మెట్‌పల్లి: చెత్త కుప్పలో దొరికిన రూ.1.20లక్షలను పోగొట్టుకున్న వ్యక్తికి ఇచ్చి నిజాయితీని చాటుకున్న మున్సిపల్‌ పారిశుధ్య కార్మికురాలు మద్దెల లక్ష్మిని గురువారం పలువురు అభినందించారు. మున్సిపల్‌ కార్యాలయంలో చైర్‌పర్సన్‌ మర్రి ఉమారాణి, కమీషనర్‌ అయాజ్‌లు, బీసీ సంఘం నాయకులు అందె మారుతి, బొడ్ల రమేశ్‌లు సన్మానించారు. అలాగే 9వార్డులో కౌన్సిలర్‌ గైనీ లావణ్యతో పాటు స్థానికులు లక్ష్మీ దంపతులను అభినందించారు.    


 ఢిల్లీ: మంచితనానికి, నిజాయితీకి అద్దం పడుతోంది ఈ ఘటన. సోమవారం నగరంలోని మెట్రో రైళ్లో ప్రయాణించిన ఓ మహిళ తన వద్దనున్న లక్ష రూపాయల బ్యాగ్ ను మరిచిపోయింది. అయితే ఆ బ్యాగ్ ను రైల్వే పోలీసులు కంటబడటంతో దాన్ని వారు స్వాధీనం చేసుకున్నారు. అనంతరం ఆ బాధిత మహిళ రైల్వే పోలీసులను ఆశ్రయించడంతో ఆ బ్యాగ్ ను తిరిగి అప్పగించి శభాష్ అనిపించుకున్నారు.