బెంగళూరు: తన తరఫున ఎన్నికల్లో ప్రచారం చేసే వారికి ప్రాణహాని కలిగే అవకాశం ఉందని సినీ నటి, మండ్య లోక్‌సభ నియోజకవర్గం నుంచి స్వతంత్ర అభ్యర్థిగా పోటీ చేస్తున్న సుమలత అంబరీష్‌ ఆరోపించారు. ఆదివారం ఆమె మండ్యాలో మీడియాతో మాట్లాడారు. తనకు మద్దతు తెలిపిన వారందరినీ టార్గెట్‌ చేసి వేధింపులకు గురి చేస్తున్నారని వ్యాఖ్యానించారు. తన తరఫున ఎన్నికల్లో ప్రచారం చేసిన సినీ నటులు భవిష్యత్‌లో పశ్చాత్తాపపడాల్సి ఉంటుందని కొందరు రాజకీయనేతలన్నారు. దీనిలో ఉన్న ఆంతర్యమేమిటని ఆమె ప్రశ్నించారు. ఈ ప్రకటనలో తన మద్దతుదారులకు హాని తలపెట్టాలనే ఉద్దేశం కనిపిస్తోందని వ్యాఖ్యానించారు. 


  గెలిస్తే ప్రజాసేవ, ఓడితే నటనే నా వృత్తి అంటున్నారు నటి రమ్య. తమిళంలో కుత్తు, వారణం ఆయిరం, పొల్లాదవన్ తదితర చిత్రాల్లో హీరోయిన్‌గా నటిచిన ఈ కన్నడ భామ మాతృభాషలో ప్రముఖ హీరోయిన్‌గా వెలుగొందారు. నటిగా మంచి ఫామ్‌లో ఉండగానే రాజకీయ రంగ ప్రవేశం చేశారు. ఇంతకుముందు కాంగ్రెస్ పార్టీ తరపున కర్ణాటకలోని పాండియ పార్లమెంటు స్థానానికి పోటీ చేసి గెలుపొందారు. ఇటీవల జరిగిన పార్లమెంటు ఎన్నికల్లో అదే పాండియ స్థానం నుంచి బరిలోకి దిగారు.
  
  అయితే ఈసారి పరాజయం తప్పదనే సమాచారం వెలువడటంతో షాక్‌కు గురైన రమ్య తన ట్విట్టర్‌లో కింది విధంగా స్పందించారు. జీవితంలో జయాపజయాలు ఒక భాగంగా పేర్కొన్నారు. తనకు పార్లమెంటు సభ్యురాలిగా పని చేసే అవకాశం ఒకసారి కలిగిందన్నారు. దీంతో అవిరామంగా ప్రజలకు సేవలందించానని తెలిపారు. పాండియ ప్రాంతం తన కుటుంబంలాంటిదన్నారు. ఎన్నికల ఫలితాల గురించి ఎలాంటి చింతా లేదని చెప్పారు. గెలిస్తే ప్రజాసేవలో నిమగ్నమవుతానని లేదంటే తనకు నటన వృత్తి ఉండనే ఉంది అన్నారు. ఎల్లప్పుడూ ప్రేమానందాలతో జీవించాలని నటి రమ్య పేర్కొన్నారు.