అది హీరోయిన్లను బాగా బాధింపునకు గురి చేస్తోంది అంటోంది నటి కీర్తీసురేష్. ఇంతకీ ముద్దుగుమ్మ చెప్పే ఆ బాధేమిటో తెలుసుకుంటేపోలా. కోలీవుడ్‌లో రెండో చిత్రంతోనే స్మాష్ హిట్‌ను తన ఖాతాలో వేసుకున్న మాలీవుడ్ బ్యూటీ కీర్తీసురేష్. రజనీమురుగన్ చిత్ర విజయాన్ని ఎంజాయ్ చేస్తున్న ఈ బబ్లీ గర్ల్ ప్రస్తుతం నాలుగు చిత్రాల్లో నటిస్తూ యమ బిజీగా ఉంది. రెండో సారి శివకార్తికేయన్‌తో రొమాన్స్ చేస్తున్న కీర్తీసురేష్‌తో చిన్న భేటీ.
  
 ప్ర: రజనీమురుగన్ చిత్ర విజయాన్ని బాగా ఎంజాయ్ చేస్తునట్లున్నారే?
 జ: నిజంగా చాలా సంతోషంగా ఉంది. రజనీమురుగన్ చిత్రం షూటింగ్ దశలో ఉండగానే ఆ చిత్రం సూపర్‌హింట్ అవుతుందని చాలా మంది అన్నారు. ఇంకా చెప్పాలంటే నటించే ప్రతి చిత్రం విజయం సాధించాలనే పనిచేస్తుంటాం. రజనీమురుగన్ చిత్రం విజయం సంతోషంతో పాటు బాధ్యతను పెంచింది. ఆ విజయాన్ని నిలుపుకోవడానికి మరింత ప్రత్యేక శ్రద్ధ వహించాల్సి ఉంటుంది. ఈ విషయంలో నేను జాగ్రత్తగా వ్యవహరిస్తున్నాను.
  
 ప్ర: తొలి చిత్రం ఇదు ఎన్న మాయం నిరాశపరచడంతో రాశిలేని నటి అనే ప్రచారం జరగడం గురించి మీ స్పందన?
 జ: సినిమాలోనే కాదు ఏ రంగంలోనైనా విజయం చాలా ముఖ్యం. ఇక ఇక్కడ అలాంటి విజయం ఇక్క హీరోయిన్ చేతిలోనే ఉంటుందని నేను అనుకోను. సినిమా అన్నది సమష్టి కృషి అని నేనిప్పుడు ప్రత్యేకంగా చెప్పాల్సిన అవసరం లేదు.అందరి సరైన భాగస్వామ్యంతోనే విజయం సాధ్యం అవుతుంది.అయితే ఎందుకనోగానీ రాశి అనే సెంటిమెంట్ హీరోయిన్లనే బాగా బాధింపునకు గురి చేస్తోంది.
  
 ప్ర: తమిళంతో పాటు తెలుగులోనూ విజయాన్ని అందుకున్నారు. అభిమానుల్ని పెంచుకుంటున్నారు. వారి నుంచి ప్రేమలేఖలు వస్తున్నాయా?
 జ: ప్రేమలేఖలు అని చెప్పనుగానీ ఉత్తరాల ద్వారా గానీ, ప్రత్యక్షంగా కలిసినప్పుడు గానీ అభిమానులు చాలా ప్రేమాభిమాలను కురిపిస్తున్నారు.పక్కింటి అమ్మాయిలా చాలా అందంగా ఉన్నావంటూ అభినందిస్తున్నారు.మా అమ్మ పెద్ద నటి కావడం వల్ల తన అనుభవం నా నటనకు మంచి బాటలు వేస్తోంది.
  
 ప్ర: మీ వాయిస్ చాలా బాగుంది
 జ: థ్యాంక్స్.నాకు తమిళ భాష బాగా తెలుసు. అందుకే నా పాత్రలకు నేనే డబ్బింగ్ చెప్పుకుంటున్నారు.
  
 ప్ర: ప్రస్తుతం చేస్తున్న చిత్రాలు?
 జ: బాబీసింహాకు జంటగా పాంబుసండై, ప్రభుసాలమన్ దర్శకత్వంలో ధనుష్ సరసన నటిస్తున్న చిత్రంతో పాటు శివకార్తికేయన్‌తో మరో చిత్రం చేస్తున్నాను. విజయ్‌కు జంటగా నటించనున్నట్లు మీడియా ప్రచారం హోరెత్తిస్తోంది. నిజానికి ఆ విషయం నాకే తెలియదు. విజయ్‌తో నటించే అవకాశం వస్తే సంతోషమే.
  
 ప్ర: ఏ అంశాల వారిగా చిత్రాలను ఎంపిక చేసుకుంటారు?
 జ: మొదట కథ నచ్చాలి. అదే సమయంలో కూడా ఎవరెవరు పని చేస్తున్నారన్నది ముఖ్యం.
  
 ప్ర: ఏ హీరోకు జంటగా నటించాలని ఆశ పడుతున్నారు?
 జ: ఇంకెవరు అజిత్‌తోనే.


 రజనీమురుగన్ ఈ చిత్రం పేరు ప్రచార మాధ్యమాల్లో చాలా కాలంగానే నానుతోంది. కారణం ఆర్థిక సమస్యలన్నది అందరికీ తెలిసిందే. శివకార్తికేయన్, కీర్తీసురేశ్ జంటగా నటించిన చిత్రం రజనీమురుగన్. దర్శకుడు లింగుసామి సమర్పణలో తిరుపతి బ్రదర్స్ పతాకంపై సుభాష్ చంద్రబోస్ నిర్మించిన ఈ చిత్రానికి పొన్‌రామ్ దర్శకుడు. ఇంతకు ముందు శివకార్తికేయన్, పొన్‌రామ్ కాంబినేషన్‌లో రూపొందిన వరుత్తపడాద వాలిబర్‌సంఘం చిత్రం విశేష ప్రజాదరణ పొందింది .
  
  దీంతో రజనీమురుగన్ చిత్రంపై చిత్ర పరిశ్రమలో మంచి అంచనాలు నెలకొన్నాయి. అయితే చిత్రం నిర్మాణ కార్యక్రమాలను పూర్తి చేసుకుని విడుదల తేదీ వెల్లడై పలుమార్లు వాయిదా పడడంతో మీడియా మాధ్యమాల్లో రజనీమురుగన్ గురించి రకరకాల ప్రచారాలు హల్‌చల్ చేశాయి.అందుకు కారణం చిత్ర నిర్మాతల ఆర్థిక సమస్యలే కారణం అని సమాచారం. ఎట్టకేలకు రజనీమురుగన్ చిత్రాన్ని పొంగల్‌కు విడుదల చేయనున్నట్లు వెల్లడించారు. అయితే ఇలా పలుమార్లు విడుదల తేదీని వెల్లడించి వాయిదా వేయడంతో ఈ సారైనా చిత్రం నిర్ణయించిన తేదీన విడుదల అవుతుందా? అన్న సందేహం పరిశ్రమలోని ఒక వర్గం వ్యక్తం చేయడం గమనార్హం. అయితే ఈ సారి రజనీమురుగన్ చిత్రం తెరపైకి రావడం గ్యారెంటీ అంటున్నారు చిత్ర వర్గాలు. అందుకు కారణం లేక పోలేదు.
  
   రజనీ మురుగన్ చిత్రాన్ని చుట్టు ముట్టిన ఆర్థిక సమస్యలన్నీ పరిష్కారం అయ్యాయంటున్నారు. మరో విషయం ఏమిటంటే రజనీమురుగన్‌ను సమస్యల నుంచి బయట పడేయడానికి ఆ చిత్ర కథానాయకుడు శివకార్తికేయన్ ఏకంగా ఐదు కోట్లు ఇచ్చినట్లు ప్రచారం కోలీవుడ్‌లో హల్‌చల్ చేస్తోంది. అందువల్లే విడుదల సమయంలో ఏమైనా చిన్న చిన్న సమస్యలు తలెత్తినా ఆ డబ్బుతో పరిష్కరించవచ్చుననే ధీమాతో చిత్ర దర్శకనిర్మాతలు ఉన్నట్లు సినీవర్గాల టాక్. ఇందులో నిజమెంత అన్నది పక్కన పెడితే పొంగల్ చిత్రాల రేస్‌లో రజనీమురుగన్ ఉండబోతుండటం సంతోషకరమైన విషయం.


  సమంత ఇప్పుడు తమిళనాట హాట్ టాపిక్‌గా నిలిచారు. శివకార్తికేయన్‌కు జోడీగా సమంత నటించనున్నారని వినిపిస్తున్న వార్తే అందుకు కారణం. తమిళ సినిమాల్లో హాస్యనటునిగా శివకార్తికేయన్‌కు మంచి పేరుంది. ఈ మధ్యే చిన్న చిన్న సినిమాల్లో హీరోగా కూడా నటించేస్తున్నాడు. ఇటీవల విడుదలైన ‘మాస్ కరాటే’ చిత్రంలో అయితే... కార్తికేయన్‌కు జోడీగా హన్సిక నటించారు. అప్పట్లో అదే పెద్ద టాపిక్ అయ్యింది. ఇప్పుడు సమంత కూడా అతనితో జత కట్టనుందని వార్తలు వినిపిస్తుండటం తమిళ చిత్ర సీమలో చర్చనీయాంశమైంది.
  
   శివకార్తికేయన్ హీరోగా ‘రజని మురుగన్’ పేరుతో చిత్రం రూపొందనుంది. ఆ సినిమాలో నటించడానికి సమంత పచ్చజెండా ఊపేశారట. సమంత ప్రస్తుతం తెలుగులో నంబర్‌వన్ హీరోయిన్. తమిళంలోనూ మంచి స్టార్‌హోదానే ఎంజాయ్ చేస్తున్నారు. మరి, అలాంటి సమంత.. శివకార్తికేయన్ లాంటి చిన్న హీరోతో జతకట్టడమేంటి? అన్నదే ఇప్పుడు చర్చ. ఆ కథలోని తన పాత్ర నచ్చడం వల్లే సమంత గ్రీన్‌సిగ్నల్ ఇచ్చారని అంటున్నారు. కొసమెరుపు ఏంటంటే ఈ సినిమాకు సమంత పారితోషికం కూడా భారీగా ఉందట.