టైటిల్ : రారండోయ్ వేడుక చూద్దాం
 జానర్ : ఫ్యామిలీ డ్రామా
 తారాగణం : నాగచైతన్య, రకుల్ ప్రీత్ సింగ్, జగపతిబాబు, సంపత్, వెన్నెల కిశోర్
 సంగీతం : దేవీ శ్రీ ప్రసాద్
 దర్శకత్వం : కళ్యాణ్ కృష్ణ కురసాల
 నిర్మాత : నాగార్జున అక్కినేని
 
 ప్రేమమ్ సినిమాతో హిట్ ట్రాక్లోకి వచ్చిన నాగచైతన్య, మరోసారి తనకు బాగా పట్టున్న ఫ్యామిలీ రొమాంటిక్ ఎంటర్టైనర్ జానర్ లో రారండోయ్ వేడుక చూద్దాంతో ప్రేక్షకుల ముందుకు వచ్చాడు. నాగార్జున కెరీర్లో స్పెషల్ సినిమాగా నిలిచిపోయిన నిన్నే పెళ్లాడతా తరహాలో.. నాగచైతన్య కెరీర్ను ఈ సినిమా మలుపు తిప్పుతుందని నమ్ముతున్నారు. మరి అక్కినేని అభిమానుల అంచనాలను రారండోయ్ వేడుక చూద్దాం అందుకుందా..? ఈ సినిమాతో చైతూ సక్సెస్ జర్నీ కంటిన్యూ చేశాడా..?
 
 కథ :
 భ్రమరాంబ.. సాంప్రదాయ కుటుంబంలో పెరిగిన పల్లెటూరి అమ్మాయి. గారాబంగా పెరిగిన భ్రమరాంబకు తండ్రి (సంపత్ ) అంటే ఎంతో ఇష్టం. తను అనుకున్నది ఎలాంటి మొహమాటం లేకుండా చెప్పేయటం భ్రమరాంబకు అలవాటు. ఒకసారి తన కజిన్ పెళ్లిలో భ్రమరాంబను చూసిన శివ (నాగచైతన్య) తొలి చూపులోనే ప్రేమిస్తాడు. తరువాత భ్రమరాంబ కూడా ఉన్నత చదువుల కోసం వైజాగ్ రావటంతో ఆమెకు దగ్గరయ్యేందుకు ప్రయత్నిస్తాడు. అయితే ఎప్పుడైతే తనని ప్రేమిస్తావో అప్పుడు నీకు దూరంగా వెళ్లిపోతానన్న కండిషన్తో శివతో స్నేహం చేస్తుంది భ్రమరాంబ. కానీ తరువాత శివ తనని ప్రేమిస్తున్నాడని తెలుసుకొని అతనికి దూరమవుతుంది. అలా దూరమైన శివ, భ్రమరాంబ తిరిగి ఎలా కలిశారు..? వారిద్దరి కుటుంబాల మధ్య ఉన్న సంబంధం ఏంటి..? అన్నదే మిగతా కథ.
 
 నటీనటులు :
 ప్రేమమ్, సాహసం శ్వాసగా సాగిపో సినిమాలతో మాస్ ఆడియన్స్కు దగ్గరైన నాగచైతన్య మరోసారి తన మార్క్ ఫ్యామిలీ రొమాంటిక్ డ్రామాతో మెప్పించాడు. నటుడిగానూ మంచి పరిణతి కనబరిచాడు. ముఖ్యంగా భ్రమరాంబతో విడిపోయే సన్నివేశాల్లో నాగచైతన్య నటన ఆకట్టుకుంటుంది. భ్రమరాంబగా రకుల్ ప్రీత్ సింగ్ సూపర్బ్గా ఉంది. హీరో నాగచైతన్యే అయినా కథ అంతా రకుల్ క్యారెక్టర్ చుట్టూ తిరుగుతుంది. లుక్స్ పరంగా పల్లెటూరి అమ్మాయిగా అమాయకంగా కనిపిస్తూనే ఎమోషనల్ సీన్స్లో కంటతడి పెట్టించింది. తండ్రి పాత్రలో జగపతి బాబు, సంపత్లు మరోసారి తమ మార్క్ చూపించారు. వెన్నెల కిశోర్ కామెడీతో అలరించాడు.
 
 సాంకేతిక నిపుణులు :
 ముందు నుంచి నిన్నేపెళ్లాడతా స్థాయి సినిమా అంటూ ప్రచారం చేసినా దర్శకుడు ఆ స్థాయిని అందుకోవటంలో పూర్తిగా విఫలమయ్యాడు. రొటీన్ కథతో తెరకెక్కిన రారండోయ్ వేడుక చూద్దాం ఎక్కడా నిన్నే పెళ్లాడతా రేంజ్ సినిమాగా కనిపించదు. ఫస్ట్ హాప్ అంతా హీరో హీరోయిన్ మధ్య సన్నివేశాలతో నడిపించేసిన దర్శకుడు చాలా వరకు బోర్ కొట్టించాడు. సెకండాఫ్లో అసలు కథ మొదలైన తరువాత మాత్రం సినిమా ఎక్కడా పట్టు తప్పకుండా ఎమోషనల్గా సాగింది. దేవీ శ్రీ ప్రసాద్ సంగీతం బాగున్నా.. విజువల్గా ఆకట్టుకోలేదు. ఎడిటింగ్, సినిమాటోగ్రఫి, నిర్మాణ విలువలు సినిమా స్థాయికి తగ్గట్టుగా ఉన్నాయి.
 
 ప్లస్ పాయింట్స్ :
 రకుల్ ప్రీత్ సింగ్, నాగచైతన్యల నటన
 ఎమోషనల్ సీన్స్
 
 మైనస్ పాయింట్స్ :
 రొటీన్ కథ
 ఫస్ట్ హాఫ్ నేరేషన్


 ప్రేమమ్ సినిమాతో సూపర్ ఫాంలోకి వచ్చిన నాగచైతన్య తరువాత వచ్చిన సాహసం శ్వాసగా సాగిపో సినిమాతో మరోసారి ఆకట్టుకున్నాడు. వరుస విజయాల ఫాంలను కంటిన్యూ చేసేందుకు నెక్ట్స్ సినిమా విషయంలో చాలా జాగ్రత్తలు తీసుకుంటున్నాడు. ప్రస్తుతం సోగ్గాడే చిన్ని నాయనా ఫేం కళ్యాణ్ కృష్ణ దర్శకత్వంలో రారండోయ్ వేడుక చూద్దాం సినిమాను పూర్తి చేశాడు. ప్రస్తుతం నిర్మాణాంతర కార్యక్రమాలు జరుపుకుంటున్న ఈ సినిమాను మే 19న రిలీజ్ చేయాలని భావించారు.
 
 అవుట్ పుట్ విషయంలో అంత సంతృప్తిగా లేని నాగ్, సినిమాకు కరెక్షన్లు చేయాలని సూచించాడట. దీంతో అనుకున్న సమయానికి సినిమా రెడీ కాకపోవటంతో వాయిదా వేసేందుకు డిసైడ్ అయ్యారు. హడావిడి రిలీజ్ చేసేకన్నా అన్ని కరెక్ట్గా చూసుకొని కాస్త ఆలస్యంగా రిలీజ్ చేసిన పర్లేదన్న ఆలోచనలో ఉన్నాడు నాగ్. అందుకే అవుట్ పర్ఫెక్ట్ అనుకున్న తరువాత తీరిగ్గా జూన్ 8న సినిమా రిలీజ్ చేయాలని ప్లాన్ చేస్తున్నాడు.


 అల్లు అర్జున్కు సమ్మర్ సీజన్లో తిరుగులేని రికార్డ్ ఉంది. అందుకే ఈ ఏడాది కూడా సమ్మర్లో రిలీజ్ చేసేందుకు డీజే దువ్వాడ జగన్నాథమ్ సినిమాను రెడీ చేస్తున్నాడు. కానీ ఈ సినిమా షూటింగ్ అనుకున్న సమయం కన్నా ఆలస్యం అవుతుండటంతో సమ్మర్ను కాదని కాస్త ఆలస్యంగా రావాలని ఫిక్స్ అయ్యారు చిత్రయూనిట్. ముందుగా అనుకున్నట్టుగా మే 19న కాకుండా జూలై రెండో వారంలో సినిమాను రిలీజ్ చేసేందుకు ప్లాన్ చేస్తున్నారు.
 
 బన్నీ మిస్ అయిన డేట్ను క్యాష్ చేసుకోవాలని నిర్ణయించుకున్నాడు అక్కినేని నట వారసుడు నాగ చైతన్య. ప్రస్తుతం సోగ్గాడే చిన్నినాయనా ఫేం కళ్యాణ్ కృష్ణ దర్శకత్వంలో రారండోయ్ వేడుక చూద్దాం సినిమాలో నటిస్తున్నాడు చైతన్య. ఈ సినిమాను సమ్మర్ కానుకగా మే 19 రిలీజ్ చేసేందుకు రెడీ అవుతున్నారు. చాలా రోజులుగా సరైన రిలీజ్ డేట్ కోసం ఎదురుచూస్తున్న సమయంలో బన్నీ డీజే రిలీజ్ వాయిదా వేస్తున్నాడన్న వార్త బయటకు వచ్చింది.
 
 దీంతో ఆ గ్యాప్ను క్యాష్ చేసుకోవాలకున్న నాగచైతన్య టీం వెంటనే తమ సినిమాను మే 19 రిలీజ్కు ఫిక్స్ అయ్యారు. నాగచైతన్య సరసన రకుల్ ప్రీత్ సింగ్ హీరోయిన్గా నటిస్తున్న ఈ సినిమా మీద భారీ అంచనాలే ఉన్నాయి. నాగార్జున కెరీర్కు నిన్నే పెళ్లాడతా ఎంతటి బూస్ట్ ఇచ్చిందో.. రారండోయ్ వేడుక చూద్దాం నాగచైతన్య కెరీర్కు అంత ప్లస్ అవుతుందన్న నమ్మకంతో ఉన్నారు చిత్రయూనిట్.