న్యూఢిల్లీ : ప్రముఖ బాలీవుడ్‌ టీవీ నటుడు కరణ్‌వీర్‌ బోహ్రా మరోసారి తన అభిమానులతో పాటు నెటిజన్లను కూడా ఆశ్చర్యంలో ముంచెత్తారు. అయితే అది నటనతో కాదు అర్థనగ్నంగా దిగిన తన ఫొటోలతో. అండర్‌ వేర్‌, షార్ట్‌తో బాత్‌రూంలో దిగిన ఆ ఫొటోలను బుధవారం తన ఇన్‌స్టాగ్రామ్‌లో షేర్‌ చేశారు. ‘‘ బట్టలు విప్పటానికి నేను మాల్దీవులు వెళ్లాల్సిన అవసరం లేదు. చాలా మంది అడుగుతుంటారు. ఓ నటుడిగా మీకు మంచి బాడీ ఉండాలి కదా.. సిక్స్‌ ప్యాక్స్‌ ఎందుకు లేవు.. కండలు తిరిగిన దేహం ఎందుకు లేదని. అందుకే ఇలా నా బాడీని చూపిస్తున్నాను’’ అని చెప్పుకొచ్చారు. బాడీని ఓ షేపులో ఉంచుకోవటానికి ఏం చేయాలో వివరించారు. ప్రస్తుతం ఈ పోస్టు సోషల్‌ మీడియాలో వైరల్‌గా మారింది. ఇప్పటివరకు 32వేల లైకులు, వందల కొద్ది కామెంట్లు సొంతం చేసుకుంది. చదవండి : హృతిక్‌ విచార గాధ మళ్లీ మొదలైంది: కంగనా View this post on Instagram A post shared by Karanvir Bohra (@karanvirbohra)

ముంబై: టీవీ నటుడు కుశాల్‌ పంజాబీ మరణవార్త హిందీ టెలివిజన్ పరిశ్రమలో విషాదం నింపింది. చిన్న వయస్సు(37)లోనే కుశాల్‌ హఠాన్మరణం చెందడంతో తోటి నటులు శోకసంద్రంలో మునిగిపోయారు. రియాలిటీ షో జోర్‌ కా జట్కాలో విజేతగా నిలిచి అందరి దృష్టిని ఆకర్షించిన కుశాల్‌.. టీవీ నటుడిగా గుర్తింపు పొందాడు. ఫియర్‌ ఫాక్టర్‌, నౌటికా నావిగేటర్స్‌ ఛాలెంజ్‌, ఝలక్‌ దిఖ్లా జా వంటి రియాలిటీ షోల్లో పాల్గొని అభిమానులను సంపాదించుకున్నాడు. అంతేగాకుండా ఫర్హాన్‌ అక్తర్‌ లక్ష్యా, కరణ్‌ జోహార్‌ కాల్‌ సినిమాలతో బాలీవుడ్‌ ప్రేక్షకులను అలరించాడు. కాగా టీవీ నటుడు కరణ్‌ వీర్‌ బోహ్రా కుశాల్‌ మరణం పట్ల తీవ్ర విచారం వ్యక్తం చేశాడు. ‘నువ్వు ఈ లోకంలో లేవంటే ఇంకా నమ్మలేకపోతున్నాను. అయితే నువ్వు ఎక్కడున్నా సంతోషంగా ఉండాలి.. ఉంటావు కూడా. కానీ ఇది మాటలకు అందని విషాదం. నీ జీవితం నాకు ఆదర్శప్రాయం. డ్యాన్సింగ్‌ స్టార్‌గా, ఫిట్‌నెస్‌ కలిగిన వ్యక్తిగా.. గొప్ప తండ్రిగా ఎప్పటికీ గుర్తుండిపోతావు. మిస్‌ యూ అని కుశాల్‌ ఫొటోలను సోషల్‌ మీడియాలో షేర్‌ చేశాడు. కరణ్‌ పోస్టుతో అతడి మరణ వార్తను తెలుసుకున్న సెలబ్రిటీలు షాక్‌కు గురవుతున్నారు. ‘ఇది అబద్ధం అయితే బాగుండు. తను ఎక్కడున్నా ప్రశాంతంగా ఉండాలి’ అంటూ సానుభూతి వ్యక్తం చేస్తున్నారు. కాగా కుశాల్‌ ఆకస్మిక మృతికి గల కారణాలు తెలియరాలేదు. అతడికి భార్య, కుమారుడు ఉన్నారు. Ur demise has shocked the hell out of me.I'm still in denial @PunjabiKushal I know you are in a happier place,but this is unfathomable. You really inspired me with the way you saw life, but what was I to know. I will always remember u as a #dancingdaddy #fit & a #lifeenthusiast pic.twitter.com/qv31QMH8C8 — Karanvir Bohra 🇮🇳 (@KVBohra) December 26, 2019

ప్రముఖ రియాలిటీ షోలు రోడీస్‌, స్ల్పిట్స్‌విల్లాల రూపకర్త, ప్రొడ్యూసర్‌ రఘురాం తన గర్ల్‌ఫ్రెండ్‌ నటాలియో డి లూసీతో ఎంగేజ్‌మెంట్‌ చేసుకున్నారు. టొరంటోలో అతి కొద్దిమంది సన్నిహితుల సమక్షంలో జరిగిన వీరి నిశ్చితార్థ వేడుకకు టీవీ నటుడు కరణ్‌వీర్‌ బోహ్రాతో పాటు అతడి భార్య తీజాయ్‌ కూడా హాజరయ్యారు. రఘురాం, నటాలియోతో కలిసి ఉన్న ఫొటోలను షేర్‌ చేసిన తీజాయ్‌..‘ మేము ఈ రోజు టొరంటోలో ఉండటానికి ఓ ప్రత్యేక కారణం ఉంది. మాకెంతో ప్రియమైన స్నేహితుల కోసం ఇక్కడికి వచ్చాం. రఘు.. చాలా స్వీట్‌, ఇంటెలిజెంట్‌ పర్సన్‌. అన్ని రకాల సంతోషాలు పొందడానికి నువ్వు మాత్రమే అర్హుడివి. మీ ఇద్దరి(రఘు, నటాలియో)ని చూస్తుంటే ముచ్చటేస్తోంది. కెనడియన్‌ అమ్మాయిలు ఎప్పుడూ ప్రత్యేకమే కదా’ అంటూ క్యాప్షన్‌ జత చేశారు. ఎమ్‌టీవీ రియాలిటీ షోల ద్వారా గుర్తింపు పొందిన రఘురాం 2006లో నటి సుగంధ గార్గ్‌ను పెళ్లి చేసుకున్నారు. ఈ ఏడాది ప్రారంభంలో సుగంధతో విడాకులు తీసుకున్న రఘురాం.. గత కొంత కాలంగా కెనడియన్‌ సింగర్‌ నటాలియోతో రిలేషన్‌షిప్‌లో ఉన్నట్లు వార్తలు వచ్చిన విషయం తెలిసిందే. The main reason we were in Toronto - to see two of our dearest friends get engaged. :) Raghu - You have always been one of the people I love most - so sweet, so kind, so intelligent, and so funny (especially at 8am!!) 😄 If anyone deserves happiness, it's you and I'm so glad you found it with Natalie. (Aren't Canadians awesome?) ;) You guys are so great together! 😍 Biggest hug ever to you.. ❤ @instaraghu @nataliediluccio A post shared by Teejay Sidhu (@bombaysunshine) on Aug 4, 2018 at 11:40am PDT


  ‘ముంబై 125 కి.మీ.. ఈ లోపు ఏం జరిగింది?’ ఆనే ఆసక్తికరమైన కథాంశంతో తెరకెక్కుతోన్న హారర్ చిత్రం ‘ముంబై 125 కి.మీ’. వీణామాలిక్, కరణ్‌వీర్ బోరా జంటగా నటించారు. ప్రముఖ సంగీత దర్శకుడు మణిశర్మతో కలిసి హేమంత్ మధుకర్ స్వీయ దర్శకత్వంలో  ఈ చిత్రాన్ని నిర్మిస్తున్నారు. టాప్ మ్యూజిక్ డెరైక్టర్‌గా ఖ్యాతిగాంచిన మణిశర్మ ఈ చిత్రం ద్వారా నిర్మాతగా మారడం విశేషం. ప్రస్తుతం ఈ సినిమా నిర్మాణానంతర కార్యక్రమాలు జరుపుకుంటోంది.
  
   సెప్టెంబర్ 26న హిందీ, తెలుగు, తమిళ భాషల్లో ఈ చిత్రాన్ని విడుదల చేయడానికి నిర్మాతలు సన్నాహాలు చేస్తున్నారు. హేమంత్ మధుకర్ మాట్లాడుతూ- ‘‘మణిశర్మ నేపథ్య సంగీతం ఈ చిత్రానికి హైలైట్. ఆగస్ట్‌లో ఆడియోను విడుదల చేస్తాం’’ అని తెలిపారు. భారతదేశంలో తొలిసారిగా రియల్ 3డి, డాల్ఫీ అత్మోస్ సౌండ్ టెక్నాలజీతో తెరకెక్కుతోన్న చిత్రమిదని మణిశర్మ చెప్పారు. ప్రతాప్‌సింగ్, అపర్ణ బాజ్‌పాయ్ తదితరులు ఇందులో ఇతర పాత్రధారులు.