ఒంగోలు : ప్రకాశం జిల్లా కంభం మండలం లింగోజిపల్లిలో శుక్రవారం అర్థరాత్రి ఆగంతకులు కలకలం సృష్టించారు. అనుమానాస్పదంగా తిరుగుతున్న ఐదుగురు వ్యక్తులను గుర్తించి... గ్రామస్తులు వెంబడించారు. దీంతో వారికి చిక్కకుండా పరారైయ్యారు.  వారున్న ప్రాంతంలో తుపాకీ, కత్తితోపాటు మందుగుండు సామాగ్రిని గ్రామస్తులు గుర్తించారు.
 అనంతరం కంభం పోలీసులకు గ్రామస్తులు ఫిర్యాదు చేశారు. తుపాకీ, కత్తితోపాటు మందుగుండు సామాగ్రిని పోలీసులు స్వాధీనం చేసుకున్నారు. పోలీసులు కేసు నమోదు చేసి దర్యాప్తు చేస్తున్నారు.