కర్నూలు: దళిత ఎమ్మెల్యేలను ముఖ్యమంత్రి చంద్రబాబునాయుడు అవమానించడం దారుణం అని వైఎస్‌ఆర్‌సీపీ ఎమ్మెల్యేలు గౌరు సుచరిత, ఐజయ్య ఆవేదన వ్యక్తం చేశారు. పోలవరం, ముచ్చుమర్రి, పోతిరెడ్డిపాడు, హంద్రీనీవాలాంటి ఇరిగేషన్‌ ప్రాజెక్టులకు పునాదులు వేసింది వైఎస్‌ఆర్‌ అని వారు మరోసారి స్పష్టం చేశారు. ప్రతిపక్ష ఎమ్మెల్యేలున్న నియోజకవర్గాలున్న నియోజకవర్గాల అభివృద్ధికి బాబు అడ్డుపడుతున్నారని ఆగ్రహం వ్యక్తం చేశారు.
 
 సోమవారం తడకనపల్లెలో నిర్వహించిన జన్మభూమి సభలో నందికొట్కూరు వైఎస్సార్‌సీపీ ఎమ్మెల్యే ఐజయ్య మాట్లాడుతూ రాష్ట్రంలో ప్రాజెక్టులన్నీ దివంగత ముఖ్యమంత్రి వైఎస్‌ రాజశేఖరరెడ్డి భిక్షేనని అన్న విషయం తెలిసిందే. ముచ్చుమర్రి ప్రాజెక్టుకు పునాది వేసింది వైఎస్సేనని గుర్తుచేశారు. పోలవరం ప్రాజెక్టుకు పునాది వేసింది కూడా ఆయనేనని తెలిపారు. ఐజయ్య వైఎస్‌ పేరు ప్రస్తావించగానే సభలో పాల్గొన్న ప్రజలు ఈలలు, కేకలతో హర్షధ్వానాలు చేశారు. కానీ, చంద్రబాబు మాత్రం వెంటనే ఐజయ్య మైక్‌ను కట్‌ చేసి మాట్లాడకుండా అడ్డుకున్న విషయం తెలిసిందే. ఈ నేపథ్యంలో ఆయన చంద్రబాబు తీరుపట్ల మంగళవారం తీవ్ర ఆవేదన వ్యక్తం చేశారు.


 
 కర్నూలు: ముఖ్యమంత్రి చంద్రబాబు నాయుడు సాక్షాత్తూ స్థానిక ఎమ్మెల్యే ప్రసంగించుకుండా అడ్డుకున్న వైనం కలకలం రేపుతోంది. ఈ ఘటన కర్నూలు జిల్లా ముచ్చుమర్రి ప్రాజెక్ట్‌ ప్రారంభోత్సవ సందర్భంగా చోటు చేసుకుంది.  సభలో వైఎస్‌ఆర్‌ సిపి ఎమ్మెల్యే ఐజయ్య పాల్గొనగా, అందుకు చంద్రబాబు  స్థానిక ఎమ్మెల్యే అయినప్పటికీ భాగస్వామ్యం లేదని, పట్టిసీమ ప్రాజెక్ట్‌ను వైఎస్‌ఆర్‌సీపీ వ్యతిరేకించిందన్నారు. అయితే ఇక్కడ తాను రాజకీయాలు మాట్లాడటానికి రాలేదని, ప్రజలకు వాస్తవాలు వివరించడానికి వచ్చానని చెప్పారు. కేవలం అభినందలు మాత్రమే చెప్పాలంటూ ఎమ్మెల్యేకు... చంద్రబాబు సూచించారు.
 
 ఈ క్రమంలో ఎమ్మెల్యే ఐజయ్య  ప్రాజెక్ట్ కోసం పునాది వేసింది వైఎస్‌ఆర్‌ అంటూ, పోలవరం ప్రాజెక్ట్‌కు పునాది వేసింది కూడా వైఎస్‌ఆర్‌ అని ప్రసంగిస్తున్న సమయంలో మధ్యలో చంద్రబాబు అడ్డుకున్నారు. అయినా వినకుండా ఐజయ్య ప్రసంగిస్తున్న సమయంలో ఆయన మైక్‌ను నిర్దాక్ష్యంగా కట్‌ చేయించారు. ఈ సందర్భంగా చంద్రబాబు ఒకింత అసహనానికి గురయ్యారు. ‘తమ్ముడు... విను ...నేను చెప్పింది విను... అరే వినవయ్య...నేను చెప్పేది విను అంటూ పునాదులు వేసిన వాళ్లు కాదు...పునాదులు వేసి వెళ్లిపోయినవాళ్లు చాలామంది ఉన్నారంటూ వ్యాఖ్యలు చేశారు.