రేగొండ: రోడ్డు ప్రమాదంలో పంచాయతీ కార్యదర్శి మృతి చెందాడు. ఈ ఘటన మంగళవారం మండల కేంద్రంలో చోటు చేసుకుంది. పోలీసులు, స్థానికుల కథనం ప్రకారం.. మండలంలోని తిరుమలగిరికి చెందిన గంగుల చంద్రారెడ్డి (56) మండలంలోని నారాయణపురంలో పంచాయతీ కార్యదర్శిగా విధులు నిర్వర్తిస్తున్నాడు. ఈ క్రమంలో బైక్‌పై మండల కేంద్రం నుంచి తిరుమలగిరికి వెళ్తుండగా ఎదురుగా వచ్చిన ట్రాక్టర్‌ ఢీకొని తీవ్రంగా గాయపడ్డాడు. క్షతగాత్రుడిని 108లో ఆస్పత్రికి తరలిస్తుండగా మార్గమధ్యలో మృతి చెందినట్లు కుటుంబ సభ్యులు తెలిపారు. జంగాలపల్లిలో మహిళ.. వాజేడు: రోడ్డు ప్రమాదంలో గాయపడిన మండలంలోని జంగాలపల్లికి చెందిన వాసం నాగలక్ష్మి(42) చికిత్స పొందుతూ మృతి చెందింది. మృతురాలి కుమారుడు నవీన్‌ కథనం ప్రకారం.. బైక్‌పై దంపతులు వాసం నీలాద్రి, నాగలక్ష్మి ఆదివారం ఛత్తీస్‌గఢ్‌ వెళ్లి వస్తున్నారు. ఈ క్రమంలో పెద్ద గొళ్లగూడెం, చీకుపల్లి గ్రామాల మధ్య ఇసుక వాగు సమీపంలో నాగలక్ష్మి బైక్‌ పై నుంచి జారి పడింది. ఈ ప్రమాదంలో స్పృహ కోల్పోవడంతో వెంటనే వరంగల్‌ తరలించారు. పరీక్షలు చేసిన వైద్యులు తలలో రక్తం గడ్డ కట్టిందని తెలిపి మెరుగైన వైద్యం కోసం హైదరాబాద్‌కు రెఫర్‌ చేశారు. దీంతో కుటుంబీకులు నాగలక్ష్మిని సోమవారం రాత్రి హైదరాబాద్‌ తరలించారు. చికిత్స పొందుతూ మంగళవారం మృతి చెందింది.

హన్మకొండ చౌరస్తా : బీసీలంతా ఏకమైతేనే రాజ్యాధికారం సాధ్యమని ఎమ్మెల్సీ తీన్మార్‌ మల్లన్న పేర్కొన్నారు. మంగళవారం బీసీ ఇంటలెక్చువల్స్‌ ఫోరం ఉమ్మడి జిల్లా కమిటీ ఆధ్వర్యంలో 24వ తేదీన (శుక్రవారం) హరితహోటల్‌లో ‘స్థానిక సంస్థల ఎన్నికలు–బీసీల పాత్ర–రిజర్వేషన్లు’ అనే అంశంపై నిర్వహించే సదస్సుపై హనుమకొండలోని అ శోకా కాన్ఫరెన్స్‌ హాల్‌లో చర్చించారు. డాక్టర్‌ కూరపాటి రమేశ్‌ అధ్యక్షతన నిర్వహించిన సమావేశానికి తీన్మార్‌ మల్లన్న ముఖ్య అతిథిగా హాజరై మాట్లాడారు. బీసీలకు దక్కాల్సిన ఫలాలను అగ్రకులాలు హస్తగతం చేసుకున్నాయని వెల్లడించారు. ఇప్పటికై నా బీసీ లంతా ఏకమై వచ్చే స్థానిక సంస్థల ఎన్నికల్లో ఎస్సీ, ఎస్టీలకు రిజర్వు చేసిన సీట్లను మినహాయించి మిగతా వాటిలో పూర్తిగా బీసీ నాయకులే పోటీ చేసి గెలవాలని ఉద్ఘాటించారు. ఈ సమావేశంలో ఫోరం కోఆర్డినేటర్‌ డాక్టర్‌ కె.వీరస్వామి, నాయకులు డాక్టర్‌ సీహెచ్‌ రాములు, దారం జనార్దన్‌, సుందర్‌రాజ్‌ యాదవ్‌, డాక్టర్‌ ఎల్‌.చంద్రమోహన్‌, కె.వెంకటస్వామి, తదితరులు పాల్గొన్నారు. ఎమ్మెల్సీ తీన్మార్‌ మల్లన్న

కొత్తగూడ: కుమారుడి మృతి తట్టుకోలేక మనస్తాపంతో తల్లి కన్నుమూసింది. కుమారుడి దశ దిన కర్మ రోజే మృతి చెందింది. ఈ విషాదకర ఘటన మంగళవారం కొత్తగూడలో జరిగింది. మండలకేంద్రానికి చెందిన గట్టి యాకమ్మ(70) పక్షవాతంలో సంవత్సర కాలంగా మంచం పట్టింది. అప్పటి నుంచి కుమారుడు నగేశ్‌(35) తల్లికి సపర్యాలు చేసేవాడు. ఈ క్రమంలో నగేశ్‌ అనారోగ్యంతో పది రోజుల క్రితం మృతి చెందాడు. అప్పటి నుంచి యాకమ్మ మనోవేదనకు గురవుతోంది. ఈ క్రమంలో నగేశ్‌ కర్మ చేసేందుకు బంధువులు శ్మశానవాటిక వద్దకు వెళ్లి వచ్చే సరికి మృతి చెందింది. ఈఘటనతో మండలకేంద్రంలో విషాదఛాయలు అలముకున్నాయి. కుమారుడి పెద్ద కర్మ రోజే తల్లి మృతి చెందడం పలువురిని కంట తడి పెట్టించింది.● కుమారుడి పెద్దకర్మ రోజే తల్లి కన్నుమూత ● కొత్తగూడలో ఘటన

కేయూ క్యాంపస్‌ : నూతన ఔషధాలను కనుగొనేలా పరిశోధనలు చేయాలని కాకతీయ యూనివర్సిటీ వీసీ ప్రొఫెసర్‌ కె.ప్రతాప్‌రెడ్డి పేర్కొన్నారు. మంగళవారం కేయూ ఫార్మసీ కళాశాల ఆధ్వర్యంలో సెనేట్‌హాల్‌లో నిర్వహించిన డ్రగ్‌ డిస్కవరీ ఇన్నోవేషన్స్‌ అండ్‌ డెవలప్‌మెంట్‌ (డీడీఐడీ–2025) అంశంపై నిర్వహించిన ఒక రోజు అంతర్జాతీయ కాన్ఫరెన్స్‌లో ఆయన పాల్గొని మాట్లాడారు.అనంతరం పోస్టర్లు ఆవిష్కరించారు. రూసా నుంచి రూ.12కోట్లతో పరిశోధన కేంద్రాలు ఏర్పాటు చేస్తామన్నారు. ఈ కాన్ఫరెన్స్‌లో విద్యార్థులు విషయ నిపుణుల నుంచి విజ్ఞానాన్ని గ్రహించాలని సూచించారు. ఫార్మసీలోని పరిశోధన ఫలితాలను ఐపీఆర్‌ ద్వారా నమోదు చేయాలన్నారు. పరిశోధనల పరంగా నూతన ఆవిష్కరణలో నిబద్ధత ఉండాల్సిన అవసరం ఉందన్నారు. నాణ్యమైన పరిశోధనలకు ఫార్మసీలో పరిశోధనలకు ప్రోత్సహిస్తామని తెలిపారు. కేయూ రిజిస్ట్రార్‌ పి.మల్లారెడ్డి మాట్లాడుతూ ఫార్మసీలో నిర్వహిస్తున్న అంతర్జాతీయ కాన్ఫరెన్స్‌తో పరిశోధనల పరంగా రూసా మంజూరు చేసిన ప్రాజెక్టులకు మంచి ఉపయోగమన్నారు. 30వ తేదీన కూడా ఫార్మసీలో జరిగే కాన్ఫరెన్స్‌ విద్యార్థులకు, అధ్యాపకులకు ఎంతో ఉపయోగపడుతుంన్నారు. ఈ కాన్ఫరెన్స్‌లో కేయూ ఫార్మసీ డీన్‌ ప్రొఫెసర్‌ గాదె సమ్మయ్య, ప్రవాస భారతీయుడు డాక్టర్‌ సాంబరెడ్డి, న్యూడ్రగ్‌ డిస్కవరీ అండ్‌ డెవలప్‌మెంట్‌పై కీలకపోన్యాసం చేశారు. న్యూజెర్సీ సైంటిస్టు డాక్టర్‌ కార్తీక్‌ యాదవ్‌జంగా, సీసీఎంబీ సైంటిస్టు ఎన్‌.దినేష్‌ , కేయూ ఫార్మసీ కళాశాల ప్రిన్సిపాల్‌ ఎన్‌.ప్రసాద్‌, యూజీసీ కోఆర్డినేటర్‌ ఆర్‌.మల్లికార్జున్‌రెడ్డి, హైదరాబాద్‌, వరంగల్‌ డ్రగ్‌ ఇన్‌స్పెక్టర్లు శివదేవ్‌, జన్ను కిరణ్‌, వై.నర్సింహారెడ్డి మాట్లాడారు. పలువురు విషయ నిపుణులు ఫార్మసీ రంగంలో పరిశోధనల గురించి వివరించారు. రూ.12 కోట్లతో పరిశోధన కేంద్రాల ఏర్పాటు కేయూ వీసీ ప్రతాప్‌రెడ్డి

హసన్‌పర్తి: హసన్‌పర్తి మండలం అన్నాసాగరంలో ని ఎస్సార్‌ యూనివర్సిటీలో మంగళవారం న్యూజి లాండ్‌ యూనిఫెస్ట్‌–25 ఘనంగా నిర్వహించారు. ఈ కార్యక్రమం ద్వారా న్యూజిలాండ్‌లోని ఎనిమిది పబ్లిక్‌ యూనివర్సిటీల ప్రతినిధులు ఒకే వేదికపై సమావేశమైనట్లు ఎస్సార్‌ యూనివర్సిటీ వైస్‌ చాన్స్‌లర్‌ దీపక్‌ గార్గ్‌ తెలిపారు. ఈ సందర్భంగా జరిగిన సమావేశంలో ఆయన మాట్లాడుతూ ఈకార్యక్రమం ద్వారా విద్యార్థులను గ్లోబల్‌ ఎక్స్‌పోజర్‌తో సంపన్నంగా తీర్చిదిద్దొచ్చన్నారు. యూనివర్సిటీ బీఎస్సీ (అగ్రికల్చర్‌) విద్యార్థులు మొదటి రెండేళ్ల కాలంలో క్యాంపస్‌లో విద్యను పూర్తి చేసిన అనంతరం మరో రెండేళ్లు న్యూజిలాండ్‌లోని బటాగో యూనివర్సిటీలో ఫుడ్‌సైన్స్‌ బీఎస్సీ చదివి పట్టా పొందుతారన్నారు. అనంతరం అంతర్జాతీయ వ్యవహారాల, కార్పొరేట్‌ ఔట్‌రీచ్‌ డైరెక్టర్‌ ప్రిథా చక్రవర్తి మాట్లాడారు. విద్యార్థులకు అంతర్జాతీయ స్థాయిలో వారి సామర్థ్యాలను విస్తరించడానికి ఈ కార్యక్రమం ప్రేరణాత్మక ముందడుగు అన్నారు. విద్యార్థులకు అంతర్జాతీయ విద్య గురించి నిర్ణయాలు తీసుకునేలా అవగాహన కల్పిస్తామన్నారు. విద్య కోర్సులు, స్కాలర్‌షిప్‌లు, అంతర్జాతీయ విద్యార్థి జీవితంలోని ప్రాథమిక విషయాలపై జరిగిన చర్చలు విద్యార్థుల అకడమిక్‌ ప్రయాణాన్ని సులభతరం చేస్తాయన్నారు.

ఖానాపురం : పర్యాటక రంగ అభివృద్ధిలో పాకాల రూపురేఖలు మారుస్తామని సీసీఎఫ్‌ భీమానాయక్‌ అన్నారు. ఈ మేరకు మండలంలోని పాకాలలో అటవీ శాఖ ఆధ్వర్యంలో చేపట్టిన అభివృద్ధి పనులను మంగళవారం పరిశీలించారు. ఈ సందర్భంగా పనుల్లో నాణ్యత, పని విధానాలు పరిశీలించారు. పాకాలలో చేపట్టాల్సిన అభివృద్ధి పనులపై అధికారులతో చర్చించారు. నూతనంగా ఏర్పాటు చేసిన బోటింగ్‌ చేసి పరిశీలించారు. అనంతరం ఏర్పాటు చేసిన విలేకరుల సమావేశంలో ఆయన మాట్లాడారు. పాకాలలో పర్యాటకులను ఆకర్షించేలా అభివృద్ధి పనులు చేయనున్నట్లు తెలిపారు. పార్కింగ్‌ టికెట్‌ కౌంటర్‌, బ్యాటరీ వాహనాలు, క్యాంటీన్లు ఏర్పాటు చేయనున్నట్లు పేర్కొన్నారు. హైదరాబాద్‌తో పాటు వివిధ ప్రాంతాల నుంచి వచ్చే పర్యాటకుల కోసం వాకింగ్‌ ట్రాక్‌, సైక్లింగ్‌, సఫారీ వాహనాలు, నైట్‌ క్యాంపింగ్‌ సైట్‌ను అందుబాటులోకి తీసుకొస్తామన్నారు. దశల వారీగా పనులు చేపడుతూ పాకాలను పర్యాటక రంగ అభివృద్ధిలో పరుగులు పెట్టిస్తామన్నారు. పర్యాటకులు స ఫారీ ద్వారా ముసలమ్మ దేవాలయం, భీముని పా దం, పులిమడుగు క్యాంపింగ్‌ సైట్‌, చిలుకలగుట్ట అందాలను వీక్షించేలా చర్యలు చేపడుతున్నామన్నారు. అవసరం మేరకు పనులు చేపడతామన్నా రు. పాకాల అందాలు వీక్షించిన పర్యాటకులు మ రోసారి వచ్చేలా అభివృద్ధి చేస్తున్నామన్నారు. కార్యక్రమంలో వరంగల్‌, మహబూబాబాద్‌ డీఎఫ్‌ఓలు అనూజ్‌ అగర్వాల్‌, విశాల్‌, ఎఫ్‌డీఓ చంద్రశేఖర్‌, ఎఫ్‌ఆర్వో రవికిరణ్‌, వజహత్‌, డీఆర్వో రీనా, సెక్షన్‌, బీట్‌ అధికారులు, సిబ్బంది పాల్గొన్నారు. సీసీఎఫ్‌ భీమానాయక్‌ పాకాలలో అభివృద్ధి పనుల పరిశీలన

లింగాలఘణపురం: ఓ ఆటోను ఆర్టీసీ బస్సు ఢీకొంది. ఈ ప్రమాదంలో ఆటో డ్రైవర్‌తో సహా అందులో ఉన్న నలు గురు విద్యార్థులకు గాయాలయ్యాయి. ఈ ఘటన మంగళవారం మండలంలోని నెల్లుట్ల ఆర్టీసీ కాలనీ సమీపంలో జరిగింది. ఘటనకు సంబంధించిన వివరాలు ఇలా ఉన్నాయి. లింగాలఘణపురానికి చెందిన ఆటో జనగామ నుంచి పదో తరగతి విద్యార్థులను తీసుకుని వస్తోంది. ఈ క్రమంలో ఆర్టీసీ కాలనీ సమీపంలో ఆగి ఉన్న కారును బైక్‌ వెనుక నుంచి ఢీకొంది. దీంతో ఇరువురి మధ్య వాగ్వాదం జరుగుతోంది. ఈ క్రమంలో తొర్రూరు నుంచి జనగామ వస్తున్న ఆర్టీసీ బస్సు డ్రైవర్‌ వాగ్వాదం చూస్తూ ఎదురుగా వస్తున్న ఆటోను గమనించకుండా ఢీకొన్నాడు. దీంతో ఆటో డ్రైవర్‌ బోయిని రాంబాబు కు తీవ్ర గాయాలయ్యాయి. గుమ్మడవెల్లికి చెందిన పదో తరగతి విద్యార్థిని గువ్వల అర్చనకు కాలు విరిగి అపస్మారక స్థితికి చేరుకుంది. లింగాలఘణపురానికి చెందిన ఎడ్ల శశాంక్‌, బెజ్జం శివప్రసాద్‌, కేమిడి లిఖితకు స్వల్ప గాయాలయ్యాయి. క్షతగాత్రులను వెంటనే 108లో జనగామ ఏరి యా ఆస్పత్రికి తరలించారు. ఎస్సై శ్రావణ్‌కుమార్‌ ఘటనా స్థలికి చేరుకుని వివరాలు సేకరించారు. ఆస్పత్రిలో క్షతగ్రాతులతో మాట్లాడి ప్రమాద తీరును తెలుసుకున్నారు. డ్రైవర్‌ సహా నలుగురు విద్యార్థులకు గాయాలు నెల్లుట్ల ఆర్టీసీ కాలనీ సమీపంలో ఘటన

ఎంజీఎం : వైద్యారోగ్యశాఖలో ఏ నియామకం జరిగినా అవినీతి ఆరోపణలు వినిపిస్తున్నాయి. కొన్ని నెలల క్రితం వరంగల్‌ డీఎంహెచ్‌ఓ పరిధిలో జాతీయ ఆరోగ్య మిషన్‌ పథకంలో జరిగిన నియామకాల్లో అవకతకవలు జరగడంతో ఏకంగా కలెక్టర్‌ సత్యశారదదేవి స్వయంగా రంగంలోకి దిగి పారదర్శకంగా చేపట్టారు. ఈ క్రమంలో ప్రస్తుతం హనుమకొండ డీఎంహెచ్‌ఓ పరిధిలో మిడ్‌లెవల్‌ హెల్త్‌ ప్రొవైడర్‌ (ఎంఎల్‌హెచ్‌పీ) పోస్టుల నియామకానికి అధికారులు కసరత్తు చేస్తున్నారు. గత ఫిబ్రవరిలో ఇచ్చిన నోటిఫికేషన్‌ ప్రకారంగా మెరిట్‌ జాబితా రూపొందించి సుమారు 2 నెలల క్రితం 31 పోస్టులు భర్తీ చేశారు. ప్రస్తుతం మిగతా సుమారు 10 ఖాళీ పోస్టుల భర్తీ క్రమంలో గత నోటిఫికేషన్‌ మెరి ట్‌ ఆధారంగా జాబితా రూపొందించి కలెక్టర్‌ అనుమతికి సిద్ధం చేశారు.. ఇదంతా సవ్యంగా జరుగుతుంది అనుకుంటే పొరపాటే.. ఇక్కడే సంబంధిత శాఖ అధికారులు తమ నైపుణ్యం ప్రదర్శిస్తున్నట్లు ఉద్యోగ సంఘాల్లో జోరుగా చర్చసాగుతోంది. హుటాహుటిన మెరిట్‌ జాబితా తయారీ.. గత ఫిబ్రవరి నెలలో ఇచ్చిన నోటిఫికేషన్‌ ప్రకారం నియామకాల గడువు ఈ ఫిబ్రవరితో ముగుస్తుంది. ఈ విషయాన్ని గమనించిన వైద్యారోగ్య సిబ్బంది హుటాహుటిన మెరిట్‌ జాబితా రూపొందించి ఖాళీ పోస్టుల భర్తీకి అడుగులు వేస్తున్నారు. పాత జాబితా ప్రకారం ఎవరికి ఉద్యోగాలు వస్తాయో స్పష్టంగా తెలుసు. ఈ విషయాన్ని గమనించిన సిబ్బంది కొత్త నోటిఫికేషన్‌ ద్వారా నియామకాలు చేపడితే మెరిట్‌ అభ్యర్థులు మారుతారనే విషయాన్ని గమనించి పాత నోటిఫికేషన్‌ మెరిట్‌తోనే ఈ నెలలోనే నియామకాల ప్రక్రియ చేపట్టాలని భావించారు. అనుకున్నదే తడువుగా ఎంపికయ్యే అభ్యర్థుల ద్వారా గట్టుచప్పుడు కాకుండా బేరసారాలు కుదర్చుకుని ఎంపిక ప్రక్రియ ప్రారంభించినట్లు ఉద్యోగ వర్గాలో జోరుగా చర్చ సాగుతోంది. దీనిపై జిల్లా ప్రజాప్రతినిధులు, కలెక్టర్‌ స్పందించి ఎలాంటి అవినీతికి ఆస్కారం లేకుండా కొత్త నోటిఫికేషన్‌ ద్వారా నియామకాలు చేపట్టి న్యాయం చేయాలని అభ్యర్థులు వేడుకుంటున్నారు. అంతా సవ్యమే కానీ.. కొన్ని నెలల క్రితం హనుమకొండ జిల్లా వైద్యారోగ్యశాఖ పరిధిలో బస్తీ దవాఖానకు ఇద్దరు వైద్యాధికారులను ఇంటర్వ్యూ ద్వారా ఎంపిక చేశారు. ఈ ఎంపిక ప్రక్రియ జిల్లా ఉన్నతాధికారుల అనుమతి లేకుండా చేసినట్లు చర్చ సాగింది. అనంతరం ఈ విషయం తెలుసుకున్న రాష్ట్ర, జిల్లా ఉన్నతాధికారులు సదరు అధికారులకు మొట్టికాయలు వేసి అనుమతులిచ్చినట్లు వైద్యారోగ్యశాఖ కార్యాలయంలో బహిరంగంగానే చర్చించుకున్నారు. ఇలాంటి ఆరోపణలకు వైద్యారోగ్యశాఖ కార్యాలయంలో తావ్వివకుండా పకడ్బందీ ప్రణాళికతో నియామకాలు చేపట్టి, అవినీతికి పాల్పడిన అధికారులపై విచారణ చేపట్టి చర్యలు తీసుకోవాలని అభ్యర్థులు కోరుతున్నారు. వైద్యారోగ్యశాఖలో ఎంఎల్‌హెచ్‌పీ పోస్టులకు మెరిట్‌ జాబితా సిద్ధం నెల రోజుల్లో ముగియనున్న నోటిఫికేషన్‌ గడువు మెరిట్‌ జాబితా అభ్యర్థులతో బేరసారాలు

హన్మకొండ కల్చరల్‌ : ప్రాచీన కట్టడాలు, పురాతన ఆలయాలు, చెరువులు, కుంటల పరిరక్షణ, వారసత్వ సంపద కాపాడుకోవాంటూ అనేక చైతన్య కార్యక్రమాలు నిర్వహించిన జిల్లాకు చెందిన ఇంటాక్‌ కన్వీనర్‌, నిట్‌ రిటైర్డ్‌ ప్రొఫెసర్‌ పాండురంగారావు రాష్ట్ర ప్రభుత్వం గవర్నర్‌ ప్రతిభా పురస్కారానికి –2024కు ఎంపికయ్యారు. గణతంత్రదినోత్సవ సందర్భంగా ఆయన.. గవర్నర్‌ చేతుల మీదుగా ఈ పురస్కారం అందుకోనున్నారు. కాకతీయ హెరిటేజ్‌ ట్రస్ట్‌ ఆధ్వర్యంలో కాకతీయ వారసత్వ సంపద, ప్రాచీనకట్టడాలు, చెరువుల పరిరక్షణపై, రామప్ప దేవాలయానికి యునెస్కో గుర్తింపు పొందడానికి పాండురంగారావు విశేష కృషి చేశారు. జిల్లాలో చెరువులు, కుంటలు ఆక్రమణకు గురవుతున్నాయని, నిబంధనలకు విరుద్ధంగా భవన నిర్మాణాలు చేపడుతున్నారని 2010లో ఉమ్మడి రాష్ట్ర హైకోర్టులో ిఫిల్‌ దాఖలు చేశారు. దీంతో 2012–13లో సుప్రీం కోర్టు కూడా దేశవ్యాప్తంగా చెరువులు, కుంటల పరిరక్షణ కోసం ఫుల్‌ ట్యాంక్‌ లెవెల్‌ (ఎఫ్‌టీఎల్‌) ఖరారు చేయడం విశేషం. రామజన్మభూమి ఫౌండేషన్స్‌కు కాకతీయ టెక్నాలజీ వాడాలని సూచనలు చేశారు. ఈ మేరకు గవర్నర్‌ ప్రతిభా పురస్కారాల్లో భాగంగా హెరిటేజ్‌, కల్చర్‌ విభాగంలో ఇద్దరిని ఎంపికచేశారు. ఇందులో పాండురంగారావుతో పాటు హైదరాబాద్‌కు చెందిన సంస్కృతి ఫౌండేషన్‌కు చెందిన పీబీ కృష్ణభారతి పురస్కారం అందుకోనున్నారు. సాయం చేయడమే నిజమైన దేశసేవ ● రాష్ట్ర నీటిపారుదల శాఖ ముఖ్య సలహాదారు ఆదిత్యనాథ్‌ దాస్‌ మంగపేట: తోటి వారికి సాయం చేయడమే నిజమైన దేశసేవని 100 ఫర్‌ 100 స్వచ్ఛంద సంస్థ వ్యవస్థాపక అధ్యక్షుడు, రిటైర్డ్‌ ఐఏఎస్‌, రాష్ట్ర నీటిపారుదల శాఖ ముఖ్య సలహాదారు ఆదిత్యనాథ్‌ దాస్‌ అన్నారు. మంగళవారం 100 ఫర్‌ 100, నళిని ఫౌండేషన్‌, రోటరీ క్లబ్‌ వరంగల్‌ ఆధ్వర్యంలో మండలంలోని పలు ప్రభుత్వ పాఠశాలలు, ప్రభుత్వ జూనియర్‌ కాలేజీ విద్యార్థినులకు ఉచితంగా సైకిళ్లు పంపిణీ చేశారు. ఈ సందర్భంగా ఆదిత్యనాథ్‌ దాస్‌ మాట్లాడుతూ ఉమ్మడి వరంగల్‌ జిల్లా కలెక్టర్‌గా పనిచేస్తున్న సమయంలో 2001 ఫిబ్రవరి 12న ఏటూరునాగారం ఐటీడీఏ పాలకమండలి సమావేశానికి హాజరై తిరిగి వెళ్తున్న క్రమంలో చిన్నబోయిన పల్లి సమీపంలో జరిగిన దాడిలో వనదేవతలు సమ్మక్క, సారలమ్మ దయతో ప్రాణంతో బయటపడిన విషయాన్ని గుర్తు చేశారు. అందుకే ఈ ప్రాంతానికి తనవంతు సేవ చేయాలనే దృక్పథంతో ఈ కార్యక్రమం నిర్వహించినట్లు తెలిపారు. నళిని ఫౌండేషన్‌ వ్యవస్థాపకుడు విష్ణుకుమార్‌ శర్మ, వరంగల్‌ రోటరీక్లబ్‌ సభ్యుడు కుమారస్వామి, ఎంఈఓ పొదెం మేనక, హెచ్‌ఎం బాలాజీ, చందాభద్రయ్య, శ్రీనివాస్‌, మద్దెల నాగేశ్వరరావు, మాధురిదేవి, అనసూర్య, సునీత, వీరనారాయణ తదితరులు పాల్గొన్నారు.

● మాజీ ఉప రాష్ట్రపతి వెంకయ్యనాయుడుమరిపెడ రూరల్‌: దేశం గర్వపడేలా విజయాలు సాధించాలని మాజీ ఉప రాష్ట్రపతి వెంకయ్యనాయుడు అన్నారు. మంగళవారం హైదరాబాద్‌లో మాజీ ఉప రాష్ట్రపతి వెంకయ్యనాయుడిని మరిపెడ మండలం భూక్యతండాకు చెందిన మౌంటైనర్‌ భూక్య యశ్వంత్‌ మర్యాదపూర్వకంగా కలిసి పుష్పగుచ్ఛం అందించారు. ఈ సందర్భంగా యశ్వంత్‌ సాధించిన విజయాల గురించి వెంకయ్యనాయడు తెలుసుకున్నారు. మారుమూల గిరిజన తండా నుంచి అతి పిన్న వయసులో ఇన్ని విజయాలు సాధించడం అభినందనీయమన్నారు. ప్రపంచ ప్రసిద్ధిగాంచిన ఎవరెస్ట్‌ శిఖరం అధిరోహించాలనే యశ్వంత్‌ సంకల్పం గొప్పదన్నారు. ప్రభుత్వాలకు యశ్వంత్‌ లాంటి వారిని ప్రోత్సహించాల్సిన అవసరం ఉందన్నారు. భవిష్యత్‌లో మరిన్ని విజయాలు సాధించి దేశానికి పేరు తీసుకురావాలని యశ్వంత్‌కు సూచించారు.

యథాస్థితిలో డీసీసీబీ భవన లీజ్‌ అంశం బిల్లుల చెల్లింపుల్లో లేని స్పష్టత ఈ బిల్లులు ఎప్పటి వరకు చెల్లిస్తారనే అంశంలో స్పష్టత లేదు. ఎఏ వాయిదాల్లో చెల్లిస్తారో చెప్పలేదు. ఈ బిల్లు చెల్లించే వరకూ వివాదం సద్దుమణిగేలా లేదు. దీనికి తోడు జేబీఎన్‌ స్టోన్‌ క్రషర్స్‌ హైకోర్టులో దాఖలు చేసిన కేసు విచారణ కొనసాగుతోంది. దీనిని బట్టి వరంగల్‌ డీసీసీబీ భవన లీజ్‌పై సందిగ్ధత ఇంకా కొనసాగుతున్నట్లు కనిపిస్తోంది. హైకోర్టు తీర్పు వెలువడితేనే భవన లీజ్‌ వ్యవహారం కొలిక్కి వచ్చే అవకాశం ఉంది. అయితే లీజ్‌దారునకు అనుకూలంగా తీర్పు వచ్చినా ఆర్‌బీఐ, బ్యాంకింగ్‌ రెగ్యులేషన్‌ చట్టం ప్రకారం లీజ్‌ ఇవ్వొద్దనే నిబంధన ప్రతిబంధకంగా మారే అవకాశముంది. దీంతో డీసీసీబీ తిరిగి అప్పీల్‌కు గాని, సుప్రీంకోర్టును గాని ఆశ్రయించే అవకాశం ఉంది. హన్మకొండ : వరంగల్‌ జిల్లా సహకార కేంద్ర బ్యాంకు భవన లీజ్‌ అంశంపై సందిగ్ధం వీడడం లేదు. ఈ అంశం హైకోర్టులో విచారణ ఉండడంతో యథా స్థితి కొనసాగుతోంది. భవన నిర్మాణానికి అయిన ఖర్చులను నిర్మాణ సంస్థ నల్లవెల్లి కన్‌స్ట్రక్షన్స్‌కు చెల్లించాలని హైకోర్టు.. వరంగల్‌ డీసీసీబీని ఆదేశించింది. దీంతో లీజ్‌ వ్యవహారం కొలిక్కివచ్చి నట్లు అందరు భావించారు. అయితే నల్లవెల్లి కన్‌స్ట్రక్షన్‌కు.. భవనం లీజ్‌కు ఎలాంటి సంబంధం లేదనే విషయం సుస్పష్టం. అప్పటి పాలకవర్గంపై ఆరోపణలు ఈ క్రమంలో అప్పటి పాలకవర్గంపై పలు ఆరోపణలు రావడంతో ప్రభుత్వం సహకార శాఖ అదనపు రిజిస్ట్రార్‌ జి.శ్రీనివాస్‌రావును విచారణ అధికారిగా నియమించింది. శ్రీనివాస్‌రావు బ్యాంకులో అక్రమాలు జరిగాయని, నిబంధనలకు విరుద్ధంగా భవానాన్ని లీజ్‌కు ఇచ్చారని నివేదిక సమర్పించారు. ఫలితంగా డీసీసీబీ భవనం లీజ్‌ అంశం వివాదాస్పదమైంది. బ్యాంకు ఆస్తులు లీజ్‌కు ఇవ్వొద్దని నిబంధనలున్నాయని, లీజ్‌కు ఇచ్చేది లేదని డీసీసీబీ తేల్చి చెప్పింది. ఈ నేపథ్యంలో అప్పటి వరకు సాగిన భవన నిర్మాణ పనులు నిలిచాయి. దీంతో తమతో ఒప్పందం చేసుకున్న మేరకు లీజ్‌కు ఇవ్వాలని జేబీఎన్‌ స్టోన్‌ క్రషర్స్‌ హైకోర్టుకు వెళ్లింది. దీనిపై డీసీసీబీ కౌంటర్‌ పిటిషన్‌ దాఖలు చేయడంతో యథాస్థితిని కొనసాగించాలని హైకోర్టు స్టేటస్‌ కో ఇచ్చింది. బిల్లుల చెల్లింపును సెటిల్‌ చేసుకోవాలని కోర్టు ఆదేశం ఇదిలా ఉండగా బిల్లులు చెల్లించకుండా ఈ అంశం కోర్టులో ఉందని డీసీసీబీ తిప్పించుకుంటుండడంతో నల్లవెల్లి కన్‌స్ట్రక్షన్‌ 2017లో హైకోర్టును ఆశ్రయించగా 2024 మార్చి 4న బిల్లుల చెల్లింపును సెటిల్‌ చేసుకోవాలని ఆదేశించింది. దీంతో 2024 మార్చి 19న జరిగిన పాలకవర్గ సమావేశంలో బి ల్లుల చెల్లింపు సెటిల్‌ చేసేందుకు ఏడుగురు సభ్యు ల (డైరెక్టర్లు)తో కూడిన ప్రత్యేక కమిటీని ఏర్పాటు చేశారు. ఈ కమిటీ మొత్తం బిల్లు వడ్డీతో కలుపుకుని రెండు వాయిదాల్లో చెల్లించాలని నిర్ణయం తీసుకుంది. మొత్తం రూ.3,23,93,099 చెల్లించేలా 2024 అక్టోబర్‌ 8న జరిగిన బ్యాంకు పాలక మండలిలో ప్రత్యేక కమిటీ ఇచ్చిన నివేదికను అమలు చేయాలని తీర్మానించింది. ఈ మొత్తాన్ని రెండు వాయిదాల్లో చెల్లించాలని నిర్ణయం తీసుకున్నారు. ఈ తీర్మానాన్ని సోమవారం జరిగిన మహాజన సభలో ప్రవేశ పెట్టి ఆమోదం పొందారు. జేబీఎన్‌ స్టోన్‌ క్రషర్‌కు అద్దెకు భవనం.. లీజ్‌దారుకు అనువుగా భవన నిర్మాణానికి ఒప్పందం నల్లవెల్లి కన్‌స్ట్రక్షన్‌కు పనులు అప్పగింత ఇంతలోనే లీజ్‌పై వివాదం.. నిబంధనలకు విరుద్ధమని డీసీసీబీ పేచీ ఒప్పందం మేరకు లీజ్‌కు ఇవ్వాలని జేబీఎన్‌ స్టోన్‌ క్రషర్‌, చేసిన పనికి బిల్లులు చెల్లించాలని హైకోర్టుకు వెళ్లిన నల్లవెల్లి కన్‌స్ట్రక్షన్‌ లీజ్‌పై కొనసాగుతున్న విచారణ25 సంవత్సరాల కాలపరిమితికి లీజ్‌ హనుమకొండ నక్కలగుట్టలోని డీసీసీబీ స్థలంలో ప్రధాన కార్యాలయం కోసం ఆ బ్యాంకు భవన నిర్మాణం చేపట్టింది. ఇందులో కొంత భవనాన్ని ప్రధాన కార్యాలయానికి, నక్కలగుట్ట బ్రాంచీ కోసం వాడుకుంటుంది. మిగతా భవనం స్కెల్‌టన్‌గా (పిల్లర్లు, పై కప్పుతో) వృథాగా ఉండడంతో అప్పటి పాలక వర్గం 2015 ఫిబ్రవరి 19న లీజ్‌కు ఇవ్వాలని నిర్ణయం తీసుకుంది. ఈ మేరకు జేబీఎన్‌ స్టోన్‌ క్రషర్స్‌కు 25 సంవత్సరాల కాలపరిమితికి లీజ్‌కు ఇచ్చేందుకు ఒప్పందం చేసుకుంది. ముందు రూ.3 కోట్లు డిపాజిట్‌ చేయాలని, స్కెల్‌టన్‌గా ఉన్న భవనాన్ని లీజ్‌దారునకు అనువుగా నిర్మించి ఇవ్వాలని డీసీసీబీ ఒప్పందం చేసుకుంది. ఈ మేరకు నల్లవెల్లి కన్‌స్ట్రక్షన్‌కు భవన నిర్మాణ పనులు అప్పగించింది.

డిపో ఉచితం ఆదాయం టికెట్‌ ప్రయాణం ఆదాయం హనుమకొండ 5.58 192.92 2.56 173.95 వరంగల్‌–1 2.63 112.33 1.97 294.64 వరంగల్‌–2 2.27 127.76 2.65 388,74 పరకాల 2.98 125.93 1.82 93.21 భూపాలపల్లి 3.22 164.95 1.66 138.83 జనగామ 4.24 214.72 2.23 144.58 మహబూబాబాద్‌ 3.00 136.29 1.46 73.09 నర్సంపేట 3.70 162.03 2.14 134.13 తొర్రూరు 2.78 192.70 1.75 159.21

మహబూబాబాద్‌: ప్రజాపాలన గ్రామ, వార్డు సభలను సమర్థవంతంగా నిర్వహించి విజయవంతం చేయాలని ఉప ముఖ్యమంత్రి మల్లు భట్టి విక్రమార్క అన్నారు. హైదరాబాద్‌ నుంచి ఉపముఖ్యమంత్రి మల్లు భట్టివిక్రమార్క, మంత్రులు ఉత్తమ్‌కుమార్‌రెడ్డి, తుమ్మల నాగేశ్వరరావు, పొన్నం ప్రభాకర్‌, పొంగులేటి శీనివాస్‌రెడ్డి, జూపల్లి కృష్ణారావు, ధనసరి సీతక్క, చీఫ్‌ సెక్రటరీ శాంతికుమారి కలెక్టర్లు, ఉన్నతాధికారులతో సభల నిర్వహణపై వీడియో కాన్ఫరెన్స్‌ నిర్వహించారు. వీసీలో జిల్లా నుంచి కలెక్టర్‌ అద్వైత్‌కుమార్‌ సింగ్‌, అదనపు కలెక్టర్లు లెనిన్‌ వత్సల్‌ టొప్పో, వీరబ్రహ్మచారి తదితరులు పాల్గొన్నారు. వీసీలో ఉపముఖ్యమంత్రి మల్లు భట్టి విక్రమార్క

మహబూబాబాద్‌ రూరల్‌: ప్రభుత్వ నిబంధనల ప్రకారం ప్రతీ ఒక్కరికి పథకాల అమలుకు చర్యలు తీసుకుంటామని కలెక్టర్‌ అద్వైత్‌ కుమార్‌ సింగ్‌ అన్నారు. మహబూబాబాద్‌ మండలంలోని సండ్రాల్లగూడెం, బలరాంతండా గ్రామ పంచాయతీల్లో మంగళవారం నిర్వహించిన ప్రజాపాలన గ్రామసభల్లో కలెక్టర్‌ పాల్గొన్నారు. ఈ సందర్భంగా కలెక్టర్‌ మాట్లాడుతూ.. ఎలాంటి అపోహలకు తావులేకుండా లబ్ధిదారుల ఎంపిక జరుగుతుందని, అర్హులై ఉండి పేరు రాకపోతే మళ్లీ దరఖాస్తు చేసుకుంటే పరిశీలిస్తామని తెలిపారు. ప్రభుత్వం అత్యంత ప్రతిష్టాత్మకంగా చేపట్టిన ఇందిరమ్మ ఇళ్లు, ఇందిరమ్మ ఆత్మీయ భరోసా, రేషన్‌ కార్డులు, రైతు భరోసా లబ్ధిదారుల జాబితాను గ్రామసభల్లో విడుదల చేస్తున్నామన్నారు. క్షేత్రస్థాయిలో ప్రత్యేక అధికారుల బృందాలు ప్రజల నుంచి వివరాలు, దరఖాస్తులు సేకరిస్తూ నమోదు చేస్తున్న రిజిస్టర్లను పరిశీలించారు. ఈ ప్రక్రియ నిరంతరంగా కొనసాగుతుందని, అర్హులైనవారు మండల కేంద్రాల్లో కానీ, కలెక్టరేట్‌లో కానీ తమ పేర్లు నమోదు చేసుకోవచ్చన్నారు. ప్రత్యేక అధికారి, జెడ్పీ సీఈఓ పురుషోత్తం, ఎంపీడీఓ రఘుపతిరెడ్డి, గ్రామాల ప్రత్యేక అధికారులు, పంచాయతీ కార్యదర్శులు తదితరులు పాల్గొన్నారు. కలెక్టర్‌ అద్వైత్‌కుమార్‌ సింగ్‌ గ్రామ సభల పరిశీలన

వరంగల్‌ : వాట్సాప్‌ గ్రూపుల ద్వారా రైతులకు వివిధ పంటల సాగులో ఎదురవుతున్న సమస్యల పరిష్కారానికి సలహాలు ఇస్తున్నట్లు ‘ఫాస్‌’ (ఫౌండేషన్‌ ఫర్‌ అగ్రికల్చర్‌ సస్టేనబిలిటీ ట్రాన్స్‌ఫ్మారేషన్‌) వేదిక అధ్యక్షుడు రామచంద్రమూర్తి తెలిపారు. మంగళవారం జిల్లా రైతు శిక్షణ సమావేశ మందిరంలో ఫాస్ట ఐదేళ్ల విజయోత్సవ సమావేశం నిర్వహించారు. ఈ సందర్భంగా ఆయన మాట్లాడుతూ ‘ఫాస్ట్‌’ వేదిక ద్వారా తెలంగాణ, ఆంధ్రప్రదేశ్‌ రైతులకు సందర్భానుసారంగా సలహాలు, సూచనలు చేరవేస్తున్నామన్నారు. కార్యక్రమంలో జిల్లా వ్యవసాయ అధికారి అనురాధ, ప్రాంతీయ వ్యవసాయ పరిశోధనా స్థానం వరంగల్‌ సహా సంచాలకుడు ఉమారెడ్డి, వ్యవసాయ కళాశాల ప్రిన్సిపాల్‌ బలరాం, అస్కి ప్రతినిధి హేమనాథరావు, ఫాస్ట్‌ ప్రతినిధి రామచందర్‌రావు, అసిస్టెంట్‌ డైరెక్టర్‌ ఆఫ్‌ అగ్రికల్చర్‌ గౌస్‌హైదర్‌, తదితరులు పాల్గొన్నారు.

కురవి: మండల కేంద్రం శివారు లింగ్యాతండా గ్రామంలో మంగళవారం జరిగిన ప్రజాపాలన గ్రామసభను అడిషనల్‌ కలెక్టర్‌ లెనిన్‌ వత్సల్‌ టొప్పో ఆకస్మికంగా తనిఖీ చేశారు. తహసీల్దార్‌ సునీల్‌రెడ్డితో మాట్లాడారు. అర్హులందరికీ పథకాలు వర్తించే విధంగా చూసుకోవాల ని, ఎలాంటి అవకతవకలకు ఆస్కారం లేకుండా చూడాలని సూచించారు. దరఖాస్తుదారులతో మాట్లాడారు. అందరికీ పథకాలు అందుతాయని, అపోహలు పడొద్దని తెలిపారు. ఆర్థిక ప్రయోజనాల పేరిట మోసాలు● సైబర్‌ సెక్యూరిటీ బ్యూరో డీఎస్పీ కె.శ్రీనివాస్‌ మహబూబాబాద్‌ రూరల్‌: ఆర్థిక ప్రయోజనాల పేరిట సైబర్‌ మోసాలు జరుగుతున్నాయని సైబర్‌ సెక్యూరిటీ బ్యూరో డీఎస్పీ కె.శ్రీనివాస్‌ మంగళవారం తెలిపారు. ఎంత ఎక్కువ మందిని సభ్యులుగా చేర్పిస్తే అధిక మొత్తంలో డబ్బులు తిరిగొస్తాయని నమ్మించి ప్రజల్ని మభ్యపెట్టే కొత్త కొత్త ఆలోచనలతో సైబర్‌ నేరగాళ్లు మార్కెట్లోకి వస్తున్నారన్నారు. ఇలాంటి నూతన స్కీంలు, నేరగాళ్లపై ప్రజలందరూ అప్రమత్తంగా ఉండాలని సూచించారు. విలాసవంతమైన వస్తువులు ఇస్తామని, ప్లాట్లు రిజిస్ట్రేషన్‌ చేస్తామని, విదేశీ యాత్రలకు పంపుతామని, రకరకాల మాయమాటలతో ఆఫర్లు పెట్టి, ప్రజల నుంచి మొదటగా సభ్యత్వాలను స్వీకరిస్తారని తెలిపారు. వారితో పాటు మరికొంతమందిని సభ్యులుగా చేర్పించే ప్రయత్నంచేసి డబ్బులు కొల్లగొడుతున్నారన్నారు. మోసపోయిన వారు 1930 టోల్‌ ఫ్రీ నంబర్‌ లేదా సమీప పోలీస్‌ స్టేషన్‌లో వెంటనే పూర్తి వివరాలతో ఫిర్యాదు చేయాలన్నారు. డీఎస్పీని కలిసిన సీఐమహబూ బాబాద్‌ రూరల్‌: జిల్లా కేంద్రంలోని సబ్‌ డివిజనల్‌ పోలీసు అధి కారి కార్యాలయంలో డీఎస్పీ తిరుపతిరావును గూడూరు సీఐగా నియామకమైన సూర్యప్రకాశ్‌ మంగళవారం మర్యాదపూర్వకంగా కలిసి మొక్క అందజేశారు. పీఏసీఎస్‌ గోదాం తనిఖీడోర్నకల్‌: మండలంలోని కస్నాతండా శివారులోని డోర్నకల్‌ పీఏసీఎస్‌ గోదాంను మంగళవారం వ్యవసాయశాఖ ఏడీఏ విజయచంద్ర తనిఖీ చేశారు. గోదాంలో యూరియా నిల్వ లను తనిఖీ చేసిన అనంతరం అమ్మకాలను పరిశీలించారు. ఈ సందర్భంగా ఆయన మాట్లాడుతూ.. ప్రస్తుతం డోర్నకల్‌లో యూరి యా కొరత లేదన్నారు. ఈపాస్‌ మిషన్‌లో ఆధార్‌ ప్రక్రియ నమోదుకు సంబంధించి సాంకేతిక సమస్యతో పంపిణీ ఆలస్యమవుతుందన్నారు. కార్యక్రమంలో మండల వ్యవసాయ అధికారి మురళీమోహన్‌, ఏఈఓలు పవన్‌, అవినాష్‌ పాల్గొన్నారు. రేపు కౌన్సిల్‌ సాధారణ సమావేశంమహబూబాబాద్‌: మున్సిపాలిటీ కార్యాలయంలో ఈనెల 23న కౌన్సిల్‌ సాధారణ సమావేశం నిర్వహించనున్నట్లు మున్సిపల్‌ అధికారులు మంగళవారం ఒక ప్రకటనలో పేర్కొన్నారు. ఉదయం 10.30గంటలకు సమావేశం ఉంటుందన్నారు. సకాలంలో కౌన్సిలర్లు హాజరుకావాలని కోరారు. పాలకమండలి పదవీకాలం ఈనెల 26తో ముగియనుండగా ఇది చివరి సాధారణ సమావేశం కానుంది. గుడుంబా తయారు చేస్తే కఠిన చర్యలుతొర్రూరు: గుడుంబా తయారు చేస్తే కఠిన చర్యలు తీసుకుంటామని ఎక్సైజ్‌ ఏఈఎస్‌, తొర్రూరు ఇన్‌చార్జ్‌ ప్రవీణ్‌ తెలిపారు. గుడుంబా నిర్మూలన కోసం ఎకై ్సజ్‌శాఖ ఆధ్వర్యంలో చేపడుతున్న స్పెషల్‌ డ్రైవ్‌లో భాగంగా తొర్రూరు డివిజన్‌ పరిధిలోని ఆయా ప్రాంతాల్లో వరుస దాడులు నిర్వహించారు. ఆయా ప్రాంతాల్లో పట్టుబడిన 150 లీటర్ల నాటుసారా, రవాణాకు వినియోగిస్తున్న 5 వాహనాలను సీజ్‌ చేశారు. 2,900 లీటర్ల బెల్లం పానకం ధ్వంసం చేశారు. 23 మందిపై కేసులు నమోదు చేయడంతో పాటు 39 మందిని బైండోవర్‌ చేశారు. ఈ దాడుల్లో ఎస్సైలు రవళిరెడ్డి, తిరుపతి, సిబ్బంది పాల్గొన్నారు.

మహబూబాబాద్‌ అర్బన్‌: పోలీసులు క్రీడా స్ఫూర్తిని చాటి రాష్ట్రస్థాయిలో జిల్లాను అగ్రగామిగా నిలపాలని ఎస్పీ సుధీర్‌రాంనాథ్‌ కేకన్‌ అన్నారు. జిల్లా కేంద్రంలోని ఎస్పీ కార్యాలయ మైదానంలో పోలీస్‌ జిల్లాస్థాయి వార్షిక క్రీడోత్సవాలను మంగళవారం ఎస్పీ ప్రారంభించారు. పొలీస్‌ అధికారులు, సిబ్బంది మార్చ్‌ఫాస్ట్‌ నిర్వహించగా ఎస్పీ క్రీడాజ్యోతిని వెలిగించి రన్నింగ్‌, వాలీబాల్‌, క్రికెట్‌ క్రీడా పోటీలను ప్రారంభించి మాట్లాడారు. పోలీసులు 24 గంటలు పని ఒత్తిడికి గురవుతారని, దీనిని దృష్టిలో ఉంచుకొని పోలీస్‌శాఖ ఆధ్వర్యంలో జిల్లా పోలీసుక్రీడా పోటీలను నిర్వహిస్తున్నామన్నారు. పోటీల్లో నిబంధనలు ఉల్లంఘిస్తే చర్యలు తీసుకుంటామన్నారు. క్రీడలతో శారీరక దృఢత్వంతో పాటు మానసిక ఉల్లాసం కలుగుతుందన్నారు. గెలుపోటములు సహజమని, ప్రతి ఒక్కరూ పోటీల్లో పాల్గొని క్రీడా స్ఫూర్తిని చాటాలన్నారు. ఈ నెల 27న కరీంనగర్‌లో జరిగే రాష్ట్రస్థాయి పోలీస్‌ మీట్‌లో సత్తాచాటాలన్నారు. మహిళలకు, పురుషులకు వేర్వేరుగా ప్రత్యేక క్రీడలు నిర్వహిస్తున్నామని, క్రీడల్లో పాల్గొని విజేతలుగా నిలవాలన్నారు. డీఎస్పీలు తిరుపతిరావు, శ్రీనివాస్‌, విజయ్‌ప్రతాప్‌, కృష్ణకిషోర్‌, మోహన్‌, శ్రీనివాస్‌, సీఐలు, దేవేందర్‌, సర్వయ్య, రాజ్‌కుమార్‌గౌడ్‌, రవికుమార్‌, ఎస్సైలు, పీడీలు, పీఈటీలు, పోలీస్‌ సిబ్బంది ఉన్నారు. ఎస్పీ సుధీర్‌రాంనాథ్‌ కేకన్‌ పోలీస్‌ జిల్లాస్థాయి వార్షిక క్రీడోత్సవాలు షురూ..

సాక్షి, మహబూబాబాద్‌: జిల్లా వ్యాప్తంగా వ్యవసాయశాఖ అధికారులు నిర్వహించిన సర్వేలో సాగుకుయోగ్యం కాని భూముల లెక్కలు తేల్చారు. దీంతో సాగు భూమి లెక్క సిద్ధమైంది. ఈ జాబితా ప్రకారమే రైతు భరోసా అందనుంది. పంటకు ఎకరానికి రూ.6వేల చొప్పున సంవత్సరానికి రూ.12వేలు అందజేయనున్నట్లు అధికారులు ప్రకటించారు. అయితే మంగళవారం జరిగిన గ్రామ సభల్లో జాబితాను ప్రకటించగా పలుచోట్ల అభ్యంతరాలు రావడం, అధికారులు పక్షపాతంగా లెక్కలు వేశారనే ఫిర్యాదులు కూడా వచ్చాయి. ఐదు రోజుల సర్వే.. నాలుగు పథకాలను జనవరి 26నుంచి అమలు చేస్తామని ముఖ్యమంత్రి, మంత్రులు ప్రకటించిన నేపథ్యంలో వ్యవసాయ, రెవెన్యూశాఖల అధికారులు జనవరి 16 నుంచి 20వ తేదీ వరకు ఐదు రోజులు సర్వే నిర్వహించారు. ఇందులో భాగంగా ఏఈఓలు, ఏఓలు, ఏడీలు, డీఏఓ బృందాలుగా ఏర్పడి సేకరించిన వివరాలతో తుది జాబితాను సిద్ధం చేశారు. ప్రధానంగా మండలాల వారీగా మొత్తం భూమి ఎంత, ఇందులో వ్యవసాయానికి యోగ్యమైన భూమి ఎంత, యోగ్యంకాని భూమి ఎంత అని గుర్తించారు. ఇందులో ప్రధానంగా ఇల్లు లేదా కాలనీలుగా మారిన వ్యవసాయ భూమి, రి యల్‌ఎస్టేట్‌, రోడ్డు, పరిశ్రమలు, గోదాంలు, మై నింగ్‌ మొదలైన అవసరాలకు వినియోగించిన భూమి,వివిధ అవసరాలు, ప్రభుత్వ కార్యాలయాలు, విద్యాలయాల కోసం ప్రభుత్వం సేకరించిన భూమితోపాటు, రాళ్లు,రప్పలు, గుట్టలతో నిండి సాగుకు అనుకూలంకాని భూములను గుర్తించారు. గ్రామసభల్లో పలు ఫిర్యాదులు వ్యవసాయ, రెవెన్యూ అధికారులు మంగళవారం జిల్లా వ్యాప్తంగా నిర్వహించిన గ్రామ సభల్లో భూముల వివరాలు ప్రకటించారు. అయితే ఇందులో నెల్లికుదురు, కురవి, దంతాలపల్లి, మరిపెడ, కేసముద్రం మండలాల్లో లెక్కలు తప్పుగా చేశారని పలువురు ఆరోపించారు. వ్యవసాయ, రెవెన్యూ అధికారుల్లో కొందరు తమ ఇష్టారాజ్యంగా వ్యవహరించి జాబితా తయారు చేశారని ఆరోపించారు. దీనిపై జిల్లా వ్యవసాయశాఖ అధికారి విజయ నిర్మలను వివరణ కోరగా గ్రామ సభల్లో ఫిర్యాదులు వచ్చిన మాట వాస్తవమే.. ఎక్కడైనా తప్పు జరిగితే పూర్తి వివరాలతో ఫిర్యాదు చేయాలని, తహసీల్దార్‌, ఏఓలు పరిశీలించి తప్పు అని తేలితే రైతు భరోసా జాబితా నుంచి భూమిని తొలగిస్తామని చెప్పారు.సాగుకు యోగ్యంకాని భూముల వివరాలు వెల్లడి 8,232 ఎకరాలుగా గుర్తింపు ఈ లెక్కల ఆధారంగానే రైతు భరోసా ఇందులో కూడా తప్పులు ఉన్నాయని ఆరోపణలు ఫిర్యాదు చేస్తే తొలగిస్తామన్న అధికారులుజిల్లాలోని భూమి వివరాలు(ఎకరాలు).. వ్యవసాయ యోగ్యమైన భూమి: 3,69,859ఇల్లు, కాలనీగా మారిన భూమి: 772రియల్‌ఎస్టేట్‌, పరిశ్రమలు, గోదాం, మైనింగ్‌కు వినియోగించిన భూమి: 2,863వివిధ అవసరాలకోసం ప్రభుత్వం సేకరించిన భూమి: 479రాళ్లు, గుట్టలతో ఉన్న భూమి : 3,431ఇతర కారణాలతో సాగుకు పనికి రాని భూమి: 687వ్యవసాయానికి యోగ్యం కాని మొత్తం భూమి: 8,232

సాక్షి, మహబూబాబాద్‌: ప్రభుత్వ పథకాల అమలులో భాగంగా లబ్ధిదారుల ఎంపిక కోసం మంగళవారం జిల్లా వ్యాప్తంగా నిర్వహించిన గ్రామ సభలు నిరసనలు, నిలదీతలతో సాగాయి. అర్హుల జాబితాను అధికారులు ప్రకటించడంతో అందులో తప్పులు జరిగాయని, అధికారులు ఏకపక్షంగా లబ్ధిదారులను ఎంపిక చేశారని ఆందోళన చేశారు. అర్హులను విస్మరించి అనర్హులకు లబ్ధిచేరూరేలా జా బితాలు ఉన్నాయని గ్రామస్తులు గొడవలకు దిగడ ంతో గ్రామ సభల్లో గందరగోళం చోటుచేసుకుంది. అవగాహన లేక ఆలస్యంగా.. రాష్ట్ర ప్రభుత్వం అందించే సంక్షేమ పథకాలు ఇందిరమ్మ ఇళ్లు, రైతు భరోసా, వ్యవసాయకూలీలకు ఇందిరమ్మ ఆత్మీయ భరోసా, కొత్త రేషన్‌ కార్డుల పంపిణీకి ప్రజాపాలన దరఖాస్తుల ఆధారంగా సర్వే నిర్వహించి లబ్ధిదారుల జాబితా తయారు చేశారు. ఈమేరకు ఈనెల 21నుంచి 24 గ్రామ సభలు నిర్వహిస్తున్నారు. ఇందులో భాగంగా మంగళవారం నిర్వహించిన సభలపై అధికారులు ప్రజల్లో అవగాహన కల్పించలేదు. గ్రామ సభలు ఉన్నట్లు కొన్ని చోట్ల ప్రచారం చేయలేదు. దీంతో మహబూబాబాద్‌ పట్టణంతోపాటు, జిల్లాలోని మరిపెడ, తొర్రూరు, డోర్నకల్‌ మండలాల్లోని కొన్ని చోట్ల అధికారులు వచ్చినా సభలకు ప్రజలు రాలేదు. దీంతో అక్కడ ఉన్న నాయకులు ఇంటింటికీ వెళ్లి ప్రజల ను తీసుకురావాల్సి వచ్చింది. దీంతో పలుచోట్ల ఆలస్యంగా సభలు ప్రారంభమయ్యాయి. ఆందోళనలు.. గ్రామ సభల్లో ప్రభుత్వ పథకాల లబ్ధిదారుల ఎంపికలో అవకతవకలు జరిగాయని పలుచోట్ల లబ్ధిదారులు నిరసనలు తెలిపారు. అధికారులను నిలదీశారు. ఈ సందర్భంగా అధికార, ప్రతిపక్ష నాయకుల మధ్య వాగ్వాదం జరిగింది. చిన్నగూడూరు మండలం గుండంరాజుపల్లిలో ఇందిరమ్మ ఆత్మీయ భరోసా, కొత్త రేషన్‌ కార్డుల జాబితాలో అర్హుల పేర్లు లేవని అధికారులను గ్రామస్తులు ప్రశ్నించారు. తొర్రూరు మండలంలోని చింతపల్లి, మాటేడు గ్రామాల్లో అధికారులు ఏకపక్షంగా వ్యవహరించి అర్హులను విస్మరించారని అధికారులను నిలదీయగా సమాధానం చెప్పకుండా మధ్యలోనే వెళ్లిపోయారు. కేసముద్రం గ్రామంలో పథకాల అమలు జాబితా తప్పులతడకగా ఉందని గ్రామస్తులు అధికారులతో వాగ్వాదానికి దిగారు. అదేవిధంగా దంతాలపల్లి, నెల్లికుదురు మండలాల్లో జాబితా తప్పుల తడకగా తయారు చేశారని గ్రామస్తులు నిరసన తెలిపారు. గందరగోళంగా గ్రామ సభలు ఎంపికలో అధికారులు ఏకపక్షంగా వ్యవహరించారని ఆరోపణలు అర్హులను విస్మరించారని ఆఫీసర్లతో వాగ్వాదం

బుధవారం శ్రీ 22 శ్రీ జనవరి శ్రీ 2025– 8లోu● కురవి: కురవి గ్రామ పంచాయతీ కార్యాలయంలో తహసీల్దార్‌ సునీల్‌రెడ్డి అధ్యక్షతన జరిగిన గ్రామ సభలో గందరగోళం నెలకొంది. రేషన్‌ కార్డుల జాబితాలో తమ పేరు రాలేదని రాజన్న, తురక రమేశ్‌, సంగెం భరత్‌, దుడ్డెల వినోద్‌ అధికారులను ప్రశ్నించారు. కొందరి పేర్లు ఉండడంతో ప్రజలు లొల్లికి దిగారు. తహసీల్దార్‌ సునీల్‌రెడ్డి, స్పెషల్‌ ఆఫీసర్‌ నర్సింహాస్వామి జోక్యం చేసుకుని ఇది నిరంతర ప్రక్రియ అని అందరి పేర్లు ఉంటాయని సర్దిచెప్పారు. రైతులకు రుణమాఫీ వర్తించలేదని రైతు తురక రమేశ్‌ అధికారులను నిలదీశారు. ఇందిరమ్మ ఇళ్ల జాబితాలో పేర్లు లేకపోవడంతో మహిళలు అధికారులను నిలదీశారు. మహిళలు స్టేజీ వద్దకు దూసుకెళ్లడంతో గందరగోళం నెలకొంది. పోలీసులు వారిని వారించారు. అనంతరం ఇందిరమ్మ ఆత్మీయ భరోసా పేర్లు చదువుతుండగానే మహిళలు ఒక్కసారిగా ఆగ్రహం వ్యక్తం చేశారు. ఆ పథకాన్ని గ్రామ సభలో ప్రజలు ముక్తకంఠంతో తిరస్కరించారు. దీంతో ఆ ఒక్క అంశాన్ని పెండింగ్‌లో పెట్టారు. అనంతరం సభ ముగిసినట్లు ప్రకటించి దరఖాస్తులను స్వీకరించారు. ● నర్సింహులపేట: మండలంలోని నర్సింహులపేట, జయపురం, నర్సింహపురం బంజర, పకీరాతండా, లోక్యాతండా, బొ జ్జన్నపేట గ్రామాల్లో మంగళవారం గ్రామసభలు నిర్వహించారు. మండలంలో కొత్త రేషన్‌కార్డుల కోసం 694మంది, పాత కార్డుల్లో పేర్ల చేర్పుల కోసం 1166మంది, ఇందిరమ్మ ఇళ్లు 7,848మంది, ఇందిరమ్మ ఆత్మీయ రైతు భరోసా కోసం 1,588 మందితో జాబితాలు వచ్చాయి. కాగా నర్సింహులపేట గ్రామ సభలో జాబితాలో 30శాతంపైగా అనర్హుల పేర్లు ఉన్నాయని, నిజమైన లబ్ధిదా రుల పేర్లు రాలేదని అధికారులను నిలదీసి గొడవ చేశారు. ● మహబూబాబాద్‌ రూరల్‌: ఇందిరమ్మ ఆత్మీయ భరోసాకు అనర్హులకు చోటుకల్పించారని, అర్హుల పేర్లు గల్లంతు చేశారని ఆరోపిస్తూ పలువురు గ్రామసభల్లో అధికారులతో వాగ్వాదం చేశారు. మహబూబాబాద్‌ మండలం పర్వతగిరిలో సో మవారం ప్రజాపాలన గ్రామసభ ఏర్పా టు చేశారు. ఎమ్మెల్యే భూక్య మురళీనాయక్‌ హాజరుకాగా.. ఇందిరమ్మ ఆత్మీయ భరోసా పథకంలో అనర్హులకు చోటు కల్పించారని గ్రామానికి చెందిన కేతరాజు ఉప్పలయ్య, డెంకని నర్సయ్య, గడ్డం గోపి ఆందోళన చేశారు. ఏపీఓ రమేశ్‌రెడ్డితో వాగ్వాదం చేశారు. ఎమ్మెల్యే జోక్యం చేసుకొని పథకం వర్తింపజేస్తామని చెప్పారు. న్యూస్‌రీల్‌

వరంగల్‌ రీజియన్‌లో 12 రోజులకు వచ్చిన ఆదాయం రూ.30.30 కోట్లు హన్మకొండ: సంక్రాంతి పండుగకు ఆర్టీసీలో మహిళా ప్రయాణికులే అధిక సంఖ్యలో ప్రయాణించారు. మహాలక్ష్మి పథకంతో ఉచిత బస్సు ప్రయాణ సౌకర్యం కల్పించడంతో మహిళా ప్రయాణికులు అధిక సంఖ్యలో సద్వినియోగం చేసుకున్నారు. వరంగల్‌ రీజియన్‌లో ఈ నెల 9 నుంచి 20వ తేదీ వరకు 48.64 లక్షల మంది ప్రయాణిస్తే ఇందులో మహిళా ప్రయాణికులు 30.40 లక్షల మంది ఉన్నారు. టికెట్‌ ద్వారా ప్రయాణించిన వారి సంఖ్య 18.25 లక్షలు మాత్రమే. ఇందులోనూ మహిళా ప్రయాణికులు ఉన్నారు. మొత్తం ప్రయాణికుల్లో 62.5 శాతం మంది ఉచితంగా ప్రయాణించిన వారే. టికెట్‌ ద్వారా 37.5 శాతం మంది ప్రయాణించారు. సంక్రాంతి పండుగకు విద్యాసంస్థలకు ఈ నెల 11 నుంచి 17 వరకు సెలవులు ఇచ్చారు. 18వ తేదీ ఒక్క రోజు పని దినం ఉన్నప్పటికీ 19వ తేదీ ఆదివారం కావడంతో ఈ నెల 20వ తేదీ ఉదయం వరకు ఆర్టీసీ బస్సులు కిక్కిరిసి నడిచాయి. విద్యాసంస్థలకు సెలవులు 11 నుంచి అయితే ఆర్టీసీ బస్సులకు ఈ నెల 9 నుంచి రద్దీ పెరిగింది. రీజియన్‌లో 660 ప్రత్యేక బస్సులు ● సంక్రాంతి పండుగకు వరంగల్‌ రీజియన్‌లో ఆర్టీసీ 660 ప్రత్యేక బస్సులు నడిపింది. ● సంక్రాంతి పండుగకు 12 రోజుల్లో రూ.30,30,01,000 ఆదాయాన్ని రాబట్టుకుంది. ● సాధారణంగా ఆర్టీసీ వరంగల్‌ రీజియన్‌లో రోజుకు సగటున రూ.2 కోట్ల ఆదాయం వస్తుంది. ఈ 12 రోజుల్లో సగటున రూ.2.52 కోట్లకు పైగా ఆదాయం వచ్చింది. కిలో మీటర్‌కు రూ.64.84 ఆర్జించింది. ● ఈ నెల 9 నుంచి 20వ తేదీ వరకు 46.73 లక్షల కిలో మీటర్లు తిరిగి 48.64 లక్షల మందిని వివిధ గమ్యస్థానాలకు చేరవేసింది. ● మహాలక్ష్మి పథకంలో భాగంగా ఉచిత ప్రయాణం ద్వారా 30.40 లక్షల మహిళా ప్రయా ణికులను చేరవేసింది. రూ.14,29,63,000 ఆదాయం వచ్చింది. ● టికెట్‌ ద్వారా 18.25 లక్షల మందిని చేరవేయడం ద్వారా రూ.16,00,38,000 ఆదాయం రాబట్టుకుంది. ● మహిళా ప్రయాణికుల సంఖ్య అధికంగా ఉన్నా.. మొత్తం ఆదాయంలో ఉచిత ప్రయాణం ద్వారా 47శాతం మాత్రమే ఆదాయం వచ్చింది. ● టికెట్‌ ప్రయాణికుల ద్వారా 53 శాతం ఆదాయం వచ్చింది. రీజియన్‌లో ఇలా.. నడిచిన సర్వీసులు : 660తిరిగిన కిలో మీటర్లు : 46.73 లక్షలు ప్రయాణికుల చేరవేత : 48.64 లక్షలు మహాలక్ష్మి పథకం ప్రయాణికులు : 30.40 లక్షలు ఆదాయం : రూ.14.29 కోట్లు టికెట్‌ ప్రయాణికులు : 18.25 లక్షలు ఆదాయం : 16 కోట్లు అధిక సంఖ్యలో ప్రయాణించిన మహిళలు ఈ నెల 9 నుంచి 20 వరకు రద్దీగా ఆర్టీసీ బస్సులు ఉచిత ప్రయాణం కంటే టికెట్‌ ప్రయాణ ఆదాయమే ఎక్కువ..టికెట్‌ ఆదాయమే ఎక్కువ.. 62.5 శాతం ఉచిత ప్రయాణికుల ద్వారా 47 శాతం ఆదాయం రాగా, 37.5 శాతం టికెట్‌ ప్రయాణికుల ద్వారా 53 శాతం ఆదాయం వచ్చింది. పల్లెవెలుగు, ఎక్స్‌ప్రెస్‌ బస్సుల్లోనే మహిళలకు ఉచిత ప్రయాణ సౌకర్యం కల్పించారు. డీలక్స్‌, సూపర్‌ లగ్జరీ, ఏసీ బస్సులతో పోలిస్తే ఈ బస్సుల్లో చార్జీలు తక్కువగా ఉంటాయి. దీంతో ప్రయాణికుల సంఖ్య అధికంగా కనిపించినా ఆదాయం ఆ మేరకు కనిపించలేదు. డీలక్స్‌, సూపర్‌ లగ్జరీ, ఏసీ బస్సుల్లో చార్జీలు అధికంగా ఉంటున్నందున ప్రయాణికుల సంఖ్య తక్కువ కనిపించినా ఆదాయం అధికంగా ఉంటుంది.

డిపో ప్రయాణికులు ఆదాయం తిరిగిన కి.మీ హనుమకొండ 8.14 366.87 5.90 వరంగల్‌–1 4.60 406.97 6.52 వరంగల్‌–2 4.93 516.50 8.51 పరకాల 4.80 219.14 3.40 భూపాలపల్లి 4.88 303.78 4.27 జనగామ 6.47 359.30 5.57 మహబూబాబాద్‌ 4.46 209.38 3.09 నర్సంపేట 5.84 296.16 4.52 తొర్రూరు 4.53 351.91 4.95

మహబూబాబాద్‌: బాలసదనంలో ఉన్న బాలకార్మి కులను ఇంటికి పంపిస్తామని జిల్లా సంక్షేమాధికారి దనమ్మ అన్నారు. సీడబ్ల్యూసీ నిర్వాకంతో బాలసదనంలో నెలల తరబడి బాలకార్మికులు ఇబ్బందులు పడుతున్నారు. ఈమేరకు సోమవారం సాక్షి దినపత్రికలో ‘సమన్వయం లోపం!’ అనే శీర్షికన వెలువడిన కథనంపై జిల్లా సంక్షేమాధికారి దనమ్మ స్పందించారు. ఈమేరకు జిల్లా సంక్షేమాధికారి కార్యాలయంలో డీడబ్ల్యూఓ దనమ్మ అధ్యక్షతన సీడబ్ల్యూసీ చైర్‌పర్సన్‌ డాక్టర్‌ నాగవాణి, సభ్యులు డేవిడ్‌, డాక్టర్‌ పరికిపండ్ల అశోక్‌, బాలల పరిరక్షణ విభాగం, చైల్డ్‌లైన్‌ విభాగం అధికారులతో సమావేశం నిర్వహించారు. డీడబ్ల్యూఓ కొన్ని గంటల పాటు విచారణ చేశారు. వారినుంచి నివేదికలు తీసుకున్నట్లు సమాచారం. ఈ సందర్భంగా ఆమె మాట్లాడుతూ.. సీడబ్ల్యూసీ కమిటీ మూడేళ్ల పదవీకాలం కూడా ముగిసిందని, కలెక్టర్‌ దృష్టికి తీసుకెళ్లి నూతన కమిటీని ఏర్పాటు చేస్తామన్నారు. కార్యక్రమంలో సీనియర్‌ అసిస్టెంట్‌ రాజు తదితరులు పాల్గొన్నారు. త్వరలోనే నూతన సీడబ్ల్యూసీ ఏర్పాటు విచారణ చేపట్టిన డీడబ్ల్యూఓ దనమ్మ

మహబూబాబాద్‌: జిల్లాలో ఈనెల 21నుంచి 24వరకు షెడ్యూల్‌ ప్రకారం గ్రామ సభలు నిర్వహించాలని కలెక్టర్‌ అద్వైత్‌కుమార్‌ సింగ్‌ ఆదేశించారు. కలెక్టరేట్‌లోని ప్రధాన సమావేశ మందిరంలో సోమవారం గ్రామసభల నిర్వహణపై సంబంధిత అధికారులతో కలెక్టర్‌ సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ.. గ్రామ సభలకు విస్తృత ఏర్పాట్లు చేయాలన్నారు. అర్హులైన ప్రతీ ఒక్కరికి సంక్షేమ పథకాలు అందజేయడమే ప్రభుత్వ లక్ష్యమన్నారు. పథకాల అమలులో అధికారులందరూ అంకితభావంతో పనిచేయాలన్నారు. గ్రామసభల విషయంలో అధికారులు అలసత్వం వహిస్తే చర్యలు తప్పవని హెచ్చరించారు. గ్రామ సభల్లో ఫ్లెక్సీలు, మౌలిక సదుపాయాలు కల్పించాలన్నారు. అన్ని గ్రామ పంచాయతీ కార్యాలయాల నోటీస్‌ బోర్డుపై అర్హుల జాబితాను ఏర్పాటు చేయాలన్నారు. గ్రామ సభల్లో వచ్చే ఫిర్యాదులను రిజిస్టర్లలో నమోదు చేసుకొని స్వీకరించాలన్నారు. గ్రామ సభల తీర్మాన పత్రాలను సురక్షితంగా ఎంతో జాగ్రత్తగా భద్రపర్చాలన్నారు. లబ్ధిదారులు ఎంపిక అనేది నిరంతర ప్రక్రియ అన్నారు. సమావేశంలో అదనపు కలెక్టర్లు లెనిన్‌ వత్సల్‌ టొప్పో, వీరబహ్మచారి, జెడ్పీ సీఈఓ పురుషోత్తం, డీపీఓ హరిప్రసాద్‌, డీఎస్‌ఓ ప్రేమ్‌కుమార్‌, ప్రత్యేక అధికారులు పాల్గొన్నారు. గణతంత్ర వేడుకలు ఘనంగా నిర్వహించాలి గణతంత్ర దినోత్సవ వేడుకలను ఘనంగా నిర్వహించుకోవాలని కలెక్టర్‌ అద్వైత్‌కుమార్‌ సింగ్‌ అ న్నారు. సోమవారం కలెక్టర్‌ కార్యాలయంలోని కా న్ఫరెన్స్‌ హాల్‌లో అదనపు కలెక్టర్లు లెనిన్‌ వత్సల్‌ టొ ప్పో, వీరబ్రహ్మచారితో కలిసి కలెక్టర్‌ వేడుకల నిర్వహణపై సంబంధిత అధికారులతో సమీక్షించారు. కలెక్టర్‌ మాట్లాడుతూ.. జిల్లా కేంద్రంలోని ఎన్టీఆర్‌ స్టేడియంలో వేడుకలకు తగిన ఏర్పాటు చేయాలన్నారు. మౌలిక సదుపాయాలు కల్పించాలన్నారు. అభివృద్ధి పనులు నాణ్యతతో చేపట్టాలి మరిపెడ: అభివృద్ధి పనులు నాణ్యతతో చేపట్టాలని కలెక్టర్‌ అద్వైత్‌కుమార్‌సింగ్‌ అన్నారు. మరిపెడ మున్సిపాలిటీలోని పలు వార్డులు, ట్రైబల్‌ వెల్ఫేర్‌ వసతి గృహాలను సోమవారం ఆయన సందర్శించారు. ఈ సందర్భంగా కలెక్టర్‌ మాట్లాడుతూ.. పలు వార్డుల్లో చేపట్టిన అభివృద్ధి పనులను వేగవంతంగా పూర్తి చేయాలని సూచించారు. అందుకు ఇంజనీరింగ్‌ అధికారులు చర్యలు తీసుకోవాలన్నారు. అనంతరం డ్రెయినేజీలను పరిశీలించారు. అన్ని ప్రాంతాల్లో పారిశుద్ధ్యం మెరుగ్గా ఉండేలా చూడాలని చెప్పారు. తహసీల్దార్‌ సైదులు, మున్సిపల్‌ కమిషనర్‌ నరేష్‌రెడ్డి తదితరులు ఉన్నారు. లబ్ధిదారుల ఎంపిక నిరంతర ప్రక్రియ కలెక్టర్‌ అద్వైత్‌కుమార్‌సింగ్‌

లోకం పోకడలు తెలియని పాలబుగ్గల చిన్నోడి చిరునవ్వులు బోసిపోయాయి. వెచ్చని తల్లిఒడిలో జోలపాట వినాల్సిన వయసులో.. నిండు నూరేళ్లు నిండాయి. వీధిలో ఆడుకుంటూ.. ఎడ్లబండి చక్రం కింద నలిగిపోయాడు. అల్లారుముద్దుగా పెంచుకుంటున్న తల్లిదండ్రులకు పుత్రశోకం మిగిలింది. గుండెలవిసేలా విలపించిన వారిని ఓదార్చడం ఎవరివల్ల కాలేదు. వారి రోదనలు చూసి బంధుమిత్రులు కన్నీటిపర్యంతమయ్యారు. మరిపెడ రూరల్‌: మరిపెడ మండలం ఎడ్జెర్ల గ్రామ రెవెన్యూ పరిధిలోని గుర్రప్పతండాకు చెందిన బానోతు లచ్య, సునీత దంపతుల కుమారుడు బానోతు ప్రణయ్‌ తేజ్‌ (4) ఆదివారం వీధిలో ఆడుకుంటున్నాడు. ఈక్రమంలో ఇంటి పక్కన ఉండే హళావత్‌ సిరి ఎడ్ల బండి వ్యవసాయ క్షేత్రానికి వెళ్తూ బాలుడు ఆడుకుంటున్న వీధి వద్దకు వచ్చి ఆగింది. ఈక్రమంలో బాలుడు చక్రం మీదుగా ఎండ్ల బండి ఎక్కడానికి ప్రయత్నించాడు. బండి ఒక్కసారిగా ముందుకు కదలడంతో బాలుడు చక్రం కింద పడ్డాడు. ఈక్రమంలో చక్రం అతడిపై నుంచి వెళ్లింది. గాయపడిన బాలుడిని చికిత్స నిమిత్తం ఖమ్మంలోని ఓ ప్రైవేట్‌ ఆస్పత్రికి తరలించారు. కాగా చికిత్స పొందుతూ సోమవారం మృతి చెందాడు. దీంతో తల్లిదండ్రులు, బంధువుల రోదనలు మిన్నంటాయి. బాలుడి మృతితో తండాలో విషాద ఛాయలు అలుముకున్నాయి. కాగా ప్రణయ్‌ తేజ్‌ మరిపెడలోని రత్న స్కూల్‌లో నర్సరీ చదువుతున్నాడు. మరిపెడ ఏఎస్సై మంగ్యానాయక్‌ సిబ్బందితో సంఘటన స్థలికి చేరుకొని పంచనామా నిర్వహించి పోస్టుమార్టం నిమిత్తం బాలుడి మృతదేహాన్ని మహబూబాబాద్‌లోని జిల్లా ఆస్పత్రికి తరలించారు. కేసు నమోదు చేసుకుని దర్యాప్తు చేస్తున్నట్లు ఏఎస్సై తెలిపారు. ఎడ్ల బండి చక్రాల కింద పడిన బాలుడు చికిత్స పొందుతూ మృతి గుర్రప్పతండాలో విషాదఛాయలు