90ల నాటి నోకియా ఫీచర్‌ ఫోన్లు చాలా మందికి గుర్తుండే ఉంటాయి. ముఖ్యంగా అందులో ఉన్న స్నేక్‌ గేమ్‌ అంటే అప్పటి పిల్లలకు చాలా ఇష్టం. పెద్దలు కూడా ఈ ఫోన్లు వాడటానికి ఇష్టపడేవారు. అప్పటి ఫోన్లలో కొన్ని మోడళ్లను కొత్త సాఫ్ట్‌వేర్‌తో మళ్లీ మార్కెట్‌లోకి తీసుకొస్తోంది నోకియా. నోకియా 130, నోకియా 150 మోడల్‌ ఫీచర్‌ ఫోన్లను నూతన సాఫ్ట్‌వేర్‌తో తీసుకొస్తున్నట్లు నోకియా తాజాగా ప్రకటించింది. స్మార్ట్‌ఫోన్లతో విసిగిపోయినవారికి, తమ సమయమంతా వృధా అవుతోందని, వాటికి దూరంగా ఉండాలనుకునేవారికి ఈ ఫీచర్‌ ఫోన్లు పరిష్కారంగా నిలుస్తాయి. ఇప్పటికే  స్మార్ట్‌ఫోన్లు ఉన్నవారు వీటిని సెకండరీ ఫోన్లుగా వినియోగించవచ్చు. మరో చవక మొబైల్‌.. అతితక్కువ ధరకే సరికొత్త స్మార్ట్‌ఫోన్‌ విడుదల నోకియా 130 స్పెసిఫికేషన్లు నోకియా 130 ఫోన్‌లో 2.4 అంగుళాల QVGA డిస్‌ప్లే ఉంటుంది. 1450 mAh రిమూవబుల్‌ బ్యాటరీ వస్తుంది. ఇందులో కెమెరా ఆప్షన్‌ ఉండదు. 12 కీల నావిగేషనల్‌ కీప్యాడ్‌ ఉంటుంది. అందరికీ ఇష్టమైన స్నేక్‌ గేమ్‌ సరికొత్త వెర్షన్‌ ఇందులో ఉంటుంది. నోకియా 150 స్పెసిఫికేషన్లు ఇందులోనూ 2.4 అంగుళాల QVGA డిస్‌ప్లే, 1450 mAh రిమూవబుల్‌ బ్యాటరీ వస్తాయి. ఈ బ్యాటరీ నెల రోజుల స్టాండ్‌బై టైం ఇస్తుంది. పాటలు వినేందుకు ఎఫ్‌ఎం రేడియో ఉంటుంది. ఇక 0.3 ఎంపీ కెమెరా వస్తుంది. మైక్రో ఎస్‌డీ కార్డ్‌ ద్వారా డేటాను స్టోర్‌ చేసుకోవచ్చు. Amazon Great Freedom Festival Sale 2023: లేటెస్ట్‌ స్మార్ట్‌ఫోన్‌లపై భారీ డిస్కౌంట్లు! గ్రేట్ ఫ్రీడమ్ ఫెస్టివల్ షురూ..


 
 
 హెచ్‌ఎండీ గ్లోబల్‌ గత నెలలోనే నోకియా 105 ఫోన్‌తో పాటు నోకియా 130 ఫీచర్‌ ఫోన్‌ను ఆవిష్కరించిన సంగతి తెలిసిందే. వెంటనే కొత్త నోకియా 105 ఫోన్‌ రూ.999కే అందుబాటులోకి తీసుకొచ్చినప్పటికీ, కొత్త నోకియా 130 మాత్రం ఎప్పడి నుంచి అందుబాటులో ఉంటుంది, ఎంత ధరకు విక్రయించనుందో కంపెనీ వెల్లడించలేదు. ప్రస్తుతం ఈ కొత్త నోకియా 130 ఫోన్‌ ధరను హెచ్‌ఎండీ గ్లోబల్‌ ప్రకటించింది. అంతేకాక దేశవ్యాప్తంగా ఉన్న అన్ని మొబైల్‌ రిటైల్‌ స్టోర్లలో దీన్ని అందుబాటులో ఉంచినట్టు తెలిపింది. 1,599 రూపాయలకు లభ్యమయ్యే ఈ ఫోన్‌, మూడు రంగుల్లో మార్కెట్‌లోకి వచ్చింది. రెడ్‌, గ్రే, బ్లాక్‌ రంగుల్లో డ్యూయల్‌ సిమ్‌ వేరియంట్‌ను ఈ ఫోన్‌ కలిగి ఉంది.
  
 నోకియా 130 ఫీచర్లు...
 1.8 అంగుళాల క్యూవీజీఏ డిస్‌ప్లే
 ఎల్‌ఈడీ టార్చ్‌ లైట్‌
 మైక్రోఎస్డీ కార్డు ద్వారా 32జీబీ వరకు విస్తరణ మెమరీ
 వీజీఏ రియర్‌ కెమెరా
 బిల్ట్‌ఇన్‌ ఎఫ్‌ఎం రేడియో, మ్యూజిక్‌ ప్లేయర్‌, బ్లూటూత్‌
 30+ ఆపరేటింగ్‌ సిస్టమ్‌
 1020ఎంఏహెచ్‌ బ్యాటరీ
 పాపులర్‌ స్నేక్‌ గేమ్‌తో పాటు పలు రకాల గేమ్స్‌