కేన్స్:మల్టీ మిలినియర్ జో ఫోర్నయిర్ తో తాను డేటింగ్ చేస్తున్నట్లు వచ్చిన వార్తలో ఎటువంటి వాస్తవం లేదని నటి పారిస్ హిల్టన్ స్పష్టం చేసింది. 68 వ కేన్స్ అంతర్జాతీయ ఫిల్మ్ ఫెస్టివల్ కు హిల్టన్ హాజరైన క్రమంలో జోతో డేటింగ్ చేసినట్లు వార్తలు ఊపందుకున్నాయి. ఇటీవలే వీరి మధ్య చూపులు కలవడంతో ఈ జోడీ కేన్స్ లోని ఓ హోటల్ కలిసి గడిపినట్లు కొన్ని రూమర్లు వచ్చాయి. కాగా, వీటిని పారిస్ హిల్టన్ ఖండించింది. తనకు బ్రిటీష్ వ్యక్తులంటే ఇష్టమని.. అందుచేత అతనితో కాస్త చనువుగా ఉన్నానని తెలిపింది. దీనికి డేటింగ్ అంటూ సంబంధాలు అంటగడుతున్నారని పేర్కొంది.
  
 కేన్స్ కు వచ్చిన సందర్భంలో తన పెంపుడు కుక్కలను మిస్ అవుతున్నట్లు పేర్కొంది. మనుషుల కంటే కుక్కలే నయమని ఛలోక్తులకు విసిరింది. బాయ్ ఫ్రెండ్స్ తో సంబంధాల పట్ల ఇప్పుడు తనకు అంతమోజు లేదని వేదాంత ధోరణిలో మాట్లాడింది. గతంలో తాను బాయ్ ఫ్రెండ్స్ ను కలిసినప్పుడల్లా సంతోషానికి దూరమవుతూనే ఉన్నానని హిల్టన్ తెలిపింది. ప్రస్తుతం తాను గడుపుతున్న ఒంటరి జీవితం చాలా బాగుందని తెలిపింది.
 
 
 గతేడాది మోడల్ రివర్ వీపెరీతో తెగతెంపులు చేసుకున్న తరువాత ఒంటరిగా ఉంటున్న హిల్టన్ తన తదుపరి బాయ్ ఫ్రెండ్ సాధారణంగా ఉంటే చాలని ఇటీవల పేర్కొన్న సంగతి తెలిసిందే . అతను ఒక మంచి వ్యక్తి అవడమే కాకుండా నాజూగ్గా ఉండాలని.. తాను ఎప్పుడూ నవ్విస్తూ ఉండాలని కోరుకుంటున్నట్లు స్పష్టం చేసింది.


 లండన్: గతేడాది మోడల్ రివర్ వీపెరీతో తెగతెంపులు చేసుకున్న తరువాత ఒంటరిగా ఉంటున్న నటి పారిస్ హిల్టన్ తన తదుపరి బాయ్ ఫ్రెండ్ సాధారణంగా ఉంటే చాలని అంటోంది. ఏదో ఒక రోజు తాను కూడా పెళ్లి చేసుకుని పిల్లలతో సెటిల్ కావాల్సిన సమయం తప్పక వస్తుందని వేదాంత ధోరణిలో మాట్లాడింది. 'నేను ప్రస్తుతం సింగిల్ గా ఉన్నాను. కానీ ఒంటరితనం అనేది నా జీవితంలో ఎప్పటికీ భాగం కాదు. ఇప్పటికే చాలా మందితో డేటింగ్ చేసినా వారిలో ఎవరో ఒకర్ని భాగస్వామిగా ఎంచుకునే పరిస్థితుల్లో లేను' హిల్టన్ తెలిపింది.
  
 తనకు వచ్చేవాడు సాధారణంగా ఉంటే చాలని ఈ సందర్భంగా పేర్కొంది.  అతను ఒక మంచి వ్యక్తి అవడమే కాకుండా నాజూగ్గా ఉండాలని.. తాను ఎప్పుడూ నవ్విస్తూ ఉండాలని కోరుకుంటున్నట్లు స్పష్టం చేసింది.


  హృతిక్ రోషన్‌తో నటించాలని ప్రతి భారతీయ నటి కోరుకోవడం సహజం. ఎందుకంటే, బాలీవుడ్‌లో హృతిక్‌కున్న ఫాలోయింగ్ అలాంటిది. అయితే ఇప్పుడీ జాబితాలో హాలీవుడ్ తారలు కూడా చేరుతున్నారు. తాజాగా పారిస్ హిల్టన్, హృతిక్ ప్రేయసిగా నటించాలని ఉందని తన మనసులోని మాటను ట్విట్టర్ ద్వారా ప్రపంచానికి వెల్లడించారు. ‘‘హృతిక్ జెంటిల్‌మేన్... నైస్‌మేన్... పర్‌ఫెక్ట్ బాడీ... చాలా హాట్’’ అంటూ కితాబులు మీద కితాబులు ఇచ్చేశారామె. ఈ వార్త తెలియగానే కొంతమంది బాలీవుడ్ నిర్మాతలు ఆమెకు టచ్‌లోకి వచ్చారట. అన్ని కుదిరితే హృతిక్‌తో వచ్చే సంవత్సరం ఓ సినిమా ప్రారంభం కావొచ్చని వార్తలు మొదలయ్యాయి. ఇటీవల దుబాయ్‌లోని ఓ కార్యక్రమంలో హృతిక్, పారిస్ హిల్టన్‌ఇద్దరూ హల్‌చల్ చేశారు.
  


 న్యూయార్క్: అమెరికన్ నటి పారిస్ హిల్టన్ విలాసవంతమైన పెంట్ హౌస్ అపార్ట్మెంట్ కోసం వెదుకుతోంది. లాస్ ఏంజిల్స్లో ఉంటున్న హిల్టన్ తన సోదరి, సోదరుడికి దగ్గరగా ఉండేందుకోసం న్యూయార్క్ల్ స్థిర పడాలని భావిస్తోంది.
 
 ఈ నెల 12న న్యూయార్క్ వచ్చిన హిల్టన్ కొన్ని గంటల్లోనే చాలా ఇళ్లను పరిశీలించింది. హిల్టన్ తన సోదరి నిక్కీకి దగ్గరగా ఉండేలా ఇల్లు కొనాలని చూస్తోంది. త్వరలో వివాహం చేసుకుంటున్న నిక్కీకి పెళ్లి పనుల్లో సాయంగా ఉండాలని హిల్టన్ భావిస్తోంది.