డాబాగార్డెన్స్‌:నగరంలోని బురుజుపేటలో వెలసిన కనకమహలక్ష్మి అమ్మవారి ధర్మకర్తల మండలి సభ్యుల ప్రమాణ స్వీకారం మంగళవారం ఆలయ ప్రాంగణంలో జరిగింది. దేవాదాయ ధర్మాదాయ శాఖ ఉపకమిషనర్‌ ఎన్‌.వి.ఎస్‌.ఎన్‌.మూర్తి సభ్యులతో ప్రమాణ స్వీకారం చేయించారు. మండలి చైర్మన్‌గా వుప్పల భాస్కరరావును సభ్యులు ఏకగ్రీవంగా ఎన్నుకున్నారు.  ధర్మకర్తల మండలి సభ్యులుగా చిప్పాడ చంద్రరావు, పి.వి.గిరిధర్, పి.వెంకటరమణ, కదా భాస్కరరావు, ఓదూరు శివయ్య, రావి చలపతిరావు, విజయ్‌కుమార్, చీదరాల దుర్గాప్రసాద్‌తో పాటు ఎక్ష్‌అఫిషియో సభ్యుడిగా బందావన దేశికాచార్యుడుచే ప్రమాణం స్వీకారం చేయించారు.  ఈ కార్యక్రమంలో  మంత్రి గంటా శ్రీనివాసరావు, ఎమ్మెల్యే వాసుపల్లి గణేషకుమార్, బీజేపీ నగర అధ్యక్షుడు ఎం.నాగేంద్ర, విశాఖపట్నం పోర్టు ట్రస్టీ టి.సుబ్బరామిరెడ్డి, ఆలయ ఉప కలెక్టర్, ఈవో ఎస్‌.జ్యోతిమాధవి,ఆలయ ఉప కార్యనిర్వాహక ఇంజనీరు సీహెచ్‌వీ రమణ, సహాయ కార్యనిర్వాహణాధికార్లు వి.రాంబాబు, పి.రామారావు, సహాయ ఇంజనీరు కె.ఎస్‌.ఎన్‌.మూర్తి, పర్యవేక్షకులు ఎన్‌.వి.వి.ఎస్‌.ఎస్‌.ఏ.ఎన్‌.రాజు, సూర్యకుమారి పాల్గొన్నారు. 


 డాబాగార్డెన్స్‌: నగరంలోని బురుజుపేటలో వెలసిన కనకమహాలక్ష్మి అమ్మవారి దేవస్థానంలో గురువారం ‘అష్టదళ పద్మారాధన’ ఘనంగా నిర్వహించారు. ఉదయం 7 నుంచి 8 గంటల వరకు పూజ నిర్వమించారు. ప్రత్యేక పూజలో 12 మంది ఉభయదాతలు పాల్గొన్నారు. ఈ ప్రత్యేక పూజ ప్రతి గురువారం నిర్వహించనున్నట్టు ఆలయ ఈవో జ్యోతిమాధవి తెలిపారు. రూ.1,116లు చెల్లించిన యెడల వారి తరపున దంపతులను ఈ ప్రత్యేక పూజకు అనుమతించనున్నట్టు చెప్పారు. పూజకు కావల్సిన పూజా సామగ్రిని దేవస్థానమే అందజేస్తుందన్నారు. పూజలో పాల్గొన్న భక్తులకు అభిషేకం లడ్డు, చక్కెరపొంగలి, కండువా, జాకెట్టు ముక్క, అమ్మవారి లామినేషన్‌ ఫొటో అందజేయనున్నట్టు పేర్కొన్నారు.
 ఘనంగా శ్రావణలక్ష్మి పూజలు
 శ్రావణ లక్ష్మి పూజలు గురువారం రెండో రోజు ఘనంగా జరిగాయి. వేదమంత్రాలు, నాదస్వర సుస్వరాల మధ్య లక్ష్మి పూజలు చేశారు. శ్రావణలక్ష్మి పూజలో 100 మంది ఉభయదాతలు పాల్గొన్నారు. పోస్టు ద్వారా మరో నలుగురు భక్తుల పేరిట పూజ నిర్వహించి కుంకుమ, అమ్మవారి యంత్రం, ప్రసాదం పంపారు.