వడోదర: కాంగ్రెస్‌ పార్టీ ఉపాధ్యక్షుడు రాహుల్‌ గాంధీ చిక్కుల్లో పడ్డారు. నవసర్జన్‌ మూడు రోజుల యాత్రలో భాగంగా గుజరాత్‌లోని ఛోటా ఉదయ్‌పూర్‌ జిల్లాలో దర్బార్‌ హాల్‌లో గిరిజన విద్యార్థుల సమావేశానికి హాజరైన రాహుల్‌.. పొరపాటున పురుషుల వాష్‌రూమ్‌కు బదులుగా మహిళలకు కేటాయించిన వాష్‌రూమ్‌లోకి వెళ్లారు. రాహుల్‌ మహిళల వాష్‌రూమ్‌ నుంచి బయటకొస్తున్న వీడియో ఆన్‌లైన్‌లో చక్కర్లు కొడుతోంది. భద్రతా సిబ్బందితో పాటు రాహుల్‌ గుజరాతీలో ‘మహిళో మాతే సౌచాలయ్‌’(మహిళల వాష్‌రూమ్‌) అని ఉన్న బోర్డును అర్థం చేసుకోలేకపోవడం వల్లే ఈ ఘటన జరిగి ఉండొచ్చని స్థానికులు తెలిపారు.  రాహుల్‌ మహిళల వాష్‌రూమ్‌ పక్కనుంచి వెళ్లారే తప్ప అందులోకి ప్రవేశించలేదని రాష్ట్ర కాంగ్రెస్‌ అధికార ప్రతినిధి మనీశ్‌ దోసీ స్పష్టం చేశారు. రాహుల్‌ పర్యటనకు గుజరాత్‌ ప్రజలు బ్రహ్మరథం పడుతుంటే తట్టుకోలేని బీజేపీ కుట్ర పన్నుతోందని విమర్శించారు. కేవలం రాహుల్‌ కాకుండా పలువురు కాంగ్రెస్‌ సీనియర్‌ నేతలు మహిళల వాష్‌రూమ్‌లోకి వెళ్లారనిస్థానికులు చెప్పారు. కాగా, కాంగ్రెస్‌ జాతీయ అధ్యక్షుడిగా రాహుల్‌ని నియామకంపై ఉత్తరప్రదేశ్‌ కాంగ్రెస్‌ కమిటీ(యూపీసీసీ) ఏకగీవ్ర తీర్మానం చేసింది.


 దుబాయ్: మహిళల వాష్ రూములోకి తొంగిచూసిన నేరంలో దుబాయ్ లో 26 ఏళ్ల భారతీయ కార్మికుడొకరు జైలు పాలయ్యాడు. నేరం రుజువు కావడవంతో నిందితుడికి కోర్టు మూడు నెలల జైలు శిక్ష విధించింది. శిక్ష పూర్తైన తర్వాత తమ దేశం విడిచి వెళ్లాలని న్యాయస్థానం ఆదేశించింది.
 
 ఓ మసీదులోని మహిళల వాష్ రూములోకి తొంగిచూస్తూ పట్టుబడడంతో అతడపై కేసు నమోదైంది. గోడ వెనుకవైపున ఉన్న చిన్న గదిలో నుంచి వాష్ రూములోని తమను గమనిస్తున్నాడని ఓ మహిళ ఇచ్చిన ఫిర్యాదు చేయడంతో ఈ ఉదంతం వెలుగులోకి వచ్చిందని 'ఖలీల్ టైమ్స్' తెలిపింది. మొదటి తప్పుగా పరిగణించి మూడు నెలల జైలు శిక్ష  విధించినట్టు కోర్టు పేర్కొంది.