ఆడోరకం ఈడోరకం సినిమాతో మంచి సక్సెస్ సాధించిన మంచు విష్ణు, హీరోగా తెరకెక్కుతున్న సినిమా లక్కున్నోడు. గీతాంజలి సినిమాతో దర్శకుడిగా గుర్తింపు తెచ్చుకున్న రాజ్ కిరణ్ దర్శకత్వంలో ప్రముఖ నిర్మాత ఎమ్వివి సత్యనారాయణ ఈ సినిమాను నిర్మిస్తున్నాడు. అయితే ఇప్పుడు ఈ నిర్మాతే విష్ణుకు విలన్గా మారుతున్నాడట. నిర్మాణ రంగం మీదే కాక, నటన మీద కూడా ఆసక్తి ఉన్న సత్యనారాయణ లక్కున్నోడు చిత్రంలో మెయిన్ విలన్గా నటిస్తున్నాడు.
 
 గీతాంజలి, శంకరాభరణం లాంటి చిత్రాలను నిర్మించిన ఎమ్వివి సత్యనారాయణ ప్రస్తుతం ప్రభుదేవ, తమన్నాలు ప్రధాన పాత్రల్లో తెరకెక్కుతున్న అభినేత్రి సినిమా తెలుగు వర్షన్ నిర్మాణ భాగస్వామిగా ఉన్నాడు. అదే సమయంలో మంచు విష్ణు హీరోగా లక్కున్నోడు చిత్రాన్ని నిర్మిస్తున్నాడు. తన రెండో సినిమా శంకరాభరణంలో గెస్ట్ రోల్లో నటించిన సత్యనారాయణ ఇప్పుడు మంచు విష్ణు హీరోగా తెరకెక్కుతున్న సినిమాతో మెయిన్ విలన్గా నటించేందుకు రెడీ అవుతున్నాడు.


 మంచు విష్ణు కథానాయకుడిగా రాజకిరణ్ దర్శకత్వంలో ఎంవీవీ సత్యనారాయణ నిర్మించనున్న చిత్రానికి ‘లక్కున్నోడు’ టైటిల్ ఖరారు చేశారు. త్వరలో ఈ సినిమా ప్రారంభం కానుంది. నిర్మాత ఎంవీవీ సత్యనారాయణ మాట్లాడుతూ - ‘‘విభిన్న కథాంశాలతో కూడిన సినిమాల్లో నటిస్తున్న విష్ణు హీరోగా మా సంస్థలో సినిమా చేయనుండటం సంతోషంగా ఉంది.
 
  ‘గీతాంజలి’, ‘త్రిపుర’ వంటి హారర్ సినిమాలు తీసిన దర్శకుడు రాజకిరణ్, ఈసారి వాటికి భిన్నంగా లవ్ అండ్ కామెడీ ఎంటర్‌టైనర్ చేస్తున్నారు. సెప్టెంబర్ రెండోవారంలో షూటింగ్ ప్రారంభించాలనుకుంటున్నాం’’ అన్నారు. ఈ చిత్రానికి రచన-మాటలు: డైమండ్ రత్నం, ఎడిటింగ్: మధు, కెమేరా: సాయిశ్రీరామ్, సహ నిర్మాతలు: వి.ఎస్.ఎన్.కుమార్, విజయ్‌కుమార్ రెడ్డి.
  


 చాలా రోజుల తరువాత ఆడో రకం ఈడోరకం సినిమాతో సక్సెస్ కొట్టిన మంచు విష్ణు, అదే జోరులో వరుస సినిమాలకు కమిట్ అవుతున్నాడు. ఇప్పటికే కార్తీక్ రెడ్డి దర్శకత్వంలో సరద అనే సినిమా చేస్తున్న విష్ణు, మరో రెండు సినిమాలకు లైన్లో పెట్టాడు. అంతేకాదు ఆ రెండు సినిమాలకు టైటిల్స్  కూడా ప్రకటించేసి అందరినీ ఆశ్చర్య పరుస్తున్నాడు విష్ణు.సరద సినిమా షూటింగ్ చివరి దశకు రావటంతో తను చేయబోయే నెక్ట్స్ సినిమా మీద క్లారిటీ ఇచ్చాడు.
 
 గీతాంజలి సినిమాతో ఆకట్టుకున్న రాజ్ కిరణ్ దర్శకత్వంలో ఓ యాక్షన్ కామెడీ సినిమాలో నటించనున్నాడు. ఈ సినిమాను ఎంవివి సినిమా బ్యానర్పై ఎంవివి సత్యనారాయణ నిర్మించనున్నాడు. ఈసినిమాకు లక్కున్నోడు అనే టైటిల్ను ఎనౌన్స్ చేశారు. ఈ సినిమాతో పాటు మోహన్ బాబుతో కలిసి సేనపతి అనే సినిమాకు కూడా పట్టాలెక్కించేందుకు రెడీ అవుతున్నాడు విష్ణు.