పృథ్వీ పొట్లూరి, సౌమ్యా శెట్టి జంటగా ‘జో’ దర్శకత్వంలో పొట్లూరి స్టూడియోస్‌ పతాకంపై రూపొందిన సినిమా ‘యువర్స్‌ లవింగ్లీ’. నిర్మాతలు వల్లూరిపల్లి రమేశ్, బెక్కం వేణుగోపాల్‌ సినిమా టీజర్‌ను విడుదల చేసి, చిత్రబృందానికి శుభాకాంక్షలు తెలిపారు.
 
 చిత్రనిర్మాత–హీరో పృథ్వీ పొట్లూరి మాట్లాడుతూ–  కుటుంబమంతా కలసి చూడదగ్గ చిత్రమిది. అక్టోబర్‌లో విడుదల చేయాలను కుంటున్నాం’’ అన్నారు. ‘‘ప్రస్తుత సమాజ పరిస్థితుల స్ఫూర్తితో తీసిన సందేశాత్మక ప్రేమకథా చిత్రమిది’’ అన్నారు దర్శకుడు.
 
 
 
  


 పృథ్వీ పొట్లూరి, సౌమ్య శెట్టి జంటగా తెరకెక్కిన సందేశ మిళిత వినోదాత్మక చిత్రం ‘యువర్స్‌ లవింగ్లీ‘. జో ని దర్శకుడిగా పరిచయం చేస్తూ పృధ్వీ పొట్లూరి హీరోగా నటిస్తూ, నిర్మిస్తున్న ఈ సినిమా మోషన్‌ పోస్టర్‌ నిర్మాత రాజ్‌ కందుకూరి విడుదల చేశారు. అనంతరం రాజ్‌ కందుకూరి మాట్లాడుతూ– ‘‘మోషన్‌ పోస్టర్‌ చాలా ప్రామిసింగ్‌ గా ఉంది. ‘యువర్స్‌ లవింగ్లీ‘ టైటిల్‌లోనే చాలా పాజిటివ్‌ వైబ్రేషన్స్‌ ఉన్నాయి. అందరూ కొత్తవాళ్లతో నిర్మించిన ఈ చిత్రం మంచి విజయం సాధిస్తుందనే నమ్మకం ఉంది’’ అన్నారు.
 
 ‘‘మా చిత్రం విడుదలయ్యాక అందరూ దానిగురించే మాట్లాడుకుంటారు. పేరెంట్స్‌ తమ పిల్లల్ని వెంటబెట్టుకొని మరీ మా సినిమా చూస్తారు. ఈ చిత్రం ద్వారా ఇండస్ట్రీకి పరిచయం అవుతున్న పృధ్వీకి మంచి భవిష్యత్‌ ఉంటుంది. త్వరలోనే  సినిమా విడుదల చేసేందుకు సన్నాహాలు చేస్తున్నాం’’ అన్నారు జో. ఈ చిత్రానికి సంగీతం: కార్తీక్‌ కొడకండ్ల, కెమెరా: ప్రవీణ్‌ కండ్రేగుల.