మనోజ్‌నందం, స్మితిక, మోనికసింగ్ ప్రధాన తారలుగా పి.రమేశ్ బాబుల్‌రెడ్డి స్వీయ దర్శకత్వంలో రూపొందించిన చిత్రం ‘ఓ చెలియా నా ప్రియ సఖియా’. సాకేత్‌నాయుడు స్వరాలందించిన ఈ చిత్రం ఆడియో సీడీని హీరో సందీప్‌కిషన్ ఆవిష్కరించి మాజీ మంత్రి రామసుబ్బారెడ్డికి అందించారు. వీరితో పాటు మాజీ మంత్రి తులసిరెడ్డి, యువ హీరో అభిజిత్.. సినిమా విజయం సాధించాలి ఆకాంక్షించారు. సకుటుంబంగా చూడదగ్గ సినిమా ఇదనీ, సాకేత్ చక్కని సంగీతం ఇచ్చారనీ రమేశ్ బాబుల్‌రెడ్డి అన్నారు. అన్ని పాటలూ బాగా కుదిరాయని సాకేత్ అన్నారు.