రెండేళ్ల ‘సాహో’ ప్రయాణం పూర్తి కావస్తోంది. ఒక్కొక్కరుగా టీమ్‌కు బై బై చెబుతున్నారు. తాజాగా ‘సాహో’ చిత్రంలో విలన్‌గా నటించిన బాలీవుడ్‌ నటుడు నీల్‌ నితిన్‌ ముఖేష్‌ తన వంతు షూటింగ్‌ పూర్తి చేశారు. సుజిత్‌ దర్శకత్వంలో ప్రభాస్‌ హీరోగా తెరకెక్కుతున్న చిత్రం ‘సాహో’. శ్రద్ధా కపూర్‌ కథానాయిక. యువీ క్రియేషన్స్‌ బ్యానర్‌పై వంశీ, ప్రమోద్, విక్కీ నిర్మిస్తున్నారు. 300 కోట్ల భారీ వ్యయంతో తెరకెక్కుతున్న ఈ చిత్రంలో జాకీ ష్రాఫ్, అరుణ్‌ విజయ్, మురళీశర్మ, లాల్‌ కీలక పాత్రల్లో కనిపిస్తున్నారు. ఇటీవల రిలీజ్‌ చేసిన ‘సాహో’ టీజర్‌కు దేశవ్యాప్తంగా అద్భుతమైన స్పందన లభిస్తోందని టీమ్‌ పేర్కొంది. ‘సాహో’ టీమ్‌కు నీల్‌ నితిన్‌ ముఖేష్‌ వీడ్కోలు పలుకుతూ– ‘‘రెండేళ్లయింది ఈ అద్భుతమైన ప్రయాణం మొదలై. ఈ టీమ్‌తో వర్క్‌ చేయడం చాలా గర్వంగా ఉంది. టీమ్‌ అందరికీ ఆల్‌ ది బెస్ట్‌’’ అన్నారు. ఈ సినిమా బ్యాక్‌గ్రౌండ్‌ మ్యూజిక్‌ బాధ్యతలను సంగీత దర్శకుడు జిబ్రాన్‌ తీసుకుంటున్నారని చిత్రబృందం తెలిపింది. ఈ ఏడాది ఆగస్ట్‌ 15న విడుదల కానున్న ఈ చిత్రానికి కెమెరా: మది.  

విలన్స్‌ను పట్టుకోవడానికి చేజింగ్‌కి రెడీ అవుతున్నారు ప్రభాస్‌. మరి ఈ చేజింగ్‌కి కారణం తెలియాలంటే ‘సాహో’ సినిమా విడుదల వరకూ ఆగాల్సిందే. ప్రభాస్‌ హీరోగా సుజిత్‌ దర్శకత్వంలో తెరకెక్కుతున్న యాక్షన్‌ థ్రిల్లర్‌ ‘సాహో’. శ్రద్ధా కపూర్‌ కథానాయిక. యువీ క్రియేషన్స్‌ బ్యానర్‌పై వంశీ, ప్రమోద్‌ నిర్మిస్తున్నారు. ఈ సినిమాలో ఓ చేజింగ్‌ సన్నివేశం కోసం రొమేనియా వెళ్లానున్నారట చిత్రబృందం. ప్రభాస్, నీల్‌ నితిన్‌ ముఖేష్‌లపై ఈ చేజింగ్‌ సన్నివేశాలను చిత్రీకరిస్తారట. సుమారు వారానికిపైగా ఈ షెడ్యూల్‌ ఉంటుందని టాక్‌. ఈ నెల 23న ప్రభాస్‌ బర్త్‌డే సందర్భంగా ‘సాహో’ సినిమా అప్‌డేట్‌ ఇస్తామని చిత్రబృందం ప్రకటించిన సంగతి తెలిసిందే. పోస్టర్‌తో పాటు, చిత్రం మేకింగ్‌ వీడియోని రిలీజ్‌ చేస్తారని వినికిడి.

ఒక్క సినిమా. కష్టమేమో రెండు సినిమాలంత అట. ఒక భాషలో చేసిన వెంటనే ఇంకో భాషలో యాక్ట్‌ చేయాలి. దానికోసం రెండు భాషల్లో డైలాగ్స్‌ గుర్తు పెట్టుకోవాలి. ప్రస్తుతం శ్రద్ధా కపూర్‌ ఇదే చేస్తున్నారు. ఇంతకీ ఆ సినిమా ఏదంటే ‘సాహో’. సుజిత్‌ దర్శకత్వంలో ప్రభాస్‌ హీరోగా నటిస్తున్న చిత్రం ‘సాహో’. శ్రద్ధా కపూర్‌ ఇందులో కథానాయిక. యూవీ క్రియేషన్స్‌ బ్యానర్‌పై వంశీ, ప్రమోద్‌ నిర్మాతలు. ద్విభాషా చిత్రంగా రూపొందుతున్న ఈ భారీ చిత్రం షూటింగ్‌ కోసం రెండు సినిమాల కష్టం పడాల్సిందే అంటున్నారు శ్రద్ధా. ఈ విషయం గురించి మాట్లాడుతూ – ‘‘సాహో అనేది చాలా పెద్ద ప్రాజెక్ట్‌. పెద్ద సెట్స్, లొకేషన్స్‌ చేంజ్‌లు ఉన్నాయి. అలాగే ద్విభాషా (తెలుగు, హిందీ) చిత్రం కావడంతో ప్రతీ సీన్‌ రెండు సార్లు యాక్ట్‌ చేయాలి. ఒకసారి తెలుగులో యాక్ట్‌ చేస్తాం. అది బాగా వస్తే మళ్లీ అదే సీన్‌ని హిందీలో చేయాలి. అలా కాకపోతే మరోలా. ఈ సినిమా కోసం నా లైన్స్‌ నేనే గుర్తు పెట్టుకుంటున్నా. కొత్త భాషలో డైలాగ్స్‌ గుర్తు పెట్టుకోవడం చాలా కొత్త ఎక్స్‌పీరియన్స్‌లా ఉంది. చాలా టైమ్‌ కూడా పడుతుంది. పేరుకి ఒక్క సినిమా అయినా కష్టం రెండు సినిమాలది. అయినా ఎంత కష్టపడ్డా రిజల్ట్‌ ఆ కష్టాన్ని మర్చిపోయేలా చేస్తుంది’’ అని పేర్కొన్నారు. నీల్‌ నితిన్‌ ముఖేశ్, జాకీ ష్రాఫ్, మందిరా బేడీ, ఎవెలిన్‌ శర్మ ముఖ్య పాత్రల్లో కనిపించనున్న ఈ సినిమా వచ్చే ఏడాదిలో రిలీజ్‌ కానుంది.

సౌత్, నార్త్‌ అన్న తేడాలు లేకుండా ఎక్కడ మంచి పాత్రలు ఉంటే అక్కడ వాలిపోతున్నారు హీరోయిన్‌ అదా శర్మ. తాజాగా ఆమె బాలీవుడ్‌లో ఓ కొత్త సినిమాకు గ్రీన్‌సిగ్నల్‌ ఇచ్చారు. ఇందులో ఫ్యాషన్‌ గాళ్‌గా కనిపించనున్నారు అదా శర్మ. ఇందుకోసం ఆమె అప్పుడే లేటెస్ట్‌ ఫ్యాషన్‌ డిజైనింగ్‌పై అవగాహన పెంచుకునేందుకు ప్రయత్నాలు మొదలుపెట్టారట. ‘‘చిన్నతనం నుంచే ఫ్యాషన్‌ సినిమాలు చూసే అలవాటు ఉంది. సో ఈ క్యారెక్టర్‌ నాకు బాగా సూట్‌ అవుతుందనుకుంటున్నాను. అలాగే నా పాత్రకు ఆడియన్స్‌ ఎమోషనల్‌గా కనెక్ట్‌ అవుతారు. యాక్టింగ్‌కు మంచి స్కోప్‌ ఉంది’’ అని చెప్పుకొచ్చారు అదా. ఇప్పటి వరకు హీరోయిన్‌ గురించే చెప్పాం. ఇప్పుడు హీరో విషయానికి వస్తే... బాలీవుడ్‌ నటుడు నీల్‌ నితిన్‌ ముఖేష్‌ ఇందులో హీరోగా నటించనున్నారు. ఇంకో విశేషం ఏంటంటే... నీల్‌ నితిన్‌ బ్రదర్‌ నామాన్‌ నితిన్‌ ముఖేష్‌ ఈ సినిమాతో బాలీవుడ్‌లో దర్శకునిగా పరిచయం కానున్నారు. వినాయక చవితి సందర్భంగా ఈ సినిమా షూటింగ్‌ను స్టార్ట్‌ చేయడానికి టీమ్‌ ప్లాన్‌ చేస్తున్నారని బాలీవుడ్‌ టాక్‌. అంటే తమ్ముడు డైరెక్షన్‌లో అన్నయ్య హీరో అన్నమాట. తెలుగులో ప్రభాస్, బెల్లంకొండ సాయి శ్రీనివాస్‌ సినిమాల్లో నీల్‌ నితిన్‌ ముఖేష్‌ కీలక పాత్రలు చేస్తున్న సంగతి తెలిసిందే.

దెబ్బలు తగిలితే ఎవరైనా బాధపడతారు. కానీ ఇక్కడున్న ఫొటో చూశారుగా. హీరో బెల్లంకొండ శ్రీనివాస్, కాజల్, నీల్‌ నితిన్‌ ముఖేష్‌ ఎలా నవ్వుతున్నారో. ఇందుకు ఓ కారణం ఉంది. ఈ ముగ్గురూ సినిమాలో భాగంగా ఓ యాక్షన్‌ షెడ్యూల్‌ను కంప్లీట్‌ చేసిన తర్వాత ఇలా నవ్వుతూ ఫొటోకు ఫోజు ఇచ్చారు. ఉత్తుత్తి గాయాలే అయినప్పటికీ యాక్షన్‌ సీన్‌ అంటే కష్టమే కదా... అందుకే ఇలా రిలాక్స్‌ అయ్యారు. బెల్లంకొండ శ్రీనివాస్‌ హీరోగా శ్రీనివాస్‌ దర్శకత్వంలో నవీన్‌ ఓ సినిమాను నిర్మిస్తున్నారు. ఈ సినిమా తాజా షెడ్యూల్‌ హైదరాబాద్‌లో ముగిసింది. ‘‘ఇప్పుడే ఫైట్‌ కంప్లీట్‌ చేశాం. నా షూటింగ్‌ పూర్తయింది. నేను తెలుగులో నటించిన ఈ సినిమా రిలీజ్‌కు రెడీ అవుతోంది. చిత్రబృందం సహకారం మరచిపోలేనిది’’ అని పేర్కొన్నారు నీల్‌. అంటే ఈ సినిమా గాయాలు ఆయనకు ఓ మధుర జ్ఞాపకం అన్నమాట.

సెట్‌లో ఫన్‌ రెట్టింపు అయ్యింది. అక్కడంతా సందడే సందడి. ఎందుకంటే అక్కడ ఉంది కథానాయిక కాజల్‌ మరి. ఆ మాత్రం హంగామా ఉంటుందిలేండి. ఇంతకీ ఫన్‌ అంతా ఎక్కడ? అంటే బెల్లంకొండ సాయిశ్రీనివాస్‌ హీరోగా నటిస్తున్న సినిమా లొకేషన్‌లో. శ్రీనివాస్‌ని దర్శకునిగా పరిచయం చేస్తూ బెల్లంకొండ సాయి శ్రీనివాస్‌ హీరోగా ఈ చిత్రాన్ని వంశధార క్రియేషన్స్‌ పతాకంపై నవీన్‌ సొంటినేని నిర్మిస్తున్నారు. చాగంటి శాంతయ్య సహ నిర్మాత. ఇందులో కాజల్‌ కథానాయిక. హైదరాబాద్‌లో జరుగుతున్న ఈ సినిమా షూట్‌లో కాజల్‌ పాల్గొం టున్నారు. ‘‘యాక్షన్‌ థ్రిల్లర్‌ నేపథ్యంలో సినిమా సాగుతుంది. ప్రస్తుతం శ్రీనివాస్, కాజల్‌లపై కీలక సన్నివేశాలను చిత్రీకరిస్తున్నాం. బాలీవుడ్‌ నటుడు నీల్‌ నితిన్‌ ముఖేష్, హర్షవర్ధన్‌ రాణే కీలక పాత్రల్లో కనిపించనున్నారు. చోటా కె. నాయుడు సినిమాటోగ్రఫీ. అబ్బూరి రవి మాటలు సినిమాకు స్పెషల్‌ ఎట్రాక్షన్‌. ఈ సినిమాకు చంద్రబోస్‌ సింగిల్‌ కార్డ్‌ రచయితగా పనిచేయడం చాలా హ్యాపీగా ఉంది. ఈ సినిమా హిందీ శాటిలైట్‌ రైట్స్‌ 9 కోట్ల 50లక్షలకు అమ్ముడు పోవడం విశేషం’’ అన్నారు చిత్రబృందం. ‘సత్యం’ రాజేశ్, కల్యాణి నటరాజన్, అపూర్వ తదితరులు నటిస్తున్న ఈ సినిమాకు సంగీతం: తమన్‌.

బెల్లంకొండ సాయి శ్రీనివాస్‌ హీరోగా వంశధార క్రియేషన్స్‌ పతాకంపై శ్రీనివాస్‌ దర్శకత్వంలో నవీన్‌ శొంటినేనిఓ సినిమా నిర్మిస్తోన్న సంగతి తెలిసిందే. ప్రస్తుతం హైదరాబాద్‌లో చిత్రీకరణ జరుగుతోంది. ఈ సినిమాలో బాలీవుడ్‌ నటుడు నీల్‌ నితిన్‌ ముఖేష్‌ ఓ కీలక పాత్ర చేయనున్నట్లు చిత్రబృందం తెలిపింది. ‘‘నీల్‌ది ఇందులో విలన్‌ పాత్ర కాదు. అతని పాత్ర కథకు కీలకంగా, ప్రేక్షకులకు సర్‌ప్రైజింగ్‌గా ఉంటుంది. నెక్ట్స్‌ షెడ్యూల్‌లో నీల్‌ పాల్గొంటారు. ఇందులో నటించనున్న ఇద ్దరు హీరోయిన్ల పేర్లను త్వరలోనే అనౌన్స్‌చేస్తాం’’ అన్నారు నవీన్‌. ఈ చిత్రానికి సంగీతం: తమన్‌ ఎస్‌.ఎస్‌.


 ‘బాహుబలి’ హ్యాంగోవర్‌ నుంచి ప్రభాస్‌ బయటికొచ్చేశారు. ప్రస్తుతం చేస్తున్న ‘సాహో’లో పూర్తిగా లీనమైపోయారు. సుజీత్‌ దర్శకత్వంలో రూపొందుతోన్న ఈ చిత్రం షూటింగ్‌ ఇటీవల ప్రారంభమైంది. హైదరాబాద్‌ పరిసర ప్రాంతాల్లో కొన్ని కీలక సన్నివేశాలు తీశారు. మరో షెడ్యూల్‌ కోసం ఈ యూనిట్‌ దుబాయ్‌ వెళ్లనుందట.
 
 ప్రపంచంలో అత్యంత ఎల్తైన భవనం అయిన అక్కడి బుర్జ్‌ ఖలీఫా పరిసర ప్రాంతాల్లో ప్రభాస్, విలన్‌ నీల్‌ నితిన్‌ముఖేష్‌లపై హాలీవుడ్‌ లెవల్‌లో యాక్షన్‌ సీన్స్‌ తీయనున్నారని సమాచారం. ఇంకా పలు కీలక సన్నివేశాలను తీయడానికి కూడా ప్లాన్‌ చేశారట. యూవీ క్రియేషన్స్‌ పతాకంపై వంశీ, ప్రమోద్‌ ఈ చిత్రాన్ని నిర్మిస్తున్నారు. ఇదిలా ఉంటే.. ఈ చిత్రానికి ఇంకా కథానాయిక ఫైనలైజ్‌ కాలేదు. టాలీవుడ్‌ తారలతో పాటు పలువురు బాలీవుడ్‌ నాయికల పేర్లను పరిశీలిస్తున్నారని భోగట్టా.