తుత పాలక జాతీయవాద కథనం ప్రజల సామాజిక, ఆర్థిక శ్రేయస్సుతో కూడిన చిహ్నాలతో దేశం గురించిన నైరూప్య ఆలోచనను స్పృహతో ప్రోత్సహిస్తుంది. సాంఘిక, ఆర్థిక అసమానతలను సాధారణ మనిషికి హాని కలిగించేలా చేస్తుంది. కార్పొరేట్‌ సంపదలో పెరుగుదలను అసహజమైన అసమానతలపై జాతీయ గర్వకారణంగా చూపుతుంది. ఈ దృక్పథం అంతిమంగా కులం, వర్గం, అటువంటి ఆధిపత్య ధోరణులన్నింటినీ శాశ్వతంగా కొనసాగించే లక్ష్యానికే ఉపయోగపడుతుంది.జాతీయవాదానికి సంబంధించి పైన పేర్కొన్న వక్రీకృత దృక్పథం స్వభావం ఏమిటంటే, ప్రక్రియ దిద్దు బాటును ప్రభావితం చేసే లక్ష్యంతో వాస్తవికతపై విమర్శనాత్మక ప్రశంసలను నిరోధిస్తూనే, గతం లేదా వర్తమానాన్ని విమర్శారహితంగా కీర్తించడం! అటువంటి విమర్శనాత్మక దృక్పథాన్ని వృత్తిపరమైన నిరాశా వాదంగా కొట్టివేయడం జరుగుతుంది. కానీ, ఇది యథాతథ స్థితిని మాత్రమే ప్రోత్సహిస్తుంది. దేశ పురోగతిని అడ్డుకుంటుంది. నిరంకుశ జాతీయవాద ఉద్దేశ్యం స్వార్థ ప్రయోజనాలను ప్రోత్సహించే లక్ష్యంతో ఉంది. అందు వల్ల, భారతదేశ నాగరికత వారసత్వంగా ఉన్న వాదనా విధానం అణచివేయబడింది. దేశద్రోహం వంటి ప్రాచీన చట్టాల బలిపీఠం వద్ద వాక్‌ స్వాతంత్య్రాన్ని త్యాగం చేశారు. భిన్నాభిప్రాయాలను దేశ వ్యతిరేకమైనవిగా ముద్ర వేస్తారు. పౌర హక్కులు, స్వేచ్ఛ వంటివి జాతీయవాద ప్రాజెక్టుకు సహించరానివిగా చిత్రీకరించబడ్డాయి. నిజమైన జాతీయవాదం దాని సొంత గుర్తింపును మాత్రమే ప్రోత్సహిస్తుంది, ఆత్మగౌరవాన్ని వేడుక చేసు కుంటుంది. కానీ, జాతీయోన్మాదం బలవంతంగా, అసంకల్పితంగా అటువంటి స్వీయ అహంకారాన్ని దాని పౌరులపై మోపుతుంది. అటువంటి జాతీయోన్మాదాన్ని ప్రశ్నించే ఎవరైనా దేశం పట్ల అసంతృప్తిని ప్రదర్శించే వ్యక్తిగా పరిగణించబడతారు. నిజానికి అసమ్మతి అనేది ప్రజాస్వామ్యంలో ఓ అంతర్భాగం. కానీ, మెజారిటీ ప్రాజెక్ట్‌ను వ్యతిరేకించే సామాజిక, రాజకీయ శక్తులు చట్టబద్ధమైన జాతీయ గర్వాన్ని తగినంతగా ప్రకటించనప్పుడు జాతీయోన్మాదం విశ్వసనీయతను పొందుతుంది. ఆధునిక భారతీయ జాతీయవాదాన్ని ప్రజాస్వామ్యం, భాష, మతపరమైన బహుళత్వం, వైవిధ్యం, సమాఖ్యవాదం, లౌకికవాదం, సమానత్వం, స్వేచ్ఛ, సామాజిక న్యాయం మొదలైన రాజ్యాంగ విలువలపై తిరుగులేని నిబద్ధతతో నిర్వచించాలి. అందువల్ల రాజ్యాంగ జాతీయవాదం ఆధునిక ప్రజాస్వామ్యాలలో అభివృద్ధి చెందిన పౌరసత్వ భావనపై కేంద్రీకృతమై ఉంది. దీనికి విరుద్ధంగా, విభజన గుర్తింపులపై ఆధారపడిన జాతీయవాదం... రాజ్యాంగవాదానికి వ్యతిరేక సిద్ధాంతం. అందువల్ల, మెజారిటీ గుర్తింపుపై ఆధారపడిన జాతీయవాద కథానాయకుడు రాజ్యాంగపు ప్రాథమిక నిర్మాణాన్ని ద్వేషిస్తాడు. అటువంటి మెజారిటీ జాతీయ వాదం అసంపూర్తిగా ఉన్న ప్రజాస్వామిక ప్రాజెక్టులో కొనసాగుతున్న సామాజిక దోష రేఖలను ఉపయోగించు కోవడం ద్వారా అభివృద్ధి చెందుతుంది.అంబేద్కర్‌ ‘రాజ్యాంగ నైతికత అనేది సహజమైన భావన కాదు, ఎవరికి వారు పెంపొందించుకోవాల్సినది’ అని గమనించారు. అందువల్ల, మెజారిటీ జాతీయవాదానికి వ్యతిరేకంగా పోరాటం కేవలం నైతిక లేదా నైతిక విమర్శ కాదు. రాజ్యాంగ ప్రజాస్వామ్యంలో నేటికీ కొనసాగుతున్న సామాజిక లోపాలను సరిదిద్దడానికి కఠిన ప్రయత్నం అవసరం. కొందరిని అతి శక్తిమంతుల్ని చేసే ఘనత వహించిన జాతీయవాదంపై తద్వారానే పోరాడ వచ్చు. కానీ జాతీయవాదపు లౌకిక, ఉదారవాద విమర్శ మెజారిటీ జాతీయవాద సాంస్కృతిక అంశాలపై దృష్టి పెడుతోంది. అసలు జాడ్యాన్ని విడిచిపెట్టి, దాని లక్షణాలపై మాత్రం ఇలాంటి పోరాటం చేస్తే, అది స్వీయ ఓటమినే మిగులుస్తుంది. దానికి బదులు అటువంటి వక్రీకృత జాతీయవాద ప్రపంచ దృక్పథానికి జవజీవాలను అందించే సామాజిక, ఆర్థిక, సాంస్కృతిక దోష రేఖలకు వ్యతిరేకంగా నిరంతర పోరాటం సాగించడమే మార్గం. ప్రొ‘‘ కె నాగేశ్వర్‌ వ్యాసకర్త ప్రముఖ రాజకీయ, సామాజిక విశ్లేషకులు


  కర్నూలు(విద్య), న్యూస్‌లైన్:
  2013కు విద్యార్థులు ఘన వీడ్కోలు పలకలేని పరిస్థితి. అలాగే 2014 వస్తుందని సంబరాలు చేసుకోలేని దుస్థితి. అవిశ్రాంతంగా తరగతులు కొనసాగుతున్నాయి. సమైక్యాంధ్ర ఉద్యమం నేపథ్యంలో జిల్లాలో విద్యారంగం తీవ్ర ఒడిదుడుకులకు లోనైంది. పాఠశాల విద్య నుంచి యూనివర్సిటీ విద్యారంగం వరకు సిలబస్ తారుమారైంది. ఫలితంగా విద్యార్థులు తక్కువ కాలంలో ఎక్కువ సిలబస్ ఒంటబట్టించుకోవాల్సిన పరిస్థితి నెలకొంది. అయితే టెన్త్, ఇంటర్ ఫలితాలు ఆశాజనకంగా ఉన్నాయి. ప్రధానంగా పదో తరగతి పరీక్షా ఫలితాల్లో సాక్షి బుక్‌లెట్స్ ప్రధాన భూమిక పోషించాయని ఉపాధ్యాయులే ఒప్పుకుంటున్నారు. దీంతో ఈ ఏడాది డిసెంబర్ నుంచే పదో తరగతి విద్యార్థులకు సాక్షి బుక్‌లెట్స్‌ను పంపిణీ చేయడం ప్రారంభించింది. జాతీయ, రాష్ట్రస్థాయీ పోటీ పరీక్షల్లో విద్యార్థులు ఆశించినంత ర్యాంకులు సాధించలేదనే చెప్పాలి. ఢిల్లీ గణతంత్ర వేడుకల్లో పాల్గొనేందుకు స్థానిక ఎ.క్యాంపు మాంటిస్సోరి పాఠశాల విద్యార్థిని రుక్మిణి ఎంపికయ్యింది. ఈమె జాతీయ స్థాయి బెస్ట్‌కేడెట్‌గా ఎంపికై  రాష్ట్రం తరుఫున రిపబ్లిక్‌డే క్యాంపులో పాల్గొన్నారు. ఆగస్టు 22 నుంచి ఉపాధ్యాయులు సమ్మె చేయడంతో ప్రభుత్వ పాఠశాలల్లో దాదాపు నెలరోజుల పాటు పాఠశాలలు మూతపడ్డాయి. రాష్ట్రస్థాయి ఉత్తమ ఉపాధ్యాయునిగా సుబ్బారెడ్డి, జాతీయ స్థాయి ఉత్తమ ఉపాధ్యాయునిగా జయసింహారెడ్డి ఎంపిక కావడం విశేషం.
  
   పాఠశాల
   జిల్లా విద్యాశాఖాధికారిగా కె. నాగేశ్వరరావు మే 17వ తేదీన బాద్యతలు స్వీకరించారు. కార్యాలయ ఏడీలుగా శ్రీరాములు, యాదయ్య బాధ్యతలు తీసుకున్నారు.
  
   గత ఏడాది ఎస్‌ఎస్‌సీ ఫలితాల్లో జిల్లా 91.55 శాతం ఉత్తీర్ణత సాధించింది. రాష్ట్రంలో 7వ స్థానం సాధించడం విశేషం. జిల్లా కలెక్టర్ సుదర్శన్‌రెడ్డి, అప్పటి డీఈవో బుచ్చన్న తీసుకున్న ప్రత్యేక చర్యతో ఈ ఏడాది ఫలితాల శాతం పెరిగింది. ముఖ్యంగా జిల్లా పరిషత్, ప్రభుత్వ పాఠశాలల్లో విద్యార్థులు మెరుగైన ఫలితాలు సాధించారు.
  
   సమైక్యాంధ్ర  ఉద్యమ నేపథ్యంలో ఆగస్టు నుంచి అక్టోబర్ వరకు పాఠశాలలు సక్రమంగా నిర్వహించలేకపోయారు. దాదాపు నెలన్నర పాటు పాఠశాలలకు సెలవులు ప్రకటించాల్సి వచ్చింది. దీంతో విద్యాసంవత్సర క్యాలెండర్‌ను రాష్ట్ర ప్రభుత్వం సవరించాల్సి వచ్చింది. ఈ నేపథ్యంలో ప్రభుత్వ సెలవు దినాలతో పాటు ఆదివారాల్లోనూ పాఠశాలలు నిర్వహించాల్సి వచ్చింది. దీంతో అటు విద్యార్థులు, ఇటు ఉపాధ్యాయులు తీవ్ర మానసిక ఒత్తిడికి గురవుతున్నారు.
  
   విధులకు డుమ్మా కొట్టే ఉపాధ్యాయుల ఆటకట్టించేందుకు డీఈవో నాగేశ్వరరావు ప్రతిరోజూ పాఠశాలలను తనిఖీ చేసి చర్యలు తీసుకుంటున్నారు. అయినా కూడా కొందరు ఉపాధ్యాయుల తీరులో మార్పు రాలేదన్న విమర్శలు వ్యక్తం అవుతున్నాయి.
  
   మే నెలలో 4,887 మంది ఉపాధ్యాయులు బదిలీకి దరఖాస్తు చేసుకోగా వారిలో 1,113 మంది మాత్రమే బదిలీ అయ్యారు.
  
   పదోన్నతుల కోసం నకిలీ సర్టిఫికెట్లు సమర్పించిన 90 మంది ఉపాధ్యాయులపై క్రిమినల్ కేసులు నమోదయ్యాయి.
  
   ఈ ఏడాది జిల్లాలో ఎట్టకేలకు అసౌకర్యాల మధ్య మొదటి విడతలో 30 మోడల్ స్కూళ్లను విద్యాశాఖ ప్రారంభించింది. రెండో విడతలో మరో ఏడు మోడల్ స్కూళ్లు జిల్లాకు మంజూరయ్యాయి.
  
   జిల్లాలోని కేజీబీవీ స్కూళ్లలో 34 మంది స్పెషల్ ఆఫీసర్లను నియమించగా, అప్పటికే విధుల్లో ఉన్న వారు కోర్టుకు వెళ్లడంతో ప్రతి పాఠశాలలో ఇద్దరు అధికారులు విధులు నిర్వహిస్తున్నారు.
  
   ఓపెన్ స్కూల్ సొసైటీ ద్వారా ఈ ఏడాది సాక్షరభారత్ సహకారంతో ఓపెన్ బేసిక్ ఎడ్యుకేషన్ కార్యక్రమాన్ని ప్రారంభించారు. కొత్తగా జిల్లాలో 60 డీఎడ్ కళాశాలలు నెలకొల్పారు. అయితే వీటి అనుమతులకు సంబంధించి పలు అక్రమాలు జరిగినా అధికారులు చర్యలు తీసుకోలేదన్న విమర్శలు వ్యక్తం అయ్యాయి. ఒక్కో పోస్టును రూ.1.50 లక్షలకు అమ్ముకుంటున్నా పట్టించుకోవడం లేదన్న ఆరోపణలు వినిపించాయి.
  
  కళాశాల..
  ఆర్‌ఐవోగా పరమేశ్వరయ్య స్థానంలో కోడుమూరు ప్రభుత్వ జూనియర్ కళాశాల ప్రిన్సిపల్ సుబ్రహ్మణ్యేశ్వరరావు బాధ్యతలు తీసుకున్నారు. మే 16న తేదీన డీవీఈవోగా సాలాబాయి బాధ్యతలు చేపట్టారు.
   జంబ్లింగ్ పద్ధతిలో జరుగుతాయని భయపెట్టిన ఇంటర్ మీడియట్ ప్రాక్టికల్ పరీక్షలు యధావిధిగా పాత పద్ధతిలోనే  ఫిబ్రవరి 5న ప్రారంభమయ్యాయి.
  
   ఏప్రిల్ 26న ఫలితాలు విడుదలైన ఇంటర్ ఫలితాల్లో 65 శాతం మంది ఉత్తీర్ణత సాధించారు. గత ఏడాది కంటే 5 శాతం అధికంగా ఫలితాలు సాధించారు. 990 మార్కులతో సాయిప్రియాంక అనే విద్యార్థిని జిల్లా టాపర్‌గా నిలిచింది.  ప్రభుత్వ జూనియర్ వృత్తి విద్యాకళాశాలల్లో ప్రయోగశాలల వసతుల కల్పనకు రూ.42లక్షలు విడుదల చేశారు.
  
  ఉద్యమ నేపథ్యంలో వాయిదా పడుతూ వచ్చిన ఎంసెట్ కౌన్సెలింగ్ ప్రక్రియ ఎట్టకేలకు ఆగస్టు 21న ప్రారంభమైంది. రెండు, మూడు రోజుల పాటు అవాంతరాలు ఎదురైనా ప్రశాంతంగా ముగిసింది.
  
  విశ్వవిద్యాలయం
   రాయలసీమ యూనివర్సిటీ రిజిస్ట్రార్ పుల్లారెడ్డి స్థానంలో ఆచార్య ఎ. ఆనందాచారి నియమితులయ్యారు. మూడు నెలల పాటు విధులు నిర్వహించిన ఆయన వ్యక్తిగత కారణాలతో ఆ పదవి నుంచి తప్పుకున్నారు. దీంతో మరోసారి ప్రొఫెసర్ ఎన్‌టీకే నాయక్‌ను వరించింది. ప్రిన్సిపల్‌గా కొనసాగుతూనే ఆయన అదనపు బాధ్యతలుగా రిజిస్ట్రార్‌గా కొనసాగుతున్నారు.
  
   ఆర్‌యూలో నీటి సమస్య కారణంగా పీజీ తరగతులు 45 రోజుల పాటు ఆలస్యంగా ప్రారంభమయ్యాయి.
   ఈ ఏడాది కొత్తగా ఆర్‌యూలో యూజీ, పీజీ దూర విద్యను ప్రారంభించారు.  ఎట్టకేలకు యుజీసీ 12 బి బృందం వర్సిటీని సందర్శించి పలు విభాగాలను పరిశీలించింది.