తమిళ హీరో కార్తీ ‘ఆవారా, యుగానికి ఒక్కడు, నా పేరు శివ’ వంటి అనువాద చిత్రాల ద్వారా ఇక్కడ మంచి మార్కెట్‌ పెంచుకున్న విషయం తెలిసిందే. ఇక తెలుగులో చేసిన స్ట్రయిట్‌ చిత్రం ‘ఊపిరి’తో ఇక్కడి ప్రేక్షకులకు మరింత దగ్గరయ్యారు. తాజాగా కార్తీ ‘నా పేరు శివ 2’తో తెలుగు తెరపై కనిపించనున్నారు. కార్తీ కెరీర్‌లో మంచి విజయాన్ని నమోదు చేసుకున్న ‘నాన్‌ మహాన్‌ అల్ల’ (తెలుగులో ‘నా పేరు శివ’), ఆవారా, యుగానికి ఒక్కడు చిత్రాలను నిర్మించిన స్టూడియో గ్రీన్‌ కేఈ జ్ఞానవేల్‌ రాజా ఈ ‘నా పేరు శివ 2’కి నిర్మాత. ఈ చిత్రం విడుదలకు సిద్ధమైంది. పా. రంజిత్‌ ఈ చిత్రాన్ని తెరకెక్కించారు. క్యాథరీన్‌ థెరిసా కథానాయికగా నటించారు. ‘‘ఈ నెల 13న ‘నా పేరు శివ 2’ని థియేటర్లలో విడుదల చేస్తాం’’ అని చిత్రబృందం పేర్కొంది. 


 కోలీవుడ్ స్టార్ హీరో కార్తీ హీరోగా తెలుగు తమిళ భాషల్లో మంచి విజయం సాధించిన సినిమా నా పేరు శివ. లవ్ అండ్ రివేంజ్ డ్రామాగా తెరకెక్కిన ఈ సినిమాలో కార్తీ సరసన కాజల్ హీరోయిన్గా నటించింది. అయితే ఇన్నేళ్ల తరువాత ఇప్పుడు ఈ సినిమాకు సీక్వల్ను ప్లాన్ చేస్తున్నారట. తొలి భాగానికి పనిచేసిన అదే టెక్నికల్ టీం ఈ సీక్వల్ కోసం వర్క్ చేస్తోంది. కానీ రెండో భాగంలో హీరో మాత్రం మారిపోనున్నాడు.
 
 తొలి భాగంలో కార్తీ హీరోగా నటించగా సీక్వల్కు తెలుగు యువ హీరో సందీప్ కిషన్ను తీసుకున్నాడు దర్శకుడు సుశీంద్రన్. సందీప్ సరసన మెహరీన్ హీరోయిన్ నటించనుంది. ప్రస్తుతం నక్షత్రం సినిమా షూటింగ్లో బిజీగా ఉన్న సందీప్ కిషన్, ఆ సినిమా పూర్తయిన తరువాత నా పేరు శివ సీక్వల్లో నటించనున్నాడు. హీరో హీరోయిన్లు ఇద్దరినీ మార్చి తెరకెక్కిస్తున్న ఈ సినిమా నా పేరు శివకు సీక్వల్ అని దర్శకుడు ఎలా జస్టిఫై చేస్తాడో చూడాలి.