మెదక్‌ కలెక్టరేట్‌: విద్యుత్‌శాఖలో పనిచేస్తున్న ఆర్టిజన్లను వెంటనే కన్వర్షన్‌ చేయాలని టీవీఏసీజాక్‌ నాయకులు డిమాండ్‌ చేశారు. ఈ మేరకు సోమ వారం జిల్లా కేంద్రంలోని విద్యుత్‌ డివిజన్‌ కార్యాలయం ఎదుట రిలే దీక్షలు ప్రారంభించారు. ఈసందర్భంగా జాక్‌ నాయకులు మాట్లాడుతూ.. రాష్ట్ర కమిటీ పిలుపు మేరకు నేటి నుంచి ఈనెల 25 వరకు రిలే దీక్షలు, నిరసనలు తెలపనున్నట్లు తెలిపారు. ఏళ్ల తరబడి వెట్టి చాకిరి చేస్తున్నా.. పనికి తగిన వేతనం లభించడం లేదన్నారు. తాము కొత్తగా ఏమి అడగడం లేదని, ఉన్న పోస్టులను కన్వర్షన్‌ చేసి రెగ్యులర్‌ చేయాలన్నారు. ప్రపంచంలో ఎక్కడా లేని విధంగా ఒక విద్యుత్‌శాఖలోనే రెండు రూల్స్‌ ఉండటం ఏమిటని ప్రశ్నించారు. కార్యక్రమంలో విద్యుత్‌ కార్మిక సంఘాల నాయకులు స్వామి, దుర్గేష్‌, నాగరాజు, కొండల్‌రెడ్డితో పాటు పెద్దసంఖ్యలో కార్మికులు తదితరులు పాల్గొన్నారు.

● కొమురవెల్లిలో వైభవంగా పెద్దపట్నం, అగ్నిగుండాలు ● తరించిన భక్తకోటికొమురవెల్లి(సిద్దిపేట): కొమురవెల్లి మల్లన్న కేత్రం పసుపువర్ణ శోభితమైంది. పట్నం వారం సందర్భంగా సోమవారం తోటబావి ప్రాంగణంలో పెద్దపట్న ం, అగ్నిగుండాలు అత్యంత వైభవంగా నిర్వహించారు. పంచవర్ణాల పెద్ద పట్నాన్ని దాటుకుంటూ.. అగ్నిగుండంలో నడుస్తూ మేడలమ్మ, కేతమ్మ సమే త మల్లికార్జునుడిని దర్శించుకుని భక్తులు తన్మ యత్వం పొందారు. ఉదయం 10 గంటల నుంచి మధ్యాహ్నం 3 గంటల వరకు హైదరాబాద్‌కు చెందిన మానుక పోచయ్య యాదవ్‌ కుటుంబ సభ్యులు, దుర్గాప్రసాద్‌యాదవ్‌, యాదవ సంఘం సభ్యుల ఆధ్వర్యంలో పెద్దపట్నం, అగ్నిగుండాలను నిర్వహించారు. శివసత్తులు, భక్తులు బండారు చల్లుకోవడంతో ఆలయ పరిసరాలు పసుపు మయమయ్యాయి. 21 వరుసలతో పెద్దపట్నం.. హైదరాబాద్‌ యాదవసంఘం ఒగ్గుపూజారులు పంచవర్ణాలతో 21 వరుసలతో పెద్దపట్నం వేశారు. అదే సమయంలో భగభగ మండే నిప్పు రవ్వలతో అగ్నిగుండం తయారు చేశారు. అవాంఛనీయ సంఘటనలు జరగకుండా పోలీసులు చర్యలు చేపట్టారు.

ఆర్డీఓ జయచంద్రారెడ్డి తూప్రాన్‌: సర్వేలో అధికారులు ఎలాంటి తప్పులు, పొరపాట్లు లేకుండా నిజమైన అర్హులను గుర్తించాలని ఆర్డీఓ జయచంద్రారెడ్డి సిబ్బందికి సూచించారు. సోమవారం పట్టణ పరిధిలోని తాతపాపన్‌పల్లిలో రేషన్‌ కార్డుల సర్వేను మున్సిపల్‌ చైర్‌ పర్సన్‌ జ్యోతితో కలిసి పర్యవేక్షించారు. ఈసందర్భంగా ఆయన మాట్లాడుతూ.. అర్హులందరికీ రేషన్‌ కార్డులు జారీ చేస్తామని స్పష్టం చేశారు. కుటుంబ సర్వేలో రేషన్‌ కార్డులు లేవని చెప్పిన వారికి కార్డుల జారీ కోసం విచారణ పూర్తి అయిందని తెలిపారు. కొత్త కోడలు, పిల్లలను తమ కార్డులో చేర్చమని గతంలో మీ సేవలో దరఖాస్తు చేసుకున్న 7,700 దరఖాస్తులను కూడా తమ డివిజన్‌ పరిధిలో విచారణ చేస్తున్నామని చెప్పారు. అంతే కాకుండా గతంలో ప్రజాపాలనలో రేషన్‌ కార్డు కావాలని ఇచ్చిన దరఖాస్తులను కూడా విచారణ చేస్తామని తెలిపారు. తూప్రాన్‌ డివిజన్‌ పరిధిలో ఇప్పటివరకు 5,786 దరఖాస్తులు వచ్చాయని పేర్కొన్నారు. కాగా కుటుంబ సర్వేలో, ప్రజాపాలనలో ఎలాంటి దరఖాస్తు చేయని వారు ప్రస్తుతం గ్రామ, వార్డు సభలలో కొత్తగా దరఖాస్తు చేసుకోవాలని ఆయన సూచించారు.

ఎస్పీ ఉదయ్‌కుమార్‌రెడ్డి అర్జీలు పరిశీలిస్తున్న ఎస్పీ ఉదయ్‌కుమార్‌రెడ్డిమెదక్‌ మున్సిపాలిటీ: ఏమైనా సమస్యలుంటే మూడో వ్యక్తి ప్రమేయం లేకుండా వచ్చి పరిష్కరించుకోవాలని ఎస్పీ ఉదయ్‌కుమార్‌రెడ్డి ప్రజలకు సూచించారు. సోమవారం జిల్లా పోలీస్‌ ప్రధాన కార్యాలయంలో ప్రజావాణి నిర్వహించారు. ఈసందర్భంగా బాధితుల నుంచి ఫిర్యాదులు స్వీకరించారు. తక్షణ పరిష్కారం కోసం సంబంధిత స్టేషన్‌ అధికారులతో మాట్లాడారు. సమస్య స్థితిని, పరిష్కారానికి పలు సూచనలు చేశారు. అనంతరం ఎస్పీ మాట్లాడుతూ.. ప్రజలు నిర్భయంగా, మూడో వ్యక్తి ప్రమేయం లేకుండా ఎలాంటి, పైరవీలు లేకుండా పోలీస్‌ సేవలను వినియోగించుకోవాలన్నారు. సమస్యలు చట్ట ప్రకారం పరిష్కరించుకోవాలని తెలిపారు. శాంతి భద్రతలను పరిరక్షిస్తూ ముందుకు సాగడమే లక్ష్యంగా జిల్లా పోలీస్‌శాఖ పని చేస్తుందని పేర్కొన్నారు.

నర్సాపూర్‌: అడవుల సంరక్షణతో పాటు క్షేత్రస్థాయి పరిశోధనపై జిల్లాకు చెందిన అటవీ శాఖ అధికారులు, సిబ్బందికి సోమవారం రైతు వేదికలో శిక్షణ ఏర్పాటుచేశారు. అటవీశాఖ డిప్యూటీ కన్జర్వేటర్‌ ఆఫ్‌ ఫారెస్ట్‌ ప్రకాష్‌, డీఎఫ్‌ఓ జోజి అడవుల రక్షణకు తీసుకోవాల్సిన చర్యలను వివరించారు. అనంతరం అర్బన్‌ పా ర్కులో ఫీల్డ్‌ విజిట్‌పై అవగాహన కల్పించారు. కార్యక్రమంలో స్థానిక ఎఫ్‌ఆర్‌ఓ అరవింద్‌, సెక్షన్‌ ఆఫీసర్‌ సాయిరాం పాల్గొన్నారు. పథకాలను సద్వినియోగం చేసుకోండి: జాన్‌ కెన్నడీ నర్సాపూర్‌: ప్రభుత్వం అమలు చేస్తున్న సంక్షేమ పథకాలను సద్వినియోగం చేసుకొని ఆర్థికంగా అభివృద్ధి చెందాలని ఐకేపీ జిల్లా సంస్థాగత నిర్మాణ విభా గం ప్రాజెక్టు మేనేజర్‌ జాన్‌ కెన్నడీ హితవు పలికారు. సోమవారం ఐకేపీ కార్యాలయంలో గ్రామ సంఘాల అధ్యక్షులు, సీఏల శిక్షణ సమావేశంలో ఆయన పాల్గొన్నారు. సంఘాల నాయకత్వ మార్పులు, కాలపరిమితి, గ్రామ సంఘాలు, మండల సమాఖ్య బాధ్యుల విధు లు, బాధ్యతలు తదితర అంశాలపై ఆయన మహిళా ప్రతినిధులకు అవగాహన కల్పించారు. సమావేశంలో ఐకేపీ ఏపీఎం గౌరీశంకర్‌ తదితరులు పాల్గొన్నారు. ప్రజా సేవలో ముందుండాలి మనోహరాబాద్‌(తూప్రాన్‌): ప్రజలకు సేవ చేయడంలో పరిశ్రమల యాజమాన్యాలు ముందుండాలని తూప్రాన్‌ డీఎస్పీ వెంకట్‌రెడ్డి అన్నారు. సోమవారం మండలంలోని రంగాయపల్లి, చెట్లగౌరారం శివారులో గల ఎంఎస్‌ అగర్వాల్‌ పరిశ్రమ ఆధ్వర్యంలో చేపట్టిన ఉచిత కంటి వైద్య శిబిరాన్ని ఆయన ప్రారంభి ంచి మాట్లాడారు. సీఎస్‌ఆర్‌ నిధులతో గ్రామాలకు చేయూతనివ్వాలి కోరారు. అనంతరం అవసరమైన వారికి కంటి అద్దాలను పంపిణీ చేశారు. కార్యక్రమంలో తూప్రాన్‌ సీఐ రంగాకృష్ణ, పంచాయతీ కార్యదర్శి కవిత, పరిశ్రమ ప్రతినిధులు పాల్గొన్నారు. బేటి బచావో– బేటి పడావో’పై అవగాహన కల్పించాలి మెదక్‌ కలెక్టరేట్‌: ‘బేటి బచావో బేటి పడావో’ కార్యక్రమానికి విస్తృత ప్రచారం కల్పించాలని, పథకం ప్రారంభమై పదేళ్లు పూర్తయిన సందర్భంగా ఉత్సవాలకు ప్రణాళికలు సిద్ధం చేయాలని అదనపు కలెక్టర్‌ నగేష్‌ తెలిపారు. సోమవారం కలెక్టరేట్‌లో అధికారులతో నిర్వహించిన సమావేశంలో మాట్లాడారు. సంబంధిత శాఖలతో సమన్వయం ఏర్పాటు చేసుకుని ఆడపిల్లల సంక్షేమానికి సమాజంలో చైతన్యం తీసుకురావాలని సూచించారు. గ్రామాల్లో తరచూ ఆడపిల్లలు ఎదుర్కొంటున్న సమస్యలకు చట్టపరమైన సంరక్షణ కల్పించాలన్నారు. లింగ నిర్ధారణ పరీక్షలు చేస్తే జరిమానాతో పాటు జైలు శిక్షపై ప్రజలకు వివరిస్తూ బాలిక సాధికారత దిశగా జిల్లాను మొదటి స్థానంలో నిలపాలన్నారు. కార్యక్రమంలో సీనియర్‌ సివిల్‌ జడ్జి జితేందర్‌, జిల్లా మహిళా సీ్త్ర శిశు సంక్షేమ శాఖ అధికారి హైమావతి, అదనపు ఎస్పీ మహేందర్‌, డీఆర్డీఓ శ్రీనివాసరావు, డీఎంహెచ్‌ఓ శ్రీరామ్‌, ిసీడీపీఓలు, సఖి, మహిళా సాధికారత సభ్యులు పాల్గొన్నారు.

ఎప్పుడూ లేని విధంగా ఈసారి మామిడి పూత విరగబూసింది. అయితే వివిధ రకాలు తెగుళ్లు రైతులను కలవరపెడుతున్నాయి. లక్షలాది రూపాయలు వెచ్చించి తోటల పెంపకం చేపట్టిన కర్షకులు తెగుళ్ల భారి నుంచి చెట్లను రక్షించుకునే పనిలో నిమగ్నమయ్యారు. ఇందుకోసం వివిధ రకాల పురుగు మందులు పిచికారీ చేస్తున్నారు. పూత నిలబడితేనే దిగుబడి పెరుగుతుందని ఆశిస్తున్నారు. విరగబూసిన మామిడి ● తెగుళ్ల ముప్పుతో రైతుల దిగులు ● అప్రమత్తత అవసరమనిఅధికారుల సూచన ● జిల్లాలో 3వేల పైచిలుకు ఎకరాల్లో తోటలుమెదక్‌జోన్‌: జిల్లావ్యాప్తంగా మూడు వేల పైచిలుకు ఎకరాల్లో మామిడి తోటలు విస్తరించి ఉన్నాయి. వాతావరణ మార్పులతో పాటు అకాల వర్షాలు, గాలివానతో గడిచిన మూడేళ్లు రైతులు నష్టాలనే చవి చూశారు. కాగా ఈసారి ఎప్పుడూ లేని విధంగా మామిడి పూత విరగబూసింది. కానీ రాత్రి వేళల్లో కనిష్ట ఉష్ణోగ్రతలు గణనీయంగా పడిపోవ డం, రసం పీల్చే పురుగుతో పాటు బూడిద తెగులు రైతులను కలవరపెడుతున్నాయి. దీంతో పూత, కాత రాలిపోయే ప్రమాదం ఉందని రైతులు ఆవేదన వ్యక్తం చేస్తున్నారు. తెగుళ్ల నివారణ కోసం వారికి తోచిన మందులను పిచికారీ చేస్తున్నారు. వారం రోజుల్లో తెగుళ్ల నుంచి తోటలను కాపాడుకోకుంటే దిగుబడిపై తీవ్ర ప్రభావం చూపే అవకాశం ఉందని ఆందోళన వ్యక్తం చేస్తున్నారు. అయితే వరి ఇతర కూరగాయల మాదిరిగా కాకుండా మామిడి పూత పలు దఫాలుగా వస్తోంది. ఇది ముఖ్యంగా డిసెంబర్‌ మూడో వారం నుంచి మొదలుకుని ఫిబ్రవరి మూడో వారం వరకు పలుమార్లు రానుంది. ఏప్రిల్‌ మొదటి వారం నుంచి మొదలుకుని జూన్‌ చివరి వారం వరకు కాత వస్తుంది. అంటే ఏడాదిలో ఐదు మాసాల వరకు మామిడి పంట ప క్రియ కొనసాగుతోంది. కాగా జనవరి, ఫిబ్రవరిలో సోకే తెగుళ్ల నివారణ కోసం సకాలంలో చర్యలు చేపడితే మంచి దిగుబడులు వస్తాయని ఉద్యానవనశాఖ అధికారులు చెబుతున్నారు. ఎకరాకు రూ. లక్ష ఆదాయం తెగుళ్ల ముప్పు నుంచి మామిడి తోటలను కాపాడుకుంటే ఎకరాకు రూ. 75 వేల నుంచి రూ. లక్ష వరకు ఆదాయం వస్తోందని సంబంధిత అధికారులు చెబుతున్నారు. ఎకరంలో మూడు నుంచి నాలుగు టన్నుల మామిడి కాయల దిగుబడి వస్తుందంటున్నారు. టన్ను మామిడి కాయలకు హోల్‌సేల్‌ ధర రూ. 25 వేల వరకు ఉంటుందని, ఈ లెక్కన ఎకరంలో సదరు రైతు ఆదాయం రూ. లక్ష వరకు వచ్చే అవకాశం ఉంది. టంకర చేసే మరింత అదాయం రానుంది. మామిడి కాయలను కోసం మగ్గబెట్టి విక్రయిస్తే ఎకరాకు రూ. లక్ష వరకు ఆదాయం వస్తే, మామిడి కాయలను కోసి టంకరగా మార్చి విక్రయిస్తే ఎకరానికి రూ. 2 లక్షల మేర ఆదాయం వరకు వస్తోందని రైతులు చెబుతున్నారు. ఎక్కువగా మెదక్‌, కొల్చారం, చిన్నశంకరంపేట, రామాయంపేట, హవేళిఘణాపూర్‌ తదితర మండలాల రైతులు మాత్రమే టంకరను తయారు చేస్తారు.అప్రమత్తంగా ఉండాలి ప్రస్తుతం మామిడి తోటలు విరగబూశాయి. అయితే తోటలకు రసం పీల్చే పురుగు, బూడిద తెగులు ఆశించింది. ఈ సమయంలో రైతులు అప్రమత్తంగా ఉండాల్సిన అవసరం ఉంది. తెగుళ్ల నివారణ కోసం 20 లీటర్ల నీటిలో ఒక గ్రాము ఇమిడక్లోరైడ్‌, రెండు గ్రాముల సాఫ్‌తో పాటు 19–19–19ను 5 గ్రాముల చొప్పున నీటిలో కలిపి పూతపై 10 రోజుల వ్యవధిలో పిచికారీ చేయాలి. – ప్రతాప్‌సింగ్‌, జిల్లా ఉద్యానశాఖ అధికారి

మెదక్‌ కలెక్టరేట్‌: దివ్యాంగుల పెన్షన్‌ రూ. 5 వేలకు పెంచాలని వికలాంగుల హక్కుల జాతీయ వేదిక జిల్లా కార్యదర్శి యశోద ప్రభుత్వాన్ని డిమాండ్‌ చేశారు. పెన్షన్‌ పెంపుపై ఫిబ్రవరి 10న నిర్వహించనున్న చలో ఢిల్లీ కార్యక్రమానికి సంబంధించిన కరపత్రాలను సోమవారం మెదక్‌లో ఆవిష్కరించారు. ఈసందర్భంగా ఆమె మాట్లాడుతూ.. దివ్యాంగులకు రేషన్‌ కార్డు ఇవ్వాలని, బ్యాక్‌లాగ్‌ పోస్టులు భర్తీ చేయాలని, ఉపాధి హామీ పని కల్పించాలని డిమాండ్‌ చేశారు. కార్యక్రమంలో ఎన్‌పీఆర్డీ వర్కింగ్‌ ప్రెసిడెంట్‌ దుర్గ, జిల్లా కమిటీ సభ్యులు భాగ్యలక్ష్మి, రాణి తదితరులు పాల్గొన్నారు.

పరిహారమిచ్చి ఆదుకోండి పొలం వద్ద పనులు చేస్తుండగా పిడుగుపాటుతో మా తండ్రి ఇమ్మడి రాజయ్య గతేడాది సెప్టెంబర్‌ 4వ తేదీన మృతి చెందాడు. కుటుంబ పెద్దను కోల్పోయి ఆర్థికంగా, మానసికంగా తీవ్ర ఇబ్బందులు పడుతున్నాం. ప్రభుత్వం స్పందించి పరిహారం అందించి ఆదుకోవాలి. – గణేష్‌, వాడి, హవేళిఘణాపూర్‌ రుణమాఫీ కావడం లేదు లక్ష్మాపూర్‌ ఏపీజీవీబీ బ్యాంకులో లక్షలోపు పంట రుణం తీసుకున్నాం. మాకు ఇప్పటివరకు రుణ మాఫీ కాలేదు. ప్రభుత్వం రూ. రెండు లక్షలలోపు బకాయిలను మాఫీ చేస్తున్నట్లు ప్రకటించింది. కాని లక్షలోపు ఉన్న మా రుణం మాత్రం మాఫీ కాలేదు. ఇప్పటికై నా రుణమాఫీ చేసి ఆదుకోండి. – రాగుల సిద్దమ్మ, లక్ష్మాపూర్‌మెదక్‌ కలెక్టరేట్‌: ప్రజావాణిలో వినతులకు అధిక ప్రాధాన్యం ఇచ్చి వెంటనే పరిష్కారం చూపాలని అదనపు కలెక్టర్‌ నగేష్‌ అధికారులను ఆదేశించారు. సోమవారం కలెక్టరేట్‌లో ప్రజల నుంచి అర్జీలు స్వీకరించి మాట్లాడారు. ఇప్పటివరకు పెండింగ్‌లో ఉన్న అర్జీలను సైతం వెంట వెంటనే పరిష్కరించాలని సంబంధిత శాఖల అధికారులకు సూచించారు. ప్రజావాణికి 102 వినతులు రాగా వాటిలో అత్యధికంగా ధరణి సమస్యలపై 38, ఇందిరమ్మ ఇళ్ల కోసం 11, రుణమాఫీపై 3, రేషన్‌ కార్డులు కా వాలని 10, ఇతర సమస్యలపై 40 వరకు వచ్చాయి. ప్రజావాణి కార్యక్రమంలో డీఆర్‌ఓ భుజంగరావు, జెడ్పీ సీఈఓ ఎల్లయ్య, డీఆర్డీఓ పీడీ శ్రీనివాసరావుతో పాటు అన్నిశాఖల జిల్లా అధికారులు, సిబ్బంది పాల్గొన్నారు.పొలం ఆక్రమించారు బతుకుదెరువు కోసం పట్నం పొతే.. మా పొలాన్ని ఆక్రమించుకొని అన్యాయం చేస్తున్నారు. మెదక్‌ మండలం అవుసుపల్లి శివారులోని 573 సర్వే నంబర్‌లో రెండెకరాలను 1979లో అప్పటి ప్రభుత్వం మా తండ్రి పోచయ్య పేరున పట్టా చేసి ఇచ్చింది. నాటి నుంచి మా ఆధీనంలోనే ఆ భూమి ఉంది. కొంతకాలంగా మేము బతుకుదెరువు నిమిత్తం పట్నం వెళ్లగా గ్రామానికి చెందిన కొందరు వ్యక్తులు మా భూమి ఆక్రమించుకున్నారు. అధికారులు న్యాయం చేయాలి. – గాయంతి సాయిలు, అవుసులపల్లి అదనపు కలెక్టర్‌ నగేష్‌ ప్రజావాణికి 102 వినతులు

మెదక్‌జోన్‌: రేషన్‌ కార్డుల జారీ నిరంతర పక్రియ అని, అర్హులకు కార్డు మంజూరు కాకుంటే గ్రామ సభల్లో దరఖాస్తులు స్వీకరించాలని కలెక్టర్‌ రాహుల్‌రాజ్‌ తెలిపారు. సోమవారం కలెక్టరేట్‌ నుంచి సంబంధిత అధికారులతో టెలీ కాన్ఫరెన్స్‌ నిర్వహించారు. రైతు భరోసా, ఇందిరమ్మ ఆత్మీయ భరోసా, రేషన్‌ కార్డులు, ఇందిరమ్మ ఇళ్లకు సంబంధించి ఇప్పటివరకు చేపట్టిన క్షేత్రస్థాయి సర్వే పరిశీలన, గ్రామ, వార్డు సభల నిర్వహణపై సమీక్షించారు. ఈసందర్భంగా ఆయన మాట్లాడుతూ.. రైతు భరోసా పథకం గుర్తింపులో ఎలాంటి తప్పిదాలకు తావివ్వొదని సూచించారు. అలాగే ఇందిరమ్మ ఇళ్లతో పాటు ఇతర పథకాల విషయంలో అర్హులను గుర్తించాల్సిన బాధ్యత క్షేత్రస్థాయి అధికారులపై ఉందని అన్నారు. కార్యక్రమంలో అదనపు కలెక్టర్‌ నగేష్‌, జెడ్పీ సీఈఓ ఎల్లయ్య, డీఆర్‌డీఓ శ్రీనివాసరావు, జిల్లా పౌర సరఫరాల అధికారి సురేష్‌రెడ్డి, పాల్గొన్నారు. ఆ భూములకు రైతు భరోసా వర్తించదు టేక్మాల్‌(మెదక్‌): సాగు యోగ్యం కాని భూములకు రైతు భరోసా వర్తించదని కలెక్టర్‌ స్పష్టం చేశారు. సోమవారం టేక్మాల్‌లో వివిధ పథకాల కోసం చేపడుతున్న సర్వేను పరిశీలించి మాట్లాడారు. రెవెన్యూ, వ్యవసాయ అధికారులు క్షేత్రస్థాయిలో సమాచారం సేకరించాలని సూచించారు. అర్హులైన ప్రతి ఒక్కరికి సంక్షేమ పథకాలు అందేలా చూడాలన్నారు. గ్రామ సభల నిర్వహణపై అధికారులకు పలు సూచనలు చేశారు. ఆయనతో పాటు తహసీల్దార్‌ తులసీరాం, ఎంపీడీఓ విఠల్‌, వ్యవసాయాధికారి రాంప్రసాద్‌, ఆర్‌ఐ సాయి శ్రీకాంత్‌, ఈఓ రాకేష్‌ తదితరులు ఉన్నారు. గ్రామ సభల్లో దరఖాస్తులు స్వీకరించాలి కలెక్టర్‌ రాహుల్‌రాజ్‌

స్టేజీల వద్ద బస్సులు ఆగకపోవడంతో ప్రయాణికులు అవస్థలు పడుతున్నారు. అల్లాదుర్గం, చిల్వెర ఐబీ చౌరస్తా నుంచి నిత్యం వందలాది మంది ఇతర ప్రాంతాలకు ప్రయాణిస్తుంటారు. మహలక్ష్మి పథకం కింద మహిళలకు ప్రభుత్వం ఉచిత ప్రయాణం కల్పించడంతో రద్దీ పెరిగింది. నారాయణఖేడ్‌, సంగారెడ్డి, హైదరాబాద్‌ డిపోలకు చెందిన బస్సులను పలు స్టేజీల వద్ద డ్రైవర్లు ఆపడం లేదు. అల్లాదుర్గం దాటిన తర్వాత సర్వీస్‌ రోడ్డు నుంచి వెళ్లాల్సి ఉండగా, 161 హైవే పైనుంచే వెళ్తున్నారు. ఆర్టీసీ అధికారులకు ఎన్నిసార్లు ఫిర్యాదు చేసినా పట్టించుకోవడం లేదని ప్రయాణికులు ఆవేదన వ్యక్తం చేస్తున్నారు. – అల్లాదుర్గం(మెదక్‌)

ఘనపురం చేరిన సింగూరు జలాలుపాపన్నపేట(మెదక్‌): మంజీరా పరవళ్లతో ఘనపురం ప్రాజెక్టు పొంగిపొర్లుతుంది. సింగూరు నుంచి ఈనెల 15న విడుదల చేసిన నీరు ఆదివారం తెల్లవారుజామున ఆనకట్టకు చేరింది. యాసంగి పంటకు మొదటి విడతగా 0.35 టీఎంసీల నీరు విడుదల చేయడంతో ఫతేనహర్‌, మహబూబ్‌ నహర్‌ కెనాల్‌ నుంచి ఇరిగేషన్‌ అధికారులు పొలాలకు నీటిని వదిలారు. దీంతో ఆనకట్ట కింద ఉన్న 21,625 ఎకరాల్లో రైతులు వరి నాట్లు ప్రారంభించారు. ఈ సీజన్‌కు సంబంధించి సుమారు 3 టీఎంసీల నీరు అవసరమవుతుందని భావిస్తున్నారు. మరో 7 విడతల్లో 0.35 టీఎంసీల చొప్పున అవసరాన్ని బట్టి నీటిని విడుదల చేస్తామని ఇరిగేషన్‌ డీఈఈ శివనాగరాజు తెలిపారు. ఆనకట్ట పైనుంచి పొంగి పొర్లుతున్న నీరు దిగువకు ప్రవహిస్తుండటంతో కూచన్‌పల్లి సర్ధన వద్ద ఉన్న చెక్‌ డ్యాం నిండనుంది. అలాగే ఎల్లాపూర్‌ తీర ప్రాంతాలకు సాగునీరు అందనుంది. దీంతో రైతుల్లో ఆనందం వ్యక్తమవుతోంది. నాగ్సాన్‌పల్లిలో వరి నాట్లు వేస్తున్న రైతులు

కలెక్టర్‌ రాహుల్‌రాజ్‌ పక్కాగా అర్హుల ఎంపిక: అదనపు కలెక్టర్‌హవేళిఘణాపూర్‌(మెదక్‌): అర్హులందరికీ కొత్త రేషన్‌ కార్డులు అందజేస్తామని కలెక్టర్‌ రాహుల్‌రాజ్‌ అన్నారు. ఆదివారం మెదక్‌ మండలం పాతూర్‌లో క్షేత్రస్థాయిలో సర్వేను పరిశీలించారు. ఈసందర్భంగా ఆయన మాట్లాడుతూ.. ప్రభుత్వ మార్గదర్శకాల మేరకు రేషన్‌కార్డుల జారీ నిరంతర ప్రక్రియ అన్నారు. ఈనెల 21 నుంచి 24వ తేదీ వరకు నిర్వహించనున్న గ్రామ సభలలో దరఖాస్తులు స్వీకరించడంతో పాటు ప్రజాపాలనలో వచ్చిన వాటిని సైతం పరిశీలించాలని ప్రభుత్వం స్పష్టమైన ఆదేశాలు జారీ చేసిందన్నారు. ప్రస్తుత రేషన్‌ లబ్ధిదారుల జాబితా తుది జాబితా కాదని స్పష్టం చేశారు. ఈనెల 26 నుంచి ప్రారంభించనున్న నాలుగు పథకాలపై గ్రామ సభలలో ప్రజాభిప్రాయలు తీసుకుంటామని చెప్పారు. గ్రామ సభలు, ప్రజాపాలన సేవా కేంద్రాలలో కొత్తగా తీసుకున్న దరఖాస్తులు, ఎంపీడీఓ కార్యాలయాల్లో ఇప్పటికే ఉన్న వాటిని పరిశీలించిన తర్వాతే లబ్ధిదారుల తుది జాబితా ప్రకటిస్తామని వివరించారు. ఇంటి స్థలం ఉన్నవారు, లేని వారి రెండు జాబితాలను గ్రామ సభలలో ప్రదర్శించాలని సిబ్బందికి సూచించారు. వ్యవసాయ యోగ్యమైన ప్రతి భూమికి రైతు భరోసా కింద ఎకరానికి ఏడాదికి రూ. 12 వేలు అందజేస్తామన్నారు. గ్రామ సభలకు అన్ని ఏర్పాట్లు చేయాలని అధికారులను ఆదేశించారు. కౌడిపల్లి(నర్సాపూర్‌): జిల్లాలో పకడ్బందీగా ప్రభుత్వ పథకాల లబ్ధిదారుల వెరిఫికేషన్‌ జరుగుతుందని అదనపు కలెక్టర్‌ నగేష్‌ అన్నారు. ఆదివారం కౌడిపల్లిలో రేషన్‌కార్డుల సర్వేను తనిఖీ చేసి మాట్లాడారు. అర్హులైన లబ్ధిదారులకు ప్రభుత్వ పథకాలు అందేలా అధికారులు పకడ్బందీగా సర్వే చేస్తున్నారని తెలిపారు. ఎక్కడా ఎలాంటి పొరపాట్లు లేకుండా లబ్ధిదారులకు రేషన్‌కార్డులు, ఇందిరమ్మ ఇళ్లు, రైతు భరోసా, ఇందిరమ్మ ఆత్మీయ భరోసా అందించేందుకు అధికార యంత్రాంగం కృషి చేస్తుందన్నారు. లబ్ధిదారులను గ్రామసభల ద్వారా ఎంపిక చేస్తామని పేర్కొన్నారు. అనర్హులుంటే తెలియజేయాలని సూచించారు. కార్యక్రమంలో ఎంపీడీఓ శ్రీనివాస్‌, పంచాయతీ కార్యదర్శులు వెంకటేశం, ప్రవీన్‌రెడ్డి తదితరులు పాల్గొన్నారు.

జజ్జనకరి జనాలే.. నేడు పెద్దపట్నం, అగ్నిగుండం బ్రహ్మోత్సవాల్లో భాగంగా పట్నం వారం అనంతరం సోమవారం నగరానికి చెందిన యాదవ భక్తుడి వంశస్తులు పెద్దపట్నం, అగ్నిగుండాలు నిర్వహించడం ఆనవాయితీ. ఇందుకు ఆలయ తోట బావి ప్రాంగణంలో భారీ ఏర్పాట్లు చేశారు. ఈ సందర్భంగా ఆలయ ఈఓ రామాంజనేయులు మాట్లాడుతూ భక్తులకు ఎలాంటి ఇబ్బందులు ఏర్పడకుండా ఏర్పాట్లు చేశామన్నారు. వైభవంగా మల్లన్న పట్నం వారం ● వేలాదిగా తరలివచ్చిన భక్తజనం కొమురవెల్లి(సిద్దిపేట): ‘మల్లన్న మమ్మేలు.. కోర మీసాల స్వామి దీవించు.. అంటూ భక్త జనం భక్తిపారవశ్యంలో మునిగిపోయింది. మల్లన్న నామస్మరణతో ఆలయ పరిసరాలన్నీ మారుమోగాయి. శివసత్తుల శిగాలు, పోతరాజుల విన్యాసాలతో సందడి నెలకొంది. మహాజాతర ప్రారంభమైంది. ఆదివారం మల్లన్న పట్నం వారం అత్యంత వైభ వంగా నిర్వహించారు. హైదరాబాద్‌ భక్తులు భారీగా తరలి వచ్చారు. స్వామివారిని దర్శించుకున్న భక్తులు పట్నాలు వేసి, గంగిరేణి చెట్టుకు ముడుపులు కట్టి మొక్కులు చెల్లించారు. స్వామి వారి దర్శనానికి సుమారు 6 గంటల సమయం పట్టింది. బోనాలతో బారులు స్వామి వారికి అత్యంత ప్రీతికరమైనది బోనం. వేలాదిగా మహిళలు బోనాలతో బారులు తీరారు. స్వామివారికే కాకుండా గుట్టపై వెలిసిన రేణుక ఎల్లమ్మకు నైవేద్యాలు సమర్పించారు. దారులన్నీ కొమురవెల్లికే.. మల్లన్న స్వామిని దర్శించుకునేందుకు భక్తులు భారీ సంఖ్యలో తరలివచ్చారు. తెలుగు రాష్ట్రాల నుంచే కాకుండా కర్నాటక, తమిళనాడు, ఒడిశా, మహారాష్ట్రాల నుంచి సైతం జనం రావడంతో దారులన్నీ కిటకిటలాడాయి. ఆలయానికి చేరుకునే రహదారుల్లో 2 కిలోమీటర్ల మేర భక్తులు నిండిపోయారు. పోలీస్‌ కమిషనర్‌ అనురాధ ఆధ్వర్యంలో భారీ బందోబస్తు ఏర్పాటు చేశారు.

మెదక్‌ కలెక్టరేట్‌: పల్లెల్లో స్థానిక సంస్థల ఎన్నికల సందడి మొదలైంది. ఇప్పటికే ఎన్నికల కమిషన్‌ అన్ని రకాలుగా ఏర్పాట్లు పూర్తి చేసింది. ఇందులో భాగంగా గుర్తులను సైతం ప్రకటించింది. బ్యాలెట్‌ ముద్రణకు జిల్లా స్థాయిలో సన్నాహాలు జరుగుతున్నాయి. సర్పంచ్‌లు, వార్డు సభ్యుల నామినేషన్ల ప్రక్రియ ప్రారంభమయ్యే నాటికి 50 శాతం బ్యాలెట్‌ పేపర్లు ముద్రించే విధంగా ప్రణాళిక సిద్ధం చేశారు. ఎన్నికల సామగ్రిని జిల్లా కేంద్రానికి తరలించే ప్రక్రియ ప్రారంభం కాగా.. తుది ఓటరు జాబితా సైతం ప్రకటించారు. బ్యాలెట్‌ బాక్సుల పరిశీలన పూర్తయింది. ఇక రిజర్వేషన్‌, ఎన్నికల నోటిఫికేషన్‌ విడుదల కావాల్సి ఉంది. ఆశావహుల సందడి సర్పంచ్‌ పదవికి పోటీ చేసే ఆలోచనలో ఉన్న ఆశావహులు ఇప్పటికే గ్రామాల్లో ఓటర్లను ప్రసన్నం చేసుకునే పనిలో పడ్డారు. కొందరు రిజర్వేషన్‌, నోటిఫికేషన్‌ కోసం ఎదురుచూస్తుండగా.. మరికొందరు ఇప్పటి నుంచే ప్రచారం ప్రారంభిస్తే ఖర్చులకు తట్టుకోలేమని స్తబ్దుగా ఉన్నారు. ఎన్నికల గుర్తులివే.. సర్పంచ్‌ అభ్యర్థులకు గులాబీ రంగు, వార్డు సభ్యులకు తెలుపు రంగు బ్యాలెట్‌ పత్రం సిద్ధం చేస్తున్నారు. సర్పంచ్‌ అభ్యర్థులకు ఉంగరం, కత్తెర, ఫుట్‌బాల్‌, బ్యాట్‌, బ్యాట్స్‌మెన్‌, స్టంప్స్‌, లేడీస్‌ పర్స్‌, టీవీ రిమోట్‌, టూత్‌ పేస్టు, పాన్‌, చెత్తడబ్బా, బెండకాయ, కొబ్బరిచెట్టు, వజ్రం, నల్లబోర్డు బకెట్‌, డోర్‌ హ్యండిల్‌, చేతికర్ర, మంచం, బిస్కెట్‌, ప్లూట్‌, జల్లెడ, పలక, టేబుల్‌, బ్యాటరీ లైట్‌, బ్రష్‌, పడవ, చైన్‌, చెప్పులు, గాలి బుడగ వంటి గుర్తులు ప్రకటించారు. వార్డు సభ్యులకు పొయ్యి, స్టూల్‌, బీరువా, గ్యాస్‌ సిలిండర్‌, గౌను, ఈల, కుండ, గరాట, మూ కుడు, డిష్‌ యాంటీనా, ఐస్‌క్రిమ్‌, గాజుగ్లాస్‌, పోస్ట్‌డబ్బా, కవర్‌, కటింగ్‌ ప్లేయర్‌, హాకీస్టిక్‌, కర్రబంతి, నైక్‌టై, విద్యుత్‌ స్తభం, షటిల్‌ వంటి గుర్తులను విడుదల చేసింది.

సకాలంలో స్పందిద్దాం ● క్షతగాత్రులను తరలించి పారితోషికం అందుకుందాం ● ‘గుడ్‌ సమారిటన్‌’తో ప్రయోజనం సాధారణంగా రోడ్డు ప్రమాదం జరిగిన తర్వాత గంట సమయాన్ని ‘గోల్డెన్‌ అవర్‌’ అని అంటారు. ఆ సమయంలో బాధితులకు సరైన వైద్య సహాయం అందిస్తే ప్రాణాలు కాపాడే అవకాశం ఉంటుందని వైద్యులు చెబుతారు. అయితే ఆస్పత్రికి తీసుకెళ్లే ప్రయత్నం చేసే వారు అరుదుగా ఉంటున్నారు. ఈక్రమంలో కేంద్ర ప్రభుత్వం ఓ అంశాన్ని ప్రజల ముందుకు తెచ్చింది. క్షతగాత్రులను ఆస్పత్రిలో చేర్పించిన వ్యక్తికి రూ. 5 వేల నగదుతో పాటు ప్రశంసపత్రం ఇచ్చి సన్మానించాలని నిర్ణయించింది. ఇందుకోసం ‘గుడ్‌ సమారిటన్‌’ పథకాన్ని ప్రవేశపెట్టింది. జిల్లాలో ప్రమాద ఘటనలు సంవత్సరం ప్రమాదాలు మృతులు క్షతగాత్రులు 2023 562 323 480 2024 568 302 459 బ్లాక్‌స్పాట్‌లు–33మెదక్‌జోన్‌: జిల్లా పరిధిలో పలు రాష్ట్రీయ రోడ్లతో పాటు నాలుగు జాతీయ రహదారులు ఉన్నాయి. అవి 150 కిలోమీటర్ల మేర విస్తరించి ఉన్నాయి. ఇందులో రామాయంపేట– ఎల్కతుర్తి (765)డీ నేషనల్‌ హైవే 34 కిలోమీటర్ల పొడవు ఉండగా.. (44) కాళ్లకల్‌– రామాయంపేట వరకు 51 కిలోమీటర్లు, (161) అల్లాదుర్గం– జమ్మికుంట 30 కిలోమీటర్ల, (161–ఏఏ) నర్సాపూర్‌– తూప్రాన్‌ వరకు 35 కిలోమీటర్ల చొప్పున మొత్తం 150 కిలోమీటర్ల మేర విస్తరించి ఉంది. అయితే మిగితా జిల్లాలతో పోలిస్తే మెదక్‌లో రోడ్డు ప్రమాదాల సంఖ్య ఎక్కువగానే ఉంటుంది. మద్యం తాగి వాహనాలు నడపడం, వేగ నియంత్రణ లేకపోవడం, అజాగ్రత్త వంటి కారణాలతో నిత్యం ప్రమాదాలు చోటు చేసుకుంటున్నాయి. పలువురు మృత్యువాత పడుతుండడంతో చాలా మంది క్షతగాత్రులు అవుతున్నారు. ప్రాణం పోస్తే పారితోషికం రోడ్డు ప్రమాదాల్లో గాయపడిన వారిని ఆస్పత్రుల్లో చేర్పిస్తే సాక్ష్యాలు చెప్పేందుకు గతంలో కోర్టులు, పోలీస్‌స్టేషన్ల చుట్టూ తిప్పేవారు. దీంతో చాలా మంది మనకెందుకొచ్చిన గొడవ అంటూ కళ్ల ముందు ప్రమాదాలు జరిగి చావు బాధితులు బతుకుల మధ్య కొట్టుమిట్టాడుతున్నా పట్టించుకోవడానికి ముందుకురావడం లేదు. దీనికి అడ్డుకట్ట వేసేందుకు కేంద్ర ప్రభుత్వం గుడ్‌ సమారిటన్‌ పథకాన్ని ప్రవేశపెట్టింది. ప్రమాదంలో గాయపడిన వారిని వెంటనే ఆస్పత్రిలో చేర్పిస్తే రూ. 5 వేల నగదుతో పాటు ప్రశంసపత్రాన్ని అందజేయాలని నిర్ణయించింది. ఏడాదిలో ఒక వ్యక్తి ఆరుగురు క్షతగాత్రులను ఆస్పత్రిలో చేర్పిస్తే ప్రత్యేకంగా మరో రూ. లక్ష నగదును అందజేస్తారు. అలాగే సాక్ష్యం కోసం కోర్టులు, పోలీస్‌స్టేషన్ల చుట్టూ తిరగాల్సిన అవసరం కూడా లేదు. ఈ పథకం గురించి ప్రజల్లో అవగాహన కరువైంది. ప్రజలకు అవగాహన కల్పిస్తాం కేంద్ర ప్రభుత్వం ప్రవేశపెట్టిన గుడ్‌ సమారిటన్‌ పథకం గురించి ప్రజలు తెలుసుకోవాల్సిన అవసరం ఉంది. దీని గురించి త్వరలో ఆర్‌అండ్‌బీ, ఆర్టీఓ, వైద్య, నేషనల్‌ హైవే, రెవెన్యూ శాఖల సమన్వయంతో ప్రజలకు అవగాహన కల్పిస్తాం. – మహేందర్‌, అదనపు ఎస్పీ, మెదక్‌

అల్లాదుర్గం(మెదక్‌): పథకాల అమలు కోసం అధికారులు సర్వేను పకడ్బందీగా చేపట్టాలని జెడ్పీ సీఈఓ ఎల్లయ్య ఆదేశించారు. ఆదివారం మండలంలోని చిల్వెర గ్రామంలో సర్వే తీరును పర్యవేక్షించారు. ఈసందర్భంగా ఆయ న మాట్లాడుతూ.. గ్రామాల వారీగా పూర్తయిన సర్వే వివరాలను గ్రామ సభలో ప్రకటించాలన్నారు. ప్రభుత్వం అర్హులైన లబ్ధిదారులందరికీ సంక్షేమ పథకాలను అందజేస్తుందని తెలిపారు. కార్యక్రమంలో మండల అభివృద్ధి అధికారి చంద్రశేఖర్‌, పంచాయతీ కార్యదర్శి, సిబ్బంది పాల్గొన్నారు. రైతు భరోసాపై అపోహలు వద్దు నర్సాపూర్‌ రూరల్‌: సాగుకు యోగ్యమైన ప్రతి ఎకరాకు రైతు భరోసా అందుతుందని జిల్లా వ్యవసాయ అధికారి విన్సెంట్‌ వినయ్‌ అన్నారు. ఆదివారం మండలంలోని అహ్మద్‌నగర్‌లో రైతుభరోసా సర్వేను పరిశీలించి సిబ్బందికి పలు సూచనలు చేశారు. ఈసందర్భంగా ఆయన మాట్లాడుతూ.. నిజమైన రైతులకే రైతు భరోసా పథకం అందాలన్న లక్ష్యంతో ప్రభుత్వం సర్వే చేయిస్తుందన్నారు. రైతు భరోసాపై రైతులు ఎలాంటి అపోహలు పెట్టు కోవద్దన్నారు. జిల్లావ్యాప్తంగా సాగు యోగ్యం కాని భూముల సర్వే ముమ్మరంగా కొనసాగుతుందని చెప్పారు. కార్యక్రమంలో తహసీల్దార్‌ శ్రీనివాస్‌, డిప్యూటీ తహసీల్దార్‌ మహేష్‌, మండల వ్యవసాయ అధికారి దీపిక, ఆర్‌ఐ సత్తుస్వామి, సిబ్బంది పాల్గొన్నారు. ఏడుపాయల టెండర్లు ఖరారు పాపన్నపేట(మెదక్‌): ఏడుపాయలలో ఆదివారం నిర్వహించిన బహిరంగ వేలంలో టెండర్లు ఖరారు అయ్యాయి. మాఘ అమావాస్య, శివరాత్రి జాతర కోసం తాత్కాలిక టెంట్లు, వంట సామగ్రి వేసేందుకు రూ. 4.60 లక్షల పాట పాడి టెండర్‌ దారులు హక్కు పొందినట్లు ఈఓ చంద్రశేఖర్‌ తెలిపారు. ‘ప్రజా వ్యతిరేక విధానాలను ఎండగడదాం’ మెదక్‌ కలెక్టరేట్‌: జిల్లా కేంద్రంలోని కేవల్‌ కిషన్‌ భవన్‌లో ఆదివారం కార్మిక, కర్షక ఐక్య దినోత్సవాన్ని సీఐటీయూ ఆధ్వర్యంలో ఘనంగా నిర్వహించారు. ఈసందర్భంగా కేంద్ర ప్రభుత్వ ప్రజా వ్యతిరేక విధానాలపై సదస్సు నిర్వహించా రు. వ్యవసాయ కార్మిక సంఘం జిల్లా కార్యదర్శి చింతల గౌరయ్య, సీఐటీయూ జిల్లా కార్యదర్శి బస్వరాజ్‌ మాట్లాడుతూ.. కేంద్ర ప్రభుత్వ ప్రజా వ్యతిరేక విధానాలకు నిరసనగా కార్మిక, కర్షక ఐక్య దినోత్సవ సదస్సును నిర్వహించినట్లు తెలిపారు. ఇప్పటికే రైతు సంఘాలు రిలే నిరాహార దీక్షలు నిర్వహిస్తున్నట్లు తెలిపారు. 21, 22న సదరం క్యాంపులు మెదక్‌ కలెక్టరేట్‌: ఈనెల 21, 22 తేదీల్లో రెండు రోజుల పాటు జిల్లా కేంద్ర ప్రభుత్వ ఆస్పత్రిలో సదరం క్యాంపులు నిర్వహించనున్నట్లు డీఆర్డీఓ శ్రీనివాస్‌రావు ఆదివారం ఒక ప్రకటనలో పేర్కొన్నారు. జిల్లా గ్రామీణాభివృద్ధి సంస్థ ఆధ్వర్యంలో అర్హులైన దివ్యాంగులను గుర్తించి ధృవీకరణ పత్రం పొందేందుకు అవకాశం ఉంటు ందని తెలిపారు. మొదటి రోజు దృష్టి లోపం, మూగ, వినికిడి లోపం, మానసిక ది వ్యాంగులకు, రెండోరోజు శారీరక దివ్యాంగుల గుర్తింపు కార్యక్రమం ఉంటుందని వివరించా రు. జిల్లా లోని అర్హులైన దివ్యాంగులు మీ సేవ, ఈ సేవ ద్వారా దరఖాస్తు చేసుకొని నిర్ణీత సమయానికి హాజరుకావాలని సూచించారు. పోటీ పరీక్షలకు ఉచిత శిక్షణ మెదక్‌ కలెక్టరేట్‌: మైనార్టీ స్టడీ సర్కిల్‌ ఆధ్వర్యంలో పోటీ పరీక్షలకు సిద్ధమవుతున్న మైనార్టీ అభ్యర్థులకు 4 నెలల ఉచిత బేసిక్‌ ఫౌండేషన్‌ శిక్షణ ఇవ్వనున్నట్లు జిల్లా మైనార్టీ వెల్ఫేర్‌ అధికారి జెమ్లా నాయక్‌ ఆదివారం ఒక ప్రకటనలో పేర్కొన్నారు. గ్రూప్‌–1, 2, 3, 4 పోటీ పరీక్షలకు సిద్ధమవుతున్న ముస్లిం, క్రిస్టియన్‌, సిక్కులు, బౌద్దులు, జైనులు, పార్శికుల అభ్యర్థులకు శిక్షణ ఇవ్వనున్నట్లు తెలిపారు. డిగ్రీ పూర్తి చేసిన అభ్యర్థులు ఆఫ్‌లైన్‌లో ఫిబ్రవరి 15 లోగా దరఖాస్తులు సమర్పించాలన్నారు. పూర్తి సమాచారం కోసం 040– 23236112 నంబర్‌లో సంప్రదించాలని సూచించారు.

మెదక్‌ మున్సిపాలిటీ: అంతిమ సంస్కారాలకు అవస్థలు తప్పడం లేదు. వైకుంఠధామాల్లో కనీస వసతులు కానరావడం లేదు. మెదక్‌ పట్టణం నవాపేట్‌ వీధికి చెందిన యువకుడు అనారోగ్యంతో ఆస్పత్రిలో చికిత్స పొందుతూ శుక్రవారం మృతి చెందాడు. ఆయన అంత్యక్రియలను నవాపేట్‌ ఖబరిస్థాన్‌లో రాత్రి నిర్వహించారు. చిమ్మ చీకట్లు అలుముకోవడం.. లైట్లు వెలగకపోవడంతో మున్సిపాలిటీ ఆధ్వర్యంలో తాత్కాలిక లైట్లు ఏర్పాటు చేశారు. అయినా పూర్తిస్థాయిలో వెలుగు రాకపోవడంతో మొబైల్‌ ఫోన్‌ టార్చిలైట్ల వెలుగులో అంత్యక్రియలు పూర్తిచేశారు. ఇప్పటికై నా స్మశానవాటికల్లో విద్యుత్‌ స్తంభాలు ఏర్పాటు చేసి కనీస వసతులు కల్పించాలని పలువురు కలెక్టర్‌ను కోరారు.

మెదక్‌ మున్సిపాలిటీ: సీఈఐఆర్‌ పోర్టల్‌ను సద్వినియోగం చేసుకోవాలని అదనపు ఎస్పీ మహేందర్‌ సూచించారు. శనివారం జిల్లా కేంద్రంలోని ప్రధాన పోలీస్‌ కార్యాలయంలో ఆయన మాట్లాడారు. హవేళిఘణాపూర్‌ మండలం హవేళిఘణాపూర్‌ మండలం ఔరంగబాద్‌కు చెందిన పెంటయ్య 2023 జూన్‌లో మొబైల్‌ పోగొట్టుకున్నాడని, అతడు వెంటనే పోలీస్‌స్టేషన్‌కు వచ్చి దరఖాస్తు ఇవ్వగా.. ఫోన్‌ నంబర్‌తో పాటు ఐఎంఈఐ నంబర్‌ను సీఈఐఆర్‌ పోర్టల్‌లో అప్‌లోడ్‌ చేసినట్లు తెలిపారు. వారం క్రితం యూపీలో ఫోన్‌ ఆన్‌ చేయడం చేయగా.. మొబైల్‌ దొరికిన వ్యకికి 94 బీఎంఎస్‌ ప్రకారం జిల్లా పోలీస్‌ కార్యాలయం నుంచి నోటీసులు పంపామన్నారు. అతడు వెంటనే భయపడి కొరియర్‌ ద్వారా మొబైల్‌ పంపించాడని చెప్పారు.

మెదక్‌ కలెక్టరేట్‌: రేషన్‌ కార్డుల కోసం ఎదురుచూస్తున్న వారి కష్టాలు తీరనున్నాయి. ప్రభుత్వ పథకాలన్నీ రేషన్‌ కార్డులతోనే ముడిపడి ఉండడంతో చాలా మంది సబ్సిడీ పథకాలకు దూరమయ్యారు. ఎట్టకేలకు రాష్ట్ర ప్రభుత్వం కొత్త రేషన్‌ కార్డులను జారీ చేయనున్న నేపథ్యంలో అధికారులు సన్నాహాలు చేస్తున్నారు. ఈనెల 26వ తేదీ నుంచి పంపిణీ చేయాలని నిర్ణయించారు. గతేడాది నవంబర్‌లో నిర్వహించిన సమగ్ర కుటుంబ సర్వే ఆధారంగా లబ్ధిదారుల గుర్తింపు ప్రక్రియ పూర్తి చేశారు. జిల్లావ్యాప్తంగా 21 మండలాలు 493 గ్రామ పంచాయతీలు ఉండగా.. సమగ్ర కుటుంబ సర్వేలో రేషన్‌ కార్డులు లేని వారిని గుర్తించిన అధికారులు ప్రభుత్వానికి నివేదిక అందించారు. జిల్లాలో మొత్తం 11,515 మంది కొత్త రేషన్‌కార్డులకు అర్హులుగా ప్రభుత్వం గుర్తించింది. అయితే జాబితాలో పేరులేని అర్హులు మళ్లీ దరఖాస్తు చేసుకోవాలా? అనే అంశంపై స్పష్టత కొరవడింది. అధికారులు మాత్రం సమగ్ర కుటుంబ సర్వేలో నమోదైన వ్యక్తుల ఆధార్‌ నంబర్‌ను సరిపోల్చుకుని అర్హులను గుర్తిస్తామని చెబుతున్నారు. కుటుంబాల విభజనతో కొత్త కార్డులు కావాలని దరఖాస్తు చేసిన వారి వివరాలను తాజా సర్వే తర్వాత పాత కార్డుల నుంచి తొలగించనున్నట్లు సమాచారం. కొత్తవారే కాకుండా, మార్పులు, చేర్పుల కోసం కొన్నేళ్లుగా వేలాది మంది ఎదురు చూస్తున్నారు.మార్గదర్శకాలు ఇలా.. కొత్త రేషన్‌ కార్డుల జారీకి ప్రభుత్వం మార్గదర్శకాలు జారీ చేసింది. పట్టణ ప్రాంతంలో నివసించే వారి వార్షిక ఆదాయం రూ. 2 లక్షలు, గ్రామీణ ప్రాంతాలైతే రూ.1.50 లక్షల వరకు ఉండాలని జిల్లా పౌర సరఫరాల శాఖ అధికారి సురేష్‌రెడ్డి చెప్పారు. మాగాణి 3.50 ఎకరాలు లేదా మెట్ట 7.50 ఎకరాలు మించకూడదన్నారు. సమగ్ర కుటుంబ సర్వే ఆధారంగా అర్హులను గుర్తిస్తామని, అభ్యంతరాలు సైతం స్వీకరించి పరిశీలిస్తామని పేర్కొన్నారు. ఆధార్‌ సంఖ్యతో డూప్లికేషన్‌ తొలగిస్తామని, ఈ ప్రక్రియ అంతా ఆన్‌లైన్‌లో కొనసాగుతుందని వివరించారు. కులగణన ఆధారంగా మంజూరు జిల్లాలో 11,515 కుటుంబాల గుర్తింపు కొనసాగుతున్న అర్హుల ఎంపిక సర్వే

● బ్రహ్మోత్సవాలకు కొమురవెల్లి సర్వం సిద్ధం ● మహాజాతరకు తరలిరానున్న లక్షలాది మంది భక్తులుకొమురవెల్లి(సిద్దిపేట): కొమురవెల్లి మల్లికార్జున స్వామి ఆలయం.. బ్రహ్మోత్సవాలకు సిద్ధమైంది. సంక్రాంతి తర్వాత వచ్చే మొదటి ఆదివారంతో స్వామి వారి బ్రహ్మోత్సవాలు ప్రారంభమవుతాయి. మొదటి వారాన్ని పట్నం వారంగా పిలుస్తారు. మూడు నెలల పాటు జాతర కొనసాగనుంది. ఈ క్రమంలో మొదటి ఆదివారం హైదరాబాద్‌కు చెందిన భక్తులు మల్లన్నను దర్శించుకుని మొక్కులు చెల్లించుకుంటారు. తెలుగు రాష్ట్రాలతో పాటు వివిధ రాష్ట్రాలనుంచి భక్తులు లక్షలాదిగా తరలిరానున్నారు. సోమవారం తోట బావివద్ద నగరానికి చెందిన భక్తులు నిర్వహించే పెద్ద పట్నం, అగ్నిగుండాలకు అధికారులు అన్ని ఏర్పాట్లు చేశారు. మొదలైన భక్తుల రాక కొమురవెల్లికి భక్తుల రాక మొదలైంది. నేరుగా స్వామివారిని ధూళి దర్శనం చేసుకుని మొక్కులు తీర్చుకున్నారు. వీఐపీల కోసం ప్రత్యేక క్యూలైన్లు ఏర్పాటు చేశారు. భక్తుల సౌకర్యార్థం సుమారు 80 వేల లడ్డూలను తయారు చేశారు.స్పెషల్‌ బస్సులు.. మల్లన్న జాతరకు వచ్చే భక్తుల కోసం ఆర్టీసీ అధికారులు స్పెషల్‌ బస్సులు నడిపిస్తున్నారు. అన్ని రూట్ల నుంచి కొమురవెల్లికి చేరుకునేలా బస్సులను ఏర్పాటు చేశారు.

● వ్యవసాయ బావులకు కేరాఫ్‌ అప్పనపల్లి ● ఇవే ఆ ఊరికి జీవనాధారం ● తరాల నుంచి వీటితోనే పంటల సాగు ● ఎంత కరవొచ్చినా తగ్గని నీళ్లు ● 600 పైగా బావులుంటే.. 20 లోపు మాత్రమే బోర్లు ● ఐదు గజాల లోతుల్లోనే నీటి ఊటలు ● ఇది అప్పన్నపల్లి ‘జల’దృశ్యంఊరు చుట్టూ ఎత్తయిన గుట్టలు.. పరిచినట్లు కనిపించే బండరాళ్లు. పక్షుల కిలకిలరావాల మధ్య ఎటుచూసినా పచ్చని పంటలతో ప్రకృతి ఒడిలో ఒదిగినట్లు కనిపించే అందమైన పల్లె. సృష్టికి ప్రతిసృష్టి సృష్టిస్తూ ఎన్నో అద్భుతాలు.. ప్రయోగాలతో దూసుకుపోతున్న ఈ హైటెక్‌ రోజుల్లోనూ దుబ్బాక మండలం అప్పనపల్లి గ్రామంలో వ్యవసాయ బావులపైనే ఆధారపడుతున్నారు. 5 గజాలు తవ్వితే చాలు నీరు ఉబికి వస్తుంది. ఊరు ఊరంతా ఇదే పరిస్థితి. దీంతో గ్రామంలో బోర్లు వేయడం మానేసి.. పాత రోజుల మాదిరిగానే బావులు తవ్వుతున్నారు. పచ్చని పంటలు సాగు చేస్తున్న రైతన్నకు కల్పవల్లి అయిన అప్పనపల్లి గ్రామంపై ‘సాక్షి’ప్రత్యేక కథనం.మెదక్‌జోన్‌/చేగుంట(తూప్రాన్‌): పదో తరగతిలో విద్యార్థులు ఉత్తమ ఫలితాలు సాధించే దిశగా ఉపాధ్యాయులు కృషి చేయాలని కలెక్టర్‌ రాహుల్‌రాజ్‌ ఆదేశించారు. శనివారం కలెక్టరేట్‌లో సమీక్ష సంబంధిత అధికారులతో సమీక్ష నిర్వహించారు. ఈసందర్భంగా ఆయన మాట్లాడుతూ.. విద్యార్థులు డ్రాపౌ ట్‌ కాకుండా చర్యలు చేపట్టాలన్నారు. చదువులో వెనుకబడిన వారిపై ప్రత్యేక శ్రద్ధ వహించాలన్నా రు. ప్రత్యేక తరగతుల ద్వారా విద్యాబోధన జరగాలన్నారు. పాఠశాలల్లో మౌలిక వసతులు పెంచే విధంగా కృషి చేయాలని సూచించారు. కార్యక్రమంలో డీఈఓ రాధాకిషన్‌, జిల్లా సైన్స్‌ అధికారి రాజిరెడ్డి పాల్గొన్నారు. అలాగే వడియారం జిల్లా పరిషత్‌ ఉన్నత పాఠశాలను కలెక్టర్‌ సందర్శించారు. విద్యార్థులకు లెక్కలు బోధించా రు. పదోతరగతిలో ఎక్కువ మార్కులు సాధించేందుకు పాటించాల్సిన పద్ధతులు వివరించారు. అనంతరం వంటశాల, తరగతి గదులను పరిశీలించారు. గణతంత్ర వేడుకలకు ఏర్పాట్లు చేయండి మెదక్‌ కలెక్టరేట్‌: ఈనెల 26న నిర్వహించనున్న గణతంత్ర వేడుకలకు ఘనంగా ఏర్పాటు చేయాలని కలెక్టర్‌ అధికారులను ఆదేశించారు. శనివారం కలెక్టరేట్‌లో అధికారులతో సమీక్ష నిర్వహించారు. ప్రభుత్వ ఆదేశాలు మేరకు ఇందిరమ్మ ఇళ్లు, రేషన్‌ కార్డులు, ఇందిరమ్మ ఆత్మీయ భరోసా, రైతు భరోసా లబ్ధిదారులకు అందించే విషయంపై సిద్ధంగా ఉండాలని ఆదేశించారు. సమగ్ర సమాచారంతో రిపబ్లిక్‌ డే ఆహ్వాన పత్రికలు తయారు చేయాలన్నారు. శాఖల వారీగా చేపట్టబోయే కార్యక్రమాలపై కార్యాచరణ ముమ్మరం చేయాలన్నారు. కార్యక్రమంలో అదనపు కలెక్టర్‌ నగేష్‌, అదనపు ఎస్పీ మహేందర్‌, జెడ్పీ సీఈఓ ఎల్లయ్య, డీఆర్‌ఓ భుజంగరావు, ఆర్డీఓ రమాదేవి, సంబంధిత ఇతర శాఖల అధికారులు పాల్గొన్నారు.8లో– దుబ్బాక రూరల్‌/దుబ్బాకకలెక్టర్‌ రాహుల్‌రాజ్‌

ఆదివారం శ్రీ 19 శ్రీ జనవరి శ్రీ 2025కేంద్రం అమలు చేస్తున్న అమృత్‌ 2.0 (అటల్‌ మిషన్‌ ఫర్‌ రెజువెనేషన్‌ అండ్‌ అర్బన్‌ ట్రాన్స్‌ఫర్మేషన్‌) పథకంతో నర్సాపూర్‌ మున్సిపాలిటీలో తాగునీటి సమస్య శాశ్వతంగా పరిష్కారం కానుంది. మరో 20 ఏళ్ల వరకు రోజు వారి అవసరం మేర నీరు సరఫరా చేసే అవకాశం అందుబాటులోకి రానుంది. ఇప్పటికే టెండర్‌ ప్రక్రియ పూర్తికాగా.. త్వరలో పనులు ప్రారంభించనున్నట్లు తెలిసింది.చెట్లు, గుట్టలకు ‘రైతుబంధు’నర్సాపూర్‌: మిషన్‌ భగీరథ పథకం అమలు చేస్తున్నప్పటికీ నర్సాపూర్‌ మున్సిపాలిటీ పరిధిలోని పలు కాలనీల్లో పైపులైన్‌ వేయకపోవడంతో నల్లాల ద్వారా తాగు నీరు అందడం లేదు. పట్టణంలో మిషన్‌ భగీరథ పథకం కింద 18 లక్షల లీటర్ల నీటి సామర్థ్యం ఉన్న 17 నీటి ట్యాంకులు ఉన్నాయి. కాగా పట్టణ జనాభా సుమా రు 25 లక్షల పైనే ఉంటుంది. ఒకరికి మున్సిపాలిటీ నుంచి రోజుకు 135 లీటర్ల నీరు సరఫరా చేయాల్సి ఉంటే రోజుకు 24 లక్షల లీటర్ల నీరు కావాల్సి ఉంటుంది. కాగా ప్రస్తుతం అందుబాటులో ఉన్న ట్యాంకుల కెపాసిటీ అంత మేరకు లేకపోవడంతో పలు ట్యాంకుల నుంచి డైరెక్ట్‌ పంపింగ్‌ ద్వారా నీటిని సరఫరా చేస్తున్నారు. అయితే పైపులైన్‌ ఉన్న పలు ప్రాంతాల ప్రజలకు సరిపడా నీరు రావడం లేదనే ఆరోపణలు ఉన్నాయి. అంతేగాక పట్టణంలోని పలు ప్రాంతాలకు భగీరథ పైపులైన్‌ ఏర్పాటు చేయకపోవడంతో నీటి సరఫరా జరగడం లేదు. దీంతో ప్రజలు సొంత బోర్లపైనే ఆధారపడి అవసరాలు తీర్చుకుంటున్నారు. మరో 20 ఏళ్ల వరకు సమస్య లేకుండా.. కేంద్ర ప్రభుత్వం అమలు చేస్తున్న అమృత్‌ 2.0 పథకం కింద నర్సాపూర్‌ మున్సిపాలిటీకి రూ. 11 కోట్ల 90 లక్షలు మంజూరయ్యాయి. పట్టణంలో రాబోయే 20 ఏళ్ల వరకు నీటి సమస్య తలెత్తకుండా పథకం రూపొందించడంతో పాటు ప్రజలకు రోజు వారి అవసరం మేరకు నీటి సరఫరా చేసే లక్ష్యంతో పథకం అమలు చేయనున్నారు. అమృత్‌ పథకం కింద వచ్చిన నిధులతో 9వ వార్డులో ఏడున్నర లక్షల లీటర్ల కెపాసిటీ నీటి ట్యాంకుతో పాటు నాల్గవ వార్డులో ఆరున్నర లక్షల లీటర్ల కెపాసిటీ ట్యాంకు నిర్మించాలని నిర్ణయించారు. అంతేగాక మిషన్‌ భగీరథ పథకానికి సంబంధించి హన్మంతాపూర్‌ గుట్టపై ఉన్న జీఎల్‌బీఆర్‌ ట్యాంకు (గ్రౌండ్‌ లెవెల్‌ బ్యాలెన్సింగ్‌ రిజర్వాయర్‌) నుంచి కొత్తగా నిర్మించనున్న రెండు నీటి ట్యాంకుల వరకు పైపులైను వేసి మిషన్‌ భగీరథ నీటితో నింపనున్నారు. కాగా పట్టణంలో పైపులైన్‌ లేని కాలనీలలో సైతం అమృత్‌ పథకం నిధులతో పైపులైన్‌ వేయడంతో పాటు ప్రస్తుతం ఉన్న పైపులైన్‌ పాడైన చోట కొత్తగా పైపులైన్‌ వేయనున్నారు. కాగా అమృత్‌ 2.0 పథకం పనులు ఇప్పటికే టెండరు దశ పూర్తయి అగ్రిమెంట్‌ స్థాయిలో ఉన్నట్లు తెలిసింది. అగ్రిమెంట్‌ అయిన ఏడాది లోపు పనులు పూర్తి చేయాల్సి ఉంటుందని అధికారుల ద్వారా తెలిసింది. త్వరలోనే పనులకు శంకుస్థాపన అమృత్‌ 2.0 పథకం కింద నర్సాపూర్‌ మున్సిపాలిటీకి వచ్చిన నిధులతో చేపట్టే పనులకు మంత్రి దామోదర రాజనర్సింహ, ఎమ్మెల్యే సునీతారెడ్డి ఈనెల 19వ తేదీన శంకుస్థాపన చేయాల్సి ఉండగా, మంత్రి పర్యటన వాయిదా పడింది. కాగా త్వరలోనే శంకుస్థాపన చేయనున్నట్లు తెలిసింది.నర్సాపూర్‌లో మిషన్‌ భగీరథ నీటి ట్యాంకున్యూస్‌రీల్‌అమృత్‌ 2.0 పథకంలో రూ. 11.90 కోట్ల నిధులు ఇప్పటికే పూర్తయిన టెండర్‌ ప్రక్రియ ఏడాదిలోపు పూర్తి కానున్న పనులు నర్సాపూర్‌ మున్సిపాలిటీలోతాగు నీటికి శాశ్వత పరిష్కారంశాశ్వత పరిష్కారం అమృత్‌ పథకంతో పట్టణ ప్రజలకు రాబోయే 20 ఏళ్ల వరకు నీటిని అవసరం మేరకు సరఫరా చేసే విధంగా పథకం రూపొందించారు. పథకం వినియోగంలోకి వస్తే పట్టణంలోని అన్ని ప్రాంతాలకు సమంగా నీటి సరఫరా అవుతుంది. పట్టణంలో నీటి సమస్య లేకుండా పోతుంది. – రామకృష్ణారావు, మున్సిపల్‌ కమిషనర్‌

కౌడిపల్లి(నర్సాపూర్‌): కౌడిపల్లి 33/11 కేవీ సబ్‌స్టేషన్‌లో మరమ్మతుల దృష్ట్యా ఆదివారం ఉదయం 10 గంటల నుంచి మధ్యాహ్నం 2 గంటల వరకు విద్యుత్‌ సరఫరా నిలిపివేయనున్నట్లు ఏఈఈ సాయికుమార్‌, లైన్‌మెన్‌ శివకుమార్‌ శనివారం ఒక ప్రకటనలో పేర్కొన్నారు. సబ్‌స్టేషన్‌ పరిధిలోని కౌడిపల్లి, దేవులపల్లి, మహమ్మద్‌నగర్‌, కన్నారం, సదాశివపల్లి, పాంపల్లి, ధర్మాసాగర్‌ గ్రామాలకు విద్యుత్‌ సరఫరాలో అంతరాయం ఉంటుందని తెలిపారు. వినియోగదారులు సహకరించాలని కోరారు. సాగు భూములకే ‘రైతు భరోసా’ రామాయంపేట(మెదక్‌)/నిజాంపేట: సాగుకు యోగ్యం కాని భూములను గుర్తించి ప్రభుత్వానికి నివేదించనున్నట్లు జిల్లా వ్యవసాయ అధికారి విన్సెంట్‌ వినయ్‌ తెలిపారు. శనివారం మండలంలోని శివ్వాయపల్లిలో సర్వే తీరును పరిశీలించి మాట్లాడారు. రెవెన్యూ, వ్యవసాయశాఖ సంయుక్తంగా సర్వే నిర్వహిస్తున్నట్లు చెప్పారు. సాగుకు యోగ్యమైన భూ ములకు మాత్రమే రైతు భరోసా అందే అవకా శం ఉందని, ఈనెల 20 వరకు గ్రామాల్లో సర్వే కొనసాగుతుందని వివరించారు. ఆయనతో పాటు ఇన్‌చార్జి సహాయ సంచాలకులు రాజ్‌నారాయణ, రెవెన్యూ అధికారులు ఉన్నా రు. అలాగే నిజాంపేట మండలంలోని నగరంలో రైతు భరోసా సర్వేను పరిశీలించారు. ఈస ందర్భంగా సిబ్బందికి పలు సూచనలు చేశారు. మహాసభలకు తరలిరండి మెదక్‌ కలెక్టరేట్‌: సీపీఎం రాష్ట్ర మహాసభలను జయప్రదం చేయాలని ఆపార్టీ జిల్లా కార్య దర్శి నర్సమ్మ పిలుపునిచ్చారు. శనివారం జిల్లా కేంద్రంలోని కేవల్‌ కిషన్‌ భవన్‌లో పార్టీ జిల్లా కార్యదర్శి వర్గ సభ్యుడు మల్లేశం అధ్యక్షతన ముఖ్య కార్యకర్తల సమావేశం నిర్వహించారు. ఈసందర్భంగా వారు మాట్లాడుతూ.. ఈనెల 25 నుంచి 28 వరకు సంగారెడ్డిలో సీపీఎం రాష్ట్ర మహాసభలు 4 రోజులపాటు జరుగనున్నట్లు తెలిపారు. జిల్లా నుంచి కార్మికులు, రైతులు వ్యవసాయ కూలీలు అధిక సంఖ్యలో పాల్గొని జయప్రదం చేయాలని కోరారు. విజ్ఞానంపైనే భవిష్యత్‌ ఆధారపడి ఉంటుంది మెదక్‌ కలెక్టరేట్‌: భవిష్యత్‌ అంతా విజ్ఞానంపైనే ఆధారపడి ఉందని కలెక్టర్‌ రాహుల్‌రాజ్‌ అన్నా రు. ఈనెల 7వ తేదీ నుంచి 9 వరకు జరిగిన రాష్ట్రస్థాయి వైజ్ఞానిక ప్రదర్శనలో పాల్గొని దక్షిణ భారత స్థాయి వైజ్ఞానిక ప్రదర్శనకు ఎంపికై న విద్యార్థులను శనివారం అభినందించారు. ఈసందర్భంగా ఆయన మాట్లాడుతూ.. విద్యార్థులు వైజ్ఞానిక ప్రదర్శనకు ఎంపిక కావడం గర్వకారణమని కొనియాడారు. ఇదే స్ఫూర్తితో ఈనెల 21 నుంచి 25 వరకు పుదుచ్చేరిలో జరిగే దక్షిణ భారతస్థాయి ప్రదర్శనలో రాణించి జిల్లాకు మంచి పేరు తేవాలని ఆకాంక్షించారు. కార్యక్రమంలో డీఈఓ రాధాకిషన్‌, సైన్స్‌ అధికారి రాజిరెడ్డి, ఏఈఓ సుదర్శనమూర్తి తదితరులు పాల్గొన్నారు. బ్యాంకర్లు అప్రమత్తంగా ఉండాలి: డీఎస్పీ వెంకట్‌రెడ్డితూప్రాన్‌: బ్యాంకుల్లో దొంగతనాల నివారణకు చర్యలు చేపట్టాలని డీఎస్పీ వెంకట్‌రెడ్డి సూచించారు. శనివారం ఆయా బ్యాంకు అధికారులతో సమావేశం నిర్వహించారు. ఈసందర్భంగా ఆయన మాట్లాడుతూ.. సీసీ కెమెరాలు, సెక్యూరిటీ గార్డులను ఏర్పాటు చేసుకోవాలన్నారు. ఇందుకోసం ప్రతి బ్యాంకులో అవసరమైన చర్యలు చేపట్టాలన్నారు. అప్పుడే వినియోగదారులకు బ్యాంకుల పట్ల నమ్మకం పెరుగుతుందని వివరించారు. ఏర్పాటు చేసి కనీస వసతులు కల్పించాలని పలువురు కలెక్టర్‌ను కోరారు.

చిన్నశంకరంపేట(మెదక్‌)/చేగుంట(తూప్రాన్‌): అర్హులు ఎవరూ ఆందోళన చెందవద్దని అదనపు కలెక్టర్‌ నగేష్‌ సూచించారు. శుక్రవారం చిన్నశంకరంపేట మండల కేంద్రంలోని భాగీర్తపల్లిలో ఇందిరమ్మ సర్వేను పరిశీలించి మాట్లాడారు. ఈనెల 22 నుంచి గ్రామ సభలలో పథకాల లబ్ధిదారుల పేర్లను ప్రకటించనున్నట్లు తెలిపారు. వ్యవసాయ యోగ్యమైన ప్రతి రైతుకు రైతు భరోస అందనుందన్నారు. భూమిలేని నిరుపేదలకు సైతం ఇందిరమ్మ అత్మీయ భరోసా అందించనున్నట్లు తెలిపారు. నూతన రేషన్‌ కార్డుల జారీ విషయంలోనూ అపోహలు పెట్టుకోవద్దని, సమగ్ర కులగణన సర్వే ఆధారంగానే నూతన కార్డులు అందించనున్నట్లు చెప్పారు. ఈసందర్బంగా ఈఓ ప్రదీప్‌, ఎంపీడీఓ దామోదర్‌కు పలు సూచనలు చేశారు. అలాగే చేగుంట మండలంలోని ఉల్లి తిమ్మాయిపల్లిలో సర్వే తీరును పర్యవేక్షించారు.అదనపు కలెక్టర్‌ నగేష్‌

● వ్యవసాయ భూములకు ‘భరోసా’ ● మంత్రి పొన్నం ప్రభాకర్‌ గౌడ్‌ సిద్దిపేటజోన్‌: అన్నదాతలకు మద్దతు ధర అందించే లక్ష్యంగా ప్రభుత్వం కొనుగోలు కేంద్రాలను ఏర్పాటు చేసిందని, వాటిని రైతులు సద్వినియోగం చేసుకోవాలని మంత్రి పొన్నం ప్రభాకర్‌ గౌడ్‌ అన్నారు. శుక్రవారం జిల్లా కేంద్రంలోని పత్తి మార్కెట్‌ యార్డులో కంది కొనుగోలు కేంద్రాన్ని ప్రారంభించి మాట్లాడారు. క్వింటాలు కందులకు రూ.7,550 ప్రభుత్వం మద్దతు ధర ప్రకటించిందన్నారు. కొనుగోలు కేంద్రాలను సరుకును విక్రయించి రైతులు మద్దతు ధరను పొందాలని సూచించారు. ప్రభుత్వం వరి, మొక్కజొన్న, పత్తి, పొద్దుతిరుగుడు కొనుగోలు కేంద్రాలను సమర్థంగా నిర్వహించిందన్నారు. వరి ధాన్యం కొనుగోలు చేసిన 48గంటల్లో రైతులకు డబ్బులు చెల్లించామన్నారు. అలాగే సన్నరకం వడ్లకు రూ. 500 బోనస్‌ ఇచ్చామన్నారు. ఈ నెల 26నుంచి వ్యవసాయయోగ్యమైన భూములకు రైతు భరోసా ఇవ్వనున్నామని అన్నా రు. ప్రతి నియోజకవర్గానికి 3,500 ఇందిరమ్మ ఇళ్లు కేటాయించామన్నారు. అర్హులైన వారందరికీ రేషన్‌ కారు ్డలను పంపిణీ చేస్తామన్నారు. త్వరలో ఆయిల్‌ పామ్‌ సాగు కోసం అవగాహన కార్యక్రమాన్ని ఏర్పాటు చేస్తామని అన్నారు.