గురుకులం పదోన్నతుల్లోసాక్షి ప్రతినిధి, కరీంనగర్‌: గురుకులాల డిప్యూటీ సెక్రటరీ పోస్టుల విషయంలో గోల్‌మాల్‌ చోటుచేసుకున్నట్లు ఆరోపణలు వెల్లువెత్తుతున్నాయి. పదోన్నతుల విషయంలో ఉన్నతాధికారులు నిబంధనలు పట్టించుకోలేదని, నచ్చినవారికి పదవులు కట్టబెట్టారని, పైరవీలదే పైచేయి అయిందని సిబ్బంది అంటున్నారు. అధి కారులు ఇష్టానుసారంగా వ్యవహరించిన తీరుకు తాము జీవితకాలం నష్టపోవాల్సి వచ్చిందని గురుకులాల సీనియర్‌ ప్రిన్సిపాల్స్‌ వాపోతున్నారు. రోజులు గడిచినా.. నవంబర్‌లో జరిగిన సెక్రటరీ రివ్యూ మీటింగ్‌లో హామీ ఇచ్చి.. పదిరోజుల్లో ప్రమోషన్స్‌ భర్తీ చేస్తామన్న మినిట్‌ సర్క్యులర్‌ రిలీజ్‌ చేసినప్పటికీ రోజులు గడిచినా ఇప్పటికీ ఇవ్వలేదని, రెగ్యులర్‌ ప్రమోషన్లు ఇస్తే అక్రమంగా ఇచ్చిన పదోన్నతుల బాగోతం బయటపడుతుందని ఇన్‌చార్జిలతో కాలం వెల్లదీస్తున్నారన్న ఆరోపణలు వెల్లువెత్తుతున్నాయి. రాష్ట్రవ్యాప్తంగా వందకు పైగా సాంఘిక సంక్షేమ గురుకుల పాఠశాలలు ఇన్‌చార్జి ప్రిన్సిపాళ్లతో నడుస్తున్నాయంటే పరిస్థితి ఎలా ఉందో అర్థం చేసుకోవచ్చు. బోధనా అనుభవం, క్షేత్రస్థాయిలో గురుకులాల నిర్వహణపై అవగాహన లేని ప్రధాన కార్యాలయ సిబ్బంది కీలక పోస్టుల్లో అక్రమంగా కొనసాగుతుండటం ద్వారా గురుకులాల నిర్వహణ అస్తవ్యస్తంగా తయారై నిరంతరం ఏదో సమస్య వేధిస్తోందని విమర్శిస్తున్నారు. అనుభవజ్ఞులైన సీనియర్‌ ప్రిన్సిపాళ్లకు పదోన్నతులు కల్పించి బాధ్యతలు అప్పగిస్తే.. అనేక సమస్యలకు పరిష్కారం దొరుకుతుందని చెబుతున్నారు. వెలుగుచూసిందిలా.. అడ్వకేట్‌ వీ.రాజేశ్వరరావు ఈ అంశంపై పోరాటం చేస్తున్నారు.నాలుగు నెలల క్రితం సమాచార హక్కు చట్టం ద్వారా సాంఘిక సంక్షేమ గురుకులం సెక్రటరీని ప్రశ్నించగా.. 15 రోజుల క్రితం సమాచారం ఇచ్చారు. అర్హత లేకున్నా.. ముగ్గురు అసిస్టెంట్లకు డిప్యూటీ సెక్రటరీలుగా ప్రమోషన్స్‌ ఇచ్చి.. రెగ్యులర్‌ ప్రిన్సిపాళ్లకు వాళ్ల అవకాశాలను దూరం చేశారు. ఇలా చేయడం ద్వారా గతంలో ముగ్గురు ప్రిన్సిపాళ్లు నష్టపోగా.. ఇప్పుడు వచ్చే మార్చి, ఏప్రిల్‌లో రిటైర్డ్‌ కానున్న ప్రిన్సిపాళ్లు పదోన్నతి బెన్‌ఫిట్స్‌ కోల్పోవాల్సిన పరిస్థితి ఏర్పడింది.గురుకులాల సొసైటీ ఇటీవల పలు డిప్యూటీ సెక్రటరీ పోస్టులను భర్తీ చేసింది. వాస్తవానికి నిబంధనల ప్రకారం బోధన సిబ్బంది (ప్రిన్సిపాల్‌ గ్రేడ్‌–1)కి ఇవ్వాల్సిన ఆ పోస్టులను అక్రమంగా ప్రధాన కార్యాలయంలోని బోధనేతర సిబ్బందికి కట్టబెట్టారని ప్రిన్సిపాల్స్‌ ఆరోపిస్తున్నారు. సాంఘిక సంక్షేమ గురుకులం సొసైటీలోని ఆరు డిప్యూటీ సెక్రటరీ పోస్టుల్లో నిబంధనల ప్రకారం మూడుపోస్టులు ప్రిన్సిపాల్‌ గ్రేడ్‌–1కు ఒకటి, హెడ్‌ ఆఫీస్‌లోని బోధనేతర సిబ్బంది అయిన అసిస్టెంట్‌ సెక్రటరీకి రెండు పోస్టులను డిప్యూటేషన్‌పై ఇతర డిపార్ట్‌మెంట్ల నుంచి తీసుకోవాల్సి ఉంది. కానీ.. మొత్తం నాలుగు డిప్యూటీ సెక్రటరీ పోస్టులను హెడ్‌ ఆఫీస్‌లోని బోధనేతర సిబ్బందికి కట్టబెట్టి నిబంధనలు ఉల్లంఘించారని, తద్వారా గ్రేడ్‌–1 ప్రిన్సిపాల్స్‌కు అన్యాయం చేశారని ఆరోపణలు వెల్లువెత్తుతున్నాయి. ఇది అన్యాయమని నిలదీసిన తమను వేధింపులకు గురిచేస్తున్నారంటూ వాపోతున్నారు. అంతేకాకుండా తమకు పదోన్నతులు ఇవ్వకుండా ఆపుతున్నారని ఆవేదన చెందుతున్నారు. పదోన్నతిలో భాగంగా భర్తీ చేసే సుమారు 8కి పైగా జాయింట్‌ సెక్రటరీ, డిప్యూటీ సెక్రటరీ, రీజనల్‌ కో–ఆర్డినేటర్‌ పోస్టులు ఏడాదికిపైగా ఖాళీగా ఉన్నా.. అర్హులకు ఇవ్వకుండా అక్రమార్గంలో తమ వారిని ఇన్‌చార్జి పేరిట అందలం ఎక్కించి కాలం గడుపుతున్నారని ఆరోపిస్తున్నారు. అర్హత లేని జూనియర్‌ ప్రిన్సిపాల్‌కు ఇన్‌చార్జి జాయింట్‌ సెక్రటరీ పదవి, ఫిజికల్‌ డైరెక్టర్‌కు నిబంధనలకు విరుద్ధంగా డిప్యూటీ సెక్రటరీ పదవిని ఇన్‌చార్జి రూపంలో కట్టబెట్టి నాలుగైదు నెలల్లో రిటైర్డ్‌ అవుతున్న తమకు ప్రమోషన్లు ఇవ్వకుండా అన్యాయం చేస్తున్నారని సీనియర్‌ ప్రిన్సిపాల్స్‌ ఆరోపిస్తున్నారు.

సాక్షి పెద్దపల్లి: జిల్లాలోని నగర/పట్టణ ఓటర్ల తుది జాబితా ను అధికారులు సోమవారం ప్రకటించారు. రామగుండం కార్పొరేషన్‌ సహా పెద్దపల్లి, మంథని, సు ల్తానాబాద్‌ మున్సిపాలిటీల్లో మొత్తం 2,58,065 మంది ఓటర్లు ఉన్నట్లు తేల్చారు. ఇందులో పురుషులు 1,28,281 మంది ఉండగా, మహిళలు 1,29,749 మంది, ఇతరులు 35మంది ఉన్నట్లు గు ర్తించారు. బల్దియాల్లోనూ పురుషుల కన్నా మహిళా ఓటర్లే అధికంగా ఉన్నారు. మంగళవారం పోలింగ్‌ కేంద్రాల వారీగా, ఈనెల 16న ఓటరు ఫొటోలతో కూడిన ఓటరు జాబితా ప్రకటిస్తారు. కీలకమైన ఓ టరు జాబితా విడుదల కావడంతోపాటు, గుర్తుల ను సైతం ప్రకటించడంతో అందరిచూపు రిజర్వేషన్‌ల వైపు మళ్లింది. రిజర్వేషన్‌లు ఖరారైన వెంటనే ఎన్నికల షెడ్యూల్‌ ఎప్పుడైనా విడుదలయ్యే అవకాశం ఉందనే చర్చ సాగుతోంది. 75 గుర్తులు కేటాయింపు 5 జాతీయ, 4 రాష్ట్రీయ, మరో 4 రిజిష్టర్డ్‌ పార్టీల గుర్తులతో పాటు స్వతంత్ర అభ్యర్థుల కోసం మొ త్తంగా 75 గుర్తులను ఎన్నికల కమిషన్‌ వెల్లడించింది. నామినేషన్ల ఉపసంహరణల తర్వాత బీఫామ్‌ల ప్రకారం పార్టీల గుర్తులు, స్వతంత్రులకు అక్షర క్రమంలో గుర్తులు కేటాయిస్తారు. డిపాజిట్‌లు ఇలా.. కౌన్సిలర్‌ స్థానాలకు ఎస్సీ, ఎస్టీ, బీసీ అభ్యర్థులు రూ.1,250, ఇతరులు రూ.2,500 డిపాజిట్‌ చెల్లించాలి. రామగుండం మున్సిపల్‌ కార్పొరేషన్‌లో ఎ స్సీ, ఎస్టీ, బీసీ కార్పొరేటర్‌ అభ్యర్థులు రూ.2,500, ఇతరులు రూ.5వేలు డిపాజిట్‌ చెల్లించాలని అధికా రులు తెలిపారు. స్వతంత్ర అభ్యర్థుల గుర్తులు ఇవే.. స్వతంత్ర అభ్యర్థుల కోసం ఎన్నికల సంఘం గుర్తు కేటాయించింది. ఇందులో ఎయిర్‌ కండిషనర్‌, యాపిల్‌, గాజులు, పండ్లబుట్ట, బ్యాట్‌, బ్యాటరీ టార్చ్‌, బైనాక్యులర్‌, సీసా, బ్రెడ్‌, బకెట్‌, కెమెరా, క్యారంబోర్డు, చెయిన్‌, కుర్చీ, చపాతీ రోలర్‌, కోటు, కొబ్బరితోట, మంచం, కప్పు, సాసర్‌, కటింగ్‌ ప్లేయర్‌, డ్రిల్లింగ్‌ మెషీన్‌, డంబెల్స్‌, విద్యుత్‌ స్తంభం, ఎన్వలప్‌కవర్‌, పిల్లనగ్రోవి, ఫుట్‌బాల్‌, ఫుట్‌బాల్‌ ఆటగాడు, గౌను, గరాటా, గ్యాస్‌ సిలిండర్‌, గ్యాస్‌పొయ్యి, గ్రామ్‌ఫోన్‌ ఉన్నాయి. వీటితోపాటు ద్రాక్షపండ్లు, పచ్చిమిరపకాయ, తోపుడుబండి, హెడ్‌ఫోన్‌, హాకీ కర్ర–బంతి, పనసపండు, బెండకాయ, పోస్ట్‌డబ్బా, గొళ్లెం, లూడో, అగ్గిపెట్టె, మైక్‌, ముకుడు, ప్యాంట్‌, పెన్‌డ్రైవ్‌, అనాసపండు, కుండ, ప్రెషర్‌ కుక్కర్‌, రిఫ్రిజిరేటర్‌, ఉంగరం, సేఫ్టీపిన్‌, కుట్టుమిషన్‌, కత్తెర, నౌక, సితార్‌, సాక్స్‌, సోఫా, స్పానర్‌, స్టెతస్కోప్‌, స్టూల్‌, స్విచ్‌బోర్డ్‌, టేబుల్‌, టెలిఫోన్‌, టూత్‌బ్రష్‌, ట్రంపెట్‌, టైర్స్‌, వయోలిన్‌, వాల్‌నట్‌, వాటర్‌మిలన్‌, బావి, ఈల, ఊలు–సూది గుర్తులు ఖరారు చేశారు. ఇందులో చాలా గుర్తులు ఓటర్లను ఆకట్టుకోవడానికి, ప్రచారం చేయడం కష్టంగానే ఉందనే అభిప్రాయం వ్యక్తమవుతోంది. మున్సిపల్‌ ఓటర్లు పట్టణం/నగరం పురుషులు మహిళలు ఇతరులు మొత్తం రామగుండం 91,441 91,578 30 1,83,049 పెద్దపల్లి 21,660 22,127 02 43,789 మంథని 6,949 7,452 01 14,402 సుల్తానాబాద్‌ 8,231 8,592 02 16,825 మొత్తం 1,28,281 1,29,749 35 2,58,065

మంథని: రాష్ట్రాభివృద్ధికి అధికారులు నిస్పక్షపాతంగా పనిచేస్తుంటే కొందరు రాజకీయ లబ్ధికోసం స త్యదూరమైన కథనాలను సోషల్‌ మీడియా వేదికగా వైరల్‌ చేయడం సరికాదని మంత్రి డి.శ్రీధర్‌బాబు అన్నారు. పట్టణంలో సోమవారం పలు అభివృద్ధి పనులు ప్రారంభించారు. ఈ సందర్భంగా మీడియాతో మాట్లాడారు. కొందరు ఐఏఎస్‌ అధికారు లు, ప్రభుత్వ పెద్దలపై కొన్ని మీడియా సంస్థలు, ప్రధాన సోషల్‌ మీడియాలో కథనాలు ప్రసారం చేయడం శోచనీయమన్నారు. కాంగ్రెస్‌ పార్టీ మండల అధ్యక్షుడు ఐలి ప్రసాద్‌, విద్యుత్‌ నియంత్రణ మండలి సభ్యుడు శశిభూషణ్‌ కాచే, మార్కెట్‌ కమిటీ చైర్మన్‌ కుడుదుల వెంకన్న, బ్లాక్‌ కాంగ్రెస్‌ అధ్యక్షు డు తొట్ల తిరుపతియాదవ్‌ పాల్గొన్నారు. అభివృద్ధి పనులకు శంకుస్థాపన మున్సిపల్‌ పరిధిలో చేపట్టిన పలు అభివృద్ధి పనులకు మంత్రి శ్రీధర్‌బాబు కలెక్టర్‌ కోయ శ్రీహర్షతో కలిసి శంకుస్థాపన చేశారు. రూ.10లక్షలతో శ్రీరాంనగర్‌లో బస్‌ షెల్టర్‌, కూచిరాజ్‌పల్లి వద్ద రూ.4.50 కోట్లతో ఆర్‌అండ్‌బీ అతిథి గృహం రూ.10 లక్షలతో బస్తాండ్‌, గంగాపూరిలో బొక్కలవాగుపై రూ.9కోట్ల 30లక్షలతో వంతెన, కుల సంఘాల భవనాల నిర్మాణం, ఆలయ అభివృద్ధి పనులకు శంకుస్థాపన చేశా రు. అడ్వాన్స్‌డ్‌ టెక్నాలజీ సెంటర్‌ ఏర్పాటుకు స్థలా న్ని మంత్రి పరిశీలించారు. ఇందిరమ్మ లబ్ధిదా రులకు ప్రొసీడింగ్స్‌ అందించారు. ఎల్‌–2, ఎల్‌–3 దరఖాస్తులు పరిశీలించి మరో 300 ఇందిరమ్మ ఇళ్లు మంజూరు చేస్తామని మంత్రి తెలిపారు.

పెద్దపల్లి: క్రీడలు, క్రీడాకారులకు ప్రభుత్వం ప్రో త్సాహం అందిస్తోందని పెద్దపల్లి ఎమ్మెల్యే విజయరమణారావు అన్నారు. యువత చురుకుగా పాల్గొనాలని సూచించారు. స్థానిక ప్రభుత్వ జూనియర్‌ క ళాశాల మైదానం నుంచి అయ్యప్ప ఆలయం వరకు సోమవారం సీఎం కప్‌ క్రీడాజ్యోతి ర్యాలీ నిర్వహించగా.. ఎమ్మెల్యే పాల్గొన్నారు. క్రీడలపై అవగాహన కల్పించేందుకు రెండో ఎడిషన్‌ చీఫ్‌ మినిస్టర్‌ కప్‌ – 2025 ద్వారా టార్చ్‌ర్యాలీ చేపట్టామని ఆయన తెలిపారు. డీవైఎస్‌వో సురేశ్‌కుమార్‌, అధికారులు రంగారెడ్డి, నరేందర్‌, రంగారావు, రాజశేఖర్‌, ప్రతినిధులు సదానందం, అన్నయ్యగౌడ్‌, ప్రకాశ్‌రావు, ఎం.రవీందర్‌ తదితరులు పాల్గొన్నారు. యువతకు స్ఫూర్తి వివేకానంద స్వామి వివేకానంద యువతకు స్ఫూర్తి అని పెద్దపల్లి ఎమ్మెల్యే విజయరమణారావు అన్నారు. సుల్తానాబాద్‌లోని స్వామి వివేకానంద విగ్రహానికి పూలమాల వేసి నివాళి అర్పించారు. అనంతరం మాట్లా డారు. ప్రతినిధులు సామల హరికృష్ణ, అంతటి అ న్నయ్యగౌడ్‌, మినుపాల ప్రకాశ్‌రావు, సామల రా జేంద్రప్రసాద్‌, వేగోళం అబ్బయ్యగౌడ్‌, సాయిరి మ హేందర్‌, బిరుదు కృష్ణ, పన్నాల రాములు, ఊట్ల వరప్రసాద్‌, ముస్త్యాల, రవీందర్‌, గజభింకార్‌ శ్రీనివాస్‌, అమిరిశెట్టి రాజలింగం, తిరుపతి, డి.రాజయ్య తదితరులు పాల్గొన్నారు. అభివృద్ధిలో అగ్రగామిగా నిలుపుతాం పెద్దపల్లిరూరల్‌: సీఎం రేవంత్‌రెడ్డి సహకారంతో పెద్దపల్లిని అన్నిరంగాల్లో అగ్రగామిగా నిలుపుతా మని ఎమ్మెల్యే విజయరమణారావు అన్నారు. పలు వార్డుల్లో ఇందిరమ్మ ఇళ్లకు ముగ్గు పోసి పనులు ప్రారంభించారు. పెద్దపల్లి అభివృద్ధిని గత పాలకు లు విస్మరించినా కాంగ్రెస్‌ ప్రభుత్వం ప్రజల చిరకాలవాంచ బస్సు డిపో ఏర్పాటుతో సహా బైపాస్‌ రోడ్డు, రూరల్‌, మహిళా, ట్రాఫిక్‌, ఎలిగేడు పోలీస్‌స్టేషన్‌లను ఏకకాలంలో మంజూరు చేసిందని తెలిపారు. నాయకులు నూగిల్ల మల్లయ్య, తూముల సుభాష్‌రావు, బూతగడ్డ సంపత్‌, అమ్రేశ్‌, ఎరుకల రమేశ్‌, రవి, శ్రీనివాస్‌ తదితరులు పాల్గొన్నారు.

కోల్‌సిటీ(రామగుండం): రామగుండం నగరపాలక సంస్థ కమిషనర్‌ అరుణశ్రీ ఆదేశాల మేరకు అధికారులు సోమవారం తుది ఓటరు జాబితా ప్రకటించారు. కార్యక్రమంలో అడిషనల్‌ కమిషనర్‌ మారుతీప్రసాద్‌, డిప్యూటీ కమిషనర్‌ వెంకటస్వామి, అసిస్టెంట్‌ కమిషనర్‌ వెంకటేశ్వర్లు, ఏసీపీ శ్రీహరి, టీపీఎస్‌ నవీన్‌, ఆర్‌వో ఆంజనేయులు, ఆర్‌ఐలు శంకర్‌రావు, ఖాజా, టీపీబీవోలు హిమజ, సిందూజ పాల్గొన్నారు. తుది ఓటరు జాబితా ప్రకటన మంథని: మంథని పట్టణ తుది ఓటరు జాబితా ను మున్సిపల్‌ కమిషనర్‌ మనోహర్‌ విడుదల చేశారు. మొత్తం 13 వార్డుల్లో 14,402 మంది ఓటర్లు ఉన్నారని తేల్చారు. 151 అభ్యంతరాలు పెద్దపల్లిరూరల్‌: మున్సిపల్‌ ఓటరు జాబితాపై 151 అభ్యంతరాలు అందగా.. వాటిని పరిష్కరి స్తూ తుది జాబితా ప్రకటించామని కమిషనర్‌ వెంకటేశ్‌ తెలిపారు. 36వార్డుల్లో తొలుత 43,845 మంది ఓటర్లతో జాబితా రూపొందించామని, అభ్యంతరాల స్వీకరణ అనంతరం 56 మంది ఓటర్లు పరిసర ప్రాంతాలకు చెందిన వారుగా గుర్తించి తొలగించినట్లు ఆయన పేర్కొన్నారు. పెద్దపల్లి: సుల్తానాబాద్‌ మున్సిపల్‌ ఓటరు తుది జాబితాను కమిషనర్‌ రమేశ్‌ ప్రకటించారు. ము సాయిదా ఓటరు జాబితాపై 35 అభ్యంతరాలు వచ్చాయన్నారు. అతిక్కువగా ఐదోవార్డులో 1,003 మంది, అత్యధికంగా 12వ వార్డులో 1,229 మంది ఓటర్లు ఉన్నారని తెలిపారు. మేనేజర్‌ అలీమొద్దీన్‌, ఏఈ రాజ్‌కుమార్‌ పాల్గొన్నారు.

‘డూడూ బసవన్న.. ఇటు రారా బసవన్న.. ఉరుకుతూ రారన్నా.. రారా బసవన్నా.. అయ్యగారికి దండం పెట్టు.. అమ్మగారికి దండం పెట్టు.. ఈ ఇంటికి మేలు జరుగుతుందని చెప్పు’.. అంటూ గ్రామాల్లో ఇంటింటా తిరుగుతూ బిక్షాటన చేసే గంగిరెద్దుల వారి కుటుంబాల్లో తరాలు మారినకొద్ది వృత్తులూ మారిపోతున్నాయి. సంక్రాంతి అంటేనే గంగిరెద్దులవారి సందడి.. బసవన్నలు చేసే విన్యాసాలు.. అవి ఇంటి ముంగిట అడుగుపెడితే శుభమని ప్రజల నమ్మకం.. బసవన్నల కాళ్లు కడిగి మంచి రోజులు రావాలని మొక్కుకుంటారు. ప్రస్తుతం పండుగ వేళ గ్రామాల్లో వారి సందడి కనిపించినా, సరైన ఆదరణ లేక అనాధిగా వస్తున్న ఆచారానికి దూరమై ఆధునికత వైపు అడుగులేస్తున్నారు. తాతాముత్తాల నుంచి వస్తున్న వృత్తిని వదిలేస్తూ వ్యవసాయం, ఇతర పనుల వైపు మొగ్గు చూపుతున్నారు. – IIలో...

పెద్దపల్లి: ప్రజావాణి ద్వారా అర్జీల రూపంలో అందిన సమస్యలు సత్వరమే పరిష్కరించాలని అదనపు కలెక్టర్‌ వేణు ఆదేశించారు. కలెక్టరేట్‌ లో సోమవారం జరిగిన ప్రజావాణి ద్వారా జి ల్లాలోని వివిధ ప్రాంతాల నుంచి వచ్చిన ప్రజ ల నుంచి ఆయన దరఖాస్తులు స్వీకరించారు. వేణు మాట్లాడుతూ, ప్రజావాణి దరఖాస్తుల ను పెండింగ్‌లో ఉంచొద్దని సూచించారు.కోడి పందాలపై నిఘా గోదావరిఖని: సంక్రాంతి సందర్భంగా కోడిపందా లు, పేకాట నిరోధానికి ప టిష్ట నిఘా ఉంచినట్లు రా మగుండం పోలీస్‌ కమిష నర్‌ అంబర్‌ కిశోర్‌ ఝా తె లిపారు. అసాంఘిక కార్యకలాపాలను అరికట్టేందుకు ప్రత్యేక నిఘా వ్యవస్థ ఏర్పాటు చేశామని, ఆకస్మిక వాహన తనిఖీ, నాకాబందీ ని ర్వహిస్తామన్నారు. జిల్లా సరిహద్దుల్లోని కీలక ప్రదేశాల్లో సమాచార వ్యవస్థను మరింత బలోపేతం చేశామని సీపీ వివరించారు. సామాజిక సేవ చేయాలి మంథనిరూరల్‌: సామాజిక సేవలో యువత ముందుండాలని సింగరేణి ఆర్జీ– 3 జీఎం మ ధుసూదన్‌ సూచించారు. కన్నాల శ్రీవేంకటేశ్వ ర యూత్‌ ఆరో ఆవిర్బావం సందర్భంగా గ్రా మంలో సోమవారం ఉచిత వైద్యశిబిరం ఏర్పా టు చేయగా జీఎం ప్రారంభించి మాట్లాడారు. యువకులు గొప్ప ఆలోచన, సంకల్పంతో యూత్‌ ఏర్పాటు చేసుకుని ఆరేళ్లుగా సమాజసేవలో భాగస్వాములు కావడం అభినందనీయమన్నారు. సింగరేణి ప్రభావిత గ్రామాల అభివృద్ధికి సహకారం అందిస్తామని, కన్నాలలోని సమస్యలు పరిష్కరిస్తామని భరోసా ఇచ్చారు. కన్నాల, నాగారం సర్పంచులు గుడిసె గట్ట య్య, బెల్లంకొండ శ్రీదేవి – సత్యనారాయణరెడ్డి, ఉపసర్పంచ్‌ ఎరుకల లలిత, ఆర్‌ఎంపీ సత్యనారాయణ, ప్రైవేట్‌ ఆస్పత్రి ఇన్‌చార్జి సందీప్‌, యూత్‌ సభ్యులు పాల్గొన్నారు. బాలికలకు ఎన్టీపీసీ అండ జ్యోతినగర్‌(రామగుండం): బాలికా సాధికారతకు ఎన్టీపీసీ ముందు వరుసలో ఉంటుందని, ఇందులో భాగంగానే ఏటా వేసవి సెలవుల్లో 120 మంది బాలికలకు ప్రత్యేక కార్యక్రమాలు నిర్వహిస్తున్నామని ఎన్టీపీసీ ఎగ్జిక్యూటివ్‌ డైరెక్ట ర్‌ చందన్‌ కుమార్‌ సామంత అన్నారు. బాలికాసాధికారత మిషన్‌(జెమ్‌)లో ఎన్టీపీసీ కాకతీ య ఆడిటోరియంలో సోమవారం శీతాకాల శి క్షణ ముగింపు వేడుకలో పాల్గొని మాట్లాడారు. ప్రతిభ చూపిన వారికి ప్రశంసాపత్రలు అందజేశారు. దీప్తి మహిళా సమితి అధ్యక్షురాలు రా ఖీ సామంత, జీఎం హెచ్‌.బిజయ్‌కుమార్‌ సిగ్ద ర్‌, డీజీఎం ప్రవీణ్‌ కుమార్‌ చౌదరి ఉన్నారు. ఐపీఎఫ్‌ జిల్లా కార్యవర్గం గోదావరిఖనిటౌన్‌: ఇంటర్‌ డీ నామినేషనల్‌ పాస్టర్స్‌ ఫెలోషిప్‌(ఐపీఎఫ్‌) జిల్లా కార్యవర్గా న్ని గ్లోరియస్‌ మినిస్ట్రీస్‌ చర్చిలో ఎన్నుకున్నా రు. అధ్యక్షుడిగా ఎం.మహిపాల్‌రెడ్డి, ఉపాధ్యక్షుడిగా కె.దాస్‌, జనరల్‌ సె క్రటరీగా పి.డిలైట్‌, జాయింట్‌ సెక్రటరీగా జె.ప్రహర్షి, కోశాధికారిగా ఇ.థామస్‌, ఎగ్జిక్యూటి వ్‌ సభ్యులుగా ఎ.రవివర్మ, పి.ప్రసన్నకుమార్‌ ఎన్నికయ్యారు. క్వింటాల్‌ పత్తి రూ.7,661 పెద్దపల్లిరూరల్‌: వ్యవసాయ మార్కెట్‌లో సో మవారం పత్తి క్వింటాల్‌కు గరిష్టంగా రూ. 7,661 ధర పలికింది. కనిష్టంగా రూ. 6,088గా, సగటు రూ.7,388గా ఉందని మా ర్కెట్‌ ఇన్‌చార్జి కార్యదర్శి ప్రవీణ్‌రెడ్డి తెలిపారు. తెలంగాణ సంస్కృతిని కాపాడింది కేసీఆరే.. యైటింక్లయిన్‌కాలనీ(రామగుండం): తెలంగా ణ సంస్కృతి, సంసాంప్రదాయాలను కాపాడి న ఘనత తొలి సీఎం కేసీఆర్‌కే దక్కిందని బీఆర్‌ఎస్‌ జిల్లా అధ్యక్షుడు కోరుకంటి చందర్‌ అ న్నారు. బీఆర్‌ఎస్‌ ఆధ్వర్యంలో స్థానిక అబ్దుల్‌ కలాం స్డేడియంలో సోమవారం నిర్వహించిన ముగ్గుల పోటీల విజేతలకు బహుమతులు అందజేసి మాట్లాడారు. తెలంగాణ ఉద్యమ నేత కేసీఆర్‌ పదేఏళ్ల పాలనలో ఆడబిడ్డల సంక్షేమానికి కృషి చేశారన్నారు. రాజిరెడ్డి, కౌశిక హరి, విజయారెడ్డి, అంజలీదేవి ఉన్నారు.

● నేటి నుంచి ప్రత్యేక పారిశుధ్య కార్యక్రమాలు పెద్దపల్లి: పల్లెలు శుభ్రంగా ఉండడం లక్ష్యంగా సోమవారం నుంచి ఈనెల 17వ తేదీ వరకు జిల్లావ్యాప్తంగా ప్రత్యేక పారిశుధ్య కార్యక్రమాలు చేపట్టేందుకు జిల్లా అధికార యంత్రాంగం అన్ని ఏర్పాట్లు చేసింది. ఇంటింటా తప్పకుండా తడి, పొడిచెత్త వేర్వేరుగా సేకరించి డంపింగ్‌ యార్డుకు తరలించడం, తాజా మాంసాహారం, కూరగాయలు, నిత్యావరాలు విక్రయించేలా చూడడంతోపాటు ఖాళీ స్థలాల్లో చెత్త వేకుండా చూడడం, ప్లాస్టిక్‌ కవర్లు వేయకుంఆ చర్యలు తీసుకోవడం, పిచ్చిమొక్కలు తొలగించడం లాంటి పనులు చేపడతారు. ఇంటింటికీ సురక్షిత నీరు అందించేందుకు వీలుగా ఈనెల 14వ తేదీన తాగునీటి పైపులైన్లు పరిశీలిస్తారు. అంతేకాదు.. పైపులైన్ల లీకేజీలు అరిక్టడం, ప్రకృతి వనం, తెలంగాణ క్రీడా ప్రాంగణాలు శుభ్రం చేయడంతోపాటు ఆస్తిపన్ను, లైసెన్స్‌ ఫీజు వందశాతం వసూలు చేయడం లక్ష్యంగా నిర్దేశించారు. ఇందులో భాగంగానే ఈనెల 16న పౌర సేవలు అందిస్తారు. 17న విద్యుత్‌ సమస్యలు పరిష్కరిస్తారు. వీటన్నింటినీ కొత్త పంచాయతీ పాలకవర్గాలతోనే చేయిస్తారు. ఈమేరకు ప్రభుత్వం ఇటీవల ఉత్తర్వులు జారీచేసింది.

పెద్దపల్లి/పెద్దపల్లిరూరల్‌: చివరి ఆకట్టుకు సాగునీరు అందిస్తామని పెద్దపల్లి ఎమ్మెల్యే విజయరమణారావు అన్నారు. కుంగిన చొప్పదండి, రెవెల్లి – పెద్దపల్లి మధ్యగల ఎస్సారెస్పీ డీ– 86 కాకతీయ కాలువకు చేపట్టిన మరమ్మతు పనులను ఆదివారం ఆయన పరిశీలించారు. కాలువకు వెంటనే మరమ్మతులు పూర్తి చేయాలని ఎమ్మెల్యే అధికారులకు సూచించారు. గత ప్రభుత్వం సాగునీటిపై నిర్లక్ష్యం చేసిందని ఆయన విమర్శించారు. కాంగ్రెస్‌ పార్టీ నాయకులు తదితరులు పాల్గొన్నారు. కాంగ్రెస్‌ అభ్యర్థులను గెలిపించాలి మున్సిపల్‌ ఎన్నికల్లో కాంగ్రెస్‌ అభ్యర్థులను గెలిపించాలని ఎమ్మెల్యే విజయరమణారావు కోరారు. టీచర్స్‌ కాలనీలో కాంగ్రెస్‌ నాయకుడు గుజ్జుల కుమార్‌ తన సొంతఖర్చుతో నిర్మించిన కమాన్‌ను, టీచర్స్‌ కాలనీని ఎమ్మెల్యే ప్రారంభించి మాట్లాడారు. నాయకులు నూగిల్ల మల్లయ్య, భూషణవేన సురేశ్‌ గౌడ్‌, శ్రీమాన్‌, జడల సురేందర్‌, బొడ్డుపల్లి శ్రీనివాస్‌, బూతగడ్డ సంపత్‌, మాదారపు ఆంజనేయ రావు, పిడుగు సంపత్‌ తదితరులు పాల్గొన్నారు. కాగా, వివిధ వార్డుల్లో సోమవారం పలు అభివృద్ధి పనులకు ఎమ్మెల్యే శంకుస్థాపన చేస్తారని మున్సిపల్‌ కమిషనర్‌ వెంకటేశ్‌ తెలిపారు. పెద్దపల్లి ఎమ్మెల్యే విజయరమణారావు

కమాన్‌పూర్‌(మంథని): పంచాయతీ ఎన్నికలు ముగిసి కొత్త పాలకవర్గాలు కొలువుదీరాయి. ప్రతీ గ్రామ పంచాయతీ పాలకవర్గంలో ముగ్గురు కో ఆప్షన్‌ సభ్యుల ఎంపికపై చర్చలు జోరందుకున్నాయి. గ్రామాల అభివృద్ధికి పాటు పడేవారికి కో ఆప్షన్‌ సభ్యులను ఎంపిక చేయనున్నారు. ఈ పదవులు దక్కించుకునేందుకు ఆశావహులు తమవంతు ప్రయత్నాలు చేస్తున్నారు. కో ఆప్షన్‌ సభ్యుల పాత్ర ఇలా.. ప్రతీ గ్రామ పంచాయతీలో ముగ్గురు కో ఆప్షన్‌ సభ్యులను ఎంపిక చేస్తారు. కో ఆప్షన్‌ సభ్యులకు గ్రామ సభలు, పంచాయతీ పాలకవర్గ సమావేశాల్లో ప్రత్యేక స్థానం కల్పిస్తారు. వార్డు సభ్యుల తో సమానంగా ప్రొటోకాల్‌ ఉంటుంది. సలహాలు, సూచనలు ఇవ్వడానికి ప్రాధాన్యం కల్పిస్తారు. నిధుల వినియోగం, అభివృద్ధి ప్రణాళికల రూపకల్పనలోనూ వీరిపాత్ర ఉంటుంది. పంచాయతీలకు సలహాదారులుగా ఉంటారు. ఎంపిక ఇలా.. పంచాయతీ పాలకవర్గ సభ్యులతో సమాన హోదా ఉన్న కో ఆప్షన్‌ సభ్యుల ఎంపికపై గ్రామాల్లో జోరుగా చర్చలు సాగుతున్నాయి. గ్రామ సమాఖ్య అధ్యక్షురాలు, ప్రభుత్వ పాలనాపరమైన అంశాలపై పట్టున్న రిటైర్డ్‌ ఉద్యోగి, గ్రామాభివృద్ధికి పాటుపడుతూ విరాళాలు ఇచ్చిన దాతలు, గ్రామాభివృద్ధికి ముందుడే వారిని ఎంపిక చేస్తారు. కో ఆప్షన్‌ సభ్యుల ఎంపికలో సర్పంచ్‌తో పాటు మంత్రులు, ఎమ్మెల్యేల నిర్ణయం కీలకం కానుంది. ఈ పదవులపై కన్నేసిన వారు తెరవెనుక జోరుగా ప్రయత్నాలు చేస్తున్నారు. గ్రామాభివృద్ధికి తోడ్పడే వారికి అవకాశం తీవ్రంగా ప్రయత్నాలు చేస్తున్న ఆశావహులు గ్రామాల్లో జోరుగా సాగుతున్న చర్చలు జీవో రాలేదంటున్న జిల్లా అధికారులు జిల్లా సమాచారం మండలాలు 14 పంచాయతీలు 263 కో – ఆప్షన్‌ సభ్యుల సంఖ్య 789

గోదావరిఖని: సంక్రాంతి పండుగంటేనే గంగిరెద్దు ల విన్యాసాలు.. ఇళ్లముందు గొబ్బిళ్లు.. ఆకట్టుకునే రంగవల్లులు.. కలర్‌ఫుల్‌ గాలిపటాలు.. ఇంటిల్లిపాది ఆనంద డోలికలు.. పండుగ వేళ అందరి ఇళ్లలో సుఖసంతోషాలు, ఆనందాలు నిండాలని కోరుకుంటారు. అయితే ఒకరి సంతోషం మరొక కుటుంబంంలో విషాదం కారాదని పోలీసులు సూచిస్తున్నారు. గాలిపటాలు ఎగురవేసే సమయంలో సాధారణ కాటన్‌ దారం స్థానంలో చైనా మాంజాలు వినియోగించడం ద్వారా ప్రాణాల మీదకు తెస్తోందని పర్యావరణ ప్రేమికులూ కలవరపడుతున్నారు. నిషేధిత దారంతో పండుగ వేళ ఆకాశంలో ఎగిరే గాలిపటాలు ఉల్లాసాన్ని పంచుతాయి. కానీ అదే దారం ఎవరికైనా తాకినా, పక్షులకు చుట్టుకున్నా ప్రాణాలు పోయే పరిస్థితి ఏర్పడుతోంది. నిషేధం ఉన్నప్పటికీ అక్రమంగా చైనా మాంజా ను కొందరు చట్టవిరుద్ధంగా వాడుతున్నారు. దీనిద్వారా రహదారులపై వెళ్తున్న వాహనదారులు, పాదచారులు, చిన్నారులు, వృద్ధులు ప్రాణాపాయ స్థితిని ఎదుర్కొంటున్నారు. చైనామాంజా తయారీ ఇలా.. గాజుపొడి, లోహపు కణాలతో చైనా మాంజా తయారు చేస్తున్నారు. గాలిపటాలు ఎగురవేయడా నికి బాగానే ఉన్నప్పటికీ.. అది ఎవరికై నా తగిలితే తీవ్రగాయాలు, గొంతు ప్రాంతంలో తాకితే గొంతు తెగిపోతోంది. రాష్ట్రం, దేశవ్యాప్తంగా ఇలాంటి సంఘటనలు చోటుచేసుకుంటున్నాయి. మనుషులతో పాటు పక్షులూ ప్రాణాలు కోల్పోతున్నాయి. నిషేధం ఉన్నా.. వ్యాపారం కేంద్ర, రాష్ట్ర ప్రభుత్వాలు చైనా మాంజాపై నిషేధం విధించాయి. అయినా.. కొందరు వ్యాపారులు చైనా మాంజాను అక్రమంగా విక్రయిస్తున్నారు. బయటి ప్రాంతాల నుంచి రహస్యంగా తీసుకొవచ్చి విక్రయాలు జరుపుతున్నారు. ఆన్‌లైన్‌ ద్వారా అమ్మకా లు సాగడంతో నియంత్రణ కష్టంగా మారుతోంది. తక్కువ ధరకు దొరకడంతోపాటు దారం బలంగా ఉంటుందనే కారణంతో యువత చైనా మాంజాకు ఆకర్షితులవుతోందని అధికారులు వివరిస్తున్నారు. విక్రయించినా, వినియోగించినా చర్యలు రంగంలోకి దిగిన కమిషనరేట్‌ పోలీసులు వివిధ దుకాణాల్లో తనిఖీలు

మంథని: యువజన కాంగ్రెస్‌ను గ్రామస్థాయి నుంచి బలోపేతం చేస్తూనే మున్సిపల్‌ ఎన్నికల్లో కాంగ్రెస్‌ అభ్యర్థులను గెలిపించాలని యువజన కాంగ్రెస్‌ జాతీయ కార్యదర్శి, తెలంగాణ రాష్ట్ర ఇన్‌చార్జి రోషిణి జస్వాల్‌, రాష్ట్ర ఉపాధ్యక్షుడు, జిల్లా ఇన్‌చార్జి మిట్టపల్లి వెంకటేశ్‌ కోరారు. మంథని నియోజకవర్గ యూత్‌ కాంగ్రెస్‌ విస్తృత సాయి సమీక్ష ఆదివారం స్థానిక ఎమ్మెల్యే క్యాంపు కార్యాలయంలో నిర్వహించారు. ప్రజా సంక్షేమం, అభివృద్ధి కార్యక్రమాలను ప్రజల్లోకి తీసుకు వెళ్లాని వారు సూచించారు. నియోజకవర్గ అధ్యక్షుడు చీమల సందీప్‌, రాష్ట్ర కార్యదర్శి బండ కిశోర్‌రెడ్డి, జిల్లా అధ్యక్షుడు బొంకూరి అవినాశ్‌, మంథని మండల అధ్యక్షుడు సాదుల శ్రీకాంత్‌, పట్టణ అధ్యక్షుడు పెంటరి రాజు తదితరులు పాల్గొన్నారు. త్వరలో ఇళ్లపట్టాలు పంపిణీ యైటింక్లయిన్‌కాలనీ(రామగుండం): సింగరేణి ఓసీపీ–3 విస్తరణలో భాగంగా 1995లో భూములు కో ల్పోయిన న్యూమారేడుపా క గ్రామస్తులకు త్వరలోనే ఇళ్ల పట్టాలు పంపిణీ చేయనున్నట్లు బీజేపీ నాయకుడు చొప్పరి లింగయ్య తెలిపారు. కాంగ్రెస్‌, బీఆర్‌ఎస్‌ ప్రభుత్వాలు నిర్వాసితులను పట్టించుకోకలేదని, దీంతో 2018లో న్యాయ వాది నాగరాజును ఆశ్రయించి 182 మంది ని ర్వాసితులు, తాను కోర్టును ఆశ్రయించామని ఆయన పేర్కొన్నారు. ఇళ్ల పట్టాలు ఇవ్వాలని కోర్టు తీర్పు ఇచ్చిందని ఆయన వివరించారు. 19న మహాప్రదర్శన పెద్దపల్లి: విద్యుత్‌ డిస్కంలను ఎత్తివేసేందుకు ప్రభుత్వం యత్నించడాన్ని నిరసిస్తూ ఈనెల 19న జిల్లా కేంద్రంలో నిర్వహించే మహాపదర్శనను విజయవంతం చేయాలని సీఐటీయూ జిల్లా కార్యదర్శి ముత్యంరావు కోరారు. సుల్తానాబాద్‌ పూసాలలో ఆదివారం మహాప్రదర్శన ప్రచార పోస్టర్‌ను ఆవిష్కరించి మాట్లాడారు. కార్మికులను బానిసలుగా మార్చే 4 లేబర్‌ కోడ్‌లను రద్దుచేయాలని ఆయన డిమాండ్‌ చేశారు. ఈ కార్యక్రమంలో రైస్‌మిల్లు ఆపరేటర్ల సంఘం అధ్యక్షుడు తాండ్ర అంజయ్య, ప్రధాన కార్యదర్శి, నౌండ్ల బ్రహ్మచారి, నాయకులు బండారి స్వామి, బండారి తిరుపతి, పూసాల సంపత్‌, రాజమౌళి, కిరణ్‌, శీను, లింగన్న, పోగుల లక్ష్మయ్య, సదయ్య, రమేశ్‌, ప్రసాద్‌, అజీజ్‌, రవి, వసంత్‌, సంజీవ్‌, ఎల్లయ్య పాల్గొన్నారు. వేతనాలు చెల్లించాలిజ్యోతినగర్‌(రామగుండం): ఎన్టీపీసీ ప్రాజెక్టు యాజమాన్యంతో చేసిన ఒప్పందం ప్రకారం అద్దె వాహన యజమానులు డ్రైవర్లకు వేత నాలు చెల్ల్లించాలని ఐఎన్‌టీయూసీ జిల్లా అధ్యక్షుడు, డ్రైవర్ల సంఘం నాయకుడు భూమల్ల చందర్‌ డిమాండ్‌ చేశారు. స్థానిక ఎన్టీపీసీ మజ్దూర్‌ యూనియన్‌ కార్యాలయంలో ఆదివారం ఏర్పాటు చేసిన సమావేశంలో ఆయన మాట్లాడారు. వాహన యజమానులు మైనస్‌ టెండర్లు వేసి డ్రైవర్లకు ఈఎస్‌ఐ, పీఎఫ్‌ సౌకర్యాలు వర్తింపజేయడం లేదని ఆయన పేర్కొన్నారు. తక్కువ వేతనం చెల్లించేందుకు సిద్ధమయ్యారని ఆరోపించారు. పాత డ్రైవర్లను తొలగించి కొత్త వారికి అవకాశం కల్పిస్తే సమ్మె చేయనున్నట్లు హెచ్చరించారు. నాయకులు సాగర్‌, ప్రశాంత్‌, సతీశ్‌, ధనుంజయ్‌, నారాయణ, నరేశ్‌, వంశీ, మధు పాల్గొన్నారు. ఎన్నికల్లో గెలుపే లక్ష్యం ● బీజేపీ జిల్లా ఇన్‌చార్జి రాజమౌళి పెద్దపల్లిరూరల్‌: జిల్లాలో త్వరలో నిర్వహించే మున్సిపల్‌ ఎన్నికల్లో బీజేపీ అభ్యర్థులు విజయం సాధించడం ఖాయమని ఆ పార్టీ జిల్లా ఇన్‌చార్జి నాగపురి రాజమౌళి, అధ్యక్షుడు కర్రె సంజీవరెడ్డి అన్నారు. పట్టణంలోని జిల్లా కార్యాలయంలో ఆదివారం సుల్తానాబాద్‌, పెద్దపల్లి మున్సిపల్‌ ఎన్నికల సన్నాహక సమావేశం జరిగింది. వారు మాట్లాడుతూ, కేంద్రంలోని బీజేపీ ప్రభుత్వం అమలు చేస్తున్న పథకాల అమలు తీరుపై ప్రజలకు వివరిస్తూ మ ద్దతు కూడగట్టాలని కార్యకర్తలకు దిశానిర్దేశం చేశారు. ఈ కార్యక్రమంలో నాయకులు మహేశ్‌, ప్రదీప్‌కుమార్‌, మహేందర్‌, నిర్మల, నల్ల మనోహర్‌రెడ్డి, శివంగారి సతీశ్‌, వెంకటకృష్ణ, బెజ్జంకి దిలీప్‌, జీవన్‌ప్రకాశ్‌రెడ్డి, మంథెన కృష్ణ, క్రాంతిఠాకూర్‌, సాయికృష్ణ, జాపతి రాజేశ్‌ తదితరులు పాల్గొన్నారు.

పదేళ్లపాటు రామగుండం నగరం గత పాలకుల నిర్లక్ష్యానికి గురైందని ఎమ్మెల్యే ఎంఎస్‌ రాజ్‌ఠాకూర్‌ విమర్శించారు. దివంగత సీఎం వైఎస్సార్‌ 18 వేల మంది పేదలకు ఇళ్లపట్టాలు పంపిణీ చేశారని, మరో 7వేల వరకు పట్టాలు పంపిణీ చేయాల్సి ఉందన్నారు. నగరంలో మరో తహసీల్దార్‌ కార్యాలయం, జూనియర్‌ కళాశాల భవనం కావాలని మంత్రులను కోరారు. 50మంది ట్రాన్స్‌జెండర్లకు ఇందిరమ్మ ఇళ్లు మంజూరు చేసి, పట్టాలు పంపిణీ చేశామని తెలిపారు. జనరల్‌ ఆస్పత్రి నిర్మాణానికి మరో రూ.50 కోట్లు మంజూరు చేయాలని, 1,100 ఏళ్లనాటి త్రిలింగ రాజరాజేశ్వరస్వామి ఆలయాన్ని పురావస్తుశాఖ ద్వారా రూ.12 కోట్లతో అభివృద్ధి చేయాలని కోరారు. నగరంలో గుండెపోటు మరణాలు పెరుగుతున్నాయని, తన సోదరుడు కూడా ఇదే సమస్యతో మరణించాడని ఆందోళన వ్యక్తం చేశారు. దీనిని అరికట్టేందుకు సింగరేణి వెంటనే క్యాథ్‌ల్యాబ్‌ ఏర్పాటు చేయాలని సూచించారు. ఈవిషయంలో డిప్యూటీ సీఎం జోక్యం చేసుకోవాలని విన్నవించారు. కలెక్టర్‌ కోయ శ్రీహర్ష, అదనపు కలెక్టర్లు వేణు, అరుణశ్రీ, డీసీపీ రాంరెడ్డి, ఆర్డీవో గంగయ్య తదితరులు పాల్గొన్నారు.

చైనా మాంజా తయారీ, విక్రయం, వినియోగంపై డేగకన్ను వేశాం. పండుగ వేళ అన్ని దుకాణాల్లో ఆక స్మిక తనిఖీలు చేస్తున్నాం. అందరినీ అప్రమత్తం చేస్తున్నాం. చైనా మాంజా వాడితే భారీ జరిమానా విధిస్తున్నాం. ఇప్పటికే ప్రత్యేక దాడులు చేశాం. నిషేధిత మాంజా నిల్వలు స్వాధీనం చేసుకున్నాం. తల్లిదండ్రులు, యువత అప్రమత్తమై సాధారణ కాటన్‌ దారంతోనే గాలిపటాలు ఎగురవేయాలి. ఒకచిన్న నిర్లక్ష్యం ఒకపెద్ద విషాదం కాకుండా చైనా మాంజాకు అడ్డుకట్ట వేయాలి. – అంబర్‌ కిశోర్‌ ఝా, సీపీ రామగుండం

మంథనిరూరల్‌: ‘ఒకేదేశం.. ఒకే విద్యార్థి గుర్తింపు నంబర్‌’ నినాదంతో రూపొందించిన అపార్‌ ప థకం ద్వారా ప్రతీతీ విద్యార్ధికి అకడమిక్‌ నంబర్‌ ఇ చ్చేలా ప్రభుత్వం కసరత్తు చేస్తోంది. ప్రత్యేక శాశ్వత గుర్తింపు నంబర్‌ ఇవ్వాలనే లక్ష్యంతో కేంద్ర ప్రభు త్వం అపార్‌ నమోదు ప్రక్రియకు శ్రీకారం చుట్టింది. ఏడాది నుంచి ఈ ప్రక్రియ కొనసాగుతోంది. వి ద్యార్ధుల బయోడేటా కారణాలతో కొన్నిచోట్ల ఆల స్యం కాగా ఈఏడాదిలోగా ఈ ప్రక్రియను పూర్తి చేసేందుకు జిల్లా విద్యాశాఖ పకడ్బందీ ఏర్పాట్లు చేస్తోంది. జిల్లాలోని 14 మండలాల్లో.. జిల్లాలోని 14 మండలాల్లో 783 పాఠశాలు ఉన్నాయి. ఇందులో 1,03,859 మంది విద్యార్ధులు చదువుకుంటున్నారు. అపార్‌ నమోదులో భాగంగా 1,00,376 మంది విద్యార్ధులు ఆధార్‌ సమర్పించగా 87,874 మంది వివరాలు పరిశీలించినట్లు అధికారులు చెబుతున్నారు. మిగిలిన విద్యార్ధులకు ఆధార్‌ అప్‌డేట్‌ చేయించేందుకు అధికారులు ఏర్పాట్లు చేస్తున్నారు. మండలాల వారీగా.. ప్రతీవిద్యార్థికి ఒకే అకడమిక్‌ నంబర్‌ ఇచ్చేందుకు ప్రభుత్వం చేపట్టిన అపార్‌ నమోదు ప్రక్రియ జిల్లా లో మండలాల వారీగా కొనసాగుతూనే ఉంది. బయోడేటా లోపాలతో ఆలస్యం.. అపార్‌ ప్రక్రియలో విద్యార్థుల పూర్తివివరాలు నమోదు చేయాల్సి ఉంటుంది. ఇందులోముఖ్యంగా ఆధార్‌, డేట్‌ ఆఫ్‌ బర్త్‌ వివరాలు నమోదు చేయాలి. అయితే అనేక మంది విద్యార్ధుల వివరాలు సక్రమంగా లేకపోవడంతో అపార్‌ నమోదు ప్రక్రియ ఆలస్యం అవుతోందని చెబుతున్నారు. ఇందులో పాఠశాల రిజిష్టర్‌లో ఉన్న పుట్టిన తేదీ ఆధార్‌లో ఉన్నతేదీలతో సరిపోకపోవడం, విద్యార్ధుల ఇంటి పేర్లు అసంపూర్తిగా ఉండడం, తల్లిదండ్రులు పూర్తివివరాలు అందించకపోవడమే ఆలస్యానికి కారణమని అధికారులు చెబుతున్నారు. జీవితాంతం ఒకే నంబర్‌ అపార్‌ నమోదు ప్రక్రియ పూర్తయిన తర్వాత ప్రతీవిద్యార్ధికి జీవితాంతం ఉండేలా ఒకే అకడమిక్‌ నంబర్‌ కేటాయిస్తారు. దీనిద్వారా విద్యార్ధి ఉన్నత చదువులు, ఉద్యోగాల విషయంలో కొంతఊరట లభిస్తుంది. ఆన్‌లైన్‌లో సదరు విద్యార్థి నంబర్‌ నమోదు చేస్తే పూర్తివివరాలు అందుబాటులోకి వస్తాయి. ఇలా విద్యార్ధికి అపార్‌ నంబర్‌ ద్వారా అనే ప్రయోజనాలు ఉంటాయనే అభిప్రాయాలు వ్యక్తం అవుతున్నాయి.జిల్లా సమాచారంప్రాంతం స్కూళ్లు శాతం అంతర్గాంలో 30 73.39 ధర్మారం 68 75.3 ఎలిగేడు 22 79.03 జూలపల్లి 31 79.66 కమాన్‌పూర్‌ 24 76.71 మంఽథని 76 75.1 ముత్తారం 35 75.26 ఓదెల 46 77.25 పాలకుర్తి 37 85.13 పెద్దపల్లి 118 76.58 రామగిరి 43 69.66 రామగుండం 121 70.75 కాల్వశ్రీరాంపూర్‌ 55 75.95 సుల్తానాబాద్‌ 77 73.42 సర్కారు బడుల్లో కొనసాగుతున్న ప్రక్రియ విద్యార్ధుల బయోడేటా లోపంతో ఆలస్యం ఈ విద్యాసంవత్సరంలో పూర్తయ్యేలా చర్యలు లక్ష్య సాధనకు ప్రత్యేక కార్యాచరణ అమలు వందశాతం పూర్తిచేస్తాం విద్యార్ధుల ఆధార్‌ కార్డులో పుట్టిన తేదీని సవరణ చేసుకోవాలని తల్లిదండ్రులకు చెప్పాం. పాఠశాల రిజిష్టర్‌లో విద్యార్ధి పుట్టిన తేదీకి ఆధార్‌లో డేట్‌ ఆఫ్‌ బర్త్‌కు తేడా ఉంటోంది. ఈక్రమంలో డేట్‌ ఆఫ్‌ బర్త్‌ సవరణలోనే ఆలస్యం అవుతోంది. ఇప్పటివరకు మంథని మండలంలో 72 నుంచి 80శాతం అపార్‌ నమోదు ప్రక్రియ పూర్తిఅయింది. పుట్టిన తేదీల మార్పు చేసుకున్న వారివివరాలను నమోదు చేస్తున్నాం. త్వరలోనే వందశాతం పూర్తిచేస్తాం. – దాసరి లక్ష్మి, ఎంఈవో, మంథని

రామగుండం: కామారెడ్డిలో ఇటీవల నిర్వహించిన రాష్ట్రస్థాయి బాల వైజ్ఞానిక ప్రదర్శన–2026లో లింగాపూర్‌ మోడల్‌ స్కూల్‌కు చెందిన ఎనిమిదో తరగతి విద్యార్థిని దేపూరి వైష్ణవి ‘స్థిర వ్యవసాయం’ ఉపథీమ్‌లో ‘లేజర్‌ ఫెన్సింగ్‌’ ప్రాజెక్టు ప్రదర్శించి అబ్బు రపర్చింది. ఈ ప్రదర్శనకు రాష్ట్రస్థాయిలో తృతీయ స్థానం లభించిందని ప్రిన్సిపాల్‌ సదానందం యాదవ్‌ తెలిపారు. ప్రాజెక్టుకు మార్గనిర్దేశం చేసిన సైన్స్‌ ఉపాధ్యాయుడు జి.అఖిల్‌కుమార్‌కు కృతజ్ఞతలు తెలిపారు. హర్షితకు అభినందన కమాన్‌పూర్‌(మంథని): జూలపల్లి జెడ్పీ హైస్కూల్‌ విద్యార్థిని కొత్తపల్లి హర్షిత జూనియర్‌ విభాగంలో రాష్ట్రస్థాయి తెలంగాణ ఇంగ్లిష్‌ ఒలింపియాడ్‌ పోటీలకు ఎంపిక కావడంతో ఉపాధ్యాయులు అభినందించారు. సినియర్స్‌లో బొజ్జ మణిచరణ్‌ ద్వితీయ స్థానంలో నిలిచారు. గైడ్‌ టీచర్‌ నాగరాజు, ఉపాధ్యాయులు, విద్యార్థులు అభినందించారు. ‘భాషిణి’తో భాషా అవరోధాలకు చెక్‌ జ్యోతినగర్‌(రామగుండం): భాషిణి యాప్‌తో భాషా అవరోధాలకు ముగింపు ఉంటుందని ఎన్టీపీసీ ఎగ్జిక్యూటివ్‌ డైరెక్టర్‌ చందన్‌ కుమార్‌ సామంత అన్నారు. ఎన్టీపీసీ ఉద్యోగ వికాస కేంద్రంలో శనివారం విశ్వహిందీ దినోత్సవం నిర్వహించారు. ఆయన మాట్లాడుతూ, హిందీని సమర్థవంతంగా ఉపయోగించడం, మీడియాలో దాని పాత్రపై దృష్టి సారించడం చాలా ముఖ్యమని ఆయన సూచించారు. భాషిణి యాప్‌ ద్వారా మనదేశంలోని అనేక భాషల్లో అ నువాదం, వాయిస్‌ ద్వారా సంభాషణ, టెక్ట్స్‌ ట్రాన్స్‌లేషన్‌ వంటి సదుపాయాలు అందుబాటులోకి వచ్చాయని వివరించారు. భాషా స మానత్వం, డిజిటల్‌ భారత్‌ లక్ష్య సాధనలో భా షిణి ఒక వినూత్న ముందడుగుగా నిలుస్తోందని కేంద్ర హోం మంత్రిత్వ శాఖ, అధికార భా షా విభాగం కన్సల్టెంట్‌ కేవల్‌ కృష్ణన్‌ అన్నారు. ఏజీఎం హెచ్‌ఆర్‌ బిజయ్‌కుమార్‌ సిగ్దర్‌, ఉద్యోగులు తదితరులు పాల్గొన్నారు.

ఆదివారం శ్రీ 11 శ్రీ జనవరి శ్రీ 2026తెరపైకి మంథని జిల్లా ● పునర్వవస్థీకరణ నేపథ్యంలో చిగురిస్తున్న ఆశలు ● నియోజకవర్గం అంతా ఒకేజిల్లా పరిధిలోకి.. ● శ్రీపాద జిల్లాగా ఏర్పాటవుతుందని ఆశాభావం ● తూర్పు డివిజన్‌లో మళ్లీ జోరందుకున్న చర్చలు Iమంథని: పరిపాలన సౌలభ్యం పేరిట గత ప్రభుత్వం ఏ ర్పాటు చేసిన కొత్త జిల్లాలు అశాసీ్త్రయంగా ఉన్నాయని కాంగ్రెస్‌ నేతలు పలుమార్లు ప్రస్తావించారు. ఈ నేపథ్యంలో జి ల్లాల పునర్వవస్థీకరణ హాట్‌టాపిక్‌గా మారింది. మంథని వాసుల్లోనూ మళ్లీ ఆశలు చిగురిస్తున్నాయి. 1992లోనే మంథనిని పీవీ జిల్లాగా ఏర్పాటు చేయాలని వినతులు, నిరాహా ర దీక్షలు చేశారు. ఎంతో చరిత్ర కలిగిన మంథని.. జిల్లాగా ఆవిర్భవిస్తే వ్యాపార, వాణిజ్య కార్యకలాపాలు ఊపందుకుని ఎంతో లాభదాయకంగా ఉంటుందనే ఆశాభావం వ్యక్తం చేస్తున్నారు. రెండు జిల్లాల్లో విస్తరించి ఉన్న మంథని నియోజకవర్గం మళ్లీ ఒకే ప్రాంతంగా ఏర్పడితే బాగుంటుందనే అభిప్రాయాలు సర్వత్రా వ్యక్తమవుతున్నాయి. అన్నివిధాలా అనుకూలం.. సాధారణంగా ఓ ప్రాంతం అభివృద్ధి చెందేందుకు దానికి తగిన ప్రాధాన్యం తప్పనిసరి. జిల్లా కేంద్రాలైతే.. ప్రభుత్వ కార్యాలయాలు, ఉద్యోగులు, మౌలిక వసతులు, వారి అవసరాల కోసం ఏర్పడే విద్య, వ్యాపార తదితర సంస్థలతోపాటు అనేక మార్పులు సంభవించే అవకాశం ఉంటుంది. ఇప్పటికే అభివృద్ధి చెందిన ప్రాంతాలను జిల్లా కేంద్రాలుగా చేస్తే అక్కడి ప్రజలు మరింత ఇబ్బందులు పడే అవకాశాలు ఉన్నాయనే అభిప్రాయాలు వ్యక్తమవుతున్నాయి. అందుబాటులో వనరులు.. మంథని మారుమూల ప్రాంతం. అయినా జిల్లా కేంద్రం ఏర్పాటుకు అన్నివనరులు అందుబాటులో ఉన్నాయి. విస్తీర్ణంలో ఉమ్మడి ఆంధ్రప్రదేశ్‌ రాష్ట్రంలోనే అతి పెద్ద అసెంబ్లీ నియోజకవర్గం మంథని. బొగ్గు గనులతోపాటు కాళేశ్వరం ప్రాజెక్టు కూడా ఇక్కడే ఉంది. మంథని నుంచి మణుగూరు మధ్య రైల్వేలైన్‌ నిర్మాణానికి కేంద్రప్రభుత్వ ఇటీవల రూ.4వేల కోట్లు విడుదల చేసింది. మంథనిలో ఇప్పటికే ఆర్టీసీ బస్సు డిపో ఉంది. విద్యుత్‌, ఫారెస్ట్‌ డివిజన్‌ కార్యాలయాలు, జేఎన్టీయూ వంటి ప్రముఖ విద్యాసంస్థలు ఉన్నా యి. త్వరలోనే మెడికల్‌ కాలేజీ కూడా రాబోతోంది. నాగ్‌పూర్‌ – విజయవాడ గ్రీన్‌ఫీల్డ్‌ హైవే.. నాగ్‌పూర్‌ – విజయవాడ మధ్య చేపట్టిన గ్రీన్‌ఫీల్డ్‌ హైవే మంచిర్యాల – వరంగల్‌ హైవే మంథని నుంచే వెళ్తోంది. రూ.125 కోట్ల వ్యయంతో మంథని నుంచి మంచిర్యాల జిల్లా శివ్వారం వరకు, ఆరెంద వద్ద మానేరుపై రూ.203 కోట్లతో వంతెనల నిర్మాణానికి నిధులు మంజూరయ్యా యి. మంథని సమీపం నుంచి ఆ వంతెనకు అనుసంధానంగా బైపాస్‌ రహదారి కూడా నిర్మిస్తున్నారు. రూ.200 కోట్ల వ్యయంతో హైటెక్‌ హంగులతో ఇంటిగ్రేటెడ్‌ రెసిడెన్షిల్‌ స్కూల్‌ పనులు త్వరలో ప్రారంభం కానున్నాయి. మంథనిని జిల్లా కేంద్రంగా మార్చితే.. మహారాష్ట్ర, ఛత్తీస్‌గఢ్‌, ఒడిశా రాష్ట్రాలకు కేంద్ర బిందువుగా అవతరిస్తుంది. శ్రీపాద జిల్లాగా ఏర్పాటుపై ఆశాభావం పీవీ నర్సింహారావు అనంతరం మంథనిలో దుద్ధిళ్ల శ్రీపాదరావు తెరపైకి వచ్చారు. ప్రస్తుత రాజకీయాల్లో ఎంతోకీలకంగా వ్యవహరిస్తున్న మంత్రి శ్రీధర్‌బాబు తండ్రి శ్రీపాదరావు సైతం వరుసగా హ్యాట్రిక్‌ సాధించి మంథని ప్రాంతాన్ని అభివృద్ధి పథంలో నడిపించారు. దీంతో జిల్లాల పునర్వవస్థీకరణ లోనూ మంథని జిల్లాగా ఏర్పాటవుతుందని ఈ ప్రాంత ప్రజ లు ఆశించారు. అనూహ్యంగా పెద్దపల్లిని జిల్లాగా ప్రకటించడంతో మిన్నకుండిపోయారు. అయినా.. జిల్లాల ఏర్పాటు ప్రస్తావన వచ్చిన ప్రతీసారి జిల్లా సాధన కోసం ఉద్యమబాట పట్టారు. ఏళ్లుగా ఎదురుచూస్తున్న మంథని జిల్లా ఏర్పాటు కల ఈసారైనా నెరవేరుతుందనే ఆశతో ఉన్నారు.మంథని పట్టణంమంథని పీవీ జిల్లా కోసం దశాబ్దాల పోరాటంమంథనిని జిల్లాగా ఏర్పాటు చేయాలనే డిమాండ్‌తో ఉమ్మడి ఆంద్రప్రదేశ్‌లోనే ఈ ప్రాంతవాసులు గళమెత్తారు. దివంగత మాజీప్రధాని పీవీ నరసింహారావు పేరిట ప్రత్యేక జిల్లా కావాలని నిరాహారదీక్షలు సైతం చేపట్టారు. మంథని నుంచి పీవీ నాలుగుసార్లు ఎమ్మెల్యేగా గెలిచారని గుర్తుచేశారు. ఉమ్మడి రాష్ర ్టసీఎంగా పనిచేసిన సమయంలోనూ మంథని నుంచే ఆయన అసెంబ్లీకి ప్రాతినిధ్యం వహించారు. ఈ ప్రాంతానికి ఆయన చేసిన సేవలకు గుర్తుగా మంథని జిల్లా ఏర్పాటు చేయాలనే డిమాండ్‌ ఆదినుంచీ బలంగా ఉంది. ఈ క్రమంలోనే 1992 లో అప్పటి సీఎంలు కోట్ల విజయభాస్కర్‌రెడ్డి, నేదురుమల్లి జనార్దన్‌రెడ్డి హయాంలోనే జిల్లా ఏర్పాటు కోరుతూ వినతిపత్రాలు అందించారు.

గోదావరిఖని: ఇందిరమ్మ ఇళ్ల పట్టాల పంపిణీ, డబుల్‌ బెడ్రూమ్‌ ఇళ్ల ప్రారంభంతోపాటు వివిధ అభివృద్ధి పనుల్లో పాల్గొనేందుకు మంత్రులు పొంగులేటి శ్రీనివాసరెడ్డి, దుద్దిళ్ల శ్రీధర్‌బాబు, అడ్లూరి లక్ష్మణ్‌కుమార్‌ ఆదివారం నగరంలో పర్యటించనున్నారు. ఈ సందర్భంగా స్థానిక ప్రభుత్వ జూనియర్‌ కాలేజీ మైదానంలో మధ్యాహ్నం 12.40 గంటలకు బహిరంగ సభ నిర్వహించనున్నారు. సభాస్థలిని రామగుండం ఎమ్మెల్యే మక్కాన్‌సింగ్‌ రాజ్‌ఠాకూర్‌ శనివారం పరిశీలించి ఏర్పాట్లపై అధికారులకు పలు సూచనలు చేశారు. ఎమ్మెల్యే వెంట మున్సిపల్‌ కమిషనర్‌ అరుణశ్రీ, అధికారులు, కాంగ్రెస్‌ నాయకులు, కార్యకర్తలు ఉన్నారు. కట్టుదిట్టమైన పోలీస్‌ బందోబస్తు మంత్రుల పర్యటన సందర్భంగా కట్టుదిట్టమై పోలీస్‌ బందోబస్తు చేపట్టామని గో దావరిఖని ఏసీపీ రమేశ్‌ తెలిపారు. బహిరంగ సభకు మంత్రులు శ్రీధర్‌బాబు, పొంగులేటి శ్రీనివాసరెడ్డి. అడ్లూరి లక్ష్మణ్‌కుమార్‌ హాజరుకానున్న నేపథ్యంలో బందోబస్తు విధుల్లో పాల్గొనే పోలీస్‌ అధికారులు, సిబ్బందికి మార్కండేయకాలనీ శ్రీ రాజ్యలక్ష్మి గార్డెన్స్‌లో ప్రత్యేకంగా సూచన లు, సలహాలు ఇచ్చారు. ఏఆర్‌ ఏసీపీ ప్ర తాప్‌, సీఐలు ఇంద్రసేనారెడ్డి, రవీందర్‌, ప్రవీణ్‌కుమార్‌, ప్రసాదరావు, రాజు, రాజేశ్వర్‌రావు తదితరులు పాల్గొన్నారు. మంత్రులు ప్రారంభించే అభివృద్ధి పనులు ఇవేగోదావరిఖని/కోల్‌సిటీ: నగరంలో చేపట్టిన వివిధ అభివృద్ధి పనులను మంత్రులు పొంగులేటి శ్రీనివాసరెడ్డి, దుద్దిళ్ల శ్రీధర్‌బాబు, అడ్లూరి లక్ష్మణ్‌కుమార్‌ ఆదివారం ప్రారంభించనున్నారు. ఈ మేరకు కలెక్టర్‌ శ్రీహర్ష, మున్సిపల్‌ కమిషనర్‌ అరుణశ్రీ శనివారం వివరాలు వెల్లడించా రు. రూ.255.82కోట్ల వ్యయంతో అమృత్‌ పథకం ద్వారా చేపట్టిన సీవరేజ్‌ ట్రీట్‌మెంట్‌ ప్లాంట్‌, రూ.100 కోట్లతో చేపట్టిన సీసీరోడ్లు, అండర్‌గ్రౌండ్‌ డ్రైనేజీ, రూ.88.90 కోట్లతో చేపట్టిన తాగునీటి సరఫరా, రూ. 50కోట్లతో సీసీరోడ్ల పనులను మంత్రులు ప్రారంభించనున్నారు. డీఎంఎఫ్‌టీ, ఎన్టీపీసీ సీఎస్‌ఆర్‌ నుంచి రూ.169.84కోట్లతో చేపట్టే పలు పనులకు శంకుస్థాపన చేస్తా రు. మంత్రుల సభ నేపథ్యంలో నగరంలో ట్రాఫిక్‌ క్రమబద్ధీకరించినట్లు పోలీసులు తెలిపారు. ప్రభుత్వ జూనియర్‌ కాలేజీ మై దానంలో బహిరంగ సభ నిర్వహించను న్న నేపథ్యంలో చౌరస్తా నుంచి బస్టాండ్‌కు వెళ్లేవారు న్యూఅశోకటాకీస్‌ మీదుగా ప్రయాణం చేయాలని సూచించారు.

పీవీ జిల్లాగా మంథనిని ఏర్పాటు చేయాలని 1992లోనే అప్పటి సీఎంలు నేదురుమల్లి జనార్దన్‌రెడ్డి, కోట్ల విజయభాస్కరెడ్డికి వినతిపత్రాలు సమర్పించాం. అప్పుడు శాసనసభ స్పీకర్‌గా శ్రీపాదరావు ఉన్నారు. జిల్లా కోసం ఆనాటినుంచి ఏదోరూపంలో ప్రభుత్వానికి విజ్ఞాపణలు చేస్తూనే ఉన్నాం, మంథని జిల్లా ఏర్పాటుకు అన్నిరకాలుగా అర్హతలు ఉన్నాయి. – కొండేల మారుతి, స్వచ్ఛంద సంస్థ వ్యవస్థాపకుడు, మంథని శ్రీపాద జిల్లాగా ఏర్పాటు చేయండి జిల్లాలను పునర్వవ్యస్థీకరిస్తామని మంత్రి పొంగులేటి శ్రీనివాస్‌రెడ్డి అసెంబ్లీలో ప్రకటించడం హర్షణీయం. మంథనిని రెండు జిల్లాల్లో విస్తరించడం ద్వారా చాలానష్టం వాటిల్లింది. మంథనిని జిల్లాగా ఏర్పాటు చేయాలనేది ఈప్రాంత ప్రజల చిరకాల ఆకాంక్ష. శ్రీపాద జిల్లాగా ఏర్పాటు చేయాలి. – బెజ్జంకి డిగంబర్‌, విద్యార్థి జేఏసీ నాయకుడు, మంథని

● ఎకరాకి ఏడు క్వింటాళ్లే యాప్‌లో నమోదు ● అధికారులు అనుగ్రహిస్తేనే 12 క్వింటాళ్లకు అనుమతి పెద్దపల్లిరూరల్‌: జిల్లాలో పత్తి సాగు చేసిన రైతుల ను కపాస్‌ యాప్‌ కష్టాలు వెంటాడుతూనే ఉన్నా యి. దిగుబడి సాధించిన అన్నదాతలను గుర్తించి.. యాప్‌లో పూర్తిదిగుబడి నమోదుకు అనుమతి ఇ వ్వాలని కలెక్టర్‌ ఆదేశాలు ఇచ్చినా సంబంధిత శా ఖల అధికారులు జాప్యం చేస్తున్నారని విమర్శలు వ స్తున్నాయి. దిగుబడిని విక్రయించేందుకు కపాస్‌ యాప్‌తో స్లాట్‌ బుకింగ్‌ కష్టాలు తప్పడం లేదు. పత్తి పండించిన రైతులు.. తమ దిగుబడిని అమ్ముకునేందుకు మార్కెట్‌యార్డు, సీసీఐ కొనుగో లు కేంద్రాలకు వెళ్తే.. యాప్‌లో ఎకరాకి ఏడు క్వింటాళ్లనే నమోదు చేసుకునే అవకాశం ఉంది. అ యితే, ఎకరాకి 12 క్వింటాళ్లను విక్రయించుకునేందుకు సంబంధిత క్లస్టర్‌ వ్యవసాయ విస్తీరణాధికారి, మండల వ్యవసాయాధికారి అనుమతి పత్రం ఇస్తేనే అమ్ముకునేందుకు అవకాశం ఉందని సంబంధితశాఖ అధికారులు పేర్కొంటున్నారు. ది గుబడి సాధించిన కొంతమంది రైతులు.. తమ పంటను అమ్ముకునేందుకు అవకాశం కల్పించాలని కోరుతూ దరఖాస్తు చేసుకున్నా.. అధికారులు స్పందించడం లేదని పలువురు వాపోతున్నారు. పెద్దపల్లి మార్కెట్‌కు వచ్చిన పత్తి పత్తి సాగు చేసిన రైతులు తమ దిగుబడి ఎకరాకి 12 క్వింటాళ్ల చొప్పున మద్దతు ధరకు కొనేలా అనుమతినివ్వాలి. – వ్యవసాయశాఖ మంత్రి తుమ్మల నాగేశ్వర్‌రావు ఆదేశం

● ఆర్టీసీ అధికారుల అభ్యర్థన ● తిరస్కరించిన ఎమ్మెల్యే విజయరమణారావు పెద్దపల్లిరూరల్‌: మేడారం సమ్మక్క – సారలమ్మ జాతరకు పెద్దపల్లి డిపో నుంచి బస్సులు నడిపించేందుకు ఏర్పాట్లు చేయాలని ఆర్టీసీ అధికారులు యోచించారు. ఈ విషయాన్ని స్థానిక ఎమ్మెల్యే విజయరమణారావు వద్ద ప్రస్తావించినట్లు సమాచారం. పెద్దపల్లి డిపో పేరిట ఆర్టీసీ బస్సులను జాతరకు నడిపితే పెద్దపల్లిలో డిపో ఏర్పాటైనట్లు చాలామందికి తెలిసిపోతుందని వివరించినట్లు తెలిసింది. అందుకు విముఖత వ్యక్తం చేసిన ఎమ్మెల్యే విజయ రమణారావు.. సంక్రాంతి పండుగ తర్వాత మంత్రి పొన్నం ప్రభాకర్‌తో బస్సు డిపో ప్రారంభించుకుందామని చెప్పినట్లు సమాచారం. అర్హులందరికీ ఇందిరమ్మ ఇళ్లు పెద్దపల్లిరూరల్‌/పెద్దపల్లి: అర్హులందరికీ ఇందిరమ్మ ఇళ్లు మంజూరు చేయడం తమ ప్రభుత్వ లక్ష్యమని ఎమ్మెల్యే విజయరమణారావు అన్నారు. స్థానిక చిట్టేటివాడ, శ్రీరాంనగర్‌ తదితర ప్రాంతాల్లో శుక్రవారం ఇందిరమ్మ లబ్ధిదారులకు శుక్రవారం ఆయ న ప్రొసీడింగ్స్‌ అందజేసి మాట్లాడారు. ప్రతీపేద కుటుంబానికి సొంత ఇంటిని నిర్మించి ఇవ్వాలన్నదే సీఎం రేవంత్‌రెడ్డి సర్కార్‌ ధ్యేయమన్నారు. మున్సిపల్‌ కమిషనర్‌ వెంకటేశ్‌, ఏఈ సతీశ్‌, నాయకులు పాగాల సోని, శ్రీకాంత్‌, జడల సురేందర్‌, కొట్టె సదానందం, తిరుపతి, రవి తదితరులు ఉన్నారు.

పెద్దపల్లిరూరల్‌: జిల్లా లో శనివారం నుంచి టెక్నికల్‌ సర్టిఫికెట్‌ కో ర్సు(టీసీసీ) పరీక్షలు నిర్వహిస్తారు. నాలుగురోజుల పాటు నిర్వహించే ఈ పరీక్షలకు మొత్తం 620మంది అభ్యర్థులు హాజరుకానున్నారు. ఇందు కోసం అన్నిఏర్పాట్లు పూర్తిచేసినట్లు జిల్లా పరీక్షల కో ఆర్డినేటర్‌ రాంరెడ్డి తెలిపారు. పెద్దపల్లిలోని జె డ్పీ బాలుర ఉన్నత, బాలికోన్నత, అప్పర్‌ ప్రైమరీ స్కూల్‌లో పరీక్ష కేంద్రాలు ఏర్పాటు చేసినట్లు వివరించారు. ఉదయం 10గంటల నుంచి మధ్యా హ్నం 12.30 గంటల వరకు, మధ్యాహ్నం 2.00 గంటల నుంచి సాయంత్రం 4.30 గంటల వరకు పరీక్షలు జరుగుతాయని ఆయన పేర్కొన్నారు.

పండించిన పత్తి పంటను అమ్ముకునేందుకు అవస్థ పడాల్సి వస్తోంది. యాప్‌లో నమోదు చేసే సమయంలో సాంకేతిక సమస్యలు తలెత్తడంతో జాప్యం అవుతోంది. పత్తికి మార్కెట్‌లో మద్దతు ధర ఉన్నా యాప్‌ నమోదుతోనే కొంతఇబ్బంది కలుగుతోంది. – శ్రీనివాస్‌, మంగపేట, కాల్వశ్రీరాంపూర్‌)12 క్వింటాళ్లకు అనుమతించాలి పత్తి సాగు చేసిన రైతులకు ఎకరాకి 12 క్వింటాళ్ల వరకు అనుమతి ఇస్తామని ప్రభుత్వం, కలెక్టర్‌ చెప్పినా అధికారులు స్పందించడం లేదు. రైతులను ఇబ్బందిపెట్టకుండా దరఖాస్తులను పరిశీలించి సత్వరమే అనుమతించేలా చొరవచూపాలి. – జడల సురేందర్‌, మార్కెట్‌ కమిటీ మాజీ చైర్మన్‌ సత్వరమే పరిష్కారం పత్తి దిగుబడులను కపాస్‌ యాప్‌లో నమోదు చేసేందుకు 7 క్వింటాళ్లకే తొలుత అనుమతి ఇచ్చారు. కొందరు రైతులు ఎక్కువ దిగుబడి సాధించామని దరఖాస్తు చేస్తే పరిశీలించాకే అనుమతి ఇస్తున్నాం. నల్లరేగడి భూముల్లో నీటివసతి ఉన్న రైతులకే ఈ అవకాశాన్ని కల్పిస్తున్నాం. – శ్రీనివాస్‌, డీఏవో

రామగుండం: రైల్వే సికింద్రాబాద్‌ అదనపు డి విజనల్‌ మేనేజర్‌ సంజీవరావు, పలువురు ఉ న్నతాధికారులు శుక్రవారం స్ఠానిక రైల్వేస్టేషన్‌ను సందర్శించారు. పలు కార్యాలయాల్లో త నిఖీ చేశారు. బద్రిపల్లి/మల్యాలపల్లి మధ్య అ డ్డుగా ఉన్న రైల్వేట్రాక్‌ సమస్య పరిష్కరించాల ని డీఆర్‌యూసీసీ ప్రతినిధి అనుమాస శ్రీనివా స్‌ ఏడీఆర్‌ఎంకు విన్నవించారు. స్థానికులు ఎండీ అజీం, సైదులు, రమేశ్‌ పాల్గొన్నారు. చెమన్‌సింగ్‌కు పురస్కారం జూలపల్లి(పెద్దపల్లి): కుమ్మరికుంట నివాసి, హైదరాబా ద్‌లో స్థిరపడ్డ సాహితీవేత్త, కవి చెమన్‌సింగ్‌.. రాష్ట్రస్థా యి అలిశెట్టి సాహిత్య పురస్కారానికి ఎంపికయ్యారు. అట్టడుగు పేదల జీవితాలకు ఆద్దం పట్టే కవిత్వం రాసిన అలిశె ట్టి ప్రభాకర్‌ పేరిట ఏటా రాష్ట్రస్థాయి అవార్డు ఇస్తున్న విషయం విదితమే. ఈనెల 12న కరీంనగర్‌లో పురస్కారం అందించనున్నారు. ఆయనను పలువురు అభినందించారు. కేటీఆర్‌ను కలిసి ఈశ్వర్‌ పెద్దపల్లి: మాజీమంత్రి కొప్పుల ఈశ్వర్‌ శుక్రవారం బీఆర్‌ఎస్‌ రాష్ట్ర వర్కింగ్‌ ప్రెసిడెంట్‌ కే టీఆర్‌ను హైదరాబాద్‌లో కలిశారు. ఎమ్మెల్యే లు గంగుల కమలాకర్‌, పాడి కౌశిక్‌రెడ్డి, ఎమ్మెల్సీ ఎల్‌.రమణ తదితరులు కేటీఆర్‌ను కలువగా.. వచ్చే ఎన్నికల్లో మెజారిటీ స్థానాలు సా ధించాలని వారికి దేశనిర్దేశం చేశారు. సీనియర్‌ అసిస్టెంట్‌ సస్పెన్షన్‌ పెద్దపల్లి: జిల్లాలోని ధర్మారం తహసీల్దార్‌ కా ర్యాలయంలో డిప్యుటేషన్‌పై సీనియర్‌ అసిస్టెంట్‌గా పనిచేస్తున్న ఇంతియాజ్‌ ఆలీని సస్పెండ్‌ చేస్తూ కలెక్టర్‌ కోయ శ్రీహర్ష శుక్రవారం ఉత్తర్వులు జారీచేశారు. ఇంతియాజ్‌ ఆలీ.. గతంలో పెద్దపల్లి తహసీల్దార్‌ కార్యాలయంలో జూ నియర్‌ అసిస్టెంట్‌, రికార్డుల నిర్వహణ అధికారిగా పనిచేశారు. ఆ సమయంలో పహణిలో పే రును అనధికారికంగా, తప్పుగా నమోదు చేశా రు. పట్టాదారు ఫిర్యాదుమేరకు విచారణ జరిపి ఇంతియాజ్‌ ఆలీని సస్పెండ్‌ చేశారు. సర్కారు బడుల్లోనే మంచి విద్య సుల్తానాబాద్‌రూరల్‌: ప్రభుత్వ పాఠశాలల్లో మె రుగైన సదుపాయాలు ఉన్నాయని, విద్యార్థుల కు నాణ్యమైన విద్య అందిస్తున్నామని డీఈవో శారద అన్నారు. సుద్దాల ప్రాథమికోన్నత పాఠశాలలో భవిత కేంద్రం, ప్రీ ఫ్రైమరీ క్లాస్‌ రూంను శుక్రవారం ప్రారంభించి మాట్లాడారు. ప్లా నింగ్‌ కో ఆర్డినేటర్‌ మల్లేశం, సీఎంవో కవితారె డ్డి, ఎంఈవో రాజయ్య, హెచ్‌ఎం రత్నాకర్‌రెడ్డి, సర్పంచ్‌ సంపత్‌యాదవ్‌ పాల్గొన్నారు. నేటి నుంచి సంక్రాంతి సెలవులు పెద్దపల్లి: జిల్లాలోని ప్రభుత్వ, ప్రైవేట్‌ స్కూళ్లకు ఈనెల 10 నుంచి 16వ తేదీ వరకు సంక్రాంతి సెలవులు ప్రకటించామని డీఈవో శారద తెలిపారు. సెలువులు కచ్చితంగా అమలు చేయాలని సూచించారు. నిబంధనలు అతి క్రమించే పాఠశాల యాజమాన్యాలపై కఠిన చర్యలు తీసుకుంటామని హెచ్చరించారు.

పెద్దపల్లి: జిల్లాలో జరిగే సమ్మక్క – సారలమ్మ జా తరకు జిల్లా అధికార యంత్రాంగంతోపాటు జా తర కమిటీలు ముమ్మర ఏర్పాట్లు చేస్తున్నాయి. ఈ నెల 28 నుంచి 31వ తేదీ వరకు జాతర నిర్వహిస్తారు. 28న సార్లమ్మ, 29న సమ్మక్క గద్దెలకు వ స్తారు. 30న అమ్మవార్లకు మొక్కులు చెల్లిస్తారు. 31 న అమ్మవార్ల వన ప్రవేశంతో వేడుకలు ముగుస్తా యి. జిల్లాలో గోదావరిఖని, గోలివాడ, ఓదెల మండలం కొలనూరు, సుల్తానాబాద్‌ మండలం నీరుకు ల్ల, కొదురుపాకలో జాతరలు జరుగుతాయి. వీటితోపాటు హనుమంతునిపేట, గర్రెపల్లి, తొగర్రా యి, మడక, పెగడపల్లి, మీర్జంపేట, గుండారం, ఈసాలతక్కలపల్లి, ఎలిగేడు, వెంకట్రావుపల్లిలో నూ వన దేవతల జాతరలు జరుగుతాయి. ఈమే రకు ఆయా జాతర కమిటీలు భక్తులకు ఏర్పాట్లు చేయడంలో నిమగ్నమయ్యాయి.

● నేడు తుది ఓటరు జాబితా విడుదల ● ఏర్పాట్లలో జిల్లా అధికార యంత్రాంగం పెద్దపల్లి: పంచాయతీ ఎన్నికల మాదిరిగానే పురపాలికల ఎన్నికలనూ బ్యాలెట్‌ పద్ధతిన నిర్వహించేందుకు జిల్లా అధికార యంత్రాంగం చర్యలు తీసుకుంటోంది. ఇప్పటికే ముసాయిదా ఓటరు జాబితా విడుదల చేసి అభ్యంతరాలు స్వీకరించిన అధికారులు.. ఈనెల 10న తుది జాబితా విడుదల చేయనున్నారు. ఇందుకోసం అన్నిఏర్పాట్లు చేస్తున్నారు. ప్రధానంగా బ్యాలెట్‌ బాక్స్‌లు సిద్ధం చేసుకోవాలని ఈసీ ఇటీవల మున్సిపల్‌ కమిషనర్లకు సూచించింది. జిల్లాలోని రామగుండం కార్పొరేషన్‌తోపాటు సుల్తానాబాద్‌, పెద్దపల్లి, మంథనిలోని మున్సిపాలిటీల్లో ఎన్నికలు నిర్వహించనున్నారు. మరోవైపు.. డీసీసీ, బీఆర్‌ఎస్‌ అధ్యక్షులు రాజ్‌ఠాకూర్‌ మక్కాన్‌సింగ్‌, కోరుకంటి చందర్‌తోపాటు పెద్దపల్లి ఎమ్మె ల్యే సీహెచ్‌ విజయరమణారావు ఇటీవల తమ పార్టీ శ్రేణులతో సమావేశమయ్యారు. పురపోరులో అన్ని సీట్లలో విజయం సాధించడం లక్ష్యంగా ముందుకు సాగాలని వారిని సమాయత్తం చేశారు. గ్రూపు తగాదాలను పక్కన పెట్టి గెలుపే లక్ష్యంగా కాంగ్రెస్‌ శ్రేణులు పనిచేయాలని సీఎం రేవంత్‌రెడ్డి ఇటీవల హైదరాబాద్‌లో సూచించడతో ఆ మేరకు నేతలు ముందుకు సాగుతున్నారు.

● కలెక్టర్‌ కోయ శ్రీహర్ష గోదావరిఖని: మంత్రులు శ్రీధర్‌బాబు, అడ్లూరి ల క్ష్మణ్‌కుమార్‌తోపాటు రెవెన్యూ శాఖ మంత్రి రా మగుండం పర్యటనకు పకడ్బందీ ఏర్పాట్లు చే యాలని కలెక్టర్‌ కోయ శ్రీహర్ష ఆదేశించారు. రామగుండం నియోజకవర్గంలో ఈనెల 11న మంత్రులు పర్యయిస్తారని ఆయన అన్నారు. అదనపు కలెక్టర్‌ అరుణశ్రీతో కలిసి కలెక్టర్‌ శుక్రవారం నగరంలో క లెక్టర్‌ పర్యటించారు. డబుల్‌ బెడ్రూమ్‌ల ఇళ్లు ప్రా రంభించడంతోపాటు వివిధ అభివృద్ధి కార్యక్రమా ల్లో మంత్రులు పాల్గొంటారని కలెక్టర్‌ తెలిపారు. హెలిక్యాప్టర్‌ ల్యాండింగ్‌ కోసం పోలీస్‌ కమిషనరేట్‌లోని హెలిప్యాడ్‌, ప్రభుత్వ జూనియర్‌ కళాశాల మైదానంలో సభ ఏర్పాటు, గోదావరి తీరంలోని సమ్మక్క – సారలమ్మ జాతర ఏర్పాట్లను సందర్శించారు. కలెక్టర్‌ వెంట డీసీపీ రాంరెడ్డి, ఆర్‌డీవో గంగయ్య, ఏసీపీ రమేశ్‌, అధికారులు ఉన్నారు.

● అదనపు కలెక్టర్‌ వేణు పెద్దపల్లి: సమ్మక్క–సారలమ్మ జాతర పనులు సకాలంలో పూర్తిచేయాలని అదనపు కలెక్టర్‌ వేణు ఆదేశించారు. గోలివాడ, గోదావరిఖని, నీరుకుల్లలో నిర్వహించే సమ్మక్క – సారలమ్మ జాతర ఏర్పాట్లపై శుక్రవారం తన కార్యాలయంలో అధికారులతో సమీక్షించారు. ఈనెల 28 నుంచి 31వ తేదీ వరకు జాతర జరుగుతుందని, భక్తులకు ఇబ్బందులు కలుగకుండా ఏర్పాట్లు చేయాలన్నారు. నిరంతరం విద్యుత్‌ సరఫరా చేయాలని, పారిశుధ్య పనులు చేపట్టాలని, తాగునీటి సౌకర్యం కల్పించాలని, తాత్కాలిక మరుగుదొడ్లు నిర్మించాలని, 108 వాహనం, మందులు అందుబాటులో ఉంచాలని సూచించారు. అవసరమైనచోట సీసీ కెమెరాలు ఏ ర్పాటు చేయాలని ఆదేశించారు. జిల్లాలోని వివిధ ప్రాంతాల నుంచి జాతర వరకు ప్రత్యేక బస్సులు నడపాలని చెప్పారు. ఆర్డీవో సురేశ్‌, ఏసీపీ కృష్ణ, కలెక్టరేట్‌ పరిపాలన అధికారి ప్రకాశ్‌, సీ– విభాగం పర్యవేక్షకుడు కుమారసస్వామి పాల్గొన్నారు.

గోదావరిఖని(రామగుండం): నాణ్యత ప్రమాణాలతో నిర్ణీత వ్యవధిలో పనులు పూర్తి చేయాలని రామగుండం ఎమ్మెల్యే ఎంఎస్‌ రాజ్‌ఠాకూర్‌ పేర్కొన్నారు. గురువారం స్థానిక ప్రధాన చౌరస్తాలోని పలు ప్రాంతాల్లో పర్యటించారు. మంత్రుల పర్యటన త్వరలో ఉన్న నేపథ్యంలో అభివృద్ధి పనులు సకాలంలో పూర్తి చేయాలని ఆదేశించారు. రహదారి పరిస్థితులు, ట్రాఫిక్‌ నియంత్రణ, భద్రతా ఏర్పాట్లు, పారిశుధ్య నిర్వహణ తదితర అంశాలను సమీక్షించారు. అనంతరం ప్రభుత్వ జూనియర్‌ కళాశాల ప్రాంగణం, తరగతి గదులు, మౌలిక వసతుల స్థితిగతులను పరిశీలించారు. విద్యా సంస్థల అభివృద్ధి ప్రభుత్వ ప్రాధాన్యమని, విద్యార్థుల భవిష్యత్తే లక్ష్యంగా ప్రభుత్వం కట్టుబడి ఉందన్నారు. లక్ష్మీనగర్‌లో కొనసాగుతున్న అభివృద్ధి పనులను పర్యవేక్షించారు. ఎమ్మెల్యే వెంట మున్సిపల్‌ కమిషనర్‌ అరుణశ్రీ, గోదావరిఖని ఏసీపీ రమేశ్‌, సీఐ ఇంద్రసేనారెడ్డి, నాయకులు మహంకాళిస్వామి తదితరులున్నారు. ఎమ్మెల్యే రాజ్‌ఠాకూర్‌

పెద్దపల్లి: జిల్లాలో సాధారణ, ఇందిరమ్మ ఇళ్ల నిర్మాణ అనుమతులపై ఏసీబీ అధికారులు ప్రత్యేక నజర్‌ పెట్టారు. రెండేళ్ల నిర్మాణాల అనుమతులపై ఆరా తీస్తుండటంతో కార్యదర్శుల అవినీతి బయటపడే అవకాశం ఉందని ఉన్నతాధికారులు పేర్కొంటున్నారు. దీంతో పాటు ప్రభుత్వ ఆదాయానికి భారీగా గండికొట్టిన కార్యదర్శులపై దృష్టి సారించారు. కాగా, ఇందిరమ్మ ఇళ్ల లబ్ధిదారుల నుంచి కార్యదర్శులు డిజిటల్‌ పేమెంట్లు, మధ్యవర్తులతో చెల్లింపులపై విచారణ చేస్తుండడం జిల్లాలో హాట్‌టాపిక్‌గా మారింది. రాజీవ్‌ రహదారి పక్క గ్రామాలపై ఫోకస్‌ జిల్లాలోని పెద్దకల్వల, అప్పన్నపేట్‌, అందుగులపల్లి, పెద్ద బొంకూర్‌, రంగంపల్లి, బంధంపల్లి గ్రామాలు రాజీవ్‌ రహదారిని ఆనుకొని ఉన్నాయి. కొన్ని గ్రామాలు మున్సిపల్‌లో విలీనం కాగా, మరి కొన్ని గ్రామపంచాయతీలుగానే ఉన్నాయి. ఈ గ్రామాల్లో పేదలకు కేటాయించిన ఇందిరమ్మ ఇళ్ల నిర్మాణ అనుమతులకు పంచాయతీ కార్యదర్శులు పెద్ద మొత్తంలో మామూళ్లు తీసుకున్నారని ఆరోపణలు ఉన్నాయి. వీటిపై పలువురు ఏసీబీకి ఫిర్యాదు చేసినట్లు సమాచారం. పెద్దపల్లి మున్సిపాలిటీ పరిధిలోని రంగంపల్లి, బంధంపల్లి ప్రాంతాల్లో అక్రమాలు జరిగినట్లు అధికారులకు ఫిర్యాదులు అందాయి. కార్యదర్శులు భారీ మొత్తంలో వసూలు చేసి ప్రభుత్వ రికార్డుల్లో తక్కువ చార్జీలు చూపిస్తున్నారు. ఈ అంశాలపై ఏసీబీ అధికారులు ఆధారాలు సేకరిస్తున్నట్లు తెలిసింది. కార్యదర్శుల్లో టెన్షన్‌ ఇందిరమ్మ ఇళ్లపై ఏసీబీ ఎంట్రీతో కార్యదర్శుల్లో ఆందోళన మొదలైంది. రెండేళ్లలో జరిగిన నిర్మాణా లు, అనుమతులు తీసుకున్నది ఎంత?, నిర్మాణం చేసినది ఎంత విస్తీర్ణం? ప్రభుత్వానికి చెల్లించినది ఎంత?.. కార్యదర్శి, కారోబార్‌, మీడియేటర్‌ తీసుకున్నది ఎంత? అని.. ఇళ్లు నిర్మించిన వారి వద్దకు వెళ్లి వివరాలు సేకరించే పనిలో అధికారులు ఉన్నట్లు కార్యదర్శుల గుసగుసలు వినబడుతున్నాయి. రహదారి వెంబడే కాకుండా జిల్లా మొత్తంలో ఇళ్ల నిర్మాణ అనుమతులపై విచారణ చేస్తే చాలా మంది కార్యదర్శుల అవినీతి వెలుగులోకి వస్తాయని పలువురు యువకులు భావిస్తున్నారు. రెండేళ్లుగా జరుగుతున్న ఇళ్ల నిర్మాణాల వివరాలు సేకరణ

● జిల్లా వైద్యాధికారి డాక్టర్‌ ప్రమోద్‌కుమార్‌ పెద్దపల్లి: ఆర్‌బీఎస్‌కే (రాష్ట్రీయ బాల స్వస్థ్య కార్యక్రమం) ఉద్యోగులు సమయపాలన పాటించాలని జిల్లా వైద్యాధికారి డాక్టర్‌ ప్రమోద్‌కుమార్‌ సూచించారు. గురువారం డీఎంహెచ్‌వో కార్యాలయంలో నిర్వహించిన సమీక్షలో మాట్లాడారు. పాఠశాలల విద్యార్థుల్లో జన్యు లోపాలు ఉన్న పిల్లల వివరాలు తప్పనిసరిగా నమోదు చేయాలని, పాఠశాలలో జరుగుతున్న కంటి స్క్రీనింగ్‌ కార్యక్రమాలల్లో చురుకుగా పాల్గొనాలని ఆదేశించారు. షెడ్యూల్‌ ప్రకారం పాఠశాలలు, అంగన్‌వాడీ కేంద్రాలను సందర్శించాలని సూచించారు. అనంతరం ల్యాబ్‌ టెక్నీషియన్లతో సమీక్ష నిర్వహించారు. వైద్య అధికారులు సూచించిన డయాగ్నొస్టిక్‌ పరీక్షల కోసం రక్త నమూనాలను సేకరించి సకాలంలో టీ–హబ్‌ పెద్దపల్లికి పంపాలని సూచించారు. స్టాక్‌, ల్యాబ్‌ రిజిస్టర్లు సక్రమంగా నిర్వహించాలని ఆదేశించారు. ప్రోగ్రాం అధికారులు బి.శ్రీరాములు, కిరణ్‌కుమార్‌, కేవీ సుధాకర్‌రెడ్డి, ఎంపీహెచ్‌ఈవో రాజేశ్‌ తదితరులు పాల్గొన్నారు.

గోదావరిఖని(రామగుండం): సింగరేణి పరిరక్షణకు గోలేటి నుంచి సత్తుపల్లి వరకు కార్మిక యాత్ర నిర్వహించనున్నట్లు మాజీ మంత్రి, టీబీజీకేఎస్‌ గౌరవ అధ్యక్షుడు కొప్పుల ఈశ్వర్‌ పేర్కొన్నారు. గురువారం స్థానిక ప్రెస్‌క్లబ్‌లో టీబీజీకేఎస్‌ కోర్‌కమిటీ సమావేశం నిర్వహించారు. కార్మిక సంక్షేమం, సింగరేణి భవిష్యత్తు, కాంగ్రెస్‌ ప్రభుత్వం అనుసరిస్తున్న కార్మిక వ్యతిరేక విధానాలపై చర్చించారు. తెలంగాణకు గుండెకాయ లాంటి సింగరేణి పరిశ్రమ కాంగ్రెస్‌ హయాంలో ప్రశ్నార్థకంగా మార్చి వేసిందన్నారు. దీన్ని ఎండగడుతూ కార్మికులను, కోల్‌ బెల్ట్‌ ప్రజలను చైతన్య పరచడానికి విస్తృతంగా కార్మిక వాడలు, గనులపైకి వెళ్లి ప్రచారం చేయాలని నిర్ణయించారు. బీఆర్‌ఎస్‌ హయాంలో 30వేల మంది యువకులకు ఉద్యోగాలు ఇచ్చామని, కాంగ్రెస్‌ అధికారంలోకి వచ్చాక కొత్త ఉద్యోగాలు లేవని విమర్శించారు. టీబీజీకేఎస్‌ రాష్ట్ర అధ్యక్షుడు మిరి యాల రాజిరెడ్డి, జనరల్‌ సెక్రెటరీ కాపు కృష్ణ, ప్రధా న కార్యదర్శి కేతిరెడ్డి సురేందర్‌రెడ్డి, వర్కింగ్‌ ప్రెసిడెంట్‌ మాదాసి రామమూర్తి, సీనియర్‌ వైస్‌ ప్రెసిడెంట్‌ నూనె కొమురయ్య, అధికార ప్రతినిధి పర్లపల్లి రవి, కోశాధికారి చెల్పూరి సతీశ్‌ పాల్గొన్నారు. టీబీజీకేఎస్‌ గౌరవ అధ్యక్షుడు ఈశ్వర్‌

కాల్వశ్రీరాంపూర్‌(పెద్దపల్లి): పిల్లలూ.. ఇదేంటో చెప్పండి అని కలెక్టర్‌ కోయ శ్రీహర్ష విద్యార్థుల నుంచి సమాధానాలు రాబట్టారు. గురువారం మడలంలోని మడిపెల్లి, ఊశన్నపల్లి, తారుపల్లి, పందిల్ల, గంగారం, పెద్దరాతుపల్లి, మీర్జంపేట, మొట్లపల్లి పాఠశాలలు, అంగన్‌వాడీ కేంద్రాలను సందర్శించారు. విద్యార్థులను పలు ప్రశ్నలు అడిగి వారి అభ్యసన సామార్థ్యాన్ని పరీక్షించారు. ప్రభుత్వ స్కూళ్లలో చేపట్టిన అభివృద్ధి పనులు గడువులోగా పూర్తి చేయాలని ఆదేశించారు. తహసీల్దార్‌ నూతన భవనాన్ని ఈనెల 26 లోగా పూర్తి చేయాలన్నారు. ఎరువుల గోదాంలు, షాపుల్లో నిల్వల వివరాలు తెలుసుకున్నారు. యాసంగి సాగుకు సరిపడా ఎరువులు ఉన్నాయని రైతులకు భరోసా ఇచ్చారు. తహసీల్దార్‌ జగదీశ్వర్‌రావు, ఎంపీడీవో రామ్మోహన్‌రావు, ఎంఈవో మహేశ్‌కుమార్‌, ఎంపీవో ఆరీఫ్‌, పీఆర్‌ఏఈ పవన్‌, ఏవో నాగార్జున పాల్గొన్నారు. పెండింగ్‌ పనులు పూర్తి చేయండి పెద్దపల్లి: వీ–హబ్‌ భవన పెండింగ్‌ పనులు వెంటనే పూర్తి చేయాలని కలెక్టర్‌ కోయ శ్రీహర్ష ఆదేశించారు. పెద్దపల్లి మండలం రంగంపల్లిలో నూతనంగా నిర్మిస్తున్న వీ హబ్‌ భవనాన్ని గురువారం పరిశీలించారు. జిల్లా గ్రామీణ అభివృద్ధి అధికారి కాళిందిని, పంచాయతీరాజ్‌ అసిస్టెంట్‌ ఇంజనీర్‌ పవన్‌ పాల్గొన్నారు. 123 కేసుల పరిష్కారం జిల్లాలో 123 సీనియర్‌ సిటిజన్‌ కేసులకు పరి ష్కారం చూపామని కలెక్టర్‌ కోయ శ్రీహర్ష తెలి పారు. వృద్ధ తల్లిదండ్రులను పిల్లలు పట్టించుకోని సందర్భంలో చట్ట ప్రకారం చర్యలు తీసుకుంటున్నామని పేర్కొన్నారు. జిల్లాలో 152 మంది వయోవృద్ధులు తమ పోషణ గురించి పిల్లలు బాధ్యత వహించడం లేదని ఫిర్యాదు చేయగా, ఇప్పటి వరకు 123 ఫిర్యాదులు పరిష్కరించామని, మరో 29 పరిష్కార దశలో ఉన్నట్లు కలెక్టర్‌ తెలిపారు. విద్యా ప్రమాణాలపై దృష్టి సారించాలి పిల్లలో కనీస విద్యా ప్రమాణాలు పెంచేందుకు దృష్టి సారించాలని కలెక్టర్‌ కోయ శ్రీహర్ష అన్నారు. కలెక్టరేట్‌లో నిర్వహించిన సమీక్షలో మాట్లాడారు. పాఠశాలల్లో విద్యా ప్రమాణాలు పెంపొందించేందుకు మండల, జిల్లా ఉన్నతాధికారులు నిర్వహించే తనిఖీల వివరాలు ఆన్‌లైన్‌లో నమోదు చేయాలన్నారు. కార్యక్రమంలో డీఈవో శారద తదితరులు పాల్గొన్నారు.

రామగుండం: విద్యార్థులు మత్తు పదార్థాలకు బానిలై జీవితాలను నాశనం చేసుకోవద్దని పెద్దపల్లి డీసీపీ రామ్‌రెడ్డి అన్నారు. గురువారం అంతర్గాం జంక్షన్‌లో వివిధ పాఠశాలల విద్యార్థులకు మత్తు పదార్థాల నిర్మూలన, వాటితో ఎదురయ్యే దుష్ప్రభావాలపై అవగాహన సదస్సు నిర్వహించారు. మత్తు పదార్థాల నియంత్రణ, సైబర్‌ క్రైమ్స్‌, ట్రాఫిక్‌ రూల్స్‌, రోడ్డు సేఫ్టీ తదితర అంశాలపై వివరించారు. ఎవరైనా మత్తు పదార్థాలు వినియోగిస్తున్నట్లు అనుమానం వస్తే స్థానిక పోలీసులతో పాటు నార్కొటిక్‌ విభాగం 1908 నంబర్‌కు సమాచారం అందించాలన్నారు. అనంతరం విద్యార్థులతో ప్రతిజ్ఞ చేయించారు. గోదావరిఖని ఏసీపీ రమేశ్‌, సీఐ ప్రవీణ్‌కుమార్‌, ఎస్సై వెంకటస్వామి తదితరులు పాల్గొన్నారు. రాఘవాపూర్‌లో కోర్టు ఏర్పాటుకు అనుమతులుపెద్దపల్లిరూరల్‌: పెద్దపల్లి మండలం రాఘవాపూర్‌లో జిల్లా కోర్టు నిర్మాణానికి అనుమతులను ప్రభుత్వ పరంగా మంజూరు చేయడం హర్షణీయమని ఏజీపీ ఉప్పు రాజు, బార్‌ అసోసియేషన్‌ అధ్యక్షుడు భాస్కర్‌ అన్నారు. గురువారం హైదరాబాద్‌లో సీఎం వ్యక్తిగత కార్యదర్శి వేం నరేందర్‌రెడ్డిని ఎమ్మెల్యే విజయరమణారావుతో పాటు కలిసి కోర్టు ఏర్పాటుకు సహకరించిన సీఎం రేవంత్‌రెడ్డి, కార్యదర్శి నరేందర్‌రెడ్డికి కృతజ్ఞతలు తెలిపారు. సభ్యులు పుట్ట రవి తదితరులున్నారు. సైన్స్‌ ఫెస్టివ్‌లో ప్రతిభరామగుండం: కామారెడ్డిలో బుధ, గురు, శుక్రవారాల్లో జరుగుతున్న సైన్స్‌ ఫెస్టివ్‌లో ఎన్టీపీసీ దుర్గయ్యపల్లి స్కూల్‌కు చెందిన విద్యార్థి కె.శ్రవణ రూపొందించిన సృజనాత్మక గణిత నమూనా ఔత్సాహికులను ఆకట్టుకోగా రెండోసారి రాష్ట్రస్థాయికి ఎంపికై ంది. ఈ సందర్భంగా విద్యార్థిని, గైడ్‌ టీచర్‌ అనితను హెచ్‌ఎం రేణుక, డీఎస్‌వో హనుమంతు, రవినందన్‌ తదితరులు అభినందించారు. రికార్డు అసిస్టెంట్‌ సస్పెన్షన్‌పెద్దపల్లి: విధుల్లో నిర్లక్ష్యం వహిస్తున్న పెద్దపల్లి ఆర్డీవో కార్యాలయం రికార్డు అసిస్టెంట్‌ పి.లక్ష్మణ్‌ను కలెక్టర్‌ కోయ శ్రీహర్ష గురువారం సస్పెండ్‌ చేస్తూ ఉత్తర్వులు జారీ చేశారు. ఎలాంటి సమాచారం అందించకుండా విధులకు గైర్హాజరు కావడం, సమయపాలన పాటించకపోవడంతో చాలాసార్లు మెమోలు, షోకాజ్‌ నోటీసుల ద్వారా హెచ్చరించినా అతడిలో మార్పు రాకపోవడంతో సస్పెండ్‌ చేస్తున్నట్లు కలెక్టర్‌ ఆ ఉత్తర్వుల్లో పేర్కొన్నారు. కాలువ పూడ్చివేతపై విచారణ పెద్దపల్లిరూరల్‌: పంటలకు సాగునీరు సరఫరా చేసే ఉప కాలువను ఓ రైతు ఆక్రమించుకున్నాడని, దాంతో తాము పోసుకున్న వరినారు ఎండిపోయే పరిస్థితి ఏర్పడిందంటూ పెద్దపల్లి మండలం భోజన్నపేట రైతులు వాపోయారు. పూడ్చిన కాలువను పునరుద్ధరించి సాగునీరు సరఫరా అయ్యేలా చూడాలంటూ రైతులు చిట వేన లక్ష్మయ్య, నెత్తెట్ల పోచాలు, పొన్నం రాజే శం, చిటవేన నర్సయ్య, వంగ కొమురయ్య, బాలసాని వెంకటేశం తదితరులు నీటిపారుదల శాఖ అధికారులు, తహసీల్దార్‌కు ఫిర్యాదు చేశారు. కాగా గురువారం అధికారులు కాలువ ఆక్రమణ ప్రాంతాన్ని పరిశీలించి పునరుద్ధరించాలని సదరు రైతుకు సూచించారు. ఎస్సారెస్పీ– 2ఆర్‌ ఉప కాలువ ద్వారా గ్రామంలోని మోతుకుంట్ల చెరువులోకి వెళ్లే నీటిని అడ్డుకోవడంతో తమకు ఇబ్బందులు తలెత్తాయని, తమ భూముల్లో పంట సాగు ప్రశ్నార్థకంగా మారిందని రైతులు పేర్కొంటున్నారు.

● ప్రభుత్వ పాఠశాలల్లో ఏఐ పాఠాలు ● డిజిటల్‌ విద్యతో ఆసక్తి చూపుతున్న విద్యార్థులు ● బోధన సులభం.. అభ్యసన మెరుగు ● భాష పరిజ్ఞానంలో మంచి ఫలితాలు ● వెనుకబడిన విద్యార్థులకు ఎంతో మేలుతిమ్మాపూర్‌: మూడేళ్లుగా మా పాఠశాలలో హిందీ పాఠ్యాంశాల బోధనలో నేను సొంతంగా సాఫ్ట్‌వేర్‌ కొనుగోలు చేసి ఏఐ టూల్స్‌ను ఉపయోగిస్తున్నా. హిందీలో స్పష్టమైన ఉచాచ్ఛారణ నేర్చుకోవడానికి ఈ సాఫ్ట్‌వేర్‌ ఎంతో దోహదపడుతోంది. నేను రూపొందించిన ‘బడిబాట’ ప్రచార వీడి యో రాష్ట్రవ్యాప్తంగా ప్రాచుర్యం పొందింది. సాంకేతికతను తరగతి గదికి అనుసంధానించడం ద్వారా కఠినమైన పాఠాలను దృశ్యరూపంలో విద్యార్థులకు అందిస్తున్నా. – షరీఫ్‌ అహ్మద్‌, హిందీ ఉపాధ్యాయుడు, మల్లాపూర్‌ జిల్లా పరిషత్‌ పాఠశాలవిద్యాబోధనలో పలకాబలపం పద్ధతి మారింది. టెక్నాలజీ అభివృద్ధి చెందడంతో కంప్యూటర్‌ ప్రవేశించింది. డిజిటల్‌ విద్యతో మార్పులు చోటుచేసుకున్నాయి. ప్రభుత్వ పాఠశాల విద్యార్థులకు అభ్య సన(లెర్నింగ్‌)ను సులభతరమవుతోంది. వెనుకబడిన విద్యార్థులకు పాఠ్యాంశాలు అర్థంకావడంలో దోహదపడుతోంది. ప్రైమరీ స్కూళ్లలో గణితం, ఇంగ్లిష్‌, తెలుగు సబ్జెక్టులలో రాణించేందుకు ఉపయోగపడుతుంది. హైస్కూళ్లలో డిజిట ల్‌ బోర్డుల ద్వారా ఫ్లోచార్ట్‌, త్రీ డైమెన్షన్‌ మ్యాప్స్‌ పరిశీలించి పాఠాలు సులభంగా అర్థం చేసుకుంటున్నారు. పాఠ్యాంశాలను డిజిటలైజ్డ్‌ చేయడంతో విద్యార్థుల్లో జిజ్ఞాస పెరుగుతోంది. ఇటీవల ఉమ్మడి కరీంనగర్‌ జిల్లావ్యాప్తంగా ప్రభుత్వ పాఠశాలల్లో డిజిటల్‌ పాఠాలు వినూత్న మార్పు తీసుకొచ్చాయి. విద్యార్థులు మెరుగైన ఫలితాలు సాధిస్తూ శభాష్‌ అనిపించుకుంటున్నారు.

సుల్తానాబాద్‌రూరల్‌(పెద్దపల్లి): రైతులు యాప్‌లో యూరియా బుక్‌ చేసుకొని పొందడం సులభతరం అని జిల్లా సహకార అధికారి శ్రీమాల అన్నారు. గురువారం మండలంలోని చిన్నకల్వల ప్రాథమిక సహకార సంఘానికి సంబంధించి ఫెర్టిలైజర్‌ దుకా ణాన్ని పరిశీలించారు. ఈ సందర్భంగా యూరియా నిల్వల గురించి సీఈవో రమేశ్‌ వివరించారు. అనంతరం ఆమె మాట్లాడుతూ, యూరియా అవసరం ఉన్న రైతులు లైన్లలో నిలబడి తీసుకోవాల్సిన పరిస్థితి లేకుండా ఇంటి నుంచే యాప్‌లో బుక్‌ చేసుకోవచ్చని పేర్కొన్నారు. కేడీసీసీబీ అసిస్టెంట్‌ జనరల్‌ మేనేజర్‌ ఇంతియాజ్‌అలీ, సిబ్బంది తదితరులు పాల్గొన్నారు.

● సైబర్‌ నేరగాళ్ల వలలో అందుగులపల్లి యువకుడు ● రూ.93వేలు పోగొట్టుకున్న వైనం ● సైబర్‌క్రైం పోలీసులకు ఫిర్యాదు పెద్దపల్లిరూరల్‌: సైబర్‌ నేరగాళ్లు విసిరన వల తో అత్యాశకు పోయిన పెద్దపల్లి మండలం అందుగులపల్లి గ్రామానికి చెందిన ఓ యువ వి ద్యార్థి పలు దఫాలుగా రూ.93 వేలు పోగొట్టుకున్నాడు. ఈవిషయం (డిసెంబర్‌ 31న జరిగింది) ఆలస్యంగా వెలుగులోకి వచ్చింది. టెలిగ్రామ్‌లో వచ్చిన ఓ లింక్‌ను ఓపెన్‌ చేయగా.. రూ.వెయ్యి పంపితే 30 శాతం అదనంగా రూ. 1,300 ఇస్తామని సైబర్‌ నేరగాళ్లు ఆశ చూపా రు. వెంటనే రూ.వెయ్యి పంపగా రూ.1,300 తిరిగి వచ్చింది. దీంతో మూడుసార్లు మళ్లీ నగ దు పంపించాడు. మూడోసారి పంపిన రూ.3వేలను రిజిస్ట్రేషన్‌ ఫీజుగా తీసుకున్నామని, ఇప్పుడు ఓ టాస్క్‌ ఇస్తున్నామని సైబర్‌ నేరగాళ్లు పేర్కొన్నారు. ఆ తర్వాత రూ.ప్రతీ టాస్క్‌కు రూ.15వేలు చెల్లించాలని అందులో గెలిస్తే రూ.లక్ష ఇస్తామంటూ ఆశచూపారు. దీంతో బంధువులు, మిత్రుల ద్వారా డబ్బు తీసుకుని అందులో పాల్గొన్నాడు. టాస్క్‌లో అడిగిన సులువైన ప్రశ్నలకు సమాధానాలు ఇచ్చినా మరోసారి రూ.30వేలు, మూడోసారి రూ.45వేలు చెల్లించి పాల్గొన్నా డబ్బు రాకపోగా వారినుంచి ఎలాంటి మెసేజ్‌ లేదు. దీంతోక తాను మోసపోయానని తెలుసుకుని సైబర్‌ క్రైం పోలీసులకు బాధితుడు ఫిర్యాదు చేశారు. యువకుడి ఆత్మహత్య ఓదెల(పెద్దపల్లి): రాత్రివరకూ మద్యం తాగి ఇంటికి వస్తే ఊళ్లోవారు ఏమనుకుంటారని తండ్రి మందించినందుకు మనస్తాపం చెందిన బైరి నరేశ్‌(25) గడ్డిమందు తాగి ఆత్మహత్య చేసుకున్నాడు. ఏఎస్సై కిషన్‌ కథనం ప్రకారం.. పెద్దపల్లి జిల్లా ఓదెల మండలం ఉప్పరపల్లి గ్రామానికి చెందిన నరేశ్‌ ట్రాక్టర్‌ డ్రైవర్‌గా పనిచేస్తున్నాడు. ఈనెల 5న ఇంట్లో ఎవరికీ చెప్పకుండా బయటకు వెళ్లాడు. తన స్నేహితులతో కలిసి మద్యం తాగాడు. ఇంటికి ఆలస్యంగా చేరుకున్నాడు. రాత్రివరకూ మ ద్యం తాగి ఇంటికి వస్తే ఊళ్లోవాళ్లు ఏమనుకుంటారని తండ్రి మందలించాడు. మనస్తాపం చెందిన నరేశ్‌.. ఇంట్లోని గడ్డిమందు తాగి వాంతులు చేసుకున్నాడు. కుటుంబ సభ్యులు తొలుత సుల్తానాబాద్‌, ఆ తర్వాత కరీంనగర్‌లోని ఆస్పత్రికి తరలించారు. అక్కడ చికిత్స పొందుతూ బుధవారం మృతిచెందాడు. మృతుడి తండ్రి పెద్దకుమార్‌ ఫిర్యాదు మేరకు పోలీసులు కేసు నమోదు చేసుకున్నారు. గంజాయి పట్టివేతకోరుట్లటౌన్‌: పట్టణంలోని మాదాపూర్‌ రోడ్‌ క్రాసింగ్‌ వద్ద పోలీసులు బుధవారం రాత్రి తని ఖీలు చేస్తుండగా.. ఇద్దరు వ్యక్తులు 50 గ్రాము ల గంజాయి తరలిస్తూ పట్టుబడినట్లు ఎస్సై చిరంజీవి తెలిపారు. మాదాపూర్‌ కాలనీకి చెందిన బిల్లికర్‌ దేవిశ్రీప్రసాద్‌, భీమునిదుబ్బకు చెందిన ఏనుగుల రాజేశ్‌ వ్యసనాలకు అలవాటు పడి గంజాయి తెచ్చి యువతకు ఎక్కువ ధరకు విక్రయిస్తున్నారని పేర్కొన్నారు.

పెద్దపల్లి: టెన్త్‌, ఇంటర్‌ విద్యార్థినులు వార్షిక పరీక్షల్లో ఉత్తమ ఫలితాలు సాధించాలని కలెక్టర్‌ కోయ శ్రీహర్ష సూచించారు. రంగంపల్లి బీసీ బాలికల రెసిడెన్షియల్‌ స్కూల్‌ను బుధవారం కలెక్టర్‌ సందర్శించారు. స్టడీ అవర్స్‌పై ఆరా తీశారు. తాజా కూరగాయలతో కూడిన కూరలు, నాణ్యమైన భోజనం అందించాలని సిబ్బందికి సూచించారు. రుణాల రీకవరిపై ప్రత్యేక దృష్టి మహిళా సంఘాలు రుణాల రీకవరిపై దృష్టి సారించాలని కలెక్టర్‌ శ్రీహర్ష సూచించారు. సెర్ప్‌ కార్యకలాపాలపై తన కార్యాలయంలో సమీక్షించారు. 2025–26లో బ్యాంకు లింకేజీ రుణాల పంపిణీ ల క్ష్యంలో 90 శాతం పూర్తిచేశామని తెలిపారు. పను లు ప్రారంభించని ఇందిరమ్మ ఇళ్లను రద్దు చేస్తామ ని తెలిపారు. డీఆర్డీవో కాళిందిని, అదనపు డీఆర్డీవో రవీందర్‌ పాల్గొన్నారు. అనంతరం సెర్ప్‌ ఉద్యోగు లు కలెక్టర్‌ను కలిసి దుప్పట్లు అందజేశారు. వాటిని అనాథ పిల్లలకు పంపిణీ చేయాలని కోరారు.

కోల్‌సిటీ(రామగుండం): గోదావరిఖని ప్రభుత్వ జనరల్‌ ఆస్పత్రి(జీజీహెచ్‌)లో ప్రసవాల సంఖ్య పెంచాలని డీఎంహెచ్‌వో ప్రమోద్‌కుమార్‌ ఆదేశించారు. బుధవారం సిమ్స్‌లో పట్టణ ప్రాథమిక ఆరోగ్య కేంద్రాలు, అంతర్గాం పీహెచ్‌సీల వైద్యాధికారులు, సూపర్‌వైజర్లు, ఏఎన్‌ఎంలు, ఆశ కార్యకర్తలతో సమీక్షించారు. నెలలు నిండిన గర్భిణులను ట్రాక్‌ చేస్తూ ప్రభుత్వ ఆస్పత్రుల్లోనే ప్రసవం చేయాలన్నారు. గైనకాలజిస్ట్‌లు, నర్సింగ్‌ సిబ్బంది అందుబాటులో ఉన్నారని తెలిపారు. టిఫా స్కానింగ్‌ వంటి ఆధునిక సౌకర్యాలు కూడా ఉన్నాయని, ఆశ కార్యకర్తలు ప్రత్యేక శ్రద్ధ తీసుకుని తమ పరిధిలోని గర్భిణులను ప్రసవాల కోసం జీజీహెచ్‌కు తీసుకురావాలని ఆదేశించారు. ఎన్‌సీడీ (అసంక్రమిత వ్యాధులు) స్క్రీనింగ్‌లో నెలవారీ లక్ష్యాలను పూర్తిచేయాలని సూచించారు. ప్రతీమధుమేహం, రక్తపోటు కేసును ఎన్‌సీడీ పోర్టల్‌లో నమోదు చేయాలని ఆదేశించారు. ప్రతీ క్యాన్సర్‌ కేసును తప్పనిసరిగా స్క్రీనింగ్‌ చేయాలన్నారు. అనంతరం జీజీహెచ్‌లోని గైనకాలజీ విభాగం హెచ్‌వోడీలతో కన్వర్జెన్సీ సమావేశం నిర్వహించారు. ప్రోగ్రాం ఆఫీసర్లు రాజమౌళి, వాణిశ్రీ, శ్రీరాములు, కిరణ్‌తోపాటు ఓబీజీవై ప్రొఫెసర్‌, జీజీహెచ్‌ డిప్యూటీ మెడికల్‌ సూపరింటెండెంట్‌ అరుణ, ఓబీజీవై ప్రొఫెసర్‌, హెచ్‌వోడీ శ్రీదేవి తదితరులు పాల్గొన్నారు.

పెద్దపల్లి: మధ్యవర్తిత్వంతోనే అత్యధిక కేసులు పరిష్కారం అవుతాయని జిల్లా ప్రధాన న్యాయమూర్తి కుంచాల సునీత అన్నారు. స్థానిక జిల్లా కోర్టు భవనంలో శ్రీన్యాయ వ్యవస్థలో మధ్యవర్తిత్వంశ్రీ అంశంపై బుధవారం జరిగిన సమావేశంలో జడ్జి మాట్లాడారు. కేసుల సంఖ్య పెరుగుతోందని, కోర్టులపై భారం అధికమవుతోందన్నారు. న్యాయం పొందేందుకు కక్షిదారులు ఎక్కువకాలం వేచి ఉండాల్సిన పరిస్థితి ఏర్పడుతోందని అన్నారు. ఈ సమస్యకు సమర్థవంతమైన పరిష్కార మార్గంగా మధ్యవర్తిత్యం ప్రాధాన్యం సంతరించుకుందని తెలిపారు. ఇరుపక్షాల మధ్య సంబంధాలు చెడిపోకుండా సమస్యకు ముగింపు లభిస్తుందని తెలిపారు. సివిల్‌, కుటుంబ, ఆస్తి, వాణిజ్య తదితర కేసుల్లో మధ్యవర్తిత్యం విజయవంతంగా అమలవుతోందని వివరించారు. జిల్లా అదనపు న్యాయమూర్తి స్వప్నరాణి, సీనియర్‌ సివిల్‌ జడ్జి భవాని, జూనియర్‌ సివిల్‌ జడ్జి మంజుల తదితరులు పాల్గొన్నారు.

● సీఐటీయూ జాతీయ ఉపాధ్యక్షుడు ఎస్‌.వీరయ్య గోదావరిఖని: కార్మిక చట్టాల స్థానంలో తీసుకొచ్చిన నాలుగు లేబర్‌ కోడ్‌లను వెంటనే రద్దు చేయాలని సీఐటీయూ జాతీయ ఉపాధ్యక్షుడు ఎస్‌.వీరయ్య డిమాండ్‌చేశారు. పెద్దపల్లి జిల్లా గోదావరిఖని స్థానిక శ్రామిక భవన్‌లో బుధవారం జరిగిన జిల్లా కమిటీ సమావేశంలో ఆయన మాట్లాడారు. కేంద్రంలోని బీజేపీ ప్రభుత్వం ప్రజల హక్కులు కాలరాస్తోందన్నారు. రాష్ట్రాల హక్కులను హరిస్తూ చట్టాలను చేసిందని ధ్వజమెత్తారు. వామపక్షాల కృషితో 2025లో వచ్చిన మహాత్మాగాంధీ జాతీయ గ్రామీణ ఉపాధి గ్యారంటీ చట్టం గాంధీ పేరుని తీసి జీరాంజీగా మార్చడమేకాక దాని మౌలిక స్వభావాన్ని మార్చేసిందని మండిపడ్డారు. స్మార్ట్‌ మీటర్లను ప్రవేశపెట్టి ప్రీపెయిడ్‌ విధానం తీసుకురానుందని ఆందోళన వ్యక్తం చేశారు. సబ్సిడీలను రద్దు చేసే కుట్ర చేస్తోందన్నారు. కేంద్ర ప్రభుత్వం అనుసరిస్తున్న కార్మిక, కర్షక వ్యతిరేక విధానాలను నిరసిస్తూ ఈనెల 19న జిల్లా కేంద్రంలో జరిగే నిరసన ప్రదర్శన విజయవంతం చేయాలని ఆయన కోరారు. సమావేశంలో సీఐటీయూ రాష్ట్ర ఉపాధ్యక్షుడు టి.రాజారెడ్డి, జిల్లా అధ్యక్షుడు వేల్పుల కుమారస్వామి, కార్యదర్శి ఎర్రవెల్లి ముత్యంరావు, నాయకులు బిక్షపతి, జ్యోతి, ఎం.రామాచారి, మెండే శ్రీనివాస్‌, దోమ్మెటి కొమురయ్య, టి.అంజయ్య, ఎన్‌.నర్సయ్య, కె.పర్సయ్య తదితరులు పాల్గొన్నారు.

యైటింక్లయిన్‌కాలనీ(రామగుండం): సదాశయ ఫౌండేషన్‌ వ్యవస్థాపక అధ్యక్షుడు శ్రావణ్‌కుమార్‌ బావమరిది, రిటైర్డ్‌ హెడ్‌మాస్టర్‌ ఆర్తి నరసింహస్వామి(75) అనారోగ్యంతో మంగళవారం మృతి చెందారు. ఆయన ఆశయం మేరకు కుటుంబ సభ్యులు పార్థివదేహాన్ని మేడ్చల్‌లోని మెడిసిటీ మెడికల్‌ కాలేజీకి బుధవారం దానం చేశారు. ఆయన సతీమణి శ్రీలతాదేవి నేత్రదానం చేయగా, తండ్రి నారాయణస్వామి దేహం, తమ్ముడి భార్య నిర్మలాదేవి శరీరదానం చేశారని సంస్థ అధ్యక్షుడు శ్రావణ్‌కుమార్‌ ఈ సందర్భంగా గుర్తుచేశారు. వారిని స్ఫూర్తిగా తీసుకుని ప్రతీఒక్కరు నేత్ర,, శరీర, అవయవ దానాలకు ముందుకు రావాలని కోరారు. మెడిసిటీ మెడికల్‌ కాలేజీ అనాటమీ హెడ్‌ దేవి తదితరులు పాల్గొన్నారు.

● బీజేపీ నేతల డిమాండ్‌ పెద్దపల్లిరూరల్‌: పట్టణంలో మాస్టర్‌ ప్లాన్‌ అమలు చేయాల్సిందేనని బీజేపీ నాయకులు డిమాండ్‌ చేశారు. సమస్యలు సత్వరమే పరిష్కరించాలనే డిమాండ్‌తో పార్టీ పట్టణఅధ్యక్షుడు రాకేశ్‌ ఆధ్వర్యంలో బుధవారం మున్సిపల్‌ ఆఫీసు ఎదుట నిరసన తెలిపారు. ట్రాఫిక్‌, అండర్‌గ్రౌండ్‌ డ్రైనేజీ, పార్కింగ్‌ స్థలాలు, తాగునీటి సరఫరా, మురుగునీటి కాల్వల ఆక్రమణ లాంటి ప్రధాన సమస్యలు పరిష్కరించాలని చిలారపు పర్వతాలు, ఠాకూర్‌ రాంసింగ్‌, పల్లె సదానందం డిమాండ్‌ చేశారు. నాయకులు తిరుపతి, ఈర్ల శంకర్‌, శ్రీనివాసరావు, కావేటి రాజగోపాల్‌, మహంతకృష్ణ, శ్రీకాంత్‌, ఫహీం, ఉప్పుకిరణ్‌, సత్యనారాయణ, గుడ్ల సతీశ్‌, సురేందర్‌కుమార్‌, వినయ్‌, శివయ్య, సోడాబాబు, శ్రీధర్‌, రాజేశ్‌, కరుణాకర్‌, మధుకర్‌, అంజి, ఆనందరావు, సాయి, శ్రీనివాస్‌ తదితరులు ఉన్నారు. సోలార్‌ పవర్‌ ప్రాజెక్టు పనుల్లో వేగం జూలపల్లి(పెద్దపల్లి): సోలార్‌ పవర్‌ ప్రాజెక్టు పనుల్లో వేగం పెంచాలని ఎన్పీడీసీఎల్‌ సీఎండీ వరుణ్‌రెడ్డి ఆదేశించారు. కాచాపూర్‌ మినీ హైడల్‌ ప్రాజెక్టు వద్ద చేపట్టిన 2 మెగావాట్ల సౌర విద్యుత్‌ ప్రాజెక్టు పనుల ప్రగతిని అధికారులతో కలిసి బుధవారం ఆయన తనిఖీ చేశారు. భూసేకరణలో ఇబ్బందులు, పనుల నిర్వహణపై అధికారులను అడిగి సమాచారం తెలుసుకున్నారు. సోలార్‌ పవర్‌ ప్లాంట్‌ నిర్మాణం ద్వారా యువతకు ఉపాధి అవకాశాలు పెరుగుతాయని వివరించారు. ప్రాజెక్టు డైరెక్టర్‌ మోహన్‌రావు, సీఈ సురేందర్‌, ఎస్‌ఈ గంగాధర్‌, డీఈఈ రాజబ్రహ్మచారి, ఈఈ శ్రీనివాస్‌, ఏడీఈ విజయ్‌గోపాల్‌సింగ్‌, ఏడీఈ సత్యనారాయణ, తహసీల్దార్‌ వనజ పాల్గొన్నారు.

కోల్‌సిటీ(రామగుండం): మున్సిపల్‌ ఎన్నికలను దృష్టిలో పెట్టుకొని ఎన్నికల యంత్రాంగం ఏర్పాట్లు ముమ్మరం చేసింది. ఇప్పటికే ఓటరు జాబితా సవరణ ప్రక్రియ చేపట్టింది. తాజాగా రామగుండం నగరపాలక సంస్థ అధికారులు అవసరమైన బ్యాలెట్‌ బాక్స్‌ల ఏర్పాట్లపై దృష్టి సారించారు. ఇటీవల పంచాయతీ ఎన్నికల కోసం ఉపయోగించిన సుమారు 628 బ్యాలెట్‌ బాక్సులను పెద్దపల్లిలో భద్రపరిచిన ఓ గోదాం నుంచి బుధవారం రాత్రి రామగుండం బల్దియాకు తరలించారు. వీనిని సురక్షితంగా నిల్వ చేసేందుకు ప్రత్యేకంగా ఒకహాల్‌ కేటాయించారు. ఎన్నికల షెడ్యూల్‌ వెలువడేలోపు అన్నిఏర్పాట్లు పూర్తిచేసేలా అధికారులు ముందస్తు చర్యలు తీసుకుంటున్నారు.

● హోటళ్లలో కుప్పలు తెప్పలుగా రాయితీ సిలిండర్లు ● తనిఖీల్లేవ్‌.. ఆమ్యామ్యాలే ● పట్టించుకోని అధికారులు డీమార్ట్‌ పక్కన గల శ్రీలక్ష్మి ఫుడ్‌ కోర్టు ఇది. ఇక్కడ సబ్సిడీ గ్యాస్‌ యథేచ్ఛగా వినియోగిస్తున్నారు. అధికారులు చర్యలు తీసుకుంటున్నామని చెప్పడమే తప్ప నామమాత్రమే. అంబేడ్కర్‌ స్టేడియం సమీపంలోని పరిపూర్ణ టిఫిన్‌ సెంటర్‌లో ఇష్టారాజ్యంగా సబ్సిడీ గ్యాస్‌ వినియోగిస్తున్నారు. నిత్యం ఇదే ప్రక్రియ కాగా అధికారులకు ఫిర్యాదు చేసినా చర్యల్లేవని స్థానికులు ఆరోపిస్తున్నారు. కరీంనగర్‌ అర్బన్‌: కరీంనగర్‌ కలెక్టర్‌, అదనపు కలెక్టర్లుండే నగరంలో అడుగడుగునా సబ్సిడీ గ్యాస్‌ దుర్వినియోగమవుతుండటం ఆందోళనకరం. వ్యాపార కేంద్రాల్లో సబ్సిడీ గ్యాస్‌ వినియోగం విచ్చలవిడిగా సాగుతోంది. మామూళ్ల మత్తులో మునిగిన సివిల్‌ సప్లై డిపార్ట్‌మెంట్‌కు అవేవీ కనిపించకపోవడం విడ్డూరం. కరీంనగర్‌లో దాదాపు హెచ్చు హోటళ్లు, టిఫిన్‌ సెంటర్లు, హాస్టళ్లు, బార్లు, చిరుతిళ్ల తయారీ కేంద్రాలు అన్నింటా ఇవే కనిపించడం అధికారుల డొల్లతనాన్ని చాటుతోంది. పత్రికల్లో కథనాలు వస్తే మొక్కుబడిగా కేసులు నమోదు చేయడం, లోతుగా దర్యాప్తు లేకుండానే హోటళ్ల వరకే చర్యలకు పరిమితమవడం. పలు ఏజెన్సీలు నిబంధనలను విస్మరించి భారీ అక్రమ వ్యాపారానికి తెరదీశారు. పర్యవేక్షించాల్సిన శాఖల అధికారులు పట్టించుకోవడం లేదు. తనిఖీలేవీ.. ప్రభుత్వం రూ.500కే గ్యాస్‌ సిలిండర్‌ ఇస్తుండటంతో క్షేత్రస్థాయి పరిస్థితులను పర్యవేక్షించాల్సిన పౌరసరఫరాల శాఖ పట్టనట్లు వ్యవహరిస్తోంది. నగరంలో ఇండెన్‌, హెచ్‌పీ, భారత్‌ కంపెనీల వినియోగదారులుండగా 11 గ్యాస్‌ ఏజెన్సీల ద్వారా సరఫరా చేస్తున్నారు. ఈ క్రమంలో ఏజెన్సీలు, గోడౌన్లలో తనిఖీలు చేపట్టాల్సిన పౌరసరఫరాల శాఖ అధికారులు విధులు మరిచారన్న విమర్శలున్నాయి. అయితే సివిల్‌ సప్లై ఇన్‌స్పెక్టర్‌, డీటీ సివిల్‌ సప్లయ్‌, ఏఎస్వోలు ప్రతీనెలా తనిఖీలు నిర్వహించాలన్న టార్గెట్‌ ఉంటుండగా తనిఖీలు చేస్తే ఇంత బహిరంగంగా ఎలా వినియోగిస్తారన్నది అంతుచిక్కని ప్రశ్న. రూ.కోట్లలో అక్రమ వ్యాపారం ఆహార నాణ్యత అటుంచితే హెచ్చు ప్రాంతాల్లో కమర్షియల్‌ సిలిండర్లు పేరుకు మాత్రమే అక్కడ కనిపిస్తాయి. కానీ వినియోగించేది మాత్రం సబ్సిడీ గ్యాస్‌. కమర్షియల్‌ సిలిండర్‌ ధర రూ.1946 ఉండగా సబ్సిడీ గ్యాస్‌ రూ.924కే దొరుకుతుండటం, అందుకు గ్యాస్‌ ఏజెన్సీలు, డెలివరీ బాయ్‌ల సంపూర్ణ సహకారముండటంతో కమర్షియల్‌ సిలిండర్‌ వాడకాన్ని 80శాతం తగ్గించారు. ఒక్కో హోటల్‌లో కస్టమర్లను బట్టి కనిష్టంగా నెలకు 10 నుంచి 50సిలిండర్లను వినియోగిస్తున్నారు. ఈ లెక్కన రాయితీ గ్యాస్‌ వినియోగించే ఒక్కో హోటల్‌లోనే రూ.20వేల నుంచి 70వేల వరకు అక్రమంగా లాభపడుతున్నారు. రాయితీ గ్యాస్‌ వినియోగించే అన్ని ప్రాంతాలను లెక్కిస్తే నెలకు రూ.కోట్లలో ప్రయోజనం పొందుతున్నారు. భారీగా తేడాలు జిల్లాలో రెస్టారెంట్లు, హోటళ్లు, రెసిడెన్షియల్‌ పాఠశాలలు, టీస్టాల్స్‌, నూడిల్స్‌ పాయింట్స్‌, ఫాస్ట్‌ఫుడ్‌ సెంటర్లు, తోపుడు బండ్లు అన్ని కలిపి 2వేల వరకు ఉంటాయని అంచనా. కానీ వారు బుక్‌ చేసే సిలిండర్ల సంఖ్య మాత్రం తక్కువగా ఉంటోంది. విపరీతంగా కస్టమర్లు ఉన్న హోటళ్లలోనూ తక్కువ కమర్షియల్‌ సిలిండర్లు వాడారంటే అక్రమం ఏ స్థాయిలో ఉందో అర్థం చేసుకోవచ్చు. జిల్లావ్యాప్తంగా ఉన్న సంఖ్యకు వారు వినియోగిస్తున్న కమర్షియల్‌ సిలిండర్‌ల మధ్య భారీ వ్యత్యాసాలున్నాయని పక్కా సమాచారం. విద్యార్థుల వద్ద లక్షల్లో ఫీజులు వసూలు చేసే పలు విద్యాసంస్థల్లో సైతం రాయితీ గ్యాస్‌ సిలిండర్లను వినియోగిస్తున్నారు. పెద్ద పెద్ద హోటళ్లు, రెసిడెన్షియల్‌ పాఠశాలలు, కళాశాలలను పరిగణనలోకి తీసుకుంటే నెలకు సుమారు 10వేల సిలిండర్ల వినియోగం జరగాలి. కేవలం వందల్లోనే కమర్షియల్‌ సిలిండర్లను వినియోగిస్తున్నారు. మొత్తంగా జిల్లాలో సగటున ఒక నెలకు 20వేల సిలిండర్లు పక్కదారి పడుతున్నాయని సమాచారం. డొమెస్టిక్‌ గ్యాస్‌ సిలిండర్లను కేవలం గృహాల్లో మాత్రమే వినియోగించాలి. కమర్షియల్‌ సిలిండర్లను మాత్రమే వ్యాపారులు వినియోగించాలి. తనిఖీలు చేసి చర్యలు చేపడతాం. – నర్సింగరావు, కరీంనగర్‌ జిల్లా పౌరసరఫరాల అధికారిప్రభుత్వ మహిళా డిగ్రీ కళాశాల రోడ్డులో టీఎస్‌02యుబి4971 నంబర్‌ గల ఆటోలో సిలిండర్లను తరలిస్తుండగా సదరు ఆటో డ్రైవర్‌ డ్రెస్‌కోడ్‌ లేకుండా గ్యాస్‌ డెలివరీ చేశారు. గ్యాస్‌ రీపేర్‌ చేసే దుకాణంలో గ్యాస్‌ బండ వేయగా అదేంటని ‘సాక్షి’ ప్రశ్నించగా సమాధానం దాటవేశాడు. విజయభారత్‌ గ్యాస్‌ ఏజెన్సీ అని, అదొక్కటే బ్లాక్‌లో వేశానని చెప్పుకొచ్చారు.

గోదావరిఖని: ఆధ్యాత్మిక వారసత్వంగా నిలిచేలా సమ్మక్క–సారలమ్మ గద్దెలు పునర్నిర్మిస్తున్నామని రామగుండం ఎమ్మెల్యే ఎంఎస్‌ రాజ్‌ఠాకూర్‌ అన్నా రు. నగర శివారులోని గోదావరి సమీప మినీ సమ్మక్క–సారలమ్మ జాతర పూజలను ఎమ్మెల్యే బుధవారం ప్రారంభించి మాట్లాడారు. నాయకులు మ హంకాళి స్వామి, శ్రీనివాస్‌రెడ్డి, ఆలయ ఈవో కాంతారెడ్డి, సింగరేణి శ్రీనివాస్‌ పాల్గొన్నారు. మహిళలు ఆర్థికంగా బలోపేతం కావాలి మహిళలు ఆర్థికంగా బలోపేతమైతేనే సమాజం అ భివృద్ధి చెందుతుందని ఎమ్మెల్యే రాజ్‌ఠాగూర్‌ అ న్నారు. ఎమ్మెల్యే క్యాంపు కార్యాలయంలో మహిళా బిగ్‌బాస్‌ స్వశక్తి సహకార సంఘాలతో ఆయన సమావేశమై పలు సూచనలు చేశారు. రామగుండం ఎమ్మెల్యే రాజ్‌ఠాకూర్‌

ఓదెల(పెద్దపల్లి): దక్షిణ మధ్య రైల్వేలోని కాజీపేట – బల్హార్షా, పెద్దపల్లి – కరీంనగర్‌ రైల్వేస్టేషన్ల మధ్య నిత్యం ఎక్కడో ఓచోట ఏదోఒక ప్రమాదం జరుగుతూనే ఉంది. తెలంగాణ పరిధిలోని మంచిర్యాల, కా జీపేటలో తప్ప ఈ మార్గంలో మరెఎక్కడా రైల్వే పో లీస్‌స్టేషన్లు లేవు. రామగుండంలో పోలీస్‌ అవుట్‌ ఉ న్నా.. ప్రమాదం, చోరీలు, అనూహ్య ఘటనలు చో టుచేసుకుంటే వందలాది కిలోమీటర్లు వెళ్లడం, విచారణ జరపడం, సాయం చేయడం రైల్వేపోలీసులు, సిబ్బందికి తలకుమించిన భారంగా మారుతోంది. దూరభారం.. రామగుండం నుంచి ఉప్పల్‌ వరకు 11, పెద్దపల్లి నుంచి జగిత్యాల వరకు 7 రైల్వేస్టేషన్లు ఉన్నాయి. రామగుండం పోలీస్‌ అవుట్‌ పోస్ట్‌ పరిధిలో 18 రైల్వేస్టేషన్లు ఉండగా.. సుమారు 160 కి.మీ. మేర.. ఆయా ప్రాంతాల్లో ఏ ఘటన చోటుచేసుకున్నా అక్కడకు వెళ్లిరావడం సిబ్బందికి ఇబ్బందిగా ఉంటోంది. ప్రస్తుతం రామగుండంలో రైల్వే అవుట్‌ పోస్ట్‌ ఉంది. మంచిర్యాలలో రైల్వే పోలీస్‌స్టేషన్‌ ఉంది. వీటి పరిధిలో మొత్తం 30 రైల్వేస్టేషన్లు ఉండగా.. దాదాపు 260 కి.మీ. మేర ఒక ఎస్సై, ఒక హెడ్‌కానిస్టేబుల్‌ మాత్రమే విధులు నిర్వర్తిస్తున్నారు. సీఐ, డీఎస్పీస్థాయి అధికారులు కాజీపేట రైల్వేపోలీస్‌స్టేషన్‌లో విధులు నిర్వర్తిస్తున్నారు. ఒక్కరే హెడ్‌కానిస్టేబుల్‌.. రామగుండం రైల్వే పోలీస్‌ అవుట్‌ పోస్ట్‌లోని ఒక హెడ్‌కానిస్టేబుల్‌ ఉప్పల్‌ నుంచి రామగుండం వరకు, పెద్దపల్లి నుంచి కరీంనగర్‌, జగిత్యాల వరకు నిత్యం పనిచేస్తున్నారు. మంచిర్యాల రైల్వే ఎస్సై మహేందర్‌.. తెలంగాణ రాష్ట్ర సరిహద్దుల నుంచి కరీంనగర్‌, జగిత్యాల, రామగుండం, ఉప్పల్‌ వరకు ఏ ఘటన జరిగినా పర్యవేక్షణ, విచారణ చేస్తున్నారు. కొత్త జిల్లాగా ఆవిర్భవించిన పెద్దపల్లి జంక్షన్‌తోపాటు ఉమ్మడి జిల్లా కేంద్రం కరీంనగర్‌ రైల్వేస్టేషన్‌లోనూ రైల్వే పోలీస్‌స్టేషన్లు ఇంకా ఏర్పాటు చేయడంలేదు. తప్పని నరకయాతన.. రైళ్ల నుంచిపడి మృతిచెందితే.. ఎస్సై, హెడ్‌కానిస్టేబుల్‌ ఘటనా స్థలానికి చేరుకునేందుకే కనీసం ఒకరోజు సమయం పడుతోంది. మృతుల సమాచారం, వివరాలు సేకరించడం, ఆ తర్వాత గమ్యస్థానానికి చేరుకోవడంలో తీవ్రమైన జాప్యం జరుగుతోంది. ఈలోగా శవాలు కుళ్లిపోతున్నాయి. దీంతో మృతుల వివరాలు తెలియగంలేదు. వారి కుటుంబాల వేదన అరణ్యరోదనగానే మిగిలిపోతోంది. ఎముకలే మిగులుతున్నాయి.. రైళ్లనుంచి తోసేసిన సందర్భాలు కూడా ఈ మార్గంలో అనేకం నమోదయ్యాయి. అయితే, సిబ్బంది కొరత, దూరభారం కావడంతో కేసులు మిస్టరీగానే మిగిలిపోతున్నాయి. తద్వారా మృతుల కుటుంబాలకు న్యాయం అందడంలేదు. వివిధ కారణాలతో శవాలు రైలుపట్టాలపై కుళ్లిపోయి ఉండడంతో సిబ్బంది వచ్చేవరకు ఎముకలే మిగులుతున్నాయి. దీంతో రైల్వే సిబ్బంది అక్కడ మిగిలిన మృతుల తాలూకు దుస్తులను ఆధారాలుగా స్వీకరిస్తూ ఎముకలను పూడ్చిపెడుతున్నారు. అనుమానాస్పద మృతి, తోసేసిన ఘటనల్లో దోషులు, కారణాలు తెలుసుకోవడం సిబ్బందికి కత్తిమీద సాముగా మారుతోంది. అంతేకాదు.. చాలా కేసులు మిస్టరీగానే మిగిలిపోతున్నాయి. వీటన్నింటికీ పరిష్కారంగా అవసరమైన చోట్ల కొత్త రైల్వేపోలీస్‌ స్టేషన్లు ఏర్పాటు చేయాలని నిపుణులు సూచిస్తున్నారు. మంచిర్యాల, కాజీపేటలో తప్ప మరెక్కడాలేని రైల్వే పోలీస్‌స్టేషన్‌లు రామగుండం అవుట్‌పోస్ట్‌లో ఒకేఒక హెడ్‌కానిస్టేబుల్‌

శంకర్‌దాదాలు..సాక్షిప్రతినిధి, కరీంనగర్‌: ఉమ్మడి కరీంనగర్‌ జిల్లాలో కొందరు శంకర్‌దాదా ఆర్‌ఎంపీలు ప్రజల ప్రాణాలతో చెలగాట మాడుతున్నారు. అర్హత ఉండదు.. అనుమతులు ఉండవు. అయినా వైద్య చికిత్సలు చేసేస్తుంటారు. అడిగే వారు లేకపోవడం, తనిఖీలు చేసేవారు ఆ విషయమే మరచిపోవడంతో ఇదే అదనుగా ఇష్టారాజ్యంగా క్లినిక్స్‌ ఏర్పాటు చేస్తున్నారు. గత్యంతరం లేక స్థానికంగా అందుబాటులో ఉందనే ఉద్దేశంతో తమ వద్దకు వస్తున్న రోగులకు చుక్కలు చూపుతున్నారు. రోగుల అమాయకత్వాన్ని సొమ్ము చేసుకుంటున్నారు. నిబంధనలకు విరుద్ధంగా క్లినిక్‌ల వద్దనే ల్యాబ్‌, ఫార్మసీ ఏర్పాటు చేసుకుని ఇష్టారాజ్యంగా వ్యవహరిస్తున్నారు. ఇటీవల పలుచోట్ల ఆర్‌ఎంపీలు చేసిన వైద్యం వికటించి కొందరి ప్రాణాల మీదకు వచ్చిన ఘటనలు చోటుచేసుకున్నాయి. చిన్నారులు, బాలింతలు ఇబ్బంది పడిన ఉదంతాలూ వెలుగుచూశాయి. దీనికితోడు సమీప పట్టణాల్లోని కార్పొరేట్‌ ఆస్పత్రుల వారితో ఆర్‌ఎంపీలు కుమ్మకై ్క రోగులను అక్కడికి పంపిస్తూ అడ్డగోలుగా ‘కమీషన్‌’ రూపంలో పెద్దమొత్తంలో సొమ్ము చేసుకుంటున్నట్లు తెలుస్తోంది. ఇంత జరుగుతున్నా వైద్య, ఆరోగ్య శాఖాధికారులు మాత్రం పట్టించుకోవడం లేదనే ఆరోపణలు వినిపిస్తున్నాయి. నిమ్మకు నీరెత్తినట్లు వ్యవహరిస్తుండడంపై విమర్శలు వ్యక్తమవుతున్నాయి. ఆర్‌ఎంపీల ఇష్టారాజ్యం అర్హతకు మించి వైద్యం అవగాహన లేకున్నా యాంటిబయోటిక్స్‌ ప్రిస్క్రిప్షన్స్‌ అమాయకుల ప్రాణాలతో చెలగాటం

పెద్దపల్లిరూరల్‌: సైబర్‌ నేరాలు, ఆన్‌లైన్‌, ఫిషింగ్‌, ఓటీపీ మోసాలు, డిజిటల్‌ లావాదేవీల ని ర్వహణ సందర్భంగా అప్రమత్తంగా ఉండాల ని మంచిర్యాల డీసీపీ భాస్కర్‌, అడిషనల్‌ ఎ స్పీ(సైబర్‌క్రైం) భిక్షంరెడ్డి సూచించారు. స్థానిక ట్రినిటి ఇంజినీరింగ్‌ కాలేజీలో బుధవారం ‘సై బర్‌క్రైం ఫ్రాడ్‌ కా ఫుల్‌స్టాఫ్‌’ అంశంపై అవగా హన కల్పించారు. ఆన్‌లైన్‌ లావాదేవీల సందర్భంగా అప్రమత్తంగా లేకుంటే మోసపోతారని అన్నారు. అధిక లాభాలు, పోలీసు అధికారులమని బెదిరించే కాల్స్‌పై పోలీసులకు సమాచారం అందించాలన్నారు. సైబర్‌క్రైం బారిన పడితే 1930 నంబరుకు సమాచారం ఇవ్వాలని సూచించారు. ఏసీపీ కృష్ణ పాల్గొన్నారు. 13న జాబ్‌మేళా పెద్దపల్లి: ఎస్సెస్సీ, ఇంటర్‌, డిగ్రీ విద్యార్హతల తో యువతకు ఉద్యోగావకాశాలు కల్పించేందు కు ఈనెల 13న జాబ్‌మేళా నిర్వహిస్తామని జి ల్లా ఉపాధి కల్పనాధికారి రాజశేఖర్‌ తెలిపారు. హైదరాబాద్‌లోని వీవీ మోటర్స్‌ ప్రైవేట్‌ లిమిటెడ్‌లో 90 ఖాళీలు ఉన్నాయని, వీటిని ఈ సందర్భంగా భర్తీ చేస్తారన్నారు. విద్యుత్‌ వాహనా ల విభాగంలో తొలుత ఉచితంగా శిక్షణ ఇస్తారని, ఆసక్తిగలవారు కలెక్టరేట్‌లోని రూమ్‌ నంబరు 233లో సర్టిఫికెట్లతో హాజరు కావాలని ఆయన కోరారు. వివరాలకు 77299 920 61, 92462 60743, 89853 36947, 81212 62441 నంబర్లలో సంప్రదించాలని అన్నారు. మద్యం తాగి డ్రైవింగ్‌ చేయొద్దు పెద్దపల్లి/పెద్దపల్లిరూరల్‌: మద్యం తాగి వాహ నం నడపవద్దని ఆర్టీవో రంగారావు సూచించారు. రోడ్డు భద్రత మాసోత్సవం సందర్భంగా జిల్లా కేంద్రంలో బుధవారం వాహనదారులకు అవగాహన కల్పించారు. సీట్‌బెల్ట్‌ ధరించాలని, ట్రాఫిక్‌ నిబంధనలు పాటించాలని అ న్నారు. ఈ సందర్భంగా ఐటీఐ మైదానం, మంథని క్రాస్‌రోడ్డులో వాహనాలు తనిఖీ చే శారు. ట్రాఫిక్‌ సీఐ అనిల్‌ కుమార్‌ ఉన్నారు. అంధుల దినోత్సవం పెద్దపల్లి: కలెక్టరేట్‌లోని డీడబ్ల్యూవో కార్యాలయంలో బుధవారం అంధుల దినోత్సవం ఘ నంగా నిర్వహించారు. లూయిస్‌ బ్రెయిల్‌ జ యంతి సందర్భంగా ఈ వేడుకలు జరుపుకు న్నారు. డీడబ్ల్యూవో వేణుగోపాల్‌, అధికారులు రాజయ్య, కవిత, స్వర్ణలత పాల్గొన్నారు. బడిలోకి కార్మికుల పిల్లలు ధర్మారం(ధర్మపురి): పత్తిపాక సమీపంలోని ఇటుకబట్టీల్లో పనిచేస్తున్న ఒడిశా కార్మికుల పి ల్లలను ప్రభుత్వ ప్రాథమిక పాఠశాల ప్రధానో పాధ్యాయుడు నూతి మల్లన్న ఆధ్వర్యంలో బు ధవారం బడిలో చేర్పించారు. బడిబయట పి ల్లల గుర్తింపు కోసం చేపట్టిన సర్వే సందర్భంగా ఏడుగురు బడిబయటి పిల్లలను గుర్తించినట్లు హెచ్‌ఎం పేర్కొన్నారు. క్లస్టర్‌ రిసోర్స్‌ పర్సన్‌ ఎదుల్ల ప్రేమ్‌సాగర్‌, ఉపాధ్యాయులు శ్రీలత, శారద, సునీల్‌ అరుణశ్రీ పాల్గొన్నారు. రోడ్లెక్కే కేజ్‌వీల్స్‌పై చర్యలు సుల్తానాబాద్‌రూరల్‌: గ్రామీణ రోడ్లు నాగరికథకు చిహ్నాలని, ఇట్లాంటి వాటిపై కేఈజ్‌వీల్స్‌ ట్రాక్టర్లు వెళ్తే కఠిన చర్యలు తప్పవని పెద్దపల్లి ఏసీపీ కృష్ణ అన్నారు. ట్రాక్టర్‌ యాజమానులు, డ్రైవర్లతో స్థానిక పోలీస్‌స్టేషన్‌లో బుధవారం ఆయన అవగాహన కల్పించారు. రవాణా సౌక ర్యం మెరుగుపర్చేందుకు ప్రభుత్వాలు రోడ్లు నిర్మిస్తున్నాయని, వాటిపై కేజ్‌వీల్స్‌తో ట్రాక్టర్లు వెళ్తే దెబ్బతింటాయని అన్నారు. మానేరు నుంచి ఇసుక అక్రమంగా తరలించినా చర్యలు తప్పవన్నారు. ఇందుకోసం శాటిలైట్‌ సర్వీస్‌లైన్స్‌ నిఘా పెడతామని తెలిపారు. సీఐ సుబ్బారెడ్డి, ఎస్సై చంద్రకుమార్‌ ఉన్నారు. సీఎమ్మార్‌ అప్పగించాలి పెద్దపల్లి: రైస్‌మిల్లర్లు తమకు కేటాయించిన ధాన్యాన్ని మర ఆడించి ఫిబ్రవరి 28వ తేదీలో గా ప్రభుత్వానికి సీఎమ్మార్‌ అప్పగించాలని సి విల్‌ సప్లయ్‌ డీఎం శ్రీకాంత్‌రెడ్డి సూచించారు. ఈమేరకు అధికారులు, మిల్లర్లతో బుధవారం ఆయన తన కార్యాలయంలో సమీక్షించారు. క్వింటాల్‌ పత్తి రూ.7,451 పెద్దపల్లిరూరల్‌: స్థానిక వ్యవసాయ మార్కెట్‌ లో బుధవారం పత్తి క్వింటాల్‌కు గరిష్టంగా రూ.7,451 ధర పలికింది. కనిష్టంగా రూ. 6,162, సగటు రూ.7,216 ధర నమోదైంది.

సరైన అర్హతలు, నిబంధనలు లేకుండా యాంటీ బయోటిక్స్‌ డ్రగ్స్‌ విక్రయించడం, సరఫరా చేయడం చట్టవిరుద్ధం. డగ్స్‌ అండ్‌ కాస్మొటిక్‌ యాక్ట్‌ –1940 ప్రకారం కఠిన చర్యలు తీసుకుంటాం. లైసెన్స్‌ కలిగిన ప్రతీ డ్రగ్‌ డీలర్‌, హోల్‌సేల్‌ వ్యాపారులు తమ మందుల సరఫరాలో పారదర్శకత పాటించాలి. డ్రగ్స్‌ కంట్రోల్‌ అడ్మినిస్ట్రేషన్‌ (డీసీఏ) నిబంధనల ప్రకారం మందులు నిల్వ ఉంచాలి. ఎవరుపడితే వారు నిల్వ చేస్తే కఠిన చర్యలకు అర్హులవుతారు. – షానవాజ్‌ ఖాసీం, డ్రగ్స్‌ కంట్రోల్‌ అడ్మినిస్ట్రేషన్‌ (డీసీఏ) డైరెక్టర్‌ జనరల్‌అర్హతకు మించి వైద్యం చేయొద్దు ఆర్‌ఎంపీలు అర్హతకు మించి వైద్యం చేయకుండా నిబంధనలు పాటించాలి. ప్రజలు అర్హతలేని వైద్యుల వద్దకు వెళ్లి వైద్యం చేయించుకోవడం వల్ల వ్యాధులు తగ్గకపోవడమే కాకుండా ప్రాణాపాయ పరిస్థితులు ఏర్పడతాయి. అర్హత లేని వైద్యులను నమ్మవద్దు. ఆసుపత్రులు ఆర్‌ఎంపీలను ప్రోత్సహించడం, కమీషన్లు ముట్టజెప్పడం మానేయాలి. అర్హత, అనుభవం ఉన్న వైద్యుల వద్ద చికిత్స తీసుకుంటే నాణ్య మైన వైద్యం అందుతుంది. – ఆకుల శైలజ, ఐఎంఏ అధ్యక్షురాలు, కరీంనగర్‌ కేసులు నమోదు చేయాలి అర్హత లేకున్నా వైద్యం చేస్తూ ప్రజల ప్రాణాలతో చెలగాట మాడుతున్న వారిపై కేసులు నమోదు చేయాలి. వైద్యారోగ్యశాఖ, మెడికల్‌ కౌన్సిల్‌ ఈ అంశాన్ని సీరియస్‌గా తీసుకుని ఎప్పటికప్పుడు తనిఖీ చేపట్టాలి. ఫిర్యాదు వచ్చినప్పుడే స్పందించడం కాకుండా రెగ్యులర్‌గా అర్హతలేని వైద్యంపై నిఘా పెడితే ప్రజల ప్రాణాలకు భరోసా కల్పించినట్లవుతుంది. ప్రజలు అర్హతలేని వారి వద్దకు వైద్యం కోసం వెళ్లి ప్రాణాల మీదకు తెచ్చుకోవద్దు. – బీఎన్‌ రావు, ఐఎంఏ రాష్ట్ర మాజీ అధ్యక్షుడు

మంథని: రాష్ట్రంలోని సిద్దిపేట, సిరిసిల్ల తరహాలో మంథని పట్టణాన్ని ప్రగతి పథంలో నిలిపేందుకు ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు కృతనిశ్చయంతో ముందుకు సాగుతున్నారు. ని యోజకవర్గ రూపరేఖలు మార్చేలా మంథని అభి వృద్ధి నిధులు వరదలా మంజూరవుతున్నాయి. కానీ, ఏడాదిన్నర గడిచినా పనుల్లో ప్రగతి కనిపించడం లేదు. వివిధ శాఖల అధికారుల ఆలసత్వ మో, కాంట్రాక్టర్ల నిర్లక్ష్యమో తెలియదు కానీ.. ప్రగతి పనులు ఇంకా ముందుకు సాగడమే లేదు. ప్రారంభంకాని పనులు.. మంథని సమీపంలోని గోదావరి నదిపై మంచిర్యాల జిల్లా శివ్వారం వరకు రూ.125 కోట్ల అంచనాలతో హైలెవల్‌ వంతెన నిర్మాణానికి 2024 డిసెంబర్‌లో జిల్లా పర్యటనకు వచ్చిన సీఎం రేవంత్‌రెడ్డి సభ ప్రాంగణంలోనే శంకుస్థాపన చేసారు. అనుమతులు, పరీక్షల పేరిట కాలయాపన జరుగుతోంది. దీంతో పనులు ప్రారంభమే కాలేదు. వంతెనకు అనుసంధానంగా మంథని శివారులో రూ.165 కో ట్ల అంచనాలతో చేపట్టే శ్రీపాదమార్గ్‌(బైపాస్‌ రో డ్డు)కు అవసరమైన భూసేకరణ కోసం 15 రోజుల క్రితమే నోటీస్‌లు జారీచేశారు. తరచూ సమీక్షిస్తున్నా.. అభివృద్ధి పనులు సకాలంలో పూర్తిచేయాలని మంత్రి డి.శ్రీధర్‌బాబుతో జిల్లాస్థాయి అధికారులు పలుమార్లు సమీక్షిస్తున్నారు. కలెక్టర్‌ పలుమార్లు పర్యవేక్షిస్తున్నా ఆశించినస్థాయిలో అభివృద్ధి పనులు సాగడం లేదనే విమర్శలు ఉన్నాయి.అనుమతుల్లో ఆలస్యం మంథని ప్రాంతానికి మంజూరైన అభివృద్ధి పనులకు అటవీ, పర్యావరణ అనుమతులు సకాలంలో రావడంలేదు. భూ సేకరణలోనూ ఆలస్యం అవుతోంది. విడతల వారీగా వస్తున్న అనుమతుల ఆధారంగా పనులు చేపడుతున్నాం. అందుకే ఆలస్యమవుతోంది. – జఫార్‌, డీఈఈ, ఆర్‌ అండ్‌ బీ, మంథని ఏడాది గడిచినా ప్రారంభంకాని పనులు రూ.కోట్లు మంజూరైనా తప్పని అవస్థలు అధికారులు, కాంట్రాక్టర్ల తీరుపై ప్రజల ఆగ్రహం మంథనిలో ప్రగతి పనుల తీరుఅమృత్‌ 2.0 ప్యాకేజీ–1 ద్వారా రూ.12.10 కోట్ల అంచనాలతో మంథనిలోని పోచమ్మవాడలో చేపట్టిన వాటర్‌ ట్యాంక్‌ పనులకు 2024 జూలై 15న శంకుస్థాపన చేశారు. ఆర్నెల్లలో పనులు పూర్తిచేసి పురవాసులకు తాగునీరు సరఫరా చేస్తామని అప్పట్లోనే చెప్పారు. ఏడాదిన్నర కావొస్తున్నా పనులు పునాదులు దాటడంలేదు.

పెద్దపల్లి: ఉమ్మడి కరీంనగర్‌ జిల్లాలో ఈ నెల 17 నుంచి ఫిబ్రవరి 14వ తేదీ వరకు సీఎం కప్‌–2026 పోటీల నిర్వహణకు జిల్లా అధికారులు ఏర్పాట్లు చేస్తున్నారు. యువతలో దాగిఉన్న క్రీడా నైపుణ్యాలను వెలికి తీయడానికి రాష్ట్ర ప్రభుత్వం సీఎం కప్‌ పోటీలు నిర్వహిస్తోంది. ప్రపంచచాపియన్‌ నినాదంతో గ్రామస్థాయి నుంచి జిల్లాస్థాయి వరకు నాలుగు దశల్లో పోటీలు చేపట్టింది. ఈమేరకు డీవైఎస్‌వో సురేశ్‌ షెడ్యూల్‌ విడుదల చేశారు. 8న క్రీడాజ్యోతి ర్యాలీ సీఎం కప్‌ – 2026 పోటీలను ఈ నెల 8న క్రీడాజ్యోతి ర్యాలీతో ప్రా రంభిస్తారు. గ్రామస్థాయిలో ఈనె ల 17 నుంచి 22 వరకు, మండలస్థాయి ఈనెల 28 నుంచి 31 వరకు, అసెంబ్లీ ఫిబ్రవరి 3 నుంచి 7 వరకు, జిల్లాస్థాయిలో ఫిబ్రవరి 10 నుంచి 14 వరకు పోటీలు నిర్వహిస్తారు. ఆసక్తి గలవారి కోసం వెబ్‌సైట్‌.. ఆసక్తి గలక్రీడాకారులు వెబ్‌సెట్‌లో తమ వివరాలు https:/satg.telangana.gov.in/cmcup/ వెబ్‌సైట్‌ లో నమోదు చేసుకోవాలి. మిగతా వివరాల కోసం 99639 60063 నంబరులో సంప్రదించాలి. గ్రామ, మండల, నియోజకవర్గ, జిల్లాస్థాయిల్లో పోటీలు

గోదావరిఖని: ప్రజావస రాలకు అనుగుణంగా వై ద్యసేవలు అందించేందు కు మరిన్ని నిధులు కేటా యించాలని రామగుండం ఎమ్మెల్యే ఎంఎస్‌ రాజ్‌ఠాకూర్‌ కోరారు. మంగళవారం అసెంబ్లీ సమావేశాల్లో ఆయన మాట్లాడారు. రూ.140 కోట్ల వ్యయంతో చేపట్టిన ప్రభుత్వ ఆస్పత్రి భవన నిర్మాణం త్వరగా పూర్తిచేయాలని ఆయన అన్నారు. రూ.20 కోట్లతో నిర్మించిన క్యాథ్‌ల్యాబ్‌ను వెంటనే ప్రారంభించాలని సీఎం రేవంత్‌రెడ్డి, డిప్యూటీ సీఎం భట్టి విక్రమార్క, మంత్రులను ఎమ్మెల్యే కోరారు. పారిశ్రామిక ప్రాంతంలో కాలుష్యంతో గుండెపోటు మరణాలు అధికంగా చోటుచేసుకుంటున్నాయని, వాటి నియంత్రణకు అధునాతన వైద్యపరికరాలను అందుబాటులోకి తేవాలని ఆయన అన్నారు. నాంసానిపల్లె జీపీవో సస్పెన్షన్‌ పెద్దపల్లి/ఓదెల: జిల్లాలోని ఓదెల మండలం నాంసానిపల్లె జీపీవో(గ్రామ పరిపాలనాధికారి) సకినారపు మొగిలిని సస్పెండ్‌ చేస్తూ కలెక్టర్‌ కోయ శ్రీహర్ష మంగళవారం ఉత్తర్వులు జారీచేశారు. అత్యవసర సమయాల్లో విధులకు జీపీవో హాజరుకాలేదని పేర్కొన్నారు. అధికారుల ఫోన్‌కాల్స్‌కు స్పందించలేదని తహసీల్దార్‌ నివేదిక ఆధారంగా ఈ నిర్ణయం తీసుకున్నామని కలెక్టర్‌ తన ఉత్తర్వుల్లో పేర్కొన్నారు. క్రమశిక్షణ చర్యలు పూర్తయ్యేంతవరకు హెడ్‌క్వార్టర్స్‌ను విడిచి వెళ్లరాదని ఆదేశించారు.

గోదావరిఖనిటౌన్‌: మేడారం మహాజాతరపై స్థానిక ఆర్‌టీసీ డిపోలో కరీంనగర్‌ రీజినల్‌ మేనేజర్‌ రాజు సిబ్బందితో మంగళవారం సమీక్షించారు. ఈనెల 25వ తేదీ నుంచి మేడారం జాతరకు ఆర్టీసీ బ స్సులు నడుపుతామని అన్నారు. ఉద్యోగులు అంకి త భావంతో పనిచేయాలని సూచించారు. డిప్యూటీ ఆర్‌ఎం(ఆపరేషన్‌) భూపతిరెడ్డి, డిప్యూటీ ఆర్‌ఎం(మెకానికల్‌) మల్లేశం, ఖని డిపో మేనేజర్‌ నాగభూషణం, అసిస్టెంట్‌ మేనేజర్‌(ట్రాఫిక్‌) గీతాకృష్ణ, అసిస్టెంట్‌ ఇంజినీర్‌(మెకానికల్‌) సంధ్యారాణి, ఎంప్లాయీస్‌ వెల్ఫేర్‌ బోర్డు మెంబర్‌ రవీందర్‌రెడ్డి, పద్మావతిగౌడ్‌ తదితరులు పాల్గొన్నారు.

రామగిరి(మంథని): ముందస్తు సమాచారం ఇవ్వకుండా, నోటీసులు జారీచేయకుండానే తమ ఇళ్లను కూల్చివేశారని బుధవారంపేట పంచాయతీ పరిధిలోని సిద్దపల్లివాసులు మంగళవారం ఆందోళనకు దిగారు. ఓసీపీ–2 విస్తరణ కోసం సింగరేణి భూసేకరణ ప్రారంభించింది. దీంతో కొద్దిరోజులుగా ఆందోళనలు చేస్తున్నారు. మంగళవారం కలెక్టర్‌ పర్యటనకు రాగా.. రెవెన్యూ, సింగరేణి అధికారుల స మక్షంలో అక్రమంగా నిర్మించిన ఇళ్ల కూల్చివేత చేపట్టారు. తమ భూముల్లో ఇళ్లు నిర్మించుకుంటే అక్ర మ కట్టడాలు ఎలా అవుతాయని గ్రామస్తులు ప్ర శ్నించారు. పెద్దపల్లి – మంథని ప్రదాన రహదారిపై బైఠాయించారు. కలెక్టర్‌ అక్కడే ఉండి స్వయంగా కూల్చివేతకు ఆదేశాలు ఇచ్చారని ఆరోపించారు. ఆయన సమాధానం చెప్పేవరకూ ఆందోళన విర మించేది లేదని ఆందోళనకారులు భీష్మించుకు కూ ర్చున్నారు. సుమారు 3 గంటల పాటు గ్రామస్తులు ఆందోళన చేశారు. గోదావరిఖని ఏసీపీ రమేశ్‌ సంఘటన స్థలానికి చేరుకుని గ్రామస్తులతో చర్చించారు. సమస్యలను ఉన్నతాధికారుల దృష్టికి తీసుకెళ్లి న్యాయం చేస్తామని ఆయన హామీ ఇవ్వడంతో గ్రామస్తులు ఆందోళనను విరమించారు. ఆగ్రహించిన గ్రామస్తులు రోడ్డుపై బైఠాయించి నిరసన

రామగిరి(మంథని): ప్రభుత్వ పాఠశాలల విద్యార్థుల కనీస విద్యా ప్రమాణాలు మెరుగుపర్చాలని కలెక్టర్‌ శ్రీహర్ష సూచించారు. చందనపూర్‌ ప్రభుత్వ పాఠశాల, రత్నాపూర్‌ ఆర్‌ అండ్‌ ఆర్‌ కాలనీ, ప్రాథమికోన్నత పాఠశాలలను ఆయన మంగళవారం పరిశీలించి పలు సూచనలు చేశారు. లద్నాపూర్‌ ఆర్‌ అండ్‌ ఆర్‌ కాలనీవాసుల సమస్యలు పరిష్కరిస్తామన్నారు. తహసీల్దార్‌ సుమన్‌, ఎంపీడీవో శైలజారాణి, పీఆర్‌ డీఈ అప్పలనాయుడు, సింగరేణి అధికారులు ఐలయ్య, రాజిరెడ్డి, మణిదీప్‌రెడ్డి, ఏఈలు వరలక్ష్మి, జగదీశ్‌, సర్పంచులు పల్లె ప్రతిమ, వనం రాంచందర్‌రావు తదితరులు పాల్గొన్నారు. కాగా, లక్ష్మీనగర్‌ ఆర్‌ అండ్‌ ఆర్‌ కాలనీలో కలెక్టర్‌ శ్రీహర్ష పర్యటించారు. ప్రజాభిప్రాయ సేకరణ సందర్భంగా అభివృద్ధిపై వచ్చిన అభ్యంతరాల నేపథ్యంలో కలెక్టర్‌ గ్రామాన్ని పరిశీలించారు. తహసీల్దార్‌ సుమన్‌ తదితరులు పాల్గొన్నారు. భవన నిర్మాణం పూర్తిచేయాలి కమాన్‌పూర్‌(మంథని): మండల కేంద్రంలో చేపట్టిన తహసీల్దార్‌ కార్యాలయ భవన నిర్మాణాన్ని రెండు నెలల్లోగా పూర్తిచేయాలని కలెక్టర్‌ కోయ శ్రీహర్ష అదేశించారు. నూతన భవన నిర్మాణాన్ని ఆయన పరిశీలించారు. అనంతరం తహసీల్దార్‌ కార్యాలయంలో రికార్డులను తనిఖీ చేశారు. కార్యక్రమంలో తహసీల్దార్‌ వాసంతి, పీఆర్‌డీఈ, ఏఈలు అప్పలనాయుడు, జగదీశ్‌ పాల్గొన్నారు. కలెక్టర్‌ కోయ శ్రీహర్ష

గ్రామాభివృద్ధికికేటాయించిన నిధులు రూ.: 402కోట్లుపక్కా భవనాలు లేని పంచాయతీలు: 50ఈ ఏడాది గుర్తించిన పనులు: 349భవనాల్లేని అంగన్‌వాడీ కేంద్రాలు 107ఉపాధి కూలీలు: 1.09 లక్షలుసాక్షి,పెద్దపల్లి: ఉమ్మడి జిల్లాలో పంచాయతీ ఎన్నికలు పూర్తయ్యాయి.. కొత్తగా పాలకవర్గాలు కొలువుదీరాయి. సర్పంచ్‌గా ఎన్నికై నందుకు సంబరంగా ఉన్నా.. ప్రస్తుత పరిస్థితుల్లో పంచాయతీలకు నిధుల కొరత వెంటాడుతుండటంతో గ్రామాన్ని అభివృద్ధి చేయడం సవాలే. ఈ పరిస్థితుల్లో ఉపాధిహామీ పథకం అండగా నిలుస్తోంది. పక్కాగా, ప్రణాళికబద్ధంగా పనులు చేయించగలిగితే కూలీలకు ఉపాధి కల్పించడంతో పాటు, పల్లెలను ప్రగతి దిశగా తీసుకుపోవచ్చు. గతంతో పోలిస్తే పథకంలో కొన్ని మార్పులు చేశారు. పథకం పేరు మార్చడంతో పాటు పనిదినాలు 100 నుంచి 125కు పెంచారు. 266 పనులు అదనంగా గుర్తించి ప్రభుత్వం ఉత్తర్వులు జారీచేసింది. వాటిపై సర్పంచులు దృష్టిసారిస్తే గ్రామాభివృద్ధి ఇట్టే సాధ్యం.మరుగుదొడ్లు లేని కుటుంబాలు2,000 సుమారుజాబ్‌కార్డులు ఉన్నవారు 1.16 లక్షలుపంచాయతీలు: 263‘దారి’ వేసుకోవచ్చు గ్రామం నుంచి ఇతర గ్రామాలకు, పంట పొలాలకు దారులు లేని ప్రాంతాలకు ఉపాధి పథకం కింద పొలం బాటలు వేసుకోవచ్చు. ఎడ్లబండ్లు, ఇతర వాహనాలు వెళ్లేందుకు వీలవుతుంది. గ్రామంలో పంచాయతీ, అంగన్వాడీ కేంద్రాలకు సొంత భవనం లేకుంటే ఉపాధి హామీ పథకంలో నిర్మించుకునే వీలుంది. హరితహారం పెంచాలి గ్రామాల్లో మొక్కలునాటి హరితవనం పెంపొందించేందుకు వీలుంది. పంచాయతీల్లో నర్సరీ అందుబాటులో ఉంటుంది. గుంతలు తవ్వడం మొదలు, మొక్కలు నాటడం.. పోషణకూ డబ్బులు ఇస్తున్నారు. నీటిని నిల్వచేసుకోవచ్చు సాగు భూముల్లో కాంటూరు కందకాలు, ఊటకుంటలు, పాంపాండ్స్‌, చెక్‌ డ్యాంలు, రాళ్లకట్టలు తదితర వాటిని ఏర్పాటు చేసుకోవడానికి వీలుంది. ముందుగా ప్రతిపాదనలు సిద్ధం చేసుకొని పక్కాగా పనులు పూర్తిచేస్తే.. భూగర్భ జలమట్టం పెరుగుతుంది. స్వచ్ఛ గ్రామాలుగా ముందుకెళ్లొచ్చు గ్రామాలను సంపూర్ణ పారిశుధ్య గ్రామాలుగా తీర్చిదిద్దేందుకు ఉపాధి పథకంలో అవకాశం ఉంది. మరుగుదొడ్ల నిర్మాణంలో అవసరమైన గుంతలను కూలీలతో తవ్వించి, ప్రతీ ఇంటికి మరుగుదొడ్డి నిర్మించవచ్చు. సాగు.. బాగు.. గ్రామాల్లో చెరువులు, చెక్‌డ్యాంలు, ఊటకుంటలు, ప్రాజెక్టు కాల్వల నుంచి పూడిక తీసుకునేందుకు అవకాశం ఉంది. కూలీలతో పనులు చేయిస్తే వారికి ఉపాధి చూపడంతో పాటు ఇటు నీటి వనరులు బాగు చేసుకోవచ్చు. సాగునీటి సమస్య లేకుండా చేసుకోవచ్చు. వీరిని సంప్రదించండి ఉపాధి హామీ పథకాన్ని అమలు చేసేందుకు మండలస్థాయిలో ప్రత్యేకంగా సిబ్బంది ఉంటారు. జిల్లాలో పీడీతో పాటు ఏపీడీ, మండలాల్లో ఏపీవో, సాంకేతిక సహాయకులు, గ్రామాల్లో క్షేత్ర సహాయకులు ఉంటారు. మండల అభివృద్ధి అధికారి పర్యవేక్షణలో పనుల గుర్తింపు, ఎంపిక, ఆమోదం, మంజూరు ఉంటాయి.

పెద్దపల్లి: కుష్ఠును సమూలంగా నిర్మించడం లక్ష్యంగా కేంద్రప్రభుత్వం కార్యాచరణ చేపట్టింది. అందులో భాగంగా గతనెల 18 నుంచి 31వ తేదీ వరకు జిల్లాలోని వ్యాధిగ్రస్తులను గుర్తించేందుకు ప్రత్యేక కార్యక్రమాన్ని చేపట్టింది. ఈమేరకు జిల్లా అధికారులు ఎల్‌సీడీసీ(లెప్రసీ కేస్‌ డిటెక్టివ్‌ క్యాంపెయిన్‌) నిర్వహించారు. ఆశ వర్కర్లు, ఏఎన్‌ఎం ఇంటింటా పర్యటించారు. అనుమానితులను గుర్తించగా.. డాక్టర్లు వారిని పరీక్షించనున్నారు. అనుమానితులు జిల్లాలో 18 ప్రాథమిక, 7 అర్బన్‌ ప్రాథమిక ఆరోగ్య కేంద్రాల పరిధిలో సర్వే చేశారు. గతనెల 18న ప్రారంభించిన సర్వేలో 458 మంది ఆశ వర్కర్లు పాల్గొని రోజువారీ నివేదికలు రూపొందించారు. అర్బన్‌ ప్రాథమిక, ప్రాథమిక ఆరోగ్య కేంద్రాల ద్వారా ఏఎన్‌ఎంలు ఆ నివేదికలను జిల్లా అధికారులకు సమర్పించారు. ఉదయం 7 నుంచి ఉదయం 9 గంటల వరకు సర్వే చేయగా.. ప్రతీ ఆశకార్యకర్త రోజుకు కనీసం 25 ఇళ్లు సందర్శించారు. ఇళ్లలో నివాసం ఉంటున్న వారిని పరిశీలించారు. జిల్లాలో కుష్ఠు అనుమానితుల సంఖ్య 1,163 సర్వే చేసిన నివాసాలు 1,83,777

కుష్ఠు బాధితులకు వైద్యపరీక్షల అనంతరం ఉచితంగా మందులు అందిస్తాం. శరీరంపై తెల్లని స్పర్శలేని, పాలిపోయిన మచ్చలు ఉంటే వ్యాధిగ్రస్తులుగా గుర్తిస్తారు. మొద్దుబారిన మచ్చలు, చేతివేళ్లు వంగడం, మచ్చలపై వెంట్రుకలు ఊడిపోవడం, చెమట రాకపోవడం, పాదాల్లో పుండ్లు తదితర లక్షణాలు ఉంటే అనుమానితులుగా గుర్తిస్తారు. శరీరంపై 5 కన్నా ఎక్కువ మచ్చలు ఉంటే 6 నెలలపాటు, అంతకన్నా ఎక్కువగా ఉంటే 12 నెలల పాటు ఉచితంగా మందులు అందిస్తారు. – సుధాకర్‌రెడ్డి, పీవో, లెప్రసీ

● హైకోర్టు రిటైర్డ్‌ ప్రధాన న్యాయమూర్తి జస్టిస్‌ చంద్రకుమార్‌ ● సర్పంచులకు సన్మానంపెద్దపల్లి: బహుజన భావజాలం పల్లెలకు విస్తరించడంలో సర్పంచులే అత్యంత కీలకమని ఉమ్మడి ఆంధ్రప్రదేశ్‌ హైకోర్టు మాజీ ప్రధాన న్యాయమూర్తి జ స్టిస్‌ బి.చంద్రకుమార్‌ అన్నారు. జిల్లాకు చెందిన బ డుగు, బలహీనవర్గాల సర్పంచులను మాజీ జెడ్పీటీసీ గోపగాని సారయ్యగౌడ్‌ ఆధ్వర్యంలో మంగళవారం జిల్లా కేంద్రంలో సన్మానించారు. బహుజన ప్రజాస్వామిక వేదిక అధ్యక్షుడు తాడూరి శ్రీమన్నారాయణ అధ్యక్షత వహించారు. జస్టిస్‌ చంద్రకుమా ర్‌ మాట్లాడుతూ, సర్పంచులపై ప్రభుత్వం భారమై న బాధ్యత మోపిందని, చట్ట పరిధిలో పాలన సాగించాలన్నారు. ఏటా ఆడిట్‌ నివేదిక పంపించకుంటే సర్పంచ్‌ను కలెక్టర్‌ సస్పెండ్‌ చేయవచ్చనే చట్టం పొందుపరిచారని తెలిపారు. ఆర్నె ల్లుగా ఆరోగ్య సమస్యలతో బాధపడే మహిళా సర్పంచులకు ప్రమాదమేమీలేదన్నారు. మాజీ ఎంపీపీ సంధవేణి సునీత, రచయిత ఏలేశ్వరం వెంకటేశ్వర్లు, వివేక్‌ పటేల్‌, కాపు సంఘం జిల్లా అధ్యక్షుడు రామస్వామి, రైతుసంఘం నాయకుడు మల్లన్నతోపాటు భీమోదు సురేందర్‌, బూతగడ్డ సంపత్‌, బొడ్డుపల్లి శ్రీనివాస్‌ తదితరులు పాల్గొన్నారు.

మంథని: ప్రసిద్ధ మంత్రపురి అష్టభు జ గణపతి దేవాల యంలో మంగళవా రం అంగారక చతుర్థి వేడుకలను వైభ వంగా నిర్వహించా రు. స్వామివారిని అందంగా అలంకరించి భక్తులకు దర్శన అవకాశం కల్పించారు. ఆలయ ఆవరణలో శివుడి విగ్రహం ఏర్పాటు చేశారు. భక్తులు ప్రత్యేక పూజలు చేశారు. మంథనితోపాటు సమీప ప్రాంతాల నుంచి భక్తులు తరలిరావడంతో ఆలయం కిక్కిరిసిపోయింది. జాప్యం లేకుండా సేవలు రామగిరి(మంథని): కోల్‌మైన్స్‌ ప్రావిడెంట్‌ ఫండ్‌ సేవలను జాప్యం లేకుండా అందిస్తున్నా మని సీఎంపీఎఫ్‌ రీజినల్‌ కమిషనర్‌ గోవర్ధన్‌ అన్నారు. ప్రయాస్‌ కార్యక్రమంపై మంగళవా రం స్థానిక జీఎం కార్యాలయంలో సమీక్షించా రు. తొలుత ఎన్‌సీడబ్ల్యూఏ ఉద్యోగుల రివైజ్డ్‌ పింఛన్‌ పేమెంట్‌– 241 పీపీవో ఆర్డర్స్‌ను రా మగుండం–3, అడ్రియాల ప్రాజెక్ట్‌ ఏరియా జీ ఎం నాగేశ్వరరావుకు అందజేశారు. గోవర్ధన్‌ మాట్లాడుతూ, సీఎంపీఎఫ్‌ లావాదేవీలన్నీ సీ– కేర్స్‌ పోర్టల్‌ ద్వారానే జరుగుతున్నాయన్నారు. పర్సనల్‌ విభాగాధిపతి సుదర్శనం, డీవైపీఎం సునీల్‌ప్రసాద్‌, సీనియర్‌ పీవో రాజేశం, ఫైనా న్స్‌ అధికారి భరత్‌, సీఎంపీఎఫ్‌ సిబ్బంది కామే శ్వరరావు, లలిత, అనిత, మనోహర్‌ ఉన్నారు. ఏపీపీగా వెంకటసాంబమూర్తి పెద్దపల్లి: సీనియర్‌ సివిల్‌ జడ్జి, అసిస్టెంట్‌ సెషన్స్‌ కో ర్టు అడిషనల్‌ పబ్లిక్‌ ప్రాసి క్యూటర్‌(ఏపీపీ)గా సీనియర్‌ నాయ్యవాది దూడం వెంకటసాంబమూర్తి నియమితులయ్యారు. ఈ మేరకు ప్రభుత్వం ఉత్తర్వు లు జారీచేసింది. ప్రభుత్వం తరఫున క్రిమినల్‌ కేసులు వాదించనున్నారు. ప్రభుత్వ ప్రయోజనాల పరిరక్షణకు అనుగుణంగా న్యాయపరమైన వ్యవహారాల్లో చర్యలు చేపడతారు. విద్యుత్‌ అధికారుల పట్టణబాట యైటింక్లయిన్‌కాలనీ(రామగుండం): లంబాడితండాలో విద్యుత్‌ అధికారులు సిబ్బందితో కలి సి మంగళవారం పట్టణబాట చేపట్టారు. ప్రజలతో మాట్లాడి విద్యుత్‌ సమస్యలను అడిగి తె లుసుకున్నారు. లూస్‌వైర్లు, వంగిన విద్యుత్‌ స్తంభాలు, సమస్యాత్మక ట్రాన్స్‌ఫార్మర్లను గు ర్తించారు. వాటిస్థానంలో కొత్తవి ఏర్పాటు చే స్తామని, మరికొన్నింటికి మరమ్మతు చేస్తామని ఏడీ వెంకటేశ్వర్లు తెలిపారు. ఏఈ నారాయణ, ఫోర్‌మెన్‌ చాంధ్‌పాషా, నరేందర్‌, రాములు, లైన్‌ ఇన్‌స్పెక్టర్‌ లింగారెడ్డి, ఏఎల్‌ఎం శివసంతోష్‌, అశోక్‌, సుధాకర్‌, మాజీ కార్పొరేటర్‌ శంకర్‌ నాయక్‌ తదితరులు పాల్గొన్నారు. వివరాలు నమోదు చేయాలి పెద్దపల్లి: ప్రైవేట్‌ ఆస్పత్రుల్లో వ్యాధి నిర్ధారణ పరీక్షల వివరాలను వెబ్‌సైట్‌లో నమోదు చే యాలని డీఎంహెచ్‌వో ప్రమోద్‌కుమార్‌ సూ చించారు. ప్రైవేట్‌ ఆస్పత్రులు, క్లినిక్‌లు, డ యాగ్నొస్టిక్‌ కేంద్రాల సిబ్బందితో పట్టణంలో మంగళవారం సమావేశమయ్యారు. ఇంటిగ్రేటె డ్‌ హెల్త్‌ ఇన్ఫర్మేషన్‌ ప్లాట్‌ఫామ్‌పై అవగాహన కల్పించారు. ఓపీ, వ్యాధి నిర్ధారణ కేసులు, ఎ పిడెమిక్‌కు కారణమయ్యే వ్యాధుల వివరాలను తప్పకుండా వెబ్‌సైట్‌లో నమోదు చేయాలని సూచించారు. నిర్లక్ష్యం చేస్తే కఠిన చర్యలు తీ సుకుంటామని హెచ్చరించారు. ప్రోగ్రాం అధి కారి శ్రీరాములు, ఎపిడమియాలోజిస్ట్‌ నరేశ్‌, డిస్ట్రిక్ట్‌ డాటా మేనేజర్‌ మహేందర్‌ ఉన్నారు. హాల్‌టికెట్లు డౌన్‌లోడ్‌ చేసుకోండి పెద్దపల్లి: జిల్లాలో ఈ నెల 10 నుంచి 13వ తేదీ వరకు నిర్వహించే టెక్నికల్‌ సర్టిఫికెట్‌ కోర్సు పరీక్షల హాల్‌టికెట్లను www.bse.telangan a.gov.in వెబ్‌సైట్‌ నుంచి డౌన్‌లోడ్‌ చేసుకోవాలని డీఈవో శారద తెలిపారు. జిల్లా, ట్రేడ్‌, అభ్యర్థి పేరు, పుట్టిన తేదీ నమోదు చేస్తే హాల్‌టికెట్‌ డౌన్‌లోడ్‌ అవుతుందని పేర్కొన్నారు.

పెద్దపల్లి: జిల్లాలోని పెద్దపల్లి, సుల్తానాబాద్‌, మంథని మున్సిపాలిటీలు, రామగుండం మున్సిపల్‌ కార్పొరేషన్‌లో తుది ఓటరు జాబితాను ఈనెల 10న విడుదల చేస్తామని అదనపు కలెక్టర్‌ వేణు తెలిపారు. కలెక్టరేట్‌లోని తన చాంబర్‌లో ఓటరు జాబితా తయారీపై వివిధ రాజకీయ పార్టీల ప్రతినిధులతో మంగళవారం ఆయన సమావేశం నిర్వహించారు. వేణు మాట్లాడుతూ, రాష్ట్ర ఎన్నికల సంఘం ఆదేశాల మేరకు పోలింగ్‌ కేంద్రాల వారీగా ఈనెల 1న ముసాయిదా ఓటరు జాబితా విడుదల చేశామన్నారు. రామగుండం మున్సిపల్‌ కార్పొరేషన్‌లో 60 డివిజన్లు, పెద్దపల్లిలో 36 వార్డులు, సుల్తానాబాద్‌లో 15, మంథనిలోని 13 వార్డుల్లో 2,58,059 మంది ఓటర్లు ఉన్నట్లు డ్రాఫ్ట్‌ నోటిఫికేషన్‌లో వెలువరించామని వివరించారు. ముసాయి దా ఓటరు జాబితా పరిశీలించి అభ్యంతరాలు ఉంటే తమకు తెలపాలని కోరారు. వాటిని పరిష్కరించి ఈనెల 10వ తేదీన తుది ఓటరు జాబితా వి డుదల చేస్తామని అదనపు కలెక్టర్‌ వివరించారు. ఈ సమావేశంలో మున్సిపల్‌ కమిషనర్‌లు వెంకటేశ్‌, మనోహర్‌, రాజకీయ పార్టీ ప్రతినిధులు, అధికారులు, నాయకులు తదితరులు పాల్గొన్నారు. అదనపు కలెక్టర్‌ వేణు

కాల్వశ్రీరాంపూర్‌/ఓదెల/రామగిరి/గోదావరిఖని: పెద్దపల్లి ఎంపీ గడ్డం వంశీకృష్ణ సోమవారం కాల్వశ్రీరాంపూర్‌ మండలం గంగారంలోని పొలంలో దిగి వరినాట్లు వేశారు. గోదావరిఖనిలోని జీడీకే–11 గనిలోకి దిగి కార్మికుల కష్టసుఖాలు అడిగి తెలుసుకున్నారు. రామగిరి మండల కేంద్రంలో రిటైర్డ్‌ కార్మికులు ఏర్పాటు చేసిన ఆత్మీయ సమ్మేళనంలో పాల్గొన్నారు. ఓదెల రైల్వేస్టేషన్‌లో పర్యటించి ఆర్వోబీల ఏర్పాటు ప్రతిపాదిత స్థలాలు పరిశీలించారు. ఆయా ప్రాంతాల్లో వంశీకృష్ణ మా ట్లాడుతూ, వీడియోలు, సినిమాలు, దూరదర్శన్‌ ప్రసారాల్లోనే వ్యవసాయ పనులు చూశానని, ప్రస్తుతం పొలంలో ప్రత్యక్షంగా చూడడం, రైతులు, వ్యవసాయ కూలీలు పడుతున్న శ్రమ తెలుసుకున్నానన్నారు. మహిళా కూలీలతో కలిసి భోజనం చేశారు. మామిడికాయ పచ్చడి, కారం బాగుందని ప్రశంసించారు. పంట పెట్టబడి, విత్తనాలు, ఎరువుల కోసం రైతులు పడే తిప్పలు, బొగ్గు గని కార్మికుల శ్రమ, రిటైర్డ్‌ కార్మికుల సమస్యలను పార్లమెంట్‌లో ప్రస్తావిస్తానని ఎంపీ అన్నారు. ఓదెల, కొలనూర్‌తోపాటు రామగుండం సమీపంలోని పెద్దంపేట ఎల్‌సీ– 46, ఎల్‌సీ– 52, చీకురాయి ఎల్‌సీ–38, అందుగులపల్లి 44 వద్ద ఆర్వోబీల నిర్మాణం కోసం ప్రతిపాదనలు పంపినట్లు ఎంపీ వెల్లడించారు. ఆయా కార్యక్రమాల్లో అధికారులు, నాయకులు ప్రసాద్‌, సుశాంత్‌, లలిత్‌కుమార్‌, శ్రీనివాస్‌, వీరారెడ్డి, పి.మల్లికార్జున్‌, రఘునాథ్‌, నూనే రాజేశం, చిలకల జవహర్‌, పట్నం సత్యనారాయణ, బోనాల మల్లయ్య, తోట శంకరయ్య, కుడిది బక్కయ్య, రేండ్ల బాలరాజు, నస్పూరి రాయమల్లు, పులి రాజేశం, పల్లె కనుకయ్య, కాంగ్రెస్‌ నాయకులు సజ్జత్‌, అల్లం సతీశ్‌, శ్రీధర్‌పటేల్‌ పాల్గొన్నారు.

గోదావరిఖని: ర్యాపిడ్‌ గ్రావిటీ ఫిల్టర్‌.. నీటిశుద్ధి కోసం సింగరేణి యాజమాన్యం నిర్మిస్తున్న ప్లాంట్‌.. సింగరేణిలోనే తొలిసారి రామగుండం రీజియన్‌లో నిర్మిస్తోంది. తలాపునే గోదావరినది ఉన్నా సింగరేణి కార్మిక కుటుంబాలకు స్వచ్ఛమైన తాగునీరు లభించడంలేదు. కలుషితనీరు తాగి వ్యాధుల బారిన పడుతున్నాయి. దీనికి చెక్‌పెట్టేందుకు యా జమాన్యం రూ.25కోట్లతో ర్యాపిడ్‌ గ్రావిటీ ఫిల్టర్‌ నిర్మిస్తోంది. 2024 మార్చిలో డిప్యూటీ సీఎం భట్టివిక్రమార్క పనులు ప్రారంభించారు. గతేడాది ఆగస్టులోనే పనులు పూర్తకావాల్సి ఉంది. గడువు ముగి సినా పనులు 80 శాతానికే పరిమితమయ్యాయి. సాంకేతిక పనులు పూర్తికావాల్సి ఉంది. కాంట్రాక్టర్‌ విన్నపం మేరకు.. సింగరేణి ఆర్జీ–1, 2, 3, ఏఎల్‌పీ ఏరియాల్లో నివాసం ఉండే కార్మిక కుటుంబాలకు స్వచ్ఛమైన తాగునీరు అందించేందుకు యాజమాన్యం ర్యాపిడ్‌ గ్రావిటీ ఫిల్టర్‌ ప్లాంట్‌ నిర్మిస్తోంది. గతేడాది ఆగస్టు వరకు పనులు పూర్తి కావాల్సి ఉంది. పనుల్లో జా ప్యం కావడంతో కాంట్రాక్టర్‌ మరోమూడు నెలల గడువు కోరారు. నవంబర్‌ చివరినాటికి ప్లాంట్‌ నిర్మాణం పూర్తి చేసి యాజమాన్యానికి అప్పగించాల్సి ఉంది. అయినా పనులు ఇంకా పూర్తికాలేదు. అయినా పూర్తికాలేదు.. ర్యాపిడ్‌ గ్రావిటీ ప్లాంట్‌ క్లారిఫ్లాస్కులేటర్‌, ఫిల్టర్‌హౌస్‌, కెమికల్‌ హౌస్‌, క్లోరినేషన్‌ హౌస్‌, ఓవర్‌హెడ్‌ ట్యాంకుల నిర్మాణం పూర్తయ్యింది. నిర్దేశిత గడువు(గతేడాది నవంబర్‌)లోగా పనులు పూర్తికాలేదు. దీంతో మరింత గడువు కావాలని కాంట్రాక్టర్‌ సింగరేణికి మళ్లీ దరఖాస్తు చేసుకున్నారు. ఆయన విన్నపం మేరకు గడువు మరింత పొడిగిస్తూ యాజమాన్యం నిర్ణయం తీసుకుంది. అదనపు నిధులు కేటాయింపు ర్యాపిడ్‌ గ్రావిటీ ఫిల్టర్‌ ప్లాంట్‌లోని మిగిలిన పనులు చేపట్టేందుకు ఇటీవల జరిగిన సింగరేణి బోర్డ్‌ ఆఫ్‌ డైరెక్టర్ల సమావేశంలో మరో రూ.7కోట్లు కేటాయిస్తూ నిర్ణయం తీసుకున్నారు. టెక్నికల్‌కు సంబంధించిన గ్రీన్‌వాటర్‌ చాంబర్‌, పైపులైన్‌ డైవర్షన్‌, ప్లాంట్‌ చుట్టూ కాంపౌండ్‌వాల్‌ పనుల కోసం వీటిని వెచ్చిస్తారు. నిర్వహణ కోసం మరో రూ.3 కోట్లు కేటాయించనున్నారు. రోజూ 35 ఎంఎల్‌డీ నీటి సరఫరా.. సింగరేణి కార్మిక కుటుంబాలకు గోదావరినది నుంచి రోజూ పంపింగ్‌ ద్వారా 35 ఎంఎల్‌డీ(మిలియన్‌ లీటర్స్‌ పర్‌ డే) నీటిని గోదావరిఖని, యైటింక్లయిన్‌కాలనీ, సెంటినరీకాలనీలోని కార్మిక కుటుంబాలకు యాజమాన్యం పైపులైన్ల ద్వారా అందిస్తోంది. గోదావరిఖని సమీపంలోని గోదావరి నదిలో ఏర్పాటు చేసిన ఫిల్టర్ల ద్వారా ఫిల్టర్‌బెడ్‌ నుంచి భారీ మోటార్లతో కార్మిక వాడలకు నిత్యం తాగునీటిని అందిస్తున్నారు. నాలుగేళ్ల క్రితం వరకు నీటి సరఫరా బాగానే సాగినా.. కాళేశ్వరం ప్రాజెక్టు ఏర్పాటుతో తిప్పలు మొదలయ్యాయి. ప్రాజెక్టుతో నీటి నిల్వలు పేరుకుపోయాయి. నగరంలోని డ్రైనేజీ, ఆర్‌ఎఫ్‌సీఎల్‌ రసాయనాలు నేరుగా గోదావరి నదిలో కలుస్తుండటంతో తాగునీరు కలుషితమవుతోంది. ఈనీటిని తాగిన కార్మిక కుటుంబాలు వ్యాధుల బారిన పడుతున్నాయి, వర్షాకాలంలో గోదావరినదికి వరద రావడంతో నెలరోజుల పాటు కార్మిక కుటుంబాలకు ఇదే దిక్కవుతోంది. రూ.25 కోట్లు కేటాయింపు.. కార్మికులు, వారి కుటుంబాల ఆరోగ్యాన్ని దృష్టిలో ఉంచుకుని స్వచ్ఛమైన తాగునీరు అందించాలని కార్మిక సంఘాలు, కాంగ్రెస్‌ పార్టీ ఎమ్మెల్యే ఎంఎస్‌ రాజ్‌ఠాకూర్‌ సింగరేణిపై ఒత్తిడి పెంచారు. యాజమాన్యం నిధులు మంజూరు చేసింది. ఆర్జీ–1 ఏరి యా జీడీకే–1, 3 గని ఫ్యాన్‌హౌస్‌ సమీపంలో 35 ఎంఎల్‌డీ సామర్థ్యంతో ర్యాపిడ్‌ గ్రావిటీ ఫిల్టర్‌ ప్లాంట్‌కు పనులు ప్రారంభించారు.

పెద్దపల్లి: ప్రజాసమస్యల్ని సత్వరమే పరిష్కరించాలని, పెండింగ్‌లో ఉంచొద్దని కలెక్టర్‌ కోయ శ్రీహర్ష ఆదేశించారు. ప్రజావాణి ద్వారా ఆయన సోమవారం ప్రజల నుంచి దరఖాస్తులు స్వీకరించి మాట్లాడారు. రామగిరి మండలం రత్నాపూర్‌ గ్రామానికి చెందిన ఇండ్ల కొమురయ్య తనకు ఇందిరమ్మ ఇల్లు మంజూరు చేయాలని, ఎలిగేడు మండలం నర్సాపూర్‌ గ్రామానికి చెందిన తుమ్మ ల సుధాకర్‌రెడ్డి.. ఇతరుల పేరిట ఉన్న సర్వే నంబర్‌ 204లో 20 గుంటలను తన పేరిట నమోదు చేయాలని, మంథని మండలం గుంజపడుగు గ్రామానికి చెందిన ఇందారపు శంకరమ్మ.. తన ఇల్లు కాలిపోయిందని, ఇందిరమ్మ ఇల్లు మంజూరు చేయాలని, గోదావరిఖనిలోని అడ్డగుంటపల్లి ప్రాంతానికి చెందిన ఉమ్మగాని సమ్మయ్య తన పేరిట ఉన్న గుంటభూమి కోసం తన కుమారుడు దాడి చేస్తున్నాడని, రక్షించాలని కలెక్టర్‌కు అర్జీ సమర్పించారు. వాటిని పరిష్కరించాలని సంబంధిత శాఖల అధికారులకు కలెక్టర్‌ సూచించారు. కాగా, యువత కోసం ఈనెల 7న కలెక్టరేట్‌లో అవగాహన సదస్సు నిర్వహిస్తామని కలెక్టర్‌ తెలిపారు. వందశాత జాబ్‌ గ్యారంటీతో వివిధ కోర్సులు అందిస్తున్నారని, వీటిపై అవగాహన కల్పిస్తారని పేర్కొన్నారు. నైపుణ్య శిక్షణతో ఉపాధి ఏటీసీలో నైపుణ్య శిక్షణ పొందిన యువతకు మంచి ఉపాధి లభిస్తుందని కలెక్టర్‌ కోయ శ్రీహర్ష అన్నారు. స్థానిక ఐటీఐలోని ఏటీసీని ఆయన పరిశీలించి పలు సూచనలు చేశారు. ప్రిన్సిపాల్‌ వెంకట్‌రెడ్డి, ట్రైనింగ్‌ అధికారులు శ్రీనివాసు, మల్లికార్జున్‌, సూపరింటెండెంట్‌ కృష్ణ వేణి, అధికారులు తదితరులు పాల్గొన్నారు. చివరి ఆయకట్టుకు సాగునీరు చివరి ఆయకట్టుకు సాగునీరు అందేలా పటిష్ట కార్యాచరణ అమలు చేయాలని కలెక్టర్‌ శ్రీహర్ష ఆదేశించారు. సంబంధిత శాఖ అధికారులతో ఆ యన సమీక్షించారు. వచ్చే ఏప్రిల్‌ వరకు యాసంగి పంటలకు ఏడు తడుల సాగునీరు అందుంతున్నారు. ఎస్సారెస్పీ డీ–83, డీ–86 కాలువల మ రమ్మతు చేయాలని సూచించారు. డీఏవో శ్రీనివాస్‌, ఇంజినీర్‌ శ్రీనివాస్‌ పాల్గొన్నారు.

జూలపల్లి(పెద్దపల్లి): పులి సంచారం తెలుసుకునేందుకు జిల్లా అటవీశాఖ అధికారులు పట్టువిడవకుండా గాలిస్తూనే ఉన్నారు. కోనరావుపేట గ్రామ శివారులోని నల్ల ప్రతాప్‌రెడ్డి మొక్కజొన్న చేనులో నుంచి తెలుకుంట, చొప్పదండి మండలం ఎదురుగట్ట, ఎలిగేడు మండలంలోని వివిధ గ్రామాల నుంచి ఎలబోతారం, రుక్మాపూర్‌ వరకు పులి వెళ్లినట్లు అటవీ అధికారులు సోమవారం గుర్తించారు. కోనరావుపేటలోని రైతు ప్రతాప్‌రెడ్డి తన మొక్కజొన్న పంటకు గతనెల 28 నీరు పారించారు. అదేనెల 30న చేనులో పులి పాదముద్రలు గుర్తించి అటవీ అధికారులకు సమాచారం ఇచ్చారు. రేంజ్‌ ఆఫీసర్‌ సతీశ్‌ కుమార్‌, నలుగురు డీఆర్వోలతోపాటు హైదరాబాద్‌ టైగర్‌ కన్జర్వేషన్‌ సొసైటీ కో ఆర్డినేటర్‌ మల్లేశ్‌ సంఘటన స్థలాన్ని పరిశీలించి పులి పాదముద్రలు ధ్రువీకరించారు. ఇక్కడి నుంచి ఎక్కడి వరకు వెళ్లిందనే విషయాన్ని గుర్తించాల్సి ఉందని ఎఫ్‌ఆర్‌వో సతీశ్‌బాబు వివరించారు. ఇందులో హైదరాబాద్‌ టైగర్‌ కన్జర్వేషన్‌ సొసైటీ కో ఆర్డినేటర్‌.. పులి ఉన్న ప్రాంతాన్ని వాసనతో గుర్తించే అవకాశం ఉందని వివరించారు. పులి సంచరించిన ప్రాంతాలను గుర్తిస్తూ నాలుగు టీంలుగా విడిపోయి గాలిస్తామని ఆయన చెప్పారు. ఈ కార్యక్రమంలో డీఆర్వోలు స్వాతి, దేవదాస్‌, కొమురయ్య, సెక్షన్‌ ఆఫీసర్‌ మంగీలాల్‌, రాజ్‌కుమార్‌, రాంమూర్తి తదితరులు పాల్గొన్నారు.

రామగుండం: ఎన్టీపీసీ ఉద్యోగులు(ఆపరేషన్‌), వారి కుటుంబసభ్యులతో సోమవారం రన్‌ఫర్‌ ఫిట్నెస్‌ నిర్వహించారు. ఎన్టీపీసీ టౌన్‌షిప్‌లోని స్పందన క్లబ్‌ వద్ద ఎగ్జిక్యూటివ్‌ డైరెక్టర్‌ సీకే స మంత, డీఎంఎస్‌ అధ్యక్షురాలు రాఖీ సమంత సమక్షంలో ఫిట్‌నెస్‌ రన్‌ నిర్వహించారు. 300 మందికిపైగా పాల్గొన్నారు. ఫిట్‌నెస్‌, తెలంగా ణ ప్రాజెక్టు జీఎం (ఓఅండ్‌ఎం) ముకుల్‌రాయ్‌, రామగుండం జీఎం (ఓఅండ్‌ఎం) మ నీష్‌ అగర్వాల్‌, ఐఆర్‌ లహరి, హెచ్‌వోడీ(ఆపరేషన్‌) ఎంకే ఝా తదితరులు పాల్గొన్నారు. రామగుండం: ఎన్టీపీసీ జెడ్పీ హైస్కూల్‌లో ఈ నెల 10 నుంచి జిల్లాస్థాయి అథ్లెటిక్స్‌ పోటీలు నిర్వహించనున్నట్లు అసోసియేషన్‌ జిల్లా అధ్య క్ష, కార్యదర్శులు కొలిపాక శ్రీనివాస్‌, కె.గట్ట య్య తెలిపారు. ఆసక్తి గలక్రీడాకారులు వయ సు ధ్రువీకరణ పత్రంతో ఉదయం 8గంటలకు హైస్కూల్‌లో హాజరుకావాలని సూచించారు.రామగుండం: కాంగ్రె స్‌ బీసీ సెల్‌ జిల్లా అ ధ్యక్షుడు పెండ్యాల మహేశ్‌ మంత్రి శ్రీధర్‌బాబును అసెంబ్లీ లాబీలో సోమవారం కలిశారు. శాలువాతో సత్కరించి సన్మానించారు. కొత్త సంవత్సరంలో నియోజవర్గాన్ని మరింత అభివృద్ధి చేస్తామని మంత్రి శ్రీధర్‌బాబు తెలిపారు. ఐటీ రంగాన్ని విస్తృత పర్చుతా మన్నారు. అనంతరం పంచాయతీరాజ్‌ మంత్రి సీతక్క తదితరులను మహేశ్‌ కలిసి అభివృద్ధి పనులు, పలు సమస్యలపై విన్నవించారు. పెద్దపల్లిరూరల్‌: స్థానిక వ్యవసాయ మార్కెట్‌ లో సోమవారం పత్తి క్వింటాల్‌కు గరిష్టంగా రూ.7,511 ధర పలికింది. కనిష్టంగా రూ. 6,011గా, సగటు రూ.7,261 ధర ఉందని ఇన్‌ చార్జి కార్యదర్శి ప్రవీణ్‌రెడ్డి తెలిపారు. పలువురు రైతుల నుంచి 484 క్వింటాళ్ల పత్తి కొ నుగోలు చేసినట్లు ఆయన వివరించారు. ‘పత్తిపాక’ పూర్తిచేయాలి పెద్దపల్లి: పత్తిపాక రిజర్వా యర్‌ నిర్మాణం పూర్తిచేయాలని ఎమ్మెల్యే విజయరమణారావు కోరారు. సో మవారం అసెంబ్లీ సమావేశంలో ఆయన మాట్లాడారు. పెద్దపల్లి, మంథని, రామగుండం, ధర్మపురి నియోజకవర్గా ల్లోని 2.22 లక్షల ఆకయట్టుకు పత్తిపాక ద్వారా సాగునీరు అందుతుందని అన్నారు. మానేరు, హుస్సేమియా వాగులపై చెక్‌డ్యాంలు కొట్టుకు పోయాయని, దీనిపై నిజనిర్ధారణ కోసం రిటైర్డ్‌ జడ్జితో కమిటీ వేయాలని కోరారు.జాతీయ పోటీలకు ఎంపికగోదావరిఖనిటౌన్‌: కరీంనగర్‌లో ఇటీవల నిర్వహించిన ఇంటర్‌ స్టేట్‌ ఓపెన్‌ కరాటే చాంపియన్‌షిప్‌ – 2026 జాతీయస్థాయి పోటీల్లో గోదావరిఖనికి చెందిన ఒకినొవా రెడ్‌ డ్రాగన్‌ ఇనిస్టిట్యూట్‌ విద్యార్థులు ప్రతిభ కనబరిచారు. 4 గోల్డ్‌, 2 సిల్వర్‌, 3 బ్రోంజ్‌ పతకాలు సాధించారు. ఇందులో పి.దేవాన్ష్‌, ఎ.మాన్విత్‌, ఇ.ఆరాధ్య, అలాన్‌, ఆకాశ్‌, ఆశితకవనేం, రాజా, విష్ణువర్థన్‌, మోహిద్‌ ఉన్నారు. వీరిని ఇనిస్టిట్యూట్‌ నిర్వాహకుడు కరాటే మొండయ్య, కోచ్‌ క్రాంతి కుమార్‌ అభినందించారు. కంప్యూటర్‌ విద్య అవసరం ధర్మారం(ధర్మపురి): విద్యార్థులకు కంప్యూటర్‌ విద్య అత్యంత అవసరమని జిల్లా అకడమిక్‌ మానిటరింగ్‌ ఆఫీసర్‌ పీఎం షేక్‌ అన్నారు. రచ్చపల్లి ప్రభుత్వ ప్రాథమిక పాఠశాలలో సోమవా రం ఆయన కంప్యూటర్‌ విద్య ప్రారంభించారు. చింతలపల్లి ప్రీ ప్రైమరీ, ప్రైమరీ పాఠశాలను సందర్శించారు. ప్రస్తుత డిజిటల్‌ యుగంలో కంప్యూటర్‌ విద్య అభ్యసన స్థాయి పెంచుతుందని తెలిపారు. ఎంఈవో ప్రభాకర్‌, హెచ్‌ఎం సముద్రాల వంశీమోహనాచార్యులు, సర్పంచ్‌ సూర రజిత, ఉపసర్పంచ్‌ బైరి సురేశ్‌, ఉపాధ్యాయులు సంపత్‌, లక్ష్మణ్‌, అమ్మ ఆదర్స పాఠశాల చైర్‌ పర్సన్‌ తాళ్లపల్లి ప్రమీల, ఉన్నత పాఠశాల హెచ్‌ఎం సమ్మయ్య పాల్గొన్నారు. రేపు బ్రెయిలీ జయంతి పెద్దపల్లి: అంధుల ఆరాధ్యదైవం లూ యీస్‌ బ్రె యిలీ జయంతిని ఈనెల 7న నిర్వహిస్తామని జి ల్లా సంక్షేమ అధికారి వేణుగోపాల్‌రావు తెలిపారు. కలెక్టర్‌ ఆదేశాల మేరకు ఉదయం 11.00 గంటలకు కలెక్టరేట్‌లో నిర్వహిస్తామన్నారు.

హాజరైన రాజకీయ పార్టీల ప్రతినిధులు మాట్లాడుతున్న కమిషనర్‌ అరుణశ్రీ కోల్‌సిటీ(రామగుండం): ‘ముసాయిదా ఓటరు జాబితా తయారీలో అధికారులు తప్పిదాలు చేస్తే అభ్యర్థులు, ఓటర్లు గుర్తించాలా? ఈ శిక్ష వారికెందుకు? చాలా డివిజన్లలో వందలాది ఓట్లు, ఇతర డివిజన్లల్లో కలిపారు ఎందుకు?’ అని రామగుండం నగరపాలక సంస్థ అధికారులపై రాజకీయ పార్టీల ప్రతినిధులు ప్రశ్నల వర్షం కురిపించారు. బల్దియా కమిషనర్‌ అరుణశ్రీ తన కార్యాలయంలో సో మవారం రాజకీయ పార్టీల ప్రతినిధులతో సమావేశం నిర్వహించారు. 60 డివిజన్లలో పోలింగ్‌ కేంద్రాల వారీగా ముసాయిదా ఓటరు జాబితాపై చర్చించారు. జాబితాపై రాజకీయ పార్టీల ప్రతినిధులు తీవ్ర అభ్యంతరాలు వ్యక్తం చేశారు. మరణించిన వారి పేర్లు తొలగించలేదన్నారు. ఒక ప్రాంతంలోని ఓటర్లను దూరంగా ఉండే డివిజన్‌లో ఎలా కలిపారని ప్రశ్నించారు. దీనిద్వారా ఓటర్లు ఓటు వేయడానికి ఆసక్తిచూపరని తెలిపారు. ఒకరి ఫొటోపై మరొకరిది ఉందన్నారు. దీర్ఘకాలంగా ఒకేచిరునామాలో ఉంటున్న తమ ఓటును పక్క డివిజన్‌లోకి మార్చారని డిప్యూటీ మాజీ మేయర్‌ సాగంటి శంకర్‌, పలువురు మాజీ కార్పొరేటర్లు తదితరులు ఆవేదన వ్యక్తం చేశారు. పలువురు అభ్యంతరాలను లిఖిత పూర్వకంగా కమిషనర్‌ అరుణశ్రీకి అందజేశారు. 9 వరకు అభ్యంతరాల స్వీకరణ – అరుణశ్రీ, కమిషనర్‌ ముసాయిదా ఓటరు జాబితాపై అభ్యంతరాలను ఈనెల 9 వరకు స్వీకరించి పరిష్కరిస్తామని, 10న తుది ఓటరు జాబితా ప్రచురిస్తామని కమిషనర్‌ అరుణశ్రీ తెలిపారు. 2025 అక్టోబర్‌ ఒకటో తేదీ నాటికి ఓటరుగా నమోదు అయిన వారిని ఎపిక్‌ ఐడీలో పేర్కొన్న చిరునామా ఆధారంగానే ఆయా డివిజన్‌ ఓటరు జాబితాలో చేర్చామన్నారు. ఒక్కో పోలింగ్‌ కేంద్రానికి 800 ఓట్లు ప్రాతిపదికగా, ఇంటి నుంచి 2 కిలో మీటర్ల దూరంలోపు ఉండేలా ఏర్పాటు చేస్తున్నామని వివరించారు. మరణించిన ఓటర్లు, రెండుచోట్ల నమోదైన ఓటర్లు, శాశ్వతంగా వలస వెళ్లన ఓటర్ల వివరాలు తమకు అందజేస్తే సవరించేలా చూస్తామని తెలిపారు. అడిషనల్‌ కమిషనర్‌ మారుతీప్రసాద్‌, అసిస్టెంట్‌ కమిషనర్‌ వెంకటేశ్వర్లు, ఏసీపీ శ్రీహరి, టీపీఎస్‌ నవీన్‌, ఆర్‌వో ఆంజనేయులు, సూపరింటెండెంట్‌ శ్రీనివాస్‌, రాజకీయ పార్టీల ప్రతినిధులు పాల్గొన్నారు.

సాక్షి పెద్దపల్లి: బల్దియాల్లో ఓటరు జాబితా సవరణ ప్రక్రియ శరవేగంగా కొనసాగుతోంది. ప్రభుత్వం సైతం ఎన్నికలు నిర్వహించేందుకు ఆసక్తి చూపుతోంది. దీంతో జిల్లాలోని రామగుండం నగరంతోపాటు సుల్తానాబాద్‌, పెద్దపల్లి, మంథని పట్టణల్లో రాజకీయ సందడి వేడెక్కింది. పంచాయతీల్లో 50శాతం లోపు రిజర్వేషన్లతో.. ఇటీవల జిల్లాలో జరిగిన గ్రామ పంచాయతీ ఎన్నికల్లో 50శాతం లోపే రిజర్వేషన్లు ఖరారు చేశారు. మున్సిపాలిటీ లు, మున్సిపల్‌ కార్పొరేషన్‌లోనూ అదేపద్ధతిన రిజర్వేషన్లతో ఎన్నికలు నిర్వహించనున్నారు. కాంగ్రె స్‌, బీఆర్‌ఎస్‌, బీజేపీ త రఫున పోటీచేసేందుకు సి ద్ధమవుతున్న వారిలో రిజర్వేష న్లపై ఉత్కంఠ మొదలైంది. తమ వా ర్డు/డివిజన్‌లో రిజర్వేషన్‌ సౌకర్యం కలిసి వస్తుందో, లేదోననే ఆందోళన ఆశా వహులను వెంటాడు తోంది. తాము నివా సం ఉండే వార్డు/డివిజన్‌లో రిజర్వేష న్‌ కలిసివస్తే పో టీ చేసేందుకు కొందరు ఆసక్తి చూపుతుండగా.. మరికొందరు ఎక్కడ రిజర్వేషన్‌ సౌకర్యం కలిసి వస్తే అక్కడ పోటీ చేసేందుకు ముందస్తు ప్రణాళిక రూపొందించుకుంటున్నారు. జనరల్‌ స్థానాలపైనే అందరి దృష్టి తమ డివిజన్‌/వార్డులో రిజర్వేషన్‌ కలిసిరాకపోతే జనరల్‌ స్థానాల్లో పోటీచేసేందుకు సైతం ఆశావహులు ఆలోచన చేస్తున్నారు. ఇటీవల జరిగిన గ్రామ పంచాయతీ ఎన్నికల్లో జనరల్‌ స్థానాల్లో బీసీలు, ఎస్సీలు, ఎస్టీలు కూడా పలుచోట్ల గెలుపొందారు. దీంతో జనరల్‌ స్థానాల్లోనూ పోటీచేసేందుకు బీసీ నేతలు సిద్ధమవుతున్నారు. రిజర్వేషన్‌పై స్పష్టత లేక మున్సిపల్‌ చైర్‌పర్సన్‌, కార్పొరేషన్‌ మేయర్‌ స్థానాల రిజర్వేషన్లపై ప్రభుత్వం నుంచి ఇంకా స్పష్టత రాలేదు. ఈసారి రిజర్వేషన్లు సీపెక్‌ సర్వే ప్రకారం చేస్తారా? లేక డివిజన్‌/వార్డు సభల ద్వారా నిర్ధారణ చేస్తారా? అన్నది ఎన్నికల కమిషన్‌ నిర్ణయించనుంది. ప్రస్తుతం ఉన్నరిజర్వేషన్లలో మహిళా, జనరల్‌ రిజర్వేషన్లు రొటేషన్‌ అయ్యే అవకాశాలు ఎక్కువ ఉన్నాయని నేతలు భావిస్తున్నారు. మొత్తంగా మున్సిపల్‌ ఎన్నికలు జరిగితే రిజర్వేషన్లు ఎలా ఉంటాయన్న దానిపైనే అందరిలోనూ ఆసక్తి నెలకొంది. ఓటరు జాబితాపై ఫోకస్‌ జిల్లాలో రామగుండం మున్సిపల్‌ కార్పొరేషన్‌తోపాటు పెద్దపల్లి, మంథని, సుల్తానాబాద్‌ మున్సిపాలిటీలు ఉన్నాయి. వాటిలో ఓటరు ముసాయిదా జాబితాను ఇప్పటికే ప్రకటించారు. ఆశావాహులు తమ డివిజన్‌/వార్డులోని ఓటరు జాబితాను వడపోస్తూ, తమ డివిజన్‌/వార్డులో ఉన్నవారు వేరే డివిజన్‌/వార్డులోకి జంప్‌ అయిన వారిని గుర్తించి అభ్యంతరాలు వ్యక్తం చేస్తున్నారు. అలాగే స్థానికంగా లేని వారిని, చనిపోయిన వారి పేర్లను తొలగించేలా అధికారుల దృష్టికి తీసుకొచ్చారు. మొత్తంగా ఏఏ ప్రాంతాల్లో ఏ సామాజిక వర్గానికి చెందిన వారు ఉన్నారనే లెక్కలు తీస్తూ, గతంలో ఏ వాటికి ఏ రిజర్వేషన్లు ప్రకటించారు, రొటేషన్‌ పద్ధతిలో ఇప్పుడు ఏ రిజర్వేషన్లు వస్తోయో అంటూ లెక్కలు వేసుకుంటున్నారు.

పెద్దపల్లిరూరల్‌: జిల్లాలో యాసంగి సీజన్‌లో రైతులు చేపట్టిన పంటల సాగుకు 8,226 మెట్రిక్‌ టన్నుల యూరియా అవసరమని వ్యవసాయాధికారులు నిర్ధారించారు. ప్రస్తుతం 15,812 మెట్రిక్‌ టన్నులు అందుబాటులో ఉందని, మిగతా నిల్వలు దశలవారీగా చేరుకుంటాయని పేర్కొంటున్నారు. రైతులు తమ ఇంటి నుంచే ఫర్టిలైజర్‌ బుకింగ్‌యాప్‌లో బుకింగ్‌ చేసుకోవాలని సూచిస్తున్నారు. ‘జిల్లాలో ప్రస్తుతం సాగవుతున్న పంటలకు సరిపడా యూరియా నిల్వలున్నాయి. యూరియా కొరత అంటూ వస్తున్న అసత్య ప్రచారాలను రైతులు నమ్మొద్దు. రైతుల అవసరాలకనుగుణంగా దశల వారీగా యూరియా అందిస్తాం. రైతులెవరూ ఆందోళన పడొద్దని ఇటీవల కలెక్టర్‌ కోయ శ్రీహర్ష సూచించారు.’ సాంకేతిక లోపంతో సమస్యలుయూరియా బుకింగ్‌ యాప్‌పై రైతులు, వ్యాపారులకు అవగాహన కల్పించడంలో సంబంధిత అధికారయంత్రాంగం విఫలమైంది. చాలా మంది రైతులకు యాప్‌ డౌన్‌లోడ్‌ చేసే విధానంపై అవగాహన లేనట్టు కనబడుతోంది. యాప్‌లో బుకింగ్‌ చేసుకున్న రైతు మొౖబైల్‌కు వచ్చిన ఓటీపీ నంబరు చెబితేనే యూరియా డెలివరీ అవుతుంది. అయితే, ప్రస్తుతం సైబర్‌ నేరాలు పెరుగుతుండడంతో ఓటీపీ అనగానే రైతుల్లో ఆందోళన వ్యక్తమవుతోంది. వారిలో నెలకొన్న భయాలు, సందేహాలను నివృత్తి చేసేందుకు అధికారయంత్రాంగం, గ్రామాలు, క్లస్టర్ల వారీగా సమావేశాలు నిర్వహిస్తే బాగుంటుందనే అభిప్రాయాలు వ్యక్తమవుతున్నాయి.జిల్లాలో ప్రస్తుతం 15,812 మెట్రిక్‌టన్నుల యూరి యా అందుబాటులో ఉంది. యాప్‌లో బుకింగ్‌ చే సుకునే రైతులు తమకు సౌలభ్యంగా ఉన్న దుకా ణాలను ఎంపిక చేసుకుంటే అక్కడికి వెళ్లి యూరి యా పొందవచ్చని అధికారవర్గాలు పేర్కొంటున్నా యి. జిల్లాలోని సింగిల్‌విండోలు, డీసీఎంఎస్‌, రైతు సేవా కేంద్రాలు, రైతు ఉత్పత్తిదారుల సంస్థ(ఎఫ్‌పీవో)లలో నిల్వలు ఉన్నాయని చెబుతున్నారు.జిల్లాలో..పంటల సాగు విస్తీర్ణం 2,11,328(ఎకరాలు) వరి 1,95,712 మొక్కజొన్న 15,080 ఇతర పంటలు 536 అవసరమయ్యే యూరియా 38,226 మెట్రిక్‌ టన్నులు ప్రస్తుత నిల్వలు 15,812 మెట్రిక్‌ టన్నులు ఇంకా రావాల్సింది 22,414 మెట్రిక్‌ టన్నులు15,812 మెట్రిక్‌టన్నులు.. ఇంటి నుంచే ‘యాప్‌’లో బుకింగ్‌

జూలపల్లి(పెద్దపల్లి): ఉమ్మడి జిల్లావ్యాప్తంగా పెద్దపులి సంచారం ప్రజల్లో భయాందోళనలు, ఆసక్తిని రేపుతుండగా, దాని జాడ కోసం అటవీశాఖ అధికారుల అన్వేషణ కొనసాగుతోంది. నాలుగు రోజులుగా జిల్లావ్యాప్తంగా గుట్టలు, చెట్లతో దట్టంగా నిండి ఉన్న ప్రాంతాల్లో ఉమ్మడి జిల్లా అటవీ అధికారుల పులి సమాచారం సేకరించేందుకు ఆయా ప్రాంతాల్లో తిరుగుతూ రైతులను అప్రమత్తం చేస్తున్నారు. ఆదివారం మండలంలోని తేలుకుంట రామప్ప గుట్టలు, పెద్దాపూర్‌, అబ్బాపూర్లో గుట్టలు ఉన్న ప్రాంతాల్లో పరిశీలిస్తూ పులి సంచారంపై రైతులను అప్రమత్తం చేశారు. ఈ సందర్భంగా పెద్దపల్లి డివిజనల్‌ సెక్షన్‌ అధికారి మంగీలాల్‌ మాట్లాడుతూ, పులి సంచారంపై రైతులు అప్రమత్తంగా ఉండాలని సూచించారు. కాగా మండలంలో పులి సంచారంపై ఆకతాయిలు పెడుతున్న సోషల్‌ మీడియా పోస్టులతో ప్రజలు, రైతుల్లో ఆందోళన వ్యక్తమవుతోంది. సెల్‌ఫోన్లలో వస్తున్న పోస్టులను ఏవీ నమ్మాలో తెలియక ప్రజల్లో గందరగోళం నెలకొంది. నేటికీ పులిని ఎవరూ చూడకపోగా, బూటకపు పోస్టులు పెట్టడంపై మండల ప్రజలు, రైతులు ఆగ్రహం వ్యక్తం చేస్తున్నారు. ఆకతాయిల పోస్టులతో భయాందోళనలో ప్రజలు

● ఎమ్మెల్యే విజయరమణారావు పెద్దపల్లిరూరల్‌: పెద్దపల్లి మండలం హనుమంతునిపేటలో సమ్మక్కసారలమ్మ జాతరకు వచ్చే భక్తుల సౌకర్యార్థం ప్రభుత్వం రూ.కోటి నిధులతో తారురోడ్డు నిర్మాణం చేపట్టినట్లు ఎమ్మెల్యే చింతకుంట విజయరమణరావు పేర్కొన్నారు. ఆదివారం గ్రామంలో సర్పంచు మ్యాడగోని శ్రీనివాస్‌తో కలిసి పనులు ప్రారంభించారు. కాసులపల్లెలో హకా కేంద్రాన్ని ప్రారంభించారు. మార్కెట్‌ కమిటీ వైస్‌ చైర్మన్‌ కూర మల్లారెడ్డి, సర్పంచ్‌ నల్లగొండ కుమార్‌, నాయకులు తిరుపతిరెడ్డి, సంపత్‌రావు, మేకల కుమార్‌, పోల్సాని సుధాకర్‌రావు పాల్గొన్నారు. రూ.35 లక్షలతో సీసీ రోడ్డు పనులు.. పెద్దపల్లి: సుల్తానాబాద్‌ పట్టణంలోని స్వప్నకాలనీలో రూ.35 లక్షలతో నిర్మించే సీసీ రోడ్డు పనులను ఎమ్మెల్యే విజయ రమణారావు ఆది వారం ప్రారంభించారు. సుల్తానాబాద్‌ రూపురేఖలు మార్చేందుకు రూ.15 కోట్లతో అభివృద్ధి పనులు చేపట్టామని వివరించారు. కాంగ్రెస్‌ నాయకులు, రైస్‌ మిల్లర్స్‌ పాల్గొన్నారు. విజ్ఞానయాత్రలో విద్యార్థులుఓదెల(పెద్దపల్లి): మండలంలోని హరిపురం ప్రాథమికోన్నత పాఠశాల విద్యార్థులు ఆదివారం విజ్ఞానయాత్రకు తరలివెళ్లారు. హెచ్‌ఎం మహేందర్‌రెడ్డి, ఉపాధ్యాయుల ఆధ్వర్యంలో బాసరలోని జ్ఞానసరస్వతి ఆలయం, కోరుట్ల సాయిబాబా ఆలయం, అభిసాగర్‌ సరస్సు, శ్రీరాంసాగర్‌ ప్రాజెక్టును సందర్శించారు. 7న వైద్యుల భర్తీకి ఇంటర్వ్యూపెద్దపలి: ప్రభుత్వ ఆస్పత్రిలో ఖాళీగా ఉన్న వైద్య పోస్టుల భర్తీకి ఈనెల 7న ఉదయం 11 గంటలకు వాక్‌ ఇన్‌ ఇంటర్వ్యూ నిర్వహించనున్నట్లు ఆస్పత్రి సూపరింటెండెంట్‌ డాక్టర్‌ కె.శ్రీధర్‌ తెలిపారు. జిల్లాలోని తెలంగాణ వైద్య విధాన పరిషత్‌ ఆసుపత్రుల్లో ఖాళీగా ఉన్న పీడియాట్రిక్‌, ఆప్తామాలజిస్ట్‌, రేడియాలజీ, సివిల్‌ అసిస్టెంట్‌ సర్జన్‌ (ఎంబీబీఎస్‌), జనరల్‌ మెడిసిన్‌ పోస్టులను కాంట్రాక్ట్‌ ప్రతిపాదికన భర్తీ చేస్తామని పేర్కొన్నారు. ఆసక్తి గల అభ్యర్థులు బయోడేటాతో పాటు విద్యార్హతల సర్టిఫికెట్ల జిరాక్స్‌ ప్రతులు ఒక సెట్‌తో హాజరు కావాలన్నారు. సివిల్‌ అసిస్టెంట్‌ సర్జన్‌ స్పెషలిస్టులకు నెలకు రూ.లక్ష, సివిల్‌ అసిస్టెంట్‌ సర్జన్లకు నెలకు రూ.52,351 వేతనం ఉంటుందన్నారు. ఇతర వివరాలకు 84990 61999, 94924 57809 నంబర్లలో సంప్రదించాలని తెలిపారు.

గోదావరిఖని(రామగుండం): రాజకీయ ఒత్తిళ్లకు తలొగ్గి రాష్ట్రానికి రావాల్సిన సెమికండక్టర్‌ పరిశ్రమను ఆంధ్రప్రదేశ్‌కు మళ్లించారని పెద్దపల్లి ఎంపీ గడ్డం వంశీకృష్ణ అన్నారు. ఆదివారం స్థానిక ప్రెస్‌క్లబ్‌లో మాట్లాడారు. మంచి ఆదాయం ఉన్న రాష్టాన్ని బీఆర్‌ఎస్‌ ప్రభుత్వం అప్పుల పాలు చేసిందన్నారు. కాంగ్రెస్‌ ప్రభుత్వం ఏర్పడిన తర్వాత సీఎం రేవంత్‌రెడ్డి ఎన్నికల ముందు ప్రజలకు ఇచ్చిన హామీలను అమలు చేస్తున్నారని వివరించారు. సింగరేణి రిటైర్డ్‌ కార్మికులకు రూ.10వేల పెన్షన్‌ ఇవ్వాలని పార్లమెంట్‌లో ప్రసవించానని వెల్లడించారు. ఉపాధి హామీ పథకాన్ని బీజేపీ ప్రభుత్వం నిర్వీర్యం చేసిందని, పేదల కోసం కాకుండా అధాని, అంబానీల కోసం పని చేస్తుందన్నారు. రామగుండం ఎరువుల కర్మాగారంలో పూర్తిస్థాయిలో యూరియా ఉత్పత్తి జరగక రైతులు ఇబ్బందులకు గురయ్యారని, ఇప్పటికై నా రాష్ట్రానికి రావాల్సిన యూరియా ఇవ్వాలని కేంద్రాన్ని కోరతామని పేర్కొన్నారు. రైలు, బస్సు, ఫ్‌లైట్‌ కనెక్టివిటీ ఉన్న ప్రాంతాలు అభివృద్ధి చెందుతాయని, ఈక్రమంలో పాలకుర్తిలో ఎయిర్‌పోర్టు ఏర్పాటుకు కృషి చేస్తున్నామన్నారు. రామగుండం కార్పొరేషన్‌ బీగ్రేడ్‌ సిటీగా అభివృద్ధి చేయాలని సీఎంను కోరినట్లు వివరించారు. నాయకులు మల్లికార్జున్‌, బాబర్‌సలీంపాషా, గుమ్మడి కుమారస్వామి తదితరులు పాల్గొన్నారు. పెద్దపల్లి ఎంపీ వంశీకృష్ణ

సోమవారం శ్రీ 5 శ్రీ జనవరి శ్రీ 2026మేమున్నామని..స్వామివారికి మొక్కులు చెల్లిస్తున్న భక్తులుసాక్షి ప్రతినిధి, కరీంనగర్‌: శాతవాహన యూనివర్సిటీలో జరిగిన అక్రమాల విషయంలో మరో కొత్త విషయం తెరపైకి వచ్చింది. గత వీసీల హయాంలో జరిగిన అక్రమాల విషయంలో అనేక ఆరోపణలు వెల్లువెత్తిన నేపథ్యంలో విజిలెన్స్‌ విచారణ చేపట్టిన విషయం తెలిసిందే. ఇప్పటికే విజిలెన్స్‌ విచారణ పూర్తయి ఉన్నతాధికారులకు స్థానిక అధికారులు ఇటీవల నివేదిక సమర్పించారు. త్వరలోనే కొందరు విచారణ నివేదిక మీద ప్రభుత్వం చర్యలు కూడా తీసుకుంటుందని అంతా అనుకుంటున్న క్రమంలో కొందరు పైరవీకారుల రంగప్రవేశం చర్చనీయాంశంగా మారింది. తాము విచారణ నివేదికను తొక్కిపెడతామని, బుట్టదాఖలు చేస్తామని, ఎలాంటి చర్యలూ లేకుండా కాపాడతామంటూ బయల్దేరారు. అక్రమాలు చోటుచేసుకున్నాయన్న ఆరోపణలు వచ్చిన సమయంలో పనిచేసిన వర్సిటీ మాజీ, ప్రస్తుత సిబ్బందికి ఏకంగా అభయమిస్తున్నారు. ఎలాంటి చర్యలు తీసుకోకుండా కాపాడుతామంటూ భరోసా కల్పిస్తున్నారు. ఏయే అంశాలపై ఫిర్యాదు చేశారంటే.. ప్రభుత్వ జీవోను తుంగలో తొక్కి నాన్‌ టీచింగ్‌ సిబ్బందిని ఇష్టానుసారంగా నియామకం చేయడం, యూజీసీ నియమనిబంధనలు పాటించకుండా రిటైర్డ్‌ అధ్యాపకులను నియమించడం, అర్హత లేకపోయినా నచ్చిన వారిని ప్రొఫెసర్లు, అసోసియేట్‌ ప్రొఫెసర్లుగా అక్రమ క్యాష్‌ ప్రమోషన్లు ఇవ్వడం, 12బీ యూజీసీ గుర్తింపు కోసం తప్పుడు నివేదికలతో ఐదుగురు కాంట్రాక్టు అధ్యాపకులను తప్పుడు ఆరోపణలతో తొలగించారు. అంతేకాకుండా రెగ్యులర్‌ కోర్సులుగా నడుస్తున్న నాలుగు డిపార్ట్‌మెంట్‌లను సెల్ఫ్‌ ఫైనాన్స్‌ కోర్సులుగా మార్చడం, అర్హతలేని వ్యక్తిని ఫైనాన్స్‌ ఆఫీసర్‌గా, ఫిజికల్‌ ఎడ్యుకేషన్‌ డిపార్ట్‌మెంట్‌ లేకపోయినా రిటైర్డ్‌ ప్రొఫెసర్‌ను నియామకం చేసుకోవడం, ఫోన్‌ ట్యాపింగ్‌ పేరిట సిబ్బందిని బెదిరించారంటూ ఆరోపిస్తూ విజిలెన్స్‌ విభాగానికి ఫిర్యాదు చేశారు. ప్రభుత్వ పెద్దలు తెలుసంటూ.. శాతవాహన యూనివర్సిటీలో మాజీ ఉపకులపతి హయాంలో అనేక అవినీతి, అక్రమాలు జరిగాయని పలు ఆధారాలతో ప్లానింగ్‌ కమిషన్‌ వైస్‌ చైర్మన్‌, విజిలెన్స్‌ డీజీకి 2024 జూన్‌ 18న ఫిర్యాదు వెళ్లింది. శాతవాహన ప్రొటెక్షన్‌ డెవలప్మెంట్‌ ఫోరం తరఫున కోట శ్యాంకుమార్‌, శ్రవణ్‌ దాదాపు 15 అంశాలపై పెద్ద నివేదికను ఆధారాలతో సహా సమర్పించారు. దీనిపై 2024 జూలై, ఆగస్ట్‌లో విజిలెన్స్‌ విచారణకు ప్రభుత్వం ఆదేశించింది. దాదాపు 15 నెలల అనంతరం పూర్తి నివేదికను కరీంనగర్‌ విజిలెన్స్‌ కార్యాలయం నుంచి 2025 సెప్టెంబర్‌లో రాష్ట్ర విజిలెన్స్‌ కార్యాలయానికి పంపారు. ఇప్పుడు హైదరాబాద్‌లోని విజిలెన్స్‌ ఉన్నతాధికారుల వద్ద నివేదిక ఉంది. గతంలో వర్సిటీలో పనిచేసిన కొందరికి గత ప్రభుత్వ పెద్దలతో బంధుత్వం ఉందని, వారిలో కొందరు ఇటీవల కాంగ్రెస్‌ పార్టీలో చేరారని, వారు విజిలెన్స్‌ నివేదికపై చర్యలు లేకుండా అడ్డుకోగలరని చెబుతున్నారు. దీంతో విజిలెన్స్‌ విచారణను తొక్కిపెట్టేందుకు తాము సహకరిస్తామని, ఇతర ఉద్యోగుల వద్ద పైరవీలకు దిగుతున్నారు. వీరికి చెక్‌పెట్టేలా వర్సిటీలో జరిగిన అక్రమాలపై వెంటనే చర్యలు చేపట్టాలని విజిలెన్స్‌ డీజీ, ముఖ్యమంత్రిని విద్యార్థులు, సామాజిక కార్యకర్తలు కోరుతున్నారు.

మంథనిరూరల్‌: ఎన్నో ఏళ్లుగా బురద, గుంతలు పడిన రోడ్డుపై ప్రయాణ కష్టాలు ఇక తీరనున్నాయి. మంథని మండలం ఖానాపూర్‌ వాసుల దశాబ్దాల కల నెరవెరబోతోంది. సింగిల్‌ రోడ్డుతో ఇన్నేళ్లు ఇబ్బందులు తొలగిపోతుండడంతో గ్రామస్తులు హర్షం వ్యక్తం చేస్తున్నారు. గతేడాది పీడబ్ల్యూడీ రోడ్‌ నుంచి ఎల్‌మడుగు వరకు వయా ఖానాపూర్‌ మీదుగా ప్రభుత్వం డబుల్‌ రోడ్డు మంజూరు చేసింది. ఇందుకు రూ.7కోట్ల సీఆర్‌ఆర్‌ నిధులు కేటాయించగా మూడునెలల క్రితమే పనులు ప్రారంభించారు. దశాబ్దాలు గడిచినా.. చాలా ఏళ్లుగా ఖానాపూర్‌కు సింగిల్‌ రోడ్డు ఉండేది. ఎగ్లాస్‌పూర్‌ సమీపంలోని ప్రధాన రహదారి నుంచి 2 కిలోమీటర్ల దూరంలో గ్రామం ఉంటుంది. గడిచిన దశాబ్దకాలంలో ఒకట్రెండు సార్లు మాత్రమే బీటీ వేశారు. సింగిల్‌ రోడ్డు కావడంతో గ్రామస్తులు, వాహనదారులు ఇబ్బంది పడేవారు. రహదారిని బాగు చేయాలని పలుమార్లు తమ ఇబ్బందులను ప్రభుత్వాల దృష్టికి తీసుకెళ్లినా ఫలితం దక్కలేదు. కాగా, మంత్రి శ్రీధర్‌బాబు ప్రత్యేక చొరవతో ఖానాపూర్‌ గ్రామానికి డబుల్‌రోడ్డు మంజూరైందని గ్రామస్తులు చెబుతున్నారు. . రైతులకు తీరనున్న కష్టాలు గోదావరినది తీరం ఎల్‌మడుగు సమీపంలోనే ఖానాపూర్‌ వాసులకు పంటపొలాలు ఉండటంతో గతంలో రోడ్డు సౌకర్యం లేక నానా ఇబ్బందులు పడేవారు. కనీసం ద్విచక్రవాహనం వెళ్లేందుకు వీలు లేక పొలాల వద్దకు నడుచుకుంటూనే వెళ్లేవారు. కాగా, ఎల్‌ మడుగు వరకు డబుల్‌రోడ్డు నిర్మిస్తుండడంతో తమ కష్టాలు తీరుతాయని ఆనందం వ్యక్తం చేస్తున్నారు. ఖానాపూర్‌కు డబుల్‌ రోడ్డు నిర్మాణం రూ.7కోట్ల నిధులు మంజూరు చేసిన సర్కార్‌

గోదావరిఖని: న్యూఇయర్‌ సంబరాల్లో పీకల్లాగా తాగారు.. పోలీసుల డ్రంకెన్‌ డ్రైవ్‌ కేసుల్లో ఇరుక్కుపోయారు. నిబంధనలకు లోబడి వేడుకలు నిర్వహించుకోవాలని పోలీసుశాఖ ముందే హెచ్చరికలు జారీ చేసింది. అయినా హెచ్చరికలను పెడచెవిన పెట్టారు. మద్యం తాగి రోడ్లపై హల్‌చల్‌ చేశారు. అదేస్థాయిలో పోలీసులు కూడా డ్రంకెన్‌ డ్రైవర్లను కట్టడి చేశారు. డిసెంబర్‌ 31 అర్ధరాత్రి నుంచి జనవరి 1న వేకువజాము వరకు విస్తృత తనిఖీలు కొనసాగాయి. ట్రాఫిక్‌, స్పెషల్‌ పార్టీ, లా అండ్‌ ఆర్డర్‌, మహిళా పోలీసులు అడుగడుగునా మోహరించి విస్తృత తనిఖీలు నిర్వహించారు. ట్రిపుల్‌ రైడింగ్‌, డ్రంకెన్‌ డ్రైవ్‌, ట్రాఫిక్‌ నిబంధనల ఉల్లంఘనపై పోలీసులు కొరడా ఝుళిపించారు. రామగుండం కమిషనరేట్‌ పరిధిలో న్యూఇయర్‌ వేడుకల ఒక్కరోజులోనే రూ.7.52లక్షల ఫైన్‌లు విధించారు. నిర్లక్ష్యంగా వాహనాలు నడిపే వారిపై వేటు స్పెషల్‌ డ్రంకెన్‌ డ్రైవ్‌లో మద్యం తాగి నిర్లక్ష్యంగా, వేగంగా వాహనాలు నడిపిన వారిని అదుపులోకి తీసుకొని వాహనాలు సీజ్‌ చేయడం, జరిమానాలు విధించారు. చట్టపరమైన కఠినచర్యలు తీసుకున్నారు. ట్రిపుల్‌ రైడింగ్‌, ర్యాష్‌ డ్రైవింగ్‌, రాంగ్‌ రూట్‌ డ్రైవింగ్‌, హెల్మెట్‌ లేకుండా వాహనం నడిపిన వారి గుర్తించి కేసులు నమోదు చేశారు. ప్రత్యేక బృందాల తనిఖీలు న్యూఇయర్‌ వేడుకల సందర్భంగా ఎలాంటి అపశ్రుతులు దొర్లకుండా వాహన తనిఖీలు ముమ్మరం చేశారు. పెట్రోలింగ్‌, పికెట్స్‌, మఫ్టీ టీమ్స్‌, ముఖ్య కూడళ్లలో సీసీ కెమెరాల ద్వారా నిఘాతో వాహనదారులకు ఫైన్‌లు వేశారు. న్యూ ఇయర్‌ సందర్భంగా పోలీసుల విస్తృత తనిఖీలు 241 డ్రంకెన్‌ డ్రైవ్‌.. 2,365 ఈ చలాన్‌ కేసులు రూ.7.50 లక్షల ఫైన్‌బుక్‌అయిన ఈచలాన్‌ 2,365డ్రంకెన్‌ డ్రైవ్‌ 241గుర్తించిన వాహనాలు 241జరిమానా రూ.7,52,010న్యూఇయర్‌ వేడుకల్లో..

పెద్దపల్లి: మహిళల్లో ఎక్కువగా వస్తున్న గర్భాశయ ముఖ ద్వారా క్యాన్సర్‌ను శాశ్వతంగా నిర్మూలించేందుకు కేంద్ర ప్రభుత్వం శ్రీకారం చుట్టింది. దీనిలో భాగంగా దేశవ్యాప్తంగా 14 ఏళ్లలోపు కిశోర బాలికలకు ఉచితంగా హెచ్‌పీవీ (హ్యూమన్‌ పాపిలోమా వైరస్‌) వ్యాక్సిన్‌ పంపిణీకి ప్రణాళిక రూపొందించింది. దీనిపై వచ్చిన ఉత్తర్వుల మేరకు జిల్లా వైద్య ఆరోగ్యశాఖ అధికారులు తగిన కార్యాచరణకు సన్నద్ధం అవుతున్నారు. ఎంపిక చేసిన వైద్యులను బెంగుళూర్‌లో శిక్షణకు పంపించారు. వ్యాక్సిన్‌ వేసే విధానం, నిల్వ చేసే పద్ధతి తదితర అంశాలను గుర్తించి కేంద్రం ప్రత్యేక శిక్షణ ఇచ్చింది. ఒకరికి ఒక వ్యాక్సిన్‌ ఖరీదు సుమారు రూ.10 వేల వరకు ఉంటుందని వైద్య ఆరోగ్యశాఖ అధికారులు పేర్కొంటున్నారు. శిక్షణ పూర్తి.. జిల్లాలోని 18 ప్రాథమిక, 7 అర్బన్‌ ప్రాథమిక ఆరోగ్య కేంద్రాలు, పెద్దపల్లి, మంథని, సుల్తానాబాద్‌, గోదావరిఖని వైద్య విధాన పరిషత్‌లో పనిచేస్తున్న డాక్టర్లు, ఏఎన్‌ఎం, ఫార్మసిస్టులు, సూపర్‌వైజర్లు, ఆశ, ఎంఎల్‌హెచ్‌పీ లకు గత నెలలో శిక్షణ ఇచ్చామని జిల్లా ఇమ్యునైజేషన్‌ అధికారి డాక్టర్‌ కృష్ణకుమార్‌ తెలిపారు. సర్వేకల్‌ (గర్భాశయ ముఖద్వార) క్యాన్సర్‌ ఎలా వస్తుంది, దానికి గల కారణాలు.. నివారణకు వ్యాక్సిన్‌ ఏ విధంగా పనిచేస్తుందో వివరిస్తున్నారు. ప్రాథమిక ఆరోగ్య కేంద్రాల్లో శిక్షణ పొందిన ఉద్యోగులందరూ కిషోర్‌ బాలికల వివరాలు సేకరిస్తున్నారు. జిల్లాలో 14 సంవత్సరాల లోపు వయసు కలిగిన కిశోర బాలికలు సుమారు 8,000 మంది ఉంటారని అధికారులు తెలిపారు కిశోర బాలికలకు ఉచితంగా వ్యాక్సిన్‌

మా ఊరికి మొన్నటి వరకు సింగిల్‌ రోడ్డు ఉండేది. ఏ అవసరం ఉన్నా మంథనికి వెళ్లాల్సిందే. రహదారి బాగులేక నానా ఇబ్బందులు పడ్డాం. డబుల్‌రోడ్డు నిర్మించడం సంతోషంగా ఉంది. – దోరగొర్ల శ్రీనివాస్‌, మాజీ సర్పంచ్‌, ఖానాపూర్‌ బురద కష్టాలు తీరుతాయి గతంలో మా ఊరికి రావాలంటే బురదరోడ్డు మీదనే రావాల్సి వచ్చేది. ఎప్పుడు రోడ్డు బాగుపడుదతదో అని ఎదురుచూశాం. ఇప్పుడు డబుల్‌రోడ్డు నిర్మాణం పూర్తయితే మా కష్టాలన్నీ తీరిపోతయ్‌. – సంగెం గట్టయ్య, ఖానాపూర్‌

పంటల సాగుకు అవసరమైన యూరియాను యాప్‌లో బుకింగ్‌ చేసుకోవాలి. బుకింగ్‌ ప్రకారమే యూరియా పొందవచ్చు. అధికారులు సరఫరా చేస్తున్న తీరును బట్టి యాప్‌లో అందుబాటులో ఉన్నట్టు తెలుసుకుని ఆ మేరకే నమోదు చేసుకోవాలి. – ఎర్రం మల్లారెడ్డి, ఫార్మర్‌ ప్రొడ్యూసర్‌ కంపెపీ అధ్యక్షుడుయాప్‌ను సవరించాలి నాలుగెకరాల్లో వరి వేశా. మూడుబస్తాల యూరియా కోసం యాప్‌లో బుక్‌ చేశా. తర్వాత పెద్దపల్లిలోని డీలర్‌ వద్దకు వెళ్తే సాంకేతిక సమస్యలు తలెత్తాయని యూరియా డెలివరీ కాలే దు. మూడురోజుల తర్వాత ఓటీపీ చెప్పడంతో యూరియా బస్తాలు ఇచ్చారు. ఇలా ఇబ్బందులు తలెత్తకుండా యాప్‌ను సవరించాలి. – గనెబోయిన రాజేందర్‌, హన్మంతునిపేట

జిల్లాలో శనివారం ఉదయం పొగమంచు ప్రజలను ఉక్కిరిబిక్కిరి చేయగా.. సాయంత్రం ఆకాశంలో వోల్ఫ్‌ మూన్‌ కనువిందు చేసింది. రెండుమూడు రోజులుగా ఉదయం 10 గంటల వరకు మంచు దుప్పటి వీడడం లేదు. అలాగే నూతన సంవత్సరం మొదటి పౌర్ణమిని ఖగోళ అద్భుతంగా వోల్ఫ్‌ సూపర్‌మూన్‌ను అభివర్ణిస్తారు. సాధారణ పౌర్ణమి కంటే పెద్దగా ప్రకాశవంతంగా చంద్రుడు కనిపిస్తూ కనువిందు చేస్తాడు. పెద్దపల్లిలోని శాంతినగర్‌ హనుమాన్‌ విగ్రహం మీదుగా దేదీప్యమానంగా ప్రకాషిస్తున్న సూపర్‌మూన్‌ ‘సాక్షి’ కెమెరాకు అందంగా కనిపించింది. – సాక్షి ఫొటోగ్రాఫర్‌, పెద్దపల్లి

పెద్దపల్లి: ప్రభుత్వ పాఠశాలల విద్యార్థుల అభ్యున్నతికి చిత్తశుద్ధితో కృషి చేయాలని కలెక్టర్‌ కోయ శ్రీ హర్ష అన్నారు. శనివారం కలెక్టరేట్‌లో నిర్వహించిన సావిత్రిబాయి పూలే జయంతి వేడుకల్లో పాల్గొన్నారు. సావిత్రిబాయి చిత్రపటానికి పూలమాల వేసి నివాళి అర్పించారు. బాలికల విద్య కోసం సావిత్రిబాయి పూలే కృషి చేశారని పేర్కొన్నారు. విద్యార్థుల్లో విద్యా ప్రమాణాలు పెంచేలా ప్రత్యేక శ్రద్ధ పెట్టాలని సూచించారు. అనంతరం ప్రభుత్వ పాఠశాలలోని మహిళ ఉపాధ్యాయులు, అంగన్వాడీ ఉపాధ్యాయులను కలెక్టర్‌ సత్కరించారు. డీఈవో శారద, జిల్లా సంక్షేమ అధికారి వేణుగోపాల్‌, జిల్లా సమగ్ర శిక్ష సమన్వయకర్త మల్లేశం తదితరులు పాల్గొన్నారు.

గోదావరిఖని(రామగుండం): పెండింగ్‌లో ఉ న్న ఇందిరమ్మ ఇళ్ల నిర్మాణానికి నిధులు మంజూరు చేయాలని రామగుండం ఎమ్మెల్యే ఎంఎస్‌ రాజ్‌ఠాకూర్‌ శనివారం అసెంబ్లీ సమావేశంలో ప్రభుత్వాన్ని కోరారు. గోదావరినది పరీవాహక ప్రాంతంలో పేదలకు ఇళ్ల నిర్మా ణం చేపట్టామన్నారు. ప్రతిసారి గోదావరి వ రద సమయంలో ఈ నిర్మాణాలు నీటితో నిండిపోతున్నాయని పేర్కొన్నారు. ఈసారి ప్ర త్యేక నిధులు కేటాయిస్తే మరమ్మతు చేసి పే దలకు అందించే అవకాశం ఉంటుందన్నారు. వైఎస్సార్‌ సర్కారు హయాంలో సుమారు 18వేల మందికి ఇళ్ల పట్టాలు ఇచ్చామని గుర్తు చేశారు. కోల్‌బెల్ట్‌ ప్రాంతంలో కాంట్రాక్టు కార్మికుల బతుకుదెరువు కోసం ప్రభుత్వం ఇందిరమ్మ ఇళ్లు మంజూరు చేయాలన్నారు. ఈవిషయంలో సీఎం రేవంత్‌రెడ్డి, డిప్యూటీ సీఎం భట్టి విక్రమార్క పరిశీలించి ఇళ్ల నిర్మాణానికి ప్రత్యేక నిధులు మంజూరు చేయాలన్నారు.

ఆదివారం శ్రీ 4 శ్రీ జనవరి శ్రీ 2026అభీష్టం..అభ్యుదయం..● వృత్తిలో రాణిస్తూ.. ప్రవృత్తిలో ప్రతిభ చాటుతూ.. ● కుటుంబ బాధ్యతలు మోస్తూ.. సమాజసేవలో తరిస్తూ.. ● ఆదర్శంగా నిలుస్తున్న ఉమ్మడి జిల్లాకు చెందిన పలువురు రామగుండం: జీవనశైలిలో మార్పు చేసుకుంటేనే ఆరోగ్యం, మానసిక ప్రశాంతత ఉంటుందని పెద్దపల్లి జిల్లా పాలకుర్తి మాజీ జెడ్పీటీసీ కందుల సంధ్యారాణి అంటున్నారు. పదిహేనేళ్లుగా పూర్తిగా భోజనం మానేసి ఉదయం వ్యాయామంతో జీవన విధానాన్ని ఆరంభించడం అలవాటుగా మారిందని తెలిపారు. రోజూ ఆహారంగా అంబలి, రాగిజావ, మొక్కజొన్న గటుక, మొలకెత్తిన పెసర్లు, చిరుధాన్యాలు తీసుకుంటానని, తద్వారా చురుగ్గా ఉండి మానసిక ప్రశాంతత పొందగలుగుతాం అని వివరించారు. తాను నిత్యం ప్రజాక్షేత్రంలో తిరిగే క్రమంలో వాహనంలో క్యారెట్‌, కీరదోస తదితరాలను తీసుకుంటానని, దీంతో మానసిక ఒత్తిడిని అధిగమిస్తూ నిత్య యవ్వనంగా ఉన్నట్లు అనిపిస్తుందని, అదే తన ఆరోగ్య రహస్యమని వివరించారు.

పెద్దపల్లిరూరల్‌: ఉమ్మడి కరీంనగర్‌ జిల్లా వాసులను పెద్దపులి కలవరపెడుతోంది. పులి అడుగు జాడలు పెద్దపల్లి జిల్లా శివారులో కనిపించకపోయినా.. జిల్లా అటవీ అధికారులు కొద్దిరోజులుగా కంటిమీద కునుకు లేకుండా అడవులను జల్లెడ పడుతున్నారు. జూలపల్లి శివారు ప్రాంతంలో పులి అడుగు జాడలు ఉన్నట్టు తేలడంతో అటవీ అధికారులు అప్రమత్తమయ్యారు. కరీంనగర్‌ మండలం బహదూర్‌ఖాన్‌పేటకు చెందిన రైతుకు పులి కనిపించినట్టు ప్రచారం జరిగింది. అయితే జూలపల్లి శివారు నుంచి చొప్పదండి మీదుగా కరీంనగర్‌ ప్రాంతానికే పులి పయనమైనట్టు అధికారులు నిర్ధారణకు వచ్చారు. అయినా ఎప్పుడు ఎటు వైపు వస్తుందోనని రైతులు, పశువులు, గొర్రెల కాపరులను అప్రమత్తం చేస్తున్నట్టు ఫారెస్టు సెక్షన్‌ ఆఫీసర్‌ మంగిలాల్‌ తెలిపారు. రైతులు జాగ్రత్తగా ఉండాలి జూలపల్లి: మండలంలో పెద్దపులి సంచారం ఉందని, పొలాల వద్దకు రాత్రి పూట వెళ్లవద్దని అటవీశాఖ అధికారులు సూచించారు. మండలంలోని శ్రీయోగానంద లక్ష్మీనర్సింహస్వామి ఆలయ గుట్ట, అబ్బాపూర్‌ పోచమ్మ గుట్ట ప్రాంతంలో పులి సంచారం ఉన్నట్లు గుర్తించామని రైతులకు వివరించారు. ఈ ప్రాంతాన్ని క్షుణ్ణంగా పరిశీలించిన అటవీశాఖ అధికారులు వ్యవసాయ పనులకు వెళ్లే వారు తగిన జాగ్రత్తలు తీసుకోవాలని సూచించారు. పసునూటి శ్రీనివాస్‌, బొమ్మెనవేని కొమురయ్య తదితరులు ఉన్నారు.

పెద్దపల్లి: మహిళలకు చట్టాలపై అవగాహన ఉండాలని జిల్లా ప్రధాన న్యాయమూర్తి సునీత కుంచాల అన్నారు. శనివారం కలెక్టరేట్‌లో జిల్లా గ్రామీణ అభివృద్ధి సంస్థ, జైలు లీగల్‌ సర్వీస్‌ అథారిటీ సంయుక్తంగా నిర్వహించిన కార్యక్రమంలో జిల్లా న్యాయ సేవాధికార సంస్థ సెక్రటరీ వంగార భవానితో కలిసి పాల్గొన్నారు. వివిధ ప్రభుత్వ కార్యక్రమాలను సద్వినియోగం చేసుకుంటూ మహిళలు ఆర్థికంగా ఎదగాలని సూచించారు. జిల్లా సంక్షేమ అధికారి వేణుగోపాల్‌రావు తదితరులు పాల్గొన్నారు. ఎన్టీపీసీ ఈడీని కలిసిన హెచ్‌ఎంఎస్‌ కార్యదర్శి రామగుండం: ఎన్టీపీసీ ఎగ్జిక్యూటివ్‌ డైరెక్టర్‌ చందన్‌కుమార్‌ సామంతను శనివారం హెచ్‌ఎంఎస్‌ రాష్ట్ర కార్యదర్శి సీహెచ్‌.ఉపేందర్‌ మర్యాదపూర్వకంగా కలిసి నూతన సంవత్సర శుభాకాంక్షలు తెలిపారు. ఈ సందర్భంగా ఉద్యోగుల సమస్యలను పరిష్కరించాలని కోరారు. ఈ సంవత్సరంలో ఎన్టీపీసీ రామగుండం విద్యుత్‌ ఉత్పత్తిలో, తెలంగాణ ప్రాజెక్టు సెకండ్‌ ఫేజ్‌ విస్తరణ పనులు వేగంగా జరగాలని ఆశాభావం వ్యక్తం చేశారు. ఈడీతో పాటు హెచ్‌ఓహెచ్‌ఆర్‌, ఏజీఎం హెచ్‌ఆర్‌ వికె.సిగ్ధర్‌ను కలిశారు. హెచ్‌ఎంఎస్‌ ప్రతినిధులు కె.సంజీవరావు, సత్యనారాయణ తదితరులున్నారు. ‘టెట్‌’ ప్రశాంతంరామగిరి(మంథని): సెంటినరికాలనీలోని మంథని జేఎన్టీయూ కళాశాలలో శనివారం నిర్వహించిన టెట్‌ ప్రశాంతంగా కొనసాగింది. ఉదయం సెషన్‌లో 100 మంది అభ్యర్థులకు 86 మంది హాజరు కాగా 14 మంది గైర్హాజరయ్యారు. మధ్యాహ్నం సెషన్‌లో 100 మంది అభ్యర్థులకు 92 మంది హాజరు కాగా 8 మంది గైర్హాజరయ్యారని నిర్వాహకులు తెలిపారు. పరీక్షా కేంద్రాన్ని పరిశీలకుడు ఓదెలు సందర్శించి ఏర్పాట్లను పరిశీలించారు. ఫ్లయింగ్‌ స్క్వాడ్‌ సభ్యుడు కొమురయ్య పరీక్ష కేంద్రంలో తనిఖీలు నిర్వహించారు. ద్విచక్రవాహనదారులు హెల్మెట్‌ ధరించాలిపెద్దపల్లి: వాహనదారులు తప్పనిసరిగా హెల్మెట్‌ ధరించి వాహనం నడపాలని ఆర్టీవో రంగారావు అన్నారు. జాతీయ రోడ్డు భద్రత మాసోత్సవాల సందర్భంగా శనివారం పెద్దపల్లిలో నిర్వహించిన కార్యక్రమంలో మాట్లాడారు. హెల్మెట్‌ ధరించిన ద్విచక్ర వాహనదారునికి గులాబీ పువ్వు అందజేసి అభినందనలు తెలిపారు. హెల్మెట్‌ ధరించని వారికి కౌన్సెలింగ్‌ ఇచ్చారు. రోడ్డు ప్రమాదాలు జరగకుండా హెల్మెట్‌, సీట్‌ బెల్ట్‌ పెట్టుకోవాలని సూచించారు. రేగడిమద్దికుంట కార్యదర్శి సస్పెన్షన్‌పెద్దపల్లి/సుల్తానాబాద్‌రూరల్‌: సుల్తానాబా ద్‌ మండలం రేగడిమద్దికుంట పంచాయతీ కార్యదర్శి శ్రీనివాస్‌ రూ.4.17లక్షల జీపీ ని ధులు సొంత అవసరాలకు వాడుకున్నట్లు వి చారణలో తేలగా శనివారం కలెక్టర్‌ కోయ శ్రీహర్ష సస్పెండ్‌ చేశారు. సదరు కార్యదర్శి ఇంటి పన్ను రూ.2,43,675, మల్టీపర్పస్‌ వర్కర్ల జీతాలు రూ.38,500, టీఎస్‌ బీపాస్‌ ఖాతా నుంచి రూ.1,35,000 మొత్తం రూ.4,17,175 నిబంధనలకు విరుద్ధంగా వాడుకున్నట్లు డీపీవో, ఎంపీడీవోల విచారణలో తేలింది. దీంతో శ్రీనివాస్‌ను సస్పెండ్‌ చేయడంతో పాటు విచారణ ముగిసే వరకు హెడ్‌క్వార్టర్‌ వదిలి వెళ్లడానికి వీలులేదని కలెక్టర్‌ ఉత్తర్వులో పేర్కొన్నారు.

గోదావరిఖని: రామగుండం నగరంలోని సింగరేణి జీఎం కార్యాలయం మూలమలుపు వద్ద రాజీవ్‌ ర హదారిపై నిత్యం రోడ్డు ప్రమాదాలు జరుగుతూనే ఉన్నాయి. ఒకటికాదు.. రెండేళ్లు కాదు.. ఏకంగా దశాబ్దాలుగా ప్రమాదాలు నియంత్రణలోకి రావడం లేనేలేదు. ఇక్కడి పరిస్థితి, రోడ్డు దుస్థితిపై ఉన్నతాధికారులతోపాటు ప్రభుత్వాలకు వేలాది ఫి ర్యాదులు, విన్నపాలు వెళ్లాయి. ఈనేపథ్యంలో ఈ ప్రాంతాన్ని యాక్సిడెంట్‌ ఫ్రీ జోన్‌గా మార్చిన జిల్లా యాంత్రాంగం.. మూలమలుపు, రోడ్డు విస్తరణ పరిష్కార మార్గమని భావించింది. ఈమేరకు అక్కడ ఇటీవల విస్తరణ పనులు ప్రారంభించింది. ఏటా అనేక ప్రమాదాలు.. జీఎం ఆఫీసు మూలమలుపు వద్ద రాజీవ్‌ రహదా రిపై ఏటా అనేక ప్రమాదాలు చోటుచేసుకుంటున్నా యి. చాలామంది గాయాలపాలవుతున్నారు. వంద ల కొద్దీ వాహనాలు అదుపుతప్పి బోల్తాడుతున్నా యి. రూ.కోట్లలో ఆస్తినష్టం జరుగుతోంది. ప్రధానంగా మంచిర్యాల నుంచి కరీంనగర్‌ వైపు వెళ్లే వాహనాలు అదుపు తప్పి బోల్తాపడుతున్నాయి. రద్దీగా రాజీవ్‌ రహదారి.. రాజీవ్‌ రహదారి నిర్మాణం సమయంలోనే అప్పటి స్థలాభావ పరిస్థితుల కారణంగా రోడ్డును కుదించి నిర్మించారు. నగర శివారులోని గోదావరి నదిపై రెండు వంతెనలు కట్టారు. జగ్ధల్‌పూర్‌ హైవేకు అనుసంధానంగా మారడంతో రాజీవ్‌ రహదారి భారీవాహనాలతో నిత్యం రద్దీగా మారింది. అతిసమపానికి వచ్చేంత వరకు జీఎం ఆఫీసు మూలమలుపు కనిపించడంలేదు. దీంతో డ్రైవర్లు తీవ్ర ఇబ్బంది ప డుతున్నారు. ఈక్రమంలో వాహనాలు అదుపుతప్పి బోల్తా పడుతున్నాయి. ప్రమాదాలు పెరిగిపోవడంతో ప్రత్యేక సూచిక బోర్డులు, రోడ్డు స్టాఫర్లు ఏర్పా టు చేశారు. అయినా రోడ్డు ప్రమాదాలు నియంత్రణలోకి రాక రోడ్డు విస్తరణ అనివార్యమైంది. శరవేగంగా పనులు హైవే నిర్వహణ బాధ్యతలు చేపట్టిన హెచ్‌కేఆర్‌ .. జీఎం ఆఫీస్‌ మూలమలుపు వద్ద విస్తరణ పనులు చేపట్టింది. రోడ్డు విస్తరించి మట్టిపోసి రోలింగ్‌ చే స్తున్నారు. ఇందుకోసం ప్రణాళిక మ్యాప్‌ను ముందే తయారు చేశారు. రోడ్డు విస్తరణ పూర్తయితే ప్రమాదాలు పూర్తిస్థాయిలో తగ్గుముఖం పడతాయి. విద్యుత్‌ తీగలు తొలగించి.. రామగుండం ఎమ్మెల్యే ఎంఎస్‌ రాజ్‌ఠాకూర్‌ సూచనతో హెచ్‌కేఆర్‌ సంస్థ రోడ్డు, మూలమలుపు విస్తరణ చేపట్టింది. దీనికి అడ్డుగా ఉన్న హెచ్‌టీలైన్లు ట్రాన్స్‌కో తొలగించగా, ట్రాఫిక్‌, సివిల్‌ పోలీస్‌, సింగరేణి యాజమాన్యం, ఆర్‌అండ్‌బీ, మున్సిపల్‌ అధికారులు సమావేశమై విస్తరణకు నిర్ణయం తీసుకున్నారు. రోడ్డు విస్తరణకు సింగరేణి బీగెస్ట్‌హౌస్‌ గోడ తొలగించారు. ఆర్టీసీ బస్టాండ్‌ నుంచి మంచిర్యాల వైపు వెళ్లే క్రాసింగ్‌ను విస్తరించేలా హెచ్‌కేఆర్‌ పనులు చేస్తోంది. పనులు పూర్తయితే వాహనాల రాకపోకలు క్రమపద్ధతిలో సాగేలా మోడల్‌ సర్కిల్‌ నిర్మిస్తున్నారు. అన్నివి ప్రభుత్వ భాగాల ను సమన్వయం చేసి రో డ్డు, మూలమలుపు విస్తరణ పనులు వేగవంతం చేశాం. ప్రధానంగా ఆర్‌ అండ్‌ బీ, సింగరేణి, మున్సిపల్‌, పోలీసుశాఖ సహకారం తీసుకున్నాం. ప్రమాదభరితంగా మారిన హైవే రోడ్డు విస్తరణ తర్వాత యాక్సిడెంట్‌ ఫ్రీజోన్‌గా మారుతుంది. ఈనెలాఖరులోగా విస్తరణ పనులు పూర్తిచేస్తాం. – ఎంఎస్‌ రాజ్‌ఠాకూర్‌, ఎమ్మెల్యే, రామగుండం

మంథనిరూరల్‌: రిజర్వ్‌ ఫారెస్ట్‌లో అక్రమంగా పోడు వ్యవసాయం చేస్తే కఠిన చర్యలు తప్పవని ఫారెస్ట్‌ సెక్షన్‌ ఆఫీసర్‌ నర్సయ్య హెచ్చరించారు. గోపాల్‌పూర్‌ బీట్‌ పరిధిలోని చిన్నఓదాల రిజర్వ్‌ ఫారెస్ట్‌లో పోడు వ్యవసాయం కోసం అటవీ ప్రాంతాన్ని చదును చేస్తున్న ట్రాక్టర్‌ను గురువారం పట్టుకున్నారు. ఆయన మాట్లాడుతూ రిజర్వ్‌ ఫారెస్ట్‌లో అనుమతులు లేకుండా పనులు చేయవద్దన్నారు. పట్టుకున్న ట్రాక్టర్‌ను మంథని రేంజ్‌ ఆఫీస్‌కు తరలించామని తెలిపారు. ఇద్దరిపై కేసు నమోదు చేస్తున్నట్లు పేర్కొన్నారు. కార్యక్రమంలో ఫారెస్ట్‌ బీ ట్‌ ఆఫీసర్లు ప్రదీప్‌, రాంసింగ్‌, పవన్‌ పాల్గొన్నారు.

యైటింక్లయిన్‌కాలనీ(రామగుండం): మున్సిపల్‌ కార్పొరేషన్‌ ఎన్నికల్లో గులాబీ జెండా ఎగరవేయాలని బీఆర్‌ఎస్‌ జిల్లా అధ్యక్షుడు కోరుకంటి చందర్‌ అన్నారు. స్థానిక టీబీజీకేఎస్‌ కార్యాలయంలో శుక్రవారం జరిగిన పార్టీ శ్రేణుల సమావేశంలో ఆయన మాట్లాడారు. అబద్ధపు హామీలతో అధికారంలోకి వచ్చిన కాంగ్రెస్‌ పాలనను ప్రజల్లోకి తీసుకెళ్లి ఎండగట్టాలని సూచించారు. బీఆర్‌ఎస్‌ గెలుపుకోసం కార్యకర్తలు, నాయకులు సైనికుల్లా పనిచేయాలని ఆయన కోరారు. సమావేశంలో నాయకులు మేడి సదయ్య, కిషన్‌రెడ్డి, స్టాలిన్‌గౌడ్‌, బాదె అంజలీదేవి, పులి రాకేశ్‌, రాంచందర్‌, నారాయణదాసు, కుమార్‌ నాయక్‌, ముత్యాల గౌడ్‌, మొగిలి, రాజమౌళి, బాలరాజు, సుజాత, స్వరూప, రోజా, రవి తదితరులు పాల్గొన్నారు.

సాక్షిప్రతినిధి,కరీంనగర్‌: డిసెంబరు 31.. అంటేనే సంబరాల రోజు. పాత సంవత్సరానికి వీడ్కోలు పలుకుతూ కొత్త ఏడాదికి స్వాగతం పలికే దినోత్సవం వేళ.. మద్యం ఏరులై పారింది. అదేస్థాయిలో ప్రమాదాలకు కూడా కారణమైంది. డిసెంబరు 31న రాత్రి పూట 108 సిబ్బంది దాదాపు 216 మంది ప్రాణాలు కాపాడగా.. అందులో అత్యధికంగా రోడ్డు ప్రమాదాలే ఉన్నాయి. అందులోనూ మద్యంమత్తులో జరిగినవే అధికంగా ఉన్నాయని ఈఎంటీ సిబ్బంది వెల్లడించారు. కరీంనగర్‌, పెద్దపల్లి, సిరిసిల్ల, జగిత్యాల జిల్లాల్లో కొత్త సంవత్సరం సందర్భంగా పలు ఎమర్జెన్సీ కేసుల విషయంలో స్పందించిన సిబ్బంది పలువురి ప్రాణాలు కాపాడారు. 54 వాహనాలు, 108 మంది సిబ్బంది డిసెంబరు 31న రాత్రి మొత్తం 54 వరకు 108 అంబులెన్సుల్లో 108 మంది విధుల్లో ఉన్నారు. వీరిలో 54 మంది పైలెట్లు, 54 మంది ఈఎంటీలు ఉన్నారు. వాస్తవానికి పండగ రోజు, లోకమంతా సెలబ్రేషన్లలో మునిగి తేలుతున్నా.. అత్యవసర సేవలు కావడంతో వీరంతా విధినిర్వహణలోనే మునిగిపోయారు. ఈక్రమంలోనే 107 అత్యవసర కేసులు కాగా, 109 వరకు చిన్నా చితకా రోడ్డు ప్రమాదాల కేసులే అధికంగా నమోదవడం గమనార్హం. చిన్న రోడ్డు ప్రమాదాల్లోనూ 109 కేసుల్లో 90శాతం మద్యం వల్ల జరిగిన ప్రమాదాలే కావడం గమనార్హం. అదే రోజు రాత్రి ఉమ్మడిజిల్లాలో ప్రతీ చోటా డ్రంకెన్‌ డ్రైవ్‌ టెస్టులు జరిపినా.. తాగి వాహనాలు నడపవద్దని కోరినా.. మందుబాబుల్లో ఏమాత్రం మార్పు రాకపోవడం గమనార్హం. గర్భిణుల తరలింపు 36 తీవ్ర రోడ్డు ప్రమాదాలు 16 గుండెపోట్లు 32 శ్వాస సంబంధ వ్యాధులు 23 మైనర్‌ రోడ్డు ప్రమాదాలు 109 మొత్తం కేసులు 216

పెద్దపల్లిరూరల్‌: పీఎం విశ్వకర్మ యోజన లబ్ధిదారులు పథకాన్ని సద్వినియోగం చేసుకుని పారిశ్రా మికవేత్తలుగా ఎదగాలని ఎస్సీ, ఎస్టీ కమిషన్‌ జా తీయ సభ్యుడు వడ్డేపల్లి రాంచందర్‌ సూచించారు. రెండోవిడత రూ.2లక్షల రుణం మంజూరైన లబ్ధిదారులకు జిల్లా కేంద్రంలో శుక్రవారం అవగాహన స దస్సు నిర్వహించారు. ఎంఎస్‌ఎంఈ అసిస్టెంట్‌ డై రెక్టర్‌ దశరథ్‌, లీడ్‌బ్యాంక్‌ మేనేజర్‌ వెంకటేశ్‌, ఇండస్ట్రియల్‌ మేనేజర్‌ కీర్తికాంత్‌, బీసీ, ఎస్సీ వెల్ఫేర్‌ అ ధికారులతో కలిసి రాంచందర్‌ మాట్లాడారు. బీజేపీ జిల్లా అధ్యక్షుడు కర్రె సంజీవరెడ్డి, నాయకులు పర్వతాలు, నిర్మల తదితరులు ఆయనను శాలువాతో ఘనంగా సత్కరించారు. ఆర్థికాభ్యున్నతి సాధించేలా ప్రోత్సాహం చేతివృత్తిదారుల ఆర్థికాభ్యున్నతి కోసం ప్రధాని మోదీ అమల్లోకి తీసుకొచ్చిన పీఎం విశ్వకర్మ పథ కం ద్వారా షరతులు లేకుండా స్వల్పవడ్డీకే రుణం మంజూరు చేస్తున్నామని రాంచందర్‌ అన్నారు. బ్యాంకర్లు కొర్రీలు పెడితే లీడ్‌బ్యాంకు మేనేజర్‌ను కలవాలని, అయినా పరిష్కారం కాకపోతే తనకు సమాచారం ఇవ్వాలని సూచించారు. ఆన్‌లైన్‌లో విక్రయాలపై అవగాహన ఉత్పత్తి చేసిన వస్తుసామగ్రిని ఆన్‌లైన్‌లో విక్రయించే విధానంపై సదస్సులో అవగాహన కల్పించారు. అమెజాన్‌ తదితర కార్పొరేట్‌ కంపెనీల తరహాలో ప్రభుత్వం రూపొందించిన ఓఎన్‌డీసీ యాప్‌లో ప్రొడక్షన్‌ వివరాలు నమోదు చేసే విధానాన్ని ఈ సందర్భంగా వివరించారు. డిజిటల్‌ పేమేంట్‌ కోసం తపాలా బ్యాంకు సేవలు వినియోగించుకోవాలని సూచించారు. అందుకు సంబంధించిన స్కానర్లను లబ్ధిదారులకు అందించారు. జిల్లాలో 9వేల మందికి రుణాలు పీఎం విశ్వకర్మయోజన ద్వారా జిల్లాలో తొలివిడత సుమారు 9వేల మందికి రుణాలు మంజూరు చేశామని, అందులో 600 మంది రుణ వాయిదాలను చెల్లించడం లేదని లీడ్‌బ్యాంక్‌ మేనేజర్‌ వెంకటేశ్‌ తె లిపారు. తొలివిడత పొందిన రూ.లక్ష రుణ వాయిదాలను సకాలంలో చెల్లించిన వారికే రెండోవిడత రుణాలు అందిస్తారని అధికారులు తెలిపారు. అధికారులతో వాగ్వాదం... తమను లబ్ధిదారులుగా ఎంపిక చేసినా సిబిల్‌ స్కోర్‌ లేదని బ్యాంకర్లు రుణాలు మంజూరు చేయడం లేదని పలువురు అధికారులతో వాదనకు దిగారు. బ్యాంకు నిబంధనలు అంగీకరించక సిబిల్‌ స్కోరును పరిగణనలోకి తీసుకుంటున్నారని అధికారులు వారిని సముదాయించారు. నిబంధనలకు లోబడి ఉన్నవారికి జాప్యం లేకుండా రుణం అందుతుందని వివరించారు. పథకం కింద అందించే పనిముట్లు పీఎం విశ్వకర్మ ద్వారా చేతివృత్తుల వారికి రుణాలు అందిస్తున్నారు. ఇందులో బాస్కెట్‌, మ్యాట్‌, బోట్‌ మేకర్‌తో పాటు కార్పెంటర్‌, సుతారి(మేసీ్త్ర), ఫుట్‌వేర్‌, చెప్పులు, బొమ్మలు, చేపలు పట్టే వల తయారీ, నగల వర్క్‌(గోల్డ్‌స్మిత్‌), టూల్‌కిట్‌ మేకర్‌, కుమ్మరి, టైలరింగ్‌(దర్జీ), వాషర్‌మెన్‌, దోభీ లాంటి చేతివృత్తులు ఉన్నాయి.

పెద్దపలి: జిల్లాలోని రామగుండం మున్సిపల్‌ కా ర్పొరేషన్‌తోపాటు పెద్దపల్లి, మంథని, సుల్తానాబా ద్‌ మున్సిపాలిటీల్లో విడుదల చేసిన ముసాయిదా ఓటరు జాబితాలపై ఏమైనా అభ్యంతరాలు ఉంటే అధికారుల దృష్టికి తీసుకు రావాలని కలెక్టర్‌ కోయ శ్రీహర్ష సూచించారు. మొత్తం 124 వార్డులు/డివిజన్లలో 2,58,059 మంది ఓటర్లు ఉన్నట్లు జాబితా సిద్ధం చేశామన్నారు. తన కార్యాలయంలో శుక్రవా రం ఓటరు జాబితాపై సమీక్షించారు. ఓటరు జాబి తా తయారీపై ఈనెల 5న మున్సిపల్‌ కార్యాలయాలు, 6న కలెక్టరేట్‌ రాజకీయ పార్టీల ప్రతినిధులతో సమావేశమవుతామన్నారు. కాగా, అదనపు కలెక్టర్లు వేణు, అరుణశ్రీతో కలిసి తెలంగాణ తహసీల్దార్‌ అసోసియేషన్‌, తెలంగాణ రెవెన్యూ సర్వీసెస్‌ అసోసియేషన్‌ క్యాలెండర్‌, డైరీని ఆయన ఆవిష్కరించారు. ప్రతినిధులు డి.శ్రీనివాస్‌, బడి ప్రకాశ్‌, పి.సంపత్‌కుమార్‌, ఆర్‌.పద్మావతి, రాపెల్లి రాముడు, సీహెచ్‌ అనిల్‌ కుమార్‌, బి.లక్ష్మి, నుగూరి విజయ్‌ తదితరులు పాల్గొన్నారు. దరఖాస్తులు ఆహ్వానం గురుకులాల్లో 5 నుంచి 6వ తరగతి, తొమ్మిదో తరగతిలో ప్రవేశాల కోసం ఎస్సీ, ఎస్టీ, బీసీ, మైనారి టీ, జనరల్‌ కేటగిరీల విద్యార్థులు ఈనెల 21వ తేదీలోగా https://tgcet.cgg.gov.in వెబ్‌సైట్‌లో దర ఖాస్తు చేసుకోవాలని కలెక్టర్‌ సూచించారు.

కోల్‌సిటీ(రామగుండం): రామగుండం నగరపాలక సంస్థ ప్రచురించిన ముసాయిదా ఓట రు జాబితా తెలంగాణ రాష్ట్ర ఎన్నికల సంఘం వెబ్‌సైట్‌ https://tsec.gov.in/voterportal. doలో అందుబాటులో ఉందని కమిషనర్‌ అ రుణశ్రీ తెలిపారు. ముసాయిదా ఓటరు జాబితాకు సంబంధించి పేర్లు, చిరునామాలపై అభ్యంతరాలు ఉంటే, రామగుండం నగరపాలక సంస్థ కార్యాలయంలో లిఖిత పూ ర్వకంగా సమర్పించాలని ఆమె సూచించారు. రాష్ట్రాల అభిప్రాయాలు అవసరం లేదా? పెద్దపల్లి: వలసలను నిరోధించి, గ్రామీణ కూలీలకు ఉపాధి కల్పించే మహాత్మాగాంధీ జాతీయ గ్రామీణ ఉ పాధిహామీ పథకం అమలుపై రాష్ట్రాల అభిప్రాయాలు తెలుసుకోకుండానే కేంద్రంలోని బీజేపీ ప్రభుత్వం ఏకపక్ష నిర్ణయం తీసుకోవ డం శోచనీయమని పెద్దపల్లి ఎమ్మెల్యే విజయరమణారావు ధ్వజమెత్తారు. శుక్రవారం అసెంబ్లీ లో ఈజీఎస్‌పై జరిగిన చర్చలో మాట్లాడారు. పేదలకు పనులు కల్పించడం ద్వారా గ్రామీ ణుల ఆర్థిక స్థితిని మెరుగుపర్చేది ఈజీఎస్‌ అ ని అన్నారు. బీజేపీ ప్రభుత్వం ఈ పథకంపై క క్షగట్టిందని, అందుకే మహాత్మా గాంధీ పేరును సహించలేకపోతోందని ఆయన మండిపడ్డారు. ‘ఎగ్జిబిషన్‌’లో ప్రతిభ ముత్తారం(మంథని): వేస్టేజ్‌ వెల్త్‌ ఎగ్జిబిషన్‌లో స్థానిక కేజీబీవీ విద్యార్థినులు ప్రథమ, అడవిశ్రీరాంపూర్‌ జెడ్పీ హైస్కూల్‌ విద్యార్థులు తృతీ య స్థానంలో నిలిచారు. కేజీబీవీ బయో సైన్స్‌ ఉపాధ్యాయురాలు తోట రాధిక ఆధ్వర్యంలో తొమ్మిదో తరగతి విద్యార్థులు పాసికంటి రేనాశ్రీ, వేల్పుల కార్తీక, ఎనిమిదో తరగతి బాలిక కలవేన రిషిత.. పనికి రానివస్తువులతో పనికివచ్చేలా తయారు చేసిన వస్తువులు ప్రదర్శించా రు. వీరిని ఎన్‌జీసీఎస్‌ ప్రతినిఽధి అంజనీకుమా ర్‌, ఎంఈవో హరిప్రసాద్‌, ప్రధానోపాధ్యాయు డు ఇరుగురాల ఓదెలు అభినందించారు. వాలీబాల్‌ కోచ్‌గా కుమార్‌ ధర్మారం(ధర్మపురి): హి మాచల్‌ప్రదేశ్‌లో జరిగే 69 వ పాఠశాలల క్రీడా సమాఖ్య జాతీయస్థాయి అండ ర్‌–14 బాలుర వాలీబాల్‌ కోచ్‌గా కటికెనపల్లి జిల్లా పరిషత్‌ ఉన్నత పాఠశాల వ్యాయామ ఉపాధ్యా యుడు తమ్మనవేని కుమార్‌ ఎంపికైనట్లు తె లంగాణ స్కూల్‌ గేమ్స్‌ సెక్రటరీ ఉషారాణి తెలిపారు. ఆయనను జిల్లా యువజన, క్రీడల శాఖ అధికారి సురేశ్‌, స్కూల్‌ గేమ్స్‌ సెక్రటరీ లక్ష్మణ్‌, మేడారం సర్పంచ్‌ వీర్‌పాల్‌, హెచ్‌ఎం వెంకటేశ్వర్లు, ఉపాధ్యాయులు అభినందించారు. క్వింటాల్‌ పత్తి రూ.7,414 పెద్దపల్లిరూరల్‌: స్థానిక వ్యవసాయ మార్కెట్‌ యార్డులో శుక్రవారం పత్తి క్వింటాల్‌కు గరిష్టంగా రూ.7,414 ధర పలికింది. కనిష్టంగా రూ. 6,011గా, సగటు రూ.7,111గా ధర ఉందని మార్కెట్‌ ఇన్‌చార్జి కార్యదర్శి ప్రవీణ్‌రెడ్డి తెలిపారు. శుక్రవారం 258 క్వింటాళ్ల పత్తి కొనుగోలు చేసినట్లు ఆయన వివరించారు. సీట్‌బెల్ట్‌ ధరించాలి పెద్దపలి: వాహనాలు నడిపేటప్పుడు డ్రైవర్లతోపాటు ముందు సీట్లో కూర్చున్న వారు తప్పనిసరిగా సీట్‌బెల్ట్‌ ధరించాలని ఆర్టీవో రంగారావు సూచించారు. రోడ్డు భద్రత వారోత్సవాల సందర్భంగా శుక్రవారం జిల్లా కేంద్రంలో విద్యార్థులకు అవగాహన కల్పించారు. వాహనదారులకు గులాబీ పువ్వులు అందజేశారు. అఖండ శరణు ఘోష రామగుండం: ఎన్టీపీసీలోని శ్రీఅయ్యప్ప ఆలయంలో గురువారం అర్ధరాత్రి వరకు అఖండ శరణుఘోష నిర్వహించారు. లోక కల్యాణార్థం ఈ కార్యక్రమం చేపట్టారు. గవర్నర్‌ను కలిసిన ఠాకూర్‌ గోదావరిఖని: రామగుండం ఎమ్మెల్యే ఎంఎస్‌ రాజ్‌ఠాకూర్‌ శుక్రవారం గవర్నర్‌ జిష్ణుదేవ్‌వర్మను శుక్రవారం మర్యాద పూర్వకంగా కలి శారు. ఈసందర్భంగా పుష్పగుచ్ఛం అందించి నూతన సంవత్సర శుభాకాంక్షలు తెలిపారు.

పీఎంవీకే యోజన కోసం ఎనిమిది నెలల క్రితమే చెప్పుల తయారీకి అవసరమైన కిట్‌, రుణం కోసం దరఖాస్తు చేశా. ఇప్పటివరకు సమాచారం ఇవ్వలేదు. శిక్షణ ఇస్తున్నారని తెలిసి ఇక్కడకు వచ్చా. అధికారులు రుణం, కిట్లు మంజూరు చేయాలె. – గోసిక కృష్ణవేణి, మడక, ఓదెల బ్యాంకర్లు ఇబ్బంది పెడుతుండ్రు వృత్తిపరంగా శిక్షణ ఇచ్చిన అధికారులు స్టైఫండ్‌ ఇవ్వలేదు. బంగారం పని కిట్‌ ఇయ్యలె. రూ.లక్ష రుణం కోసం బ్యాంకు వెళ్తే.. అనేక రకాలుగా మ్మల్ని ఇబ్బందులు పెడుతుండ్రు. – కృష్ణమాచారి, కాట్నపల్లి, సుల్తానాబాద్‌ అవగాహన కల్పిస్తున్నాం పీఎం విశ్వకర్మ లబ్ధిదారులకు వివిధ అంశాలపై అవగాహన కల్పిస్తున్నాం. తక్కువ వడ్డీకే చేతివృత్తి పనివారలకు లబ్ధి చేకూర్చేందుకు చర్యలు తీసుకుంటున్నాం. రెండోవిడత రుణం రూ.2 లక్షలు పొందేందుకు అర్హత సాధించిన వారికి అవగాహన కల్పించాం. – దశరథ్‌, అసిస్టెంట్‌ డైరెక్టర్‌(ఎంఎస్‌ఎంఈ) హైదరాబాద్‌

పెద్దపల్లిరూరల్‌: పట్టణ శివారులోని ఎస్సారెస్పీ డీ– 83 ప్రధాన కాలువలోకి వచ్చిన ఎస్సారెస్సీ సాగునీటి ఉధృతికి విద్యుత్‌ మోటార్లు కొట్టుకుపోయా యి. ఎగువన ప్రాజెక్టు గేట్లు ఎత్తడంతో ఆ నీరు గు రువారం జిల్లాకు చేరింది. అయితే, డీ – 83 ప్రధాన కాలువ ద్వారా సబ్బితం శివారు నుంచి గుండారం రిజర్వాయర్‌కు చేరే కాలువలో కొందరు రైతులు సా గునీటి కోసం అమర్చుకున్న విద్యుత్‌ మోటార్లు కొ ట్టుకుపోయాయి. నీటి ప్రవాహం ఉధృతంగా రావడంతో సబ్బితం, గట్టుసింగారం ప్రాంతాల్లోని లెవ ల్‌ కాజ్‌వే పూర్తిగా ఎస్సారెస్పీ నీటిప్రవాహంలో ము నిగిపోయింది. ఈమార్గంలో రాకపోకలు సాగించ డం కష్టంగా మారిందని రైతులు చుంచు చందు, మల్లయ్య, రవిందర్‌, గట్టయ్య, సారయ్య, నాగరాజు, మహేందర్‌ తదితరులు వాపోయారు. ఓవర్‌ బ్రిడ్జి నిర్మించాలని కోరారు. సబ్బితం రైతులు ఎదుర్కొంటున్న ఇబ్బందిని ఎమ్మెల్యే విజయరమణారావు దృష్టికి తీసుకెళ్లి సమస్య పరిష్కస్తానని సర్పంచ్‌ నూనె సరోజన తెలిపారు.

● కాంట్రాక్ట్‌, అవుట్‌ సోర్సింగ్‌ ఉద్యోగాలకు డిమాండ్‌ ● ఆశ్రమాలు, ఓల్డేజ్‌ హోమ్‌లో ఖాళీల భర్తీకి చర్యలుపెద్దపలి: జిల్లాలోని వయోవృద్ధులకు ఆశ్రయం కల్పించడం, వారి సంక్షేమానికి కృషి చేయడం కోసం ఏర్పాటు చేసిన ఓల్డ్‌ ఏజ్‌ హోమ్‌, దివ్యాంగ విద్యార్థుల కోసం అందుబాటులోకి తీసుకొచ్చిన డిస్ట్రిక్‌ హబ్‌ ఫర్‌ ఎంపవర్‌మెంట్‌ ఆఫ్‌ ఉమెన్‌లో వివిధ రకాల ఉద్యోగాల కోసం ఇటీవల నోటిఫికేషన్‌ జారీచేశారు. కాంట్రాక్ట్‌, అవుట్‌సోర్సింగ్‌ పద్ధతిన ఎంపిక చేస్తామని ప్రకటించారు. గతేడాది డిసెంబర్‌లో దరఖాస్తులు స్వీకరించారు. జిల్లా నలుమూలల నుంచి నిరుద్యోగులు పెద్దసంఖ్యలో దరఖాస్తు చేసుకున్నారు. పోస్టులు తక్కువ, దరఖాస్తులు అధికంగా ఉండడంతో స్క్రీనింగ్‌ చేసే పనిలో అధికారులు నిమగ్నమయ్యారు. సుల్తానాబాద్‌లో ఓల్డ్‌ ఏజ్‌ హోమ్‌ జిల్లాలోని పలు ప్రాంతాలకు చెందిన నిరుద్యోగులు వివిధ ఉద్యోగాల కోసం భారీగా దరఖాస్తు చేసుకున్నారు. సుల్తానాబాద్‌లో ప్రారంభానికి సిద్ధంగా ఉన్న వయోవృద్ధుల కేంద్రంలో వివిధ ఉద్యోగాల కోసం దరఖాస్తులు ఆహ్వానించారు. దీంతో అవుట్‌ సోర్సింగ్‌ పద్ధతిన భర్తీచేసే 16 పోస్టులకు 1,726 దరఖాస్తులు అందినట్లు అధికారులు తెలిపారు. ఉద్యోగాల వివరాలు.. సంబంధిత అంశాల్లో అర్హలతో వివిధ ఉద్యోగాలు భర్తీ చేస్తారు. ఇందులో సోషల్‌ వర్కర్‌, ఏఎన్‌ఎం, జీఎన్‌ఎం, కేస్‌ వర్కర్‌, పోస్ట్‌ టైటిల్‌, సూపరింటెండెంట్‌, పవర్‌ ఆఫ్‌ మెడికల్‌ స్టాఫ్‌, స్టోర్‌ కీపర్‌ కం అకౌంటెంట్‌, జెండర్‌ స్పెషలిస్ట్‌, హోమ్‌ కో ఆర్డినేటర్‌, విజిట్‌ డాక్టర్‌, సోషల్‌ వర్కర్‌ కం అసిస్టెంట్‌ హోమ్‌ కో ఆర్డినేటర్‌, యోగా థెరపిస్ట్‌ ఉద్యోగాలు భర్తీచేసేందుకు చర్యలు తీసుకుంటున్నారు. పో స్టు ను బట్టి నెలకు రూ.4,000 నుంచి రూ.22,750 వే తనం చెల్లిస్తారు. జిల్లా మహిళా సమాఖ్య ఏజెన్సీ అ ర్హులను ఎంపిక చేస్తుందని అధికారులు తెలిపారు. ఉద్యోగాల ఇప్పిస్తామంటూ.. అధికార పార్టీకి చెందిన కొందరు నాయకులు ఉద్యో గాలు పెట్టిస్తామని రూ.2 లక్షల నుంచి రూ.3లక్షల వరకు డిమాండ్‌ చేస్తున్నారని ప్రచారం సాగుతోంది. డబ్బులు ఇస్తే ఉద్యోగం మీదేనని జిల్లాలోని పలు ప్రాంతాల్లో దళారులు నిరుద్యోగులకు ఆశ చూపుతున్నట్లు తెలిసింది. నిరుద్యోగుల అవసరాలను ఆసరాగా చేసుకున్న కొందరు దళారులు.. అధికార పార్టీతోపాటు అధికారులు సైతం తాము చెప్పినట్టే వింటారని, ఉద్యోగాలు తప్పకుండా వస్తాయని నమ్మబలుకుతూ నిరుద్యోగుల నుంచి సొమ్ము భారీగా వసూలు చేస్తున్నట్లు నిరుద్యోగులు చెబుతున్నారు.

మంథని: టీటీడీ ఆలయ నిర్మాణ ప్రతిపాదనల కోసం కలెక్టర్‌ కోయ శ్రీహర్ష పట్టణంలో గురువారం పర్యటించారు. లక్కేపూర్‌ శివానిగూడెంగుట్ట ప్రాంతాన్ని సందర్శించారు. కలెక్టర్‌ మా ట్లాడుతూ, టీటీడీ ఆధ్వర్యంలో దేవాలయం, కల్యాణ మండపం నిర్మించేందుకు అనువైన స్థలాలు పరిశీలించామ న్నారు. ఆర్డీవో సురేశ్‌, తహసీల్దార్‌ ఆరిఫొద్దీన్‌ పాల్గొన్నారు. సీఎంను కలిసిన ఎమ్మెల్యే గోదావరిఖని: రామగుండం ఎమ్మెల్యే ఎంఎస్‌ రాజ్‌ఠాకూర్‌ గురువారం సీఎం రేవంత్‌రెడ్డిని హైదరాబాద్‌లో మర్యాద పూర్వకంగా కలిశా రు. పుష్పగుచ్ఛం అందజేసి నూతన సంవత్సర శుభాకాంక్షలు తెలిపారు. మంత్రి శ్రీధర్‌బాబు ను కలిసి న్యూఇయర్‌ గ్రీటింగ్స్‌ అందించారు. సావిత్రీబాయికి నివాళి ధర్మారం(ధర్మపురి): సంఘ సేవకురాలు సావిత్రీబాయి పూలే మహిళా సాధికారతకు ఎంతో కృషి చేశారని కరెన్సీపై అంబేడ్కర్‌ ఫొటో సా ధన సమిఇ జాతీయ ఉపాధ్యక్షుడు బొల్లి స్వా మి అన్నారు. స్థానిక బుద్ధ ఫంక్షన్‌హాల్‌లో గురువారం బహుజన నాయకులతో సమావేశం ఏ ర్పాటు చేశారు. ఆమె చిత్రపటానికి పూలమాల వేసి నివాళి అర్పించారు. స్వామి మాట్లాడు తూ, మహిళలు విద్యను అభ్యసించి అన్నిరంగాల్లో రాణించేందుకు ఆమె చేసిన కృషి ఫలతమేనన్నారు. నాయకులు కాంపెల్లి పోచయ్య, తోడేటి రాజలింగయ్య, సుంచు మల్లేసం, చొ ప్పదండి మల్లేశం, నేరువట్ల రాజయ్య, నూనె వెంకటి, మామిడిపల్లి సంతోష్‌, స్వామి, వినయ్‌, నేరువట్ల మధు, భూక్య తిరుపతినాయక్‌, అజ్మీర రాజ్యనాయక్‌, రాజేశం పాల్గొన్నారు. షూటర్‌కు సన్మానం కాల్వశ్రీరాంపూర్‌(పెద్దపల్లి): మీర్జంపేట గ్రా మానికి చెందిన షూటర్‌ ఎలగందులసాయి ప్ర ణవిని స్థానిక ఏఎంసీ కార్యాలయంలో గురువారం సన్మానించారు. తమిళనాడు ఈరోడ్‌లో డిసెంబర్‌ 27, 28వ తేదీల్లో ఇర్వహించిన ‘ఫస్ట్‌ ఓఫెన్‌ నేషనల్‌ మల్టీ టార్గెట్‌ బెంచ్‌ రెస్ట్‌ షూటింగ్‌ అండర్‌–17’లో ఆమె మూడోస్థానం సాధించింది. ఉమ్మడి తెలుగు రాష్ట్రాల నుంచి పాల్గొ న్న వారిలో మనరాష్ట్రం నుంచి సాయిప్రణవి పాల్గొని కాంస్య పతకం సాధించడంతో ఆమె ను సన్మానించి, తల్లిదండ్రులు మాధురి –శేఖర్‌ను అభినందిచారు. మాజీ ఎంపీపీ సార య్యగౌడ్‌, ఏఎంసీ చైర్మన్‌ రామిడి తిరుపతిరెడ్డి, వైస్‌చైర్మన్‌ సబ్బని రాజమల్లు, సర్పంచులు పి.శైలజ, ఆరెల్లి రమేశ్‌, బంగారి రమేశ్‌, జిన్న రాంచంద్రారెడ్డి, గాజుల మోహన్‌, ఉప సర్పంచ్‌ గోలి సుధాకర్‌ తదితరులు పాల్గొన్నారు. నూతన కార్యవర్గం రామగుండం: ఎన్టీపీసీ ఆర్యవైశ్య భవన్‌లో గు రువారం ఆర్యవైశ్య మహిళా సంఘం కార్యవర్గాన్ని అధ్యక్షుడు రావికంటి వరప్రసాద్‌ ప్రకటించారు. సంఘం అధ్యక్షురాలుగా పప్పుల ప్రియాంక, ప్రధాన కార్యదర్శిగా అల్లాడి కళావతి, కోశాధికారిగా రావికంటి హరిత, గౌరవ అ ధ్యక్షురాలుగా రావికంటి అంజలి, ఉపాధ్యక్షు రాలుగా పైడ అపూర్వ, అదనపు కార్యదర్శిగా నార్ల హరిప్రియను ప్రకటించారు. కార్యక్రమంలో ఆర్యవైశ్య సంఘం ప్రతినిధులు రావికంటి ఈశ్వర్‌, రాచర్ల చంద్రశేఖర్‌, పైడ సాయికుమార్‌, కాసనగొట్టు నాగరాజు పాల్గొన్నారు. ‘ధూపదీపం’లోకి మరో 24 ఆలయాలు మంథని/కమాన్‌పూర్‌: మంథని నియోజకవర్గంలోని పెద్దపల్లి, ప్రొఫెసర్‌ జయశంకర్‌ భూపాలపల్లి జిల్లాల్లో 24 ఆలయాలు ధూపదీప నైవేద్యం పథకం పరిధిలోకి చేర్చినట్లు మంత్రి శ్రీధర్‌బాబు గురువారం తెలిపారు. మంథని, కమాన్‌పూర్‌, రామగిరితోపాటు తూర్పు మండలాల్లోని పలు ఆలయాలకు నిధులు మంజూరు చేశారు. వాటిని త్వరలో సందర్శించనున్నట్లు మంత్రి పేర్కొన్నారు.

సాక్షిప్రతినిధి, కరీంనగర్‌: మున్సిపల్‌ ఎన్నికలు సమీపిస్తున్నాయన్న సంకేతాలు స్పష్టంగా కనిపిస్తున్న వేళ.. ఉమ్మడి జిల్లావ్యాప్తంగా రాజకీయ వాతావరణం వేడెక్కింది. ఉమ్మడి జిల్లా పరిధిలోని కరీంనగర్‌, పెద్దపల్లి, జగిత్యాల, రాజన్నసిరిసిల్ల జిల్లాల్లో 15 మున్సిపాలిటీలు ఉన్నాయి. ఇందులో కరీంనగర్‌, రామగుండం నగరపాలక సంస్థలు కాగా.. మిగిలినవి పురపాలికలు. ఈ మేరకు ఎన్నికల సంఘం ఓటర్ల జాబితాకు కసరత్తు ప్రారంభించడంతో మున్సిపాలిటీలలో ఎన్నికల జోష్‌ కనిపిస్తోంది. ఆశావహుల సందడితో పట్టణాలు, నగరాల్లో రాజకీయ సందడి నెలకొంది. నిన్నటివరకు పల్లెపోరు కారణంగా పట్టణాల్లో మౌనంగా ఉన్న రాజకీయ నాయకులు, కార్యకర్తలు ఇప్పుడు రంగంలోకి దిగారు. బల్దియాల పరిధిలో ప్లెక్సీలు వెలుస్తుండటంతో ఎన్నికల హడావుడి మొదలైనట్లే అనిపిస్తోంది. మున్సిపాలిటీల్లోని ప్రతివార్డు, డివిజన్‌లోనూ తానే అభ్యర్థిని అన్నట్టు ఆశావహుల ఫ్లెక్సీలు దర్శనమిస్తున్నాయి. ఎక్కడ చూసినా శుభాకాంక్షల బ్యానర్లు, ఫ్లెక్సీలే కనిపిస్తున్నాయి. ఏకాదశి, కొత్త ఏడాది, సంక్రాంతి వంటి పండుగలను వేదికగా చేసుకుని ప్రజల్లోకి వెళ్లేందుకు ఆశావహులు పోటీపడుతున్నారు. శుభాకాంక్షలతో పాటు పరిచయం పెంచుకోవడం అనే వ్యూహంతో ఇంటింటికీ తిరుగుతూ నూతన సంవత్సర క్యాలెండర్‌లు, డైరీలు పంచుతూ.. తమ ఉనికిని గుర్తు చేస్తున్నారు. ఇది కేవలం పండుగల శుభాకాంక్షలు మాత్రమే కాకుండా.. రాబోయే ఎన్నికలకు రిహార్సల్‌లా మారింది. పార్టీలకు ప్రతిష్టాత్మకం ఇటీవల పంచాయతీ ఎన్నికల్లో ఆటుపోట్లను చవిచూసిన పార్టీలు.. మున్సిపల్‌ ఎన్నికల్లో పక్కా వ్యూహంతో ముందుకెళ్లాలని ప్లాన్‌ చేస్తున్నాయి. అధికార కాంగ్రెస్‌తోపాటు బీఆర్‌ఎస్‌, బీజేపీ మున్సిపల్‌ ఎన్నికలను ప్రతిష్టాత్మకంగా తీసుకుంటున్నాయి. బల్దియాల్లో పాగా వేసేందుకు ఎలాంటి కార్యాచరణ చేపట్టాలనే పక్కాప్లాన్‌ రెడీ చేసుకున్నట్లు తెలుస్తోంది. పంచాయతీ ఎన్నికల్లో అత్యధిక స్థానాలు గెలిచి జోష్‌ మీదున్న అధికార కాంగ్రెస్‌.. మున్సిపల్‌ ఎన్నికలపైనా ధీమాగా ఉంది. గట్టి పోటీ ఇచ్చిన బీఆర్‌ఎస్‌ కూడా మున్సిపాలిటీల్లో తామేం తక్కువ కాదన్నట్లు వ్యూహాలకు పదును పెడుతోంది. ఇక బీజేపీ పంచాయతీ ఎన్నికలో ఊహించిన దానికన్నా ఎక్కువ బలం పెంచుకుని మున్సిపాలిటీలపై కన్నేసింది. మొత్తంగా ఉమ్మడి జిల్లాలో రాజకీయం రసవత్తరంగా మారింది. ఆశావహుల గల్లీ బాట ఆయా పార్టీల్లో టికెట్లు ఆశించి.. పోటీ చేసే ఆశావహులు గల్లీల బాట పట్టారు. ఉదయం ఆలయ దర్శనాలు.. మధ్యాహ్నం సామాజిక కార్యక్రమాల్లో పాల్గొనడం.. సాయంత్రం పార్టీ కార్యకర్తలతో సమావేశాలు. ఇదే రోజువారీ షెడ్యూల్‌గా మారింది. ప్రజల సమస్యలు వింటూ.. చిన్నచిన్న హామీలు ఇస్తూ తమపై సానుకూల అభిప్రాయం ఏర్పడేలా ప్రయత్నిస్తున్నారు. ముఖ్యంగా యువత, మహిళలు, స్వయం సహాయక సంఘాలపై ప్రత్యేక దృష్టి పెట్టినట్లు కనిపిస్తోంది. పార్టీ పెద్దల కంట్లో పడేందుకు చేస్తున్న తాపత్రయం మరోస్థాయికి చేరుతోంది. జిల్లా, నియోజకవర్గ స్థాయి నాయకులు ఎవరి వైపు మొగ్గు చూపుతారో అనే దానిపై ఆశావహులు ఉత్కంఠగా ఎదురుచూస్తున్నారు. ఒకవైపు ప్రజల్లో బలం చూపించాలి. మరోవైపు పార్టీ హైకమాండ్‌కు నమ్మకం కలిగించాలి. ఈ రెండింటి మధ్య సమతుల్యత సాధించేందుకు వారు విశేషంగా శ్రమిస్తున్నారు. కొందరు ఆశావహులు పార్టీ కార్యక్రమాల్లో ముందుండగా.. మరికొందరు సేవా కార్యక్రమాలతో ప్రత్యేకతను చాటుకుంటున్నారు.బల్దియా వార్డులు జనాభా ఎస్టీ ఎస్సీ కరీంనగర్‌ 66 3,28,870 5,999 36,902 (కార్పొరేషన్‌) రామగుండం 60 2,37,636 4,278 50,744 (కార్పొరేషన్‌) ధర్మపురి 15 17,423 200 2,079 జగిత్యాల 50 83,168 547 5,229 కోరుట్ల 33 69,479 342 6,467 మెట్‌పల్లి 26 54,042 504 5,819 రాయికల్‌ 12 15,308 179 1,766 చొప్పదండి 14 16,459 205 3,062 హుజూరాబాద్‌ 30 34,555 309 6,326 జమ్మికుంట 30 39,476 286 7,623 మంథని 13 18,282 208 2,513 పెద్దపల్లి 36 50,762 312 4,527 సుల్తానాబాద్‌ 15 19,772 309 2,561 సిరిసిల్ల 39 92,091 104 6,346 వేములవాడ 28 43,620 453 6,545ప్రభుత్వపరంగా ఇంటెలిజెన్స్‌ సర్వేలు కూడా కీలకంగా మారాయి. కరీంనగర్‌, రామగుండం కమిషనరేట్లతోపాటు జగిత్యాల, సిరిసిల్ల జిల్లాల్లోని పురపాలికల ఎన్నికలపై ప్రజల అభిప్రాయం, స్థానిక సమస్యలు, అధికార పార్టీపై ఉన్న సంతృప్తి.. లేదా అసంతృప్తి వంటి అంశాలను సేకరించేందుకు యంత్రాంగం రంగంలోకి దిగింది. తొలి విడత సర్వే పూర్తయ్యిందని, రెండో విడతకు సిద్ధమవుతున్నారని సమాచారం. ఈ సర్వేల ఆధారంగానే అభ్యర్థుల ఎంపిక, వ్యూహాల రూపకల్పన చేయనున్నారన్న చర్చ రాజకీయ వర్గాల్లో వినిపిస్తోంది. మరోవైపు ఆయా పార్టీలు ప్రైవేటు సర్వేలు చేయిస్తున్నాయి. కొన్ని సర్వే సంస్థలతో వార్డులు, డివిజన్లలో సర్వేలు చురుకుగా కొనసాగుతున్నాయి. మున్సిపల్‌ ఎన్నికలు ఇంకా అధికారికంగా ప్రకటించకపోయినా.. రాజకీయంగా మాత్రం వాతావరణం పూర్తిగా మారిపోయింది. ఆశావహుల సందడి, పార్టీ వ్యూహాలు, ప్రభుత్వ సర్వేలు.. ఇవన్నీ చూస్తుంటే ఎన్నికల సమరం మొదలైనట్టే అనిపిస్తోంది. రానున్న రోజుల్లో ఈ పోటీ మరింత ఉత్కంఠభరితంగా మారనుందన్న అంచనాలు వ్యక్తమవుతున్నాయి.

● జిల్లాలో ‘అరైవ్‌ .. అలైవ్‌’ ప్రారంభం ● రామగుండం సీపీ అంబర్‌ కిశోర్‌ ఝా గోదావరిఖని: రోడ్డు ప్రమాదాల నియంత్రణ ల క్ష్యంగా అరైవ్‌.. అలైవ్‌ కార్యక్రమం చేపట్టామని రా మగుండం పోలీస్‌ కమిషనర్‌ అంబర్‌ కిశోర్‌ ఝా తె లిపారు. రోడ్డు భద్రతపై రూపొందించిన అరైవ్‌ .. అలైవ్‌ ప్రచార పోస్టర్‌ను ట్రాఫిక్‌ ఏసీపీ శ్రీనివాస్‌తో కలిసి తన కార్యాలయంలో గురువారం సీపీ ప్రారంభించారు. ఈనెల 1 నుంచి 31వ తేదీ వరకు రోడ్డు భద్రత మాసోత్సవం నిర్వహిస్తామని తెలిపారు. మద్యం తాగి వాహనం నడపడం, రాంగ్‌ సైడ్‌ డ్రై వింగ్‌, సిగ్న ల్‌ జంపింగ్‌ వంటి నిర్లక్ష్యపు చర్యలు రో డ్డు ప్రమాదాలకు ప్రధాన కారణాలు అవుతున్నా యని వివరించారు. ట్రాఫిక్‌ నిబంధనలు పాటించని వారిపై కఠిన చర్యలు తీసుకుంటామన్నారు. విద్యార్థులు.. యువతకు అవగాహన.. హెల్మెట్‌ తప్పనిసరిగా ధరించాలని, అతివేగం స రికాదన సీపీ అన్నారు. మైనర్‌ డ్రైవింగ్‌ చేయరాదనే విషయాలను స్పష్టంగా తెలియజేస్తామన్నారు. రా త్రివేళ రోడ్డుకు ఇరువైపులా వాహనాలు నిలిపివేయకుండా చర్యలు తీసుకుంటామన్నారు. చలికాలంలో దట్టమైన పొగమంచుతో రహదారులు, ఎదురుగా వచ్చే వాహనాలు, పాదచారులు, జంతువులు, ట్రాఫిక్‌ సిగ్నల్స్‌ స్పష్టంగా కనిపించవని తెలిపారు. ఈ పరిస్థితుల్లో అతివేగం, ఓవర్‌టేక్‌ చేయకుండా జాగ్రత్త వహించాలని, సూచించారు. తప్పనిసరిగా లో బీమ్‌ హెడ్‌లైట్లనే ఉపయోగించాలని పోలీస్‌ కమిషనర్‌ పేర్కొన్నారు. నిర్దిష్ట వేగంతో వాహనాలు నడపడం ద్వారా స్కీడింగ్‌ను నివారించవచ్చని తెలిపారు. కార్యక్రమంలో గోదావరిఖని, పెద్దపల్లి ట్రాఫిక్‌ సీఐలు రాజేశ్వరరావు, అనిల్‌ కుమార్‌ తదితరులు పాల్గొన్నారు.

ఎన్టీపీసీ ఈడీ చందన్‌కుమార్‌ సమంత ఆధ్వర్యంలో..పెద్దపల్లి : పొలంలో వేడుకలు పెద్దపల్లిరూరల్‌ : మూలసాలలో కేక్‌ కట్‌ చేస్తున్న సర్పంచ్‌ శ్వేత గోదావరిఖని: నగరంలో మనాలీఠాగూర్‌..గోదావరిఖని/రామగుండం: జిల్లావాసులు బుధవారం రాత్రి నుంచి గురువారం రాత్రి వరకూ నూతన సంవత్సరం–2026 వేడుకలు అత్యంత ఉత్సాహంగా జరుపుకున్నారు. స్వచ్ఛంద, విద్యార్థి, యువజన, మహిళా సంఘాలు, యువతీయువకులు, ప్రభుత్వ, ప్రభుత్వేతర అధికారులు, సిబ్బంది, ఉద్యోగులు కేక్‌లు కట్‌చేసి మిఠాయిలు పంచిపెట్టారు. పరస్పరం శుభాకాంక్షలు తెలుపుకున్నారు. వేకువజాము నుంచే పలు ఆలయాల్లో భక్తులు ప్రత్యేక పూజలు చేశారు.కేక్‌ కట్‌చేసి.. మిఠాయిలు పంచిపెట్టి..

కోల్‌సిటీ(రామగుండం): రామగుండం బల్దియా క మిషనర్‌ అరుణశ్రీ గురువారం ఓటరు ముసాయి దా జాబితా ప్రదర్శించారు. నగరంలోని 60 డివిజ న్ల జాబితాను కార్యాలయంలో ప్రదర్శించారు. నగరంలోని 60 డివిజన్లలో 1,82,976 మంది ఓటర్లు ఉన్నట్లు గుర్తించినట్లు కమిషనర్‌ తెలిపారు. 262కుపైగా పోలింగ్‌ కేంద్రాలు? ఓటర్లను పోలింగ్‌కేంద్రాల వారీగా విభజిస్తున్నారు. ఒక్కో పోలింగ్‌ కేంద్రంలో 800కు ఓటర్లకు మించకుండా కేటాయించేలా కసరత్తు చేస్తున్నారు. ఓటర్ల సంఖ్య ఎక్కువైతే మరో పోలింగ్‌ కేంద్రాన్ని ఏర్పా టు చేయడానికి లెక్కింపు చేస్తున్నారు. ఓక్కో డివిజన్‌లో సుమారు నాలుగు పోలింగ్‌ కేంద్రాలు ఏర్పా టు చేసే అవకాశాలుంటాయని తెలుస్తోంది. ఈ లె క్కన నగరంలో సుమారు 262 పోలింగ్‌ కేంద్రాల వ రకు ఉండవచ్చని అంచనా. వీటిపై అధికారులు స్పష్టత ఇవ్వలేకపోతున్నారు. ఈనెల 5న రాజకీయ పార్టీల ప్రతినిధులతో జరిపే సమావేశంలో ప్రకటిస్తామని కమిషనర్‌ వెల్లడించారు. కార్యక్రమంలో అడిషనల్‌ కమిషనర్‌ మారుతీప్రసాద్‌, కార్యదర్శి ఉమామహేశ్వర్‌రావు, అసిస్టెంట్‌ సిటీ ప్లానర్‌(ఏ సీపీ) శ్రీహరి, టీపీఎస్‌ నవీన్‌, సూపరింటెండెంట్‌ శ్రీనివాస్‌, ఆర్‌వో ఆంజనేయులు పాల్గొన్నారు.

● పుర పోరుకు అడుగులు ● 10న తుది జాబితా ప్రకటన సాక్షి, పెద్దపల్లి: పంచాయతీ ఎన్నికల్లో పై‘చేయి’ సాధించడంతో రాష్ట్రప్రభుత్వం మున్సిపల్‌ ఎన్నికలకు రంగం సిద్ధం చేస్తోంది. దీనికి అనుగుణంగానే వార్డుల వారీగా ఓటరు జాబితా సవరణకు నోటిఫికేషన్‌ జారీ చేసింది. దీంతో గురువారం ఓటరు ముసాయిదా జాబితా ప్రకటించారు. ఈనెల 4వ తేదీ వరకు అభ్యంతరాలు స్వీకరించి, 5న మున్సిపల్‌, 6న జిల్లాస్థాయిలో రాజకీయపార్టీలు, పోలింగ్‌ సిబ్బందితో సమావేశం కానున్నారు. ఓటరు జాబితా, వార్డులు, పోలింగ్‌ కేంద్రాల ప్రక్రి య పూర్తిగానే ఫిబ్రవరిలో ఎన్నికల నోటిఫికేషన్‌ జారీచేసే అవకాశం ఉందనే చర్చ సాగుతోంది. పాలకవర్గాల గడువు ముగిసి రామగుండం కార్పొరేషన్‌ సహా పెద్దపల్లి, సుల్తానాబాద్‌, మంథని మున్సిపాలిటీలకు 2020 జనవరి 22న ఎన్నికలు జరగ్గా, వాటి ఫలితాలు అదే నెల వె లువడ్డాయి. అదేనెల 28న కొత్త పాలకవర్గాలు కొలువుదీరాయి. గతేడాది జనవరి 27తోనే పాలకవ ర్గాల కాలపరిమితి ముగిసింది. అప్పటి నుంచి బల్దియాల్లో ప్రత్యేకాధికారుల పాలన కొనసాగుతోంది. మారనున్న రిజర్వేషన్లు 2020లో బీఆర్‌ఎస్‌ ప్రభుత్వం నూతన మున్సిపల్‌ చట్టం తీసుకొచ్చి పదేళ్లకు ఒకేరిజర్వేషన్లు అమలు చేస్తామని ప్రకటించారు. ప్రస్తుతం కాంగ్రెస్‌ అధికారంలోకి వచ్చింది. ఇటీవలి పంచాయతీ ఎన్నికల్లో రిజర్వేషన్లు మారడంతో మున్సిపల్‌ ఎన్నికల్లో ఎలా ఉంటాయనే దానిపై స్పష్టత రావడంలేదు. ఈ సారి సీపెక్‌ సర్వే ప్రకారం రిజర్వేషన్లు ఉంటాయా? లేక వార్డు సభల ద్వారా చేస్తారా? అనేది ఎన్నికల కమిషన్‌ నిర్ణయించాల్సి ఉంటుంది. ప్రస్తుత రిజర్వేషన్లలో మహిళ, జనరల్‌ రిజర్వేషన్లు రొటేషన్‌ పద్ధతిలో మారే అవకాశాలు ఎక్కువగానే ఉన్నాయి. అక్టోబర్‌ జాబితా ఆధారంగానే ఎన్నికల సంఘం 2023 అక్టోబర్‌ 31న ప్రకటించిన ఓటరు జాబితా ఆధారంగానే వార్డుల వారీగా ఓట రు జాబితాను సిద్ధం చేయాలని ఆదేశాలు వచ్చా యి. అధికారులు ఇప్పటికే వార్డులు, పోలింగ్‌ కేంద్రాల వారీగా ఓటరు జాబితా సిద్ధం చేసి ముసాయి దా జాబితా ప్రకటించారు. అభ్యంతరాల స్వీకరణ కు 4వ తేదీ వరకు గడువు విధించారు. 5న మున్సిపల్‌ స్థాయిలో వివిధ పార్టీలతో కమిషనర్లు సమావేశాలు నిర్వహించి 10న తుది జాబితా ఇస్తారు.

కాల్వశ్రీరాంపూర్‌(పెద్దపల్లి): పెద్దపల్లి జిల్లా కాల్వశ్రీరాంపూర్‌ మడంలం తారుపల్లి గ్రామానికి చెందిన ఒద్ది ప్రవీణ్‌రావు కారులోంచి రూ.85 వేలు చోరీచేసిన కేసులో ఖమ్మం అర్బన్‌ జిల్లా రోటరీనగర్‌ పోలీస్‌ కాలనీకి చెందిన గుర్రం కోటేశ్వర్‌రావుకు నెలల జైలు, రూ.50 జరిమానా విధిస్తూ న్యాయస్థానం తీర్పు ఇచ్చినట్లు ఎస్సై వెంకటేశ్‌ తెలిపారు. ఒద్ది ప్రవీణ్‌రావు ఫిర్యాదు మేరకు అప్పటి ఎస్సై శ్రీనివాస్‌ కేసు నమోదు చేసుకుని దర్యాప్తు చేశారు. తదుపరి ఎస్సై ఓంకార్‌యాదవ్‌.. నేర పరిశోధన చేసి సుల్తానాబాద్‌ కోర్టులో చార్జ్‌షీట్‌ దాఖలు చేశారు. ఇరువర్గాల వాదనల తర్వాత ముద్దాయికి శిక్ష, జరిమానా విధిస్తూ జ్యుడీషియల్‌ ఫస్ట్‌క్లాస్‌ మెజిస్ట్రేట్‌ గణేశ్‌ తీర్పు చెప్పారు. ఒకేపేజీపై కొత్త క్యాలెండర్‌ కాల్వశ్రీరాంపూర్‌(పెద్దపల్లి): పెద్దపల్లి జిల్లా కాల్వశ్రీరాంపూర్‌ మడంలం తారుపల్లి జెడ్పీ హైస్కూల్‌లో ఎనిమిదో తరగతి విద్యార్థిని ఒజ్జ అక్షిత ఒకేపేజీపై 2026 సంవత్సరపు క్యాలెండర్‌ రూపొందించి ఔరా అనిపించింది. దీనిపై 12 నెలల తేదీల పట్టిక తయారు చేసింది. సామాన్యంగా క్యాలెండర్‌ 12 పేజీలు ఉంటుంది. ఉపాధ్యాయుడు కూరపాటి సత్యప్రకాశ్‌రావు ప్రేరణతో అరుదైన క్యాలెండర్‌ తయారు చేసినట్లు లక్షిత తెలిపింది. క్యాలెండర్‌పై ప్రజలను చైతన్య పరిచేలా వివిధ సామాజిక అంశాలతో కూడిన నినాదాలు పొందు పర్చింది. ఆమెను హెచ్‌ఎం శ్యాంసుందర్‌రెడ్డి, ఉపాధ్యాయులు, తల్లిదండ్రులు, విద్యార్థులు ప్రశంసించారు.

గురువారం శ్రీ 1 శ్రీ జనవరి శ్రీ 2026సుల్తానాబాద్‌లోని గాంధీనగర్‌లో కేక్‌కట్‌ చేస్తున్న కాలనీవాసులుబుధవారం అర్ధరాత్రి దాటాక విద్యుత్‌ సరఫరా సెకన్లపాటు నిలిచిపోయింది.. ఆ వెంటే బాణసంచా పేలింది.. బెలూన్లు గాల్లో ఎగిరాయి.. వినసొంపైన బాణీలు కూర్చిన పాటలతో డీజేలు దద్దరిల్లాయి.. ఎప్పుడెప్పుడా అని ఎగిరి గంతేసేందుకు సిద్ధంగా ఉన్నకుర్రకారు బిగ్గరగా కేరింతలు కొట్టింది.. ‘హ్యాపీ న్యూ ఇయర్‌’ అంటూ చిన్నాపెద్ద తేడాలేకుండా శుభాకాంక్షలు పర్వం జోరుగా సాగించింది. 2025 సంవత్సరానికి వీడ్కోలు పలుకుతూ.. 2026 సంవత్సరానికి ఆహ్వానం పలుకుతూ జిల్లావ్యాప్తంగా ప్రజలు ఉత్సాహంగా వేడుకలు జరుపుకున్నారు. అంతకుముందు కేక్‌లు, మద్యం, ముగ్గులు తదితర సామగ్రి కొనుగోళ్లకు వెళ్లిన వినియోగదారులతో మార్కెట్లు రద్దీగామారాయి. – సాక్షి ఫొటోగ్రాఫర్‌, పెద్దపల్లి

గోదావరిఖని: రామగుండం నగర శివారులోని గోదావరి నదీతీరంలో ఈనెల 28 నుంచి 31వ తేదీ వరకు సమ్మక్క–సారలమ్మ జాతర నిర్వహణకు యంత్రాంగం చర్యలు తీసుకుంటోంది. ఇందుకోసం గద్దెల వద్ద చేపట్టిన అభివృద్ధి పనులు శరవేగంగా కొనసాగుతున్నాయి. సీసీరోడ్డు, తోరణం తదితర పనులు చేపట్టారు. జాతర ఆధునికీకరణ కోసం సింగరేణి యాజమాన్యం సుమారు రూ.4కోట్లు, మున్సిపల్‌ కార్పొరేషన్‌ యంత్రాంగం మరికొన్ని నిధులు సమకూర్చాయి. గద్దెల ప్రాంతాన్ని 4 మీటర్ల వరకు ఎత్తుపెంచడం, ఫ్లోరింగ్‌ చేయడం, ప్రహరీ నిర్మాణం, గ్రిల్స్‌ ఏర్పాటు చేయడం, సీసీ రోడ్ల నిర్మాణం తదితర పనుల్లో వేగం పెంచారు. జాతర ప్రాంగణం ముందు సమ్మక్క–సారలమ్మ విగ్రహాలను ఏర్పాటు చేస్తున్నారు. గతంలో లాగా జాతరలోకి వెళ్లే ఎడమవైపు టికెట్‌ కౌంట ర్లు, కుడివైపు క్యూలైన్లు నిర్మిస్తున్నారు. భారీ షెడ్డు నిర్మాణం జాతర సమయంతో పాటు ఇతర రోజుల్లో కూడా ఈప్రాంతానికి వచ్చే భక్తులు సేదతీరేందుకు భారీ రేకుల షెడ్డు నిర్మించారు. దాని చుట్టూ గోడల నిర్మాణం శరవేగంగా సాగుతోది. ఒకేలైన్‌లో అమ్మవారి గద్దెలు.. సమ్మక్క– సారలమ్మ, జంపన్న గద్దెలు ఒకేలైన్‌లో ఏర్పాటు చేశారు. భక్తులు దర్శనం చేసుకునేందుకు వీలుగా రెండువైపులా ప్రత్యేకంగా ఐరన్‌ గ్రిల్స్‌ ఏర్పాటు చేస్తున్నారు. పుష్కరఘాట్‌ ఆధునికీకరణ భక్తులు పుణ్యస్నానాలు చేసేందుకు వీలుగా పుష్కరఘాట్‌ను ఆధునికీకరిస్తున్నారు. నదిలోకి వెళ్లి స్నానాలు చేసేందుకు మెట్ల మార్గాన్ని మరమ్మతు చేస్తున్నారు. జల్లు స్నానాలు చేసేందుకు వీలుగా సింగరేణి పైపులైన్లు ఏర్పాటు చేస్తోంది. మెట్ల పనులు ఇంకా ప్రారంభించలేదు. పాతికేళ్ల అవసరాలకు అనుగుణంగా నిర్మాణం జాతర సమయంలోనే కాకుండా ఏడాది పాటు భక్తులు వచ్చేలా అన్నిఏర్పాట్లు చేస్తున్నాం. సెలవురోజుల్లో కుటుంబ సమేతంగా వచ్చి ఆహ్లాదంగా గడిపేలా పర్యాటక ప్రాంతంగా తీర్చిదిద్దుతున్నాం. మరోపాతికేళ్ల అవసరాలకు అనుగుణంగా సమ్మక్క– సారలమ్మ జాతర ఏర్పాట్లు జరుగుతున్నాయి. – ఎంఎస్‌ రాజ్‌ఠాకూర్‌, ఎమ్మెల్యే, రామగుండం

కోల్‌సిటీ(రామగుండం): మున్సిపల్‌ ఎన్నికల ప్రక్రియకు అడుగులు పడడంతో రామగుండం బల్దియా అధికారులు, ఉద్యోగులు మూడురోజులుగా విధు ల్లో బిజీగా గడుపుతున్నారు. మంగళవారం ఉద యం నుంచి బుధవారం వేకువజాము వరకు తె లంగాణ స్టేట్‌ ఎలక్షన్‌ కమిషన్‌కు చెందిన టీ పోల్‌ సాఫ్ట్‌వేర్‌లో 60 డివిజన్లలో వార్డుల వారీగా ఓటర్ల వివరాలను అప్‌లోడ్‌ చేశారు. నగరపాలక కమిషన ర్‌ అరుణశ్రీ స్వయంగా ఉద్యోగులోపాటు పర్యవేక్షిస్తూ ఉండడం గమనార్హం. అయితే సుమారు లక్షా 85 వేలపైచిలుకు మంది ఓటర్లు ఉండడంతో ఈ ప్రక్రియ సకాలంలో పూర్తికాలేదు. దీంతో బుధవారం రాత్రి వరకు ఓటర్ల వివరాలను అప్‌లోడ్‌ చేస్తూనే ఉన్నారు. పోలింగ్‌ కేంద్రాల వారీగా ఓటర్ల జాబితాను విభజించిన అధికారులు.. వార్డుల వారీగా ఓటర్ల జాబితాకు రూపకల్పన చేపట్టారు. గురువారం ఓటర్ల జాబితా డ్రాఫ్ట్‌ ప్రచురణ చేయనున్నారు. 60 డివిజన్లలో 260 లోపు పోలింగ్‌ స్టేషన్లు ఉండవచ్చని తెలుస్తోంది. ఒక్కో పోలింగ్‌ బూత్‌లో 800 మంది ఓటర్ల కన్నా ఎక్కువ కాకుండా విభజిస్తున్నారని సమాచారం.

రామగుండం: మరోవారం రోజుల్లో విద్యాసంస్థలకు సంక్రాంతి సెలవులు ప్రకటించనున్నారు. పట్టణాలు, నగరంలో చదివే విద్యార్థులు, వృత్తిరీత్యా స్వగ్రామానికి దూరంగా ఉంటున్న కుటుంబాలు స్వగ్రామానికి చేరుకోవడం సహజం. కోల్‌బెల్ట్‌ నుంచి లక్షలాది మంది ఇలా ఇతర ప్రాంతాల్లో ఉన్నారు. సెలవులకు వచ్చేవారితో కాగజ్‌నగర్‌ వైపు నడిచే రైళ్లు, ఆర్టీసీ బస్సుల్లో రద్దీ అమాంతం పెరుగుతంది. ఇందుకు అనుగుణంగా రైళ్ల సంఖ్య పెంచకపోవడం విస్మయానికి దారితీస్తోంది. అదనపు రైళ్లు నడిపించాలి.. సికింద్రాబాద్‌ నుంచి సిర్‌పూర్‌కాగజ్‌నగర్‌ మధ్య నడిచే భాగ్యనగర్‌, ఇంటర్‌సిటీ, వందేభారత్‌, తెలంగాణ, కాగజ్‌నగర్‌, దాణాపూర్‌ తదితర రైళ్లకు అదనపు సర్వీసులు నడిపించాలని ప్రయాణికులు కోరుతున్నారు. విజయవాడ నుంచి కోల్‌బెల్ట్‌కు సైతం ప్రతీరోజు రెండు ఫెస్టివల్‌ రైళ్లను నడిపించాలనే డిమాండ్‌ ఉంది. కోల్‌బెల్ట్‌ రూట్‌లో ఊసేలేని సంక్రాంతి పండుగ ప్రత్యేక రైళ్లు

మంథనిరూరల్‌: మహిళలు ఆర్థిక స్వావలంబన దిశగా అడుగులు వేస్తున్నారు. నిన్నామొన్నటి వరకు వంటింటికే పరిమితమైన గువలు.. నేడు ఉపాధి మార్గాల వైపు దృష్టి సారిస్తున్నారు. కుటుంబానికి తమవంతుగా ఆసరాగా నిలవాలనే సంకల్పంతో ముందుకు సాగుతున్నారు. ఈ క్రమంలో డీఆర్డీఏ, సెర్ప్‌ ఆధ్వర్యంలో చేపట్టిన స్వయం ఉపాధి కార్యక్రమాలపై ఆసక్తి చూపుతున్నారు. వియాట్రిస్‌ ఫెమీలైఫ్‌ సైన్స్‌ ప్రైవేట్‌ సంస్థ సహకారంతో ఎలీప్‌ సంస్థ ఆధ్వర్యంలో నియోజకవర్గంలోని నాలుగు మండలాల్లో ఏర్పాటు చేసిన ఉచిత కుట్టు శిక్షణ పొందుతున్నారు. నాలుగు మండలాలు.. 20 శిక్షణ కేంద్రాలు మంథని, ముత్తారం, రామగిరి, కమాన్‌పూర్‌ మండలాల్లో 20 ఉచిత కుట్టు శిక్షణ కేంద్రాలను ఏర్పాటు చేశారు. మంథని మండలంలో 11, ముత్తారంలో 03, రామగిరి మండలంలో 03, కమాన్‌పూర్‌ మండలంలో 03 శిక్షణ కేంద్రాలను ఏర్పాటు చేయగా.. ఒక్కో సెంటర్‌లో సుమారు 50 మంది వరకు మహిళలు ఉచితంగా కుట్టు శిక్షణ పొందుతున్నారు. కేంద్రాలను ప్రారంభించిన మంత్రి గతేడాది నవంబర్‌ 24న మంథని నియోజకవర్గంలో వివిధ అభివృద్ధి కార్యక్రమాల్లో పాల్గొన్న మంత్రి దుద్దిళ్ల శ్రీధర్‌బాబు.. ఎగ్లాస్‌పూర్‌ రైతువేదికలో ఏర్పాటు చేసిన ఉచిత కుట్టు శిక్షణ కేంద్రాన్ని కలెక్టర్‌ కోయ శ్రీహర్షతో కలిసి ప్రారంభించారు. మహిళలకు ఆర్థిక చేయూతనందించే విధంగా ఉపాధి అవకాశాల కల్పన కోసమే శిక్షణ కేంద్రాలను ఏర్పాటు చేసినట్లు మంత్రి తెలిపారు. అదేనెల 25 నుంచి నాలుగు మండలాల్లో ఏర్పాటు చేసిన కేంద్రాల్లో ఉచిత శిక్షణ ప్రారంభమైంది. ప్రత్యేక శిక్షకుల పర్యవేక్షణలో.. ఉచిత కుట్టు శిక్షణ కేంద్రాల్లో ప్రత్యేక శిక్షకుల పర్యవేక్షణలో మహిళలు తర్ఫీదు పొందుతున్నారు. ఒక్కో కేంద్రంలో ఇద్దరు శిక్షకులను నియమించారు. రోజూ ఉదయం 9 గంటల నుంచి సాయంత్రం 5గంటల వరకు రెండు బ్యాచ్‌లుగా ఏర్పాటు చేసి శిక్షణ ఇస్తున్నారు. మధ్యాహ్న సమయంలో భోజన సదుపాయం కూడా కల్పించారు. మిషన్‌.. చేతి కుట్టుపై.. ఉచిత మిషన్‌ కుట్టు కేంద్రాల్లో మిషన్‌ కుట్టు, చేతికుట్టుపై ప్రత్యేకంగా శిక్షణ ఇస్తున్నారు. ఒక్కో కేంద్రంలో సుమారు 50 మంది మహిళలు, యువతులు శిక్షణ పొందుతున్నారు. వీరికి అవసరమైన వస్త్రాలు, టేపు, దారపురీళ్లు, సూదులు ఒక బ్యాగ్‌ను కంపెనీ ఉచితంగా అందజేసింది. ముఖ్యంగా ఖాజాలు కుట్టడం, కొలతలు తీసుకోవడం, పంపకాలు, కటింగ్‌ వంటివి ఈ శిక్షణలో నేర్పిస్తున్నారు.

రాయికల్‌: రాయికల్‌ పట్టణంలోని మార్కండేయనగర్‌ కాలనీకి చెందిన వృద్ధురాలు బాలమ్మపై వీధికుక్కలు దాడి చేశాయి. దాడిలో ఆమె కింద పడడంతో తలకు తీవ్రగాయాలయ్యాయి. గమనించిన స్థానికులు ఆమెను స్థానిక ప్రభుత్వ ఆస్పత్రికి తీసుకెళారు. అత్యవసర వైద్యం కోసం అంబులెన్స్‌లో జగిత్యాల ఏరియా ఆస్పత్రికి తరలించారు. పొలంలోనే రైతు మృతికోనరావుపేట(వేములవాడ): పొలం వద్ద ద్విచక్రవాహనంపై వరినారు తరలిస్తుండగా ప్రమాదవశాత్తు వాహనం పడడంతో రైతు మృతి చెందాడు. గ్రామస్తులు తెలిపిన వివరాలు. రాజన్నసిరిసిల్ల జిల్లా కోనరావుపేట మండలం కొండాపూర్‌కు చెందిన నేవూరి దేవయ్య(63) పొలం వద్ద నాట్లు వేస్తున్నారు. టీవీఎస్‌ వాహనంపై వరినారును పెట్టుకొని వెళ్తుండగా ప్రమాదవశాత్తు వాహనం అదుపుతప్పి పక్కనే ఉన్న పొలంలో పడిపోగా అతనిపై వాహనం, నారు పడింది. దీంతో ఊపిరాడక అక్కడికక్కడే మృతిచెందాడు. చుట్టు పక్కల రైతులు గమనించి బయటకు తీసేలోపే ప్రాణాలు కోల్పోయాడు. మృతుడికి భార్య అనసూయ, ఇద్దరు కూతుళ్లు, ఒక కుమారుడు ఉన్నారు.

మల్లాపూర్‌: రోడ్డు ప్రమాదంలో ఓ వ్యక్తి మృతి చెందిన సంఘటన మండలంలోని చిట్టాపూర్‌–ధర్మారం గ్రామాల మధ్య బుధవారం చోటుచేసుకుంది. పోలీసుల కథనం ప్రకారం.. మహారాష్ట్రలోని ఉమ్రి మండలకేంద్రానికి చెందిన నామ్లవర్‌ బాలాజీ(40) తన కుటుంబంతో బతుకుదెరువు కోసం రాయికల్‌ మండలం ఇటిక్యాలకు నాలుగేళ్ల క్రితం వలస వచ్చాడు. బట్టలు ఉతుకుతూ కుటుంబాన్ని పోషించుకుంటున్నాడు. ఉపాధి కోసం తన ద్విచక్రవాహనంపై వెళ్తుండగా చిట్టాపూర్‌–ధర్మారం గ్రామాల మధ్య రహదారిపై బైక్‌ ఆదుపుతప్పి కందకంలో పడిపోయి అక్కడిక్కడే మృతి చెందాడు. మృతుడి భార్య ఫిర్యాదు మేరకు కేసు దర్యాప్తు చేస్తున్నట్లు ఎస్సై రాజు తెలిపారు.

మెట్‌పల్లిరూరల్‌: మూడురోజుల క్రితం మెట్‌పల్లిలో వెలుగుచూసిన హానీట్రాప్‌ దందాలో లెక్కలేని మంది బాధితులు ఉన్నట్లు ప్రచారం సాగుతోంది. సుమారు రెండేళ్లుగా ఈ ముఠా తమ దందాను కొనసాగించినట్లు సమాచారం. ముఠాలో ముగ్గురిని బుధవారం సాయంత్రం పోలీసులు రిమాండ్‌ చేశారు. మరో ముగ్గురు నిందితులు పోలీసులకు చిక్కిన అనంతరం తిరిగివస్తామని చెప్పి జాడలేకుండా పోయినట్లు తెలుస్తోంది. ఈ ముగ్గురు నిందితుల ఆచూకీ కోసం పోలీసులు తీవ్రంగా గాలిస్తున్నారు. వీరు యాంటిసిపేటరీ బెయిల్‌ తెచ్చుకునే యత్నాల్లో ఉన్నట్లు తెలిసింది. రెండేళ్లుగా దందా మెట్‌పల్లిలో వెలుగుచూసిన హానీట్రాప్‌ దందా సుమారు రెండేళ్లుగా కొనసాగుతున్నట్లు సమాచారం. నిందితుని సెల్‌ఫోన్‌లో పదుల సంఖ్యలో వీడియోలు ఉన్న విషయం వెలుగులోకి రావడంతో బాధితుల సంఖ్య మరింత ఎక్కువగానే ఉన్నట్లు ప్రచారం జరుగుతోంది. హానీ ట్రాప్‌లో చిక్కుకుపోయిన నిందితులు తమ పరువు ఎక్కడ పోతుందన్న భయంతో ఈ ముఠా అడిగినంత మేర డబ్బులు చెల్లించి తప్పుకున్నట్లు తెలుస్తోంది. బాధితుల్లో కొంత మంది వ్యాపారులు, రియల్టర్లు, చిన్నాచితక లీడర్లు ఉన్నట్టుగా సమాచారం. ప్రస్తుతం ఈ ముఠా వ్యవహారం వెలుగులోకి రావడంతో కొంతమంది బాధితులు పోలీసులను కలిసి తాము సైతం మోసపోయామని చెప్పుకున్నట్లు సమాచారం. ఈ క్రమంలో పోలీసులు వేగవంతంగా.. లోతుగా విచారణ చేపట్టేందుకు ఏర్పాట్లు చేశారు. నిందితుల సెల్‌ఫోన్లను పూర్తిస్థాయిలో పరిశీలించి వివరాలు సేకరించే యత్నాల్లో ఉన్నారు. నిందితుల్లో ఒకరి సెల్‌పోన్‌లో సుమారు రూ.20 లక్షల మేర లావాదేవీలు జరిగినట్లుగా పోలీసులు గుర్తించినట్లు సమాచారం. హానీ ట్రాప్‌ ముఠాలో నిందితులు బల్మూరి స్వప్న, కోరుట్ల రాజు, దేవ నర్సయ్యను బుధవారం సాయంత్రం పోలీసులు రిమాండ్‌ చేసినట్లు సమాచారం. మొదట పోలీసుల అదుపులో ఉండి తరువాత కనిపించకుండా పోయిన మరో ముగ్గురు నిందితులు ఎక్కడున్నారో జాడ తెలియడం లేదు. మంగళవారం రాత్రి నుంచి ఈ ముగ్గురు నిందితులు యాంటిసిపేటరీ బెయిల్‌ కోసం ప్రయత్నాలు చేసే క్రమంలోనే జాడ లేకుండా పోయినట్లు ప్రచారం జరుగుతోంది. ఈ ముగ్గురిని పట్టుకునేందుకు పోలీసులు ముమ్మర యత్నాలు చేస్తున్నారు. వీరి సెల్‌పోన్లు ఠాణాలోనే ఉండటంతో వీరి జాడ తెలియడం సమస్యగా మారినట్లు తెలిసింది. మెట్‌పల్లి పరిసరాల్లో హానీట్రాప్‌ అంశం చర్చనీయాంశంగా మారిన క్రమంలో ఇదివరకు మోసపోయిన బాధితులు ఫిర్యాదు చేసే అవకాశాలున్నాయని సమాచారం. బాధితులు ఎందరో.. నిందితుల్లో ముగ్గురు రిమాండ్‌ మరింత లోతుగా విచారణ జాడలేని మరో ముగ్గురు నిందితులు

అధికారులు, ప్రజాప్రతినిధు లు, మంత్రుల సహకారంతో జిల్లా ప్రగతిని పరుగులు పెట్టిస్తాం. ప్రభుత్వ లక్ష్యాలకు అనుగుణంగా సంక్షేమ పథకాలు అర్హులకు చేరవేస్తాం. విద్య, వైద్యంపై ప్రత్యేక దృష్టి సారించాం. పారిశుధ్యంపై ప్రత్యేక శ్రద్ధ తీసుకుంటాం. – కోయ శ్రీహర్ష, కలెక్టర్‌ నేరాలు నియంత్రిస్తాం జిల్లావ్యాప్తంగా ప్రతీగ్రామంలో సీసీ కెమెరాలు ఏర్పాటు చేశాం. తద్వారా నేరాలను నియంత్రిస్తాం. రోడ్డు ప్రమాదాల నియంత్రణకు రహదారుల వెంట బ్లాక్‌ స్పాట్లు గుర్తించి తగిన చర్యలు తీసుకుంటాం. ప్రతీఇంట్లో సీసీ కెమెరా ఏర్పాటు చేసుకోవాలి. – రాంరెడ్డి, డీసీపీ, పెద్దపల్లి ఆర్థికంగా నిలదొక్కుకోవాలి కొత్త సంవత్సరంలో జిల్లావాసులు సుఖశాంతులతో ఉండాలి. రైతులకు పంటలు బాగా పండించాలి. అంద రూ ఆర్థికంగా నిలదొక్కుకోవాలి. యువత, నిరుద్యోగులు స్వయం ఉపాధి పథకాల ద్వారా ఉపాధి పొందాలి. ప్రభుత్వ ఉద్యోగాలూ సాధించాలి. – విజయరమణారావు, ఎమ్మెల్యే, పెద్దపల్లి టూరిజం హబ్‌ లక్ష్యం 800 మెగావాట్ల పవర్‌ప్లాంట్‌కు శంకుస్థాపన చేస్తాం. సింగరేణి 500 మెగావాట్ల పంప్‌డ్‌ స్టోరేజీ పవర్‌ ప్లాంట్‌ పనులు ప్రారంభిస్తాం. టూరిజం, బిజినెస్‌, పవర్‌, మెడికల్‌, ఎడ్యుకేషన్‌ హబ్‌లుగా తీర్చిదిద్దేందుకు ప్రణాళికతో ముందుకు సాగుతున్నాం. – రాజ్‌ఠాకూర్‌, ఎమ్మెల్యే, రామగుండం

కోల్‌సిటీ(రామగుండం): గోదావరిఖని ప్రభు త్వ జనరల్‌ ఆస్పత్రి(జీజీహెచ్‌)ని కలెక్టర్‌ కో య శ్రీహర్ష బుధవారం ఆకస్మికంగా తనిఖీ చే శారు. క్రిటికల్‌ కేర్‌, ఆర్థోపెడిక్‌ సర్జరీ బ్లాక్‌, ఓ పీ విభాగాలను సందర్శించారు. అధికారుల తో సమావేశమయ్యారు. వైద్యులు సమయపాలన పాటించాలని, పేషెంట్లకు మెరుగైన వై ద్యసేవలు అందించాలని ఆయన ఆదేశించా రు. తమకు ఫిర్యాదులు రాకుండా వైద్యసిబ్బంది సేవలు అందించాలని సూచించారు. ఆస్ప త్రి సూపరింటెండెంట్‌ దయాళ్‌సింగ్‌, ఆర్‌ఎంవోలు కృపాబాయి, దండె రాజు పాల్గొన్నారు. నిబంధనలు అతిక్రమించొద్దుపెద్దపల్లి: నూతన సంవత్సరం సందర్భంగా జి ల్లావాసులు ప్రశాంత వాతావరణంలో వేడుక లు జరుపుకోవాలని, నిబంధనలు అతిక్రమిస్తే కఠిన చర్యలు తీసుకుంటామని ఏసీపీ కృష్ణ అ న్నారు. సీఐ ప్రవీణ్‌ కుమార్‌, ఎస్సైలు లక్ష్మణ్‌రావు, మల్లేశ్‌, శ్రీధర్‌తో కలిసి బుధవారం జి ల్లా కేంద్రంలో ఆయన విలేకరుల సమావేశంలో మాట్లాడారు. మద్యం, గంజాయి తదితర మత్తు పదార్థాలు తీసుకుని అతివేగంగా వాహనాలు నడపొద్దని, ట్రిబుల్‌ రైడింగ్‌ చేయవద్దని సూచించారు. బెల్ట్‌షాపులు మూసివేయాలని అన్నారు. ప్రతీ జంక్షన్‌ వద్ద పోలీస్‌లు ఉంటా రని, పెట్రోలింగ్‌ పార్టీలు తిరుగుతాయన్నారు. జాతీయ పోటీలకు ఎంపిక ధర్మారం(ధర్మపురి): స్థానిక ఆదర్శ పాఠశాల విద్యార్థి మేరగుతత్తుల యశ్వంత్‌తేజ అండ ర్‌– 14లో జాతీయస్థాయి వాలీబాల్‌ పోటీ ల కు ఎంపికై నట్లు పీఈటీ బైకని కొమురయ్య తె లిపారు. మేడారం గ్రామానికి చెందిన యశ్వంత్‌తేజ.. ఏడో తరగతి చదువుతున్నాడు. ఈనె ల 5 నుంచి 9వ తేదీ వరకు హిమాచల్‌ప్రదేశ్‌ లో జరిగే ఎస్జీఎఫ్‌ 69వ జాతీయ స్థాయి పోటీలకు తెలంగాణ జట్టు తరఫున యశ్వంత్‌ పా ల్గొంటాడన్నారు. విద్యార్థిని ప్రిన్సిపాల్‌ రాజ్‌కుమార్‌ బుధవారం అభినందించారు. వ్యాయా మ ఉపాధ్యాయులు కొమురయ్య, మేకల సంజీవరావు, ఉపాధ్యాయులు పాల్గొన్నారు. అన్నివర్గాలు బాగుండాలి మంథని: కొత్త సంవత్సరంలో అన్నివర్గాలు సుఖసంతోషాలతో ఉండాలని మంథని మాజీఎమ్మెల్యే పుట్ట మధు ఆకాక్షించారు. 2025కు గుడ్‌బై చెబుతూ, 2026కు ఆహ్వానం పలుకుతూ స్థానిక రాజగృహలో బుధవారం బీఆర్‌ఎస్‌ పార్టీ శ్రేణులు వేడుకలు జరుపుకున్నారు. పుట్ట మధు న్యూ ఇయర్‌ కేక్‌ కట్‌ చేసి మిఠాయిలు పంపిణీ చేశారు. జయశంకర్‌ భూపాలపల్లి జిల్లా పరిషత్‌ మాజీ చైర్‌పర్సన్‌ జక్కు శ్రీహర్షిణి తదితరులు పాల్గొన్నారు. క్వింటాల్‌ పత్తి రూ.7,468 పెద్దపల్లిరూరల్‌: స్థానిక వ్యవసాయ మార్కెట్‌యార్డు ఆవరణలో బుధవారం పత్తి క్వింటాల్‌కు గరిష్టంగా రూ.7,468 ధర పలికింది. కనిష్టంగా రూ.5,222, సగటు రూ.7,188గా ధర నమోదైందని మార్కెట్‌ ఇన్‌చార్జి కార్యదర్శి ప్రవీణ్‌రెడ్డి తెలిపారు. బుధవారం 227 క్వింటాళ్ల పత్తి కొనుగోలు చేసినట్లు పేర్కొన్నారు. ఫేక్‌ఫోన్‌కాల్స్‌కు స్పందించొద్దు పెద్దపల్లిరూరల్‌: తాను మున్సిపల్‌ కమిషనర్‌ కోటేశ్వర్‌రావును మాట్లాడుతున్నానని, ట్రేడ్స్‌ లైసెన్స్‌ రెన్యూవల్‌ చేసుకోవాలని, ఇందు కో సం ఫోన్‌పే ద్వారా ఫీజు చెల్లించాలని కొందరు గుర్తుతెలియనివారు వ్యాపారులకు ఫోన్‌చేస్తున్నారని, ఇలాంటి వాటిని నమ్మొద్దని బల్దియా కమిషనర్‌ వెంకటేశ్‌ తెలిపారు. పన్ను చెల్లించాలంటూ తమ ఆఫీసు నుంచి ఎవరూ ఫోన్‌కాల్స్‌ చేయరని, అధికారులు మీవద్దకే వస్తారన్నారు. ఫోన్‌కాల్స్‌పై సైబర్‌ క్రైం పోలీసులకు ఫిర్యాదు చేస్తామని కమిషనర్‌ వివరించారు. మరోవైపు.. మాజీ ఎంపీపీ డాక్టర్‌ జయలక్ష్మి పేరిట ఇన్‌స్ట్రాగామ్‌లో ఆమె ఫొటోను ఉంచి రూ.15వేలను ఫోన్‌పే చేయాలని గుర్తుతెలియని వ్యక్తులు పోస్టు చేశారని, ఎవరూ స్పందించొద్దని జయలక్ష్మి కోరారు.

జగిత్యాలక్రైం: చిట్టీ డబ్బులు అడినందుకు కొలగాని అంజయ్య (55)ను దారుణంగా హత్య చేశారు. జగిత్యాలలోని గోవిందుపల్లికి చెందిన అంజయ్య మెస్‌తోపాటు, చిట్టీలు నిర్వహిస్తాడు. గణేశ్‌నగర్‌కు చెందిన శ్రీనివాస్‌ ఇటీవల చిట్టీ ఎత్తుకుని డబ్బులు చెల్లించకపోవడంతో బుధవారం రాత్రి గణేశ్‌నగర్‌లోని కమాన్‌ వద్దగల కాఫీ సెంటర్‌ వద్ద శ్రీనివాస్‌ కనిపించడంతో చిట్టీ డబ్బులు చెల్లించాలని అంజయ్య ఒత్తిడి చేశారు. ఇద్దరి మధ్య తీవ్ర వాగ్వివాదం చోటుచేసుకోగా.. శ్రీనివాస్‌ తన కుమారునికి ఫోన్‌ చేసి రమ్మన్నాడు. శ్రీనివాస్‌ కుమారుడు తీవ్ర ఆగ్రహంతో వచ్చి అంజయ్యపై విచక్షణారహితంగా దాడిచేశాడు. తీవ్రంగా గాయపడిన అంజయ్యను జగిత్యాలలోని ఓ ప్రైవేటు ఆస్పత్రికి తరలించగా చికిత్స పొందుతూ మృతిచెందాడు. పట్టణ సీఐ కరుణాకర్‌ సంఘటన స్థలానికి చేరుకుని విచారణ చేపట్టారు. హత్యలో ఎంతమంది ప్రమేయం ఉందన్న విషయంపై విచారణ చేపడుతున్నట్లు పోలీసులు తెలిపారు.

జైపూర్‌: మంచిర్యాల జిల్లా జైపూర్‌ మండల కేంద్రంలోని 1200మెగావాట్ల సింగరేణి థర్మల్‌ పవర్‌ ప్లాంటు(ఎస్టీపీపీ)లో బుధవారం ఉదయం 7గంటలకు ప్రమాదం చోటుచేసుకుంది. విద్యుత్‌ ఉత్పత్తి, నిర్వహణ బాధ్యతలు చేపడుతున్న పవర్‌మేక్‌ కంపెనీకి సబ్‌ కాంట్రాక్టుగా వ్యవహరిస్తున్న గ్లోబస్‌ కంపెనీలో పెద్దపల్లి జిల్లా గోదావరిఖని పట్టణానికి చెందిన కుడక శ్రీనివాస్‌ స్విచ్‌గేర్‌ ఆపరేటర్‌గా పని చేస్తున్నాడు. మంగళవారం రాత్రి విధులకు వచ్చిన శ్రీనివాస్‌ ఉదయం 6:50సమయంలో యాష్‌హ్యాండ్లింగ్‌ ప్లాంటు(ఏహెచ్‌పీ)లో మాడ్యు ల్‌ ఆఫ్‌ చేసి పని చేస్తున్న క్రమంలో దాంట్లో నుంచి ఒక్కసారిగా ఫ్లాష్‌ అవుట్‌ అయి మంటలు వచ్చాయి. దీంతో శ్రీనివాస్‌ ముఖం, కళ్లు, చేతులు కాలిపోయి తీవ్రంగా గాయపడ్డాడు. మంచిర్యాలలోని ఓ ప్రైవేట్‌ ఆస్పత్రికి తరలించి వైద్యం అందించారు. కార్మికులకు రక్షణ పరికరాలు అందించకుండానే వారితో పని చేయించడంతో శ్రీనివాస్‌ గాయపడినట్లుగా స్థానిక యూనియన్‌ నాయకులు వాపోయారు. మెరుగైన వైద్యం అందించాలని కోరారు.

● మాజీ ఎమ్మెల్యే కోరుకంటి చందర్‌ ● కలెక్టర్‌కు ఫిర్యాదు గోదావరిఖని: ఇష్టారాజ్యంగా కూ ల్చివేతలకు పాల్పడుతున్న రామగుండం మున్సిపల్‌ కమిషనర్‌పై చర్య తీసుకోవాలని మాజీఎమ్మెల్యే కోరుకంటి చందర్‌ కోరారు. బుధవారం కలెక్టర్‌ కోయ శ్రీహర్షను కలిసి ఫిర్యాదు చేశారు. రెండేళ్లుగా ఇష్టానుసారంగా దుకాణాల కూల్చివేతలు చేపడుతున్నారని ఫిర్యాదు చేశారు. అక్రమంగా కూల్చివేతలకు పాల్పడుతున్నా ఎందుకు చర్య తీసుకోవడం లేదని ప్రశ్నించారు. 43 మైసమ్మ గుడులను కూడా కూల్చివేశారని, అయినా, బాధ్యులపై చర్యలు తీసుకోలేదని గుర్తుచేశారు. కార్యక్రమంలో బీఆర్‌ఎస్‌ నాయకులు పర్లపల్లి రవి, నారాయణదాసు మారుతి, నీరటీ శ్రీనివాస్‌ పాల్గొన్నారు.

వెంకటాపూర్‌ గ్రామంలో ఏర్పాటు చేసిన కుట్టు శిక్షణ కేంద్రంలో 25 రోజులుగా కుట్టు నేర్చుకుంటున్న. ఇదివరకు కుట్టుపై కొంత అవగాహన ఉన్నది. ఉదయం బస్సుకు వచ్చి సాయంత్రం ఇంటికి వెళ్తున్నా. కేంద్రంలో కుట్టుపై మంచిగా శిక్షణ ఇస్తున్నరు. – తాడబోయిన స్రవంతి, ఆరెంద చదువుకుంటూనే శిక్షణ నేను మంథనిలో డిగ్రీ ద్వితీయ సంవత్సరం చదువుతున్న. కుట్టుపై శిక్షణ ఇస్తున్నారంటే రోజూ వచ్చి నేర్చుకుంటున్న. ప్రస్తుతం కళాశాలకు సెలవులు ఉండటంతో మాతోటి విద్యార్థులతో కలిసి వచ్చి నేర్చుకుంటున్నం. భవిష్యత్‌లో ఉపయోగపడుతుందని ఆశిస్తున్న. – జోడు శాలిని, స్టూడెంట్‌, ఆరెంద రెండు బ్యాచ్‌లకు ట్రెయినింగ్‌ వెంకటాపూర్‌ కేంద్రంలో రోజూ రెండు బ్యాచ్‌లకు ఇద్దరం ట్రెయినర్లం మిషన్‌ కుట్టుపై శిక్షణ ఇస్తున్నాం. శిక్షణ అనంతరం స్కూల్‌ విద్యార్థులు, ప్రభుత్వ అధికారుల యూనిఫాం కుట్టే అవకాశం వీరికే కల్పిస్తాం. వీటిద్వారా శిక్షణ పొందిన వారు ఉపాఽధి పొందుతారు. అలాగే ఇంటివద్ద కూడా ఉపాధి మార్గాలు ఎంచుకోవచ్చు. – కుడుదుల రజిత, శిక్షకురాలు, వెంకటాపూర్‌

కోల్‌సిటీ(రామగుండం): గోదావరిఖనిలోని సింగరేణి ఇనిస్టిట్యూట్‌ ఆఫ్‌ మెడికల్‌ సైస్సెస్‌(సిమ్స్‌–ప్రభుత్వ)లోని అనాటమీ డి–సెక్షన్‌ కోల్డ్‌స్టోరేజీలో పార్ధివదేహాలను భద్రపరిచే ఫ్రీజర్‌బాక్స్‌లు నిరుపయోగంగా మారాయి. ఒకేఫ్రీజర్‌లో నాలుగు పార్థివదేహాలను భద్రపరిచే సామర్థ్యం కలిగిన బాక్స్‌.. నెలరోజులుగా పనిచేయడం లేదని ఆరోపణలు వస్తున్నాయి. పలు కుటుంబాలు ఎంతోస్ఫూర్తితో తమ ఆత్మీయుల పార్థీవదేహాలను మెడికల్‌ కళాశాలకు దానం చేస్తుండగా.. సౌకర్యాలలేమి వారి మనోభావాలను దెబ్బతీస్తోంది. గోదావరిఖనిలోని న్యాయవాది గోసిక ప్రకాశ్‌ గుండెపోటుతో మృతి చెందగా.. ఆయన పార్థివదేహాన్ని బుధవారం కుటుంబ సభ్యులు సిమ్స్‌కు దానం చేశారు. వైద్య విద్యార్థుల పరిశోధన కోసం వారు దానంచేస్తే.. మెడికల్‌ కాలేజీకి కాకుండా ప్రభుత్వ జనరల్‌ ఆస్పత్రి(జీజీహెచ్‌)లోని మార్చురీకి తరలించాలని సూచించారు. దీంతో గత్యంతరం లేక స్వచ్ఛంద సంఘాలు కుటుంబ సభ్యులను జీజీహెచ్‌లోని మార్చురీలో భద్రపర్చడానికి ఒప్పించారు. మార్చురీకి తరలించడమా..? మెడికల్‌ కాలేజీకి దానం చేయడానికని పార్థివదేహాన్ని తీసుకొస్తే.. ప్రభుత్వ ఆస్పత్రి మార్చురీలో భద్రపరుస్తామని చెప్పడంపై దేహదాత కుటుంబాలు, న్యాయవాదులు, బంధువులు ఆగ్రహం వ్యక్తం చేశారు. మార్చురీ ఎదుట వైద్యులను ఇదేఅంశంపై నిలదీయడంతో తీవ్రఆందోళనకు దారితీసింది. పార్థీవదేహ దానాలకు తగిన గౌరవం, భద్రత కల్పించాల్సిన వైద్యకళాశాలలో ఇలాంటి పరిస్థితులు ఉండడం శోచనీయమని మండిపడ్డారు. సదాశయ ఫౌండేషన్‌ ప్రతినిధులు దేహదాత కుటుంబాల పక్షాన స్పందించి, వెంటనే సిమ్స్‌ ప్రిన్సిపాల్‌, అనాటమీ హెచ్‌వోడీలతో చర్చించి సమస్య పరిష్కారాని చొరవ తీసుకున్నారు. దీంతో పార్థివదేహాన్ని మార్చురీ నుంచి మెడికల్‌ కాలేజీకి తీరలించారు. లయన్స్‌క్లబ్‌ ఫ్రీజర్‌లోనే.. రామగుండం లయన్స్‌ క్లబ్‌ మంగళవారం పార్థివదేహాన్ని భద్రపర్చడానికి ఫ్రీజర్‌బాక్స్‌ ఇచ్చింది. అందులోనే ప్రకాశ్‌ పార్థివదేహాన్ని గురువారం ఉదయం వరకు అనాటమీ డి –సెక్షన్‌ హాల్‌లో ఉంచాలని అధికారులు సూచించారు. ఇటీవల కూడా ఓ పార్థివ దేహాన్ని కుటుంబ సభ్యులు దానం చేయగా, ఆ పార్థివ దేహాన్ని కూడా సుమారు మూడురోజులపాటు జీజీహెచ్‌ మార్చురీలో భద్రపర్చడంపై కుటుంబ సభ్యులు ఆవేదనకు లోనయ్యారు. ప్రభుత్వ మెడికల్‌ కాలేజీలో అత్యవసరమైన ఫ్రీజర్‌ పనిచేయకపోవడం అధికారుల నిర్లక్ష్యానికి నిదర్శనమని పలువురు విమర్శించారు. అధికారులు వెంటనే స్పందించి కూలింగ్‌ స్టోర్‌ను పూర్తిస్థాయిలో పనిచేసేలా చర్యలు తీసుకోవాలని కోరుతున్నారు. మెడికల్‌ కాలేజీలో దుస్థితి అనాటమీ డీ – సెక్షన్‌ ఫ్రీజర్‌ బాక్స్‌లో సాంకేతిక సమస్య మనోభావాలను దెబ్బతీస్తున్నారని దాతల ఆవేదన ఆగ్రహం వ్యక్తం చేస్తున్న పార్థీవదేహదాత కుటుంబాలు

జిల్లాలోని 262 పంచాయతీలకు ఇటీవల ఎన్నికలు జరగ్గా అందులో 181 స్థానాలు కాంగ్రెస్‌ మద్దతుదారులు సర్పంచులుగా గెలుపొందారు. స్వతంత్రులుగా గెలిచిన 13మంది సైతం మూడు రంగుల జెండా కప్పుకునేందుకు సిద్ధమయ్యారు. ఎమ్మెల్సీ ఎన్నికల్లో ఎదురైన పరాభావాన్ని పంచాయతీ ఎన్నికలతో పూడ్చుకున్నారు. అలాగే ఈఏడాది డీసీసీ అధ్యక్షుడి కోసం పీసీసీ దరఖాస్తులు స్వీకరించినా.. మరోసారి డీసీసీ అధ్యక్ష స్థానం రామగుండం ఎమ్మెల్యే మక్కాన్‌సింగ్‌ రాజ్‌ఠాకూర్‌నే వరించింది. వర్షాకాలంలో కురిసిన భారీవర్షాలతో చాలాప్రాంతాలు నీటమునిగాయి. ఈ నేపథ్యంలో ఆగస్టు 28న సీఎం రేవంత్‌రెడ్డి, నీటిపారుదల మంత్రి ఉత్తమ్‌కుమార్‌రెడ్డి, పీసీసీ అధ్యక్షుడు మహేశ్‌కుమార్‌గౌడ్‌తో కలిసి ఎల్లంపల్లి ప్రాజెక్టును సందర్శించారు.

సాక్షి పెద్దపల్లి: అనేక రాజకీయ మార్పులు, పదవులు, వివాదాలు, సవాళ్లకు ఈ ఏడాది వేదికగా నిలిచింది. కొన్ని పార్టీలకు కలిసోస్తే.. మరికొన్నింటికి చేదు అనుభవాలను మిగిల్చింది. ఈ ఏడాది మొదట్లో జరిగిన పట్టభద్రులు, టీచర్స్‌ ఎమ్మెల్సీ ఎన్నికల్లో బీజేపీ సత్తా చాటగా, కాంగ్రెస్‌ రెండోస్థానంతో సరిపెట్టుకుంది, చివరలో జరిగిన గ్రామ పంచాయతీ ఎన్నికల్లో కాంగ్రెస్‌ మెజార్టీ స్థానాలు కై వసం చేసుకోగా, బీఆర్‌ఎస్‌ రెండోస్థానంలో నిలిచింది. ఎమ్మెల్సీ ఎన్నికలు బీజేపీలో జోష్‌ నింపగా, పంచాయతీ ఎన్నికలు కాంగ్రెస్‌ పార్టీకి ఊపునిచ్చాయి. గులాబీ పార్టీకి నిరాశ మిగిల్చియి. కారు పార్టీ సతమతం గత పంచాయతీ ఎన్నికల్లో మెజార్టీ స్థానాలు కై వసం చేసుకుని సత్తా చాటిన బీఆర్‌ఎస్‌ పార్టీ.. మొన్నటి పంచాయతీ ఎన్నికల్లో ద్వితీయ స్థానంతోనే సరిపెట్టుకుంది. ఏడాది మొదట్లో జరిగిన ఎమ్మెల్సీ ఎన్నికల్లో ప్రత్యర్థులకు కనీస పోటీ ఇవ్వడంలోనూ చతికలబడింది. క్షేత్రస్థాయిలో అనేక సమస్యలు ఉన్నా.. వాటిని సమర్థవంతంగా తిప్పికొట్టడంలో బీఆర్‌ఎస్‌ నేతలు వెనుకబడుతున్నారనే విమర్శలు వ్యక్తమవుతున్నాయి. జిల్లాలో మానేరుపై నిర్మించిన రెండు చెక్‌డ్యాంలు కూలిపోయిన విషయాన్ని పూర్తిస్థాయిలోకి ప్రజల్లోకి తీసుకు వెళ్లలేదని గులాబీ శ్రేణులే అసంతృప్తి వ్యక్తం చేస్తున్నాయి. చెక్‌ డ్యాంల సందర్శనకు నీటిపారుదల శాఖ మాజీమంత్రి తన్నీరు హరీశ్‌రావు జిల్లాకు వచ్చి కూలిపోయిన చెక్‌డ్యాంలను పరిశీలించారు.

● చదువు చెప్పిన పాఠశాలలోనే ఘటన ● వాకింగ్‌ చేస్తూనే మృత్యు ఒడిలోకి.. రాయికల్‌: రాయికల్‌ మండలం భూపతిపూర్‌ గ్రామానికి చెందిన రిటైర్డ్‌ ప్రధానోపాధ్యాయుడు ఏనుగు రాజిరెడ్డి (65) తాను చదువు చెప్పిన పాఠశాలలోనే వాకింగ్‌ చేస్తుండగా గుండెపోటుకు గురై మృతిచెందాడు. స్థానికుల కథనం ప్రకారం.. రాజిరెడ్డి పాఠశాల ఆవరణలో వాకింగ్‌ చేసేందుకు మంగళవారం వెళ్లాడు. ఛాతిలో నొప్పిగా ఉందని చెప్పి కుప్పకూలడంతో తోటి వాకర్స్‌ వెంటనే సీపీఆర్‌ చేశారు. అయినప్పటికీ పరిస్థితి విషమించి అక్కడికక్కడే మృతిచెందాడు. రాజిరెడ్డికి భార్య, ముగ్గురు కూతుళ్లు ఉన్నారు. ఆయన మృతిపై వివిధ ఉపాధ్యాయ సంఘ నాయకులు, పూర్వ విద్యార్థులు సంతాపం వ్యక్తం చేశారు. అనారోగ్యంతో జర్నలిస్టు.. సిరిసిల్లటౌన్‌: సీనియర్‌ జర్నలిస్టు అనారోగ్యంతో మృతిచెందిన ఘటన మంగళవారం సిరిసిల్లలో జరి గింది. స్థానికుల వివరాల ప్రకారం.. పట్టణంలోని అంబేద్కర్‌నగర్‌కు చెందిన గడ్డం నాగరాజు(44) దశాబ్దంన్నర కాలంగా జర్నలిస్టుగా పనిచేస్తున్నాడు. ఆర్నెళ్లక్రితం అనారోగ్యానికి గురికాగా చికిత్స పొందాడు. వారం క్రితం హైదరాబాద్‌లోని ఓ ప్రైవేటు ఆస్పత్రిలో అడ్మిట్‌ అవగా.. చికిత్స పొందుతూ మంగళవారం చనిపోయాడు. మృతుడికి భా ర్య స్వరూప, ఇద్దరు కుమారులు హరిహరణ్‌, హర్షవర్దన్‌ ఉన్నారు. నాగరాజు మృతిపై సిరిసిల్ల ప్రెస్‌క్లబ్‌ అధ్యక్షుడు ఆకుల జయంత్‌కుమార్‌, ప్రధాన కార్యదర్శి ఆడెపు మహేందర్‌, ఉపాధ్యక్షుడు బొడ్డు పర్శరాములు, సీనియర్‌ జర్నలిస్టులు సంతాపం ప్రకటించారు. ఉరేసుకొని రైతు ఆత్మహత్యమానకొండూర్‌: మానకొండూర్‌ మండలం గట్టు దుద్దెనపల్లి గ్రామానికి చెందిన గొర్రెంకల చిన్న ఎల్లయ్య (55) అనే రైతు ఉరేసుకుని ఆత్మహత్య చేసుకున్నాడు. మానకొండూర్‌ సీఐ బి.సంజీవ్‌ తెలిపిన వివరాల ప్రకారం.. మానికి చెందిన చిన్న ఎల్లయ్య సాగునీటి కోసం గతేడాది వ్యవసాయ పొలం వద్ద బావిని తవ్వించాడు. అందులో బండ రావడం, బోరువేసినా నీరు రాలేదు. దీంతో మనస్తాపానికి గురైన ఎల్లయ్య ఈనెల 29న పొలం పనులకు వెళ్తున్నానని చెప్పి, తిరిగి ఇంటికి రాలేదు. కుటుంబ సభ్యులు అతని ఆచూకీ కోసం గాలించగా పొలం వద్ద చెట్టుకు ఉరేసుకుని కనిపించాడు. కుటుంబ సభ్యులు మంగళవారం పోలీసులకు సమాచారం అందించారు. మృతుడి భార్య స్వరూప ఫిర్యాదు మేరకు కేసునమోదు చేసి దర్యాప్తు చేస్తున్నట్లు సీఐ పేర్కొన్నారు. కాలు కొట్టెస్తారనే భయంతో వ్యక్తి.. ముస్తాబాద్‌(సిరిసిల్ల ): డయాబెటిస్‌తో కాలుకు ఇన్‌ఫెక్షన్‌ సోకగా, ఆందోళనకు గురైన వ్యక్తి ఆత్మహత్య చేసుకున్నాడు. ముస్తాబాద్‌ ఏఎస్సై అబ్దుల్‌ఘనీ కథనం మేరకు.. ముస్తాబాద్‌ మండలం చిప్పలపల్లికి చెందిన పారిపెల్లి సాయిలు(62) మంగళవారం గ్రామ శివారులో చెట్టుకు ఉరేసుకుని ఆత్మహత్య చేసుకున్నాడు. సాయిలు కొంతకాలంగా షుగర్‌ వ్యాధితో బాధపడుతున్నాడు. కాలుకు పుండు కావడంతో అది పొందుతున్నాడు. కాలు ఇన్‌ఫెక్షన్‌తో గాయం తీవ్రమైంది. దీంతో కాలు తీసేస్తారనే భయంతో సాయిలు ఆత్మహత్యకు పాల్పడ్డాడు. మృతుడి కుటుంబీకుల ఫిర్యాదు మేరకు కేసు దర్యాప్తు చేస్తున్నట్లు ఏఎస్సై తెలిపారు. నలుగురు దొంగల పట్టివేతమేడిపల్లి: కొన్ని రోజులుగా గ్రామాలు, పట్టణాల్లో దొంగతనాలకు పాల్పడుతున్న నలుగురిని మంగళవారం పట్టుకున్నట్లు మేడిపల్లి ఎస్త్సె శ్రీధర్‌రెడ్డి తెలిపారు. మండలకేంద్రంలో అనుమానాస్పదంగా కొందరు తిరుగుతున్నట్లు స్థానికుల సమాచారం మేరకు పోలీసులు సీసీ కెమెరాల సహాయంతో వారిని పట్టుకున్నారు. వారిని విచారణ చేపట్టగా ఇటీవల మండలకేంద్రంలోని మహాలక్ష్మి మొబైల్‌ షాప్‌లో తొమ్మిది సెల్‌ఫోన్లు, కోరుట్లలో మోటార్‌ సైకిల్‌ దొంగతనం చేసినట్లు అంగీకరించారు. దీంతో వారిని అరెస్ట్‌ చేశామని ఎస్సై తెలిపారు. మేడిపల్లి, భీమారం మండలాల్లో అనుమానాస్పదంగా ఎవరైనా కనిపిస్తే పోలీసులకు సమాచారం ఇవ్వాలన్నారు.

పట్టభద్రుల ఎమ్మెల్సీ, టీచర్స్‌ ఎమ్మెల్సీ స్థానాలను బీజేపీ మంచి మెజార్టీతో గెలుచుకుంది. ముఖ్యంగా పెద్దపల్లి జిల్లాకు చెందిన మల్క కొమరయ్య బీజేపీ నుంచిటీచర్స్‌ ఎమ్మెల్సీ పదవిని కై వసం చేసుకున్నారు. అదే ఊపును స్థానిక ఎన్నికల్లో ప్రదర్శించలేకపోయారు. కేవలం నాలుగు సీట్లతోనే సరిపెట్టుకోవడం ఆ పార్టీ శ్రేణుల్లో నైరశ్యం నింపింది. జిల్లా అధ్యక్షుడి నాయకత్వ లోపం, పార్టీలో నెలకొన్న గ్రూప్‌ రాజకీయాలతో ప్రజల్లో బీజేపీపై సానుకూల దృక్పథం నెలకొని ఉన్నా.. దాన్ని ఓట్లరూపంలోకి మార్చుకోవడంలేదనే విమర్శ సొంతపార్టీ నేతల్లోనే నెలకొంది. ఎమ్మెల్సీ ఎన్నికల ప్రచారంలో భాగంగా కేంద్ర హోంశాఖ సహాయమంత్రి బండి సంజయ్‌కుమార్‌ జిల్లాలో పర్యటించారు.

రామగుండం: కేంద్ర ప్రభుత్వం రూపొందించిన కొత్త లేబర్స్‌ కోడ్స్‌ గత నవంబరు 21వ తేదీ నుంచి అమలులోకి వచ్చాయి. పాత కార్మిక చట్టాలను ఏకీకృతం, సరళీకృతం చేస్తూ.. కార్మిక సంక్షేమం, భద్రత, వేతనాలు, సామాజిక భద్రత మెరుగుపరచడం లక్ష్యంగా నాలుగు లేబర్‌ కోడ్స్‌ రూపొందించినట్లు కేంద్ర ప్రభుత్వం స్పష్టం చేస్తోంది. వీటిని కార్మిక సంఘాలు వ్యతిరేకిస్తున్నాయి. అందులోని ప్రధానాంశాలను పరిశీలిస్తే.. వేజెస్‌ కోడ్‌(వేతన కోడ్‌ చట్టం–2019) : అన్ని రంగాల కార్మికులకు కనీస వేతనం చట్టబద్ధమైన హక్కు. ప్రతీనెల 7వ తేదీలోగా చెల్లించాలి. ఓవర్‌ టైమ్‌కు రెండింతల వేతనం చెల్లించాలి. అలవెన్స్‌లు 50శాతం మించకూడదు. సామాజిక భద్రత((చట్టం–2020) ప్రకారం.. గిగ్‌ వర్కర్లు, ప్లాట్‌ఫాం వర్కర్లకు తొలిసారి సామాజిక భద్రత (పీఎఫ్‌, ఈఎస్‌ఐ, ఇన్సూరెన్స్‌, గ్రాట్యుటీ), ఫిక్స్‌డ్‌–టర్మ్‌ ఉద్యోగులకు ఏడాది తర్వాత గ్రాట్యుటటీ చెల్లింపు, ప్లాట్‌ఫాం కంపెనీలు తమ వార్షిక టర్నోవర్‌లో గరిష్టంగా 2శాతం సామాజిక భద్రత నిధికి జమచేయాలి. పారిశ్రామిక సంబంధాలు(కోడ్‌ నెం.2020) ప్రకారం.. కనీసం 300 మంది కార్మికులు పనిచేసే సంస్థకు కార్మికుల తాత్కాలిక తొలగింపు, శాశ్వత తొలగింపు, కంపెనీ మూసివేతకు అనుమతి తప్పనిసరి చేశారు. సమ్మెలకూ ముందస్తు నోటీసు తప్పనిసరి చేశారు. వృత్తిపర భద్రత, ఆరోగ్యం, పని స్థితిగతులు ఇలా.. మహిళలు రాత్రి షిఫ్టులు, అండర్‌గ్రౌండ్‌ మైనింగ్‌ తదితర స్థలాల్లో సేఫ్టీ జాగ్రత్తలతో విధులు నిర్వర్తించవచ్చు. పనిగంటలు, ఓవర్‌టైం నియమాలు వర్తిస్తాయి. వర్క్‌ ఫ్రమ్‌ హోం అనుమతి, వలస కార్మికులకు మెరుగైన రక్షణ చర్యలు చేపట్టాలని సూచిస్తోంది. హక్కులు హరించేవే పాత కార్మిక చట్టాల స్థానంలో నాలుగు లేబర్‌ కోడ్స్‌ను అమలు చేయడం సరికాదు. కార్పొరేట్‌ సంస్థలకు అనుకూలంగా వీటిని రూపొందించారు. ఇవి కార్మిక హక్కులను హరించేవే. – అడారి నర్సింగరావు, కార్యదర్శి, సీపీఎం, అంతర్గాం

కోరుట్ల: అమ్మాయిని ఎర వేసి..ఊరించి వలపు వల పన్ని కాసులు రాబట్టాలని చూసిన ముఠా గుట్టురట్టు చేశారు పోలీసులు. మూడురోజుల క్రితం జరిగిన ఈ ఘటన మెట్‌పల్లిలో కలకలం రేపింది. వివరాలు.. మెట్‌పల్లి మండలం బండలింగాపూర్‌కు చెందిన రియల్టర్‌ కొంతకాలంగా మెట్‌పల్లి పట్టణంలోని గోల్‌హనుమాన్‌ సమీపంలో నివాసముంటున్నాడు. మూడు నెలల క్రితం ఓ మహిళ ఇతడిని ఫోన్‌ ద్వారా పరిచయం చేసుకుంది. సదరు అమ్మాయి తరచూ ఫోన్‌ కాల్‌ చేస్తూ వలపు వల వేసి ఊరించేది. గత ఆదివారం మనం కలుద్దామని చెప్పి మెట్‌పల్లిలోని ఓ అపార్ట్‌మెంట్‌లోని ఇంటికి రమ్మంది. వలపన్నారు.. హానీ ట్రాప్‌ను గుర్తించలేకపోయిన రియల్టర్‌ ఆ మహిళ చెప్పిన ఇంటికి వెళ్లి ఆమె అపార్ట్‌మెంట్‌ రూంలోకి వెళ్లగానే సదరు రియల్టర్‌ ఆమెతో సన్నిహితంగా ఉన్న వీడియోను హానీ ట్రాప్‌ ముఠా సభ్యలు గుట్టుచప్పుడు కాకుండా చిత్రీకరించారు. అనంతరం నలుగురు వ్యక్తులు ఆ గదిలోకి వెళ్లి ఎవరు మీరు, ఏలా వచ్చారు, మహిళతో ఇక్కడ ఏం చేస్తున్నారని రియల్టర్‌ను బెదిరించారు. దీంతో బిత్తరపోయిన రియల్టర్‌ ఆ మహిళ పిలిస్తేనే వచ్చానని చెప్పినా వినకుండా తాము తీసిన వీడియోలు బయటపెడతామంటూ కాసుల బేరం పెట్టారు. దీంతో రియల్టర్‌ గత్యంతరం లేక రూ.7 లక్షలు చెల్లిస్తానని చెప్పి బతిమిలాడుకుని బయటపడ్డాడు. తర్వాత తనను వలపువల వేసి హానీ ట్రాప్‌లో ఇరికించారని గుర్తించిన రియల్టర్‌ మెట్‌పల్లి పోలీసులకు ఫిర్యాదు చేశాడు. ఆరుగురిపై కేసు.. రియల్టర్‌ను హానీ ట్రాప్‌లో ఇరికించి బ్లాక్‌మెయిల్‌కు దిగిన ముఠా సభ్యులు బల్మూరి స్వప్న, కోరుట్ల రాజ్‌కుమార్‌, విలేకరిగా చెప్పుకున్న పులి అరుణ్‌, బట్టు రాజశేఖర్‌, సుంకెటి వినోద్‌, మాగిని దేవనర్సయ్యలపై పోలీసులు కేసు నమోదు చేశారు. కాగా, నిందితుల్లో రాజ్‌కుమార్‌ అనే వ్యక్తి ఓ జాతీయ పార్టీకి చెందిన నేతకు అనుచరుడన్న అంశం ప్రచారంలోకి వచ్చింది.

ఫెర్టిలైజర్‌సిటీ(రామగుండం): పుట్టెడు దుఃఖంలో ఉన్న జర్నలిస్టులు మామిడి కుమారస్వామి, సత్యనారాయణ తన తండ్రి రాయలింగు(72) నేత్రాలు దానం చేసి మానవత్వం చాటుకున్నారు. గోదావరిఖని శాలపల్లికి చెందిన కుమారస్వామి నివాసంలో సదాశయ ఫౌండేషన్‌, రామగుండం లయన్స్‌ క్లబ్‌ ఆధ్వర్యంలో ఎల్వీ ప్రసాద్‌ ఐ బ్యాంక్‌ టెక్నీషియన్‌ ప్రదీప్‌ నాయక్‌ సహకారంతో ఫౌండేషన్‌ జాతీయ ప్రచార కార్యదర్శి కేఎస్‌ వాసు ద్వారా నేత్రాలు సేకరించారు. దీనిద్వారా మరో ఇద్దరు అంధుల జీవితాల్లో వెలుగులు నిండనున్నాయి. ఇందుకు సహకరించిన మృతుడి భార్య లక్ష్మి కుటుంబ సభ్యులను పలువురు అభినందించారు. ప్రతినిధులు బాబర్‌ సలీం పాషా, గడ్డం శ్యామ్‌కుమార్‌, రాజ్‌కుమార్‌, పందిళ్ల శ్యామ్‌సుందర్‌, పెద్దపల్లి సత్యం, దుబ్బల శేఖర్‌, సాగర్‌, బైరం సతీశ్‌, జక్కం సత్యనారాయణ, సంపత్‌కుమార్‌, ఎండీ రహీం, వెంగళ బాపుపద్మ, కృష్ణవేణి, భూమళ్ల చందర్‌, ఈదునూరి రవి తదితరులు పాల్గొన్నారు. విషాదంలోనూ తండ్రి నేత్రాలు దానం మానవత్వం చాటుకున్నన జర్నలిస్ట్‌లు

నాలుగు రోజులుగా చలితీవ్రత పెరుగుతోంది. హాస్టళ్లలో వసతి పొందుతున్న విద్యార్థులు చన్నీటి స్నానాలు చేస్తున్నారు. గురుకులాల్లో పరిస్థితి మరింత అధ్వానంగా ఉంది. ఉదయం పది గంటలు దాటినా చలివీడడంలేదు. భానుడి కిరణాలు కూడా చలిగాలుల మాటునే ఉంటున్నాడు. పెద్దపల్లి జిల్లా సుల్తానాబాద్‌ మండలం భూపతిపూర్‌ జ్యోతిభాపూలే గురుకులంలో ఉదయమే స్నానాలు ఆచరిస్తూ.. గజగజ వణుకుతూ విద్యార్థులు శ్రీసాక్షిశ్రీకి ఇలా కనిపించారు. పెద్దపల్లి ఎస్సీ వెల్ఫేర్‌ హాస్టల్‌లో కిటికీలు విరిగిపోవడంతో పరదాలు అడ్డు పెట్టుకొని విద్యార్థులు తిప్పలుపడుతున్నారు. అయినా, అధికారులు తగిన చర్యలు తీసుకోవడం లేదు. – సాక్షి ఫొటోగ్రాఫర్‌, పెద్దపల్లి

పాలకుర్తి(రామగుండం): పెద్దపల్లి జిల్లా పాలకుర్తి మండలం కన్నాల బస్టాండ్‌ వద్ద రాజీవ్‌ రహదారిపై మంగళవారం రెండు లారీలు ఎదురెదురుగా ఢీకొన్న ఘటనలో ఇద్దరు డ్రైవర్లకు గాయాలయ్యాయి. స్థానికుల కథనం ప్రకారం.. నల్గొండ జిల్లా నుంచి సిమెంట్‌ లోడుతో గోదావరిఖని వైపు వెళ్తున్న లారీ మార్గమధ్యంలోని కన్నాల బస్టాండ్‌ సమీపంలో గల భారత్‌ పెట్రోల్‌ బంక్‌ వద్దకు చేరుకోగా బైక్‌పై వెళ్తున్న దంపతులు నిర్లక్ష్యంగా డ్రైవింగ్‌ చేస్తూ అడ్డుగా వచ్చారు. వారిని తప్పించబోయిన డ్రైవర్‌.. లారీని రహదారికి అవతలికి మళ్లించాడు. అదే సమయంలో బూడిదలోడుతో పెద్దపల్లి వైపు వెళ్త్ను టిప్పర్‌.. సిమెంట్‌ లారీని ఢీకొట్టి సమీపంలోని బస్టాండ్‌తో పాటు ఓ షాన్‌షాపును ఢీకొట్టింది. దీంతో లారీల ముందు భాగం నుజ్జునుజ్జు అయ్యాయి. లారీ డ్రైవర్లు తీగల మహేశ్‌, దాసరి కిష్టయ్యకు గాయాలు కాగా బసంత్‌నగర్‌ ఎస్సై శ్రీధర్‌ వారిని పెద్దపల్లి ప్రభుత్వ ఆస్పత్రికి అంబులెన్స్‌లో తరలించారు. ప్రమాదంతో ఇరువైపులా ట్రాఫిక్‌ స్తంభించిపోయింది. హెచ్‌కేఆర్‌ టోల్‌ప్లాజా క్రేన్‌, జేసీబీల సాయంతో లారీలను తొలగించి ట్రాఫిక్‌ను క్లియర్‌ చేశారు. ఈఘటనలో కన్నాల బొడగుట్టపల్లిలోని బొడ్డుపల్లి నర్సయ్యకు చెందిన షాపు ధ్వంసమైంది. ప్రమాద సమయంలో స్థానిక బస్టాండ్‌లో ప్రయాణికులు ఎవరూ లేకపోవడం, షాపు కూడా మూసి ఉండటంతో ఎలాంటి ప్రాణనష్టం జరగలేదు. తమకు ఫిర్యాదు అందలేదని పోలీసులు తెలిపారు.

కాల్వశ్రీరాంపూర్‌(పెద్దపల్లి): ఈడబ్ల్యూఎస్‌ రిజర్వేష న్లు పటిష్టంగా అమలు చేయాలని, జాతీయ, రాష్ట్రస్థాయిలో ప్రత్యేక ఓసీ కమిషన్‌ ఏర్పాటు చేయాలనే డిమాండ్‌తో వచ్చే ఏడాది జనవరి 11న వరంగల్‌ నగరంలో సింహగర్జన సమరభేరి నిర్వహిస్తామని ఓసీ సామాజిక సంక్షేమ సంఘాల సమాఖ్య జాతీ య అధ్యక్షుడు పొలాడి రామారావు అన్నారు. మండల కేంద్రంలో మంగళవారం ప్రచార పోస్టర్‌ విడుదల చేసి మాట్లాడారు. ఓసీల్లోనూ అనేకమంది పేద లు ఉన్నారని, ప్రభుత్వ ప్రోత్సాహాకాలు అందడంలేదని తెలిపారు. ఉమ్మడి ఏపీలో సీఎం వైఎస్‌ రాజ శేఖరెడ్డి.. ఆర్థికంగా, విద్య, వైద్యం పరంగా కొంత ప్రయోజనం చేశారని అన్నారు. నాయకులు వంగళ తిరుపతిరెడ్డి, సతీశ్‌శర్మ, రాఘవులు, కరుణాకర్‌రా వు, రాజేశ్వర్‌రావు, అశోక్‌, భూమయ్య, వీరారెడ్డి, మాధవరెడ్డి, రాధాకృష్ణారెడ్డి పాల్గొన్నారు.

గోదావరిఖని: జిల్లావాసులు చట్టపరిధిలోనే నూతన సంవత్సర వేడుకలు జరుపుకోవాలని రామగుండం పోలీస్‌ కమిషనర్‌ అంబర్‌ కిశోర్‌ ఝా సూచించారు. బుధవారం రాత్రి 10 గంటల నుంచి స్పెషల్‌ డ్రంకెన్‌ డ్రైవ్‌ టెస్ట్‌లు నిర్వహిస్తామన్నారు. మద్యం తాగి పట్టుబడిన వారిపై కేసులు నమోదు చేస్తామని తెలిపారు. ఇతరుల మనోభావాలు దెబ్బతినకుండా, ఇ బ్బందులు కలుగకుండా, ప్రమాదాలకు దూ రంగా, అర్ధరాత్రి 12.30 గంటల్లోపు వేడుకలు ముగించుకోవాలని ఆయన సూచించారు. మ ద్యం దుకాణాలు, బార్లు, రెస్టారెంట్లు ప్రభు త్వం అనుమతించిన సమయపాలన పాటించాలని పోలీస్‌ కమిషనర్‌ సూచించారు. జెడ్పీ హైస్కూల్‌కు చేయూత పెద్దపల్లిరూరల్‌: అప్పన్నపేట జెడ్పీ హైస్కూల్‌ విద్యార్థులకు మినరల్‌ వాటర్‌ అందించేందుకు ‘మాట’ (మిన్నెసోటా తెలంగాణ అసోసియేష న్‌) డైరెక్టర్‌ సమీనారెడ్డి ముందుకొచ్చారు. మా జీ సర్పంచ్‌ మందల రమాదేవి కూతురైన సమీనారెడ్డి అమెరికాలో స్థిరపడ్డారు. విద్యార్థులకు మినరల్‌ వాటర్‌ అందించేందుకు రూ.1.50 ల క్షల వ్యయంతో మినరల్‌ వాటర్‌ ప్లాంట్‌ ఏర్పాటు చేసేందుకు చర్యలు తీసుకున్నారు. ఆమె తల్లిదండ్రులు మందల రమాదేవి, సత్యనారాయణరెడ్డి ఇందుకోసం ఏర్పాట్లు చేశారు. ఇటుకబట్టీల్లోంచి బడిలోకి.. ధర్మారం(ధర్మపురి): బొమ్మారెడ్డిపల్లి గ్రామ శివారులోని ఇటుకబట్టీల్లో పనిచేస్తున్న కార్మికుల పిల్లలను ధర్మారం ప్రభుత్వ పాఠశాలలో చేర్పించినట్లు ఎంఈవో ప్రభాకర్‌ తెలిపారు. మంగళవారం బడిబయట పిల్లల సర్వే చేయగా.. గ్రామ శివారులోని ఇటుకబట్టీల్లో 15 మంది పిల్లలను గుర్తించి స్కూల్‌లో చేర్పించామన్నారు. పిల్లల బాల్యం ఇటుకబట్టీల్లో బందీకా వొద్దని ఆయన సూచించారు. ప్రధానోపాద్యాయుడు మల్లారెడ్డి, క్లస్టర్స్‌ రిసోర్సు పర్సన్‌ కొండ కవిత, తల్లిదండ్రులు పాల్గొన్నారు. మున్సిపల్‌ ఎన్నికలకు సన్నద్ధం పెద్దపల్లి: పంచాయతీ ఎన్నికలు ముగిశాయి. మున్సిపల్‌ పోరుకు జిల్లా అధికార యంత్రాంగం సన్నద్ధమవుతోంది. వచ్చే ఫిబ్రవరిలో పురపాలక ఎన్నికలు ఉంటాయని సీఎం రేవంత్‌రెడ్డి ఇటీవల ప్రకటించడంతో ఆదిశగా అధికారులు సర్వం సిద్ధం చేసుకునే పనిలో నిమగ్నమయ్యారు. జిల్లాలో రామగుండం మున్సిపల్‌ కార్పొరేషన్‌తోపాటు పెద్దపల్లి, సుల్తానాబాద్‌, మంథని మున్సిపాలిటీలు ఉన్నాయి. గందరగోళం లేకుండా.. గతఎన్నికలకు ముందు వార్డుల విభజన గందరగోళంగా జరిగింది. కాలనీలకు సంబంధం లేనివారిని వార్డు ఓటరు జాబితాలో చేర్చారు. తమకు అనుకూలంగా ఉన్నవారి పేర్లను ఇలా చేర్చానే ఆరోపణలు వచ్చినా అధికారులు పట్టించుకోలేదు. ఈసారి అలాంటి పొరపాట్లకు తావులేకుండా ఓటరు జాబితా పకడ్బందీగా చేపట్టాలని నిర్ణయించారు. మరోవైపు.. పంచాయతీ ఎన్నికలు పూర్తికావడంతో పట్టణాల్లో ఓట్లు నమోదు చేయించుకునేందుకు ఆశావహులు సిద్ధమవుతున్నారని తెలుస్తోంది. మరోవైపు.. ఇటీవల జరిగిన గ్రామ పంచాయతీ ఎన్నికల్లో బీసీ రిజర్వేషన్ల కోసం ఆశావాహులు ఎంతో ఉత్కంఠతో ఎదురుచూశారు. తీరా వారిఆశలు నెరవేరలేదు. ప్రస్తుతం జరిగే మున్సిపల్‌ పోరులో వార్డులతోపాటు చైర్మన్‌, వైస్‌ చైర్మన్‌ రిజర్వేషన్లు మారనున్నాయని, గతంలో తమకు అనుకూలంగా ఉన్న వార్డులు/డివిజన్లు ఈసారి తమకు అనుకూలిస్తాయో లేదోనని ఆశావాహుల్లో అప్పుడే బెంగ మొదలైంది. రిజిస్ట్రేషన్ల జోరు రామగుండం: ముక్కోటి ఏకాదశి పర్వదినం సందర్భంగా స్థానిక సబ్‌ రిజిస్ట్రార్‌ కార్యాలయం క్రయ, విక్రయదారులతో రద్దీగా మారింది. ఇటీవల వరుస సెలవులు రావడంతో సోమ, మంగళవారాల్లో క్రయ, విక్రయదారులు ఆస్తుల రిజిస్ట్రేషన్ల కోసం భారీగా తరలివచ్చారు. రెండు రోజుల్లో సుమారు 45 డాక్యుమెంట్లు రిజిస్ట్రేషన్‌ చేశామని ఇన్‌చార్జి సబ్‌ రిజిస్ట్రార్‌ తిరుపతినాయక్‌ తెలిపారు.

సుల్తానాబాద్‌రూరల్‌: గ్రామాల్లోని సెగ్రిగేషన్‌ షెడ్లలోనే చెత్త వేసి వర్మికంపోస్టు తయారు చేయాలని జిల్లా పంచాయతీ అధికారి(డీపీవో) వీరబుచ్చయ్య సూచించారు. దుబ్బపల్లి గ్రామాన్ని మంగళవారం ఆయన సందర్శించారు. వీధులు, ఇళ్ల నుంచి సేకరించిన తడి, పొడి చెత్తను సెగ్రిగేషన్‌ షెడ్డుకు తరలించి ఎరువు తయారు చేయాలని ఆయన పేర్కొన్నారు. సర్పంచ్‌ ఉమ్మెంతల శోభ, ఉపసర్పంచ్‌ తిప్పారపు రాజయ్య, ఎంపీవో సమ్మిరెడ్డి, పంచాయతీ కార్యదర్శి ప్రత్యూష, సిబ్బంది ఉన్నారు. ఎన్పీడీసీఎల్‌ కార్యాలయం తరలింపు పెద్దపల్లి: జిల్లా కేంద్రంలోని చీకురాయి క్రాస్‌రోడ్డులో గల టీజీ ఎన్పీడీసీఎల్‌ ఆఫీస్‌ను రాఘవపూర్‌ సర్కిల్‌ కార్యాలయానికి తరలిస్తున్నట్లు ట్రాన్స్‌కో ఎస్‌ఈ గంగాధర్‌ మంగళవారం తెలిపారు. ప్రభు త్వ ఆదేశాల మేరకు ఈప్రక్రియ చేపట్టామని పేర్కొన్నారు. అంతర్గాం సెక్షన్‌ ఆఫీస్‌, సుల్తానాబాద్‌ ఈఆర్వో కార్యాలయాన్ని కూడా సంబంధిత శాఖల భవనాల్లోకి మార్చినట్లు వివరించారు. నాణ్యమైన విద్యుత్‌ లక్ష్యం మంథనిరూరల్‌: వినియోగదారులకు నాణ్యమైన విద్యుత్‌ అందించడమే లక్ష్యమని ఎన్పీడీసీఎల్‌ ఎస్‌ఈ గంగాధర్‌ అన్నారు. నాగారం సబ్‌స్టేషన్‌లో 5 ఎంవీఏ ట్రాన్స్‌ఫార్మర్‌ను ఆయన ప్రారంభించి మాట్లాడారు. కార్యక్రమంలో డీఈ ప్రభాకర్‌, ఏడీ ఈ వెంకటనారాయణ, ఏఈ రాజేశ్‌ పాల్గొన్నారు. శ్వేతపత్రం విడుదల చేయాలి గోదావరిఖని: సింగరేణి ఆర్థిక స్థితిగతులపై శ్వేతప త్రం విడుదల చేయాలని టీబీజీకేఎస్‌ అధ్యక్షుడు మిర్యాల రాజిరెడ్డి డిమాండ్‌ చేశారు. స్థానిక ప్రెస్‌క్లబ్‌లో మంగళవారం విలేకరుల సమావేశంలో ఆయ న మాట్లాడారు. కాంగ్రెస్‌ అధికారంలోకి రాకముందు రూ.29వేల కోట్లు బకాయిలు ఉన్నాయని, ప్ర స్తుతం రూ.47వేల కోట్లకు చేరాయని తెలిపారు. కాంగ్రెస్‌ ప్రభుత్వానికి ఏఐటీయూసీ, ఐఎన్‌టీయూసీలు వంతపాడుతున్నాయని విమర్శించారు. నా యకులు మాదాసి రాంమూర్తి, చల్లా రవీందర్‌రెడ్డి, పర్లపల్లి రవి, నూనె కొమురయ్య, శ్రీనివాస్‌రావు, శ్రీనివాస్‌రెడ్డి తదితరులు పాల్గొన్నారు.

పెద్దపల్లి: కూనారం – పెద్దపల్లి మధ్య జిల్లాకేంద్రంలో చేపట్టిన ఆర్వోబీ పనులను వచ్చే ఏడాది జూలై వరకు పూర్తిచేయాలని కలెక్టర్‌ కోయ శ్రీహర్ష ఆదేశించారు. స్థానిక రైల్వే ఫ్లైఓవర్‌, ఆర్‌ అండ్‌ బీ అతిథి గృహం ప్రహరీ, జెడ్పీ కార్యాలయ భవన నిర్మాణాలను ఆయన మంగళవారం పరిశీలించారు. రూ. 119.50 కోట్ల వ్యయంతో ఆర్వోబీ నిర్మాణం చేపట్టారని కలెక్టర్‌ అన్నారు. ఆర్‌ అండ్‌ బీ అతిథి గృహం ప్రహరీ పనుల్లో వేగం పెంచాలని సూచించారు. కార్యక్రమంలో ఆర్డీవో గంగయ్య, అధికారులు భావ్‌సింగ్‌, రాజ్‌కుమార్‌ తదితరులు పాల్గొన్నారు. రైతుల బ్యాంకు ఖాతాల్లో బోనస్‌ జమ సన్నరకం వడ్లు విక్రయించిన రైతుల బ్యాంకు ఖా తాల్లో ఇప్పటివరకు రూ.96.85 కోట్లు జమచేశామని కలెక్టర్‌ కోయ శ్రీహర్ష తెలిపారు. జిల్లాలో 333 ధాన్యం కొనుగోలు కేంద్రాలు ఏర్పాటు చేయగా, ఈనెల 29వ తేదీవరకు 272 కేంద్రాల్లో కొనుగోళ్లు పూర్తిచేశామని ఆయన పేర్కొన్నారు. జూలై వరకు అందుబాటులోకి తేవాలి కలెక్టర్‌ కోయ శ్రీహర్ష

సాక్షి పెద్దపల్లి: అక్షరమే ఆయుధమైంది. ప్రజా సమస్యలపై గళమెత్తింది. అధికారులు, పాలకులను పరుగులు పెట్టించేలా 2025లో ‘సాక్షి’ కథనాలు ప్రచురించి, చెరగని ముద్ర వేసింది. సామాన్యుల కష్టాలను వెలుగులోకి తీసుకొచ్చి పరిష్కారం చూపింది. అవినీతి, అక్రమాలపై ఎక్కుపెట్టిన పాలకుల పనితీరును ప్రశ్నించింది. అభివృద్ధి పనుల్లో నిర్లక్ష్యాన్ని ఎత్తిచూపుతూ.. పథకాల అమలులో అలసత్వాన్ని ఎండగడుతూ అధికార యంత్రాంగాన్ని ఆలోచింపజేసింది. మరోఏడాది కాలగర్భంలో కలిసిపోతున్న వేళ ప్రజాక్షేత్రంలో ‘సాక్షి’ కథనాలు పాఠకుల హృదయాల్లో మనస్సాక్షికి సంతకంలా నిలిచాయి. వసూళ్లకు బ్రేక్‌నాణ్యత పాటించకుండా, కంపెనీ పేరు, తయారీ తేదీ, ఎక్పైరీ డేట్‌ లేకుండా కేక్‌లు, బ్రెడ్డు తయారు చేస్తూ ప్రజారోగ్యంతో చెలగాటమాడుగుతున్న బేకరీలపై ‘తింటే బేజారే’ శీర్షికన కథనం ప్రచురించింది. స్పందించిన అధికార యంత్రాంగం బేకరీల్లో తనిఖీలు చేసి నిర్వాహకులకు జరిమానా విధించింది.ప్రభుత్వ ఆస్పత్రిలో కిందిస్థాయి సిబ్బంది పేషెంట్ల వద్ద పైసలు వసూలు చేస్తున్న వైనంపై ‘సేవకో రేటు’ శీర్షికన కథనం ప్రచురించింది. స్పందించిన కలెక్టర్‌.. వసూళ్ల పర్వాన్ని నియంత్రించేందుకు పటిష్ట చర్యలు తీసుకున్నారు. సీసీ కెమెరాలు, ఫిర్యాదు బాక్స్‌లు ఏర్పాటు చేశారు. ప్రజల పక్షాన నిలిచిన ‘సాక్షి’ అభాగ్యులకు ఆర్థికంగా తోడ్పాటు అందేలా కృషి అధికారులు, పాలకులను కదిలించిన కథనాలు పేదింటికి పెద్దకష్టం రామగుండం నగరంలో తండ్రి అనారోగ్యంతో మంచం పట్టగా, స్వీపర్‌ పనిచేస్తూ కుటుంబాన్ని పోషిస్తున్న తల్లికి సాయం చేసేందుకు రాగిజావ విక్రేతగా మారిన బీటెక్‌ చదివే కూతురు, పేపర్లు వేస్తున్న కుమారిడి దయనీయ పరిస్థితిపై ‘పేదింటికి పెద్దకష్టం’ శీర్షికన ‘సాక్షి’ కథనం ప్రచురించింది. స్పందించిన దాతలు తలాకొంత ఆర్థిక సాయం అందించారు.

మంథని: తన తండ్రి ఆశయ సాధన కోసమే పనిచేస్తున్నానని చెబుతున్న మంథని ఎమ్మెల్యే శ్రీధర్‌బాబు.. ఆ ఆశయం ఏమి టో సమాజానికి తెలియజెప్పాలని మాజీ ఎమ్మెల్యే పుట్ట మధు సవాల్‌ చేశారు. స్థానిక అంబేడ్కర్‌ చౌక్‌లో మంగళవారం ఏర్పాటు చేసిన మీడియా సమావేశంలో ఆయన మాట్లాడారు, చిన్నకాళేశ్వరం పూర్తిచేస్తానని చెప్పి ఇప్పటివరకూ పూర్తిచేయలేదన్నారు. గెలిచిన రెండ్రోజులకే ఇసుక బంద్‌ చేస్తామన్నా.. ఇంకా ఆచరణలో చూపలేదని విమర్శించారు. ఇప్పటివరకు నలుగురికి కూడా ఉద్యోగాలు పెట్టించకపోవడమేనా తన తండ్రి ఆశయ సాధనా? అని ప్రశ్నించారు. సమాజాన్ని మేల్కొల్పాలని తాను తపన పడుతుంటే.. తనవాళ్లతో కొట్టిస్తానని బెదిరిస్తున్నారని మధు ఆరోపించారు. తాను బెదిరింపులకు భయపడనన్నారు. త నకు అన్నివిషయాలపై అవగాహన ఉందని, వాటి ని త్వరలోనే బయటపెడుతానని తెలిపారు. జయశంకర్‌ భూపాలపల్లి జిల్లా మాజీ జెడ్పీ చైర్‌ పర్సన్‌ జక్కు శ్రీహర్షిణీరాకేశ్‌, నాయకులు ఏగోళపు శంకర్‌గౌడ్‌, తరగం శంకర్‌లాల్‌, ఆరెపల్లి కుమార్‌, కనవేన శ్రీనివాస్‌, పుప్పాల తిరుపతి, పెగడ శ్రీనివాస్‌, మాచిడి రాజూగౌడ్‌ తదితరులు పాల్గొన్నారు.

మంథనిరూరల్‌: పెద్దపులి సంచారంపై రెండు జిల్లా ల్లో ఉత్కంఠ నెలకొంది. రాష్ట్ర సరిహద్దు అటవీ ప్రాంతం నుంచి దారితప్పి వచ్చిన పెద్దపులి.. 20 రోజులుగా అటవీశాఖ అధికారులను ముప్పు తిప్ప లు పెడుతోంది. ఈనెల 15న పెద్దపల్లి జిల్లాలోకి ప్రవేశించిన పులి.. 28వ తేదీ వరకు వివిధ అ టవీ ప్రాంతాల్లో సంచరించింది. మానేరు దాటి భూపాలపల్లి జిల్లాలోకి వెళ్లినట్లు అధికారులు చెబుతున్నా రు. ఇప్పటివరకు మానేరు దాటినట్లు ఆనవాళ్లు లేకపోవడంతో పలు అనుమానాలకు తావిస్తోంది. రెండు జిల్లాల్లో సంచరిస్తున్నది ఒక్కటేనా? లేక మరొకటి కూడా ఉందా? అనే సందిగ్ధం నెలకొంది. శ్రీరాంపూర్‌ ప్రాంతం నుంచి.. మంచిర్యాల జిల్లా శ్రీరాంపూర్‌ ప్రాంతం నుంచి ఈనెల 15న పెద్దపల్లి జిల్లాలోకి ప్రవేశించిన పులి రామగుండంలోని మేడిపల్లి శివారు ఓసీపీ డంప్‌ ప్రాంతంలో సంచరించినట్లు డీఎఫ్‌ఓ శివయ్య ఆధ్వర్యంలో అటవీశాఖ అధికారులు గుర్తించి అప్రమత్తమయ్యారు. సుమారు నాలుగు రోజుల పాటు ఆ ప్రాంతంలోనే మకాం వేసిన పెద్దపులి.. ఈనెల 23న గోదావరినది దాటి అవతలివైపు వెళ్లినట్లు నిర్ధారించడంతో అందరూ ఊపిరి పీల్చుకున్నారు. రెండురోజులకే మళ్లీ.. పదిరోజులపాటు రామగుండం ఓసీపీల్లోనే మకాం వేసిన పెద్దపులి.. ఈనెల 23న మంచిర్యాల జిల్లా ఇందారం వద్ద గోదావరినది దాటిన ఆనవాళ్లను ఫారెస్ట్‌ అధికారులు గుర్తించారు. నది దాటి వెళ్లిపోయిందని భావించిన నేపథ్యంలో మళ్లీ రెండురోజులకే జైపూర్‌, పౌనూరు, శివ్వారం మీదుగా ఎల్‌.మడుగు వద్ద ఖాన్‌సాయిపేట–ఆరెంద ప్రాంతంలోకి ప్రవేశించినట్లు అధికారులు అడుగులను గుర్తించారు. పులి అడుగులను అనుసరిస్తూ సుమారు 15 కిలోమీటర్లు వెళ్లిన అధికారులు.. భట్టుపల్లి ప్రాంతంలో ఉన్నట్లు నిర్ధారించి సమీప ప్రాంతాల ప్రజలను అప్రమత్తం చేశారు. మరుసటి రోజున పులిజాడ కోసం అన్వేషించినా ఇప్పటివరకు ఫలితం లభించలేదు. మానేరు తీరంలో గాలింపు.. భట్టుపల్లి అడవుల నుంచి ఎటువైపు వెళ్లిందోనని గాలిస్తున్న క్రమంలో జయశంకర్‌ భూపాలపల్లి జిల్లా చిట్యాల మండలంలో ఓ ఎద్దుపై పెద్దపులి దాడి చేసిన సమాచారం అందుకున్న అటవీశాఖ అధికారులు అప్రమత్తమయ్యారు. ఈ క్రమంలో ఆరెంద, వెంకటాపూర్‌, అడవిసోమన్‌పల్లి మానేరు తీరం వెంట పులి అడుగులను గుర్తించేందుకు ఎఫ్‌ఎస్‌వోలు నర్సయ్య, రహ్మతుల్లా హుస్సేన్‌, సోనికిరణ్‌, ఎండీ అఫ్జల్‌ అలీ, ఎఫ్‌బీవోలు ప్రదీప్‌, శ్రీకాంత్‌, రాంసింగ్‌, ప్రవీణ్‌తో పాటు సిబ్బంది ప్రయత్నాలు చేస్తున్నారు. మానేరు ఎక్కడి నుంచి దాటిందని గుర్తించేందుకు అడుగుల జాడల కోసం సోమవారం సైతం అన్వేషణ చేశారు. ఒక్కటేనా.. మరొకటి వచ్చిందా? పెద్దపల్లి జిల్లాలోని పలు ప్రాంతాల్లో సంచరించిన పెద్దపులి.. ఆదివారం జయశంకర్‌ భూపాలపల్లి జిల్లా చిట్యాల మండలంలో ఎద్దుపై దాడిచేసిన పులి ఒక్కటేనా? అనే అనుమానాలు వ్యక్తం అవుతున్నాయి. పెద్దపల్లి జిల్లా నుంచి భూపాలపల్లి జిల్లాలోకి ప్రవేశించాలంటే మానేరు దాటాల్సి ఉంటుంది. అయితే పెద్దపులి ఎక్కడి నుంచి మానేరు దాటి ఉంటుందని అటవీ అధికారులు అడుగుల కోసం గాలింపు చర్యలు చేపట్టారు. మంథనితో పాటు ముత్తారం మండలాల్లోని మానేరు పరీవాహక ప్రాంతాల్లో అధికారులు పులి అడుగుల అన్వేషణ కొనసాగుతోంది.

● బ్లాక్‌స్పాట్‌ల వద్ద పెరుగుతున్న ప్రమాదాలు ● నామమాత్రంగా సూచిక బోర్డులు ● అతివేగంతో దూసుకెళ్తున్న వాహనాలు గోదావరిఖని: గతేడాదితో పోల్చితే ఈఏడాది రోడ్డు ప్రమాదాలు భారీగా పెరిగాయి. ఆర్‌ అండ్‌ బీ, ఎకై ్సజ్‌, హైవే ఇంజినీరింగ్‌ శాఖల అధికారులతో కలిసి గ్రామ రోడ్డు భద్రత కమిటీ సభ్యులు తనిఖీలు చేశారు. మంచిర్యాల జోన్‌లోని వెంపల్లి – ముల్కల వంతెన, గుడిపేట వంతెన, పెద్దపల్లి జోన్‌లోని గోదావరిఖని బీ –గెస్ట్‌ హౌస్‌ పరిసరాల్లోనూ తనిఖీలు చేసి ప్రమాదా ప్రాంతాలు గుర్తించారు. బ్లాక్‌స్పాట్ల వద్దే అధికం.. గతేడాది జరిగిన ప్రమాదాల్లో 131 మంది మృతి చెందగా, 221మందికి తీవ్ర, 301 మందికి స్వల్పగాయాలయ్యాయి. ఈఏడాది 334 రోడ్డు ప్రమాదా లు జరగ్గా 126 సంఘటనల్లో 137మంది మృతి చెందారు. 338 మందికి గాయాలయ్యాయి. రాజీవ్‌రహ దారి వెంట బ్లాక్‌స్పాట్‌లను గుర్తించినా ప్రమాదాల నియంత్రణకు చర్యలు తీసుకోలేదు. దీంతోనే బ్లాక్‌ స్పాట్‌ల వద్దే ప్రమాదాలు పెరిగాయి. ప్రధానంగా భారీవాహనాలు ఢీకొట్టడడంతో ద్విచక్రవాహనదారులు ప్రాణాలు కోల్పోయారు. కొందరు శాశ్వత అంగవైకల్యానికి గురయ్యారు. ప్రమాదాల నియంత్రణకు రోడ్డు సేఫ్టీ విభాగాన్ని ట్రాఫిక్‌కు అప్పగించగా.. బ్లాక్‌స్పాట్‌ల వద్ద సూచికల బోర్డులు ఏర్పాటు చేశారు. పలు చర్యలు తీసుకున్నారు. దీంతో ప్రమాదాలు కొంతతగ్గినా.. ఇప్పుడు సూచిక బోర్డులు లేక ప్రమాదాలు మళ్లీ పెరిగాయి. డ్రంక్‌ అండ్‌ డ్రైవ్‌పై ప్రత్యేక దృష్టి డ్రంక్‌ అండ్‌ డ్రైవ్‌పై పోలీసులు ప్రత్యేక దృష్టి సారించారు. మద్యం తాగి వాహనం నడుపుతూ తొలిసారి దొరికిన వారికి జరిమానా విధించి వదిలేశారు. రెండోసారి పట్టుబడ్డవారికి భారీ జరిమానాతోపాటు జైలు శిక్ష కూడా విధించారు. ఇలా గతేడాది 6,725 పట్టుపడగా, అందులో 3,352 మంది నుంచి రూ.44.14లక్షల జరిమానా వసూలు చేశారు. ఈఏడాది 9,678 డ్రంక్‌ అండ్‌ డ్రైవ్‌ కేసులు నమోదు చేయగా.. రూ.96.45లక్షలు జరిమానా విధించారు. నాలుగేళ్లలో రోడ్డు ప్రమాదాలు, మృతులు, గాయపడినవారు ఏడాది మృతులు తీవ్రగాయాలు గాయాలు 2022 128 44 296 2023 112 64 303 2024 131 221 301 2025 137 170 338 రోడ్డు నిబంధనల అతిక్రమణ, నిర్లక్ష్యపు డ్రైవింగ్‌తోనే రోడ్డు ప్రమాదాలు జరుగుతున్నాయి. సేఫ్టీ డ్రైవ్‌ కోసం అవగాహన కల్పిస్తున్నాం. – శ్రీనివాస్‌, ఏసీపీ, ట్రాఫిక్‌, రామగుండం

సమన్వయంతో నేరాల నియంత్రణ గోదావరిఖని: ఒకరి సంతోషం మరొకరికి కారాదు విషాదం.. సామాన్య జనానికి ఇబ్బందులు కలుగకుండా వేడుకలు నిర్వహించుకోవాలి. ఆర్భాటాలకు వెళ్లి హల్‌చల్‌ చేస్తే ఊచలు లెక్కించాల్సిందే అంటున్నారు పోలీసులు. న్యూఇయర్‌ వేడుకల్లో హద్దుమీరితే కఠిన చర్యలు తీసుకుంటామని స్పష్టం చేస్తున్నారు. వైన్స్‌షాపులు, బార్‌లు, రెస్టారెంట్లు ప్రభుత్వం నిర్దేశించిన సమయాలు పాటించాలంటున్నారు. బహిరంగ ప్రదేశాల్లో మద్యం తాగేవారిపై కఠిన చర్యలు తీసుకునేందుకు సిద్ధమవుతున్నారు. డీజేలు, లౌడ్‌స్పీకర్లు, అధిక డెసిబుల్‌ సౌండ్‌ సిస్టం, బాణాసంచా వినియోగాన్ని తగ్గించుకోవాలంటున్నారు. మద్యం మత్తులో బైక్‌ రేసింగ్‌, ర్యాష్‌ డ్రైవింగ్‌, రాంగ్‌సైడ్‌ డ్రైవింగ్‌ చేస్తే జైలుకు పంపించేందుకు చర్యలు తీసుకుంటున్నారు. డ్రంక్‌ అండ్‌ డ్రైవ్‌ కోసం ప్రత్యేక బృందాలను రంగంలోకి దించుతున్నారు. ఈనెల 31 రాత్రి 10గంటల నుంచి మరుసటిరోజు తెల్లవారుజామున 4గంటల వరకు ప్రత్యేక తనిఖీలు నిర్వహించనున్నారు. మద్యం తాగి పట్టుబడితే వాహనాన్ని సీజ్‌ చేయడంతోపాటు లైసెన్స్‌ రద్దు చేస్తారు. పోలీసుల అనుమతి తప్పనిసరి నూతన సంవత్సర వేడుకలు సమష్టిగా నిర్వహించేందుకు పోలీసుశాఖ అనుమతి తప్పనిసరిగా తీసుకోవాలి. సాంస్కృతిక కార్యక్రమాల్లో అశ్లీల నృత్యాలకు తావులేకుండా నిఘా ఉంటుంది. వేడుకలను రాత్రి 12.30 గంటలలోపు ముగించేలా సూచిస్తున్నారు. ప్రజాశాంతికి విఘాతం కలిగించకుండా వేడుకలు జరుపుకోవాలి. డ్రంక్‌ అండ్‌ డ్రైవ్‌లో పట్టుబడితే సీజ్‌ రాత్రి 12గంటలల్లోగా వైన్స్‌షాప్‌లు, ఒంటిగంటలోగా బార్‌ అండ్‌ రెస్టారెంట్లు మూసివేయాలి. మద్యం తాగి వాహనాలు నడిపితే ఊరుకునేదిలేదు. అన్ని ప్రాంతాల్లో విస్తృతంగా డ్రంక్‌అండ్‌డ్రైవ్‌ నిర్వహించనున్నారు. మద్యం తాగి పట్టుబడితే లైసెన్స్‌ రద్దుతోపాటు వాహనాన్ని సీజ్‌ చేయనున్నారు. దీంతో పాటు కేసునమోదు చేసి కోర్టులో హాజరుపర్చనున్నారు. రెండోసారి మద్యం తాగి వాహనం నడిపినట్లు తేలితే జైలు శిక్షకు సిద్ధంగా ఉండాలి. మహిళల రక్షణ కోసం షీటీంలు.. ప్రజలకు ఎలాంటి ఇబ్బంది లేకుండా న్యూఇయర్‌ వేడుకలు నిర్వహించుకోవాలి. న్యూఇయర్‌పేరుతో అతిగా మద్యం తాగి మహిళలపై వేధింపులకు పాల్పడితే చర్యలు తీసుకునేందుకు సిద్ధమవుతున్నారు. మహిళల రక్షణ కోసం షీంటీంలను ఏర్పాటు చేశారు. ప్రత్యేకంగా తనిఖీలు చేస్తారు. పోలీసు నిఘాలో వేడుకలు.. న్యూఇయర్‌ వేడుకల్లో హద్దుమీరకుండా స్థానిక పోలీసులతో పాటు ట్రాఫిక్‌, టాస్క్‌ఫోర్స్‌, క్రైం, షీటీం, మఫ్టీ టీంలు, స్పెషల్‌ బ్రాంచ్‌ సిబ్బందితో ప్రత్యేక నిఘా ఏర్పాటు చేస్తున్నారు. రోడ్డు ప్రమాదాల నియంత్రణకు డ్రంక్‌అండ్‌డ్రైవ్‌ నిర్వహించనున్నారు. అక్రమ సిట్టింగులు, ఆరుబయట మద్యం తాగడం, గుంపులుగా తిరగడం చేస్తే కఠిన చర్యలు తీసుకోనున్నారు. గోదావరిఖని: నేరాల నియంత్రణకు పోలీసు అధికారులు, సిబ్బంది సమన్వయంతో ముందుకు సాగాలని రామగుండం సీపీ అంబర్‌ కిశోర్‌ఝా సూచించారు. తన కార్యాలయంలో పెద్దపల్లి, మంచిర్యాల జోన్ల పోలీస్‌ అధికారులతో సోమవారం నేరసమీక్ష జరిపారు. కేసుల పరిష్కార శాతం పెంచాలన్నారు. దీర్ఘకాలంగా పెండింగ్‌లో ఉన్న కేసులను ప్రత్యేక కార్యాచరణ, ప్రణాళికతో త్వరితగతిన పూర్తిచేయాలన్నారు. మహిళల కేసుల్లో సాక్ష్యాధారాలను కోర్టుకు సమర్పించి నిందితులకు శిక్ష పడేలా చూడాలన్నారు. పోక్సో కేసుల్లో బాధితులకు పరిహారం త్వరగా అందేలా చూడాలని అన్నారు. రోడ్డు సేఫ్టీ విభాగంతో సమన్వయం చేసుకుంటూ రోడ్డు ప్రమాదాలు నియంత్రించాలని పేర్కొన్నారు. గంజాయి, డ్రగ్స్‌ వంటి చట్టవిరుద్ధ కార్యకలాపాలపై కఠిన చర్యలు తీసుకోవాలన్నారు. మంచిర్యాల డీసీపీ భాస్కర్‌, అడిషనల్‌ డీసీపీ(అడ్మిన్‌) శ్రీనివాస్‌, గోదావరిఖని, మంచిర్యాల, పెద్దపల్లి, బెల్లంపల్లి, ఎస్బీ ఏసీపీలు రమేశ్‌, ప్రకాశ్‌, కృష్ణ, రవికుమార్‌, నాగేందర్‌గౌడ్‌ తదితరులు పాల్గొన్నారు. అంధకారం చేసుకోవద్దు హద్దులకు లోబడి వేడుకలను నిర్ణీత సమయాల్లోగా నిర్వహించుకోవాలి. తాత్కాలిక ఆనందం కోసం యువత కేసుల్లో ఇరుక్కోవద్దు. ఒక్కసారి కేసు నమోదైతే భవిషత్‌లో ప్రభుత్వ ఉద్యోగాలు, ఇతర దేశాలకు వెళ్లేందుకు వీసాలు రావడం కష్టం. తల్లిదండ్రులు పిల్లలపై జాగ్రత్తలు తీసుకోవాలి. ప్రత్యేక పర్యవేక్షణ ఉండాలి. – అంబర్‌ కిశోర్‌ ఝా, పోలీస్‌ కమిషనర్‌, రామగుండం

● కనగర్తిలో ఒకరు మృతి ఓదెల(పెద్దపల్లి): భూ పంచా యితీ ఓ రైతు ప్రాణం తీసింది. ఈఘటన పెద్దపల్లి జిల్లా ఓ దె ల మండలం కనగర్తి గ్రామంలో సోమవారం చోటుచేసుకుంది. కనగర్తి గ్రామానికి చెందిన ఆది రాజయ్య(సన్నాఫ్‌ మల్లయ్య)ను ఇదే గ్రామా నికి చెందిన ఆది రాజయ్య(సన్నాఫ్‌ ఐలయ్య) పొ లం వద్ద పిడిగుద్దులు గుద్ది, కాళ్లతో తన్ని బురద లో తొక్కి చంపేశాడు. పొత్కపల్లి ఎస్సై రమేశ్‌, మృతుడి కూతురు వొడ్నాల లావణ్య కథనం ప్రకారం.. కనగర్తిలో ఒంటరిగా ఉంటున్న రాజయ్య వ్యవసాయం చేస్తూ బతుకుతున్నాడు. ఇదే గ్రా మానికి చెందిన ఆది రాజయ్య భూమి ఆయన పొ లాన్ని ఆనుకొని ఉంది. ఇద్దరి భూముల మధ్య గె ట్టు(ఒడ్డు) విషయంలో పలుమార్లు గొడవలు, కు లపెద్ద మనుషుల సమక్షంలోనూ పంచాయితీలు జరిగాయి. సోమవారం ఉదయం ఆది రాజయ్య (సన్నాఫ్‌ మల్లయ్య) కూలీలతో పొలంలో పనులు చేయిస్తున్నాడు. ఈక్రమంలో ఒడ్డు వద్దగల హద్దు రాయిని రాజయ్య(సన్నాఫ్‌ ఐలయ్య) పీకేశాడు. ఎందుకు పీకేశావని ఆదిరాజయ్య(సన్నాఫ్‌ మల్ల య్య) అడిగాడు. దీంతో ఆదిరాజయ్య(సన్నాఫ్‌ ఐలయ్య) చేతులతో పిడిగుద్దులు గుద్దాడు. కాళ్లతో తన్ని బురదలో తొక్కాడు. దీంతో బురదలో బొర్లపడి ముక్కు మూసుకుపోయి ఊపిరి ఆడక ఆది రా జయ్య(సన్నాఫ్‌ మల్లయ్య) అక్కడికక్కడే మృతిచెందాడు. మృతుడి కూతురు వొడ్నాల లావణ్య ఫిర్యా దు మేరకు కేసు నమోదు చేశామని పెద్దపల్లి సీఐ ప్రవీణ్‌కుమార్‌ తెలిపారు. ఘటనా స్థలాన్ని డీసీపీ రాంరెడ్డి, ఏసీపీ కృష్ణ, ఎస్సైలు రమేశ్‌, చంద్రకుమార్‌ పరిశీలించారు. పాత గొడవలను దృష్టి లో పెట్టుకుని తన తండ్రిని చంపేశారని మృతుడి కుతుళ్లు విలపించారు. వరినాట్ల సమయంలో రైతు మృతి చెందడంతో విషాదం అలముకుంది.

ఆటలతో మొదలై..పోలీస్‌ స్పోర్ట్స్‌ మీట్‌తో మొదలైన 2025.. ఎమ్మెల్సీ ఎన్నికలతో వేగం అందుకుని, పంచాయతీ ఎన్నికలతో ప్రశాంతంగా ముగిసింది. దక్షిణకాశీగా పిలిచే వేములవాడలో దర్శనాలు నిలిపివేయడం భక్తులకు తీవ్ర అసౌకర్యం కల్పించినా.. ఆలయాభివృద్ధి కోసం తప్పలేదు. సీబీఐ వామనరావు దంపతుల కేసు.. కాళేశ్వరం ప్రాజెక్టు కుంగిపోవడంపై విచారణ ప్రారంభించింది. క్రిప్టో కరెన్సీ పేరిట వెలుగుచూసిన రెండు కుంభకోణాలు ఉమ్మడి కరీంనగర్‌ జిల్లాను కుదిపేశాయి. ఫోన్‌ ట్యాపింగ్‌ కేసులో కేంద్ర సహాయ మంత్రి బండి సంజయ్‌, ఎంపీ ఈటల రాజేందర్‌, కరీంనగర్‌ గ్రంథాలయ సంస్థ చైర్మన్‌ సత్తు మల్లేశ్‌ను ‘సిట్‌’ విచారించింది. – సాక్షి ప్రతినిధి, కరీంనగర్‌

డెవలప్‌మెంట్‌ వాచ్‌ 2025సాక్షి పెద్దపల్లి: జిల్లాలో ఈ ఏడాది అభివృద్ధి, సంక్షేమం అంతంతంగానే నమోదు అయ్యాయి. పంచాయతీలు, బల్దియాల్లో నిధులు కొరత అభివృద్ధికి ఆటంకంగా మారింది. ఆరు గ్యారంటీల్లో సంక్షేమం కొంత ఊరట ఇచ్చినా కొత్త పథకాలు రాలేదు. కొత్త పింఛన్ల కోసం నిరీక్షణ తప్పలేదు. కానీ, కొన్ని ప్రధాన సమస్యల పరిష్కారానికి అడుగులుపడ్డాయి. మూడు విడతల్లో రైతురుణమాఫీ కావడంతో అన్నదాతలకు ఊరట లభించింది. రైతుభరోసా, సన్నధాన్యం బోనస్‌ డబ్బులు రాక నిరాశనే మిగిల్చింది. పెద్దపల్లి బస్టాండ్‌ ఎత్తిపోతల ప్రారంభం థర్మల్‌ పవర్‌ ప్లాంట్‌ ఏర్పాటు

పెద్దపల్లి: జిల్లాలో చలితీవ్రత పెరిగింది. రెండుమూడ్రోజులుగా రాత్రివేళల్లో కనిష్ట ఉష్ణోగ్రతలు నమోదవుతున్నాయి. దీంతో కొందరు జలుబు, దగ్గు, శ్వాస సంబంధిత సమస్యలతో బాధపడుతున్నారు. నిమోనియా, ఆస్తమా తదితర దీర్ఘకాలిక బాధితులు ఇబ్బందులు పడుతున్నారు. ఇలాంటి వారికి అందించే వైద్యసేవలు, పాటించే జాగ్రత్తల కోసం ‘సాక్షి’ సోమవారం జిల్లా వైద్య, ఆరోగ్యశాఖ అధికారి ప్రమోద్‌కుమార్‌తో ఫోన్‌ ఇన్‌ కార్యక్రమం నిర్వహించింది. జిల్లావ్యాప్తంగా పలువురు బాధితులు ఆయనను ఫోన్‌ద్వారా సంప్రదించారు. వారి ప్రశ్నలకు ఓపికగా సమాధానాలు ఇచ్చారు. వివరాలు.. దగ్గుతో ఇబ్బంది పడుతున్నాం. ఏం చేయాలి? – మేచినేని గోపాల్‌రావు, ధూళికట్ట డీఎంహెచ్‌వో: సమీపంలోని వైద్యులను సంప్ర దించి చికిత్స తీసుకోండి. చలితీవ్రత దృష్ట్యా బయటకు వెళ్లకపోవడమే మంచిది. జిల్లాలో జ్వరబాధితులు ఉన్నారు. నియంత్రణకు తీసుకుంటున్న చర్యలేమిటి? – తాండ్ర సదానందం, జిల్లా కార్యదర్శి, సీపీఐ డీఎంహెచ్‌వో: మా సిబ్బందితో నిత్యం సర్వే చేస్తున్నాం. జ్వరబాధితులను గుర్తించి ఉచితంగా మందులు అందిస్తున్నాం. అయినా తగ్గని వారిని పీహెచ్‌సీలకు తరలించి మెరుగైన వైద్యసేవలు అందిస్తున్నాం. సుల్తానాబాద్‌ ఆస్పత్రిలో ఆక్సిజన్‌లేక పేషెంట్లు ఇబ్బంది పడుతున్నారు? – అబ్దుల్‌ హకీం, సుల్తానాబాద్‌ డీఎంహెచ్‌వో: కలెక్టర్‌, డీసీహెచ్‌ శ్రీధర్‌ దృష్టికి తీసుకెళ్లి సమస్య పరిష్కరిస్తాం. వైద్యసేవలను విస్తరించాలి – నరేశ్‌, పాలకుర్తి డీఎంహెచ్‌వో: గ్రామాల్లో మూడురోజులపాటు యూనాని, ఇతర వైద్యసేవలు అందించేలా కలెక్టర్‌ దృష్టికి తీసుకెళ్తాం. ప్రాథమిక ఆరోగ్య కేంద్రాల్లో మందులు అందుబాటులో ఉన్నాయా? – ఆంజనేయులు, జూలపల్లి డీఎంహెచ్‌వో: జ్వరం, దగ్గు, జలుబు తదితర వ్యాధులకు ప్రాథమిక ఆరోగ్య కేంద్రాల్లో మందులు అందుబాటులో ఉన్నాయి. చలిలో వ్యవసాయ పనులకు వెళ్లేవారు ఎలాంటి జాగ్రత్తలు తీసుకోవాలి? – రాంరెడ్డి, జూలపల్లి డీఎంహెచ్‌వో: ఉదయం ఏడు గంటల తర్వాతే బయటకు వెళ్లాలి. ముక్కు, చెవులకు ఈదురుగాలులు తగలకుండా తప్పకుండా ఉన్నిదుస్తులు ధరించాలి. మా ఇద్దరు చిన్నపిల్లలకు శ్వాస సమస్య ఉంది? – ప్రీతి, ధర్మారం డీఎంహెచ్‌వో: ఐస్‌క్రీమ్స్‌, కూల్‌డ్రింక్స్‌ తాగొద్దు. చలిలో ప్రయాణం చేయొద్దు. దీర్ఘకాలిక వ్యాధిగ్రస్తులు ఎలాంటి జాగ్రత్తలు తీసుకోవాలి? – కుమార్‌, సుల్తానాబాద్‌ డీఎంహెచ్‌వో: దీర్ఘకాలిక వ్యాధిగ్రస్తులు ఉదయం ఏడు గంటలకు ముందు ఇళ్ల నుంచి బయటకు రావొద్దు. ప్రతీఒక్కరు ఉన్నిదుస్తులు ధరించాలి. ఆస్తమా బాధితులు తీసుకోవాల్సిన జాగ్రత్తలు? – భిక్షపతి, పెద్దపల్లి డీఎంహెచ్‌వో: ఇన్‌హేలర్‌ తప్పనిసరిగా వెంట ఉంచుకోవాలి. డాక్టర్‌ సూచనలు, సలహా లు తప్పకుండా పాటించాలి. నిమోనియా బాధితులు ఏంచేయాలి? – సతీశ్‌, పెద్దపల్లి డీఎంహెచ్‌వో: రక్తహీనతతో బాధపడుతున్న వా రు డాక్టర్ల సూచనలు, సలహాల మేరకే బ యటకు వెళ్లాలి. వీరికి ప్రభుత్వ ఆస్పత్రుల్లో వైద్యసేవలు, మందులు ఉచితంగా అందిస్తున్నాం.

పాలకుర్తి మండలం బసంత్‌నగర్‌లో ఎయిర్‌పోర్టు ఏర్పాటు దశాబ్దాల కల. వివిధ సాంకేతిక కారణాలతో అక్కడ ముందుకు సాగలేదు. కానీ, బసంత్‌నగర్‌కు బదులు అంతర్గాం ప్రాంతంలో ఎయిర్‌పోర్టు ఏర్పాటుకు రాష్ట్ర ప్రభుత్వం సముఖత చూపింది. దీంతో ఈనెల 4న ఎయిర్‌పోర్టు అథారిటీ ఆఫ్‌ ఇండియా(ఏఏఐ) అధికారులు అంతర్గాం ప్రాంతంలో పర్యటించారు. అందుబాటులోని ప్రభుత్వ భూములు పరిశీలించారు. ఏఏఐ సూచించిన అభ్యంతరాలు పరి ష్కరించి, భూసేకరణ చేపడితే విమానాశ్రయం కల నెరవేరుతుంది. పెద్దపల్లిలో బస్సుడిపో పనులు ప్రారంభం పెద్దపల్లి నియోజకవర్గ ప్రజల దశాబ్దాల కల ఆర్టీసీ బస్సుడిపో. నవంబర్‌ 19న ఎమ్మెల్యే విజయరమణారావు డిపో పను లు ప్రారంభించారు. ఆర్టీసీ బస్టాండ్‌ను ఆ నుకుని ఉన్న ప్రభుత్వ కార్యాలయాలు తొలగించి ఆ స్థలంలో డిపో నిర్మిస్తున్నారు. ఇప్పటికే ప్రభుత్వం 45 బస్సులు కేటాయించింది. పెద్దపల్లి పట్టణాభివృద్ధి కోసం బైపాస్‌ రోడ్డు మంజూరు చేసింది. భూమి సేకరణ కోసం అధికారులు ఎంజాయ్‌మెంట్‌ సర్వే చేస్తున్నారు. ఈప్రక్రియ పూర్తయితే డిపో పనులు వేగవంతం కానున్నాయి.

పెద్దపల్లి: జిల్లాలోని 8 సర్కారు బడులకు స్వచ్ఛ పాఠశాలల అవార్డులు ప్రదానం చేసినట్లు కలెక్టర్‌ కోయ శ్రీహర్ష తెలిపారు. స్వచ్ఛత అంశంలో ఉత్తమ పనితీరు కనబర్చినందుకు జిల్లాస్థాయిలో అవార్డులు, ప్రశంసాపత్రాలు అందజేశామన్నారు. కలెక్టరేట్‌లో సోమవారం జరిగిన కార్యక్రమంలో ఆయన మాట్లాడుతూ, తాగునీరు, మరుగుదొడ్లు, మూత్రశాలల నిర్వహణ, చేతులు శుభ్రం చేసేందుకు సౌకర్యాలు, పాఠశాలలు, పరిసరాల పరిశుభ్రతపై విద్యార్థుల ప్రవర్తన, అవగాహన, మొక్కల పెంపకం, ప్లాస్టిక్‌ నిర్మూలన తదితర అంశాలపై ప్రతిభ చూపినందుకు పురస్కారాలు అందించామన్నారు. డీఈవో శారద, ఏఎంవో షేక్‌, సీఎంవో కవిత తదితరులు పాల్గొన్నారు. జిల్లాకు సరిపడా యూరియా నిల్వలు జిల్లాకు సరిపడా యూరియా నిల్వలు అందుబాటులో ఉన్నాయని కలెక్టర్‌ కోయ శ్రీహర్ష తెలిపారు. రైతుల అవసరాలకు అనుగుణంగా 38 వేల మెట్రిక్‌ టన్నులు అవసరమని ప్రణాళిక రూపొందించగా.. ఇప్పటివరకు 15,162 మెట్రిక్‌ టన్నులు వచ్చిందన్నారు. రోడ్లపై కేజీవీల్స్‌ ట్రాక్టర్లు నిషేధం రోడ్లపై కేజీవీల్స్‌ ట్రాక్టర్ల ప్రయాణం నిషేధించామని కలెక్టర్‌ శ్రీహర్ష తెలిపారు. నిబంధనలు అతిక్రమిస్తే తొలిసారి రూ.5,000, రెండోసారి రూ.10,000 వరకు జరిమానా విధిస్తామని, మూడోసారి దొరికితే కేసులు నమోదు చేసి వాహనం సీజ్‌ చేస్తామన్నారు. ట్రాన్స్‌జెండర్లు దరఖాస్తు చేసుకోవాలి స్వయం ఉపాధి కోసం ట్రాన్స్‌జెండర్లు వచ్చేఏడాది జనవరి 10లోగా దరఖాస్తు చేసుకోవాలని కలెక్టర్‌ శ్రీహర్ష సూచించారు. వివరాలకు 94408 52495 నంబరులో సంప్రదించాలని కోరారు.

గోదావరిఖని: సింగరేణి మారుపేర్ల బాధితుల సమ స్య పరిష్కరించాలని రామగుండం ఎమ్మెల్యే ఎంఎస్‌ రాజ్‌ఠాకూర్‌ కోరారు. సోమవారం జరిగిన అసెంబ్లీ సమావేశాల్లో ఎమ్మెల్యే మాట్లాడుతూ, మారుపేర్ల బాధితులకు వెంటనే ఉద్యోగాలు కల్పించాలని, రామగుండంలో 800 మెగావాట్ల విద్యుత్‌ ప్లాంటును వెంటనే ఏర్పాటు చేయాలని, పారిశ్రామికీకరణతో ఉపాధి కోల్పోయిన గౌడకులస్తుల కోసం సింగరేణి ఓపెన్‌ కాస్ట్‌ ప్రాజెక్టుల సమీపంలోని ఖాళీస్థలాలు అప్పగిస్తే తాటి, ఈతవనాలను ఏర్పాటు చేసుకుంటారని, 50ఏళ్ల వయసు నిండిన విశ్వబ్రాహ్మణులకు పింఛన్లు మంజూరు చేయాలని ఆయన కోరారు. ముగిసిన ఎస్జీఎఫ్‌ కరాటే టోర్నీ కోల్‌సిటీ(రామగుండం): నగరంలోని ఆర్‌సీవోఏ క్లబ్‌లో అండర్‌–17 చేపట్టిన ఎస్జీఎఫ్‌ రాష్ట్రస్థాయి కరాటే టోర్నీ, ఎంపిక పోటీలు సోమవారం ముగిశాయి. రాష్ట్రంలోని ఉమ్మడి పది జిల్లాల నుంచి సుమారు 240 మంది బాలబాలికలు హాజరయ్యారు. ఎస్‌జీఎఫ్‌ జిల్లా కార్యనిర్వాహక కార్యదర్శి కనుకుంట్ల లక్ష్మణ్‌ నేతృత్వంలో పోటీలు నిర్వహించారు. దాసరి మల్లేశ్‌ పర్యవేక్షించారు. ఇన్‌చార్జి డీఈవో హనుమంతు ముఖ్య అతిథిగా హాజరై మాట్లాడారు. ప్రతినిధులు కరాటే శ్రీనివాస్‌, వడ్డేపల్లి సురేశ్‌, పసునూటి శంకర్‌, మంధని నాగరాజు, పసునూటి చందు, శ్రావణ్‌ కుమార్‌, సుంకే రాజు, బండి పరమేశ్‌, పవన్‌, బోయపోతు రాము, అన్వేశ్‌ రిఫరీలుగా వ్యవహరించారు. ఉమ్మడి కరీంనగర్‌ జిల్లా కోచ్‌, మేనేజర్లుగా ముక్తిశ్రీ, సునేహ సుల్తానా తదితనేలే పాల్గొన్నారు. 13 బంగారు పతకాలు.. జాతీయ పోటీలకు 13 మంది.. ఉమ్మడి కరీంనగర్‌ జిల్లాకు చెందిన 13 మంది క్రీడాకారులు బంగారు పతకాలు సాధించారు. వచ్చే ఏడాది జనవరిలో పుణెలో జరగనున్న జాతీయస్థాయి ఎస్‌జీఎఫ్‌ఐ పోటీలకు 13 మంది క్రీడాకారులు ఎంపికయ్యారు. బంగారు పతకాలు సాధించినవారిలో సృష్టి టుమానే, శ్రీహర్ష, శ్రీవల్లి, పి.శ్రీజ, బి.సహస్త్ర, పి.సహస్త్ర, శ్రీరాజ్‌ విఘ్నేశ్‌, టి.జయసాయిచరణ్‌, ఆకాశ్‌, డి.శివహర్షవర్ధన్‌, డి.దేవాన్ష్‌ ఉన్నారు. ముగింపు కార్యక్రమంలో గోదావరిఖని ప్రెస్‌క్లబ్‌ అధ్యక్షుడు డి.మాధవరావు, ప్రధాన కార్యదర్శి గడ్డం శ్యామ్‌కుమార్‌, కోశాధికారి రాజ్‌కుమార్‌, ఉపాధ్యక్షుడు కేఎస్‌ వాసు, రాష్ట్ర పేట అసోసియేషన్‌ ఉపాధ్యక్షులు కొమురోజు శ్రీనివాస్‌, శోభారాణి, జావిద్‌, విజయ్‌, ఖాజాభీ రమేశ్‌, కనకేశ్‌, వెంకటేశ్‌ తదితరులు పాల్గొన్నారు. ఆశ వర్కర్ల ధర్నా పెద్దపల్లి: ఆశ వర్కర్లకు నెలకు రూ.18వేల వేతనం చెల్లించాలని సీఐటీయూ జిల్లా గౌరవ అధ్యక్షురాలు జ్యోతి కోరారు. కలెక్టరేట్‌ ఎదుట సోమవారం ధర్నా నిర్వహించారు. జిల్లా వైద్యాధికారి ప్రమోద్‌ కుమార్‌కు వినతిపత్రం అందజేశారు. అనంతరం ఆమె మాట్లాడారు. కాంగ్రెస్‌ అధికారంలోకి వచ్చి రెండేళ్లు గడుస్తున్నా ఆశ వర్కర్ల సమస్యలు పరిష్కరించలేదన్నారు. యూనియన్‌ నాయకులు రూపారాణి, శారద, బి.రమాదేవి బి.శారద, మల్లేశ్వరి, సునీత, స్వప్న స్వరూప తదితరులు పాల్గొన్నారు. పెళ్లయిన రెండు నెలలకే..● రోడ్డుప్రమాదంలో వ్యక్తి మృతి కథలాపూర్‌(వేములవాడ): కథలాపూర్‌ మండలం తక్కళ్లపెల్లి గ్రామానికి చెందిన కండ్లి లోకేశ్‌ (23) బైక్‌ అదుపుతప్పి కింద పడి మృతిచెందాడు. ఎస్సై నవీన్‌కుమార్‌ కథనం ప్రకారం.. లోకేశ్‌కు కోరుట్ల మండలం మోహన్‌రావుపేటకు చెందిన శ్వేతతో రెండు నెలల క్రితం వివాహమైంది. ఆదివారం రాత్రి బైక్‌పై భార్యతో కలిసి అత్తగారింటికి వెళ్తున్నాడు. తక్కళ్లపెల్లి శివారులో బైక్‌ అదుపుతప్పి పడిపోవడంతో లోకేశ్‌, శ్వేత తీవ్రంగా గాయపడ్డారు. చికిత్స కోసం ఆసుపత్రికి తరలిస్తున్న క్రమంలో లోకేశ్‌ మృతిచెందాడు. వివాహమైన రెండు నెలలకే లోకేశ్‌ మృతిచెందడంతో గ్రామంలో విషాదం నెలకొంది. మృతుడి తండ్రి గంగాధర్‌ ఫిర్యాదు మేరకు కేసు దర్యాప్తు చేస్తున్నట్లు ఎస్సై తెలిపారు. వాహనం అదుపు తప్పి యువకుడి మృతిరాయికల్‌: భూపతిపూర్‌లో జరిగిన రోడ్డు ప్ర మాదంలో చింతలూరుకు చెందిన జటోతు భూమేశ్‌(19) మృతిచెందాడు. భూమేశ్‌ స్నే హితుడైన దినేశ్‌తో కలిసి ద్విచక్ర వాహనంపై రాయికల్‌ నుంచి చింతలూరు వైపు వెళ్తున్నా రు. భూపతిపూర్‌ శివారులో వాహనం అదుపుతప్పి రేలింగ్‌కు ఢీకొనడంతో భూమేశ్‌ తలకు తీవ్రగాయాలై మృతిచెందాడు. గాయపడిన దినేశ్‌ను ఆస్పత్రికి తరలించారు.

సాక్షి ప్రతినిధి, కరీంనగర్‌: మున్సిపల్‌ ఎన్నికలకు ప్రభుత్వం సిద్ధమవుతోంది. ఇప్పటికే పాలకవర్గాల పదవీకాలం ముగిసి ప్రత్యేకాధికారుల పాలనలో కొనసాగుతున్న బల్దియాల్లో ఎన్నికల నగరా మోగించేందుకు రాష్ట్ర ప్రభుత్వం సమాయత్తమవుతుంది. దీనికి అనుగుణంగానే రాష్ట్ర ఎన్నికల సంఘం కసరత్తు ప్రారంభించింది. కార్పొరేషన్లు, మున్సిపాలిటీల్లో ఓటరు జాబితా సవరణకు కార్యాచరణ చేపట్టింది. మంగళవారం నుంచి వార్డుల వారీగా ఓటరు జాబితా సిద్ధం చేసి, జనవరి 1న పట్టణ ప్రాంతంలోని పోలింగ్‌ కేంద్రాల్లో ఓటరు ముసాయిదా జాబితాను ప్రకటించనున్నారు. 5న ఆయా మున్సిపాలిటీల పరిధిలో మున్సిపల్‌ కమిషనర్లు రాజకీయపార్టీల ప్రతినిధులతో సమావేశమై అభ్యంతరాలు స్వీకరిస్తారు. అనంతరం జనవరి 10న వార్డుల వారీగా తుది ఓటరు జాబితా, పోలింగ్‌ కేంద్రాల ప్రచురణ చేపట్టనున్నట్లు ఎస్‌ఈసీ ఉత్తర్వుల్లో పేర్కొంది. ఫిబ్రవరిలో మున్సిపల్‌ ఎన్నికలు నిర్వహించే అవకాశాలు ఉన్నాయి. అందుకోసం తెలంగాణ రాష్ట్ర ఎన్నికల సంఘం కసరత్తు చేస్తోంది. అందులో భాగంగా సోమవారం కీలక నోటిఫికేషన్‌ విడుదల చేసింది.

మహిళల రన్నర్‌గా రంగారెడ్డి జిల్లా జట్టు మహిళల చాంపియన్‌షిప్‌ కై వసం చేసుకున్న హైదరాబాద్‌–2 జట్టు కరీంనగర్‌స్పోర్ట్స్‌: కరీంనగర్‌ జిల్లా కేంద్రంలోని అంబేడ్కర్‌ స్టేడియంలో జిల్లా కబడ్డీ సంఘం ఆధ్వర్యంలో 4 రోజలపాటు జరిగిన 72వ రాష్ట్రస్థాయి సీనియర్స్‌ కబడ్డీ చాంపియన్‌షిప్‌ పోటీలు ఆదివారంతో ముగిశాయి. పురుషుల విభాగంలో సూర్యాపేట జిల్లా జట్టు చాంపియన్‌షిప్‌ను కై వసం చేసుకోగా.. మహిళల విభాగంలో హైదరాబాద్‌–2 జట్టు విజేతగా నిలిచింది. పురుషుల విభాగంలో రన్నర్‌గా జోగులాంబ గద్వాల్‌ జట్టు, తృతీయ స్థానాల్లో నిజామాబాద్‌, నాగర్‌ కర్నూల్‌ నిలిచాయి. మహిళల విభాగంలో రన్నర్‌గా రంగారెడ్డి జిల్లా జట్టు, తృతీయ స్థానాల్లో వరంగల్‌, ఖమ్మం జట్లు నిలిచాయి. మంత్రి అడ్లూరి లక్ష్మణ్‌కుమార్‌ ముఖ్య అతిథిగా హాజరై విజేతలకు ట్రోఫీలు ప్రదానం చేశారు. మంత్రి మాట్లాడుతూ.. తెలంగాణ ప్రభుత్వం క్రీడలను ప్రోత్సహించడానికి స్పోర్ట్స్‌ పాలసీ తీసుకొచ్చిందన్నారు. కరీంనగర్‌ ఉమ్మడి జిల్లా కబడ్డీ క్రీడాకారులకు రెండు ఆస్ట్రోటర్ఫ్‌ కోర్టులు ఇచ్చేందుకు కృషి చేస్తానని అన్నారు. సుడా చైర్మన్‌ కోమటిరెడ్డి నరేందర్‌రెడ్డి మాట్లాడుతూ.. రాష్ట్ర పోటీలతో కబ్డడీకి మరింత క్రేజ్‌ వచ్చిందన్నారు. మహిళల జాతీయస్థాయి కబడ్డీ పోటీలు హైదరాబాద్‌లోని పటాన్‌చెరులో ఫిబ్రవరి 5 నుంచి 8 వరకు జరుగుతాయని రాష్ట్ర కబడ్డీ సంఘం అధ్యక్ష, కార్యదర్శులు కాసాని వీరేశం, మహేందర్‌రెడ్డి తెలిపారు, రాష్ట్ర కబడ్డీ సంఘం ఉపాధ్యక్షుడు సీహెచ్‌ సంపత్‌రావు, తెలంగాణ ఒలింపిక్‌ సంఘం సంయుక్త కార్యదర్శి గసిరెడ్డి జనార్దన్‌రెడ్డి, జిల్లా కబడ్డీ సంఘం జిల్లా అధ్యక్ష, కార్యదర్శులు డాక్టర్‌ అమిత్‌కుమార్‌, మల్లేశంగౌడ్‌ పాల్గొన్నారు. రన్నర్‌గా నిలిచిన జోగులాంబ గద్వాల్‌, రంగారెడ్డి జిల్లాలు ముగిసిన 72వ రాష్ట్రస్థాయి సీనియర్స్‌ కబడ్డీ పోటీలు ట్రోఫీలు ప్రదానం చేసిన మంత్రి అడ్లూరి లక్ష్మణ్‌కుమార్‌

మంథని: అవుట్‌ సోర్సింగ్‌.. పార్ట్‌ టైం ఉద్యోగం పేరిట వివిధ శాఖల్లో వేలాది మంది బోగస్‌ ఉద్యోగులు పనిచేస్తున్నట్లు అందిన సమాచారం మేరకు ప్రభుత్వం వారిని తొలగిస్తూ ఇటీవల ఉత్తర్వులు జారీచేసింది. ఈ క్రమంలోనే రిజిస్ట్రేషన్లు, స్టాంపుల శాఖలో పనిచేసే అవుట్‌ సోర్సింగ్‌ ఉద్యోగులను ఆర్ఖిక శాఖ విధుల నుంచి తొలగించింది. కానీ, వారంతా ఇప్పటికీ అనధికారికంగా విధుల్లోనే కొనసాగుతున్నట్లు సమాచారం. విధుల్లోనే కంప్యూటర్‌ ఆపరేటర్లు.. రాష్ట్రంలోని రిజిస్ట్రేషన్‌ కార్యాలయాల్లో అవుట్‌ సోర్సింగ్‌ ప్రాతిపదికన పనిచేసే సుమారు 300 మంది ఉద్యోగుల్లో 190 మందిని అక్టోబర్‌ 10న తొలగిస్తూ ఉత్తర్వులు జారీచేసింది. మొత్తం 300 మందిలో 190 మంది కంప్యూటర్‌ ఆపరేటర్లు కాగా మిగతా వారు అటెండర్లు, షరాప్‌లు ఉన్నారు. అటెండర్లు, షరాప్‌లను కొనసాగిస్తూ 190 సిస్టం ఆపరేటర్లను విధుల్లోంచి తొలగించారు. ఈశాఖలో పనిచేసే షరాప్‌, అటెండర్లు నెలకు రూ.16,500 వేతనంపైనే నెట్టుకు వస్తున్నారు. వీరికి చాలీచాలని వేతనాలు వస్తున్నాయని ఆందోళన ఉన్నారు. తక్కువ వేతనాలు ఉండడంతో అందరినీ కొనసాగించాలని ఉద్యోగులు విన్నవించారు. ఈమేరకు ఏటా వారి విధులను పొడిగిస్తున్నారు. కానీ, సిస్టం ఆపరేటర్ల విషయంలో ప్రభుత్వం కనికరం చూపలేదు. మరోవైపు.. ప్రభుత్వం వారిని విధుల్లోంచి తొలగించినా ఆయా కార్యాలయాల్లో అనధికారికంగా కొనసాగుతున్నట్లు సమాచారం,. వేతనాల చెల్లింపుపై అనుమానాలు ఆర్థికభారం తగ్గించుకునేందుకు రిజస్ట్రేషన్ల శాఖలో అవుట్‌ సోర్సింగ్‌ ప్రాతిపదికన పనిచేస్తున్న సిస్టం ఆపరేటర్లను తొలగించి అదే శాఖలో రెగ్యులర్‌ ఉద్యోగులను ఆ విధులను చూసుకోవాలని ప్రభు త్వం సూచించింది. కానీ, ఉమ్మడి కరీంనగర్‌ జిల్లా లోని 14 సబ్‌ రిజిస్ట్రార్‌ కార్యాలయాల్లో చాలాచోట్ల సిస్టం ఆపరేటర్లు యథావిధిగా పనులు చేస్తూనే ఉన్నారని సమాచారం. వీరికి అవుట్‌ సోర్సింగ్‌ పద్ధతిన ప్రతినెలా రూ.19.500 చొప్పున చెల్లించేవారు. ప్రభుత్వం వారిని తొలగించడంతో వీరికి వేతనాలు ఎవరు చెల్లిస్తున్నారనే అనుమానాలు వ్యక్తమవుతున్నాయి. ఈ విషయంపై జిల్లాలోని ఓ అధికారిని వివరణ అడిగేందుకు యత్నించగా ‘ఆ ఒక్కటి అడక్కు’ అని సమాధానమిచ్చారు. సబ్‌ రిజిస్ట్రార్‌ కార్యాలయాల్లో ప్రైవేటు పర్సన్‌ హవా? రిజిస్ట్రేషన్ల శాఖలో ప్రైవేటు వ్యక్తులదే పెత్తనం ఉంది. కీలకమైన విభాగాలు వారే చూస్తూ రిజిస్ట్రేషన్ల ప్రక్రియను నడిపిస్తున్నారు. చాలాకార్యాలయాల్లో రెగ్యులర్‌ సబ్‌ రిజిస్ట్రార్ల కొరత ఉండడం, దీనికితోడు ప్రైవేటు వ్యక్తుల ప్రమేయం అధికంగా కొనసాగుతున్నా ఉన్నతాధికారులు పట్టించుకోవడం లేదు. దస్తావేజు లేఖరులు సైతం తమ పరిధిని మించిన పనులు చేస్తూ అక్రమ వసూళ్లకు పాల్పడుతున్నట్లు ఆరోపణలు ఉన్నాయి. దీంతో సబ్‌ రిజిస్ట్రార్‌ కార్యాలయాల్లో పెద్దఎత్తున అవినీతి, అక్రమాలు జరుగుతున్నాయనే ఆరోపణలు ఉన్నాయి. తొలగించినా.. విధుల్లోనే కొనసాగింపు సబ్‌రిజిస్ట్రార్‌ ఆఫీసుల్లో అవుట్‌ సోర్సింగ్‌ ఉద్యోగులు ప్రతీనెల వేతనాల చెల్లింపుపై అనేక అనుమానాలు

కరీంనగర్‌స్పోర్ట్స్‌: జిల్లా మాస్టర్స్‌ అథ్లెటిక్‌ సంఘం ఆధ్వర్యంలో 2 రోజులుగా కరీంనగర్‌ అంబేడ్కర్‌ స్టేడియంలో జరుగుతున్న 12వ రాష్ట్రస్థాయి మాస్టర్స్‌ అథ్లెటిక్‌ చాంపియన్‌షిప్‌ పోటీలు ఆదివారంతో ముగిశాయి. రాష్ట్ర ఓవరాల్‌ చాంపియన్‌షిప్‌ను మేడ్చల్‌ జిల్లా జట్టు కై వసం చేసుకోగా.. రన్నరప్‌ను రంగారెడ్డి జిల్లా జట్టు గెలుచుకుంది. సాయంత్రం విజేతలుగా నిలిచిన క్రీడాకారులకు తెలంగాణ మాస్టర్స్‌ అథ్లెటిక్స్‌ అసోసియేషన్‌ గౌరవ అధ్యక్షుడు దేవేందర్‌రెడ్డి, అధ్యక్షుడు మర్రి లక్ష్మారెడ్డి, ప్రధాన కార్యదర్శి ప్రభుకుమార్‌గౌడ్‌ ట్రోఫీలను ప్రదానం చేశారు. 18 జిల్లాల నుంచి సుమారు 900 మందికి పైగా 30 నుంచి 90 సంవత్సరాల వయస్సు వారు పోటీలకు హాజరైనట్లు తెలిపారు. రాష్ట్ర పోటీల్లో రాణించిన అథ్లెట్లను జాతీయస్థాయి పోటీలకు ఎంపిక చేశామన్నారు. వివేకానంద విద్యాసంస్థల అధినేత సౌగాని కొంరయ్య, కరీంనగర్‌ జిల్లా మాస్టర్స్‌ అథ్లెటిక్స్‌ అసోసియేషన్‌ అధ్యక్ష, ప్రధాన కార్యదర్శులు డాక్టర్‌ చాట్ల శ్రీధర్‌, నీలం లక్ష్మణ్‌, డి.లక్ష్మి, కిషన్‌రావు, శిరీష, శాట్స్‌ రిటైర్డ్‌ ఏడీ కళ్యాణి తదితరులు పాల్గొన్నారు. మేడ్చల్‌ జోరు.. రన్నింగ్‌, త్రోస్‌, జంప్స్‌ విభాగాల్లో రాణించి ఎక్కువ పతకాలు కై వసం చేసుకున్న మేడ్చల్‌ జిల్లా జట్టు 581 పాయింట్లతో చాంపియన్‌గా నిలిచింది. రంగారెడ్డి జిల్లా జట్టు 252 పాయింట్లతో ద్వితీయ చాంపియన్‌షిప్‌ను కై వసం చేసుకుంది. మేడ్చల్‌ పురుషుల విభాగంలో 250, మహిళల విభాగంలో 331 పాయింట్లు సాధించింది. పతకాలు ప్రదానం చేసిన ఎమ్మెల్యే గంగుల ఆదివారం మధ్యాహ్నం కరీంనగర్‌ ఎమ్మెల్యే గంగుల కమలాకర్‌ సందర్శించారు. పలువురు విజేతలకు బంగారు, రజత, కాంస్య పతకాలను ప్రదానం చేశారు. ఆయన మాట్లాడుతూ.. వయస్సు తేడా లేకుండా ఉత్సాహంగా పాల్గొనడం అభినందనీయమన్నారు. మాస్టర్ల స్టెప్పులు.. పోటీలు ముగియడంతో.. వివిధ జిల్లాలకు చెందిన అథ్లెట్లు ఆడుతూ పాడుతూ అదిరేటి స్టెప్పులు వేస్తూ సందడి చేశారు. గెలిచిన, ఓడినవారు అనే తేడా లేకుండా ఆరోగ్యానికి వ్యాయామం అవసరమన్న సంకేతంతో జానపద పాటలపై నృత్యాలు చేసిన తీరు ఆహుతులను ఎంతగానో ఆకట్టుకుంది. ద్వితీయ స్థానంలో రంగారెడ్డి ముగిసిన 12వ రాష్ట్రస్థాయి పోటీలు

సుల్తానాబాద్‌రూరల్‌: మినీ మేడారంగా ప్రసిద్ధి గాంచిన నీరుకుల్ల–వేగురుపల్లి గ్రామాల మధ్య ఉన్న శ్రీరంగానాయకస్వామి ఆలయం సమీపంలో ఉన్న సమ్మక్క–సారలమ్మ జాతర అత్యంత వైభోవంగా జరుగుతుంది. పెద్దపల్లి జిల్లా సుల్తానాబాద్‌ మండలం నీరుకుల్ల గ్రామంలో రెండేళ్లకోసారి జరిగే జాతరకు భక్తులు అధిక సంఖ్యలో వచ్చి వన దేవతకు ప్రత్యేక మొక్కులు చెల్లించుకుంటారు. ఇక్కడ మేడారం కోయ పూజారులు వచ్చి పూజలు చేయడం ఆనవాయితీగా వస్తోంది. ఈ జాతరకు దాదాపు 3 లక్షలకు పైగా భక్తులు వస్తుంటారు. జాతర సమీపిస్తున్నా ముందస్తు చర్యలేమి ఎండోమెంట్‌ అధికారులు, ప్రజాప్రతినిధులు చేపట్టకోవడంతో.. జాతరలో తిప్పలు తప్పేట్లు లేవని భక్తులు వాపోతున్నారు. ఇబ్బందులు తప్పేనా? రెండేళ్లకోసారి అత్యంత వైభవంగా జరిగే సమ్మక్క–సారలమ్మ జాతర 2026 జనవరి చివరి వారంలో జరగనుంది. భక్తులు బస చేసేందుకు ట్రాఫిక్‌ ఇబ్బందులు లేకుండా ముందస్తుగా చర్యలు తీసుకోవాలి. ధ్వంసమైన రోడ్డును మరమ్మతు చేసి భక్తులు బస చేసేందుకు, వంటలు చేసుకునేందుకు వీలుగా జాతర సమీపంలోని పంట పొలాల్లో పంటలు సాగు చేయకుండా ఆయా రైతులతో ఒప్పందం కుదుర్చుకొని చర్యలు తీసుకునేవారు. ప్రస్తుతం రైతులు పంటలు సాగు చేసేందుకు సిద్ధమవుతున్నారు. గతంలో మానేరు వాగులో భక్తులు బస చేసేవారు. చెక్‌ డ్యాం నిర్మాణంతో నీటితో నిండి ఉండడంతో జాతర సమీపంలో ఉన్న పంట పొలాలే దిక్కయ్యే పరిస్థితి ఉంది. రంగనాయకస్వామి దేవాలయం ఎండోమెంట్‌ అధికారుల ఆధ్వర్యంలో ఉత్సవ కమిటీ ఏర్పాటు చేసి జాతర నిర్వహిస్తారు. రోడ్లు ఇలా.. వెళ్లేదెలా.. నీరుకుల్ల నుంచి జాతర ప్రాంతానికి దాదాపు 2 కిలోమీటర్ల దూరం ఉంటుంది. రోడ్డు పూర్తిగా చెడిపోవడంతో ప్రయాణం నరకంగా ఉంది. గద్దెల వద్దకు వెళ్లే రోడ్డు మానేరు వాగు నీటి ఉధృతికి కొట్టుకుపోగా.. తాత్కాలికంగా మట్టి రోడ్డు వేశారు. ఈ రోడ్లతో వచ్చే భక్తులకు తీవ్ర ఇబ్బందులతోపాటు ట్రాఫిక్‌కు అంతరాయం కల్గనుంది. కమిటీ జాడ ఎక్కడ? శ్రీరంగనాయకస్వామి ఆలయం ఎండోమెంట్‌ ఆధ్వర్యంలో ఉత్సవ కమిటీ ఎన్నుకొని జాతర సజావుగా సాగేందుకు అన్ని ఏర్పాట్లు చేస్తారు. జాతర జరిగేందుకు నెల రోజులే ఉన్నా.. కమిటీ ఎన్నిక జరగలేదు. జనవరిలో జరగనున్న సమ్మక్క–సారలమ్మ జాతర నీరుకుల్లకు దాదాపు 3 లక్షలకు పైగా భక్తుల రాక ప్రతిసారీ ట్రాఫిక్‌తో తిప్పలు సౌకర్యాలు కల్పించాలని కోరుతున్న భక్తులు

గొల్లపల్లి(ధర్మపురి): అబ్బాపూర్‌లో రోడ్డు ప్రమాదంలో దంపతులు దుర్మరణం చెందారు. పోలీసుల వివరాల ప్రకారం.. గ్రామానికి చెందిన రెడపాక లింగయ్య(57), లచ్చవ్వ(49) గ్రామంలో మేసీ్త్ర పని చేసుకుంటూ జీవిస్తున్నారు. వ్యక్తిగత పని నిమిత్తం లచ్చవ్వ బంధువుల ఇంటికి హైదరాబాద్‌ వెళ్లేందుకు ఆదివారం ద్విచక్ర వాహనంపై దంపతులిద్దరూ కలిసి జగిత్యాల వెళ్తుండగా.. జగిత్యాల నుంచి గొల్లపల్లి వైపు అతివేగంగా, అజాగ్రత్తగా వచ్చిన తవేరా వాహనం గొల్లపల్లి శివారులో బలంగా ఢీకొంది. లచ్చవ్వ అక్కడికక్కడే మృతిచెందగా.. తీవ్ర గాయాలపాలైన లింగయ్యను చికిత్స నిమిత్తం జగిత్యాల ఏరియా ఆస్పత్రికి తరలించారు. చికిత్స పొందుతూ మృతిచెందాడు. ఘటనా స్థలాన్ని సందర్శించిన సీఐ రాంనర్సింహారెడ్డి వివరాలు సేకరించారు. వీరికి వివాహమైన కొడుకు, కూతురున్నారు. కోడలు రజిత ఫిర్యాదు మేరకు కేసు నమోదు చేసినట్లు ఎస్సై కృష్ణసాగర్‌రెడ్డి తెలిపారు. మంథనిరూరల్‌: రెండు రోజులుగా పెద్దపల్లి జిల్లా మంథని అడవుల్లో సంచరించిన పెద్ద పులి.. ఆదివారం మానేరు నది దాటి జయశంకర్‌ భూపాలపల్లి జిల్లాలోకి ప్రవేశించినట్లు అనుమానాలు వ్యక్తమవుతున్నాయి. శనివారం సాయంత్రం మంథని మండలం భట్టుపల్లి అటవీ ప్రాంతంలో పులి అడుగులు గుర్తించిన అటవీ శాఖ అధికారులు.. ఆదివారం తిరిగి గాలింపు చర్యలు చేపట్టారు. భట్టుపల్లి అటవీ ప్రాంతం నుంచి అడవిసోమన్‌పల్లి మానేరు నదిలో పులి అడుగుల కోసం అన్వేషణ చేపట్టారు. అయితే మానేరు తీర ప్రాంతంలో అడుగులు కన్పించకపోవడంతో అధికారులు అడవిలోనే మకాం వేసినట్లు భావించారు. కానీ ఆదివారం ఉదయం జయశంకర్‌ భూపాలపల్లి జిల్లా చిట్యాల మండలం జడలపేట శివారులోని అటవీ ప్రాంతంలో ఓ ఎద్దుపై దాడి చేసినట్లు సమాచారం రావడంతో అధికారులు అప్రమత్తమయ్యారు. మంథని, ముత్తారం మండలాల్లోని మానేరు తీర ప్రాంతాల్లో అటవీ శాఖ అధికారులు 2 బృందాలుగా ఏర్పడి గాలింపు చర్యలు చేపట్టినా ఫలితం లభించలేదు. అయితే ముత్తారం మండలం ఓడేడ్‌, అడవిశ్రీరాంపూర్‌ మానేరు నది మీదుగా చిట్యాల వైపు వెళ్లే అవకాశాలున్నట్లు అధికారులు భావిస్తున్నారు. ఈ గాలింపు చర్యల్లో ఎఫ్‌ఎస్‌వోలు నర్సయ్య, రహ్మతుల్లా హుస్సేన్‌, సోని కిరణ్‌, ఎండీ అఫ్జల్‌ అలీ, ఎఫ్‌బీవోలు ప్రదీప్‌, శ్రీకాంత్‌, రాంసింగ్‌, ప్రవీణ్‌, సిబ్బంది పాల్గొన్నారు.

పెద్దపల్లిరూరల్‌: యాసంగి వరి నాట్లు ఊపందుకుంటున్నాయి. రైతులు వరినారు పోసుకుని నాటేందుకు సిద్ధంగా ఉన్నా.. కూలీలు లభించడంలేదు. దీంతో పొరుగు గ్రామాల నుంచి రప్పించి నాట్లు వేయిస్తున్నారు. ఎకరాకు 12 మంది నాటు వేసేందుకు అవసరమైతే.. రవాణాతోపాటు వారికి మొత్తంగా రూ.4,800 చెల్లిస్తున్నట్లు రైతులు తెలిపారు. పెద్దపల్లి పట్టణ శివారు పెద్దమ్మనగర్‌కు చెందిన కూలీలు వరినాట్లు వేస్తూ ఆదివారం మధ్యాహ్నం వేళ తుర్కలమద్దికుంట శివారులోని ప్రధాన రహదారిపై ఒకేవరుసలో కూర్చుని భోజనం చేస్తూ ఇలా కనిపించారు.

రామగుండం: రైలు నంబర్‌ 67771 సిర్‌పూర్‌టౌన్‌–కరీంనగర్‌ వెళ్లే మెమూ ప్యాసింజర్‌ రైలు కొద్ది క్షణాల్లో రెండో నంబర్‌ ప్లాట్‌ఫారంపై రానున్నదంటూ.. రామగుండం రైల్వే స్టేషన్‌లో ఉదయం 11.05 గంటలకు రానున్న సమయంలో ముందస్తుగా రైల్వే అనౌన్స్‌మెంట్‌ చేయనున్నారు. కానీ మెమూ(మెయిన్‌లైన్‌ ఎలక్ట్రిక్‌ మల్టిపుల్‌ యూనిట్‌) రైలు మాత్రం బోధన్‌ వరకు వెళ్లనుందనే విషయం అసలు ప్రయాణికులకు తెలియకపోవడం గమనార్హం. రైలు నం.67771 సిర్‌పూర్‌టౌన్‌–కరీంనగర్‌, రైలు నం.67773 కరీంనగర్‌–బోధన్‌ వరకు రెండు నంబర్లతో రైలు నడుస్తుంది. అదే రైలు తిరుగు ప్రయాణంలో రైలు నం.67774 బోధన్‌–కరీంనగర్‌, రైలు నం.67772 కరీంనగర్‌ నుంచి సిర్‌పూర్‌టౌన్‌ వరకు. కాగా రైల్వే యాప్‌లో సిర్‌పూర్‌టౌన్‌ నుంచి బోధన్‌ వరకు రైళ్లను పరిశీలిస్తే స్పష్టమైన సమాచారం రాకపోవడం గమనార్హం. నంబర్‌తో పని లేకుండా.. రైలు నంబర్‌తో పని లేకుండా నేరుగా సదరు రైలు గమ్యస్థానానికి వెళ్లే ప్రాంతాన్ని అనౌన్స్‌మెంట్‌ చేయడంతో కొత్తగా వెళ్లే ప్రయాణికులకు అర్థమవుతుంది. ఒకవేళ కరీంనగర్‌ వరకు వెళ్లే రైలు నంబర్‌తో అనౌన్స్‌మెంట్‌ చేసినా.. గమ్యస్థానాన్ని సైతం అనౌన్స్‌ చేస్తే ప్రయాణికుల నుంచి విశేష స్పందన ఉంటుంది. సమయం ఆదా.. సిర్‌పూర్‌టౌన్‌ నుంచి నేరుగా బోధన్‌కు వెళ్లే ప్రయాణికులు అతి తక్కువ చార్జీలతో.. తక్కువ సమయంలో.. సుఖమయమైన ప్రయాణం చేసే అవకాశమున్నా.. రైల్వే శాఖ వైఫల్యంతోనే ప్రయాణికుల నుంచి ఆదరణ కరువైంది. కరీంనగర్‌ వరకు ఒక నంబర్‌, అక్కడి నుంచి బోధన్‌కు మరో రైలు నంబర్‌ ఉండడంతో.. సమాచారంపై అస్పష్టతతో ప్రయాణికులు ప్రత్యామ్నాయ మార్గాలపై దృష్టి సారిస్తున్నారు. చార్జీలు అతి స్వల్పం సిర్‌పూర్‌టౌన్‌(కొమురంభీం జిల్లా) నుంచి బోధన్‌(నిజామాబాద్‌ జిల్లా) వరకు మెమూ ప్యాసింజర్‌ రైలు రాకపోకలు సాగిస్తోంది. సిర్‌పూర్‌టౌన్‌–కరీంనగర్‌ వరకు 143 కిలోమీటర్లు. కరీంనగర్‌ నుంచి బోధన్‌కు 169 కిలోమీటర్లు. మొత్తంగా 312 కిలోమీటర్ల దూరం. ఈ మెమూ రైలులో సిర్‌పూర్‌టౌన్‌ నుంచి బోధన్‌ వెళ్లేవారికి గరిష్టంగా ఆరు గంటల సమయం పడుతుండగా.. చార్జీ మాత్రం రూ.100 లోపే ఉండడం విశేషం.