ఆక్లాండ్‌: మహిళల వన్డే ప్రపంచకప్‌లో భారత మహిళల క్రికెట్‌ జట్టు గెలుస్తూ, ఓడుతూ సాగిన పయనం ఇప్పుడు గెలవాల్సిన పరిస్థితికి వచ్చేసింది. ఈ మెగా ఈవెంట్‌లో భాగంగా నేడు జరిగే లీగ్‌ మ్యాచ్‌లో మిథాలీ బృందం ఆస్ట్రేలియాతో తలపడుతుంది. నాలుగు మ్యాచ్‌లాడిన భారత్‌ రెండు గెలిచి మరో రెండు ఓడింది. ఇక మిగిలింది మూడు మ్యాచ్‌లే. ఇప్పుడు సెమీస్‌ చేరాలంటే ప్రతి మ్యాచ్‌లో గెలవాల్సిందే. ఈ నేపథ్యంలో ప్రతీ పోరు కీలకంగా మారింది. ఇలాంటి పరిస్థితుల్లో ఆడిన నాలుగు మ్యాచ్‌లు గెలిచి అజేయంగా నిలిచిన ఆస్ట్రేలియాతో కఠిన సవాల్‌కు మిథాలీ సేన సిద్ధమైంది. అయితే నిలకడలేమి జట్టును ఆందోళన పరుస్తోంది. బ్యాటింగ్, బౌలింగ్, ఫీల్డింగ్‌ ఇలా అన్నీ రంగాల్లో భారత్‌ స్థిరంగా రాణించాలి. అప్పుడే మిగతా మ్యాచ్‌ల్ని గెలవొచ్చు. సెమీస్‌ చేరొచ్చు. లేదంటే లీగ్‌ దశలోనే వెనుదిరిగే ప్రమాదం పొంచి ఉంది. ప్రపంచకప్‌ చరిత్రలో ఇప్పటివరకు భారత్, ఆస్ట్రేలియా జట్లు 12 సార్లు తలపడ్డాయి. భారత్‌ 3 మ్యాచ్‌ల్లో, ఆస్ట్రేలియా 9 మ్యాచ్‌ల్లో గెలిచాయి. ఓవరాల్‌గా ఈ రెండు జట్ల మధ్య 49 మ్యాచ్‌లు జరిగాయి. భారత్‌ 10 మ్యాచ్‌ల్లో, ఆస్ట్రేలియా 39 మ్యాచ్‌ల్లో విజయం సాధించాయి.

వడోదర: టెస్టుల్లో పురుషుల జట్టు దక్షిణాఫ్రికాను కంగుతినిపిస్తుంటే... వన్డేల్లో భారత మహిళల జట్టు కూడా సఫారీని చిత్తు చిత్తు చేస్తోంది. దీంతో మూడు వన్డేల సిరీస్‌ను మిథాలీ బృందం 3–0తో క్లీన్‌స్వీప్‌ చేసింది. భారత్‌ చేతిలో దక్షిణాఫ్రికా వైట్‌వాష్‌ కావడం ఇదే మొదటిసారి. సోమవారం జరిగిన ఆఖరి వన్డేలో భారత్‌ తక్కువ స్కోరునే కాపాడుకొని 6 పరుగుల తేడాతో గెలిచింది. మొదట బ్యాటింగ్‌కు దిగిన భారత మహిళల జట్టు 45.5 ఓవర్లలో 146 పరుగులకే ఆలౌటైంది. టాపార్డర్‌ నుంచి టెయిలెండర్ల వరకు ఇద్దరు మినహా మిగతా బ్యాటర్లు చేతులెత్తేశారు. హర్మన్‌ప్రీత్‌ కౌర్‌ (76 బంతుల్లో 38; 5 ఫోర్లు), శిఖా పాండే (40 బంతుల్లో 35; 6 ఫోర్లు) కాస్త మెరుగ్గా ఆడారు. సఫారీ బౌలర్లలో మరిజన్నె కప్‌ 3, షబ్నమ్, అయబొంగ చెరో 2 వికెట్లు తీశారు. తర్వాత కష్టసాధ్యంకాని లక్ష్యాన్ని ఛేదించేందుకు బరిలోకి దిగిన దక్షిణాఫ్రికా 48 ఓవర్లలో 140 పరుగుల వద్ద ఆలౌటైంది. భారత స్పిన్నర్లు ఏక్తా బిష్త్‌ 3, దీప్తి శర్మ, రాజేశ్వరి గైక్వాడ్‌ చెరో 2 వికెట్లు తీశారు. మిథాలీకి ‘వంద’నం... తాజా గెలుపుతో హైదరాబాద్‌ క్రికెటర్, భారత మహిళల వన్డే జట్టు కెప్టెన్‌ మిథాలీ రాజ్‌ మరో ఘనత సాధించింది. మహిళల అంతర్జాతీయ క్రికెట్‌లో 100 విజయాలు సాధించిన రెండో కెప్టెన్‌గా గుర్తింపు పొందింది. 20 ఏళ్ల క్రికెట్‌ కెరీర్‌లో మిథాలీ రాజ్‌ తన సారథ్యంలో భారత్‌కు వందో విజయాన్ని (వన్డేల్లో 80+టి20ల్లో 17+టెస్టుల్లో 3) అందించింది. చార్లోట్‌ ఎడ్వర్డ్స్‌ (142; ఇంగ్లండ్‌) మాత్రమే మిథాలీ కంటే ముందుంది.

గాలె: ఐసీసీ మహిళల చాంపియన్‌షిప్‌లో భాగంగా శ్రీలంకతో జరుగుతోన్న మూడు వన్డేల సిరీస్‌ను మరో మ్యాచ్‌ మిగిలుండగానే భారత జట్టు 2–0తో సొంతం చేసుకుంది. గురువారం జరిగిన రెండో వన్డేలో మిథాలీ రాజ్‌ బృందం 7 పరుగుల తేడాతో గెలుపొందింది.  తొలుత బ్యాటింగ్‌ చేసిన భారత్‌ సరిగ్గా 50 ఓవర్లలో 219 పరుగులకు ఆలౌటైంది. కెప్టెన్‌ మిథాలీ (121 బంతుల్లో 52; 4 ఫోర్లు), తాన్యా భాటియా (66 బంతుల్లో 68; 9 ఫోర్లు) ఆకట్టుకున్నారు. అనంతరం లంక 48.1 ఓవర్లలో 212 పరుగులకు పరిమితమైంది. మాన్సి జోషి, రాజేశ్వరి చెరో 2 వికెట్లు తీశారు. ఇరు జట్ల మధ్య మూడో వన్డే ఆదివారం జరుగనుంది. 


 హైదరాబాద్‌: మహిళా వన్డే ప్రపంచకప్‌ ఫైనల్లో ఓడినా మిథాలీ సేన పై ప్రశంసల జల్లు కురిస్తోంది. టోర్నీకి ముందు క్వాలిఫైయర్‌ మ్యాచ్‌ల నుంచి ఫైనల్‌ చేరిన భారత మహిళల పోరాట పటిమకు సగటు భారత అభిమాని ముగ్ధుడయ్యాడు. మాజీ క్రికెటర్ల నుంచి ప్రస్థుత క్రికెటర్లు..  ఇటు టాలీవుడ్‌ నుంచి బాలీవుడ్‌ వరకు ప్రతి ఒక్కరు మిథాలీ సేన పోరాట పటిమ గర్వించేలా ఉందని పొగడ్తలతో ముంచెత్తారు. ఏప్పుడూ మ్యాచ్‌ ఓడిపోయినా.. ఆగ్రహానికి గురయ్యే భారత అభిమానులు.. ఫస్ట్‌ టైం సోషల్‌ మీడియాలో భారత మహిళలకు అండగా నిలుస్తూ క్రీడా స్పూర్తిని చాటుతున్నారు. వారి ప్రదర్శనను ప్రశంసిస్తున్నారు.
 ♦ దిగ్గజాల ప్రశంసల ట్వీట్లు..
 
 మహిళా క్రికెటర్లు సాయశక్తుల పోరాడారు. టోర్నీ ఆసాంతం వారు గొప్ప పట్టుదలను నైపుణ్యాన్ని ప్రదర్శించారు. ఈ జట్టును చూసి గర్విస్తున్నా- ప్రధాని నరేంద్రమోదీ
  
 
 Our women cricketers gave their best today. They have shown remarkable tenacity & skill through the World Cup. Proud of the team! @BCCIWomen
 — Narendra Modi (@narendramodi) 23 July 2017
 
 భారత మహిళలు మా మనసులను గెలిచారు.. ఉమెన్‌ ఇన్‌ బ్లూ ప్రదర్శన అద్భుతం కానీ ఒక్కోసారి ఇలాంటివి తప్పవు - సచిన్‌ టెండూల్కర్‌
  
 
 Feel for all of you, #WomenInBlue! You were good throughout but sometimes it is not meant to be. Congrats England on winning #WWC17Final!
 — sachin tendulkar (@sachin_rt) 23 July 2017
 భారత మహిళలను చూసి గర్విస్తున్నా.. ఈ రోజు కలిసిరాలేదు. . ఐతే భారత్‌లో మహిళలకు ఆదరణ పెరిగిందనడంలో సందేహం లేదు. అమ్మాయిలు మీ పోరాట స్పూర్తికి వందనాలు.. -వీరేంద్ర సెహ్వాగ్‌
  
 
 Super proud of the girls. Tough luck today but womens cricket in India has truly arrived. Thank you girls .Salute your spirit.#WWC17Final
 — Virender Sehwag (@virendersehwag) 23 July 2017
 మీరు మాకు నమ్మకాన్ని కలిగించారు. కలలు కనేలా చేశారు. మిమ్మల్ని చూసి మేం గర్విస్తున్నాం. మీ ఆటను చూడటాన్ని గౌరవంగా భావిస్తున్నా.. -గౌతమ్‌ గంభీర్‌
  
 
 You made us dream,
 You made us believe,
 We're proud of all you girls!
 Real honor to hve watched u play! #WWC17Final #WomenInBlue @BCCIWomen
 — Gautam Gambhir (@GautamGambhir) 23 July 2017
 టోర్నీ ఆసాంతం గొప్ప ప్రదర్శన కనబర్చారు. ఓడినా మిలియన్‌ అభిమానుల మనసులను గెలిచారు. మీ ప్రదర్శన క్రీడా స్పూర్తిని కలిగించింది.- రోహిత్‌ శర్మ
  
 
 Great effort throughout the tournament by team India. Lost the game but won million hearts by displaying some inspiring cricket. @BCCIWomen
 — Rohit Sharma (@ImRo45) 23 July 2017
     
 మీరు ఓడేంతవరకు గెలుస్తారనే నమ్మకాన్ని కలిగించారు. మహిళలు అద్భుతంగా ఆడారు. భారతీయ నారీ జిందాబాద్‌- అమితాబ్‌ బచ్చన్‌
  
 
 T 2494 - Until you loose, you shall never know the joy of victory ! Well played ladies .. Bhartiya Nari Zindabad !! WWC17 pic.twitter.com/Ghxkou5Nn4
 — Amitabh Bachchan (@SrBachchan) 23 July 2017
 దేశం మొత్తం గర్వించే ప్రదర్శన కనబర్చారు.  మీరు గొప్ప మైలు రాయి సాధించారు. - షారుక్‌ ఖాన్‌
 I wish I was there to give the Lovely Ladies a hug. Be proud girls we have achieved greatness today. @BCCIWomen u made all Indians proud.
 — Shah Rukh Khan (@iamsrk) 23 July 2017


 దక్షిణాఫ్రికాతో టి20 మ్యాచ్
 బెంగళూరు: మూడు వన్డేల సిరీస్‌లో ఓటమి పాలైన భారత మహిళల జట్టు దక్షిణాఫ్రికాతో జరిగిన ఏకైక టి20 మ్యాచ్‌లో మాత్రం గెలిచి ఊరట చెందింది. ఆదివారం జరిగిన ఈ మ్యాచ్‌లో మిథాలీ రాజ్ బృందం 16 పరుగుల ఆధిక్యంతో విజయం సాధించింది. తొలుత బ్యాటింగ్‌కు దిగిన భారత్ నిర్ణీత 20 ఓవర్లలో ఐదు వికెట్లకు 146 పరుగులు చేసింది. ఓపెనర్ మిథాలీ రాజ్ (31 బంతుల్లో 5 ఫోర్లు, 2 సిక్సర్లతో 40), స్మృతి మందన (42 బంతుల్లో 5 ఫోర్లతో 52) ఆకట్టుకున్నారు. అనంతరం 147 పరుగుల లక్ష్యంతో బరిలోకి దిగిన దక్షిణాఫ్రికా నిర్ణీత 20 ఓవర్లలో తొమ్మిది వికెట్లకు 130 పరుగులు సాధించి ఓటమి పాలైంది. భారత బౌలర్లలో ఏక్తా బిస్త్ (2/20), పూనమ్ యాదవ్ (3/18) రాణించారు.