సాక్షి, సిటీబ్యూరో: నగరానికి చెందిన బాలురు, యువతి వాస్తవాలను మరిచి స్టంట్స్‌ చేస్తున్నారు. రియాల్టీ షోల కోసం, రియల్‌ హీరోయిజం చూపడానికి రెచ్చిపోతున్నారు. ఫలితంగా ప్రాణాలు కోల్పోవడం.. తీయడం చేస్తూ కన్నవాళ్లకు కడుపు కోతను మిగుల్చుతున్నారు. ఒకప్పుడు ఓల్డ్‌ సిటీలో చేపట్టిన ఆపరేషన్‌ చబుత్ర మంచి ఫలితాలు ఇచ్చింది.   ► కరోన ప్రభావంతో గత ఏడాది నుంచి అది ఆగిపోవడంతో పరిస్థితి మళ్లీ తప్పింది. గత వారం డబీర్‌పురా పరిధిలో చోటు చేసుకున్న మహ్మద్‌ అద్నాన్‌ ఉదంతం తీవ్ర కలకలం రేపింది. దీన్ని మరిచిపోక ముందే 2015లో మీర్‌చౌక్‌ ప్రాంతంలో జరిగిన స్ట్రీట్‌ఫైట్‌ కేసు కోర్టులో వీగిపోవడం పోలీసులకు శరాఘాతంగా మారింది.  మేల్కొన్న మూడు కమిషనరేట్ల అధికారులు మళ్లీ ఆపరేషన్‌ చబుత్రలు మొదలెట్టారు.  తరచు విషాదాలు...  ► నగరంలో తరచు ఏదో ఒక ఉదంతం వెలుగులోకి వస్తూనే ఉంటోంది. టీవీ షోల ప్రభావానికి లోనవుతున్న వారిలో టీనేజర్లే ఎక్కువగా ఉంటున్నారు రెజ్లింగ్‌తో ప్రేరణ పొందిన కొందరు యువకులు 2015 మేలో పాతబస్తీలో వీరంగం సృష్టించారు.  ► ఫంజెషా బస్తీలో ఏడుగురు యువకుల మధ్య ప్రారంభమైన పందెం స్ట్రీట్‌ ఫైట్‌కు దారి తీసింది. 17 ఏళ్ల నబీల్‌ ప్రాణాలు కోల్పోయాడు. ఈ కేసు ఇటీవల నాంపల్లి కోర్టులో వీగిపోయింది.  ► బార్కాస్‌ ప్రాంతానికి చెందిన జలాలుద్దీన్‌(19) శాలిబండలోని గౌతం జూనియర్‌ కాలేజీలో ఇంట ర్‌ ప్రథమ సంవత్సరం చదివేవాడు. కలర్స్‌ చానల్‌ నిర్వహించిన ‘ఇండియాస్‌ గాట్‌ టాలెంట్‌’ రియాల్టీ షోలో పాల్గొనాలనే కోరిక ఇతడికి ఉండేది.  ► ‘ఫియర్‌ ఫ్యాక్టర్‌–ఖత్రోంకే ఖిలాడీ’ సిరీస్‌కు ఎంట్రీ వీడియో తీసే ప్రయత్నాల్లో ఒంటికి నిప్పు పెట్టుకున్నాడు. 60 శాతం కాలి ఐదు రోజుల పాటు చికిత్సపొంది తుదిశ్వాస విడిచాడు.  బైక్‌ రేసులు సైతం...  ఓ ప్రాంతంలో నిఘా ఉంచి ‘రేసర్లను’ పట్టుకుంటున్నారు. వారితో పాటు తల్లిదండ్రుల్నీ పిలిచి కౌన్సిలింగ్‌ చేస్తున్నారు. ఈ చర్యలతో కొన్ని రోజులు మిన్నకుండిపోతున్న యువత... ఆపై ప్లేసులు మార్చి మళ్లీ రెచి్చపోతున్నారు.   


 - పాతబస్తీలో ఆపరేష్‌న్‌ చబుత్రా
 హైదరాబాద్‌: నగరంలోని పాతబస్తీలో శుక్రవారం రాత్రి పోలీసులు ఆపరేషన్‌ చబుత్ర నిర్వహించారు. బస్తీలోని పలు ప్రాంతాల్లో అర్ధరాత్రి దాటాక గుమిగూడి కాలక్షేపం చేస్తున్న 267 మంది యువకులను పోలీసులు అదుపులోకి తీసుకున్నారు. వీరిలో మైనర్లు కూడా ఉన్నారు.
 
 గతంలో నిర్వహించిన ఆపరేషన్‌లో పట్టుబడి.. మళ్లీ ఇప్పుడు చిక్కిన వారిపై పెట్టీ కేసుల నమోదు చేశారు. పలువురు అనుమానితుల నుంచి వేలి ముద్రలు సేకరించారు. శనివారం యువకుల తల్లిదండ్రుల సమక్షంలో వారికి కౌన్సెలింగ్‌ నిర్వహించనున్నట్లు ఉన్నతాధికారులు వెల్లడించారు.


 హైదరాబాద్‌: అర్ధరాత్రి వరకు రోడ్డు పై తిరుగుతూ.. స్థానికులకు ఇబ్బందులకు గురిచేస్తున్న యువకులను పోలీసులు అదుపులోకి తీసుకున్నారు. నగరంలోని చాదర్‌ఘాట్‌ పోలీస్‌స్టేషన్‌ పరిధిలో శనివారం రాత్రి పోలీసులు ఆపరేషన్‌ చబుత్ర నిర్వహించారు. ఈ ఆపరేషన్‌లో 80 మంది ఆకతాయిలను అదుపులోకి తీసుకున్నారు.
  
 దక్షిణ మండల పోలీసుల ఆధ్వర్యంలో రాత్రి జరిగిన ఈ ఆపరేషన్‌లో సరైన పత్రాలు లేని 20 ద్విచక్రవాహనాలను స్వాధీనం చేసుకున్నారు. ఆకతాయిలకు వాళ్ల కుటుంబ సభ్యుల ఎదుటే కౌన్సెలింగ్‌ నిర్వహిస్తామని పోలీసులు తెలిపారు. 


 హైదరాబాద్ నగరంలోని పాతబస్తీలో రహదారులపై అర్థరాత్రి వరకు హల్చల్ చేస్తున్న యువతను కట్టడి చేసేందుకు పోలీసులు మరోసారి రంగంలోకి దిగారు. అందులోభాగంగా సోమవారం అర్థరాత్రి ఆపరేషన్ చబుత్రా పేరుతో తనిఖీలు నిర్వహించారు. ఈ సందర్భంగా రహదారులపై హల్చల్ చేస్తున్న 221 మంది యువకులను పోలీసులు అదుపులోకి తీసుకున్నారు. అనంతరం వారిని పోలీస్ స్టేషన్కు తరలించారు. మంగళవారం ఉదయం అదుపులోకి తీసుకున్న యువకుల తల్లిదండ్రులకు సమాచారం అందించారు.
 
 తల్లిదండ్రుల సమక్షంలో సదరు యువకులకు పురానీ హవేలిలోని సౌత్ జోన్ డీసీపీ కార్యాలయంలో కౌన్సెలింగ్ ఇవ్వనున్నారు. మరోసారి ఈ విధంగా పట్టుబడినట్లు అయితే కేసులు పెడతామని యువకులను పోలీసులు హెచ్చరించనున్నారు.


 కొత్త సంవత్సర వేడుకల సందర్భంగా పోలీసులు అప్రమత్తమయ్యారు. రోడ్లపై ఆవారాగా తిరుగుతున్న వారిని కట్టడి చేసేందుకు 'ఆపరేషన్ చబుత్రా' పేరుతో నడుం బిగించారు. మంగళవారం అర్థరాత్రి పాతబస్తీలో బైక్‌లపై షికారు చేస్తున్న 97 మంది యువకులను అదుపులోకి తీసుకున్నారు. కాగా, వారిలో 17 మంది బాలురు. అందరినీ ప్రస్తుతం టప్పాచబుత్రాలోని ఓ ఫంక్షన్ హాల్‌లో ఉంచారు. వారి తల్లిదండ్రులను పిలిపించి అందరికీ కౌన్సెలింగ్ చేయనున్నట్లు సౌత్ జోన్ డీసీపీ సత్యనారాయణ తెలిపారు.