‘‘నేను చాలా షోస్‌కి గెస్ట్‌గా వెళ్లాను. హోస్ట్‌గానూ చేశాను. గెస్ట్‌గా ఉన్నప్పుడు ఆలోచించి మాట్లాడాల్సి ఉంటుంది. అందుకే, గెస్ట్‌గా ఉండడం కంటే హోస్ట్‌గా ఉండడమే సులభమని అర్థమైంది’’ అని హీరో రానా అన్నారు. ఆయన వ్యాఖ్యాతగా చేస్తున్న ‘నెం.1 యారీ’ గేమ్‌ 3వ సీజన్‌ ఓటీటీ వేదిక ‘ఆహా’లో సందడి చేయనుంది. విలేకరుల సమావేశంలో రానా మాట్లాడుతూ– ‘‘ఇప్పటి వరకు చేసిన సీజన్స్‌కు డిఫరెంట్‌గా, కొత్తగా మూడో సీజన్‌ ఉంటుంది. ట్రంప్‌ కార్డ్‌ గేమ్‌ షోను సినీ స్టార్స్‌తో ఆడనున్నాం’’ అన్నారు.

టాలీవుడ్‌ నటుడు రానా దగ్గుబాటి మరోసారి మరోసారి బుల్లితెర మీద హోస్ట్‌గా అలరించేందుకు రెడీ అవుతున్నాడు. ‘నెం 1 యారి’ అనే టాక్‌ షోకు రెండు సీజన్లకు గానూ.. రానా హోస్ట్‌గా వ్యవహరించిన సంగతి తెలిసిందే. ఇప్పడు మూడో సీజన్‌తో మరోసారి అలరించడానికి  సిద్ధమయ్యాడు. ఇప్పటికే రామా నాయుడు స్టూడియోలో దీనికి సంబంధించిన టీజర్‌ షూట్‌ను కూడా చిత్రీకరించినట్లు సమాచారం. అయితే 2020 మార్చిలోనే సీజన్‌-3  ప్రారంభం కావాల్సి ఉండగా, కరోనా కారణంగా బ్రేక్‌ పడింది. ఆ తర్వాత రానా వివాహం, విరాట పర్వం షూటింగ్‌ ఉండటంతో మరికొంత కాలం ఈ షోను వాయిదా వేస్తూ వచ్చారు. ఇక ఈ మధ్యే టీజర్‌ను చిత్రీకరించడంతో అతి త్వరలోనే నెం 1 యారి మూడో సీజన్‌ ప్రేక్షకుల ముందుకు రానున్నట్లు సమాచారం​. గత రెండు సీజన్లు రేటింగ్‌ పరంగా దూసుకుపోవడంలో రానా సక్సెస్‌ అయ్యారు. తన హోస్టింగ్‌తో హుషారెత్తించారు. త్వరలోనే బుల్లితెరపై నెం 1 యారి సీజన్‌-3 ప్రారంభం కానుండగా, ఎన్టీఆర్‌ వ్యాఖ్యాతగా మీలో ఎవరు కోటీశ్వరుడు షో కూడా ప్రసారం కానుంది. ఈ రెండు షోలు జెమిని ఛానల్‌లోనే టెలికాస్ట్‌ కానున్నాయి. ఇది ఫ్యాన్స్‌కు పండుగ లాంటిదే. ఒకేసారి ఇద్దరు స్టార్‌ హీరోలు బుల్లితెరపై సందడి చేయనుండటంతో ఎంటర్‌టైన్మెంట్‌ డోస్‌ కూడా డబల్‌ కానుంది.  చదవండి :  (త్రివిక్రమ్‌ డైరెక్షన్‌లో ఎన్టీఆర్; మొత్తం 60 ఎపిసోడ్‌లు!) (ఆస్కార్ బరిలో సూర్య సినిమా.. భారత్‌ నుంచి ఆ ఒక్కటే)

మెగా పవర్‌స్టార్‌ రామ్‌ చరణ్‌, మాస్‌ డైరెక్టర్‌ బోయపాటి శ్రీను కాంబినేషన్‌లో వస్తోన్న క్రేజీ చిత్రం వినయ విధేయ రామ. ఇప్పటికే రిలీజ్‌ చేసిన టీజర్‌, ట్రైలర్‌, సాంగ్స్‌ సోషల్‌ మీడియాలో హల్‌చల్‌ చేస్తుండగా.. సినిమా ప్రమోషన్‌ కార్యక్రమాలను మొదలుపెట్టింది చిత్రయూనిట్‌. దీనిలో భాగంగానే రానా హోస్ట్‌ చేస్తోన్న నెం.1 యారీ సీజన్‌2లో రామ్‌ చరణ్‌, కియారా అద్వాణీ పాల్గొన్నారు. మొదటి సీజన్‌ విజయవంతం కావడంతో.. రెండో సీజన్‌ను విజయ్‌ దేవరకొండతో ఫుల్‌ జోష్‌లో ప్రారంభించాడు రానా. ఇక ఈ మధ్యే బాలయ్య, క్రిష్‌లు ఈ కార్యక్రమంలో సందడి చేశారు. ఇప్పుడిక చెర్రీ, కియారాల వంతు వచ్చింది. దీనిపై రానా ట్విటర్‌లో స్పందిస్తూ..‘ఈ ఏడాదిలో ఫస్ట్‌ టైమ్‌ చేసిన షూట్‌, ఈ సీజన్‌కు చేసిన లాస్ట్‌ షూట్‌ రెండూ నా నెం.1 యారీతోనే.. చూస్తూ ఉండండి’ అంటూ రామ్‌ చరణ్‌ గురించి చెప్పాడు. జనవరి 11న ‘వినయ విధేయ రామ’ చిత్రం ప్రేక్షకుల ముందుకు రానుంది. First day of shoot this year and the last shoot for @No1YaariShow season2. Shooting with my no.1......stay tuned!! — Rana Daggubati (@RanaDaggubati) January 4, 2019


 బాహుబలి ప్రాజెక్టుతో అంతర్జాతీయ స్థాయిలో గుర్తింపు తెచ్చుకున్న యంగ్ హీరో దగ్గుబాటి రానా బుల్లితెరపై సందడి చేయనున్నాడు. భల్లాలదేవగా ఆకట్టుకున్న రానా త్వరలో 'నెంబర్ వన్ యారీ విత్ రానా' అనే షోకు వ్యాఖ్యాతగా వ్యవహరించనున్నాడు. కేవలం సెలబ్రిటీలు మాత్రమే పాల్గొనే ఈ షోకు సంబంధించిన ఓ ప్రోమో సోషల్ మీడియాలో వైరల్ గా మారింది. బాహుబలి దర్శకుడు రాజమౌళికి హీరో ప్రభాస్ షాకింగ్ రియాక్షన్ ఇవ్వడమే ఇందుకు ప్రధాన కారణంగా కనిపిస్తోంది. 
  
 త్వరలో ప్రారంభంకానున్న ఈ షోలో రాజమౌలి పొల్గొననున్నట్లు తెలిపే ఓ వీడియో సోషల్ మీడియాలో పోస్ట్ చేశారు. షోలో పాల్గొన్న సందర్భంగా రాజమౌళి , హీరో ప్రభాస్ కు ఫోన్ చేసి షాకివ్వగా.. యంగ్ రెబల్ స్టార్ దర్శకుడు ఊహించని రియాక్షన్ ఇచ్చాడు. షో నుంచి రాజమౌళి, బాహుబలి హీరో ప్రభాస్ కు కాల్ చేసి 'ఎక్కడున్నావ్.. కలవాలని ఉందని' అంటాడు. ఎందుకు ఏమైనా పని ఉందా అని ప్రభాస్ అడుగుతాడు. బాహుబలి పార్ట్-3 తీయాలనుకుంటున్నానని రాజమౌళి చెప్పగానే.. 'అమ్మ.. నీయమ్మ' అని ప్రభాస్ అనేస్తాడు. ఇక చూడండీ.. రాజమౌళితో పాటు 'భల్లాలదేవ' రానా గట్టిగా నవ్వేస్తారు. ప్రస్తుతం ఈ వీడియో సోషల్ మీడియాలో హల్ చల్ చేస్తూ అభిమానులను ఆకట్టుకుంటోంది. ఇప్పటికే బాహుబలి ప్రాజెక్టు కోసం దాదాపు ఐదేళ‍్లు వెచ్చించడంతో ప్రభాస్‌ అలా స్పందించాడని నెటిజన్లు అభిప్రాయపడుతున్నారు.


 బాహుబలి సినిమాతో జాతీయ స్థాయిలో గుర్తింపు తెచ్చుకున్న యంగ్ హీరో రానా బుల్లితెరపై సందడి చేయనున్నాడు. టాలీవుడ్తో పాటు కోలీవుడ్, బాలీవుడ్ లోనూ మంచి ఫాలోయింగ్ ఉన్న యంగ్ హీరో రానా త్వరలో యాంకర్ అవతారం ఎత్తనున్నాడు. నెంబర్ వన్ యారీ విత్ రానా అనే షోకు రానా వ్యాఖ్యాతగా వ్యవహరించనున్నాడు. కేవలం సెలబ్రిటీలు మాత్రమే పాల్గొనే ఈ షో కాఫీ విత్ కరణ్ తరహాలో రూపొందనుంది.
 
 ఈ షోకు సంబంధించిన టీజర్ ను ఈ రోజు సాయంత్రం ఐదు గంటలకు రిలీజ్ చేయనున్నాడు రానా. ఈ విషయాన్ని తన సోషల్ మీడియా ద్వారా వెల్లడించిన భల్లాలదేవ.. ఓ పోస్టర్ ను కూడా రిలీజ్ చేశాడు. అయితే ఈ కార్యక్రమం ఏ ఛానల్ లో ప్రసారం కానుందో వెల్లడించలేదు. ఈ మధ్యే మరో యంగ్ హీరో ఎన్టీఆర్ కూడా యాంకర్ అవతారం ఎత్తాడు. నార్త్లో సూపర్ హిట్ అయిన బిగ్ బాస్ షోను సౌత్లో తమిళ నాట కమల్ హాసన్, తెలుగులో ఎన్టీఆర్ హోస్ట్ చేయనున్నారు.
 
 TV a space Ive always been fascinated with, for the first time, direct to your home as TV Host 'No1 Yaari with Rana' teaser at 5pm #No1Yaari pic.twitter.com/KffNiR8Xfn
 — Rana Daggubati (@RanaDaggubati) 14 June 2017