న్యూఢిల్లీ: హీరో మోటోకార్ప్ కంపెనీ... ఇటలీ కంపెనీ మాగ్నెటి మారెల్లితో ఏర్పాటు చేసిన జాయింట్ వెంచర్‌లో 60 శాతం వాటాను కొనుగోలు చేసింది. ఈ జేవీ(హెచ్‌ఎంసీ ఎంఎం ఆటో లిమిటెడ్)లో 60 శాతానికి సమానమైన 17.49 లక్షల షేర్లను(రూ.10 ముఖ విలువ) కొనుగోలు చేశామని కంపెనీ బుధవారం తెలిపింది. అయితే ఆర్థిక వివరాలను కంపెనీ వెల్లడించలేదు. టూవీలర్ ఫ్యూయల్ ఇంజెక్షన్ సిస్టమ్స్‌ను,  ఇతర విడిభాగాలను విక్రయించడం, పంపిణీ చేయడం లక్ష్యంగా ఈ జేవీ ఏర్పాటైంది.