నల్లగొండ అర్బన్ : ప్రయాణికులను ఆకట్టుకోవడానికి, ఇతర వాహనాలను ఆశ్రయించకుండా ఆక్యుపెన్సీ రేషియో (ఓఆర్) పెంచుకునేం దుకు ఆర్టీసీ బస్సుల్లో ప్రవేశపెట్టిన ఆడియో సిస్టమ్ల్, ఎల్‌సీడీ టీవీల సౌకర్యం అనతికాలంలోనే అటకెక్కింది. ప్రయాణంలో వినో దం అందిస్తామని ఊదరగొట్టినా అదంతా ప్రచార ఆర్భాటంగా మిగిలిపోయింది. ప్రైవేటు ఆపరేటర్లకు దీటుగా సేవలు అందించాలని భావించిన ఆర్టీసీ  యాజమాన్యం ఆ దిశగా ప్రయాణికులకు పలు పథకాలు, రాయితీలు ఇస్తే చాలదనే యోచనతో ఆధునిక, సౌకర్యవంతమైన ప్రయాణానికి బస్సుల్లో ఎల్‌సీడీ టీవీలతో వినో దం అందించే ఏర్పాటు చేశారు. రెండేళ్ల క్రితం నల్లగొండ రీజియన్‌లోని 16 బస్సుల్లో ఎల్‌సీడీ టీవీ లను అమర్చారు. మిర్యాలగూడ డిపోకు చెందిన 12 లగ్జరీ, నల్లగొండకు చెందిన 4 బస్సుల్లో ప్ర యోగాత్మకంగా ఏర్పాటు చేశారు. కొద్ది రోజుల్లోనే అన్ని డిపోల్లోని మిగతా బస్సుల్లో కూడా ఏర్పాటు చేస్తామన్నారు. కొన్నాళ్ల పాటు నడిపి వెనక్కి తగ్గారు. అదేమంటే తక్కువ దూరం ప్రయాణానికి ఇవి ఏ మాత్రం ఉపయోగకరం కావని తేల్చేశారు. ప్రయాణికుల్ని ఆకట్టుకునేందుకు టీవీలకు బదులుగా ఆడియో సిస్టమ్‌లు ఏర్పాటు చేస్తామని ప్రకటించినా ఆ ఊసే లేకుండా పోయింది.
  
  ఏవీ ఆడియో సేవలు...?
  బస్సులు ఆదాయ మార్గంగానే కాకుండా ప్రజలకు విసుగెత్తని ప్రయాణం అందించి ఆకట్టుకోవాలని ఆరాటపడిన ఆర్టీసీ వారు బస్సుల్లో ఆడియో సిస్టమ్‌లను ఏర్పాటు చేస్తామని చెప్పారు. ఆడియో పాటలు మోగిస్తూ రయ్‌మంటూ దూసుకెళ్లే ఆటోలకు దీటుగా బస్సుల్లో ఆడియో సిస్టమ్ ద్వారా ప్రయాణికులకు పాటలు వినిపించే అవకాశాన్ని కొన్నేళ్ల క్రితం అమల్లోకి తెచ్చినా కొద్దిరోజుల్లోనే మూగబోయింది. సీడీలు, పెన్‌డ్రైవ్‌లతో పాటలు వినిపిం చినా ఆ తర్వాత కొనసాగించడంలో విఫలం చెందారు.
  
  ప్రైవేట్ ట్రావెల్స్‌లో...
  దగ్గర, దూరం అనే తేడా లేకుండా ప్రైవేటు ట్రావెల్స్ వారు కొన్ని బస్సుల్లో ఎల్‌సిడీ టీవీలద్వారా సినిమాలు, మరికొన్ని బస్సుల్లో ఆడియో సిస్టమ్‌ల ద్వారా పాటలు వినిపిస్తూ ప్రయాణికుల్ని ఆకర్శిస్తుండగా ఆర్టీసీ వారు మాత్రం పాతపోకడలనే అవలంభిస్తున్నారు. పెరిగిన సాంకేతికను వినియోగించుకునే పరిస్థితుల్లో లేరు. బస్సుల్లో ఎల్‌సీడీ టీవీల ఏర్పాటు చేస్తె వినోద కార్యక్రమాలతో పాటు, ప్రయాణి సమాచారం, ప్రకటనలతో ఆదాయం కూడా పెరిగే అవకాశాలుం టాయి. కానీ నిర్వహణ లోపాలతో కుంటిసాకులు చెబుతూ మసకబార్చారు. ప్రైవేటు రంగంలో ట్రావెల్స్ బస్సుల్లో అమలు చేయగలిగే సౌకర్యాలను దేశంలోనే అతిపెద్ద ప్రజారంజకమైన ప్రభుత్వరంగ సంస్థగా పేరొందిన ఆర్టీసీ వారు మాత్రం తీర్చలేకపోతున్నారు.
  


 
  ఇంట్లో టీవీ లేనిదే ఇప్పుడు ఎవరికీ పొద్దు పోదు.. ఇదో నిత్యావసరంగా మారిపోయింది. ఒకప్పుడు భారీ పరిమాణంలో ఉండే టీవీలు ఇప్పుడు చిక్కిపోయి అతి సన్నటి ఎల్‌ఈడీలుగా మారిపోయా యి. వాటిలోనూ కొత్తదనం, నాణ్యత, సాంకేతికతను నగరవాసులు కోరుకుంటున్నారు. స్మార్ట్ ఫోన్ల మాదిరిగా స్మార్ట్ టీవీలు సందడి చేస్తున్నాయి. చేతి సైగల నూ అర్థం చేసుకోగలిగే మోషన్ టీవీలు అందుబాటులోకి వచ్చాయి.
 
  
 
  న్యూఢిల్లీ: ప్రస్తుత ఆధునిక ప్రపంచంలో ఎప్పటికప్పుడు కొత్తగా మార్కెట్‌లోకి వస్తున్న పరికరాలను కొనుగోలు చేసేందుకు నగరవాసులు ఆసక్తి కనబరుస్తున్నారు. రోజురోజుకూ అభివృద్ధి చెందుతున్న సాంకేతిక పరిజ్ఞానానికి అనుగుణంగా మార్కెట్‌లోకి వస్తున్న ఎలక్ట్రానిక్ వస్తువులు విశేషంగా ఆకట్టుకుంటున్నాయి. కలర్ టీవీల స్థానంలో వచ్చిన ఎల్‌సీడీలు ఇప్పుడు పాతవైపోయాయి. వాటి స్థానంలో వచ్చిన ఎల్‌ఈడీలు, త్రీడీ ఎఫెక్ట్ టీవీలు రాజ్యమేలుతున్నాయి. సామాన్యుల ఇళ్లలో కలర్ టీవీలు ఉంటేనే గొప్పగా భావించే కాలం నుంచి ఎల్‌సీడీ, ఎల్‌ఈడీల వాడకం కూడా సాధారణమయ్యే పరిస్థితి వచ్చేసింది. ఆర్థికంగా ఉన్న వారు ఎల్‌ఈడీలు అందులో స్మార్ట్ టీవీలు కొనుగోలు చేసేందుకు ఉత్సాహం చూపుతున్నారు. నూతనంగా నిర్మిస్తున్న భవనాల్లో 32, 42 అంగుళాల టీవీలను ముందుగానే ఏర్పాటుచేసుకుంటున్నారు. పాత టీవీలను అమ్మేసి కొత్త ఎల్‌ఈడీ, స్మార్ట్ టీవీలు కొనుగోలు చేసే వారి సంఖ్య ఇటీవలి కాలంలో బాగా పెరిగింది.
 
  
 
  ఎల్‌సీడీల స్థానంలో ఎల్‌ఈడీలు
 
  పిక్చర్ ట్యూబ్ టీవీల స్థానంలో వచ్చిన లిక్విడ్ క్రిస్టల్ డిస్‌ప్లే(ఎల్‌సీడీ) టీవీలు ఒకప్పుడు సందడి చేశాయి. బొమ్మలో స్పష్టత, కంటిపై ప్రభావం పెద్దగా ఉండకపోవడం, తక్కువ స్థలంలో పెట్టుకునే వెసులుబాటు, అందంగా కనిపించడం ఇలా ఎన్నో ఫీచర్లు ఉండడంతో అన్ని వర్గాల వారు మొగ్గు చూపారు. సాంకేతిక పరిజ్ఞానం పెరగడంతో ఎల్‌సీడీ స్థానంలో లైట్ ఎమిటింగ్ డియోడ్(ఎల్‌ఈడీ) టీవీలు వచ్చాయి. వీటిలో అత్యంత స్పష్టతతో కూడిన దృశ్యాలు, నాణ్యమైన సౌండ్ వంటి సదుపాయాలు వినియోగదారులను విశేషంగా ఆకట్టుకుంటున్నాయి.
 
  
 
  కొత్త కొత్త మోడళ్లు
 
  ఒకప్పుడు కలర్ టీవీకి వెచ్చించిన డబ్బుతో ఇప్పుడు ఎల్‌ఈడీ టీవీలను కొనుగోలు చేసుకునే అవకాశం వచ్చింది. ప్రస్తుతం మార్కెట్‌లో 22 నుంచి 42 అంగుళాల ఎల్‌ఈడీ టీవీలు రూ.12వేల నుంచి రూ.80వేల మధ్యలో లభ్యమవుతున్నాయి. ఇవే కాకుండా ఎల్‌జీ కంపెనీ 72 అంగుళాల ఎల్‌ఈడీ టీవీని అందుబాటులోకి తీసుకొచ్చింది. ఈ టీవీ ధర సుమారుగా రూ.7లక్షల వరకు ఉందని చెబుతున్నారు. అలాగే, సోనీ కంపెనీ తీసుకొచ్చిన 4కే టీవీలో కంప్యూటర్‌లో ఉండే అన్ని ఆప్షన్లు ఉన్నాయి. ఇంటర్నెట్ ద్వారా ప్రతి రోజు చాటింగ్ చేసే వారు ఇలాంటి టీవీలు కొనుగోలు చేసేందుకు ఎక్కువగా ఇష్టపడుతున్నారు. బ్లూటూత్, యూఎస్‌బీ సపోర్ట్ వంటి ఆప్షన్లు ఉండే వాటిని ఎక్కువ మంది కోరుకుంటున్నారు.
 
  
 
  మోషన్ కంట్రోల్ టీవీలదే భవిష్యత్తు..
 
  ఎల్‌ఈడీ టీవీల్లో ఇంటర్నెట్ ఆప్షన్లతో పాటు త్రీడీ ఎఫెక్ట్, హైడెఫినేషన్(హెచ్‌డీ) క్లారిటీ అందరినీ ఆకట్టుకుంటున్నాయి. మరింత అడ్వాన్స్‌గా సామ్‌సంగ్ కంపెనీ మోషన్ కంట్రోల్ పేరిట కొత్త టీవీని మార్కెట్‌లో ప్రవేశపెట్టింది. ఈ టీవీకి ఉన్న ఇన్‌బిల్ట్ కెమెరా ముందు నిలబడి చేతి సైగలతోనే టీవీని ఆపరేట్ చేయవచ్చు. ఇన్‌బిల్ట్ కెమెరా ఉన్న 46 అంగుళాల టీవీ రూ.1.45 లక్షలు, కెమెరా లేని మోడల్ 32 అంగుళాల టీవీ రూ.43,500లో ఉంది.