‘ఈరోజుల్లో, బస్టాప్, ప్రేమకథా చిత్రమ్, భలే భలే మగాడివోయ్, మహానుభావుడు, శైలజారెడ్డి అల్లుడు’ వంటి హిట్‌ చిత్రాలతో దర్శకుడు మారుతి ప్రేక్షకుల్లో మంచి క్రేజ్‌ ఏర్పరచుకున్నారు. ఆయన కథ అందించిన చిత్రాలు కూడా మంచి ప్రేక్షకాదరణ పొందాయి. తాజాగా ఆయన ఇచ్చిన కాన్సెప్ట్‌తో తెరకెక్కిన చిత్రం ‘భలే మంచి చౌక బేరమ్‌’. నవీద్, ‘కేరింత’ నూకరాజు, యామినీ భాస్కర్, రాజారవీంద్ర, భద్రం, ముజ్‌తబా అలీఖాన్‌ ముఖ్య తారలు. మురళీకృష్ణ ముడిదాని దర్శకత్వంలో అరోళ్ల సతీష్‌కుమార్‌ నిర్మించిన ఈ చిత్రం అక్టోబర్‌ 5న విడుదల కానుంది. ‘అధినేత, ఏమైంది ఈవేళ, బెంగాల్‌ టైగర్, పంతం’ వంటి హిట్‌ చిత్రాలను నిర్మించిన శ్రీ సత్యసాయి ఆర్ట్స్‌ అధినేత కె.కె.రాధామోహన్‌ ‘భలే మంచి చౌక బేరమ్‌’ చిత్రాన్ని సమర్పిస్తున్నారు. కె.కె.రాధామోహన్‌ మాట్లాడుతూ– ‘‘ఈ సినిమా చూశా. చాలా ఎంటర్‌టైనింగ్‌గా, ఇంట్రెస్టింగ్‌గా ఉంది. అన్నివర్గాల ప్రేక్షకులను అలరిస్తుందనే నమ్మకం ఉంది. అందుకే మా బేనర్‌లో విడుదల చేస్తున్నాం’’ అన్నారు. ఈ చిత్రానికి  సంగీతం: హరి గౌర, నేపథ్య సంగీతం: జె.బి, కెమెరా: బాల్‌రెడ్డి పి, సహ నిర్మాత: గుడ్‌ సినిమా గ్రూప్‌.


  ఆసియా కప్ టి20 టోర్నీ
 మిర్పూర్: ఆసియా కప్ టి20 టోర్నీ తొలి మ్యాచ్‌లో ఓడిన ఆతిథ్య జట్టు బంగ్లాదేశ్ కోలుకుంది. శుక్రవారం ఇక్కడ జరిగిన లీగ్ మ్యాచ్‌లో బంగ్లాదేశ్ 51 పరుగుల తేడాతో యూఏఈపై ఘన విజయం సాధించింది. ముందుగా బ్యాటింగ్‌కు దిగిన బంగ్లాదేశ్ 20 ఓవర్లలో 8 వికెట్ల నష్టానికి 133 పరుగులు చేసింది. ఓపెనర్ మొహమ్మద్ మిథున్ (41 బంతుల్లో 47; 4 ఫోర్లు, 2 సిక్సర్లు) టాప్ స్కోరర్‌గా నిలిచాడు. 72/1తో ఒక దశలో మెరుగ్గా కనిపించిన బంగ్లా... యూఈఏ బౌలర్లు రాణించడంతో 61 పరుగులకు మిగతా 7 వికెట్లు కోల్పోయింది.
 
 చివర్లో మహ్ముదుల్లా (27 బంతుల్లో 36 నాటౌట్; 1 ఫోర్, 2 సిక్సర్లు) దూకుడుగా ఆడి తన జట్టుకు గౌరవప్రదమైన స్కోరు అందించాడు. బౌలింగ్‌లో నవీద్ (2/12), జావేద్ (2/34) రాణించారు.  అనంతరం యూఈఏ 17.4 ఓవర్లలో 82 పరుగులకే కుప్పకూలింది. ముహమ్మద్ ఉస్మాన్ (30 బంతుల్లో 30; 2 ఫోర్లు, 2 సిక్సర్లు) మినహా అంతా విఫలమయ్యారు. మొర్తజా (2/12), ముస్తఫిజుర్ (2/18), మహ్ముదుల్లా (2/5), షకీబ్ (2/20) ప్రత్యర్థిని దెబ్బ తీశారు. మహ్ముదుల్లాకు మ్యాన్ ఆఫ్ ద మ్యాచ్ అవార్డు లభించింది.