సాక్షి, హైదరాబాద్ : మూసాపేటలో బుధవారం తెల్లవారుజామున రోడ్డు ప్రమాదం జరిగింది. నగరంలోని సెయింట్‌ సంస్థకు చెందిన సోని ట్రావెల్స్‌ మాదాపూర్‌ నుంచి 40 మంది ఉద్యోగులతో  మాదాపూర్‌​ నుంచి చింతల్‌ బయలు దేరింది. అయితే డ్రైవర్‌ నిద్ర మత్తులో ఉండటంతో మూసాపేట రైలింగ్‌ డివైడర్‌ను ఢీకొట్టడంతో అదుపుతప్పి ఫైఓవర్‌ నుంచి కింద పడింది. ఈ ప్రమాదంలో బస్సులో ఉన్న 40 మంది ప్రయాణికులు స్వల్ప గాయాలతో బయటపడ్డారు. రాంగ్‌ రూట్‌లో రావడమే ప్రమాదానికి కారణమని పోలీసులు పేర్కొన్నారు. గాయపడిన వారిని స్థానిక ఆస్పత్రికి తరలించారు. దీనికి సంబంధించి పూర్తి వివరాలు తెలియాల్సి ఉంది.


 హైదరాబాద్: నగరంలోని మందు బాబులు పండుగ చేసుకున్నారు. మండుటెండలతో అల్లాడుతున్న మందుప్రియులు ఫ్రీగా బీరు బాటిల్స్ను ఎత్తుకుపోయి ఎంజాయ్ చేసిన ఘటన మూసాపేటలో చోటుచేసుకుంది. శుక్రవారం అర్ధరాత్రి సమయంలో మూసాపేట ఫ్లైఓవర్పై బీరు లోడుతో వెళ్తున లారీ ఒక్కసారిగా బోల్తా పడింది.
 డ్రైవర్ రాంగ్‌రూట్‌లో రివర్స్ చూస్తుండగా అదుపుతప్పి లారీ కింద పడింది. దీంతో లారీలోని బీరు బాటిల్స్ రోడ్డు మీద చెల్లాచెదురుగా పడిపోయాయి. ప్రమాదం అనంతరం డ్రైవర్ లారీని వదిలి పరారయ్యాడు. ఇదే అదునుగా భావించిన మందు బాబులు లారీలోని బీరు బాటిల్స్ను భారీగా ఎత్తుకుపోయారు. ఆ మార్గంలో ట్రాఫిక్ నిలిచిపోవడంతో పోలీసులు ఫ్లై ఓవర్పై లారీని తొలగించి ట్రాఫిక్ను క్లియర్ చేశారు.