న్యూఢిల్లీ: మ్యాక్స్‌లైఫ్‌ ఇన్సూరెన్స్‌ కంపెనీ, క్యాపిటల్‌ స్మాల్‌ ఫైనాన్స్‌ బ్యాంక్‌ (ఎస్‌ఎఫ్‌బీ) భాగస్వామ్యం కుదుర్చుకున్నాయి. క్యాపిటల్‌ స్మాల్‌ ఫైనాన్స్‌ బ్యాంక్‌ కస్టమర్లకు మ్యాక్స్‌ లైఫ్‌ ఇన్సూరెన్స్‌ ఉత్పత్తులను ఆఫర్‌ చేయనుంది. మ్యాక్స్‌ లైఫ్‌ ఇన్సూరెన్స్‌కు చెందిన సేవింగ్స్‌ ప్లాన్లు, ప్రొటెక్షన్‌ ప్లాన్లు, గ్రూప్‌ లైఫ్‌ ఇన్సూరెన్స్‌ పాలసీలను క్యాపిటల్‌ స్మాల్‌ ఫైనాన్స్‌ బ్యాంక్‌ తన కస్టమర్లకు అందించనుంది. దీనివల్ల ఇరు సంస్థలకూ వ్యాపార అవకాశాలు పెరగనున్నాయి.


 – డీఐజీ రమణ్‌కుమార్‌
  
 కర్నూలు (ఓల్డ్‌సిటీ): ప్రతి మహిళ జీవిత ప్రణాళిక అలవాటు చేసుకోవాలని కర్నూలు రేంజ్‌ డీఐజీ రమణ్‌కుమార్‌ సూచించారు. మంగళవారం స్థానిక ధనలక్ష్మీనగర్‌లోని సిండ్‌ గ్రామీణ స్వయం ఉపాధి శిక్షణా సంస్థను సందర్శించి, టైలరింగ్‌లో ఉచితంగా శిక్షణ పొందుతున్న మహిళలతో సమావేశమయ్యారు. ఈ సందర్భంగా డీఐజీ మాట్లాడుతూ మహిళలు స్వయం ఉపాధి ద్వారా అంచెలంచెలుగా ఉన్నత స్థాయికి చేరుకోవాలని ఆకాంక్షించారు. అభివృద్ధి చెందాలంటే మంచి అలవాట్లు, మంచి ఆలోచనా స్వభావం, సమయ పాలన పాటించాలని సూచించారు. అనంతరం సంస్థ డైరెక్టర్‌ డాక్టర్‌ రాధశ్రీ ప్రసాద్‌ అతిథిని ఘనంగా సత్కరించారు. కార్యక్రమంలో సిబ్బంది వెంకటేశ్వర్లు, రమేశ్‌ తదితరులు పాల్గొన్నారు.