అనంతపురం కల్చరల్‌ : జిల్లా వివేకానంద యోగా కేంద్ర  పర్యవేక్షణలో యోగా ఇన్‌స్ట్రక్టర్‌ కోర్సుకు ఔత్సాహికుల నుంచి దరఖాస్తులను ఆహ్వానిస్తున్నట్టు నిర్వాహకులు రాజశేఖరరెడ్డి ఆదివారం ఓ ప్రకటనలో తెలిపారు. బెంగళూరుకు చెందిన వివేకానంద యోగా యూనివర్శిటీ అనుబంధంగా ఉన్న అనంతపురం శాఖ ఆధ్వర్యంలో ఈనెల 30 నుంచి 20 ఆదివారాల పాటు శిక్షణ తరగతులు ఉంటాయన్నారు. దూరవిద్య ద్వారా కాంటాక్ట్‌ ప్రోగ్రామ్స్‌తో యోగా శిక్షణ ఉంటుందన్నారు. ఆసక్తి గల వారు ఈనెల 21 లోపు పూర్తి వివరాలతో దరఖాస్తు చేసుకోవాలన్నారు. వివరాలకు సెల్‌ : 9440288899లో సంప్రదించాలన్నారు.


 - 50 లక్షల మంది భర్తలకూ ప్రమాద బీమా
 - పథకంలో మార్పులు చేసిన గ్రామీణాభివృద్ధి శాఖ
 - సీఎం ఆమోదానికి ప్రతిపాదనలు  
 సాక్షి, హైదరాబాద్‌: స్వయం సహాయక సంఘాల్లో సభ్యులైన మహిళలకు సాధికారత కల్పించాలనే ఉద్దేశంతో దివం గత ముఖ్యమంత్రి వైఎస్‌ రాజశేఖరరెడ్డి (2009లో) ప్రవేశపెట్టిన ‘అభయ హస్తం’ పథకాన్ని ఇకపైనా కొనసాగించాలని ప్రభుత్వం నిర్ణయించింది. ఈ పథకంలో ప్రస్తుతం 24 లక్షల మంది మహి ళలు సభ్యులుగా ఉండగా, ఎస్‌హెచ్‌జీల్లోని మొత్తం 60 లక్షల మంది మహిళలకూ పథకాన్ని వర్తింప జేసేలా గ్రామీణాభివృద్ధి శాఖ అధికారులు మార్పులు చేశారు. ఎస్‌హెచ్‌జీ మహిళలతో పాటు వారి భర్తలకు (సుమారు 50 లక్షల మంది) కూడా అభయహస్తం పథకం కింద వర్తించే ప్రమాద బీమా సదుపాయాన్ని కల్పించాలని గ్రామీణ పేదరిక నిర్మూలన సంస్థ (సెర్ప్‌) తాజాగా ప్రభుత్వానికి పంపిన ప్రతిపాదనల్లో పేర్కొంది. ప్రస్తుత అభయహస్తం నిబంధనలతో పోల్చితే సభ్యురాలికి కొత్త ప్రతిపాదనల మేరకు సహజ మరణం కేటగిరీలో ఇంతకు మునుపు కంటే ఏడు రెట్లు, ప్రమాదం కారణంగా మర ణిస్తే మూడు రెట్లు అధికంగా ఇన్సూరెన్స్‌ కవరేజీ లభించనుంది. 
  
 ప్రస్తుతం సభ్యురాలు మరణించాకే కార్పస్‌ ఫండ్‌  సొమ్ము కుటుంబ సభ్యులకు దక్కనుండగా, తాజా ప్రతి పాదనలతో 65 ఏళ్లు దాటిన మహిళలు బతికి ఉండగానే ఇంతకు మునుపు కంటే ఎక్కువ మొత్తం కార్పస్‌ ఫండ్‌ను స్వయంగా అందుకునే వెసులు బాటు కల్పించారు. ప్రస్తుతం అభయ హస్తం పథకం కింద నెలకు రూ. 500 పింఛన్‌ మాత్రమే అందుతుండగా, కొత్త ప్రతిపాదనల్లో 65 ఏళ్లు దాటిన మహిళ లకు ఆసరా పథకం కింద నెలకు రూ. 1,000 పింఛన్‌ ఇవ్వాలని పేర్కొన్నారు. ప్రతిపాదిత అభయహస్తం పథకం అమలుకు రానున్న ఐదు సంవ త్సరాల్లో ఆర్థికపరమైన ప్రణాళికను కూడా ప్రభుత్వానికి పంపారు. అభయహస్తం పథకంలో మార్పులకు ఆమోదం నిమిత్తం సదరు ప్రతిపాదనలను సెర్ప్‌ అధికారులు ముఖ్యమంత్రికి పంపినట్లు తెలిసింది.
  
 సభ్యురాలు/జీవిత భాగస్వామికి ప్రతిపాదిత బీమా కవరేజీ (రూ.లక్షల్లో)
 సభ్యురాలు     ప్రస్తుతం    ప్రతిపాదిత
 సహజ మరణం   0.30      2.30
 ప్రమాద మరణం  0.75      4.75
 శాశ్వత వైకల్యం   0.75      2.75
 పాక్షిక వైకల్యం    0.37      1.37
  
 జీవిత భాగస్వామి..
 ప్రమాద మరణం లేదు  2.00
 శాశ్వత వైకల్యం లేదు   2.00
 పాక్షిక వైకల్యం లేదు    1.00