● డీఎడ్‌ విద్యార్థిని వెంకటలక్ష్మి మృతదేహంతో ఆందోళన ● మృతికి అధికారుల నిర్లక్ష్యమేనని కుటుంబీకులు ఆరోపణ ● సబ్‌ కలెక్టర్‌ శ్రద్దశుక్లా హామీ మేరకు ఆందోళన విరమణబెజ్జూర్‌: మండలంలోని అందుగులగూడ గ్రామానికి చెందిన డీఎడ్‌ విద్యార్థిని తొర్రెం వెంకటలక్ష్మి శుక్రవారం ఆసిఫాబాద్‌ పట్టణంలోని బీసీ బాలికల పోస్ట్‌ మెట్రిక్‌ వసతిగృహంలో అనారోగ్యంతో మృతి చెందిన విషయం తెలిసిందే. అధికారుల నిర్లక్ష్యంతోనే వెంకటలక్ష్మి ప్రాణాలు కోల్పోయిందని కుటుంబ సభ్యులు ఆమె మృతదేహంతో ఇంటి వద్ద ఆందోళన చేపట్టారు. వీరి ఆందోళనకు బీఆర్‌ఎస్‌ నాయకులు, గ్రామస్తులు, యువజన సంఘాల నాయకులు మద్దతు పలికారు. దీంతో గ్రామంలో ఉద్రిక్త పరిస్థితులు నెలకొన్నాయి. బాధిత కుటుంబానికి న్యాయం చేయడంతోపాటు వెంకటలక్ష్మి మృతికి కారణమైన అధికారులపై చర్యలు తీసుకోవాలని డిమాండ్‌ చేశారు. అక్కడికి చేరుకున్న తహసీల్దార్‌ భూమేశ్వర్‌ బాధిత కుటుంబ సభ్యులతో చర్చలు జరిపి ఉన్నతాధికారులకు నివేదిస్తామని చెప్పినా వారు వినలేదు. ఆందోళన చేస్తున్న బీఆర్‌ఎస్‌ నాయకులు రాజు, సారయ్య, రాంప్రసాద్‌ను పోలీసులు ఠాణాకు తరలించారు. సబ్‌ కలెక్టర్‌ హామీతో.. మృతిరాలి కుటుంబ సభ్యులను కాగజ్‌నగర్‌ సబ్‌ కలెక్టర్‌ శ్రద్దా శుక్లా పరామర్శించారు. బాధ్యులైన అధికారులపై చర్యలు తీసుకోవడంతో పాటు మృతిరాలి కుటుంబ సభ్యులకు న్యాయం జరిగేలా కలెక్టర్‌కు నివేదిస్తామని హామీ ఇవ్వడంతో ఆందోళన విరమించారు. ఆమె వెంట కౌటాల సీఐ రమేశ్‌, ఎస్సైలు మధుకర్‌, ప్రవీణ్‌ ఉన్నారు. బీసీ హాస్టల్‌ వార్డెన్‌ సస్పెన్షన్‌ ఆసిఫాబాద్‌రూరల్‌: జిల్లా కేంద్రంలోని బీసీ బాలికల పోస్ట్‌ మెట్రిక్‌ హాస్టల్‌లో ఉంటూ శ్రీనిధి డీఈడీ కళాశాలలో చదువుకుంటున్న విద్యార్థిని వెంకటలక్ష్మి అనారోగ్యంతో మృతి చెందడంపై కలెక్టర్‌ వెంకటేశ్‌ దోత్రే స్పందించారు. విధి నిర్వహణలో నిర్లక్ష్యంగా వ్యవహరించిన హాస్టల్‌ వార్డెన్‌ నిఖత్‌ తరన్నుమ్‌ను సస్పెండ్‌ చేస్తూ శనివారం ఉత్తర్వులు జారీ చేసినట్లు బీసీ సంక్షేమశాఖ అధికారి సజీవన్‌ ఓ ప్రకటనలో తెలిపారు.

లోకేశ్వరం: విద్యార్థులను తల్లిదండ్రులు క్రమం త ప్పకుండా పాఠశాలకు పంపించాలని, వారికి చదువుకునే స్వేచ్ఛ ఇవ్వాలని విద్యాశిక్షణ పరిశోధన సంస్థ(ఎన్‌సీఈఆర్‌టీ) ఢిల్లీ ప్రొఫెసర్‌ సుశీల్‌కుమార్‌ తివారి అన్నారు. మండలంలోని రాజూర, మన్మద్‌ ప్రభుత్వ ప్రాథమిక పాఠశాలల్లో విద్యాప్రవేశ పరీక్షలు, పాఠశాలలను శనివారం సందర్శించారు. ఒకటో తరగతి విద్యార్థులతో డ్రాయింగ్‌ వేయించారు. సుశీల్‌కుమార్‌ తివారీ మాట్లాడుతూ పిల్ల లపై అనవసర లక్ష్యాలను రుద్ది ఒత్తిడిని పెంచొద్దని సూచించారు. మొదటి తరగతి విద్యార్థులతో ఉపాధ్యాయులు మమేకమై మాట్లాడిస్తూ, నవ్విస్తూ బోధించాలని తెలిపారు. ఆయన వెంట ఏఎంవో నర్సయ్య, ఎన్‌సీఈఆర్‌ఐ ముత్తన్న, ఏఏపీసీ చైర్‌పర్సన్‌ సరస్వతి, వీడీసీ చెర్మన్‌ ప్రవీణ్‌, మాజీ సర్పంచ్‌ ముత్తగౌడ్‌, పాఠశాల ప్రధానోపాధ్యాయులు, రాజేశ్వర్‌, మాజీ ఎంపీటీసీ పోతన్న ఉన్నారు.

● మోడల్‌ స్కూళ్లలో ప్రవేశాలకు దరఖాస్తులు ● జనవరి 6 నుంచి 28 వరకు..కుంటాల: గ్రామీణ పేద విద్యార్థులకు కార్పొరేట్‌స్థాయి విద్య అందించాలన్న సంకల్పంతో కేంద్ర, రాష్ట్ర ప్రభుత్వాల భాగస్వామ్యంతో ఆదర్శ పాఠశాలలు ఏర్పాటయ్యాయి. 6వ తరగతి నుంచి ఇంటర్‌ వరకు విద్యాబోధన చేస్తున్నారు. విద్యార్థులు ఉత్తమ ఫలితాలు సాధించడంతో పాఠశాలల్లో చేరేందుకు పోటీ పెరిగింది. ఉమ్మడి ఆదిలాబాద్‌ జిల్లాలో 14 ఆదర్శ పాఠశాలలు ఉన్నాయి. 2025, జనవరి 6 నుంచి ఫిబ్రవరి 28 వరకు ఆన్‌లైన్‌ ద్వారా దరఖాస్తులు చేసుకునేందుకు పాఠశాల విద్యాశాఖ శుక్రవారం షెడ్యూల్‌ విడుదల చేసింది. దరఖాస్తుల ఆహ్వానం.. ఉమ్మడి జిల్లా వ్యాప్తంగా 14 ఆదర్శ పాఠశాలలో ఉండగా 6వ తరగతి నుంచి 10వ తరగతి వరకు జనవరి 6 నుంచి ఫిబ్రవరి 28 వరకు www. telanganams.cgg.gov.in వెబ్‌సైట్‌ ద్వారా ఆన్‌లైన్‌లో దరఖాస్తు చేసుకోవచ్చు. ఉమ్మడి జిల్లావ్యాప్తంగా ఆదర్శ పాఠశాలల్లో 6వ తరగతిలో 1400 సీట్లు ఖాళీగా ఉన్నాయి. ఏడో తరగతి నుంచి పదో తరగతి వరకు మిగిలి ఉన్న ఖాళీల కోసం ఆన్‌లైన్‌ ద్వారా దరఖాస్తు చేసుకున్న ధ్రువపత్రాలను పాఠశాలల్లో అందించాల్సి ఉంటుంది. దరఖాస్తు చేసుకున్న విద్యార్థులకు 2025, ఏప్రిల్‌ 13న అర్హత పరీక్ష నిర్వహిస్తారు. కేటగిరీల వారీగా.. ఆదర్శ పాఠశాలలో 6 నుంచి 10వ తరగతిలో దరఖాస్తుల చేసుకునేవారికి కేటగిరీ వారీగా విద్యార్థులకు అవకాశం కల్పించారు. ఎస్సీ, ఎస్టీ, బీసీ దివ్యాంగ విద్యార్థులు రూ.125, ఓసీ విద్యార్థులకు రూ.200 ఫీజు చెల్లించాలి. సద్వినియోగం చేసుకోవాలి.. ఆదర్శ పాఠశాలల్లో ఉత్తమ బోధనతో మంచి ఫలితాలు సాధిస్తున్నాం. 2025–26 విద్యా సంవత్సరానికి సంబంధించిన ప్రవేశాలకు నోటిఫికేషన్‌ విడుదలైంది. అర్హత, ఆసక్తి ఉన్నవారు ఈ అవకాశాన్ని సద్వినియోగం చేసుకోవాలి. – నవీన్‌ కుమార్‌, ప్రిన్సిపాల్‌, ఆదర్శ పాఠశాల, కుంటాల

శ్రీరాంపూర్‌: రాష్ట్రస్థాయి బాక్సింగ్‌ పోటీల్లో జిల్లాకు చెందిన ఇద్దరు క్రీడాకారులు పతకాలు సాధించినట్లు అసోసియేషన్‌ జిల్లా చైర్మన్‌ నిట్టూరి మైసూర్‌, అధ్యక్షుడు పాదం రవీందర్‌ శనివారం ఒక ప్రకటనలో తెలిపారు. రెండు రోజులుగా హైదరాబాద్‌లోని షేక్‌పేట్‌లో జరిగిన సబ్‌ జూనియర్‌ బాలబాలికల బాక్సింగ్‌ పోటీల్లో గుడిపేటలోని మహాత్మ జ్యోతిరావు పూలే బాలుర పాఠశాలకు చెందిన ఈ.తిరుపతి, ఆదిలాబాద్‌ స్పోర్ట్స్‌ స్కూల్‌ విద్యార్థిని జీ శాన్వీ సిల్వర్‌ మెడల్స్‌ సాధించినట్లు వారు పేర్కొన్నారు. గుడిపేట స్కూల్‌ ప్రిన్సిపాల్‌ శ్రీధర్‌, పీడీ సురేశ్‌ విద్యార్థులను అభినందించారు.

ఇంద్రవెల్లి: విద్యుత్‌ షాక్‌తో గాయాలైన బాలుడు చికిత్స పొందుతూ మృతి చెందినట్లు ఎస్సై దుబ్బాక సునీల్‌ తెలిపారు. మండల కేంద్రంలోని భీంనగర్‌కు చెందిన మసురే సంతోష్‌, సుకేష్మ దంపతుల ఏకై క కుమారుడు మసురే వీరేందర్‌(13) మండల కేంద్రంలోని జిల్లా పరిషత్‌ పాఠశాలలో ఎనిమిదో తరగతి చదువుతున్నాడు. నవంబర్‌ 7న పాఠశాలకు వెళ్లిన విద్యార్థి స్నేహితులతో కలిసి బయటకు వెళ్లి ఆడుతుండగా ఓ భవనంపై వేలాడుతున్న 11 కేవీ విద్యుత్‌ తీగలను ముట్టుకోవడంతో తీవ్రగాయాలయ్యాయి. హైదరాబాద్‌లోని గాంధీ ఆస్పత్రికి తరలించగా 44 రోజులపాటు చికిత్స పొందాడు. పరిస్థితి విషమించడంతో శనివారం తెల్లవారుజమున మృతి చెందాడు. కుటుంబ సభ్యుల ఫిర్యాదు మేరకు కేసు నమోదు చేసినట్లు ఎస్సై తెలిపారు.

బేల: ఆదివాసీ రైతు ఖాతాలోంచి రూ.50 వేలు కాజేసిన తెలంగాణ గ్రామీణ బ్యాంకు సిబ్బందిపై శనివారం బాధిత రైతు ఆత్రం రాందాస్‌తో కలిసి యూత్‌ కాంగ్రెస్‌ నియోజకవర్గం ఉపాధ్యక్షుడు సామ రూపేష్‌రెడ్డి స్థానిక పోలీస్‌స్టేషన్‌లో ఫిర్యాదు చేశారు. ఈ సందర్భంగా ఆయన మాట్లాడుతూ మండలంలోని మణియార్‌పూర్‌కు చెందిన ఆత్రం రాందాస్‌ గత ఆగస్టు 28న బ్యాంకుకు వెళ్లి రూ.50వేలు కావాలని విత్‌డ్రా రశీదును క్యాషియర్‌కు ఇవ్వగా అంత ఇవ్వలేమని, ఆ రశీదు అలాగే ఉంచుకుని రూ.20వేలు మాత్రమే ఇవ్వొచ్చని చెప్పాడన్నారు. ఈక్రమంలో బాధితుడి నుంచి రూ.20వేల విత్‌డ్రా రశీదు రాయించుకుని ఖాతాదారునికి నగదు అందజేశారన్నారు. అమాయకుడైన బాధిత రైతు ఇది గమనించుకోకుండా మరోసారి ఖాతా నుంచి రూ.50వేలు కావాలని వెళ్తే ఖాతాలో అసలు డబ్బులు లేవని క్యాషియర్‌ చెప్పారన్నారు. దీంతో బాధిత రైతు దీనిపై పలుమార్లు బ్యాంకులో అడిగితే సమాధానం దాటేవేస్తున్నారన్నారు. వారి వెంట గ్రామ రైతులు ఠాక్రే గంభీర్‌, బొక్రే పాండురంగ్‌, విపుల్‌, తదితరులు ఉన్నారు.

ఆదిలాబాద్‌రూరల్‌: మండలంలోని రామాయిలో గల తెలంగాణ గ్రామీణ బ్యాంకులో ఈ నెల 13న చోరీకి యత్నించిన విషయం తెలిసిందే. ఎస్పీ గౌస్‌ ఆలం శనివారం సంఘటన స్థలాన్ని పరిశీ లించారు. బ్యాంకులోని నగదు, ఇతర వ స్తువుల భద్రత కోసం తీసుకుంటున్న చర్యలను బ్యాంకు ఉద్యోగులను అడిగి తెలుసుకున్నారు. చోరీకి య త్నించిన సమయంలో అక్కడ మోగిన సైరన్‌, ఇతర వాటిని పరిశీలించారు. సీసీ ఫుటేజీలను సేకరించాలని పోలీసులకు సూచించారు. ఎవరైనా అనుమానితులు కనిపిస్తే పోలీసులకు సమాచారం అందించాలని గ్రామస్తులకు సూచించారు. ఆయన వెంట డీఎస్పీ జీవన్‌రెడ్డి, ఆదిలాబాద్‌ రూరల్‌ సీఐ ఫణిధర్‌, ఎస్సై ముజాహిద్‌, సీసీఎస్‌ ఇన్‌స్పెక్టర్‌ పీ.చంద్రశేఖర్‌, సీసీఎస్‌ పోలీసులు, బ్యాంకు ఉద్యోగులు, తదితరులు ఉన్నారు. అన్యమత ప్రచారం అడ్డుకున్న యువకులుభీమిని: మండలంలోని బిట్టురుపల్లిలో శుక్రవారం రాత్రి అన్యమత ప్రచారం చేస్తున్న పలువురిని గ్రామ యువకులు అడ్డుకున్నారు. బీజేపీ మండల అధ్యక్షుడు కొంక సత్యనారాయణకు సమాచారం అందివ్వడంతో ఆయన అక్కడికి చేరుకుని వారితో వాగ్వాదానికి దిగారు. ఈ సందర్భంగా ఆయన మాట్లాడుతూ అమాయక ప్రజల పేదరికాన్ని ఆసరా చేసుకుని వారికి డబ్బులు ఎరజూపి అన్యమతంలోకి మారుస్తున్నారన్నారు. రోడ్డు ప్రమాదంలో యువకుడు మృతిమందమర్రిరూరల్‌: రోడ్డు ప్రమాదంలో యువకుడు మృతి చెందిన సంఘటన మందమర్రి పోలీస్‌ స్టేషన్‌ పరిధిలో చోటు చేసుకుంది. ఎస్సై రాజశేఖర్‌ తెలిపిన వివరాల ప్రకారం మంచిర్యాలలోని చున్నంబట్టి వాడకు చెందిన మహాత్మ సంతోష్‌ (35) పని నిమిత్తం మేడారం వచ్చాడు. శనివారం రోడ్డు దాటుతుండగా మంచిర్యాల నుంచి బెల్లంపల్లి వైపు వెళ్తున్న ద్విచక్రవాహనం ఢీకొట్టడంతో అక్కడికక్కడే మృతి చెందాడు. వాహన చోదకుడికి సైతం తీవ్రగాయాలు కావడంతో మంచిర్యాలలోని ప్రభుత్వ ఆస్పత్రికి తరలించారని, పరిస్థితి విషమంగా ఉందని ఎస్సై తెలిపారు.

గుడిహత్నూర్‌: మండలకేంద్రంలో ఓ బాలికపై యువకుడు లైంగికదాడికి పాల్పడ్డాడంటూ బాధితురాలి కుటుంబ సభ్యులు, స్థానికులు చేపట్టిన ఆందోళన ఉద్రిక్తతకు దారితీసింది. వివరాల్లోకి వెళ్తే.. ఎస్సీ కాలనీకి చెందిన చట్ల పోశెట్టి(25) గతంలో ఉపాధి నిమిత్తం దుబాయ్‌ వెళ్లాడు. ఏడాది క్రితం తిరిగి వచ్చి స్థానిక బస్టాండ్‌లో కొంతకాలం టిఫిన్‌ సెంటర్‌ నడిపాడు. ప్రస్తుతం దుకాణం బంద్‌ చేసి జులాయిగా తిరుగుతున్నాడు. శనివారం మధ్యాహ్నం 3 గంటల సమయంలో కాలనీకి చెందిన బాలికను ఇంట్లోకి తీసుకెళ్లి తలుపులు వేశాడు. కుటుంబ సభ్యులు బాలిక ఆచూకీ కోసం పలుచోట్ల వెతికారు. రాత్రి 6గంటల సమయంలో పోశెట్టి ఇంట్లో ఉన్నట్లు గుర్తించారు. వెంటనే పోలీసులకు సమాచారం అందించారు. స్థానిక ఎస్సై మహేందర్‌ అక్కడికి చేరుకుని మద్యం మత్తులో ఉన్న నిందితుడిని అదుపులోకి తీసుకున్నారు. బాలికను ఆసుపత్రికి తరలించారు. అయితే కుటుంబ సభ్యులు, స్థానికులు.. లైంగిక దాడికి పాల్పడిన అతడిని అప్పగించాలంటూ ఎస్సైతో వాగ్వాదానికి దిగారు. ఆయన సమాచారంతో అక్కడికి చేరుకున్న ఇచ్చోడ సీఐ భీమేష్‌ పెద్ద సంఖ్యలో గుమిగూడిన వారికి సర్ది చెప్పారు. వారు వినకపోవడంతో పాటు పోలీసులపై రాళ్లదాడికి పాల్పడ్డారు. సీఐ, ఎస్సైకి గాయాలయ్యాయి. దీంతో పోలీసులు లాఠీచార్జి చేయగా ఆందోళనకారులు చెదిరిపోయారు. అదే సమయంలో నిందితుడిని అక్కడి నుంచి తరలించారు. ఈ క్రమంలో పోలీసు వాహనాలపై వారు మరోసారి రాళ్లు రువ్వగా అద్దాలు ధ్వంసం అయ్యాయి. అనంతరం కాలనీకి చేరుకొని నిందితుడి ఇంటికి నిప్పు పెట్టారు. సమాచారం అందుకున్న ఉట్నూర్‌ డీఎస్పీ నాగేందర్‌ సంఘటనా స్థలానికి చేరుకొని పరిస్థితిని సమీక్షించారు. తలకు గాయమైన సీఐని స్థానిక పీహెచ్‌సీలో ప్రథమ చికిత్స అందించి అనంతరం రిమ్స్‌కు తరలించారు. అలాగే ఇచ్చోడ ఎస్సై తిరుపతి కాలుకు గాయమవగా స్థానికంగా చికిత్స అందించారు. కాగా, నిందితుడు గతంలో పలు దొంగతనం కేసుల్లోనూ నిందితుడిగా ఉన్నట్లు తెలిసింది. మండలకేంద్రంలో సుమారు మూడున్నర గంటల పాటు ఉద్రిక్త పరిస్థితులు నెలకొన్నాయి.

● సంస్థ క్షేమం.. పెరిగిన సంక్షేమం ● భవిష్యత్‌ సవాళ్లమయం ● నూతన గనులతోనే మనుగడ ● ఇతర రంగాల్లో విస్తరణకు శ్రీకారం ● పొరుగు రాష్ట్రాల్లో పరిశ్రమల స్థాపన ● నవరత్నాలకు దీటుగా లాభాలు ● 23న ఆవిర్భావ దినోత్సవంప్రతిపాదిత నూతన గనులు ప్రాజెక్టు పేరు సామర్థ్యం (మి. టన్నుల్లో) వీకే ఓసీపీ – 5.30 జీడీకే 10 ఓసీపీ – 6.0 జేకే ఓసీపీ(రోంపేడు) – 2.0 గోలేటి ఓసీపీ – 3.5 ఎంవీకే ఓసీపీ – 2.0 పీవీఎన్‌ఆర్‌(వెంకటాపూర్‌) – 2.5 కేటీకే ఓసీపీ 2(యూజీ సెక్షన్‌) – 0.60 దీనితో పాటు ఒడిశాలోని నైనీ బ్లాక్‌ 2025లో ప్రారంభమైతే ఏడాదికి 10 మిలియన్‌ టన్నుల ఉత్పత్తి రానుంది.సింగరేణి విస్తరణ : 6 జిల్లాలు(ఆసిఫాబాద్‌, మంచిర్యాల, పెద్దపల్లి, జయశంకర్‌ భూపాలపల్లి, ఖమ్మం, భద్రాద్రి కొత్తగూడెం) భూగర్భ గనులు : 22 ఓపెన్‌కాస్టు గనులు : 18 ఉద్యోగుల సంఖ్య : 38,594 అధికారుల సంఖ్య : 2,255 కాంట్రాక్ట్‌ ఉద్యోగులు : 23,500 ఓసీపీల్లో యంత్రాలు: షవల్స్‌ : 66, డంపర్లు: 425, డోజర్లు: 109, డ్రిల్స్‌: 48, ఇతర యంత్రాలు: 828 భూగర్భ గనుల్లో యంత్రాలు: మ్యాన్‌రైడింగ్‌ యంత్రాలు: 52, కోల్‌ కట్టింగ్‌ డ్రిల్స్‌ : 119, ఎస్‌డీఎల్స్‌:105, ఎల్‌హెచ్‌డీస్‌: 10, లాంగ్‌వాల్‌: 1, కంటిన్యూయస్‌ మైనర్స్‌: 5, బోల్టర్‌ మైనర్స్‌: 2పెరుగుతున్న ఉత్పత్తి, తగ్గుతున్న ఉద్యోగులు ఆర్థిక సంవత్సరం ఉత్పత్తి ఉద్యోగులు (మి.ట) 2013–14 50.47 61,778 2014–15 52.54 58,837 2015–16 60.38 58,491 2016–17 61.34 56,282 2017–18 62.01 54,043 2018–19 64.40 48,942 2019–20 64.02 46,021 2020–21 50.58 43,895 2021–22 65.02 43,672 2022–23 67.14 42,733 2023–24 70.02 41,837 2024–25 (నేటివరకు) 44.31 38,594 శ్రీరాంపూర్‌: తెలంగాణలో అతిపెద్ద పరిశ్రమ అయిన సింగరేణి దినదినాభివృద్ధి చెందుతోంది. రికార్డు స్థాయిలో బొగ్గు ఉత్పత్తి సాధించి వేల కోట్ల రూపాయల లాభాలు గడిస్తోంది. నేడు దేశంలోని నవరత్న కంపెనీలకు దీటుగా నిలుస్తోంది. ఎన్నో ఆటుపోట్లను ఎదుర్కొని 135 ఏళ్లు పూర్తి చేసుకుంది. ఈ నెల 23న ఆవిర్భావ దినోత్సవం జరుపుకుంటోంది. ఈ సందర్భంగా సింగరేణిపై ‘సాక్షి’ అందిస్తున్న కథనం. పొయ్యి రాళ్లే పునాదిరాళ్లు.. నాడు కట్టెల పొయ్యికి వాడిన రాళ్లే సింగరేణికి పునాది రాళ్లయ్యాయి. 1870లో భద్రాచలం రా ములవారిని దర్శించుకోవడానికి బయలుదేరిన భక్తులు మార్గమధ్యలో వంటావార్పుకు ఆగారు. వంటకోసం పేర్చిన పొయ్యిరాళ్లు అంటుకుని బూడిదయ్యాయి. దీంతో ఇదేదో రాకాసి మాయ అని భయపడ్డ భక్తులు అక్కడి నుంచి పారిపోయారు. అప్పటి బ్రిటీష్‌ పాలకులు దీనిపై పరిశోధనలు చేసి ఇది బొగ్గు ఖనిజం అని గుర్తించారు. అలా నల్లబంగారం లోకానికి వెలుగు చూసింది. ఖమ్మం నుంచి విస్తరణ మొదలై.. సింగరేణి సంస్థ బ్రిటీష్‌ ప్రభుత్వంలో పురుడు పోసుకుంది. మొట్టమొదట ఉమ్మడి ఖమ్మం జిల్లా ఇల్లందులోని బొగ్గుట్టలో 1889లో బొగ్గు తవ్వకా లు ప్రారంభించారు. ఆ తర్వాత 1920, డిసెంబర్‌ 23న సింగరేణి కాలరీస్‌ కంపెనీగా ఏర్పడింది. 1927లో ఉమ్మడి ఆదిలాబాద్‌ జిల్లా బెల్లంపల్లిలో, 1961లో ఉమ్మడి కరీంనగర్‌ జిల్లా రామగుండం, 1991లో ఉమ్మడి వరంగల్‌ జిల్లాలోని భూపాలపల్లిలో బొగ్గు గనులు ప్రారంభమయ్యాయి. తెలంగాణలో గోదావరి, ప్రాణహిత నది పరీవాహక ప్రాంతంలోని సుమారు 450 కిలోమీటర్ల పరిధిలో బొగ్గు నిక్షేపాలను భూగర్భశాఖ అధికారులు గుర్తించారు. 1889లో 59,671 టన్నుల బొగ్గు ఉత్పత్తితో కంపెనీ ప్రస్తానం మొదలైంది. జాతీయీకరణ తరువాత సింగరేణిలో రాష్ట్ర ప్రభుత్వ వాటా 51 శాతం, కేంద్ర ప్రభుత్వ వాటా 49 శాతంతో కంపెనీ కొనసాగుతూ వస్తోంది. రికార్డు స్థాయిలో ఉత్పత్తి... గడిచిన ఆర్థిక సంవత్సరం 2023–24లో కంపెనీ రికార్డు స్థాయిలో 70.2 మిలియన్‌ టన్నుల బొగ్గు ఉత్పత్తి సాధించింది. ఈ ఏడాది 2024–25లో 72 మిలియన్‌ టన్నుల లక్ష్యంతో ముందుకెళ్తోంది. ప్రస్తుతం భూగర్భ గనులన్నీ నష్టాల్లో నడుస్తున్నాయి. టన్ను బొగ్గు ఉత్పత్తి చేస్తే రూ.10,394 ఖర్చు అవుతుండగా దీన్ని అమ్మితే రూ.4,854 వస్తుంది. ఈ లెక్కన టన్నుకు రూ. 5,540 నష్టాన్ని కంపెనీ చవిచూస్తోంది. ఈ ఆర్థిక సంవత్సరం ఇప్పటికీ భూగర్భ గనుల్లో రూ.1,176 కోట్ల నష్టం వాటిల్లింది. అయితే ఓసీపీల్లో, ఎస్టీపీపీ నుంచి వచ్చే లాభాలతో ఈ నష్టాలను పూడ్చుకుంటూ కంపనీ ముందుకెళ్తోంది. మూసివేత దశలో భూగర్భ గనులు కంపెనీలో ఉన్న 22 భూగర్భ గనుల్లో నిల్వలు అడుగంటడంతో 15 మూసివేతకు దగ్గరపడ్డాయి. వీటి స్థానంలో పదేళ్లుగా ఒక్క కొత్త గని ఏర్పాటు కాలేదు. గతంలో ఖనిజాన్వేషణ చేసి సిద్ధంగా ఉన్న కొన్ని బొగ్గు గనులను తవ్వేందుకు కంపనీ ప్రతిపాదనలు సిద్ధం చేసింది. ఈ గనుల్లో తవ్వకాలు మొదలైతే సింగరేణికి మరింత ఉజ్వల భవిష్యత్‌ ఉండబోతోంది. ఇతర రంగాల్లో విస్తరణ మంచిర్యాల జిల్లా జైపూర్‌లోని 1200 మెగావాట్ల ఽథర్మల్‌ విద్యుత్‌ కేంద్రం ఏర్పాటు చేసి కోట్లాది రూపాయల లాభాలు గడిస్తోంది. దీనికి అదనంగా మరో 800 మెగావాట్ల విద్యుత్‌ కేంద్రాన్ని కూడా త్వరలో ప్రారంభించనున్నారు. కంపెనీ వ్యాప్తంగా 246 మెగావాట్ల సోలార్‌ కేంద్రాలను ఏర్పాటు చేశారు. ట్రేడ్‌ యూనియన్ల ఆవిర్భావం ఇలా.. కార్మికుల హక్కుల సాధనలో సింగరేణి ట్రేడ్‌ యూనియన్ల పాత్ర ఎంతో కీలకం. వారి నీడలో కార్మికులు అనేక హక్కులు, సదుపాయాలు కల్పించబడ్డాయి. ● 1945లో సింగరేణి కాలరీస్‌ వర్కర్స్‌ యూనియన్‌(ఏఐటీయూసీ) ● 1965లో సింగరేణి కోల్‌మైన్స్‌ లేబర్‌ యూనియన్‌ (ఐఎన్టీయూసీ), ● 1977లో సింగరేణి మైనర్స్‌ అండ్‌ ఇంజినీరింగ్‌ వర్కర్స్‌ యూనియన్‌ (హెచ్‌ఎంఎస్‌) ● 1977 ఐఎన్టీయూసీకి అనుబంధంగా ఆంధ్రప్రదేశ్‌ కాలరీస్‌ మజ్ధూర్‌ సంఘం ● 1978లో గోదావరిలోయ బొగ్గుగని కార్మిక సంఘం (ఐఎఫ్‌టీయూ) ● 1981లో సింగరేణి కార్మిక సమాఖ్య (సికాస) ● 1996లో శ్రామిక శక్తి గోదావరిలోయ బొగ్గు గని కార్మిక సంఘం (ఏఐఎఫ్‌టీయూ) ● 1984లో తెలుగునాడు గ్రేడ్‌ యూనియన్‌ (టీఎన్టీయూసీ) ● 1988లో పలు వృత్తి సంఘాలతో కలిపి సాజక్‌ ● 2003లో తెలంగాణ బొగ్గు గని కార్మిక సంఘం(టీబీజీకేఎస్‌) ● 1998 నుంచి గుర్తింపు సంఘం ఎన్నికలు ప్రారంభం సంక్షేమానికి పెద్దపీట ● కార్మికులకు క్వార్టర్లు, ఉచిత విద్యుత్‌, ఏసీ సౌకర్యం ● ఆస్పత్రులు, క్యాంటీన్లు, స్కూల్స్‌, కాలేజీలు, క్రీడామైదానాలు, రిక్రియేషన్‌ క్లబ్‌లు, పార్కులు ● ఉద్యోగులతో పాటు తల్లిదండ్రులకు సైతం కార్పొరేట్‌ ఆస్పత్రుల్లో వైద్యం ● రిటైర్డ్‌ కార్మికులకు సీపీఆర్‌ఎంఎస్‌ స్కీం కింద వైద్యఖర్చులు రూ.8 లక్షల పరిమితిని రూ.10 లక్షలకు పెంపు ● గని ప్రమాదంలో కార్మికులు చనిపోతే రూ.కోటి ప్రమాదబీమా ● కాంట్రాక్ట్‌ కార్మికులకు రూ.30 లక్షల ప్రమాదబీమా ● రామగుండం ప్రభుత్వ వైద్య కళాశాలలో కార్మికుల పిల్లలకు 7 సీట్లు, మంథని జేఎన్‌టీయూలో 35 సీట్లు కేటాయింపు ● లాభాల్లో వాటా 33 శాతం కార్మికులకు చెల్లింపుగర్వంగా ఉంది కారుణ్య నియామకం కింద డిపెండెంట్‌గా నాకు ఉద్యోగం వచ్చింది. నాలుగేళ్లుగా సంస్థలో పనిచేస్తున్నా. మా నాన్న పని చేసిన సంస్థలోనే నేను కూడా రెండో తరంగా పనిచేయడం ఎంతో సంతోషంగా ఉంది. సింగరేణిలో ఉద్యోగం చేయడం గర్వంగా ఉంది. – రమణ, ఉద్యోగి, ఆర్కే8 డిస్పెన్సరీ చాలా మార్పులు వచ్చాయి 36 ఏళ్లుగా సింగరేణిలో పని చేస్తున్నా. నాడు తట్టా చెమ్మస్‌తో పని చేశాం. ఇప్పుడన్నీ యంత్రాలతోనే చేస్తున్నాం. మొదట్లో చాలా ప్రమాదాలు జరిగేవి. ఇప్పుడు సేఫ్టీ పెరిగి ప్రమాదాలు తగ్గాయి. కారుణ్య ఉద్యోగాలతో కార్మికుల పిల్లలకు ఉద్యోగాలు వస్తున్నాయి. – మెండె వెంకటి, సపోర్టుమెన్‌, ఆర్కే7 లక్ష్యాలను సాధిస్తే అద్భుత ఫలితాలు నిర్ధేశించిన లక్ష్యాలను సాధిస్తేనే అద్భుత ఫలితాలు పొందుతాం. అప్పుడే సంస్థ మనుగడ సాధిస్తుంది. లాభాలు వస్తే ఉద్యోగుల సంక్షేమానికి మరింత ఖర్చు చేయొచ్చు. బొగ్గు ఉత్పత్తి లక్ష్య సాధనలో రక్షణకు అధిక ప్రాధాన్యతనిచ్చే చర్యలు చేపట్టాం. సింగరేణీయన్లకు ఆవిర్భావ దినోత్సవ శుభాకాంక్షలు. – ఎల్వీ సూర్యనారాయణ, జీఎం, శ్రీరాంపూర్‌

తాంసి: భీంపూర్‌ మండలంలోని కోజ్జన్‌గూడ శివారులో ఉన్న సూర్యగుట్ట అటవీ ప్రాంతంలో పులి సంచారం లేదని, ప్రజలు భయాందోళన చెందవద్దని బీట్‌ అధికారి రామేశ్వర్‌ స్పష్టం చేశారు. శుక్రవారం సూర్యగుట్ట సమీపంలో కుక్కపై అడవి జంతువులు దాడిచేసి హతమార్చాయి. సంఘటన స్థలాన్ని అటవీశాఖ బీట్‌ అధికారి రామేశ్వర్‌ శనివారం ఎనిమల్‌ ట్రాకర్స్‌తో కలిసి పరిశీలించారు. కుక్క కళేబరం వద్ద పులి లేదా చిరుతపులి సంచరించిన ఆనవాళ్లు లేవన్నారు. శునకాన్ని హైనా లేదా నక్క హతమార్చి ఉండవచ్చని అనుమానం వ్యక్తం చేశారు. ఆయన వెంట ఎనిమల్‌ ట్రాకర్స్‌ ఆత్రం నాందేవ్‌, స్థానికులు ఉన్నారు. విజిలెన్స్‌ అధికారుల తనిఖీమంచిర్యాలటౌన్‌: మంచిర్యాల మున్సిపాలిటీలో శనివారం విజిలెన్స్‌ అధికారులు తనిఖీ చేశారు. విజిలెన్స్‌ సీఐ ప్రశాంత్‌, ఏఈఈ శశిధర్‌, తహసీల్దార్‌ గిరీశ్‌రెడ్డి మున్సిపల్‌ కమిషనర్‌ మారుతి ప్రసాద్‌ను అడిగి వివరాలు తెలుసుకున్నారు. పన్నుల వివరాలు, ఇతర ఆదాయ మార్గాల వివరాలు సేకరించారు. డీటీసీగా రవీందర్‌ కుమార్‌ఆదిలాబాద్‌టౌన్‌: రవాణశాఖ ఉమ్మడి ఆది లాబాద్‌ జిల్లా డిప్యూటీ ట్రాన్స్‌పోర్టు కమిషనర్‌ (డీటీసీ)గా పి.రవీందర్‌కుమార్‌ నియామకమయ్యారు. శనివారం జిల్లా కేంద్రంలోని ఆ శాఖ కార్యాలయంలో బాధ్యతలు స్వీకరించారు. ఇది వరకు నిజామాబాద్‌ జిల్లా డీటీసీ దుర్గా ప్రమీళ అదనపు బాధ్యతలు నిర్వర్తించారు. హైదరాబాద్‌లోని నాగోల్‌ డ్రైవింగ్‌ ట్రాక్‌ ఆర్‌టీవోగా పనిచేస్తున్న ఆయనకు పదోన్నతి కల్పించిన ప్రభుత్వం డీటీసీగా జిల్లాకు బదిలీ చేసింది. కలెక్టర్‌ రాజర్షి షాను మర్యాదపూర్వకంగా కలిసి పుష్పగుచ్చం అందజేశారు. అటవీ అధికారులపై ఫిర్యాదుజైపూర్‌: కోతుల దాడిలో ఆర్థికంగా, ఆరోగ్యం పరంగా తీవ్రంగా నష్టపోతున్నామని, ఇందుకు కారణమైన అటవీశాఖ అధికారులపై చట్టపరమైన చర్యలు తీసుకోవాలని శనివారం భీమారం గ్రామస్తులు పోలీస్‌ స్టేషన్‌లో ఫిర్యాదు చేశారు. పంటలను నాశనం చేయడమే కాకుండా అడ్డువస్తున్న వారిపై దాడి చేస్తూ తీవ్రంగా గాయపరుస్తున్నాయని ఫిర్యాదులో పేర్కొన్నారు. అటవీశాఖ అధికారులకు ఫిర్యాదు చేసినప్పటికీ ఎలాంటి స్పందన లేదని వారు పేర్కొన్నారు.

మంచిర్యాలటౌన్‌: ప్రజలంతా ప్రతీ పండుగను సమష్టిగా జరుపుకోవాలని జిల్లా కలెక్టర్‌ కు మార్‌ దీపక్‌ అన్నారు. జిల్లా కేంద్రంలోని బైపాస్‌రోడ్డులో ఉన్న ఓ ఫంక్షన్‌హాల్‌లో శనివారం జిల్లా మైనారిటీ సంక్షేమ శాఖ ఆధ్వర్యంలో ఏర్పాటు చేసిన క్రిస్మస్‌ విందులో కలెక్టర్‌ పాల్గొన్నారు. కేక్‌ కట్‌ చేసిన అనంతరం ఆయన మాట్లాడుతూ రాష్ట్రంలో కులమతభేదాలు లే కుండా ప్రతీ పండుగను అందరూ కలిసి వేడుకగా జరుపుకోవడం కోసం ప్రభుత్వం కృషి చే స్తోందని తెలిపారు. దారిద్య్రరేఖకు దిగువన ఉ న్న వారు కూడా పండుగను జరుపుకునే విధంగా చర్యలు తీసుకుంటోందని పేర్కొన్నారు. ఈ నెల 25న క్రిస్మస్‌ వేడుకలను ప్రజలు సంతో షంగా జరుపుకోవాలని ఆకాంక్షించారు. ఈ కా ర్యక్రమంలో జిల్లా మైనారిటీ సంక్షేమ శాఖ అధికారి నీరటి రాజేశ్వరి, మంచిర్యాల తహసీల్దార్‌ రఫతుల్లా, పాస్టర్లు పాల్గొన్నారు.

మంచిర్యాలఅగ్రికల్చర్‌: సమస్యలు పరిష్కరించాలని సమగ్ర శిక్షా అభియాన్‌(ఎస్‌ఎస్‌ఏ) ఉద్యోగులు చేపట్టిన నిరవధిక సమ్మె శనివారం 12 రోజుకు చేరింది. సమ్మెలో భాగంగా కలెక్టరేట్‌ ఎదుట వంటావార్పు నిర్వహించారు. ఈ సందర్భంగా ఎస్‌ ఎస్‌ఏ జేఏసీ జిల్లా అధ్యక్ష, ప్రధాన కార్యదర్శులు సుమలత, రాజన్న మాట్లడుతూ ప్రభుత్వం స్పందించి వెంటనే చర్చలకు పిలిచి న్యాయం చేయాలని అన్నారు. 20 ఏళ్లుగా విద్యాశాఖలో కీలకంగా పని చేస్తున్నామని తెలిపారు. సంఘాల సంఘీభావం సమ్మెకు పలు సంఘాల నాయకులు సంఘీభావం ప్రకటించారు. టీఎన్‌జీవో జిల్లా అధ్యక్షుడు గడియా రం శ్రీహరి, అసోసియేట్‌ అధ్యక్షుడు శ్రీపతి బాపురావు మాట్లాడుతూ ప్రభుత్వం న్యాయమైన డి మాండ్లు పరిష్కరించాలని, రాష్ట్ర కమిటీ అండగా ఉంటుందని తెలిపారు. నాయకులు పొన్న మల్ల య్య, నాగేందర్‌, తిరుపతి సంఘీభావం తెలిపారు. బెల్లంపల్లి మండలం కాంప్లెక్స్‌ హెడ్‌ మాస్టర్లు మహేశ్వరెడ్డి, దామోదర్‌రెడ్డి, ఉపాధ్యాయులు, సీఐ టియూ జిల్లా నాయకులు రంజిత్‌, జిల్లా ట్రస్మా జిల్లా అధ్యక్షుడు ఎండీ.అజీజ్‌, విష్ణువర్థన్‌, సత్యనారాయణరెడ్డి సంఘీభావం తెలిపారు.

‘సున్నా’ లేకుండా గణితం లేదు. లెక్కలేని జీవితం లేనే లేదు. లెక్కించడం ప్రారంభమైప్పటి నుంచే మానవ నాగరికత మొదలైంది. అలా లెక్కించే దానికి అంకెలు అవసరం అయ్యాయి. అంకెలు సంఖ్యలుగా మారి మానవ జీవితాన్ని మార్చివేశాయి. నిత్యజీవితంలో గణితానికి చాలా అనుబంధం ఉంటుంది. అందుకే పోటీ పరీక్షల్లో అంక గణితానికి ప్రత్యేక స్థానం లభించింది. జూనియర్‌ కళాశాలల్లో ఎంపీసీ, ఎంఈసీ వంటి కోర్సులకు డిమాండ్‌ ఉంటుంది. ఉజ్వల భవిష్యత్తుకు ఇదే తొలిమెట్టు. ఇందులో ప్రతిభ కనబరిచే వారు ఇంజినీర్లు, చార్టెడ్‌ అకౌంట్‌, తదితర రంగాల్లో స్థిరపడుతున్నారు. బాల్యం నుంచే గణిత భావనలు.. పిల్లలు బాల్యం నుంచే గణిత భావనలు అలవర్చుకుంటారు. సందర్భానుసారంగా తార్కికంగా ఆలోచించడం, సవాళ్లను ఎదుర్కోవడం నేర్చుకుంటారు. గణితంలో వెనుకబడుతున్న విద్యార్థుల కోసం విద్యాశాఖతో పాటు గణిత ఫోరం అనేక చర్యలు చేపడుతోంది. అలాగే మ్యాథ్స్‌లో ప్రతిభ కలవారిని ప్రోత్సహించేందుకు పాఠశాల, మండల, జిల్లా, రాష్ట్రస్థాయిలో పోటీలు నిర్వహిస్తున్నారు. ఈనెల 12న జిల్లాస్థాయి పోటీలు నిర్వహించిన విషయం తెలిసిందే. ఇందులో ప్రతిభ కనబరిచిన వారిని రాష్ట్రస్థాయికి ఎంపిక చేశారు. నేడు హైదరాబాద్‌లో ఈ పోటీలు కొనసాగనున్నాయి. తమిళనాడు రాష్ట్రం తంజావూరులోని కుంభకోణంలో కుప్పుస్వామి–కోమలతమ్మల్‌ దంపతులకు 1987 డిసెంబర్‌ 22న రామానుజన్‌ జన్మించారు. పేద కుటుంబంలో పుట్టినా విద్యార్థి దశ నుంచే గణితంలో ప్రావీణ్యం సాధించారు. 13ఏళ్ల వయస్సులోనే త్రికోణమితి, జామెట్రీలను సొంతగా నేర్చుకున్నారు. ఈయ న ప్రతిభకు తార్కానమే 1729(రెండు విధాలుగా, రెండు ఘనాల మొత్తం అతి చిన్న సంఖ్య). దీనినే రామానుజన్‌ సంఖ్యగా వ్యవహరిస్తారు. ఆధునిక గణితశాస్త్రానికి అనేక సేవలందించారు. 33 ఏళ్ల వయస్సులోనే ఆయన కన్నుమూశారు. అప్పటి నుంచి ఆయన జ్ఞాపకార్థం ఏటా డిసెంబర్‌ 22న జాతీయ గణిత శాస్త్ర దినోత్సవం నిర్వహించడం ఆనవాయితీ.

నిర్మల్‌రూరల్‌: విద్యార్థులకు చార్టులు, బోధనోపకరణాలతో విద్యాబోధన చేస్తున్నారు నర్సాపూర్‌(జి) ఉన్నత పాఠశాల ఉపాధ్యాయుడు వి.మనోహర్‌రెడ్డి. ప్రాథమికస్థాయి నుంచి ఉపకరణాలతో గణితం బోధించడంలో ఆయన దిట్ట. ఇందుకోసం ఆయన సొంతంగా ఉపకరణాలు తయారు చేసుకున్నారు. రాష్ట్రస్థాయి, సౌత్‌ఇండియా స్థాయి, జాతీయస్థాయిలోనూ తన ఉపకరణాలను ప్రదర్శించి ప్ర శంసలను పొందారు. సులభంగా గణితం బో ధించడానికి తయారు చేసిన స్టడీ మెటీరియల్‌, ఎస్సీఈఆర్టీ ద్వారా రాష్ట్రస్థాయిలో గణిత ఉపాధ్యాయులకు ఇచ్చే వత్యంతర శిక్షణ కార్యక్రమాలు, కరదీపికల రూపకల్పనలో మనోహర్‌రెడ్డి కీలకంగా వ్యవహరించారు. ప్ర భుత్వ పాఠశాలలో చదివే పేద పిల్లలను ప్రో త్సహించడానికి ట్రస్టు ఏర్పాటు చేసి వివిధ కార్యక్రమాలు నిర్వహిస్తున్నారు.

మంచిర్యాలటౌన్‌: జిల్లాస్థాయిలో నిర్వహించిన సీఎం కప్‌–2024 పోటీల్లో రాష్ట్రస్థాయికి ఎంపికై న క్రీడాకారులు రాష్ట్రస్థాయి పోటీల్లోనూ రాణించాలని జిల్లా కలెక్టర్‌ కుమార్‌ దీపక్‌ అన్నారు. జిల్లా కేంద్రంలోని జెడ్పీ బాలుర ఉన్నత పాఠశాల మైదానంలో శనివారం నిర్వహించిన సీఎం కప్‌ ముగింపు కార్యక్రమానికి కలెక్టర్‌ గిరిజన కోఆపరేటివ్‌ కార్పొరేషన్‌ చైర్మన్‌ కొట్నాక తిరుపతితో కలిసి హాజరయ్యారు. ఈ సందర్భంగా కలెక్టర్‌ మాట్లాడుతూ ప్రభుత్వం చేపట్టిన సీఎం కప్‌ పోటీల్లో గ్రామ, మండల, మున్సిపల్‌ స్థాయిలను దాటి జిల్లాస్థాయి పోటీల్లో అత్యుత్తమ ప్రతిభ కనబర్చారని తెలిపారు. రాష్ట్రస్థాయి పోటీలకు ఎంపికై న క్రీడాకారులు ఈ నెల 27 నుంచి జనవరి 2వరకు జరిగే పోటీల్లో రాణించి ప్రథమ స్థానమే లక్ష్యంగా కృషి చేయాలని అన్నారు. శిక్షకులతో కలిపి దాదాపు 450 మంది క్రీడాకారులు రాష్ట్రస్థాయికి ఎంపికయ్యారని తెలిపారు. క్రీడారంగ అభివృద్ధిలో భాగంగా ప్రభుత్వం క్రీడా విశ్వవిద్యాలయం ఏర్పాటుకు చర్యలు తీసుకుంటోందని, గ్రామీణ స్థాయిలో దాగి ఉన్న క్రీడా నైపుణ్యాన్ని గుర్తించి, జిల్లా, రాష్ట్ర, జాతీయ, అంతర్జాతీయ స్థాయిల్లో పాల్గొనెలా ప్రోత్సహిస్తామని తెలిపారు. అనంతరం పెద్దపల్లి ఎంపీ గడ్డం వంశీకృష్ణ జూమ్‌ వీడియోకాల్‌ ద్వారా మాట్లాడుతూ ఇండోర్‌ స్టేడియం ఏర్పాటు, అవసరమైన క్రీడాసామగ్రి సమకూర్చడానికి కృషి చేస్తానని అన్నారు. ఈ కార్యక్రమంలో జిల్లా యువజనుల క్రీడల శాఖ అధికారి రాజ్‌వీరు, ఎస్సీ కార్పొరేషన్‌ ఈడీ దుర్గాప్రసాద్‌, షెడ్యూల్డ్‌ కులాల అభివృద్ధి శాఖ ఉపసంచాలకులు పోటు రవీందర్‌రెడ్డి, జిల్లా వయోజన విద్యాధికారి పురుషోత్తంనాయక్‌, జిల్లా సంక్షేమశాఖ అధికారి రౌఫ్‌ఖాన్‌, జిల్లా మైనారిటీ సంక్షేమ శాఖ అధికారి నీరటి రాజేశ్వరి, ఒలింపిక్స్‌ సంఘం కార్యదర్శి రఘునాథ్‌రెడ్డి, కోశాధికారి కనపర్తి రమేశ్‌ పాల్గొన్నారు. జిల్లా కలెక్టర్‌ కుమార్‌ దీపక్‌ జిల్లాలో ముగిసిన సీఎం కప్‌ పోటీలు

ఏంటో ఈ తికమక లెక్కలు.. ఎప్పటికీ తప్పవా వీటి తిప్పలు అంటూ కొంతమంది విద్యార్థులు గణితమంటేనే గాబరా పడుతుంటారు. కానీ చిన్న చిన్న చిట్కాలతో చిక్కులు విప్పితే చటుక్కున చేయవచ్చు ఏ లైకె ్కనా. మనిషి జీవితంలో గణితం ఓ అంతర్భాగంగా మారిపోయింది. అందుకే విద్యార్థి దశ నుంచే గురువులు గణితంపై ఆసక్తి పెంపొందించేలా చూడాలి. శ్రీనివాస రామానుజన్‌ పేద కుటుంబంలో పుట్టి మేధావిగా ఎదిగారంటే ఆయనకు లెక్కల్లో అపారమైన ప్రతిభ ఉండటమే కారణం. ఆయన స్ఫూర్తితో ప్రతిఒక్కరూ గణితంలో రాణించాలని ఏటా రామానుజన్‌ జయంతిని జాతీయ గణిత శాస్త్ర దినోత్సవంగా నిర్వహిస్తున్నారు. జిల్లా స్థాయిలో సైన్స్‌ఫేర్‌ ఏర్పాటు చేసి అందులో గణితంకు సంబంధించి ఎగ్జిబిట్లను ప్రదర్శిస్తున్నారు. నేడు నేషనల్‌ మ్యాథమెటిక్స్‌ డే సందర్భంగా ఉపాధ్యాయులు, విద్యార్థుల అభిప్రాయాలతో ప్రత్యేక కథనం. – ఆదిలాబాద్‌టౌన్‌/నిర్మల్‌ఖిల్లాగణిత బోధన చేస్తున్న ఉపాధ్యాయురాలు

మా పాఠశాల గణిత ఉపాధ్యాయులు సబ్జెక్టును భ యంతో కాకుండా ఆసక్తితో నేర్చుకునేలా ప్రయోగా త్మకంగా బోధిస్తున్నారు. దీంతో గణితం నేర్చుకో వాలన్న అభిరుచి మరింత పెరిగింది. గణితం ద్వారా విజ్ఞానం సాధనే కాకుండా వినోదాన్ని కూడా పొందవచ్చు. పజిల్స్‌, క్విజ్‌ వంటివే కా కుండా అర్థమెటిక్‌ లాజికల్‌ రీజనింగ్‌ వంటి ప్ర శ్నల సాధన ఎలా చేయాలో నేర్పించడం వల్లే ఇటీవల గణిత ప్రతిభా పరీక్షలో జిల్లాస్థాయిలో రెండో స్థానం సాధించాను. – కొట్టె హర్షవర్ధన్‌, విద్యార్థి, జెడ్పీహెచ్‌ఎస్‌, మస్కాపూర్‌

సాగుకు సిద్ధం కావాలి..గూడెం ఎత్తిపోతల పథకం కింద యా సంగి పంట సాగుకు రైతులు ఆలస్యం చేయకుండా సిద్ధం కావాలి. ఎత్తిపోతల ద్వారా డిస్ట్రిబ్యూటరీ 30 నుంచి 42 వరకు సాగునీరు అందిస్తాం. అందరూ సన్నరకం వరి సాగు చేసుకోవాలి. అధికారులు, రైతులతో సమావేశమై త్వరలో నీటి విడుదల తేదీని ప్రకటిస్తాం. – కొక్కిరాల ప్రేంసాగర్‌రావు, ఎమ్మెల్యే, మంచిర్యాల ఆరుతడి పంటలే వేసుకోవాలి..కడెం ప్రాజెక్టులో ప్రస్తుతం ఉన్న నీరు ఆరుతడి పంటలకే సరిపోతుంది. వరి వేసుకుంటే ఇబ్బంది అవుతుంది. ఎమ్మెల్యే, ఉన్నతాధికారులతో మాట్లాడి, వీలైతే ఎస్సారెస్పీ నుంచి ఒక టీఎంసీ నీరు తెప్పించే ప్రయత్నం చేస్తాం. కడెం నీటి విడుదల తేదీని త్వరలో ప్రకటిస్తాం. – విఠల్‌, ఈఈ, కడెం ప్రాజెక్టుదండేపల్లి: ఈ ఏడాది కురిసిన వర్షాలకు ప్రాజెక్టులు జలకళ సంతరించుకున్నాయి. పూర్తి స్థాయిలో నిండడంతో వానకాలం పంటలకు సాగునీరందించా యి. ప్రస్తుతం ఉన్న మిగులు జలాలతో యాసంగి పంటలకు నీరు అందించేందుకు ప్రజాప్రతినిధులు, అధికారులు ఏర్పాట్లు చేస్తున్నారు. కడెం ప్రాజె క్టు ద్వారా నిర్మల్‌ జిల్లాతోపాటు మంచిర్యాల జిల్లా జన్నారం, దండేపల్లి, లక్సెట్టిపేట, హాజీపూర్‌ మండలాలకు సాగునీరు అందుతుంది. యాసంగిలో క డెం నీటిని డిస్ట్రిబ్యూటరీ–1నుంచి 28 వరకు, ఎల్లంపల్లి బ్యాక్‌వాటర్‌ను దండేపల్లి మండలం గూడెం గోదావరి నది ఒడ్డున ఉన్న శ్రీసత్యనారాయణస్వామి ఎత్తిపోతల పథకం ద్వారా డిస్ట్రిబ్యూటరీ–30 నుంచి 42 వరకు సాగునీరు అందించడానికి ఏర్పాట్లు చేస్తున్నారు. ఇలా.. కడెం ప్రాజెక్టు పూర్తిస్థాయి నీటిమట్టం 700 అడుగులు కాగా, ప్రస్తుతం 695 అడుగులు ఉంది. ప్రాజెక్టు కింద డిస్టిబ్యూటరీ–1 నుంచి 42 వరకు డిస్ట్రిబ్యూటరీ కాలువలు ఉండగా, యాసంగి సాగుకు డిస్ట్రిబ్యూటరీ–1 నుంచి 28 వరకు సుమారు 16 వేల ఎకరాల వరకు ఆరు తడులుగా నీరు విడుదల చేస్తారు. వరికి బదులుగా ఆరుతడి పంటలు సాగు చేసుకోవాలని అధికారులు సూచిస్తున్నారు. ఇక ఎల్లంపల్లి ప్రాజెక్టు పూర్తిస్థాయి నీటిమట్టం 20.175 టీఎంసీలు కాగా ప్రస్తుతం 19.56 టీఎంసీల నీరు ఉంది. గూడెం శ్రీసత్యనారాయణస్వామి ఎత్తిపోతల ద్వారా దండేపల్లి మండలం తానిమడుగు సమీపంలోని డిస్ట్రిబ్యూటరీ 30 నుంచి లక్సెట్టిపేట, హాజీపూర్‌ మండలం డిస్ట్రిబ్యూటరీ 42 వరకు సాగునీరు అందిస్తారు. ‘గూడెం’ ట్రయల్‌రన్‌ విజయవంతం ప్రతియేటా యాసంగి సాగుకు ఎల్లంపల్లి ప్రాజెక్టు బ్యాక్‌ వాటర్‌ను గూడెం ఎత్తిపోతల పథకం ద్వారా కడెం ప్రాజెక్టు డిస్టిబ్యూటరీ–30 నుంచి 42 వరకు సాగుకు అందిస్తున్నారు. ఈసారి కూడా ఎత్తిపోతల ద్వారా దండేపల్లి మండలం డీ–30 నుంచి లక్సెట్టిపేట, హాజీపూర్‌ మండలం కడెం ఆయకట్టు చివరి ప్రాంతం డిస్ట్రిబ్యూటరీ 42 వరకు సాగునీరు అందిస్తారు. ఎత్తిపోతల నీటిని ఇటీవల ట్రయల్‌ రన్‌ నిర్వహించగా.. విజయవంతమైంది. త్వరలో ఎమ్మె ల్యే, అధికారులు, రైతులు సమావేశమై నీటి విడుదల తేదీని ప్రకటించనున్నారు. ప్రస్తుత యాసంగికి ఎల్లంపల్లి ప్రాజెక్టులోని 1.5 టీఎంసీ నీటిని సుమారుగా 18 వేల ఎకరాలకు పైగా అందిస్తారు. బావులు, బోర్లకింద వ్యవసాయ బావులు, బోర్ల కింద యాసంగి సాగు పనులను రైతులు ఇప్పటికే ప్రారంభించారు. కొందరు వరి నార్లు పోయగా, ముందుగా నార్లు పోసిన రైతులు నాట్లు వేస్తున్నారు. దీంతో బావులు, బోర్లకింద యాసంగి పనులు మొదలయ్యాయి. నిండుగా ఎల్లంపల్లి ప్రాజెక్టు ఆరుతడికి కడెం ప్రాజెక్టు నీళ్లు నీటి విడుదలకు ఏర్పాట్లు

మంచిర్యాలఅర్బన్‌: తాండూర్‌ మండలం కాసిపేట ఎంపీయూపీఎస్‌ గణిత ఉపాధ్యాయుడు గంప శ్రీనివాస్‌ విద్యార్థులకు కొత్త తరహా గణిత బోధనకు ప్రత్యేక కిట్‌ రూపొందించారు. గణితంపై సామర్థ్యాలు మెరుగుపరుస్తూనే ఎఫ్‌ఎల్‌ఎన్‌–లిప్‌ గణిత ఐఎల్‌ఎం కిట్‌ ప్రదర్శనతో నాలుగుసార్లు రాష్ట్ర స్థాయికి ఎంపికయ్యారు. ఆరేళ్లుగా కాసిపేట స్కూల్లో బోధన చేస్తున్నారు. గణితంలో విద్యార్థుల భయాన్ని దూరం చేసేందుకు మూడేళ్ల క్రితం విడివిడి తయారు చేసిన పరికరాలతో వినూత్నంగా బోధించేవారు. విద్యార్థులకు చదువులో సామర్థ్యాన్ని పెంచేందుకు చేపట్టిన ఎఫ్‌ఎల్‌ఎన్‌(ఫౌండేషనల్‌ లిటరసీ న్యూమరసీ) అమల్లోకి వచ్చిన తర్వాత అన్ని పరికరాలు కలిపి ప్రత్యేక గణిత కిట్‌తో బోధన చేస్తున్నారు. ప్రతీ ఏడాది రాజ్యస్థరీయ బాల వైజ్ఞానిక ప్రదర్శన, సైన్స్‌ఫెయిర్‌లో నవంబర్‌ 31, డిసెంబర్‌ 2024లో నిర్వహించిన పోటీల్లో టీచర్‌ లెర్నింగ్‌ మెటీరియల్‌(టీఎల్‌ఎం) శ్రీనివాస్‌ ప్రదర్శించిన ఎఫ్‌ఎల్‌ఎన్‌–లిప్‌ మ్యాథమాటికల్‌ ఐఎల్‌ఎం కిట్‌ రాష్ట్ర స్థాయికి ఎంపికై ంది. 2022–23 విద్యాసంవత్సరంలో కేరళలో నిర్వహించిన ప్రదర్శనలో జాతీయ స్థాయికి ఎంపికయ్యారు. ఒకటో తరగతికి చెందిన నంబరు లెక్కింపు మొదలుకుని 10వ తరగతికి చెందిన త్రికోణమితికి చెందిన టీఎల్‌ఎం ఈ కిట్‌లో ఉన్నాయి. ప్రతీ ప్రాఠశాలలో ఈ కిట్‌ అందుబాటులో ఉంటే విద్యార్థులకు గణితంపై ఆసక్తి పెంపొందించవచ్చని ఉపాధ్యాయుడు శ్రీనివాస్‌ తెలిపారు.

దండేపల్లి: పిల్లల విద్యాభివృద్ధిలో తల్లిదండ్రుల ఎంతో కీలకమని డీఈ వో ఎస్‌.యాదయ్య అన్నారు. శనివా రం ఆయన మండలంలోని వెల్గనూ రు ఉన్న త పాఠశాలలో నిర్వహించిన తల్లిదండ్రులు, ఉపాధ్యాయుల సమావేశంలో మాట్లాడారు. వెనుకబడి ఉన్న, హాజరు శాతం తక్కువగా ఉన్న విద్యార్థులను గుర్తించి వారిలో మార్పు తెచ్చేలా కృషి చేయాలని సూచించారు. అనంతరం పాఠశాలలో నిర్వహించి న ఆహారమేళాను డీఈవొ సందర్శించారు. పాఠశాలకు క్రమం తప్పకుండా వస్తున్న విద్యార్థులు, త ల్లిదండ్రులను సన్మానించారు. ఈ కార్యక్రమంలో జిల్లా సెక్టోరియల్‌ అధికారులు చౌదరి, సత్యనారా యణమూర్తి, శ్రీనివాస్‌, పాఠశాల ప్రధానోపాధ్యాయులు విజయలక్ష్మి, ఉపాధ్యాయులు, పాల్గొన్నారు.

విద్యార్థుల్లో అభ్యసన స్థాయిని పెంచి గణితంపై ఆసక్తి కలిగించాలి. వి ద్యా ప్రమాణాలను ఆధారంగా చే సుకుని విద్యార్థి కేంద్రీకృతంగా వ్య క్తిగత, గ్రూప్‌గా కృత్యాలు నిర్వహిస్తూ బోధన చేయాలి. అవసరమైన చోట బోధనభ్యాస సామగ్రిని ఉపయోగించాలి. గణి తం సూత్రధారితమైనది. ఎలా సూత్రీకరించబడిందో తెలియజేస్తూ నేర్పించాలి. అంతేకాని బట్టి పట్టించే ప్ర యత్నం చేయకూడదు. పాఠశాలల్లో మ్యాథ్స్‌ క్విజ్‌, ఉపన్యాసం, వ్యాసరచన వంటి పోటీలు నిర్వహించి వి ద్యార్థుల్లో గణితంపై ఉన్న భయాన్ని తొలగించాలి. వా రు గణితం నేర్చుకునేలా ప్రోత్సహించాలి.– కుంబోజి సూర్యకాంత్‌, యూపీఎస్‌, తాంసి(కె)

గణిత బోధన సమయంలో విద్యార్థులు తార్కికంగా ఆలోచించేలా వారికి కొన్ని క్రియలు, ప్రాజెక్టులు ఇవ్వాలి. సహజసిద్ధంగా నేర్చుకునేందుకు ఆటల ద్వారా బోధించాలి. దీంతో వారు గణితంపై మక్కువ పెంచుకుంటారు. సామర్థ్యంతో పాటు జ్ఞాపకశక్తి పెరుగుతుంది. చిన్న చిన్న సూత్రాలు గుర్తు పెట్టుకునేలా అభ్యసన చేయించాలి. మ్యాథ్స్‌ అంటే భయం పోగొట్టేలా చూడాలి. టీఎల్‌ఎం సాయంతో బోధన ద్వారా వారికి సులువుగా అర్థమవుతుంది. ప్రభుత్వ పాఠశాలల్లో టీవీ ప్యానల్‌ అందుబాటులోకి రావడంతో విద్యార్థులు ఆసక్తిగా చదువుకుంటున్నారు. – పిల్లి కిషన్‌, గణిత ఫోరం జిల్లా ప్రధాన కార్యదర్శి

జన్నారం: అడవిలో నివసించే వన్యప్రాణుల ద్వారా జరిగే నష్టానికి సంబంధించి అటవీ శా ఖ అందజేసే పరిహారాన్ని పెంచుతూ ప్రభుత్వం, పీసీసీఎఫ్‌ ఉత్తర్వులు జారీ చేసినట్లు జ న్నారం రేంజ్‌ అధికారి సుష్మారావు ఒక ప్రకట నలో తెలిపారు. గతంలో వన్యప్రాణుల(పులి, చిరుత, ఎలుగుబంటి) దాడిలో మృతుల కుటుంబాలకు రూ.5లక్షలు ఇవ్వగా, దానిని రూ.10 లక్షలకు పెంచినట్లు తెలిపా రు. గాయపడిన వారికి రూ.లక్ష వరకు పెంచడమే కాకుండా రూ. 10 వేలు వెంటనే అందజేస్తారని పేర్కొన్నారు. వన్యమృగాలు పశువులను చంపితే మార్కెట్‌ ధర ప్రకారం రూ.50 వేల వరకు పరి హారం పెంచినట్లు తెలిపారు. పశువైద్యాధికా రి, సెక్షన్‌ అధికారి సంయుక్త పంచనామా చేయాల్సి ఉంటుందని పేర్కొన్నారు. వన్యప్రాణుల ద్వారా పంట నష్టపోతే గతంలో ఎకరాకు రూ.6 వేలు ఇచ్చేవారని, ప్రస్తుతం రూ.7వేలకు పెంచినట్లు తెలిపారు.

● రామగుండం సీపీ శ్రీనివాస్‌ మంచిర్యాలక్రైం: శాంతిభద్రతల పరిరక్షణలో అలసత్వం వహించొద్ద ని రామగుండం సీపీ ఎం.శ్రీనివాస్‌ అన్నారు. శుక్రవారం రామగుండం పోలీస్‌ కమిషనరేట్‌ పెద్దపల్లి, మంచిర్యాల జిల్లా పరిధిలోని డీసీపీ, ఏసీపీ, ఎస్‌హెచ్‌ఓలతో వార్షిక నేర స మీక్ష సమావేశం జూమ్‌ ద్వారా నిర్వహించారు. ఈ సందర్భంగా ఆయన మా ట్లాడుతూ ఎస్సీ, ఎస్టీ మహిళల కేసులు, పోక్సో కేసుల్లో త్వరితగతిన విచారణ పూర్తి చేసి కోర్టులో చార్జీషీట్‌ దా ఖలు చేయాలని అన్నారు. నేరాల తీరు, ఎక్కువగా నేరాలు జరుగుతున్న ప్రాంతాలను గుర్తించి నివారణ చర్యలు చేపట్టాలన్నారు. అసాంఘిక శక్తులు, మావోయిస్టులపై దృష్టి కేంద్రీకరించి కఠిన చర్యలు తీసుకోవాలని తెలిపారు. నేరాల నియంత్రణకు విజిబుల్‌ పోలీసింగ్‌, నిరంతర పెట్రోలింగ్‌, ఆకస్మిక వాహన తనిఖీ లు చేపట్టాలని అన్నారు. మహిళలు, చిన్నారులపై నేరాలకు పాల్పడే వారిపై కఠిన చర్యలు తీసుకోవాలని చెప్పారు. ఈ సమావేశంలో పెద్దపల్లి డీసీపీ చేతన, అడిషనల్‌ డీసీపీ(అడ్మిన్‌) సి.రాజు, స్పెషల్‌ బ్రాంచ్‌ ఏసీపీ రాఘవేంద్రరావు, కమిషనరేట్‌ పరిధిలో ని ఏసీపీలు, ఏఆర్‌ ఏసీపీలు తదితరులు పాల్గొన్నారు.

● కలెక్టర్‌ కుమార్‌ దీపక్‌మంచిర్యాలటౌన్‌: జిల్లాలో నిర్వహిస్తున్న సీఎం కప్‌ జిల్లాస్థాయి పోటీల్లో గెలుపొంది, రాష్ట్రస్థాయిలో రాణించి జిల్లాకు మంచి పేరు తేవాలని జిల్లా కలెక్టర్‌ కుమార్‌ దీపక్‌ అన్నారు. జిల్లా కేంద్రంలోని ఉషోదయ ఉన్నత పాఠశాలలో శుక్రవారం నిర్వహించిన జిల్లాస్థాయి రన్నింగ్‌ పోటీలను ఆయన ప్రారంభించారు. జిల్లా యువజన క్రీడాభివృద్ధి అధికారి కీర్తి రాజ్‌వీరు, జిల్లా వయోజన విద్యాధికారి పురుషోత్తం నాయక్‌, జిల్లా మైనారిటీ సంక్షేమ శాఖ అధికారి నీరటి రాజేశ్వరి, జిల్లా సంక్షేమ శాఖ అధికారి రౌఫ్‌ఖాన్‌ పాల్గొన్నారు. నేడు విజేతలకు బహుమతులు జిల్లాస్థాయి సీఎం కప్‌ పోటీల విజేతలకు ఈ నెల 21న సాయంత్రం 3 గంటలకు జెడ్పీ బాలుర ఉన్న త పాఠశాల మైదానంలో బహుమతులు ప్రదానం చేయనున్నట్లు జిల్లా యువజన క్రీడల శాఖ అధికా రి రాజ్‌వీర్‌ ఒక ప్రకటనలో తెలిపారు. అథ్లెటిక్‌, ఖోఖో, కబడ్డీ, నెట్‌బాల్‌, యోగ, బాక్సింగ్‌, బాస్కె ట్‌ బాల్‌, కిక్‌ బాక్సింగ్‌, రెజ్లింగ్‌, చెస్‌, కరాటే, జూ డో, హ్యాండ్‌బాల్‌, బ్యాడ్మింటన్‌, ఫుట్‌బాల్‌, వివిధ క్రీడాంశాల విజేతలు హాజరుకావాలని తెలిపారు. అభివృద్ధి పనులు పూర్తి చేయాలి మంచిర్యాలఅగ్రికల్చర్‌: జిల్లాలో చేపట్టిన అభివృద్ధి పనులను ఈ నెల 31లోగా పూర్తి చేయాలని జిల్లా కలెక్టర్‌ కుమార్‌ దీపక్‌ అన్నారు. శుక్రవారం కలెక్టర్‌ చాంబర్‌లో ముఖ్య ప్రణాళిక అధికారి సత్యంతో కలిసి పంచాయతీరాజ్‌, రోడ్లు, భవనాల శాఖల అధికారులతో జిల్లాలో అభివృద్ధి పనులపై సమీక్ష సమావేశం నిర్వహించారు. కలెక్టర్‌ మాట్లాడుతూ మురుగు కాల్వలు, అంతర్గత రహదారులు, సెప్టిక్‌ ట్యాంక్‌లు, కల్వర్టులు, ప్రహరీలు, కమ్యూనిటీ భవనాల నిర్మాణాలు పూర్తి చేసేలా ప్రతీరోజు పురోగతిని పర్యవేక్షించాలని తెలిపారు. ఈ సమావేశంలో పంచాయతీరాజ్‌ ఈఈ ఎం.స్వామిరెడ్డి, అధికారులు పాల్గొన్నారు.