తెలుగు నటుడు వెంకట్‌ సాయి గుండ హీరోగా నటిస్తూ, నిర్మిస్తున్న చిత్రం హాలీవుడ్‌ సైకలాజికల్‌ థ్రిల్లర్‌ మూవీ ‘ది డిజర్వింగ్‌’. ఎస్‌ఎస్‌ అరోరా దర్శకత్వంలో రూపొందుతున్న ఈ చిత్రంలో పలువురు హాలీవుడ్‌ స్టార్స్‌తో పాటు ఇండియన్‌ స్టార్స్‌ నటిస్తున్నారని యూనిట్‌ పేర్కొంది. విస్మయ్‌ కుమార్, తిరుమలేష్‌ గుండ్రాత్‌ ఇతర నిర్మాతలు. ‘‘హాలీవుడ్‌లో ప్రధాన పాత్రధారుడిగా ఒక తెలుగు కుర్రాడు నటించడం ఇదే మొదటిసారి కావొచ్చు. ప్రపంచవ్యాప్త ప్రేక్షకులకు నచ్చేలా ఈ చిత్రం ఉంటుంది’’ అని చిత్ర యూనిట్‌ పేర్కొంది. విదేశీ యాక్టర్లు సిమోన్‌ స్టాడ్లర్, కెల్సీ స్టార్ట్లర్‌ కీలక పాత్రలు ΄ోషిస్తున్న ఈ చిత్రానికి సంగీతం: ఎన్‌జీఏ వెంగ్‌ చియా, సినిమాటోగ్రఫీ: కోషి కియోకావా. 

హిందీ చిత్రపరిశ్రమలో కథానాయిక తాప్సీ స్పీడ్‌ మామూలుగా లేదు. ఆమె ఒప్పుకుంటున్న సినిమాలను గమనిస్తుంటే వచ్చే ఏడాది తాప్సీ డైరీ ఫుల్‌గా ఉండబోతున్నట్లు తెలుస్తోంది. ఇప్పటికే ‘థప్పడ్, రష్మి: ద రాకెట్‌’ చిత్రాలతో బిజీగా ఉన్నారు తాప్సీ. ఇటీవల అనురాగ్‌ కశ్యప్‌ దర్శకత్వంలో ఓ సైకలాజికల్‌ థ్రిల్లర్‌ మూవీ చేయబోతున్నట్లు తెలిపారు. కథ నచ్చడంతో తాజాగా మరో హిందీ సినిమాకు గ్రీన్‌ సిగ్నల్‌ ఇచ్చారామె. యాడ్‌ ఫిల్మ్స్‌ నుంచి డైరెక్టర్‌గా మారి, 2014లో ‘హసీ తో ఫసీ’ అనే చిత్రాన్ని తెరకెక్కించిన వినిల్‌ మాథ్యూ ఈ సినిమాకు దర్శకత్వం వహించబోతున్నారు. రొమాంటిక్‌ థ్రిల్లర్‌ నేపథ్యంలో తెరకెక్కనున్న ఈ సినిమాలో తాప్సీ సరసన విక్రాంత్‌ మాస్సే నటిస్తారు. భూషణ్‌ కుమార్, ఆనంద్‌ ఎల్‌. రాయ్‌ నిర్మాతలు. ఈ సినిమా చిత్రీకరణ జనవరిలో ప్రారంభం కానుంది. ఈ సినిమానే కాకుండా ఓ లేడీ ఓరియంటెడ్‌ సినిమా చేయడానికి తాప్సీ కథలు వింటున్నారని తాజా సమాచారం.


 ఓ రూట్‌లో నడిచే లాస్ట్ బస్‌లో ఏం జరిగిందనే కథాంశంతో తెరకెక్కిన కన్నడ సైకలాజికల్ థ్రిల్లర్ మూవీ ‘లాస్ట్ బస్’. ఈ చిత్రాన్ని తెలుగులో శ్రీ మంజునాథ మూవీ మేకర్స్ ‘లాస్ట్ బస్’ పేరుతో వచ్చే నెల 3న విడుదల చేయనుంది.  అవినాశ్, మానస జోషి, మేఘశ్రీ ముఖ్యతారలుగా రూపొందిన ఈ చిత్రానికి ఎస్. డి. అరవింద్ దర్శకత్వం వహించడంతో పాటు పాటలు కూడా స్వరపరిచారు. ‘‘కన్నడంలో మంచి వసూళ్లు రాబట్టింది. తొలిసారి బీబీసీ చానల్‌లో  ఈ సినిమా పాట ప్రదర్శిత మైంది’’ అని నిర్మాత
  చెప్పారు. ఈ చిత్రానికి  మాటలు: నందు తుర్లపాటి, సమర్పణ: పూజశ్రీ.