అక్కన్నపేట(హుస్నాబాద్‌): మండలంలోని మల్‌చెర్వుతండాలో బుధవారం  కలకలం రేగింది. కత్తులు, బ్లేడ్లతో సంచరిస్తున్న ఒక వ్యక్తిని తండా వాసులు పట్టుకుని పోలీసులకు అప్పగించారు. స్థానికులు తెలిపిన వివరాల ప్రకారం.. తండాకు చెందిన కొందరు బుధవారం ఉపాధి పనులకు వెళ్లి వస్తుండగా నలుగురు గుర్తు తెలియని వ్యక్తులు  పిల్లల చుట్టూ అనుమాస్పదంగా తిరుగుతూ కనిపించారు. దీంతో వారు అరవడంతో ముగ్గురు స్థానిక గుట్టల్లోకి పారిపోయారు.  ఒకరిని పట్టుకున్నారు. అతని వద్ద కారం ప్యాకెట్, బ్లేడ్లు, కత్తి ఉండడంతో గిరిజనులు  భయభ్రాంతులకు గురయ్యారు. అతడిని పోలీసులకు అప్పగించారు. పార్థి గ్యాంగ్‌ సంచరిస్తుందన్న వార్తలతో స్థానికంగా మొదలైన ఆందోళన ఈ ఘటనతో రెట్టింపైంది. ఎవరూ భయపడవద్దు..  ఈ విషయంపై ఎస్‌ఐ బానోతు పాపయ్యనాయక్‌ను సంప్రదించగా.. మల్‌చెర్వుతండాలో గిరిజనులు పట్టుకున్న వ్యక్తికి మతిస్థితం లేదన్నారు. అతను బీహార్, మహారాష్ట్రకు చెందినట్లు చెబుతున్నాడన్నారు. కొన్ని సార్లు కన్నడ మాట్లాడుతున్నాడన్నారు. ఈ విషయంపై సమగ్రంగా విచారణ చేస్తున్నట్లు చెప్పారు. ప్రజలు ఎవ్వరూ భయపడవద్దని, ఎవరైనా అనుమానితులు సంచిరిస్తే సమాచారం అందించాలని సూచించారు. నిరంతరం గస్తీ నిర్వహిస్తున్నామన్నారు. 


 పుంగనూరు: పోలీసులపైకి ప్రజలు తిరగబడ్డారు. రాళ్లు, కర్రలతో దాడికి దిగారు. అనంతరం పోలీసులను పోలీస్ స్టేషన్ లోపలే ఉంచి బయట తాళం వేశారు. ఈ సంఘటన చిత్తూరు సోమల మండల కేంద్రంలోని పోలీస్ స్టేషన్‌లో శనివారం సాయంత్రం జరిగింది. వివరాలు.. సోమలలోని ప్రభుత్వ స్థలంలో స్థానికంగా నివాసం ఉంటున్న రెడ్డెమ్మ రవికుమార్ ఇల్లు కట్టుకుంటున్నాడు.
 
 అది ప్రభుత్వ స్థలం కావడంతో పాటు ఆ నిర్మాణం పూర్తయితే రోడ్డు ఉండదని గ్రహించిన గ్రామస్థులు నిర్మాణాన్ని అడ్డుకున్నారు. దీంతో రవికుమార్ పోలీసులకు ఫిర్యాదు చేశాడు. పోలీసులు విచారణ చేపట్టకుండా.. ఫిర్యాదులో పేర్కొన్న 30 మందిని స్టేషన్‌కు పిలిపించి అకారణంగా వారిపై చేయి చేసుకున్నారు. దీంతో ఆగ్రహించిన గ్రామస్థులు పోలీసులపై దాడి చేసి వారిని లోపల ఉంచి బయట తాళం వేశారు. మరిన్ని వివరాలు తెలియాల్సి ఉంది.