వైవిధ్యమైన కథాంశంతో కామెడీ ఎంటర్‌టైనర్‌గా తెరకెక్కుతున్న చిత్రం ‘ఆనందనగర్‌లో ఐదుగురు’. రామకృష్ణ బొత్స దర్శకత్వంలో యల్లమిల్లి బాలమురళీకృష్ణ నిర్మిస్తున్న ఈ చిత్రం పాటలను హైదరాబాద్‌లో రికార్డ్ చేస్తున్నారు. దర్శకుడు మాట్లాడుతూ- ‘‘ఇప్పటివరకూ మూడు పాటలను రికార్డ్ చేశాం. పాటలన్నీ సందర్భానుసారంగా సాగుతాయి. సంగీతదర్శకుడు లక్ష్మణ సాయి అద్భుతమైన స్వరాలందిస్తున్నారు. ఆద్యంతం వినోదాత్మకంగా సాగే చిత్రం ఇది. ఓ అయిదుగురి జీవితాల చుట్టూ తిరిగే కథ’’ అని తెలిపారు.


 ప్రేక్షకులను నవ్వించడానికి వస్తున్న చిత్రం ‘ఫుల్ గ్యారెంటీ’. ‘నవ్వుకి లవ్వు’ అనేది ఉపశీర్షిక. రామకృష్ణ బొత్స దర్శకత్వంలో ఎల్లమిల్లి శ్రీసూర్యతేజ, కె. సాయిగిరి నిర్మించిన ఈ చిత్రం విడుదలకు సిద్ధమవుతోంది. ‘‘ఈ చిత్రం చూసినవారికి నవ్వులు ఫుల్ గ్యారెంటీ’’ అని దర్శక, నిర్మాతలు అన్నారు. జీవా, కారుమంచి రఘు, శ్రీనివాసరెడ్డి, గౌతంరాజు కీలకపాత్రలు పోషించిన ఈ చిత్రానికి సంగీతం: చిన్ని చరణ్, ఎడిటింగ్: అనిల్‌కుమార్ జల్లు, సమర్పణ: ఎల్లమిల్లి బాలమురళీకృష్ణ.