‘‘నాలుగో తరగతి చదువుతున్నప్పటి నుంచీ క్లాసికల్ డాన్స్ నేర్చుకున్నా. ఇప్పటివరకూ చాలా సినిమాల్లో చేశాను. కానీ, నా ప్రతిభను చూపించే సరైన అవకాశం రాలేదు. ఈ సినిమాతో నా ప్రతిభ చూపిస్తా’’ అని సందీప్తి చెప్పారు. రియా, సందీప్తి జంటగా అప్పాజీ కొండ దర్శకత్వంలో సూర్యనాథ్ నటిస్తూ, నిర్మించిన ‘రాజమహల్’ చిత్రం ఈ వారంలో ప్రేక్షకుల ముందుకు రానుంది. హీరో కావాలన్న ఆశ ఈ సినిమాతో నెరవేరిందని, కథ నచ్చి తానే నిర్మాతగా వ్యవహరించానని సూర్యనాథ్ తెలిపారు.