ఆర్మూర్‌టౌన్‌: ముందు వెళ్తున్న ఆటో బోల్తా పడటంతో లారీ డ్రైవర్‌ సడెన్‌ బ్రేక్‌ వేయగా వెనకాల వస్తున్న వాహనాలు ఒకదానిని ఒకటి ఢీకొన్నాయి. ఆర్మూర్‌ మున్సిపల్‌ పరిధిలోని పెర్కిట్‌ మహిళా ప్రాంగణం సమీపంలో 44వ నంబర్‌ జాతీయ రహదారిపై సోమవారం ఈ ఘటన చోటు చేసుకుంది. వివరాలు.. నిర్మల్‌ వైపు నుంచి ఆర్మూర్‌ వస్తున్న ఆటో డివైడర్‌ను ఢీకొని బోల్తా పడింది. వెనుక వస్తున్న లారీ డ్రైవర్‌ ఆటోను ఢీకొట్టకుండా ఒక్కసారి బ్రేక్‌ వేయడంతో వెనుకలే ఉన్న టాటా ఏస్‌, రెండు కార్లు, వ్యాన్‌ ఒకదానికి ఒకటి ఢీకొన్నాయి. ఈ ఘటనలో ఆటోలో ఉన్న ఇద్దరికి స్వల్ప గాయాలయ్యాయి. వాహనాలు ఢీకొనడంతో హైవేపై భారీగా ట్రాఫిక్‌ జామ్‌ అయింది. సమాచారం అందుకున్న పోలీసులు ట్రాఫిక్‌ క్లియర్‌ చేశారు. సడెన్‌ బ్రేక్‌ వేసిన లారీ డ్రైవర్‌ ఒకదానికి ఒకటి ఢీకొన్న ఐదు వాహనాలు

రాజంపేట: అప్పుల బాధతో ఒకరు ఆత్మహత్య చేసుకున్న ఘటన రాజంపేట మండలం ఆరెపల్లి గ్రామంలో చోటు చేసుకుంది. వివరాలు.. గ్రామానికి చెందిన కొమ్ము నర్సింలు(37) సోమవారం మధ్యా హ్నం ఇంట్లో ఉరి వేసుకున్నాడు. అప్పుల బాధతో తన భర్త ఆత్మహత్య చేసుకున్నట్లు భార్య సుమలత ఫిర్యాదు చేసింది. కేసు నమోదు చేసి దర్యాప్తు చేపడుతున్నట్లు ఎస్సై పుష్పరాజ్‌ తెలిపారు. జీవితంపై విరక్తితో.. బాన్సువాడ: బాన్సువాడకు చెందిన పురుషోత్తం (40) జీవితంపై విరక్తి చెంది సోమ వారం ఆత్మహత్య చేసుకున్నాడు. ఏడాదిగా భార్య వేరు గా ఉండటంతో ఆత్మచేసుకున్నట్లు బంధువులు తెలిపారు. మృతునికి ఇద్దరు కుమారులు ఉన్నారు. మనస్తాపంతో మరొకరు.. బాల్కొండ: బాల్కొండ మండల కేంద్రంలో నివాసం ఉంటున్న నిర్మల్‌ జిల్లా దిలావర్‌పూర్‌ మండలం లోకల్‌ వెల్మల్‌ గ్రామానికి చెందిన సుంకరి పోశెట్టి(43) సోమవారం ఆత్మహత్య చేసుకున్నాడు. ఏఎస్సై శంకర్‌ తెలిపిన వివరాలు.. పాత సామాను ఏరుకొని జీవనం సాగించే పోశెట్టి భార్య నాలుగేళ్ల క్రితం చనిపోయింది. దీంతో బాల్కొండకు చెందిన నక్క పోసానితో సహజీవనం చేస్తున్నాడు. ఆదివారం ఇద్దరి మద్య గొడవ జరగడంతో పోసాని ఇంట్లో నుంచి వెళ్లిపోయింది. దీంతో మనస్తాపం చెందిన పోశెట్టి దులానికి ఉరి వేసుకున్నాడు. మృతుడి కూతురు ఎర్రొల్ల సంధ్య ఫిర్యాదు మేరకు కేసు నమోదు చేసినట్లు పోలీసులు తెలిపారు.

నిజామాబాద్‌ రూరల్‌: రాష్ట్రంలో జరిగే స్థానిక సంస్థల ఎన్నికల్లో ప్రజాశాంతి పార్టీ జయకేతనం ఎగురవేస్తుందని ఆ పార్టీ అధినేత కేఏ పాల్‌ ఆశాభావం వ్యక్తం చేశారు. సోమవారం నగరంలోని బైపాస్‌ రోడ్డులో గల ప్రైవేట్‌ హోటల్‌లో మాజీ సర్పంచులతో జరిగిన సమావేశంలో ఆయన మాట్లాడారు. తన జోలికి వచ్చిన వారు గతంలో జరిగిన ఎంపీ, ఎమ్మెల్యే ఎన్నికల్లో మట్టి కరుచుకు పోయారన్నారు. ప్రజల బాగుకోసం నిత్యం కృషి చేస్తున్న ప్రజాశాంతి పార్టీని స్థానిక ఎన్నికల్లో దీవించాలని కోరారు. కాంగ్రెస్‌ పార్టీలో ఇప్పటి వరకు నాయకులు, మంత్రుల మధ్య సమన్వయం లేదని విమర్శించారు. ఆ పార్టీ నాయకులు ప్రజా సంక్షేమాన్ని మరిచి, పదవుల కోసం పాకులాడుతున్నారని ఎద్దేవా చేశారు. స్థానిక ఎన్నికల్లో పార్టీ మద్దతుతో పోటీ చేసే వారి కోసం అవసరమైతే తాను ప్రచారం చేస్తానన్నారు. ప్రజాశాంతి పార్టీ వ్యవస్థాపక అధ్యక్షుడు కేఏ పాల్‌

నిజామాబాద్‌ అర్బన్‌: జూనియర్‌ కళాశాల స్థాయిలోనే విద్యార్థులను చదువుతో పాటు, క్రమశిక్షణ, యాంటీ డ్రగ్స్‌పై చైతన్యవంతం చేయాలని అదనపు కలెక్టర్‌ అంకిత్‌ సూచించారు. సోమవారం కలెక్టరేట్లోని సమావేశం మందిరంలో జిల్లా ఇంటర్‌ విద్యాధికారి రవికుమార్‌ అధ్యక్షతన ప్రిన్సిపాల్స్‌తో జరిగిన సమావేశంలో ఆయన మాట్లాడారు. జూనియర్‌ కాలేజీల్లో ఇంటర్‌ బోర్డు సూచించిన మార్గదర్శకాలను కచ్చితంగా పాటించాలన్నారు. యువత డ్రగ్స్‌, మత్తు పదార్థాలకు దూరంగా ఉండేలా అవగాహన కల్పించాలన్నారు. ఇంటర్‌ విద్య అధికారి రవికుమార్‌ మాట్లాడుతూ సకాలంలో సిలబస్‌ పూర్తి చేసి విద్యార్థులను పరీక్షలకు సిద్ధం చేయాలని సూచించారు.

నిజామాబాద్‌ అర్బన్‌: ప్రజావాణి కార్యక్రమానికి ప్రాధాన్యతనిస్తూ ఫిర్యాదులను సత్వరమే పరిష్కరించాలని కలెక్టర్‌ రాజీవ్‌ గాంధీ హనుమంతు అధికారులకు సూచించారు. కలెక్టరేట్‌లో సోమవారం నిర్వహించిన ప్రజావాణి కార్యక్రమానికి 105 ఫిర్యాదులు అందాయి. జిల్లాలోని వివిధ ప్రాంతాల నుంచి వచ్చిన ఫిర్యాదుదారులు తమ సమస్యలను కలెక్టర్‌తో పాటు, అదనపు కలెక్టర్‌ అంకిత్‌, ట్రైనీ కలెక్టర్‌ సంకేత్‌ కుమార్‌, డీఆర్డీవో సాయాగౌడ్‌, డీపీవో శ్రీనివాసరావు, ఆర్డీవో రాజేంద్రకుమార్‌కు విన్నవిస్తూ అర్జీలు సమర్పించారు. అర్జీలను పెండింగ్‌లో పెట్టకుండా ఎప్పటికప్పుడు పరిశీలన జరుపుతూ, సమస్యలను త్వరితగతిన పరిష్కరించాలని కలెక్టర్‌ సూచించారు. కల్లు విక్రయించే వారిపై చర్యలు తీసుకోండి మోస్రాలో కొందరు అనధికారికంగా కల్లు విక్రయిస్తున్నారని, లైసెన్సు లేకున్నా ఇంటింటికి వెళ్లి కల్లు అమ్ముతున్నారని గ్రామానికి చెందిన గౌడ కులస్తులు ప్రజావాణిలో ఫిర్యాదు చేశారు. ఎకై ్సజ్‌ పోలీసులకు ఫిర్యాదు చేసినా పట్టించుకోవడం లేదన్నారు. శ్రీ చైతన్య పాఠశాలపై ఫిర్యాదు నగరంలోని శ్రీ చైతన్య పాఠశాలపై తెలంగాణ విద్యార్థి పరిషత్‌ ఆధ్వర్యంలో కలెక్టర్‌కు ఫిర్యాదు చేశారు. రెండో శనివారం, ఆదివారం సహా ఇతర అన్ని సెలవుల్లో పాఠశాల బోధన కొనసాగిస్తున్నారని, నిబంధనలకు విరుద్ధంగా వ్యవహరిస్తున్నారని ఆరోపించారు. ఇదివరకే డీఈవో, మండల విద్యాశాఖ అధికారులకు ఫిర్యాదు చేసినా పట్టించుకోవడం లేదన్నారు. పాఠశాలపై చర్యలు తీసుకోవాలని కోరారు. భూమి కబ్జా చేశారు మాక్లూర్‌ మండలం ముత్యంపల్లి గ్రామానికి చెందిన పెద్ద మల్లయ్య తన భూమిని కబ్జా చేశారని ప్రజావాణిలో ఫిర్యాదు చేశారు. తన స్థలంలో ఇల్లు, ప్రహరీ నిర్మిస్తున్నారని గ్రామానికి సంబంధించిన రోడ్డు కూడా ఆక్రమించి నిర్మాణం చేపడుతున్నారని ఆరోపించారు. తనకు న్యాయం చేయాలని వేడుకున్నారు. అర్హులకు ఇళ్లు కేటాయించాలి ఇందిరమ్మ ఇళ్లకు లబ్ధిదారుల ఎంపిక కోసం అఖిలపక్ష గ్రామ కమిటీలను ఏర్పాటు చేయాలని సీపీఎం నాయకులు కలెక్టర్‌ను కోరారు. ఈ మేరకు ప్రజావాణిలో వినతిపత్రం సమర్పించారు. ప్రభుత్వం మంజూరు చేస్తున్న ఇళ్లను అర్హులకు కేటాయించాలని కోరారు. కలెక్టర్‌ రాజీవ్‌ గాంధీ హనుమంతు ప్రజావాణికి 105 వినతులు

నిజామాబాద్‌ నాగారం: రిసెప్షనిస్టే డాక్టర్‌లా రోగులకు రక్త పరీక్షలు చేసుకోవాలని చెప్పిన ఘటన నగరంలోని విజయ సూపర్‌ స్పెషాలిటీ ఆస్పత్రిలో చోటు చేసుకుంది. వివరాలు.. నవీపేట్‌ మండలం నాళేశ్వర్‌కు చెందిన లక్ష్మి నరాల నొప్పితో న్యూరోఫిజీషియన్‌ విష్ణువర్ధన్‌ వద్దకు ట్రీట్‌మెంట్‌ కోసం వచ్చింది. లక్ష్మి వద్ద డాక్టర్‌ కన్సల్టెషన్‌ ఫీజు రూ.400 వసూలు చేశారు. డాక్టర్‌ విష్ణువర్ధన్‌ను కలవకముందే ప్రిస్కిప్షన్‌పై పలానా టెస్టులు చేయించుకోవాలని రిసెప్షనిస్టు రాయడంతో ఆమె షాకయ్యారు. డాక్టర్‌ చూడకుండానే టెస్టులు ఎందుకు చేయించుకోవాలని ఆమె ప్రశ్నించింది. దీంతో సిబ్బంది లక్ష్మిని, ఆమెతో వచ్చిన యువకుడిని బయటకు గెంటేసే ప్రయత్నం చేశారు. ఈ విషయంపై డాక్టర్‌ విష్ణువర్ధన్‌ను వివరణ కోరేందుకు యత్నించగా ఆయన లేరని బాధితులు ఆరోపించారు. న్యాయవాది పిల్లి శ్రీకాంత్‌, రెంజల్‌ బుజ్జి అక్కడకు చేరుకుని డాక్టర్‌ను నిలదీశారు. అనంతరం బాధితులు ఆస్పత్రిపై డీఎంహెచ్‌వోకు ఫిర్యాదు చేశారు. న్యూరో ఫిజీషియన్‌ పరీక్షించకుండానే రక్తపరీక్షలు చేసుకోవాలని సూచన విజయ ఆస్పత్రి ఎదుట రోగుల నిరసన

బాల్కొండ: బాల్కొండ మండల కేంద్రంలోని నడిమిగల్లిలో సోమవారం అగ్ని ప్రమాదం చోటు చేసుకుంది. వివరాలు.. కాలనీకి చెందిన పల్లికొండ చిన్న నర్సయ్య ఇంట్లో ఉదయం దేవుడి ఫొటోల వద్ద దీపం వెలిగించారు. అనంతరం ఇంటికి తాళం వేసి కుటుంబ సభ్యులు బయటకు వెళ్లారు. దీపంతో పెంకుటిల్లు కట్టెలకు మంటలు వ్యాపించాయి. సమాచారం అందుకున్న అగ్నిమాపక సిబ్బంది ఫైర్‌ ఇంజిన్‌తో మంటలు అదుపు చేశారు. అప్పటికే మంటలు వ్యాపించి ఇంట్లోని వస్తువులు కాలి బూడిదయ్యాయి. ప్రభుత్వం ఆదుకోవాలని బాధిత కుటుంబ సభ్యులు వేడుకుంటున్నారు. కారు దగ్ధంసిరికొండ: మండలంలోని చిన్నవాల్గోట్‌ గ్రామంలో కారు దగ్ధమైంది. గ్రామానికి చెందిన చెరుకుపల్లి ఆదర్శ్‌రెడ్డి తన కారును తన ఇంటి ఆవరణలో నిలిపి ఉంచాడు. ఆదివారం రాత్రి 11 గంటలకు విద్యుత్‌ ప్రసారంలో అంతరాయం ఏర్పడినపుడు కరెంట్‌ మీటర్‌ వద్ద మంటలు చెలరేగి కారుపై పడ్డాయని బాధితుడు తెలిపారు. కారుకు అంటుకున్న మంటలు ఇంటి తలుపులు, కిటికీలకు వ్యాపించాయి. స్థానికులు మంటలను ఆర్పి వేశారు. డ్రంకన్‌ డ్రైవ్‌ కేసులో ఇద్దరికి జైలుఖలీల్‌వాడి: డ్రంకన్‌ డ్రైవ్‌ కేసులో జడ్జి ఇద్దరికి జైలు శిక్ష విధించినట్లు ట్రాఫిక్‌ సీఐ ప్రసాద్‌ సోమవారం తెలిపారు. మద్యం తాగి వాహనాలు నడిపిన 27 మందికి ట్రాఫిక్‌ పోలీస్‌ స్టేషన్‌లో కౌన్సెలింగ్‌ నిర్వహించి, మేజిస్ట్రేట్‌ ముందు హాజరు పరిచామన్నారు. అందులో వల్లపు శ్రీనివాస్‌కు ఒకరోజు, నాగులపల్లి శంకర్‌కు రెండు రోజుల జైలు శిక్షను జిల్లా సెకండ్‌ క్లాస్‌ మేజిస్ట్రేట్‌ నూర్జన్‌ విధించారని పేర్కొన్నారు. 25 మందికి జరిమానా విధించినట్లు చెప్పారు. రూరల్‌ పోలీస్‌ స్టేషన్‌ పరిధిలో ఒకరికి.. నిజామాబాద్‌ రూరల్‌: డ్రంకన్‌ డ్రైవ్‌ కేసులో ఒకరికి న్యాయమూర్తి రెండు రోజుల జైలు శిక్ష విధించినట్లు నిజామాబాద్‌ రూరల్‌ ఎస్‌హెచ్‌వో మహ్మద్‌ ఆరీఫ్‌ తెలిపారు. ఈ నెల 28న తనిఖీలు నిర్వహించగా ఆర్మూర్‌కు చెందిన కిరణ్‌కుమార్‌ మద్యం తాగి వాహనం నడుపుతూ దొరికాడన్నారు. నిందితుడిని సోమవారం కోర్టులో ప్రవేశపెట్టగా రెండు రోజుల జైలు శిక్ష వేసినట్లు పేర్కొన్నారు. రోడ్డు ప్రమాదంలో రికార్డు అసిస్టెంట్‌ మృతిమాచారెడ్డి: మాచారెడ్డి తహశీల్‌ కార్యాలయంలో రికార్డు అసిస్టెంట్‌గా పనిచేస్తున్న నాయినీ నవీన్‌(32) రోడ్డు ప్రమాదంలో మృతి చెందినట్లు స్థానికులు తెలిపారు. రామారెడ్డి మండలం రెడ్డిపేట గ్రామానికి చెందిన నవీన్‌ కొంతకాలంగా రికార్డు అసిస్టెంట్‌గా పని చేస్తున్నాడు. ఆదివారం రాత్రి కామారెడ్డి వైపు నుంచి మాచారెడ్డి వస్తుండగా పాల్వంచ మండలం ఆరేపల్లి స్టేజీ సమీపంలో ఎదురుగా వస్తున్న బైక్‌ ఢీకొని గాయపడ్డాడు. స్థానికులు చికిత్స నిమిత్తం నిజామాబాద్‌లోని ఓ ప్రైవేట్‌ ఆస్పత్రికి తరలించగా అక్కడ చికిత్స పొందుతూ మృతి చెందాడు. మూడు ట్రాన్స్‌ఫార్మర్ల ధ్వంసంఎడపల్లి(బోధన్‌): మండలంలోని ఠాణాకలాన్‌, అంబం గ్రామ శివారులోని మూడు ట్రాన్స్‌ఫార్మర్లను దొంగలు ధ్వంసం చేసి కాపర్‌ వైర్‌ చోరీ చేశారు. దాని విలువ సుమారు రూ.లక్ష వరకు ఉంటుంది. సంబంధిత రైతులు ఎడపల్లి ఎస్సై వంశీధర్‌రెడ్డికి ఫిర్యాదు చేశారు. ఈ సంవత్సరంలో మండలంలో సుమారు 40 ట్రాన్స్‌ఫార్మర్లు చోరీ అయ్యాయి. వరినాట్ల సమయంలో ట్రాన్స్‌ఫార్మర్లు ఎత్తుకెళ్తుండటంతో రైతులు ఇబ్బందులు పడుతున్నారు. యువకుడిపై అత్యాచారం కేసుఖలీల్‌వాడి: నిర్మల్‌ జిల్లాకు చెందిన వాగేవార్‌ గౌతమ్‌(27)పై అత్యాచారం కేసు నమోదు చేసినట్లు ఎస్‌హెచ్‌వో రఘుపతి సోమవారం తెలిపారు. వివరాలు.. ఈ నెల 17న భర్తతో గొడవపడి నిర్మల్‌కు వచ్చిన ఓ మహిళను సాయం చేస్తానని నమ్మించి గౌతమ్‌ నిజామాబాద్‌కు తీసుకొచ్చాడు. ఓ లాడ్జిలో ఆమెకు ఇష్టం లేకుండా శారీరకంగా వాడుకొని, నిర్మల్‌లో వదిలేశాడు. సృహ తప్పి పడి ఉన్న ఆమెను గమనించి స్థానికులు పోలీసులకు సమాచారం అందించారు. బాధితురాలి ఫిర్యాదు మేరకు నిర్మల్‌ పోలీసులు కేసు నమోదు చేసి నిజామాబాద్‌ ఒకటో టౌన్‌ పోలీస్‌ స్టేషన్‌కు పంపించారు.

తెయూ(డిచ్‌పల్లి): తెలంగాణ యూనివర్సిటీ క్యాంపస్‌లోని హాస్టళ్లలో నెలకొన్న సమస్యలను త్వరలో పరిష్కరిస్తామని వీసీ టి యాదగిరిరావు తెలిపారు. సోమవారం సాయంత్రం రిజిస్ట్రార్‌ యాదగిరితో కలిసి ఆయన క్యాంపస్‌ హాస్టళ్లను పరిశీలించారు. హాస్టల్‌ మెస్‌ కమిటీతోపాటు విద్యార్థులతో మాట్లాడి వసతులు, సమస్యలను తెలుసుకున్నారు. హాస్టల్స్‌తో పాటు వర్సిటీలోని వివిధ కళాశాలల భవనాల్లో 24 గంటల పాటు వైఫై సౌకర్యాన్ని తక్షణమే అందుబాటులోకి తేవాలని అధికారులను ఆదేశించారు. మిగిలిపోయిన కార్పెంటర్‌, ఫ్లంబర్‌, ఎలక్ట్రికల్‌ పనులను త్వరలో పూర్తి చేయిస్తామని విద్యార్థులకు హామీ ఇచ్చారు. విద్యార్థుల వినతి మేరకు హాస్టల్‌ రెన్యువల్‌ డిపాజిట్‌ రుసుము రూ.3వేల నుంచి రూ.2వేలకు తగ్గిస్తామన్నారు. వర్సిటీ ఇంజినీర్‌ వినోద్‌, చీఫ్‌ వార్డెన్‌ మహేందర్‌రెడ్డి తదితరులు పాల్గొన్నారు. తెయూ వీసీ యాదగిరిరావు

బాల్కొండలో..బాల్కొండ: బాల్కొండ మండల కేంద్రంలో ఆదివారం రాత్రి తాళం వేసిన ఇంట్లోకి చొరబడి దొంగలు రెండు తులాల బంగారం, రూ.10 వేల నగదు ఎత్తుకెళ్లారు. గ్రామానికి చెందిన పొగరి చిన్న మల్లేశ్‌ బతుకు దెరువు కోసం దుబాయి వెళ్లాడు. భార్య సవిత పిల్లలతో కలిసి ఇంట్లో ఉంటుంది. ఆమె రెండు రోజుల క్రితం ముప్కాల్‌లోని తన పుట్టింటికి వెళ్లింది. తాళం వేసి ఉండటాన్ని గమనించిన దొంగలు ఇంట్లోకి చొరబడి నగదు, బంగారం చోరీ చేశారు. బాల్కొండ ఎస్సై నరేశ్‌ ఘటన స్థలాన్ని పరిశీలించారు. కేసు నమోదు చేసుకొని దర్యాప్తు చేస్తున్నట్లు తెలిపారు.నందిపేట్‌: నందిపేట్‌లోని రామ్‌నగర్‌ కాలనీలో ఆదివారం రాత్రి దొంగలు బీభత్సం సృష్టించారు. తాళం వేసిన ఐదు ఇళ్లలోకి చొరబడి దొంగతనానికి పాల్పడ్డారు. వివరాలు.. కాలనీలోని జూడా చర్చ్‌ సమీపంలో గల ఇసుక కొండయ్య, మేక వెంకటేశ్‌, పేదూరి భూమేశ్వర్‌, వీఆర్‌వో రాజేశ్వర్‌, బైండ్ల నారాయణ కుటుంబ సభ్యులు ఇళ్లకు తాళాలు వేసి ఊళ్లకు వెళ్లారు. ఆదివారం అర్ధరాత్రి దొంగలు వారి ఇళ్లలోకి చొరబడ్డారు. ఇసుక కొండయ్య ఇంట్లో 3 తులాల బంగారం, రూ.6 వేల నగదు పోయింది. మిగతా నాలుగు ఇళ్లలో ఏమీ దొరకకపోవడంతో వస్తువులను చిందరవందరగా పడవేసి వెళ్లిపోయారు. దొంగల కదలికలు సీసీ ఫుటేజీల్లో నమోదయ్యాయి. ఒకే సమయంలో రెండు బ్యాచ్‌లుగా దొంగతనం చేసి ఉండవచ్చని పోలీసులు అనుమానం వ్యక్తం చేస్తున్నారు. క్లూస్‌ టీం సభ్యులు ఘటన స్థలాన్ని పరిశీలించి ఆధారాలు సేకరించారు. బాధితుల ఫిర్యాదు మేరకు కేసు నమోదు చేసుకుని దర్యాప్తు చేపడుతున్నట్లు ఎస్సై చిరంజీవి తెలిపారు. కాగా మూడు రోజుల క్రితం అర్ధరాత్రి కాలనీలో గర్తు తెలియని వ్యక్తులు తలుపులు బాదారని స్థానికులు తెలిపారు. ఈ విషయాన్ని పోలీసులకు చెప్పామన్నారు. నందిపేట్‌లో ఐదు ఇళ్లలో చోరీ బాల్కొండలో రెండు తులాల బంగారం అపహరణ

● కార్యదర్శిగా గెలుపొందిన స్వామిదాస్‌ ఖలీల్‌వాడి: నిజామాబాద్‌ ఆఫీసర్స్‌ క్లబ్‌ వార్షిక సర్వసభ్య సమావేశం ఆదివారం నిర్వహించారు. క్లబ్‌ కార్యదర్శి చిలివేరి సత్యనారాయణ వార్షిక ఆర్థిక నివేదికను చదివి వినిపించారు. క్లబ్‌ సభ్యులు వార్షిక నివేదికను ఏకగ్రీవంగా ఆమోదించారు. ప్రస్తుత క్లబ్‌ ఉపాధ్యక్షుడు, ఉర్దూ అకాడమీ చైర్మన్‌ తాహెర్‌ బిన్‌ హందాన్‌ మాట్లాడుతూ.. రాజకీయాలకు అతీతంగా క్లబ్‌ అభివృద్ధికి కృషి చేశామన్నారు. సాయంత్రం ఏడు గంటలకు ప్రారంభమైన సర్వసభ్య సమావేశం రెండు గంటల పాటు కొనసాగింది. అనంతరం కార్యదర్శి పదవికి అర్ధరాత్రి వరకు పోలింగ్‌ కొనసాగి, ఫలితాలు వెల్లడించారు. ఈ సందర్భంగా ప్రధాన ఎన్నికల అధికారి పి కిరణ్‌ కుమార్‌ గౌడ్‌, అసిస్టెంట్‌ ఎన్నికల్లో అధికారులు ఎర్రం విగ్నేష్‌, ఉదయ కృష్ణ, బంటు వసంత్‌, దొన్‌పాల్‌ సురేష్‌ ఫలితాలను ప్రకటించారు. కార్యదర్శి పదవికి పోటీ పడిన స్వామిదాస్‌ 107 సాధించి గెలుపొందారు. క్లబ్‌ ఆఫీస్‌ బేరర్స్‌ ఆఫీసర్స్‌ క్లబ్‌ బైలా ప్రకారం కలెక్టర్‌ అధ్యక్షుడిగా, ఉపాధ్యక్షులుగా జిల్లా కలెక్టర్‌, పోలీస్‌ కమిషనర్‌ కొనసాగుతారు. మరొక ఉపాధ్యక్ష పదవి ఉండగా 2025 సంవత్సరానికి తాహెర్‌ బీన్‌ హందాన్‌, సంయుక్త కార్యదర్శిగా డాకం సాయిలు, కోశాధికారిగా కె శరత్‌ కుమార్‌ ఏకగ్రీవంగా ఎన్నికై న విషయం విదితమే. కార్యదర్శిగా స్వామిదాస్‌ గెలుపొందడంతో క్లబ్‌ పూర్తి స్థాయి కార్యవర్గం కొలువు దీరనుంది. లా విభాగంలో ఇద్దరికి డాక్టరేట్‌తెయూ(డిచ్‌పల్లి): తెలంగాణ యూ నివర్సిటీ న్యాయ విభాగం పరిశోధక విద్యార్థులు సభావత్‌ శ్రీనివాస్‌, రతన్‌ సింగ్‌ డాక్టరేట్‌ సాధించారు. డాక్టర్‌ ప్రసన్నరాణి పర్యవేక్షణలో ‘భారతదేశంలోని మహిళలకు నివా స స్థల హక్కులు’ అనే అంశంపై శ్రీనివాస్‌ పరిశోధన పూర్తి చేశాడు. ‘అత్యవసరాల పరిస్థితిలో సినిమా నిర్మాణం– సినిమాల హక్కులు’ అనే అంశంపై రతన్‌సింగ్‌ పరిశోధన చేశాడు. ఏపీకే ఫైల్‌తో రూ.1.25 లక్షలు మాయంకామారెడ్డి రూరల్‌: ఏపీకే ఫైల్‌ పంపి అకౌంట్‌లో నుంచి డబ్బులు మాయం చేసిన ఘటన కామారెడ్డిలోని దేవునిపల్లిలో చోటు చేసుకుంది. గ్రామానికి చెందిన చెట్కూరి రవికి రెండు రోజుల క్రితం గుర్తు తెలియని వ్యక్తి వాట్సాప్‌ కాల్‌ చేశాడు. మాటల్లో పెట్టి ఏపీకే ఫైల్‌ పంపాడు. దాన్ని క్లిక్‌ చేయడంతో ఫోన్‌ మొత్తం సదరు వ్యక్తి చేతిలోకి వెళ్లిపోయింది. అనంతరం రవి అకౌంట్‌లోని రూ.50 వేలు ఖాళీ చేశాడు. అంతటితో ఆగకుండా రవి పేరిట రూ.75 వేలు లోన్‌ తీసుకున్నాడు. పాతకక్షల నేపథ్యంలో కత్తితో దాడిఖలీల్‌వాడి: నగరంలోని గౌతమ్‌ నగర్‌కి చెందిన చంద్రకాంత్‌ పాత కక్షలతో తునికి యాదగిరిపై కత్తితో దాడి చేసినట్లు ఎస్సై హరిబాబు తెలిపారు. చంద్రకాంత్‌ ఆదివారం రాత్రి 11 గంటల ప్రాంతంలో యాదగిరి ఆటో టాప్‌ చింపేసి అతనిపై కత్తితో దాడి చేసినట్లు తెలిపారు. నిందితుడిని రిమాండ్‌కు తరలించామన్నారు.

రుద్రూర్‌: మద్యం తాగడానికి డబ్బు ఇవ్వలేదని ఓ కుమారుడు తన తండ్రిని హత్య చేశాడు. ఈ ఘటన రుద్రూర్‌ మండలం అంబం (ఆర్‌) గ్రామంలో ఆదివారం రాత్రి చోటు చేసుకుంది. వివరాలు.. గ్రామానికి చెందిన షేక్‌ హైమద్‌(65)కు కుమారుడు మహబూబ్‌ అలియాస్‌ బబ్లూ ఉన్నాడు. హైమద్‌ భార్య ఇటీవల మృతి చెందడంతో ఇంట్లో తండ్రి కొడుకులే ఉండేవారు. మద్యానికి బానిసైన మహబుబ్‌ తాగడానికి డబ్బులు కావాలని తరుచు హైమద్‌తో గొడవ పడేవాడు. ఆదివారం రాత్రి డబ్బుల విషయమై ఘర్షణ జరిగింది. స్థానికులు జోక్యం చేసుకుని ఇద్దరికి సర్ది చెప్పారు. అర్ధరాత్రి మళ్లీ మహబూబ్‌ తండ్రితో గొడవ పడి ముఖం, ఛాతీపై కొట్టాడు. దీంతో హైమద్‌ మృతి చెందాడు. సోమవారం ఉదయం స్థానికులు గుర్తించి పోలీసులకు సమాచారం అందించారు. రుద్రూర్‌ సీఐ కృష్ణకుమార్‌, ఎస్సై సాయన్న వివరాలు సేకరించారు. అనంతరం నిందితుడిని అదుపులోకి తీసుకున్నారు.

● ఒకరిని కాపాడబోయి మిగతావారు మరణించి ఉండొచ్చు ● ఎస్సై, కానిస్టేబుల్‌, ఆపరేటర్‌ల మృతి కేసుపై ఎస్పీ సింధు శర్మ కామారెడ్డి క్రైం: సంచలనం సృష్టించిన ముగ్గురి మృతి కేసును అన్ని కోణాల్లో దర్యాప్తు చేస్తున్నామని ఎస్పీ సింధు శర్మ తెలిపారు. సోమవారం జిల్లా పోలీస్‌ కార్యాలయంలో ఎస్పీ మాట్లాడారు. భిక్కనూరు ఎస్సై సాయికుమార్‌, బీబీపేట పీఎస్‌ కానిస్టేబుల్‌ శ్రుతి, సహకార బ్యాంకు కంప్యూటర్‌ ఆపరేటర్‌ నిఖిల్‌ల మృతి కేసుపై ఇంకా స్పష్టత రాలేదన్నారు. ముందుగా దూకిన ఒకరిని కాపాడబోయే ప్రయత్నంలో మిగతా ఇద్దరు కూడా నీట మునిగి చనిపోయి ఉండవచ్చని ప్రాథమికంగా భావిస్తున్నామన్నారు. ఈ కేసులో ప్రత్యక్ష సాక్షి అంటూ ఎవరూ లేకపోవడంతో సంఘటన జరిగిన సమయంలో అక్కడ ఏం జరిగింది అనే దానిపై స్పష్టత రాలేదన్నారు. వారు నీట మునిగిన ప్రదేశంలో లోతు ఎక్కువగా ఉంటుందన్నారు. ఈత రాని వారు అందులో పడితే బయటకు రావడం సాధ్యం కాదన్నారు. ప్రమాదవశాత్తు జరిగిందా, ఆత్మహత్యలా అనేది తెలియడం లేదన్నారు. మృతుల సెల్‌ఫోన్‌లు, నీటి నమూనాలు ఫోరెన్సిక్‌ ల్యాబ్‌కు పంపామన్నారు. నివేదిక రావాల్సి ఉందని, సాంకేతిక అంశాల ఆధారంగా పరిశోధన చేస్తున్నామని తెలిపారు. మృతిచెందిన ఎస్సై సాయికుమార్‌పై గతంలో ఎలాంటి ఫిర్యాదులు లేవన్నారు. ఏటీఎంలో చోరీకి యత్నంఖలీల్‌వాడి: నగరంలోని పెద్ద బజార్‌లో గల ఏటీఎంలో సోమవారం తెల్లవారుజామున 5 గంటల సమయంలో ఓ వ్యక్తి చోరీకి యత్నించినట్లు ఎస్సై యాసీన్‌ ఆరాఫత్‌ తెలిపారు. ఏటీఎంను పగులగొట్టడానికి యత్నించగా శబ్దం రావడంతో స్థానికుడు కేకలు వేశాడు. దీంతో దొంగ పరారయ్యాడు. చోరీ కేసులో ఒకరి రిమాండ్‌ఖలీల్‌వాడి: చోరీ కేసులో నగరంలోని కోటగల్లీకి చెందిన ఎలిగేటి నాగరాజును రిమాండ్‌కు తరలించినట్లు ఎస్సై శ్రీకాంత్‌ సోమవారం తెలిపారు. ఈ నెల 28న కోటగల్లీలోని శశిరేఖ ఇంట్లోకి చొరబడి నాగరాజు రూ.10వేలు, సిలిండర్‌ చోరీ చేశాడు. నిందితుడిని అదుపులోకి తీసుకొని నగదు, సిలిండర్‌ స్వాధీనం చేసుకున్నట్లు తెలిపారు.

సోమవారం శ్రీ 30 శ్రీ డిసెంబర్‌ శ్రీ 2024ఖలీల్‌వాడి: జిల్లాలో ఈ ఏడాది వివిధ కేసుల సంఖ్య పెరిగింది. 2023లో 8,635 కేసులు నమోదుకాగా, 2024లో 8,745 కేసులు నమోదయ్యాయి. గతేడాదితో పోలిస్తే 110 కేసులు(1.27శాతం) పెరిగాయి. ప్రతి ఏడాది లాగే ఈ ఏడాదీ హత్యలు, ఆత్మహత్యలు, రోడ్డు ప్రమాదాలు, చోరీలు, మోసాలు, సైబర్‌ నేరాల ఆనవాళ్లను వదిలి కాలగర్భంలోకి వెళ్లిపోతోంది. న్యూస్‌రీల్‌ ప్రాణాలను మింగిన రోడ్డుప్రమాదాలు క్షణికావేశంలో హత్యలు, హత్యాయత్నాలు పెరిగిన సైబర్‌ నేరాలు, కిడ్నాప్‌లు, పోక్సో, రేప్‌ కేసులు

2023లో 356 మంది ఆత్మహత్య చేసుకోగా, ఈ ఏడాది 442 మంది బలవన్మరణాలకు పాల్పడ్డారు. వడ్డీ వ్యాపారుల వేధింపులు, ఆన్‌లైన్‌ బెట్టింగ్‌, ట్రేడింగ్‌ వంటి కారణాలతో పలువురు ఆత్మహత్యలకు పాల్పడ్డారు. జిల్లాలో గతేడాది 294 సైబర్‌ క్రైమ్‌ కేసులు నమోదు కాగా, ఈ ఏడాది 378 కేసులు నమోదయ్యాయి. ఎడపల్లి మండలం వడ్డేపల్లికి చెందిన హరీశ్‌ అనే యువకుడు ఆన్‌లైన్‌ బెట్టింగ్‌ల కోసం రూ.60లక్షల అప్పు చేశాడు. దీంతో హరీశ్‌తోపాటు అతడి తల్లిదండ్రులు సురేశ్‌, హేమలత ఒకేసారి ఉరేసుకొని ఆత్మహత్య చేసుకున్నారు. వడ్డీ వ్యాపారుల వేధింపులను తాళలేక నగరంలోని న్యాల్‌కల్‌రోడ్డులో నివాసం ఉంటున్న భార్యభర్తలు తమ కూతురితో కలిసి బాసర గోదావరి నదిలో దూకారు. జాలర్లు తల్లిని కాపాడగా, తండ్రీకూతుళ్లు మృతి చెందారు. అలాగే ఆర్థిక ఇబ్బందులతో నగరంలోని ఎల్లమ్మగుట్టకు చెందిన హోంగార్డు రైల్వేస్టేషన్‌లో రైలుకు ఎదురెళ్లి ఆత్మహత్య చేసుకున్నాడు.

గతేడాది రోడ్డు ప్రమాద కేసులు 312 నమోదుకాగా, 337 మంది మృతి చెందా రు. ఈ ఏడాదిలో 322 కేసుల్లో 335 మంది మృతి చెందారు. హెల్మె ట్లు ధరించని కారణంగా ఎక్కువ సంఖ్యలో ద్విచక్రవాహనదారులు మృతి చెందినట్లు పోలీసులు నిర్ధారించారు. మార్చి 8వ తేదీన వేల్పూర్‌ మండలం అంక్సాపూర్‌ గ్రామశివారులోని ఆగివున్న లారీని ఢీకొని మోర్తాడ్‌ మండలంలోని దొన్కల్‌ గ్రామానికి చెందిన తండ్రీకొడుకులు మాడవేణి రవీందర్‌(54), శివరాజ్‌(24) కన్నుమూశారు. రోడ్డు రవాణా ఆదాయం రూ.14.63 కోట్లు జిల్లాలో హెవీ, మీడియం, లైట్‌ మోటార్‌ వేకిల్స్‌, మోటార్‌ సైకిల్‌, మోపెడ్‌, ట్రాక్టర్స్‌ తదితర వాహనాలు 5.17 లక్షలు ఉండగా, వాటి ద్వారా టాక్స్‌ల రూపంలో రూ.14.63 కోట్ల ఆదాయం సమకూరింది. జిల్లాలో ఎలక్ట్రిక్‌ వాహనాల విక్రయాలు పెరిగాయి.

క్షణికావేశంలో హ్యతలు, ఆత్మహత్యలు చోటు చేసుకున్నాయి. 2023లో 50 మంది హత్యకు గురికాగా, 66 మందిపై హత్యాయత్నాలు జరిగాయి. ఈ ఏడాదిలో 42 మంది హత్యకు గురికాగా, 47 మందిపై హత్యాయత్నం జరిగింది. గతేడాదితో పోలిస్తే ఈ ఏడాది హత్యలు, హత్యాయత్నాలు తగ్గాయి. నగరంలోని ఆరోటౌన్‌ పోలీస్‌స్టేషన్‌ పరిధిలో సెల్‌ఫోన్‌ వివాదంలో జరిగిన దాడిలో యాకూబ్‌ ఆనే వ్యక్తి మృతి చెందాడు. అలాగే నగరంలోని ఒకటో టౌన్‌ పోలీస్‌స్టేషన్‌ పరిధిలోని మిర్చి కంపౌండ్‌లో ఉన్న ఇనుప సామాను దుకాణం వద్ద నాందేడ్‌కు చెందిన వ్యక్తి హత్యకు గురయ్యాడు.

నిజామాబాద్‌నాగారం/నిజామాబాద్‌ రూరల్‌: నిప్పులాంటి నిజామాబాద్‌ బిడ్డనని, తాను ఏ తప్పూ చేయలేదని, ఎన్ని కేసులు పెట్టినా భయపడే ప్రసక్తే లేదని ఉమ్మడి జిల్లా ఎమ్మెల్సీ కల్వకుంట్ల కవిత అన్నారు. తమ పార్టీ అధినేత కేసీఆర్‌ను రాజకీయంగా ఎదుర్కోలేకే తనతోపాటు కేటీఆర్‌పై కాంగ్రెస్‌, బీజేపీలు కలిసి అక్రమ కేసులు పెడుతున్నాయని ఆరోపించారు. లిక్కర్‌ కేసులో జైలు నుంచి విడుదలైన తరువాత మొదటిసారి నిజామాబాద్‌ పర్యటనకు వచ్చిన కవితకు బీఆర్‌ఎస్‌ నాయకులు, కార్యకర్తలు, ప్రజలు ఆదివారం ఘనస్వాగతం పలి కారు. ఇందల్వాయి టోల్‌ప్లాజా వద్ద బీఆర్‌ఎస్‌ ఎంపీ కేఆర్‌ సురేశ్‌రెడ్డి, పార్టీ జిల్లా అధ్యక్షుడు, మాజీ ఎమ్మెల్యే జీవన్‌ రెడ్డి, మాజీ ఎమ్మెల్యే బాజీరెడ్డి గోవర్ధన్‌ తోపాటు బీఆర్‌ఎస్‌ నాయకులు, కార్యకర్తలు గజమాలతో ఆమెకు స్వాగతం పలికారు. అ క్కడి నుంచి వేలాది మందితో కలిసి భారీ ర్యాలీ నిర్వహించారు. నిజామాబాద్‌ నగరంలోని చంద్రశేఖర్‌కాలనీ చౌరస్తాలో నాయకులు, కార్యకర్తలు బ తుకమ్మలు, డప్పువాయిద్యాలతో స్వాగతం పలికా రు. అక్కడి నుంచి పాదయాత్రగా బయల్దేరిన కవిత సుభాష్‌నగర్‌లోని తెలంగాణ తల్లి విగ్రహాని కి పూలమాలలు వేసి నివాళులర్పించారు. ఈ సందర్భంగా ఆమె మాట్లాడుతూ.. అనేక ఇబ్బందులు, కష్టాలు ఎదురైనా పిడికిలి ఎత్తి అన్నింటినీ ఎదిరించి వచ్చానని అన్నారు. పోరాటం చేసి రాష్ట్రాన్ని తీసుకొచ్చిన వాళ్లమని, గట్టిగా నిలబడుతామని, ప్రజల పక్షాన పోరాటం చేస్తామన్నారు. హామీల అమలు లో రేవంత్‌ రెడ్డి సర్కార్‌ విఫలమైందని, గ్రామగ్రామానా హామీలపై కాంగ్రెస్‌ నాయకులను నిలదీ యాలని పిలుపునిచ్చారు. కాంగ్రెస్‌ ప్రభుత్వం రైతు లు, మహిళలు, యువత, ఉద్యోగులు, కార్మికులతోపాటు అన్ని వర్గాలను మోసం చేసిందని ధ్వజమెత్తారు. ఊరుకుంటే ప్రభుత్వం కదలదని, ప్రతి ఒక్క రూ ప్రభుత్వాన్ని ప్రశ్నించాలని అన్నారు. మహిళలక ఉచిత బస్సు అని చెప్పి బస్సుల సంఖ్య తగ్గించారని అన్నారు. బీఆర్‌ఎస్‌ సత్తాచాటి మరోసారి నిజామాబాద్‌ పవర్‌ను సీఎం రేవంత్‌రెడ్డికి రుచి చూపిద్దామని పిలుపునిచ్చారు. అనంతరం రాజ్యసభ సభ్యుడు కేఆర్‌ సురేశ్‌రెడ్డి మాట్లాడుతూ.. కాంగ్రెస్‌ అధికారంలోకి వచ్చిన ఏడాదిలోనే ప్రజాదరణ కోల్పోయిందన్నారు. ఆరు గ్యారెంటీలను అమలు చేయని కాంగ్రెస్‌కు చివరికి మిగిలేది ఆరు సీట్లేనని ఎద్దేవా చేశారు. రూరల్‌ మాజీ ఎమ్మెల్యే బాజిరెడ్డి గోవర్ధన్‌ మాట్లాడుతూ.. కాంగ్రెస్‌ ప్రభుత్వం తెలంగాణను దోచుకుని ఢిల్లీలో పెడుతుందన్నారు. ఓటుకు నోటు కేసులో దొరికిన దొంగ రేవంత్‌రెడ్డి అని విమర్శించారు. బీఆర్‌ఎస్‌ జిల్లా అధ్యక్షుడు, ఆర్మూర్‌ మాజీ ఎమ్మెల్యే జీవన్‌రెడ్డి మాట్లాడుతూ.. కాంగ్రెస్‌, బీజేపీలను వెంటాడుతామన్నారు. అర్బన్‌ మాజీ ఎమ్మెల్యే బిగాల గణేశ్‌గుప్తా మాట్లాడుతూ.. కవిత ఆరోగ్య బాగోలేక బతుకమ్మకు దూరంగా ఉంటే కాంగ్రెస్‌ ప్రభుత్వం బతుకమ్మను కనబడకుండా చేసిందని విమర్శించారు. జిల్లా పరిషత్‌ మాజీ చైర్మన్‌ విఠల్‌రావు, బోధన్‌ నియోజకవర్గ ఇన్‌చార్జి ఆయేషా ఫాతిమా, నాయకులు, కార్యకర్తలు తదితరులు పాల్గొన్నారు. తప్పు చేయలేదు.. భయపడే ప్రసక్తే లేదు కేసీఆర్‌ను ఎదుర్కోలేకే మాపై కేసులు రానున్నది బీఆర్‌ఎస్‌ శకం.. స్థానిక ఎన్నికల్లో సత్తా చాటుతాం నిజామాబాద్‌ ఉమ్మడి జిల్లా ఎమ్మెల్సీ కల్వకుంట్ల కవిత ఘనస్వాగతం పలికిన బీఆర్‌ఎస్‌ నాయకులు, కార్యకర్తలు

నిజామాబాద్‌ సిటీ : ఇందూరు నగర అభివృద్ధి, మౌలిక సదుపాయాల కల్పనకు కృషి చేస్తానని నుడా చైర్మన్‌, కాంగ్రెస్‌ నగర అధ్యక్షుడు కేశ వేణు అన్నారు. నగరంలోని 7, 8 డివిజన్‌లలో స్థానిక నాయకులతో కలిసి కేశ వేణు ఆదివారం పర్యటించారు. రోటరీనగర్‌ వాసులు కేశ వేణుకు తమ సమస్యలను ఏకరువు పెట్టారు. నగర అభివృద్ధికి నుడా నుంచి అవసరమైన మేరకు నిధులు విడుదలచేసే అవకాశం ఉంటే పరిశీలిస్తానన్నారు. ఇప్పటివరకు ఉన్న స్థానిక కార్పొరేటర్లు డివిజన్‌ అభివృద్ధిని పట్టించుకోకపోవడం కారణంగానే ఈ పరిస్థితి ఉందన్నారు. పీసీసీ చీఫ్‌ మహేశ్‌కుమార్‌గౌడ్‌, ఎమ్మెల్సీ షబ్బీర్‌ అలీ దృష్టికి తీసుకెళ్లి అభివృద్ధి పనులకు అదనపు నిధులు మంజూరు అయ్యేలా కృషిచేస్తానన్నారు. అనంతరం కేశ వేణును రోటరీకాలనీ సంఘం నాయకులు శాలువాతో సత్కరించారు. వేణువెంట రామర్తిగోపి, రమేశ్‌, బంటు రామ్‌కుమార్‌, వెంకటేశ్వర్‌ చారి, నరసింహస్వామి, స్వామిగౌడ్‌, సతీశ్‌, హన్మాండ్లు, దత్తు, సుభాచారి, సుదర్శన్‌, రూప్‌సింగ్‌ తదితరులున్నారు.

రెంజల్‌ పీఎస్‌లో లాకప్‌ డెత్‌ రెంజల్‌ పోలీస్‌స్టేషన్‌లో రత్నావత్‌ రెడ్యా అనే వ్యక్తి ఉరేసుకుని ఆత్మహత్య చేసుకున్నాడు. రెంజల్‌ మండలం వీరన్నగుట్ట ప్రాంతంలో మతిస్థిమితం లేని బాలికపై ఆత్యాచారం చేశాడనే కారణంతో రెడ్యాపై బాలిక బంధువులు దాడి చేశారు. స్థానికులు డయల్‌ 100కు ఫోన్‌ చేయడంతో పోలీసులు ఘటనాస్థలానికి చేరుకొని అతడిని స్టేషన్‌కు తరలించారు. అదే రోజు రాత్రి రెడ్యా ప్యాంట్‌ నాడాతో స్టేషన్‌లో ఆత్మహత్య చేసుకున్నాడు. దీనిపై మెదక్‌ జిల్లా తుప్రాన్‌ డీఎస్పీ వెంకట్‌రెడ్డితోపాటు జ్యుడీషియల్‌ విచారణ కొనసాగుతోంది. ఈ కేసులో కానిస్టేబుల్‌ సస్పెండ్‌ కాగా ముగ్గురికి షోకాజ్‌ నోటీసులు జారీ అయ్యాయి. ఫోరెన్సిక్‌, పోస్టుమార్టం రిపోర్టుల ఆధారంగా తదు పరి చర్యలు తీసుకుంటారని తెలుస్తోంది. ఇప్పటికే ఈ కేసులో 13 మందిపై కేసులు నమోదు కాగా ఏడుగురిని రిమాండ్‌కు తరలించారు. 15 మందికి జీవిత కారాగార శిక్ష మర్డర్‌, రేప్‌ కేసులతోపాటు వివిధ కేసుల్లో న్యాయస్థానం 15 మందికి జీవిత కారాగార శిక్ష విధించింది. అలాగే ఒకరికి పదేళ్లు, మరొకరికి ఏడేళ్లు, నలుగురికి ఐదేళ్లు, ఏడుగురికి మూడేళ్లు, నలుగురికి రెండేళ్లు, 44 మందికి సంవత్సరకాల శిక్ష పడింది. ఈ – చలానా రూపంలో జిల్లాలోని వాహనదారులకు పోలీసులు రూ.11.40 కోట్ల జరిమానా విధించారు. నగరంలోనే అత్యధికంగా జరిమానా విధించారు. మొత్తం 3,04,914 కేసులు నమోదు చేశారు. అలాగే 7,698 డ్రంక్‌ అండ్‌ డ్రైవ్‌ కేసులు నమోదు కాగా, రూ.88,90,451 జరిమానా వసూలు చేశారు. 165 మందికి జైలు శిక్ష పడింది.

జిల్లాలో ఈ ఏడాది రూ.1127.42 కోట్ల విలువైన మద్యం అమ్ముడుపోయింది. బీర్లు 20,36,435 కేస్‌లు, లిక్కర్‌ 10,69,573 కేస్‌లు విక్రయించారు. నార్కోటిక్‌ డ్రగ్స్‌, సైకోట్రోపిక్‌ సబ్‌స్టాన్సెస్‌(ఎన్‌డీపీఎస్‌) కేసులు 35 నమోదుకాగా 55 మందిని అరెస్ట్‌ చేశారు. 33.880 కిలోల ఎండుగంజాయిని స్వాధీనం చేసుకున్నారు. 1.20 కిలోల అల్ఫ్రాజోలం, 530 గ్రాముల పీహెచ్‌ను స్వాధీనం చేసుకుని 66 వాహనాలను సీజ్‌ చేశారు. 1765 కిలోల బెల్లం, 638 కిలోల పటికను ఎకై ్సజ్‌ పోలీసులు, ఎకై ్సజ్‌ ఎన్‌ఫోర్స్‌మెంట్‌ అధికారులు స్వాధీనం చేసుకున్నారు.

నవీపేట: నవీపేట మండల కేంద్రంలో బా సర రహదారిపై గల ప్రధాన రైల్వే గేట్‌ మరమ్మతు పనులు కొనసాగుతున్నాయి. ఈ నెల 26న ప్రారంభమైన పనులు 30 వరకు కొనసాగనున్నాయి. దీంతో నిజామాబాద్‌ నుంచి బాసర రహదారిపై రాకపోకలకు అంతరాయం ఏర్పడింది. సమాచారం తెలియక వాహనదారులు ఇబ్బందులు పడుతున్నా రు. ఇరుకుగా ఉన్న దర్యాపూరు చెరువు కట్ట పై నుంచి రాకపోకలు సాగించారు. ట్రాఫి క్‌ను క్రమబద్ధీకరించేందుకు పోలీసులు బందోబస్తు ఏర్పాటు చేశారు. సమగ్ర శిక్ష ఉద్యోగుల భిక్షాటన నిజామాబాద్‌అర్బన్‌: తెలంగాణ సమగ్ర శిక్ష ఉద్యోగుల సంఘం ఆధ్వర్యంలో 22వ రోజు సమ్మెలో భాగంగా ఉద్యోగులు శనివారం నగరంలోని ఎన్టీఆర్‌ చౌరస్తా నుంచి కోర్టు చౌరస్తా వరకు భిక్షాటన చేశారు. ప్రభుత్వ మొండి వైఖరికి నిరసనగా షాపులలో, పాదాచారులను భిక్షం అడిగి నిరసన వ్యక్తం చేశారు. తమ న్యాయమైన డిమాండ్ల పరిష్కారం కోసం చేస్తున్న నిరవధిక సమ్మెను ప్రభుత్వం విస్మరించడం బాధాకరమని సంఘం జిల్లా అధ్యక్ష కార్యదర్శులు కె రాజు, భూపేందర్లు పేర్కొన్నారు. పదిహేను ఇరవై సంవత్సరాల నుంచి సమగ్ర శిక్ష ఉద్యోగులు క్రమశిక్షణతో పని చేస్తున్నా కనీస వేతనాలు ఇవ్వడంలో ప్రభుత్వం ఎందుకు నిర్లక్ష్యం వహిస్తుందో తెలపాలన్నారు. ఉద్యోగులందరినీ రెగ్యులరైజ్‌ చేయాలని లేని పక్షంలో ఉద్యమం మరింత తీవ్రతం చేస్తామన్నారు. నిరసన కార్యక్రమంలో సమగ్ర శిక్ష ఉద్యోగుల సంఘం జిల్లా వర్కింగ్‌ ప్రెసిడెంట్‌ విజయ్‌, కోశాధికారి ప్రసాద్‌ , మహిళా అధ్యక్షురాలు గంగామణి, సుప్రజా, రాజు విద్యాసాగర్‌, పవిత్రన్‌, అప్సర్‌ ,సంతోష్‌, గిరీష్‌, రమేష్‌, మోహన్‌, జలంధర్‌, రాజమణి, రవి కిరణ్‌, తదితరులు పాల్గొన్నారు

● ఐక్యతతోనే పీఎంపీ, ఆర్‌ఎంపీలకు ప్రభుత్వ గుర్తింపు సాధ్యం ● ఎమ్మెల్సీ ప్రొఫెసర్‌ కోదండరాం డిచ్‌పల్లి(నిజామాబాద్‌రూరల్‌): ఆరోగ్య తెలంగాణలో గ్రామీణ వైద్యులది ప్రత్యేక స్థానమని ఎమ్మెల్సీ ప్రొఫెసర్‌ కోదండరాం అన్నారు. గ్రామీణ ప్రాంతాల్లో పేదలకు వైద్య సేవలందిస్తున్న పీఎంపీ,ఆర్‌ఎంపీ డాక్టర్ల ఐక్యత, ప్రజల నుంచి లభించే మద్దతు ద్వారా ప్రభుత్వం నుంచి గుర్తింపు సాధ్యపడుతుందన్నారు. శనివారం డిచ్‌పల్లి మండలం బర్ధిపూర్‌ శివారులోని అమృతాగార్డెన్స్‌లో ఆర్‌ఎంపీ, పీఎంపీ అసోసియేషన్‌ మహాసభ జరిగింది. నిజామాబాద్‌, కామారెడ్డి జిల్లాల నుంచి సుమారు వేయిమందికి పైగా పీఎంపీ, ఆర్‌ఎంపీ వైద్యులు హాజరయ్యారు. కోదండరాం ముఖ్య అతిథిగా హాజరై మాట్లాడారు. వైద్యుడు లేని చోట వైద్యం అందించే ఆర్‌ఎంపీ, పీఎంపీలకు ప్రభుత్వ గుర్తింపు తప్పనిసరి అని అన్నారు. గ్రామీణ వైద్యులు హద్దులు దాటి వైద్యం చేయరాదన్నారు. కార్యక్రమంలో జన విజ్ఞాన వేదిక వ్యవస్థాపక అధ్యక్షులు డాక్టర్‌ బ్రహ్మరెడ్డి, విజ్ఞాన దర్శిని రాష్ట్ర అధ్యక్షులు రమేష్‌, అనుభవ వైద్యుల సంఘాల సమాఖ్య రాష్ట్ర అధ్యక్షుడు శంకర్‌ ముదిరాజ్‌, తెలంగాణ పీఎంపీ అసోసియేషన్‌ వ్యవస్థాపక అధ్యక్షులు పుల్గం మోహన్‌, ఉపాధ్యక్షులు రవివర్మ, ప్రధాన కార్యదర్శి శ్రీనివాస్‌, కోశాధికారి పోశాద్రి, లక్ష్మీరాజం, వెంకటేశ్వర్లు, రాజు తదితరులు పాల్గొన్నారు.

డిచ్‌పల్లి(నిజామాబాద్‌రూరల్‌): రాష్ట్రంలో పెద్ద సంఖ్యలో ఉన్న ముదిరాజ్‌ కులస్తులు రాజకీయంగా చైతన్యం కావాలని తెలంగాణ ముదిరాజ్‌ మహాసభ రాష్ట్ర అధ్యక్షుడు చొప్పరి శంకర్‌ ముదిరాజ్‌ పిలుపునిచ్చారు. శనివారం డిచ్‌పల్లి మండలం బర్ధిపూర్‌ శివారులోని హోటల్‌లో ఏర్పాటు చేసిన సమావేశంలో ఆయన మాట్లాడారు. జనాభాలో 14.7 శాతం ఉన్న ముదిరాజ్‌ లకు చట్టసభల్లో, ఆర్థికంగా, సామాజికంగా, రాజకీయంగా ఎలాంటి లబ్ధి చేకూరడం లేదన్నారు. ఇతర బీసీ కులాల వారితో కలిసి ముదిరాజ్‌లు రాజకీయంగా పోరాడాల్సిన అవస రం ఉందన్నారు. రాష్ట్రంలో 46 వేల చెరువులు, కుంటలు, కొత్త ప్రాజెక్టుల ఏర్పాటుతో మత్య్సకారులకు ఉపాధి అవకాశాలు పెరిగాయన్నారు. గత ప్రభుత్వం జీవో నెంబర్‌ 6 జారీచేసింది. అయితే రాష్ట్రంలోని నిజామాబాద్‌ జిల్లాతో పాటు కొన్ని జిల్లాలలో అధికారులు జీవో నెంబర్‌ 6 ను అమలు చేయడంలో తీవ్ర నిర్లక్ష్యంగా వ్యవహరిస్తున్నారని ఆరోపించారు. ముదిరాజ్‌లకు గంగపుత్రులతో పాటు మత్య్సకార సహకార సంఘాలలో సభ్యత్వం ఇవ్వాలని డిమాండ్‌ చేశారు. చేపల పెంపకం కుటీర పరిశ్రమగా మారిస్తే ఎంతోమందికి ప్రయోజనం చేకూరుతుందన్నారు. కేజ్‌ కల్చర్‌ కోసం తాము ప్రభుత్వానికి విన్నవిస్తే ఉన్నతాధికారులు మాత్రం కార్పొరేట్‌ కంపెనీలకు కట్టబెట్టారని మండిపడ్డారు. కాంగ్రెస్‌ ప్రభుత్వం అధికారంలోకి వచ్చిన తర్వాత 14 డిమాండ్‌ లతో కూడిన వినతి పత్రం అందజేశామన్నారు. దివంగత ముఖ్యమంత్రి వైఎస్‌ రాజశేఖర్‌రెడ్డి 2009 లో ముదిరాజ్‌ లను బీసీ డీ నుంచి బీసీ ఏ గ్రూప్‌కు మార్చాలని జీవో నెంబరు 15 జారీ చేశారని తెలిపారు. ఆయన హఠాన్మరణం తర్వాత ఆ జీవోను అమలు చేయకపోవ డం దారుణమన్నారు. ముదిరాజ్‌లకు ఎమ్మెల్యే, ఎమ్మెల్సీ, స్థానిక సంస్థల ప్రజాప్రతినిధులుగా అన్ని పార్టీల వారు అవకాశాలు కల్పించాలని డిమాండ్‌ చేశారు. లేదంటే ఇతర బీసీ కులాల వారితో కలిసి స్థానిక సంస్థల ఎన్నికల్లో అధికార పార్టీ అభ్యర్థుల ఓటమికి ప్రయత్నిస్తామని శంకర్‌ ముదిరాజ్‌ హెచ్చరించారు. ముదిరాజ్‌ మహాసభ రాష్ట్ర ప్రధాన కార్య దర్శి శివన్న మాట్లాడుతూ బీసీ కమిషన్‌, డెడికేటెడ్‌ కమిటీలను కలిసి ముదిరాజ్‌ సమస్యలు, డిమాండ్లపై వినతిపత్రాలు అందజేశామన్నారు. కార్యక్రమంలో ముదిరాజ్‌ మహాసభ ఉపాధ్యక్షుడు బొజ్జ నారాయణ, జిల్లా అధ్యక్షుడు యాసాడ నర్సింగ్‌, ముదిరాజ్‌ జర్నలిస్టు సంఘం అధ్యక్షుడు సతీష్‌ , జిల్లా నాయకులు సంగమేశ్వర్‌, ఎల్లన్న, నారాయ ణ, ప్రసాద్‌, శ్రీనివాస్‌, సత్యనారాయణ, మురళి, బోజన్న, జనార్దన్‌, రాజేశ్వర్‌, కార్తీక్‌ పాల్గొన్నారు. ముదిరాజ్‌లకు మత్స్యసహకార సంఘాల్లో సభ్యత్వం కల్పించాలి తెలంగాణ ముదిరాజ్‌ మహాసభ రాష్ట్ర అధ్యక్షుడు చొప్పరి శంకర్‌ ముదిరాజ్‌

ఖలీల్‌వాడి: ప్రముఖ న్యాయ వాది గొర్రెపాటి మాధవరా వు (67) శనివారం నిజామాబాద్‌లోని ప్రైవేటు ఆస్పత్రి లో గుండెపోటుతో చికి త్స పొందుతూ మృతి చెందారు. జీవిత కాలం ఆయన మాన వ హక్కులు, పౌరహక్కుల కోసం పోరాటం చేశారు. పేదల తరఫున, ఉద్యమ కేసులను ఉచితంగా వాదించేవారు. తెలంగాణ ఉద్యమంలో ఉద్యమకారులు, విద్యార్థులపై పెట్టిన కేసులపై వాదించి ఉద్యమానికి సహకారంగా అందించారు. లా పూర్తి చేసిన తర్వాత చాలా మంది అప్రెంటిస్‌ చేసేవారికి గొర్రెపాటి మాధవరావు కేసులకు సంబంధించిన వివరాలను వాటిని ఎలా ఫేస్‌ చేయాలో వివరించేవారు. పోలీసుల రెండు బూట కపు ఎన్‌కౌంటర్‌లపై కోర్టులో కేసులు వేసి దేశ చరిత్రలో నిలిచారు. బాధిత కుటుంబాలకు నష్ట పరిహారం ఇప్పించారు. మరొక వ్యక్తిని దొంగతనం కేసులో బూటకపు ఎన్‌కౌంటర్‌ చేస్తే బాధితుల తరఫున వాదించి రూ. లక్ష ష్టపరిహారం ఇప్పించారు. ఇది రాష్ట్రవ్యాప్తంగా సంచలనం రేపింది. ● నగరంలోని ద్వారకా నగర్‌, శ్రామిక నగర్‌ గూడెంలలోని గుడిసె వాసులకు, కోటగల్లీ వాసుల ఇంటి స్థలాల కోసం పోరాడి పట్టాలు ఇప్పించారు. ఉద్య మకారులపై పెట్టిన ఔరంగాబాద్‌ కుట్ర కేసు వాదించి గెలిచారు. మాధవరావుకు ప్రభుత్వ ప్లీడరుగా అవకాశం వచ్చినా తిరస్కరించి, బాధితుల తరఫున న్యాయవాదిగా పని చేశారు. పౌరహక్కుల సంఘం జిల్లా అధ్యక్షులుగా, రాష్ట్ర సహాయ కార్యదర్శిగా 1983 నుంచి 1996 వరకు పని చేశారు. హక్కుల నేత బాలగోపాల్‌తో కలిసి 2004 నుంచి మానవహక్కుల వేదికలో భాగస్వామ్యం అయ్యారు. మానవహక్కుల వేదిక తెలంగాణ రాష్ట్ర మొదటి అధ్యక్షుడిగా 2019 నుంచి 2023గా పని చేశారు. హక్కులకు భంగం కలిగిన ప్రతి చోటా నిజనిర్ధారణ కమిటీలు వేసి నివేదికలు రాసేవారు. నిజామాబాద్‌లో జంపాల చంద్రశేఖర్‌ ప్రసాద్‌ స్మృతిలో ఏర్పాటు చేసిన ట్రస్ట్‌కు మేనేజింగ్‌ ట్రస్టీగా ఉన్నారు. అనేక పత్రికలకు వ్యాసాలు, పుస్తకాలు రాశారు. అనేక ప్రజాసంఘాల కార్యకర్తలకు తరగతులు బోధించారు. తెలంగాణ యూనివర్సిటీలో మొదటి తరం న్యాయశాస్త్ర విద్యార్థులకు తరగతులు బోధించారు. ● గొర్రెపాటి మాధవరావు రచనలు పదునైనవి. ముఖ్యమైన రచనలు ఆచరణలో గతి తర్కం (డిడి కోశాంబీ రాసింది తెలుగులోకి అనువాదం), కార్మిక చట్టాలు, ఆధునిక చైనా విప్లవం, విశ్వ మానవ హక్కుల ప్రకటన (ఐక్యరాజ్యసమితి మానవహక్కుల పత్రం తెలుగులోకి), జాతీయత లేని జాతీ య కాంగ్రెస్‌ ( తెలుగు అనువాదం) చేశారు. ● మాధవరావు పార్థివ దేహాన్ని ఆదివారం నిజామాబాద్‌ మెడికల్‌ కళాశాలకు, కళ్లను లయన్స్‌ క్లబ్‌కు అందించనున్నారు. అంతకు ముందు ఉ దయం 11 గంటలకు జిల్లా కేంద్రంలోని కోటగల్లీ నుంచి గొర్రెపాటి మాధవరావు పార్థివ దేహం యాత్ర ఉంటుంది. గొర్రెపాటి మాధవరావు పార్థివ దేహానికి మానవహక్కుల వేదిక నాయకులు వసంతలక్ష్మి, శాస్త్రవేత్త బాబూరావు, సీపీఐఎంఎల్‌ మాస్‌లైన్‌ రాష్ట్ర నాయకులు వి ప్రభాకర్‌, సీపీఐ ఎంఎల్‌ న్యూ డెమోక్రసీ జిల్లా కార్యదర్శి ఆకుల పాపయ్య, వేల్పూరు భూమయ్య, పరుచూరి శ్రీధర్‌, బార్‌ ఆసోసియేషన్‌ అధ్యక్షులు మల్లెపూల జగన్‌మోహన్‌గౌడ్‌, పౌరహక్కుల సంఘం నాయకులు వాల్గొట్‌ రవీందర్‌, వి. సంఘం, కొంగర శ్రీనివాస్‌రావు తది తరులు నివాళులు అర్పించారు. హక్కుల నేతగా పేరుపొందిన ప్రముఖ న్యాయవాది బూటకపు ఎన్‌కౌంటర్‌లపై కేసులు వేసి దేశ చరిత్రలో నిలిచారు పేదలు, ఉద్యమ కారులకు ఉచిత న్యాయ సేవలు అందించారు నివాళులు అర్పించిన మానవహక్కుల వేదిక, వామపక్షాల నేతలు

ఎస్సారెస్పీ● ముందుకు సాగని జక్రాన్‌పల్లి విమానాశ్రయం ప్రతిపాదనలు ● రైతులకు రుణమాఫీ, సన్నవడ్లకు బోనస్‌ ● మహాలక్ష్మి, గృహజ్యోతి పథకాల అమలు, ఇందిరమ్మ ఇళ్ల ప్రక్రియ ప్రారంభం ● పూర్తికావొచ్చిన సమగ్ర కుటుంబ సర్వే ● నీటి నిల్వ సామర్థ్యం తగ్గిన శ్రీరాంసాగర్‌ ప్రాజెక్టు ● ఉపాధ్యాయ నియామకాలు..సాక్షి ప్రతినిధి, నిజామాబాద్‌: ఎన్నికల్లో ఇచ్చిన హా మీ మేరకు వ్యవసాయ ఆధారిత పరిశ్రమల్లో ఆసి యా ఖండంలోనే ప్రఖ్యాతి గాంచిన నిజాం షుగర్స్‌ ఫ్యాక్టరీల ప్రారంభ ప్రక్రియను రాష్ట్ర ప్రభుత్వం మొదలు పెట్టింది. మంత్రులు, ఎమ్మెల్యేలు, ఎమ్మెల్సీలతో కమిటీ ఏర్పాటు చేసింది. ప్రైవేటు యాజమాన్యం పరిధిలో ఉన్న ఈ ఫ్యాక్టరీకి రూ.400 కోట్ల బ్యాంకు అప్పులు ఉండగా, ప్రభుత్వం వన్‌టైం సెటిల్‌మెంట్‌ కింద రూ.190 కోట్లు చెల్లించింది. ప్రత్యేక కమిటీ విడతల వారీగా రైతులతో సమావేశాలు నిర్వహించింది. ● అధికారుల నిర్లక్ష్యం మూలంగా రూ.417 కోట్ల విలువజేసే కస్టమ్‌ మిల్లింగ్‌ రైస్‌ను మిల్లర్లు ఇవ్వడం లేదు. డిఫాల్ట్‌ రైసు మిల్లర్లపై చర్యలు తీసుకోవడంలో అధికారులు పట్టింపులేకుండా వ్యవహరిస్తున్నారు. ● కొత్త ఉపాధ్యాయుల భర్తీ ప్రక్రియ పూర్తి చేశారు. 602 మందికి ఉద్యోగాలు వచ్చాయి. సాంకేతిక తప్పిదం జరిగిందంటూ నలుగురి వద్ద నుంచి నియామక పత్రాలను అధికారులు తిరిగి తీసుకున్నారు. ● జిల్లాకు ఇంజినీరింగ్‌ కళాశాలను మంజూరు చేస్తూ రాష్ట్ర మంత్రివర్గ ఉపసంఘం తీర్మానం చేసింది. మరోవైపు జిల్లాకు నవోదయ పాఠశాలను కేంద్ర ప్రభుత్వం మంజూరు చేసింది. తెలంగాణ యూనివర్సిటీ వీసీగా ఆచార్య యాదగిరిరావు నియమితులయ్యారు. సంక్షేమ, గురుకుల పాఠశాల మెనూ చార్జీలను ప్రభుత్వం భారీగా పెంచింది. జిల్లాలో అమ్మ ఆదర్శ పాఠశాలల ద్వారా ప్రభుత్వ పాఠశాలలకు మెరుగులు దిద్దారు. జిల్లాలో 1192 పాఠశాలలు ఉండగా 792 పాఠశాలలను ఎంపిక చేశారు. రూ.39.38 కోట్లు కేటాయించారు. ● మహాలక్ష్మి పథకంలో భాగంగా నిజామాబాద్‌ రీజియన్‌ పరిధిలో 1,69,73,712 మంది మహిళలు ఆర్టీసీ బస్సుల్లో ఉచిత ప్రయాణం చేశారు. ఆర్టీసీకి రూ.55.44 కోట్ల ఆదాయం సమకూరింది. ● నవంబర్‌ 6 నుంచి జిల్లాలో సమగ్ర కుటుంబ సర్వే ప్రారంభమైంది. నివాస గృహాలను 3,245 బ్లాక్‌లుగా విభజించి 3,343 మంది ఎన్యుమరేటర్లు , 370 మంది సూపర్‌వైజర్లు సర్వే చేశారు. 75 అంశాలు, 56 కాలమ్స్‌లో ఈ సర్వే నడిచింది. ● జిల్లాకు 108 అంబులెన్స్‌లు తొమ్మిది వచ్చాయి. జీజీహెచ్‌లో కొత్తగా 102 మంది రెగ్యులర్‌ స్టాఫ్‌ నర్సులు విధుల్లో చేరారు. మాత శిశుసంరక్షణ కేంద్రంతో పాటు, క్రిటికల్‌ కేర్‌, ఎన్‌సీడీ కేంద్రాలను ప్రారంభించారు. ●●● శ్రీరాంసాగర్‌ జలాశయం పూడికతీత కోసం ప్రపంచస్థాయి సాంకేతికత ఉపయోగించనున్నట్లు మంత్రి ఉత్తమ్‌కుమార్‌రెడ్డి తెలిపారు. కాగా ఈ ఏడాది ప్రారంభంలో జలాశయంలో నీటి నిల్వ సామర్థ్యం 90 టీఎంసీల నుంచి 80.5 టీఎంసీలకు తగ్గినట్లు అధికారులు నిర్ధారించారు. కాళేశ్వరం ప్రాజెక్టులో భాగంగా మంచిప్ప వద్ద జలాశయాన్ని 3.5 టీఎంసీల సామర్థ్యం నుంచి 0.8 టీఎంసీలకు తగ్గించారు. ఇందిరమ్మ ఇళ్లు ● జిల్లాలో ఇందిరమ్మ ఇళ్ల పథకం అమలు కోసం మొదటి ప్రజాపాలనలో దరఖాస్తు చేసుకున్నవారిని గుర్తించి ఇంటింటి సర్వే చేస్తున్నారు. ● ఆరోగ్యశ్రీ కింద 24,804 మందికి వివిధ రకాల ప్రైవేట్‌, ప్రభుత్వ ఆస్పత్రుల్లో సేవలందించారు. ఇందుకు రూ.55.72 కోట్లు ఖర్చు చేశారు. వైద్యఆరోగ్య శాఖలో కొత్తగా 13 మంది మెడికల్‌ ఆఫీసర్లు, 40 మంది స్టాఫ్‌ నర్సులు విధుల్లో చేరారు. కాంట్రాక్టు పద్ధతిలో 13 మంది ఎమ్‌ఎల్‌హెచ్‌పీ, 30 మంది సాఫ్‌ నర్సు పోస్టులను భర్తీ చేశారు. కొత్తగా ఆర్మూర్‌లో ఒక సబ్‌ సెంటర్‌ ఏర్పాటు చేశారు. చందూర్‌లో సబ్‌సెంటర్‌ నిర్మాణానికి భూమి పూజ చేశారు. గృహజ్యోతి 2,650 కొత్త వ్యవసాయ విద్యుత్‌ కనెక్షన్లను ఇచ్చారు. జిల్లాలో మొత్తం 1,85,000 విద్యుత్‌ కనెక్షన్లు ఉన్నాయి. గృహజ్యోతి కింద 200 యూనిట్ల లోపు ఉచిత విద్యుత్‌ సౌకర్యానికి 2,79,000 గృహాలను గుర్తించారు. ఇందులో 2,50,000 గృహాలకు మాత్రమే పథకాన్ని అమలు చేస్తున్నారు. నెలకు రూ.10 కోట్ల చొప్పున ప్రభుత్వం కేటాయిస్తోంది. జిల్లాలో ఓవర్‌లోడ్‌, విద్యుత్‌ కోతలను నివారించేందుకు 33/11 సబ్‌స్టేషన్లు కొత్తగా మంజూరు చేశారు. రుణమాఫీ రాష్ట్ర ప్రభుత్వం 1,00,612 మంది రైతులకు రూ.782.31 కోట్లు రుణమాఫీ చేసింది. ఈ ఏడాది వానాకాలంలో 5.52 లక్షల ఎకరాల్లో పంటలు సాగయ్యాయి. జిల్లాలో సన్నవడ్ల బోనస్‌ కింద 48,500 మంది రైతులకు రూ.158 కోట్లు ఖాతాల్లో జమ చేసింది. మరో రూ.35 కోట్లు బోనస్‌ చెల్లించాల్సి ఉంది. 967 చెరువుల్లో 2.27 లక్షల చేప పిల్లలు పోయాలని లక్ష్యం ఉండగా, ఇప్పటివరకు 78 శా తం పంపిణీ పూర్తి చేశారు. హరితహారం కింద గ్రామీణాభివృద్ధి శాఖ ఆధ్వర్యంలో 25.11 లక్షల మొక్కలు నాటారు. బ్యాంకు లింకేజీ రుణాలు రూ.1228.71 కోట్లు 20,350 మహిళా సంఘాలకు అందించే లక్ష్యానికి గాను రూ.931.06 కోట్లు, 11360 మహిళా సంఘాలకు అందించారు. శ్రీనిధి పథకం ద్వారా రూ.211 కోట్లు మహిళా సంఘాలకు రుణాలు అందించే లక్ష్యానికి ఇప్పటివరకు రూ.120 కోట్లు అందించారు. ఉపాధి హామీ పథకం ద్వారా 46 లక్షల పని దినాలు పూర్తికాగా, రూ.91 కోట్లు కూలీలకు చెల్లించారు.