మక్తల్‌: మక్తల్‌ పట్టణంలో బుధవారం వైద్యారోగ్యశాఖ మంత్రి దామోదర రాజనర్సింహ పర్యటించనున్నారు. స్థానిక ప్రభుత్వ ఆస్పత్రిలో నిర్మించిన డయాలసిస్‌ సెంటర్‌ను ప్రారంభించడంతో పాటు పట్టణ శివారులో రూ. 46 కోట్లతో చేపట్టనున్న 150 పడకల ఆస్పత్రి భవన నిర్మాణానికి శంకుస్థాపన చేయనున్నారు. ముందుగా మక్తల్‌ మండలం కాచ్‌వార్‌లో జరిగే గ్రామసభకు మంత్రి హాజరవుతారు. మంత్రి పర్యటన ఏర్పాట్లను మంగళవారం కలెక్టర్‌ సిక్తా పట్నాయక్‌, ఎమ్మెల్యే వాకిటి శ్రీహరి పరిశీలించారు. డీఎంహెచ్‌ఓ సౌభాగ్యలక్ష్మి, డా.మల్లికార్జున్‌తో కలిసి కలెక్టర్‌ ప్రభుత్వ ఆస్పత్రిలోని ప్రసూతి వార్డు, లేబర్‌ రూంను పరిశీలించారు. రోగులతో మాట్లాడి వైద్యసేవలపై ఆరా తీశారు. కార్యక్రమంలో తహసీల్దార్‌ సతీష్‌ కుమార్‌, మున్సిపల్‌ కమిషనర్‌ భోగేశ్వర్‌, మార్కెట్‌ కమిటీ వైస్‌చైర్మన్‌ గణేష్‌ కుమార్‌, డైరెక్టర్లు రంజిత్‌రెడ్డి, ఆర్‌ఐ రాములు, రవికుమార్‌, కట్ట సురేష్‌ పాల్గొన్నారు. రోగులతో డబ్బులు తీసుకుంటే ఇంటికి పంపిస్తా! ● జిల్లా ఆస్పత్రి సిబ్బందికి ఎమ్మెల్యే పర్ణికారెడ్డి వార్నింగ్‌ నారాయణపేట: జిల్లా జనరల్‌ ఆస్పత్రికి వచ్చే రోగులతో సిబ్బంది డబ్బులు తీసుకున్నట్లు మరోసారి తనకు తెలిస్తే ఉద్యోగం నుంచి తొలగించి ఇంటికి పంపిస్తానంటూ స్థానిక ఎమ్మెల్యే డా. చిట్టెం పర్ణికారెడ్డి హెచ్చరించారు. మంగళవారం జిల్లా జనరల్‌ ఆస్పత్రిని ఎమ్మెల్యే ఆకస్మికంగా సందర్శించారు. ఆస్పత్రిలో రోగులకు అందిస్తున్న సేవలపై ఆరా తీశారు. అనంతరం వైద్యులు, సిబ్బందితో ఎమ్మెల్యే సమావేశమై మాట్లాడారు. ఆస్పత్రిలో విధులు నిర్వహిస్తున్న కిందిస్థాయి నుంచి పై స్థాయి వరకు అందరూ రోగులకు సేవలు అందించడంలో నిర్లక్ష్యంగా వ్యవహరిస్తున్నారని మండిపడ్డారు. రాత్రివేళ చికిత్సల కోసం వస్తున్న రోగులకు సకాలంలో సేవలు అందించకుండా ప్రైవేటు ఆస్పత్రులకు పంపించి, కమీషన్లు దండుకుంటున్నట్లు తన దృష్టికి వచ్చిందన్నారు. ఇకపై అలాంటివి తన దృష్టికి వస్తే సహించేది లేదన్నారు. రాత్రివేళలో పనిచేసే సిబ్బంది డాక్టర్లు లేరంటూ.. నిద్రపోతున్నారంటూ చెబుతూ రోగులను తిరిగి పంపిస్తున్నారని.. ఇకపై ఇది జరిగితే మిమ్మల్ని సైతం బయటికే పంపిస్తామని ఘాటుగా మందలించారు. ఆస్పత్రుల్లో పనిచేసే అందరి పనితీరు తనకు క్షుణ్ణంగా తెలుసని.. తాను కూడా డాక్టర్‌ అని.. తనతో నాటకాలు చేస్తే ఊరుకోనని అన్నారు. ఇక్కడికి వచ్చే రోగులు ధనవంతులు కాదని.. పేద ప్రజలే వస్తారని.. అందరూ నిబద్ధతతో పనిచేయాలని సూచించారు. అనంతరం ఆస్పత్రిలో చికిత్స పొందుతున్న అమ్మిరెడ్డిపల్లి గ్రామవాసి దొబ్బలి సుజాతను పరామర్శించి, ఆరోగ్య పరిస్థితిని తెలుసుకున్నారు. సమావేశంలో ఆస్పత్రి సూపరింటెండెంట్‌ మల్లికార్జున్‌, మున్సిపల్‌ చైర్మన్‌ గందె అనసూయ, మార్కెట్‌ కమిటీ చైర్మన్‌ సదాశివారెడ్డి, కౌన్సిలర్‌ మహేష్‌, చంద్రకాంత్‌ ఉన్నారు. ప్రభుత్వ ఆస్పత్రుల్లో కాన్పుల సంఖ్య పెంచాలి మరికల్‌: ప్రభుత్వ ఆస్పత్రుల్లో కాన్పుల సంఖ్య పెంచాలని.. వివిధ కారణాలతో గర్భిణులను ప్రైవేటు ఆస్పత్రులకు రెఫర్‌ చేస్తే చర్యలు తప్పవని డీఎంహెచ్‌ఓ సౌభాగ్యలక్ష్మి అన్నారు. మంగళవారం మరికల్‌ ప్రాథమిక ఆరోగ్యకేంద్రంలో ఆకస్మిక తనిఖీ చేపట్టారు. ఈ సందర్భంగా ఆస్పత్రి సిబ్బంది పనితీరుతో పాటు ఓపీ రిజిస్టర్లను పరిశీలించారు. గర్భిణులకు ప్రతినెలా క్రమం తప్పకుండా పరీక్షలు చేయాలని సూచించారు. సాధ్యమైనంత వరకు ప్రభుత్వ ఆస్పత్రుల్లోనే కాన్పులు జరిగేలా చర్యలు తీసుకోవాలని సిబ్బందికి సూచించారు. అత్యవసరమైతే జిల్లా ఆస్పత్రికి రెఫర్‌ చేయాలన్నారు. అనంతరం నెలవారీగా నమోదు అవుతున్న కాన్పుల వివరాలను తెలుసుకున్నారు. డీఎంహెచ్‌ఓ వెంట సిబ్బంది అరవింద్‌, బస్వరాజ్‌ ఉన్నారు. నేడు డయల్‌ యువర్‌ డీఎం నారాయణపేట రూరల్‌: జిల్లాలోని కోస్గి, నారాయణపేట ఆర్టీసీ డిపోల పరిధిలో బుధవారం ఉదయం 11 గంటలకు డయల్‌ యువర్‌ డీఎం కార్యక్రమం నిర్వహించనున్నట్లు డిపో మేనేజర్‌ లావణ్య మంగళవారం ఒక ప్రకటనలో తెలిపారు. జిల్లాలోని ఆర్టీసీ ప్రయాణికులు 73828 26293 నంబర్‌ను సంప్రదించి, తమ సమస్యలతో పాటు సూచనలు, సలహాలు అందించాలని కోరారు.

స్టేషన్‌ మహబూబ్‌నగర్‌: సంక్రాంతి పండుగను పురస్కరించుకొని ప్రయాణికుల సౌకర్యార్థం ఆర్టీసీ సంస్థ ప్రత్యేక అదనపు బస్సు సర్వీసులు నడిపింది. పండుగ సందర్భంగా మహబూబ్‌నగర్‌ ఆర్టీసీ రీజి యన్‌ పరిధిలో ప్రయాణీకుల కోసం 320 అదనపు బస్సులను నడిపారు. ముఖ్యంగా హైదరాబాద్‌ నుంచి ఉమ్మడి జిల్లాలోని తమ సొంత స్థలాలకు ప్రయాణికులు వెళ్లడానికి అధికంగా బస్సులు అందుబాటులో ఉంచారు. సెలవులు ముగిసిన అనంతరం తిరుగు ప్రయాణంలోనూ ప్రయాణికుల రద్దీ కొనసాగింది. మహాలక్ష్మి పథకం కింద ఎక్స్‌ప్రెస్‌, పల్లె వెలుగు బస్సుల్లో మహిళలకు ఉచిత ప్రయా ణం ఉండడంతో గతేడాదితో పోల్చుకుంటే ఈసారి ఆక్యుపెన్సీ రేషియా అమాంతం పెరిగింది. పెరిగిన ఆదాయం మహాలక్ష్మి పథకం కింద ఎక్స్‌ప్రెస్‌, పల్లె వెలుగు బస్సుల్లో మహిళలకు ఉచితంగా ప్రయాణంలో జీరో టికెట్‌ ఉన్నప్పటికీ అందులో వారు తిరిగిన రూట్‌ ఆధారంగా టికెట్‌ చార్జీ కూడా పొందుపరిచారు. సాధారణ, మహిళల ఆదాయాన్ని కలుపుకొని సంక్రాంతి పండుగ రోజులకు సంబంధించి ఈ నెల 10 నుంచి 20 వరకు మహబూబ్‌నగర్‌ ఆర్టీసీ రీజియన్‌ పరిధిలో అదనపు సర్వీసులు నడపగా రూ.27.1 కోట్ల ఆదాయం వచ్చింది. గతేడాది ఇదే జనవరి 7 నుంచి 18 వరకు ఆర్టీసీ రీజియన్‌కు రూ.21.53 కోట్ల ఆదాయం రాగా.. ఈసారి దాదాపు రూ.5.90 కోట్లు అధికంగా రావడం విశేషం. 10 నుంచి 20వ తేదీ వరకు రీజియన్‌లోని బస్సులు 37,11,743 కిలోమీటర్లు తిరిగాయి. మహాలక్ష్మి పథకం ప్యాసింజర్లు, టికెట్‌ చార్జీ ప్రయాణికులతో కలిపి 46,11,545 మంది బస్సుల్లో ప్రయాణించారు. అదేవిధంగా బస్సుల్లో ఆక్యుపెన్సీ రేషియా గతేడాది సంక్రాంతి పండుగ రోజుల్లో 96 శాతం ఉండగా.. ఈ ఏడాది 123 శాతం వచ్చింది. పండుగ రద్దీతో మెరుగైన ఆదాయం ఈ నెల 10 నుంచి 20 వరకు రూ.27 కోట్ల రాబడి రీజియన్‌ పరిధిలో 46 లక్షల ప్రయాణికుల రాకపోకలు 37 లక్షల కిలోమీటర్ల మేర బస్సుల ప్రయాణం అమాంతంగా పెరిగిన ఆక్యుపెన్సీ రేషియో

మక్తల్‌: ప్రతి పేదింటికి ప్రభుత్వ పథకాలతో లబ్ధి చేకూరుస్తామని ఎమ్మెల్యే వాకిటి శ్రీహరి అన్నారు. మక్తల్‌ మున్సిపాలిటీలోని ఒకటో వార్డు, మండలంలోని కర్ని గ్రామంలో మంగళవారం నిర్వహించిన సభలకు ఆయన హాజరై మాట్లాడారు. ప్రభుత్వం ప్రతిష్టాత్మకంగా అమలు చేయనున్న ఇందిరమ్మ ఇళ్లు, రైతుభరోసా, రేషన్‌కార్డులు, ఇందిరమ్మ ఆత్మీ య భరోసా పథకాలు అర్హులందరికీ అందేలా చూ స్తామన్నారు. అందులో భాగంగా లబ్ధిదారుల ఎంపిక ప్రక్రియను అత్యంత పారదర్శకంగా చేపడుతున్నట్లు చెప్పారు. జాబితాలో పేర్లు లేని వారు గ్రామ, వార్డుసభల్లో దరఖాస్తు చేసుకోవాలని సూ చించారు. ఎన్నికల్లో ఇచ్చిన ప్రతి హామీని నెరవే ర్చే దిశగా ప్రభుత్వం ముందుకు సాగుతుందన్నా రు. నియోజకవర్గంలోని అన్ని గ్రామాలకు ప్రత్యేకంగా నిధులు తీసుకువచ్చి అన్నివిధాలా అభివృద్ధి చేస్తామన్నారు. కార్యక్రమంలో మున్సిపల్‌ వైస్‌ చైర్‌పర్స న్‌ అఖిలారెడ్డి, కమిషనర్‌ భోగేశ్వర్‌, మాజీ జెడ్పీటీసీ లక్ష్మారెడ్డి, ఎంపీడీఓ రమేష్‌, మార్కెట్‌ కమిటీ వైస్‌ చైర్మన్‌ గణేష్‌ కుమార్‌, డైరెక్టర్‌ రంజిత్‌రెడ్డి, కట్ట సురేష్‌, రవికుమార్‌, శ్రీనివాసులు, శంషొద్దీన్‌, రా మాంజనేయులు, ఫయాజ్‌, భాస్కర్‌ పాల్గొన్నారు.

నారాయణపేట: రాష్ట్ర ప్రభుత్వం ప్రతిష్టాత్మకంగా అమలుచేస్తున్న ఇందిరమ్మ ఇళ్లు, కొత్త రేషన్‌కార్డుల జారీ, రైతుభరోసా, ఇందిరమ్మ ఆత్మీయ భరోసా పథకాలు అర్హులందరికీ వర్తిస్తాయని.. ఇది నిరంతర ప్రక్రియ అని కలెక్టర్‌ సిక్తా పట్నాయక్‌, ఎమ్మె ల్యే డా. చిట్టెం పర్ణికారెడ్డి అన్నారు. మంగళవారం జిల్లా కేంద్రంలోని ఏడో వార్డు అశోక్‌ నగర్‌లో ప్రజాపాలన వార్డు సభను ప్రారంభించారు. ఈ సందర్భంగా కలెక్టర్‌ మాట్లాడుతూ.. ప్రభుత్వం కొత్తగా అమలుచేసే నాలుగు పథకాల కోసం తహసీల్దార్‌, ఎంపీడీఓ, మున్సిపల్‌ కార్యాలయాల్లో పేపర్‌, డెస్క్‌వర్క్‌ అనంతరం లబ్ధిదారుల ఎంపిక కోసం వార్డు, గ్రామ సభలను ఏర్పాటు చేస్తున్నట్లు తెలిపారు. ఆ జాబితాల్లో పేరు లేని వారి నుంచి వార్డు, గ్రామసభల్లో దరఖాస్తులు స్వీకరిస్తున్నట్లు చెప్పారు. నాలుగు రోజుల తర్వాత తహసీల్దార్‌, మున్సిపల్‌ కార్యాలయాల్లోని ప్రజాపాలన కేంద్రాల్లో ఎప్పు డైనా దరఖాస్తు చేసుకోవచ్చన్నారు. అర్హత ప్రకారం కొత్త రేషన్‌ కార్డులు వస్తాయన్నారు. అదే విధంగా ఇందిరమ్మ ఇళ్ల పథకంపై మొబైల్‌ యాప్‌ ద్వారా సర్వే చేపట్టి, సొంత స్థలాలు ఉన్న వారితో పాటు స్థలాలు లేని దరఖాస్తుదారుల వివరాలను నమో దు చేయడం జరిగిందన్నారు. పూర్తి పరిశీలన అనంతరం వన్‌ బై వన్‌ సెలక్షన్‌ చేస్తారన్నారు. ఇక ఇందిరమ్మ ఆత్మీయ భరోసా పథకం గ్రామీణ ప్రాంత ప్రజలకు వర్తిస్తుందని.. భూమి లేని నిరుపేదలకు ఏడాదికి రూ.12 వేల చొప్పున ఆర్థిక సాయాన్ని భూ భారతి రికార్డుల ప్రకారం ఇస్తారన్నారు. సభల్లో అభ్యంతరాలు తెలియజేయవచ్చన్నారు. ఐదేళ్లలో అందరికీ న్యాయం.. ఐదేళ్లలో అందరికీ న్యాయం జరుగుతుందని ఎమ్మెల్యే చిట్టెం పర్ణికారెడ్డి భరోసా ఇచ్చారు. అర్హులందరికీ కొత్త రేషన్‌ కార్డులు వస్తాయన్నారు. కొన్నేళ్లుగా కుటుంబాల సంఖ్య పెరిగినా.. గత ప్రభుత్వం కొత్త కార్డులు ఇవ్వలేదన్నారు. పట్టణ ప్రాంతాల్లో వార్డు సభలంటే సాధారణంగా ఎక్కువ జనం రారని.. కాని ఏడో వార్డు ప్రజలు సభకు పెద్ద సంఖ్యలో తరలివచ్చి విజయవంతం చేయడం సంతోషంగా ఉందన్నారు. కాగా, ఏడో వార్డులో పార్కు ఏర్పాటు కోసం ప్రతిపాదనలు సిద్ధం చేయాలని మున్సిపల్‌ కమిషనర్‌ సునీతను కలెక్టర్‌ ఆదేశించారు. అయితే వార్డు కౌన్సిలర్‌ సలీం కోరినట్టు పార్కులో మహిళలకు సందర్శన వేళలను ప్రత్యేకంగా కేటాయించాలని సూచించారు. వార్డు కమ్యూనిటీ హాల్‌లో ఎమ్మెల్యే సొంత నిధులతో ఏర్పాటుచేసిన ఫర్నిచర్‌ను పరిశీలించారు. అనంతరం ఐదో వార్డులో నిర్వహించిన సభకు ఎమ్మెల్యే హాజరై మాట్లాడారు. తనది ఐదో వార్డేనని.. మొన్నటి వరకు తాను పోటీ పరీక్షలు రాశానని.. వచ్చేనెల 4న మరో పరీక్ష ఉందన్నారు. ఆ పరీక్ష రాసిన తర్వాత ఇక్కడే ఉంటానని వార్డు ప్రజలకు హామీ ఇచ్చారు. కార్యక్రమంలో మున్సిపల్‌ చైర్‌పర్సన్‌ గందె అనసూయ, మార్కెట్‌ కమిటీ చైర్మన్‌ సదాశివరెడ్డి తదితరులు పాల్గొన్నారు.

జడ్చర్ల/దేవరకద్ర: బాదేపల్లి వ్యవసాయ మార్కెట్‌ యార్డుకు మంగళవారం వేరుశనగ పోటెత్తింది. వివిధ ప్రాంతాల నుంచి 4,990 క్వింటాళ్ల యార్డుకు విక్రయానికి వచ్చింది. కాగా.. క్వింటాల్‌ గరిష్టంగా రూ.6,586, కనిష్టంగా రూ.3,631 ధరలు లభించాయి. కందులకు క్వింటాల్‌ గరిష్టంగా రూ.7,179, కనిష్టంగా రూ.5,310, రాగులు రూ.2451, పెబ్బర్లు రూ.5069, ధాన్యం ఆర్‌ఎన్‌ఆర్‌ గరిష్టంగా రూ.2,631, కనిష్టంగా రూ.2,056, హంస రూ.1,526 ధరలు పలికాయి. దేవరకద్ర మార్కెట్‌లో కందులు గరిష్టంగా రూ.7,223, కనిష్టంగా రూ.7,009గా, ఆర్‌ఎన్‌ఆర్‌ ధాన్యం గరిష్టంగా రూ.2,509గా ఒకే ధర లభించింది.

నారాయణపేట రూరల్‌: క్షేత్రస్థాయిలో వైద్యసేవలు అందిస్తున్న ఆశావర్కర్ల న్యాయమైన డిమాండ్లను ప్రభుత్వం నెరవేర్చాలని యూనియన్‌ నాయకులు డిమాండ్‌ చేశారు. తమ సమస్యల పరిష్కారం కోసం మంగళవారం నారాయణపేట మండలం అప్పంపల్లి నుంచి జిల్లా కేంద్రం వరకు పాదయాత్ర నిర్వహించారు. అనంతరం కలెక్టరేట్‌ ఎదుట ధర్నా చేపట్టారు. ఈ సందర్భంగా సీఐటీయూ నాయకు లు వెంకట్రాంరెడ్డి, బలరాం మాట్లాడుతూ.. ఆశావర్కర్లపై రోజురోజుకు పనిభారం పెరుగుతుందన్నారు. వెట్టిచాకిరీ నుంచి విముక్తి కల్పించి.. రూ. 18వేల వేతనం చెల్లించాలని డిమాండ్‌ చేశారు. గతంలో ఆశావర్కర్లు సమ్మె చేపట్టగా.. తాము అధికారంలోకి వస్తే సమస్యలను పరిష్కరిస్తామని కాంగ్రెస్‌ పార్టీ నేతలు హామీ ఇచ్చారని గుర్తుచేశారు. ఆశావర్కర్లకు పీఎఫ్‌, ఈఎస్‌ఐ సౌకర్యం, ఉద్యోగ భద్రత కల్పించాలని కోరారు. ట్రైనింగ్‌ పూర్తిచేసుకున్న వారికి ఏఎన్‌ఎంలుగా పదోన్నతి కల్పించాలన్నారు. రిటైర్డ్‌మెంట్‌ బెనిఫి ట్స్‌ రూ. 5లక్షలు, బీమా రూ. 50లక్షలు, దహన సంస్కారాలకు రూ. 50వేలు అందించాలని కోరా రు. ఆదివారం, పండగ సెలవులను అమలు చేయాలన్నారు. అనంతరం కలెక్టరేట్‌ ఏఓ జయసుధకు వినతిపత్రం అందించారు. కార్యక్రమంలో వివిధ సంఘాల నాయ కులు నరహరి, పవన్‌, మహేందర్‌, హనుమంతు, శివకుమార్‌, యూనియన్‌ జిల్లా అధ్యక్షురాలు బాలమణి, గౌరమ్మ, ఉమాదేవి రేణుక, భాగ్యమ్మ, కల్పన, స్వాతి పాల్గొన్నారు.

నారాయణపేట: రాష్ట ప్రభుత్వం ఎన్నికల్లో ఇచ్చిన హామీ మేరకు మరో నాలుగు పథకాలకు ఈ నెల 26న శ్రీకారం చుట్టనుంది. కొత్త రేషన్‌ కార్డుల జారీ, ఇందిరమ్మ ఇళ్లు, రైతుభరోసా, ఇందిరమ్మ ఆత్మీయ భరోసా పథకాలకు అర్హులను ఎంపిక చేసేందుకు కలెక్టర్‌ సిక్తా పట్నాయక్‌ దిశా నిర్దేశంతో జిల్లావ్యాప్తంగా మంగళవారం 80 గ్రామాలు, 14 వార్డుల్లో సభలు నిర్వహించారు. లబ్ధిదారుల తుది జాబితాను 24వ తేదీలోగా సిద్ధం చేసి, ప్రభుత్వానికి నివేదించేందుకు అధికార యంత్రాంగం గ్రామ, వార్డు సభలను పకడ్బందీగా చేపట్టారు. ఇందుకుగాను ప్రత్యేక బృందాలను ఏర్పాటు చేశారు. అయితే ఇందిరమ్మ ఇళ్లకు సంబంధించి ప్రత్యేకంగా సర్వేచేసి, ఇప్పటికే మొబైల్‌ యాప్‌లో దరఖాస్తుదారుల సమగ్ర వివరాలను పొందుపరిచారు. ఈ మేరకు అర్హుల జాబితాను సిద్ధం చేస్తున్నారు. రైతుభరోసా పథకానికి సంబంధించి ఎకరాకు రూ.12వేల చొప్పున పెట్టుబడి సాయం రైతులకు అందించనున్నారు. ఇందుకు సంబంధించి నిజమైన రైతులకు మాత్రమే రైతుభరోసా అందించాలనే సంకల్పంతో రెవెన్యూ, వ్యవసాయశాఖ అధికారులు సాగుయోగ్యంకాని భూములను గుర్తించారు. జిల్లావ్యాప్తంగా వ్యవసాయేతర భూములు 3,744 ఎకరాలు ఉన్నట్లు తేల్చారు. గ్రామ, వార్డు సభల్లో వాటిని ప్రజల ముందు ఉంచి తొలగించనున్నారు. జిల్లావ్యాప్తంగా తొలిరోజు నాలుగు పథకాలకు సంబంధించి తా త్కాలిక లబ్ధిదారుల జాబితాల్లో 11,052 మంది వివ రాలను గ్రామ, వార్డు సభ ల్లో అధికారుల బృందం చదివి వినిపించింది. అయి తే అందులో 8,859 దరఖాస్తుల ధ్రువీకరణ పూర్తికాగా.. 1,919 అభ్యంతరాలు అందాయి. కొత్తగా 3,073 దరఖాస్తులు వచ్చాయి. అధికారుల పర్యవేక్షణలో.. గ్రామ, వార్డు సభలను జిల్లా ఉన్నతాధికారుల పర్యవేక్షణలో జరిగాయి. సభల నిర్వహణపై ఎప్పటికప్పుడు కలెక్టర్‌ సిక్తా పట్నాయక్‌ వాకబు చేశారు. జిల్లా కేంద్రంలోని 7వ వార్డు సభలో ఎమ్మెల్యే చిట్టెం పర్ణికారెడ్డితో కలిసి కలెక్టర్‌ పాల్గొని పర్యవేక్షించారు. ఆ తర్వాత కొత్తపల్లి మండలం దుప్పట్‌పల్లిలో అర్హుల జాబితాలను పరిశీలించారు. మాగనూర్‌ మండలం చేగుంటలో ట్రైనీ కలెక్టర్‌ గరిమా నరుల, నర్వ మండలం పెద్దకడ్మూర్‌లో అడిషనల్‌ కలెక్టర్‌ బెనషాలం పర్యవేక్షించారు. ప్రశాంతంగా సభలు : కలెక్టర్‌ జిల్లాలోని మున్సిపల్‌ వార్డులు, గ్రామాల్లో సభలు ప్రశాంతంగా జరిగాయని కలెక్టర్‌ సిక్తా పట్నాయక్‌ అన్నారు. ప్రజాపాలన గ్రామసభలు, రేషన్‌ కార్డులు, ఇందిరమ్మ ఇళ్లకు దరఖాస్తుల స్వీకరణ తదితర అంశాలపై హైదరాబాద్‌ నుంచి డిప్యూటీ సీఎం మల్లు భట్టి విక్రమార్క, మంత్రులు పొంగులేటి శ్రీనివాస్‌రెడ్డి, ఉత్తమ్‌కుమార్‌రెడ్డి, జూపల్లి కృష్ణారావు, తుమ్మల నాగేశ్వర్‌రావు, సీతక్క, పొన్నం ప్రభాకర్‌, సీఎస్‌ శాంతికుమారి వీసీ నిర్వహించగా.. కలెక్టర్‌ మాట్లాడారు. రేషన్‌ కార్డులు, ఇందిరమ్మ ఇళ్ల కోసం ప్రజలు అధికంగా దరఖాస్తులు అందించారని తెలిపారు. ప్రతి దరఖాస్తును క్షుణ్ణంగా పరిశీలించి, అర్హులకు ప్రభుత్వ పథకాలు అందేలా చర్యలు తీసుకుంటామని వివరించారు.

నారాయణపేట రూరల్‌: ఆశాలకు ఈ అసెంబ్లీ బడ్జెట్‌ సమావేశాలలోనే కనీస వేతనం రూ.18 వేలు నిర్ణయించి అమలు చేయాలని కోరుతూ మహాపాదయాత్ర చేపడుతున్నట్లు, జిల్లా నుంచి అధిక సంఖ్యలో హాజరై విజయవంతం చేయాలని సీఐటీయు జిల్లా అధ్యక్ష కార్యదర్శులు వెంకట్రామిరెడ్డి , బాల్‌రాం, ఆశ యూనియన్‌ జిల్లా అధ్యక్షురాలు బాలమణి అన్నారు. ఈమేరకు సోమవారం జిల్లా ఆస్పత్రిలోని పీపీ యూనిట్‌ సూపర్‌వైజర్‌ తబితరాణికి, నారాయణపేట డీఎంహెచ్‌ఓ కార్యాలయంలో వినతిపత్రం అందజేశారు. అనంతరం వారు మాట్లాడుతూ.. పనికి తగ్గ పారితోషికం అంటూ కేవలం రూ.9750 మాత్రమే ఆశాలకు నెలకు చెల్లిస్తున్నారని, పారితోషికంతో పెరుగుతున్న ధరలకు అనుగుణంగా కనీస అవసరాలు తీర్చుకోలేని పరిస్థితి ఏర్పడిందని ఆందోళన వ్యక్తం చేశారు. ఎన్నో పోరాటాలు చేసిన గత ప్రభుత్వం ఆశాల వేతనం పెంచలేదని విమర్శించారు. కాంగ్రెస్‌ ప్రభుత్వం అధికారంలోకి వస్తే ఆశాలకు కనీస వేతనం రూ.18వేలు చేస్తామని ఎన్నికల మేనోఫెస్టోలో పేర్కొన్నారని గుర్తు చేశారు. ముఖ్యమంత్రి ఆశాలకు కనీస వేతనం ఇచ్చి ఆదుకోవాలని డిమాండ్‌ చేశారు. మంగళవారం అప్పక్‌పల్లి నుంచి కలెక్టరేట్‌ వరకు ఆశాల మహా పాదయాత్ర ఉంటుందని అన్నారు. కార్యక్రమంలో ఆశా యూనియన్‌ నాయకులు శ్రీదేవి, రేణుక, విజయలక్ష్మి, మమత,నర్సమ్మ, రమాదేవి, భాగ్యమ్మ, నర్మద, రషీద తదితరులు పాల్గొన్నారు.

మరికల్‌: అటు వెంటాడిన తెగుళ్లు.. ఇటు మార్కెట్‌లో పడిపోయిన ధరలతో మిరప రైతులు కుదేలయ్యాడు. గతేడాది కాస్తో కూస్తో మిర్చికి ధర ఉండేది. ఈ ఏడాది ఆఽ దరలు కూడా లేకపోవడంతో రైతులను నిరాశలోకి నెట్టింది. మిరపకు వాతావరణ పరిస్థితులు అనుకూలించకపోవడంతో తీరని నష్టం వాటిళ్లింది. పంటకు పెట్టిన పెట్టుబడులు కూడా రాని దుస్థితి నెలకొంది. దిగుబడి సగానికి తగ్గింది. కనీసం పండిన పంటకు మార్కెట్‌లో మద్దతు ధర లేకపోవడంతో మిర్చి రైతుల పరిస్థితి అగమ్యగోచరంగా మారింది. గతేడాది క్వింటాల్‌ మిర్చి రూ.18 వేల పైగా ఉంటే ఈ ఏడాది ఊహించని విధంగా రూ.12 వేలకు పడిపోయింది. పూత, కాత దశలోనే.. జిల్లా వ్యాప్తంగా ఈ ఏడాది 510 ఎకరాల్లో మిరప పంట సాగు చేశారు. పంట పూత, కాత దశలో అధిక వర్షాలు, మేఘావృత్తంగా ఉండటంతో తామర, వేరుకుళ్లు తెగులు సోకడంతో దిగుబడిపై తీవ్ర ప్రభావం చూపింది. తెగుళ్లు సోకి పంట ఎండిపోవడంతో పాటు కాయలపై మచ్చలు ఏర్పడి నేలరాలుతున్నాయి. వీటిని నియంత్రించేందుకు ఎన్ని రకాల పురుగు మందులు పిచికారీ చేసిన ప్రయోజనం లేకుండా పోయిందని రైతులు వాపోతున్నారు. తెగుళ్లను అదుపు చేయలేక మరికల్‌, నర్వ, మద్దురు, కోస్గి, ధన్వాడ మండల్లాలో కొందరు రైతులు మిరప పంటను వదిలేసిన సందర్భాలు ఉన్నాయి. మిర్చి పంటకు ఎకరాకు రూ.80 వేల నుంచి రూ.1.10 లక్షల వరకు పెట్టుబడులు పెట్టారు. వారానికి రెండు సార్లు పురుగు మందులు పిచికారీ చేసినా ఎకరాకు 3 నుంచి 5 క్వింటాళ్ల దిగుబడి మాత్రమే వస్తుంది. దళారుల దోపిడీ జిల్లాలో మార్కెట్‌ సౌకర్యం లేక పంట విక్రయించడానికి హైదరాబాద్‌, రాయచూర్‌, గుంటూర్‌లోని మార్కెట్లకు తీసుకెళ్లడం వల్ల రవాణా ఖర్చులు అధికమవడమే కాకుండా అక్కడ తేమ, తుక్కు, కమిషన్‌ పేరిట అక్కడి దళారుల దోపిడీతో రైతులు నిండా మునుగుతున్నారు. ఈ సారి మార్కెట్‌లో క్వింటాల్‌కు రూ.10 వేల నుంచి రూ.12 వేల వరకు ఽమాత్రమే ధర ఉండటంతో పెట్టుబడులు రాని పరిస్థితి నేలకొంది. వాతావారణ పరిస్థితుల కారణంగా దిగుబడులు లేక రైతులు ఉసూరుమంటున్నారు. మూడేళ్లుగా మిర్చి విత్తనానికి ప్రభుత్వం నుంచి రాయితీ లభించకపోవడం మార్కెట్‌లో మిర్చి ధరలు స్థిరంగా లేకపోవడం వల్ల రైతులు ఆందోళన చెందుతున్నారు. ప్రస్తుత వాతావరణం పరిస్థితులు ఇలాగే కొనసాగితే మిర్చి పంటకు అనేక తెగుళ్లు వచ్చి మరింత దిగుబడి తగ్గే అవకాశం ఉంది. రంగు మారిన పంట తెగుళ్ల కారణంగా రంగు మారిన మిర్చీ పంటను మార్కెట్‌లో కొనుగోలు చేయడం లేదు. ఒకవేళ కొనుగోలు చేసినా తక్కువగా క్వింటాల్‌కు రూ.5 వేలకు అడుగుతున్నారు. నాణ్యమైన పంట ఎంత వచ్చిదో రంగు మారిన మిర్చి కూడా అంతే దిగుబడి రావడంతో రైతులను ఆందోళనకు గురి చేస్తోంది. దీంతో చేసేంది లేక మార్కెట్‌లో వచ్చిన ధరకే పంటలను విక్రయించి నష్టపోవాల్సి వస్తోందని రైతులు ఆవేదన వ్యక్తం చేశారు. తెగుళ్లతో తగ్గిన దిగుబడి పడిపోయిన ధరలతో మరిన్ని కష్టాలు గతేడాది క్వింటాల్‌కు రూ.18 వేలపైన పలికిన ధర ఈ ఏడాది రూ.8వేల నుంచి రూ.12 వేల లోపే..

నారాయణపేట రూరల్‌: సంక్రాంతి సెలవులకు హైదరాబాద్‌ నగరం నుంచి సొంతూళ్లకు వచ్చిన ప్రయాణికులు.. సెలవులు ముగియడంతో సోమవారం పట్టణానికి తిరిగి ప్రయాణమయ్యారు. దీంతో జిల్లా కేంద్రంలోని ఆర్టీసీ బస్టాండు ప్రయాణికులతో కిటకిటలాడింది. ఈ రద్దీని తగ్గించడానికి ఆర్టీసీ అదనపు సర్వీసులను ఏర్పాటు చేసింది. పల్లె వెలుగు, విద్యార్థుల బస్సులను సైతం హైదరాబాద్‌కు నడిపించింది. స్పెషల్‌ బోర్డు ఏర్పాటు చేసి అదనంగా డబ్బులను వసూలు చేసింది. అయినప్పటికీ ప్రయాణికులకు పూర్తిస్థాయిలో బస్సులు సమయానికి లేక తీవ్ర ఇబ్బందులు పడ్డారు. దీనికి తోడు సాయంత్రం నాలుగు గంటల తర్వాత బస్సులు లేక ఆపసోపాలు పడ్డారు. డిపోలో బస్సులు, డ్రైవర్‌ కండక్టర్లు అందుబాటులో ఉన్నా టికెట్లు ఇచ్చే మిషన్లు చార్జింగ్‌ లేకపోవడంతో ఆర్టీసీ అధికారులు లైన్‌ మీదికి బస్సులను పంపలేకపోయారు. దీంతో ప్రయాణికులు తీవ్ర అసహనం వ్యక్తం చేశారు. పిల్లలు, వృద్ధులతో వచ్చిన కుటుంబ సభ్యులు ఇబ్బందులు ఎదుర్కొన్నారు. అదేవిధంగా మక్తల్‌, కోస్గి రూట్లలో సైతం ప్రయాణికులకు సరిపడా బస్సులు లేక ఇబ్బందులు పడాల్సి వచ్చింది. విద్యార్థుల బస్సుల రూటు మళ్లించడంతో సర్వీసులు లేక వారు సైతం ఇంటికి వెళ్లేందుకు ఇబ్బందులు పడ్డారు. సరిపడా బస్సులు లేక బస్టాండ్‌ వద్దప్రయాణికుల పడిగాపులు

నారాయణపేట: మున్సిపాలిటీ పరిధిలో మంగళవారం నుంచి నాలుగు రోజుల పాటు జరిగే వార్డు సభలలో కాంగ్రెస్‌ పార్టీ శ్రేణులు భాగస్వామ్యమై అర్హులకు సంక్షేమ పథకాలు అందేలా కృషి చేయాలని ఎమ్మెల్యే చిట్టెం పర్ణికారెడ్డి కాంగ్రెస్‌ పార్టీ శ్రేణులకు దిశా నిర్దేశం చేశారు. సోమవారం సాయంత్రం జిల్లా కేంద్రంలోని సివిఆర్‌ భవన్‌లో పట్టణ అధ్యక్షుడు అధ్యక్షతన జరిగిన పార్టీ ముఖ్య నాయకుల సమావేశంలో ఎమ్మెల్యే మాట్లాడుతూ.. అర్హులైన ప్రతి ఒక్కరికి రేషన్‌ కార్డులు, ఇందిరమ్మ ఇళ్లు, రైతు భరోసా పథకాలు అందే విధంగా కృషిచేయాలన్నారు. ముఖ్యంగా ఇందిరమ్మ కమిటీలు అర్హులకే సంక్షేమ పథకాలు అందేలా చూడాలన్నారు. అర్హులైన ప్రతి ఒక్కరికి సంక్షేమ అందించి రాబోయే స్థానిక సంస్థ ఎన్నికల్లో పార్టీకి లబ్ధి చేకూరేలా పార్టీ శ్రేణులు పాటుపడాలని సూచించారు. సమావేశంలో సీనియర్‌ నాయకులు మనోహర్‌ ప్రసాద్‌ గౌడ్‌, వకీల్‌ సంతోష్‌, గందే చంద్రకాంత్‌, సరాఫ్‌ నాగరాజ్‌, కౌన్సిలర్‌ మహేష్‌, మల్లేష్‌, రెహమాన్‌ చాన్‌, యూసుఫ్‌ తాజ్‌, మహమూద్‌ ఖురేషి, తదితరులు పాల్గొన్నారు.

ఊట్కూరు: మండలంలో షెడ్యూల్‌ ప్రకారం గ్రామ సభలు నిర్వహించాలని కలెక్టర్‌ సక్తాపట్నాయక్‌ అన్నారు. సోమవారం మండల పరిషత్‌ భవనంలో సోమవారం అధికారులతో గ్రామసభలపై సమీక్ష సమావేశం నిర్వహించారు. మండలంలో గ్రామసభల వివరాలను అడిగి తెలుసుకున్నారు. రైతు భరోసా, ఇందిరమ్మ ఇండ్లు, రేషన్‌కార్డుల జాబితాలను గ్రామసభలో విధిగా చదివి ప్రజలచే ఆమోదింప చెయ్యాలని సూచించారు. కొత్త రేషన్‌కార్డులపై దరఖాస్తులను అధికారులు స్వీకరించాలని అధికారులకు సూచించారు. మండలంలో నాలుగు బృందాలను ఏర్పాటు చెయ్యడం జరిగిందని, షెడ్యూల్‌ ప్రకారం గ్రామ సభలను విజయవంతం చెయ్యాలని అధికారులకు సూచించారు. కార్యక్రమంలో తహసిల్దార్‌ రవి, ఎంపిడిఓ ధనుంజయ్యగౌడ్‌, వ్యవసాయ అధికారి గణేష్‌రెడ్డి, ఆర్‌ఐ కృష్ణారెడ్డి తదితరులు పాల్గొన్నారు. వేరుశనగ క్వింటాల్‌ రూ.6,960 నారాయణపేట: స్థానిక వ్యవసాయ మార్కెట్‌ యార్డులో సోమవారం వేరుశనగ క్వింటాల్‌కు గరిష్టంగా రూ.6,960, కనిష్టంగా రూ.3,339 ధరలు పలికాయి. అలాగే, వడ్లు సోన గరిష్టంగా 2,469 కనిష్టంగా రూ.2,360, తెల్ల కందులు గరిష్టంగా 8,179 కనిష్టంగా రూ.6,500, ఎర్రకందులు గరిష్టంగా రూ.8,002 కనిష్టంగా రూ.6,570 ధర పలికాయి. ఆర్టిజన్‌ కార్మికులకు ఉద్యోగ భద్రత కల్పించాలి నారాయణపేట: విద్యుత్‌ సంస్థలో 18 సంవత్సరాలుగా పనిచేస్తున్న ఆర్టిజన్‌ కార్మికులను విద్యార్హతను బట్టి రెగ్యులర్‌ పోస్టుల్లోకి కన్వర్ట్‌ చేయాలని సీఐటీయూ జిల్లా అధ్యక్ష కార్యదర్శులు జి వెంకట్రామరెడ్డి, బాల్‌రాంలు ప్రభుత్వాన్ని డిమాండ్‌ చేశారు. సోమవారం జిల్లా కేంద్రంలోని విద్యుత్‌ ఎస్‌ఈ కార్యాలయం ఎదుట విద్యుత్‌ ఆర్టిజన్‌ కార్మికులు చేపట్టిన రిలే దీక్షలకు వారు మద్దతు తెలిపి మాట్లాడారు. ఆర్టిజన్‌ కార్మికులను రెగ్యులర్‌ కార్మికులుగా గుర్తిస్తామని గత ప్రభుత్వం హామీ ఇచ్చిందని గుర్తు చేశారు. ఎన్నికల సమయంలో కాంగ్రెస్‌ ప్రభుత్వం ఆర్టిజన్‌ కార్మికులను పర్మినెంట్‌ చేస్తామని హామీ ఇచ్చిందని తెలిపారు. ఈమేరకు కాంగ్రెస్‌ ప్రభుత్వం వెంటనే ఆర్టిజన్‌ కార్మికులను రెగ్యులర్‌ పోస్టులోకి కన్వర్ట్‌ చేయాలని డిమాండ్‌ చేశారు. లేనిపక్షంలో రాష్ట్రవ్యాప్తంగా ఈ ఉద్యమానికి తీవ్రతరం చేస్తామని హెచ్చరించారు. రిలే దీక్షలు చేపట్టిన వారిలో సురేష్‌ కుమార్‌, భీంశప్ప దిల్దార్‌, భగవంతరెడ్డి తదితరులు ఉన్నారు. రాష్ట్రస్థాయి స్పోర్ట్స్‌ మీట్‌లో ప్రతిభచూపాలి మహబూబ్‌నగర్‌ క్రైం: ఈ నెల 28 నుంచి ఫిబ్రవరి 1 వరకు కరీంనగర్‌లో జరిగే 3వ తెలంగాణ పోలీస్‌ గేమ్స్‌ అండ్‌ స్పోర్ట్స్‌ మీట్‌కు ఎంపికై న పోలీస్‌ క్రీడాకారులు ఉత్తమ ప్రతిభ కనబరచాలని జోగుళాంబ జోన్‌–7 డీఐజీ ఎల్‌ఎస్‌ చౌహాన్‌ అన్నారు. జిల్లాకేంద్రంలోని పరేడ్‌ మైదానంలో సోమవారం స్పోర్ట్స్‌ మీట్‌కు ఎంపికై న వారితో డీఐజీ ప్రత్యేక సమావేశం ఏర్పాటు చేసి మాట్లాడారు. రాష్ట్రస్థాయితోపాటు జాతీయ స్థాయిలో మిమ్మల్ని మీరు నిలబెట్టుకునేందుకు మరింత కష్టపడాల్సిన అవసరం ఉందన్నారు. జోగుళాంబ జోన్‌ గర్వపడే విధంగా క్రీడల్లో ప్రతిభ చూపాలని కోరారు. పోలీస్‌ శాఖ అంటే చట్టాన్ని అమలు చేయడంతోపాటు క్రీడల్లో కూడా రాణించాలని సూచించారు. క్రీడలతో మానసికోల్లాసం, శారీరక దృఢత్వం పెరుగుతుందన్నారు. కార్యక్రమంలో ఎస్పీ జానకి, ఏఎస్పీలు రాములు, సురేష్‌కుమార్‌, నారాయణపేట ఏఆర్‌ ఏఎస్పీ రియాజ్‌ ఉల్‌హక్‌ తదితరులు పాల్గొన్నారు. 24న సీనియర్‌ పురుషుల కబడ్డీ జట్టు ఎంపిక మహబూబ్‌నగర్‌ క్రీడలు: జిల్లాకేంద్రంలోని మెయిన్‌ స్టేడియంలో శుక్రవారం జిల్లా సీనియర్‌ పురుషుల కబడ్డీ జట్టు ఎంపికలు నిర్వహిస్తున్నట్లు జిల్లా కబడ్డీ సంఘం ప్రధాన కార్యదర్శి కురుమూర్తిగౌడ్‌ సోమవారం ఒక ప్రకటనలో తెలిపారు. ఆదిలాబాద్‌లో వచ్చేనెల 1, 2 తేదీల్లో రాష్ట్రస్థాయి సీనియర్‌ పురుషుల కబడ్డీ టోర్నీ ఉంటుందన్నారు. ఉదయం 9 గంటలకు ఎంపికలు ప్రారంభమవుతాయని చెప్పారు.

నారాయణపేట: జిల్లా వైద్య ఆరోగ్యశాఖ కార్యాలయంలో సోమవారం మందులు ఏవిధంగా సరఫరా చేయాలనే దానిపై డీఎంహెచ్‌ఓ కార్యాలయంలో డీఎంహెచ్‌ఓ సౌభాగ్యలకి్‌ష్మ్‌ శిక్షణనిచ్చారు. ఈ సందర్భంగా ఆమె మాట్లాడుతూ ప్రతి పార్మాసిస్ట్‌ మూడు నెలలు ముందుగానే అవసరమైన మందుల కోసం ఇండెంట్‌ ఆన్‌లైన్‌ పొర్టల్‌లో సీఎంఎస్‌కి ఆప్లయ్‌ చేయాలన్నారు. మందులను సరిగ్గా చూసుకొని పీహెచ్‌సీ, సబ్‌సెంటర్‌లకు, పేషెంట్స్‌ కి అందించే బాధ్యత ప్రతి ఫార్మాసిస్ట్‌ మీద ఉందన్నారు. గడువు ముగిసే మూడు నెలలు ముందే మందులు ఎన్ని ఉన్నాయో చూసుకుని వాటిని మొదటగా ఖర్చు చేయాలన్నారు. జిల్లాలో మందుల కొరత లేకుండా చూసుకొని ప్రతి పెషేంట్‌ కి మందులు అందుబాటులో ఉండేవిధంగా చూసుకోవాల్సిన బాధ్యత పిహెచ్‌సీల వైద్యాధికారుల మీద ఉందని వివరించారు. కార్యక్రమంలోవైధ్యాధికారులు సాయిరాం. శైలజ,రాఘవెందర్‌రెడ్డి, డిపిఓ బిక్షపతి ఫార్మసిస్టులు పాల్గొన్నారు.

మిరప పంటకు వరుసగా తెగుళ్ల బెడద తప్పడం లేదు. పెట్టుబడి మాత్రం రూ.లక్షలో ఖర్చు అవుతుంది. దిగుబడి ఆశించిన మేర రావడం లేదు. మార్కెట్‌లో కూడా మద్దతు ధర లేక రూ.లక్షల నష్టం వచ్చింది. ప్రభుత్వ పరంగా మిర్చి రైతులను ఆదుకోవాలి. లేదంటే పంట కోసం చేసిన అప్పులు తీర్చలేక వలసలు వెళ్లాల్సిన పరిస్థితి వస్తుంది. – వెంకటస్వామి, మిర్చి రైతు రూ.1.50 లక్షలు అప్పు అయ్యింది.. రెండు ఎకరాల్లో మిరప పంట సాగు చేశాను. ఎకరాకు రూ.లక్షకు పైగా పెట్టుబడి పెట్టాను. తీరా పంట నాటిన కొన్ని రోజులకే రకరకల తెగుళ్లు సోకాయి. 25 సార్లు మందు పిచికారీ చేశాను. మొదటి సారి కాపు తీయగా 5 క్వింటాళ్ల దిగుబడి వచ్చింది. రంగు మారడంతో మార్కెట్‌లో వ్యాపారుల కాళ్లు పట్టుకొని క్వింటాల్‌ రూ.11 వేలకు అమ్ముకున్నాను. రెండు ఎకరాలకు కలిపి రూ. 2 లక్షల పెట్టుబడి పెడితే పంట విక్రయించగా రూ. 50 వేలు వచ్చాయి. దీంతో మిరప పంటను వదిలేశాను. ఇంత దారుణమైన పరిస్థితి ఎప్పుడు చూడలేదు. – శ్రీనివాసులు, మిరప రైతు, మరికల్‌ ●

నారాయణపేట: ఈ నెల 21నుండి 24 వరకు గ్రామ, వార్డుసభల నిర్వహణకు విస్తృత ఏర్పాట్లు చేయడం జరిగినదని, లబ్ధిదారుల ఎంపిక అనేది నిరంతర ప్రక్రియ అని, దరఖాస్తులు తీసుకుంటామని, జిల్లా ప్రజలు సహకరించాలని కలెక్టర్‌ సిక్తా పట్నాయక్‌ సోమవారం ఒక ప్రకటనలో తెలిపారు. రైతు భరోసా, ఇందిరమ్మ ఆత్మీయ భరోసా, రేషన్‌ కార్డులు చేరేలా పటిష్ట కార్యాచరణ అమలు చేస్తున్నట్లు, అందుకు గాను ఈ నెల 16 నుండి 20 వరకు క్షేత్ర స్థాయి దరఖాస్తులు పరిశీలన చేయడం జరిగిందన్నారు. ఈ 21 నుండి 24 వరకు గ్రామ సభలు నిర్వహించడం జరుగుతుందని, జిల్లా ప్రజలు సహకరించాలని తెలిపారు. రైతు భరోసా, ఇందిరమ్మ ఆత్మీయ భరోసా, ఇందిరమ్మ ఇళ్లు, రేషన్‌ కార్డుల జారీ ప్రక్రియ ప్రభుత్వం గణతంత్ర దినోత్సవం నుంచి ప్రారంభించనుందని, వ్యవసాయ యోగ్యమైన ప్రతి ఎకరాకు రైతు భరోసా పంట వేసినా, వేయకపోయినా అందుతుందని, రైతులు అనవసర అపోహలు పెట్టుకోవద్దని, రైతు భరోసా పథకానికి ఎటువంటి పరిమితులు లేవని, వ్యవసాయ యోగ్యమైన ప్రతి ఎకరాకు రూ.12 వేలు పెట్టుబడి సహాయం ప్రభుత్వం అందిస్తుందని తెలిపారు. ఇందిరమ్మ ఇళ్ల సర్వే ద్వారా సొంత భూమి ఉండి ఇళ్లు లేని కుటుంబాల జాబితాను సిద్ధం చేశామని, గ్రామ సభలో అభ్యంతరాలను స్వీకరించడం జరుగుతుందని, గ్రామసభలో అర్హుల జాబితా గ్రామాల వారీగా సిద్ధం చేసిన తర్వాత నిర్ణయం తీసుకోవడం జరుగుతుందని తెలిపారు. గ్రామ సభల్లో ఇచ్చిన దరఖాస్తులను పరిగణలోకి తీసుకుంటామని తెలిపారు. కుటుంబంలో విభజన అయినవారు కొత్త కార్డు కావాలని తీసుకున్న దరఖాస్తును, గతంలో పెండింగ్‌లో ఉన్న దరఖాస్తులను పరిశీలిస్తామన్నారు. ఇదివరకు ఎప్పుడూ దరఖాస్తు సమర్పించకపోయినా గ్రామాల్లోకి వచ్చే అధికారులకు దరఖాస్తులు ఇవ్వాలని సూచించారు.ఇందిరమ్మ ఇల్లు, రైతు భరోసా, ఇందిరమ్మ ఆత్మీయ భరోసా, రేషన్‌ కార్డుల ప్రభుత్వ సంక్షేమ పథకాల పై సంబంధిత గ్రామ పంచాయతీ కార్యదర్శులను, ఎంపీడీఓలను సంప్రదించి సందేహాలను నివృత్తి చేసుకోవాలని కలెక్టర్‌ కోరారు. మాదకద్రవ్యాల నిర్మూలనపై అవగాహన కల్పించాలి నారాయణపేట: జిల్లాలో మాదకద్రవ్యాల నిషేధాన్ని పగడ్బందీగా అమలు చేయాలని, మాదకద్రవ్యాల వల్ల కలిగే అనర్ధాలపై జిల్లాలోని మూడు నియోజకవర్గాల్లో ప్రతి వారం అవగాహన కార్యక్రమాలు చేపట్టాలని కలెక్టర్‌ సిక్తా పట్నాయక్‌ సంబంధిత అధికారులను ఆదేశించారు. సోమవారం కలెక్టరేట్‌లో మాదకద్రవ్యాల నిషేధం( నార్కోటిక్‌ డ్రగ్స్‌ )పై ఏర్పాటు చేసిన సమావేశంలో కలెక్టర్‌ మాట్లాడారు. జిల్లాలో గంజాయి సాగు జరగకుండా వ్యవసాయ శాఖ అధికారులు ప్రత్యేక నిఘా ఉంచాలని సూచించారు. అన్ని జూనియర్‌, డిగ్రీ కళాశాలలో యాంటీ డ్రగ్‌ కమిటీల ద్వారా మాదకద్రవ్యాల నిషేధంపై విద్యార్థులకు అవగాహన కల్పించాలన్నారు. సమావేశంలో ఆర్డిఓ రామచంద్రనాయక్‌, డీఏఓ జాన్‌ సుధాకర్‌, డిఇఓ గోవిందరాజులు పాల్గొన్నారు. ‘ప్రజావాణి’ ఫిర్యాదులు సత్వరం పరిష్కరించాలి ప్రజావాణి కార్యక్రమానికి ప్రాధాన్యతనిస్తూ ఫిర్యాదులను సత్వరమే పరిష్కరించాలని కలెక్టర్‌ సిక్తా పట్నాయక్‌ అధికారులకు సూచించారు. సోమవారం కలెక్టరేట్‌లో నిర్వహించిన ప్రజావాణి కార్యక్రమానికి 25 ఫిర్యాదులు అందాయి. జిల్లాలోని వివిధ ప్రాంతాల నుంచి వచ్చిన ఫిర్యాదుదారులు తమ సమస్యలను విన్నవిస్తూ అర్జీలు సమర్పించారు. కాగా అర్జీలను పెండింగ్‌లో ఉంచకుండా ఎప్పటికప్పుడు పరిశీలన జరుపుతూ, సమస్యలను త్వరగా పరిష్కరించాలని కలెక్టర్‌ అధికారులను సూచించారు. కార్యక్రమంలో అదనపు కలెక్టర్‌ బెన్‌షాలం, ఆర్డీవో రామచందర్‌నాయక్‌, ఏవో జయసుధ పాల్గొన్నారు.

స్టేషన్‌ మహబూబ్‌నగర్‌: మైనార్టీ గురుకుల పాఠశాలలు, జూనియర్‌ కళాశాలల్లో 2025– 26 విద్యా సంవత్సరానికి గాను 5వ తరగతి, ఇంటర్మీడియట్‌ మొదటి సంవత్సరంలో ప్రవేశం కోసం ఆన్‌లైన్‌లో దరఖాస్తు చేసుకోవాలని జిల్లా మైనార్టీ సంక్షేమ అధికారి శంకరాచారి సోమవారం ఒక ప్రకటనలో తెలిపారు. జిల్లాలోని 10 మైనార్టీ పాఠశాలల్లో 5వ తరగతిలో మొత్తం సీట్లకు, 6, 7, 8 తరగతుల్లో మిగిలిన మైనార్టీ సీట్లకు దరఖాస్తు చేసుకోవచ్చన్నారు. 10 కళాశాలల్లో ఇంటర్‌ మొదటి సంవత్సరంలో ఎంపీసీ, బీపీసీ, ఎంఈసీ, హెచ్‌ఈసీ, సీఈసీ, ఎంఎల్‌టీ, సీఎస్‌, ఏటీ సీజీటీ (జనరల్‌, ఒకేషనల్‌) కోర్సులకు దరఖాస్తు చేసుకోవచ్చని చెప్పారు. ఎలాంటి రుసుం లేకుండా ఆన్‌లైన్‌లో https://tgmreistelangana.cgg.gov.in దరఖాస్తు చేసుకోవాలన్నారు. ఆఫ్‌లైన్‌లో ఆయా పాఠశాలలు లేదా కళాశాలల ప్రిన్సిపాళ్లకు వచ్చే నెల 28లోగా దనఖాస్తు చేసుకోవాలని సూచించారు. పూర్తి వివరాల కోసం మైనార్టీ సంక్షేమ కార్యాలయంలో సంప్రదించాలని సూచించారు.

మక్తల్‌: నియోజకవర్గ కేంద్రంలోని ప్రభుత్వ ఆస్పత్రికి డయాలసిస్‌ సెంటర్‌ మంజూరైందని, ఈమేరకు జీఓ సైతం విడుదల అయ్యిందని మాజీ జెడ్పీటీసీ లక్ష్మారెడ్డి వివరించారు. సోమవారం మక్తల్‌ కాంగ్రెస్‌ పార్టీ కార్యాలయంలో ఆయన విలేకర్లతో మాట్లాడారు. ఎమ్మెల్యే వాకిటి శ్రీహరి ప్రత్యేక చొరవతో ఈ సెంటర్‌ మంజూరైందని అన్నారు. కిడ్నీ వ్యాధిగ్రస్తులకు ఎంతో మేలు జరుగుతుందని అన్నారు. మక్తల్‌కు వైద్య ఆరోగ్య శాఖ మంత్రి రాజనర్సింహ ఈ నెల 21న పర్యటించాల్సి ఉండగా.. అనివార్య కారణాల వల్ల వాయిదా పడిందని, త్వరలోనే 150 పడకల ఆస్పత్రికి భూమిపూజ చేస్తామని, తేదీ త్వరలో వెల్లడిస్తామన్నారు. నాయకులు రవికుమార్‌, గాయత్రి, అనిల్‌, రమేస్‌, నాగరాజు తదితరులు పాల్గొన్నారు.

నారాయణపేట: గణతంత్ర దినోత్సవానికి సంబంధించి అన్ని ఏర్పాట్లు చేయాలని కలెక్టర్‌ సిక్తా పట్నాయక్‌ అధికారులను ఆదేశించారు. సోమవారం కలెక్టరేట్‌లో నిర్వహించిన సమావేశంలో అధికారులతో కలెక్టర్‌ మాట్లాడుతూ.. పోలీస్‌ పరెడ్‌ గ్రౌండ్‌లో వేడుకలు అంగరంగ వైభవంగా నిర్వహించాలని అధికారులను ఆదేశించారు. వేడుకల్లో ఎలాంటి లోటుపాట్లు లేకుండా అవసరమైన ముందస్తు ఏర్పాట్లు చేపట్టాలని, అదేవిధంగా అన్ని శాఖల అధికారులు సమన్వయంతో పనిచేయాలన్నారు. పోలీస్‌ గౌరవ వందనం, పిల్లల సాంస్కృతిక ప్రదర్శనలు, అవార్డ్స్‌ కొరకు 22 వరకు పేర్లు పంపాలన్నారు. సమావేశంలో అదనపు కలెక్టర్‌ బెన్‌ శాలం, ఆర్డీఓ రాంచందర్‌ నాయక్‌, డీఎస్పీ లింగయ్య, ఆయా శాఖల అధికారులు పాల్గొన్నారు.

ఆలయ భూమి రియల్‌ ఎస్టేట్‌ అవతారమెత్తిన పూజారి ● 4.20 ఎకరాల దేవాదాయ భూమిలో కొంత ప్లాట్లు చేసి విక్రయం ● నా భూమి ఇస్తా.. ఆలయ భూమి రాసివ్వాలంటూ కొత్త స్కెచ్‌ ● మారమ్మ ఆలయానికి నోటీసు అంటించిన ఎండోమెంట్‌ అధికారులు ● మరికొందరు నిర్మాణదారులకు నోటీసులు ● ఏక్లాస్‌పూర్‌లో గందరగోళం నారాయణపేట: ఆలయాల్లో దూప దీప నైవేద్యాల కోసం దాతలు భూములు ఇవ్వగా.. ప్రస్తుతం వాటికి రక్షణ కరువైంది. దేవాదాయ శాఖ అధికారుల పర్యవేక్షణ లేకపోవడంతో పలు చోట్ల భూములు అన్యాక్రాంతమవుతున్నాయి. తాజాగా ఏక్లాస్‌పూర్‌లో ఆలయ భూమి.. అదికూడా రోడ్డుకు సమీపంలో డిమాండ్‌ ఉన్న భూమిపై పూజారి కన్నేశాడు. కొంత స్థలాన్ని ప్లాట్లుగా చేసి విక్రయించి రూ.లక్షలు వెనకేసుకున్నాడు. తాజాగా డిమాండ్‌ ఉన్న ఆలయ భూమిని తనకు రాసివ్వాలని.. తమ పట్టా భూమిని ఆలయానికి రాసిస్తానని చెప్పడం గమనార్హం. పూర్తి వివరాలిలా.. ● జిల్లా కేంద్రానికి సమీపంలోని ఏక్లాస్‌పూర్‌ గ్రామంలో సర్వే నెంబరు 168లో వెంకటేశ్వర స్వామి ఆలయం పేరిట 4.20 ఎకరాల భూమి ఉంది. దేవుడి మాన్యాలను కాపాడుతూ.. నిత్యం పూజ చేసే పూజారికి ఆ భూమిపై కన్నుపడింది. ఆలయ భూమిని ఎవరికీ అనుమానం రాకుండా విడతల వారీగా లేఅవుట్‌గా చేస్తూ ప్రజలను నమ్మించి ఆరు ప్లాట్లు విక్రయించాడు. దీనికి తోడు ఇవి దేవుడి భూములు కావని, మా తాత ముత్తల నుంచి వచ్చిన భూముల్లో ప్లాట్లు చేసి అమ్ముతున్నానంటూ నమ్మబలకడంతో ప్లాట్లు కొనుగోలు చేశామంటూ పలువురు బాధితులు పేర్కొన్నారు. ఎండోమెంట్‌ అధికారులు తమకు నోటీసులు ఇచ్చిన తర్వాతే ఇది దేవుడి భూములు అని తెలిసిందంటూ లబోదిబోమంటున్నారు. ఇదిలాఉండగా, 20 ఏళ్ల క్రితం సదరు పూజారి తండ్రి, ప్రస్తుతం ఆయన ప్లాట్లుగా మార్చి విక్రయిస్తున్నారని, కానీ ఎలాంటి రషీదులు ఇవ్వలేదని వాపోతున్నారు. నాలుగు రోజులుగా గందరగోళం తాజాగా ఆలయ భూములు ప్లాట్లుగా చేసి విక్రయించిన విషయం బయటకు పొక్కడంతో సదరు పూజారి కొత్త స్కెచ్‌ వేశారు. తాతల నుంచి అనుభవిస్తున్న ఆలయానికి దగ్గరగా ఉన్న తమ పట్టా భూములను.. మా పాలోళ్లు (కుటుంబసభ్యులు) కొనుగోలు చేసిన భూమిని ఎండోమెంట్‌కు రాసిస్తామని, మారమ్మ ఆలయం దగ్గర ఉన్న ఎండోమెంట్‌ 4.20 ఎకరాల భూమిని తమకు రాసివ్వాలంటూ రియల్‌ వ్యాపారానికి తెరలేపడం గమనార్హం. ఇదిలాఉండగా, వచ్చేనెల మొదటి వారంలో గ్రామంలో తిమ్మప్ప జాతర నిర్వహించనున్నారు. అయితే, జాతర జరిగే సదరు భూమి పూజారి తమ పట్టా భూములు అంటూ కంచె వేయడం వివాదానికి దారి తీసింది. కంచె వేస్తే జాతర ఎలా నిర్వహించేది అంటూ విషయాన్ని గ్రామస్తులు డీసీసీ మాజీ అధ్యక్షుడు కుంభం శివకుమార్‌రెడ్డి దృష్టికి తీసుకెళ్లారు. కంచె తొలగించాలని పూజారికి సూచించినా ససేమిరా అనడంతో గ్రామస్తులు, కొందరు యువకులు కంచెను జేసీబీ సాయంతో తొలగించడంతో గందరగోళం నెలకొంది. ఈ విషయమై సదరు పూజారి ఆదివారం పంచాయితీ పెట్టడం.. అందులోనూ గ్రామస్తులంతా ఏకమై జాతర కానివ్వండి.. అనంతరం మీ భూమి పంచాయితీ తేలుద్దామంటూ గట్టిగా చెప్పుకొచ్చారు. ఆ సమయంలో సైతం నా పట్టా భూములను దేవుడికి ఇస్తానని, ఆ భూమి నాకు ఇవ్వాలంటూ మరోసారి సదరు పూజారి చెప్పడం గమనార్హం. ఈక్రమంలోనే ఓ యువకుడు లేచి మీరు అమాయకులకు అమ్మిన ప్లాట్లు వెంకటేశ్వరస్వామి ఆలయం పేరిట ఉన్నాయని, ఎండోమెంట్‌ అధికారులను కలవండని చెప్పుకొచ్చారు. చివరికి పూజారి చేసేదేమి లేక జాతర పూర్తయ్యాక చూసుకుందామంటూ వెళ్లిపోయారు.

వేసవిలో తాగునీటి ఎద్దడి తలెత్తకుండా చర్యలు ● కృష్ణానదిలో భారీగా తగ్గుతున్న నీటిమట్టం ● నెలరోజుల్లోనే 15 అడుగుల మేరకు తగ్గిన వైనం ● 800 అడుగుల వరకు మాత్రమే ‘మిషన్‌ భగీరథ’కు ఎత్తిపోసే వెసులుబాటు ● ఏప్రిల్‌ నుంచి జూలై వరకు తాగునీటి సమస్య తలెత్తకుండా జాగ్రత్తలు ఎల్లూరు సమీపంలోని మిషన్‌ భగీరఽథ పంప్‌హౌజ్‌ ●

ఉమ్మడి జిల్లాలో 2015 డిసెంబర్‌లో సారా రహిత జిల్లాగా ప్రకటించారు. అప్పటికే 95 శాతం సారా నియంత్రణలో ఉందని అధికారులు పేర్కొంటున్నారు. అయితే మారుమూల ప్రాంతాల్లో సారా భూతం మళ్లీ జడలు విప్పుతుంది. కొన్నిచోట్ల అక్రమ రవాణా పెరిగింది. గతేడాది మూడు నెలల్లో సారా కేసుల పరంపర ఒక్కసారిగా పెరిగింది. నెలరోజులుగా నల్లబెల్లం విక్రయాలు జోరందుకున్నాయి. అక్రమ రవాణా పెరిగింది. ఈ నెలరోజులపాటు నిర్వహించే స్పెషల్‌ డ్రైవ్‌లో సారా పూర్తిగా కంట్రోల్‌ చేయాలనే లక్ష్యంతో ఎకై ్సజ్‌ శాఖ కసరత్తు చేస్తోంది.

ఆబ్కారీ శాఖ అధికారులు సారా నియంత్రించడానికి గ్రామాలు, తండాల్లో నివసించే ప్రజల్లో చైతన్యం తేవడానికి ప్రత్యేక కార్యక్రమాలు చేపడుతున్నారు. గతంలో ఎకై ్సజ్‌ అధికారులు కేవలం సారాను అదుపు చేయడానికి వాటిని అమ్మే వారిని అదుపులోకి తీసుకునే వారు. కానీ, ఇప్పుడు అలా కాకుండా గ్రామ సర్పంచ్‌ ఆధ్వర్యంలో ప్రత్యేక అవగహన కార్యక్రమాలు, ర్యాలీలు నిర్వహిస్తున్నారు. దీంతోపాటు గ్రామాలు, పట్టణాల్లో రోడ్ల వెంట ఉండే గోడలపై, ప్రభుత్వ కార్యాలయాల గోడలపై ‘కల్తీ కల్లు, సారా తరిమివేద్దాం.. బంగారు తెలంగాణ నిర్మిద్దాం’ అనే స్లోగన్స్‌ రాయిస్తున్నారు.

ఆలయం దగ్గర ఉన్న పట్టా భూముల్లోనే కంచె పాతించా. జాతరకు ఇబ్బంది కలిగించాలని కాదు. మారమ్మ ఆలయం సమీపంలో ఎండోమెంట్‌ భూమి ఉన్నది వాస్తవమే. ప్లాట్లు చేసి విక్రయించింది మాతాతలకు సంబంధించిన భూమి. సర్వే చేస్తే అ భూమి ఎవరిది అనేది తేలుతుంది. 168 సర్వే నంబర్‌లోని భూమి రాసిస్తే.. మా పట్టా భూములను రాసిస్తానని చెప్పా. ప్లాట్లు అమ్మిన భూమి ఎండోమెంట్‌ది అని తేలితే డబ్బులు తిరిగి ఇచ్చేస్తా. – మాణిక్‌ శాసీ్త్ర, పూజారి, బాలాజీ ఆలయం, ఎక్లాస్‌పూర్‌ ●

తండాలు, పల్లెల్లో జోరుగా సారా తయారీ, విక్రయాలు ● గుడుంబాపై ఉక్కుపాదం మోపాలని ఆదేశాలు ● ఉమ్మడి జిల్లాలోని నాటుసారా స్థావరాలపై ప్రత్యేక దృష్టి ● 16 నుంచి ఫిబ్రవరి 15 వరకు స్పెషల్‌ డ్రైవ్‌ ● ముడి పదార్థాల రవాణాపై పటిష్ట నిఘా మహబూబ్‌నగర్‌ క్రైం: సారా తయారీ, విక్రయాలపై మరోసారి ఆబ్కారీ శాఖ ఉక్కుపాదం మోపనుంది. వంద శాతం సారా రహిత జిల్లాగా మార్పు చేయాలనే ఉద్దేశంతో ఆబ్కారీశాఖ కఠినమైన విధివిధానాలు రూపొందించింది. ఇటీవల రాష్ట్రస్థాయిలో ఎకై ్సజ్‌ ఉన్నతాధికారులు హైదరాబాద్‌లో ప్రత్యేక సమావేశం ఏర్పాటు చేసి సారా తయారీ అధికంగా ఉన్న ఎకై ్సజ్‌ ఎస్‌హెచ్‌ఓ స్టేషన్‌ వారీగా జాబితా సిద్ధం చేశారు. ఇందులో ఏ కేటగిరి నుంచి డీ వరకు వేర్వేరుగా యాక్షన్‌ ప్లాన్‌ సిద్ధం చేయడం జరిగింది. ఈ క్రమంలో 16 నుంచి ఫిబ్రవరి 15 వరకు దాదాపు నెలరోజులపాటు స్పెషల్‌ డ్రైవ్‌ తనిఖీలు చేపట్టడానికి సిద్ధమయ్యారు. ఈ మేరకు ఆబ్కారీ శాఖ అధికారులు ఉరుకులు పరుగులు పెడుతున్నారు. ఇప్పటికే ఉమ్మడి జిల్లాలో సంబంధిత శాఖ అధికారులు సారా నియంత్రణపై ఒక ప్రణాళికతో ముందుకు వెళ్తున్నారు. ప్రధానంగా గిరిజన తండాలు, గ్రామాల్లో నాటుసారా తయారీ, విక్రయాలు, తయారీకి ఉపయోగించే బెల్లం, ఇతర ముడి పదార్థాల దిగుమతిపై ప్రత్యేక నిఘా పెట్టారు. ఈ కేసులో బైండోవర్‌ నమోదయ్యాక కూడా సారా అమ్ముతూ పట్టుబడితే వారి నుంచి రూ.2 లక్షల జరిమానా లేకపోతే జైలుశిక్ష విధించాలి.

2023లో నమోదైన సారా కేసులను ఆధారంగా చేసుకుని ఏ, బీ కేటగిరిలుగా విభజించారు. ఉమ్మడి జిల్లాలో నాగర్‌కర్నూల్‌ ఐదు స్టేషన్ల పరిధిలో అధికంగా కేసులు నమోదవుతున్నాయి. వాటిని తగ్గించడానికి నాలుగు డీటీఎఫ్‌ బృందాలు, నలుగురు ఎస్‌ఐలతోపాటు స్థానిక సిబ్బందిని బృందాలుగా ఏర్పాటు చేశాం. నిత్యం తనిఖీలు కొనసాగుతాయి. కల్వకుర్తి పరిధిలోని తండాల్లో కొంత ఎక్కువగా సారా కాస్తున్నారు. ఈ నాలుగు స్టేషన్ల పరిధిలో ఎన్‌ఫోర్స్‌మెంట్‌ దాడులు అధికంగా చేస్తాం. ఈ నెల 16న నాగర్‌కర్నూల్‌ జిల్లాలో ప్రత్యేక సమావేశం ఏర్పాటు చేసి ఆదేశాలు ఇచ్చాం. మహబూబ్‌నగర్‌, వనపర్తి జిల్లాల్లో కూడా సారా తయారీపై నిఘా కొనసాగుతుంది. – విజయ్‌భాస్కర్‌రెడ్డి, అసిస్టెంట్‌ కమిషనర్‌ ఎకై ్సజ్‌ శాఖ ●