సాక్షి, విశాఖపట్నం : శ్రీ శారద పీఠాధిపతి స్వరూపానందేంద్ర సరస్వతి , స్వాత్మానందేంద్ర సరస్వతి స్వామీజీలు గురువారం సింహాచలంలోని వరాహలక్ష్మీ నరసింహస్వామిని దర్శించుకొన్నారు. ఈ సందర్భంగా దేవస్థానం కార్యనిర్వాహణ అధికారి వెంకటేశ్వర్‌ రావు పీఠాధిపతులకు ఘన స్వాగతం పలికారు. అనంతరం స్వామిలిద్దరు కలిసి అర్చకుల సమక్షంలో నరసింహస్వామికి ప్రత్యేక పూజలు నిర్వహించారు. రేపటి నుంచి తెలంగాణలో 57 రోజుల పర్యటన చేపట్టనున్నట్లు స్మాత్మానందేంద్ర సరస్వతి వెల్లడించారు. అనంతరం దేవి శరన్ననవరాత్రులకు సంబంధించిన ఉత్సవాల బ్రౌచర్‌ను స్వరూపానందేంద్ర స్వామి విడుదల చేశారు.  


 సత్రశాల (రెంటచింతల) : అర్ధనగ్నంగా ట్రాక్టర్లపై వెళ్తున్న వీరంతా రెంటచింతల మండలం పాలువాయి గ్రామానికి చెందిన వడ్డెర సామాజిక వర్గీయులు. వీరు ప్రతి మూడేళ్లకోసారి నాలుగు రోజుల పాటు అర్ధనగ్నంగా గ్రామంలో తిరుగుతూ నర్సింహస్వామికి సేవ చేస్తారు. అనంతరం కుటుంబ సమేతంగా సత్రశాలకు వెళ్లి మొక్కు తీర్చుకుంటారు. ఈ ఏడాది కృష్ణా పుష్కరాలు కూడా తోడవడంతో పుష్కర స్నానానికి అర్ధనగ్నంగానే ట్రాక్టర్లపై సత్రశాలలోని పుష్కర ఘాట్‌కు తరలివెళ్లారు.