లాస్ ఏంజెలెస్: ప్రత్యక్ష ప్రసారంలో అమెరికా టీవీ యాంకర్ లిబర్టె చాన్ చేసిన ఓవర్ యాక్షన్ పై విమర్శలు వెల్లువెత్తాయి. వాతావరణ వార్తలు చదువుతూ మధ్యలో ఆమె చేసిన కొంటె పనిపై సోషల్ మీడియాలో భారీగానెగెటివ్ కామెంట్స్ వచ్చాయి. శనివారం లాస్ ఏంజెలెస్ కేటీఎల్ఏ టీవీ స్టేషన్ లో ఉదయం 8 గంటలకు వాతావరణానికి సంబంధించిన వివరాలు చూపుతూ... 'బాగా చలిగా ఉంది' అంటూ కోటు(కార్డిగాన్) తొడుక్కుంది. కెమెరా కుడివైపు నుంచి అందించిన కోటును ప్రత్యక్ష ప్రసారంలో వేసుకుని అందరినీ ఆశ్చర్య పరిచింది.
 
 చాన్ విన్యాసంపై సోషల్ మీడియాలో విమర్శలు వెల్లువెత్తాయి. లైవ్ ప్రసారంలో ఓవర్ యాక్షన్ అవసరమా అంటూ మండిపడ్డారు. ఆమె వేస్తుకున్న బ్లాక్ డ్రెస్ మీద కూడా విమర్శలు వచ్చాయి. అయితే తానేమీ తప్పు చేయలేదని, సరదా కోసమే అలా చేశానని ఫేస్ బుక్ లైవ్ చాటింగ్ లో చాన్ తెలిపింది. ఇందులో 'సెక్సిస్ట్' విన్యాసం లేదని స్పష్టం చేసింది. న్యూస్ మధ్యలో స్వెటర్ తొడుక్కోమని టీవీ ప్రొడ్యూసర్ చెప్పలేదని, సహ వ్యాఖ్యాతతో కలిసి ఇలా చేశానని వెల్లడించింది. అయితే విమర్శలు ఎక్కువ కావడంతో ఆమె క్షమాపణ చెప్పింది.


 టీవీల్లో వార్తలు చదివేవాళ్లు ఎప్పుడూ నల్లకోటే వేసుకుంటారెందుకు?  సాధారణ దుస్తులు ధరిస్తే ఏమవుతుంది? అనే ప్రశ్నలకు జవాబులు చెప్పుకునేముందు నల్లకోటు వేసుకోకపోవడం వల్ల ఓ యాంకరమ్మ పడ్డ పాట్లేంటో చూద్దాం..
 
 లాస్ ఏంజిల్స్ కేంద్రంగా నడిచే కేటీఎల్ఏ 5 అనే న్యూస్ ఛానెల్లో వాతావరణ వార్తలు చదివే లిబర్టే చాన్ అనే యాంకర్.. నల్లకోటు లేకుండా ఇంటినుంచే వేసుకొచ్చిన తెల్లగౌనులోనే వార్తలు చదివేందుకు సిద్ధమైంది. గ్రీన్ మ్యాట్ ముందు నించొని, ఏయే నగరాల్లో ఎంతెంత ఉష్ణోగ్రతలు నమోదయ్యాయో చదివేప్రయత్నం చేసింది. అయితే ఔట్ పుట్ వీడియోలో పట్టణాల తాలూకు టెంపరేచర్లు ఆమె దుస్తులపై పడి, శరీరకొలతలను చూపుతోందా!? అన్నట్లు ఛాతి, నడుం, కిందిభాగాల్లో నంబర్లు కనిపించాయి. విషయాన్ని గమనించిన కెమెరామెన్.. పరుగున వెళ్లి నలుపు రంగు కోటును అందించాడు. ఎడిటింగ్ లో కట్ చేశారుగానీ ఆ వీడియో అలానే ప్రసారమయ్యేదుంటే నా పరువు పోయేదేనని యాంకరమ్మ చెప్పింది. రెండు రోజుల కింద జరిగిన ఈ తంతంగాన్ని తన ఫేస్ బుక్ లో పోస్ట్ చేశాడు కెమెరామన్.
 
 యాంకర్లు నల్లకోట్లు వేసుకుంటే తప్ప వాళ్ల వెనకుండే గ్రీన్ మ్యాట్ లో దృశ్యాలను ఎఫెక్టివ్ గా ప్రసారం కావు. లైటింగ్. ఎడిటింగ్ సాఫ్ట్ వేర్ ల ప్రాధాన్యంతో నడిచే  గ్రీన్ మ్యాట్ మీద షూటింగ్ చేస్తున్నప్పుడు చాలా జాగ్రత్తలు తీసుకుంటారు. నీడ(షాడో) లు రాకుండా చూసుకోవటం, లైటింగ్ సెట్ చేసాక సాఫ్ట్ వేర్ ను మరోసారి పరిశీలించడం వంటి జాగ్రలు పాటిస్తారు. గ్రీన్ లేదా బ్లూ మ్యాట్ లో దృశ్యాలు ప్రసారం చేసేటప్పుడు డోబ్ ఆఫ్టర్ ఎఫెక్ట్స్ , ఫైనల్ కట్ ప్రో సాఫ్ట్ వేర్ లను వినియోగిస్తారు. చిన్నచిన్న మార్పులతో టీవీ ప్రసారాలు, సినిమా షూటింగ్ లకు వాడేది ఈ సాఫ్ట్ వేర్లే. దీని పనితీరు కూడా లైటింగ్ మీదే ఆధారపడి ఉంటుంది. కాబట్టే ఇబ్బందులు తలెత్తకుండా న్యూస్ రీడర్లు నల్లకోట్లు ధరిస్తారు.