ఇల్లంతకుంట(సిరిసిల్ల): గణితం అంటే విద్యార్థుల్లో భయాన్ని పోగొట్టి, సబ్జెక్టును ఇష్టంగా నేర్చుకోవడానికి మిషన్‌ మ్యాథమేటిక్స్‌ అనే కాన్సెప్ట్‌తో ఒక బృహత్తర కార్యక్రమం ఏర్పాటు చేశారు ఇల్లంతకుంట మండలం అనంతగిరి హైస్కూల్‌ మ్యాథ్స్‌ టీచర్‌ ఫరీదుద్దీన్‌. కరోనా సమయంలో పదోతరగతి విద్యార్థులకు అవసరమైన స్టడీ మెటీరియల్‌ తయారు చేసి, పీడీఎఫ్‌ రూపంలో వాట్సాప్‌ గ్రూపుల్లో పోస్ట్‌ చేశారు. రాష్ట్రంలోని మ్యాథ్స్‌ టీచర్లతో గ్రూపు నిర్వహిస్తున్నారు. భరోసా మ్యాథ్స్‌ విజార్డ్‌ సంస్థ నిర్వహించిన గణిత కాన్సెప్ట్‌ వీడియో కాంపిటీషన్‌లో ఈ పాఠశాల విద్యార్థులు రక్షిత, అక్షిత జాతీయ స్థాయికి ఎంపికయ్యారు.

సిరిసిల్లకల్చరల్‌: సీఎం కప్‌ వాలీబాల్‌ పోటీలు శనివారం హోరాహోరీగా సాగాయి. కరీంనగర్‌, పెద్దపల్లి, జగిత్యాల, సిరిసిల్ల జట్లు పోటీల్లో తలపడ్డాయి. మహిళల వాలీబాల్‌ విభాగంలో కరీంనగర్‌ జట్టు ప్రథమ, రాజన్నసిరిసిల్ల ద్వితీయ స్థానాల్లో నిలిచాయి. పురుషుల విభాగంలో రాజన్నసిరిసిల్ల ప్రథమ, జగిత్యాల ద్వితీయ స్థానాల్లో నిలిచాయి. నాలుగు జిల్లాల నుంచి సుమారు 150 మంది క్రీడాకారులు పాల్గొన్నారు. కరీంనగర్‌ వాలీబాల్‌ అసోసియేషన్‌ కార్యదర్శి గిన్ని లక్ష్మణ్‌ విజేతలకు బహుమతులు అందజేశారు. జిల్లా క్రీడల అధికారి అజ్మీర రాందాస్‌, జిల్లా వాలీబాల్‌ అసోసియేషన్‌ అధ్యక్షుడు కుమార్‌రావు, జగిత్యాల అసోసియేషన్‌ ఉపాధ్యక్షుడు సుధీర్‌రావు, కార్యదర్శి ఎం.కృష్ణారెడ్డి, చీఫ్‌ అడ్వయిజర్‌ గుడ్ల రవి, ఎస్జీఎఫ్‌ కార్యదర్శి శ్రీనివాస్‌రెడ్డి తదితరులు పాల్గొన్నారు.

● కలెక్టర్‌ సందీప్‌కుమార్‌ ఝాసిరిసిల్లటౌన్‌/ముస్తాబాద్‌/తంగళ్లపల్లి(సిరిసిల్ల): జిల్లాలో ఇందిరమ్మ ఇళ్ల సర్వే పారదర్శకంగా కొనసాగుతోందని కలెక్టర్‌ సందీప్‌కుమార్‌ ఝా పేర్కొన్నారు. ముస్తాబాద్‌, పోతుగల్‌ గ్రామాల్లో జరుగుతున్న ఇందిరమ్మ ఇళ్ల సర్వేను కలెక్టర్‌ శనివారం తనిఖీ చేశారు. ప్రజాపాలనలో ఇందిరమ్మ ఇళ్ల కోసం వచ్చిన దరఖాస్తులను సర్వే చేపట్టినట్లు తెలిపారు. మొబైల్‌ అప్లికేషన్‌ ద్వారా సర్వే చేపట్టడం జరిగిందన్నారు. అర్హులను గుర్తించి, ఇందిరమ్మ ఇళ్లు మంజూరు చేస్తారని తెలిపారు. ఈ సందర్భంగా పలువురు అర్జీదారులతో కలెక్టర్‌ మాట్లాడారు. ఎంపీడీవో బీరయ్య, ఎంపీవో నరేశ్‌, ఈవో రమేశ్‌, సిబ్బంది ఉన్నారు. పాఠశాల తనిఖీ తంగళ్లపల్లి మండలం గండిలచ్చపేటలోని ప్రాథమిక పాఠశాల, అంగన్‌వాడీ కేంద్రాన్ని కలెక్టర్‌ తనిఖీ చేశారు. విద్యార్థుల హాజరు శాతం, పాఠాలు బోధిస్తున్న విధానం తెలుసుకున్నారు. మున్సిపాలిటీ సందర్శనకలెక్టర్‌ సందీప్‌కుమార్‌ ఝా సిరిసిల్ల మున్సిపల్‌ కార్యాలయాన్ని ఆకస్మికంగా తనిఖీ చేశారు. కార్యాలయ సేవలు, సిబ్బంది వివరాలు మున్సిపల్‌ మేనేజర్‌ మీర్జా ఫసహత్‌ అలీబేగ్‌ను అడిగి తెలుసుకున్నారు. హౌసింగ్‌ డీఈ భాస్కర్‌, డీఎల్‌ పీవో నరేశ్‌, ఎంపీవో బీరయ్య పాల్గొన్నారు.

విద్యార్థి : ఎం.చేగువేరా పాఠశాల : పారమిత హెరిటేజ్‌, కరీంనగర్‌ గైడ్‌ టీచర్‌ : లలిత్‌మోహన్‌ సాహూ ఉపయోగించిన పరికరాలు : ఐరన్‌, మోటార్స్‌, సోలార్‌ ప్యానల్‌, నెట్‌, ఫ్రేమ్‌, వైర్‌, వీల్స్‌ తదితరాలు. ఉపయోగం : ఇది తక్కువ ఆదాయం ఉన్న ప్రజలకు ఉపయోగపడే ఒక వినూత్న సోలార్‌ బహుళ జల్లెడ యంత్రం. నిర్మాణ స్థలాలు, వ్యవసాయ పరిశోధనా కేంద్రాలు, భూసార పరీక్షా కేంద్రాల్లో నేల ధాన్యాలను వేరు చేయడానికి ఉపయోగపడుతుంది. సాధించిన బహుమతి : జిల్లా స్థాయి జూనియర్స్‌ కేటగిరీలో ప్రథమ స్థానం.

సిరిసిల్ల కల్చరల్‌: సిరిసిల్లకు చెందిన మడుపు ముత్యంరెడ్డి 57 ఏళ్లుగా బోధన వృత్తికే పరిమి తమై, గణితానికి జీవితాన్ని అంకితం చేశారు. 80 ఏళ్ల వయసులో సొంతంగా పాఠశాల నిర్వహణ బాధ్యతలు చూస్తున్నారు. పూరీ పీఠాధిపతి శంకరాచార్యులు భారతీ కృష్ణ తీర్థ స్వామి ఆంగ్లంలో రాసిన వేదగణితాన్ని తెలుగులో రాశారు. 200 పేజీలున్న ఈ పుస్తకం హైస్కూల్‌ విద్యార్థులకు సంఖ్యా శాస్త్రంలో ఎదురయ్యే అంక గణిత పరికర్మలను దృష్టిలో పెట్టుకొని వేద గణిత సూత్రాలు, పద్ధతులను వివరించింది. ఇది ఎంతోమంది గణిత ఉపాధ్యాయులకు కరదీపికై ంది. ముత్యంరెడ్డి ఇప్పటికీ ప్రత్యక్షంగా, ఉత్తరాల ద్వారా, సెల్‌ఫోన్‌ ద్వారా సందేహాలను నివృత్తి చేస్తున్నారు.

సిరిసిల్లక్రైం: నేరాలను అరికట్టడానికి నిరంతరం పెట్రోలింగ్‌, గస్తీ చేపట్టాలని ఎస్పీ అఖిల్‌ మహాజన్‌ సూచించారు. జిల్లా పోలీసు కార్యాలయంలో శనివారం నిర్వహించిన నేరసమీక్షలో పలు అంశాలపై పోలీసు అధికారులకు ఎస్పీ దిశానిర్ధేశం చేశారు. విధుల్లో ప్రతిభ కనబరిచిన అధికారులకు, సిబ్బందికి ప్రశంసాపత్రాలతోపాటు ప్రోత్సాహకాలు అందించారు. రోడ్డు ప్రమాదాల నివారణకు నిత్యం డ్రంకెన్‌డ్రైవ్‌ తనిఖీలు చేపట్టాలని ఆదేశించారు. ఓవర్‌స్పీడ్‌, ట్రిపుల్‌రైడింగ్‌, మైనర్స్‌ వాహనాలు నడిపితే కఠినంగా వ్యవహరించాలన్నారు. సమా వేశంలో ఏఎస్పీ శేషాద్రినిరెడ్డి, డీఎస్పీ చంద్రశేఖర్‌రెడ్డి, సీఐలు కృష్ణ, మొగిలి, శ్రీనివాస్‌, వీరప్రసాద్‌, శ్రీనివాస్‌, వెంకటేశ్వర్లు తదితరులు పాల్గొన్నారు. నేర సమీక్షలో ఎస్పీ అఖిల్‌ మహాజన్‌

విద్యార్థి : నల్గొండ రితిక పాఠశాల : జెడ్పీహెచ్‌ఎస్‌, రామడుగు, కరీంనగర్‌ గైడ్‌ టీచర్‌ : సంగోజు శ్రీనివాస్‌ ఉపయోగించిన పరికరాలు : అట్టపెట్టె, డ్రాయింగ్‌ షీట్లు, లో కాస్ట్‌, నో కాస్ట్‌ మెటీరియల్‌. ఉపయోగం : ఎత్తయిన భవనాలు, సెల్‌ఫోన్‌ టవర్లు, శిఖరాల ఎత్తును సులభంగా ఎలా కనుక్కోవచ్చో ఈ ప్రాజెక్టు ద్వారా చూపించారు. సాధించిన బహుమతి : జిల్లా స్థాయి సీనియర్స్‌ కేటగిరీలో ద్వితీయ స్థానం.

సిరిసిల్లకల్చరల్‌: జిల్లా వైద్య, ఆరోగ్య శాఖ అధికారిగా డాక్టర్‌ రజిత నియమితులయ్యారు. అదనపు ఇన్‌చార్జి బాధ్యతలు నిర్వహించిన డాక్టర్‌ వసంత్‌రావు స్థానంలో రజిత బాధ్యతలు తీసుకున్నారు. శనివారం బాధ్యతలు స్వీకరించిన ఆమె కలెక్టర్‌ సందీప్‌కుమార్‌ ఝాను మర్యాద పూర్వకంగా కలిసి పూలమొక్క అందించారు. పెండింగ్‌ స్కాలర్‌షిప్‌ మంజూరు చేయండి ● ఎస్‌ఎఫ్‌ఐ జిల్లా ప్రధాన కార్యదర్శి మల్లారపు ప్రశాంత్‌చందుర్తి(వేములవాడ): విద్యార్థుల పెండింగ్‌ స్కాలర్‌షిప్‌ను ప్రభుత్వం వెంటనే చెల్లించాలని ఎస్‌ఎఫ్‌ఐ జిల్లా ప్రధాన కార్యదర్శి మల్లారపు ప్రశాంత్‌ కోరారు. చందుర్తి ప్రభుత్వ జూనియర్‌ కళాశాలలో శనివారం చేపట్టిన ఎస్‌ఎఫ్‌ఐ సభ్యత్వ నమోదులో పాల్గొని మాట్లాడారు. జూనియర్‌ కళాశాలల్లో మధ్యాహ్న భోజనం అమలు చేయాలని కోరారు. స్థానిక కాలేజీకి రోడ్డు నిర్మాణానికి మూడు నెలల క్రితం భూమిపూజ చేసి పనులు మరిచిపోయారన్నారు. ఆర్వోఆర్‌ ప్లాంట్‌ ఏర్పాటు చేయాలని కోరారు. వేములవాడ డివిజన్‌ అధ్యక్ష, కార్యదర్శులు సామల్ల సాయిభరత్‌, కడారి శివ పాల్గొన్నారు. రైసుమిల్లులు తనిఖీ గంభీరావుపేట(సిరిసిల్ల): మండలంలోని లింగన్నపేట, కొత్తపల్లి గ్రామాల్లోని రైసుమిల్లులను అదనపు కలెక్టర్‌ ఖీమ్యానాయక్‌ శనివారం పరిశీలించారు. 2022–23 సీజన్‌కు చెందిన వేలం వేసిన ధాన్యాన్ని తనిఖీ చేశారు. యాసంగి ధాన్యం కాంట్రాక్టర్‌లకు ఈనెల 31లోపు అందజేయాలని, లేకుంటే చర్యలు తీసుకుంటామని హెచ్చరించారు. జిల్లా పౌరసరఫరాల అధికారి వసంతలక్ష్మి, సివిల్‌ సప్లయ్‌ డిప్యూటీ తహసీల్దార్‌ నవీన్‌, మండల తహసీల్దార్‌ భూపతి ఉన్నారు. హద్దురాళ్ల తొలగింపు కోనరావుపేట(వేములవాడ): మండలంలోని కొలనూర్‌లో కబ్జాకు గురవుతున్న కుమ్మరికుంటలో అధికారులు హద్దురాళ్లు తొలగించారు. ‘కుమ్మరికుంట కబ్జా’ శీర్షికన ‘సాక్షి’లో ప్రచురితమైన కథనానికి అధికారులు స్పందించారు. రెవెన్యూ అధికారులు హద్దురాళ్లను సిబ్బందితో తొలగింపజేశారు. చెరువు భూమిని ఎవరూ ఆక్రమించినా చర్యలు తప్పవని హెచ్చరించారు. వరల్డ్‌ మెడిటేషన్‌ డే సిరిసిల్లటౌన్‌: జిల్లా కేంద్రంలో ఇండియన్‌ మెడికల్‌ అసోసియేషన్‌(ఐఎంఏ) ఆధ్వర్యంలో శనివారం స్థానిక రగుడులోని ఐఎంఏ హాల్‌లో ధ్యాన దినోత్సవం నిర్వహించారు. హార్ట్‌ఫుల్‌ నెస్‌ జిల్లా కోఆర్డినేటర్‌ కోడం సతీశ్‌ ధ్యానం ద్వారా కలిగే పలు రకాల ఆరోగ్య ప్రయోజనాల గురించి వివరించారు. ఐఎంఏ అధ్యక్షుడు డాక్టర్‌ శ్రీనివాస్‌, శ్రీరామచంద్ర మిషన్‌ బాధ్యులు, డాక్టర్లు పాల్గొన్నారు.

కథలాపూర్‌(వేములవాడ): కథలాపూర్‌ మండలంలోని తక్కళ్లపెల్లి జెడ్పీ హైస్కూల్‌కు చెందిన మామిడి శ్రీహిత అనే పదోతరగతి విద్యార్థిని రూపొందించిన గణిత ప్రాజెక్టు రాష్ట్రస్థాయి ఇన్‌స్పైర్‌ మనాక్‌ పోటీలకు ఎంపికై ంది. మ్యాథ్స్‌ టీచర్‌ గంగాధర్‌ ఆధ్వర్యంలో త్రిభుజంలోని మూడు కోణాల మొత్తం 180 డిగ్రీలు, చతుర్భుజంలోని నాలుగు కోణాల మొత్తం 360 డిగ్రీలు అని కార్ట్‌ బోర్డుతో సహాయంతో వివరించింది. ఈ ప్రాజెక్టు వచ్చే నెలలో రాష్ట్రస్థాయి పోటీల్లో ప్రదర్శించనున్నట్లు ఉపాధ్యాయుడు గంగాధర్‌ తెలిపారు.

ఆదివారం శ్రీ 22 శ్రీ డిసెంబర్‌ శ్రీ 2024గణితంలోఅర్బన్‌ ఎఫీషియెన్సీ టాయిలెట్స్‌విద్యార్థి : అర్ఫా యుస్రా పాఠశాల : సాయి మానేరు, కరీంనగర్‌ గైడ్‌ టీచర్‌ : వి.ప్రజ్ఞ ఉపయోగించిన పరికరాలు : చార్ట్స్‌, మార్కర్స్‌, గమ్‌, గ్లూగన్‌, కార్ట్‌బోర్డ్‌, స్ట్రాలు, టీ కప్స్‌ తదితరాలు. ఉపయోగం : జనసాంద్రత ఎక్కువగా ఉన్న నగరాల్లో తక్కువ స్థలంలో ఎక్కువ టాయిలెట్స్‌ నిర్మించి, ఉపయోగించుకోవచ్చు. సాధించిన బహుమతి : జిల్లాస్థాయి సీనియర్స్‌ కేటగిరీలో ప్రథమ స్థానం.● నూతన ఆవిష్కరణల వైపు అడుగులు ● మ్యాథ్స్‌లో ప్రతిభ చాటుతున్న విద్యార్థులు, ఉపాధ్యాయులు ● ఎగ్జిబిట్లతో అదరగొట్టిన స్టూడెంట్స్‌ ● నేడు జాతీయ గణిత దినోత్సవంన్యూస్‌రీల్‌

సిరిసిల్లటౌన్‌: సీఎం కప్‌–2024 జిల్లాస్థాయి పోటీలు శుక్రవారం సిరిసిల్లలోని మినీస్టేడియంలో నిర్వహించారు. అథ్లెటిక్స్‌, ఆర్చరీ, బ్యాడ్మింటన్‌, బాక్సింగ్‌, బాస్కెట్‌బాల్‌, యోగా, చెస్‌, కిక్‌బాక్సింగ్‌, ఉషు, జూడో, టేబుల్‌టెన్నిస్‌, క్యారంబోర్డ్‌, కరాటే, పవర్‌లిఫ్టింగ్‌ అంశాల్లో పోటీలు నిర్వహించారు. ముఖ్య అతిథిగా అగ్రికల్చర్‌ ఆఫీసర్‌ అఫ్జల్‌ బేగం, ఆర్టికల్చర్‌ ఆఫీసర్‌ కె.ఆర్‌.లత, ఫిషరీస్‌ ఆఫీసర్‌ సౌజన్య హాజరై విజేతలకు బహుమతులు అందించారు. జిల్లా యువజన, క్రీడల శాఖ అధికారి రామదాసు, పీఈటీలు తదితరులు పాల్గొన్నారు.

సిరిసిల్లకల్చరల్‌: అప్పుల బాధ తాళలేక ఆత్మహత్యకు పాల్పడ్డ నేత కార్మికుడు దూస గణేశ్‌కు రావాల్సిన బీమా డబ్బులు విడుదలయ్యేందుకు కృషి చేయనున్నట్లు చేనేత, జౌళి శాఖ అదనపు సంచాలకుడు సాగర్‌ తెలిపారు. శుక్రవారం ప్రభుత్వ ఆస్పత్రి ప్రాంగణంలో గణేశ్‌ కుటుంబ సభ్యులను కలిసి మాట్లాడారు. మరమగ్గాల కార్మికుడిగా పట్టణంలోని శ్రీరామ్‌ విష్ణు దగ్గర పనిచేసే గణేశ్‌ తన అవసరాల నిమిత్తం రూ.5లక్షలు అప్పు చేశాడని, అప్పులు ఇచ్చిన వారు వేధించడంతో శుక్రవారం ఉదయం తన ఇంటిలో ఆత్మహత్యకు పాల్పడ్డాడని తెలిపారు. స్థానిక నేత గుండ్లపెల్లి పూర్ణచందర్‌, సామాజిక కార్యకర్త వేముల మార్కండేయులు ఉన్నారు. ‘అసైన్డ్‌ భూములు మింగిన వారికి శిక్ష తప్పదు’ ముస్తాబాద్‌(సిరిసిల్ల): అసైన్డ్‌ భూములను మింగిన వారికి శిక్ష తప్పదని కాంగ్రెస్‌ పార్లమెంట్‌ ఎన్నికల కో–కన్వీనర్‌ కనమేని చక్రధర్‌రెడ్డి హెచ్చరించారు. ముస్తాబాద్‌లోని పార్టీ ఆఫీస్‌లో శుక్రవారం విలేకరులతో మాట్లాడారు. ధరణిని అడ్డం పెట్టుకొని ఎస్సీలకు చెందిన వేలాది ఎకరాలను కొందరు బీఆర్‌ఎస్‌ నాయకులు పట్టాలు చేయించుకున్నారని ఆరో పించారు. అక్రమార్గంలో అసైన్డ్‌ భూములు పొందిన వారికి చట్టపరంగా శిక్షలు తప్పవని హెచ్చరించారు. కాంగ్రెస్‌ ఇన్‌చార్జి మహేందర్‌రెడ్డి ప్రజలకు సేవ చేస్తుంటే ఓర్వలేక బీఆర్‌ఎస్‌ నాయకులు విమర్శిస్తున్నారన్నారు. ప్రజ ల కోసం పనిచేస్తున్న కలెక్టర్‌ను అహంకార పూరితంగా దూషించిన కేటీఆర్‌కు ప్రజలే బుద్ధి చెప్తారన్నారు. యువజన కాంగ్రెస్‌ మండల అధ్యక్షుడిగా గెలిచిన రంజాన్‌ నరేశ్‌ను స న్మానించారు. ఏఎంసీ మాజీ చైర్మన్‌ అంజన్‌రావు, తలారి నర్సింలు, ఆలయ కమిటీ చైర్మన్‌ ఎల్సాని దేవయ్య, ప్యాక్స్‌ డైరెక్టర్‌ దేవేందర్‌, కనమేని శ్రీనివాస్‌రెడ్డి, వేణు, శాదుల్‌, మధు, శ్రీకాంత్‌ పాల్గొన్నారు. సిరిసిల్ల వాసికి ‘అతి విశిష్ట’ పురస్కారం సిరిసిల్లటౌన్‌: రైల్వేశాఖ అందించే ప్రతిష్టాత్మక పురస్కారం సిరిసిల్ల వాసికి దక్కింది. స్థానిక గాంధీనగర్‌కు చెందిన కామారపు వినోద్‌ రైల్వేశాఖలో సీనియర్‌ సెక్షన్‌ ఇంజినీర్‌గా పనిచేస్తున్నారు. హసన్‌పర్తి నుంచి వరంగల్‌ వరకు భూగర్భ సొరంగమార్గంలో విద్యుత్‌ పనులు త్వరగా పూర్తిచేశారు. 2023–24లో ఉప్పల్‌ నుంచి హసన్‌పర్తి, వరంగల్‌ నుంచి చింతలపల్లి వరకు 61.546 కి.మీ విద్యుద్ధీకరణ పూర్తి చేశారు. దీంతో రైల్వేశాఖ అతి విశిష్ట రైల్‌ సేవ పురస్కారాన్ని ఈనెల 21 ఢిల్లీలో కేంద్ర రైల్వేశాఖ మంత్రి అశ్వినీ వైష్ణవ్‌ చేతుల మీదుగా అందజేయనుంది. వినూత్న నిరసన సిరిసిల్లటౌన్‌: తమ డిమాండ్లు నెరవేర్చాలని కోరుతూ సమగ్రశిక్ష ఉద్యోగులు చేపట్టిన దీక్ష శుక్రవారం 11వ రోజుకు చేరింది. ఈ సందర్భంగా వినూత్నంగా సోది చెబుతూ నిరసన తెలిపారు. ‘సోది అమ్మగా’ రుద్రంగి సీఆర్పీ శ్రీవాణి ప్రభుత్వం ఇచ్చిన హామీని నెరవేర్చాలంటూ చెప్పడం ఆకట్టుకుంది. జీపీ అధికారులపై విచారణకు ఆదేశంగంభీరావుపేట(సిరిసిల్ల): గంభీరావుపేట మేజర్‌ గ్రామపంచాయతీ స్పెషలాఫీసర్‌, పంచాయతీ కార్యదర్శి ఈనెల 23న జీపీలో జరిగే విచారణకు హాజరుకావాలని జెడ్పీ సీఈవో శుక్రవారం ఆదేశాలు జారీచేశారు. గ్రామపంచాయతీ సఫాయి సిబ్బందికి డ్రెస్‌ కొనుగోలు కోసం గత ఆగస్టులో రూ.1.93లక్షలు పంచాయతీ జీరో అకౌంట్‌ నుంచి డ్రా చేశారని, డ్రెస్సులు కొని సిబ్బందికి ఇవ్వలేదని అంబేడ్కర్‌ సేవా రత్న, జాతీయ అవార్డు గ్రహీత మంగళి చంద్రమౌళి రెండు రోజుల క్రితం కలెక్టర్‌కు ఫిర్యాదు చేశారు. ఈక్రమంలో విచారణ చేపట్టాలని జెడ్పీ సీఈవోను కలెక్టర్‌ ఆదేశించారు. దీంతో ఈనెల 23న విచారణకు హాజరుకావాలని సీఈవో ఆదేశాలు జారీ చేశారు.

● తప్పులను ప్రశ్నిస్తే అరెస్టులు ● నాఫ్స్‌కాబ్‌ చైర్మన్‌ కొండూరి రవీందర్‌రావుసిరిసిల్లటౌన్‌: రాష్ట్రంలో కాంగ్రెస్‌ సర్కారు దిగజారుడు రాజకీయాలు చేస్తోందని నాఫ్స్‌కాబ్‌ చైర్మన్‌ కొండూరి రవీందర్‌రావు ఆరోపించారు. సిరిసిల్లలోని బీఆర్‌ఎస్‌ భవన్‌లో శుక్రవారం నిర్వహించిన ప్రెస్‌మీట్‌లో మాట్లాడారు. కేటీఆర్‌ ఒక విద్యావేత్తగా హైదరాబాద్‌లో ప్రజలకు ఈ రేసింగ్‌ పరిచయం చేశారన్నారు. కేటీఆర్‌ మీద పెట్టిన కేసు కుట్రపూరితమైందని ప్రజలు గమనిస్తున్నారని పేర్కొన్నారు. గతంలో బీఆర్‌ఎస్‌ది రాచరిక పాలన అన్న మీరూ.. చేస్తుందని నియంత పోకడ కాదా అని ప్రశ్నించారు. ప్రశ్నించే బీఆర్‌ఎస్‌ గొంతుకలను జైలులో వేస్తున్నారన్నారు. ప్రజలకు తగిన గుణపాఠం చెబుతారని హెచ్చరించారు. రాష్ట్రానికి దొరికిన దరిద్ర సీఎం రేవంత్‌రెడ్డి రాష్ట్రానికి దొరికిన దరిద్ర ముఖ్యమంత్రిగా బీఆర్‌ఎస్‌ జిల్లా అధ్యక్షుడు తోట ఆగయ్య అభివర్ణించారు. డబ్బుల సంచులతో దొరికిన వ్యక్తి ఇతరులపై విమర్శలు చేయడం విడ్డూరంగా ఉందన్నారు. తెల్లారి లేస్తే బీఆర్‌ఎస్‌పై, కేసీఆర్‌, కేటీఆర్‌లపై దుర్భాషలాడడం తప్ప చేసేదేమి లేదని ఆగ్రహం వ్యక్తం చేశారు. టీఎప్‌పీటీడీసీ మాజీ చైర్మన్‌ గూడూరి ప్రవీణ్‌, బీఆర్‌ఎస్‌ పట్టణాధ్యక్షుడు జిందం చక్రపాణి, న్యాలకొండ రాఘవరెడ్డి, దార్ల సందీప్‌, అన్నారం శ్రీనివాస్‌, బొల్లి రామ్మోహన్‌, దిడ్డి రాజు పాల్గొన్నారు.

ముస్తాబాద్‌ మండలానికి 10వేల ఎకరాలకు నీరందించే ఎగువమానేరు కింద ఉన్న లోతుచెరువు నిర్వహణ గాలికొదిలేశారు. ఫలితంగా నీరందడం లేదు. – కలకొండ కిషన్‌రావు, నీటి సంఘాల మాజీ చైర్మన్‌ సక్రమంగా నీరందేలా చూశాం ఇరవై ఏళ్ల క్రితం చైర్మన్‌గా పనిచేసిన సమయంలో ఎప్పటికప్పుడు రైతులతో మాట్లాడి నీళ్లు అందేలా చూసేవాళ్లం. ఇప్పుడు ఎవరూ పట్టించుకోవడం లేదు. – కొండం రాజిరెడ్డి, మాజీ చైర్మన్‌ వారధిలా పనిచేస్తాయి నీటి సంఘాల బాధ్యులు అధికారులు, రైతులకు మధ్య వారధిలా పనిచేస్తా రు. సమస్యలుంటే రైతుల తరఫున చైర్మన్లు మాట్లాడుతారు. నీటిసంఘాల ఎన్నికలపై ప్రభుత్వం నుంచి స్పష్టత రాలేదు. – రవికుమార్‌, డీఈఈ

కోనరావుపేట(వేములవాడ): మండలంలోని కొలనూర్‌లో చెరువు కబ్జాకు గురవుతోంది. కోనరావుపేట మండలం కొలనూర్‌లోని బీసీకాలనీ శివారులో సర్వే నంబర్‌ 416, 417లో కుమ్మరికుంట ఉంది. పురాతన కాలం నుంచి యాదవుల పేరిట ఉన్న ఈ కుంటలో 2002లో రజకసంఘానికి దోబీఘాట్లు నిర్మించి ఇచ్చారు. కొన్నేళ్లుగా వారు దోబీఘాట్లను వినియోగించకపోవడంతో అవి శిథిలమయ్యాయి. కొన్నేళ్లుగా అలాగే ఉన్న ఈ చెరువులో కొద్ది రోజుల క్రితం గ్రామానికి చెందిన వ్యక్తి చెరువులో కొంతభాగాన్ని చదును చేశారు. ఈ చెరువు తమదేనంటూ రజక సంఘం ఆధ్వర్యంలో హద్దులు పాతారు. కాగా ఈ కుమ్మరికుంట సుమారు 4 ఎకరాల్లో ఉండగా ప్రస్తుతం 20 గుంటలకే పరిమితమైంది. ఈ విషయాన్ని తెలుసుకున్న గ్రామస్తులు రెవెన్యూ అధికారులకు ఫిర్యాదు చేయగా డీటీ, ఆర్‌ఐ క్షేత్రస్థాయిలో విచారణ చేపట్టి హద్దురాళ్లను తొలగించాలని ఆదేశించారు. ఇప్పటి వరకు హద్దురాళ్లు అలాగే ఉన్నాయి. తమ గ్రామానికి చెందిన కుమ్మరికుంట చెరువును కాపాడాలని రైతులు, గ్రామస్తులు కోరుతున్నారు.

ఈ క్షతగాత్రుడు రుద్రంగి మండల కేంద్రానికి చెందిన కంటే రాములు. తన ఎక్సెల్‌ వాహనంపై బుధవారం స్థానిక బస్టాండ్‌ వైపు వెళ్తుండగా ఇంటర్‌ సెకండియర్‌ చదువుతున్న మైనర్‌ బాలుడు అతి వేగంగా బైక్‌పై వచ్చి ఢీకొట్టాడు. రాములు తలకు తీవ్ర గాయాలు కాగా.. 108లో వేములవాడకు తరలిస్తుండగా చనిపోయాడు. ఇలా జిల్లాలో నిత్యం ఏదో ఒక ప్రాంతంలో మైనర్ల ర్యాష్‌ డ్రైవింగ్‌తో అమాయకులు ప్రాణాలు కోల్పోతున్నారు. ఇంత జరుగుతున్నా తల్లిదండ్రుల పర్యవేక్షణ, అధికారులు కఠిన చర్యలు తీసుకోకపోవడమే ప్రధాన కారణమని భావిస్తున్నారు.ఎల్లారెడ్డిపేట(సిరిసిల్ల): అతివేగం.. అజాగ్రత్త.. త్వరగా వెళ్లాలన్న ఆతృత ప్రాణాలమీదికి తెస్తోంది. ముఖ్యంగా మైనర్లు వాహనాలు నడుపుతూ ప్రమాదాలకు కారణమవుతున్నారు. మైనర్లకు వాహనాలు ఇవ్వవద్దని పోలీసులు తల్లిదండ్రులకు అవగాహన కల్పిస్తున్నా ఫలితం లేకుండా పోతోంది. జిల్లాలో నెల రోజుల్లో 16 ప్రమాదాలు జరుగగా.. ఇద్దరు ప్రాణాలు కోల్పోయారు. వీరిద్దరూ మైనర్లే కావడం విషాదం. అనేక మంది క్షతగాత్రులయ్యారు. ఇప్పటికీ చాలా మంది కోలుకోవడం లేదు. ఇందులో 10 ప్రమాదాలు మైనర్లు వాహనా లు నడపడంతోనే జరిగాయి. ధనార్జనే ధ్యేయంగా ఇసుక మాఫియా ట్రిప్పుల సంఖ్యను పెంచుకోవడానికి అతివేగంగా వాహనాలు నడపడంతోనే ప్రజల ప్రాణాల మీదికొస్తోంది. మైనర్లే డ్రైవర్లు ఇసుక ట్రాక్టర్లు, ద్విచక్ర వాహనాలు నడిపేవారిలో అత్యధికులు మైనర్లే కావడం ప్రమాదాలకు కారణంగా తెలుస్తోంది. డ్రైవింగ్‌ లైసెన్స్‌లు లేకున్నా, రోడ్డు భద్రత నియమాలు తెలియకుండా వాహనాలతో రోడ్లపైకి వస్తున్నారు. అసలే యువకులు.. ఆపై చెవుల్లో ఇయర్‌ఫోన్స్‌ పెట్టుకొని వాహనాలు నడుపుతూ వెనక వచ్చే వాహనాలను గమనించక ప్రమాదాలకు కారకులవుతున్నారు. పోలీసులు సైతం మైనర్‌లను పట్టుకొని ఇటీవల తహసీల్దార్ల ఎదుట బైండోవర్‌ చేసిన సంఘటనలు ఉన్నాయి. అయినా వారి తల్లిదండ్రులు, ఇసుక ట్రాక్టర్ల యజమానుల్లో మార్పు రావడం లేదు. మైనర్లకే మళ్లీ.. మళ్లీ వాహనాలు ఇస్తున్నారు. నిబంధనలు బేఖాతర్‌ ద్విచక్రవాహనదారులు, కార్లు నడిపే వారు కనీస నిబంధనలు పాటించడం లేదు. ద్విచక్రవాహనదారులు హెల్మెట్లు ధరించకుండా వెళ్తుండడంతో ప్రమాదాలు జరిగిన సమయంలో ప్రాణాలు కోల్పోతున్నారు. ఇటీవల జరిగిన పలు సంఘటనల్లో అత్యధిక మంది హెల్మెట్లు లేకపోవడంతోనే ప్రాణాలు కోల్పోయారు. హెల్మెట్లు ధరించాలని, మద్యం తాగి వాహనాలు నడపొద్దని పోలీసులు అవగాహన కల్పిస్తున్నా ప్రజల్లో మార్పు రావడం లేదు. ప్రాణాలు పోతే వారి కుటుంబాలు రోడ్డున పడి చిన్నాభిన్నమవుతున్నాయి. పెద్ద దిక్కును కో ల్పోయి కుటుంబ సభ్యులు అనాథలవుతున్నారు. ఆర్థికంగా ఇబ్బందులు ఎదుర్కొంటున్నారు. ఒక్క ఎల్లారెడ్డిపేటలోనే నాలుగు ప్రమాదాలు.. ఎల్లారెడ్డిపేట మండలంలో ఆగస్టు నెల నుంచి నాలుగు రోడ్డు ప్రమాదాలు జరిగాయి. ఇందులో తొమ్మిది మంది తీవ్రంగా గాయపడగా, నలుగురు ప్రాణాలు కోల్పోయారు. గుజరాత్‌ రాష్ట్రానికి చెందిన దేశాయిబీడీ కంపెనీ అసిస్టెంట్‌ మేనేజర్‌ కులదీప్‌ను ఇసుక ట్రాక్టర్‌ ఢీకొట్టడంతో అక్కడికక్కడే చనిపోయాడు. రాచర్లబొప్పాపూర్‌ శివారులో కారు ను ఓవర్‌టేక్‌ చేయబోయి భూక్య సతీశ్‌ అనే మైనర్‌ మరణించాడు. మరో ప్రమాదంలో రాచర్లతిమ్మాపూర్‌ బస్టాండ్‌ వద్ద కారు ఢీకొని మంద నారాయణ మృతిచెందాడు. తాజాగా రాచర్లగొల్లపల్లి శివారులో డివైడర్‌ను ఢీకొట్టి ఎల్లారెడ్డిపేటకు చెందిన చందుపట్ల రాజిరెడ్డి అక్కడికక్కడే మరణించాడు. ఇలా మైనర్ల డ్రైవింగ్‌తో వారే ప్రాణాలు కోల్పోవడంతోపాటు ఇతరుల ప్రాణాలు తీస్తున్నారు.ఇదీ.. ముస్తాబాద్‌ మండలం పోతుగల్‌ శివారులో ఇటీవల జరిగిన ప్రమాదం. ఈ సంఘటనలో ఇటుక ట్రాక్టర్‌ను నడుపుతున్న డ్రైవర్‌ అతివేగంగా వచ్చి ద్విచక్రవాహనంపై వెళ్తున్న గీతకార్మికుడు చేపూరి కై లాసంను ఢీకొట్టగా అక్కడికక్కడే ప్రాణాలు కోల్పోయాడు. కుటుంబ పెద్ద చని పోవడంతో అతని ముగ్గురు కొడుకులు, భార్య దిక్కులేని వారయ్యారు. ఇదీ.. ఎల్లారెడ్డిపేట మండల కేంద్రంలోని ఇండియన్‌ ఓవర్‌సీస్‌ బ్యాంక్‌కు ఎదురుగా బుధవారం మధ్యాహ్నం అతివేగంగా వెళ్తున్న ఇసుక ట్రాక్టర్‌. బ్యాంక్‌కు ఎదురుగా దుర్గమ్మ గుడి వద్ద నిలిపి ఉంచిన వాహనాన్ని అతివేగంగా ఢీకొట్టింది. అదే సమయంలో అక్కడ బస్సు కోసం ఎదురుచూస్తున్న పలువురు ప్రయాణికులు త్రుటిలో ప్రాణాలతో బయటపడ్డారు. ఆ వాహనాన్ని ఢీకొట్టిన ట్రాక్టర్‌ డ్రైవర్‌ కనీసం అక్కడ ఆగకుండా అదే వేగంతో పరారయ్యాడు. ఈ సంఘటనకు ప్రత్యక్ష సాక్షులైన ప్రయాణికులు ట్రాక్టర్‌ డ్రైవర్‌ మైనర్‌ అని, సెల్‌ఫోన్‌లో మాట్లాడుతూ డ్రైవింగ్‌ చేస్తున్నాడని, సమయం కూడా మధ్యాహ్నం 2.15 గంటలు దాటిందని తెలిపారు. ప్రాణాలు తీస్తున్న మైనర్‌ డ్రైవింగ్‌ జిల్లాలో నెల రోజుల్లో 15 సంఘటనలు ఇద్దరు మృతి.. పలువురికి గాయాలు పట్టించుకోని అధికారులు తల్లిదండ్రులపై కేసులు నమోదు చేస్తున్నా మారని తీరుఅతివేగంతోనే ప్రమాదాలు అతివేగంతోనే రోడ్డు ప్రమాదాలు జరుగుతున్నాయి. మైనర్లకు ద్విచక్ర వాహనాలు, ఇసుక ట్రాక్టర్లు ఇవ్వవద్దని తల్లిదండ్రులు, ట్రాక్టర్ల యజమానులకు అవగాహన కల్పిస్తున్నాం. అయినా వారిలో మార్పు రావడం లేదు. నిత్యం వాహన తనిఖీలు చేపడుతున్నాం. వాహనాలు నడిపే మైనర్లపై ప్రతీ రోజు స్పెషల్‌ డ్రైవ్‌ చేపడతాం. తల్లిదండ్రులు మైనర్లకు వాహనాలు ఇవ్వకుండా సహకరించాలి. – శ్రీనివాస్‌గౌడ్‌, ఎల్లారెడ్డిపేట, సీఐ

● ఎట్టకేలకు అటవీశాఖ అనుమతి చందుర్తి(వేములవాడ): రెండు జిల్లాల సరిహద్దు అటవీప్రాంతంలో తారురోడ్డు నిర్మాణానికి ఎట్టకేలకు అటవీశాఖ నుంచి అనుమతులు లభించాయి. రాజన్నసిరిసిల్ల, జగిత్యాల జిల్లాల సరిహద్దు చందుర్తి–మోత్కురావుపేట గ్రామాల మధ్య గల అటవీ ప్రాంతంలో 3.450 కిలోమీటర్ల దూరం రోడ్డు వేసేందుకు అటవీశాఖ అనుమతి లభించక దశాబ్ద కాలంగా వేచిచూస్తున్నారు. రూ.19.75కోట్లు మంజూరుకాగా 10 కిలోమీటర్లకుపైగా తారు రోడ్డు నిర్మాణమైంది. మిగిలిన 3.450 కిలోమీటర్ల దూరం అనుమతికి వేములవాడ ఎమ్మెల్యే, ప్రభుత్వ విప్‌ ఆది శ్రీనివాస్‌ చేసిన కృషితో అనుమతులు లభించాయి. ఈ రోడ్డు పూర్తయితే రెండు జిల్లాల ప్రజలకు దూరభారం తగ్గనుంది.

తంగళ్లపల్లి(సిరిసిల్ల): ప్రొఫెసర్‌ జయశంకర్‌ తెలంగాణ వ్యవసాయ విశ్వవిద్యాలయం బాబు జగ్జీవన్‌రామ్‌ వ్యవసాయ కళాశాల దత్తత గ్రామం రాళ్లపేటలో రైతులకు శుక్రవారం విత్తనశుద్ధిపై ప్రొఫెసర్లు అవగాహన కల్పించారు. ప్రొఫెసర్‌ డాక్టర్‌ జె.రాజేందర్‌ మాట్లాడుతూ.. కిలో విత్తనానికి మూడు గ్రాముల కార్బండెజిమ్‌ 50 శాతం కలిపి 24 గంటల తరువాత నారుమడిలో చల్లుకోవాలన్నారు. దంప నారుమళ్లకు లీటరు నీటికి ఒక గ్రాము కార్బండెజిమ్‌ 50 శాతం కలిపి, ఆ ద్రావణంలో విత్తనాలను 24 గంటలు నానబెట్టి, 24 గంటలు మండెకట్టి మొలకెత్తిన విత్తనాలను దంప నారుమడిలో చల్లుకోవాలని సూచించారు. రైతులకు కూనారం సన్నరకం వరి విత్తనాలను పంపిణీ చేశారు. కళాశాల ప్రొఫెసర్లు, దత్తత గ్రామ కమిటీ సభ్యులు డాక్టర్‌ సతీశ్‌, డాక్టర్‌ సంపత్‌, రాళ్లపేట మాజీ సర్పంచ్‌ పరశురాములు, 20 మంది రైతులు పాల్గొన్నారు.

● జలవనరులపై పర్యవేక్షణ కరువు ● 22 ఏళ్లుగా నీటిసంఘాలు లేవు ● జిల్లాలో 550 చెరువులు ● ఎగువ, మధ్యమానేరు జలాశయాలు● సిరిసిల్ల నియోజకవర్గం : 1,33,551 ఎకరాలు● వేములవాడ నియోజకవర్గం : 1,55,866 ఎకరాలు ● మొత్తం : 2,89,417 ఎకరాలు ● చెరువుల కింద సాగు : 58,762 ఎకరాలు ● ఎస్సారెస్పీ : 6,481 ఎకరాలు● 9వ ప్యాకేజీ సాగు : 64,200 ఎకరాలు ● 11వ ప్యాకేజీ సాగు : 22,511 ఎకరాలు ● ఎగువమానేరు ప్రాజెక్ట్‌ : 13,085 ఎకరాలుముస్తాబాద్‌(సిరిసిల్ల): జలవనరుల నిర్వహణను ప్రభుత్వం గాలికొదిలేసింది. దాదాపు రెండు దశాబ్దాలుగా నీటిసంఘాలకు ఎన్నికలు లేవు. ఫలితంగా పాలకవర్గాలు లేక చెరువులు, ఆయకట్టు కాల్వ ల నిర్వహణ, మరమ్మతుపై ఎవరికీ పట్టింపు లేదు. రెండు దశాబ్దాల క్రితం.. 2002, 2004లో నీటి సంఘాలకు ఎన్నికలు జరుగగా, ఇప్పటి వరకు నీటి సంఘాల గురించి ఏ ప్రభుత్వం పట్టించుకోలేదు. జిల్లాలో 550 చెరువులు, కుంటలు, నర్మాల వద్ద ఎగువమానేరు, బోయినపల్లి మండలంలో మధ్యమానేరు, ఇల్లంతకుంట మండలం అనంతారం వద్ద అన్నపూర్ణ ప్రాజెక్టులు ఉన్నాయి. చిన్ననీటి వనరులు సింగసముద్రం, మూలవాగుపై నిమ్మపల్లి ప్రాజెక్టులు ఉన్నాయి. 500లోపు ఎకరాలకు సాగునీరందించే చెరువులు 15 వరకు ఉన్నాయి. ఎగువ మానేరు ప్రాజెక్టులో 8 మంది నీటి సంఘాల చైర్మన్లను గతంలో ఎన్నుకున్నారు. జిల్లాలో 1.50లక్షల మంది రైతులు ఉన్నారు. పట్టాదారు పాస్‌బుక్కులు ఉన్న వారికి గతంలో ఓటుహక్కు కల్పించారు. నీటి సంఘాల విధులు ఇవీ.. ● చెరువులు, కుంటల నిర్వహణ బాధ్యతలు. ● సంఘాల చైర్మన్లు, నీటిపారుదలశాఖ అధికారుల సమన్వయంతో సాగునీటిని అందించే పనులను రెగ్యులర్‌గా చేపడతారు. ● చెరువులు, కాలువల మరమ్మతు పనులు పర్యవేక్షిస్తారు. ● నీటి లీకేజీలు, కాల్వలకు పడ్డ బుంగలు పూడ్చడం, నీటిచౌర్యం నివారిస్తారు. ● నీరు సక్రమంగా సరఫరా అయ్యేలా చూస్తారు.జలకళతో కళకళలాడుతున్న ఇది ముస్తాబాద్‌ మండల కేంద్రంలోని పెద్దచెరువు. 2016లో భారీ వర్షాలకు గండిపడింది. అప్పటి మంత్రి కేటీఆర్‌ రూ.6కోట్లతో చెరువును బాగుచేయించగా, కాళేశ్వరం నీటితో, ప్రస్తుతం కురుస్తున్న వానలతో ఆరేళ్లుగా జలకళను సంతరించుకుంది. పెద్ద చెరువు కింద 450 ఎకరాల ఆయకట్టు ఉంది. చెరువు ఎడమ షట్టర్‌ తూము లీకేజీ అవుతోంది. నీరంతా వృథాగా పోతోంది. చెరువు కింద కాలువలు అన్యాక్రాంతమయ్యాయి. చెరువులో పూర్తి సామర్థ్యంతో నీరు ఉన్నా ఒక్క ఎకరాకు కూడా సాగునీరందించే స్థితిలో లేదు. లీకై న నీరు కింద ఉన్న కుంటలో చేరుతోంది. అందులో ఊరి మురుగునీరు కలిసి కలుషితమవుతోంది. నీటి సంఘాల బాధ్యులుంటే ఆయకట్టు తైబంధీ తీర్మానించి కాల్వలను బాగుచేసేవారు.

సిరిసిల్లటౌన్‌: రాష్ట్ర ప్రభుత్వం ఆదేశాలతో గురువారం సిరిసిల్లలో సీఎం కప్‌–2024 పోటీలు జరిగాయి. ఈ పోటీలను జిల్లా వ్యవసాయాధికారి అఫ్జల్‌బేగం ప్రారంభించారు. రైసింగ్‌ ఫిట్‌నెస్‌ అండ్‌ స్పోర్ట్స్‌ అకాడమీలో ఫుట్‌బాల్‌, హ్యాండ్‌బాల్‌, నెట్‌బాల్‌ పోటీలు నిర్వహించారు. గంభీరావుపేట, సిరిసిల్ల, తంగళ్లపల్లి, బోయినపల్లి, రుద్రంగి మండలాల నుంచి హ్యాండ్‌బాల్‌ క్రీడాకారులు పాల్గొన్నారు. ఫుట్‌బాల్‌లో సిరిసిల్ల, ఎల్లారెడ్డిపేట, రుద్రంగి మండలాల క్రీడాకారులు, నెట్‌బాల్‌లో వీర్నపల్లి మండలం నుంచి ఎంపికయ్యారు. జిల్లా యువజన, క్రీడల శాఖ అధికారి రామదాసు తదితరులు పాల్గొన్నారు.

● అసెంబ్లీలో వేములవాడ ఎమ్మెల్యే ఆది శ్రీనివాస్‌వేములవాడ: నియోజకవర్గ పరిధిలోని ప్రాజెక్టులకు సాగునీరందించాలని ప్రభుత్వ విప్‌, వేములవాడ ఎమ్మెల్యే ఆది శ్రీనివాస్‌ కోరారు. అసెంబ్లీలో గురువారం మాట్లాడుతూ శ్రీపాద ఎల్లంపల్లి ప్రాజెక్టు ద్వారా వేములవాడ నియోజకవర్గ పరిధిలోని ప్రాజెక్టులకు ఈ నెలాఖరి వరకు సాగునీరందించాలని కోరారు. మల్కపేట, ఫాజుల్‌నగర్‌, చందుర్తి ప్రాజెక్టు, జోగాపూర్‌ చెరువులను నీటితో నింపాల్సిందిగా విన్నవించారు. ప్యాకేజీ–9లోని మల్కపేట రిజర్వాయర్‌లో ఇప్పటికే ఒక్క టీఎంసీ నీరు ఉందని మరో టీఎంసీ నీటిని నింపాలని కోరారు. ఇప్పటికే కలికోట సూరమ్మ రిజర్వాయర్‌ పనులు వేగంగా సాగుతున్నాయని, కుడి, ఎడమ కాలువల పనుల కోసం ఇటీవల కలెక్టర్‌ భూసేకరణకు నోటిఫికేషన్‌ ఇచ్చారని తెలిపారు. కుడి, ఎడమ కాలువల నష్టపరిహారం చెల్లించి, బొమ్మెన ప్రాజెక్ట్‌కు నిధులు విడుదల చేయాల్సిందిగా విన్నవించారు. స్పందించిన మంత్రి ఉత్తమ్‌కుమార్‌రెడ్డి త్వరలోనే మల్కపేట రిజర్వాయర్‌ నీటితో నింపి, నష్టపరిహారానికి సంబంధించిన నిధులు విడుదల చేస్తామని హామి ఇచ్చారు.

● ఎస్పీ అఖిల్‌ మహాజన్‌ముస్తాబాద్‌(సిరిసిల్ల): విద్యార్థులు నార్కో టెర్రరిజంపై యుద్ధం చేయాలని.. ప్రతీ విద్యార్థి డ్రగ్‌ సోల్జర్‌గా పనిచేయాలని ఎస్పీ అఖిల్‌ మహాజన్‌ పేర్కొన్నారు. ముస్తాబాద్‌ ఏఎంఆర్‌ గార్డెన్స్‌లో గురువారం విద్యార్థులకు షీటీం, గంజాయి మత్తుపదార్థాలపై అవగాహన సదస్సు నిర్వహించారు. ఎస్పీ అఖిల్‌మహాజన్‌ మాట్లాడుతూ విద్యార్థుల భద్రతే పోలీస్‌ లక్ష్యంగా పనిచేస్తున్నామన్నారు. దేశం ప్రస్తుత పరిస్థితుల్లో డ్రగ్‌, గంజాయి, సైబర్‌ వంటి నేరాలతో నార్కో టెర్రరిజాన్ని ఎదుర్కొంటుందన్నారు. గంజాయి రహిత జిల్లాగా మార్చేందుకు కృషిచేస్తున్నామన్నారు. పోలీస్‌స్టేషన్‌లో నార్కోటిక్‌ జాగిలాలు, గంజాయి కిట్లసాయంతో తనిఖీలు చేపడుతున్నట్లు తెలిపారు. విద్యార్థులు సోషల్‌ మీడియాకు దూరంగా ఉండాలని సూచించారు. ప్రతీ ఠాణాలో పోలీస్‌అక్క పనిచేస్తుందని, విద్యార్థులు వేధింపులకు గురైతే వెంటనే ఫిర్యాదు చేయాలన్నారు. ప్రభుత్వ పాఠశాలల్లో సీసీ కెమెరాల ఏర్పాటుకు కాంగ్రెస్‌ మండల అధ్యక్షుడు యెల్ల బాల్‌రెడ్డి, ప్యాక్స్‌ డైరెక్టర్‌ కొండల్‌రెడ్డి, కొండం రాజిరెడ్డి ముందుకొచ్చారు. సీఐ మొగిలి, ఎస్సై గణేశ్‌, సిబ్బంది పాల్గొన్నారు.

● అమృత్‌ 2.0 స్కీంలోకి సిరిసిల్లసిరిసిల్లటౌన్‌: జిల్లా కేంద్రం సిరిసిల్లలో చేపట్టిన డిజిటల్‌ డ్రోన్‌ సర్వేను కలెక్టర్‌ సందీప్‌ కుమార్‌ ఝా గురువారం ప్రారంభించారు. ప్రతిష్టాత్మక అమృత్‌ 2.0 స్కీం కింద సర్వే ఆఫ్‌ ఇండియా ఆధ్వర్యంలో రూపొందిస్తున్న నూతన మాస్టర్‌ప్లాన్‌కు సిరిసిల్ల పట్టణం ఎంపికైంది. సిరిసిల్ల నూతన మాస్టర్‌ప్లాన్‌ తయారీకి డిజిటల్‌ డ్రోన్‌ సర్వేను స్థానిక బతుకమ్మఘాట్‌ వద్ద చేపట్టారు. సర్వే ఆఫ్‌ ఇండియా సిబ్బంది విలీన గ్రామపంచాయతీలు, సిరిసిల్ల పట్టణంలోని గుర్తించిన వివిధ లొకేషన్‌ పాయింట్ల నుంచి డిజిటల్‌ డ్రోన్‌ సర్వే చేయనున్నారు. ఈ ప్రక్రియను కలెక్టర్‌ పరిశీలించి, అధికారులకు పలు సూచనలు చేశారు. మున్సిపల్‌ వైస్‌చైర్మన్‌ మంచె శ్రీనివాస్‌, మున్సిపల్‌ కమిషనర్‌ లావణ్య, కౌన్సిలర్లు వెల్దండి దేవదాసు, దార్నం అరుణ, రెడ్యానాయక్‌ తదితరులు పాల్గొన్నారు.

● చలికాలంలో రోగనిరోధక శక్తి తగ్గి, సీజనల్‌, ఇతర వ్యాధులు సంక్రమించే అవకాశం ఉంటుంది. విటమిన్లు, ఖనిజాలుండే సమతుల ఆహారం, ప్రోబయోటిక్స్‌, ప్రీబయోటిక్స్‌ అధికంగా తీసుకోవాలి. ● పండ్లు, కూరగాయలు, బ్రోకలీ, చిలకడదుంప వంటివి ఎక్కువగా తినాలి. శరీరాన్ని హైడ్రేటెడ్‌గా ఉంచేందుకు నీరు, హెర్బల్‌ టీలు, వెచ్చని సూప్‌లు తీసుకోవాలి. తగినంత నిద్ర, వ్యాయామం, శారీరక శ్రమ మానసిక స్థితిని, రోగ నిరోధక శక్తిని పెంచుతాయి. ● వేరుశనగ, బాదాం, జీడిపప్పు, పిస్తా, ఖర్జురా వంటివి తీసుకోవాలి. ఇవి బలవర్ధక ఆహారం. శరీరంలో వేడిని పుట్టిస్తాయి. యాపిల్‌, అరటిపండ్లు, బొప్పాయి. పైనాపిల్‌ వంటివి తినాలి. వీటిలో ఫైబర్‌ ఉండి, వేడిని ఉత్పత్తి చేస్తాయి. ● కూల్‌డ్రింక్స్‌, ఐస్‌క్రీమ్స్‌, స్వీట్లు, కేకులు, ఫ్రైడ్‌ రైస్‌, ఆల్కహాల్‌కు దూరంగా ఉండాలి. – భవ్యశ్రీ, డైటీషియన్‌, అపోలో రీచ్‌

కరీంనగర్‌ టౌన్‌ ●: జిల్లా వ్యాప్తంగా చలి తీవ్రత రోజురోజుకూ పెరుగుతోంది. ప్రజలు గజగజ వణుకుతున్నారు. సాయంత్రం 6 గంటలైందంటే చాలు బయటకు వెళ్లేందుకు జంకుతున్నారు. పొగమంచుతోపాటు ఈదురుగాలులు వీస్తున్నాయి. జిల్లాలో 10 నుంచి 12.5 డిగ్రీల కనిష్ట ఉష్ణోగ్రతలు నమోదైనట్లు వాతావరణ కేంద్రం వెల్లడించింది. రాబోయే రెండు రోజుల్లో కనిష్ట ఉష్ణోగ్రతలు మరింత తక్కువగా నమోదయ్యే అవకాశం ఉందని వాతావరణ శాఖ హెచ్చరించింది. వాతావరణ అసమతుల్యతతో ప్రజలు వ్యాధుల బారినపడుతున్నారని వైద్యులు చెబుతున్నారు. ముఖ్యంగా గుండె జబ్బుల వంటి దీర్ఘకాల పేషెంట్లు చలిలో బయటకు వెళ్లేటప్పుడు తగిన జాగ్రత్తలు తీసుకోవాలని సూచిస్తున్నారు.