న్యూఢిల్లీ: నిర్భయ దోషులు వారి ఉరిశిక్ష అమలుపై మళ్లీ కోర్టును ఆశ్రయించారు. నలుగురు దోషుల్లో ఇద్దరు తమ శిక్ష అమలుపై స్టే ఇవ్వాల్సిందిగా ఢిల్లీ కోర్టులో పిటిషన్‌ దాఖలుచేశారు. ఈనెల 3వ తేదీన వారికి ఉరి శిక్ష అమలు కానున్న సంగతి తెలిసిందే. దోషులు అక్షయ్‌ సింగ్, పవన్‌కుమార్‌ గుప్తా దాఖలు చేసిన పిటిషన్లపై ఈనెల 2లోగా వివరణ ఇవ్వాలని తీహార్‌ జైలు అధికారులకు అదనపు సెషన్స్‌ జడ్జి ధర్మేందర్‌ రాణా నోటీసులు జారీచేశారు. అక్షయ్‌ సింగ్‌ తన పిటిషన్‌లో తాజాగా మరో క్షమాభిక్ష పిటిషన్‌ దాఖలు చేశానని, అది పెండింగ్‌లో ఉందని పేర్కొన్నాడు. సుప్రీంకోర్టులో తాను దాఖలు చేసిన క్యూరేటివ్‌ పిటిషన్‌ పెండింగ్‌లో ఉందని పవన్‌కుమార్‌ గుప్తా పిటిషన్‌లో పేర్కొన్నాడు.    


 న్యూఢిల్లీ:  దేశవ్యాప్తంగా సంచలనం   సృష్టించిన  నిర్భయ గ్యాంగ్ రేప్   కేసులో బాలనేరస్తుడిని ఒక కంట  కనిపెట్టి ఉండాల్సిన అవసరం ఉందని కేంద్ర   మహిళా శిశు సంక్షేమ శాఖా మంత్రి మేనకా  గాంధీ  సూచించారు. దేశ రాజధాని నగరంలో కదులుతున్న బస్పులో  నిర్భయపై డిసెంబర్ 12  సామూహితక అత్యాచారానికి పాల్పడిన  కేసులో  శిక్ష అనుభవిస్తున్న బాల నేరస్తుడు  వచ్చే నెల విడుదల కానున్న నేపథ్యంలో మంత్రి  ఈ వ్యాఖ్యలు చేశారు.
 అలాంటి వాడిని ఊరికే వదలకూడదన్నారు.  అతనిపై పర్యవేక్షణ లేకుండా అలా వదిలేస్తే  మరో నేరానికికే అవకాశం లేకపోలేదని వ్యాఖ్యానించారు. అందుకే అతనిపై  నిఘాకొనసాగాలని  మేనకా  గాంధీ తెలిపారు.
 
  మరోవైపు ఈ కేసులో న్యాయం జరిగిందని మీరు భావిస్తున్నారా అని మీడియా  అడిగినపుడు న్యాయం సంగతి తెలియదుకానీ, న్యాయ నిబంధనలను ఫాలో కావాలి కదా అన్నారు. అతడు మరో  నేరంచేసే దాకా చూస్తూ ఊరుకుంటే ఎలా అన్నారు.   మరోసారి అలాంటి ఘాతుకానికి  పాల్పడకుండా  చూడాల్సిన  బాధ్యత ఉందని ఆమె తెలిపారు. ఈ విషయంలో సంబంధిత అధికారులతో మాట్టాడి చర్యలు  చేపడతామని మంత్రి చెప్పారు.
 కాగా బాలనేరస్థుల చ ట్టం ప్రకారం  మూడు సంవత్సరాల జైలు శిక్షా కాలాన్ని పూర్తిచేసుకుని వచ్చే నెల విడుదల కానున్నాడు.