రాజస్తాన్ రాయల్స్ లెగ్ స్పిన్నర్ ప్రవీణ్ తాంబే చిక్కుల్లో పడ్డాడు. అమెరికాలో జరిగిన ఒక అనధికార టి20 మ్యాచ్‌లో అతను బంగ్లాదేశ్ మాజీ కెప్టెన్ అష్రాఫుల్‌తో కలిసి క్రికెట్ ఆడాడు. మ్యాచ్ ఫిక్సింగ్ చేసినందుకు అష్రాఫుల్‌పై ప్రస్తుతం నిషేధం ఉంది. ఈ మ్యాచ్ ఆడేందుకు తాంబే ముంబై క్రికెట్ సంఘం నుంచి ఎలాంటి అనుమతి తీసుకోలేదు. తనకు ఆ టోర్నమెంట్ గురించి తెలియదని, స్నేహితులతో కలిసి మ్యాచ్ ఆడేందుకు వెళితే అక్కడ అష్రాఫుల్ కూడా ఉన్నాడని తాంబే చెబుతున్నాడు.