కుడేరు: ద్విచక్రవాహనంపై వెళ్తున్న వ్యక్తిని ఓ కారు ఢీకొట్టడంతో అతను అక్కడికక్కడే మృతిచెందాడు. ఈ ఘటన అనంతపురం జిల్లా కుడేరు మండల కేంద్రం సమీపంలో అగ్రిగోల్డ్ బిల్డింగ్ వద్ద శుక్రవారం సాయంత్రం చోటుచేసుకుంది. జిల్లాలోని కుడేరు మండలం పి.నారాయణపురం గ్రామానికి చెందిన ప్రభాకర్‌రెడ్డి ద్విచక్ర వాహనంపై అనంతపురం వైపు వెళుతుండగా ఎదురుగా వచ్చిన కారు ఢీకొంది. ఈ ఘటనలో తీవ్ర గాయాలపాలైన ప్రభాకర్‌రెడ్డి అక్కడికక్కడే మృతి చెందాడు.