బెల్లంపల్లిరూరల్‌: మండలంలోని గురిజాల రైతువేదికలో జూలై 3న జరిగిన చోరీని పోలీసులు ఛేదించారు. ఎట్టకేలకు రెండు నెలలకు దొంగలను పట్టుకున్నారు. పోలీసుస్టేషన్‌లో బెల్లంపల్లి రూరల్‌ సీఐ చందవోలు హనోక్‌ ఆదివారం ఈమేరకు వివరాలు వెల్లడించారు. గురిజాల రైతు వేదికలో రూ.1.90 లక్షల విలువ గల వీడియో కాన్ఫరెన్స్‌కు ఉపయోగించే ఎల్‌ఈడీ టీవీ, ఇతర సామగ్రి చోరికి గురైనట్లు వ్యవసాయ అధికారులు తాళ్లగురిజాల పోలీసులకు ఫిర్యాదు చేయగా కేసు దర్యాప్తు చేపట్టారు. కన్నెపల్లి మండలం జన్కాపూర్‌కు చెందిన మహమ్మద్‌ నసీమ్‌ బేగ్‌, బెల్లంపల్లి అశోక్‌నగర్‌కు చెందిన వర్మ శైలేష్‌లు జూలై 3న అర్థరాత్రి ఆటోలో వచ్చి బండరాయితో తాళం పగులగొట్టి ఎల్‌ఈడీ టీవీ, సౌండ్‌ బాక్స్‌లు, సీపీయూ, ఆంఫ్లీఫయార్‌, ఇతర సామగ్రిని ఎత్తుకెళ్లారు. ఆ సామగ్రిని బెల్లంపల్లిలో విక్రయించేందుకు వస్తున్నారు. తాళ్లగురిజాల పోలీసులు శనివారం వాహనాల తనిఖీలో ఆటోలో ఎల్‌ఈడీ టీవీ, సామగ్రి అనుమానస్పదంగా కనిపించడంతో సదరు వ్యక్తులను అదుపులో తీసుకుని విచారించగా నేరం అంగీకరించారు. ఇద్దరు నిందితులను బెల్లంపల్లి జూనియర్‌ సివిల్‌ కోర్టులో హాజరుపర్చి రిమాండ్‌కు తరలించినట్లు సీఐ తెలిపారు. తాళ్లగురిజాల ఎస్సై బండి రామకృష్ణ, ఏఎస్సై అలీ, సిబ్బంది అరుణ్‌, మురళీ, శ్యామ్‌ తదితరులు పాల్గొన్నారు.

ఆదిలాబాద్‌రూరల్‌: ఈనెల 28న నిర్వహించే చలో భద్రాచలం కార్యక్రమాన్ని ఆదిలాబాద్‌ ఉమ్మడి జిల్లాలోని 9 తెగల ఆదివాసీలు విజయవంతం చేయాలని మాజీ ఎంపీ, రాజ్‌గోండ్‌ సేవా సమితి రాష్ట్ర అధ్యక్షుడు సోయం బాపూరావు పిలుపునిచ్చారు. ఆదివారం హైదరాబాద్‌లోని ఉస్మానియా యూనివర్సిటీలో ఆదివాసీ సంఘాల రాష్ట్రస్థాయి రౌండ్‌టేబుల్‌ సమావేశం నిర్వహించారు. ముఖ్యఅతిథిగా సోయం బాపూరావు, జిల్లాకు చెందిన ఆదివాసీ సంఘాల నాయకులు పాల్గొని చలో భద్రాచలం పోస్టర్‌ను ఆవిష్కరించారు. ఈ సందర్భంగా సోయం మాట్లాడుతూ రాష్ట్రవ్యాప్తంగా ఆదివాసీ జేఏసీ ఏర్పాటు చేస్తున్నామని తెలిపారు. డిసెంబర్‌ 9న హైదరాబాద్‌లో భారీ బహిరంగ సభ, ఆ తర్వాత ఢిల్లీలో సభ నిర్వహిస్తామని తెలిపారు. సమావేశంలో 9 తెగల సంఘాల నాయకులు, అడ్వొకేట్‌ సంఘం, ఉద్యోగ సంఘాలు, విద్యార్థి సంఘాలు పాల్గొన్నారు.

బెల్లంపల్లి: విప్లవోద్యమ చరిత్రలో బెల్లంపల్లికి ఎంతో ప్రత్యేకత ఉంది. పోరాటాల పురిటిగడ్డగా ప్రసిద్ధిగాంచింది. బొగ్గు గనుల క్షేత్రమైన ఈ ప్రాంతం నుంచి ఎందరో యువకులు విప్లవోద్యమంలో చేరి ఏళ్ల తరబడి నుంచి అసువులు బాస్తున్నారు. నేటికీ అదే ఒరవడి కొనసాగుతోంది. విప్లవమే జీవితాశయంగా ఎంచుకుని సాయుధ గెరిల్లా పోరాట పంథాలో సాగుతూ పోలీసు ఎదురుకాల్పులు, అనారోగ్య సమస్యలతో ఒక్కొక్కరుగా కన్నుమూస్తున్నారు. నమ్మిన సిద్ధాంతానికి కట్టుబడి ప్రాణాలను తృణప్రాయంగా అర్పిస్తూ త్యాగాలకు మారుపేరుగా నిలుస్తున్నారు. ఆ అమరుల నెత్తుటి త్యాగాలతో నల్ల నేల ఎరుపు వర్ణాన్ని పులుముకుంటోంది. అజ్ఞాతంలోకి వెళ్లి దండకారణ్యానికి ఉద్యమబాటలు వేసిన విప్లవకారుల్లో ఈ ప్రాంత అమరుల భాగస్వామ్యం ఎంతో ఉంది. త్యాగాల నెత్తుటి సాళ్లలో మొలకెత్తిన ఆ విప్లవ బీజాలు ప్రస్తుతం కానరాకుండా పోయే పరిస్థితులు కనిపిస్తున్నాయి. దౌర్జన్యాలు, దాష్టీకాలు సహించలేక.. విప్లవ పోరాటానికి ఆకర్శితులైన యువకుల్లో అత్యధిక మంది నిరుపేద, కార్మిక బిడ్డలే. సింగరేణి కార్మికులపై గని అధికారులు సాగిస్తున్న వేధింపులు, దోపిడీ, దౌర్జన్యాలు, అట్టడుగు వర్గాల ప్రజలు, బస్తీల్లో మహిళలపై గూండాలు సాగిస్తున్న దాష్టీకాలకు వ్యతిరేకంగా తిరగబడ్డారు. ప్రజాకంఠకులుగా మారిన గూండాలు, రౌడీలను అంతమొందించి ప్రజాభిమానాన్ని చూరగొన్నారు. రాడికల్‌ స్టూడెంట్‌ యూనియన్‌ (ఆర్‌ఎస్‌యూ) తరపున గని అధికారుల దోపిడీ, దౌర్జన్యాలు ఎదిరించి విప్లవమార్గంలో పయనించారు. పీపుల్స్‌వార్‌, సింగరేణి కార్మిక సమాఖ్య (సికాస) నిర్మాణంలో కార్మిక, నిరుపేద వర్గాల బిడ్డలు భాగస్వాములై రహస్య జీవితంలోకి వెళ్లారు. ఆద్యులు ఆ ముగ్గురు సింగరేణి కార్మిక బిడ్డలైన గజ్జెల గంగారాం, పెద్ది శంకర్‌, కటకం సుదర్శన్‌ విద్యార్థి దశలో రాడికల్‌ విప్లవోద్యమాలకు ఆకర్శితులయ్యారు. విప్లవోద్యమ చరిత్రలో వీరు ప్రత్యేక స్థానాన్ని ఏర్పర్చుకున్నారు. వీరి అడుగుజాడల్లో ఎందరో యువకులు పోరు బాటపట్టారు. దశాబ్దాలుగా రహస్య జీవితం గడుపుతూ ఎన్‌కౌంటర్‌లో అమరులవుతున్నారు. ఎక్కడ జరిగిన అక్కడ బెల్లంపల్లి బిడ్డ ఎవరో ఒకరు నేలకొరగడం ఈ ప్రాంత ప్రజలను, విప్లవ సానుభూతిపరులను తీవ్రంగా కలిచివేస్తోంది. తొలి అమరుడు పెద్ది శంకర్‌ బెల్లంపల్లి విప్లవకారుల్లో తొలి అమరుడిగా పెద్ది శంకర్‌ చరిత్ర పుటలకెక్కారు. 1980లో మహారాష్ట్రలోని సిరోంచ తాలూకా మోయిన్‌బిన్‌పేట వద్ద జరిగిన పోలీసు ఎదురుకాల్పుల్లో ఆయన మృతి చెందాడు. ఆయుధాలను పరీక్షిస్తుండగా వరంగల్‌, కరీంనగర్‌ జిల్లాల సరిహద్దు అటవీ ప్రాంతంలో గ్రేనేడ్‌ పేలి 1981లో గజ్జెల గంగారాం అమరుడయ్యాడు. 1985లో పులి మధునయ్య సిర్పూర్‌ తాలూకా లోడ్‌పల్లి వద్ద, 1987లో బుయ్యారం వద్ద ముద్దు నారాయణ, ఈట శంకర్‌, మురళీ, 1999లో నస్పూర్‌ కాలనీలో సికాస అగ్రనేత గెల్లి రాజలింగు, 2000లో తిర్యాణి మండలం లోవగుట్ట వద్ద ఇద్దరు ఆదివాసీ దళసభ్యులతోపాటు శనిగారపు రాంచందర్‌, 2002లో పులిపాక లక్ష్మణ్‌ను హైదరాబాద్‌లో పోలీసులు ఎన్‌కౌంటర్‌ చేశారు. గజ్జెల గంగారాం సోదరి గజ్జెల సరోజ దండకారణ్యంలో అనారోగ్యంతో 2013లో అమరురాలైంది. అంచెలంచెలుగా మావోయిస్టు పార్టీ పొలిట్‌బ్యూరో సభ్యుడి స్థాయికి ఎదిగిన కటకం సుదర్శన్‌ 2023 మే 31న ఛత్తీస్‌గఢ్‌ రాష్ట్రంలోని దక్షిణ్‌ బస్తర్‌ అడవుల్లో అనారోగ్య సమస్యలతో కన్నుమూశాడు. 2024లో ఛత్తీస్‌గఢ్‌లో జరిగిన ఎన్‌కౌంటర్‌లో కాసరవేణి రవి మృతి చెందగా తాజాగా ఈనెల 11న ఛత్తీస్‌గఢ్‌ రాష్ట్రం గరియాబండ్‌ అటవీ ప్రాంతంలో జరిగిన ఎదురుకాల్పుల్లో బెల్లంపల్లి మండలం చంద్రవెల్లికి చెందిన జాడి వెంకటి అసువులు బాశాడు.

బెల్లంపల్లిరూరల్‌: ఛత్తీస్‌గఢ్‌లోని గరియాబంద్‌ అటవీ ప్రాంతంలో పోలీసుల ఎన్‌కౌంటర్‌లో హతమైన మావోయిస్టు ఒడిశా (ఏవోబీ) రాష్ట్ర టెక్నికల్‌ టీమ్‌ రాష్ట్ర కమిటీ సభ్యుడు జాడి వెంకటి అలియాస్‌ విమల్‌ అలియాస్‌ సురేష్‌ అలియాస్‌ మంగన్న (56) అంత్యక్రియలు ఆదివారం చంద్రవెల్లిలో ఆశ్రునయనాల మధ్య ముగిశాయి. గ్రామ శివారు చేరుకున్న మృతదేహానికి నివాళులర్పించేందుకు ప్రజాసంఘాలు, అమరవీరుల బంధుమిత్రుల సంఘం, వివిధ పార్టీల నాయకులు, జనం భారీగా తరలివచ్చారు. ఎర్రని జెండాతో బాణాసంచా కాల్చుతూ విప్లవగీతాలు పాడుతూ నృత్యాలు చేస్తూ స్వగృహానికి తీసుకువచ్చారు. సంఘాల నాయకులు మృతదేహం వద్ద ఎర్రని జెండా కప్పి, పూలమాలలు వేసి విప్లవ జోహార్లు అర్పించారు. మృతదేహాన్ని చూసి కుటుంబీకులు, బంధువులు, గ్రామస్తులు కన్నీటి పర్యంతమయ్యారు. గ్రామ శివారులోని వెంకటికి చెందిన స్థలం వరకు అంతిమయాత్ర చేపట్టారు. అమరుడా లాల్‌ సలామ్‌, జోహార్‌ కామ్రేడ్‌ వెంకటి అంటూ పెద్ద ఎత్తున నినాదాలు చేశారు. చెల్లెలు రామటెంకి సుజాత అన్న వెంకటికి తలకొరివి పెట్టింది. అమరవీరుల బంధుమిత్రుల సంఘం రాష్ట్ర అధ్యక్షురాలు పద్మకుమారి, కార్యదర్శి శాంతక్క, సభ్యులు సత్తక్క, కవిత, అనిత, రైతు హ క్కుల పోరాట సమితి రాష్ట్ర అధ్యక్షుడు మల్లయ్య, సీపీఐ రాష్ట్ర కార్యదర్శివర్గ సభ్యుడు కలవేణ శంకర్‌, జిల్లా కార్యదర్శి రామడగు లక్ష్మణ్‌, రాష్ట్ర సమితి సభ్యులు వెంకటస్వామి, పూర్ణిమ, సీపీఐ(ఎంఎల్‌) న్యూడెమోక్రసీ రాష్ట్ర కమిటీ సభ్యుడు చాంద్‌పాషా, రాష్ట్ర ఎస్సీ ఎస్టీ కమిషన్‌ సభ్యుడు ప్రవీణ్‌, మాజీ జెడ్పీటీసీ రాంచందర్‌, మాజీ మున్సిపల్‌ చైర్మన్‌ సూరిబాబు, కాంగ్రెస్‌ నాయకులు శంకర్‌, స్వామి, ప్రజా కళా మండలి ఉమ్మడి జిల్లా అధ్యక్షుడు ఆడెపు సమ్మయ్య, ఏఐటీయూసీ జిల్లా కార్యదర్శి మేకల దాసు, బెల్లంపల్లి బ్రాంచి కార్యదర్శి దాగం మల్లేశ్‌, మాజీ సర్పంచ్‌ లక్ష్మణ్‌, అభిమానులు ఆయనకు విప్లవ జోహర్లు అర్పించారు. ఆపరేషన్‌ కగార్‌ నిలిపివేయాలి ఆపరేషన్‌ కగార్‌ పేరిట బూటకపు ఎన్‌కౌంటర్లను వెంటనే నిలిపివేయాలని అమవీరుల బంధుమిత్రల కమిటీ సంఘం రాష్ట్ర అధ్యక్షురాలు పద్మకుమారి, రాష్ట్ర కార్యదర్శి శాంతక్క డిమాండ్‌ చేశారు. బూటకపు ఎన్‌కౌంటర్‌పై కేంద్రప్రభుత్వం సుప్రీంకోర్టు సిట్టింగ్‌ జడ్జితో న్యాయవిచారణ జరిపించాలని పౌర హక్కుల సంఘం రాష్ట్ర ఉపాధ్యక్షుడు మాదన కుమారస్వామి డిమాండ్‌ చేశారు. ఆపరేషన్‌ కగార్‌ను వెంటనే నిలిపివేసి మావోయిస్టు పార్టీతో శాంతి చర్చలు జరపాలన్నారు.

జఫర్‌గఢ్‌: జనగామ జిల్లా జఫర్‌గఢ్‌ మండలం కూనూర్‌ ప్రభుత్వ ఉన్నత పాఠశాలలో రెండు రోజుల పాటు నిర్వహించిన రాష్ట్రస్థాయి 44వ సబ్‌ జూనియర్‌ ఇంటర్‌షిప్‌ బాల్‌ బ్యాడ్మింటన్‌ పోటీలు ఆదివారం ముగిశాయి. బాలికల విభాగంలో మెదక్‌ జట్టు మొదటి స్థానం, ఖమ్మం ద్వితీయ, వరంగల్‌ తృతీయ, ఆదిలాబాద్‌ జట్లు నాలుగో స్థానంలో నిలిచాయి. బాలుర విభాగంలో ఆదిలా బాద్‌ ప్రథమ, నల్లగొండ ద్వితీయ, కరీంనగర్‌ తృతీయ, నిజా మాబాద్‌ జట్టు నాలు గో స్థానంలో నిలిచా యి. ఈ జట్లకు నిర్వాహకులు బహుమతులు అందజేశారు. ఈ కార్యక్రమానికి జనగామ జిల్లా బాల్‌ బ్యాడ్మింటన్‌ అసోసియేషన్‌ అధ్యక్షుడు గాదెపాక అయోధ్య అధ్యక్షత వహించారు. ముఖ్య అతిథులుగా హైకోర్టు బార్‌ కౌన్సిల్‌ సభ్యుడు జయాకర్‌, అసోసియేషన్‌ రాష్ట్ర ఉపాధ్యక్షుడు టి.దుర్గయ్య, ప్రధాన కార్యదర్శి రమణ హాజరై మాట్లాడారు. దేశంలో క్రీడలు, క్రీడాకారులకు గుర్తింపు ఉందన్నారు. మారుమూల ప్రాంతమైన కూనూర్‌లో రాష్ట్రస్థాయి బాల్‌బ్యాడ్మింటన్‌ పో టీలు నిర్వహించడం అభినందనీయమన్నారు. అ సోసియేషన్‌ బాధ్యులు నారాయణరెడ్డి, వీరభద్రరా వు, రవీందర్‌ కుమార్‌, వీరయ్య, కమల్‌కుమార్‌, తి రుపతి, శ్రీనివాస్‌రెడ్డి, నిర్వాహకులు పాల్గొన్నారు.

భైంసారూరల్‌: మండలంలోని కోతల్‌గాం సమీపంలోని చెక్‌డ్యాం వద్ద పల్సికర్‌ రంగారావు ప్రాజెక్టులో మునిగి పవార్‌ రాజు(36) మృతి చెందినట్లు ఎస్సై శంకర్‌ తెలిపారు. ఆయన కథనం ప్రకారం.. మహాగాం గ్రామానికి చెందిన పవార్‌ రాజు గత నాలుగు రోజుల క్రితం ఇంటి నుంచి వెళ్లి తిరిగిరాలేదు. కుటుంబీకులు బంధువులు, తెలిసినవారి వద్ద వెతికిన ఆచూకీ దొరకలేదు. కోతల్‌గాం సమీపంలోని చెక్‌డ్యాం వద్ద ప్రాజెక్టు వాటర్‌లో మృతదేహం కనిపించడంతో స్థానికులు పోలీసులకు సమాచారమిచ్చారు. వారు అక్కడికి చేరుకుని వివరాలు సేకరించారు. మృతదేహాన్ని బయటకు తీసి పోస్టుమార్టం అనంతరం కుటుంబీకులకు అప్పగించారు. భార్య కవిత ఫిర్యాదుతో కేసు దర్యాప్తు చేస్తున్నట్లు ఎస్సై తెలిపారు. రెండు బైక్‌లు ఢీకొని ఒకరు మృతిరెబ్బెన: మండలంలోని వంకులం స మీపంలో పెద్దవా గు వద్ద ఎదురెదురుగా వస్తున్న రెండు బైక్‌లు ఢీకొని ఒకరు అక్కడికక్క డే మృతి చెందా డు. ఎస్సై వెంకటకృష్ణ కథనం ప్రకారం.. ఆసిఫాబాద్‌ మండలం రాపెల్లికి చెందిన సు నార్కర్‌ ఆనంద్‌రావు (47) వ్యవసాయం చేసుకుంటూ జీవిస్తున్నాడు. ఆదివారం కాగజ్‌నగర్‌ నుంచి బైక్‌పై రాపెల్లికి వెళ్తుండగా మార్గమధ్యలో ఎదురుగా వస్తున్న బైక్‌ ఢీకొట్టింది. ఈ ప్ర మాదంలో ఆయన తలకు తీవ్రగాయాలై అక్కడికక్కడే మృతిచెందాడు. మరోబైక్‌పై ప్రయాణిస్తున్న ఎన్నం తిరుపతి, ఎన్నం కృష్ణకుమార్‌కు గాయాలు కాగా ప్రైవేటు వాహనంలో కా గజ్‌నగర్‌ తరలించారు. మృతుడికి భార్య, ఇ ద్దరు కూతుళ్లు ఉన్నారు. భార్య సురేఖ ఫిర్యాదుతో కేసు దర్యాప్తు చేస్తున్నట్లు ఎస్సై తెలిపారు. విద్యుత్‌షాక్‌తో ఒకరు..మందమర్రిరూరల్‌: మందమర్రి పోలీస్‌స్టేషన్‌ పరిధి యాపల్‌ ప్రాంతంలోని జీఎం ఆఫీస్‌ సమీపంలో ఆదివారం విద్యుత్‌ షాక్‌తో ఛత్తీస్‌గఢ్‌కు చెందిన సుకులాల్‌ యాదవ్‌వ్‌ (31) మృతి చెందాడు. ఎస్సై రాజశేఖర్‌, మృతుడి కుటుంబసభ్యులు తెలిపిన వివరాలు.. నాలుగేళ్ల క్రితం సుకులాల్‌ కుటుంబంతో జీవనోపాధి కోసం మందమర్రికి వచ్చారు. కూలీపని చేసుకుంటూ జీవనం సాగిస్తున్నారు. ఆదివారం ఉదయం పనికి వెళ్లడానికి వేడి అన్నం పెట్టుకున్నాడు, చల్లార్చుకోడానికి కూలర్‌ స్విచ్‌ ఆన్‌చేసే క్రమంలో విద్యుత్‌ షాక్‌కు గురై కిందపడిపోయాడు. వెంటనే కుటుంబసభ్యులు 108 సిబ్బందికి సమాచారం అందించారు. సమీపంలో ఓ ప్రైవేట్‌ ఆసుపత్రికి తరలించారు. 108 సిబ్బంది అక్కడికి చేరుకుని సీపీఆర్‌ చేసినా ఫలితం లేకపోయింది. అప్పటికే మృతి చెందినట్లు తెలిపారు. కుటుంబసభ్యుల ఫిర్యాదుతో కేసు నమోదు చేసి మృతదేహాన్ని పోస్ట్‌మార్టం నిమిత్తం మంచిర్యాల ప్రభుత్వాసుపత్రికి తరలించారు. మృతుడికి భార్య, ఇద్దరు ఆడపిల్లలు, ఒక కుమారుడు ఉన్నారు. సుకులార్‌ మృతదేహాన్ని చత్తీస్‌గఢ్‌ తరలించేందుకు హిందూ శ్మశానవాటిక కేకే–ఓసీ కమిటీ సభ్యులు విరాళాలు సేకరించి రూ.70 వేలను కుటుంబసభ్యులకు అందించారు.

14ఎంసీఎల్‌256: 50 ఏళ్ల తర్వాత కలుసుకున్న పూర్వ విద్యార్థులు, గురువులుమంచిర్యాల జిల్లా పరిషత్‌ బాలుర ఉన్నత పాఠశాలలో 1973–74 బ్యాచ్‌ పదో తరగతి పూర్వ విద్యార్థులు 50 ఏళ్ల తర్వాత ఆదివారం కలుసుకున్నారు. వేర్వేరు ప్రాంతాల్లో వివిధ రంగాల్లో స్థిరపడిన వారందరూ ఒకేచోట కలుసుకుని ఆనందంగా గడిపారు. వీరి అపూర్వ కలయికకు మంచిర్యాలలోని ఓ ప్రైవేట్‌ ఫంక్షన్‌ హాల్‌ వేదికై ంది. ఒకరికొకరు ఆత్మీయ ఆలింగనం అనంతరం యోగాక్షేమాలను అడిగి తెలుసుకున్నారు. చిన్ననాటి మధుర స్మృతులను నెమరువేసుకున్నారు. చదువు నేర్పిన గురువులు నర్సయ్య, కాంతయ్య, డి.నారాయణరావు, ఎస్‌.సూర్యనారాయణలను సన్మానించారు. పూర్వవిద్యార్థులు మంగీలాల్‌సోమాని, గుండా సుధాకర్‌, అనిల్‌కుమార్‌, సుబ్రహ్మణ్యం, జుబేర్‌ఆహ్మద్‌ తదితరులు పాల్గొన్నారు. – మంచిర్యాలఅర్బన్‌మంచిర్యాలఅర్బన్‌: స్థానిక జిల్లా పరిషత్‌ బాలుర ఉన్నత పాఠశాలలో 1973–74 బ్యాచ్‌ పదో తరగతి పూర్వ విద్యార్థులు 50 ఏళ్ల తర్వాత ఆదివారం కలుసుకున్నారు. వేర్వేరు ప్రాంతాల్లో వివిధ రంగాల్లో స్థిరపడిన వారందరూ ఒకేచోట కలుసుకుని ఆనందంగా గడిపారు. వీరి అపూర్వ కలయికకు మంచిర్యాలలోని ఓ ప్రైవేట్‌ ఫంక్షన్‌ హాల్‌ వేదికై ంది. ఒకరికొకరు ఆత్మీయ ఆలింగనం అనంతరం యోగాక్షేమాలను అడిగి తెలుసుకున్నారు. చిన్ననాటి మధుర స్మృతులను నెమరువేసుకున్నారు. చదువు నేర్పిన గురువులు నర్సయ్య, కాంతయ్య, డి.నారాయణరావు, ఎస్‌.సూర్యనారాయణలను సన్మానించారు. పూర్వవిద్యార్థులు మంగీలాల్‌సోమాని, గుండా సుధాకర్‌, అనిల్‌కుమార్‌, సుబ్రహ్మణ్యం, జుబేర్‌ఆహ్మద్‌ తదితరులు పాల్గొన్నారు.

బెల్లంపల్లి: ఛత్తీస్‌గఢ్‌లోని గరియాబండ్‌ జిల్లా ప్రభుత్వాసుపత్రిలో పోస్టుమార్టం అనంతరం జాడి వెంకటి మృతదేహాన్ని తీసుకురావడానికి వెళ్లిన అంబులెన్స్‌కు దారి కష్టాలు ఎదురయ్యాయి. బంధువులు వెంకటస్వామి, జనార్దన్‌, గ్రామస్తుడు దామోదర్‌గౌడ్‌లు శనివారం రాత్రి వెంకటి మృతదేహంతో చంద్రవెల్లికి తిరుగుపయనమయ్యారు. ఆదివారం తెల్లవారుజాము మహారాష్ట్రలోని గడ్చిరోలి జిల్లా అటవీ ప్రాంతంలో బురదలో చిక్కుకుంది. రెండు గంటలు శ్రమించిన బయటకు రాకపోవడంతో కిలోమీటరు దూరాన గ్రామానికి చేరుకుని ఓ ట్రాక్టర్‌ను, కొంతమందిని తోడ్కోని వచ్చి బయటకు తీశారు. వార్దా నది బ్రిడ్జి పై నుంచి నీటి ఉధృతి కారణంగా వెనక్కి మళ్లీ మరో దారిని ఎంచుకున్నారు. కుమురం భీం జిల్లా బెజ్జూరుకు అక్కడి నుంచి కౌటాల, కాగజ్‌నగర్‌ మీదుగా సాయంత్రం 4 గంటలకు చంద్రవెల్లికి చేరుకున్నారు. అమరుల బంధుమ్రితుల కమిటీ శ్రేణులు, గ్రామస్తులు, బఽంధువులు ఊరి పొలిమేరల నుంచి వెంకటి మృతదేహాన్ని ఊరేగింపుగా తీసుకువెళ్లి అంత్యక్రియలు నిర్వహించారు. వెంకటి మృతదేహానికి వవెళ్లిన అంబులెన్స్‌కు దారికష్టాలుబెల్లంపల్లి: ఛత్తీస్‌గఢ్‌లోని గరియాబండ్‌ జిల్లా ప్రభుత్వాసుపత్రిలో పోస్టుమార్టం అనంతరం జాడి వెంకటి మృతదేహాన్ని తీసుకురావడానికి వెళ్లిన అంబులెన్స్‌కు దారి కష్టాలు ఎదురయ్యాయి. బంధువులు వెంకటస్వామి, జనార్దన్‌, గ్రామస్తుడు దామోదర్‌గౌడ్‌లు శనివారం రాత్రి వెంకటి మృతదేహాంతో చంద్రవెల్లికి తిరుగుపయనమయ్యారు. ఆదివారం తెల్లవారుజాము మహారాష్ట్రలోని గడ్చిరోలి జిల్లా అటవీ ప్రాంతంలో బురదలో చిక్కుకుంది. రెండు గంటలు శ్రమించిన బయటకు రాకపోవడంతో కిలోమీటరు దూరాన గ్రామానికి చేరుకుని ఓ ట్రాక్టర్‌ను, కొంతమందిని తోడ్కోని వచ్చి బయటకు తీశారు. వార్దా నది బ్రిడ్జి పై నుంచి నీటి ఉధృతి కారణంగా వెనక్కి మళ్లీ మరో దారిని ఎంచుకున్నారు. కుమురం భీం జిల్లా బెజ్జూరుకు అక్కడి నుంచి కౌటాల, కాగజ్‌నగర్‌ మీదుగా సాయంత్రం 4 గంటలకు చంద్రవెల్లికి చేరుకున్నారు. అమరుల బంధుమ్రితుల కమిటీ శ్రేణులు, గ్రామస్తులు, బఽంధువులు ఊరి పొలిమేరల నుంచి వెంకటి మృతదేహాన్ని ఊరేగింపుగా తీసుకువెళ్లి అంత్యక్రియలు నిర్వహించారు.

నిర్మల్‌ఖిల్లా: జిల్లాకేంద్రంలోని శాంతినగర్‌ చౌరస్తా సమీపంలో శనివారం అర్ధరాత్రి 9 అడుగుల భారీ కొండచిలువ హల్‌చల్‌ చేసింది. నిర్మల్‌–మంచిర్యాల ప్రధాన రహాదారి డివైడర్‌ మధ్యలో కనిపించడంతో వాహనదారులు భయాందోళనలకు గురయ్యారు. వెంటనే స్థానికులు పోలీసులకు సమాచారం అందించడంతో వారు అక్కడికి చేరుకుని కొండచిలువను బంధించే ప్రయత్నం చేశారు. స్నేక్‌ క్యాచర్‌ అనిల్‌ చాకచక్యంగా కొండచిలువను బంధించాడు. వరుసగా కురుస్తున్న వర్షాల నేపథ్యంలో వచ్చి ఉంటాయని భావిస్తున్నారు. ఆర్థిక ఇబ్బందులతో ఒకరి ఆత్మహత్యదస్తురాబాద్‌: ఆర్థిక ఇబ్బందులు, కుటుంబ కలహాలతో ఒకరు పురుగుల మందు తాగి ఆత్మహత్యకు పాల్పడ్డాడు. ఎస్సై సాయికుమార్‌ కథనం ప్రకారం.. మండలంలోని గోడిసీర్యాల గ్రామానికి చెందిన కొంపెల్లి నర్సయ్య(45) ఆటో నడుపుతూ కుటుంబాన్ని పోషిస్తున్నాడు. ఇతనికి భార్య లక్ష్మి, ఇద్దరు కుమార్తెలు, ఒక కుమారుడు ఉన్నారు. కొన్నిరోజుల క్రితం పెద్దకుమార్తెకు వివాహం చేయడంతో కుటుంబంలో తగాదాలు, ఆర్థిక ఇబ్బందులు తలెత్తాయి. ఈ క్రమంలో శనివారం ఇంటి వద్ద పురుగుల మందు తాగాడు. కుటుంబ సభ్యులు వెంటనే నిర్మల్‌ ప్రభుత్వ ఆసుపత్రికి తరలించారు. చికిత్సపొందుతూ ఆదివారం మృతి చెందాడు. భార్య ఫిర్యాదుతో కేసు దర్యాప్తు చేస్తున్నట్లు ఎస్సై తెలిపారు.

మంచిర్యాలటౌన్‌: మంచిర్యాల నగరపాలక సంస్థ పరిధిలో దోమలను నివారించేందుకు అధికారులు ఎలాంటి చర్యలు తీసుకోకపోవడంతో ప్రజలు రోగాల బారిన పడుతున్నారు. గతంలో మంచిర్యాల 36 వార్డులతో మున్సిపాలిటీగా ఉన్నప్పుడు ప్రతీ వార్డులో నెలకు రెండుసార్లు ఫాగింగ్‌ చేయడంతో పాటు, పారిశుద్ధ్య పనులు చేపట్టి, బ్లీచింగ్‌ పౌడర్‌ చల్లేవారు. ప్రస్తుతం కార్పొరేషన్‌గా మారడం నస్పూర్‌తో పాటు, హాజీపూర్‌ మండలంలోని 8 గ్రామాలు విలీనం కావడంతో 60 డివిజన్లుగా మారింది. పరిధి పెరగడం, ఫాగింగ్‌ యంత్రాలు సరిపడా లేకపోవడం, ఉన్న వాటిని వినియోగించక పోవడంతో నెలల తరబడి పలు డివిజన్లలో ఫాగింగ్‌ చేపట్టడం లేదు. ఫలితంగా కార్పొరేషన్‌ పరిధిలో ఇంటికో జ్వర బాధితులు ఉన్నారంటే అతిశయోక్తి కాదు. దగ్గు, జలుబు, జ్వరాలతో ప్రజలు ఇబ్బందులు పడుతుండగా సీజనల్‌ వ్యాధుల బారిన పడకుండా కార్పొరేషన్‌ అధికారులు చేపట్టాల్సిన పనులను పట్టించుకోక పోవడంతో ప్రజలు డెంగీ, మలేరియా, వైరల్‌ ఫీవర్‌ బారిన పడుతున్నారు. ఫాగింగ్‌ యంత్రాలేవి?మంచిర్యాల నగరపాలక సంస్థకు అవసరమైన ఫాగింగ్‌ యంత్రాలను సమకూర్చుకోవడంలో అధికారులు తాత్సారం చేస్తున్నారు. 60 డివిజన్లకు కేవలం మూడు ఫాగింగ్‌ యంత్రాలే ఉండగా అందులో ఒకటి పనిచేయడం లేదు. రెండు యంత్రాలతో 60 డివిజన్లలో ఫాగింగ్‌ చేసినా నెలకు కేవలం ఒక్కసారి మాత్రమే ఒక డివిజన్‌లో చేసేందుకు అవకాశం ఉంది. ఈ వర్షాకాలంలో కనీసం ఒక్కసారి కూడా ఫాగింగ్‌ చేయని డివిజన్లు సగానికి పైగా ఉన్నాయి. శివారు ప్రాంతాలు, పారిశుద్ధ్యం అస్తవ్యస్తంగా ఉన్న కాలనీల్లో వారంలో కనీసం ఒక్కసారైనా ఫాగింగ్‌ చేస్తేనే దోమలను నివారించేందుకు అవకాశం ఉంటుంది. ఇటీవల గోదావరి వరద పోటెత్తి మంచిర్యాలలోని ఎన్టీఆర్‌నర్‌ కాలనీ, రాంనగర్‌, పద్మశాలి కాలనీల్లోని ఇళ్లలోకి వరద నీరు వచ్చి చేరింది. కనీసం ఆయా ప్రాంతాల్లోనైనా ఫాగింగ్‌ చేయాల్సి ఉన్నా కేవలం బ్లీచింగ్‌ పౌడర్‌ చల్లి వదిలేశారు. దీంతో ఈ కాలనీల్లో దోమల బెడద గతంలో కంటే మరీ ఎక్కువగా ఉందని కాలనీ ప్రజలు వాపోతున్నారు. దోమల నివారణ కోసం ప్రభుత్వం ఏటా రూ.లక్షల్లో నిధులు వెచ్చిస్తున్నా ప్రజలకు మాత్రం వాటి బెడద తప్పడం లేదు. ప్రధానంగా డ్రెయినేజీలు, ఖాళీ స్థలాలు, ముళ్ల పొదలు, వ్యర్థాలు నిల్వ ఉండే ప్రాంతాల్లో దోమలు వృద్ధి చెందుతున్నాయి. దోమల స్వైరవిహారంప్రస్తుతం నగరంలోని ఏ వీధికి వెళ్లినా దోమల గురించే మాట్లాడుతున్నారు. పగలు, రాత్రి తేడా లేకుండా నగరవాసుల్ని ఎడాపెడా కుట్టేస్తున్నాయి. ఒక్కమాటలో చెప్పాలంటే ప్రత్యక్ష నరకం చూపిస్తున్నాయి. ఈగల సైజులో ఉన్న దోమలు స్వైరవిహారం చేస్తూ జనం రక్తాన్ని పీల్చేసి ఆస్పత్రుల చుట్టూ తిరిగేలా చేస్తున్నాయి. పరిస్థితి ఇంత తీవ్రంగా ఉంటే నగరపాలక సంస్థ అధికారులు, ప్రత్యేక అధికారులు మాత్రం నిమ్మకు నీరెత్తినట్లుగా వ్యవహరించడంపై ప్రజల్లో అసహనం వ్యక్తం అవుతోంది. గతంలో పాలక వర్గం ఉన్నప్పుడు వార్డుల్లోని ప్రజలు కౌన్సిలర్లతో మాట్లాడి ఫాగింగ్‌ చేపట్టేలా చేసుకునేవారు. పాలకవర్గం గడువు తీరడంతో ప్రత్యేక అధికారుల పాలనలో నగరపాలన అస్తవ్యస్తంగా మారింది. ఇటీవల వాతావరణ పరిస్థితుల్లో మార్పులు చోటు చేసుకోగా పొద్దంతా ఎండ, ఉక్కపోత, సాయంత్రం చెదురుముదురుగా వర్షాలు కురుస్తున్నాయి. వాతావరణంలో వచ్చిన మార్పులకు తోడు దోమలు జనం మీద దండెత్తుతున్నాయి. వర్షాకాలానికి ముందే గతంలో సీజనల్‌ వ్యాధుల బారిన ప్రజలు పడకుండా ముందస్తు చర్యల్లో భాగంగా జూన్‌ నెలలోనే డ్రెయినేజీల్లోని పూడికతీత చేపట్టేవారు. ఈ ఏడాది మాత్రం జూన్‌ 2న తెలంగాణ రాష్ట్ర ఆవిర్భావ దినోత్సవాన్ని పురస్కరించుకుని ప్రభుత్వం 100 రోజుల ప్రణాళిక పేరిట పారిశుద్ధ్యంతో పాటు, పట్టణాలను పరిశుభ్రంగా ఉంచి, డ్రెయినేజీల్లోని పూడికతీత, ఖాళీ స్థలాల్లోని పిచ్చి మొక్కల తొలగింపు, నిల్వ నీటిని తొలగించే పలు కార్యక్రమాలను చేపట్టాల్సి ఉంది. కానీ మంచిర్యాల నగరపాలక సంస్థ పరిధిలో ఈ వంద రోజుల ప్రణాళిక పేరిట ఎలాంటి కార్యక్రమాలను చేపట్టక పోవడం కూడా దోమలు వృద్ధి చెందేందుకు దోహదంగా మారింది. ఫాగింగ్‌ చేపడతాం మంచిర్యాల నగరపాలక సంస్థ పరిధిలోని పలు డివిజన్లలో ఫాగింగ్‌ చేపడుతున్నాం. అన్ని డివిజన్లలోనూ ఫాగింగ్‌ చేసేలా చూస్తాం. దోమల నివారణకు పారిశుద్ధ్య కార్యక్రమాలు చేపడుతున్నాం. చెత్తను తొలగించడంతో పాటు డ్రెయినేజీల్లో మురుగు నీరు నిల్వ లేకుండా చర్యలు తీసుకుంటున్నాం. వర్షాకాలం పూర్తయ్యే వరకు నిరంతరం ఫాగింగ్‌ చేపడుతాం. – సంపత్‌ కుమార్‌, కమిషనర్‌, మంచిర్యాల

వాతావరణం ఆకాశం మేఘావృతమై ఉంటుంది. అల్పపీడన ప్రభావంతో పలుచోట్ల ఈదురు గాలులతో కూడిన భారీ వర్షం కురిసే అవకాశం ఉంది.7లాభాల వాటా ఇప్పించేందుకు కృషి సింగరేణి కార్మికులకు వారం రోజుల్లో లాభాల వాటా ఇప్పించేందుకు కృషి చేస్తున్నామని ఐఎన్‌టీయూసీ కేంద్ర ఉపాధ్యక్షుడు జెట్టి శంకర్‌రావు తెలిపారు. 9లోu జోహార్‌ వెంకటి ఛత్తీస్‌గఢ్‌లోని గరియాబంద్‌ అటవీ ప్రాంతంలో ఎన్‌కౌంటర్‌లో హతమైన మావోయిస్టు జాడి వెంకటి అంత్యక్రియలు చంద్రవెల్లిలో ఆశ్రునయనాల మధ్య ముగిశాయి. 8లోu

ప్రైవేట్‌ డిగ్రీ కళాశాలలకు నాలుగేళ్లుగా (ఎంటీఎఫ్‌, ఆర్‌టీఎఫ్‌) ఫీజు రీయింబర్స్‌మెంట్‌ ప్రభుత్వం పెండింగ్‌ పెట్టింది. చదువు పూర్తయిన విద్యార్థులకు సర్టిఫికెట్లు నిలిపివేయవద్దని హుకుం జారీ చేస్తున్న ప్రభుత్వం బకాయిలు మాత్రం చెల్లించడంలేదు. అధికారులు, ప్రజాప్రతినిధుల చుట్టూ తిరిగినా ఫలితం లేదు. భవనాల అద్దె, అధ్యాపకుల వేతనాలు, ఇతర బిల్లులు చెల్లించకలేక ఇబ్బందులు పడుతున్నాం. ప్రభుత్వం స్పష్టమైన హామీ ఇచ్చేంత వరకు బంద్‌ కొనసాగిస్తాం. – ఎస్వీ రమణ, టీపీడీపీఎంఏ ఉమ్మడి జిల్లా అధ్యక్షుడు

కై లాస్‌నగర్‌: నిజాం హయాంలో ఆదిలాబాద్‌ పట్టణానికి గ్రావిటీ ద్వారా నీటిని సరఫరా చేసేలా చేపట్టిన పైపులైన్‌, ఫిల్టర్‌బెడ్‌ నిర్మాణాలు నాటి ఇంజినీరింగ్‌ ప్రతిభకు నిదర్శనంగా నిలుస్తున్నాయి. గ్రావిటీ ద్వారా నీటి సరఫరా నిజాం హయాంలో ఆదిలాబాద్‌ వాసుల దాహా ర్తి తీర్చేందుకు పట్టణానికి పది కిలోమీటర్ల దూ రంలో గల మావల అటవీ ప్రాంతంలో 60 ఎకరాల విస్తీర్ణంలో చెరువు నిర్మించారు. 1925లో నిర్మాణాన్ని ప్రారంభించగా 1948లో అందుబాటులోకి వచ్చింది. భారీ వరదలు, తుపానులు వచ్చినా తట్టుకుని నిలబడేలా కట్టను నిర్మించారు. ఇప్పటికీ చిన్నపాటి లీకేజీలు సైతం లేకపోవడం పనుల నాణ్యతకు అద్దం పడుతోంది. ముఖ్యంగా చెరువు నుంచి ఫిల్టర్‌బెడ్‌ వరకు భూగర్భంలో నిర్మించిన ఫైపులైన్‌ ఔరా అనిపిస్తోంది. గ్రావిటీ ద్వారా వచ్చే చెరువు నీరు ఆదిలాబాద్‌ పట్టణంలోని 25 శాతం జనాభాకు తాగునీటి ఇబ్బందులను దూరం చేస్తోంది. ఫిల్టర్‌బెడ్‌ మావల చెరువు నుంచి వచ్చే నీటిని శుద్ధిచేసేలా కలెక్టరేట్‌ పక్కన పదెకరాల విస్తీర్ణంలో నిర్మించిన ఫిల్టర్‌బెడ్‌ సైతం ప్రత్యేకంగా నిలుస్తోంది. చెక్‌డ్యాంల ద్వారా మూడు దశల్లో శుద్ధి చేసిన జలాన్ని పంప్‌హౌస్‌ నుంచి పట్టణంలోని ట్యాంకులకు విడుదల చేస్తారు. వాటి ద్వారా ఇళ్లకు సరఫరా అవుతోంది. దీనిని లండన్‌కు చెందిన ది క్యాండీ ఫిల్టర్‌ కంపెనీ 1947లో నిర్మించడం గమనార్హం. ఆదిలాబాద్‌లోని ఫిల్టర్‌బెడ్‌ గ్రావిటీ ద్వారా నీరందించే మావల చెరువు

వరదలను తట్టుకుని నిలిచిన ‘కడెం’కడెం: నిర్మల్‌, మంచిర్యాల జిల్లాల వరప్రదాయిని కడెం ప్రాజెక్ట్‌. 18 గేట్లున్న దీని పూర్తి స్థాయి నీటిమట్టం 700 అడుగులు. నీటి నిల్వ సామర్థ్యం 7.603 టీఎంసీలు కాగా, పూడిక పేరుకుపోవడంతో ప్రస్తుతం దీని సామర్థ్యం 4.699 టీఎంసీలు మాత్రమే. కుడి, ఎడమ కాలువల ద్వారా నిర్మల్‌, మంచిర్యాల జిల్లాల్లోని కడెం, దస్తురాబాద్‌, జన్నారం, దండేపల్లి, లక్సెట్టిపేట్‌, హాజీపూర్‌ మండలాల్లోని 68,150 ఎకరాల ఆయకట్టుకు సాగు నీరందిస్తుంది. గోదావరికి ఉపనది అయిన కడెం నదిపై 1949లో ప్రాజెక్ట్‌ నిర్మాణం చేపట్టారు. 1958లో 9 జర్మనీ టెక్నాలజీ గేట్లతో నిర్మాణం పూర్తయింది. 1958 ఆగష్టులో వచ్చిన భారీ వరదలకు ప్రాజెక్ట్‌ తెగిపోయింది. అవుట్‌ఫ్లో సామర్థ్యం పెంచేందుకు 1969లో మరో 9 ఇండియన్‌ గేట్లు ఏర్పాటు చేశారు. అప్పటి నుంచి 1995, 2022, 2023లో ప్రాజెక్ట్‌ సామర్థ్యానికి మించి భారీ స్థాయిలో(5లక్షల క్యూస్కెకులకు పైగా) ఇన్‌ఫ్లో వచ్చి గేట్లపై నుంచి వరద పారినా ఏమీ కాలేదు. అప్పటి ఇంజినీర్ల నైపుణ్యంతో నేటికీ కడెం ప్రాజెక్ట్‌ చెక్కుచెదరకుండా నిర్మల్‌, మంచిర్యాల జిల్లాల రైతాంగానికి అండగా నిలుస్తోంది. నిర్మాణ కౌశలం.. నిమ్మల ఉమ్మడి జిల్లాలో నిజాం, నిమ్మల రాజుల హయాంలో నిర్మించిన పలు కట్టడాలు చారిత్రక సాక్ష్యాలు గా దర్శనమిస్తున్నాయి. శతాబ్దాలు దాటినా చెక్కు చెదరని ఆ నిర్మాణాలు నాటి ఇంజినీర్ల ప్రతిభకు తార్కాణంగా నిలుస్తున్నాయి. భారీ వరదలను సైతం తట్టుకుని నిలిచిన కడెం ప్రాజెక్టు ఇందులో ప్రత్యేకం. ఇక ఆదిలాబాద్‌లోని మావల చెరువు గ్రావిటీ స్పెషల్‌గా.. ఖానాపూర్‌లోని సదర్‌మాట్‌ ఆనకట్ట వారసత్వ కట్టడంగా నిలుస్తున్నాయి. నిర్మల్‌ బురుజులు, కోటలు, నస్పూర్‌లోని గడి, ఆసిఫాబాద్‌లోని జిల్లా జైలు నాటి ఇంజినీర్ల నైపుణ్యాన్ని చాటుతున్నాయి. నేడు ఇంజినీర్స్‌ డే సందర్భంగా ప్రత్యేక కథనం.అప్పటి ఇంజినీర్ల గొప్పతనమే.. కడెం చాలా పురాతన ప్రాజెక్ట్‌. ఈ ప్రాజెక్ట్‌ను డిజైన్‌ చేసిన ఆనాటి ఇంజినీర్ల ప్రతిభతో నేటికీ ఆయకట్టుకు సాగునీరందిస్తోంది. భారీ వరదలనూ తట్టుకుని నిలవడం అప్పటి ఇంజినీర్ల గొప్పతనమే. – ప్రవీణ్‌, ఈఈ, కడెం

బెల్లంపల్లి: అంగన్‌వాడీల సమస్యలు పరిష్కరించాలని కోరుతూ రాష్ట్ర కమిటీ పిలుపు మేరకు సోమవారం రాష్ట్ర కార్మిక, ఉపాధి శిక్షణ, గనులు, భూగర్భ శాఖ మంత్రి గడ్డం వివే క్‌ ఇంటి ఎదుట ధర్నా నిర్వహించనున్నట్లు అంగన్‌వాడీ టీచర్స్‌, హెల్పర్స్‌ యూనియన్‌ (సీఐటీయూ) జిల్లా అధ్యక్షురాలు భానుమ తి, ప్రధాన కార్యదర్శి రాజమణి తెలిపారు. ఆదివారం పట్టణంలోని సీఐటీయూ కార్యాలయంలో ఏర్పాటు చేసిన సమావేశంలో వారు మాట్లాడారు. అంగన్‌వాడీ ఉద్యోగుల సమస్యలు పరిష్కరించాలని, అంగన్‌వాడీ కేంద్రాల్లో ప్రీప్రైమరీ నిర్వహించాలని, పీఎంశ్రీ ని ధులను మంజూరు చేయాలని డిమాండ్‌ చేశా రు. అంగన్‌వాడీలు అధికసంఖ్యలో పాల్గొని కార్యక్రమాన్ని విజయవంతం చేయాలని కో రారు. సమావేశంలో సీఐటీయూ జిల్లా కార్యదర్శి డి.రంజిత్‌, బెల్లంపల్లి మండల కన్వీనర్‌ సీహెచ్‌ దేవదాస్‌, తదితరులు పాల్గొన్నారు.

ఆసిఫాబాద్‌: 1916లో అప్పటి జిల్లా కేంద్రమైన ఆసిఫాబాద్‌లో గల జన్కాపూర్‌లో ఐదెకరాల్లో జైలు నిర్మించారు. నిజాం హయాంలో దీనిని పూర్తిగా డంగుసున్నంతో నిర్మించారు. ఇందులో మూడు బారక్‌లు ఉన్నాయి. సుమారు 200 మంది ఖైదీలు ఉండేలా భవన నిర్మాణం చేపట్టారు. అనంతరం కొన్నేళ్లపాటు మూసి ఉండగా మరమ్మతులు చేసి 1991 మార్చి 15న అప్పటి ఉమ్మడి జిల్లా కలెక్టర్‌ ఎంజీ గోపాల్‌ తిరిగి ప్రారంభించారు. 17 ఏళ్లపాటు తిరిగి జిల్లా జైలుగా కొనసాగగా అనంతరం ఆసిఫాబాద్‌ జిల్లా జైలును 2008లో ఆదిలాబాద్‌కు తరలించి, ఇక్కడి జైలును స్పెషల్‌ సబ్‌ జైలుగా మార్చారు.

మంచిర్యాలరూరల్‌(హాజీపూర్‌): హైదరాబా ద్‌లోని గాంధీ మెడికల్‌ కళాశాల ఫార్మేషన్‌ డే సందర్భంగా జిల్లాకు చెందిన వైద్య విద్యార్థిని గడియారం అక్షయ బంగారు పతకం అందుకుంది. మైక్రో బయోలజీ సబ్జెక్ట్‌లో కళాశాల టాపర్‌గా నిలిచిన అక్షయ ఆదివారం డాక్టర్‌ రాజారెడ్డి చేతుల మీదుగా బంగారు పతకం, ప్రశంసాపత్రం అందుకుంది. ప్రస్తుతం గాంధీ మెడికల్‌ కళాశాలలో ఎంబీబీఎస్‌ పూర్తి చేసుకుని హౌజ్‌సర్జన్‌గా చేస్తున్న డాక్టర్‌ అక్షయ బంగారు పతకం సాధించడం గర్వంగా ఉందని తల్లిదండ్రులు పల్లవి, శ్రీహరి సంతోషం వ్యక్తం చేశారు.

జైపూర్‌: రాష్ట్రంలో అత్యధిక జనాభా కలిగిన మున్నూరుకాపు కులస్తులంతా ఐక్యం కావా లని ఆ సంఘం రాష్ట్ర అధ్యక్షుడు పుట్టం పురుషోత్తం పిలుపునిచ్చారు. ఆదివారం ముసాయిపేట్‌లో ఏర్పాటు చేసిన సంఘం రాష్ట్ర కార్యవర్గ సమావేశానికి చెన్నూర్‌ నియోజకవర్గం నుంచి పెద్దింటి పున్నంచంద్‌, పిల్లి సమ్మయ్య, ఆర్నే సమ్మయ్యతో పాటు పలు వురు హాజరయ్యారు. ఈ సందర్భంగా నా యకులు మాట్లాడుతూ అత్యధిక జనాభా కలి గిన మున్నూరుకాపులకు రాజకీయంగా, ఉద్యోగ రంగాల్లో సరైన ప్రాధాన్యత ఇవ్వడం లేదని, దీని కోసం అన్ని గ్రామాల్లో ఉన్న ము న్నూరుకాపులను చైతన్యం చేయాలన్నారు.

నస్పూర్‌: మంచిర్యాల జిల్లా నస్పూర్‌ పట్టణ పరిధిలోని విలేజ్‌ నస్పూర్‌లో 120 ఏళ్ల క్రితం నిర్మించిన చారిత్రక గడి నాటి పాలనకు సాక్ష్య ంగా నిలుస్తోంది. 1905లో నిజాం హయాంలో నస్పూర్‌కు చెందిన జీవీ వంశీయులు ఇనుము, కాంక్రీట్‌ వాడకుండా కేవలం డంగుసున్నంతో రెండంతస్తుల భవనం నిర్మించారు. చుట్టూ నాలుగెకరాల ప్రహరీ సైతం డంగుసున్నంతోనే నిర్మించడం ప్రత్యేకత. ఈ గడి కేంద్రంగా నిజాం సంస్థానాధీశులు లక్సెట్టిపేట, ఇందారం, జన్నారం, తపాలాపూర్‌, మంథని, పెద్దపల్లి, భూపాలపల్లి, మహారాష్ట్రలోని సిరొంచ, చంద్రపూర్‌, మధ్యప్రదేశ్‌లోని బస్తర్‌ వరకు ఇక్కడి నుంచే పాలన కొనసాగించే వారు. స్వాతంత్య్రానంతరం ఈ కట్టడం నిరుపయోగంగా మారి శిథిలావస్థకు చేరింది. కొద్ది నెలల క్రితం హెరిటేజ్‌ కంపెనీ ఆధ్వర్యంలో ఆధునికీకరించారు.

మంచిర్యాలక్రైం: జిల్లాలోని వివిధ కోర్టు ప్రాంగణాల్లో శనివారం నిర్వహించిన జాతీయ లోక్‌ అదా లత్‌లో 3,572 కేసులు పరిష్కరించినట్లు జిల్లా ప్రధాన న్యాయమూర్తి, జిల్లా న్యాయ సేవాఽధికార సంస్థ చైర్మన్‌ ఏ.వీరయ్య తెలిపారు. జిల్లా కోర్టు ప్రాంగణంలో ఏర్పాటు చేసిన కార్యక్రమంలో ఆయన మాట్లాడుతూ జిల్లాలోని లక్సెట్టిపేట, మంచిర్యాల, చెన్నూర్‌, బెల్లంపల్లి కోర్టు ప్రాంగణాల్లో జాతీయ లోక్‌ అదాలత్‌ నిర్వహించినట్లు తెలిపారు. 3,100 సైబర్‌ క్రైమ్‌, 339 క్రిమినల్‌, 30 సివిల్‌, 15 వాహనాల పరిహారం, 43 ఫ్రీ లిటిగేషన్‌, 45 ఇతర కేసులు పరిష్కరించినట్లు పేర్కొన్నారు. ఈ కార్యక్రమంలో జిల్లా న్యాయ సేవాధికార సంస్థ కార్యదర్శి ఏ.నిర్మల, సీనియర్‌ సివిల్‌ జడ్జి రాంమోహన్‌రెడ్డి, జూనియర్‌ సివిల్‌ జడ్జీలు కవిత, నిరోష, కృష్ణతేజ, బార్‌ అసోసియేషన్‌ అధ్యక్షుడు పాల్గొన్నారు. న్యాయదేవత సాక్షిగా మళ్లీ ఒక్కటయ్యారు.. జిల్లా కేంద్రానికి చెందిన దంపతులు క్షణికావేశంలో పోలీస్‌స్టేషన్‌ మెట్టెక్కారు. పోలీస్‌ అధికారులు, కులపెద్దలు శతవిధాలుగా ప్రయత్నించినా ససేమి రా అంటూ విడిపోవాల్సిందేనని కోర్టు మెట్లెక్కారు. మూడేళ్లపాటు కోర్టుచుట్టూ తిరిగారు. చివరికి శనివారం నిర్వహించిన లోక్‌ అదాలత్‌లో జిల్లా జడ్జి వీరయ్య కౌన్సిలింగ్‌ ఇవ్వడంతో న్యాయదేవత సాక్షిగా మళ్లీ ఒక్కటయ్యారు. దీంతో ఇరు కుటుంబాల్లో ఆనందం వెల్లివిరిసింది.

నెన్నెల/చెన్నూర్‌రూరల్‌: జిల్లాలోని రైతులకు యూరియా కష్టాలు తీరడంలేదు. నెన్నెల సహకార సంఘానికి శనివారం 222 యూరియా బస్తాలు రావడంతో ఏవో సృజన, పీఏసీఎస్‌ సిబ్బంది నందులపల్లి, గొల్లపల్లి, గన్‌పూర్‌ గ్రామాల రైతులకు టోకెన్‌లు పంపిణీ చేశారు. విషయం తెలుసుకున్న రైతులు ఒక్కసారిగా ఎగబడ్డారు. మూడుగంటల పాటు క్యూలో నిలబడి టోకెన్‌ పొందారు. ముందు వరుసలో ఉన్నవారికే టోకెన్లు అందగా మిగతా రైతులు నిరాశతో వెనుదిరిగారు. అనంతరం ఒక్క యూరియా బస్తా కోసం 8 కిలోమీటర్ల దూరంలో ఉన్న మండల కేంద్రంలోని పీఏసీఎస్‌ గోదాంకు వెళ్లారు. గంటల తరబడి క్యూలో ఉండి ఇబ్బంది పడ్డారు. తీరా ఒక్కోబస్తా చొప్పున ఇవ్వడంతో సరిపోదని అధికారులపై ఆగ్రహం వ్యక్తం చేశారు. సరిపడా యూరియా ఇవ్వకపోతే ఆందోళన చేస్తామని హెచ్చరించారు. చెన్నూర్‌ మండలంలోని ఆస్నాద, నాగాపూర్‌ గ్రామాలకు 222 చొప్పున యూరియా బస్తాలు వచ్చాయి. నాగాపూర్‌లో పోలీసు పహారా మధ్య బ్యాగులు పంపిణీ చేశారు. ఆస్నాద రైతు వేదిక వద్ద పంపిణి చేసేందుకు అధికారులు ఏర్పాట్లు చేశారు. 600ల మంది రైతులు వచ్చి యూరియా కావాలని ఆందోళన చేపట్టడంతో పంపిణీని నిలిపి వేశారు.

లక్సెట్టిపేట: కార్యాలయంలో ఎలాంటి పనులు పెండింగ్‌ లేకుండా చూడాలని జాయింట్‌ కలెక్టర్‌ చంద్రయ్య అన్నారు. శనివారం మండల కేంద్రంలోని తహసీల్దార్‌ కార్యాలయాన్ని సందర్శించారు. ఈ సందర్భంగా ఆయన మాట్లాడుతూ గ్రామాలకు 14 మంది జీపీవోలను ప్రభుత్వం నియమించిందని, ఇక సిబ్బంది కొరత ఉండదని, ఎలాంటి పనులను పెండింగ్‌ లేకుండా ప్రజలకు సేవలందించాలన్నారు. మిస్సింగ్‌ సర్వే నంబర్‌, డిజిటల్‌ సంతకాల కోసం వచ్చిన దరఖాస్తులను పూర్తిస్థాయిలో పరిశీలించి విచారణ చేపట్టాలన్నారు. భూభారతిలో పెండింగ్‌ ఉన్న దరఖాస్తులను త్వరగా పరిష్కరించాలన్నారు. అనంతరం రికార్డులను పరిశీలించారు. ఈ కార్యక్రమంలో తహసీల్దార్‌ దిలీప్‌కుమార్‌, డీటీ శ్రావణి, సీనియర్‌ అసిస్టెంట్‌ నవనీత్‌, సిబ్బంది పాల్గొన్నారు.

మంచిర్యాలఅగ్రికల్చర్‌: రబీ సీజన్‌కు సంబంధించి సీఎంఆర్‌ లక్ష్యాలను అక్టోబర్‌ 31 వరకు పూర్తి చేయాలని కలెక్టర్‌ కుమార్‌ దీపక్‌ అన్నారు. శనివారం సమీకృత కలెక్టరేట్‌ సమావేశ మందిరంలో జిల్లా అదనపు కలెక్టర్‌ చంద్రయ్య, పౌరసరఫాల శాఖ అధికారి బ్రహ్యరావు, జిల్లా మేనేజర్‌ శ్రీకళలతో కలిసి సీఎంఆర్‌ లక్ష్యాలపై సమీక్ష సమావేశం నిర్వహించారు. కలెక్టర్‌ మాట్లాడుతూ 2024 రబీ సీజన్‌కు సంబంధించి సీఎంఆర్‌ లక్ష్యాలను అక్టోబర్‌ 31 వరకు పూర్తి చేసే విధంగా చర్యలు తీసుకోవాలన్నారు. ఈ కార్యక్రమలో అధికారులు, రైస్‌ మిల్లర్ల సంఘం ప్రతినిధులు పాల్గొన్నారు. సమస్య సామరస్యంగా పరిష్కరించుకోవాలి సమస్యలను సామరస్యంగా పరిష్కరించుకోవాలని కలెక్టర్‌ కుమార్‌ దీపక్‌ అన్నారు. శనివారం కలెక్టర్‌ చాంబర్‌లో డీసీపీ ఏ.భాస్కర్‌తో కలిసి ఈ నెల 12న దండేపల్లి మండలం దమ్మన్నపేట, మామిడిగూడలో జరిగిన ఘటనపై గిరిజనులతో మాట్లాడారు. సమస్య శాశ్వత పరిష్కారం దిశగా సామరస్యంతో ముందుకెళ్లాలని సూచించారు. గిరిజనల సంక్షేమం కోసం ప్రభుత్వం అనేక చర్యలు తీసుకుంటుందన్నారు. గిరిజనులు అర్థికంగా ఎదిగేందుకు చేయూత అందించడం జరుగుతుందని, సమస్యల పరిష్కారం కోసం అధికార యంత్రాంగం ఎల్ల ప్పుడూ అండగా ఉంటుందని, భౌతిక దాడులకు పాల్పడవద్దన్నారు.

పాతమంచిర్యాల: జిల్లా కేంద్రంలోని సాయిచంద్ర ఫంక్షన్‌ హాల్‌లో శనివారం ఎల్‌ఐసీ ఏజెంట్స్‌ ఆర్గనైజేషన్‌ ఆఫ్‌ ఇండియా ఎడ్యుకేషన్‌ సెమినార్‌ నిర్వహించారు. ఈ కార్యక్రమానికి ఏవోఐ వర్కింగ్‌ ప్రెసిడెంట్‌ ఎల్‌.మంజునాథ్‌ హాజరై మాట్లాడారు. ఎల్‌ఐసీ ఏజెంట్స్‌ ఆర్గనైజేషన్‌ ఆఫ్‌ ఇండియా పోరాటాల ఫలితంగానే ఇన్సూరెన్స్‌ సెక్టార్‌లో జీఎస్టీని కేంద్ర ప్రభుత్వం తగ్గించిందన్నారు. పలుమార్లు ఐఆర్‌డీఏ కార్యాలయం, ఢిల్లీలోని జంతర్‌ మంతర్‌, అన్ని డివిజన్‌ కార్యాలయాల వద్ద ధర్నాలు చేపట్టామన్నారు. అనంతరం బ్రాంచ్‌ నూతన కమిటీని ప్రకటించారు. ఈ కార్యక్రమంలో ఎల్‌ఐసీ ఏజెంట్‌లు, ఉద్యోగులు, డెవలప్‌మెంట్‌ అధికారులు పాల్గొన్నారు.

మంచిర్యాలక్రైం: మహిళల భద్రతకు షీ టీమ్‌ భరోసా కల్పిస్తుందని డీసీపీ ఎగ్గడి భాస్కర్‌ అన్నారు. శనివారం డీసీపీ కార్యాలయంలో షీ టీమ్‌, భరోసా కేంద్రాల సిబ్బందితో సమీక్ష నిర్వహించారు. ఈ సందర్భంగా ఆయన మాట్లాడుతూ జిల్లాలో ఈ ఏడాదిలో ఇప్పటి వరకు 114 ఫిర్యాదులు రాగా అందులో 18 క్రిమినల్‌, ఏడు పెట్టి కేసులు నమోదు చేశామన్నారు. 89 ఫిర్యాదులకు కౌన్సిలింగ్‌లు నిర్వహించామన్నారు. గత ఆగస్టు వరకు 81 మంది పోకిరీలకు కౌన్సిలింగ్‌ ఇచ్చామన్నారు. కళాశాలలు, స్కూళ్లు, బస్టాండ్‌, రైల్వేస్టేషన్‌, పబ్లిక్‌ ప్రాంతాల్లో పోలీసులు మఫ్టీలో ఉంటూ పోకిరీల ఆగడాలకు అడ్డుకట్ట వేస్తున్నారన్నారు. నేరుగా ఫిర్యాదు చేయడానికి ఇబ్బందిగా ఉంటే 63039 23700 లేదా 87126 59385 వాట్సాప్‌ నంబర్లు లేదా డయల్‌ 100 డయల్‌కు నిర్భయంగా ఫిర్యాదు చేయాలని సూచించారు. సమావేశంలో మహిళా పోలీస్‌స్టేషన్‌ సీఐ నరేష్‌ కుమార్‌, షీ టీమ్‌ ఇన్‌చార్జి ఎస్సై ఉషారాణి, తదితరులు పాల్గొన్నారు. షీ టీమ్‌ అదుపులో నలుగురు జిల్లా కేంద్రంలోని రాముని చెరువు ఉద్యానవనం వద్ద ఈవ్‌టీజింగ్‌కు పాల్పడిన నలుగురిని శనివా రం అదుపులోకి తీసుకున్నట్లు షీ టీమ్‌ ఇన్‌చార్జి ఎస్సై ఉషారాణి తెలిపారు. సదరు యువకులు బా లికలతో ఆసభ్యంగా ప్రవర్తిస్తుండగా అదుపులోకి తీసుకున్నట్లు తెలిపారు.

మంచిర్యాలఅగ్రికల్చర్‌: జిల్లాలో శుక్రవారం రాత్రి నుంచి శనివారం వరకు 29.6 మిల్లిమీటర్ల వర్షం కురిసింది. నెన్నెలలో 93.7, మందమర్రిలో 66.4, కాసిపేటలో 56, హాజీపూర్‌లో 45.8, బెల్లంపల్లిలో 44.1, చెన్నూర్‌లో 31.6, వేమనపల్లిలో 28.4, కోటపల్లిలో 26, జన్నారంలో 22.9, దండేపల్లిలో 12.7, మంచిర్యాలలో 19.6, తాండూర్‌లో 17, నస్పూర్‌లో 13.8, భీమారంలో 13.9, కన్నెపెల్లిలో 12.5, లక్సెట్టిపేటలో 10.4, భీమినిలో 9.2, జైపూర్‌లో 8.7 మిల్లిమీటర్ల వర్షపాతం నమోదైంది. జిల్లాలో సాధారణ వర్షపాతం 848.9 మి.మీ కురవాల్సి ఉండగా 865.3 మి.మీ నమోదైంది.

సాక్షి ప్రతినిధి, మంచిర్యాల: పుత్తడి ధర రోజురోజుకూ పెరుగుతోంది. దీంతో మోసాలు సైతం అదే తీరుగా పెరుగుతున్నాయి. ఇటీవల ఉమ్మడి జిల్లాలో వెలుగులోకి వచ్చిన మోసాలతో సర్వత్రా అప్రమత్తంగా ఉండాల్సిన అవసరమేర్పడింది. ఎంతో నమ్మకంగా వ్యవహరిస్తున్న బ్యాంకుల్లోనే ఇలాంటి ఘటనలు జరుగుతున్నాయి. కొందరు బ్యాంకు ఉద్యోగుల తీరుతో ఆయా సంస్థల పనితీరుపై ప్రభావం చూపుతున్నాయి. దీంతో బంగారంపై రుణాలు పొందాలన్నా, రుణ సంస్థలపై ఒకటికి రెండుసార్లు ఆలోచించుకోవాల్సిన పరిస్థితి నెలకొంది. బంగారంతో పాటు విలువైన ఆస్తులు, బ్యాంకుల్లో తనఖా పెట్టేముందు జాగ్రత్తగా వ్యవహరించాల్సిన ఆవశ్యకత ఏర్పడింది. కొన్నిచోట్ల మోసం ఆదిలోనే బయటపడుతుండగా మరికొన్ని చోట్ల నెలలతరబడి జరుగుతోంది. నమ్మకమున్న చోటనే.. ప్రజల్లో బ్యాంకులపై నమ్మకానికి మారుపేరుగా విశ్వాసం ఉంది. అయితే కొంతమంది సిబ్బంది తప్పటడుగులతో అపవాదు మూటగట్టుకోవాల్సి వస్తుంది. సాధారణంగా బ్యాంకులు, ప్రైవేటు రుణసంస్థల్లో నిబంధనలు కఠినంగా ఉంటాయి. నగదు, బంగారం వంటి లావాదేవీల్లో క్షుణ్నంగా పరిశీలనలు, తనిఖీలు ఉంటాయి. ప్రతీ విషయంలో ఎంతో జాగ్రత్తగా వ్యవహరిస్తుంటారు. ప్రతీస్థాయిలో జవాబుదారీతనం, పారదర్శకత ఉంటుంది. అంతేకాక కిందిస్థాయి సిబ్బంది నుంచి ఉన్నతస్థాయి అధికారులపై పర్యవేక్షణ ఉంటుంది. లావాదేవీల విషయంలో ప్రతీది అత్యంత భద్రత మధ్య సాగుతుంటాయి. అయితే అలాంటి నమ్మకున్న చోటనే ఇలాంటి మోసాలు వెలుగులోకి రావడం ఒకింత ఆశ్చర్యం కలిగిస్తోంది. అప్రమత్తమైన బ్యాంకులు, సంస్థలు చెన్నూర్‌ ఎస్‌బీఐ బ్రాంచి–2 వ్యవహారంతో బ్యాంకర్లు, రుణసంస్థలు అప్రమత్తమై తమ సంస్థల్లోని అన్ని బ్రాంచీల్లో బంగారం నిల్వలు, రుణాల లెక్కలు తీస్తున్నట్లు తెలుస్తోంది. ఈ క్రమంలోనే సాధారణ ఆడిట్‌లతో పాటు ఈ ఘటనల తర్వాత ప్రత్యేక డ్రైవ్‌ చేపట్టినట్లు తెలుస్తోంది. మరోవైపు ఖాతాదా రులు సైతం కుదవపెట్టిన బంగారం, రుణాలపై ఆరా తీస్తున్నారు. ఎక్కడికక్కడ రుణాలపై క్షుణ్నంగా పరిశీలనలు చేస్తూ తమసంస్థల పరిధిలో ఉన్న సిబ్బందిపైనా కఠిన పర్యవేక్షణ ఏర్పాటు చేసేందుకు చర్యలు ప్రారంభించారు.ఇటీవల జరిగిన ఘటనలు

పాతమంచిర్యాల: మధ్యాహ్న భోజన కార్మికులకు రావాల్సిన పెండింగ్‌ బిల్లులను ప్రభుత్వం వెంటనే విడుదల చేయాలని సీఐటీయూ జిల్లా కార్యదర్శి దుంపల రంజిత్‌కుమార్‌ డిమాండ్‌ చేశారు. శనివారం జిల్లా కేంద్రంలో మద్యాహ్న భోజన కార్మిక సంఘం జిల్లా నాలుగో మహా సభ నిర్వహించారు. ఈ సందర్భంగా ఆయన మాట్లాడుతూ 9 నెలల పెండింగ్‌ బిల్లులు విడుదల చేయాలని, 25 ఏళ్లుగా పని చేస్తున్న కా ర్మికులకు ఉద్యోగ భద్రత, ప్రమాద బీమా, పింఛన్‌ సౌకర్యాలు కల్పించాలన్నారు. మధ్యాహ్న భోజన కార్మిక సంఘం జిల్లా అధ్యక్షురాలు దాసరి రాజేశ్వరి మాట్లాడుతూ బిల్లులు చెల్లించని పక్షంలో ఈ నెల 15 నుంచి ఎంఈవో కార్యాలయాల ఎదుట ధర్నా చేపడతామన్నారు. ఈ సందర్భంగా నూతన కమిటీని ఎన్నుకున్నారు. ఈ కార్యక్రమంలో సీఐటీయూ జిల్లా ఉపాధ్యక్షులు గోమాస ప్రకాష్‌, జన్నారం మండల కన్వీనర్‌ అంబటి లక్ష్మణ్‌, తదితరులు పాల్గొన్నారు.

గుడిహత్నూర్‌: ఆదిలాబాద్‌ను గంజాయి రహిత జి ల్లాగా మార్చేందుకు కృషి చేస్తున్నామని ఎస్పీ అఖి ల్‌ మహజన్‌ అన్నారు. మండలంలోని తోషం గ్రా మ శివారులో పట్టుకున్న గంజాయి మొక్కలకు సంబంధించి శుక్రవారం స్థానిక పోలీస్‌ స్టేషన్‌లో విలేకరుల సమావేశం నిర్వహించారు. ఈ సందర్భంగా ఎస్పీ మాట్లాడుతూ.. సీసీఎస్‌, ఇచ్చోడ సర్కిల్‌ పోలీసుల ఆధ్వర్యంలో దాడులు నిర్వహించి తోషం శివారులో మర్సకోల దేవురావు అనే రైతు చేనులో పత్తిలో అంతర పంటగా సాగు చేస్తున్న 627 గంజాయి మొక్కలను స్వాధీనం చేసుకున్నట్లు తెలిపా రు. వీటి విలువ మార్కెట్లో సుమారు రూ.62.70 లక్షలు ఉంటుందని వెల్లడించారు. గంజాయి సాగు, విక్రయాలపై పోలీసులకు సమాచారం అందించిన వారి వివరాలు గోప్యంగా ఉంచడంతోపాటు వారికి రివార్డు అందజేస్తామన్నారు. అనంతరం ఆయన స్థానిక ఠాణాలో రికార్డులు పరిశీలించారు. కార్యక్రమంలో ఉట్నూర్‌ ఏఎస్పీ కాజల్‌ సింగ్‌, సీసీఎస్‌ సీఐ పి.చంద్రశేఖర్‌, ఇచ్చోడ సీఐ రాజు, ఎస్సై శ్రీకాంత్‌, సీసీఎస్‌ సిబ్బంది పాల్గొన్నారు. నార్నూర్‌లో ఒకరి అరెస్టు.. నార్నూర్‌: గంజాయి సాగు చేస్తున్న ఒకరిని అరెస్టు చేసి రిమాండ్‌కు తరలించినట్లు సీఐ ప్రభాకర్‌ తెలిపారు. స్థానిక పోలీస్‌స్టేషన్‌లో శుక్రవారం ఆయన విలేకరులతో మాట్లాడారు. గాదిగూడ మండలం పర్సువాడ పంచాయతీ పరిధిలోని సారుగూడకు చెందిన మార్సుకోల జంగు తన పొలంలో గంజాయి మొక్కలు సాగు చేస్తున్నట్లు సమాచారం అందినట్లు తెలిపారు. ఈమేరకు గురువారం సాయంత్రం దాడులు జరిపి 16 మొక్కలను గుర్తించినట్లు పేర్కొన్నారు. నిందితుడిపై కేసు నమోదు చేసి రిమాండ్‌కు తరలించినట్లు సీఐ వెల్లడించారు.

నిర్మల్‌ఖిల్లా: కేంద్ర ప్రభుత్వం ఆదేశాల మేరకు రాష్ట్ర ప్రభుత్వ పాఠశాల విద్యాశాఖ, ‘ఏక్‌ పేడ్‌ మాకే నామ్‌ పే’ పేరుతో ప్రతి ఒక్కరూ తమ తల్లి పేరిట ఒక మొక్క నాటాలనే కార్యక్రమాన్ని విరివిగా చేపట్టింది. ఈ కార్యక్రమం ద్వారా విద్యార్థులు, ఉపాధ్యాయులు, తల్లిదండ్రులు సమష్టిగా పాల్గొని పాఠశాల ఆవరణలతోపాటు గ్రామాల్లో పచ్చదనాన్ని పెంచే లక్ష్యంతో జిల్లా విద్యాశాఖ కృషి చేస్తోంది. ప్రత్యేక కార్యాచరణ.. కార్యక్రమం అమలు కోసం పాఠశాల విద్యాశాఖ ప్రత్యేక ఆదేశాలు జారీ చేసింది. జిల్లా, మండల విద్యాధికారులు, ప్రధానోపాధ్యాయులు ప్రత్యేక ప్రణాళిక రూపొందించాలని సూచించింది. విద్యార్థులతోపాటు వారి తల్లిదండ్రులకు అవగాహన కల్పించి, తల్లి పేరిట మొక్కలు నాటే కార్యక్రమాన్ని చేపట్టాలని సూచించింది. ఈ కార్యక్రమం ఉమ్మడి జిల్లా వ్యాప్తంగా అన్ని పాఠశాలల్లో అమలు చేయనున్నారు. నాటిన మొక్కలను పరిరక్షించేందుకు కూడా తగిన కార్యాచరణ చేపడుతున్నారు. సమష్టిగా.. ఈ కార్యక్రమంలో విద్యార్థులు, ఉపాధ్యాయులు, తల్లిదండ్రులు సమష్టిగా పాల్గొంటే ఉమ్మడి జిల్లాలో దాదాపు 5 లక్షలకు పైగా మొక్కలు నాటే అవకాశం ఉందని అధికారులు అంచనా వేస్తున్నారు. మొక్కలు గ్రామ పంచాయతీ కార్యాలయాల ఆధ్వర్యంలో పంపిణీకి అందుబాటులో ఉన్నాయని నిర్మల్‌ జిల్లా విద్యాశాఖ అధికారి దర్శనం భోజన్న తెలిపారు. మొక్క నాటి.. పోర్టల్‌లో అప్‌లోడ్‌.. తల్లి పేరిట మొక్క నాటిన సందర్భంలో విద్యార్థులు ఫొటో తీసి, కేంద్ర ప్రభుత్వ ఆధ్వర్యంలోని www. ecoclubs. eduvation. gov. in పోర్టల్‌లో అప్‌లోడ్‌ చేయాలి. ఈ పోర్టల్‌లో పాఠశాల వివరాలు, యుడైస్‌ కోడ్‌, విద్యార్థి పేరు, తండ్రి పేరు వంటి వివరాలను నమోదు చేసి, మొక్క నాటే సమయంలో తీసిన ఫొటోను జతచేయడం ద్వారా విద్యార్థి పేరిట ధ్రువీకరణ పత్రం, ప్రశంసాపత్రం జనరేట్‌ అవుతుంది. పర్యావరణ పరిరక్షణ.. ఈ కార్యక్రమం ద్వారా పాఠశాలల ఆవరణలు, గ్రామాలు పచ్చదనంతో కళకళలాడనున్నాయి. విద్యార్థుల్లో పర్యావరణ పరిరక్షణపై అవగాహన పెరగడంతోపాటు, సమాజంలో పచ్చదనం విస్తరించేందుకు ఈ కార్యక్రమం దోహదపడుతుందని అధికారులు ఆశాభావం వ్యక్తం చేస్తున్నారు.జిల్లా పాఠశాలలు విద్యార్థుల సంఖ్య నిర్మల్‌ 842 1,12,300 ఆదిలాబాద్‌ 1,279 1,23,900 మంచిర్యాల 847 1,05,600 కుమరంభీమ్‌ 1,148 1,18,200

దిగువకు వెళ్తున్న వరదనీరు సాత్నాల: మండలంలోని సాత్నాల ప్రాజెక్టుకు శుక్రవారం 2,100 క్యూసెక్కుల ఇన్‌ఫ్లో కొనసాగింది. ఈ మేరకు రెండు గేట్లు ఓపెన్‌ చేసి 2,380 క్యూసెక్కులను దిగువకు వదిలినట్లు జేఈ దీపక్‌ తెలిపారు. ప్రాజెక్టు పూర్తిస్థాయి నీటిమట్టం 1.24 టీఎంసీ కాగా, ప్రస్తుతం 1.046 టీఎంసీగా ఉన్నట్లు వెల్లడించారు. ఉరకలేస్తున్న వరద నీరు దూకిన ‘మత్తడి’ తాంసి: మండలంలోని వడ్డాడి సమీపంలో గల మత్తడివాగు ప్రాజెక్టులోకి వరద కొనసాగుతుంది. శుక్రవారం ఇన్‌ఫ్లో 1494 క్యూసెక్కులు ఉండగా ఒక గేటు ఎత్తి అంతే మొత్తంలో ఔట్‌ఫ్లో దిగువకు వదిలినట్లు ఏఈ హరీశ్‌ కుమార్‌ తెలిపారు. ప్రాజెక్టు పూర్తిస్థాయి నీటిమట్టం 277.50 మీటర్లు. ప్రస్తుతం 277 మీటర్ల వద్ద నీరు నిల్వ ఉండేలా స్థిరీకరిస్తున్నట్లు వెల్లడించారు.

బెల్లంపల్లి/బెల్లంపల్లిరూరల్‌: విప్లవ సిద్ధాంతానికి ఆకర్షితుడైన బెల్లంపల్లి మండలం చంద్రవెల్లి గ్రామానికి చెందిన జాడి వెంకటి అలియాస్‌ భిమల్‌ అలియాస్‌ సురేష్‌(56) విప్లవ ప్రస్థానం అజ్ఞాతంలోనే ముగిసింది. గురువారం ఛత్తీస్‌గఢ్‌ రాష్ట్రంలోని గరియాబండ్‌ అటవీ ప్రాంతంలో జరిగిన ఎన్‌కౌంటర్‌లో మృతిచెందిన పది మంది మావోయిస్టుల్లో వెంకటి ఉన్నాడు. ఈ మేరకు పోలీసులు శుక్రవారం ధ్రువీకరించారు. 30ఏళ్లుగా దండకారణ్యం కేంద్రంగా విప్లవ కార్యకలాపాలు సాగించాడు. 1996 ప్రాంతంలో అజ్ఞాతంలోకి వెళ్లి ఒడిశా, ఛత్తీస్‌గఢ్‌, జార్ఖండ్‌ రాష్ట్రాల్లో మావోయిస్టు పార్టీ ప్రింటింగ్‌ ప్రెస్‌, ఇతర కార్యకలాపాల్లో పాల్గొన్నాడు. ఆయుధాల సామగ్రిని వివిధ ప్రాంతాల నుంచి రవాణా చేయడంలో సిద్ధహస్తుడిగా పేరుగాంచాడు. మావోయిస్టు పార్టీ టెక్నికల్‌ టీమ్‌ ఒడిశా రాష్ట్ర కమిటీ సభ్యుడిగా ఎదిగాడు. తెలంగాణలో కార్యకలాపాలు సాగించకపోవడం, హింసాత్మక కార్యకలాపాల్లో వెంకటి భాగస్వామ్యం అంతంత మాత్రం కావడంతో ఆయన పేరు స్థానిక పోలీసు రికార్డుల కెక్కలేదు. 15ఏళ్ల క్రితం ఝార్ఖండ్‌ రాష్ట్రం రూర్కేలాలో ఓసారి పోలీసులకు పట్టుబడ్డాడు. మూడేళ్ల జైలు జీవితం తర్వాత విడుదలై మళ్లీ అజ్ఞాతంలోకే వెళ్లాడు. ఇప్పటివరకు పోలీసులకు చిక్కలేదు. ఎన్‌కౌంటర్‌లో మృతితో రహస్య జీవితం ముగిసింది. వెంకటిపై ఆయా రాష్ట్రాల్లో రూ.10లక్షల రికార్డు ఉంది. ఆయన మృతితో గ్రామంలో విషాదం నెలకొంది. పీపుల్స్‌వార్‌ సానుభూతి పరుడిగా... బెల్లంపల్లి బస్తీ ప్రభుత్వ ఉన్నత పాఠశాల(అద్దాలబడి)లో వెంకటి పదో తరగతి వరకు చదివాడు. 1985లో తన గ్రామానికి చెందిన పుష్పను ప్రేమించి శివాలయంలో పెళ్లి చేసుకున్నాడు. గ్రామ సుంకరిగా పని చేస్తూనే వ్యవసాయం చేసేవాడు. పీపుల్స్‌వార్‌, సికాస సానుభూతి పరుడిగా ఉన్న అతడిపై పోలీసులు ప్రత్యేక నిఘాతో వేధింపులకు గురి చేశారనే ప్రచారం ఉంది. దీంతో ఏడాదిపాటు బెల్లంపల్లి అంబేడ్కర్‌నగర్‌లో మకాం పెట్టాడు. అయినా పోలీసుల వేధింపులు ఆగకపోవడంతో భార్య పుష్పతో కలిసి దండకారణ్యంలోకి వెళ్లాడు. ఆమె టెక్నికల్‌ టీంలోనే సభ్యురాలిగా ఉన్నట్లు సమాచారం. తల్లిదండ్రులకు ఒక్కడే కొడుకు జాడి పోశమ్మ, ఆశయ్య దంపతులకు ముగ్గురు సంతానం కాగా.. ఇద్దరు కుమార్తెలు రామక్క, సుజాత, కుమారుడు వెంకటి ఉన్నారు. వీరిలో రామక్క కొన్నాళ్ల క్రితం అనారోగ్యంతో, తల్లిదండ్రులు 15ఏళ్ల క్రితం వృద్ధాప్యంతో చనిపోయారు. తల్లిదండ్రులు మృతిచెందిన సమయంలోనూ అంత్యక్రియలకు రాలేదు. తల్లిదండ్రులు నివాసం ఉన్న ఇల్లు శిథిలావస్థకు చేరి కూలిపోయింది. ఆశయ్య సింగరేణి కంపెనీలో కార్మికుడిగా పనిచేశాడు.

దండేపల్లి/జన్నారం: రెవెన్యూ శాఖలో పనులన్నీ త్వరగా పూర్తి చేయాలని జిల్లా అదనపు కలెక్టర్‌ చంద్రయ్య సూచించారు. శుక్రవారం ఆయన దండేపల్లి, జన్నారం మండల కేంద్రాల్లోని తహసీల్దార్‌ కార్యాలయాలను ఆకస్మికంగా తనిఖీ చేశారు. కొత్తగా విధుల్లో చేరిన గ్రామ పాలనాధికారులతో మాట్లాడారు. విధుల్లో అవకతవకలకు పాల్పడకుండా సక్రమంగా నిర్వర్తించి మంచి పేరుతెచ్చుకోవాలని అన్నారు. భూభారతి దరఖాస్తులు వివరాలు తెలుసుకున్నారు. సాదాబైనామాల దరఖాస్తుల పరిశీలన, నోటీసుల జారీ తదితర పనులు త్వరగా పూర్తి చేయాలన్నారు. ఈ కార్యక్రమాల్లో దండేపల్లి డీటీ మాధవి, ఆర్‌ఐ భూమన్న, జన్నారం తహసీల్దార్‌ రాజమనోహర్‌రెడ్డి, డీటీ రామ్మోహన్‌, సిబ్బంది పాల్గొన్నారు.

వాంకిడి(ఆసిఫాబాద్‌): వాంకిడి మండలం చిన్న బెండార గ్రామంలో అంగన్‌వాడీ టీచర్‌గా విధులు నిర్వర్తిస్తున్న ఇగురపు లక్ష్మిపై గ్రామస్తులు కుల వివక్ష చూపుతున్నట్లు తమ పరిశీలనలో వెల్లడైందని జిల్లా ఎస్సీ, ఎస్టీ విజిలెన్స్‌ అండ్‌ మానిటరింగ్‌ కమిటీ సభ్యులు తెలిపారు. శుక్రవారం చిన్న బెండార గ్రామాన్ని సందర్శించి విచారణ జరిపారు. ఐదేళ్ల క్రితం చిన్న బెండారకు అంగన్‌వాడీ టీచర్‌ ఇగురపు లక్ష్మి అనే దళిత మహిళ బదిలీపై వచ్చిందన్నారు. అప్పటి నుంచి అడపాదడపా ఆమైపె స్థానికులు కొందరు కుల వివక్ష చూపుతున్నా పట్టించుకోకుండా విధులు నిర్వర్తిస్తుందని తెలిపారు. పి ల్లల కోసం వండిన అన్నం కూడా తినకుండా బహిష్కరిస్తున్నారని తెలిపారు. గ్రామస్తులకు చట్టాలపై అవగాహన కల్పించి సహపంక్తి భోజన కార్యక్రమాలు నిర్వహించాలని డిమాండ్‌ చేశారు. నివేదికను కలెక్టర్‌, ఎస్పీ దృష్టికి తీసుకెళ్తామని తెలిపారు. కార్యక్రమంలో మాదిగ రిజర్వేషన్‌ పోరాట సమితి జాతీయ ఉపాధ్యక్షుడు, అట్రాసిటీ కమిటీ సభ్యుడు రేగుంట కేశవ్‌రావు, భారతీయ బౌద్ద మహాసభ జిల్లా అధ్యక్షుడు, అట్రాసిటీ విజిలెన్స్‌ కమిటీ సబ్యుడు అశోక్‌ మహోల్కర్‌, నాయకులు గోపాల్‌నాయక్‌, ఇగురపు గణేష్‌, శ్యాంరావు, పొన్నాల నారాయణ తదితరులు పాల్గొన్నారు.

కాగజ్‌నగర్‌టౌన్‌: ఇంటి నుంచి పారిపోయి సికింద్రాబాద్‌ రైల్వే స్టేషన్‌లో రైలు ఎక్కి జిల్లాకు వచ్చిన మైనర్‌ బాలుడిని జిల్లా బాలల సంరక్షణ అధికారి బొల్ల మహేశ్‌ ఆధ్వర్యంలో శుక్రవారం కుటుంబ సభ్యులకు అప్పగించారు. రైల్వే పోలీసులు కాగజ్‌నగర్‌ స్టేషన్‌లో ఓ రైలులో బాలుడిని గుర్తించి విచారించారు. సికింద్రాబాద్‌లోని పార్శిగుట్ట ప్రాంతం నుంచి అతడు వచ్చినట్లు గుర్తించారు. జిల్లా కేంద్రంలోని బాల రక్షభవన్‌కు తీసుకెళ్లి కౌన్సిలింగ్‌ ఇచ్చారు. బాలుడి తండ్రిని పిలిపించి అప్పగించారు. డీసీపీవో మహేశ్‌ మాట్లాడుతూ పిల్లల పై నిర్లక్ష్యంగా వ్యవహరించొద్దని, జాగ్రత్తగా చూసుకోవాలని సూచించారు. కార్యక్రమంలో చైల్డ్‌ హెల్ప్‌లైన్‌ కోఆర్డినేటర్‌ బాల ప్రవీణ్‌ కుమార్‌, కౌన్సిలర్‌ చంద్రశేఖర్‌ ఉన్నారు.

శ్రీరాంపూర్‌: కార్మికులు సొంతింటి పథకానికే మొగ్గు చూపుతున్నారని సీఐటీయూ రాష్ట్ర అధ్యక్షుడు తుమ్మల రాజారెడ్డి తెలిపారు. కార్మికులకు కంపెనీ క్వార్టర్‌ కావాలా? సొంతింటి పథకం కావాలా అనే దానిపై గురు, శుక్రవారాల్లో సీఐటీయూ ఆధ్వర్యంలో సింగరేణి వ్యాప్తంగా గనులపై బ్యాలెట్‌ పత్రాలతో కార్మికుల అభిప్రాయాలు సేకరించారు. శ్రీరాంపూర్‌ ఏరియా బ్యాలెట్‌ పత్రాలను శుక్రవారం నస్పూర్‌ కాలనీలోని శ్రీరాంపూర్‌ ప్రెస్‌క్లబ్‌లో లెక్కించారు. 60శాతం మంది కార్మికులు బ్యాలెట్‌ కార్యక్రమంలో పాల్గొన్నారని తెలిపారు. ఇందులో 4543 మంది సొంతింటి పథకం కావాలని, 31 మంది కంపెనీ క్వార్టరే కావాలని ఓటేశారని తెలిపారు. కంపెనీ వ్యాప్తంగా అన్ని ఏరియాల్లో వచ్చిన అభిప్రాయాలను యాజమాన్యానికి త్వరలోనే సమర్పిస్తామని తెలిపారు. 40ఏళ్లు కంపెనీలో సర్వీసు చేసిన కార్మికులు రిటైర్డ్‌ తర్వాత సొంతిళ్లు కూడా కట్టుకోలేకపోతున్నారన్నారు. యూనియన్‌ బ్రాంచీ అధ్యక్షుడు గుల్ల బాలాజీ, నాయకులు వెంగళ శ్రీనివాస్‌, తోడే సుధాకర్‌, పెర్క సదానందం, శ్రీపతి బానేశ్‌, కిషన్‌రెడ్డి, వెంకట్‌రెడ్డి, మిడివెల్లి రాజ్‌కుమార్‌ పాల్గొన్నారు.

శ్రీరాంపూర్‌: రక్షణలో ఆదర్శంగా నిలవాలని శ్రీరాంపూర్‌ జీఎం ఎం.శ్రీనివాస్‌ తెలిపారు. 55వ రక్షణ పక్షోత్సవాల్లో ద్వితీయ బహుమతి సాధించిన ఆర్కే న్యూటెక్‌ గని ఉద్యోగులను ఆయన అభినందించారు. శుక్రవారం గనిపై నిర్వహించిన ఈ అభినందనలో ఆయన మాట్లాడారు. గని ఉద్యోగులు రక్షణలో ముందున్నారని, ఇతర గనులకు ఆదర్శంగా నిలిచారని తెలిపారు. జాతీయస్థాయిలో ఫైవ్‌ స్టార్‌ రేటింగ్‌ కూడా సాధించడం మరో మైలు రాయిగా పేర్కొన్నారు. ఈ కార్యక్రమంలో గుర్తింపు సంఘం బ్రాంచ్‌ కార్యదర్శి బాజీసైదా, గ్రూప్‌ ఏజెంట్‌ కే.రాజేందర్‌, గని మేనేజర్‌ కురుపాటి శ్రీనివాస్‌, ఫిట్‌ కార్యదర్శి ఆకుల లక్ష్మణ్‌, రక్షణ అధికారి కొట్టే రమేష్‌, సీనియర్‌ సంక్షేమ అధికారి పాల్‌ సృజన్‌ పాల్గొన్నారు.

దండేపల్లి: మండలంలోని లింగాపూర్‌ అటవీ బీట్‌లో అటవీ, బేస్‌క్యాంపు సిబ్బందిపై దమ్మన్నపేట, మామిడిగూడ గ్రామాలకు చెందిన కొందరు వ్యక్తులు శుక్రవారం దాడి చేశారని తాళ్లపేట ఎఫ్‌ఆర్వో సుష్మారావ్‌ తెలిపారు. పక్కా ప్రణాళికతో కారంచల్లి కర్రలతో దాడి చేశారని, దీంతో భయభ్రాంతులకు గురైన తమ సిబ్బంది అక్కడి నుంచి పరుగులు తీశారని పేర్కొన్నారు. దాడికి గురైన వారిలో ఎఫ్‌ఎస్వో బాలకృష్ణ, బీట్‌ ఆఫీసర్‌ పరమేశ్వర్‌, బేస్‌క్యాంపు వాచ్‌మెన్‌ రాజేందర్‌ ఉన్నారు. వీరిని చికిత్స నిమిత్తం ఆసుపత్రికి తరలించారు. దండేపల్లి పోలీస్టేషన్‌లో ఫిర్యాదు చేశారు.

దండేపల్లి/లక్సెట్టిపేట: విద్యార్థులు ఉత్తమ ఫలితాలు సాధించడానికి ఉపాధ్యాయులు కృషి చేయాలని రీజినల్‌ జాయింట్‌ డైరెక్టర్‌ సత్యనారాయణరెడ్డి అన్నారు. శుక్రవారం ఆయన లక్సెట్టిపేటలోని ప్రభుత్వ బాలికల ఉన్నత పాఠశాలను పరిశీలించి ఉపాధ్యాయులతో మాట్లాడారు. దండేపల్లిలోని జెడ్పీ ఉన్నత పాఠశాలలో గురువారం నిర్వహించిన దండేపల్లి, జన్నారం, లక్సెట్టిపేట మండలాల భౌతికశాస్త్ర ఉపాధ్యాయుల స్కూల్‌కాంప్లెక్స్‌ సమావేశాన్ని తనిఖీ చేశారు. ఈ సందర్భంగా ఆయన మాట్లాడుతూ బోధనలో డిజిటల్‌ వ్యవస్థ పెరిగిపోతున్నందున ఉపాధ్యాయులు ఆ దిశగా నైపుణ్యాలు పెంపొందించుకోవాలని తెలిపారు. ఈ కార్యక్రమాల్లో లక్సెట్టిపేట పాఠశాల ప్రధానోపాధ్యాయురాలు శైలజ, కాంప్లెక్స్‌ హెచ్‌ఎం సంగర్స్‌ రాజేశ్వర్‌రావు, రీసోర్స్‌పర్సన్లు అప్పాల మనోహర్‌, వేణుగోపాల్‌, శ్రీనివాస్‌, సైన్స్‌ ఉపాధ్యాయులు వినతిపత్రం అందజేత లక్సెట్టిపేట మండలంలోని ప్రైవేటు పాఠశాలల్లో అధికంగా ఫీజు వసూలు చేస్తున్నారని యూఎస్‌ ఎఫ్‌ఐ జిల్లా కార్యదర్శి మిట్టపల్లి తిరుపతి, సహాయ కార్యదర్శి గీతాంజలి ఆర్‌జెడీ సత్యనారాయణకు వినతిపత్రం అందజేశారు. కఠిన చర్యలు తీసుకోవాలని డిమాండ్‌ చేశారు.

ఆసిఫాబాద్‌అర్బన్‌: ఆంధ్రప్రదేశ్‌ రాష్ట్రంలో సాక్షి దినపత్రిక ఎడిటర్‌, బ్యూరో ఇన్‌చార్జి, విలేకరులపై జరుగుతున్న దాడులను ఖండిస్తున్నాం. దీనిపై కేంద్ర ప్రభుత్వం వెంటనే స్పందించి పత్రికా స్వేచ్ఛను కాపాడాలి. దుండగులపై కఠిన చర్యలు తీసుకోవాలి. ఇలాంటి దాడులను ఉపేక్షించొద్దు. దీని వెనుక రాజకీయ నాయకులు ఎవరున్నా విచారణ చేపట్టి శిక్షించాలి. ఏపీలోని కూటమి ప్రభుత్వం చేస్తున్న అన్యాయాన్ని ప్రశ్నిస్తే అక్రమంగా కేసులు పెట్టి నోటీసులు ఇవ్వడం సిగ్గుచేటు. – దుర్గం దినకర్‌, కేవీపీఎస్‌ జిల్లా కార్యదర్శి ఆదిలాబాద్‌టౌన్‌: ప్రభుత్వానికి, ప్రజలకు వారధిగా ఉన్న మీడియా గొంతు నొక్కడం సరికాదు. ఆంధ్రప్రదేశ్‌ ప్రభుత్వం సాక్షి దినపత్రిక ఎడిటర్‌పై కేసు నమోదు చేయడం అప్రజాస్వామికం. జర్నలిస్టులను భయభ్రాంతులకు గురిచేసేలా వ్యవహరిచడం సరికాదు. ప్రజాస్వామ్యంలో పత్రికల పాత్ర ఎంతో కీలకం. – భగత్‌ మహేందర్‌, అడ్వకేట్‌ మీడియా గొంతు నొక్కడం సరికాదు

కోటపల్లి: ప్రతి ఒక్కరూ కనీస విద్యాజ్ఞానం కలిగి ఉండాలనే ఉద్దేశంతో ఉల్లాస్‌ పథకంలో భాగంగా వయోజన విద్యాశాఖ నిరక్షరాస్యులను అక్షరాస్యులుగా తీర్చిదిద్దనుంది. నవభారత్‌ సహకారంతో ఈ కార్యక్రమం దసరా వరకు ప్రారంభం కానుంది. డీఆర్‌డీఏ సెర్ప్‌ ఆధ్వర్యంలో జిల్లాలోని మహిళా సంఘాల్లో నిరక్షరాస్యులు, మధ్యలో బడి మానేసిన వారిని గుర్తించి నివేదిక అందజేశారు. జిల్లాలో 15ఏళ్ల నుంచి 50ఏళ్ల మధ్యలో 30,636మంది నిరక్షరాస్యులను గుర్తించారు. శిక్షణ ఇవ్వడానికి 3,064మంది వాలంటీర్లను ఎంపిక చేసి మండలాల వారీగా శిక్షణ కూడా పూర్తి చేశారు. విధి విధానాలను సెర్ప్‌ అధికారులు సమగ్రంగా వివరించారు. ప్రతీ గ్రామ పంచాయతీ నుంచి ఇద్దరు రిసోర్స్‌పర్సన్లు, ఒక ఉపాధ్యాయుడికి శిక్షణ ఇవ్వగా స్వచ్ఛందంగా బోధనకు ముందుకొచ్చే వారికి శిక్షణ ఇస్తారు. సామాజిక సాధికారతలో భాగంగా చదువురాని వారికి చదవడం, రాయడం నేర్పించడమే ఈ పథకం ప్రధాన లక్ష్యం. మహిళా సంఘాల్లో ఉన్న సభ్యుల్లో 50శాతం మంది మాత్రమే సంతకం చేస్తున్నారని, మిగతా వారు వేలిముద్ర వేస్తున్నారనే సమాచారం ప్రభుత్వం వద్ద ఉంది. దీంతో వయోజన మహిళలకు చదువు నేర్పడమే కాకుండా మధ్యలో బడి మానేసిన వారిని గుర్తించి నేరుగా ఓపెన్‌ పది, ఆసక్తి ఉంటే ఓపెన్‌ ఇంటర్‌, డిగ్రీ వరకు చదివిస్తారు. ఆ తర్వాత వారికి స్కిల్‌ డెవలప్‌మెంటు టెక్నికల్‌ కోర్సులు నేర్పించి ఉపాధి అవకాశాలు కల్పిస్తారు. బ్యాకింగ్‌ రంగంలో అర్థిక క్రమశిక్షణ, పౌష్టికాహారం, వ్యక్తిగత పరిశుభ్రత తదితర ఆంశాలు నేర్పిస్తారు. వాలంటీర్ల బోధన స్వచ్ఛందంగా బోధన చేసేవారి వీలు ఆధారంగా మండలంలో ఎంచుకున్న ప్రభుత్వ, ప్రభుత్వేతర పాఠశాలలు, పంచాయతీలు, కమ్యూనిటీ భవనాలు, ఉపాధ్యాయ శిక్షణ సంస్థలు, అంగన్‌వాడీ కేంద్రాలు వినియోగించుకునేలా వెసులుబాటు కల్పిస్తారు. 15నుంచి 20మంది చొప్పున గ్రూపులు ఏర్పాటు చేస్తారు. మహిళా సంఘాల్లో అక్షరాస్యులైన వారిని ఎంపిక చేసి నిరక్షరాస్యుల గ్రూపులను కేటాయించి వారికి చదువు చెప్పిస్తారు. గ్రూపులో ఉన్న సభ్యులకు చదవడం, రాయడం వచ్చే వరకు చదువు చెప్పే బాధ్యత వాలంటీర్లకు అప్పగించారు. విద్యాశాఖ పుస్తకాలతోపాటు ఉపాధ్యాయుల ద్వారా సహకారం అందిస్తారు. తల్లి చదవడం ద్వారా అ కుటుంబంలో వెలుగు నిండుతుంది. తద్వారా బడికి వెళ్లే పిల్లల సంఖ్య పెరగడంతోపాటు డ్రాపౌట్‌ తగ్గి బాల్య వివాహాలపై అవగాహన పెరుగుతుంది. గ్రామంలో అక్షరాస్యులు ఉంటే అన్ని రంగాల్లో అభివృద్ధిలో పయనించేందుకు దోహదడపతుంది.

● జిల్లా కలెక్టర్‌ కుమార్‌ దీపక్‌ బెల్లంపల్లి: కస్తూరిభా గాంధీ బాలికల విద్యాలయ పరిధిలో చేపట్టిన నిర్మాణ పనులను త్వరగా పూర్తి చేయాలని జిల్లా కలెక్టర్‌ కుమార్‌ దీపక్‌ అన్నారు. శుక్రవారం మండల కేంద్రంలోని కస్తూరిభా గాంధీ బాలికల విద్యాలయ పరిధిలో చేపట్టిన అదనపు గదులు, మూత్రశాలల పనులను ఎంపీడీవో మహేందర్‌తో కలసి పరిశీలించారు. కలెక్టర్‌ మాట్లాడుతూ ప్రభుత్వం విద్యారంగాన్ని బలోపేతం చేస్తూ విద్యార్థులకు నాణ్యమైన విద్య అందించేందుకు చర్యలు తీసుకుంటోందని తెలిపారు. విద్యార్థులతో మాట్లాడి సౌకర్యాలు, మధ్యాహ్న భోజన వివరాలు తెలుసుకున్నారు. సీజనల్‌ వ్యాధులు, ఎలర్జీ ఇతర లక్షణాలు కనిపిస్తే సమీప వైద్యశాలలో చికిత్స అందించాలని సూచించారు. ఏఈ వినయ్‌కుమార్‌ పాల్గొన్నారు.

ఆదిలాబాద్‌టౌన్‌: రాజ్యాంగం కల్పించిన హక్కును చంద్రబాబు ప్రభుత్వం కాలరాయడం సరికాదు. గతంలో ఎప్పుడూ లేని విధంగా మీడియాపై కక్షసాధింపు చర్యలకు పాల్పడడాన్ని తీవ్రంగా ఖండిస్తున్నాం. రాజకీయ నాయకులు మీడియా సమావేశంలో మాట్లాడిన మాటలను ప్రచురిస్తే ఎడిటర్‌పై కేసులు పెట్టడం సరికాదు. సాక్షి ఎడిటర్‌, జర్నలిస్టులపై పెట్టిన కేసులను వెంటనే ఎత్తివేయాలి. – వెంకటేశ్‌, జేఏసీ కోకన్వీనర్‌ ఆసిఫాబాద్‌అర్బన్‌: మీడియా స్వేచ్ఛకు ఆటంకం కలిగించొద్దు. గతంలో ఏ ప్రభుత్వం కూడా మీడియాపై అణచివేతకు పాల్పడిన ఘటనలు లేవు. తప్పుడు వార్తలు రాస్తే వివరణ అడగాలి. అంతేగాని దౌర్జన్యానికి దిగడం సరికాదు. మీడియా స్వేచ్ఛకు భంగం కలిగించడమంటే ప్రజాస్వామ్యాన్ని ఖూనీ చేయడమే అవుతుంది. సాక్షి పత్రిక ఎడిటర్‌పై పెట్టిన కేసులు తక్షణమే ఉపసంహరించుకోవాలి. – రాపర్తి రవీందర్‌, ఆసిఫాబాద్‌ బార్‌ అసోసియేషన్‌ అధ్యక్షుడుప్రజాస్వామ్యాన్ని ఖూనీ చేయడమే..

బెల్లంపల్లి: ప్రజాస్వామ్యంలో నాలుగో స్తంభం పత్రిక రంగం. పత్రికల్లో నిరాధారణమైన, అసత్యమైన వార్తా కథనాలు వస్తే వివరణ కోరవచ్చు. సదరు పత్రిక బాధ్యతాయుతంగా వివరణ ఇవ్వకపోతే చట్టపరంగా చర్యలు తీసుకోవచ్చు. కానీ ఉద్దేశపూర్వకంగా కక్షసాధింపు చర్యలు, అణిచివేత విధానాలకు పాల్పడడం, అక్రమ కేసులు పెట్టడం సరైంది కాదు. సాక్షి దినపత్రిక ఎడిటర్‌పై అక్రమ కేసులు పెట్టడం సరైన విధానం కాదు. ఏదైనా సరే చట్టానికి లోపాడి వ్యవహరించాలి. కానీ వేధింపులకు గురి చేసే ధోరణి ఏమాత్రం మంచిది కాదు. పత్రిక స్వేచ్ఛను కాలరాయలనుకోవడం అవివేకం అవుతుంది. – అంకెం శివకుమార్‌, బెల్లంపల్లి బార్‌అసోసియేషన్‌ అధ్యక్షుడుపత్రికా స్వేచ్ఛను కాలరాయొద్దు

మంచిర్యాలటౌన్‌: ఉమ్మడి జిల్లాలో బీజేపీ బలోపేతం దిశగా రాష్ట్ర, జాతీయ నాయకత్వం ముందుకు వెళ్తోందని, అందులో భాగంగానే మంచిర్యాలకు చెందిన రఘునాథ్‌ వెరబెల్లిని పార్టీ రాష్ట్ర ఉపాధ్యక్షుడిగా నియమించారని ఆదిలాబాద్‌ ఎంపీ గోడం నగేశ్‌ అన్నారు. బీజేపీ రాష్ట్ర ఉపాధ్యక్షుడిగా నియామకమై మొదటిసారిగా శుక్రవారం మంచిర్యాలకు వచ్చిన రఘునాథ్‌కు ఆ పార్టీ నాయకులు ఇందారం వద్ద ఘన స్వాగతం పలికారు. నగరంలో ర్యాలీ అనంతరం కాలేజీరోడ్డులోని పద్మనాయక ఫంక్షన్‌హాల్‌ అభినందన సభ నిర్వహించారు. ఈ సందర్భంగా ఎంపీ నగేశ్‌ మాట్లాడుతూ రాబోయే ఎన్నికల్లో మంచిర్యాల నియోజకవర్గంలో బీజేపీ జెండాను ఎగురవేస్తామని అన్నారు. ఆదిలాబాద్‌ ఎమ్మెల్యే పాయల్‌ శంకర్‌ మాట్లాడుతూ కార్యకర్తల కృషి వల్లనే రాష్ట్రంలో ఎమ్మెల్యేలు, ఎంపీలు గెలిచారని తెలిపారు. స్థానిక సంస్థల ఎన్నికలకు కాంగ్రెస్‌ భయపడుతుందని విమర్శించారు. సిర్పూర్‌ ఎమ్మెల్యే పాల్వాయి హరీశ్‌బాబు మాట్లాడుతూ కాంగ్రెస్‌ ప్రభుత్వ నిర్లక్ష్యం వల్లనే యూరియా కొరత ఏర్పడిందని, దళారులతో బ్లాక్‌ మార్కెట్‌కు తరలించి రైతులను దోచుకుంటోందని ఆరోపించారు. రఘునాథ్‌ వెరబెల్లి మాట్లాడుతూ బీజేపీ పోరాట ఫలితంగానే మంచిర్యాలలో వందే భారత్‌ రైలుకు హాల్టింగ్‌ కల్పించారని, స్థానిక ఎంపీ తనే చేసినట్లుగా చెప్పుకోవడం సిగ్గుచేటని విమర్శించారు. ఈ కార్యక్రమంలో బీజేపీ జిల్లా అధ్యక్షుడు నగునూరి వెంకటేశ్వర్‌గౌడ్‌, పెద్దపల్లి మాజీ ఎంపీ బోర్లకుంట వెంకటేశ్‌నేత, గోనె శ్యాంసుందర్‌రావు, కొయ్యల ఏమాజి, ఆసిఫాబాద్‌ జిల్లా అధ్యక్షుడు ధోని శ్రీశైలం, పెద్దపల్లి పురుషోత్తం, మున్నారాజా సిసోడియా, గాజుల ముఖేశ్‌గౌడ్‌, జోగుల శ్రీదేవి, ముత్తె సత్తయ్య, కమలాకర్‌రావు, పట్టి వెంకటకృష్ణ, అక్కల రమేశ్‌, దుర్గం అశోక్‌, ఎనగందుల కృష్ణమూర్తి పాల్గొన్నారు.

మంచిర్యాలఅర్బన్‌: యూడైస్‌ ప్లస్‌ పోర్టల్‌లో విద్యార్థుల వివరాల నమోదుకు ఆటంకాలు ఎదురవుతున్నాయి. సమాచార పారదర్శకత.. అన్ని రాష్ట్రాల స్టూడెంట్‌ సెంట్రల్‌ గవర్నమెంటు ఒకే పోర్టల్‌లో ఉండాలని యూడైస్‌ ప్లస్‌ ఆన్‌లైన్‌ నమోదు ప్రక్రియ చేపట్టింది. ప్రతీ పాఠశాలలోని ప్రతీ విద్యార్థి వివరాలు నమోదు చేయాల్సి ఉంది. నమోదు చేయకపోతే విద్యార్థులకు స్కాలర్‌షిప్‌, సర్టిఫికేట్‌ జారీ, పలు సందర్భాల్లో ఇబ్బందులు తలెత్తుతాయి. విద్యాశాఖలో ఎన్ని యాప్‌లు వచ్చినా ఆన్‌లైన్‌ నమోదు ప్రక్రియ అంతంతగానే ఉంది. విద్యార్థుల వివరాలు నమోదు ప్రక్రియ వేగవంతంగా చేయాల్సి ఉండగా నత్తనడకన సాగుతోంది. జిల్లాలో 1,25,683 మంది విద్యార్థులకు గాను 1,19,354 మంది ఆధార్‌కార్డులు సమర్పించగా.. 6329 మంది ఆధార్‌కార్డులు సమర్పించలేదు. కారణాలు అనేకం..? విద్యార్థుల వివరాలు పోర్టల్‌లో నమోదు కాకపోవడానికి అనేక కారణాలున్నాయి. కొత్తగా చేరిన విద్యార్థుల్లో చాలామంది వివరాలు ఆధార్‌కార్డు, సర్టిఫికేట్‌లో వేర్వేరుగా ఉండడం కూడా ఇబ్బందిగా మారుతోంది. ఇదివరకు ఎల్‌కేజీ, యూకేజీలో ఆధార్‌కార్డు లేకపోయినా విద్యార్థుల వివరాలు పోర్టల్‌ నమోదుకు అవకాశం ఉండేది. ఆధార్‌ తప్పనిసరి కావడంతో ఎంట్రీ కావడం లేదు. ప్రైవేట్‌ పాఠశాలల యాజమాన్యాలు విద్యార్థుల వివరాల నమోదులో అనాసక్తి చూపుతున్నట్లు తెలుస్తోంది. కొన్ని పాఠశాలల్లో ఎలాంటి వివరాలు అందుబాటులో లేని విద్యార్థులు అడ్మిషన్లు పొందడం.. ఇతర జిల్లాలకు చెందిన వారు కావడం కూడా నమోదు ప్రక్రియకు అవాంతరంగా మారినట్లు తెలుస్తోంది. జిల్లా కేంద్రమైన మంచిర్యాలలో ఓ సర్కారు పాఠశాలలో 830 మంది, మందమర్రిలో 651 మంది విద్యార్థులు ఆధార్డుకార్డులు సమర్పించలేదంటే నమోదు ఏవిధంగా సాగుతుందో అర్థం చేసుకోవచ్చు. ఒకేచోట అన్ని వివరాలు.. విద్యార్థుల పూర్తి సమాచారం తెలిసే యూడైస్‌ ప్లస్‌ డాటా ఎంట్రీపై కూడా నిర్లక్ష్యం వహిస్తున్నారు. పాఠశాల పేరు, మండలం, విద్యార్థి పూర్తి పేరు, తల్లిదండ్రులు, కులం, మాట్లాడే భాష, పుట్టిన ఊరు, ప్రస్తుత నివాసం, పుట్టినతేదీ, ప్రస్తుత పాఠశాల, పూర్వ పాఠశాల, ఏ సంవత్సరం ఎక్కడ చదివారు, మాధ్యమం, బ్లడ్‌గ్రూప్‌, ఎత్తు, బరువు, పాఠశాల ఇంటికి ఎంత దూరం, విద్యార్థుల బ్యాంకుఖాతాలతోపాటు పలు అంశాలను పొందుపర్చాల్సి ఉంటుంది. సాంకేతిక కారణాలు చూపుతూ ప్రైవేట్‌ యాజమాన్యాలు తప్పించుకుంటున్నట్లు తెలుస్తోంది. కళాశాలలు యాజమాన్యాలు పాఠశాలలకు సంబంధించినదంటూ తప్పించుకుంటున్నారు. యూడైస్‌ నంబరు ఆధారంగానే స్కాలర్‌షిప్‌లు కూడా మంజూరయ్యే వీలుంది. యూడైస్‌ ప్లస్‌ సెంట్రల్‌ పోర్టల్‌ నమోదు చేయడం వల్ల విద్యార్థి ఎక్కడ చదువుతున్నది ఇట్టే తెలిసిపోనుంది. తద్వారా సర్టిఫికేట్లు జారీ కూడా సులువు కానుంది. ఆధార్‌కార్డులేని విద్యార్థులకు ఆధార్‌కార్డులు ఇప్పించడం.. యూడైఎస్‌ప్లస్‌ పోర్టల్‌లో నమోదుపై అధికారులు, టీచర్లు దృష్టి సారిస్తేనే విద్యార్థులకు మేలు జరుగనుంది. ఆధార్‌ సమర్పించని విద్యార్థులు బెల్లంపల్లి మండలంలో 436 మంది, భీమినిలో 184, భీమారంలో 143, చెన్నూర్‌లో 452, దండేపల్లిలో 258, హాజీపూర్‌లో 152, జైపూర్‌లో 208, జన్నారంలో 533, కన్నెపల్లిలో 311, కాసిపేటలో 219, కోటపల్లిలో 528, లక్సెట్టిపేటలో 278, మంచిర్యాలలో 830, మందమర్రిలో 651, నస్పూర్‌లో 255, నెన్నెలలో 280, తాండూర్‌లో 368, వేమనపల్లిలో 243మంది ఉన్నారు.

● మంత్రి వివేక్‌వెంకటస్వామి లక్సెట్టిపేట: జిల్లాకు యూరియా కొరత లేకుండా చేస్తున్నామని రాష్ట్ర కార్మిక శాఖ మంత్రి వివేక్‌వెంకటస్వామి అన్నారు. శుక్రవారం మంచిర్యాలకు వెళ్తున్న ఆయన స్థానిక అంబేడ్కర్‌ విగ్రహానికి పూలమాలలు వేసి తేనీరు తాగి కాసేపు మాట్లాడారు. యూరియా కొరత కేంద్రం వల్లనే ఏర్పడిందని, తక్కువ స్టాకును పంపడంతో రైతులు ఇబ్బందులు పడుతున్నారని తెలిపారు. రైతుల ఇబ్బందులు తొలగించేందుకు యూరియాను ఎక్కువగా తెప్పించేందుకు కృషి చేస్తున్నామని తెలిపారు. ఈ కార్యక్రమంలో మండల నాయకులు దమ్మ సునీల్‌, శాంతికుమార్‌, రవి, కిషన్‌, రవీందర్‌, మల్లేష్‌, తిరుపతి పాల్గొన్నారు.

మంచిర్యాలక్రైం: ఆకర్షించి.. అప్పుల పాలు చేసి ఆర్థికంగా దివాలా తీయిస్తున్న ఆన్‌లైన్‌ ఆటలకు కేంద్ర ప్రభుత్వం చెక్‌ పెట్టింది. ‘ప్రమోషన్‌ అండ్‌ రెగ్యులేషన్‌ ఆఫ్‌ ఆన్‌లైన్‌ గేమింగ్‌ బిల్లు–2025’ తీసుకొచ్చింది. ఉమ్మడి ఆదిలాబాద్‌ జిల్లాలో ఆన్‌లైన్‌ గేమింగ్‌ యాప్‌ల ఉచ్చులో పడి బాలలు, యువత, మధ్య వయస్కుల వరకు ఎంతోమంది జీవితాలను అంధకారం చేసుకున్నారు. కొందరు ఆత్మహత్యకూ పాల్పడ్డారు. మరికొందరు ఆర్థికంగా నష్టపోయి అప్పుల పాలయ్యారు. రమ్మీ, సట్టా, ఫోకర్‌, కార్డ్‌గేమ్స్‌తోపాటు ఆన్‌లైన్‌ ఫ్యాంటసీ స్పోర్ట్స్‌, ఆన్‌లైన్‌ లాటరీ ఇలా డబ్బులు పెట్టి ఆన్‌లైన్‌లో ఆడే ఆటలు యువత జీవితాలను నట్టేట ముంచాయి. ఆన్‌లైన్‌ గేమ్స్‌, క్రికెట్‌ బెట్టింగ్‌కు బానిస కావడం వల్ల పలు కుటుంబాలు ఇబ్బందులకు గురయ్యాయి. ఇకపై ఆన్‌లైన్‌ గేమ్‌లు నిర్వహిస్తే మూడేళ్ల వరకు జైలు లేదా రూ.కోటి జరిమానా విధిస్తారు. కొన్నిసార్లు రెండు శిక్షలు విధిస్తారు. గేమ్‌లపై ప్రచారం చేసినా రెండేళ్ల జైలు శిక్ష లేదా రూ.50లక్షల జరిమానా విధిస్తారు. కొన్నిసార్లు రెండూ విధించవచ్చు. పోగొట్టుకున్న డబ్బు సంపాదించాలని ఇటీవల చెన్నూర్‌లోని బ్యాంకులో క్యాషియర్‌గా పనిచేసే రవీందర్‌ ఆన్‌లైన్‌ క్రికెట్‌ బెట్టింగ్‌లో రూ. 40 లక్షలు పోగొట్టుకున్నాడు. ఎలాగైనా ఆ డబ్బు సంపాదించాలని బ్యాంకుకే టోకరా వేశాడు. బ్యాంకులో పనిచేసే కొందరితోపాటు తనకు తెలిసిన మ రికొందరి సహకారంతో బ్యాంకులో ప్రజలు తాక ట్టుపెట్టిన 25.17 కిలోల బంగారునగలు, రూ.1.10 కోట్ల నగదు గోల్‌మాల్‌ చేశాడు. బయటపడడంతో ముగ్గురు ఉద్యోగులు కటకటాల పాలయ్యారు.ఆన్‌లైన్‌ గేమ్స్‌పై కేంద్ర ప్రభుత్వం నిషేధం విధించడంతో ఆటలకు బానిసగా మారిన వాళ్లు ఆగమాగం అవుతున్నారు. ఉమ్మడి జిల్లాలోని కోల్‌బెల్ట్‌ ప్రాంతంలో అధికంగా యువత మొదలుకుని ఉన్నత స్థాయిలో ఉన్న వారు సైతం ఆన్‌లైన్‌లో రమ్మీ, క్రికెట్‌ బెట్టింగ్‌, మనీగేమింగ్‌లకు బానిసైన వారు ఉన్నారు. మద్యం సేవిస్తూ ఆటలు ఆడుతూ కాలం గడిపేవారు. ప్రస్తుతం గేమింగ్‌ యా ప్‌లు ఓపెన్‌ కాకపోవడంతో మతిస్థిమితం తప్పినట్లుగా వ్యవహరిస్తున్నట్లు సమాచారం. పిచ్చిలేస్తుందని, మైండ్‌ పని చేయడం లేదంటూ యువత వింతగా ప్రవర్తిస్తున్నట్లు తెలి సింది. మరికొందరు పేకాట వైపు వెళ్తున్నట్లు సమాచారం. శ్రీరాంపూర్‌కు చెందిన ఓ సింగరేణి ఉద్యోగి బ్యాంకు ఖాతాలోకి ఆన్‌లైన్‌ ద్వారా ఒక్క రోజులోనే 28 సార్లు బదిలీలు జరిగాయి. దీంతో బ్యాంకు అధికారులు ఖాతాను నిలిపి వేసి పిలిపించారు. ఇలా బ్యాంకు అధికారులు సైతం అధికంగా ఆన్‌లైన్‌లో పలుమార్లు డబ్బు బదిలీ జరిగే ఖాతాలపై దృష్టి సారించినట్లు సమాచారం.మంచిర్యాలలోని రెడ్డికాలనీకి చెందిన ఇప్ప వెంకటేష్‌(40) సాఫ్ట్‌వేర్‌ ఉద్యోగం చేస్తూ కుటుంబంతో జీవనం సాగించేవాడు. 2024 సెప్టెంబర్‌లో ఆన్‌లైన్‌ ట్రేడింగ్‌, ఆన్‌లైన్‌ బెట్టింగ్‌కు బానిసై రూ.25లక్షల వరకు అప్పుల పాలయ్యాడు. అప్పులు తీర్చేందుకు లోన్‌ యాప్‌ల ద్వారా రుణం తీసుకున్నాడు. లోన్‌యాప్‌ నిర్వాహకుల వేధింపులు భరించలేక భార్య వర్షిణి(33), ఇద్దరు కుమారులు రిషికాంత్‌(11), విహాంత్‌(3)లను హత్య చేసి తానూ ఆత్మహత్య చేసుకున్నాడు.

లక్ష్మణచాంద: మహిళలకు తామేమి తక్కువ కాదన్నట్లుగా మగవాళ్లు కూడా ఈ మధ్యన స్నేహితుల సన్మానం పండుగ జరుపుకుంటున్నారు. మండలంలోని కనకాపూర్‌కు చెందిన 24 మంది యువకులు ఇటీవల జరుపుకోగా గురువారం పీచర గ్రామానికి చెందిన 14 మంది యువకులు వ్యవసాయ క్షేత్రంలో శాలువాలతో ఒకరినొకరు సన్మానించుకుని స్వీట్లు తినిపించుకున్నారు. తమ స్నేహం ఇలాగే కొనసాగాలని కోరుకున్నారు. డమ్మీ తుపాకీతో హల్‌చల్‌ చేసినవారిపై కేసునిర్మల్‌టౌన్‌: పట్టణంలో ఈనెల 7న జరిగిన గణేశ్‌ నిమజ్జనం సందర్భంగా డమ్మీ తుపాకీ పట్టుకుని డ్యాన్స్‌ చేసి హల్‌చల్‌ చేసినవారిపై గురువారం కేసు నమోదు చేసినట్లు పట్టణ సీఐ ప్రవీణ్‌కుమార్‌ తెలిపారు. ఆయన కథనం ప్రకారం..స్థానిక నాయుడువాడలో భాగ్యనగర్‌ కాలనీకి చెందిన భక్తాంజనేయ గణేశ్‌మండలి విగ్రహం ముందు రంజిత్‌తోపాటు మరికొందరు డమ్మీ తుపాకీ పట్టుకుని డ్యాన్స్‌ చేస్తూ.. ప్రజలను రెచ్చగొట్టేలా ప్రవర్తించారు. చుట్టుపక్కల ఉన్నవారిని, నిమజ్జన శోభాయాత్రలో భక్తులను భయంభ్రాంతులకు గురిచేశారు. విధుల్లో ఉన్న పోలీస్‌ సిబ్బంది ఆపాలని చెప్పిన వినకుండా వారి విధులకు ఆటంకం కలిగిస్తూ దౌర్జన్యానికి పాల్పడ్డారు. దీంతో పట్టణ పోలీస్‌ స్టేషన్‌లో కేసు నమోదు చేసినట్లు సీఐ పేర్కొన్నారు. జాతీయ స్థాయి పోటీలకు ఎంపికతలమడుగు: హైదరాబాద్‌ జింఖానా గ్రౌండ్‌లో ఈనెల 9, 10వ తేదీల్లో 200 మీటర్ల పరుగు పందెంలో రాష్ట్రస్థాయి సివిల్‌ సర్వీసెస్‌ ఎంపిక పోటీల్లో సుంకిడి ఉన్నత పాఠశాల పీడీ జి.నాందేవ్‌ సత్తాచాటి జాతీయ పోటీలకు ఎంపికయ్యాడు. ఈ పోటీలు నవంబర్‌లో జరగనున్నాయి. హెచ్‌ఎం జైవర్ధన్‌రెడ్డి, ఉపాధ్యాయులు టి.శ్రీనివాస్‌ స్వామి, బి.గజానంద్‌, వై.రామ్‌రెడ్డి, పి.సుకుమార్‌, జి.సుజాత, సి.శ్రీనివాస్‌రెడ్డి, సంజీవరెడ్డి గురువారం ఆయన్ను అభినందించి సన్మానించారు. రేషన్‌బియ్యం పట్టివేతసిర్పూర్‌(టి): మండలంలోని వెంకట్రావ్‌పేట్‌ సమీపంలో రైస్‌మిల్లులో తహసీల్దార్‌ రహీమొద్దిన్‌, ఎస్సై కమలాకర్‌ గురువారం అక్రమంగా నిల్వ ఉంచిన రేషన్‌ బియ్యాన్ని పట్టుకున్నారు. పక్కా సమాచారంతో మేరకు పోలీసులు, రెవెన్యూ అధికారులు సంయుక్తంగా తనిఖీ నిర్వహించారు. సుమారు 50 క్వింటాళ్ల రేషన్‌ బియ్యాన్ని పట్టుకుని స్వాధీనం చేసుకున్నట్లు తహసీల్దార్‌ తెలిపారు. పూర్తి వివరాలు రేపు వెల్లడిస్తామని పేర్కొన్నారు.

దిగువకు వెళ్తున్న వరదనీరు మండలంలోని వడ్డాడి సమీపంలో గల మత్తడివాగు ప్రాజెక్టు రెండు గేట్లను ఎత్తి నీటిని దిగువకు వదిలారు. వరుసగా కురుస్తున్న వర్షాలకు భారీగా వరదనీరు ప్రాజెక్టులోకి చేరుతుంది. ఇన్‌ఫ్లో ద్వారా 1290 క్యూసెక్కుల నీటిని రెండు గేట్లను ఎత్తి 3567 క్యూసెక్కుల నీరు దిగువకు వదిలినట్లు ఏఈ హరీశ్‌ కుమార్‌ తెలిపారు. పూర్తిస్థాయి నీటిమట్టం 277.50 మీటర్లు కాగా ప్రస్తుతం 277.40 మీటర్ల వద్ద నీరు నిల్వ ఉందని పేర్కొన్నారు. భారీవర్షాల నేపథ్యంలో మరిన్ని గేట్లు ఎత్తి నీటిని వదిలే అవకాశం ఉన్నందున దిగువ ప్రాంతప్రజలు అప్రమత్తంగా ఉండాలని కోరారు. – తాంసి

అక్రమ ఆర్థిక లావాదేవీలు, సైబర్‌క్రైమ్‌, ఆన్‌లైన్‌ గేమింగ్‌లపై ప్రజలు అప్రమత్తంగా ఉండాలి. కేంద్ర ప్రభుత్వం నిషేధం విధించిన ఆన్‌లైన్‌ గేమ్స్‌ ఆడడం, నిర్వహించడం చట్టరీత్యా నేరం. నిర్వహించినా, ఆడినా, ప్రచారం చేసినా కఠిన చర్యలు ఉంటాయి. పిల్లలు ఏం చేస్తున్నారు.. ఏ ఆటలు ఆడుతున్నారనేది తల్లిదండ్రులు గమనించాలి. ఎక్కడైనా నిషేధిత బెట్టింగ్‌లు, ఆన్‌లైన్‌ గేమ్స్‌ నిర్వహిస్తున్నట్లు తెలిస్తే నేరుగా పోలీసు అధికారులకు సమాచారం అందించాలి. వివరాలు గోప్యంగా ఉంచుతాం. – ఎగ్గడి భాస్కర్‌, డీసీపీ, మంచిర్యాల

చెన్నూర్‌: చెన్నూర్‌ ఎస్బీఐ–2 బ్రాంచిలో జరిగిన భారీ కుంభకోణం రాష్ట్ర వ్యాప్తంగా సంచలనం సృష్టించిన విషయం తెలిసిందే. చోరీకి గురైన బంగారు ఆభరణాలను పోలీసులు పూర్తిగా రికవరీ చేయడంతో కథ ముగిసింది. బంగారం బ్యాంక్‌కు చేరడంతో ఆందోళనకు గురైన బాధితులకు ఊరటనిచ్చింది. గురువారం జైపూర్‌ ఏసీపీ కార్యాలయంలో మంచిర్యాల డీసీపీ భాస్కర్‌ ఈమేరకు వివరాలు వెల్లడించారు. చెన్నూర్‌ ఎస్బీఐ–2 బ్రాంచిలో గతనెల 23న క్యాషియర్‌గా పని చేస్తున్న నరిగే రవీందర్‌తోపాటు మరికొందరు 20.250 కిలోల బంగారు ఆభరణాలు మాయం చేశారని రీజినల్‌ మేనేజర్‌ రితేశ్‌కుమార్‌ గుప్తా ఫిర్యాదు చేశారు. కేసు దర్యాప్తులో భాగంగా పోలీసులు గతనెల 31న ప్రధాన నిందితుడి, 44 మందిపై కేసు నమోదు చేసి 15.237 కిలోల బంగారు ఆభరణాలు రికవరీ చేసినట్లు రామగుండం సీపీ అంబర్‌కిశోర్‌ ఝూ వెల్లడించారు. ఏ–1 నరిగే రవీందర్‌, ఏ4, కొంగండి బీరేశ్‌, ఏ5 కోదాటి రాజశేఖర్‌ను కస్టడీకి తీసుకుని విచారించాం. ముత్తూట్‌ ఫైనాన్స్‌ లిమిటెడ్‌ మంచిర్యాల, ముత్తూట్‌ ఫిన్‌క్రాప్‌ మంచిర్యాల, చెన్నూర్‌, మణప్పురం మంచిర్యాలలోని రెండు బ్రాంచ్‌లతోపాటు ముత్తూట్‌ మనీ బ్రాంచ్‌ చెన్నూర్‌లలో 5.250 కిలోల బంగారు నగలను రికవరీ చేశాం. గతంలో చేసినని, గురువారం రికవరీ చేసిన బంగారం పూర్తిస్థాయిలో 20.250 కిలోల నగలను రికవరీ చేశామని తెలిపారు. ఈ గోల్డ్‌ను కోర్టు డిపాజిట్‌ చేస్తుందని డీసీపీ తెలిపారు. త్వరలో బ్యాంక్‌ అధికారులు బాధితులకు అప్పగిస్తారని పేర్కొన్నారు. సమావేశంలో జైపూర్‌ ఏసీపీ వెంకటేశ్వర్లు, చెన్నూర్‌, శ్రీరాంపూర్‌ సీఐలు దేవేందర్‌రావు, వేణుచందర్‌, ఎస్సైలు శ్వేత, లక్ష్మీప్రసన్న పాల్గొన్నారు. పోలీసు అధికారులకు అభినందన చెన్నూర్‌ ఎస్బీఐ–2 బ్రాంచిలో మాయమైన బంగారు నగలను 21 రోజుల్లో ఛేదించిన పోలీసులను సీపీ అంబర్‌ కిశోర్‌ఝా అభినందించారు. మంచిర్యాల డీసీపీ భాస్కర్‌, జైపూర్‌ ఏసీపీ వెంకటేశ్వర్లు, సీఐలు దేవేందర్‌రావు, బన్సీలాల్‌, వేణుచందర్‌, బాబురావు, ఎస్సైలు సుబ్బారావు, శ్రీధర్‌, రాజేందర్‌, శ్వేత, సంతోశ్‌, లక్ష్మీప్రసన్న, కోటేశ్వర్‌, మధుసూదన్‌, హెడ్‌ కానిస్టేబుల్‌ శంకర్‌, కానిస్టేబుళ్లు రవి, రమేశ్‌, ప్రతాప్‌, తిరుపతి లింగమూర్తిలకు అభినందనలు తెలిపారు.

ఖానాపూర్‌: మండలంలోని మస్కాపూర్‌లో నర్సింహస్వామి ఆలయంలో బుధవారం రాత్రి చోరీ జరిగింది. ఆలయం చుట్టూ ఎలాంటి రక్షణగోడ లేకపోవడాన్ని గమనించిన గుర్తుతెలి యని వ్యక్తులు.. స్వామివారి విగ్రహంపై ఉన్న వెండినామాలు, ఇతర సామగ్రి, హుండీని పగులగొట్టి ఎత్తుకెళ్లారు. స్థానికులు పోలీసులకు సమాచారం అందించగా వారు అక్కడికి చేరుకుని పరిశీలించారు. కాగా, పట్టణంలోని గాంధీనగర్‌ శివారులో నల్లపోచమ్మ ఆలయం వద్ద ఓ దొంగ చోరీకి యత్నిస్తున్న విషయమై సీసీ ఫుటేజీ పరిశీలించిన అర్చకులు ఈశ్వర్‌, ఆలయకమిటీ సభ్యులు పోలీసులకు సమాచారమిచ్చారు. కాగా, ఆ వ్యక్తిని పోలీసులు పట్టుకుని విచారిస్తున్నట్లు సమాచారం.

కోటపల్లి: అడవిపంది దాడిలో మహిళకు తీవ్రగాయాలయ్యాయి. మండలంలోని వెంచపల్లిలో బొల్లవేన మధునక్క ఇంటి సమీపంలోని స్థలంలో మొక్కజొన్న పంట వేసింది. గురువారం తెల్లవారుజామునే అడవి పందిని తరిమివేస్తుండగా వేగంగా దాడి చేయడంతో గాయాలయ్యాయి. గమనించిన కుటుంబసభ్యులు ఆమెను చెన్నూర్‌ ప్రభుత్వ అసుపత్రికి తరలించారు. చికిత్సపొందుతున్న మధునక్కను ఫారెస్టు అధికారులు పరామర్శించి వివరాలు తెలుసుకున్నారు. అడవిపంది మృతిచెందిందని తెలుసుకున్న అధికారులు పంచనామా నిర్వహించి ఖననం చేశారు. మధునక్కను గాయపర్చిన పంది అడవిపందినే అని గ్రామస్తులు తెలుపగా ఊర పంది అని ఫారెస్టు అధికారులు తెలపడం గమనార్హం. ఈ విషయమై ఫారెస్టు రేంజర్‌ సదానందంను వివరణ కోరగా గాయపర్చిన పంది ఊరపంది అని తెలిపారు. పూర్తి వివరాలు త్వరలోనే తెలుస్తాయని చెప్పడం గమనార్హం.

నార్నూర్‌: విధుల్లో నిర్లక్ష్యం వహిస్తూ నాసిరకం సరుకులు వాడుతూ అన్నంలో పురుగులు వస్తున్నా పట్టించుకోని నార్నూర్‌ కేజీబీవీ ప్రత్యేక అధికారి హిమబిందు, జిల్లా సెక్టోరియల్‌ (జీసీడీవో) అధికారి ఉదయశ్రీలను సస్పెండ్‌ చేయాలని ఆదివాసీ గిరిజన సంఘాల నాయకులు డిమాండ్‌ చేశారు. పాఠశాల ప్రధాన గేటు ఎదుట గురువారం ఆందోళనకు దిగారు. బుధవారం ఉదయం పులిహోరలో పురుగులు రావడంతో విద్యార్థులు ఆందోళన చేసిన విషయం తెలిసిందే. వారితో మాట్లాడటానికి వెళ్లిన ఆదివాసీ గిరిజన సంఘాల నాయకులను అనుమతి లేదని ప్రధాన గేటు వద్ద పోలీసులు అడ్డుకోవడంపై మండిపడ్డారు. ఎస్సై అఖిల్‌తో వాగ్వాదానికి దిగారు. ఆదివాసీ గిరిజన విద్యార్థినులకు అన్యాయం జరిగితే ప్రశ్నించవద్దా? అంటూ నిలదీశారు. తుడుందెబ్బ జిల్లా అధ్యక్షుడు పెందూర్‌ దాదిరావు మాట్లాడుతూ ఎస్వో, జిల్లా సెక్టోరియల్‌ అధికారి ఇష్టానుసారంగా వ్యవహరిస్తున్నారని ఆరోపించారు. ఆందోళన చేసిన విద్యార్థినులతోపాటు ఉపాధ్యాయులను బెదిరిస్తున్నారని తెలిపారు. గతంలో ఆదిలాబాద్‌ రూరల్‌ కేజీబీవీలో ఫుడ్‌ పాయిజన్‌ అయితే హిమబిందును ఏడాదిపాటు విధుల నుంచి తొలగించారని, పనిష్మెంట్‌పై నార్నూర్‌ పంపిస్తే ఇక్కడ అదే ధోరణి అవలంబిస్తున్నారని తెలిపారు. కలెక్టర్‌ జోక్యం చేసుకుని ఆ ఇద్దరిపై చర్యలు తీసుకోవాలని లేకపోతే ఆందోళనలు ఉధృతం చేస్తామని హెచ్చరించారు. ఆదివాసీ విద్యార్థి సంఘం జిల్లా అధ్యక్షుడు పెందూర్‌ సంతోష్‌, రాజ్‌ గోండు సేవా సమితి మండల అధ్యక్షుడు ఆత్రం పరమేశ్వర్‌, ఆదివాసీ సంక్షేమ పరిషత్‌ మండల కార్యదర్శి అర్క గోవింద్‌ ఉన్నారు.

శ్రీరాంపూర్‌: కార్మికులకు సొంతిల్లు కావాలా..? కంపెనీ క్వార్టర్‌ కావాలా..? అనే అంశంపై సీఐటీయూ ఆధ్వర్యంలో అభిప్రాయ సేకరణ చేపట్టారు. కంపెనీ వ్యాప్తంగా రెండు రోజులపాటు చేపడుతున్న కార్యక్రమంలో తొలిరోజు గురువారం భూగర్భ గనుల్లో బ్యాలెట్‌ పద్ధతిలో అభిప్రాయ సేకరణ చేపట్టారు. శ్రీరాంపూర్‌లోని భూగర్భ గనులపై ఈ కార్యక్రమాలు జరిగాయి. ఆర్కే 7, ఆర్కే న్యూటెక్‌ గనిపై జరిగిన కార్యక్రమానికి ఆ యూనియన్‌ అధ్యక్షుడు తుమ్మల రాజారెడ్డి ముఖ్యఅతిథిగా హాజరయ్యారు. కార్మికులు ఈ అంశంపై బ్యాలెట్‌ పేపర్‌పై టిక్‌ చేసి తమ అభిప్రాయాన్ని తెలియజేయాలన్నారు. మీడియా సమక్షంలో లెక్కించి దాని ఆధారంగా యజమాన్యానికి రిపోర్ట్‌ ఇస్తామని తెలిపారు. యూనియన్‌ బ్రాంచి అధ్యక్షుడు గుల్ల బాలాజీ, కోశాధికారి కస్తూరి చంద్రశేఖర్‌, నాయకులు వెంగళ శ్రీనివాస్‌, సాయిల శ్రీనివాస్‌, తిరుపతి, బానేష్‌, శ్రీధర్‌, తోడే సుధాకర్‌, నవీన్‌, పెరిక సదానందం తదితరులు పాల్గొన్నారు.

వేమనపల్లి/చెన్నూర్‌రూరల్‌/మందమర్రిరూరల్‌: యూరియా కోసం రైతులు తిప్పలు పడుతూనే ఉన్నారు. వేమనపల్లి మండలం లక్ష్మిపూర్‌ హాకా సెంటర్‌ వద్ద గురువారం పొద్దంతా పడిగాపులు కాశారు. నీల్వాయిలోని పీఏసీఎస్‌కు 222 యూరియా బస్తాలు రాగా వాటిని హాకా సెంటర్‌ వద్ద రైతులకు పంపిణీ చేశారు. ఒక్కో రైతుకు ఒక్కో బస్తాను ఏవో వీరన్న ఆధ్వర్యంలో అందజేశారు. మరో 80మందికి దొరకకపోవడంతో వెనుదిరిగారు. చెన్నూర్‌ మండలం పొక్కూరు గ్రామంలో పీఏసీఎస్‌కు 222 బస్తాలు యూరియా రాగా రైతులకు ఒక్కో బస్తా అందజేశారు. మందమర్రి పాతబస్టాండ్‌ ఏరియాలోని ఆగ్రోస్‌ రైతు సేవా కేంద్రం వద్ద గురువారం యూరియా పంపిణీ ఉందన్న విషయం తెలుసుకుని క్యాతన్‌పల్లి, మందమర్రి రైతులు ఉదయమే బారులు తీరారు. 220 బస్తాల యూరియా ఒక్కో బస్తా చొప్పున పంపిణీ చేయడంతో చాలామందికి దొరకలేదు.

పత్రిక స్వేచ్ఛ అనేది ప్రజాస్వామ్యానికి గీటురాయి లాంటిది. పత్రికలు నిర్భయంగా వాస్తవాలు వెల్లడిస్తేనే ప్రజల సమస్యలకు పరిష్కారం లభిస్తుంది. ఏపీలో సాక్షి పత్రికపై అక్కడి రాష్ట్ర ప్రభుత్వం చేపడుతున్న నిరంకుశ చర్యలు సమంజసం కాదు. ఒక రాజకీయ నాయకుడి సమావేశం వివరాలను ప్రచురిస్తే తప్పు ఎలా అవుతుంది. ఎవరికై నా ఇబ్బంది ఉంటే పరువునష్టం కేసు సదరు నాయకుడు వేసుకోవచ్చు. కానీ పత్రికను ఎట్టి పరిస్థితుల్లోనూ ఇబ్బందులకు గురి చేయరాదు. బుధవారం తెలంగాణ హైకోర్టు వెలువరించిన నల్ల బాలు కేసు తీర్పు అదే విషయాన్ని స్పష్టం చేస్తుంది. – రంగు రాజేశం, తెలంగాణ సామాజిక న్యాయవేదిక కన్వీనర్‌ కేసులు ఎత్తివేయాలిఆసిఫాబాద్‌: సాక్షి దినపత్రిక ఎడిటర్‌, జర్నలిస్టులపై కూటమి ప్రభుత్వం కక్ష సాధింపు చర్యలకు పాల్ప డడం సిగ్గుచేటు. నిరంకుశంగా వ్యవహరించడం సమంజసం కాదు. కథనాలపై అభ్యంతరాలుంటే ప్రజాస్వామ్యబద్ధంగా వివరణ కోరాలి. కానీ అక్రమ కేసులు పెట్టడం సరికాదు. సాక్షి దినపత్రికపై కూటమి ప్రభుత్వం తీరును తీవ్రంగా ఖండిస్తున్నాం. రాష్ట్ర గవర్నర్‌ వెంటనే స్పందించి సాక్షి ఎడిటర్‌పై పెట్టిన కేసులను ఎత్తివేయాలి. లేనిపక్షంలో పత్రికా స్వేచ్ఛ పరిరక్షణకు ఉద్యమిస్తాం. – అబ్దుల్‌ రహమాన్‌, టీయూడబ్ల్యూజే(ఐజేయూ) జిల్లా అధ్యక్షుడు

సాక్షి ప్రతినిధి, మంచిర్యాల: చెన్నూర్‌ను నూతన రెవెన్యూ డివిజన్‌గా ఏర్పాటు చేయాలనే నియోజకవర్గవాసుల కల నెరవేరడం లేదు. జిల్లాలో ప్రస్తుతం మంచిర్యాల, బెల్లంపల్లి డివిజన్‌లు ఉండగా.. పరిపాలన సౌలభ్యం, ప్రజలకు పాలన మరింత చేరువ చేసేందుకు చెన్నూర్‌ నియోజకవర్గ పరిధిని రెవెన్యూ డివిజన్‌గా ఏర్పాటు చేయాలని ప్రతిపాదనలు వచ్చాయి. ఇందుకోసం 2023 అక్టోబర్‌ 4న కొత్త డివిజన్‌ ఏర్పాటు చేస్తూ అప్పటి బీఆర్‌ఎస్‌ ప్రభుత్వం నోటిఫికేషన్‌ విడుదల చేసింది. జైపూర్‌, భీమారం, చెన్నూరు, కోటపల్లి మండలాలతోపాటు చెన్నూరు మండలం ఆస్నాద, కోటపల్లి మండలం పారుపల్లిని కొత్త మండలాలుగా ఏర్పాటు చేస్తూ నోటిఫికేషన్‌ ఇచ్చారు. స్థానిక రెవెన్యూ అధికారులు ఆ మేరకు సరిహద్దులు, జనాభా, భౌగోళిక వివరాలపై ఉన్నతాధికారులకు నివేదిక ఇచ్చారు. ఈ ప్రక్రియ మొదలై రెండేళ్లు పూర్తవుతోంది. కానీ ఇప్పటివరకు ఆ డివిజన్‌ ఏర్పాటు కాలేదు. దీంతో కొత్త డివిజన్‌ ఏర్పాటు ఉంటుందా? లేదా? అనే ప్రశ్నలు ఉత్పన్నమవుతున్నాయి. మరోవైపు త్వరలో జరగబోయే స్థానిక ఎన్నికల నిర్వహణకు ఎంపీటీసీ, జెడ్పీటీసీ స్థానాలు సైతం ఖరారయ్యాయి. దీంతో కొత్తగా ఏర్పాటయ్యే మండలాలకు పరిషత్‌ల ఏర్పాటుకు అవకాశం లేకుండా పోనుంది.దూరభారంతో ఇబ్బందులుచెన్నూరు నియోజకవర్గం ప్రస్తుతం మంచిర్యాల రెవెన్యూ డివిజన్‌ పరిధిలో ఉంది. దీంతో రెవెన్యూ, పరిపాలన సంబంధించిన పనులకు మంచిర్యాలకు రావాల్సి వస్తోంది. మంచిర్యాల నుంచే భూ సంబంధిత, ఇతర రెవెన్యూ వ్యవహారాలు పర్యవేక్షణ జరుగుతోంది. ఇక కోటపల్లి, చెన్నూరు మండలాల్లోని పలు గ్రామాలకు మంచిర్యాల దూరభారంగా మారింది. గతంలో కొత్త జిల్లాలు ఏర్పాటు తర్వాత రాష్ట్రంలో కొత్త డివిజన్లు ఏర్పాటయ్యాయి. ఈ క్రమంలో చెన్నూరును కొత్తగా ఏర్పాటు చేయాలంటూ స్థానికుల నుంచి డిమాండ్లు వచ్చాయి. దీంతో అసెంబ్లీ, లోక్‌సభ ఎన్నికల సమయంలో అన్ని రాజకీయ పార్టీలు హామీలు ఇచ్చాయి. గత అసెంబ్లీ ఎన్నికల ముందు అప్పటి బీఆర్‌ఎస్‌ సర్కారు ఇందుకోసం నోటిఫికేషన్‌ విడుదల చేసింది. ఆ తర్వాత ఎన్నికలు రావడంతో మరుగునపడింది. తర్వాత జిల్లా అధికారులు, ప్రజాప్రతినిధుల పట్టింపు కరువవడంతో డివిజన్‌ ఏర్పాటులో జాప్యం జరుగుతోంది. మరోవైపు కాంగ్రెస్‌ ప్రభుత్వం అధికారంలోకి వచ్చాక రాష్ట్రంలో చేర్యాల, ధర్మపురి, వర్దన్నపేట, బోథ్‌, జడ్చర్ల, ఖానాపూర్‌, మక్తల్‌, ఆత్మకూర్‌ డివిజన్లు ఏర్పాటుకు సానుకూలత వ్యక్తం చేసింది. అయితే ప్రతిపాదిత చెన్నూరు ఈ జాబితాలో కనిపించలేదు.ప్రతిపాదిత కొత్త మండలాలుఅస్నాద: అస్నాద, గంగారం, కొమ్మెర, పొక్కూర్‌, పొన్నారం, సోమన్‌పల్లి, నాగపూర్‌, బీరెల్లి, సుందరశాల, నర్సక్కపేట, దుగ్నపల్లిపారుపల్లి: పారుపల్లి, ఆయాపల్లి, పుల్లగా మ, సిర్సా, ఎదుల్లబంధం, లింగన్నపేట, అలుగామ, ఎర్రాయిపేట, బొరంపల్లి, కావర్‌కొత్తపల్లి, అన్నారం, అర్జునగుట్ట, రాజారాం, రాంపూర్‌, కొల్లూర్‌, రాపన్‌పల్లి, దేవులవాడ, పిన్నారం, రొయ్యలపల్లి.మంత్రిపైనే ఆశలుప్రస్తుతం చెన్నూరు ఎమ్మెల్యే వివేక్‌ రాష్ట్రమంత్రిగా కొనసాగుతున్న నేపథ్యంలో డివిజన్‌ ఏర్పాటుపై ఆశలు నెలకొన్నాయి. నియోజకవర్గ వాసుల ఏళ్ల నాటి కలను సాకారం చేయాలని స్థానికులు కోరుతున్నారు.

శ్రీరాంపూర్‌: కంపెనీ నూతనంగా తీసుకువచ్చిన ట్రాన్స్‌ఫర్‌ పాలసీని రద్దు చేయాలని గుర్తింపు సంఘం ఏఐటీయూసీ అధ్యక్షుడు వీ.సీతారామయ్య డిమాండ్‌ చేశారు. గురువారం నస్పూర్‌ కాలనీలోని శ్రీరాంపూర్‌ ప్రెస్‌క్లబ్‌లో ఆయన విలేకరులతో మాట్లాడారు. ఈ నెల 12న సీఎండీ స్థాయి స్ట్రక్చరల్‌ సమావేశం, 13న జేసీసీ సమావేశంలో కార్మికుల డిమాండ్లపై యాజమాన్యం వద్ద చర్చిస్తామని అన్నా రు. సొంతింటి వంటి ప్రధాన డిమాండ్‌పై వేసిన కమిటీ నివేదికను సమావేశంలో సమర్పి స్తారని తెలిపారు. ఈ సమావేశంలో యూని యన్‌ ప్రధాన కార్యదర్శి కొరిమి రాజకుమార్‌, డిప్యూటీ ప్రధాన కార్యదర్శి వైవీ రావు, ఉపాధ్యక్షుడు ఎల్‌.ప్రకాష్‌, కార్యదర్శి జూపాక రామచందర్‌, శ్రీరాంపూర్‌ బ్రాంచ్‌ కార్యదర్శి షేక్‌ బాజీసైదా, ఉపాధ్యక్షుడు కొట్టే కిషన్‌ రావు తదితరులు పాల్గొన్నారు.

రామకృష్ణాపూర్‌: జాతీయ అటవీ అమరవీరుల దినోత్సవాన్ని మందమర్రి మండలం బొక్కలగుట్ట గాంధారి వనంలో గురువారం ఘనంగా నిర్వహించారు. అటవీ రక్షణ కోసం అసువులు బాసిన అమరవీరులకు జిల్లా అటవీ శాఖ అధి కారి శివ్‌ ఆశిష్‌ సింగ్‌, అధికారులు నివాళులర్పించారు. అడవులు, వన్యప్రాణులను రక్షించడానికి ప్రాణాలనే త్యాగం చేసిన వీరుల త్యాగం ఎంతో గొప్పదని అన్నారు. అనంతరం అమరవీరుల కుటుంబ సభ్యులను సన్మానించారు. గాంధారి వనం నుంచి మంచిర్యాల అటవీ కార్యాలయం వరకు బైక్‌ ర్యాలీ నిర్వహించారు. కార్యక్రమంలో మంచిర్యాల అటవీ మండలాధికారి సర్వేశ్వర్‌, రేంజ్‌ ఆఫీసర్‌ రత్నాకర్‌, నిఘా విభాగం అధికారి రమాదేవి తదితరులు పాల్గొన్నారు.

మంచిర్యాలఅర్బన్‌: ప్రభుత్వం విద్యారంగానికి ఎంతో ప్రాధాన్యతనిస్తోందని పాఠశాల విద్యాశాఖ ప్రాంతీయ సంయుక్త సంచాలకుడు(వరంగల్‌) సత్యనారాయణరెడ్డి అన్నారు. గురువారం మంచిర్యాల డీసీఈబీ కార్యాలయంలో డీఈవో యాదయ్యతోపాటు ఎంఈవోలతో పాఠశాలల్లో కార్యక్రమాల అమలుపై సమీక్షించారు. ఈ సందర్భంగా ఆయన మాట్లాడుతూ ప్రభుత్వ పాఠశాలల్లో విద్యార్థుల కోసం అనేక కార్యక్రమాలు చేపడుతుందని, వాటి ఫలాలు ప్రతీ విద్యార్థికి అందేలా చూడాల్సిన బాధ్యత ఎంఈవోలపై ఉందని అన్నారు. ప్రతిష్టాత్మకంగా చేపట్టిన ఏఎక్స్‌ఎల్‌, ఖాన్‌ అకాడమీ, ఫిజిక్స్‌వాలా, డిజిటల్‌ లెర్నింగ్‌ ఇతర కార్యక్రమాలు సమర్థవంతంగా అమలు చేయాలన్నారు. ఎంఈవోలు ప్రతీరోజు రెండు పాఠశాలలు సందర్శించాలని సూచించారు. కార్యక్రమంలో డీసీఈబీ సెక్రెటరీ మహేశ్వర్‌రెడ్డి, అసిస్టెంట్‌ సెక్రెటరీ వేణుగోపాల్‌, సమగ్రశిక్ష కో–ఆర్డినేటర్‌ శ్రీనివాస్‌, విజయలక్ష్మీ, సత్యనారాయణమూర్తి, ఏఎస్‌సీ రాజ్‌కుమార్‌, డీఎస్‌వో రాజగోపాల్‌ పాల్గొన్నారు.

పాతమంచిర్యాల: ఆంధ్రప్రదేశ్‌లోని కూటమి సర్కార్‌ భయానక పరిస్థితులు సృష్టిస్తూ పత్రికా స్వేచ్ఛను హరించే కుట్ర చేస్తోందని జర్నలిస్టు, ప్రజాసంఘాల నాయకులు తీవ్రంగా ఖండించారు. ప్రశ్నించే గొంతుకలపై భౌతికదాడులతోపాటు పోలీసు కేసులతో తీవ్ర అణచివేతకు గురి చేస్తోందని విమర్శించారు. అధికారంలో ఉన్న పార్టీలు ఇచ్చిన హామీలను నెరవేర్చే విషయంలో చేస్తున్న జాప్యం, మోసాలపై ఆంధ్రప్రదేశ్‌ ప్రజలు, కార్మికులు, మహిళలు, ప్రభుత్వ, ప్రైవేటు ఉద్యోగుల పక్షాన వార్తల రూపంలో ప్రశ్నిస్తున్న జర్నలిస్టులపై కొందరు ప్రభుత్వ ఉద్యోగులతో ఫిర్యాదులు ఇప్పిస్తూ కేసులు నమోదు చేస్తుండడాన్ని తప్పుబట్టారు. తాజాగా ప్రతిపక్ష పార్టీల నాయకులు ఏర్పాటు చేసే ప్రెస్‌ కాన్ఫరెన్స్‌ వార్తలు రాసిన సందర్భంలోనూ సాక్షి దినపత్రికతోపాటు ఎడిటర్‌ ఆర్‌.ధనంజయరెడ్డి, ఇతర జర్నలిస్టులపై కేసులు నమోదు చేస్తూ రాజ్యాంగం ప్రసాదించిన భావ ప్రకటనా స్వేచ్ఛను పూర్తిగా తమ గుప్పిట్లోకి తీసుకునే ప్రయత్నం చేశారని పేర్కొన్నారు. జర్నలిస్టుల ఇళ్లలో తనిఖీల పేరుతో భయభ్రాంతులకు గురిచేస్తూ పత్రికాస్వేచ్ఛను హరిస్తూ, ప్రజల పక్షాన పనిచేసే జర్నలిస్టుల గొంతులను నొక్కేస్తున్న అప్రజాస్వామిక చర్యలను జర్నలిస్టు, ప్రజాసంఘాల నాయకులు సర్వత్రా వ్యతిరేకిస్తున్నారు. అభిప్రాయాలు వారి మాటల్లోనే..

మంచిర్యాలఅర్బన్‌: దివ్యాంగ పిల్లలకు భరోసానిచ్చే భవిత కేంద్రాలను తీర్చిదిద్దుతున్నారు. అన్ని రకాల మౌలిక వసతులు కల్పిస్తున్నారు. జిల్లాలో 18 కేంద్రాలుండగా ఐదింటికి పక్కా భవనాలున్నాయి. మిగతావి ప్రభుత్వ పాఠశాలల ఆవరణల్లో కొనసాగుతున్నాయి. ర్యాంపులు, రైలింగ్‌తోపాటు మరమ్మతు పనులు, కార్యకలాపాల గది నిర్మాణం, పిల్లలకు అనుకూలమైన అభ్యాస వాతావరణం కోసం పెయింటింగ్‌ పనుల కోసం జిల్లాకు రూ.37,54,768 నిధులు మంజూరు చేసినట్లు తెలంగాణ రాష్ట్ర ప్రాజెక్ట్‌ డైరెక్టర్‌ నుంచి ఉత్తర్వులు జారీ అయ్యాయి. ఇందులో భాగంగా ఒక్కో కేంద్రానికి పెయింటింగ్‌ కోసం రూ.1.50లక్షల కేటాయించారు. ఈ నిధులను సద్వినియోగం చేసి కేంద్రాలను చూడముచ్చటగా తీర్చిదిద్దారు. భవిత కేంద్రాల్లో గీసిన చిత్రాలు చూపరులను ఆకట్టుకుంటున్నాయి. సులువుగా అర్థమయ్యేందుకే..జిల్లాలోని 18 భవిత కేంద్రాల్లో 196 మంది ప్రత్యేకావసరాలు కలిగిన చిన్నారులున్నారు. 92 మంది ఇంటి వద్ద ఉంటూ సేవలు వినియోగించుకుంటున్నారు. ఒక్కో కేంద్రానికి ఇద్దరు ఐఆర్‌పీల చొప్పున 36 మందికిగాను 24 మంది విధులు నిర్వహిస్తున్నారు. మానసిక దివ్యాంగులు, చెవిటి, మూగ, అంధత్వం ఇలా 21రకా ల వైకల్యంతో పాఠశాలలకు వచ్చిన విద్యార్థుల ను గుర్తించి సేవలందిస్తున్నారు. ఆటాపాటలతో బోధిస్తే అర్థం చేసుకోవటంతో పాటు ఇట్టే గుర్తు పెట్టుకునే అవకాశముంటుంది. భవిత కేంద్రాల్లో తరగతి గదుల్లో పాఠ్యాంశాలకు అ నుగుణంగా బొమ్మలు గీయిస్తున్నారు. బొమ్మలు చూసే చిన్నారులు వాటిని మననం చేసుకునే వీలుంటుంది. తరగతి గది గోడలపై గీసిన బొమ్మలు వీరిని ఆలోచింపజేస్తున్నాయి. పరిసరాలు అందంగా.. ఆహ్లాదంగా ఉండటమే కాకుండా విద్యార్థులకు చదువుపై ఆసక్తి పెంచేలా చేస్తున్నాయి. గోడలపై అక్షరాలు, అంకెలు, పలు రకాల చి త్రాలు, మానవ శరీర భాగాలు, వివిధ రకాల ఆకారాలు, బొమ్మలు వారికి కనువిందు చేస్తున్నాయి. పెయింటింగ్‌ పనులు అన్ని కేంద్రాల్లో పూర్తి కావస్తున్నట్లు, పక్కా భవన నిర్మాణాలు కొనసాగుతున్నట్లు సెక్టోరల్‌ అధికారి చౌదరి తెలిపారు. తరగతి గదిలో కూరగాయలు, పండ్ల చిత్రాలు మంచిర్యాల కేంద్రం వరండా గోడలపై బొమ్మలు

చెన్నూర్‌: బ్యాంక్‌లో బంగారు నగలు తనఖా పెట్టి తీసుకున్న అప్పును మాఫీ చేసి నగలు ఇవ్వాలని డిమాండ్‌ చేస్తూ స్థానిక ఎస్బీఐ బ్రాంచి–2 బాధితులు గురువారం మేనేజర్‌కు వినతిపత్రం అందజేశారు. ఎస్బీఐపై నమ్మకంతో అవసరాల నిమిత్తం అభరణాలు పెట్టి అప్పు తీసుకుంటే మోసపూరితంగా మాయం చేసి మానసిక వేదనకు గురి చేశారని పేర్కొన్నారు. సుమారు 20 రోజులైనా అభరణాలు ఎప్పుడిస్తారో సరైన సమాధానం ఇవ్వకుండా మోసం చేస్తున్నారని ఆరోపించారు. రానున్న పండుగలను దృష్టిలో ఉంచుకుని నగలు ఇచ్చేలా చర్యలు తీసుకోవాలని కోరారు. కార్యక్రమంలో ఎస్బీఐ గోల్డ్‌లోన్‌ బాధితులు పాల్గొన్నారు.

మంచిర్యాలఅర్బన్‌: ప్రస్తుత విద్యాసంవత్సరం 2025–26కు సంబంధించి బడుల నిర్వహణకు నిధులు మంజూరయ్యాయి. ప్రభుత్వ, స్థానిక సంస్థల పాఠశాలలు, కేజీబీవీ, ఆదర్శ, క్రీడా పాఠశాలలు, గిరిజన సంక్షేమ పాఠశాలల(జీరో ఎన్‌రోల్‌మెంటు, పీఎంశ్రీ స్కూళ్లు మినహాయించి)కు కంపోజిట్‌ స్కూల్‌ గ్రాంట్లు వచ్చాయి. విద్యాసంవత్సరానికి సంబంధించి చెల్లించాల్సిన నిధులు 50శాతానికి రాష్ట్ర సమగ్ర శిక్షా అధికారులు మంజూరు చేస్తూ ఉత్తర్వులు జారీ చేశారు. విద్యాసంవత్సరం ప్రారంభమై మూడు నెలలు గడుస్తున్నా బడుల నిర్వహణకు గ్రాంట్లు మంజూరులో జాప్యం వల్ల ప్రధానోపాధ్యాయులకు ఇక్కట్లు తప్పలేదు. మరుగుదొడ్ల శుభ్రతకు కావాల్సిన సామగ్రితోపాటు చాక్‌పీస్‌లు, గదుల శుభ్రతకు కావాల్సిన చీపుర్లు, చిన్నపాటి వసతుల కల్పనకు నిధులు ఎలా సమకూర్చుకోవాలో తెలియక ఇబ్బందులు పడాల్సి వచ్చింది. పాఠశాలలకు స్వచ్ఛత కిట్ల కింద ఏడు రకాల వస్తువులు అవసరం ఉంటాయి. బకెట్‌, రెండు మగ్గులు, సర్ఫ్‌, బ్రష్‌లు, చీపుర్లు, ఇతరత్రా వస్తువుల కొనుగోలుకు నిధులు మంజూరు చేయకపోవడంతో తలకు మించిన భారంగా మారింది. ఈ నేపథ్యంలో జిల్లాలోని 619 పాఠశాలలకు సంబంధించిన రూ.1,40,20,000 నిధులకు గాను మొదటి విడతలో 50శాతం రూ.70,10,000 మంజూరు చేయడం ఊరట కలిగిస్తోంది. ఇలా.. ప్రతీ సంవత్సరం పాఠశాలల విద్యార్థుల సంఖ్యకు అనుగుణంగా ప్రత్యేక గ్రాంట్లు మంజూరవుతాయి. 1 నుంచి 30 వరకు విద్యార్థులు ఉంటే రూ.10వేలు, 31 నుంచి 100 వరకు రూ.25వేలు, 101 నుంచి 250 లోపు రూ.50వేలు, 251 నుంచి 1000 మంది వరకు రూ.75వేలు, వెయ్యికిపైగా ఉంటే రూ.లక్ష చొప్పున ఇస్తారు. వీటితో మరుగుదొడ్ల శుభ్రతకు అవసరమైన సామగ్రి కొనుగోలు, విద్యుత్‌, తాగునీరు, చిన్నపాటి మరమ్మతులు, స్టేషనరీ, ప్రయోగ సామగ్రి, సుద్దముక్కలకు ఖర్చు చేయాల్సి ఉంటుంది. జాతీయ పండుగల నిర్వహణ, కంప్యూటర్లు, ప్రొజెక్టర్ల నిర్వహణ, ఇంటర్నెట్‌, డిజిటల్‌ తరగతుల వరకు వినియోగించుకోవాల్సి ఉంటుంది.మొదటి దఫా నిధులు(రూ.లలో)పాఠశాల సంఖ్య రావాల్సినవి మంజూరైనవిపీఎస్‌ 415 72,10,000 36,05,000 యూపీఎస్‌ 89 18,45,000 9,22,500 ఉన్నత 115 49,65,000 24,82,500

మంచిర్యాలఅగ్రికల్చర్‌: జిల్లాలో పత్తి సేకరణకు ఏర్పాట్లు చేయాలని జిల్లా కలెక్టర్‌ కుమార్‌ దీపక్‌ అన్నారు. గురువారం కలెక్టరేట్‌ సమావేశ మందిరంలో జిల్లా అదనపు కలెక్టర్‌(రెవెన్యూ) పి.చంద్రయ్య, బెల్లంపల్లి సబ్‌ కలెక్టర్‌ మనోజ్‌తో సమీక్ష సమావేశం నిర్వహించారు. కలెక్టర్‌ మాట్లాడుతూ పత్తికి క్వింటాల్‌కు కనీస మద్దతు ధర రూ.8,100గా నిర్ణయించినట్లు తెలిపారు. ఈ ఖరీఫ్‌ జిల్లాలో లక్షా 61,193 ఎకరాల్లో పత్తి సాగైందని, 13,33,811 క్వింటాళ్ల దిగుబడి అంచనా వేశామని తెలిపారు. సీసీఐ నాలుగు, 11 జిన్నింగ్‌ మిల్లుల్లో కొనుగోలు కేంద్రాలకు ప్రతిపాదించామని అన్నారు. అక్టోబర్‌ ఒకటి నుంచి 31 వరకు వ్యవసాయ శాఖ ఆధ్వర్యంలో రైతువేదికల్లో పత్తి కొనుగోలుపై రైతులకు అవగాహన కల్పిస్తామని తెలిపారు. ఈ కార్యక్రమంలో జిల్లా మార్కెటింగ్‌ అధికారి షాబొద్దీన్‌, జిల్లా వ్యవసాయ అధికారి సురేఖ, జిల్లా రవాణా అధికారి సంతోష్‌కుమార్‌, జిల్లా అగ్నిమాపక అధికారి, పోలీసుశాఖ అధికారి, సీసీఐ ప్రతినిధులు, జిన్నింగ్‌ మిల్లుల యజమానులు, రైతులు పాల్గొన్నారు. భక్తులకు సౌకర్యాలు కల్పించాలి చెన్నూర్‌: రెండేళ్లలో జరిగే గోదావరి పుష్కరాలకు వచ్చే భక్తులకు సౌకర్యాలు కల్పించాలని జిల్లా కలెక్టర్‌ కుమార్‌ దీపక్‌ అన్నారు. గురువారం చెన్నూర్‌ గోదావరి నది వద్ద గతంలో ఏర్పాటు చేసిన పుష్కర ఘాట్లను అధికారులతో కలిసి పరిశీలించారు. అనంతరం మహాత్మా జ్యోతిభా పూలే బాలుర గురుకుల పాఠశాలను సందర్శించి మధ్యాహ్న భోజనం, విద్యాబోధన పరిశీలించారు. కార్యక్రమంలో తహసీల్దార్‌ మల్లికార్జున్‌, ఎంపీడీవో మోహన్‌, మున్సిపల్‌ కమిషనర్‌ మురళీకృష్ణ, ఆర్‌ఐ ఆజీజ్‌, ఏఈలు పాల్గొన్నారు.

ఏపీలో కూటమి సర్కారు చర్యలు భావ ప్రకటన స్వేచ్ఛను హరించడమే. వార్తలు రాసే జర్నలిస్టులపై కేసులు పెట్టడం ముమ్మాటికీ కక్షపూరిత చర్యలే. తక్షణమే ఈ చర్యలను నిలిపివేయాలని జర్నలిస్టు సంఘాల నుంచి హెచ్చరిస్తున్నాం. – ఆర్‌.ప్రకాష్‌రెడ్డి, టీయూడబ్ల్యూజే(ఐజేయూ) రాష్ట్ర కార్యవర్గ సభ్యుడు గొంతు నొక్కడం సరికాదుమంచిర్యాలటౌన్‌: ప్రభుత్వానికి, ప్రజలకు మధ్య వారధిగా ఉండేలా రాస్తున్న వార్తలపై ప్రభుత్వం స్పందించి చర్యలు తీసుకోవాలే గానీ, ఆయా జర్నలిస్టులపై కేసులను పెట్టి భయభ్రాంతులకు గురిచేయడం సరికాదు. సాక్షి దినపత్రిక ఎడిటర్‌తోపాటు జర్నలిస్టులపై పోలీసు కేసులు నమోదు చేయడం, ప్రజల పక్షాన పనిచేసే జర్నలిస్టుల గొంతునొక్కడంను మా సంఘం ఖండిస్తుంది. – మిట్టపల్లి మధు, తెలంగాణ వర్కింగ్‌ జర్నలిస్టు ఫెడరేషన్‌(టీయూడబ్ల్యూజేఎస్‌) జిల్లా అధ్యక్షుడుకక్షసాధింపు చర్యలు సరికాదు ఆసిఫాబాద్‌అర్బన్‌: ఏపీలో సాక్షి దినపత్రిక ప్రజల పక్షాన నిజాలు వెలికి తీస్తుంటే అది భరించలేక దినపత్రిక యాజమాన్యం, జర్నలిస్టులపై దాడులు చేయడం, కక్షసాధింపు చర్యలకు పాల్పడడం పత్రిక స్వేచ్ఛను హరించడమే అవుతుంది. అక్కడి కూటమి ప్రభుత్వం దినపత్రికపై కక్ష సాధించడం రాజ్యాంగ ఉల్లంఘనే అవుతుంది. దాడులు, కక్ష సాధింపు చర్యలు మానకపోతే జర్నలిస్టు సంఘాల ఆధ్వర్యంలో ఉద్యమిస్తాం. – గణపురం మహేష్‌, తెలంగాణ వర్కింగ్‌ జర్నలిస్టు ఫెడరేషన్‌ జాతీయ కౌన్సిల్‌ సభ్యుడు

సాక్షి ప్రతినిధి, మంచిర్యాల: నస్పూర్‌ మున్సిపాలిటీ కమిషనర్లు చేసిన నిర్లక్ష్యం మంచిర్యాల మున్సిపల్‌ కార్పొరేషన్‌ నెత్తిన ఆర్థిక భారమై పడింది. బకాయిల కింద నగరపాలక సంస్థ బ్యాంకు ఖాతా ఫ్రీజ్‌ అయింది. మళ్లీ ఖాతా పునరుద్ధరణకు కార్పొరేషన్‌ అధికారులు చర్యలు తీసుకున్నారు. నస్పూర్‌ మున్సిపాలిటీలో 128మంది కార్మికులకు అప్పటి కమిషనర్లు సకాలంలో ఈపీఎఫ్‌(ఉద్యోగ భవిష్య నిధి) చెల్లించలేదు. దీంతో బకాయిలు ఏళ్లుగా పేరుకుపోతున్నాయి. చెల్లించే మొత్తంపై వడ్డీ, జరిమానాలతో బల్దియాకు మరింత ఆర్థిక నష్టంగా మారింది. దీనిపై పీఎఫ్‌ అసిస్టెంట్‌ కమిషనర్లు నాలుగేళ్లుగా పలుమార్లు నోటీసులు ఇచ్చారు. గతేడాది నస్పూర్‌ మున్సిపాలిటీ బ్యాంకు ఖాతాను ఫ్రీజ్‌ చేశారు. రూ.5లక్షల వరకు జప్తు చేసుకున్నారు. ఆ తర్వాత మరో బ్యాంకు ఖాతాతో కార్యకలాపాలు సాగించినప్పటికీ సమస్యకు పరిష్కారం వెతకలేదు. ప్రస్తుతం మంచిర్యాల కార్పొరేషన్‌లో విలీనం కావడంతో ఆ మున్సిపాలిటీ ఆస్తులు, అప్పులు, సిబ్బంది తదితరవన్నీ బదిలీ అయ్యాయి. దీంతో రూ.కోట్ల బకాయి కార్పొరేషన్‌ నెత్తిన పడింది. ఇటీవల బ్యాంక్‌ ఖాతా స్తంభింపజేయగా, కార్పొరేషన్‌ నుంచి పీఎఫ్‌ ఖాతాకు రూ.30లక్షలు చెల్లించారు. మిగతావి కడతామని పీఎఫ్‌ అధికారులకు తెలియజేశారు.వేల నుంచి రూ.కోట్లకు చేరిగత ఆరేళ్లుగా నస్పూర్‌ సిబ్బంది నెలవారీగా రూ.వేలల్లో ఉండే పీఎఫ్‌ కట్టడంలో నాటి అధికారులు నిర్లక్ష్యం వహించారు. 2018 నుంచి 2021 వరకు రూ.1.05కోట్లు బకాయిలు ఉన్నట్లు తేలింది. 2021నుంచి 2025వరకు మరో రూ.1.50కోట్ల వరకు పెండింగ్‌ ఉన్నాయి. మొత్తంగా రూ.2.50కోట్లపైనే బకాయి ఉండనుంది. వీటిపై జరిమానా, వడ్డీతో కలిపి ఇంకా రూ.50లక్షల వరకు ఉండే అవకాశం ఉంది. వీటిలో రూ.14లక్షలు, రూ.5లక్షల వరకు పీఎఫ్‌ కమిషన్‌ అధికారులు అకౌంట్లను ఫ్రీజ్‌ చేసుకుని తీసుకున్నారు. తాజాగా మరో రూ.30లక్షలు కార్పొరేషన్‌ చెల్లించింది. మిగతా మొత్తం చెల్లించాల్సి ఉంది. ఈపీఎఫ్‌ అనేది ఉద్యోగులకు యాజమాన్యం, ఉద్యోగులు సంయుక్తంగా నెలవారీ జీతంలో 12శాతాన్ని పీఎఫ్‌ కింద జమ చేయాలి. అయితే నస్పూర్‌లో పని చేసినప్పుడు సిబ్బందికి జీతం మాత్రమే ఇస్తూ పీఎఫ్‌ వాటా చెల్లించలేదు. కానీ సిబ్బంది నుంచి మాత్రం వారి నెల జీతం నుంచి వాటా తీసుకున్నారు. ఏళ్ల తరబడి కార్మికులకు చెల్లించకపోవడంతో పీఎఫ్‌ కమిషన్‌ మున్సిపాలిటీపై విచారణ జరిపి చర్యలు ఉపక్రమించింది.రికవరీ ఉంటుంది..నస్పూర్‌ పరిధి సిబ్బంది పీఎఫ్‌ బకాయిలపై బాధ్యులను గుర్తించి వారి నుంచి రికవరీ ఉంటుంది. కార్పొరేషన్‌ బ్యాంక్‌ అకౌంట్‌ ఫ్రీజ్‌ చేస్తే పునరుద్ధరణకు పీఎఫ్‌ అధికారులతో సంప్రదింపులు జరుపుతున్నాం. సిబ్బందికి నెలవారీగా పీఎఫ్‌ జమలో జాప్యం లేకుండా చర్యలు తీసుకున్నాం. – కె.సంపత్‌కుమార్‌, కమిషనర్‌, నగరపాలక సంస్థ మంచిర్యాల ఆ అధికారులపై చర్యలు తీసుకోవాలిగత అధికారుల నిర్లక్ష్యం కారణంగానే సిబ్బందికి పీఎఫ్‌ చెల్లించక, బకాయి, వడ్డీ, జరిమానాలు కట్టాల్సి వస్తోంది. ఆ అధికారులపై చర్యలు తీసుకుని ఇప్పటికై నా సకాలంలో పీఎఫ్‌ జమ చేయాలి. – నయిం పాషా, ఆమ్‌ ఆద్మీ పార్టీ నాయకుడు, మంచిర్యాలఆర్థిక భారంగత అధికారులు చేసిన తప్పిదం ప్రసుత కార్పొరేషన్‌పై ఆర్థిక భారం పడింది. మరోవైపు దీనికి బాధ్యులు ఎవరనేదానిపై విచారణ మొదలైంది. కార్మికుల వివరాలతోపాటు ఆ సమయంలో ఉన్న మున్సిపల్‌ కమిషనర్లను బాధ్యులను చేస్తూ వారి నుంచి వసూళ్లు చేసే అవకాశం ఉంది. ఇక కార్పొరేషన్‌లో విలీనమయ్యాక సిబ్బందికి కొత్తగా పీఎఫ్‌ ఖాతాలు తెరిచి నెలవారీగా జమ చేసేలా చర్యలు తీసుకుంటున్నారు.

మంచిర్యాలఅగ్రికల్చర్‌: తెలంగాణ సాయుధ, భూ పోరాట ఉద్యమంలో కీలకపాత్ర పోషించి పెత్తందారుల అణచివేతను ప్రశ్నించిన వీర వనిత చాకలి ఐలమ్మ అని జిల్లా కలెక్టర్‌ కుమార్‌ దీపక్‌ అన్నారు. బుధవారం కలెక్టరేట్‌ సమావేశ మందిరంలో జిల్లా వెనుకబడిన తరగతుల అభివృద్ధి శాఖ ఆధ్వర్యంలో ఐలమ్మ వర్ధంతి వేడుకలు నిర్వహించారు. కలెక్టర్‌తోపాటు జిల్లా వెనుకబడిన తరగతుల అభివృద్ధి అధికారి పురుషోత్తం నాయక్‌, వివిధ శాఖల జిల్లా అధికారులు, సంఘాల నాయకులు ఐలమ్మ చిత్రపటానికి పూలమాల వేసి ఘనంగా నివాళులు అర్పించారు. కలెక్టర్‌ మాట్లాడుతూ భూమి, భుక్తి, విముక్తి కోసం పోరాడిందని, సాగు చేసే వారికి భూమి కోసం ఉద్యమించిందని తెలిపారు. తెలంగాణ భూ పోరాటానికి నాంది పలికిన మొదటి వ్యక్తి చాకలి ఐలమ్మ అని తెలిపారు. పనులు వేగవంతం చేయాలి మంచిర్యాలరూరల్‌(హాజీపూర్‌)/మంచిర్యాలటౌన్‌: ప్రభుత్వ వైద్య కళాశాల, ప్రభుత్వ ఆస్పత్రి నిర్మాణ పనులు వేగవంతం చేయాలని జిల్లా కలెక్టర్‌ కుమార్‌దీపక్‌ తెలిపారు. బుధవారం ఆయన గుడిపేటలోని ప్రభుత్వ వైద్య కళాశాల, కాలేజీ రోడ్డులోని ప్రభుత్వ జనరల్‌ ఆస్పత్రి నిర్మాణ పనులను పరిశీలించారు. రోడ్లు, భవనాల శాఖ డీఈ సజ్జత్‌భాషా, ఈఈ లక్ష్మీనారాయణ, ఏఈఈ అనూష, కళాశాల ప్రాజెక్ట్‌ జనరల్‌ మేనేజర్‌ సంపూర్ణరావు పాల్గొన్నారు. పుష్కరాలకు ఏర్పాట్లు చేయాలి లక్సెట్టిపేట: మండల కేంద్రంలో 2027లో నిర్వహించే గోదావరి పుష్కరాలకు ఏర్పాట్లు చేయాలని కలెక్టర్‌ కుమార్‌ దీపక్‌ అన్నారు. బుధవారం స్థానిక గోదావరి నదీ తీరం, పుష్కరఘాట్‌ పరిశీలించారు. తహసీల్దార్‌ దిలీప్‌కుమార్‌, మున్సిపల్‌ కమిషనర్‌ విజయ్‌కుమార్‌, మేనేజర్‌ రాజశేఖర్‌ పాల్గొన్నారు.

మంచిర్యాలరూరల్‌(హాజీపూర్‌)/చెన్నూర్‌రూరల్‌: హాజీపూర్‌ మండలం పడ్తనపల్లి ప్రాథమిక వ్యవసాయ సహకార సంఘంలో బుధవారం పోలీస్‌ పహారా మధ్య యూరియా బస్తాల పంపిణీ కొనసాగింది. మంగళవారం యూరియా కోసం రోడ్డెక్కిన రైతులకు ఒక్కొక్కరికి రెండు బస్తాల చొప్పున బుధవారం అందజేశారు. ఉదయం 5 గంటలకే వచ్చిన రైతులు యూరియా కోసం చాలా సమయం నిరీక్షించారు. రైతుల తోపులాటలు జరగకుండా హాజీపూర్‌ ఎస్సై స్వరూప్‌రాజ్‌ ఆధ్వర్యంలో బందోబస్తు ఏర్పాటు చేశారు. వరస క్రమంలో 222 మంది రైతులకు 444 యూరియా బస్తాలు పంపిణీ చేశారు. 110 రైతులకు మరుసటి రోజు కోసం ముందస్తుగా టోకెన్లు అందజేశారు. చెన్నూర్‌ మండలం కిష్టంపేట గ్రామంలోని పీఏసీఎస్‌కు 222 యూరియా బస్తాలు వచ్చాయి. వ్యవసాయశాఖ అధికారులు రైతు వేదిక వద్ద ఒక్కో రైతుకు ఒక్కో యూరియా బస్తా పంపిణీ చేశారు.

పాతమంచిర్యాల: ఉపాధిహామీ కూలీలకు 15రోజులకోసారి వేతనాలు అందించాలనే నిబంధన అమలుకు నోచుకోవడంలేదు. నాలుగు నెలలుగా వేతనాలు రావడం లేదని కూలీలు వాపోతున్నారు. దీంతో ఆర్థికంగా ఇబ్బందులు పడుతున్నామని ఆవేదన వ్యక్తంజేస్తున్నారు. నిత్యావసర వస్తువులకు డబ్బులు లేక అప్పులు చేయాల్సి వస్తోందని చెబుతున్నారు. క్రమం తప్పకుండా అఽధికారులు నిర్దేశించిన ప్లాంటేషన్‌, క్యాటిల్‌షెడ్లు, ఇంకుడుగుంతలు, రోడ్డు నిర్మాణ పనులకు వెళ్తున్నామని తెలిపారు. రోజంతా కష్టపడ్డా కూలి రూ.300–రూ.307 మాత్రమే గిట్టుబాటు అవుతుందని పేర్కొన్నారు. వచ్చే తక్కువ వేతనం కూడా సకాలంలో రాక కుటుంబ పోషణ కష్టంగా మారిందని వాపోయారు. ఉన్నతాధికారులు స్పందించి నెలనెలా వేతనాలు వచ్చేలా చూడాలని కోరుతున్నారు. ఈ విషయమై జిల్లా గ్రామీణాభివృద్ధి అధికారులను సంప్రదించగా కూలీల వేతనాలు వారి ఆధార్‌కార్డు ఆధారంగా ఖాతాల్లోనే ప్రభుత్వం జమచేస్తుందని తెలిపారు. ప్రతీనెల వేతనాల కోసం నివేదికలు తయారు చేసి పంపిస్తున్నామని పేర్కొన్నారు. కూలీలు 2,37,997జాబ్‌ కార్డులు 1,21,208

పాతమంచిర్యాల: బీసీ రిజర్వేషన్ల కోసం రాజ్యాంగాన్ని సవరించాలని జాతీయ బీసీ హక్కుల పోరాట సమితి నాయకులు బుధవారం స్థానిక గాంధీ పార్కు వద్ద నిరసన దీక్ష చేపట్టారు. ఈ సందర్భంగా పోరాట సమితి జిల్లా అధ్యక్షుడు గుమ్ముల శ్రీనివాస్‌ మాట్లాడు తూ కేంద్రం రాజ్యాంగంలోని ఆర్టికల్‌ 103ను సవరించి 10శాతం ఈడబ్ల్యూఎస్‌ రిజర్వేషన్లు కల్పించిందని, బీసీలు రిజర్వేషన్లు కల్పించాల ని అడిగితే కుంటిసాకులు చెబుతోందని విమర్శించారు. బీసీలకు పంచాయతీ నుంచి పార్లమెంటు వరకు 50శాతం రిజర్వేషన్లు అమలు చేయాలని డిమాండ్‌ చేశారు. ఈ కార్యక్రమంలో బీసీ హక్కుల పోరాట సమితి రాష్ట్ర నాయకులు గజెళ్లి వెంకటయ్య, శాఖపురి భీంసేన్‌, అంజన్న, లంక సతీష్‌ పాల్గొన్నారు.

● తుది ఓటర్ల జాబితా ప్రదర్శన ● ‘పరిషత్‌’ల్లో 3,76,676 మంది ఓటర్లు మంచిర్యాలరూరల్‌(హాజీపూర్‌): ఎన్నికల సంఘం ఆదేశాల మేరకు జిల్లా, మండల పరిషత్‌ కార్యాలయాల్లో ఫొటోలతో కూడిన తుది ఓటర్ల జాబితాలను బుధవారం ప్రదర్శించారు. జిల్లా, మండల స్థాయిల్లో అన్ని రాజకీయ పార్టీల ప్రతినిధులతో సమావేశాలు నిర్వహించి ఓటరు జాబితా, పోలింగ్‌ కేంద్రాలపై చర్చించిన విషయం తెలిసిందే. అందరి ఆమోదం మేరకు జిల్లా అదనపు కలెక్టర్‌ చంద్రయ్య, జెడ్పీ సీఈఓ గణపతి, డీపీఓ వెంకటేశ్వర్‌రావు పర్యవేక్షణలో జిల్లా, మండల స్థాయి అధికారులు తుది ఓటరు జాబితాను కార్యాలయాల్లో ప్రదర్శించారు. పరిషత్‌ ఎన్నికలకు అన్ని ఏర్పాట్లు పూర్తి చేసి చేశారు. రిజర్వేషన్లు ఖరారై ఎన్నికల షెడ్యూల్‌ విడుదలైతే నిర్వహణకు అధికారులు సిద్ధంగా ఉన్నారు. జిల్లాలోని 16 మండలాల్లో జెడ్పీటీసీ 16, ఎంపీటీసీ స్థానాలు 129 ఉండగా, 713 పోలింగ్‌ కేంద్రాలు ఏర్పాటు చేశారు. 3 వేల వరకు బ్యాలెట్‌ బాక్సులు సిద్ధంగా ఉంచారు. మహిళా ఓటర్లు 1,91,015 మంది, పురుష ఓటర్లు 1,85,646 మంది, ఇతర ఓటర్లు 15 మందితో కలిపి మొత్తంగా 3,76,676మంది ఓటర్లు ఉన్నారు.

మంచిర్యాలటౌన్‌: స్థానిక ఐబీ చౌరస్తాలోని ప్రభుత్వ జనరల్‌ ఆస్పత్రి(జీజీహెచ్‌) రోగులతో కిక్కిరిసిపోతోంది. 250 పడకలతో ఆస్పత్రి నిర్వహిస్తుండగా.. వర్షాకాలంలో ఏటా ముంపు భయంతో మాతాశిశు ఆరోగ్య కేంద్రం(ఎంసీహెచ్‌)ను ఇక్కడికే తరలిస్తుండడంతో నిర్వహణకు అదనంగా 150 పడకలు కేటాయించాల్సి వస్తోంది. దీంతో ప్రభుత్వ జనరల్‌ ఆస్పత్రిలో రోగులకు వైద్యం అందించేందుకు సరిపడా పడకలు, వార్డుల్లో ఖాళీ లేకపోవడంతో వరండాల్లోనే 200 వరకు మడత మంచాలు వేసి వైద్యం అందిస్తున్నారు. వర్షాకాలం కావడంతో జిల్లాలో సీజనల్‌ వ్యాధులతోపాటు కుమురంభీం ఆసిఫాబాద్‌ జిల్లా, మహారాష్ట్ర నుంచి పెద్ద సంఖ్యలో రోగులు వస్తున్నారు. నిత్యం 300 వరకు ఓపీ ఉండగా ప్రస్తుతం 600కు పైగా వస్తుండడం, 200 మందికి పైగా రోగులు ఇన్‌పేషెంట్‌గా చేరుతున్నారు.ఏటా తిప్పలే..మంచిర్యాలలోని మాతాశిశు ఆరోగ్య కేంద్రం(ఎంసీహెచ్‌)లోకి వర్షాకాలంలో గోదావరి నది వరద నీరు రావడం, వరద ముప్పు పొంచి ఉండడంతో ప్రతియేటా ఎంసీహెచ్‌లోని గర్భిణులు, బాలింతలను జీజీహెచ్‌కు తరలించాల్సి వస్తోంది. జనరల్‌ ఆసుపత్రి భవనం పాతది కావడం, వర్షానికి తడిసి స్లాబ్‌ పెచ్చులు ఊడుతుండడం భయాందోళనకు గురి చేస్తోంది. వరండాల్లోనే పడకలు వేయడంతో వైద్యులు, సిబ్బంది, రోగులు నడిచేందుకు ఇబ్బందిగా మారుతోంది. ఫ్యాన్లు లేకపోవడంతో ఉక్కపోతతోనే రోగులు అవస్థలు పడుతున్నారు. జీజీహెచ్‌లో రెండు ఆపరేషన్‌ థియేటర్లు ఉండగా ప్రతీరోజు 15కు పైగా ప్రసవాలు, 10కి పైగా వివిధ రకాల శస్త్ర చికిత్సలు చేస్తుంటారు. ఎంసీహెచ్‌ను ఇక్కడి తరలించడంతో రోగుల సంఖ్య పెరిగి ఆపరేషన్‌ థియేటర్‌ వద్ద ప్రసవం, ఇతర శస్త్రచికిత్సకు రోజంతా వేచి చూడాల్సి వస్తోంది. ఎంసీహెచ్‌కు ప్రత్యామ్నాయంగా ఐబీ ఆవరణలో నూతన భవనం నిర్మిస్తున్నా పూర్తయ్యేందుకు మరో రెండేళ్ల సమయం పట్టనుంది. జనరల్‌ ఆస్పత్రి శిథిలావస్థకు చేరడంతో కాలేజీరోడ్డులోని ప్రభుత్వ మెడికల్‌ కాలేజీ ఆవరణలో భవనం నిర్మిస్తుండగా.. పూర్తయ్యేందుకు మరో ఏడాది పట్టనుంది.

మంచిర్యాలఅర్బన్‌: స్థానిక సాయికుంట గిరిజన బాలికల ఆశ్రమ పాఠశాల వసతిగృహంలో ఏసీబీ అధికారులు ఆకస్మికంగా తనిఖీ చేశారు. బుధవారం మధ్యాహ్నం నుంచి రాత్రి 7గంటల వరకు హాస్టల్‌ నిర్వహణ, లోపాలు, రికార్డుల పరిశీలనలో ఏసీబీ బృందానికి జిల్లా లీగల్‌ మెట్రాలజీ, సీనియర్‌ ఆడిటర్‌, సానిటరీ ఇన్‌స్పెక్టర్‌, ఫుడ్‌ సేఫ్టీ ఆఫీసర్‌, మెడికల్‌ ఆఫీసర్‌ సహకరించారు. సరుకులు, బియ్యం తూకం క్షుణ్ణంగా పరిశీలించారు. మెనూ ప్రకారం భోజనం అందిస్తున్నారా..? అని విద్యార్థులను అడిగి తెలుసుకున్నారు. నీరు, ఆహార నాణ్యత, పరిమాణం, సానిటేషన్‌ పరిస్థితులు, ఆరోగ్య పరిస్థితులు, పాఠశాల రికార్డులు పరిశీలించారు. వాటర్‌ ఫ్యూరికేషన్‌ ట్యాంకు పనిచేయ డం లేదని, సానిటేషన్‌, వసతిగృహ నిర్వహణ లోపాలను గుర్తించామని, ప్రభుత్వానికి నివేది స్తామని ఆదిలాబాద్‌ డీఎస్పీ మధు తెలిపారు. కాగా, ఏసీబీ అధికారుల తనిఖీతో ఇతర వసతిగృహ నిర్వాహకులు అప్రమత్తం అయ్యారు.

పెంచికల్‌పేట్‌(సిర్పూర్‌): ముంబయిలో ఓ నేవీ కానిస్టేబుల్‌ తస్కరించిన ఇన్సాస్‌ రైఫిల్‌ను కుమురంభీం ఆసిఫాబాద్‌ జిల్లాలో ఆ నగర క్రైం బ్రాంచ్‌ పోలీసులు స్వాధీనం చేసుకున్నారు. జిల్లా ఎస్పీ కాంతిలాల్‌ పాటిల్‌ తెలిపిన వివరాల ప్రకారం.. పెంచికల్‌పేట్‌ మండలం ఎల్కపల్లి గ్రామానికి చెందిన డుబ్బుల రాకేశ్‌ రెండేళ్ల క్రితం నేవీలో కానిస్టేబుల్‌గా ఉద్యోగం సాధించి ఫిబ్రవరి వరకు ముంబయిలో విధులు నిర్వర్తించాడు. ఇటీవల కేరళలోని ఎర్నాకుళంకు బదిలీపై వెళ్లాడు. కాగా, ఈ నెల 6న రాకేశ్‌ తన అన్న డుబ్బుల ఉమేశ్‌తో కలిసి ముంబయి నేవీ కేంద్రానికి వెళ్లాడు. సెంట్రీ స్థలం నుంచి ఇన్సాస్‌ రైఫిల్‌తోపాటు, 40 తూటాలు, మూడు మ్యాగ్జిన్లను వారు దొంగిలించారు. ఆయుధంతో ఇద్దరు సోదరులు స్వగ్రామం ఎల్కపల్లికి చేరుకున్నారు. నేవీ అధికారులు ఇచ్చిన ఫిర్యాదుతో రంగంలోకి దిగిన క్రైం బ్రాంచ్‌ పోలీసులు, స్థానిక పోలీసు అధికారుల సహకారంతో నిందితులను మంగళవారం అర్ధరాత్రి అదుపులోకి తీసుకున్నారు. ఆయుధం, తూటాలు, మ్యాగ్జిన్లు స్వాధీనం చేసుకున్నారు. కేసును ఛేదించడంలో ముంబయి క్రైం బ్రాంచ్‌కు సహకరించిన కాగజ్‌నగర్‌ రూరల్‌ సీఐ కుమారస్వామి, పెంచికల్‌పేట్‌ ఎస్సై అనిల్‌కుమార్‌ను ఎస్పీ అభినందించారు. దేశ భద్రత కోసం విధులు నిర్వర్తిస్తున్న యువకుడు పక్కా ప్రణాళిక ప్రకారం ఆయుధాన్ని దొంగలించి, సొంత గ్రామానికి తీసుకురావడంలో కుట్ర కోణం దాగి ఉన్నట్లు తెలుస్తోంది. అధికారుల పూర్తి విచారణ అనంతరం మరిన్ని వివరాలు వెల్లడయ్యే అవకాశం ఉంది.

వాంకిడి: పత్తి చేసులో గంజాయి సాగు చేస్తున్న ఇద్దరు వ్యక్తులపై కేసు నమోదు చేసినట్లు ఎస్సై మహేందర్‌ తెలిపారు. ఆయన తెలిపిన వివరాల ప్రకారం.. మండలంలోని ఆర్లీ గ్రామ శివారులోగల పత్తి చేనులో గంజాయి మొక్కలు సాగు చేస్తున్నారనే సమాచారంతో సిబ్బందితో కలిసి బుధవారం తనిఖీలు నిర్వహించారు. మండల కేంద్రంలోని పెరకవాడకు చెందిన ఆకిరెడ్డి పోచయ్య అనే వ్యక్తి చేనులో ఎనిమిది గంజాయి మొక్కలు, ఆర్లి గ్రామానికి చెందిన కావుడె బాజీరావు చేనులో 11 గంజాయి మొక్కలు లభ్యమయ్యాయి. మొక్కలను స్వాధీనం చేసుకుని ఇద్దరిపై కేసు నమోదు చేసినట్లు ఎస్సై తెలిపారు.

లక్సెట్టిపేట: మండలంలోని వెంకట్రావుపేట గ్రామానికి చెందిన మురిమడుగుల మల్లయ్య (58) చికిత్స పొందుతూ మృతి చెందినట్లు స్థానిక ఎస్సై సురేశ్‌ తెలిపారు. ఆయన తెలిపిన వివరాల ప్రకారం.. మల్లయ్య కొద్దిరోజులుగా కిడ్నీ సంబంధిత వ్యాధితో బాధపడుతూ డయాలసిస్‌ చేయించుకుంటున్నాడు. ఈనెల 9న సాయంత్రం ఇంటి నుంచి బయటికి వెళ్లాడు. తిరిగి ఇంటికి వచ్చి కుర్చీలో కూర్చోగా నోటి నుంచి నురగలు వచ్చాయి. గమనించిన కుటుంబీకులు వెంటనే స్థానిక ప్రభుత్వాస్పత్రికి తీసుకెళ్లి చికిత్స చేయించారు. మెరుగైన చికిత్స కోసం హైదరాబాద్‌లోని ఉస్మానియా ఆస్పత్రికి తరలించగా చికిత్స పొందుతూ మృతి చెందాడు. కాగా, తన తండ్రి మల్లయ్య మృతికి పాము కాటా.. లేదా అనారోగ్యమా? అనేది తెలియడం లేదని మృతుడి కుమారుడు అరుణ్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

మంచిర్యాలక్రైం: మంచిర్యాల జిల్లా కేంద్రంలోని గోపాలవాడ రైల్వే ఏ క్యాబిన్‌ సమీపంలో ఉన్న ఓ ఇంట్లో ఖమ్మం పట్టణానికి చెందిన బెజ్జాల సత్యవతి(55), ఆమె మనవరాలు గీతశిరీష (4) బుధవారం అనుమానాస్పద స్థితిలో మృతిచెందారు. ఇదే ఇంట్లో మూడేళ్ల క్రితం సత్యవతి చిన్న కుమారుడు శిరీష (24) ట్రాన్స్‌జెండర్‌ సైతం అనుమానాస్పదంగా మృతిచెందడం అప్పట్లో కలకలం రేపింది. ప్రస్తుతం నానమ్మ, మనవరాలు మృతిచెందడం చర్చనీయాంశంగా మారింది. మంచిర్యాల పోలీసులు తెలిపిన వివరాల ప్రకారం.. ఖమ్మం జిల్లా కేంద్రంలోని 3టౌన్‌కు చెందిన బెజ్జాల చంద్రయ్య, సత్యవతి దంపతులకు ఇద్దరు కుమారులు గంగోత్రి, వెంకటేశ్‌ ఉండగా.. చిన్న కుమారుడు వెంకటేశ్‌ ట్రాన్స్‌జెండర్‌(శిరీష)గా మారి మంచిర్యాలలో స్థిరపడింది. గోపాలవాడ శివారులో రైల్వే ఏ క్యాబిన్‌ వద్ద ఓ ఇల్లు నిర్మించుకుని జీవనం సాగించింది. 2022 జనవరి 4న అనుమానాస్పదంగా మృతిచెందింది. అప్పటి నుంచి ట్రాన్స్‌జెండర్‌ శిరీష కుటుంబ సభ్యులు తరచూ వచ్చి వెళ్తుండేవారు. ఈ క్రమంలో ఈ నెల 8న గంగోత్రి తన తల్లి సత్యవతి, కూతురు గీతశిరీషతో కలిసి ట్రాన్స్‌జెండర్‌ శిరీష ఇల్లు విక్రయించడానికి మంచిర్యాలకు వచ్చారు. 9న తనకు అస్తమా సమస్య వచ్చిందంటూ గంగోత్రి తల్లి సత్యవతి, కూతురు గీతశిరీషను ఇక్కడే వదిలి ఖమ్మం వెళ్లిపోయాడు. బుధవారం ఉదయం తన తల్లి ఫోన్‌ లిఫ్ట్‌ చేయడం లేదంటూ పక్కింటి వారికి సమాచారం అందించాడు. స్థానికులు వెళ్లి ప రిశీలించగా తలుపులు తీయకపోవడంతో ‘డయల్‌ 100’కు సమాచారం ఇచ్చారు. పోలీసులు తలుపులు పగులగొట్టి చూడగా సత్యవతి, గీతశిరీష విగతజీవులుగా కనిపించారు. ఈ విషయమై కుటుంబ సభ్యులకు సమాచారం అందించారు. పోలీసులు పలుసార్లు గంగోత్రికి సమాచారం ఇచ్చి రావాలని సూచించినా రాకపోవడంతో అక్కడి పోలీసులు అతడిని అదుపులోకి తీసుకున్నట్లు సమాచారం. హత్యా..? ఆత్మహత్యా..? సత్యవతి, గీతశిరీష మృతి హత్యా..? ఆత్మహ త్యా..? అనే అనుమానాలు వ్యక్తమవుతున్నాయి. ఇంటిని విక్రయించడానికి వచ్చిన ముగ్గురిలో ఇద్ద రు ఇక్కడే ఉండడం, ఒక్కరే వెళ్లిపోవడం అనుమానాలకు తావిస్తోంది. ఫుడ్‌ పాయిజన్‌ జరిగి ఉంటుందా? అనేది చర్చనీయాంశంగా మారింది. మృతదేహాలను స్థానిక ప్రభుత్వాస్పత్రికి తరలించారు. ఏం జరిగిందనేది పోస్టుమార్టం నివేదికలో తేలనుంది.

తానూరు: మండలంలోని ఎల్వి గ్రామానికి చెందిన పన్నెవాడ్‌ లక్ష్మణ్‌ (56) ఆ చూకీ లభించకపోవడంతో మిస్సింగ్‌ కేసు నమోదు చేసినట్లు ఎస్సై షేక్‌ జుబేర్‌ బుధవారం తెలిపారు. ఆ యన తెలిపిన వివరాల ప్రకారం.. లక్ష్మణ్‌ గత నెల 31న తన కుమారుడు గణేశ్‌తో కలిసి వ్యవసాయ పనులకు వెళ్లాడు. అదేరోజు సాయంత్రం హైదరాబాద్‌లో నిర్వహించే గణేశ్‌ నిమజ్జనోత్సవాలు చూసి వస్తానని కుమారుడికి చె ప్పి వెళ్లిపోయాడు. 10 రోజులైనా తిరిగి రాలే దు. కుటుంబ సభ్యులు వెతికినా అతడి ఆచూకీ లభించలేదు. మంగళవారం రాత్రి అతడి కుటుంబ సభ్యుల ఫిర్యాదు మేరకు మిస్సింగ్‌ కేసు నమోదు చేసినట్లు ఎస్సై వెల్లడించారు.

ఇంద్రవెల్లి: ఎదురెదురుగా రెండు ద్విచక్ర వాహనాలు ఢీకొన్న ప్రమాదంలో ఆరుగురికి గాయాలయ్యాయి. ఈ ఘటన బుధవారం మండలంలోని దనోరా (బీ) గ్రామ సమీపంలోని ప్రధాన రహదారిపై చోటు చేసుకుంది. ప్రత్యక్ష సాక్షులు, 108 పైలట్‌ రాజేశ్‌ తెలిపిన వివరాల ప్రకారం.. గుడిహత్నూర్‌ మండలంలోని మన్నూర్‌కు చెందిన సంతోష్‌ తన స్నేహితుడు బాలాజీతో కలిసి ద్విచక్రవాహనంపై దనోరా నుంచి గుడిహత్నూర్‌ వైపు వెళ్లడానికి ప్రధాన రహదారి ఎక్కుతున్నాడు. ఇదే క్రమంలో ఎదురుగా గుడిహత్నూర్‌ నుంచి ఉట్నూర్‌ వైపు కుటుంబ సభ్యులతో వస్తున్న ఉట్నూర్‌ మండలంలోని ఉమ్రి గ్రామానికి చెందిన టిత్రే అర్జున్‌ ద్విచక్రవాహనాన్ని వేగంగా ఢీకొట్టాడు. ఈ ప్రమాదంలో మన్నూర్‌కు చెందిన సంతోష్‌కు ఎడమ చేయికి తీవ్ర గాయాలు కాగా, తోడుగా ఉన్న బాలాజీకి స్వల్ప గాయాలయ్యాయి. ఉట్నూర్‌ మండలంలోని ఉమ్రి గ్రామానికి చెందిన అర్జున్‌కు తలకు తీవ్ర గాయాలు కాగా, అతడి భార్య శారద కుడి చేతికి గాయాలయ్యాయి. పెద్ద కొడుకు కార్తి క్‌కు ముక్కు, తలకు, చిన్న కొడుకు రితిక్‌కు ఎడమ కాలుకు తీవ్ర గాయాలైనట్లు వారు తెలిపారు. వెంటనే స్థానికులు 108 అంబులెన్స్‌లో వారిని ఆదిలాబాద్‌లోని రిమ్స్‌ ఆస్పత్రికి తరలించారు.

మామడ: మండలంలోని నల్దుర్తి గ్రామానికి చెందిన ఉదయ్‌ అనే యువకుడు మంగళవారం కనకాపూర్‌ వద్ద జాతీయ రహదారిపై జరిగిన రోడ్డు ప్రమాదంలో మృతి చెందాడు. బుధవారం నల్దుర్తి గ్రామంలో అతడి అంత్యక్రియలు నిర్వహించారు. జిల్లా కేంద్రంలోని తమ నివాసంలో సహాయకుడిగా పనిచేసే ఉదయ్‌ అంత్యక్రియలకు హైకోర్టు జడ్జి జువ్వాడి శ్రీదేవి, డీసీసీ అధ్యక్షుడు శ్రీహరిరావు దంపతులు హాజరయ్యారు. తమ కుటుంబంలో ఒకరిగా మెదిలిన ఉదయ్‌ భౌతికకాయం చూడగానే భావోద్వేగానికి గురై కన్నీరు పెట్టుకున్నారు. అతని కుటుంబ సభ్యులను ఓదార్చారు. తల్లిదండ్రులు లేని ఉదయ్‌ కొన్నేళ్లుగా తమ ఇంట్లో కుటుంబ సభ్యుడిగా ఉంటున్నాడని, రోడ్డు ప్రమాదంలో మృతి చెందడం బాధాకరమని పేర్కొన్నారు. అంత్యక్రియల్లో గ్రామస్తులు, వివిధ పార్టీల నాయకులు పాల్గొన్నారు.

కాసిపేట: మండలంలోని ముత్యంపల్లికి చెందిన గిన్నె సతీశ్‌పై దాడి చేసి గాయపరిచిన ఘటనలో బుధవారం ముద్రకోల్ల రాజా, ఆవుల రాజేందర్‌ను అరెస్ట్‌ చేసి రిమాండ్‌కు తరలించినట్లు ఎస్సై ఆంజనేయులు తెలిపారు. ఎస్సై తెలిపిన వివరాల ప్రకారం.. జూలై 27న ముత్యంపల్లి మాడల్‌స్కూల్‌, పోచమ్మ గుడి సమీపంలో మోటార్‌ సైకిల్‌పై వేగంగా వెళ్తున్న వారిని సతీశ్‌ మందలించాడు. దీంతో బూతులు తిడుతూ దాడిచేసి బండరాళ్లపై తోయడంతో తీవ్రగాయాలైనట్లు తెలిపారు. బాధితుడి సోదరి లత ఫిర్యాదు మేరకు కేసు దర్యాప్తు చేసి ఇద్దరిని రిమాండ్‌కు తరలించినట్లు పేర్కొన్నారు. ఆర్టీసీ బస్టాండ్‌లో చోరీఖానాపూర్‌: పట్టణంలోని ఆర్టీసీ బస్టాండ్‌లో బుధవారం ఇద్దరు మహిళల వద్ద నగదు చోరీకి గురైంది. మండలంలోని ఎర్వచింతల్‌కు చెందిన శివస్మితకు చెందిన రూ.5వేలతో పాటు జగిత్యాల జిల్లా మల్లాపూర్‌ మండలానికి చెందిన సాయమ్మకు చెందిన రూ.20వేలను గుర్తు తెలియని వ్యక్తులు చోరీ చేశారు. జగిత్యాల బస్సు ఎక్కే క్రమంలో జనం రద్దీ ఎక్కువగా ఉండడంతో దొంగలు ఇదే అదనుగా చేతివాటం ప్రదర్శించారు. దీంతో బాధితులు ఈ విషయాన్ని పోలీసుల దృష్టికి తీసుకెళ్లగా ఎస్సై రాహుల్‌ గైక్వాడ్‌ ఆధ్వర్యంలో సిబ్బంది అక్కడికి చేరుకుని తనిఖీ చేశారు. ఇద్దరికి ఆరునెలల జైలుఉట్నూర్‌రూరల్‌: ఉట్నూర్‌ సబ్‌ కలెక్టర్‌ యువరాజ్‌ ఆదేశాల మేరకు మండలంలోని కొత్తగూడ గ్రామానికి చెందిన పాత కేసుల్లో నిందితులుగా ఉన్న వ్యక్తులను జైలుకు తరలించినట్లు ఎస్సై ప్రవీణ్‌ తెలిపా రు. బైండోవర్‌ ప్రక్రియలో భాగంగా నిర్ణీత కాలంలో తగిన ష్యూరిటీలు అందించనందున వారిని ఆరునెలల జైలు శిక్షలో భాగంగా బుధవారం ఆదిలాబాద్‌ జైలుకు తరలించినట్లు పేర్కొన్నారు. ఒకరికి ఐదేళ్లు.. మందమర్రిరూరల్‌: మందమర్రి పట్టణానికి మేసినేని కార్తిక్‌కు జిల్లా సెషన్స్‌ కోర్టు జడ్జి నిర్మల ఐదేళ్ల జైలు శిక్ష విధిస్తూ బుధవారం తీర్పు చెప్పినట్లు ఎస్పై రాజశేఖర్‌ ఓ ప్రకటనలో తెలిపారు. ఆయన తెలిపిన వివరాల ప్రకారం.. ఊరు మందమర్రికి చెందిన కార్తిక్‌ చిన్నతనంలోనే తలిదండ్రులను కోల్పోయి చెడు అలవాట్లకు బానిసయ్యాడు. ఈక్రమంలో కార్తిక్‌ తన చిన్నమ్మ మేసినేని భీమక్కను మద్యం కోసం డబ్బులు అడగగా ఆమె నిరాకరించింది. దీంతో ఆమె తలపై బండరాయితో దాడి చేశాడు. భీమక్క కుమారుడు సంజీవ్‌ తన తల్లిపై జరిగిన దాడి విషయంపై కార్తిక్‌ను మందలించాడు. తనను సంజీవ్‌ మందలించాడనే విషయాన్ని మనసులో పెట్టుకుని 23 ఫిబ్రవరి 2020న సంజీవ్‌ ఇంట్లో ఉన్నప్పుడు గొడ్డలితో తలపై దాడి చేశాడు. దీంతో సంజీవ్‌ ఫిర్యాదు మేరకు అప్పటి ఎస్సై శివకుమార్‌ కేసు నమోదు చేయగా తర్వాత ఎస్సై భూమేశ్‌ దర్యాప్తు చేపట్టారు. కేసు ట్రయల్‌ సమయంలో కోర్టు కానిస్టేబుల్‌ సురేందర్‌ ముఖ్య సాక్షులను ప్రవేశపెట్టగా పబ్లిక్‌ ప్రాసిక్యూటర్‌ నంది రవీందర్‌ విచారణలో కీలకపాత్ర పోషించారు. నిందితునికి విచారణ అనంతరం ఐదేళ్ల శిక్షఽ విధిస్తూ కోర్టు తీర్పు వెల్లడించిందని ఎస్సై తెలిపారు. ఈ సందర్భంగా నిందితునికి శిక్ష పడేలా చేసిన ఎస్సై, కానిస్తేబుల్‌, పీపీ తదితరులను డీసీపీ భాస్కర్‌, బెల్లంపల్లి ఏసీపీ రవికుమార్‌, మందమర్రి సీఐ శశిధర్‌రెడ్డి అభినందించారు. వ్యాపారిని బెదిరించిన వ్యక్తిపై కేసు ఇంద్రవెల్లి: ఎడ్లు తరలిస్తున్న వ్యాపారిని ఆపి డబ్బులు డిమాండ్‌ చేసిన వ్యక్తిపై కేసు నమోదు చేసినట్లు ఎస్సై సాయన్న తెలిపారు. ఎస్సై తెలిపిన వివరాల ప్రకారం.. ఇచ్చోడ మండలంలోని చించోలి గ్రామానికి చెందిన ఎండీ సాదిక్‌ అనే వ్యాపారి మంగళవారం రాత్రి ఆదిలాబాద్‌ రూరల్‌ మండలంలోని అంకోలి గ్రామానికి వెళ్లి రెండు ఎడ్లను కొనుగోలు చేసి ఆటోలో ఇచ్చోడకు తరలిస్తున్నాడు. ఈ క్రమంలో మార్గమధ్యలో ఇంద్రవెల్లి మార్కెట్‌ వద్ద తగ్రే ఇందల్‌తోపాటు మరికొందరు ఆటో ఆపి ఎడ్లకు సంబంధించిన పత్రాలు చూపించాలని డిమాండ్‌ చేశారు. ఎలాంటి పత్రాలు లేకపోవడంతో డబ్బులు డిమాండ్‌ చేసి ఘర్షణకు దిగారు. దీనిపై ఎండీ సాదిక్‌ ఫిర్యాదు మేరకు తగ్రే ఇందల్‌ను అరెస్ట్‌ చేసిన పోలీసులు కేసు నమోదు చేశారు. అతడిని ఉట్నూర్‌ కోర్టుకు రిమాండ్‌కు తరలించినట్లు ఎస్సై తెలిపారు.

చెన్నూర్‌: చెన్నూర్‌ ఎస్బీఐ బ్రాంచ్‌లో గత నెల 23న అపహరణకు గురైన 20కిలోల బంగారు ఆభరణాలను పోలీసులు పూర్తిస్థాయిలో రికవరీ చేసినట్లు సమాచారం. ఈ కేసును ఛాలెంజ్‌గా తీసుకున్న పోలీసులు 10రోజుల వ్యవధిలోనే ప్రధాన నిందితునితోపాటు ఈ ఘటనలో భాగస్వామ్యమున్న మరో 46 మందిపై కేసు నమోదు చేశారు. 43మందిని రిమాండ్‌కు పంపించారు. గత నెల 31న 15.237 కిలోల బంగారు ఆభరణాలు రికవరీ చేసినట్లు రామగుండం సీపీ అంబర్‌ కిశోర్‌ ఝూ వెల్లడించిన విషయం తెలిసిందే. చెన్నూర్‌ ఎస్బీఐ కేసులో జైపూర్‌ ఏసీపీ వెంకటేశ్వర్లు నేతృత్వంలో చెన్నూర్‌ సీఐ దేవేందర్‌రావు ఆధ్వర్యంలో రోజురోజుకూ పురోగతి సాధించారు. ఈ నెల 31నుంచి బంగారు నగల రికవరీని ప్రారంభించారు. వివిధ ఫైనాన్స్‌ కంపెనీలు, గోల్డ్‌లోన్‌ కంపెనీలు, ఫైనాన్స్‌ సంస్థల నుంచి 18కిలోల బంగారు ఆభరణాలు స్వాధీనం చేసుకున్నారు. వీటిని గత మంగళవారం తెల్లవారుజామున చెన్నూర్‌ ఎస్బీఐ బ్రాంచ్‌లోని సేఫ్టీ లాకర్‌లో భద్రపరిచారు. ఈ కేసులో పోలీసులు దూకుడుగా వ్యవహరించి గోల్డ్‌లోన్‌ బాధితులకు అడుగడుగునా భరోసానిస్తున్నారు. ఏక కాలంలో మంచిర్యాల మణప్పురం, ముత్తూట్‌ ఫిన్‌ క్రాప్‌ల నుంచి మరో రెండు కిలోల బంగారు ఆభరణాలు స్వాఽధీనం చేసుకున్నట్లు సమాచారం. ఎట్టకేలకు పోలీసులు పూర్తిస్థాయిలో బంగారు నగలు రికవరీ చేసినట్లు తెలిసింది. నేడు వివరాలు వెల్లడించనున్న పోలీసులు! బంగారు ఆభరణాల రికవరీ విషయాన్ని గురువారం పోలీస్‌ ఉన్నతాధికారులు వెల్లడించనున్నట్లు సమాచారం. 20రోజులుగా ఆందోళనకు గురవుతున్నా గోల్డ్‌లోన్‌ బాధితులకు పూర్తి భరోసా ఇచ్చేందుకు సిద్ధమైనట్లు తెలిసింది. వివిధ ఫైనాన్స్‌ కంపెనీల నుంచి స్వాధీనం చేసుకున్న బంగారు ఆభరణాలను త్వరగా కోర్టుకు అప్పగించి బ్యాంక్‌ ద్వారా బాధితులకు ఇచ్చేలా చర్యలు వేగవంతం చేసినట్లు సమాచారం. ఏదేమైనా రాష్ట్రంలోనే సంచలనం సృష్టించిన ఎస్బీఐ బ్రాంచ్‌ నుంచి బంగారు ఆభరణాల అపహరణ కేసును రామగుండం సీపీ ఆధ్వర్యంలో మంచిర్యాల డివిజన్‌ పోలీసులు అనతికాలంలో ఛేదించడం విశేషం.

మంచిర్యాలరూరల్‌(హాజీపూర్‌): మంచిర్యాల మున్సిపల్‌ కార్పొరేషన్‌ పరిధిలోని గుండెల రమేశ్‌కు చెందిన ఏడు గొర్రెలు కుక్కల దాడిలో మృతి చెందాయి. వివరాలు.. బుధవారం రమేశ్‌ ఏడు గొర్రెలను ఇంటిలోని ఓ షెడ్డులో కట్టేసి మిగతా వాటిని మేతకు తీసుకువెళ్లాడు. అతడి భార్య కూలీ పనికి వెళ్లిపోయింది. ఈక్రమంలో ఇంటి పరిసరాలు ప్రశాంతంగా ఉన్న సమయంలో ఒక్కసారిగా కుక్కలు గొర్రెలపై దాడి చేసి తీవ్రంగా గాయపరచగా అవి మృతి చెందాయి. రమేశ్‌ దంపతులు ఇంటికి తిరిగి వచ్చి మృతి చెందిన గొర్రెలను చూసి కన్నీటి పర్యంతమయ్యారు.

ఆదిలాబాద్‌టౌన్‌: జిల్లా కేంద్రంలోని ఏటీఎంలో చోరీకి యత్నించిన నిందితుడు బిప్లబ్‌కుమార్‌ జీనను అరెస్ట్‌ చేసి రిమాండ్‌కు తరలించినట్లు డీఎస్పీ ఎల్‌.జీవన్‌రెడ్డి తెలిపారు. బుధవారం ఆదిలాబాద్‌ వన్‌టౌన్‌ పోలీస్‌స్టేషన్‌లో ఇందుకు సంబంధించిన వివరాలు వెల్లడించారు. ఒరిస్సా రాష్ట్రం బలేశ్వర్‌ జిల్లా జమల్‌పూర్‌కు చెందిన నిందితుడు ఈనెల 8న అర్ధరాత్రి జిల్లా కేంద్రంలోని పంజాబ్‌చౌక్‌లోగల డీబీఎస్‌ ఏటీంలో చోరీకి యత్నించినట్లు తెలిపారు. గడ్డపారతో ఏటీఎంను ధ్వంసం చేసేందుకు ప్రయత్నించగా అలారం మోగడంతో పారిపోయినట్లు పేర్కొన్నారు. దీంతో ఎస్పీ వన్‌టౌన్‌, టూటౌన్‌ సీఐలను అప్రమత్తం చేసినట్లు చెప్పారు. నిందితుడిని అరెస్ట్‌ చేసి రిమాండ్‌కు తరలించినట్లు వివరించారు. 2011 నుంచి 2015 వరకు ఆదిలాబాద్‌ పట్టణంలోని పలు హోటళ్లలో నిందితుడు పనిచేసినట్లు తెలిపారు. దొంగతనానికి యత్నించిన సీసీ ఫుటేజీ ఆధారంగా నిందితుడిని పట్టుకున్న వన్‌టౌన్‌ సీఐ సునీల్‌కుమార్‌, టూటౌన్‌ సీఐ నాగరాజు, ఎస్సై, సిబ్బందిని ఎస్పీ అభినందించినట్లు పేర్కొన్నారు.

లక్ష్మణచాంద: ఇటీవల రోడ్డు ప్రమాదంలో గాయపడి చికిత్స పొందుతున్న వ్యక్తి మృతి చెందాడు. ఈ ఘటన మండలంలోని వడ్యాల్‌ తండా గ్రామంలో చోటుచేసుకుంది. వివరాలు.. వడ్యాల్‌ తండాకు చెందిన దరావత్‌ నందు (25) గత నెల 30న తన భార్యతో కలిసి నిర్మల్‌కు ద్విచక్ర వాహనంపై వెళ్తున్నాడు. ఈ క్రమంలో నిర్మల్‌ రూరల్‌ మండలంలోని కొండాపూర్‌ జాతీయ రహదారిపై ఇతని ద్విచక్రవాహనాన్ని కారు ఢీకొట్టడంతో తీవ్రంగా గాయపడ్డాడు. దీంతో అతడిని ముందు నిర్మల్‌ ఏరియా ఆస్పత్రికి, ఆ తరువాత హైదరాబాద్‌లోని ఉస్మానియా ఆస్పత్రికి తరలించగా చికిత్స పొందుతూ బుధవారం మృతి చెందాడు. మృతుడికి భార్య, ఇద్దరు పిల్లలున్నారు.

ఆదిలాబాద్‌టౌన్‌: జిల్లాకు చెందిన కవి, రచయిత ఉదారి నారాయణ 2024 సంవత్సరానికి కీర్తి పురస్కారానికి ఎంపికై నట్లు తెలుగు యూనివర్సిటీ వీసీ సురవరం ప్రతాప్‌రెడ్డి ఓ ప్రకటనలో తెలిపారు. ఆదిలాబాద్‌ యాసలో తనదైన శైలిలో కవితలు రాస్తున్నందుకు ఎంపిక చేసినట్లు పేర్కొన్నారు. ఈనెల 23, 24 తేదీల్లో హైదరాబాద్‌లోని యూనివర్సిటీ ఆడిటోరియంలో అవార్డు అందజేయనున్నట్లు తెలిపారు. అవార్డు కింద రూ.5,116 నగదుతో పాటు ప్రశంసాపత్రం అందజేయనున్నట్లు వివరించారు. ఆయన ఎంపిక కావడంపై పలువురు కవులు, రచయితలు అభినందనలు తెలిపారు. గుడుంబా పట్టివేతభీమిని: మండలంలోని మల్లీడి గ్రామానికి చెందిన కోట ఇస్తారి ఇంట్లో అక్రమంగా నిల్వ ఉంచిన ఐదు లీటర్ల గుడుంబాను శనివారం పట్టుకున్నట్లు ఎస్సై విజయ్‌కుమార్‌ తెలిపారు. పట్టుబడిన గుడుంబా విలువ రూ.2వేలు ఉంటుందని పేర్కొన్నారు. కేసు నమోదు చేసి దర్యాప్తు చేస్తున్నట్లు ఎస్సై తెలిపారు. గుడుంబా తయారు చేసినా, విక్రయించినా కఠినచర్యలు తీసుకుంటమాని హెచ్చరించారు. విద్యార్థులకు విద్య, వైద్యం అందించాలి ఉట్నూర్‌రూరల్‌: ఆశ్రమ పాఠశాలల విద్యార్థులకు మెరుగైన విద్య, వైద్యం అందించాలని ఐటీడీఏ పీవో ఖుష్బూ గుప్తా సూచించారు. బుధవారం ఐటీడీఏ కార్యాలయ చాంబర్‌లో ఉమ్మడి జిల్లాల ఉపసంచాలకులు, సహాయ గిరిజన సంక్షేమ అధికారులతో ఆశ్రమ పాఠశాలల పర్యవేక్షణపై సమీక్ష నిర్వహిచారు. విద్యార్థులకు అందిస్తున్న విద్య, వైద్యం, భోజనం గురించి అధికారులను అడిగి తెలుసుకున్నారు. గిరిజన కోఆపరేటివ్‌ సొసైటీ ద్వారా ఆశ్రమ పాఠశాలలకు సరుకులు సకాలంలో అందేలా చర్యలు తీసుకోవాలని ఆదేశించారు. గిరిజన సహాయ సంక్షేమ అధికారులు ఎప్పటికప్పుడు పర్యవేక్షించాలని సూచించారు. ప్రిన్సిపల్‌ గది, స్కూల్‌ ఆవరణలోని సీసీ కెమెరాలు పనిచేసేలా చూడాలని తెలిపారు. సీజనల్‌ వ్యాధులు ప్రబలకుండా చర్యలు చేపట్టాలని సూచించారు. ఉమ్మడి జిల్లాల గిరిజన సంక్షేమ ఉపసంచాలకులు అంబాజీ, రమాదేవి, ఏటీడీవోలు, ఏసీఎంవోలు, అదనపు వైద్యశాఖ అధికారి కార్యాలయ సిబ్బంది పాల్గొన్నారు. పవర్‌ ప్లాంట్‌లో సింగరేణి డైరెక్టర్‌జైపూర్‌: మండల కేంద్రంలోని ఎస్టీపీపీలో బుధవారం సింగరేణి డైరెక్టర్‌(ఈఅండ్‌ఎం) ఎం.తిరుమలరావు పర్యటించారు. ముందుగా ఆవరణలో మొక్క నాటారు. అడ్మిన్‌ కార్యాలయంలో ఎస్టీపీపీ ఈడీ చిరంజీవి, జీఎం శ్రీని వాసులు, అధికారులు, ఉద్యోగులతో సమావేశమయ్యారు. విద్యుదుత్పత్తి, పనితీరుపై అధికా రులు వివరించారు. ఉత్పత్తిలో దేశస్థాయిలో ఇప్పటివరకు 50కిపైగా అవార్డులు అందుకోవడంపై హర్షం వ్యక్తంజేశారు. ఇదేస్ఫూర్తితో 800 మెగావాట్ల కొత్త ప్లాంట్‌ పనులు నిర్ణీత సమయంలో పూర్తి చేయాలని సూచించారు. శిక్షణ కేంద్రంలో ప్రవేశాలుమంచిర్యాలటౌన్‌: జిల్లా కేంద్రంలోని ఖేలో ఇండియా బాక్సింగ్‌ శిక్షణ కేంద్రంలో ప్రవేశాలు స్వీకరిస్తున్నట్లు జిల్లా యువజన క్రీడల శాఖ అధికారి హనుమంతరెడ్డి ఓ ప్రకటనలో తెలిపారు. ఆసక్తి ఉన్న 10–20 ఏళ్లలోపు బాలబాలికలు వివరాలకు కోచ్‌ రాజేశ్‌ను 9963539234 నంబర్‌లో సంప్రదించాలని సూచించారు.

మంచిర్యాలక్రైం: వినాయక నిమజ్జనం వేళ పోలీస్‌ అఽధికా రుల తీరు వి వాదాస్పదమైంది. ఇందా రం వద్ద గోదా వరిలో విగ్రహా లు నిమజ్జనం చేస్తుండగా జీడీకే–11గని ఆపరేటర్‌ గాండు శ్రావణ్‌కుమార్‌ క్రేన్‌ ఆపివేయగా ట్రాఫిక్‌ జామ్‌ అవుతుందని చెన్నూర్‌ రూ రల్‌ సీఐ బన్సీలాల్‌ ఆగ్రహంతో అతడిపై చే యి చేసుకున్నాడు. దీనిపై సింగరేణి జీఎం ల లిత్‌కుమార్‌కు సింగరేణి కార్మికులు ఫిర్యాదు చేయగా అతడు సీపీ అంబర్‌కిషోర్‌ ఝా దృష్టికి తీసుకెళ్లారు. సీపీ విచారణ చేపట్టాలని మంచిర్యాల డీసీపీ భాస్కర్‌ను ఆదేశించారు. అలాగే, లక్సెట్టిపేటలోని మహాలక్ష్మివాడలో ఈ నెల 8న నిమజ్జన శోభాయాత్ర నిర్వహిస్తుండగా ఇతర విధుల్లో సీఐ రమణమూర్తి, దండేపల్లి ఎస్సై తౌసినొద్దీన్‌ సివిల్‌ డ్రెస్‌లో అ టువైపు వెళ్లారు. ఈ క్రమంలో శోభాయాత్రలో పాల్గొన్న వారిపై వారు చేయి చేసుకున్న ట్లు స్థానికులు ఆరోపించారు. శోభాయాత్రలో పోలీసులు, స్థానిక యువకులకు మధ్య వా గ్వాదం చోటు చేసుకుంది. దీంతో సీఐ తన చేతిలోని రివాల్వర్‌ చూపిస్తూ యువకులపై బెదిరింపులకు పాల్పడ్డారు. ఈ వీడియోలు సోషల్‌ మీడియాలో వైరల్‌ అయ్యాయి. ఈ వి షయమై సీఐ రమణమూర్తిని వివరణ కోరగా.. శోభాయాత్రకు, వీళ్ల గొడవకు సంబంధం లేదని తెలిపారు. ఇతర విధుల్లో హాస్పిట ల్‌ వైపు వెళ్తుండగా పాత బస్టాండ్‌ సమీపంలో మద్యం సేవించిన సుమారు 20మంది యువకులు గొడవపడుతున్నారని, వారిని నివారించే ప్రయత్నం చేయగా తమపైనే దురుసుగా ప్రవర్తించారని ఆరోపించారు. శోభాయాత్రకు సంబంధించిన వ్యక్తులు కాదని తెలిపారు.

సాక్షి ప్రతినిధి, మంచిర్యాల: పార్టీ కేడర్‌ను కాపాడుకునేందుకు జిల్లా నాయకులు అష్టకష్టాలు పడుతున్నారు. స్థానిక ఎన్నికల ముందు కార్యకర్తలు, ద్వితీ య శ్రేణి నాయకులు తమ చేయి జారకుండా చూ సుకుంటున్నారు. అధికార పార్టీతో సహా ప్రతిపక్ష బీఆర్‌ఎస్‌, బీజేపీ జిల్లా నాయకత్వానికి ఈ పరిస్థితి ఇబ్బందికరంగానే మారింది. స్థానిక సంస్థల ఎన్నికలు ఉంటాయని గత నెలలో ప్రకటనలు వెలువడిన సమయంలోనే ఎవరి దారి వారు చూసుకునే పని లో నిమగ్నమయ్యారు. కొందరైతే ఎన్నికల నిర్వహణలో జాప్యం జరుగుతున్న కారణంగా వేచి చూసే ధోరణిలో ఉన్నారు. దీంతో ఎన్నికలు జరిగే వరకు కేడర్‌ను కాపాడుకోవాల్సి వస్తోంది. ఎమ్మెల్యే, ఎంపీ ఎన్నికల తర్వాత పట్టభద్రుల ఎమ్మెల్సీ ఎన్నికలు జరిగాయి. తర్వాత పంచాయతీ, మండల, జిల్లా పరిషత్‌ ఎన్నికలు, ఆ తర్వాత మున్సిపాల్టీలు, సహకార సంఘాల ఎన్నికలు జరగాల్సి ఉంది. ఈ క్ర మంలో పార్టీ పటిష్టంగా ఉండాలంటే గ్రామ, మండల, జిల్లా స్థాయిలో కార్యకర్తలు, నాయకులను కాపాడుకోవాల్సి ఉంది. ఎక్కడికక్కడ అసమ్మతి మొదలైతే ఇబ్బంది అవుతుందని ఆయా నాయకులను పలు రకాలుగా దగ్గర పెట్టుకుంటున్నారు. పండుగల వేళ సతమతంఇటీవల వినాయక చవితి సందర్భంగా మండపాల నిర్వాహకులు ప్రజాప్రతినిధులతోపాటు నాయకులను ఎంతో కొంత చందా రూపంలో ఇవ్వమంటూ వేడుకున్నారు. జిల్లాస్థాయి నాయకులతోపాటు ఎమ్మెల్యేలు, మాజీ ఎమ్మెల్యేలు, మాజీ జిల్లా, మండల స్థాయి నాయకులు తమకు తోచినంత ఇవ్వాల్సిన పరిస్థితి ఏర్పడింది. తమ అనుచర వర్గం అసంతృప్తితో ఇబ్బంది పడాల్సి వస్తుందని తప్పని పరిస్థితుల్లో ఆయా మండపాల వద్ద పలు రకాలుగా సాయం అందించారు. ఇక బతుకమ్మ, దసరా పండుగ ముందు కూడా నాయకుల నుంచి కానుకలు ఆశిస్తున్నారు. నమ్మి వెంట తిరుగుతున్న నాయకులు తమకు ఏదైనా ఇస్తారనే ఆశతో ఉన్నారు. ఏటా పండుగ పూట మద్యం, మాంసం కోసం కార్యకర్తలకు డబ్బులు ఇస్తున్నారు. ప్రస్తుతం కాస్త నగదు కూడా ఇస్తారనే ప్రచారం మొదలైంది. ఇటీవల చెన్నూరు ఎమ్మెల్యే క్యాంపు కార్యాలయంలో 46మంది ఎంపిక చేసిన కార్యకర్తల శ్రమను గుర్తించి రూ.20వేల చొప్పున నగదు పంపిణీ చేయడంతో మిగతా కార్యకర్తల్లో అసంతృప్తి మొదలైంది. ఇక పండుగ వరకు ఇంకా కానుకలు అనేక మందికి పంచాల్సిన పరిస్థితి ఉంది. ఎన్నికల దాకా కేడర్‌ను కాపాడుకోవడమే నియోజకవర్గ బాధ్యులకు ప్రధాన కర్తవ్యంగా మారింది. అంతర్గతంగా అసంతృప్తిఅధికార పార్టీలో జిల్లా, నియోజకవర్గ స్థాయి నామినేటెడ్‌ పోస్టులు ఆశిస్తున్న వారితోపాటు పార్టీ పదవులు, వచ్చే ఎన్నికల్లో సర్పంచ్‌, ఎంపీటీసీ, జెడ్పీటీసీ, కౌన్సిలర్‌, చైర్మన్లు, కార్పొరేటర్‌, మేయర్‌ వరకు పోటీలో దిగాలని అనేకమంది ఆశావహులు క్యూలో ఉన్నారు. ఇప్పటికే తాము బరిలో ఉంటామని పలు కార్యక్రమాలు చేపడుతూ ఆసక్తిని వెల్లడిస్తున్నారు. ఎమ్మెల్యేలు, మాజీ ఎమ్మెల్యేలు, నియోజకవర్గ ఇన్‌చార్జీల వద్ద పోటీలో ఉంటామని తెలియజేస్తున్నారు. దీంతో ఎక్కడ అసంతృప్తి వచ్చినా ఇబ్బంది అవుతుందని జాగ్రత్త వహిస్తున్నారు. ఇప్పటికే అధికార పార్టీలో అసంతృప్తి కనిపిస్తోంది. ప్రస్తుతం యూరియా బస్తాలు తమకు దొరకడం లేదని నాయకులు వాపోతున్నారు. అధికార పార్టీ కార్యకర్తలతోపాటు ప్రతిపక్ష పార్టీ నాయకులకూ ఇదే ఇబ్బంది ఎదురవుతోంది. తమకు రెండు బస్తాలు ఇప్పించాలని వేడుకుంటున్నారు. స్టాక్‌ లేకపోవడం, సకాలంలో బస్తాలు ఇవ్వకపోతే రైతు కుటుంబాల నుంచి వ్యతిరేకత వస్తుందని కిందా మీద పడుతూ ఒత్తిడి అధికంగా ఉన్న చోట్ల పంపిణీ చేయిస్తున్నారు.

మంచిర్యాలక్రైం: ఈ నెల 13న జిల్లాలోని అన్ని కో ర్టుల్లో నిర్వహించనున్న జాతీయ లోక్‌అదాలత్‌పై జి ల్లా ప్రధాన న్యాయమూర్తి, జిల్లా న్యాయసేవాధికా ర సంస్థ చైర్మన్‌ వీరయ్య మంగళవారం జిల్లా పో లీ స్‌ అధికారులతో సమీక్ష నిర్వహించారు. ఆయన మాట్లాడుతూ.. లోక్‌ అదాలత్‌లో క్రిమినల్‌, సివిల్‌, బ్యాంక్‌, చెక్‌బౌన్స్‌ కేసులు రాజీ కుదుర్చనున్నట్లు తెలిపారు. ఏళ్ల తరబడి పెండింగ్‌లో ఉన్న కేసుల్లోని కక్షిదారులతో మాట్లాడి రాజీ కుదిర్చేందుకు న్యాయవాదులు, పోలీస్‌ అధికారులు కృషి చేయాలని సూ చించారు. కక్షిదారులు సద్వినియోగం చేసుకోవాల ని కోరారు. డీసీపీ భాస్కర్‌, ఏసీపీలు ప్రకాశ్‌, వెంకటేశ్వర్లు, రవికుమార్‌, సీఐలు, ఎస్సైలు, జిల్లా న్యా యసేవాధికార సంస్థ కార్యదర్శి నిర్మల ఉన్నారు.

మంచిర్యాలఅగ్రికల్చర్‌: జిల్లా ఇన్‌చార్జి వ్యవసాయాధికారిగా భీమిని ఏడీఏ సురేఖ మంగళవారం బాధ్యతలు స్వీకరించారు. జిల్లా వ్య వసాయాధికారి భూక్య ఛత్రునాయక్‌ ఆకస్మికంగా సెలవుపై ఈ నెల 30 తేదీ వరకు వెళ్లడంతో ఆయన స్థానంలో ఏడీఏకు బాధ్యతలు అప్పగించారు. గతంలోనూ డీఏవో దీర్ఘకాలిక సెలవులో వెళ్లడంతో సురేఖ రెండు నెలల పాటు ఇన్‌చార్జిగా బాధ్యతలు నిర్వర్తించారు. రెగ్యుల్‌ డీఏవో రావడంతో భీమిని ఏడీఏగా కొనసాగుతున్నారు. తిరిగి మరోసారి ఇన్‌చా ర్జి బాధ్యతలు చేపట్టారు. ఈ సందర్భంగా జిల్లా వ్యవసాయాధికారి కార్యాలయ టెక్నికల్‌ ఏడీఏ గోపి, సూపరింటెండెంట్‌ వసంత్‌, టెక్నికల్‌ ఏవో శ్రీనివాస్‌, ఏవో కృష్ణ, ఏఈవో లు, కార్యాలయ సిబ్బంది సురేఖకు మొక్క అందజేసి స్వాగతం పలికారు.

కోటపల్లి: మండలంలోని సిర్సా గ్రామంలో యూరియా పంపిణీ రసాభాసగా మారింది. వివరాలు.. గ్రామంలో మంగళవారం యూరి యా పంపిణీకి అధికారులు సిద్ధమయ్యారు. ముందుగా బస్తాలను ఒక వర్గానికి చెందిన వ్యక్తి ఇంట్లో డంప్‌ చేయగా మరో వర్గంవారు దీనిని వ్యతిరేకించారు. దీనిపై పరస్పరం జిల్లా అధికారులకు ఫిర్యాదు చేసుకున్నారు. గ్రామానికి డీఏవో సురేఖ వచ్చి అధికారులతో మాట్లాడుతుండగా.. రెండు వర్గాల వారు సమస్య చెప్పుకొన్నారు. ఈ క్రమంలో వాగ్వాదానికి దిగారు. యూరియాను ప్రైవేట్‌ వ్యక్తుల ఇళ్లలో ఎలా డంప్‌ చేస్తారని ప్రశ్నించారు. బస్తాలు డంప్‌ చేసిన ఇళ్ల ముందు నిరసనకు దిగారు. వెంటనే అక్కడికి ఎస్సై రాజేందర్‌ చేరుకుని ఇరువర్గాల వారిని సముదాయించారు. అధికారులను అక్కడి నుంచి పంపించి యూరియా పంపిణీ సజావుగా సాగేలా చూశారు.

మంచిర్యాలఅగ్రికల్చర్‌: తెలంగాణ ఉద్యమ ప్రతిధ్వనిగా కాళోజీ నారాయణరావు ప్రజలందరికీ చిరస్మరణీయమని కలెక్టర్‌ కుమార్‌ దీపక్‌ పేర్కొన్నారు. మంగళవారం కలెక్టరేట్‌ సమావేశ మందిరంలో జి ల్లా వెనుకబడిన తరగతుల అభివృద్ధిశాఖ ఆధ్వర్యంలో నిర్వహించిన కాళోజీ జయంతి వేడుకల్లో ఆయ న చిత్రపటానికి పూలమాల వేసి నివాళులర్పించా రు. కలెక్టర్‌ మాట్లాడుతూ.. తన రచనలతో ప్రజల ను చైతన్యపరుస్తూ ఆదర్శంగా నిలిచారని కొనియాడారు. జిల్లా వెనుకబడిన తరగతుల అభివృద్ధి అధికారి పురుషోత్తం, వివిధ శాఖల అధికారులు, కలెక్టరేట్‌ ఏవో రాజేశ్వర్‌ పాల్గొన్నారు. ఎస్సీ, ఎస్టీల అభివృద్ధికి చర్యలు మంచిర్యాలఅగ్రికల్చర్‌: జిల్లాలో ఎస్సీ, ఎస్టీల అభివృద్ధికి చర్యలు తీసుకుంటున్నట్లు కలెక్టర్‌ కుమార్‌ దీపక్‌ తెలిపారు. మంగళవారం కలెక్టరేట్‌లో ఎస్సీ, ఎస్టీ అట్రాసిటీ మానిటరింగ్‌ కమిటీ సమీక్షా సమావేశం నిర్వహించారు. ఈ సందర్భంగా కలెక్టర్‌ మా ట్లాడుతూ.. ఎస్సీ, ఎస్టీల సమస్యలు పరిష్కరించి బాధితులకు సత్వర న్యాయానికి చర్యలు తీసుకో వాలని ఆదేశించారు. సమావేశంలో ఎస్సీ, ఎస్టీ అట్రాసిటీ మానిటరింగ్‌ రాష్ట్ర కమిటీ సభ్యుడు రేణికుంట్ల ప్రవీణ్‌, డీసీపీ ఏ.భాస్కర్‌, బెల్లంపల్లి సబ్‌ కలెక్టర్‌ మనోజ్‌, మంచిర్యాల ఆర్డీవో శ్రీనివాస్‌ రావు, షెడ్యూల్డ్‌ కులాల అభివృద్ధి అధికారి చాతరాజుల దుర్గాప్రసాద్‌, జిల్లా వెనుకబడిన తరగతుల అభివృద్ధి అధికారి పురుషోత్తం, పోలీస్‌, రెవెన్యూ, శాఖల అధికారులు, ఎస్సీ, ఎస్టీ అట్రాసిటీ మానిట రింగ్‌ కమిటీ సభ్యులు పాల్గొన్నారు. అటవీ భూములు ఆక్రమిస్తే కఠిన చర్యలు మంచిర్యాలఅగ్రికల్చర్‌: అటవీ భూములు ఆక్రమి స్తే కఠిన చర్యలు తీసుకుంటామని కలెక్టర్‌ కుమార్‌ దీపక్‌ హెచ్చరించారు. మంగళవారం కలెక్టర్‌ చాంబర్‌లో డీసీపీ ఏ.భాస్కర్‌, జిల్లా అటవీ అధికారి శివ్‌ ఆశిష్‌ సింగ్‌, బెల్లంపల్లి సబ్‌కలెక్టర్‌ మనోజ్‌తో కలిసి తహసీల్దార్లు, పోలీస్‌ శాఖ అధికారులు, అటవీ రేంజ్‌ అధికారులతో అటవీ భూముల ఆక్రమణల ని రోధంపై సమీక్షా సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ పోలీస్‌, రెవె న్యూ, అటవీ శాఖ అధికారులతో జిల్లా టాస్క్‌ఫోర్స్‌ టీం ఏర్పాటు చేసినట్లు తెలిపారు. మంచిర్యాల ఆర్డీవో శ్రీనివాస్‌రావు తదితరులు పాల్గొన్నారు.

సాత్నాల: భోరజ్‌ మండలం తర్నం వాగు మంగళవా రం పొంగి పొర్లడంతో జాతీయ రహదారి 353 బిపై వాహనాల రాకపోకలు నిలిచిపోయాయి. దీంతోకిలోమీటర్ల మేర, ట్రాఫిక్‌ జామ్‌అయింది. వాగులో నీరు తగ్గకపోవడంతో వందలాది మందిగంటలతరబడి నిరీక్షించాల్సి వచ్చింది. రూ.4.5 కోట్ల తో నిర్మించిన లోలెవల్‌ వంతెన ఉపయోగంలో లే కుండా పోయిందని వాహనదారులు వాపోతున్నారు.గణేశ్‌ చందా కాజేసిన వ్యక్తులపై ఫిర్యాదుమంచిర్యాలక్రైం: జిల్లా కేంద్రంలోని పాత గర్మిళ్ల హన్మన్‌ గుడి సమీపంలో ఏర్పాటు చేసిన గణేశ్‌ నవరాత్రుల ఉత్సవాల కోసం వసూల్‌ చేసిన చందా డబ్బులను కొందరు వ్యక్తులు కాజేశారని కమిటీ సభ్యుల్లో కొందరు ఫిర్యాదు చేసిన ఘటన ఆలస్యంగ వెలుగులోకి వచ్చింది. కమిటీ సభ్యుల కథనం మేరకు ఎనిమిదేళ్లుగా వినాయకుడిని ప్రతిష్టిస్తుండగా ఏటా చందారూపంలో వచ్చిన డబ్బులు సుమారు రూ.10 లక్షల వరకు జమయ్యాయి. వీటికి సంబంధించిన లెక్కలు చెప్పాలని కమిటీ ప్రధాన సభ్యులను కోరగా చెప్పకుండా బెదిరింపులకు పాల్పడడంతో రామల్ల వెంకట్‌రెడ్డి, ఆకెనపెల్లి మధు, ఎగ్గెన శ్రీధర్‌, పుప్పాల హరిష్‌పై కమిటీ సభ్యులు రాములు, రవి, అశోక్‌, స్వామి, మరి కొందరు ఫిర్యాదు చేసినట్లు తెలిసింది. ఈ విషయమై ఏఎస్సై వెంకన్నగౌడ్‌ను వివరణ కోరగ ఫిర్యాదు అందింది వాస్తవమేనని, ఇరు వర్గాల వారిని విచారించనున్నట్లు తెలిపారు. ‘3న దసరా సెలవు ఇవ్వాలి’శ్రీరాంపూర్‌: అక్టోబర్‌ 3న దసరా సెలవు ఇవ్వాలని కోరుతూ హెచ్‌ఎంఎస్‌ నాయకులు మంగళవారం శ్రీరాంపూర్‌ ఏరియా వర్క్‌షాప్‌ డీజీఎం(ఈఅండ్‌ఎం) రవీందర్‌ను కలిసి వినతిపత్రం అందజేశారు. అక్టోబర్‌ 2న గాంధీ జయంతి ఉందని, అదే రోజున దసరా పండుగ వచ్చిందన్నారు. కంపెనీ అక్టోబర్‌ 2న దసరా పండుగను గుర్తించడం వలన కార్మికులు పండుగ జరుపుకోవడం ఇబ్బందిగా మారిందన్నారు. డబ్యూసీఎల్‌ సంస్థలో దీన్ని మార్పు చేశారని సింగరేణిలో కూడా 3న దసరా సెలవుగా ప్రకటించాలని కోరారు. గోదావరిలో వివాహిత గల్లంతు..దండేపల్లి: మండలంలోని గూడెం గోదావరి నదిలో కుమురం భీం జిల్లా తిర్యాణి మండలం తలండి గ్రామానికి చెందిన వివాహిత పోలోజు శృతి(42) గల్లంతైనట్లు పోలీసులు, కుటుంబసభ్యులు అనుమానం వ్యక్తం చేస్తున్నారు. కొన్నేళ్లుగా శృతి మానసిక స్థితి బాగోలేదు. మంగళవారం పనిమీద బయటకు వెళ్లిన ఆమె భర్త వెంకటేష్‌ కొద్దిసేపటి తర్వాత ఇంటికి వెళ్లగా శృతి కనిపించలేదు. ఆచూకీ కోసం వెతుకుతుండగా గూడెం గోదావరి వంతెన వద్ద బ్యాగు, చెప్పులు కనిపించాయి. నదిలో దూకి ఉంటుందని అనుమానం వ్యక్తం చేస్తూ పోలీసులకు ఫిర్యాదు చేశాడు. మిస్సింగ్‌ కేసు నమోదు చేసి ఆమె ఆచూకీ కోసం గాలిస్తున్నట్లు ఎస్సై తహసినొద్దీన్‌ తెలిపారు. గతంలో కూడా ఆత్మహత్యకు యత్నించినట్లు ఫిర్యాదులో పేర్కొన్నారు. రేషన్‌ బియ్యం పట్టివేతదహెగాం: ప్రజలకు పంపిణీ చేయాల్సిన రేషన్‌ బియ్యం పక్కదారి పడుతున్నాయి. రేషన్‌ బియ్యం అక్రమంగా తరలించి రైస్‌మిల్లు వద్ద అన్‌లోడ్‌ చేస్తుండగా సోమవారం రాత్రి ఎన్‌ఫోర్స్‌ మెంట్‌ అధికారులు రాజ్‌కుమార్‌, శ్రీనివాస్‌ పట్టుకున్నట్లు తహసీల్దార్‌ మునవార్‌ షరీఫ్‌ తెలిపారు. మంచిర్యాల జిల్లా జన్కాపూర్‌కు చెందిన వ్యాన్‌లో కన్నెపల్లి నుంచి 54 క్వింటాళ్ల రేషన్‌ బియ్యాన్ని తరలించి దహెగాంలోని వాసవి మోడ్రన్‌ రైస్‌ మిల్లులో అన్‌లోడ్‌ చేస్తుండగా పట్టుకున్నట్లు ఆయన పేర్కొన్నారు. బియ్యానికి పంచనామా నిర్వహించి దహెగాం రేషన్‌ దుకాణం–1కు అప్పగించినట్లు తెలిపారు. రైస్‌మిల్లు యాజమాని సూర సందీప్‌, గుమస్తా విఘ్నేష్‌, వ్యాన్‌ యాజమాని రాకేశ్‌, డ్రైవర్‌ అభిషేక్‌పై కేసు నమోదు చేసినట్లు తెలిపారు. ఫుట్‌బాల్‌ ఎంపిక పోటీలురామకృష్ణాపూర్‌: మందమర్రి మండలం పులిమడుగులోని హెవెన్‌ ఆఫ్‌ హోప్‌ స్కూల్‌లో మంగళవారం అండర్‌–14, 17 జిల్లా స్థాయి బాల బాలికల ఫుట్‌బాల్‌ ఎంపిక పోటీలను మందమర్రి సీఐ శిశధర్‌రెడ్డి ప్రారంభించారు. కార్యక్రమంలో ఎస్సై రాజశేఖర్‌, ఫుట్‌బాల్‌ అసోసియేషన్‌ జిల్లా ప్రధాన కార్యదర్శి రఘునాథ్‌రెడ్డి, పరిశీలకులు పాల్గొన్నారు.

లింగాపూర్‌: గంజాయి సాగు చేస్తున్న ఒకరిని రిమాండ్‌కు తరలించినట్లు జైనూర్‌ సీఐ రమేశ్‌, లింగాపూర్‌ ఎస్సై గంగన్న తెలిపారు. లింగాపూర్‌ మండలం ఎల్లాపటార్‌ గ్రామానికి చెందిన షేక్‌ మహెబూబ్‌ తన పంటచేనులో గంజాయి మొక్కలు సాగు చేస్తున్నాడని తమకు అందిన సమాచారం మేరకు గ్రామానికి వెళ్లి తనిఖీ చేయగా 24 గంజాయి మొక్కలు లభ్యమైనట్లు తెలిపారు. వాటిని స్వాధీనం చేసుకుని నిందితునిపై కేసు నమోదు చేసి రిమాండ్‌కు తరలించినట్లు పేర్కొన్నారు. దాడి కేసులో ముగ్గురు..లక్సెట్టిపేట: మున్సిపాలిటీ పరిధిలోని సత్యసాయినగర్‌కు చెందిన ముగ్గురిపై కేసు నమోదు చేసి రిమాండ్‌కు తరలించినట్లు ఎస్సై గోపతి సురేష్‌ తెలిపారు. కాలనీకి చెందిన అక్షయ్‌కుమార్‌ అదే కాలనీకి చెందిన యువతిని ప్రేమపేరుతో వేధిస్తుండగా బాధితురాలి ఫిర్యాదు మేరకు పోలీసులు కేసు నమోదు చేశారు. కొద్ది రోజుల తరువాత కేసులో రాజీ పడాలని నిందితుడు యువతిని బెదిరించడంతో మళ్లీ ఫిర్యాదు చేసింది. సోమవారం రాత్రి బాధితురాలి ఇంటికి వెళ్లి ఆమెతో పాటు తండ్రి రవీందర్‌పై నిందితుడు అతని సోదరులు సంజయ్‌, విజయ్‌లతో కలిసి దాడికి పాల్పడ్డాడు. యువతి ఫిర్యాదు మేరకు కేసు నమోదు చేసిన పోలీసులు నిందితులను మంగళవారం కోర్టులో హాజరు పరిచినట్లు ఎస్సై తెలిపారు. అడ్వకేట్‌పై దాడిచేసిన మహిళపై కేసుఆదిలాబాద్‌రూరల్‌: మావల పోలీసు స్టేషన్‌ పరిధిలోని కేఆర్‌కే కాలనీలో అడ్వకేట్‌పై దాడిచేసిన మహిళపై మంగళవారం కేసు నమోదు చేసినట్లు సీఐ కర్రె స్వామి తెలిపారు. కేఆర్‌కే కాలనీకి చెందిన మహిళకు నాన్‌ బెయిలెబుల్‌ నోటీసు అందజేయడానికి అడ్వకేట్‌ కమిషన్‌ ఠాకూర్‌ కౌషిక్‌ వెళ్లడంతో ఆయనపై సదరు మహిళ దాడికి పాల్పడింది. దీంతో కౌషిక్‌ ఫిర్యాదు మేరకు మహిళపై కేసు నమోదు చేసినట్లు వివరించారు. అయ్యప్ప ఆలయంలో చోరీతలమడుగు: మండలంలోని సుంకిడి అయ్య ప్ప ఆలయంలో చోరీ జరిగినట్లు ఇన్‌చార్జీ ఎస్సై జీవన్‌ రెడ్డి తెలిపారు. సోమవారం రాత్రి గుర్తు తెలియని వ్యక్తులు ఆలయంలో చొరబడి హుండీని పగులగొట్టి రూ.20వేల నగదు, రూ.50వేల విలువైన బంగారు, వెండి ఆభరణాలను దొంగలించారు. ఆలయ కమిటీ సభ్యులు ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు తెలిపారు. కాగా అయ్యప్ప ఆలయంలో చోరీ జరగడం ఇది మూడవసారి. సైబర్‌ వలలో నిరుద్యోగిఆదిలాబాద్‌టౌన్‌: పట్టణంలోని సంజయ్‌నగర్‌కు చెందిన ఓ నిరుద్యోగి సైబర్‌ మోసగాళ్ల చేతిలో చిక్కాడు. తన వాట్సాప్‌కు ఏప్రిల్‌ నెలలో హాయ్‌ అంటూ మెస్సేజ్‌ వచ్చింది. జాబ్‌ ఆఫర్స్‌ ఉన్నాయని తెలుపడంతో స్పందించాడు. ఆన్‌లైన్‌లో మొదట రూ.5వేలు పంపించాల్సి ఉంటుందని, ఇంటి వద్ద నుంచే పని చేయాల్సి ఉంటుందని, ఇందుకు సంబంధించి వేతనం చెల్లించడం జరుగుతుందని సూచించారు. మొత్తం ఏప్రిల్‌ నుంచి ఇప్పటివరకు రూ.98వేలు ఆన్‌లైన్‌లో సదరు యువకుడు చెల్లించినా ఎలాంటి ఉద్యోగం కల్పించలేదు. తీరా మోసపోయానని తెలియడంతో మంగళవారం టూటౌన్‌ పోలీసు స్టేషన్‌లో ఫిర్యాదు చేయగా కేసు నమోదు చేసి దర్యాప్తు చేస్తున్నట్లు సీఐ నాగరాజు తెలిపారు. నాందేడ్‌ ఇంటర్‌సిటీ ఎక్స్‌ప్రెస్‌ ఆలస్యంఆదిలాబాద్‌: దక్షిణ మధ్య రైల్వే నాందేడ్‌ రైల్వే డివిజన్‌ విభాగంలో జరుగనున్న లైన్‌ బ్లాక్‌ పనుల కారణంగా ఆదిలాబాద్‌–హజూర్‌ సాహెబ్‌ నాందేడ్‌ ఎక్స్‌ప్రెస్‌ (17409) రైలు కొంత ఆలస్యంగా నడవనున్నట్లు నాందేడ్‌ రైల్వే డివిజన్‌ ఒక ప్రకటనలో పేర్కొంది. ఈ నెల 15న మాల్‌టెక్డీ స్టేషన్‌ వద్ద 80 నిమిషాల పాటు, 17, 18 తేదీల్లో లింబగావ్‌ స్టేషన్‌ వద్ద 40 నిమిషాల పాటు, 24, 25, 26 తేదీల్లో బోల్డా స్టేషన్‌ వద్ద 30 నిమిషాల పాటు నిలిపివేయబడుతుందని వివరించింది. ప్రయాణికులు తమ ప్రయాణ ప్రణాళికలను సవరించుకో వాలని విజ్ఞప్తి చేసింది. సంస్కృతి, సంప్రదాయాలపై టీచర్ల ప్రదర్శననిర్మల్‌ఖిల్లా: రాజస్థాన్‌ రాష్ట్రంలోని ఉదయపూర్‌లో నిర్వహిస్తున్న జాతీయస్థాయి ప్రదర్శనలో ‘బోధనాభ్యసన ప్రక్రియలో పప్పెట్రీ (తో లుబొమ్మలాట)’ అనే అంశంపై 15 రోజులపా టు ప్రత్యేక వర్క్‌షాప్‌ నిర్వహించారు. 13 రా ష్ట్రాల నుంచి 90 మంది ప్రభుత్వ ఉపాధ్యాయులు పాల్గొంటున్నారు. రాష్ట్రం నుంచి పది మంది ఉపాధ్యాయులు భాగస్వామ్యమవుతుండగా నిర్మల్‌ జిల్లా భైంసా మండలం వానల్‌పాడు ప్రాథమిక పాఠశాలకు చెందిన మాదరి ఎల్లన్న పాల్గొన్నారు. మంగళవారం వివిధ సంస్కృతి, సంప్రదాయాలను ప్రతిబింబించేలా చేపట్టిన వీరి ప్రదర్శన పలువురిని ఆకట్టుకుంది.

కడెం: గడ్డి కోస్తుండగా ప్రమాదవశాత్తు విద్యుత్‌ షాక్‌కు గురై వ్యవసాయ కూలీ మృతి చెందిన సంఘటన మండలంలో చోటు చేసుకుంది. స్థానికులు తెలిపిన వివరాల ప్రకారం..కొండుకూర్‌ గ్రామానికి చెందిన సంగెం రాజేందర్‌ (36) మంగళవారం అదే గ్రామానికి చెందిన సంజీవ్‌రెడ్డి వరి పొలం చుట్టూ గ్రాస్‌కట్టర్‌తో గడ్డి కోస్తుండగా వ్యవసాయబావి పక్కన ఉన్న విద్యుత్‌ వైరు యంత్రానికి చుట్టుకోవడంతో షాక్‌కు గురై అక్కడికక్కడే మృతి చెందాడు. బాధిత కుటుంబానికి న్యాయం చేయాలని బంధువులు ఆందోళన చేపట్టడంతో కడెం, దస్తురాబాద్‌ ఎస్సైలు సాయికిరణ్‌, సాయికుమార్‌ సంఘటన స్థలానికి చేరుకుని వారికి నచ్చజెప్పారు. మృతదేహాన్ని పోస్ట్‌మార్టం నిమ్తితం ఖానాపూర్‌ ప్రభుత్వాసుపత్రికి తరలించారు. మృతునికి భార్య నీరజ, కుమారుడు, కూతురు ఉన్నారు. కేసు నమోదు చేసి దర్యాప్తు జరుపుతున్నట్లు ఎస్సై సాయికిరణ్‌ తెలిపారు.

ఆదిలాబాద్‌: తమిళనాడు క్రికెట్‌ అసోసియేషన్‌ ఆధ్వర్యంలో నిర్వహించిన ఆల్‌ ఇండియా బుచ్చి బాబు ఇన్విటేషనల్‌ టోర్నమెంటులో ఆదిలాబాద్‌ జిల్లాకు చెందిన క్రికెటర్‌ కొడిమెల హిమతేజ మంగళవారం మ్యాన్‌ ఆఫ్‌ ది మ్యాచ్‌గా నిలిచాడు. చెన్నయ్‌ వేదికగా హెచ్‌సీఏ, టీఎన్‌సీఏ ప్రెసిడెంట్‌ ఎలెవన్‌ జట్ల మధ్య జరిగిన మ్యాచ్‌లో హెచ్‌సీఏ చాంపియన్‌గా నిలిచింది. మొదటి ఇన్నింగ్స్‌లో హిమతేజ 97 పరుగులతో సత్తా చాటాడు. ఫైనల్లో కీలక ఇన్నింగ్స్‌ ఆడి మ్యాన్‌ ఆఫ్‌ ది మ్యాచ్‌గా నిలిచాడు. నిర్వాహకులు జ్ఞాపికతోపాటు రూ.10,000 నగదు బహుమతి అందజేశారు.

చెన్నూర్‌: చెన్నూర్‌ ఎస్బీఐ బ్రాంచ్‌లో అపహరణకు గురైన బంగారు ఆభరణాలు ఎట్టకేలకు బ్యాంక్‌కే చేరాయి. ఈ బ్రాంచ్‌లో పని చేసే క్యాషియర్‌ నరిగే రవీందర్‌ అధికారులకు అనుమానం రాకుండా 10 నెలల వ్యవధిలో 20కిలోల బంగారు ఆభరణాలు, రూ.1.10 కోట్ల నగదు కాజేసిన విషయం తెలిసిందే. గత నెల 23న చెన్నూర్‌ ఎస్బీఐ బ్రాంచ్‌లో జరి గిన ఈ ఘటనపై ఆర్‌ఎం రితేశ్‌కుమార్‌ గుప్తా ఫిర్యా దు మేరకు పోలీసులు కేసు నమోదు చేశారు. 17రో జుల వ్యవధిలోనే సుమారు రూ.18.05 కిలోల బంగారు ఆభరణాలు రికవరీ చేశారు. రికవరీ చేసిన బంగారు ఆభరణాలను సేఫ్టీ కోసం బ్యాంక్‌ కస్టడీకి అప్పగించారు. మంగళవారం తెల్లవారుజామున సుమారు 3గంటల ప్రాంతంలో భారీ బందోబస్తు మధ్య జైపూర్‌ ఏసీపీ వెంకటేశ్వర్లు, సీఐ దేవేందర్‌రావు చెన్నూర్‌ ఎస్బీఐ బ్రాంచ్‌లో ఆర్‌ఎం సమక్షంలో అందజేశారు. కాగా, రికవరీ చేసిన 18కిలోల బంగారు ఆభరణాలను సేఫ్‌ కస్టడీ కోసమే చెన్నూర్‌ ఎస్బీఐ బ్రాంచ్‌లో భద్రపరిచినట్లు జైపూర్‌ ఏసీపీ వెంకటేశ్వర్లు తెలిపారు. కోర్టు ద్వారా వాటిని బ్యాంక్‌కు అప్పగించేందుకు కొంత సమయం పడుతుందని పేర్కొన్నారు. మిగతా ఆభరణాలను త్వరలోనే రికవరీ చేస్తామని చెప్పారు. కేసు విచారణలో భాగంగా ముగ్గురు ప్రధాన నిందితులను కస్టడీలోకి తీసుకుని విచారిస్తున్నట్లు వివరించారు.

మంచిర్యాలరూరల్‌(హాజీపూర్‌): మంచిర్యాల ము న్సిపల్‌ కార్పొరేషన్‌ పరిధిలోని నంనూర్‌లో గల చందన్‌పూర్‌ పునరావాస కాలనీలో ఉన్న తెలంగాణ రాష్ట్ర అర్బన్‌ డెవలప్‌మెంట్‌ గురుకుల పాఠశాలలోని 16 మంది విద్యార్థులు సోమవారం రాత్రి అస్వస్థతకు గురైన విషయం తెలిసిందే. మంగళవారం ఉదయం కలెక్టర్‌ కుమార్‌దీపక్‌ ఆదేశాల మేరకు పాఠశాలో ప్రత్యేక వైద్య శిబిరం ఏర్పాటు చేసి 16 మందితో పాటు మిగతా విద్యార్థులకు వైద్యపరీక్షలు చేశారు. విద్యార్థులంతా సురక్షితంగా ఉన్నారని, తరగతి గదుల్లో దోమల మందు స్ప్రే చేయించడం వలన చిన్న అనారోగ్య సమస్య తలెత్తిందని, ఒక్క విద్యార్థికి మాత్రం కళ్లలో మంటలు ఉన్నందున చికిత్స అందించామని ఇన్‌చార్జి వైద్యాధికారి డాక్టర్‌ అనిత తెలిపారు. పాఠశాలను సందర్శించిన వైద్యాధికారి అస్వస్థతకు గురైన విద్యార్థులను చూసేందుకు జిల్లా ఇన్‌చార్జి వైద్యాధికారి డాక్టర్‌ అనిత పాఠశాలను సందర్శించారు. పాఠశాల పరిసరాలు, తరగతి గదులను పరిశీలించి విద్యార్థులతో మాట్లాడారు. పరిసరాలు పరిశుభ్రంగా ఉండేలా చూసుకోవాలని, వ్యక్తిగత పరిశుభ్రత పాటించాలని, పౌష్టికాహారం తీసుకోవాలని, దోమలు కుట్టకుండా జాగ్రత్తలు తీసుకోవాలని సూచించారు.

చిన్న సమస్యలు, పెద్ద నష్టాలు జీవితంలో ఎదురయ్యే సవాళ్లు అందరికీ సహజం. పరీక్షల్లో తక్కువ మార్కులు, దాంపత్య కలహాలు, ప్రేమలో విఫలంకావడం, ఉద్యోగ అవకాశాలు దొరకకపోవడం, అప్పుల భారం, వ్యవసాయంలో నష్టాలు, ఇలాంటి సమస్యలు ఎవరినైనా కలవరపరుస్తాయి. కానీ ఈ సమస్యలు శాశ్వతం కాదు. క్షణికావేశంలో తీసుకునే తప్పుడు నిర్ణయాలు కుటుంబాన్ని, సన్నిహితులను శాశ్వత బాధలో ముంచెత్తుతాయి. ఈ ఏడాది జనవరి నుంచి ఆగస్టు వరకు మంచిర్యాల జిల్లాలో 275 మంది ఆత్మహత్యలకు పాల్పడ్డారు. ఇందులో ఎక్కువగా యువతే ఉండడం ఆందోళన కలిగిస్తోంది. ఒక్క క్షణం ఆలోచిస్తే... సమస్యలు ఎంత పెద్దవైనా, ఆలోచనాత్మకంగా విశ్లేషిస్తే పరిష్కారం దొరుకుతుంది. కుటుంబ సభ్యులు, స్నేహితులు లేదా నిపుణులతో సమస్యను పంచుకోవడం ద్వారా మానసిక ఒత్తిడిని తగ్గించుకోవచ్చు. ఆరోగ్య సమస్యలైతే వైద్యులను సంప్రదించడం, కుటుంబ కలహాలైతే కౌన్సిలింగ్‌ తీసుకోవడం, ఉపాధి కోసం కొత్త అవకాశాలను వెతకడం వంటి చర్యలు సమస్యల నుంచి బయటపడేందుకు సహాయపడతాయి. ఆత్మహత్య ద్వారా సమస్యలు తొలగిపోవని, అది కేవలం కన్నవారికి, కుటుంబానికి జీవితాంతం బాధను మిగిల్చే చర్య అని గుర్తించాలి. జిల్లాలో 2023 నుండి 2025 ఆగస్టు వరకు ఆత్మహత్యలుమానసికంగా బలహీనంగా ఉన్నప్పుడు చిన్న సమస్య కూడా కొండంతగా కనిపిస్తుంది. దీనికి పరిష్కారం లేదేమో అనిపిస్తుంది. కానీ, ధైర్యంగా, మనో నిబ్బరంతో ఉంటే.. పెద్ద సమస్య కూడా చిన్నగా మారుతుంది. పరిష్కారం దొరుకుతుంది. కానీ నేడు చాలా మంది క్షణికావేశంలో, చి న్న చిన్న సమస్యలు ఎదుర్కొనలేక ఆత్మహత్యే శరణ్యం అనుకుంటున్నారు. దీంతో జిల్లాలో ఆత్మహత్యల రేటు ఆందోళనకరంగా పెరుగుతోంది. ము ఖ్యంగా 18 నుంచి 35 ఏళ్ల వయస్సు గలవారిలో ఈ ధోరణి ఎక్కువగా కనిపిస్తోంది. బుధవారం ఆ త్మహత్యల నివారణ దినోత్సవం సందర్భంగా కథనం. – మంచిర్యాలక్రైంజిల్లాలో ఇటీవల జరిగిన కొన్ని సంఘటనలు..Ä దండేపల్లి మండలం కొర్విచెల్మ గ్రామానికి చెందిన వేనంక వినయ్‌బాబు (26) అదే గ్రామానికి చెందిన దుంపాటి హితవర్షిణి (20) ప్రేమించుకున్నారు. హితవర్షిని వ్యక్తి గత కారణాల వల్ల ఈనెల 7న రైలుకిందపడి ఆత్మహత్య చేసుకుంది. ప్రియురాలు లేని జీవితం తనకు వద్దనుకున్న వినయ్‌బాబు ఈనెల 8న బావిలో దూకి ఆత్మహత్య చేసుకున్నాడు. Ä మూడు నెలల కాలంలో జిల్లా కేంద్రంలోని సోషల్‌ వెల్ఫేర్‌ రెసిడెన్సియల్‌ బాలికల వసతి గృహంలో ఇద్దరు విద్యార్థులు, ఓ ప్రైవేటు కళాశాల వసతి గృహంలో మరో విద్యార్థిని భవనంపై నుంచి దూకి ఆత్మహత్య చేసుకున్న ఘటనలు కలకలం రేపాయి. Ä మంచిర్యాలకు చెందిన ఓ విద్యార్థిని హన్మకొండలో ఎస్‌ఆర్‌ కళాశాలలో ఇంటర్‌ చదువుతోంది. అక్కడ చదవడం ఇఫ్టంలేక రెండు నెలల క్రితం హాస్టల్‌ భవనంపై నుంచి దూకి ఆత్మహత్య చేసుకుంది.మార్పును గమనించాలి... ఆత్మహత్య చేసుకోవాలనుకునే వారి ఆలోచనలు భిన్నంగా కనిపిస్తాయి. వారిపై కన్నేసి ఉంచాలి. ఈ ఆలోచన కలిగిన వారు మనోవేదనకు గురవుతున్నట్లు అనిపిస్తే వారితో మాట్లాడి సమస్యను తెలుసుకునే ప్రయత్నం చేయాలి. కుటుంబ సభ్యులు ఓదార్చి కొండంత ధైర్యాన్ని ఇవ్వాలి. మేమున్నామంటూ భరోసా కల్పించాలి. – ఎగ్గడి భాస్కర్‌, డీసీపీ, మంచిర్యాల

మంచిర్యాలఅర్బన్‌: ప్రభుత్వ పాఠశాలల్లో ఉపాధ్యాయుల కొరత అధిగమించేందుకు విద్యాశాఖ చర్యలు చేపట్టింది. విద్యార్థుల చదువులకు ఆటంకం కలగకుండా దిద్దుబాటు చర్యలు ప్రారంభించింది. విద్యార్థుల సంఖ్య తక్కువగా ఉండి ఎక్కువ సంఖ్యలో ఉన్న ఉపాధ్యాయులను వర్క్‌ అడ్జస్ట్‌ పేరిట సర్దుబాటు చేస్తోంది. ఇదివరకు 99మంది ఉపాధ్యాయులను సర్దుబాటు చేసింది. ఇటీవల ప్రమోషన్ల ప్రక్రియ చేపట్టడంతో ఆయా పాఠశాలల్లో ఖాళీలేర్పడ్డాయి. జిల్లాలో 27మంది ఎస్‌ఏలు గెజిటెడ్‌ హెచ్‌ఎంలుగా, 70 మంది ఎస్జీటీలు స్కూల్‌ అసిస్టెంట్లుగా ప్రమోషన్‌ పొందారు. పలువురు టీచర్లు రిటైర్డ్‌ కాగా, ఆయా పాఠశాలల్లో టీచర్ల కొరత ఏర్పడింది. చదువులపై ప్రభావం పడకుండా ఇప్పటికే ఎక్కడెక్కడా ఖాళీలున్నాయో గుర్తించారు. విద్యార్థులు తక్కువగా ఉండి ఎక్కువ సంఖ్యలో ఉన్న ఉపాధ్యాయుల్లోని ఎస్జీటీలు, స్కూల్‌ అసిసెంట్లను సర్దుబాటు చేశారు. ఆయా పాఠశాలల్లో ఖాళీగా ఉన్న పోస్టుల్లో వర్క్‌ అడ్జస్ట్‌ మెంట్‌తో సమీప పాఠశాలల నుంచి 55 మందిని సర్దుబాటు చేస్తూ మంగళవారం డీఈవో యాదయ్య ఉత్తర్వులు జారీ చేశారు. బోధనపై ప్రభావం పడకుండా.. బోధనపై ప్రభావం పడకుండా ఎస్జీటీ, స్కూల్‌ అసిస్టెంట్లను సర్దుబాటు చేశారు. 37మంది ఎస్జీటీలు, ఒక ఎస్జీటీ స్పెషల్‌ ఎడ్యుకేషన్‌ టీచర్‌ను డిప్యూటేషన్‌ చేశారు. సబ్జెక్టుల కొరత అధిగమించేందుకు 17మంది స్కూల్‌ అసిస్టెంట్లకు వర్క్‌ అడ్జస్ట్‌మెంట్‌ చేశారు. ఇందులో ఆరుగురు తెలుగు టీచర్లు, ముగ్గురు బయోసైన్స్‌, ఇద్దరు ఫిజికల్‌ సైన్స్‌, ఇద్దరు సోషల్‌, ఒకరు ఇంగ్లిష్‌ , హిందీ, ఫిజికల్‌ ఎడ్యుకేషన్‌ టీచర్లను వర్క్‌ అడ్జస్ట్‌మెంట్‌ చేశారు. జిల్లా సమాచారం

నిర్మల్‌ఖిల్లా: నిర్మల్‌ జిల్లా కేంద్రానికి చెందిన ప్ర ముఖ కవి, చరిత్ర పరిశోధకుడు తుమ్మల దేవరావును ప్రతిష్టాత్మక సురవరం ప్రతాపరెడ్డి తెలుగు విశ్వవిద్యాలయ కీర్తి పురస్కారం వరించింది. రాష్ట్ర వ్యాప్తంగా వివిధరంగాల్లో కృషి చేస్తున్న 48 మందిని పురస్కారానికి ఎంపిక చేశారు. ఈ మేరకు విశ్వవిద్యాలయ ఉపాధ్యక్షుడు ఆచార్య వెల్దండ నిత్యానందరావు పురస్కార గ్రహీతల వివరాలను మంగళవారం వెల్లడించారు. ఈ నెల 23, 24 తేదీల్లో రూ.5,116 నగదు, పురస్కారంతో సత్కరించనున్నారు. దేవరావు తన పరిశోధనలో భాగంగా ఉమ్మడి ఆదిలాబాద్‌ జిల్లాకు చెందిన 17 శాసనా లను వెలుగులోకి తీసుకొచ్చారు. 2000లో ‘నిర్మల్‌ జిల్లా కథలు’ పేరిట సుమారు 80 ధారావాహికలు ఆలిండియా రేడియోలో ప్రసారమయ్యాయి. శాతవాహన రాష్ట్ర కోట, కాకతీయ, అసఫ్‌జాహీ, నిజాం, కళ్యాణి చాళక్యులకు సంబంధించిన అనేకమైన చారిత్రక అంశాలను నమోదు చేశారు. వీరి పరిశోధనలు గుర్తించిన తెలుగు విశ్వవిద్యాలయం 2024 సంవత్సరానికిగానూ కీర్తి పురస్కారానికి ఎంపిక చేసింది.

సోన్‌: గుర్తు తెలియని వాహనం ఢీకొని ఒకరు మృతి చెందిన సంఘటన మండలంలో చోటు చేసుకుంది. పోలీసులు, స్థానికులు తెలిపిన వివరాల మేరకు కడ్తాల్‌ గ్రామానికి చెందిన డీకొండ ప్రసాద్‌ (40) సోమవారం నిర్మల్‌ గ్రామీణ మండలంలోని ముఠాపూర్‌లో గణేశ్‌ నిమజ్జనం వేడుకల్లో పాల్గొన్నాడు. మంగళవారం ఉదయం ద్విచక్ర వాహనంపై ఇంటికి తిరిగివస్తుండగా కడ్తాల్‌ గ్రామ శివారులోని హరిత రిసార్ట్‌ వద్ద 44వ జాతీయ రహదారిపై గుర్తు తెలియని వాహనం ఢీకొట్టడంతో తీవ్రగాయాలై అక్కడికక్కడే మృతి చెందాడు. మృతుని భార్య ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఎస్సై గోపి తెలిపారు. నీటిగుంతలో పడి వృద్ధుడు.. నెన్నెల: నీటిగుంతలో పడి వృద్ధుడు మృతి చెందిన సంఘటన మండల కేంద్రంలో చోటు చేసుకుంది. ఎస్సై ప్రసాద్‌ తెలిపిన వివరాల మేరకు మారమ్మ వాడకు చెందిన జంబి చీకటి (74) సోమవారం ఉదయం నెన్నెల శివారులోని పత్తి చేనుకు కాపలా వెళ్లాడు. రాత్రయినా ఇంటికి రాకపోవడంతో భార్య పోసాని, కుమారుడు మల్లేశ్‌ వెతుకుతుండగా రోడ్డుపక్కన నీటిగుంతలో పడి మృతి చెంది కనిపించాడు. పోలీసులకు సమాచారం అందించడంతో సంఘటన స్థలానికి చేరుకొని పోస్టుమార్టం నిమిత్తం మృతదేహాన్ని బెల్లంపల్లి ప్రభుత్వాస్పత్రికి తరలించారు. కుటుంబ సభ్యుల ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్సై పేర్కొన్నారు. చెరువులో పడి ఒకరు.. భైంసారూరల్‌: ప్రమాదవశాత్తు చెరువులోపడి ఒక రు మృతి చెందిన సంఘటన మండలంలో చోటు చేసుకుంది. ఎస్సై శంకర్‌ తెలిపిన వివరాల మేరకు మండలంలోని కోతల్‌గాం గ్రామానికి చెందిన చిట్టెల్‌వార్‌ గంగారాం(64)సోమవారం ఉదయం పశువులు మేపేందుకు గ్రామ సమీపంలోకి వెళ్లాడు. పక్కనే ఉన్న చెరువులో పశువులు దిగడంతో వాటిని ఒడ్డుకు చేర్చేక్రమంలో నీటిలో మునిగిపోయాడు. గమనించిన స్థానికులు పోలీసులకు సమాచారం అందించడంతో ఆచూకీ కోసం గాలించారు. మంగళవారం ఉదయం మృతదేహం నీటిపై తేలియాడడంతో పో స్టుమార్టం నిమిత్తం భైంసా ఏరియా ఆస్పత్రికి తరలించారు. మృతుని భార్య భారత్‌బాయి ఫిర్యాదు మేరకు కేసు నమోదు చేసుకుని దర్యాప్తు జరుపుతున్నట్లు ఎస్సై తెలిపారు. లారీ ఢీకొని యువకుడు..లక్ష్మణచాంద: లారీ ఢీకొని యువకుడు మృతి చెందిన సంఘటన మండలంలోని కనకాపూర్‌ జాతీయ రహదారిపై చోటు చేసుకుంది. మామడ మండలంలోని నల్తూర్థికి చెందిన కొత్తపెల్లి ఉదయ్‌ కుమార్‌(23) కొంతకాలంగా నిర్మల్‌ డీసీసీ అధ్యక్షుడు శ్రీహరిరావు వద్ద పనిచేస్తున్నాడు. మంగళవారం పనినిమిత్తం నల్తూర్థికి వెళ్లి నిర్మల్‌కు బైక్‌పై వస్తుండగా లక్ష్మణచాంద మండలంలోని కనకాపూర్‌వద్ద జాతీయ రహదారిపై లారీ ఢీకొట్టింది. తీవ్రగాయాలు కావడంతో అక్కడికక్కడే మృతి చెందాడు. మృతుని బావ రవి ఇచ్చిన ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్సై శ్రీనివాస్‌ తెలిపారు. వివాహిత అదృశ్యంఆదిలాబాద్‌టౌన్‌: ఉత్తర్‌ ప్రదేశ్‌కు చెందిన దంపతులు ఆదిలాబాద్‌ పట్టణంలోని మహాలక్ష్మివాడలో నివాసం ఉంటున్నారు. దంపతుల మధ్య మనస్పర్థాలు రావడంతో మంగళవారం ఉదయం చౌహాన్‌ పూజ ఇంటి నుంచి బయటకు వెళ్లిపోయింది. సాయంత్రం వరకు రాకపోవడంతో ఆమె భర్త చౌహాన్‌ రాజేష్‌ టూటౌన్‌లో ఫిర్యాదు చేయగా కేసు నమోదు చేసి దర్యాప్తు చేస్తున్నట్లు సీఐ నాగరాజు తెలిపారు. ఏటీఎంలో చోరీకి విఫలయత్నంఆదిలాబాద్‌టౌన్‌: జిల్లా కేంద్రంలోని ఏటీఎం సెంటర్‌లో ఓ దుండగుడు చోరీకి విఫలయత్నం చేసినట్లు టూటౌన్‌ సీఐ నాగరాజు తెలిపారు. ఒరిస్సాలోని బలేశ్వర్‌కు చెందిన బిప్లబ్‌ కుమార్‌ సోమవారం రాత్రి ఆదిలాబాద్‌ పట్టణంలోని కిసాన్‌ చౌక్‌ ప్రాంతంలోని డీబీఎస్‌ ఏటీఎంలోకి చొరబడ్డాడు. గడ్డపారతో యంత్రాన్ని ధ్వంసం చేసి లాకర్‌ను పగులగొట్టేందుకు యత్నించాడు. ఆ సమయంలో అలారం మోగడంతో అక్కడి నుంచి పరుగులు పె ట్టాడు. అప్రమత్తమైన పోలీసులు ఘటన స్థలానికి చేరుకొని పరిస్థితిని సమీక్షించారు. నిందితుడిని రైల్వేస్టేషన్‌ సమీపంలో పట్టుకొని రిమాండ్‌కు తరలించారు. చోరీకి యత్నించిన వీడియోలు సీసీకెమెరాలో రికార్డయ్యాయి. కాగా నిందితుడు వారం రోజుల క్రితం జిల్లా కేంద్రానికి రైలులో వచ్చినట్లు పేర్కొన్నారు. చోరీకి యత్నించగా పట్టుబడినట్లు సీఐ నాగరాజు వివరించారు.

ఇచ్చోడ: రోడ్డు ప్రమాదంలో యువకుడు మృతి చెందిన సంఘటన నిజామాబాద్‌ జిల్లాలోని ఇందల్వా యి వద్ద చోటు చేసుకుంది. మండల కేంద్రంలోని రెడ్డికాలనీకి చెందిన ఏనుగు నర్సింహారెడ్డి (21) మూడురోజుల క్రితం తల్లిదండ్రులతో కలిసి సొంత పనుల నిమిత్తం హైదరాబాద్‌ వెళ్లాడు. తల్లిదండ్రులు సోమవారం రాత్రి ఇచ్చోడకు చేరుకోగా నర్సింహారెడ్డి అక్కడే ఉన్నాడు. మంగళవారం తెల్లవారుజామున మేనబావ అయిన విశాల్‌రెడ్డితో కలిసి హైదరాబాద్‌ నుంచి కారులో వస్తుండగా ఇందల్వా యి వద్ద రోడ్డు పక్కన ఆగి వున్న కంటెయినర్‌ను ఢీకొట్టా రు. ఘటనలో నర్సింహారెడ్డి అక్కడికక్కడే మృతి చెందగా కారు నడుపుతున్న విశాల్‌రెడ్డికి స్వల్పగాయాలయ్యాయి. మృతదేహాన్ని నిజామాబాద్‌ జిల్లా ఆస్పత్రికి తరలించి తరలించారు. అంత్యక్రియల్లో బోథ్‌ ఎమ్మెల్యే అనిల్‌జాదవ్‌, ఆదిలాబాద్‌ మాజీ ఎంపీ సోయం బాపురావు, అడ్డి భోజారెడ్డి, దామోదర్‌రెడ్డి పాల్గొన్నారు.

కాసిపేట: మండల కేంద్రంలోని తెలంగాణ మోడల్‌ స్కూల్‌ ఆవరణలో ఈ నెల 5న చొప్పరి అక్షిత అనే ఐదేళ్ల చిన్నారిపై కుక్కలు దాడిచేసిన ఘటనపై మంగళవారం బెల్లంపల్లి కోర్టు జడ్జి ముఖేశ్‌ విచారణ చేపట్టారు. ఈ ఘటనను సుమోటో కేసుగా పరిగణించి కలెక్టర్‌, మండల పంచాయతీ అధికారి, ము త్యంపల్లి పంచాయతీ కార్యదర్శికి ఇప్పటికే నోటీసులు జారీ చేసిన విషయం తెలిసిందే. ఈ విషయంపై చిన్నారి ఇంటికి వెళ్లిన జడ్జి ఘటనకు సంబంధించి స్టేట్‌మెంట్‌ రికార్డు చేశారు. దాడి విషయమై చిన్నా రి అక్షిత తల్లితో పాటు స్థానికుల ద్వారా వివరాలు తెలుసుకుని నమోదు చేశారు. చిన్నారి శరీరం, తల కు తీవ్రగాయాలైన విషయాన్ని తల్లి వివరించింది. జడ్జిని చూడగానే ఆమె విలపించిన తీరు అందరినీ కలచివేసింది. కుక్కల దాడి ఘటనపై లీగల్‌ సర్వీసెస్‌ కమిటీ పేర్కొన్నట్లు ఎంపీవో సబ్దార్‌ అలీ, కార్యదర్శి మేఘన కోర్టుకు హాజరై వివరణ ఇచ్చేందుకు గడువు కోరడంతో సెప్టెంబర్‌ 12వరకు పూర్తి వివరాలతో హాజరుకావాలని కోర్టు సూచించినట్లు సమాచారం. స్థానికులు స్పందించి చిన్నారి ఆస్పత్రి ఖర్చుల నిమిత్తం జమ చేసిన రూ.34వేల నగదును జడ్జి చేతుల మీదుగా బాధిత కుటుంబానికి అందజేశారు. కాసిపేట ఎస్సై ఆంజనేయులు, మోడల్‌ స్కూల్‌ ప్రిన్సిపల్‌ అబ్దుల్‌ కలీల్‌, ఉపాధ్యాయుడు నాగమల్లయ్య, న్యాయవాదులు పాల్గొన్నారు.

మంచిర్యాలటౌన్‌: జిల్లాలోని వైద్యులు, సిబ్బంది, పారిశుధ్య కార్మికులందరికీ హెపటైటిస్‌ వ్యాక్సిన్‌ వేయనున్నట్లు ఇన్‌చార్జి డీఎంహెచ్‌వో డాక్టర్‌ అనిత తెలిపారు. జిల్లా కేంద్రంలోని మాతా శిశు ఆరోగ్యకేంద్రంలో మంగళవారం ఎంసీహెచ్‌, జీజీహెచ్‌లో పనిచేస్తున్న వైద్యులు, సిబ్బంది, పారిశుధ్య సిబ్బందికి హెపటైటిస్‌ బీ వ్యాక్సిన్‌ వేసే కార్యక్రమాన్ని ఆమె ప్రారంభించారు. ఈ సందర్భంగా మాట్లాడుతూ.. హెపటైటిస్‌ వ్యాధి బారిన పడ్డ వారికి వైద్యం అందించే వైద్యులు, సిబ్బందితోపాటు ఆస్పత్రుల్లో పనిచేస్తున్న పారిశుధ్య సిబ్బందికి వ్యాక్సిన్‌ మొదటి విడతలో వేయనున్నట్లు తెలిపారు. హెపటైటిస్‌ ఉన్న వ్యక్తుల నుంచి రక్తం, చెమట ద్వారా ఇతరులకు వ్యాపించే అవకాశం ఉన్నందున రాష్ట్ర, కేంద్ర ప్రభుత్వాలు వ్యాక్సినేషన్‌ కార్యక్రమాన్ని చేపట్టాయని తెలిపారు. కార్యక్రమంలో జీజీహెచ్‌ సూపరింటెండెంట్‌ డాక్టర్‌ హరీశ్చంద్రారెడ్డి, సూపరింటెండెంట్‌ విశ్వేశ్వర్‌రెడ్డి, డాక్టర్‌ అనిల్‌, ఆర్‌ఎంవో డాక్టర్‌ భీష్మ, డాక్టర్‌ శ్రీధర్‌, ప్రోగ్రాం ఆఫీసర్‌ డాక్టర్‌ సుధాకర్‌ నాయక్‌, డాక్టర్‌ ప్రసాద్‌, డాక్టర్‌ కృపాబాయి, నాందేవ్‌, వెంకటేశ్వర్లు, లింగారెడ్డి, పద్మ, డెమో వెంకటేశ్వర్‌ తదితరులు పాల్గొన్నారు.

చెన్నూర్‌/కోటపల్లి/భీమారం/వేమనపల్లి/దండేపల్లి: ఎరువుల కోసం రైతులు ఆందోళనలు కొనసాగుతున్నాయి. చెన్నూర్‌ ఎరువులు గిడ్డంగుల సముదాయానికి సోమవారం తెల్లవారు జామునే చేరుకున్నారు. నాలుగు గంటలైనా అధికారులు రాకపోవడంతో అటవీ కార్యాలయం, ఐబీ చౌరస్తాలో బైఠాయించారు. ప్రైవేటు డీలర్‌ వద్దకు వెళ్తున్న ఎరువుల లారీని రైతులు అడ్డుకోవడంతో ఉద్రిక్తత ఏర్పడింది. రైతులకు ఇవ్వకుండా ప్రైవేటులో ఎలా అమ్ముకుంటారని ఆందోళన చేపట్టారు. లారీలోని ఎరువుల బస్తాలు తీసుకెళ్లే ప్రయత్నం చేయగా.. పోలీసులు నచ్చజెప్పి ఎరువుల గోదాం వద్దకు తీసుకొచ్చారు. సాయంత్రం వరకు గోదాం వద్ద పడిగాపులు కాస్తున్నా వ్యవసాయ అధికారులు స్పందించకపోవడం దారుణమని ఆవేదన వ్యక్తం చేశారు. పోలీసులు వ్యవసాయ అధికారులతో మాట్లాడి మంగళవారం ఎరువులు పంపిణీ చేస్తామని చెప్పడంతో రైతులు స్వగ్రామాలకు వెళ్లిపోయారు. పహారా మధ్య పంపిణీ లక్సెట్టిపేట: లక్సెట్టిపేటలోని ప్రాథమిక వ్యవసాయ సహకార సంఘానికి సోమవారం యూరియా స్టాక్‌ వచ్చిందని తెలియడంతో రైతులు ఒక్కసారిగా వచ్చారు. పోలీసు పహారా మధ్య పంపిణీ చేశారు. 222 బస్తాల మాత్రమే రావడంతో ఒక్కో రైతుకు రెండు చొప్పున అందజేశారు. మరికొందరు రైతులు వెనుదిరిగి వెళ్లారు. 400కు పైగా దరఖాస్తులు ఉన్నాయని, స్టాక్‌ రాగానే అందజేస్తామని సిబ్బంది తెలిపారు. సంఘం సిబ్బంది ఇష్టారాజ్యంగా వ్యవహరిస్తూ యూరియా పంపిణీలో అవకతవకలకు పాల్పడుతున్నారని రైతులు ఆరోపించారు.

సాక్షి ప్రతినిధి, మంచిర్యాల: యూరియా కష్టాలు తీరడం లేదు. రైతులు పెద్దయెత్తున బారులు తీరుతూనే ఉన్నారు. సరిపడా నిల్వలు ఉన్నాయని అధికారులు చెబుతున్నా క్షేత్రస్థాయిలో అందుకు భిన్నమైన పరిస్థితి కనిపిస్తోంది. దీంతో జిల్లాలో ఉదయం నుంచే కర్షకులు ఎరువుల కోసం వరుసలో నిల్చుని ఎదురు చూస్తున్నారు. జిల్లాకు కేటాయించిన కోటా కంటే ఈ సీజన్‌లో అధికంగానే సరఫరా జరిగిందని అధికారులు చెబుతున్నారు. మరోవైపు రాష్ట్ర ప్రభుత్వం సైతం యూరియా సరఫరాపై ఎప్పటికప్పుడు సీరియస్‌గా తీసుకుని జిల్లా అధికారుల నుంచి నివేదికలు, పరిస్థితిని తెలుసుకుంటోంది. జిల్లా ఎమ్మెల్యేలు, ప్రజాప్రతినిధులు సైతం ఎరువులు సరఫరా చేయాలని రాష్ట్ర ఉన్నతాధికారులకు విన్నవిస్తున్నారు. అయినా పరిస్థితిలో మార్పు లేకపోవడంతో రైతులు ఆందోళనకు దిగుతున్నారు. సోమవారం లక్సెట్టిపేట, దండేపల్లి, చెన్నూర్‌, భీమారం, కోటపల్లి మండలాల్లో రైతులు యూరియా కోసం ఎగబడ్డారు. చెన్నూర్‌ ఎమ్మెల్యే క్యాంపు కార్యాలయం, లక్సెట్టిపేట మండల కేంద్రంలో ధర్నాకు దిగారు. వ్యవసాయ అధికారులు సరఫరా, పంపిణీలో క్షేత్రస్థాయి పరిస్థితులకు అనుగుణంగా సమన్వయం చేసుకోకపోవడంపై జిల్లా కలెక్టర్‌ కుమార్‌ దీపక్‌ సీరియస్‌ అయ్యారు. ఇటీవలే బదిలీపై వచ్చిన జిల్లా వ్యవసాయ అధికారి ఛత్రునాయక్‌పై తీవ్ర ఆగ్రహం వ్యక్తం చేస్తూ సరెండర్‌ చేస్తానని హెచ్చరించారు. చివరకు ఆయన దీర్ఘ కాలిక సెలవులో వెళ్లే పరిస్థితి ఏర్పడింది.డిమాండ్‌ పెరిగి..ఏటేటా యూరియా కోసం డిమాండ్‌ పెరుగుతూ వస్తోంది. పంటల సాగులో రసాయన ఎరువులపైనే పూర్తిగా ఆధారంగా పంటలు సాగవుతున్నాయి. వరి, పత్తి ఎదుగుదల, మొక్క బలంగా ఉండేందుకు ఈ ఎరువును బస్తాల కొద్దీ వాడుతున్నారు. జిల్లా కోటా ప్రకారం ఈ సీజన్‌లో 28వేల మెట్రిక్‌ టన్నులు అవసరం. ఇప్పటికే 21వేల వరకు సరఫరా జరిగింది. మరో 7వేల మెట్రిక్‌ టన్నుల సరఫరా చేయాలి. గతేడాదితో సరఫరా 20వేల మెట్రిక్‌ టన్నులతో పోలిస్తే, ఈ ఏడాది అధికంగా సరఫరా జరిగింది. అయినప్పటికీ వినియోగం పెరగడంతో రైతులు యూరియా కోసం బారులు తీరుతున్నారు. పోలీసుల జోక్యంతో పంపిణీ చేయాల్సి వస్తోంది. ఇప్పటికే చెన్నూరు ఎమ్మెల్యే, మంత్రి వివేక్‌, మంచిర్యాల ఎమ్మెల్యే ప్రేమ్‌సాగర్‌రావు పరిస్థితిని ఉన్నతాధికారులకు నివేదించి సరఫరా చేసేలా చొరవ తీసుకుంటున్నారు. యూరియా సరఫరా పంపణీలో వ్యత్యాసం, రైతుల నుంచి విపరీత డిమాండ్‌తో స్టాక్‌ వచ్చినప్పటికీ సరిపోవడం లేదు.అత్యధికంగా బెల్లంపల్లి పరిధిలో..జిల్లాలో సోమవారం ఒక్క రోజే హోల్‌సేల్‌, రిటైల్‌, సొసైటీలు, మార్క్‌ఫెడ్‌, కంపెనీ గోదాంలు గుండా మొత్తం 863.24మెట్రిక్‌ టన్నుల యూరియా అమ్మకాలు జరిగాయి. మొత్తంగా జిల్లాలో నాలుగు నియోజకవర్గాల పరిధిలో బెల్లంపల్లిలో అధికంగా 9379మెట్రిక్‌ టన్నుల యూరియా వినియోగం కాగా, చెన్నూరు 8096మెట్రిక్‌ టన్నులు, మంచిర్యాల 2686మెట్రిక్‌ టన్నులు, ఖానాపూర్‌(జన్నారం మండలం) 576మెట్రిక్‌ టన్నుల సరఫరా వినియోగం జరిగింది.సెలవుపై వెళ్లిన వ్యవసాయాధికారిమంచిర్యాలఅగ్రికల్చర్‌: జిల్లా వ్యవసాయ అధి కారి(డీఏవో) ఛత్రునాయక్‌ మంగళవారం నుంచి సెలవులో వెళ్తున్నారు. ఓ వైపు జిల్లాలో తీవ్రమైన యూరి యా కొరత నెలకొన్న నేపథ్యంలో రైతులు ఆందోళనలు, రాస్తారోకోలు చేస్తున్నారు. ఈ సమయంలో డీఏవో సెలవుపై వెళ్లడంతో ఆంతర్యమేమిటన్నది చర్చనీయాంశంగా మారింది. పంటలకు కీలకమైన సమయంలో సెలవులో వెళ్లడం కొంతవరకు ఆశ్చర్యానికి గురి చేస్తోంది. సాగుకు అనుగుణంగా మండలాలకు యూ రియా పంపిణీ సక్రమంగా చేపట్టకపోవడం, అక్రమాలకు అడ్డుకట్ట వేయకపోవడం, రైతుల ఆందోళనలు నియంత్రించకపోవడంపై కలెక్టర్‌ ఆగ్రహం వ్యక్తం చేసినట్లు తెలిసింది. సరెండర్‌ చేయాల్సి వస్తుంది.. దీర్ఘకాలిక సెలవులో వెళ్లాలని సూచించినట్లు తెలుస్తోంది. కాగా, డీఏవో గత జూలై 17న బాధ్యతలు స్వీకరించారు. నెల ఇరవై రోజుల వ్యవధిలోనే సెలవులో వెళ్లడంతో ఆయన స్థానంలో భీమిని ఏడీఏ సురేఖకు ఇంచార్జిగా బాధ్యతలు అప్పగించినట్లు తెలిసింది.ఐదు రోజుల నుంచి..మూడు బస్తాల యూరియా బస్తాల కోసం గత ఐదు రోజుల నుంచి చెన్నూర్‌కు వచ్చి పోతున్నా. నేడు, రేపు అంటూ అధికారులు తిప్పించుకుంటున్నారు. ఒక్క బస్తా ఇచ్చింది లేదు. రైతుల గోస పట్టించున్న నాథుడే లేరు. పొద్దున ఎరువుల గోదాంకు వచ్చి సాయంత్రం వరకు ఉన్నా తలుపు తీసింది లేదు. అధికారులు వచ్చింది లేదు. మా గోస దేవునికి ముడుతుంది.– రైతు బొరెం రామయ్య, గ్రామం: అంగ్రాజుపల్లి, మం: చెన్నూర్‌ఎన్నడూ ఇంత గోస పడలే..గత నాలుగేళ్లు ఎన్నడూ ఎరువుల కోసం ఇంత గోస పడలే. నాలుగు రోజుల నుంచి ఎరువుల కోసం తిరుగుతున్నా. పొద్దున వచ్చి రాత్రి వరకు ఉంటే ఒక్క బస్తా దొరకడం లేదు. ఇయ్యాలన్న ఎరువులు ఇస్తారాని అనుకుంటే రేపు రమ్మంటున్నారు. జిల్లా కలెక్టర్‌ స్పందించి రైతులకు సరిపడా ఎరువులు ఇచ్చేలా చూడాలి.– కావెరి రజిత, మహిళా రైతు, గ్రామం: తుర్కపల్లి, మం: చెన్నూర్‌జిల్లాలో వానాకాలంలో సాగు(ఎకరాల్లో)వరి 1,47,447పత్తి 1,61,003మొక్కజొన్న 255పప్పుధాన్యాలు 1,117ఇతర పంటలు 572మొత్తం 3,10,394జిల్లాలో యూరియా లెక్కలుఅవసరం 28,000సరఫరా 20,800ఇంకా రావాల్సింది 7,361వినియోగం 20,639నిల్వ 191.57గతేడు ఈ సమయానికి సరఫరా 20,739.27(నోట్‌: వివరాలు ఈ నెల 5వరకు, విలువ మెట్రిక్‌ టన్నుల్లో)

చెన్నూర్‌: బ్యాంక్‌లో బంగారం తాకట్టు పెట్టి తీసుకున్న అప్పు చెల్లిస్తామని, బంగారు నగలు ఇవ్వాలని డిమాండ్‌ చేస్తూ గోల్డ్‌లోన్‌ బాధితులు సోమవారం చెన్నూర్‌ ఎస్బీఐ ఎదుట ధర్నా చేశారు. ముందుగా బ్యాంక్‌ మేనేజర్‌ను కలువగా.. నగలు ఎప్పుడు ఇస్తారో తనకు తెలియదని, రీజినల్‌ మేనేజర్‌కు ఈ విషయం తెలియజేస్తానని చెప్పారు. దీంతో బాధితులు బ్యాంక్‌ ఎదుట బైఠాయించి అధికారులకు వ్యతిరేకంగా నినాదాలు చేశారు. రికవరీ అయిన నగలను పోలీసుల నుంచి స్వాధీనం చేసుకుని వెంటనే ఇవ్వాలని డిమాండ్‌ చేశారు. బ్యాంక్‌ అధికారుల నిర్లక్ష్యంగా వ్యవహరిస్తున్నారని ఆరోపించారు.

మందమర్రిరూరల్‌: సమాజంలో నిరక్షరాస్యత నిర్మూలనకు ప్రతి ఒక్కరూ కృషి చేయాలని జిల్లా వయోజన విద్యాధికారి పురుషోత్తం అన్నారు. మండల కేంద్రంలోని మోడల్‌ స్కూల్‌లో సోమవారం వయోజన విద్యాశాఖ ఆధ్వర్యంలో అంతర్జాతీయ అక్షరాస్యత దినోత్సవం నిర్వహించారు. ఈ సందర్భంగా ఆయన మాట్లాడుతూ వ్యక్తి చదువుకున్నప్పుడే సమాజం అభివృద్ధి చెందుతుందని అన్నారు. విద్యార్థులతో కలిసి పాలచెట్టు వరకు ర్యాలీ నిర్వహించారు. విద్యార్థినులకు ముగ్గుల పోటీలు నిర్వహించగా లయన్స్‌ క్లబ్‌ సభ్యులు బహుమతులు అందజేశారు. ఈ కార్యక్రమంలో ఎంపీడీవో రాజేశ్వర్‌, మండల విద్యాధికారి దత్తుమూర్తి, డీఆర్‌పీ జనార్దన్‌, శాంకరి, సుమన్‌, లయన్స్‌ క్లబ్‌ సభ్యులు పాల్గొన్నారు.

మంచిర్యాలఅగ్రికల్చర్‌: ప్రజావాణి అర్జీలను సత్వరమే పరిష్కరించాలని జిల్లా కలెక్టర్‌ కుమార్‌ దీపక్‌ అన్నారు. సోమవారం కలెక్టరేట్‌లో అదనపు కలెక్టర్‌ పి.చంద్రయ్యతో కలిసి ప్రజల నుంచి దరఖాస్తులు స్వీకరించారు. భూ సమస్యలు, పింఛన్‌, పరిహారం, తదితర సమస్యలపై పలువురు ఫిర్యాదులు అందజేశారు. తెలంగాణ ఎరుకుల ప్రజాసమితి జిల్లా అధ్యక్షుడు ఉండ్రాల ఎల్లయ్య జిల్లాలో ఎస్సీ, ఎస్టీ మానిటరింగ్‌ కమిటీ ఏర్పాటు చేయాలని కోరారు. కొడుకులు పట్టించుకోవడం లేదని మంచిర్యాల కాలేజీ రోడ్‌కు చెందిన రిటైర్డు టీచర్‌ బజ్జూరి వెంకటయ్య వినతిపత్రం అందజేశారు. లక్సెట్టిపేట మున్సిపాలిటీ పరిధి బోట్లకుంటచెరువు ప్రాంతంలో రియల్‌ ఎస్టేట్‌ వ్యాపారుల కబ్జాలపై బీఎస్పీ జిల్లా అధ్యక్షుడు ముల్కల్ల రాజేంద్రప్రసాద్‌ ఫిర్యా దు చేశారు. వెంటనే అర్జీలను పరిశీలించి పరిష్క రించాలని కలెక్టర్‌ అధికారులను ఆదేశించారు.

కాసిపేట: మండల కేంద్రంలోని తెలంగాణ మాడల్‌ స్కూల్‌లో ఎనిమిదో తరగతి చదువుతున్న జక్కుల అశ్విన్‌ రాష్ట్రస్థాయి బాల్‌ బ్యాడ్మింటన్‌ పోటీలకు ఎంపికై నట్లు ప్రిన్సిపాల్‌ అబ్ధుల్‌ ఖలీల్‌ తెలిపారు. ఈనె ల 7న గోలేటిలో నిర్వహించిన ఉమ్మడి ఆదిలాబాద్‌ జిల్లా 4వ సబ్‌ జూనియర్‌ బాలబాలికల అండర్‌–14 పోటీల్లో ప్రతిభ కనబరిచి జనగామ జిల్లాలో నిర్వహించనున్న రాష్ట్రస్థాయి పోటీల్లో పాల్గొననున్నట్లు తెలిపారు. సదరు విద్యార్థిని సోమవారం అభినందించారు. కరాటే పోటీల్లో ప్రతిభఆదిలాబాద్‌ జిల్లా కుంగ్‌ఫూ అసోసియేషన్‌ ఆధ్వర్యంలో ఇటీవల మందమర్రి సీఐఎస్‌ఎఫ్‌ బరాక్‌లో నిర్వహించిన రాష్ట్రస్థాయి 2వ ఓపెన్‌ కుంగ్‌ఫూ, కరాటే చాంఫియన్‌ షిప్‌ పోటీల్లో సదరు పాఠశాల విద్యార్థినులు అశ్విత, పి.నేహ, ఆర్‌.మనస్విని స్వర్ణ పతకాలు, బి.సింధు, ఎస్‌, కీర్తన, బి.అక్షర, హన్షిత, లౌక్యశ్రీలు రజత పతకాలు సాధించినట్లు ప్రిన్సిపాల్‌ పేర్కొన్నారు. సదరు విద్యార్థులను, కరాటే మాస్టర్‌ రవిని ప్రిన్సిపాల్‌ ఖలీల్‌, ఉపాధ్యాయులు అభినందించారు.

నెన్నెల: కేంద్ర ప్రభుత్వ నిధులతో గ్రామాలు అభివృద్ధి చెందాయని బీజేపీ జిల్లా అధ్యక్షుడు నగునూరి వెంకటేశ్వర్‌గౌడ్‌ అన్నారు. సోమవారం మండలంలోని నందులపల్లిలో కన్నెపల్లి, భీమిని, నెన్నెల మండలాల ఎన్నికల సన్నాహక సమావేశం నిర్వహించారు. పార్టీ మండల అధ్యక్షుడు అంగలి శేఖర్‌ అధ్యక్షతన జరిగిన సమావేశంలో ఆయన మాట్లాడుతూ ప్రధాని మోదీ పల్లె ప్రాంత ప్రజల కోసం ప్రవేశపెట్టిన సంక్షేమ పథకాలు ఎంపీటీసీ, జెడ్పీటీసీ అభ్యర్థులను గెలిపిస్తాయని ధీమా వ్యక్తం చేశారు. కేంద్ర ప్రభుత్వ పథకాలను కార్యకర్తలు ప్రజల్లోకి తీసుకెళ్లాలని సూచించారు. ఖర్జీ, ఆవుడం, చిత్తాపూర్‌ గ్రామాలకు చెందిన వివిధ పార్టీల కార్యకర్తలు పది మంది బీజేపీలో చేరారు. పార్టీ జిల్లా ప్రధాన కార్యదర్శి వెంకటేశ్వర్‌రావు, రాష్ట్ర కార్యవర్గ సభ్యులు కొయ్యల ఏమాజీ, మాజీ ఎమ్మెల్యే అమరాజుల శ్రీదేవి, జిల్లా కార్యదర్శి ఠాకూర్‌ ఉదయ్‌శ్రీ, భీమిని, కన్నెపల్లి మండలాల అధ్యక్షులు కొంక సత్యనారాయణ, ఆశన్న, నాయకులు నల్ల రాజేందర్‌, శైలేందర్‌సింగ్‌ పాల్గొన్నారు.

పాతమంచిర్యాల: ఏజెంట్స్‌ ఆర్గనైజేషన్‌ ఆఫ్‌ ఇండియా చేసిన పోరాటాల ఫలితంగా కేంద్ర ప్రభుత్వం ఎల్‌ఐసీ పాలసీలపై జీఎస్టీని తొలగించిందని ఆ సంఘం కరీంనగర్‌ డివిజన్‌ కన్వీనర్‌ పాలమాకుల రాజబాబురెడ్డి అన్నారు. పాలసీలపై జీఎస్టీ రద్దు నిర్ణయాన్ని హర్షిస్తూ సోమవారం జిల్లా కేంద్రంలోని ఎల్‌ఐసీ కార్యాలయ ఆవరణలో మిఠాయిలు పంపిణీ చేశారు. పాలసీలపై జీఎస్టీ రద్దు కోసం దేశవ్యాప్తంగా ఏజెంట్లు పోరాటాలు చేశారని తెలిపారు. ఈ కార్యక్రమంలో ఏజెంట్స్‌ ఆర్గనైజేషన్‌ ఆఫ్‌ ఇండియా రాష్ట్ర నాయకులు గాదాసు శ్రీనివాస్‌, విశ్వనాథుల వెంకటేష్‌, కుమారస్వామి, మహేష్‌, జక్కుల కుమార్‌, లక్ష్మి నారాయణ, శ్రీనివాస్‌, భూమయ్య, ఆశీర్విల్సన్‌, లక్ష్మినారాయణ, ముత్తె రమేష్‌, ఐసీఈయూ నాయకులు రంగు రాజేశం, మోతే రామదాసు పాల్గొన్నారు.

లక్సెట్టిపేట/సికింద్రాబాద్‌: ఇద్దరిదీ ఒకే ఊరు.. మనసులు కలిశాయి. ప్రేమించుకున్నారు. మనువా డాలనీ అనుకున్నారు. ఏమైందో తెలియదు గానీ యువతి రైలు కింద పడి ఆత్మహత్య చేసుకుంది. ఆమె మరణాన్ని తట్టుకోలేక ఒక్క రోజు వ్యవధిలో నే యవకుడు బావిలో దూకి బలవన్మరణం చెందా డు. పోలీసులు, జీఆర్‌పీ హెడ్‌కానిస్టేబుల్‌ డేవిడ్‌రాజు, గ్రామస్తులు తెలిపిన వివరాల ప్రకారం.. మంచిర్యాల జిల్లా దండేపల్లి మండలం కొర్విచెల్మ గ్రామానికి చెందిన వేనంక వినయ్‌బాబు(26) డిగ్రీ పూర్తి చేశాడు. తల్లి రాజవ్వతో కలిసి గ్రామంలో ఉంటున్నాడు. ఇదే గ్రామానికి చెందిన దుంపటి హితవర్షిణి(20) ఇంజినీరింగ్‌ చదువుతోంది. వీరిద్దరూ ప్రే మించుకుంటున్నారు. హితవర్షిణి కుటుంబం ప్రస్తు తం నిజామాబాద్‌ జిల్లా ఆర్మూర్‌లో ఉంటోంది. రైలు కిందపడి యువతి..నిజామాబాద్‌ జిల్లా ఆర్మూర్‌లో నివాసం ఉంటున్న ప్రైవేటు ఉద్యోగి అంజన్న కూతురు దుంపటి హితవర్షిణి ఘట్‌కేసర్‌లోని విజ్ఞాన్‌ ఇంజినీరింగ్‌ కళాశాలలో ఏఐ అండ్‌ డీఎస్‌ ఫైనలియర్‌ చదువుతోంది. సెలవుల కారణంగా మూడు రోజుల క్రితం ఆర్మూర్‌కు వెళ్లింది. ఆదివారం మధ్యాహ్నం నిజామాబాద్‌ నుంచి ఆర్టీసీ బస్సులో సికింద్రాబాద్‌ జూబ్లీ బస్టాండ్‌కు చేరుకుంది. అక్కడి నుంచి మెట్రో రైలు ఎక్కి ఉప్పల్‌ స్టేషన్‌లో దిగింది. అక్కడి నుంచి ఆటోలో ఘట్‌కేసర్‌ చేరుకున్న హితవర్షిణి సమీపంలోని రైల్వేట్రాక్‌ వద్దకు వెళ్లి రైలు కిందపడి ఆత్మహత్యకు పాల్పడినట్లు పోలీసులు గుర్తించారు. ఘట్‌కేసర్‌–బీబీనగర్‌ రైల్వేస్టేషన్ల మధ్య ఆదివారం రాత్రి జరిగిన ఈ ఘటనపై సిర్పూర్‌–కాగజ్‌నగర్‌ ఎక్స్‌ప్రెస్‌ రైలు లోకోపైలట్‌ సమాచారం అందించారు. కేసు దర్యాప్తు చేస్తున్నామని జీఆర్‌పీ హెడ్‌కానిస్టేబు ల్‌ డేవిడ్‌ రాజు తెలిపారు. మృతుడు వినయ్‌బాబు(ఫైల్‌)మృతురాలు హితవర్షిణి (ఫైల్‌)హనవ్వ దగ్గరికే వెళ్తున్నా..!హితవర్షిణి మృతిని వేనంక వినయ్‌బాబు తట్టుకోలేకపోయాడు. మనోవేదనకు గురైన అతడు లక్సెట్టిపేట మండలం వెంకట్రావుపేట గ్రామ శివారులోని వ్యవసాయ బావిలో సోమవారం దూకాడు. స్థానికులు గమనించి బావిలో నుంచి తీసేసరికి చనిపోయాడు. ‘‘హనవ్వ(హితవర్షిణి) కోసం ఏం చేయడానికై నా సిద్ధం. నా పంచ ప్రాణాలు.. అందుకే హనవ్వ దగ్గరికే వెళ్తున్నా.. అమ్మా, నాన్న, బాబాయి నన్ను క్షమించండి’’ అంటూ సూసైడ్‌ నోట్‌లో పేర్కొన్నాడు. మృతుడి తల్లి రాజవ్వ ఫిర్యాదు మేరకు కేసు నమోదు చేసుకుని దర్యాప్తు చేస్తున్నామని ఎస్సై గోపతి సురేష్‌ తెలిపారు.

మంచిర్యాలఅగ్రికల్చర్‌: విద్యార్థులకు గుణాత్మక విద్యనందించి మంచి భవిష్యత్‌ రూపొందించడంలో ఉపాధ్యాయులు మార్గదర్శకులుగా పని చేయాలని జిల్లా కలెక్టర్‌ కుమార్‌ దీపక్‌ అన్నారు. సోమవారం కలెక్టరేట్‌ సమావేశ మందిరంలో జిల్లా అదనపు కలెక్టర్‌ పి.చంద్రయ్యతో కలిసి ఉపాధ్యాయుల దినోత్సవాన్ని పురస్కరించుకుని సర్వేపల్లి రాధాకృష్ణన్‌ చిత్రపటానికి పూలమాల వేసి ఘనంగా నివాళులు అర్పించారు. కలెక్టర్‌ మాట్లాడుతూ ఈ ఏడాది జిల్లాలోని ప్రభుత్వ పాఠశాలల్లో ఆరు వేల మంది విద్యార్థులు అదనంగా చేరారని తెలిపారు. అనంతరం రాష్ట్ర, జిల్లా ఉత్తమ ఉపాధ్యాయులు 71 మందిని సన్మానించి పురస్కారాలు అందజేశారు.

ఇంద్రవెల్లి: మండలంలోని గౌరపూర్‌ గ్రామపంచాయతీ పరిధిలోని గౌరపూర్‌, చిత్తబట్ట గ్రామాలకు మధ్యలో ఉన్న వాగుపై వంతెన నిర్మించకపోవడంతో వర్షాకాలంలో గ్రామస్తులు అనేక ఇబ్బందులు ఎదుర్కొంటున్నారు. నాలుగు నెల ల పాటు తమ ద్విచక్ర వాహనలు, ఆటోలను వాగుకు అవతల ఉంచాల్సిన పరిస్థితి ఏర్పడిందని వాపోతున్నారు. అత్యవసర సమయంలో ఆస్పత్రికి వెళ్లలేని పరిస్థితి ఉందని ఆవేదన వ్యక్తం చేస్తున్నారు. అటువైపు వ్యవసాయ భూ ములున్న రైతులు, గ్రామస్తులు గ్రామపంచా యతీ కార్యాలయానికి వెళ్లాలంటే ప్రాణాలకు తెగించి వాగు దాటుతున్నారు. వాగుపై వంతెన నిర్మించాలని పలుమార్లు అధికారులు, ప్రజాప్రతినిధులకు విన్నవించినా పట్టించుకోవడంలేదని ఆరోపిస్తున్నారు. ఇప్పటికై నా చిత్తబట్ట వాగుపై వంతెన నిర్మించాలని కోరుతున్నారు.

నిర్మల్‌ఖిల్లా: తెలంగాణ ఆత్మను ప్రతిబింబించే మాతృభాష ప్రాధాన్యతను చాటేలా తెలంగాణ సంస్కృతి, సాహిత్యం, జానపద గేయాలకు ఉమ్మడి ఆదిలాబాద్‌ జిల్లా ప్రాచీన చరిత్ర కలిగి ఉంది. సామాన్యుడి భాష, యాస ద్వారా సమస్యలపై గళం విప్పిన కాళోజీ స్ఫూర్తితో జిల్లాకు చెందిన పలువురు తెలుగు భాషోపాధ్యాయులు, కవులు, సాహితీవేత్తలు, బాలరచయితలు ప్రత్యేకత కనబర్చుతున్నారు. ఉమ్మడి జిల్లాలోని నిర్మల్‌, ఆదిలాబాద్‌, భైంసా, ఖానాపూర్‌ ప్రాంతాల్లో స్థానిక భాషల్లో వైవిధ్యం కనిపిస్తుంది. వివిధ రకాల యాసలతో పాటు భాషా మాండలికాలు వాడుకలో ఉన్నాయి. జిల్లాకు చెందిన కవులు కూడా తమ రచనల్లో వైవిధ్యాన్ని ప్రదర్శిస్తూ తెలంగాణ భాష పరిరక్షణకు తమవంతు పాత్ర పోషిస్తున్నారు. సెప్టెంబర్‌ 9న సహజకవి కాళోజీ నారాయణరావు జయంతిని పురస్కరించుకుని ఏటా తెలంగాణ భాషాదినోత్సవాన్ని నిర్వహించుకుంటున్నాం.. కవిత్వం సంక్షిప్తం...అర్థం అనంతం నిర్మల్‌ జిల్లా కేంద్రానికి చెందిన ప్రముఖ సాహితీవేత్త, విశ్రాంత ఉపాధ్యాయులు పత్తి శివప్రసాద్‌ రచన ప్రత్యేకశైలి సంతరించుకుని ఉంటుంది. తెలంగాణ యాసలో సంక్షిప్త పదాలతో కూడిన వచన కవిత్వంలో వీరిది అందవేసిన చేయి. చిన్నచిన్న వాక్యాలు, పదాల్లో అనంతమైన అర్థం దాగి ఉండేలా వీరి రచనలు ఉంటాయి. ప్రభుత్వ ఉపాధ్యాయులుగా పదవీ విరమణ పొందిన ఆయన కొన్నేళ్లుగా అవిశ్రాంత సాహితీసేవలో కొనసాగుతున్నారు. ఎనిమిది మాసాలుగా ప్రతీరోజు వీరి కలం వెంట విరిచితమవుతున్న రచనలు పలు సామాజిక మాధ్యమాల్లో సాహితీ అభిమానులు ఇష్టపడుతున్నారు. తెలంగాణ యాసలో జిల్లా కవుల రచనలు కొన్ని...‘అవును...నేను ఆదిలాబాదోన్నే’, మట్టిగోడలు, స్వేచ్ఛకు సంకెళ్లు, పత్తిపూలు, కచ్చురం, అడవి(నవల), కొలిమి అంటుకుంది, నిరుడు కురిసిన కళ, జంగూబాయి. వ్యవహారికమే భాషకు ఆయువుపట్టు...తెలంగాణ భాషకు స్థానిక ప్రజలు మాట్లాడే వ్యవహారిక భాషనే ఆయువుపట్టుగా ఉంటుంది. తెలంగాణ యాసలో ‘అవును..నేను ఆదిలాబాదోన్నే’ అనే కవిత సంకలనాన్ని జిల్లాకు చెందిన సాహితీవేత్త అప్పాల చక్రధారి రచించారు. వందలాది మందితో మమేకమయ్యే సందర్భంలోనే భాషకు ఉన్న విభిన్న కోణాలు తెలుసుకోగలుగుతామని ఆయనంటారు. కవులు, రచయితలు తెలంగాణ యాస, భాష ప్రతిబింబించే రచనలకు ప్రాధాన్యతనివ్వడం ద్వారా తెలంగాణ భాషను ముందు తరాలకు అందివ్వగలుగుతారు. ఉమ్మడి జిల్లా నుంచి అనేకమంది కవులు, రచయితలు వర్ధమాన సాహితీవేత్తలు ఇందుకు తమ స్థాయిలో పాటుపడుతున్నారు. నేరెళ్ల హనుమంతు, తుమ్మల దేవరావు, దామెర రాములు, మడిపెల్లి రాజ్‌కుమార్‌, అల్లం రాజయ్య, వసంత్‌రావు దేశ్‌పాండే, మురళీధర్‌, చంద్రమౌళి, సామల రాజవర్ధన్‌, పోలీస్‌ భీమేశ్‌, ఉదారి నారాయణ, తదితర అనేకమంది ఇదే కోవలోకే చెందినవారు కావడం విశేషం. చిట్టి రచనల్లో గట్టి అర్థం స్ఫూరించేలా...నిర్మల్‌ జిల్లా సోన్‌ మండలంలోని వెల్మల్‌ బొప్పారం జిల్లా పరిషత్‌ ఉన్నత పాఠశాలలో చదువుతున్న విద్యార్థులు తెలంగాణ గ్రామీణ జీవన నేపథ్యం యాస, భాష, నుడికారాలతో కూడిన కథల సంపుటిని సమష్టిగా రచించి ఏడాది క్రితం పుస్తకంగా విడుదల చేశారు.. తాజాగా మరి కొంతమంది విద్యార్థులు ‘అంకురాలు–2’ పేరిట మరో పుస్తకాన్ని విడుదల చేసేందుకు శ్రమిస్తున్నారు.. అక్కడి తెలుగు ఉపాధ్యాయుడు కొండూరి పోతన్న మార్గనిర్దేశంలో చిన్నారులంతా కలిసి తెలంగాణ భాష, సంస్కృతిపై వారికున్న మక్కువతోనే కథల సంపుటిని రచించి త్వరలో పాఠకుల ముందుకు తెచ్చేందుకు సన్నాహాలు పూర్తి చేస్తున్నారు. గతంలో విడుదల చేసిన తొలి కథల సంపుటిలో చక్కని గ్రామీణ నేపథ్యంతో కూడిన ఇతివృత్తాలను కథాంశాలుగా స్వీకరించి తెలంగాణ యాస, సంభాషణలను గ్రామీణ రైతుల కష్టాలు, జీవనవిధానం స్ఫూరించేలా చేసిన వీరి రచనలు రాష్ట్రస్థాయిలో పలువురు రచయితలు, సాహితీవేత్తల ప్రశంసలు పొందాయి.

భీంపూర్‌: మండలంలోని భగవాన్‌పూర్‌లో నవజాత శిశువు మృతి చెందిన విషాద ఘటన చోటు చేసుకుంది. గ్రామానికి చెందిన ప్రియాంకకు సోమవారం పురిటి నొప్పులు రావడంతో కుటుంబ సభ్యులు 108కు సమాచారం అందించారు. రోడ్డుమార్గం సరిగా లేకపోవడంతో అంబులెన్స్‌ రావడంలో ఆలస్యమైంది. దీంతో మహిళ ఇంటివద్దే ప్రసవించగా శిశువు మృతి చెందినట్లు గ్రామస్తులు పేర్కొన్నారు. ఇప్పటికై నా ప్రజాప్రతినిధులు, అధికారులు స్పందించి రోడ్డుమార్గాన్ని బాగు చేయాలని గ్రామస్తులు కోరుతున్నారు. ఆటో బోల్తాపడి డ్రైవర్‌.. కుభీర్‌: ఆటో బోల్తాపడి డ్రైవర్‌ మృతి చెందిన ఘటన మండలంలో చోటు చేసుకుంది. ఎస్సై కృష్ణారెడ్డి తెలిపిన వివరాల మేరకు మండలంలోని లింగి గ్రామానికి చెందిన కె.గంగాధర్‌ (33) సోమవారం సాయంత్రం ఆటోలో సిమెంటు బస్తాలు వేసుకుని భైంసా నుంచి వస్తుండగా సాంవ్లి గ్రామం వద్ద ఆటో అదుపుతప్పి బోల్తా పడింది. తీవ్రగాయాలు కావడంతో అక్కడికక్కడే మృతి చెందాడు. మృతునికి భార్య, నలుగురు కుమార్తెలు ఉన్నారు. కుటుంబ సభ్యుల ఫిర్యాదు మేరకు కేసు నమోదు చేసినట్లు ఎస్సై తెలిపారు. పాముకాటుతో మహిళ.. వాంకిడి: పొలం పనులకు వెళ్లిన ఓ మహిళను పాము కాటువేయడంతో మృతి చెందిన సంఘటన మండలంలో చోటు చేసుకుంది. ఎస్సై మహేందర్‌ తెలిపిన వివరాల మేరకు మండలంలోని నార్లాపూర్‌ గ్రామానికి చెందిన వడ్గురే జానాబాయి(34), శంకర్‌ దంపతులు ఆదివారం పంటచేనుకు వెళ్లారు. సాయంత్రం పనులు చేస్తుండగా జానాబాయిని పాముకాటు వేసింది. ఆసిఫాబాద్‌ ప్రభుత్వ ఆస్పత్రికి తరలించగా చికిత్స పొందుతూ రాత్రి మృతి చెందింది. కుటుంబ సభ్యుల ఫిర్యాదు మేరకు కేసు నమోదు చేసినట్లు ఎస్సై తెలిపారు.

బాసర: రాహుగ్రస్త చంద్రగ్రహణం అనంతరం బాసర సరస్వతీ అమ్మవారి ఆలయాన్ని సోమవారం ఉదయం 4 గంటలకు తెరిచారు. అర్చకులు ఆలయాన్ని శుద్ధి చేసి గణపతి పూజ, పుణ్యహావచనం, పంచగవ్య ప్రాశన, మహాసంప్రోక్షణ వంటి పూజా కార్యక్రమాలు నిర్వహించారు. అనంతరం సుప్రభాతం, విశేష అభిషేకం, మహా నివేదన, మంత్రపుష్పం నిర్వహించినట్లు వారు పేర్కొన్నారు. ఉదయం 7 గంటల నుంచి భక్తులకు అన్ని అర్జిత సేవలు, సర్వ దర్శనాలు తిరిగి ప్రారంభమయ్యాయి. 11న ఇన్‌చార్జి మంత్రి జూపల్లి పర్యటన కై లాస్‌నగర్‌: రాష్ట్ర ఎకై ్సజ్‌, పర్యాటక శాఖ, జిల్లా ఇన్‌చార్జి మంత్రి జూపల్లి కృష్ణారావు ఈ నెల 11న ఆదిలాబాద్‌ జిల్లాలో పర్యటించనున్నారు. గురువారం ఉదయం నిర్మల్‌ నుంచి బోథ్‌కు చేరుకుని ఇందిరమ్మ మోడల్‌ ఇంటిని ప్రారంభిస్తారు. పరిచయ గార్డెన్‌లో వివిధ సంక్షేమ పథకాల కింద ఎంపికై న నియోజకవర్గంలోని లబ్ధిదారులకు మంజూరు పత్రాలను అందజేస్తారు. ఇంద్రవెల్లికి చేరుకుని అమరవీరుల స్థూపాన్ని ప్రారంభిస్తారు. ఇందిరమ్మ లబ్ధిదారులకు మంజూరు పత్రాలను అందజేస్తారు. మధ్యాహ్నం భోరజ్‌ మండలం పిప్పర్‌వాడకు చేరుకుని ఇందిరమ్మ గృహాప్రవేశ కార్యక్రమంలో పాల్గొంటారు. అక్కడి నుంచి గిమ్మకు చేరుకుని రూ.13.78 కోట్ల సీఆర్‌ఆర్‌, ఎస్‌సీపీ నిధులతో చేపట్టనున్న సీసీరోడ్ల నిర్మాణాలకు భూమిపూజ చేస్తారు. పట్టణంలోని గాయత్రీ గార్డెన్‌లో వివిధ సంక్షేమ పథకాల లబ్ధిదారులకు మంజూరు పత్రాలను అందజేస్తారు. సాయంత్రం కలెక్టరేట్‌ సమావేశ మందిరంలో జిల్లా అధికారులతో సమీక్ష సమావేశం నిర్వహించనున్నారు. సినీ ఫక్కీలో దాడికి యత్నం ఆదిలాబాద్‌టౌన్‌: జిల్లా కేంద్రంలో కొందరు యువకులు సినీఫక్కీలో దాడి చేసేందుకు యత్నించారు. బాధితులు పారిపోవడంతో ప్రాణాలతో బతికి బయటపడ్డారు. టూటౌన్‌ సీఐ నాగరాజు తెలిపిన వివరాల మేరకు ఈనెల 6న ఆదిలాబాద్‌ పట్టణంలోని కోలిపూరకు చెందిన గణేశ్‌ మండలి సభ్యులు గ్రూప్‌గా విడిపోయి పరస్పరం దాడికి పాల్పడ్డారు. సోమవారం కోలిపూరకు చెందిన ఆకుల నితీష్‌ అలియాస్‌ టిక్కు, కారింగుల సాయికిరణ్‌, పరివార్‌ మణికంఠ అదే కాలనీకి చెందిన కళ్యాణ్‌, మురార్కర్‌ నవీన్‌, కార్తీక్‌తో పాటు పలువురిపై దాడి చేసేందుకు సింహాద్రి సినిమాలో మాదిరి సైకిల్‌ గేర్‌విల్‌తో తయారు చేసిన ఆయుధంతో వెళ్లారు. గమనించిన బాధితులు అక్కడి నుంచి పరుగులు పెట్టారు. ఆ తర్వాత వన్‌టౌన్‌ పోలీసు స్టేషన్‌లో మురార్కర్‌ నవీన్‌ ఫిర్యాదు చేయడంతో కేసు నమోదైంది. కారింగుల సాయికిరణ్‌, పరివార్‌ మణికంఠలను అరెస్టు చేయగా ఆకుల నితీన్‌ పరారీలో ఉన్నట్లు తెలిపారు. వీరిపై ఆయుధాల చట్టం కింద కేసు నమోదు చేసినట్లు పేర్కొన్నారు. కాగా ఈ ఆయుధాన్ని తయారు చేసిన వ్యక్తిపై సైతం కేసు నమోదు చేసినట్లు వివరించారు.

ఉట్నూర్‌రూరల్‌: ప్రజావాణిలో అర్జీదారుల నుంచి వచ్చిన దరఖాస్తులను త్వరితగతిన పరిష్కరించాలని ఐటీడీఏ పీవో ఖుష్బూ గుప్తా అన్నారు. సోమవారం పీవో చాంబర్‌లో ప్రజావాణి కార్యక్రమంలో భాగంగా వివిధ సమస్యలపై ప్రజల నుంచి వచ్చిన అర్జీలను స్వీకరించారు. ఆసిఫాబాద్‌కు చెందిన నిఖిల్‌ ల్యాప్‌టాప్‌ ఇప్పించాలని, సోనాల మండలం దేవునాయక్‌ తండాకు చెందిన లక్ష్మణ్‌ ఆర్వోఎఫ్‌ఆర్‌ పట్టా మంజూరు చేయాలని, తాండూర్‌కు చెందిన విజయలక్ష్మి ట్రైకార్‌ రుణం ఇప్పించాలని, నార్నూర్‌ మండలం కొలాంగూడకు చెందిన జంగు టెంట్‌ హౌజ్‌ కోసం, గాదిగూడకు చెందిన శిరీష ఇల్లు మంజూరు కోసం అర్జీలు సమర్పించారు. ల్యాప్‌టాప్‌లు పంపిణీ ఉన్నత విద్యాకోర్సుల్లో ప్రతిభ కనబర్చిన ఉట్నూర్‌ మండలంలోని ఎనిమిది మంది గిరిజన విద్యార్థులకు సోమవారం ల్యాప్‌టాప్‌లు పంపిణీ చేసినట్లు పీవో తెలిపారు.

మంచిర్యాలరూరల్‌(హాజీపూర్‌): ఈ నెల 10న ఫో టో ఓటర్ల తుది జాబితా ప్రదర్శిస్తామని జిల్లా అదనపు కలెక్టర్‌ చంద్రయ్య తెలిపారు. సోమవారం కలెక్టరేట్‌లో జెడ్పీ సీఈఓ గణపతి, డీపీఓ వెంకటేశ్వర్‌రావులతో కలిసి జిల్లాలోని అన్ని పార్టీల ప్రతినిధులతో ప్రత్యేకంగా సమావేశం అయ్యారు. ఫొటోలతో కూడిన ఓటర్ల జాబితా తయారు, పోలింగ్‌ కేంద్రాల ఎంపిక, వార్డుల విభజన వంటి వాటిపై సలహాలు, సూచనలు స్వీకరించారు. జిల్లా వ్యాప్తంగా ఎలాంటి అభ్యంతరాలు రాకపోవడంతో మరోసారి పర్యవేక్షించి తుది జాబితా ప్రదర్శిస్తామని తెలిపారు.

కాసిపేట: గత ఆర్థిక సంవత్సరం సింగరేణి సాధించిన లాభాలు ప్రకటించి 35 శాతం వాటా కార్మికులకు చెల్లించాలని గుర్తింపు సంఘం ఏఐటీయూసీ అధ్యక్షుడు వాసిరెడ్డి సీతారామయ్య డిమాండ్‌ చేశారు. సోమవారం కాసిపేట గనిపై ఏర్పాటు చేసిన గేట్‌ మీటింగ్‌లో మాట్లాడారు. గత సీఅండ్‌ఎండీతో జరిగిన స్ట్రక్చర్‌ మీటింగ్‌లో సొంతింటి పథకం అమలు చేయాలని కోరగా సానుకూలంగా స్పందించినట్లు తెలిపారు. డిస్మిస్‌ అయిన జేఎంటీలను విధుల్లోకి తీసుకునేందుకు సర్క్యూలర్‌ జారీ అయ్యిందన్నారు. ఇతర ఉద్యోగులకు సైతం ఐదేళ్లలో వంద మస్టర్లు ఉంటే విధుల్లోకి తీసుకునేందుకు యాజమాన్యం ఒప్పుకుందన్నారు. ఈనెల 12న సీఅండ్‌ఎండీతో జరిగే సమావేశంలో కార్మికుల సమస్యల పరిష్కారానికి కృషి చేయనున్నట్లు తెలిపారు. ఈ కార్యక్రమంలో ఏఐటీయూసీ సెంట్రల్‌ సెక్రెటరీ అక్బర్‌ అలీ, బెల్లంపల్లి బ్రాంచి కార్యదర్శి దాగం మల్లేశ్‌, బ్రాంచి ఇన్‌చార్జి చిప్ప నర్సయ్య, మందమర్రి బ్రాంచి కార్యదర్శి సత్యనారాయణ, నాయకులు మీనుగు లక్ష్మీనారాయణ, నాగేశ్వరరావు, రాజేందర్‌, లింగయ్య, రఘురాం, రవీందర్‌, తదితరులు పాల్గొన్నారు.

శ్రీరాంపూర్‌: కార్మికులకు కంపెనీ సాధించిన లాభా ల నుంచి 35 శాతం వాటా చెల్లించాలని డిమాండ్‌ చేస్తూ ఈనెల 15న సింగరేణి వ్యాప్తంగా జీఎం కార్యాలయాల ఎదుట ధర్నా నిర్వహిస్తున్నట్లు సీఐ టీయూ కేంద్ర అధ్యక్షుడు తుమ్మల రాజారెడ్డి తెలి పారు. సోమవారం ఆర్కే 5 గనిని సందర్శించి కార్మికులతో మాట్లాడారు. కంపెనీ లాభాల వాటా చెల్లించడంలో తీవ్ర జాప్యం చేస్తుందన్నారు. ఏప్రిల్‌ 1నే ఉత్పత్తిని ప్రకటిస్తున్న అధికారులు లాభాలను మాత్రం ప్రకటించడానికి నెలలు గడుపుతున్నారన్నారు. వాస్తవ లాభాలను సత్వరమే ప్రకటించాల ని డిమాండ్‌ చేశారు. ఈ నెల 11, 12 తేదీల్లో సొంతింటి పథకంపై తమ యూనియన్‌ ఆధ్వర్యంలో కార్మికుల అభిప్రాయ సేకరణకు బ్యాలెట్‌ విధానం నిర్వహిస్తున్నట్లు తెలిపారు. ఈ కార్యక్రమంలో ఆ యూనియన్‌ బ్రాంచ్‌ అధ్యక్షుడు గుల్ల బాలాజీ, నాయకులు వెంగల శ్రీనివాస్‌, సురేందర్‌, ఇప్ప నరేష్‌, తిరుపతి, వెంకటేష్‌, తదితరులు పాల్గొన్నారు.

ఇచ్చోడ: బజార్‌హత్నూర్‌ మండలం సోనేరావుగూడ గ్రామానికి చెందిన జయమాల అనే గర్భి ణి అంబులెన్స్‌లో ప్రసవించింది. ఆదివారం ఆమెకు పురిటినొప్పులు రావడంతో భర్త చరణ్‌దాస్‌ అంబులెన్స్‌ సిబ్బందికి సమాచారమిచ్చారు. వారు అక్కడికి చేరుకుని ఆమెను ఇచ్చోడ పీహెచ్‌సీకి తరలిస్తుండగా మార్గమధ్యలో నొప్పులు అధికమయ్యాయి. అంబులెన్స్‌ను రోడ్డు పక్కన నిలిపి ఈఎంటీ శశికాంత్‌ ఆమెకు ప్రసవం చేయగా ఆడ్డపిల్లకు జన్మనిచ్చింది. తల్లీబిడ్డను ఇచ్చోడ పీహెచ్‌సీకి తరలించారు. ఈఎంటీ శశికాంత్‌, పైలెట్‌ జైసింగ్‌లకు మహిళ కుటుంబ సభ్యులు కృతజ్ఞతలు తెలిపారు.

కాగజ్‌నగర్‌రూరల్‌: డ్రగ్స్‌ ముఠా వెనుక కాంగ్రెస్‌ నాయకుల హస్తం ఉండటంతోనే చూసీచూడనట్లు వదిలేస్తున్నారని బీఆర్‌ఎస్‌ రాష్ట్ర ప్రధాన కార్యదర్శి ఆర్‌ఎస్‌ ప్రవీణ్‌కుమార్‌ ఆరోపించారు. హైదరాబాద్‌లోని చర్లపల్లిలో రూ.12వేల కోట్ల విలువైన డ్రగ్స్‌ ఓ కంపెనీలో పట్టుబడటం దారుణమని, దీనికి బాధ్యత వహిస్తూ సీఎం రేవంత్‌రెడ్డి రాజీనామా చేయాలని డిమాండ్‌ చేశారు. కాగజ్‌నగర్‌ మండలం కోసినిలోని ఆయన నివాసంలో ఆదివారం ఏర్పాటు చేసిన విలేకరుల సమావేశంలో మాట్లాడారు. మహారాష్ట్ర పోలీసులు నెల రోజులపాటు కాపుకాసి అన్ని ఆధారాలతో దాడులు చేసి డ్రగ్స్‌ పట్టుకున్నారని, తెలంగాణ పోలీస్‌ వ్యవస్థ పూర్తిగా విఫలమైందన్నారు. డ్రగ్స్‌ మొక్క ఎక్కడ ఉన్నా గద్దలా పీకేస్తామని, దీని కోసం ఈగల్‌ అనే ఈ కొత్త డిపార్ట్‌మెంట్‌ ప్రారంభిస్తామని చెప్పిన సీఎం చర్లపల్లిలో డ్రగ్స్‌ ఎందుకు పట్టుకోలేదని ప్రశ్నించారు. ఎస్పీఎం కార్మిక సంఘాల ఎన్నికలు నిర్వహించాలి సిర్పూర్‌ పేపరుమిల్లులో కార్మిక సంఘాల ఎన్నికలు నిర్వహించాలని ఆర్‌ఎస్‌ ప్రవీణ్‌కుమార్‌ డిమాండ్‌ చేశారు. ఇటీవల మిల్లు ప్రమాదంలో ఎన్నం భాస్కర్‌ అనే కాంట్రాక్టు కార్మికుడు గాయపడిన ఘటనపై సమగ్ర విచారణ జరిపించాలన్నారు. మిల్లు నుంచి వచ్చే విషవాయువులతో ప్రజలు ఇబ్బందులకు గురవుతున్నారన్నారు. సమావేశంలో నాయకులు శ్యాంరావు, కొంగ సత్యనారాయణ, వెంకటేశ్‌ తదితరులు పాల్గొన్నారు.

రెబ్బెన: మండలంలోని గోలేటి టౌన్‌షిప్‌లో సింగరేణి ఉన్నత పాఠశాల క్రీడామైదానంలో ఆదివారం సెపక్‌తక్రా ఉమ్మడి జిల్లా సీనియర్‌ క్రీడాకారుల ఎంపిక పోటీలు నిర్వహించారు. ఇందులో ప్రతిభ కనబర్చి ఉమ్మడి జిల్లా జట్టుకు ఎంపికై నవారు ఈనెల 20 నుంచి 22 వరకు మహబూబ్‌నగర్‌ జిల్లా వనపర్తిలో పాలిటెక్నిక్‌ కళాశాలలో జరగబోయే అంతర్‌ జిల్లాల పోటీల్లో పాల్గొంటారని అసోషియేషన్‌ ఉమ్మడి జిల్లా ఆర్గనైజింగ్‌ కార్యదర్శి కుమ్మరి మల్లేశ్‌ తెలిపారు. కార్యక్రమంలో బీఆర్‌ఎస్‌ మండల అధ్యక్షుడు పోటు శ్రీధర్‌రెడ్డి, క్రీడాకారులు నరేశ్‌, దిలీప్‌ తదితరులు పాల్గొన్నారు. ఎంపికై న క్రీడాకారులు.. సెపక్‌తక్రా ఉమ్మడి జిల్లా సీనియర్‌ పురుషుల జట్టుకు ఆడే రాజేందర్‌, ఆర్‌.వెంకటేశ్‌, చందు, రాజశేఖర్‌, రాందాస్‌, మహిళల జట్టుకు టి.అనూష, కె.స్ఫూర్తి కారుణ్య, జె.నేహశ్రీ, అభినవ రమ్య, కె. శ్రీవల్లి ఎంపికయ్యారు. జిల్లా జట్టుకు ఎంపికై న క్రీడాకారులను అసోషియేషన్‌ రాష్ట్ర ప్రధాన కార్యదర్శి శ్రీనివాస్‌రెడ్డి, ఒలింపిక్‌ అసోసియేషన్‌ జిల్లా వర్కింగ్‌ ప్రెసిడెంట్‌ ఆర్‌.నారాయణరెడ్డి, సెపక్‌తక్రా అసోషియేషన్‌ సంయుక్త కార్యదర్శి శిరీష, ఎగ్జిక్యూటివ్‌ మెంబర్‌ కె.భాస్కర్‌, ఆర్‌.రామకృష్ణ, జి.శ్రీధర్‌, పి.సాంబయ్య అభినందించారు.

మంచిర్యాలఅర్బన్‌: ఉద్యోగ, ఉపాధ్యాయులకు సీపీఎస్‌ రద్దు చేసి పాత పెన్షన్‌ విధానాన్ని అమలు చేయాలని ఎస్‌టీయూ టీఎస్‌ రాష్ట్ర ప్రధాన కార్యదర్శి సదానందంగౌడ్‌ డిమాండ్‌ చేశారు. ఆదివారం మంచిర్యాలలో రాష్ట్రోపాధ్యాయ సంఘం (ఎస్‌టీయూటీఎస్‌) జిల్లా సమావేశం నిర్వహించారు. ఈ సందర్భంగా ఆయన మాట్లాడుతూ ఉపాధ్యాయులు, పెన్షనర్‌ల పెండింగ్‌ బిల్లులను వెంటనే విడుదల చేయాలన్నారు. 317 జీవో బాధిత ఉపాధ్యాయులకు న్యాయం చేయాలన్నారు. ఉపాధ్యాయుల హక్కుల సాధనకు ఎస్‌టీయూ టీఎస్‌ నిరంతరం కృషి చేస్తోందన్నారు. జిల్లా కమిటీ ఎన్నిక అనంతరం జిల్లా కమిటీని ఎన్నుకున్నారు. జిల్లా అధ్యక్షునిగా భట్టారి వెంకటేశ్వర్లు, ప్రధాన కార్యదర్శిగా ఒడిగే కృష్ణ, గౌరవ అధ్యక్షుడిగా కరుణాకర్‌, ఉపాధ్యక్షులుగా సత్తయ్య, బాపు, వీ.పద్మ, కార్యదర్శులుగా మన్మోహన్‌, కే.మహాలక్ష్మి, పి.సత్యనారాయణ, ఆర్థిక కార్యదర్శిగా సుమన్‌ ఎన్నికయ్యారు. ఎన్నికల అధికారిగా రాష్ట్ర ఉపాధ్యక్షుడు పిన్నింటి తిరుపతిరావు వ్యవహరించారు. అనంతరం ఇటీవల పదవీ విరమణ పొందిన బీసగోని శంకర్‌గౌడ్‌, లింగయ్య, సుజాత నర్సయ్య, పదోన్నతి పొందిన దామోదర్‌, వెంకటేశ్వర్లును ఘనంగా సన్మానించారు. కార్యక్రమంలో మంచిర్యాల జిల్లా పూర్వ అధ్యక్షుడు శంకర్‌గౌడ్‌, తదితరులు పాల్గొన్నారు.

మంచిర్యాల మున్సిపల్‌ కార్పొరేషన్‌ పరిధిలోని గోదావరి తీర ప్రాంతాలు, ఎల్లంపల్లి శ్రీపాదసాగర్‌ ప్రాజెక్ట్‌ బ్యాక్‌ వాటర్‌ పర్యాటకులను కనువిందు చేస్తోంది. ఇటీవల కురిసిన భారీ వర్షాలతో పాటు ఎగువ ప్రాంతాల నుంచి వస్తున్న వరదనీరు, శ్రీరాంసాగర్‌, కడెం ప్రాజెక్ట్‌ల నుంచి వచ్చిన వరద నీటితో ఎల్లంపల్లి జలాశయం నిండుకుండలా మారి జలకళను సంతరించుకుంది. ఈ క్రమంలో ఇటు గోదావరి, అటు ఎల్లంపల్లి ప్రాజెక్ట్‌ బ్యాక్‌ వాటర్‌ అంతా కూడా వీచే గాలులతో సముద్రపు అలల్లా ఎగిసిపడుతున్నాయి. సముద్రాల్లో అలల మాదిరి సవ్వడి చేస్తూ ఆహ్లాదం పంచుతూ ఆకట్టుకుంటున్నాయి. రాపల్లి గ్రామ శివారులో గోదావరి తీరాన కనిపించిన ఈ దృశ్యాన్ని ‘సాక్షి’ క్లిక్‌ మనిపించింది. – మంచిర్యాలరూరల్‌(హాజీపూర్‌)

జైపూర్‌: సింగరేణిలో కాంట్రాక్టు కార్మికులకు కనీస వేతనాలు అమలు చేయాలని ఏఐటీయూసీ రాష్ట్ర అధ్యక్షుడు వాసిరెడ్డి సీతారామయ్య డిమాండ్‌ చేశారు. ఇందారం ఐకే–ఓసీపీలో ఆదివారం ఏఐటీయూసీ ఆధ్వర్యంలో ఏర్పాటు చేసిన సమావేశానికి కాంట్రాక్ట్‌ వర్కర్స్‌ యూనియన్‌ బెల్లంపల్లి రీజియన్‌ ప్రధాన కార్యదర్శి అఫ్రోజ్‌ఖాన్‌, రాష్ట్ర ప్రధాన కార్యదర్శి అక్బర్‌ అలీతో కలిసి ఆయన హాజరై మాట్లాడారు. తాము గుర్తింపు సంఘంగా ఉన్నప్పుడే కాంట్రాక్టు కార్మికులకు ఉద్యోగ భద్రత, వైద్య సౌకర్యం, మౌలిక వసతులు కల్పించామని తెలిపారు. ఆ తర్వాత వచ్చిన గుర్తింపు సంఘాలు కనీసం వారిని పట్టించుకోలేదన్నారు. తాము తిరిగి మళ్లీ గుర్తింపు సంఘంగా గెలిచిన వెంటనే పర్మినెంట్‌ కార్మికులకు మాదిరిగా వారికి లాభాల్లో వాటాగా రూ.5 వేలు ఇప్పించినట్లు తెలిపారు. హైపవర్‌ కమిటీ వేతనాలు, చట్టబద్ధమైన లీవు, సిక్‌, జాతీయ పండుగల సెలవులు ఇవ్వాలని సంస్థను కోరినట్లుగా తెలిపారు. అనంతరం ఓపెన్‌కాస్టులో పని చేస్తున్న కార్మికులు ఏఐటీయూసీలో చేరగా వారిని యూనియన్‌లోకి ఆహ్వానించారు.

ఈ నెల 9, 10, 11 తేదీల్లో వైద్యులు, సిబ్బందికి ముందస్తుగా హెపటైటిస్‌ వ్యాక్సిన్‌ వేయనున్నాం. మంచిర్యాల ప్రభుత్వ జనరల్‌ ఆస్పత్రిలోని సూపరింటెండెంట్‌తో పాటు, ప్రొఫెసర్లు, వైద్యులు, సిబ్బంది, పారిశుద్ధ్య సిబ్బందికి, బెల్లంపల్లి, చెన్నూర్‌, లక్సెట్టిపేట్‌ సీహెచ్‌సీల వైద్యులు, సిబ్బంది, ప్రభుత్వ మెడికల్‌ కళాశాల విద్యార్థులు, నర్సింగ్‌ విద్యార్థులకు వ్యాక్సిన్‌ వేయనున్నాం. ఆతర్వాత పీహెచ్‌సీలతో పాటు ఇతర ఆరోగ్య కేంద్రాల్లోని వైద్యసిబ్బందికి, ఆతర్వాత జిల్లా వైద్య ఆరోగ్య శాఖలో పనిచేస్తున్న ప్రోగ్రాం ఆఫీసర్లు, ఇతర సిబ్బంది, డీఎంహెచ్‌వోలకు వ్యాక్సిన్‌ వేయడం జరుగుతుంది. – డాక్టర్‌ అనిత, ఇన్‌చార్జి డీఎంహెచ్‌వో

జన్నారం: వ్యవసాయరంగంలో కూలీల కొరత ఏర్పడుతుండడంతో రైతులు యాంత్రీకరణ, ఆధునిక యంత్రాలవైపు దృష్టి సారిస్తున్నారు. రోజురోజుకు సాగు భారంగా మారడంతో అరకలకు స్వస్తి చెప్పి ట్రాక్టర్లు, వీడర్లు, డ్రోన్లు, తైవాన్‌ బ్యాటరీ స్ప్రేయర్లు, కలుపుతీత యంత్రాల కొనుగోలు వైపు రైతులు అడుగులు వేస్తున్నారు. ప్రస్తుతం వ్యవసాయంలో యంత్రాల సహాయం రోజురోజుకూ పెరిగిపోతోంది. ఎడ్లు, నాగళ్లు పోయి ట్రాక్టర్లు వచ్చాయి. పొలం చదును చేసింది మొదలు, నాటువేసి, పొలం కోసేంత వరకు రైతులు యంత్రాలనే ఉపయోగిస్తున్నారు. కొడవళ్లతో పొలం కోసి, కుప్పలు పెట్టి, తూర్పార పట్టే రోజులు పోయాయి. హార్వెస్టర్‌ ద్వారా పొలాన్ని కోయించడంతో గంటల వ్యవధిలోనే వరిధాన్యం ఇంటికి చేరుతోంది. ప్రభుత్వం జిల్లాల వారీగా విజ్ఞాన కేంద్రాల ఏర్పాటుకు తీసుకున్న నిర్ణయంతో రైతులకు మరింత దన్ను లభించనుంది. ప్రభుత్వం యంత్ర పరికరాలకు రాయితీ కల్పిస్తే రైతుల్లో మరింత భరోసా పెరగనుంది. పెరుగుతున్న యంత్రసాయం వ్యవసాయరంగంలో రోజురోజుకూ సమూల మార్పులు వస్తున్నాయి. మంచిర్యాల జిల్లాలో ఎక్కువశాతం మంది రైతులు అత్యధికంగా పత్తి, వరి పంటను సాగు చేస్తున్నారు. జిల్లాలో 1,48,962 ఎకరాల్లో వరి, 1,60,987 ఎకరాల్లో పత్తి, 255 ఎకరాల్లో మొక్కజొన్న, 921 ఎకరాల్లో కందులు, 165 ఎకరాల్లో పెసర్లు పంటలు సాగు చేస్తున్నారు. మారుతున్న కాలంతో పాటు వ్యవసాయంలో కూలీల కొరత ఏర్పడుతుండడంతో రైతులు యంత్ర సహాయం తీసుకుంటున్నారు. కలియదున్నడానికి వీడర్లు పంటల్లో దున్నడం, జంబు కొట్టేందుకు అరకలు వాడేవారు. పశుపోషణ భారంగా మారడంతో రైతులు వీడర్లు కొనుగోలు చేస్తున్నారు. వివిధ రకాల యంత్రాలను వ్యవసాయానికి వాడుతున్నారు. వీడర్‌లో ఒక లీటర్‌ పెట్రోల్‌ తో ఎకరం భూమిని దున్నవచ్చు. దుక్కిదున్నితే లోపల మట్టి బయటకు, బ యట మట్టి లోపలికి వెళ్లి భూమి సారవంతం అవుతుంది. ఇలా చేయడం వల్ల ఎరువులు భూమిలో కలిసిపోయి పంటలకు పోషకాలు అందుతాయి. డ్రోన్‌తో పిచికారీ పంటలను ఆశించిన చీడపీడలను నివారించేందుకు స్ప్రేయర్లతో పిచికారీ చేయడం పాత పద్ధతి. ఇప్పుడు పంటలకు రసాయనాలు పిచికారీ చేసేందుకు డ్రోన్‌లు వచ్చేశాయి. డ్రోన్‌ ద్వారా రోజుకు 30 నుంచి 40 ఎకరాల వరకు పురుగుల మందు పిచికారీ చేయవచ్చని రైతులు పేర్కొంటున్నారు. అంతేకాకుండా రైతులకు తక్కువ సమయంలోనే ఎక్కువ విస్తీర్ణంలో మందులు పిచికారీ చేయవచ్చు. కూలీలకు శ్రమ కూడా తగ్గుతుంది. 12 లీటర్ల సామర్థ్యం గల డ్రోన్‌ అరగంటకు ఎకరం విస్తీర్ణంలో మందులు పిచిచారీ చేస్తుందని నిర్వాహకులు చెబుతున్నారు. డ్రోన్‌ ద్వారా మందులు పిచికారీ చేయడం వల్ల సమయం, ఖర్చు ఆదా అవుతుందని రైతులు పేర్కొంటున్నారు. దీంతో పాటు పంట చేలల్లో పాములు, తేళ్ల బారినుంచి రక్షణ పొందవచ్చు. ఒక డ్రోన్‌ రూ.5 లక్షల వరకు లభిస్తోంది. దీనిని ప్రభుత్వం రాయితీపై అందజేస్తే రైతులకు ప్రయోజనం కలగనుంది. సౌర కంచెలు పంటలను అడవి పందులు, కోతులు ఇతర జంతువుల భారి నుంచి కాపాడుకోవడానికి చాలామంది రైతులు సౌర పరికరాలను కొనుగోలు చేస్తున్నారు. బ్యాటరీ సహాయంతో పొలం చుట్టూ కంచెలను ఏ ర్పాటు చేస్తున్నారు. జంతువులు, ప్రజలకు ఎలాంటి హాని లేకుండా పంటలను కాపాడుకోవచ్చు.ఉపాధి లభిస్తోందిడ్రోన్‌ వినియోగం గురించి జయశంకర్‌ వ్యవసాయ యూనివర్సిటీలో వారం రోజులు శిక్షణ ఇచ్చారు. నెల రోజుల క్రితం రూ.5 లక్షలు వెచ్చించి డ్రోన్‌, నాలుగు బ్యాటరీలు తీసుకున్నా. 12 లీటర్ల సామర్థ్యం గల ఈ డ్రోన్‌ పిచికారి యంత్రంతో ఒక్కసారి ఎకరం పొలానికి మందు పిచికారీ చేయవచ్చు. ఎకరాకు రూ.500 చొప్పు తీసుకుంటున్నా. పరిసర ప్రాంతాల రైతులు మందు పిచికారీ కోసం వస్తుండడంతో ఉపాధి లభిస్తోంది. – చిట్యాల నరేశ్‌, కలమడుగురైతుకు ప్రోత్సాహంరైతులకు వ్యవసాయం కోసం ప్రభుత్వం వివిధ రీతుల్లో ప్రోత్సాహం అందిస్తుంది. ఇప్పటికే సబ్సిడీపై యంత్రాలను అందించే యోచనలో ప్రభుత్వం ఉంది. నారుమడి దున్నడం నుంచి నాటు వేసే వరకు యంత్రాల వాడకం గురించి రైతులకు వివరిస్తున్నాం. మండలంలో మొదటిసారి డ్రోన్‌తో మందులు పిచికారీ చేస్తున్నారు. రైతులకు యంత్ర సాయం కోసం ప్రభుత్వం సహకరిస్తుంది. – సంగీత, ఏవో, జన్నారం

మూసివేసిన కాల్వ శ్రీలక్ష్మీ నరసింహస్వామి ఆలయ ప్రధాన ద్వారం‘గూడెం’ వద్ద..మూసివేసిన శ్రీ లక్ష్మీనారాయణస్వామి ఆలయం దిలావర్‌పూర్‌లో.. దిలావర్‌పూర్‌: మండలంలోని ప్రధాన ఆలయాలను ఆదివారం మధ్యాహ్నం మూసివేశారు. స్థానిక ఏకనాథుని, రేణుక ఎల్లమ్మ, నవాంజనేయ, శ్రీమాతా న్నపూర్ణ పాపహరేశ్వర, కాల్వ పరిసర అటవీ ప్రాంతంలోని శ్రీలక్ష్మీ నరసింహస్వామి ఆలయాలను అర్చకులు మూసివేశారు. సోమవారం సంప్రోక్షణ అ నంతరం భక్తులకు దర్శనం కలుగజేస్తామని ఆలయ వర్గాలు వెల్లడించాయి. జైనథ్‌లో జైనథ్‌: మండల కేంద్రంలో శ్రీ లక్ష్మీనారాయణస్వామి ఆలయానికి ఆదివారం ఉదయం 10:30 గంటలకు మూసివేశారు. తిరిగి సోమవారం ఉదయం 4:00 గంటలకు తెరవనున్నారు. గ్రహ సంప్రోక్షణ, అనంతరం స్వామివారికి హారతి కార్యక్రమం తర్వాత 6 గంటలకు భక్తులకు స్వామివారి దర్శనం ఉంటుందని ఈవో చంద్రశేఖర్‌ తెలిపారు. దండేపల్లి: సంపూర్ణ చంద్రగ్రహణం సందర్భంగా ఆదివారం మధ్యాహ్నం 12 గంటలకు దండేపల్లి మండలంలోని గూడెం సత్యనారాయణస్వామి ప్రధాన ఆలయంతోపాటు, అనుబంధ ఆలయాలను మూసివేశారు. తిరిగి సోమవారం ఉదయం సంప్రోక్షణ అనంతరం భక్తుల దర్శనాలు ప్రారంభమవుతాయని ఆలయ ఈవో శ్రీనివాస్‌ పేర్కొన్నారు.

నేరడిగొండ: అడవి పందు ల బారి నుంచి పంట కాపాడుకునేందుకు కాపలా వెళ్లిన యువ రైతు పా ముకాటుకు గురై మృతి చెందాడు. మండలంలోని గాజిలి గ్రామంలో ఈ ఘ టన చోటుచేసుకుంది. గ్రా మానికి చెందిన అనసూయ–వెంకట్‌ దంపతులకు ఇద్దరు కుమారులు, ఒక కుమార్తె ఉన్నా రు. గ్రామంలో పదెకరాల వ్యవసాయం చేసుకుని కుటుంబాన్ని పోషించుకుంటున్నారు. రెండో కుమారుడు యువ రైతు చిక్రం లింగు (20) బుధవారం రాత్రి వారి పంట కాపలా కోసం అక్కడికి వెళ్లాడు. గురువారం ఉదయం ఇంటికి రాకపోయేసరికి కుటుంబీకులు వెళ్లి చూడగా లింగు అపస్మారక స్థితిలో పడి ఉన్నాడు. స్థానిక వైద్యుడికి చూపించగా, మెరుగైన వైద్యం కోసం 108లో ఆదిలాబాద్‌ రిమ్స్‌కు తరలించారు. శనివారం రాత్రి చికిత్స పొందుతూ మృతిచెందినట్లు వైద్యులు నిర్ధారించారు.

ఎస్సారెస్పీ, కడెం ప్రాజెక్ట్‌లతోపాటు ఎగువ ప్రాంతాల నుంచి వస్తున్న భారీ వరదతో ఎల్లంపల్లి జలాశయం నిండుకుండలా మారింది. ఆదివారం ప్రాజెక్ట్‌ నీటిమట్టం 148 మీటర్ల క్రస్ట్‌ లెవెల్‌కు గాను 147.58 మీటర్లకు 148, 20.175 టీఎంసీలకు గాను 20.175 టీఎంసీలతో ఉంది. ఇన్‌ఫ్లో కింద 1,500 క్యూసెక్కుల నీరు వచ్చి చేరుతుండగా అవుట్‌ ఫ్లో కింద హైదరాబాద్‌ మెట్రో వాటర్‌ వర్క్స్‌ పథకానికి 315 క్యూసెక్కుల నీటిని తరలిస్తున్నారు. 2 గేట్లు తెరిచి 1,185 క్యూసెక్కుల నీటిని గోదావరిలోకి వదిలిపెడుతున్నారు. – మంచిర్యాలరూరల్‌(హాజీపూర్‌)

శ్రీరాంపూర్‌: సింగరేణి శ్రీరాంపూర్‌ ఏరియా డబ్ల్యూపీఎస్‌, జీఏ 2025–26 వార్షిక క్రీడా షెడ్యూల్‌ను యాజమాన్యం ప్రకటించింది. ప్రతి సంవత్సరం నిర్వహిస్తున్న ఈ క్రీడాపోటీలు ఈ నెల 10 నుంచి శ్రీరాంపూర్‌లోని ప్రగతి మైదానంలో ప్రారంభం కానున్నాయి. ఇందుకు ప్రత్యేక టీంలు ఏర్పాటు చేశారు. ఏరియాలోని గనులు, డిపార్టుమెంట్లను కలిపి మొత్తం నాలుగు గ్రూప్‌లుగా చేశారు. ఈ గ్రూపుల మధ్య పోటీలు నిర్వహించనున్నారు. ఏరియా స్థాయిలో ప్రతిభ కనబర్చిన క్రీడాకారులను కంపెనీ స్థాయి పోటీలకు ఎంపిక చేస్తారు. అక్కడ ప్రతిభ కనబర్చిన క్రీడాకారులను జాతీయ స్థాయిలో జరిగే కోలిండియా పోటీలకు ఎంపిక చేస్తారు. ప్రగతి మైదానంలోనే పోటీలు ఈ ఏడాది కూడా క్రీడా పోటీలన్నీ ప్రగతి మైదానంలో నిర్వహించనున్నారు. 10న వాలీబాల్‌, 11న బాస్కెట్‌బాల్‌, 12న బాల్‌ బ్యాడ్మింటిన్‌ పోటీలు ఉంటాయి. ఇందులో ప్రతీ గ్రూప్‌ నుంచి 8 మంది క్రీడాకారులు జట్టులో ఉంటారు. 13, 14 తేదీల్లో అథ్లెటిక్స్‌ (మెన్‌, ఉమెన్‌), త్రోబాల్‌ (ఉమెన్‌), స్విమ్మింగ్‌ (మెన్‌), 14న బాడీ బిల్డింగ్‌, వెయిట్‌ లిఫ్టింగ్‌, పవర్‌ లిఫ్టింగ్‌, షటిల్‌ బ్యాడ్మింటన్‌, టేబుల్‌ టెన్నిస్‌, 15న ఫుట్‌బాల్‌, 16న హాకీ పోటీలు ఉంటాయి. ఇందులో ప్రతీ జట్టులో 14 మంది క్రీడాకారులు ఉంటారు. 17న లాన్‌టెన్నిస్‌, 18న కబడ్డీ, 20, 21న క్రికెట్‌, 21న చెస్‌, క్యారమ్స్‌ పోటీలు, 26న కల్చరల్‌ పోటీలు నిర్వహించనున్నారు. స్విమ్మింగ్‌ పోటీలు సీసీసీలోని సింగరేణి స్విమ్మింగ్‌ పూల్‌లో జరుగనున్నాయి. స్పోర్ట్స్‌ మెటీరియల్‌ కొరత.. సింగరేణి వార్షిక క్రీడల షెడ్యూల్‌ విడుదలైనప్పటికీ ఇప్పటి వరకు క్రీడా సామగ్రి, కీడ్రాకారులకు దుస్తులు రాలేదు. గడిచిన మూడేళ్ల నుంచి ఇవి సరఫరా కావడంలేదు. దీంతో వాలీబాల్స్‌, ఫుట్‌బాల్స్‌, హాకీ స్టిక్స్‌, నెట్స్‌, తదితర క్రీడాసామగ్రి కొరత తీవ్రంగా ఉంది. క్రీడాకారులకు అందించే క్రీడాదుస్తులు, షూస్‌ కూడా సమకూర్చకుండానే పోటీలు నిర్వహించడానికి సిద్ధం కావడంతో క్రీడాకారులు అభ్యంతరం వ్యక్తం చేస్తున్నారు. కంపెనీ రానురాను క్రీడలను తీవ్ర నిర్లక్ష్యం చేస్తుందని క్రీడాకారులు వాపోతున్నారు. ఇదిలా ఉంటే మెటీరియల్‌ కొరతపై అధికారులను సంప్రదించగా కొనుగోలు పూర్తి అయ్యిందని, ఒకటి రెండు రోజుల్లో క్రీడా సామగ్రి, దస్తులు రాబోతున్నాయని తెలిపారు.గ్రూపులు ఇవే..ఎస్పార్పీ గ్రూప్‌ : ఎస్సార్పీ 1, ఎస్సార్పీ 3, 3ఏ ఆర్కే I గ్రూప్‌ : ఆర్కే 6, ఐకే 1ఏ ఆర్కే II గ్రూప్‌ : ఆర్కే 7, ఆర్కే న్యూటెక్‌ అదర్స్‌ గ్రూప్‌ : ఎస్సార్పీ ఓసీపీ, ఐకే ఓసీపీ, ఎస్టీపీపీ, ఇతర డిపార్టుమెంట్లు

మంచిర్యాలటౌన్‌: మంచిర్యాలలో శనివారం వినాయక నిమజ్జనం కార్యక్రమంలో భాగంగా మంచిర్యాల ఎమ్మెల్యే కొక్కిరాల ప్రేమ్‌సాగర్‌రావుపై అసత్య ఆరోపణలు చేసిన మాజీ ఎ మ్మెల్యే నడిపెల్లి దివాకర్‌రావుపై చర్యలు తీసుకోవాలని హిందుత్వవాదులు, ఛత్రపతి శివా జీ అభిమానులు, కాంగ్రెస్‌ నాయకులు పేర్కొన్నారు. ఆదివారం పోలీసులకు ఫిర్యాదు చేసిన అనంతరం మాట్లాడారు. గణేశ్‌ నిమజ్జనాన్ని హిందూ ఉత్సవ సమితి ఆధ్వర్యంలో నిర్వహించగా, వేదికపైకి వచ్చిన మాజీ ఎమ్మెల్యే దివాకర్‌రావు అసత్యపు మాటలతో రాజకీయ వేదికగా మార్చి, విద్వేషాలతో ప్రజలను రెచ్చగొట్టే ప్రయత్నం చేశారన్నారు. మాజీ ఎమ్మెల్యేతోపాటు అనుచరులపై మంచిర్యాల పోలీస్‌స్టేషన్‌లో ఫిర్యాదు చేసినట్లు తెలిపారు. మూడు ఆలయాల్లో చోరీఖానాపూర్‌: పట్టణంలోని వీరబ్రహ్మేంద్రస్వామి ఆలయంతోపాటు తర్లపాడ్‌లోని ఓంకారేశ్వర, అగ్గిమల్లన్న ఆలయాల్లో శనివారం రాత్రి చోరీ జరిగింది. వీరబ్రహ్మేద్ర స్వామి ఆలయంలో 6 సీసీ కెమెరాలు, డీవీఆర్‌, 4 గ్రాముల పు స్తెలు, ఓంకారేశ్వర ఆలయంలో సీసీ కెమెరాతో పాటు హుండీలో నగదు, కానుకలు, అగ్గిమల్లన్న ఆలయంలో హుండీని పగులగొట్టి నగదు, కానుకలను దొంగలు ఎత్తుకెళ్లారు. పట్టణంలో ని శివాజీనగర్‌ కాలనీకి చెందిన సూదం శ్రీని వాస్‌ బైక్‌ను దొంగిలించారు. ఆలయకమిటీ సభ్యుల ఫిర్యాదులపై కేసులు దర్యాప్తు చేస్తున్నామని ఎస్సై రాహుల్‌ గైక్వాడ్‌ తెలిపారు.

కడెం: కడెం ప్రాజెక్ట్‌ అందాలు బాగున్నాయని, పాపికొండలను తలపిస్తుందని హైకోర్టు జడ్జి సృజన అన్నారు. శనివారం రాత్రి కుటుంబ సభ్యులతో కడెం వచ్చారు. బృందావన్‌ రిసార్ట్స్‌లో విడిది అనంతరం ఆదివారం ఉదయం కడెం ప్రాజెక్ట్‌ను సందర్శించారు. ఆయకట్టు, వరద గేట్లు, నీటిమట్టం తదితర వివరాలను తెలుసుకున్నారు. అనంతరం మిషన్‌ భగీరథ ఇంటెక్‌వెల్‌ను పరిశీలించారు. ప్రాజెక్ట్‌లో కుటుంబ సభ్యులతో కలిసి బోటింగ్‌ చేశారు. ఆమె వెంట జిల్లా ప్రధాన న్యాయమూర్తి శ్రీవాణి, ఆర్‌ఐ శారద, రెవెన్యూ, పోలీసు, ఇరిగేషన్‌ సిబ్బంది ఉన్నారు.

రెబ్బెన: రాష్ట్రస్థాయి బాల్‌బ్యాడ్మింటన్‌ పోటీల్లో జిల్లా క్రీడాకారులు అద్భుతమైన ఆటతీరును ప్రదర్శించి జిల్లాకు మరింత పేరు తీసుకురావాలని బీజేపీ జిల్లా ఉపాధ్యక్షుడు గుల్బం చక్రపాణి అన్నారు. గోలేటి టౌన్‌షిప్‌లోని సింగరేణి ఉన్నత పాఠశాల మైదానంలో ఆదివారం ఉమ్మడి ఆదిలాబాద్‌ జిల్లా అండర్‌–14 బాల్‌ బ్యాడ్మింటన్‌ క్రీడాకారుల ఎంపిక పోటీలు నిర్వహించారు. పోటీలకు సుమారు 30 మంది బాలికలు, 20 మంది బాలుర హాజరయ్యారు. అనంతరం క్రీడాకారులకు పోటీలు నిర్వహించి జిల్లా జట్లను ఎంపిక చేశారు. ఈనెల 13 నుంచి 14 వరకు జనగామ జిల్లా కూనురులో జరిగే రాష్ట్రస్థాయి పోటీల్లో వారు పాల్గొంటారని బాల్‌ బ్యాడ్మింటన్‌ అసోసియేషన్‌ ప్రధాన కార్యదర్శి ఎస్‌.తిరుపతి తెలిపారు. కార్యక్రమంలో బీఆర్‌ఎస్‌ మండల అధ్యక్షుడు పోటు శ్రీధర్‌రెడ్డి, సీనియర్‌ క్రీడాకారులు నరేశ్‌ పాల్గొన్నారు. ఎంపికై న క్రీడాకారులు ఉమ్మడి జిల్లా బాల్‌బ్యాడ్మింటన్‌ బాలిక జట్టుకు ఎం.సహాస్ర, టి.ప్రజ్వల శ్రీ, పి.శ్రావ్య,ఎస్‌.సాయిశ్రీ వర్షిణి, డి.వేరోనికా, జి.హన్నా, పి.సిరి, బి.రాజేశ్వరి, పి.పవిత్ర, ఎండీ అల్వీన, ఎస్‌.రిషిత, డి.నందిని, ఎస్‌.విజయస్పూర్తి, ఎండీ జేబా, బాలుర జట్టుకు వరుణ్‌, నిఖిల్‌, ఎం.కృష్ణ లోకనందు, సీహెచ్‌ అఖిల్‌, బి.రాఘవ, బి.ఆంజనేయులు, కె.స్ట్టీఫెన్‌, జె.అశ్విన్‌, ఎం.తిరుపతి, సీహె చ్‌ అరవింద్‌, డి.విష్ణువర్ధన్‌, ఎం.త్రిచూర్‌ కృష్ణ ఎంపికయ్యారు.

లక్ష్మణచాంద: పోగొట్టుకున్న ఆభరణాలు, నగదును బాధితురాలికి అప్పగించి ఆటోడ్రైవర్‌ నిజాయితీ చాటుకున్నాడు. వివరాలు ఇలా ఉన్నాయి..కడెం మండల కేంద్రానికి చెందిన కొంక సుజాత ఖానాపూర్‌లో ఆరోగ్యమిత్రగా విధులు నిర్వహిస్తోంది. ఆమె కుమార్తె వివాహానికి 16 తులాల బంగారు ఆభరణాలు నిర్మల్‌లో చేయించింది. శనివారం కుమారుడితో కలిసి బంగారు ఆభరణాలు తీసుకుని బైక్‌ పక్కన బ్యాగులో ఉంచి మధ్యాహ్నం కడెంకు బయల్దేరారు. ఈక్రమంలో బ్యాగు ఎక్కడో పడిపోయింది. ఈ విషయమై సోషల్‌ మీడియాలో పోస్టు చేశారు. లక్ష్మణచాంద మండలం రాచాపూర్‌కు చెందిన ఆటోడ్రైవర్‌ తక్కల సాయికుమార్‌ నిర్మల్‌ నుంచి లక్ష్మణచాంద వెళ్తున్నాడు. నిర్మల్‌రూరల్‌ మండలం కొండాపూర్‌ ఫ్‌లైఓవర్‌ సమీపంలో 61వ జాతీయ రహదారిపై బ్యాగు పడి ఉండడాన్ని గమనించి ఇంటికి తీసుకెళ్లాడు. సోషల్‌ మీడియాలో చూసిన సాయికుమార్‌ ఆదివారం బాధితురాలి వివరాలు తెలుసుకున్నాడు. రాచాపూర్‌లో 16 తులాల బంగారు ఆభరణాలు ఉన్న బ్యాగును ఆమెకు అందించారు. బ్యాగు అందించి నిజాయితీ చాటిన సాయికుమార్‌ను సుజాత కుటుంబ సభ్యులు, పలువురు అభినందించారు.

పాతమంచిర్యాల: బేవరేజస్‌ హమాలీ కార్మికులకు సంక్షేమ బోర్డు ఏర్పాటు చేయాలని సీఐటీయూ రాష్ట్ర ప్రధాన కార్యదర్శి పాలడుగు భాస్కర్‌ డిమాండ్‌ చేశారు. ఆదివారం జిల్లా కేంద్రంలోని హరిత ఫంక్షన్‌హాల్‌లో తెలంగాణ బేవరేజస్‌ వర్కర్స్‌ యూని యన్‌ 4వ రాష్ట్ర మహాసభ నిర్వహించారు. అంతకుముందు పట్టణంలో బైక్‌ర్యాలీ నిర్వహించారు. సభ ప్రాంగణం వద్ద సీఐటీయూ జెండా ఎగురవేసి అమరులకు నివాళులర్పించారు. ఈ సందర్భంగా ఆయన మాట్లాడుతూ తెలంగాణ వ్యాప్తంగా బేవరేజస్‌ కార్పొరేషన్‌లో 2 వేల మంది హమాలీ కార్మికులు పని చేస్తున్నారని, బేవరేజ్‌ల ద్వారా రాష్ట్ర ప్రభుత్వానికి ఏటా రూ.40 వేల కోట్ల ఆదాయం సమకూరుతోందన్నారు. ఆదాయం ఉన్నప్పటికీ ప్రభుత్వం ప్రైవేట్‌ గోదాములలోనే సరుకు నిల్వ చేస్తున్నారన్నారు. అందులో సరైన వసతులు లేక కార్మికులు ఇబ్బందులు పడుతున్నారన్నారు. యూనియన్‌ రాష్ట్ర గౌరవ అధ్యక్షుడు వంగూరు రాములు మాట్లాడుతూ హమాలీ కార్మికులకు పనికి తగిన వేతనం, పనిస్థలాల్లో భద్రత లేదన్నారు. ఈఎస్‌ఐ, పీఎఫ్‌ సౌకర్యం కల్పించాలన్నారు. అధిక బరువులు మోయడం వల్ల యుక్త వయస్సులోనే రోగాల బారిన పడతున్నారని, వారికి ఆదరణ కల్పించాల్సి న బాధ్యత ప్రభుత్వంపై ఉందన్నారు. కార్యక్రమంలో సీఐటీయూ జిల్లా కార్యదర్శి దుంపల రంజిత్‌కుమార్‌, జిల్లా ఉపాధ్యక్షులు గోమాస ప్రకాష్‌, దాసరి రాజేశ్వరి, నాయకులు చల్లూరి దేవదాస్‌, తదితరులు పాల్గొన్నారు.

ఇచ్చోడ: ఉమ్మడి జిల్లా వ్యాప్తంగా త్వరలో నిర్వహించే ఎస్జీఎఫ్‌ క్రీడలను విజయవంతం చేయాలని ఆదిలాబాద్‌ జిల్లా కార్యదర్శి ఆడే రామేశ్వర్‌ కోరారు. మండల కేంద్రంలోని జెడ్పీ పాఠశాలలో ఆదివారం నిర్వహించిన సమావేశంలో క్రీడాజట్ల ఎంపిక పోటీల నిర్వహణపై చర్చించారు. 43 క్రీడాంశాల్లో 14, 17 ఏళ్ల విభాగం బాలుర, బాలికల జోనల్‌ వేదికలు ఖరారు చేసినట్లు తెలిపారు. జట్ల ఎంపికను పారదర్శకంగా నిర్వహిస్తామన్నారు. జిల్లా విద్యాశాఖ అధికారులు, వ్యాయామ ఉపాధ్యాయ, క్రీడా సంఘాలు, పీడీ, పీఈటీలు, సహకారంతో పోటీలు విజయవంతం చేయాలని తీర్మానించినట్లు తెలిపారు. సమావేశంలో మంచిర్యాల, నిర్మల్‌, ఆసిఫాబాద్‌ జిల్లాల ఎస్‌జీఎఫ్‌ కార్యదర్శులు ఎండీ యాకుబ్‌, రవీందర్‌గౌడ్‌, వెంకటేశ్‌, ఆదిలాబాద్‌, నిర్మల్‌ జిల్లా వ్యాయమ విద్యా ఉపాధ్యాయ సంఘం అధ్యక్ష, ప్రధాన కార్యదర్శులు కె,పార్ధసారఽథి, బుక్యా రమేశ్‌, కె.భోజన్న, సాయికుమార్‌, మోహన్‌రెడ్డి పాల్గొన్నారు.

చెన్నూర్‌: చెన్నూర్‌ ఎస్బీఐ–2 బ్రాంచిలో కుంభకోణం రాష్ట్ర వ్యాప్తంగా సంచలనం సృష్టించింది. 20 కిలోల బంగారు ఆభరణాలు, రూ.1.10 కోట్ల నగదు కోంభకోణ కేసును పక్షం రోజుల్లో రామగుండం సీపీ నేతృత్వంలో మంచిర్యాల డీసీపీ భాస్కర్‌, జైపూర్‌ ఏసీపీ వెంకటేశ్వర్లు ఆధ్వర్యంలో చెన్నూర్‌ సీఐ దేవేందర్‌రావు 90 శాతం పురోగతి సాధించినట్లు తెలిసింది. పోలీసులు సుమారు 19 కిలోల బంగారు ఆభరణాలు రికవరీ చేసినట్లు తెలిసింది. ఈనెల 3 నుంచి 6 తేదీ వరకు గణేశ్‌ నిమజ్జనంలో పోలీసు అధికారులు బిజీబిజీగా ఉన్నారు. సోమవారం పనిదినాలు కావడంతో రెండు రోజుల్లో పూర్తిస్థాయిలో బంగారు అభరణాలు రికవరీ చేసే అవకాశం ఉందని సమాచారం. రికవరీ బంగారం కోర్టు ద్వారానే.. పోలీసులు పూర్తిస్థాయిలో రికవరీ చేసిన బంగారు ఆభరణాలను కోర్టులో అప్పగిస్తారని తెలిసింది. బ్యాంక్‌ లీగల్‌ అడ్వయిజర్‌ బ్యాంక్‌లో మాయమైన ఆభరణాల వివరాలను కోర్టుకు అప్పగించి స్వాధీనం చేసుకుంటారని సమాచారం. ఇదంతా పక్షం రోజులు పడుతుందని తెలిసింది. కోర్టు ద్వారా బ్యాంక్‌ స్వాధీనం చేసుకున్న తర్వాత బాధితుల వారీగా నగలు పరిశీలించాల్సి ఉంటుంది. 20 కిలోల బంగారు ఆభరణాలు కావడంతో 402 మంది బాఽధితులకు సంబంధించినవి వేరు చేయాలంటే రెండు నెలలు పట్టే అవకాశం ఉందని బ్యాంక్‌ అధికారులు అంటున్నారు. నేడు బ్యాంక్‌ ఎదుట ఆందోళన? ఎస్బీఐలో గోల్డ్‌ రికవరీ అయిన తర్వాత ఆభరణా లు ఎప్పుడిస్తారనే అనుమానం బాధితులను వెంటాడుతుంది. పూర్తిస్థాయిలో అధికారులు తమకు ఎప్పుడిస్తారనే సమాచారం లేక సోమవారం బ్యాంక్‌ ఎదుట ఆందోళనకు సిద్ధమవుతున్నట్లు తెలిసింది. అధికారులు స్పష్టమైన హామీ ఇచ్చేవరకు ఆందోళన కొనసాగిస్తామని పలువురు బాధితులు చర్చించుకుంటున్నట్లు తెలిసింది.

నెన్నెల: మండలంలోని గంగారం పెద్ద చెరువు మత్తడి వాగుపై వంతెన నిర్మాణానికి బెల్లంపల్లి ఎమ్మెల్యే గడ్డం వినోద్‌ రూ.3 కోట్ల 15 లక్షల ఐటీడీఏ నిధులను మంజూరు చేశారు. ఆదివా రం గంగారం, చిన్నవెంకటాపూర్‌, కొత్తూర్‌ గ్రా మాల ప్రజలు ఎమ్మెల్యే చిత్రపటానికి క్షీరాభిషే కం చేశారు. ఎమ్మెల్యే ఎన్నికల్లో ఇచ్చిన హామీ మేరకు ప్రత్యేక చొరవ తీసుకోవడంతో దశాబ్దాల కల సాకారం కానుందని, ఎమ్మెల్యేకు ప్రత్యేక కృతజ్ఞతలు తెలిపారు. బ్రిడ్జి నిర్మాణంతో రవాణా సౌకర్యాలు మెరుగుపడి తమ కష్టాలు తీరనున్నాయని ఆనందం వ్యక్తం చేశారు. కాంగ్రెస్‌ పార్టీ గంగారాం గ్రామశాఖ అధ్యక్షుడు జాడి రాజ్‌కుమార్‌ను శాలువాతో సత్కరించారు. ఈ కార్యక్రమంలో కాంగ్రెస్‌ నాయకులు శ్రీరాముల దేవేందర్‌, తిరుమలేష్‌, బిస్మయ్య, జలీల్‌,స్వామి, రెడ్డి, కస్తూరి పోశం, అంకయ్య, తదితరులు పాల్గొన్నారు.

గత ఏడాది సంక్రాంతి పండుగ వేళ సికింద్రాబాద్‌ నుంచి మంచిర్యాలకు వచ్చిన ఇంటర్‌సిటీ రైలులో కనిపించిన దృశ్యమిది. ప్రయాణికులు కిక్కిరిసిపోయి ఉండడంతో కాలు తీసి కాలు పెట్టే అవకాశం లేకపోయింది. దీంతో చిన్నపిల్లలు, వృద్ధులు, మహిళలు గంటల తరబడి నిల్చుని తమ గమ్యస్థానాలకు చేరుకున్నారు. ప్రస్తుతం బతుకమ్మ, దసరా సెలవుల్లోనూ పండుగ రద్దీ అధికంగా ఉంటుంది. ఈ క్రమంలో సికింద్రాబాద్‌–సిర్పూర్‌కాగజ్‌నగర్‌ మధ్య ప్రత్యేక రైలు నడపాలని ప్రయాణికులు డిమాండ్‌ చేస్తున్నారు.సాక్షి ప్రతినిధి, మంచిర్యాల: ఉత్తర తెలంగాణ ప్రాంత రైలు మార్గాల్లో పండుగలు, పర్వదినాల్లో రెట్టింపు ప్రయాణికులతో రైళ్లన్నీ కిక్కిరిసిపోతున్నాయి. తెలంగాణలో అతిపెద్ద పండుగ బతుకమ్మ, దసరాకు వేలాది మంది రాకపోకలు సాగిస్తుంటారు. విద్యాసంస్థలకు సెలవులతో విద్యార్థులు, తల్లిదండ్రులు గ్రామాలు, పట్టణాలకు వెళ్తుంటారు. రద్దీ పెరిగి సికింద్రాబాద్‌, సిర్పూర్‌ కాగజ్‌నగర్‌ వరకు ఈ ప్రాంత ప్రయాణికులు అవస్థలు పడుతున్నారు. ఆంధ్రా వైపేనా.. ప్రత్యేక రైళ్లు వేస్తున్నప్పటికీ ఆంధ్రాలోని కాకినాడ, నరసాపురం, మచిలీపట్నం, విజయవాడ, గుంటూరు నగరాలకు రాకపోకలు సాగిస్తున్నాయి. సంక్రాంతితోపాటు ఇతర పండుగ సమయాల్లో ఆంధ్రా వైపు స్పెషల్‌ ట్రైన్లు నడుస్తున్నాయి. ఉత్తర తెలంగాణ ప్రయాణికులకు కొత్త రైలు ఊసే లేకుండా పోతోంది. మరోవైపు బస్సుల్లో పండుగ స్పెషల్‌ పేరిట అదనపు చార్జీలు వసూలు చేస్తుంటారు. మహిళలకు ఎక్స్‌ప్రెస్‌, ఆర్డినరీ ఉచిత ప్రయాణంతో బస్సులు కిక్కిరిసి ఉంటున్నాయి. తక్కువ ఖర్చుతో ఎక్కువ దూరం ప్రయాణించే సికింద్రాబాద్‌ నుంచి సిర్పూర్‌ కాగజ్‌నగర్‌ వరకు ప్రతీ రోజు ప్రత్యేక ఎక్స్‌ప్రెస్‌ నడపాల్సి ఉంది. రద్దీగా సికింద్రాబాద్‌ రైళ్లు ప్రస్తుతం హైదరాబాద్‌కు ఉదయం వెళ్తున్న భాగ్యనగర్‌, మధ్యాహ్నం బీదర్‌ ఇంటర్‌సిటీ, కాగజ్‌నగర్‌ సూపర్‌ ఫాస్ట్‌ ఎక్స్‌ప్రెస్‌లు ఉన్నాయి. ఇక సికింద్రాబాద్‌ నుంచి ఉదయం 9:25గంటలకు దానాపూర్‌ సూపర్‌ ఫాస్ట్‌ ఎక్స్‌ప్రెస్‌ తర్వాత భాగ్యనగర్‌ ఎక్స్‌ప్రెస్‌ వరకు మధ్యలో కాగజ్‌నగర్‌ వైపు వెళ్లడానికి ఒక్క రైలు కూడా అందుబాటులో లేదు. ఈ నెల 21నుంచి విద్యాసంస్థలకు సెలవులతో వేలాది మంది రాకపోకలు సాగిస్తుంటారు.స్పెషల్‌ ట్రైన్‌ నడపాలిపండగ సమయాల్లో రైళ్లలో విపరీత రద్దీ ఉంటోంది. మంచిర్యాల, సికింద్రాబాద్‌ మధ్య సెలవుల్లో ప్రయాణాలు అధికంగా ఉంటాయి. దీంతో రైళ్లలో వెళ్లాలంటే చాలా ఇబ్బంది పడాల్సి వస్తోంది. పండగ పూట ప్రజాప్రతినిధులు, అధికారులు దృష్టి సారించి ప్రత్యేక రైళ్లు నడపాలి. – పౌడల సుమన్‌, రైలు ప్రయాణికుడు, మందమర్రికొత్త రైలు నడిపితే మేలుమూడో లైను అందుబాటులోకి వచ్చిన నేపథ్యంలో ప్రతీరోజు ఉదయం సికింద్రాబాద్‌ జంక్షన్‌ నుంచి 10.35గంటలకు బయలుదేరి, కాజిపేటకు 12.40వరకు జమ్మికుంట, పెద్దపల్లి జంక్షన్ల మీదుగా రామగుండం, మంచిర్యాల, బెల్లంపల్లి, సిర్పూర్‌కాగజ్‌నగర్‌ 3.45వరకు చేరుకునేలా ఓ రైలు నడపాలని ప్రయాణికులు విజ్ఞప్తి చేస్తున్నారు. సాయంత్రం 5గంటలకు సిర్పూర్‌ కాగజ్‌నగర్‌ నుంచి బయలుదేరి బెల్లంపల్లి, మంచిర్యాల, రామగుండం, పెద్దపల్లి జంక్షన్‌, జమ్మికుంట, కాజిపేట మీదుగా సికింద్రాబాద్‌ వరకు రాత్రి 10గంటలకు చేరుకోవాలి. ఈ రైలుకు పలు రైల్వేస్టేషన్లలో హాల్టింగ్‌ కల్పిస్తే వేలాది గ్రామాల ప్రజలకు ఉపయోగపడనుంది. మొదట ప్రయోగాత్మకంగా రైలును ఆరంభించి, రద్దీని బట్టి రెగ్యులర్‌గా రైలు నడిపితే వేలాది మందికి ఉపయోగపడనుంది.

మంచిర్యాలఅర్బన్‌: మంచిర్యాల నగరంలో నవరాత్రులు పూజలందుకున్న గణనాథుడికి భక్తులు శనివారం రాత్రి ఘనంగా వీడ్కోలు పలికారు. భక్తితో కొలిచిన వినాయక ప్రతిమలను వాహనాలపై అలంకరించి డప్పుచప్పుళ్లు, మహిళల కోలాటాలు, యువతీ, యువకుల నృత్యాల మధ్య గంగమ్మ ఒడికి చేర్చారు. మండపాల నిర్వాహకులు ప్రత్యేక పూజలు నిర్వహించి నగర వీధుల గుండా ఊరేగింపు చేపట్టారు. సాయంత్రం ప్రారంభమైన శోభాయాత్ర కన్నుల పండువగా సాగింది. ప్రత్యేక వాహనాలపై గణనాథులు తరలుతుండగా మహిళలు మంగళహారతులతో స్వాగతం పలికారు. కోలాట ప్రదర్శనలు, యువత నృత్యాలు ఆకట్టుకున్నాయి. మూడు అడుగులు ఉన్న విగ్రహాలను మంచిర్యాల గోదావరి నదికి తరలించి నిమజ్జనం చేశారు. ఐదు అడుగుల పైన ఉన్న ప్రతిమలను ఇందారం, రాయపట్నం గోదావరి నదిలో క్రేన్ల సహాయంతో నిమజ్జనం చేశారు. మంచిర్యాల విశ్వనాథ ఆలయ కాలక్షేప మండపంలో ఆర్యవైశ్య సంఘం ఆధ్వర్యంలో ఏర్పాటు చేసిన గణనాథునికి ప్రత్యేక పూజలు చేశారు. ముఖరాం చౌరస్తాలో హిందు ఉత్సవ సమితి ఏర్పాటు చేసిన వేదిక వద్ద సరస్వతి శిశుమందిర్‌ గణేష్‌ రథానికి జెండా ఊపి శోభాయాత్ర ప్రారంభించారు. శిశుమందిర్‌ విద్యార్థుల కోలాట ప్రదర్శనలు ఎంతోగానో ఆకట్టుకున్నాయి. నగరంలోని పలు కాలనీల నుంచి వినాయకులు ఒక్కొక్కటిగా హిందు ఉత్సవ సమితి వేదిక వద్దకు చేరాయి. ముస్తాబు చేసిన వాహనాలపై ఊరేగింపుగా తరలించడంతో పురవీధులన్నీ భక్తులతో జనసందోహంగా మారా యి. హిందు ఉత్సవ సమితి అధ్యక్షుడు రాజ్‌కిరణ్‌, ప్రధాన కార్యదర్శి రవీందర్‌, బీజేపీ జిల్లా మాజీ అధ్యక్షుడు రఘునాథ్‌, సభ్యులు పాల్గొన్నారు. గోదావరి బ్రిడ్జి వద్ద.. జైపూర్‌: మంచిర్యాల–పెద్దపల్లి జిల్లాల సరిహద్దు గోదావరి బ్రిడ్జిపై రెండో రోజు శనివారం గణపతి నిమజ్జనం వైభవంగా నిర్వహించారు. జిల్లాలోని ఆయా ప్రాంతాల వినాయకులను ఊరేగింపుగా తీసుకొచ్చి ఇందారం గోదావరి బ్రిడ్జిపై నుంచి నిమజ్జనం చేశారు. మంచిర్యాల డీసీపీ భాస్కర్‌, జైపూర్‌ ఏసీపీ వెంకటేశ్వర్‌ ఆధ్వర్యంలో శ్రీరాంపూర్‌ సీఐ వేణుచందర్‌, ఎస్సై శ్రీధర్‌, పోలీసులు బందోబస్తు నిర్వహించారు. ప్రధానంగా మంచిర్యాల నగరం నుంచి ఇందారం గోదావరికి నిమజ్జనం కోసం తరలించగా అర్ధరాత్రి దాటిన తర్వాత కూడా సందడి నెలకొంది. నిమజ్జనం ఏర్పాట్లు, బందోబస్తును జిల్లా కలెక్టర్‌ కుమార్‌దీపక్‌, డీసీపీ భాస్కర్‌ పరిశీలించారు. అరగంటపాటు అక్కడే ఉండి పర్యవేక్షించారు. రూ.1,11,116 పలికిన గణేష్‌ లడ్డు మంచిర్యాలఅర్బన్‌: నగరంలోని రెడ్డి కాలనీ శ్రీరామ్‌ గణేష్‌ మండలిలో లడ్డు వేలంలో రూ.1,11,116 ధర పలికింది. కొత్త జయప్రకాశ్‌ వేలంలో దక్కించుకున్నారు. గణపతి వస్త్రాలు, హుండీ, అమ్మవారి చీర వేలం పా టలో పాల్గొని భక్తులు దక్కించుకున్నారు. ఎల్‌ఐసీ కాలనీలో బొజ్జ గణపతి వద్ద పూజలందుకున్న రూ.100 సిల్వర్‌ కాయిన్‌ను వేలం పాట ద్వారా పాదం పామ్స్‌ సంస్థ రూ.1,12,116కు దక్కించుకుంది. రూ.20 కాయిన్‌ను రూ.63,116లకు సాయి రేవంత్‌, రూ.10 దండను రూ.20,116 గుడిశెట్టి వెంకటయ్య వేలం పాటలో కై వసం చేసుకున్నారు. నిబంధనలు పాటించాలి మంచిర్యాలక్రైం: గణనాథుల శోభాయాత్రలో పోలీస్‌ అధికారుల నిబంధనలు పాటించాలని మంచిర్యాల డీసీపీ భాస్కర్‌ సూచించారు. శనివారం స్థానిక ముఖరాం చౌరస్తాలో హిందు ఉత్సవ కమిటీ ఆధ్వర్యంలో ఏర్పాటు చేసి వేదికపై ఆయన మాట్లాడారు. ఇబ్బందులు ఎదురైన వెంటనే స్థానికంగా ఉన్న పోలీస్‌ సిబ్బందికి సమాచారం అందించాలని తెలిపారు. ఈ కార్యక్రమంలో ఏసీపీ ప్రకాష్‌, సీఐ ప్రమోద్‌రావు, హిందు ఉత్సవ కమిటీ అధ్యక్షుడు డాక్టర్‌ రాజ్‌కిరణ్‌, సభ్యులు పాల్గొన్నారు. మంచిర్యాలలో శోభాయాత్రకు తరలివచ్చిన జనసందోహం

తాండూర్‌/జైపూర్‌/శ్రీరాంపూర్‌: నిస్సహాయక స్థితిలో పింఛన్లు పొందుతున్న పింఛన్‌దారులంటే ప్రభుత్వాలకు ఎప్పుడూ చిన్నచూపేనని ఎమ్మార్పీఎస్‌ వ్యవస్థాపక అధ్యక్షుడు మంద కృష్ణమాదిగ విమర్శించారు. పింఛన్ల పెంపు, కొత్త పింఛన్ల సాధనకు మరో ఉద్యమానికి సిద్ధం కావాలని పిలుపునిచ్చారు. తాండూర్‌, మండల కేంద్రంలోని సుమంగళి ఫంక్షన్‌హాల్‌, జైపూర్‌ మండలం దుబ్బపల్లి పీఎల్‌ఎన్‌ఆర్‌ గార్డెన్‌లో, సీసీసీలోని ఎంఎం గార్డెన్‌లో శనివారం నిర్వహించిన మహాగర్జన సన్నాహక సదస్సులో ఆయన మాట్లాడారు. దశాబ్దాలుగా ఎమ్మార్పీఎస్‌ చేసిన పోరాటాల ఫలితంగానే పింఛన్ల పెంపు సాధ్యమైందని తెలిపారు. వృద్ధులు, వితంతువులకు రూ.4వేలు, దివ్యాంగులకు రూ.6వేలు పింఛన్‌ ఇస్తామని అధికారంలోకి వచ్చిన రేవంత్‌రెడ్డి ప్రభుత్వం 20నెలలు గడిచినా ఆ ఊసే ఎత్తడం లేదని విమర్శించారు. ప్రధాన ప్రతిపక్ష పార్టీ బీఆర్‌ఎస్‌ చోద్యం చూస్తోందని అన్నారు. ఈ నెల 8న కలెక్టరేట్‌ల ముట్టడి, 12న తహశీల్దార్‌ కార్యాలయాల ఎదుట ధర్నా, 20న విజయవాడ–హైదరాబాద్‌ జాతీయ రహదారి దిగ్బంధంతోపాటు అన్ని గ్రామ పంచాయతీల్లో నిరాహార దీక్షలు చేపట్టాలని పిలుపునిచ్చారు. పోరాటాలతోనే పింఛన్‌ పెంపు సాధ్యమవుతుందని అన్నారు. పింఛన్ల పెంపు, కొత్త పింఛన్లు ఇవ్వని పక్షంలో కాంగ్రెస్‌ ప్రభుత్వాన్ని గద్దె దించుతామని హెచ్చరించారు. ఈ సమావేశాల్లో ఎమ్మార్పీఎస్‌ రాష్ట్ర నాయకులు చుంచు శంకర్‌వర్మ, గద్దల బానయ్య, మంతెన మల్లేష్‌, నక్క అంజయ్య, జిల్లా అధ్యక్షుడు చెన్నూరి సమ్మయ్య, జిల్లా ప్రధాన కార్యదర్శి సుందిళ్ల మల్లేశ్‌, జిల్లా ఉపాధ్యక్షుడు జలంపల్లి శ్రీనివాస్‌, నాయకులు జీలకర శంకర్‌, ఆయిళ్ల గణేష్‌, స్వామి, ఏముర్ల నారాయణ, రాజేష్‌, ఇరిగిరాల మల్లేశ్‌, వృద్ధులు, వితంతువులు, దివ్యాంగులు పాల్గొన్నారు. కాగా, సీసీసీలో సీనియర్‌ నేత చుంచు శంకర్‌వర్మ తల్లి ఇటీవల మృతిచెందడంతో కుటుంబ సభ్యులను మంద కృష్ణమాదిగ పరామర్శించారు.

మంచిర్యాలరూరల్‌(హాజీపూర్‌): మండల, జిల్లా పరిషత్‌ ఎన్నికల నిర్వహణలో భాగంగా శనివారం మండల, జిల్లా పరిషత్‌ కార్యాలయాల్లో ముసాయిదా ఓటరు జాబితా ప్రదర్శించారు. ఇటీవల గ్రామ పంచాయతీల వారీగా తుది ఫొటో ఓటర్ల జాబితా ప్రదర్శన ప్రక్రియ ముగించారు. తాజాగా పరిషత్‌ ఓటర్ల జాబితా షెడ్యూల్‌ విడుదల చేశారు. ఈ నెల 6నుంచి 8వరకు జాబితాపై అభ్యంతరాల స్వీకరణ, 8న జిల్లా, మండల స్థాయిలో అన్ని రాజకీయ పార్టీల ప్రతినిధులతో సమావేశాలు, 9న అభ్యంతరాల పరిష్కారం, 10న అన్ని పోలింగ్‌ కేంద్రాల్లో తుది ఫొటో ఓటరు జాబితా ప్రదర్శించాలని ఎన్నికల సంఘం ప్రకటించింది. జెడ్పీ కార్యాలయంలో సీఈవో గణపతి ఆధ్వర్యంలో ముసాయిదా ఓటరు జాబితా ప్రదర్శించారు. ఎంపీటీసీ, జెడ్పీటీసీ స్థానాలు ఖరారు చేస్తూ ఇప్పటికే అధికారికంగా ప్రకటించినట్లు తెలిపారు. జిల్లా వివరాలు జిల్లాలో 16 జెడ్పీటీసీ స్థానాలు, 129 ఎంపీటీసీ స్థానాలు ఉండగా.. 713 పోలింగ్‌ కేంద్రాలు ఏర్పా టు చేశారు. ఓటర్లు 3,76,676 మంది ఉండగా.. వీరిలో మహిళలు 1,91,015మంది, పురుషులు 1,85,646, ఇతరులు 15మంది ఉన్నారు.