మురళీకృష్ణ, భానుశ్రీ, ఐశ్వర్య ప్రధాన పాత్రల్లో లాస్ ఏంజిల్స్ టాకీస్ పతాకంపై కిషన్ సాగర్ దర్శకత్వంలో అల్లూరి సూర్య ప్రసాద్ నిర్మించిన చిత్రం ‘మౌనం’. ప్రస్తుతం నిర్మాణానంతర కార్యక్రమాలు జరుపుకుంటోన్న ఈ చిత్రం గురించి దర్శకుడు మాట్లాడుతూ- ‘‘ఇదొక డిఫరెంట్ హారర్ మూవీ. దైవానికి, దెయ్యానికి మధ్య ఉన్న తేడాను ఇందులో చూపిస్తున్నాం’’ అని చెప్పారు. ఈ చిత్రానికి సంగీతం: ఎంఎం శ్రీలేఖ, ఎగ్జిక్యూటివ్ నిర్మాత: బలుసు రామారావు, కెమేరా: కిషన్ సాగర్ ఎస్, సమర్పణ: సంధ్యా మోషన్ పిక్చర్స్.


 డిఫరెంట్ జానర్‌లో సాగే సైంటిఫిక్ థ్రిల్లర్‌గా తెరకెక్కిన చిత్రం ‘మౌనం’.  మురళీకృష్ణ, భానుశ్రీ ముఖ్యతారలుగా కిషన్ సాగర్ దర్శకత్వంలో అల్లూరి సూర్యప్రసాద్, సంధ్యా రవి నిర్మించిన ఈ చిత్రం టాకీ పార్ట్ పూర్తి చేసుకుంది. నిర్మాతలు మాట్లాడుతూ-‘‘ఈ చిత్రానికి శ్రీలేఖ మంచి పాటలతో పాటు చక్కని బ్యాక్‌గ్రౌండ్ స్కోర్ కూడా ఇచ్చారు. తప్పకుండా అందరికీ నచ్చే సినిమా అవుతుంది. త్వరలో కొలంబోలో పాటలను చిత్రీకరించనున్నాం’’ అని తెలిపారు, ఈ చిత్రానికి కథ: అనిల్.కె.నాని, కథనం-మాటలు-కూర్పు: శివ శర్వాణి, ఎగ్జిక్యూటివ్ నిర్మాత: బలుసు రామారావు.
  


 నిశ్శబ్దం ఎంత భయంకరంగా ఉంటుందో... హారర్ చిత్రాలు చూస్తే తెలుస్తుంది. ఇప్పుడు ‘మౌనం’ పేరుతో ఓ సినిమా రానుంది. మురళీకృష్ణ, భాను ముఖ్య పాత్రల్లో సంధ్య మోషన్ పిక్చర్స్ సమర్పణలో కిషన్ సాగర్ దర్శకత్వంలో అల్లూరి ప్రసాద్ నిర్మించనున్న చిత్రం ‘మౌనం’. ఈ చిత్రం బుధవారం నాడు హైదరాబాద్‌లో ప్రారంభమైంది. ముహూర్తపు సన్నివేశానికి  ‘శ్రీమిత్ర’ చౌదరి కెమెరా స్విచ్చాన్ చేయగా, హీరో శ్రీకాంత్ క్లాప్ కొట్టారు. దర్శకుడు ముప్పలనేని శివ గౌరవ దర్శకత్వం వహించారు. నిర్మాత లు మాట్లాడుతూ- ‘‘నేటి నుంచి ఈ సినిమా రె గ్యులర్ షూటింగ్ ప్రారంభమవుతుంది.  అక్టో బర్ ఆఖరుకు సినిమా పూర్తిచేస్తాం’’అని తెలిపారు. ఈ చిత్రానికి సంగీతం: ఎం.ఎం. శ్రీలేఖ, కథ: అనిల్ కె. నాని.