గుంటూరు: గుంటూరు జిల్లాలో ఆర్టీసీ బస్సుకు పెను ప్రమాదం తృటిలో తప్పింది.  శనివారం సత్తెనపల్లి నుంచి అమరావతి వెళ్తున్న ఆర్టీసీ బస్సు డ్రైవర్ చేతిలోని స్టీరింగ్ అకస్మాత్తుగా విరిగింది. దాంతో బస్సు డ్రైవర్ సడన్ బ్రేకు వేశారు. వేగంగా వెళ్తున్న బస్సు పక్కనే ఉన్న పంట పొలాల్లోకి దూసుకు పోయి.. పొలం గట్టును ఢీ కొట్టి ఆగింది.
 అప్పటికే తీవ్ర భయాందోళనతో బిగ్గరగా కేకలు వేస్తున్న ప్రయాణికులు బస్సు ఆగిపోవడంతో ఊపిరి పీల్చుకున్నారు. ఈ ఘటన జరిగిన సమయంలో బస్సులో 40 మంది ప్రయాణికులు ఉన్నారు.