సాక్షి,అనంతపురం : శింగనమల టీడీపీ ఎమ్మెల్యే బండారు శ్రావణికి చేదు అనుభవం ఎదురైంది. ఎమ్మెల్యే శ్రావణి ఇంటి వద్ద గార్లదిన్నె మండలం కనుంపల్లి గ్రామ ఎస్సీ సామాజిక వర్గానికి చెందిన టీడీపీ నేత ప్రసాద్, కుటుంబ సభ్యులు ధర్నాకు దిగారు. 30 ఏళ్లుగా టీడీపీకి సేవలు అందించినా ఫీల్డ్ అసిస్టెంట్ ఉద్యోగం ఇవ్వలేదని ఆగ్రహం వ్యక్తం చేశారు. ఫీల్డ్ అసిస్టెంట్ పోస్ట్‌ను ఎమ్మెల్యే శ్రావణి తల్లి నీలావతి ఐదు లక్షల రూపాయలకు అమ్ముకున్నారని ఆరోపించారు. ఇదే అంశంపై టీడీపీ రాష్ట్ర అధ్యక్షుడు పల్లా శ్రీనివాస్ కు ఫిర్యాదు చేశామని, అక్కసుతో తమ అక్కసుతో తమ కుటుంబం పై అక్రమ కేసులు బనాయిస్తున్నారని ఆవేదన వ్యక్తం చేశారు.


 విశాఖ : ముఖ్యమంత్రి చంద్రబాబు నాయుడు పర్యటనలో శుక్రవారం అపశ్రుతి చోటుచేసుకుంది. విశాఖ జిల్లా అనకాపల్లి కొత్తూరు జంక్షన్ వద్ద పెందుర్తి ఎమ్మెల్యే బండారు సత్యనారాయణ మూర్తి వాహనాన్ని బాబు ఎస్కార్ట్ వాహనం ఢీకొంది. ఈ ఘటనలో ఓ ఎస్ఐ గాయపడ్డారు. ఆయనను చికిత్స నిమిత్తం ఆస్పత్రికి తరలించారు. ఇందుకు సంబంధించి పూర్తి వివరాలు తెలియాల్సి ఉంది.
 
 కాగా రెండురోజుల విశాఖ పర్యటనలో భాగంగా ముఖ్యమంత్రి చంద్రబాబు నాయుడు శుక్రవారం ఉదయం అనకాపల్లిలోని నూకాలమ్మ ఆలయాన్ని సందర్శించారు. ఆయనతో పాటు మంత్రులు గంటా శ్రీనివాసరావు, అచ్చెన్నాయుడు, పలువురు పార్టీ నేతలు ఉన్నారు.