మహబూబ్‌నగర్‌ మున్సిపాలిటీ/ దేవరకద్ర/ మద్దూరు: జిల్లాకేంద్రం ఇక కార్పొరేషన్‌గా మారనుంది. అలాగే దేవరకద్ర గ్రామపంచాయతీతో పాటు నారాయణపేట జిల్లాలోని మద్దూరు సైతం మున్సిపాలిటీగా అవతరించనున్నాయి. ఈ మేరకు గతంలోనే అధికారులు అవసరమైన ప్రతిపాదనలు తయారు చేసి రాష్ట్ర ప్రభుత్వానికి నివేదించారు. శుక్రవారం అసెంబ్లీ సమావేశాల్లో ఐటీ, మున్సిపల్‌ శాఖ మంత్రి దుద్దిళ్ల శ్రీధర్‌బాబు ఈ మూడింటిని అప్‌గ్రేడ్‌ చేస్తున్నట్లు ప్రకటించారు. ఇందుకు సంబంధించిన ఏర్పాట్లు చకచకా జరుగుతున్నాయి. కాగా, ప్రస్తుతం మహబూబ్‌నగర్‌ పట్టణ పరిధిలోని 49 వార్డులలో సుమారు 2.88 లక్షల జనాభా ఉంది. కొత్తగా కార్పొరేషన్‌ అయ్యేందుకు మూడు లక్షల జనాభా అవసరం కావడంతో శివారులోని జైనల్లీపూర్‌, దివిటిపల్లి గ్రామాలు విలీనం కానున్నాయి. ఈ రెండు కలుపుకొని డివిజన్లు 51కి చేరుతుంది. మొత్తం మీద కార్పొరేషన్‌ కానుండటంతో కేంద్ర, రాష్ట్ర ప్రభుత్వాల నుంచి అదనపు నిధులు సమకూరి వివిధ అభివృద్ధి పనులు వేగంగా చేపట్టవచ్చు. ఆయా వార్డుల్లో రోడ్లు, డ్రెయినేజీ తదితర మౌలిక సదుపాయాలు మెరుగుపడతాయి.

నాగర్‌కర్నూల్‌ క్రైం: కేంద్ర ప్రభుత్వం ఆంధ్రప్రదేశ్‌ గ్రామీణ వికాస్‌ బ్యాంక్‌ను 2025 జనవరి 1 నుంచి తమ కార్యకలాపాలను ఆంధ్రప్రదేశ్‌, తెలంగాణ రాష్ట్రాల్లో విభజించనుందని, ఈ నేపథ్యంలో ఈ నెల 28 నుంచి 31 వరకు బ్యాంక్‌ సేవలు అందుబాటులో ఉండవని నాగర్‌కర్నూల్‌ రీజినల్‌ మేనేజర్‌ రంజిత్‌ శుక్రవారం ఒక ప్రకటనలో తెలిపారు. ఆంధ్రప్రదేశ్‌ గ్రామీణ వికాస్‌ బ్యాంక్‌కు చెందిన 493 శాఖలు తెలంగాణలోని తెలంగాణ గ్రామీణ బ్యాంక్‌లో విలీనం కానున్నాయని, విభజన ప్రక్రియలో భాగంగా సాంకేతిక సమస్యలతో బ్యాంకింగ్‌ సేవలకు తాత్కాలిక అంతరాయం కలుగుతుందన్నారు. ఈ విషయాన్ని గమనించి ఖాతాదారులు ముందుగానే తమ లావాదేవీలను ప్రణాళికబద్ధంగా చేసుకోవాలని కోరారు. నేడు డయల్‌ యువర్‌ డీఎం నాగర్‌కర్నూల్‌ క్రైం: డయల్‌ యువర్‌ డీఎం కార్యక్రమాన్ని శనివారం నిర్వహిస్తున్నట్లు ఆర్టీసీ డీఎం యాదయ్య శుక్రవారం ఒక ప్రకటనలో తెలిపారు. డిపో పరిధిలోని ప్రజలు, ప్రయాణికులు, ఉద్యోగులు, వ్యాపారులు సలహాలు, సూచనలు ఉంటే తెలియజేయాలని ఆమె కోరారు. సాయంత్రం 4 నుంచి 5 గంటల వరకు ఫోన్‌ చేయదలచిన వారు సెల్‌ నం.99592 26288ను సంప్రదించాలని సూచించారు. శాంతిభద్రతల పరిరక్షణకు నిరంతరం కృషి నాగర్‌కర్నూల్‌ క్రైం: శాంతిభద్రతల పరిరక్షణ కోసం పోలీస్‌ శాఖ నిరంతరం కృషిచేస్తుందని డీఎస్పీ శ్రీనివాస్‌ అన్నారు. శుక్రవారం జిల్లాకేంద్రంలోని రాంనగర్‌కాలనీలో కార్డెన్‌ సెర్చ్‌ నిర్వహించారు. ఈ సందర్భంగా ఆయన మాట్లాడుతూ ఎవరైనా అపరిచిత వ్యక్తులు అనుమానాస్పదంగా కనిపిస్తే వెంటనే పోలీసులకు సమాచారం అందించాలని సూచించారు. కొత్త వ్యక్తులు ఇళ్లు అద్దెకు కావాలని వస్తే వారి ఆధార్‌కార్డు తీసుకోవాలన్నారు. సంఘ విద్రోహులను గుర్తించే ఉద్దేశంతోనే పోలీస్‌ శాఖ ఆధ్వర్యంలో జిల్లాలో ఎక్కడో ఒకచోట కార్డెన్‌ సెర్చ్‌ నిర్వహిస్తామని చెప్పారు. ఈ క్రమంలో సరైన పత్రాలు లేని 35 ద్విచక్రవాహనాలు, 4 ఆటోలు సీజ్‌ చేసి పోలీస్‌స్టేషన్‌కు తరలించారు. కార్యక్రమంలో సీఐ కనకయ్యగౌడ్‌, ఎస్‌ఐ గోవర్ధన్‌, పోలీస్‌ సిబ్బంది పాల్గొన్నారు. పురాతన ఆలయాలకు పూర్వవైభవం తెస్తాం మన్ననూర్‌: టీటీడీ, వికాస తరంగిణి సంయుక్త ఆధ్వర్యంలో అమ్రాబాద్‌ మండలం వటువర్లపల్లిలో కోదండరామస్వామి ఆలయ పునర్నిర్మాణానికి త్రిదండి శ్రీమన్నారాయణ రామానుజ జీయర్‌స్వామి శుక్రవారం భూమిపూజ చేశారు. గ్రామంలో ఆలయం నిర్మించేందుకు గానూ గతంలో టీటీడీ వారికి గ్రామం తరపున విన్నవించగా.. ఇప్పుడు ఆలయ నిర్మాణానికి ముందుకొచ్చారన్నారు. పురాతన ఆలయాలకు పూర్వవైభవం తీసుకువస్తామని ఆయన పేర్కొన్నారు. ఈ క్రమంలో టీటీడీ ఆదేశాల మేరకు వికాస తరంగిణి, గ్రామస్తులు, భక్తులు అత్యంత భక్తిశ్రద్ధలతో ప్రత్యేక పూజలు నిర్వహించి భూమి పూజ చేసి ఆలయం నిర్మాణం పనులు ప్రారంభించారు. ● ఎంతో చరిత్ర కలిగిన వేణుగోపాలస్వామి ఆలయంలో ప్రతినిత్యం ఆరాధన చేయాలని రామానుజ జీయర్‌స్వామి అన్నారు. ఐదు రోజులుగా నల్లమలలో పర్యటిస్తున్న స్వామివారిని మన్ననూర్‌లో భక్తులు సాదర స్వాగతం పలికి ఆలయం ప్రాంగణంలో పాదపూజలు చేశారు. ఈ సందర్భంగా భక్తులను ఆశీర్వదించింన ఆయన అద్భుతంగా నిర్మించిన ఆలయం, ముందు భాగంగో ఉన్న 28 అడుగుల ఎత్తైన ఏకశిల రాతి స్తంభంను పరిశీలించి వివరాలు తెలుసుకున్నారు. గ్రామం సుభిక్షంగా ఉండాలని ఆశీర్వచనాలు చేశారు. ఆయా కార్యక్రమాల్లో శివప్రసాద్‌, కొండల్‌, శ్రీరాంనాయక్‌, మల్లేష్‌, శ్రీనివాస్‌, శ్రీను, సర్యానాయక్‌, లాలయ్య, కిష్టయ్య, పత్యానాయక్‌, మాజీ ఎంపీటీసీ అలివేల, సుగుణమ్మ, ఆలయ పూజారి నర్సింహశర్మ తదితరులు పాల్గొన్నారు.

నాగర్‌కర్నూల్‌ క్రైం: నాగర్‌కర్నూల్‌ జిల్లాగా మారడంతో అభివృద్ధిలో దూసుకుపోవడమే కాకుండా.. ఉన్నత విద్యాసంస్థల రాకతో రూపురేఖలే మారిపోతున్నాయి. గత బీఆర్‌ఎస్‌ ప్రభుత్వ హయాంలో జిల్లాకు ప్రభుత్వ మెడికల్‌, నర్సింగ్‌ కళాశాలలు మంజూరుకావడంతో మున్సిపాలిటీ పరిధిలోని ఉయ్యాలవాడ సమీపంలో ఏర్పాటు చేశారు. అయితే శరవేగంగా నర్సింగ్‌ కళాశాల భవన నిర్మాణ పనులు చేపట్టి అందులోనే ప్రభుత్వ మెడికల్‌ కళాశాలను ప్రారంభించారు. ప్రస్తుతం అసంపూర్తిగా ఉన్న మెడికల్‌ కళాశాల భవన నిర్మాణానికి సంబంధించి అన్ని పనులు పూర్తికావడంతో త్వరలోనే అందుబాటులోకి రానుంది. విద్యాబోధనకే పరిమితం.. ఉన్నత విద్యా రంగాన్ని అభివృద్ధి చేయాలన్న లక్ష్యంతో ఏర్పాటు చేసిన ప్రభుత్వ మెడికల్‌ కళాశాల సొంత భవనంలోనే ప్రారంభించినప్పటికీ కేవలం కళాశాలలో విద్యార్థులకు విద్యా బోధన మాత్రమే పరిమితమైంది. మెడికల్‌ కళాశాలకు సంబంధించిన విద్యార్థులకు తాత్కాలిక వసతిని ప్రైవేటు బిల్డింగ్‌లో ఏర్పాటు చేయడంతోపాటు బోధనా సిబ్బందికి కూడా వసతి లేకపోవడంతో ఎన్నో ఇబ్బందులు ఎదుర్కొనేవారు. జిల్లాకేంద్రానికి 4 కిలోమీటర్ల దూరంలో ప్రైవేటు హాస్టల్‌ను ఏర్పాటు చేయడంతో విద్యార్థులు రాకపోకలకు ఇబ్బందులు పడుతుండేవారు. ప్రస్తుతం రూ.168 కోట్లతో 23 ఎకరాల్లో మెడికల్‌ కళాశాల నిర్మాణాలు పూర్తయి త్వరలోనే అందుబాటులోకి రానుండటంతో విద్యార్థులకు, బోధనా సిబ్బందికి ఇబ్బందులు తీరనున్నాయి. అన్ని హంగులతో నూతన భవన నిర్మాణం రూ.168 కోట్లతో 23 ఎకరాల్లో అధునాతన భవనాలు ప్రొఫెసర్లు, విద్యార్థులకు తీరనున్న కష్టాలుత్వరలోనే నూతన భవనంలోకి.. నూతనంగా నిర్మాణం చేపడుతున్న ప్రభుత్వ మెడికల్‌ కళాశాల భవనం పనులు పూర్తయ్యాయి. త్వరలోనే నూతన భవనంలోకి మెడికల్‌ కళాశాలను మార్చనున్నాం. అన్ని హంగులతో నూతన భవనాన్ని ప్రభుత్వం నిర్మించింది. విద్యార్థులకు, బోధనా సిబ్బందికి అన్ని వసతులు అందుబాటులోకి రానున్నాయి. నూతన భవనం ప్రారంభానికి సంబంధించి రాష్ట్ర ప్రభుత్వంతో అనుమతి తీసుకుని తేదీలను ప్రకటిస్తాం. – రమాదేవి, ప్రభుత్వ మెడికల్‌ కళాశాల ప్రిన్సిపాల్‌, నాగర్‌కర్నూల్‌

కొల్లాపూర్‌: కృష్ణానదిలో నీటి నిల్వలు క్రమంగా తగ్గుతున్నాయి. గతంలో ఎన్నడూ లేని విధంగా ఈసారి నెలరోజుల కనిష్టానికి నీటిమట్టం చేరుకుంది. జనవరి నెలాఖరులో ఉండే లెవల్‌కు డిసెంబర్‌లోనే శ్రీశైలం బ్యాక్‌వాటర్‌ తగ్గిపోయింది. రాయలసీమలోని సాగు, తాగునీటి ప్రాజెక్టులకు విరివిగా నీటిని తరలిస్తుండటంతో పాటు, శ్రీశైలం డ్యాం వద్ద విద్యుదుత్పత్తి, కేఎల్‌ఐ ప్రాజెక్టు ద్వారా నీటి ఎత్తిపోతలు చేపట్టడంతో కృష్ణానదిలో నీటిమట్టం రోజురోజుకూ తగ్గుతోంది. ఈ ఏడాది 23 టీఎంసీలు కేఎల్‌ఐ ప్రాజెక్టు ద్వారా 40 టీఎంసీల నీటిని ఎత్తిపోసుకునేందుకు కేఆర్‌ఎంబీ అనుమతులు ఉన్నాయి. ఈ ఏడాది ప్రారంభం నుంచి ఇప్పటి వరకు 23 టీఎంసీల నీటిని ఎత్తిపోశారు. ప్రాజెక్టులోని మూడు మోటార్ల ద్వారా ఎత్తిపోతలు సాగుతున్నాయి. రోజూ 2,400 క్యూసెక్కుల నీటిని ఎత్తిపోస్తున్నారు. మరో 17 టీఎంసీల నీటిని ఎత్తిపోసుకునేందుకు వెసులుబాటు ఉన్నప్పటికీ చాలినన్ని రిజర్వాయర్లు లేకపోవడంతో నీటి ఎత్తిపోతలు ఆశించిన స్థాయిలో జరగడం లేదు. రిజర్వాయర్ల కొరత.. నాగర్‌కర్నూల్‌ జిల్లాలోని నాలుగు నియోజకవర్గాలతో పాటు వనపర్తి జిల్లాలోని కొన్ని ప్రాంతాలకు సాగునీరు అందించేందుకు నిర్మించిన కేఎల్‌ఐ ప్రాజెక్టు కింద నాలుగు రిజర్వాయర్లు ఉన్నాయి. వీటిలో నీటి నిల్వ సామర్థ్యం కేవలం 4 టీఎంసీలు మాత్రమే. రిజర్వాయర్ల సామర్థ్యం తక్కువగా ఉండడంతో నియోజకవర్గాల్లోని చెరువులకు కూడా కృష్ణానది నీటిని కాల్వల ద్వారా మళ్లిస్తున్నారు. అయితే పూర్తిస్థాయిలో నీటి కేటాయింపులను వినియోగించుకోవాలన్నా.. వేసవిలో నీటి కష్టాలు రాకుండా ఉండాలన్నా అదనపు రిజర్వాయర్ల నిర్మాణమే పరిష్కారమని సాగునీటి రంగ నిపుణులు అభిప్రాయపడుతున్నారు. శ్రీశైలం ప్రాజెక్టు బ్యాక్‌వాటర్‌ వేగంగా ‘వెనక్కి’..ఆగస్టు నెలలో వరదలు శ్రీశైలం బ్యాక్‌ వాటర్‌ ఫుల్‌గేజ్‌ 885 అడుగులు. ఆగస్టు నెలలో కృష్ణానదికి వరదలు ప్రారంభమయ్యాయి. అక్టోబర్‌ నెలాఖరు నాటికి శ్రీశైలం డ్యాం నిండింది. వరదల సమయం నుంచి కేఎల్‌ఐ ప్రాజెక్టులో ఎత్తిపోతలు చేపట్టారు. సాగునీటి అవసరాలతోపాటు మిషన్‌ భగీరథ స్కీం నిర్వహణ కోసం రోజూ 0.2 టీఎంసీల నీటిని వినియోగిస్తున్నారు. ప్రస్తుతం శ్రీశైలం డ్యాంలో 863 అడుగుల ఎత్తులో బ్యాక్‌వాటర్‌ ఉంది. 825 అడుగుల వరకు కేఎల్‌ఐ ప్రాజెక్టు ద్వారా నీటిని ఎత్తిపోసుకోవచ్చు. అయితే గతంలో కంటే ఈసారి వేగంగా బ్యాక్‌వాటర్‌ నీటిమట్టం తగ్గుతోంది. ఏపీలోని పోతిరెడ్డిపాడు, హంద్రినీవా, ముచ్చుమర్రి, మల్యాల ఎత్తిపోతల పథకాల ద్వారా నిర్ణీత మొత్తం కంటే ఎక్కువ స్థాయిలో నీటిని ఎత్తిపోయడమే ఇందుకు ప్రధాన కారణం. ఉన్నతాధికారులకు సమాచారం కేఎల్‌ఐ ప్రాజెక్టు పరిధిలోని రిజర్వాయర్లు, చెరువులు నిండుగా ఉన్నాయి. ఎల్లూరు రిజర్వాయర్‌ ద్వారా మిషన్‌ భగీరథ స్కీంకు నీళ్లు అందిస్తున్నాం. రిజర్వాయర్‌లో నీళ్లు తగ్గిన వెంటనే మోటార్లు ఆన్‌ చేసి నీటిని ఎత్తిపోస్తున్నాం. ఈ ఏడాది ఇప్పటివరకు 23 టీఎంసీల నీటిని ఎత్తిపోశాం. ప్రస్తుతం ఎల్లూరు లిఫ్టులో మూడు మోటార్లు మాత్రమే పనిచేస్తున్నాయి. మిగతా రెండింటికి మరమ్మతు చేపట్టాల్సి ఉంది. బ్యాక్‌వాటర్‌ నీటి నిల్వలపై రెగ్యులర్‌గా ఉన్నతాధికారులకు సమాచారం తెలియజేస్తున్నాం. – లోకిలాల్‌నాయక్‌, మిషన్‌ భగీరథ డీఈఈ రోజురోజుకు తగ్గిపోతున్న బ్యాక్‌ వాటర్‌ నెలరోజుల కనిష్ట స్థాయికి శ్రీశైలం డ్యాం నిల్వలు ప్రస్తుతం 863 అడుగుల మేర నీటిమట్టం సాగునీటితోపాటు, మిషన్‌భగీరథ పథకానికి వినియోగం నీటినిల్వకు అదనపు రిజర్వాయర్ల నిర్మాణమే పరిష్కార మార్గం

మున్సిపాలిటీలుగా మద్దూరు, దేవరకద్ర ఇదిలా ఉండగా ఆయా గ్రామాల్లో ఇక ఆస్తిపన్ను, నల్లా బిల్లులు, భవన నిర్మాణ అనుమతికి చెందిన చార్జీలు పెరుగుతాయని ప్రజలు ఆందోళన చెందుతున్నారు. ఇంతవరకు ఈ గ్రామాల్లో ఉపాధిహామీ పథకం కొనసాగుతుండగా.. ఇక నుంచి ఇది అమలు కాదని తెలుసుకున్న వారు ఏమి చేయాలోనని తలలు పట్టుకుంటున్నారు. మరోవైపు గతంలోనే సర్పంచ్‌ల పదవీ కాలం ముగిసినందున ఇదే అదనుగా భావించిన రాష్ట్ర ప్రభుత్వం ఈ కొత్త ప్రతిపాదనలకు గ్రీన్‌సిగ్నల్‌ ఇవ్వడం గమనార్హం. ఒకవేళ సర్పంచ్‌ల పదవీకాలం కొనసాగి ఉంటే ఎక్కడికక్కడ గ్రామసభలు ఏర్పాటు చేసి మున్సిపాలిటీలుగా మార్చవద్దని తీర్మానాలు చేసేవారు. మహబూబ్‌నగర్‌ పట్టణం వ్యూఅసెంబ్లీ ఎన్నికలు ముందు ముఖ్యమంత్రి రేవంత్‌రెడ్డి ఇచ్చిన హామీ మేరకు మద్దూరు గ్రామపంచాయతీని మున్సిపాలిటీగా అప్‌గ్రేడ్‌ చేశారు. మద్దూరు అనుబంధ గ్రామాలుగా ఉన్న భీంపూర్‌, నాగంపల్లి, సాపన్‌చెరవుతండాతో పాటు రెనివట్ల, వాల్యానాయక్‌తండా, అంబటోనివంపులను కూడా పురపాలికలో విలీనం చేశారు. 2023 లెక్కల ప్రకారం వీటన్నింటిలో కలిపి 12,595 మంది ఓటర్లు ఉన్నారు. నారాయణపేట జిల్లాలో మున్సిపాలిటీల సంఖ్య నాలుగుకు చేరింది. ఎన్నికల హామీమేరకు పురపాలికం పన్నులు పెరుగుతాయని ఆందోళన

నాగర్‌కర్నూల్‌: రైతులకు విత్తనాలు, పురుగు మందులు అమ్మే డీలర్లకు చట్టాలపై అవగాహన ఉండాలని కలెక్టర్‌ బదావత్‌ సంతోష్‌ అన్నారు. శుక్రవారం కలెక్టరేట్‌లోని సమావేశ మందిరంలో దేశి శిక్షణలో భాగంగా డిప్లొమా కోర్సు పూర్తి చేసుకున్న 79 మంది విత్తన డీలర్లకు సర్టిఫికెట్లు అందజేసి మాట్లాడారు. ‘డిప్లొమా ఇన్‌ అగ్రికల్చర్‌ సర్వీసెస్‌ ఫర్‌ ఇన్‌ఫుట్‌ డీలర్స్‌– దేశి’ పేరుతో అందించే ఈ కోర్సు ఏడాదిపాటు ఉంటుందని, కేవలం డీలర్లను దృష్టిలో ఉంచుకుని రూపొందించిన కోర్సు అన్నారు. పంటలకు ఉపయోగించే ఎరువులు, చీడపీడల నివారణకు వాడే పురుగు మందులకు ప్రామాణికం ఏమిటి.. ఏ ప్రాతిపదికన వాటిని వినియోగించాలి.. విక్రయించే డీలర్లకు అవగాహన లేమి.. వంటివి పరిష్కరించే దిశగా దేశీ కోర్సు అందుబాటులో ఉందన్నారు. జిల్లాలో ఇప్పటి వరకు 79 మంది డీలర్లు శిక్షణ పూర్తి చేసుకున్నారన్నారు. కోర్సు వ్యయంలో సగం కేంద్ర ప్రభుత్వం ఇస్తుండగా మిగతాది డీలర్లు భరించాల్సి ఉంటుందని, ఈ శిక్షణతో తమకు ఎంతగానో ప్రయోజనం ఉందని డీలర్లు చెబుతున్నారన్నారు. జిల్లాలో 446 ఎరువులు, 556 పురుగు మందుల డీలర్లు ఉన్నారని తెలిపారు. సమావేశంలో డీఏఓ చంద్రశేఖర్‌, జిల్లా పశుసంవర్ధక శాఖాధికారి రమేష్‌, జిల్లా ఉద్యాన శాఖాధికారి జగదీష్‌, మండల వ్యవసాయాధికారులు, డీలర్లు పాల్గొన్నారు.

జిల్లాకేంద్రంలో 2021లో ప్రభుత్వ మెడికల్‌ కళాశాలను ప్రారంభించినప్పుడు మొదటి సంవత్సరం విద్యార్థులకు మాత్రమే బోధనలు జరిగేవి. ప్రస్తుత ం ప్రథమ, ద్వితీయ, తృతీయ సంవత్సరాలకు సంబంధించి 450 మంది విద్యార్థులు వైద్య విద్యను అభ్యశిస్తున్నారు. దాదాపు నూతన భవన నిర్మాణ పనులు పూర్తి కావొచ్చాయి. నూతన ప్రభుత్వ మెడి కల్‌ కళాశాలలో విద్యార్థులకు అన్ని సదుపాయాలతో విశాలమైన తరగతి గదులతోపాటు హాస్టల్‌ సదుపాయం, ల్యాబ్‌లను ఏర్పాటు చేయనున్నారు. 23 ఎకరాల చుట్టూ ప్రహరీ నిర్మించి.. సీసీ రోడ్లు, ఆహ్లాదకరంగా కనిపించేందుకు పార్కులను సైతం ఏర్పాటు చేశారు. మెడికల్‌ కళాశాల నూతన భవనంలోకి ఎవరు ప్రవేశించకుండా కట్టుదిట్టమైన ఏర్పా ట్లు చేశామని, భవనం ప్రారంభమైన తర్వాత విద్యా ర్థుల భద్రత కోసం సీసీ కెమెరాలు ఏర్పాటు చేయనున్నట్లు అధికారులు వెల్లడించారు.

కల్వకుర్తి టౌన్‌/ కల్వకుర్తి రూరల్‌: ఉపాధ్యాయులు విద్యార్థుల విద్యా ప్రమాణాలను పెంచేందుకు ప్రత్యేక శ్రద్ధ తీసుకోవాలని, అలాగే ప్రభుత్వ పాఠశాలల్లో వంటగదులు, మరుగుదొడ్ల పరిశుభ్రతకు అధిక ప్రాధాన్యం ఇవ్వాలని డీఈఓ రమేష్‌కుమార్‌ అన్నారు. శుక్రవారం ఆయన పట్టణంలోని కేజీబీవీ, మండలంలోని తర్నికల్‌ పాఠశాలను ఆకస్మికంగా తనిఖీ చేశారు. ముందుగా కేజీబీవీలో విద్యార్థులకు నాణ్యమైన భోజనం అందించాలని, వడ్డించే ఆహారం కలుషితం కాకుండా శుద్ధి చేసిన నీటినే వంటలకు వినియోగించాలని సూచించారు. పాఠశాలలో ఉన్న స్టోర్‌ రూం, వంటగది, తరగతి గదులను పరిశీలించి విద్యార్థులతో మాట్లాడారు. విద్యార్థులకు అన్నం వడ్డించే ముందు ఉపాధ్యాయులు ఒకసారి రుచి చూడాలన్నారు. అలాగే తరగతి గదులకు వెళ్లి విద్యార్థుల ప్రతిభను పరిశీలించారు. అనంతరం పాఠశాలలో ఉన్న రికార్డులను తనిఖీ చేసి.. ఉపాధ్యాయులు సమయపాలన పాటించాలని ఆదేశించారు. ఆయా కార్యక్రమాల్లో జిల్లా కోఆర్డినేటర్‌ వెంకటయ్య, ఎంఈఓ శంకర్‌నాయక్‌, పాఠశాల ఉపాధ్యాయులు, విద్యార్థులు ఉన్నారు. వెనకబడిన విద్యార్థులపై ప్రత్యేక దృష్టిపెట్టండి కందనూలు: రాబోయే పదో తరగతి వార్షిక పరీక్షలకు విద్యార్థులను ఉపాధ్యాయులు సన్నద్ధం చేయాలని డీఈఓ రమేష్‌కుమార్‌ శుక్రవారం ఒక ప్రకటనలో తెలిపారు. పరీక్షల నిర్వహణకు ఎస్సెస్సీ బోర్డు, ప్రభుత్వం గురువారం షెడ్యూల్‌ విడుదల చేసిందని, వచ్చే ఏడాది మార్చి 21 నుంచి పరీక్షలు జరుగుతాయన్నారు. పరీక్షలకు మరో 95 రోజులు మాత్రమే ఉందని, మెరుగైన ఫలితాలు సాధించేలా సబ్జెక్టు ఉపాధ్యాయులు వెనకబడిన విద్యార్థులపై ప్రత్యేక శ్రద్ధ వహించాలని సూచించారు. తల్లిదండ్రులు సైతం తమ పిల్లలకు ఇతరత్రా పనులు చెప్పకుండా చదువుకునేలా ప్రోత్సహించాలని కోరారు. జిల్లావ్యాప్తంగా వివిధ మాధ్యమాల 304 పాఠశాలల్లో పదో తరగతి చదువుతున్న 10,553 మంది విద్యార్థులు ఈసారి పరీక్ష రాయనున్నారన్నారు.

ఐదు దశాబ్దాలుగా మేజర్‌ గ్రామపంచాయతీగా ఉన్న దేవరకద్రకు మున్సిపాలిటీ హోదా లభించింది. తెలంగాణ రాష్ట్రం ఏర్పడిన తరువాత చిన్న పట్టణాలు కూడా మున్సిపాలిటీలుగా మారాయి. కానీ స్థానిక పాలకుల నిర్లక్ష్యం వల్ల దేవరకద్రకు ఆ అవకాశం దక్కలేదు. గత అసెంబ్లీ ఎన్నికలకు ముందు మున్సిపాలిటీగా మార్చడానికి నాలుగు గ్రామాలతో కలిపి ప్రతిపాదనలు చేశారు. అయితే ఇది కార్యరూపం దాల్చకుండానే బీఆర్‌ఎస్‌ ప్రభుత్వం పోయి కాంగ్రెస్‌ ప్రభుత్వం వచ్చింది. ఎమ్మెల్యే మధుసూదన్‌రెడ్డి మళ్లీ కొత్తగా ప్రతిపాదనలు చేయడంతో దేవరకద్రకు మున్సిపాలిటీ హోదా దక్కింది.

నాగర్‌కర్నూల్‌: తెలంగాణ రెవెన్యూ సర్వీస్‌ అసోసియేషన్‌ జిల్లా అధ్యక్షుడిగా పెద్దకొత్తపల్లి నాయబ్‌ తహసీల్దార్‌ రమేష్‌ ఏకగ్రీవంగా ఎన్నికయ్యారు. శుక్రవారం జిల్లాకేంద్రంలోని ఓ ఫంక్షన్‌ హాల్‌లో జిల్లా కమిటీతోపాటు నాలుగు నియోజకవర్గాల కమిటీలను రాష్ట్ర జేఏసీ చైర్మన్‌ లచ్చిరెడ్డి ఆధ్వర్యంలో ఎన్నుకున్నారు. ఇందులో జిల్లా ఉపాధ్యక్షుడిగా శ్రీనివాసులు, అసోసియేట్‌ అధ్యక్షులుగా సీతారాం, విద్యాధరి, కార్యదర్శిగా మాసుం, సంయుక్త కార్యదర్శిగా జ్యోతి, గౌరవాధ్యక్షుడిగా ఖాజామైనొద్దీన్‌, కోశాధికారిగా పవన్‌కుమార్‌, కార్యనిర్వాహక కార్యదర్శిగా ప్రవీణ్‌చంద్ర, ప్రచార కార్యదర్శిగా ఈశ్వర్‌, రాజేశ్వర్‌రెడ్డి, శివకృష్ణ, తిరుపతిరెడ్డి, ఈసీ మెంబర్లుగా హన్మంతు, ఖాజా, శివకుమార్‌లను ఎన్నుకున్నారు. అలాగే నాగర్‌కర్నూల్‌ డివిజన్‌ అధ్యక్షుడిగా వెంకటేష్‌, కల్వకుర్తి డివిజన్‌ అధ్యక్షుడిగా వసీం అక్రం, కొల్లాపూర్‌ డివిజన్‌ అధ్యక్షుడిగా గోవింద్‌రెడ్డి, అచ్చంపేట డివిజన్‌ అధ్యక్షుడిగా బీష్వా, ఇతర కార్యవర్గ సభ్యులను ఎన్నుకున్నారు.

బల్మూర్‌: నల్లమల ప్రాంత ప్రజల ప్రయోజన కోసం శాశ్వత సాగునీరు అందించడమే లక్ష్యంగా ప్రభుత్వం ఉమామహేశ్వర ప్రాజెక్టు నిర్మిస్తుందని ఎమ్మెల్యే వంశీకృష్ణ అన్నారు. ఎవరు అడ్డువచ్చినా ప్రాజెక్టు నిర్మించి తీరుతామని చెప్పారు. బల్మూర్‌ సమీపంలో నిర్మించనున్న ఉమామహేశ్వర లిఫ్ట్‌ ఇరిగేషన్‌ సాగునీటి ప్రాజెక్టుపై గురువారం ఆయన బల్మూరులో రైతులతో ముఖాముఖి సమీక్షా నిర్వహించారు. అనంతరం ఆయన విలేకరులతో మాట్లాడుతూ రైతుల అభివృద్ధే లక్ష్యంగా చేపడుతున్న ఉమామహేశ్వర సాగునీటి ప్రాజెక్టు పనులను త్వరలోనే ప్రారంభిస్తామన్నారు. ఎవరైనా దీనిని ఆపాలని చూస్తే కఠిన చర్యలు తప్పవని హెచ్చరించారు. బీఆర్‌ఎస్‌ నాయకులు రైతుల ముసుగులో మభ్యపెట్టి ప్రాజెక్టు పనులను అడ్డుకునే ప్రయత్నం చేస్తున్నారని మండిపడ్డారు. వారి హయాంలో ప్రాజెక్టుకు అనుమతులు రాగా అప్పట్లో మాజీ ఎమ్మెల్యే తన ఫొటోలకు పాలాభిషేకాలు చేయించుకొని.. ర్యాలీలు తీసి.. ఇప్పుడు మాట మార్చడం సరికాదన్నారు. ప్రాజెక్టు నిర్మాణంలో భూములు కోల్పోయే రైతులకు తగిన నష్టపరిహారం అందిస్తామని, బాధిత రైతు కుటుంబాల్లో అర్హులైన వారికి ఔట్‌ సోర్సింగ్‌ ద్వారా ఉద్యోగావకాశాలు కల్పిస్తామన్నారు. బల్మూర్‌, అనంతవరం గ్రామాలకు సమీపంలో నిర్మించే ప్రాజెక్టుకు రెండు రోజుల్లో సర్వే చేయించి గ్రామానికి దూరంగా నిర్మించేందుకు చర్యలు తీసుకుంటామని, ఇందుకు రైతులు సహకరించాలని ఆయన కోరారు. కార్యక్రమంలో కాంగ్రెస్‌ మండలాధ్యక్షుడు వెంకట్‌రెడ్డి, మార్కెట్‌ కమిటీ మాజీ చైర్మన్‌ శ్రీపతిరావు, నాయకులు చంద్రమౌళి, వెంకటస్వామి, మల్లేష్‌, ఖదీర్‌ తధితరుల పాల్గొన్నారు.

నాగర్‌కర్నూల్‌: డీఏపీకి ప్రత్యామ్నాయంగా ఎరువుల వాడకంపై గ్రామీణ స్థాయిలో రైతులకు అవగాహన కల్పించాలని అదనపు కలెక్టర్‌ దేవసహాయం అన్నారు. గురువారం కలెక్టరేట్‌లోని సమావేశ మందిరంలో వ్యవసాయ అధికారులు, ఎరువుల డీలర్లకు నిర్వహించిన అవగాహన కార్యక్రమంలో ఆయన పాల్గొని మాట్లాడారు. భౌగోళిక, రాజకీయ సమస్యల వలన దేశంలో డీఏపీ ఉత్పతిపై ప్రభావం పడిందన్నారు. జిల్లా, మండల, గ్రామ స్థాయిలో రైతులు, ఎరువుల డీలర్లకు అవగాహన కల్పించాలని చెప్పారు. డీఏఓ చంద్రశేఖర్‌ మాట్లాడుతూ రాష్ట్ర వ్యవసాయ సంచాలకుల ఆదేశాల మేరకు జిల్లాకు కేటాయించిన స్పిక్‌ కంపెనీ ఆధ్వర్యంలో జిల్లాస్థాయిలో సహకార కేంద్రాల సీఈఓలు, రైతు సేవా కేంద్రం డీలర్లు, ఏడీఏలు, ఏఓలకు అవగాహన, శిక్షణ కార్యక్రమం ఏర్పాటు చేశామన్నారు. వారి స్థాయిలో రైతులకు, ఎరువుల డీలర్లకు ప్రతినెలా అవగాహన కార్యక్రమాలు ఏర్పాటు చేయాలన్నారు. జిల్లా సహకార అధికారి రఘునాథ్‌ మాట్లాడుతూ జిల్లాలోని అన్ని సింగిల్‌ విండోల్లో వ్యవసాయ శాఖ ఆదేశాల మేరకు ఎరువుల అమ్మకాలు చేయాలన్నారు. మార్క్‌ఫెడ్‌ డీఎం నర్సింహరావు మాట్లాడుతూ తమ సంస్థ ద్వారా అవసరమైన యూరియా, కాంప్లెక్స్‌ ఎరువులు సరఫరా చేస్తామన్నారు. స్పిక్‌ కంపెనీ ప్రతినిధులు రమేష్‌, శ్రీనివాసరవి మాట్లాడుతూ సేంద్రీయ వ్యవసాయ ఉత్పత్తులు వాడి పర్యావరణాన్ని కాపాడేలా రైతులకు అవగాహన కల్పించాలని కోరారు. కేవీకే పాలెం కోఆర్డినేటర్‌ ప్రభాకర్‌రెడ్డి వరి, మొక్కజొన్న, వేరుశనగ పంటల్లో డీఏపీకి ప్రత్యామ్నాయంగా కాంప్లెక్స్‌, ఎస్‌ఎస్‌పీ, నానో డీఏపీ ఎరువుల గురించి వివరించారు.

హైదరాబాద్‌– శ్రీశైలం–తోకపల్లి జాతీయ రహదారిలో శ్రీశైలం డ్యాం వద్ద ఐకానిక్‌ వంతెన ఏర్పాటుకు ప్రతిపాదనలు సిద్ధమయ్యాయి. ప్రస్తుతం ఈ మార్గంలో పాతాళగంగ వద్ద ఇరుకై న బ్రిడ్జి ఉంది. ఘాట్‌ రోడ్డు మార్గంలో ప్రయాణ సమయం తగ్గించడంతో పాటు తెలంగాణలోని ఈగలపెంట, ఆంధ్రప్రదేశ్‌లోని సున్నిపెంట గ్రామాల మధ్య కృష్ణానదిపై 173 మీటర్ల ఎత్తు, 670 మీటర్ల పొడవైన ఐకానిక్‌ బ్రిడ్జి నిర్మాణాన్ని ప్రతిపాదించారు. తెలంగాణ వైపు 180, ఏపీ వైపు 340 మీటర్ల సపోర్ట్‌ బ్రిడ్జి డిజైన్‌ రూపొందించారు. దీంతో శ్రీశైలానికి మరో 9 కి.మీ., దూరం తగ్గుతుంది. ● మన్ననూర్‌– పాతాళగంగ మార్గంలో62 కి.మీ., ఎలివేటెడ్‌ కారిడార్‌ ● ప్రాజెక్టు వ్యయం అంచనా రూ.7,700 కోట్లు ● శ్రీశైలం డ్యాం వద్ద నాలుగు వరుసల భారీ వంతెన ● మల్లన్న సన్నిధికి తగ్గనున్న ప్రయాణ భారం సాక్షి, నాగర్‌కర్నూల్‌/అచ్చంపేట: ఒకవైపు అరుదైన వన్యప్రాణులు, వృక్షజాతులను సంరక్షిస్తూనే.. మరోవైపు ప్రయాణికులకు ఇబ్బంది లేకుండా ప్రయాణం సాఫీగా సాగేందుకు నల్లమల వేదిక కానుంది. నల్లమల అటవీ ప్రాంతం గుండా సుమారు 62 కి.మీ., మేర ఎలివేటెడ్‌ కారిడార్‌ నిర్మాణంతో హైదరాబాద్‌– శ్రీశైలం రహదారి రూపురేఖలు మారిపోనున్నాయి. ఈ మార్గంలో నాలుగు వరుసల రహదారి నిర్మాణంతో పాటు అమ్రాబాద్‌ టైగర్‌ రిజర్వ్‌ పరిధిలోని పెద్దపులులు, ఇతర వన్యప్రాణుల జీవనానికి ఆటంకం కలిగించకుండా భారీ ఎలివేటెడ్‌ కారిడార్‌ నిర్మాణానికి ప్రతిపాదనలు సిద్ధమవుతున్నాయి. రూ.7,700 కోట్ల నిధులతో ఈ కారిడార్‌ నిర్మాణాన్ని చేపట్టేందుకు అవసరమైన డీపీఆర్‌ రూపొందించేందుకు కేంద్ర ఉపరితల రవాణా శాఖ అధికారులు చర్యలు చేపడుతున్నారు. 30 అడుగుల ఎత్తులో.. హైదరాబాద్‌–శ్రీశైలం జాతీయ రహదారి–765 గుండా శ్రీశైలం మల్లికార్జునస్వామి దర్శనానికి వెళ్తు న్న భక్తులతో రద్దీ క్రమంగా పెరుగుతోంది. ఈ మా ర్గంలో సుమారు 62.5 కి.మీ., మేర నల్లమల అటవీ ప్రాంతం గుండా ప్రయాణించాల్సి ఉంటుంది. మ న్ననూరు గ్రామం నుంచి పాతాళగంగ వరకు సు మారు 30 అడుగుల ఎత్తులో భారీ ఎలివేటెడ్‌ కారిడార్‌ నిర్మాణాన్ని చేపట్టనున్నారు. దీంతో వన్యప్రాణుల భయం లేకుండా ఎత్తు నుంచే గమ్యాన్ని చేరుకునేందుకు వీలుంది. హైదరాబాద్‌–ఏపీలోని ప్రకా శం మధ్య 45 కి.మీ., మేరకు దూరభారం తగ్గనుంది.

మహబూబ్‌నగర్‌ ఎడ్యుకేషన్‌: యువత ఆంగ్లంపై పట్టు సాధిస్తే సులువుగా ఉద్యోగ అవకాశాలను అందిపుచ్చుకునే అవకాశం ఉందని పాలమూరు యూనివర్సిటీ వీసీ జీఎస్‌ శ్రీనివాస్‌ పేర్కొన్నారు. ఈ మేరకు జిల్లాకేంద్రంలోని ఎంవీఎస్‌ డిగ్రీ కళాశాల ఇంగ్లిష్‌ డిపార్ట్‌మెంట్‌ ఆధ్వర్యంలో ‘హైబ్రిడిటీ అండ్‌ బిలాంగింగ్‌ ఇంగ్లిష్‌ ఇన్‌ ఏ ట్రాన్స్‌లేషన్‌ వరల్డ్‌’ అనే అంశంపై నిర్వహించిన జాతీయ సెమినార్‌కు ఆయన ముఖ్య అతిథిగా హాజరై ప్రసంగించారు. గ్లోబలైజేషన్‌ నేపథ్యంలో అన్ని విద్యా, ఉపాధి, వాణిజ్యం వంటి అంశాలు ఆంగ్ల భాషతో ముడిపడి ఉన్నాయని, అందుకు విద్యార్థులు దానిపై దృష్టి సారించాలన్నారు. గ్రామీణస్థాయి విద్యార్థులకు ఆంగ్లం అంటే వెనుకబాటుతనం ఉండకుండా నిరంతర సాధన వల్ల దానిపై పట్టు సాధించేందుకు అవకాశం ఉందన్నారు. సెమినార్లతో విద్యార్థులు పూర్తిస్థాయిలో అవగాహన పెంచుకుని భవిష్యత్‌లో ఉన్నతంగా ఎదగాలని సూచించారు. ఈ సందర్భంగా వివిధ కళాశాలల నుంచి మొత్తం 132 పరిశోధన పత్రాలను సమర్పించారు. కార్యక్రమంలో కీనోట్‌ స్పీకర్‌ జేఎన్‌టీయూ పులివెందుల ప్రొఫెసర్‌ సాంబయ్య, తమిళనాడు సెంట్రల్‌ యూనివర్సిటీ ప్రొఫెసర్‌ రఘుపతి, ప్రిన్సిపాల్‌ పద్మావతి, హెచ్‌ఓడీ సూర్యనారాయణ తదితరులు పాల్గొన్నారు. ఎంవీఎస్‌ కళాశాలలో జాతీయ సెమినార్‌లో పీయూ వీసీ జీఎస్‌ శ్రీనివాస్‌

హైదరాబాద్‌– శ్రీశైలం జాతీయ రహదారి రెండు వరుసల నుంచి నాలుగు వరుసలకు విస్తరించేందుకు ప్రతిపాదనలు పూర్తయ్యాయి. నల్లమలలో ఎలివేటెడ్‌ కారిడార్‌తో ఈ ప్రాంతం రూపురేఖలు మారిపోనున్నాయి. ఒకవైపు వన్యప్రాణులను సంరక్షిస్తూనే.. శ్రీశైలం వెళ్లే ప్రయాణికులకు ఈ కారిడార్‌ మేలు చేయనుంది. దక్షిణకాశీగా పిలిచే శ్రీశైలం పుణ్యక్షేత్రానికి భక్తుల రద్దీ ఎక్కువగా ఉంటోంది. ఎలివేటెడ్‌ కారిడార్‌ నిర్మాణం జరిగితే నిత్యం రద్దీగా ఉండే శ్రీశైలం జాతీయ రహదారిలో ఎలాంటి ఇబ్బందులు లేకుండా ప్రయాణించే అవకాశం ఉంది. – వంశీకృష్ణ, ఎమ్మెల్యే, అచ్చంపేట సానుకూల స్పందన.. హైదరాబాద్‌– శ్రీశైలం రోడ్డు విస్తరణకు సీఎం రేవంత్‌రెడ్డి పలుమార్లు ప్రధానమంత్రి నరేంద్రమోదీ దృష్టికి తీసుకెళ్లారు. కేంద్రం కూడా సానుకూలంగా స్పందించింది. నాగర్‌కర్నూల్‌ పార్లమెంట్‌ పరిధిలోని భూత్పూర్‌– మన్ననూర్‌– మద్దిమడుగు– గంగులకుంట (తెలంగాణ)– సిరిగిడిపాడు (ఆంధ్రప్రదేశ్‌) వరకు ఒక రహదారి, పుల్లూరు– అలంపూర్‌ మీదుగా కొల్లాపూర్‌– అచ్చంపేట– దేవరకొండ– నల్లగొండ వరకు మరో జాతీయ రహదారి నిర్మాణానికి ప్రతిపాదనలు పంపాం. – మల్లు రవి, ఎంపీ, నాగర్‌కర్నూల్‌ ●

వనపర్తి టౌన్‌: ఉమ్మడి పాలమూరు జిల్లా సమగ్రాభివృద్ధే తన లక్ష్యమని.. ఇందుకుగాను అన్ని నియోజకవర్గాల ఎమ్మెల్యేలతో చర్చించి ముఖ్యమంత్రి రేవంత్‌రెడ్డి ఆదేశాలకు అనుగుణంగా ముందుకు సాగుతానని రాష్ట్ర ప్రణాళికా సంఘం ఉపాధ్యక్షుడు డా. చిన్నారెడ్డి అన్నారు. పాలమూరు జిల్లాలో చేపట్టాల్సిన ప్రాజెక్టులు, వాటి పురోగతి, మరమ్మతులపై ప్రభుత్వానికి తాను అందజేసిన నివేదిక వివరాలను గురువారం సాయంత్రం జిల్లాకేంద్రంలోని తన నివాసంలో విలేకర్లకు వెల్లడించారు. కృష్ణానది వరద, నికర జలాలు కలిపి పాలమూరుకు 252 టీఎంసీలు దక్కితే 23 లక్షల ఎకరాలు సాగులోకి వస్తాయన్నారు. కర్ణాటక ప్రాంతవాసులు నీటి కేటాయింపులకు భిన్నంగా కాల్వల్లో మోటార్లు ఏర్పాటుచేసి నీటిని అక్రమంగా వాడుకుంటున్నారని ఆరోపించారు. సుంకేసుల వద్ద పూర్తిస్థాయిలో నీటినిల్వ చేసేలా చూడాలని కోరారు. ర్యాలంపాడు రిజర్వాయర్‌ కట్ట తమ్మిళ్ల లిఫ్ట్‌కు సోర్సుగా ఉందని.. రెండింటిని సరిచేయకపోతే నెట్టెంపాడుతో లాభం ఉండదన్నారు. గట్టు ప్రాంతానికి సాగునీరు అందిస్తే అన్నిరంగాల్లో అభివృద్ధి చెందుతుందని చెప్పారు. కేఎల్‌ఐ సామర్థ్యాన్ని 60 టీఎంసీలకు పెంచాలని కోరినట్లు తెలిపారు. మాజీ ముఖ్యమంత్రి కేసీఆర్‌ పాలమూరు ప్రాజెక్టుతో రంగారెడ్డికి తీవ్ర అన్యాయం చేశారని.. ఆ తప్పును సరిదిద్దేందుకు లక్ష్మీదేవిపల్లి రిజర్వాయర్‌ నిర్మించాలని సూచించారు. వరద జలాలను తక్షణమే వాడుకునేందుకు కోయిలకొండ దగ్గర రిజర్వాయర్‌ నిర్మించాలని.. కొడంగల్‌కు సోర్సుగా ఉంటుందన్నారు. కార్యక్రమంలో డీసీసీ అధ్యక్షుడు రాజేంద్రప్రసాద్‌, నాయకులు సయ్యద్‌ అక్తర్‌, బాబా, కమర్‌మియా, అనీస్‌, నారాయణ, రాగి వేణు, యాదయ్య, వెంకటేష్‌, సమద్‌, చంద్రశేఖర్‌ తదితరులు పాల్గొన్నారు. కేఎల్‌ఐ సామర్థ్యాన్ని 60 టీఎంసీలకు పెంచాలి లక్ష్మీదేవిపల్లి రిజర్వాయర్‌తోనే పాలమూరు–రంగారెడ్డికి ప్రయోజనం రాష్ట్ర ప్రణాళికా సంఘం ఉపాధ్యక్షుడు చిన్నారెడ్డి

కల్వకుర్తి టౌన్‌/ అచ్చంపేట/ కొల్లాపూర్‌: డయల్‌ యువర్‌ డీఎం కార్యక్రమాన్ని శుక్రవారం నిర్వహిస్తున్నట్లు డీఎం సుభాషిణి గురువారం ఒక ప్రకటనలో తెలిపారు. డిపో పరిధిలోని ప్రజలు, ప్రయాణికులు, ఉద్యోగులు, వ్యాపారులు సలహాలు, సూచనలు ఉంటే తెలియజేయాలని ఆమె కోరారు. మధ్యాహ్నం 12 నుంచి ఒంటిగంట వరకు ఫోన్‌ చేయదలచిన వారు సెల్‌ నం.99592 26292ను సంప్రదించాలని సూచించారు. ● అచ్చంపేట డిపో కార్యాలయంలో శుక్రవారం ఉదయం 11 గంటల నుంచి 12 గంటల వరకు డయల్‌ యువర్‌ డీఎం కార్యక్రమం నిర్వహిస్తున్నామని డీఎం మురళీ దుర్గాప్రసాద్‌ ఒక ప్రకటనలో తెలిపారు. సందేహాలు, సూచనలను సెల్‌ నం.99592 26291కు కాల్‌ చేసి తెలపాలని ఆయన కోరారు. ● కొల్లాపూర్‌ ఆర్టీసీ డిపో పరిధిలో సలహాలు స్వీకరణ కోసం డయల్‌ యువర్‌ డీఎం నిర్వహించనున్నట్లు డీఎం ఉమాశంకర్‌ తెలిపారు. శుక్రవారం ఉదయం 11 నుంచి 12 గంటల వరకు ప్రయాణికులు సెల్‌ నం.90004 05878కు ఫోన్‌ చేయాలని సూచించారు. వందశాతం ఉత్తీర్ణత సాధించాలి కల్వకుర్తి టౌన్‌: ఇంటర్‌ విద్యార్థులు త్వరలో జరగబోయే వార్షిక పరీక్షల్లో వందశాతం ఉత్తీర్ణత సాధించడమే లక్ష్యంగా పెట్టుకొని వారి సాధనను కొనసాగించాలని జిల్లా ఇంటర్మీడియట్‌ అధికారి వెంకటరమణ అన్నారు. గురువారం పట్టణంలోని ప్రభుత్వ జూనియర్‌ కళాశాలను ఆయన సందర్శించి, విద్యార్థుల రివిజన్‌ కార్యక్రమాన్ని పరిశీలించారు. విద్యార్థులు భయం వీడి సాధన చేస్తే వందశాతం లక్ష్యాలు సాధించడం కష్టతరం కాదని, మంచి ఫలితాలు సాధించి కళాశాలకు మంచిపేరు తీసుకురావాలన్నారు. అలాగే కళాశాల లెక్చరర్లు, టీచింగ్‌ స్టాఫ్‌తో సమావేశాన్ని ఏర్పాటు చేసి పలు సూచనలు చేశారు. అనంతరం రికార్డులు, విద్యార్థుల హాజరు, విద్యార్థుల రివిజన్‌ ప్రణాళిక, యూనిట్‌ టెస్టుల మార్కుల వివరాలను అడిగి తెలుసుకున్నారు. ఆయన వెంట కళాశాల ప్రిన్సిపాల్‌ రామిరెడ్డి, లెక్చరర్లు తదితరులున్నారు. ముగిసిన సీఎం కప్‌ వాలీబాల్‌ పోటీలు నాగర్‌కర్నూల్‌ రూరల్‌: జిల్లాకేంద్రంలోని జెడ్పీ ఉన్నత పాఠశాల ఆవరణలో కొనసాగుతున్న సీఎం కప్‌ జిల్లా స్థాయి వాలీబాల్‌ పోటీలు గురువారం ముగిశాయి. జిల్లాలోని అన్ని మండలాల నుంచి తరలివచ్చిన బాల, బాలికలు వాలీబాల్‌ పోటీల్లో పాల్గొనగా బాలికల విభాగంలో కోడేరు జట్టు మొదటి బహుమతి గెలుచుకుంది. అలాగే బాలుర విభాగంలో బిజినేపల్లి జట్టు మొదటి బహుమతి గెలుచుకున్నట్లు డీవైఎస్‌ఓ సీతారాం తెలిపారు. అనంతరం గెలుపొందిన క్రీడాకారులకు జ్ఞాపికలు, ప్రశంసాపత్రాలు అందజేశారు.

●● గురుకుల పాఠశాలలో చలికి వణుకుతున్న విద్యార్థులు ● రోజురోజుకూ పడిపోతున్న ఉష్ణోగ్రతలతో ఇక్కట్లు ● కిటికీలు, వెంటిలేటర్లు లేక వీస్తున్న చల్లని గాలులు ఉన్నతాధికారులకు నివేదించాం.. గురుకుల పాఠశాలలో ఉన్న వసతి గృహంతోపాటు ఇతర సమస్యల గురించి ఇప్పటికే ఉన్నతాధికారులకు నివేదికలు పంపించాం. చలి రోజురోజుకూ పెరుగుతుండంతో విద్యార్థులు ఇబ్బందులు ఎదుర్కొంటున్న విషయం వాస్తవమే. ఉన్నతాధికారుల నుంచి ఆదేశాలు రాగానే వాటన్నింటిని సరిచేస్తాం. – శ్రీధర్‌రావు, జిల్లా ఎస్సీ గురుకులాల అధికారి కల్వకుర్తి టౌన్‌: రోజురోజుకూ ఉష్ణోగ్రతలు పడిపోతుండటంతో చలితీవ్రత పెరిగి ఇబ్బందులు పెరిగిపోయాయి. చలి పెరుగుతుండటంతో గురుకుల పాఠశాలలోని విద్యార్థులు చలికి గజగజ వణుకుతున్నారు. విద్యార్థులు వారి వసతి గృహాల్లో ఉండే రూంలకు సరిగ్గా కిటికీలు లేక, వెంటిలేటర్లు ఊడిపోయి.. చలిని నుంచి వారిని కాపాడుకునేందుకు కిటికీలకు అడ్డుగా తెరలను కట్టుకొని ఉంటున్నారు. వసతిగృహాలలో కనీస వసతులు లేకుండా ఉండటంతో విద్యార్థులు ఇబ్బందులు పడుతున్నారు. వేధిస్తున్న అసౌకర్యాలు.. గత కొన్ని రోజుల నుంచి పట్టణంలోని జేపీనగర్‌ గురుకుల పాఠశాలలో విద్యార్థులను అసౌకర్యాలు వేధిస్తున్నాయి. అసౌకర్యాలతోపాటు కనీస వసతులు లేకపోవడంతో విద్యార్థులు అవస్థలు పడుతున్నారు. కిటికీలు, వెంటిటేలర్లు లేవని పలుమార్లు విద్యార్థులు ప్రిన్సిపాల్‌ దృష్టికి తీసుకెళ్లినా ఫలితం లేకుండాపోతోంది. పలుమార్లు గురుకులాల ఉన్నతాధికారులు విజిట్‌ చేసినా వాటిని గుర్తించి బాగుచేయాలని పలుమార్లు చెబుతున్నా, వాటి మరమ్మతు మాత్రం కావడం లేదు. అదనపు కలెక్టర్‌ సూచించినా.. గురుకులంలో విద్యార్థులను ఇవేగాక పలు సమస్యలు వేధిస్తున్నాయి. ఇటీవల అదనపు కలెక్టర్‌ సీతారామరావు గురుకుల పాఠశాలను సందర్శించిన సందర్భంలో వసతి గృహంలో ఉన్న సమస్యలను పరిష్కరించాలని సూచించి.. 15 రోజులు గడిచిపోయినా వాటిలో ఎలాంటి కార్యరూపం దాల్చకపోవడం అధికారుల పనితీరుకు అద్దం పడుతోంది. వసతి గృహంలో నెలకొన్న సమస్యల గురించి అదనపు కలెక్టర్‌ ప్రశ్నలు సంధిస్తే సంబంధిత పాఠశాల ప్రిన్సిపాల్‌ నీళ్లు నమిలారు. ఇవేగాక వసతిగృహంలో ఉన్న మరుగుదొడ్లు కూడా సరిగా లేకపోవడంతో విద్యార్థులు రాత్రి సమయాల్లో సమీపంలోని ఆరుబయటకు వెళ్తున్నారు. కొంతమంది విద్యార్థులు మాత్రం చలికి, రాత్రి భయంతో అక్కడే దగ్గరలో మలమూత్ర విసర్జనలు చేస్తుండటంతో పరిసరాలు దుర్గంధంగా మారుతున్నాయి. పైకప్పులు ఊడుతుండటంతో విద్యార్థులంతా ఒకే దగ్గరగా పడుకుంటున్నారు. వీటికి తోడు వసతి గృహం పైఅంతస్థులో ఉన్న మూత్రశాలలు పనిచేయకపోవడంతో, ఒక కంచె లాగా గేటును అధికారులు ఏర్పాటు చేశారు. ఇంకా చాలా సమస్యలు గురుకులంలో విద్యార్థులను వేధిస్తున్నా.. అధికారులు మాత్రం కనీస చర్యలు చేపట్టకపోవటం గమనార్హం.

సాక్షి, నాగర్‌కర్నూల్‌: పాలమూరు–రంగారెడ్డి ప్రాజెక్ట్‌ పేరుతో భారీ అవినీతికి పాల్పడిన అంశంపై సీబీఐ విచారణ చేపట్టాలని కోరుతూ తాను వేసిన పిటిషన్‌పై బుధవారం సుప్రీంకోర్టు విచారణ చేపట్టినట్టు మాజీ మంత్రి నాగం జనార్దన్‌రెడ్డి ప్రకటనలో తెలిపారు. పాలమూరు–రంగారెడ్డి ప్రాజెక్ట్‌లో సంబంధిత కాంట్రాక్టు సంస్థ, బీహెచ్‌ఈఎల్‌ భారీ అవినీతికి పాల్పడ్డాయంటూ 2019లో దాఖలు చేసిన పిటిషన్‌పై తాజాగా జస్టిస్‌ సంజీవ్‌ ఖన్నా, జస్టిస్‌ సంజయ్‌కుమార్‌ ధర్మాసనం విచారణ చేపట్టిందన్నారు. ఈక్రమంలో ప్రాజెక్ట్‌కు సంబంధించి పూర్తి వివరాలను తమకు సీల్డ్‌ కవర్‌లో అందించాలని తెలంగాణ ప్రభుత్వం, బీహెచ్‌ఈఎల్‌లను సుప్రీంకోర్టు ఆదేశించినట్టు వివరించారు. ప్రాజెక్ట్‌ నిర్మాణ పనుల్లో మోటార్లు, పంపుల అంచనాలను భారీ పెంచడం ద్వారా పెద్ద ఎత్తున అవినీతికి పాల్పడిన వైనాన్ని కోర్టు దృష్టికి తీసుకెళ్లినట్టు తెలిపారు. ఈ కేసులో తదుపరి విచారణ ఫిబ్రవరి 10న కొనసాగుతుందన్నారు. మాజీ మంత్రి నాగం జనార్దన్‌రెడ్డి

హైదరాబాద్‌– శ్రీశైలం జాతీయ రహదారి విస్తరణ కోసం 2022– 23లో కేంద్ర ప్రభుత్వం డీపీఆర్‌ తయారీకి రూ.3 కోట్లు మంజూరు చేసింది. ఈ మార్గంలోని 128.6 కి.మీ., నుంచి 191 కి.మీ., వరకు రోడ్డు విస్తరణకు ఇప్పటికే ఆర్‌అండ్‌బీ అధికారులు క్షేత్రస్థాయి సర్వే నిర్వహించారు. జనావాసాలు ఉన్న మన్ననూర్‌, దోమలపెంటల వద్ద బైపాస్‌, మూలమలుపులు ఉన్నచోట నేరుగా ఫ్లైఓవర్‌ నిర్మాణం చేపట్టేలా ప్రతిపాదనలు ఉన్నాయి. డీపీఆర్‌ పూర్తయితే అచ్చంపేట మండలం బ్రాహ్మణపల్లి– మన్ననూర్‌ నుంచి ఈగలపెంట– పాతాళగంగ వరకు సుమారు 147.31 హెక్టార్ల భూమి సేకరించాల్సి ఉంటుందని అంచనా. ఇందులో 128.63 హెక్టార్లు అటవీ భూమి కాగా.. మరో 18.68 హెక్టార్ల అటవీయేతర భూమి సేకరించనున్నారు. హైదరాబాద్‌– శ్రీశైలం జాతీయ రహదారి

నాగర్‌కర్నూల్‌: ప్రధానమంత్రి కిసాన్‌ సమ్మాన్‌ నిధి యోజన ద్వారా జిల్లాలో అర్హులైన రైతులకు పీఎం కిసాన్‌ లబ్ధి చేకూరేలా చర్యలు తీసుకోవాలని కలెక్టర్‌ బదావత్‌ సంతోష్‌ అన్నారు. గురువారం కలెక్టరేట్‌ సమావేశ మందిరంలో జిల్లా వ్యవసాయ శాఖ ఆధ్వర్యంలో మండల స్థాయి వ్యవసాయాధికారులకు పీఎం కిసాన్‌ సమృద్ధి యోజనపై నిర్వహించిన అవగాహన సమావేశానికి కలెక్టర్‌ హాజరై మాట్లాడారు. చిన్న, సన్నకారు రైతులందరికీ ఏడాదికి మూడు విడతల్లో రూ.6 వేలు కనీస ఆదాయ మద్దతు అందించడం జరుగుతుందన్నారు. పీఎం– కిసాన్‌ పథకం కింద, వారి పేరు మీద సాగు భూమి ఉన్న అన్ని రైతు కుటుంబాలకు, వారి భూమి విస్తీర్ణంతో సంబంధం లేకుండా ఏడాది రూ.6 వేలు అందిస్తుందన్నారు. ఈ పథకం రైతులకు వ్యవసాయం, అనుబంధ కార్యకలాపాలకు, వారి గృహ అవసరాలకు ఆర్థిక సహాయాన్ని చేకూరుస్తుందన్నారు. జిల్లాలో 2019 సంవత్సరానికి సంబంధించిన పాస్‌ పుస్తకాలు కలిగి ఉండి అర్హులైన రైతులకు పీఎం కిసాన్‌ ద్వారా లబ్ధి చేకూరేలా చర్యలు తీసుకోవాలని సూచించారు. జిల్లాలో 1,94,908 మంది రైతులకు పీఎం కిసాన్‌ ద్వారా ఇప్పటి వరకు రూ.565.22 కోట్ల నగదు వారి ఖాతాలో జమ చేశారన్నారు. కేంద్ర ప్రభుత్వం ద్వారా రైతులకు అందించే ఈ పథకాన్ని జిల్లాలో అర్హులైన రైతులందరూ సద్వినియోగం చేసుకోవాలని కోరారు. కేవైసీని తప్పనిసరిగా చేయించాలని అన్ని పత్రాలను క్షుణ్ణంగా పరిశీలించి నమోదు చేయాలని చెప్పారు. సమావేశంలో జిల్లా వ్యవసాయాధికారి చంద్రశేఖర్‌, మండల అధికారులు తదితరులు పాల్గొన్నారు.

నాగర్‌కర్నూల్‌రూరల్‌: మైనార్టీ మహిళల అభ్యున్నతి కోసం రాష్ట్ర ప్రభుత్వం మైనార్టీ ఫైనాన్స్‌ కార్పొరేషన్‌ ద్వారా అమలుచేస్తున్న ఇందిరమ్మ మహిళాశక్తి పథకాన్ని అర్హులైన వారు సద్వినియోగం చేసుకోవాలని జిల్లా మైనార్టీ సంక్షేమశాఖ అధికారి గోపాల్‌ బుధవారం ఒక ప్రకటనలో కోరారు. ప్రభుత్వరంగ సంస్థ ద్వారా టైలరింగ్‌ కోర్సులో శిక్షణ పూర్తిచేసుకున్న మైనార్టీ మహిళలకు ఇందిరమ్మ మహిళాశక్తి పథకం కింద ఉచితంగా కుట్టు మిషన్లు అందజేయనున్నట్లు పేర్కొన్నారు. పేద మహిళలు, విడాకులు పొందిన వారు, వితంతులు, ఒంటరి మహిళలకు ప్రాధాన్యత ఉంటుందని పేర్కొన్నారు. అర్హులైన మహిళలు తెల్లరేషన్‌కార్డు, ఆదాయ ధ్రువపత్రాలతో ఆన్‌లైన్‌లో దరఖాస్తు చేసుకోవాలని సూచించారు. చిన్నముద్దునూరు ఉపాధ్యాయుడికి జాతీయ అవార్డు కందనూలు/తెలకపల్లి: తెలకపల్లి మండలం చిన్నముద్దునూరు ప్రాథమికోన్నత పాఠశాల ఉపాధ్యాయుడు టి.రాజశేఖర్‌రావు జాతీయ ఉత్తమ సైన్స్‌ ఉపాధ్యాయ అవార్డుకు ఎంపికయ్యారు. మధ్యప్రదేశ్‌ రాష్టంలోని బూర్తాన్‌పూర్‌లో వచ్చేనెల 9నుంచి 11వ తేదీ వరకు నిర్వహించే భారతీయ సైన్స్‌ టెక్నో ఫెస్టివల్‌లో నేషనల్‌ టీచర్‌ సైంటిస్టు కౌన్సిల్‌ రామన్‌ సైన్స్‌ టెక్నాలజీ ఫౌండేషన్‌ అధ్యక్షుడు సీవీ జోషి, ఇస్రో శాస్త్రవేత్త దిలీప్‌ భట్‌ చేతుల మీదుగా ఆయన అవార్డు అందుకోనున్నారు. ఈ సందర్భంగా రాజశేఖర్‌రావు మాట్లాడుతూ.. విద్యార్థులు, ఉపాధ్యాయులకు శాసీ్త్రయ దృక్పథం కల్పించడం కోసం దేశంలోని 20 రాష్ట్రాల్లో చురుగ్గా పనిచేస్తూ.. దేశవ్యాప్తంగా అనేక సైన్స్‌ కార్యక్రమాలు చేపట్టడంలో భాగంగా భారతీయ సైన్స్‌ టెక్నో ఫెస్టివల్‌ నిర్వహిస్తున్నట్లు తెలిపారు. దేశంలోని ప్రముఖ శాస్త్రవేత్తలు ఈ కార్యక్రమంలో పాల్గొంటారన్నారు. సైన్స్‌ టెక్నో ఫెస్టివల్‌లో భాగంగా తెలంగాణ రాష్ట్రం నుంచి తనను జాతీయ ఉత్తమ సైన్స్‌ ఉపాధ్యాయ అవార్డుకు ఎంపిక చేయడం సంతోషంగా ఉందన్నారు. కాగా, డీఈఓ రమేష్‌ కుమార్‌ తదితరులు రాజశేఖర్‌రావుకు అభినందనలు తెలిపారు. ఘనంగా సెమీ కిస్మస్‌ దోమలపెంట: ఈగలపెంటలోని జెన్‌కో కాలనీ కళాభారతిలో బుధవారం సెమీ క్రిస్మస్‌ వేడుకలను ఘనంగా నిర్వహించారు. కార్యక్రమానికి ముఖ్య అతిథులుగా భూగర్భ జలవిద్యుత్‌ ఉత్పత్తి కేంద్రం సీఈ రామసుబ్బారెడ్డి, కుడిగట్టు జలవిద్యుత్‌ ఉత్పత్తి కేంద్రం సీఈ డీవీఎస్‌ఎస్‌ఎల్‌ కాంతారావు హాజరై కేక్‌ కట్‌ చేశారు. దైవ సేవకులు కేజేఎస్‌ బాబురావు క్రిస్మస్‌ సందేశం ఇచ్చారు. కార్యక్రమంలో ఎస్‌ఈ (ఓఅండ్‌ఎం) ఆదినారాయణ, ఎస్‌ఈ (సివిల్‌) రవీంద్రకుమార్‌, ఎస్‌ఈ(ఓఅండ్‌ఎం) కుడిగట్టు కేంద్రం ఎం.శ్రీనివాస్‌, డీఈ సంపంగి శ్రీనివాస్‌ తదితరులు పాల్గొన్నారు. జాతీయస్థాయి పోటీలకు కల్వకుర్తి విద్యార్థిని కల్వకుర్తి టౌన్‌: పట్టణంలోని బీసీ బాలికల గురుకుల పాఠశాలలో 9వ తరగతి చదువుతున్న సాయికీర్తన అండర్‌–17 జాతీయస్థాయి ఖోఖో పోటీలకు ఎంపికై నట్లు పాఠశాల ప్రిన్సిపాల్‌ డా.శ్రీదేవి బుధవారం ఒక ప్రకటనలో తెలిపారు. ఈ నెల 21 నుంచి ఉత్తరప్రదేశ్‌ రాష్ట్రంలో నిర్వహించే పోటీల్లో తెలంగాణ తరఫున పాల్గొంటుందని పేర్కొన్నారు. విద్యార్థినిని ప్రిన్సిపాల్‌తో పాటు పీడీ సింధు, ఉపాధ్యాయులు అభినందించారు.

నాగర్‌కర్నూల్‌: బీఆర్‌ఎస్‌ ప్రభుత్వంలో గురుకులాలను గాలికొదిలేశారని.. పదేళ్ల కాలంలో నాగర్‌కర్నూల్‌ నియోజకవర్గంలోని గురుకులాలను ఒక్క ఎమ్మెల్యే గాని, ఎంపీ గాని సందర్శించిన పాపాన పోలేదని ఎమ్మెల్యే కూచుకుళ్ల రాజేష్‌రెడ్డి అన్నారు. నియోజకవర్గంలోని గురుకుల పాఠశాలలపై బుధవారం అసెంబ్లీలో జరిగిన చర్చలో ఈ మేరకు స్థానిక ఎమ్మెల్యే ప్రస్తావించారు. కాంగ్రెస్‌ ప్రభుత్వం అధికారంలోకి వచ్చిన ఏడాది కాలంలోనే నియోజకవర్గంలో అన్ని గురుకులాలు, సంక్షేమ హాస్టళ్లను పరిశీలించినట్లు చెప్పారు. గురుకులాలు, హాస్టళ్లలో నెలకొన్న సమస్యలను తన దృష్టికి తీసుకువచ్చినట్లు తెలిపారు. కొన్ని గురుకులాల్లో కనీసం గ్రీన్‌బోర్డులు, బెంచీలు కూడా లేవని.. గత ప్రభుత్వం ఈ సమస్యపై ఎందుకు దృష్టి సారించలేదని ప్రశ్నించారు. గురుకుల విద్యార్థులు నీట్‌, ఐఐటీ వంటి పరీక్షల్లో మంచి ర్యాంకులు సాధిస్తున్నారని.. అలాంటి విద్యార్థులను మరింత ప్రోత్సహించాల్సిన అవసరం ఉందన్నారు. తనకు కేటాయించిన నిధులతో కొన్ని సౌకర్యాలు కల్పించడం జరిగిందని.. పూర్తి స్థాయిలో విద్యార్థులకు మౌలిక వసతులు కల్పించాలని కోరారు. విద్యార్థులకు మెస్‌, కాస్మోటిక్‌ చార్జీలు పెంచినందుకు ప్రభుత్వానికి ధన్యవాదాలు తెలిపారు. అదే విధంగా ఉర్దూ మీడియం పాఠశాలల్లో ఖాళీగా ఉన్న ఉపాధ్యాయ పోస్టులను భర్తీ చేయాలని ప్రభుత్వానికి విజ్ఞప్తి చేశారు.

అచ్చంపేట నియోజకవర్గంలో ముఖ్యమైన ప్రజాప్రతినిధి మెప్పు కోసం, ఆయన ఆదేశాల మేరకే అధికారులు వ్యవహరిస్తున్నారన్న ఆరోపణలున్నాయి. ఇటీవల దోమలపెంటతో పాటు మన్ననూరు గ్రామంలోని నయిముద్దీన్‌కు చెందిన ఇంటిని సైతం అక్రమ నిర్మాణమంటూ పంచాయతీ అధికారులు కూల్చివేశారు. ఈ రెండు గ్రామాలకూ ఒక్కరే ఇన్‌చార్జి కార్యదర్శిగా వ్యవహరించడం గమనార్హం. ప్రజాప్రతినిధుల ఆదేశాల మేరకే ఇతర పార్టీలకు చెందిన వారిని టార్గెట్‌ చేసుకుని కక్ష్య సాధింపు చర్యలకు పాల్పడుతున్నట్లు ఆరోపణలు విన్పిస్తున్నాయి. రాజకీయ పెద్దల మెప్పు పొందేందుకు కొంతమంది అధికారులు చట్టాన్ని చేతుల్లోకి తీసుకుని ఇష్టారీతిగా వ్యవహరిస్తున్నారన్న విమర్శలు వ్యక్తమవుతున్నాయి.

జిల్లాలోని హైదరాబాద్‌–శ్రీశైలం రహదారిలో మన్ననూరు, దోమలపెంట వద్ద హోటళ్లు, దాబాలు వెలుస్తున్నాయి. వీటిలో కొన్ని అనుమతులు లేకుండా ఏర్పాటు చేసుకుంటున్నారు. అక్రమ నిర్మాణాలను తొలగించడం మంచి పరిణామమే అయినా దీన్ని రాజకీయ కోణంలో వినియోగిస్తున్నారన్న ఆరోపణలు వెల్లువెత్తుతున్నాయి. నిబంధనలకు విరుద్ధంగా చాలావరకు దుకాణాలు, ఇళ్లు నిర్మించుకున్నా కొంతమంది వ్యక్తులను లక్ష్యంగా చేసుకుని కూల్చివేతలకు పాల్పడుతున్నట్టు విమర్శలు వ్యక్తమవుతున్నాయి. అమ్రాబాద్‌ మండలం దోమలపెంటలో అక్రమంగా నిర్మించారంటూ ఇటీవల పంచాయతీ అధికారులు రెండు హోటళ్లను కూల్చివేశారు. పంచాయతీ ఇన్‌చార్జి కార్యదర్శి భీముడు ఆధ్వర్యంలో బస్టాండ్‌ సమీపంలోని రక్షిత్‌ హోటల్‌తో పాటు హైదరాబాద్‌–శ్రీశైలం రహదారి పక్కనున్న ఆక్షిత్‌ హోటల్‌ను జేసీబీ సహాయంతో నేలమట్టం చేశారు. అయితే తాము ఏళ్లుగా రేకులషెడ్‌ నిర్మించుకుని నివాసం ఉంటున్నామని, సంబంధిత డాక్యుమెంట్లు సమర్పించినా కూల్చి వేస్తామని నోటీసులు ఇచ్చారని బాధితుడు కటకం మహేశ్‌, నాగలక్ష్మి హైకోర్టును ఆశ్రయించారు. దుకాణం నిర్వాహణకు ట్రేడ్‌ లైసెన్స్‌ సైతం తీసుకుని ఆస్తి పన్ను చెల్లిస్తున్నట్టు కోర్టు దృష్టికి తీసుకెళ్లారు. దీంతో తదుపరి ఉత్తర్వులు వచ్చేంత వరకు ఎలాంటి చర్యలు తీసుకోవద్దని కోర్టు ఉత్తర్వులు జారీ చేసింది. ఇదేమీ పట్టించుకోకుండా అధికారులు బాధితుడి ఇంటిని కూల్చివేశారు. పిటిషన్‌పై విచారణ చేపట్టిన హైకోర్టు న్యాయమూర్తి జస్టిస్‌ మాధవిదేవి స్వయంగా కోర్టుకు హాజరై వివరణ ఇవ్వాలని జిల్లా పంచాయతీ అధికారిని ఆదేశించారు. మంగళవారం ఆయన హాజరు కాగా, కోర్టు ఉత్తర్వులను పట్టించుకోకుండా ఇష్టారాజ్యంగా వ్యవహరించడంపై హైకోర్టు ఆగ్రహం వ్యక్తం చేసింది. కోర్టు ధిక్కారానికి పాల్పడినందుకు సొంత ఖర్చులతో బాధితుడి ఇంటి నిర్మాణం పూర్తిచేయాలని ఆదేశాలు జారీ చేసింది.