ఎండోమెంట్‌ ఎగ్జిక్యూటివ్‌ ఆఫీసర్‌ మురళికృష్ణ ఇబ్రహీంపట్నం: దేవాలయాల భూములను అన్యాక్రాంతం చేయాలని చూస్తే సహించేదిలేదని ఇబ్రహీంపట్నం మండల ఎండోమెంట్‌ ఎగ్జిక్యూటివ్‌ ఆఫీసర్‌ మురళీకృష్ణ హెచ్చరించారు. పట్నం చెరువు కట్ట కింద ఉన్న శ్రీ వీరభద్రేశ్వర ఆలయానికి సంబంధించిన 2 ఎకరాల 22 గుంటల భూమిని పరిరక్షించేందుకు సూచిక బోర్డులను సోమవారం ఏర్పాటు చేశారు. ఈ సదర్భంగా ఆయన మాట్లాడుతూ, కొంతమంది ఆలయ భూములను కబ్జా చేసేందుకు యత్నిస్తున్నారని అనుమానం వ్యక్తంచేశారు. మండల పరిధి 16 దేవాలయాలు ఎండోమెంట్‌ పరిధిలో ఉన్నాయని తెలిపారు. దేవుడి మాన్యం అన్యాక్రాంతం కాకుండా సర్వే చేయించి ఫెన్సింగ్‌ వేయిస్తామని పేర్కొన్నారు. వ్యవసాయ యోగ్యంగా ఉన్న భూములను వేలం పాట ద్వారా కౌలుకు ఇస్తామని, తద్వారా వచ్చే ఆదాయాన్ని ఆయా ఆలయాల అభివృద్ధికి వెచ్చిస్తామని వెల్లడించారు. కార్యక్రమంలో వీరశైవ లింగాయత్‌ లింగబలిజ సంఘం సెంట్రల్‌ కమిటీ రాష్ట్ర సభ్యుడు శెట్టి శివకుమార్‌, జిల్లా గౌరవ అధ్యక్షుడు ఆనందప్ప, మార్కెట్‌ కమిటీ డైరెక్టర్‌ కుమారప్ప, బీజేపీ మున్సిపల్‌ అధ్యక్షుడు మహేందర్‌, అనిల్‌, సంతోష్‌, ఫణికుమార్‌, అలయ పూజరి పవన్‌ ఉన్నారు.

సీపీఐ రాష్ట్ర కౌన్సిల్‌ సభ్యుడు రామస్వామి చేవెళ్ల: ప్రజలకు వంద వసంతాల సందర్భంగా సీపీఐ పార్టీ గొప్పతనాన్ని ప్రజలకు తెలియజేయాలని ఆ పార్టీ రాష్ట్ర కౌన్సిల్‌ సభ్యుడు కె.రామస్వామి అన్నారు. మండల కేంద్రంలో సోమవారం మండల కౌన్సిల్‌ సమావేశం నిర్వహించారు. ఈ సమావేశానికి ముఖ్య అతిథిగా పాల్గొన్న ఆయన మాట్లాడుతూ.. పార్టీ వంద వసంతాల సందర్భంగా నియోజకవర్గస్థాయి జనరల్‌బాడీ సమావేశం ఈ నెల 28వ తేదీన చేవెళ్లలోని కేజీఆర్‌ గార్డెన్‌లో నిర్వహిస్తున్నట్లు చెప్పారు. ఈ సమావేశాన్ని నియోజకవర్గంలోని ప్రజలు, పార్టీ నాయకులు, కార్యకర్తలు పెద్దసంఖ్యలో పాల్గొని విజయవంతం చేయాలని కోరారు. ఈ సమావేశానికి ముఖ్య అతిథిగా సీపీఐ రాష్ట్ర కార్యదర్శి, కొత్తగూడెం ఎమ్మెల్యే కుణంనేని సాంబశివరావు హాజరుకానున్నట్లు తెలిపారు. పేద ప్రజల సంక్షేమం కోసం నిరంతరం పనిచేసే పార్టీ సీపీఐ అన్నారు. పెద్ద ఎత్తున ప్రజాసంఘాలు, పార్టీ కార్యకర్తలు, ప్రజలు ఈ సమావేశానికి హాజరుకావాలని పిలుపునిచ్చారు. కార్యక్రమంలో మండల కార్యదర్శి సత్తిరెడ్డి, నాయకులు తదితరులు ఉన్నారు.

బొంరాస్‌పేట: అధిక లోడుతో వెళ్తున్న వాహనాలతో నిత్యం అవస్థలు పడుతున్నామని మండలవాసులు ఆవేదన వ్యక్తం చేస్తున్నారు. పరిమితికి మించి ఇసుక, కంకర, కలప తదితర సామగ్రిని వేసుకొని నిత్యం వందలాది లారీలు రాకపోకలు సాగిస్తున్నాయి. దీంతో త్వరగా రోడ్డు మరమ్మతులు గురవుతోంది. గుంతలు పడి ప్రయాణానికి ఆటంకం కలిగిస్తోంది. అదుపు చేయాల్సిన అధికార యంత్రాంగం నిమ్మకు నీరెత్తినట్లు వ్యవహరిస్తోందని స్థానికులు విచారం వ్యక్తం చేస్తున్నారు. లోపించిన పర్యవేక్షణ మండల పరిధిలోని జాతీయ రహదారిపై గూడ్స్‌ వాహనాల రద్దీ రోజురోజుకు పెరుగుతోంది. పర్యవేక్షణ లేకపోవడంతో ఓవర్‌ స్పీడ్‌తో తరచూ ప్రమాదాలు జరిగి ప్రాణాలు గాల్లో కలుస్తున్నాయి. మండలంలోని మెట్లుకుంట శివారు తండాల నుంచి తుంకిమెట్ల, నాగిరెడ్డిపల్లి, రేగడిమైలారం మీదుగా కొడంగల్‌ వరకు 15 కిలో మీటర్ల దూరం జాతీయ రహదారి 163 ఉంది. దీనిపై మెట్లకుంట చెక్‌పోస్టు వద్ద వ్యవసాయ శాఖ ఆధ్వర్యంలో చెక్‌పోస్టు ఏర్పాటు చేశారు. కాగా చౌదర్‌పల్లి శివారులో రెండు కంకర మిషన్‌లు, దుద్యాల మండల పరిధిలోని ఈర్లపల్లి, గౌరారం శివారులో మరో కంకర మిషన్‌ ఉంది. ఇక్కడి నుంచి అధిక లోడుతో లారీలు రాకపోకలు సాగిస్తుంటాయి. వెనకాల వచ్చే వాహనాలపై దుమ్ము ధూళి పడేసుకుంటూ అవరోధం సృష్టిస్తున్నాయి. తరచూ ప్రమాదాలు మహంతీపూర్‌, మద్దిమడుగుతండా, కొత్తూరు శివారుల్లో నుంచి బొంరాస్‌పేట కాగ్నా వాగు పారుతుండటంతో స్థానికంగా జోరుగా ఇసుక అక్రమ రవాణా సాగుతోంది. ఇటీవల ఇసుక రవాణాకు అనుమతి లేకుండా పోలీసుల ముందు నుంచే పట్టపగలే ట్రాక్టర్లు ద్వారా తరలిస్తున్నారని స్థానికులు చెబుతున్నారు. మండలంలో చెట్లను నరికివేస్తూ జోరుగా అక్రమ కలప రవాణా విచ్చలవిడిగా సాగుతోంది. దీనిపై సదరు అధికారులు పట్టించుకోవడం లేదని గ్రామస్తులు తెలుపుతున్నారు. ఇలా ఓవర్‌లోడ్‌, అక్రమ రవాణాలతో అక్రమార్కులు కాసులు దండుకుంటున్నారు. అప్పుడప్పుడు అధికారులు చలాన్లు వేసినా ప్రయోజనం లేకండా పోతోంది. వాహనాల రద్దీతో తరచూ ప్రమాదాలు సైతం చోటు చేసుకుంటున్నాయి. ఇప్పటికై నా అధికారులు చర్యలు తీసుకోవాలని మండలవాసులు కోరుతున్నారు. పరిమితికి మించిన లోడ్‌తో లారీల రాకపోకలు అవస్థలు పడుతున్న వాహనదారులు పట్టించుకోని అధికార యంత్రాంగం

కందుకూరు: మూడు గంటల వ్యవధిలో ఒకే 108 అంబులెన్స్‌ సిబ్బంది ఇద్దరు గర్భిణులకు సుఖప్రసవం చేశారు. వివరాలు ఇలా ఉన్నాయి. మండల పరిధి నేదునూరు గ్రామ సమీపంలోని ఇటుక బట్టీల్లో పని చేస్తున్న ఒడిస్సా రాష్ట్రానికి చెందిన నలినిబాయికి పురిటి నొప్పులు వచ్చాయి. రెండో కాన్పు నిమిత్తం ఆదివారం రాత్రి 11 గంటల సమయంలో 108కి సమాచారం అందించారు. దీంతో ఆమెను ఆస్పత్రికి తరలించే క్రమంలో నొప్పులు ఎక్కువ అయ్యాయి. దీంతో ఈఎంటీ రాయుడు, ఫైలట్‌ యాదయ్య ఆమెకు సుఖప్రసవం చేయగా మగ బిడ్డకు జన్మనిచ్చింది. తల్లిబిడ్డను మహేశ్వరంలోని కమ్యూనిటీ హెల్త్‌ సెంటర్‌కు తరలించారు. వారిద్దరు ఆరోగ్యంగానే ఉన్నారు. రాత్రి 2గంటలకు.. అదే రాత్రి 2 గంటల సమయంలో మండల పరిధి లేమూరుకు చెందిన సంధ్యకు పురిటినొప్పులు రావడంతో 108కి సమాచారం అందించారు. దీంతో అక్కడికి చేరుకున్న రాయుడు, యాదయ్య ఆమెను ఆస్పత్రికి తరలిస్తుండగా నొప్పులు అధికమవడంతో వాహనంలో ప్రసవం చేశారు. ఆమె ఆడపిల్లకు జన్మనిచ్చింది. తల్లిబిడ్డను శంషాబాద్‌లోని కమ్యూనిటీ హెల్త్‌ సెంటర్‌కు తరలించారు. తల్లి బిడ్డ క్షేమంగానే ఉన్నారు. ఈ రెండు కేసుల్లో సమయానికి ప్రసవం చేసిన సిబ్బందిని మహిళల కుటుంబీకులు అభినందించారు.

కడ్తాల్‌: విద్యార్థుల్లో దాగి ఉన్న సృజనాత్మకతను వెలికి తీసేందుకు ‘సాక్షి’ మీడియా చేస్తున్న కృషి అభినందనీయమని ప్రగతి పాఠశాల కరస్పాండెంట్‌ సువర్ణగోవర్ధన్‌రెడ్డి, పాఠశాల ప్రిన్సిపాల్‌ జైసన్‌ అన్నారు. సాక్షి ఆధ్యర్యంలో నిర్వహిస్తున్న సాక్షి స్పెల్‌ బీ, మ్యాథ్స్‌బీ పరీక్షలతో విద్యార్థుల్లో మేధోశక్తి పెంపొందుతుందని పేర్కొన్నారు. సాక్షి మీడియా ఆధ్వర్యంలో గతేడాది నవంబర్‌లో నిర్వహించిన సాక్షి స్పెల్‌ బీ, మ్యాథ్స్‌ సెమీ పైనల్‌ పరీక్షల్లో.. పాఠశాలకు చెందిన కావ్య స్పెల్‌బీలో, రావుల అనన్య మ్యాథ్స్‌బీలో అత్యుత్తమ ప్రతిభ కనబరచి, ఈ నెల 22న బంజారాహిల్స్‌లోని రావినారాయణరెడ్డి ఆడిటోరియంలో నిర్వహించే రాష్ట్ర స్థాయి ఫైనల్‌ పోటీలకు ఎంపికయ్యారు. ఈ మేరకు సోమవారం పాఠశాలలో ఏర్పాటు చేసిన కార్యక్రమంలో పాఠశాల యాజమాన్యం విద్యార్థులను అభినందించి, సన్మానించింది. ఈ సందర్భంగా కరస్పాండెంట్‌ మాట్లాడుతూ, విద్యార్థుల భవిష్యత్తును దృష్టిలో ఉంచుకుని, ఇలాంటి పోటీ పరీక్షలను నిర్వహించడం సంతోషంగా ఉందని చెప్పారు. ఇలాంటి కార్యక్రమాలతో విద్యార్థులకు చదువుపై ఆసక్తి పెరగడంతో పాటు, భవిష్యత్తులో మరిన్ని పోటీ పరీక్షలకు సిద్ధమయ్యేందుకు దోహదపడుతుందన్నారు.

చౌటుప్పల్‌: హైదరాబాద్‌ మలక్‌పేటలోని హైదరాబాద్‌ కిడ్నీ సెంటర్‌ ఆస్పత్రి వైద్యుడు డాక్టర్‌ ఎర్రబోతు విష్ణువర్దన్‌రెడ్డి(68) సోమవారం మృతి చెందారు. యాదాద్రి భువనగిరి జిల్లా చౌటుప్పల్‌ మున్సిపాలిటీ పరిధిలోని తంగడపల్లి గ్రామానికి చెందిన ఆయన ప్రాథమిక విద్యాభ్యాసం స్థానికంగానే జరిగింది. వైద్య వృత్తిలోకి వచ్చాక సొంతంగా ఆస్పత్రి ఏర్పాటు చేసుకున్నారు. ఎంతోమంది కిడ్నీ రోగులకు వైద్య సేవలందించారు. ఆయనకు భార్య, కుమారుడు, కుమార్తె ఉన్నారు. కొంతకాలంగా అనారోగ్యంతో బాధపడుతున్న డాక్టర్‌ విష్ణువర్దన్‌రెడ్డి హైదరాబాద్‌ జూబ్లీహిల్స్‌లోని తన నివాసంలో సోమవారం ఉదయం మృతి చెందారు.

షాబాద్‌: బీసీలు రాజకీయంగా, ఆర్థికంగా అన్ని రంగాలలో అభివృద్ధి చెందాలని బీసీసేన జాతీయ అధ్యక్షుడు బర్క కృష్ణ అన్నారు. సోమవారం మండల కేంద్రంలోని ముదిరాజ్‌ భవన్‌లో బీసీ ఐక్యవేదిక సమావేశం నిర్వహించారు. ఈ సందర్భంగా ఇటీవల గుడిమల్కాపూర్‌ మార్కెట్‌ కమిటీ వైస్‌ చైర్మన్‌గా నియమితులైన కావలి చంద్రశేఖర్‌, బీజేపీ మండల అధ్యక్షుడిగా ఎన్నికై న మద్దూరు మాణెయ్యలను ఘనంగా సన్మానించారు. అనంతరం కృష్ణ మాట్లాడుతూ.. హక్కుల సాధనకోసం బీసీలు సమష్టిగా పోరాడాలని సూచించారు. స్థానిక సంస్థల ఎన్నికల్లో తమ సత్తా చాటాలని పిలుపునిచ్చారు. కార్యక్రమంలో ప్రజా చైతన్య సమితి రాష్ట్ర అధ్యక్షుడు రాపోలు నర్సింహులు, కుర్వ సంఘం మండల అధ్యక్షుడు పాండు, ముదిరాజ్‌ సంఘం మండల అధ్యక్ష, కార్యదర్శులు లింగం, మాసయ్య, గౌరవ అధ్యక్షుడు వెంకటయ్య, బీసీ ఐక్యవేదిక నాయకులు రవీందర్‌, స్వామి, నర్సింహులు, మహేందర్‌, శ్రీనివాస్‌గౌడ్‌, సత్తయ్య, ఆనందం, చెన్నయ్య, గౌరీశ్వర్‌ పాల్గొన్నారు. 42 శాతం రిజర్వేషన్‌ కేటాయించాలి స్థానిక సంస్థల ఎన్నికల్లో బీసీలకు 42 శాతం రిజర్వేషన్లు కేటాయించాలని బీసీసేన జాతీయ అధ్యక్షుడు బర్క కృష్ణ డిమాండ్‌ చేశారు. మండల పరిధి మన్‌మర్రి గ్రామంలో సేన గ్రామ కమిటీ అధ్యక్షుడిగా జెట్టని శ్రీకాంత్‌, ఉపాధ్యక్షుడిగా ఉల్లి కృష్ణ, ప్రధాన కార్యదర్శిగా గడ్డమీది రాజు, కార్యవర్గ సభ్యులను ఎకగ్రీవంగా ఎనుకున్నారు. ఈ సందర్భంగా ఆయన మాట్లాడుతూ.. ఎన్నికలలో ఇచ్చిన హామీని రాష్ట్ర ప్రభుత్వం నెరవేర్చాలని కోరారు. బీసీల లెక్క తేలడానికి దేశ వ్యాప్తంగా కులగణన చేపట్టాలని పేర్కొన్నారు. అన్ని రంగాల్లో అభివృద్ధిచెందిన అగ్రకులాలకు ఒక రోజులో బిల్లు పెట్టి, ఆగమేఘాల మీద 10 శాతం రిజర్వేషన్లు ఆమోదించారని, వారికి రిజర్వేషన్లు పెంచడానికి మూడు రోజుల్లో లోక్‌సభ, రాజ్యసభలో సవరణ చేసి రాష్ట్రపతి సంతకం చేశారని వెల్లడించారు. కానీ 50 శాతం జనాభా ఉన్న బీద కులాలకు రాజ్యాంగ సవరణ చేయరా అని ప్రశ్నించారు. మూడు దశాబ్దాలుగా పోరాడుతున్నా బీసీల బిల్లును కేంద్ర ప్రభుత్వం పట్టించుకోవడం ఆరోపించారు. పార్లమెంటులో బీసీ బిల్లు ప్రవేశపెట్టి, చట్టసభల్లో 50 శాతం రాజకీయ రిజర్వేషన్లు కల్పించాలన్నారు. బీసీసేన జాతీయ అధ్యక్షుడు కృష్ణ

హయత్‌నగర్‌: ఇంటి నుంచి బయటికి వెళ్లిన ఓ వ్యక్తి క్షేమంగా తిరిగి వచ్చాడు. పోలీసులు తెలిపిన వివరాల ప్రకారం.. హయత్‌నగర్‌ పోలీస్టేషన్‌ పరిధి తొర్రూర్‌ బాలాజీనగర్‌లో నివసించే బత్తుల మహేశ్‌(30) ప్రైవేటు ఉద్యోగి. శనివారం కుటుంబీకులు మందలించడంతో ఆత్మహత్య చేసుకోవాలని ఇబ్రహీంపట్నం చెరువు కట్ట వద్దకు బైకుపై వెళ్లాడు. బైకు, హెల్మెట్‌, బ్యాగు, పర్సును కట్టపై ఉంచాడు. చెరువులోకి దూకేందుకు యత్నించగా.. నీటిని చూసి భయపడ్డాడు. అక్కడి నుంచి ఇంటికి వెళ్లకుండా ఫోన్‌ స్విచ్చాఫ్‌ చేసి, బెంగళూరు బస్సెక్కి వెళ్లిపోయాడు. బయటకు వెళ్లిన యువకుడు ఇంటికి రాకపోవడంతోఆందోళనకు గురైన కుటుంబీకులు ఆదివారం హయత్‌నగర్‌ పోలీసులకు ఫిర్యాదు చేశారు. దీంతో మిస్సింగ్‌ కేసు నమోదు చేసుకున్న పోలీసులు.. మహేశ్‌ కోసం గాలింపు చర్యలు చేపట్టారు. పట్నం చెరువు కట్టపై ఆయనకు చెందిన బైకు, ఇతర వస్తువులను గుర్తించిన పోలీసులు.. మహేశ్‌ ఆత్మహత్య చేసుకున్నట్లు తొలుత భావించారు. ఎన్‌డీఆర్‌ఎఫ్‌ సిబ్బంది చెరువులో గాలించారు. ఈ క్రమంలో యువకుడి ఫోన్‌ ఆన్‌లో ఉన్నట్లు గుర్తించిన పోలీసులు.. యువుకుడి ఫోన్‌కు వాట్సాప్‌ మెసేజ్‌ పెట్టారు. తిరిగి ఆ వ్యక్తి పోలీసులకు మెసేజ్‌ చేయడంతో.. వ్యక్తి రాయచూర్‌లో ఉన్నట్లు గుర్తించారు. పోలీసుల చొరవతో సోమవారం మహేశ్‌ హయత్‌నగర్‌ ఠాణాకు వచ్చాడు. దీంతో కుటుంబ సభ్యులు, పోలీసులు ఊపిరి పీల్చుకున్నారు. పోలీసులు యువకుడికి కౌన్సెలింగ్‌ ఇచ్చి, కుటుంబీకులకు అప్పగించారు. నగర వైద్యుడికి ప్రతిష్ఠాత్మక అవార్డు! సాక్షి, సిటీబ్యూరో: నగరానికి చెందిన ప్రముఖ దంతవైద్యుడు డాక్టర్‌ వికాస్‌ గౌడ్‌కు ‘ఫ్యామ్‌డెంట్‌ అవుట్‌ స్టాండింగ్‌ డెంటిస్ట్‌ ఆఫ్‌ ద ఇయర్‌’అవార్డు లభించింది. దంత వైద్యరంగంలో అత్యుత్తమ ప్రతిభతోపాటు రీసెర్చ్‌, బోధన, రోగులకు అందించే సేవల వంటి అనేక అంశాలను పరిగణనలోకి తీసుకుని ఇచ్చే ఈ అవార్డుకు ‘దంత వైద్య ఆస్కార్‌‘అనే పేరు కూడా ఉంది. ఈ నెల 18న ముంబైలో ఫ్యామ్‌డెంట్‌ ఫౌండర్‌ డాక్టర్‌ అరోరాతోపాటు ప్రఖ్యాత దంతవైద్య నిపుణులు డాక్టర్‌ సబితా రామ్‌, కుమారస్వామి ఆయనకు అవార్డును అందజేశారు. డాక్టర్‌ వికాస్‌ గౌడ్‌ ఇంప్లాంటాలజిస్ట్‌ ఆఫ్‌ ద ఇయర్‌, ఈస్థెటిక్‌ డెంటల్‌ ప్రాక్టీషనర్‌ ఆఫ్‌ ద ఇయర్‌ అనే మరో రెండు విభాగాలకు కూడా ఎంపికయ్యారు. ఆయన పాతికేళ్లుగా దంతవైద్యంలో ఉత్తమ సేవలందిస్తున్నారు. ‘ఈ అవార్డు దక్కడం నా వ్యక్తిగత విజయం మాత్రమే కాదు, నా టీమ్‌, గురువులు, రోజూ స్ఫూర్తినిచ్చే నా దంత రోగులందరి తరఫున నాకు లభించినట్లు భావిస్తున్నాను‘అని డాక్టర్‌ గౌడ్‌ పేర్కొన్నారు.

సాక్షి, సిటీబ్యూరో: అర్హులైన ప్రతి ఒక్కరికీ రేషన్‌ కార్డులు జారీ చేస్తామని ప్రభుత్వం స్పష్టం చేసిందని, రేషన్‌ కార్డుల జారీ, ఇందిరమ్మ ఇళ్ల పథకం నిరంతర ప్రక్రియ అని, చివరి లబ్ధిదారు వరకు వాటిని అందిస్తామని హైదరాబాద్‌ జిల్లా ఇన్‌చార్జి మంత్రిగా వ్యవహరిస్తున్న రాష్ట్ర రవాణా శాఖ మంత్రి పొన్నం ప్రభాకర్‌ తెలిపారు. సోమవారం జీహెచ్‌ఎంసీ ప్రధాన కార్యాలయంలో డిప్యూటీ మేయర్‌ శ్రీలతాశోభన్‌రెడ్డితో కలిసి హైదరాబాద్‌ నగర పరిధిలో రేషన్‌కార్డులు, ఇందిరమ్మ ఇళ్ల సర్వే పురోగతిపై జీహెచ్‌ఎంసీ కమిషనర్‌ ఇలంబర్తి,హైదరాబాద్‌ జిల్లా కలెక్టర్‌ అనుదీప్‌ దురిశెట్టి, రేషనింగ్‌ అధికారి, జిల్లా సరఫరా అధికారి, జోనల్‌ కమిషనర్లతో సమీక్షించి దిశా నిర్దేశం చేశారు. మంత్రి మాట్లాడుతూ ఇందిరమ్మ ఇళ్లు, రేషన్‌కార్డుల కోసం ఎవరూ ఆందోళన చెందాల్సిన అవసరం లేదని, అర్హులందరికీ వాటిని ఇస్తామని స్పష్టం చేశారు. ఇంటి స్థలం ఉన్నవారు, లేనివారికి కూడా ఇందిరమ్మ ఇళ్లు అందించేందుకు ప్రయత్నిస్తున్నామని తెలిపారు. రేషన్‌ కార్డుల్లేనివారు వార్డు సభల్లో దరఖాస్తు చేసుకోవచ్చని, వీటితోపాటు గతంలో ప్రజాపాలన, సేవాకేంద్రాలు, ప్రజావాణిల్లో వచ్చిన దరఖాస్తులను కూడా పరిశీలించాలని అధికారులకు సూచించారు. అర్హులైన ప్రతి ఒక్కరికీ రేషన్‌కార్డులను ఇవ్వనున్నట్లు స్పష్టం చేశారు. అవగాహన కల్పించాలి రేషన్‌ కార్డుల కోసం దరఖాస్తులను స్వీకరించే ప్రక్రియ నిరంతరం కొనసాగుతుందనే అంశంపై అధికారులు క్షేత్రస్థాయిలో ప్రజలకు స్పష్టంగా అవగాహన కల్పించాలని మంత్రి పొన్నం ఆదేశించారు. అధికారులందరూ కలిసికట్టుగా పనిచేసి ప్రభుత్వానికి మంచిపేరు తీసుకురావాలని కోరారు. కార్యక్రమంలో అడిషనల్‌ కమిషనర్లు శివకుమార్‌ నాయుడు, అలివేలు మంగతాయారు, జోనల్‌ కమిషనర్లు హేమంత్‌ కేశవ్‌ పాటిల్‌, అనురాగ్‌ జయంతి, అపూర్వ చౌహాన్‌, రవికిరణ్‌, ఉపేందర్‌రెడ్డి, వెంకన్న, రెవెన్యూ డివిజనల్‌ అధికారులు పాల్గొన్నారు. అర్హులందరికీ రేషన్‌ కార్డులు, ఇందిరమ్మ ఇళ్లు సమీక్ష సమావేశంలో జిల్లా ఇన్‌చార్జి మంత్రి పొన్నం ప్రభాకర్‌

జీపీ వర్కర్స్‌ సంఘం రాష్ట్ర అధ్యక్షుడు నర్సింహారెడ్డి కేశంపేట: గ్రామ పంచాయతీల్లో కార్మికులు ఎదుర్కొంటున్న సమస్యలను రాష్ట్ర ప్రభుత్వం వెంటనే పరిష్కరించాలని గ్రామ పంచాయతీ వర్కర్స్‌ సంఘం రాష్ట్ర అధ్యక్షుడు టంగుటూరి నర్సింహారెడ్డి డిమాండ్‌ చేశారు. మండల కేంద్రంలోని మండల పరిషత్‌ కార్యాలయంలో ఎంపీడీఓ రవిచంద్రకుమార్‌రెడ్డితో కలిసి జీపీ వర్కర్స్‌ కేలండర్‌ను సోమవారం ఆవిష్కరించారు. ఈ సందర్భంగా ఆయన మాట్లాడుతూ.. కార్మికులకు జీఓ 60ని అమలు చేయాలని కోరారు. మల్టీపర్పస్‌ విధానం రద్దుచేయాలన్నారు. 2011 జనాభా ప్రతిపాదికన పంచాయతీల్లో కార్మికులను నియమించారని, ఆ విధాన్నాన్ని రద్దు చేసి అవసరాలకు అనుగుణంగా కార్మికులను నియమించాలని డిమాండ్‌ చేశారు. ఎంపీఓ కిష్ట య్య, జూనియర్‌ అసిస్టెంట్‌ ప్రకాష్‌, కార్మికుల సంఘం జిల్లా ప్రధాన కార్యదర్శి రాంచంద్రయ్య, మండల అధ్యక్షుడు రవి, స్వరూప ఉన్నారు. భక్తులపై వ్యాపారుల దౌర్జన్యం సామాజిక మాధ్యమంలో వైరల్‌గా మారిన వీడియోలు కొత్తూరు: ప్రఖ్యాతి గాంచిన జేపీదర్గా ఆవరణలో వ్యాపారుల ఆగడాలు పెరిగిపోతున్నాయి. తాజాగా సోమవారం దర్గా దర్శనం కోసం నగరం నుంచి వచ్చిన ఇద్దరు భక్తులపై కొందరు వ్యాపారులు తమ వద్ద పూలు కొనుగోలు చేయాలని దాడికి పాల్పడ్డారు. ఘటనకు సంబంధించిన వివరాలు సీసీ పుటేజీల్లో నిక్షిప్తం అయ్యాయి. ఆ వీడియోలు సామాజిక మాధ్యమాల్లో వైరల్‌గా మారాయి. ఇదే విషయమై స్థానిక పోలీసులను వివరణ కోరగా.. ఇరువురు భక్తులపై దర్గా ఆవరణలో పూల వ్యాపారం చేసే నలుగురు వ్యక్తులు తమ వద్ద పూలు కొనుగోలు చేయాలని దౌర్జన్యానికి పాల్పడ్డారని, కర్రలతో కొట్టినట్లు గుర్తించినట్లు పేర్కొన్నారు. ఈ మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. డ్రగ్స్‌ విక్రయిస్తూ పట్టుబడిన సాఫ్ట్‌వేర్‌ ఇంజినీర్‌ 120 మిల్లీ గ్రాముల ఎండీఎంఏ క్రిస్టల్స్‌ స్వాధీనం సాక్షి, సిటీబ్యూరో: పూణే నుంచి హైదరాబాద్‌కు వాహనంలో ఎండీఎంఏ క్రిస్టల్స్‌ డ్రగ్స్‌ను తీసుకొని వస్తున్న సాఫ్ట్‌వేర్‌ ఇంజినీర్‌ను సంగారెడ్డి, డీటీఎఫ్‌, ఎకై ్సజ్‌ పోలీసులు అదుపులోకి తీసుకున్నారు. జమ్ము, కశ్మీర్‌కు చెందిన హర్జత్‌ సింగ్‌(35) అనే వ్యక్తి హైదరాబాద్‌లో సాఫ్ట్‌వేర్‌ ఇంజినీర్‌గా పనిచేస్తూ డ్రగ్స్‌ వినియోగానికి అలవాటు పడ్డాడు. అతడు తన తోటి ఉద్యోగులకు డ్రగ్స్‌ విక్రయించేవాడు. మహారాష్ట్రలోని పూణే ప్రాంతానికి వెళ్లి అక్కడి నుంచి 120 మీల్లీ గ్రాముల ఎండీఎంఏ క్రిస్టల్స్‌ డ్రగ్స్‌ను తీసుకొని హైదరాబాద్‌కు వస్తుండగా సంగారెడ్డి డీటీఎఫ్‌, ఎకై ్సజ్‌ పోలీసులు సంగారెడ్డి మల్కాపూర్‌ ప్లైఓవర్‌ తనిఖీలు నిర్వహించి వాహనాన్ని పట్టుకున్నారు. ఈ డ్రగ్స్‌ విలువ రూ.21.06 లక్షలు ఉంటుందని అంచనా. సీఎస్‌ఏఎం కేసుల్లో ముగ్గురి అరెస్టు సాక్షి, సిటీబ్యూరో: చిన్నారులకు సంబంధించిన చైల్డ్‌ సెక్సువల్‌ అబ్యూజ్డ్‌ మెటీరియల్‌ను (సీఎస్‌ఏఎం) డౌన్‌లోడ్‌ చేసి, చూసి, ఇతరులకు పంపిణీ చేసిన ఆరోపణలపై సిటీ సైబర్‌ క్రైమ్‌ పోలీసులు ముగ్గురు నిందితుల్ని అరెస్టు చేశారు. వీరిలో ఇద్దరు హైదరాబాద్‌కు చెందినవారని డీసీపీ దార కవిత సోమవారం వెల్లడించారు. సీఎస్‌ఏఎంను కనిపెట్టడానికి అంతర్జాతీయంగా ఎన్‌సీఎంఈసీ అనే సంస్థ పనిచేస్తోంది. ఇది ప్రపంచంలో ఎవరైనా ఆయా సోషల్‌ మీడియా వేదికలపై సీఎస్‌ఏఎంను సెర్చ్‌ చేసినా, వీక్షించినా, డౌన్‌లోడ్‌/అప్‌లోడ్‌ చేసినా తక్షణం గుర్తిస్తుంది. భారత్‌కు సంబంధించిన వివరాలను నేషనల్‌ క్రైమ్‌ రికార్డ్స్‌ బ్యూరో(ఎన్సీఆర్బీ)కు పంపించింది. ఎన్సీఆర్బీ రాష్ట్ర నోడల్‌ ఏజెన్సీ సీఐడీకి ఈ వివరాలు అందించగా ఆ అధికారులు వినియోగదారుల ఐపీ అడ్రస్‌లను కనుగొన్నారు. ఈ మేరకు వారి నివాస పరిధిలోని సైబర్‌ క్రైమ్‌ ఠాణాల్లో కేసులు నమోదు చేయించారు. ఈవిధంగా ఇటీవల సిటీ సైబర్‌ క్రైమ్‌ ఠాణాల్లో మూడు కేసులు నమోదయ్యాయి. మెదక్‌కు చెందిన ప్రైవేట్‌ ఉద్యోగి(35) వివిధ వెబ్‌సైట్ల నుంచి చైల్డ్‌ ఫోర్నోగ్రఫీ వీడియోలు డౌన్‌లోడ్‌ చేశాడు. వీటిని వీక్షించడంతోపాటు ఇన్‌స్ట్రాగామ్‌ ద్వారా తన స్నేహితులకు పంపాడు. నగరానికి చెందిన ఓ వెల్డర్‌(36) ఇలానే చేసి స్నాప్‌చాట్‌ ద్వారా షేర్‌ చేశాడు. సిటీకే చెందిన మరో విద్యార్థి సైతం ఇలానే చేశాడు. దీంతో ఈ ముగ్గురి వివరాలు సీఐడీ నుంచి పొందిన నగర సైబర్‌ క్రైమ్‌ పోలీసులు వేర్వేరు కేసులు నమోదు చేసి ముగ్గురిని అరెస్టు చేశారు. రెండు బైక్‌లు ఢీ.. ముగ్గురికి గాయాలు ఘట్‌కేసర్‌: ఘట్‌కేసర్‌ మున్సిపాలిటీ పరిధిలో జరిగిన ఓ రోడ్డు ప్రమాదంలో ముగ్గురికి గాయాలయ్యాయి. స్థానికులు, పోలీసుల కథనం ప్రకారం... కీసర మండలం బోగారంలోని హోలీమేరీ కళాశాలలో సికింద్రాబాద్‌కు చెందిన చరణ్‌కుమార్‌, కరీంనగర్‌కు చెందిన సూర్యప్రకాశ్‌(17) పాలిటెక్నిక్‌ రెండో సంవత్సరం చదువుతున్నారు. సోమవారం ఉదయం వారు కళాశాల నుంచి ఘట్‌కేసర్‌ వైపు బైక్‌పై వస్తున్నారు. కొండాపూర్‌ విజ్ఞాన్‌ మహిళా కళాశాల సమీపంలో కీసర వైపు ఘట్‌కేసర్‌కు చెందిన గులాం అహ్మద్‌, చెంగిచెర్లకు చెందిన ప్రహ్లాద్‌ ప్రయాణిస్తున్న బైక్‌ ఎదురుగా వస్తోంది. వేగంగా ఉన్న ఈ రెండు బైక్‌లు ఢీకొనడంతో సూర్యప్రకాశ్‌ తలకు తీవ్రగాయాలుకాగా మరో ఇద్దరికి స్వల్ప గాయాలయ్యాయి. సూర్యప్రకాశ్‌ పరిస్థితి విషమంగా ఉండటంతో నగరంలోని ఓ ప్రైవేటు ఆస్పత్రికి తరలించారు. కేసు దర్యాప్తులో ఉంది.

చేవెళ్ల: కేంద్ర, రాష్ట్ర ప్రభుత్వాలు మాలల వ్యతిరేక వైఖరిని మానుకోవాలని మాల మహానాడు జాతీయ అధ్యక్షుడు జి.చెన్నయ్య అన్నారు. మండల కేంద్రంలోని అంబేడ్కర్‌ భవనంలో ఆదివారం జిల్లా కమిటీ ఆధ్వర్యంలో ముఖ్య కార్యకర్తల సమావేశం నిర్వహించారు. ఈ సందర్భంగా చెన్నయ్య మాట్లాడుతూ.. మేదావుల ముసుగులో మాలలపై విషం కుక్కతున్న వారి కుట్రలను తిప్పి కొట్టాలని పిలుపునిచ్చారు. మాలలపై అదే పనిగా పరుష పదజాలంతో మాట్లాడటం సరికాదన్నారు. అంటరానితనం, ఆకలి, పేదరికం, అవమానాలతో అల్లాడుతున్న మాలలను ఉద్దేశపూర్వకంగా విమర్శించడాన్ని తీవ్రంగా ఖండిస్తున్నామన్నారు. మాల జాతి ఐక్యత కోసం అస్తిత్వ పోరాటాలు చేయాల్సిన ఆవశ్యకత ఏర్పడిందన్నారు. అంతా కలిసి మెలికి ఉండాలని సూచించారు. సమావేశంలో మాల మహానాడు రాష్ట్ర అధ్యక్షుడు బూర్గుల వెంకటేశ్వర్లు, మహిళా నాయకురాలు రవళి, కార్యదర్శి వికాస్‌, యువత ప్రధాన కార్యదర్శి బి.మహేశ్‌, జిల్లా అధ్యక్షుడు మహేశ్‌, ఉపాధ్యక్షులు యాదగిరి, సురేశ్‌, సహాయ కార్యదర్శి మాణిక్యం, ప్రచార కార్యదర్శి జగన్‌, సమతా సైనిక్‌ దళ్‌ జిల్లా అధ్యక్షుడు మాచన్‌పల్లి రామస్వామి తదితరులు ఉన్నారు.

షాద్‌నగర్‌రూరల్‌: విద్యార్థులు ప్రణాళికాబద్ధంగా చదివితే ఉత్తమ ఫలితాలు సాధిస్తారని ఓపెన్‌ స్కూల్స్‌ స్టేట్‌ కో ఆర్డినేటర్‌ మాధవి అన్నారు. పట్టణంలోని జియోన్‌ హైస్కూల్‌లో నిర్వహిస్తున్న ఓపెన్‌ స్కూల్‌ పదో తరగతి, ఇంటర్మీడియట్‌ విద్యార్థులకు నిర్వహిస్తున్న తరగతులను ఆదివారం ఆమె పరిశీలించారు. ఈ సందర్భంగా ఆమె మాట్లాడుతూ.. విద్యకు దూరమైన గ్రామీణ ప్రాంత విద్యార్థులు చదువుకునేందుకు ఓపెన్‌ స్కూల్స్‌ గొప్ప అవకాశమని అన్నారు. భవిష్యత్‌లో ఉన్నత విద్యను అభ్యసించడానికి, ఉద్యోగాలు సాధించడానికి ఓపెన్‌ స్కూల్స్‌ ఎంతగానో దోహదపడతాయని తెలిపారు. పరీక్షలు సమీస్తున్న తరుణంలో విద్యార్థులు ఎలాంటి ఒత్తిడికి గురి కాకుండా ప్రణాళికలను రూపొందించుకొని సిద్ధం కావాలని సూచించారు. కార్యక్రమంలో ఓపెన్‌ స్కూల్స్‌ జిల్లా కో ఆర్డినేటర్‌ కేవీ సత్యనారాయణ, పాఠశాల కో ఆర్డినేటర్‌ సుధాకర్‌రెడ్డి, ఉపాధ్యాయులు పాల్గొన్నారు. ఓపెన్‌ స్కూల్స్‌ స్టేట్‌ కో ఆర్డినేటర్‌ మాధవి

మహేశ్వరం: ముదిరాజులు రాజకీయంగా బలపడినప్పుడే ఆర్థికంగా ఎదుగుదల ఉంటుందని మాజీ మంత్రి, మహేశ్వరం ఎమ్మెల్యే పి.సబితారెడ్డి పేర్కొన్నారు. మీర్‌పేట మున్సిపల్‌ కార్పొరేషన్‌ పరిధిలోని చందన చెరువు కట్టపై ముదిరాజ్‌ సంఘం ఆధ్వర్యంలో ఏర్పాటు చేసిన పండుగ సాయన్న విగ్రహాన్ని చేవెళ్ల లోక్‌సభ సభ్యుడు కొండా విశ్వేశ్వర్‌రెడ్డి, మక్తల్‌ ఎమ్మెల్యే శ్రీహరి ముదిరాజ్‌, తెలంగాణ రాష్ట్ర ముదిరాజ్‌ కార్పొరేషన్‌ చైర్మన్‌ జ్ఞానేశ్వర్‌ ముదిరాజ్‌, కాంగ్రెస్‌ సీనియర్‌ నాయకుడు నీలం మధు ముదిరాజ్‌తో కలిసి ఆవిష్కరించారు. ఈ సందర్భంగా వారు మాట్లాడుతూ.. తెలంగాణ వీరుడు పండుగ సాయన్న నిత్యం పేద ప్రజల కోసం ఆలోచించేవాడని, రజాకార్ల అన్యాయాలను ఎదిరించి ప్రతి ఒక్కరికీ అండగా ఉన్నారన్నారు. పేద ప్రజల కడుపు నింపిన మహనీయుడు అని కొనియాడారు. పండుగ సాయన్న చూపిన మార్గంలో నడవాలని సూచించారు. కార్యక్రమంలో మీర్‌పేట మేయర్‌ దుర్గాదీప్‌లాల్‌, బడంగ్‌పేట్‌ మేయర్‌ చితురింత పారిజాతరెడ్డి, డిప్యూటీ మేయర్‌ తీగల విక్రంరెడ్డి, మీర్‌పేట ముదిరాజ్‌ సంఘం ప్రతినిధులు ఎడ్ల మల్లేష్‌ ముదిరాజ్‌, యాదగిరి ముదిరాజ్‌, తుమ్మల రమేష్‌, చింతల రాఘవేందర్‌, రాజు తదితరులు పాల్గొన్నారు.

తుర్కయంజాల్‌: ఇబ్రహీంపట్నం ప్రాంతీయ రవాణా శాఖ కార్యాలయంలో పరిధిలో పన్నులు చెల్లించని, ఇతర కారణాలతో సీజ్‌ చేసిన వాహనాలకు ఆదివారం మన్నెగూడలోని ఆర్టీఏ కార్యాలయంలో వేలం నిర్వహించారు. ఈ సందర్భంగా రవాణా అధికారి సుభాష్‌ చందర్‌ రెడ్డి మాట్లాడుతూ.. మహేశ్వరం, బండ్లగూడ, హయత్‌నగర్‌, ఇబ్రహీంపట్నం బస్‌ డిపోల పరిధిలో గడిచిన ఐదేళ్లుగా సీజ్‌ చేసిన 178 వాహనాలకు వేలం నిర్వహించినట్టు చెప్పారు. ఈ సందర్భంగా రవాణ శాఖకు రూ. రూ.55.06 లక్షల ఆదాయం వచ్చిందని తెలిపారు. సాగు భూములకే రైతుభరోసా జిల్లా వ్యవసాయాధికారి నర్సింహారావు కేశంపేట: రైతులు సాగు చేస్తున్న వ్యవసాయ భూములకే రైతు భరోసా అందించడం జరుగుతుందని జిల్లా వ్యవసాయ అధికారి నర్సింహారావు అన్నారు. రెవెన్యూ, పంచాయతీరాజ్‌, వ్యవసాయ అధికారుల సమక్షంలో వ్యవసాయ మోగ్యం కాని భూముల సర్వే మండలంలో కొనసాగుతోంది. ఇందులో భాగంగా మండల పరిధిలోని అల్వాల గ్రామంలో ఆదివారం నిర్వహిస్తున్న సర్వేను ఆయన పరిశీలించారు. అనంతరం మాట్లాడుతూ.. ప్రభుత్వం ప్రతిష్టాత్మకంగా అమలు చేయనున్న రైతు భరోసా పథకంలో భూములను గుర్తించడం జరుగుతోందని తెలిపారు. వ్యవసాయం చేయని భూములను తొలగిస్తామని, తొలగించిన భూముల సర్వే నంబర్లను గ్రామాల్లో జరిగే గ్రామసభల్లో ప్రజలకు వివరిస్తామని చెప్పారు. అక్కడ రైతులు, ప్రజల నుంచి ఫిర్యాదులు స్వీకరించనున్నట్టు వివరించారు. రైతు భరోసా కోసం పరిశీలించిన భూముల వివరాలను ఆన్‌లైన్‌లో నమోదు చేయనున్నట్టు పేర్కొన్నారు. కార్యక్రమంలో ఏడీఏ రాజరాత్నం, తహసీల్దార్‌ అజాంఅలీ, ఎంపీడీఓ రవిచంద్రకుమార్‌రెడ్డి, ఎంపీఓ కిష్టయ్య, ఏఈఓ వినయ్‌ తదితరులు పాల్గొన్నారు. అతిథి అధ్యాపకుల కోసం దరఖాస్తుల ఆహ్వానం షాద్‌నగర్‌: పట్టణంలోని ప్రభుత్వ డిగ్రీ కళాశాలలో అతిథి అధ్యాపకుల కోసం దరఖాస్తులు ఆహ్వానిస్తున్నట్లు కళాశాల ప్రిన్సిపాల్‌ డాక్టర్‌ కమల ఒక ప్రకటనలో పేర్కొన్నారు. కళాశాలలో జంతుశాస్త్రం, ఇంగ్లిష్‌ సబ్జెక్టులను బోధించేందుకు దరఖాస్తులు స్వీకరిస్తున్నట్టు తెలిపారు. సంబంధిత సబ్జెక్టుల్లో పీజీలో కనీసం 55 శాతం మార్కులు కలిగి ఉండాలని.. ఎస్సీ, ఎస్టీ అభ్యర్థులైతే కనీసం 50 శాతం ఉత్తీర్ణత కలిగి ఉండాలని చెప్పారు. నెట్‌, సెట్‌, పీహెచ్‌డీల్లో ఏదైనా అర్హత సాధించాలన్నారు. అర్హత కలిగిన అభ్యర్థులు ఈనెల 21వ తేదీ వరకు కళాశాలలో దరఖాస్తులు అందజేయాలని సూచించారు. 22న హయత్‌నగర్‌లో నిర్వహించే ఇంటర్వ్యూలకు హాజరు కావాల్సి ఉంటుందన్నారు. ప్రధానోపాధ్యాయురాలిని అభినందించిన కేంద్ర మంత్రి మొయినాబాద్‌: మండల పరిధిలోని పెద్దమంగళారంలో ఉన్న సరస్వతి శిశుమందిర్‌ పాఠశాల ప్రధానోపాధ్యాయురాలు మమతారెడ్డిని కేంద్ర మంత్రి కిషన్‌రెడ్డి అనభినందించారు. నగరంలోని శిల్పారామంలో జరిగిన లోక్‌ మంథన్‌ కార్యక్రమం విజయవంతం చేయడానికి సహకరించిన పలు పాఠశాలలు, కళాశాలల యాజ మాన్యాలు, ప్రధానోపాధ్యాయులను ఆదివారం అబిడ్స్‌లోని స్టాన్లీ డిగ్రీ కళాశాలలో జరిగిన కార్యక్రమంలో అభినందించారు. అందులో భాగంగా పెద్దమంగళారం సరస్వతి శిశుమందిర్‌ పాఠశాల ప్రధానోపాధ్యాయురాలు మమతారెడ్డిని సన్మానించి జ్ఞాపికను అందజేశారు.

సాక్షి, రంగారెడ్డి జిల్లా: రానున్న వేసవిలో విద్యుత్‌ డిమాండ్‌ను దృష్టిలో పెట్టుకుని దక్షిణ విద్యుత్‌ పంపిణీ సంస్థ ఏర్పాట్లు చేస్తోంది. ఇప్పటికే సెక్షన్ల వారీగా విద్యుత్‌ లైన్ల పునరుద్ధరణ, డిస్ట్రిబ్యూషన్‌ ట్రాన్స్‌ఫార్మర్లలో ఆయిల్‌ లీకేజీల నియంత్రణ, లైన్లకు అడ్డుగా ఉన్న చెట్ల కొమ్మల తొలగింపు వంటి పనులు చేపట్టింది. ఫిబ్రవరి మొదటి వారంలోగా ఈ పనులు పూర్తి చేయాలని ఆదేశాలు జారీ చేసింది. ఆ తర్వాత ఎట్టి పరిస్థితుల్లోనూ లోడ్‌ రిలీఫ్‌ (ఎల్సీ)లకు అవకాశం ఇవ్వకూడదని నిర్ణయించింది. గత వేసవి డిమాండ్‌ను, సరఫరాలో తలెత్తిన సాంకేతిక సమస్యలను దృష్టిలో పెట్టుకుని ప్రత్యేకంగా కార్యాచరణ ప్రణాళికను సిద్ధం చేసింది. సర్కిళ్ల వారీగా డైరెక్టర్‌, సీఈ స్థాయి అధికారులను ఇన్‌చార్జులుగా నియమించింది. వీరు రెప్పపాటు కూడా కరెంట్‌ పోకుండా పర్యవేక్షిస్తుంటారు. ఎప్పటికప్పుడు క్షేత్రస్థాయిలో పర్యటించి, డిమాండ్‌, సరఫరాపై ఆరా తీయడంతో పాటు సాంకేతిక సమస్యలను ముందే గుర్తించి, సరఫరాలో అంతరాయం తలెత్తకుండా చూడనున్నారు. ఈ మేరకు సీపీడీసీఎల్‌ సీఎండీ ముషారఫ్‌ ఫారూఖీ ఆదివారం నగరంలోని విద్యుత్‌ లోడ్‌ పర్యవేక్షణ, నియంత్రణ (ఎల్‌ఎంఆర్‌సీ) విభాగాన్ని సందర్శించారు. ఇది సంస్థ పరిధిలోని సబ్‌ స్టేషన్ల లోడ్లను నిరంతరం పర్యవేక్షిస్తూ సర్కిళ్ల వారీగా ఏర్పడే అత్యధిక/అత్యల్ప డిమాండ్లను, వినియో గాన్ని రికార్డు చేస్తూ.. ఉన్నతాధికారులకు ఎప్పటికప్పుడు నివేదికలు అందజేయడంతో పాటు ఏదైనా ప్రాంతంలో అసాధారణ పరిస్థితులు తలెత్తితే.. వెంటనే సమాచారాన్ని సంబంధిత ఇంజినీర్లకు చేరవేస్తుంది. కార్యాచరణ ప్రణాళిక సిద్ధం సర్కిళ్లకు ఇన్‌చార్జుల నియామకంసర్కిళ్ల వారీగా నియమితులైన ఇన్‌చార్జులు సర్కిల్‌ ఇన్‌చార్జులు రాజేంద్రనగర్‌ ఎన్‌.నరసింహులు, డైరెక్టర్‌, ఆపరేషన్స్‌ మేడ్చల్‌ కె.నందకుమార్‌, డైరెక్టర్‌, ప్రాజెక్ట్స్‌ హబ్సిగూడ సాయిబాబా, డైరెక్టర్‌, కమర్షియల్స్‌ సరూర్‌నగర్‌ భిక్షపతి, సీఈ, కమర్షియల్‌ హైదరాబాద్‌ సెంట్రల్‌/వికారాబాద్‌ పి.ఆనంద్‌, సీఈ, పీఅండ్‌ఎం హైదరాబాద్‌ సౌత్‌/ సైబర్‌సిటీరంగనాథ్‌ రాయ్‌, సీఈ ఎనర్జీ ఆడిట్‌ బంజారాహిల్స్‌ ప్రభాకర్‌, సీఈ, ఐపీసీ సికింద్రాబాద్‌ నరసింహస్వామి, సీఈ, మాస్టర్‌ప్లాన్‌

నాంపల్లి: రైలు ఢీకొని గుర్తుతెలియని యువకుడు మృతి చెందిన ఘటన నాంపల్లి జీఆర్పీ పోలీస్‌స్టేషన్‌ పరిధిలోని చందానగర్‌–లింగంపల్లి రైల్వేస్టేషన్ల మధ్యలో శనివారం రాత్రి చోటుచేసుకుంది. పోలీసుల వివరాల ప్రకారం..సుమారు 25 ఏళ్ల వయస్సు గల ఓ గుర్తు తెలియని యువకుడు చందానగర్‌–లింగంపల్లి రైల్వేస్టేషన్ల మధ్యలో రైలు పట్టాలు దాటుతుండగా అటుగా వచ్చిన ఓ రైలు ఢీకొట్టింది. దీంతో అతడు అక్కడికక్కడే మృతి చెందారు. సమాచారం అందుకున్న జీఆర్పీ పోలీసులు సంఘటనా స్థలానికి చేరుకుని మృతదేహాన్ని ఉస్మానియా మార్చురీకి తరలించారు. మృతుడి ఒంటిపై తెలుపు, నీలం రంగు గళ్ల చొక్కా, నలుపు రంగు ప్యాంటు ధరించి ఉన్నట్లు పోలీసులు తెలిపారు.

హైదరాబాద్‌ పరిధిలో రేషన్‌ కార్డులో కొత్త సభ్యుల చేర్పుల కోసం దరఖాస్తులు ఇలా.. సాక్షి, సిటీబ్యూరో: ఈసారైనా ఆహార భద్రత (రేషన్‌) కార్డుల్లో కొత్త సభ్యులకు మోక్షం లభిస్తుందా? ఎనిమిదేళ్లుగా రేషన్‌ కార్డులోని సభ్యులు (యూనిట్లు) వివిధ సాకులతో తొలగింపునకు గురవుతున్నా.. కొత్త సభ్యుల చేర్పుల దరఖాస్తులకు మాత్రం మోక్షం లభించడం లేదు. ఇటీవల రాష్ట్ర పౌర సరఫరాల శాఖ మంత్రి ఉత్తమ్‌ కుమార్‌ రెడ్డి ‘మీ సేవ ద్వారా ఈపీడీఎస్‌ ఎఫ్‌ఎస్‌సీ లాగిన్‌లో కొత్త సఽభ్యుల చేర్పుల కోసం చేసుకున్న దరఖాస్తుల దీర్ఘకాలిక పెండెన్సీని సైతం అర్హత ప్రమాణాల ఆధారంగా క్లియర్‌ చేస్తాం’ అని ప్రకటించడంతో లబ్ధిదారుల కుటుంబాల్లో ఆశలు చిగురిస్తున్నాయి. సుదీర్ఘకాలంగా పెండింగ్‌ బీఆర్‌ఎస్‌ ప్రభుత్వం రేపు మాపు అంటూ ఆశలు కల్పించింది. కొత్తగా అధికారంలోకి కాంగ్రెస్‌ కొలువుదీరి ఏడాది గడిచినా యూనిట్ల ఆమోదానికి ఊసే లేకుండా పోయింది. తాజాగా కొత్త రేషన్‌ కార్డుల మంజూరుకు కసరత్తు ప్రారంభించిన నేపథ్యంలో పాత కార్డుల్లో కొత్త సభ్యుల చేర్పుల దరఖాస్తులను కూడా పరిశీలించేందుకు సిద్ధమమవుతోంది. వాస్తవంగా పౌర సరఫరాల శాఖ అధికారుల ఈపీడీఎస్‌ ఎఫ్‌ఎస్‌సీ ఆన్‌లైన్‌ లాగిన్‌లో రేషన్‌ కార్డుల్లో పాత సభ్యుల తొలగింపునకు ఆప్షన్‌ ఉన్నప్పటికీ.. కొత్త సభ్యుల దరఖాస్తుల ఆమోదానికి మాత్రం ఆప్షన్‌ లేకుండా పోయింది. దీంతో కొత్తగా వివాహమై అత్త వారింటికి వచ్చిన సభ్యులతో పాటు జన్మించిన కొత్త సభ్యుల చేర్పుల కోసం ఆన్‌లైన్‌ద్వారా దరఖాస్తులు చేసుకుంటున్నప్పటికీ ఆమోదం మాత్రం సుదీర్ఘ కాలంగా పెండింగ్‌లో పడిపోయింది. మూడు లక్షలపైనే దరఖాస్తులు.. ఎనిమిదేళ్లుగా రేషన్‌ కార్డులో కొత్త సభ్యుల చేర్పుల ప్రక్రియ పెండింగ్‌లో మగ్గుతోంది. గ్రేటర్‌ పరిధిలోని హైదరాబాద్‌, రంగారెడ్డి, మేడ్చల్‌–మల్కాజిగిరి జిల్లాలో రేషన్‌కార్డులు కలిగిన సుమారు 17,21,603 కుటుంబాలు ఉండగా అందులో 59,00,584 సభ్యులు ఉన్నారు. సుమారు మూడు లక్షల కుటుంబాలు తొమ్మిది లక్షల కొత్త సభ్యుల పేర్ల నమోదు కోసం దరఖాస్తు చేసుకున్నట్లు ఆన్‌లైన్‌ గణాంకాలు స్పష్టం చేస్తున్నాయి. అందులో కనీసం క్షేత్ర స్థాయి విచారణ లేకుండా ఇన్‌స్పెక్టర్ల లాగిన్‌లో 70 శాతానికిపైగా దరఖాస్తులు పెండింగ్‌లో ఉండగా, విచారణ పూర్తయి ఏఎస్‌వో, తహసీల్‌ లాగిన్‌లో 20 శాతం దరఖాస్తులు, డీఎస్‌వో లాగిన్‌లో 5 శాతం దరఖాస్తులు పెండింగ్‌లో ఉన్నట్లు ఆన్‌లైన్‌ నివేదిక స్పష్టం చేస్తోంది. నిరంతర ప్రక్రియగా దరఖాస్తుల స్వీకరణ.. రేషన్‌ కార్డుల్లో కొత్త సభ్యుల చేర్పుల కోసం దరఖాస్తుల స్వీకరణ కొనసాగిస్తూనే.. లాగిన్‌లో ఆమోదించే ఆప్షన్‌ను మాత్రం ప్రభుత్వం నిలిపివేసింది. అయితే.. రేషన్‌ కార్డులోని సభ్యుల తొలగింపు నిరంతర ప్రక్రియగా తయారైంది. పదేళ్లలో రేషన్‌ కార్డులోని సుమారు 34,51,853 మంది లబ్ధిదారులను ఏరివేసిన ప్రభుత్వం.. సుమారు 6.5 లక్షల కొత్త సభ్యుల అమోదాన్ని మాత్రం పెండింగ్‌లో పడేసింది. గత ప్రభుత్వ హయాంలో వివిధ కారణాలతో సగానికి పైగా సభ్యులు ఏరివేతకు గురయ్యారు. తెలంగాణ రాష్ట్ర ఏర్పాటు అనంతరం అప్పటి టీఆర్‌ఎస్‌ ప్రభుత్వం ఉమ్మడి రాష్ట్రంలోని తెల్లరేషన్‌ కార్డులన్నింటిని రద్దు చేసి వాటిని పూర్తిగా ఆహార భద్రత కార్డులుగా మార్పు చేసింది. పాత కార్డుదారులతో పాటు కొత్తగా దరఖాస్తు చేసుకున్న అర్హులందరికీ కార్డులు మంజూరు చేసింది. ఆ తర్వాత అనర్హులు, బోగస్‌, టాక్స్‌ పేయర్స్‌, ఇన్‌యాక్టివ్‌ పేరుతో కార్డులు, సభ్యులను ఏరివేస్తూనే వరుసగా రెండేళ్ల పాటు కార్డులో చేర్పులు, మార్పుల ప్రక్రియకు అవకాశం కల్పించి ఎప్పటికప్పుడు క్లియర్‌ చేస్తూ వచ్చింది. ఆ తర్వాత పాత కార్డుల్లో కొత్త సభ్యుల చేర్పులు కోసం దరఖాస్తుల స్వీకరణ ప్రక్రియ కొనసాగిస్తూనే ఆమోదించే లాగిన్‌ను మాత్రం నిలిపి వేసింది. దీంతో దరఖాస్తుల పెండెన్సీ భారీగా పెరిగిపోయింది. పౌరసరఫరాల కార్డులు కొత్త సభ్యులు శాఖ సర్కిల్‌మలక్‌పేట–1 12,805 21,616యాకుత్‌పురా–2 18,825 33,267 చార్మినార్‌–3 24,129 42,172 నాంపల్లి–4 5,430 8,502 మెహిదీపట్నం–5 17,143 29,499 అంబర్‌పేట–6 9,294 14,493 ఖైరతాబాద్‌–7 15,047 24,330 బేగంపేట్‌–8 10,926 17,840 సికింద్రాబాద్‌–6 8,626 13,452 పెండింగ్‌లో సుమారు 3 లక్షలకుపైగా దరఖాస్తులు దాదాపు 6.5 లక్షల మందికి పైగా కొత్త సభ్యులు ఆన్‌లైన్‌లో అర్జీలకు వెసులుబాటు.. ఆమోదం మాత్రం పెండింగ్‌ ఎనిమిదేళ్లుగా అర్జీదారుల ఎదురు చూపులు పదేళ్లలో రేషన్‌ కార్డుల యూనిట్ల తొలగింపు ఇలా .. జిల్లా మొత్తం యూనిట్లు ప్రస్తుత యూనిట్లు తొలగించిన యూనిట్లు హైదరాబాద్‌ 41,40.692 23,61,440 17,79,252 రంగారెడ్డి 27,27,993 18,21,881 9,06,112 మేడ్చల్‌ 24,83,752 17,17,263 7,66,489

ఏ మున్సిపాలిటీకి ఎంతంటే.. సాక్షి, రంగారెడ్డిజిల్లా: మున్సిపాలిటీలు/కార్పొరేషన్లకు ప్రభుత్వం నిధుల వరద కురిపించింది. గడువు ముగిసే వేళ పెద్ద మొత్తంలో నిధులు జమ చేయడంతో పాలక మండళ్లు హర్షం వ్యక్తం చేస్తున్నాయి. వచ్చిన నిధులను వార్డుల వారీగా విభజించి, ఆఘమేఘాల మీద సీసీరోడ్లు, డ్రైనేజీ కాల్వలు, అంగన్‌వాడీ కేంద్రాలు, పాఠశాలల్లో అదనపు తరగతి గదుల నిర్మాణ పనులకు శంకుస్థాపనలు చేస్తున్నారు. నిజానికి స్టాంప్స్‌ డ్యూటీ (టీడీ ఫండ్‌), మ్యూటేషన్‌ ఫీజులు 2019 నుంచి ప్రభుత్వం వద్దే పెండింగ్‌లో ఉన్నాయి. ఆస్తిపన్ను, ఇంటి నిర్మాణాలకు అనుమతుల ద్వారా వచ్చే ఫీజులు మున్సిపాలిటీల నిర్వహణకు కూడా సరిపోవడం లేదు. దీంతో జిల్లాలోని మెజార్టీ మున్సిపాలిటీలు ఐదేళ్లుగా ఆర్థిక సంక్షోభంలో కొట్టుమిట్టాడుతున్నాయి. చిన్నచిన్న పనులకు ప్రభుత్వం విధిల్చే నిధులపై ఆధారపడాల్సిన పరిస్థితి నెలకొంది. రేవంత్‌రెడ్డి సీఎంగా పదవీ బాధ్యతలు స్వీకరించిన తర్వాత స్థానిక సంస్థలకు ఈ నిధులను విడుదల చేయించారు. ప్రస్తుత పాలక మండళ్ల గడువు ముగియనుండడం.. త్వరలోనే వాటికి ఎన్నికలు రానుండటం, మెజార్టీ స్థానాలపై కాంగ్రెస్‌ దృష్టి సారించడం తె లిసిందే. ఈలోపే ఆయా మున్సిపాలిటీల్లో తమ మార్క్‌ చాటుకునే ప్రయత్నం చేస్తున్నారు. సీసీ రోడ్లు, డ్రైనేజీలకు భారీగా నిధులు కేటాయించి, వాటికి శంకుస్థాపనలు చేయడం ద్వారా వచ్చే ఎన్నికల్లో తమ పార్టీ అభ్యర్థులను గెలిపించుకోవచ్చని భావిస్తున్నారు. అధికారుల హడావుడి ఐదేళ్లుగా ఆర్థిక సంక్షోభంలో కొట్టుమిట్టాడిన ఆయా మున్సిపాలిటీలు, కార్పొరేషన్ల ఖాతాల్లో ప్రభుత్వం భారీగా నిధులు జమ చేయడం, పాలక మండళ్ల గడువు కూడా ముగియనుండటంతో అధికారుల్లో హడావుడి మొదలైంది. ఇప్పటి వరకు ప్రజలు, కౌన్సిలర్లు/కార్పొరేటర్ల నుంచి వచ్చిన అర్జీలతో పాటు వార్డుల వారీగా ఉన్న ప్రధాన సమస్యలు గుర్తించే పనిలో ఇంజనీరింగ్‌ విభాగం నిమగ్నమైంది. చేపట్టాల్సిన పనులకు అంచనాలు రూపొందిస్తున్నారు. చివరి ఈ ఐదు రోజుల్లో వార్డుల వారీగా నిధులు ఏరులై పారే అవకాశం లేకపోలేదు. వచ్చే ఎన్నికలను దృష్టిలో పెట్టుకుని అభివృద్ధి పనులు చేపట్టే అవకాశం ఉంది. ఇప్పటికే పలు పనులకు శంకుస్థాపనలు చేసిన సభ్యులు.. ఆఖరి రోజు మరిన్ని పనులను మొదలు పెట్టే అవకాశం ఉంది. కై ్లమాక్స్‌ మార్క్‌ మున్సిపాలిటీ పాలకమండళ్లకుమిగిలింది కొద్ది రోజులే .. గడువు ముగిసే వేళ కాసుల గలగల నిధుల వరద కురిపించిన ప్రభుత్వం సీసీరోడ్లు, డ్రైనేజీ పనులకు శంకుస్థాపనలు ఆయా పురపాలికల్లో జోరుగా అభివృద్ధి పనులు తుక్కుగూడ మున్సిపాలిటీకి రూ.32 కోట్లు. మీర్‌పేట మున్సిపల్‌ కార్పొరేషన్‌కు రూ.17.74 కోట్లు. పెద్ద అంబర్‌పేట్‌ మున్సిపాలిటీకి రూ.35 కోట్లు. 24 వార్డులు ఉండగా, సీసీ రోడ్లు, డ్రైనేజీ పనుల కోసం ఒక్కో వార్డుకు రూ.50 లక్షల చొప్పున కేటాయించారు. బడంగ్‌పేట మున్సిపల్‌ కార్పొరేషన్‌కు రూ.87 కోట్లు. నాలుగైదు రోజుల్లో కౌన్సిల్‌ సమావేశం ఏర్పాటు చేసి డివిజన్ల వారీగా నిధులు కేటాయించనున్నారు. ఇబ్రహీంపట్నం మున్సిపాలిటీకి టీయూఎఫ్‌ఐడీసీ కింద రూ.6.35 కోట్లు. ఇప్పటికే ఈ నిధులను సీసీ రోడ్లు, అండర్‌ గ్రౌండ్‌ డ్రైనేజీ, కమ్యూనిటీ హాల్‌ నిర్మాణాలకు కేటాయించారు. బండ్లగూడ మున్సిపల్‌ కార్పొరేషన్‌ ఖాతాలో రూ.96.73 కోట్లు. కొత్తూరు మున్సిపాలిటీ ఖాతాలో రూ.50 కోట్లు. వీటిలో పూలే విగ్రహం నుంచి వినయకాస్టీల్‌ కూడలి వరకు సీసీరోడ్డు పనులకు రూ.18 కోట్లు, ఎస్సీకాలనీ నుంచి కుమ్మరిగూడ చేగూర్‌ రోడ్డు వరకు సీసీ రోడ్డు పనులకు రూ.32 కోట్లు కేటాయించారు. తుర్కయంజాల్‌ మున్సిపాలిటీ ఖాతాలో రూ.49 కోట్లు. త్వరలోనే కౌన్సిల్‌ సమావేశం ఏర్పాటు చేసి, అభివృద్ధి పనులకు నిధులు కేటాయించనున్నారు. శంకర్‌పల్లి మున్సిపాలిటీలో అమృత్‌ 2.0 కింద రూ.32.47 కోట్లు మంజూరు చేయించి, ఈ మేరకు ఇటీవల తాగునీటి సరఫరా పథకానికి శంకుస్థాపన కూడా చేశారు.

కొందుర్గు: హైదరాబాద్‌ ఉస్మానియా యూనివర్సిటీ సింథటిక్‌ ప్రధాన అథ్లెటిక్‌ స్టేడియంలో ఆదివారం నిర్వహించిన 14వ రాష్ట్ర స్థాయి మాస్టర్స్‌ అథ్లెటిక్‌ పోటీల్లో కొందుర్గు మండలం ముట్పూర్‌ ఉన్నత పాఠశాలకు చెందిన డాక్టర్‌ సోలపోగుల స్వాములు ప్రతిభ చాటారని ఎంఈఓ గాయత్రి దేవి ఆదివారం ఒక ప్రకటనలో తెలిపారు. షాట్‌పుట్‌, జావలిన్‌త్రోలో బంగారు పతకం, డిస్కస్‌త్రోలో వెండి పతకం సాధించినట్టు చెప్పారు. ఈ పోటీల్లో ప్రతిభ చాటిన క్రీడాకారులకు మార్చి 4 నుంచి 9వ తేదీ వరకు జాతీయ స్థాయి పోటీలు ఉంటాయని తెలిపారు. ఈ సందర్భంగా స్వాములును పాఠశాల ఉపాధ్యాయులు, గ్రామస్తులు అభినందించారు. చైన్‌స్నాచింగ్‌లకు పాల్పడుతున్న ర్యాపిడో డ్రైవర్‌ అరెస్ట్‌ అల్వాల్‌: చైన్‌ స్నాచింగ్‌లకు పాల్పడుతున్న ర్యాపిడో డ్రైవర్‌ను నేరేడ్‌మెట్‌ పోలీసులు అరెస్ట్‌ చేశారు. పోలీసుల కథనం మేరకు వివరాలిలా ఉన్నాయి.వరంగల్‌ జిల్లా, దామర గ్రామానికి చెందిన మంతూరి హరీష్‌ ర్యాపిడో డ్రైవర్‌గా పని చేస్తున్నాడు. ఈ నెల 16న అతను నేరేడ్‌మెట్‌ గీతానగర్‌ డీమార్ట్‌ వద్ద స్కూటీపై వెళ్తున్న మహిళ మెడలో నుండి బంగారు గొలుసు లాక్కుని పరారయ్యాడు. బాధితురాలి ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేపట్టారు. శనివారం వాహనాలను తనిఖీ చేస్తుండగా డిఫెన్స్‌ కాలనీ వద్ద నెంబర్‌ ప్లేట్‌ లేని బైక్‌పై వెళుతున్న వ్యక్తిని అదుపులోకి తీసుకుని విచారించగా చైన్‌ స్నాచింగ్‌ విషయం వెలుగులోకి వచ్చింది. చోరీ సొత్తును అతను మనప్పురం గోల్డ్‌లోన్‌లో కుదవ పెట్టినట్లు తెలిపాడు. నిందితుడు ఉపయోగించిన బైక్‌ను సైతం గత నవంబర్‌లో నిజామాబాద్‌ జిల్లా, గుడితండాలోని ఓ పొలం వద్ద నిలిపి ఉన్న వాహనాన్ని దొంగిలించిట్లు గుర్తించారు. కేసు నమోదు చేసిన పోలీసులు నిందితుడిని అరెస్ట్‌ చేసి రిమాండ్‌కు తలరించారు.

చేవెళ్ల: బీఆర్‌ఎస్‌ పార్టీని వీడే ప్రసక్తే లేదని డీసీఎంఎస్‌ చైర్మన్‌ పట్లోళ్ల కృష్ణారెడ్డి అన్నారు. మండల కేంద్రంలో ఆదివారం పార్టీ నాయకులతో కలిసి విలేకరుల సమావేశంలో మాట్లాడారు. తాను పార్టీ మారుతున్నట్లు కాంగ్రెస్‌లో చేరుతున్నట్లు జరుగుతున్న ప్రచారంలో ఎలాంటి వాస్తవం లేదన్నారు. బీఆర్‌ఎస్‌లోనే కొనసాగుతానని, పార్టీని వీడే ఆలోచన కానీ అవసరం కానీ లేదన్నారు. సబితమ్మ వెంటే ఉంటానని స్పష్టం చేశారు. రాబోయే స్థానిక సంస్థల ఎన్నికల్లో పార్టీని గెలిపించుకోవడమే లక్ష్యంగా పనిచేస్తామని చెప్పారు. కేసీఆర్‌, కేటీఆర్‌, సబితారెడ్డి నాయకత్వంలో పార్టీని బలోపేతం చేసేందుకు కృషి చేస్తామన్నారు. కాంగ్రెస్‌ పార్టీ ప్రజలకు ఎన్నికల్లో ఇచ్చిన హామీలను అమలు చేయడంలో పూర్తిగా విఫలమైందన్నారు. ప్రజలు ఆ పార్టీని నమ్మే పరిస్థితి లేదన్నారు. సమావేశంలో పార్టీ మండల అధ్యక్షుడు పి.ప్రభాకర్‌, ఎంపీటీసీ మాజీ సభ్యుడు కావలి రవికుమార్‌, మార్కెట్‌ కమిటీ మాజీ వైస్‌ చైర్మన్‌ బి. నర్సింలు, నాయకులు మాధవ్‌రెడ్డి, రాంప్రసాద్‌, మల్లేశ్‌, నరేందర్‌రెడ్డి, తోట చంద్రశేఖర్‌ తదితరులు పాల్గొన్నారు. డీసీఎంఎస్‌ చైర్మన్‌ పట్లోళ్ల కృష్ణారెడ్డి

ఆమనగల్లు: కడ్తాల్‌ మండలం చల్లంపల్లి గ్రామ సమీపంలోని సర్వే నంబర్‌ 82లో ఉన్న మైనింగ్‌ వద్ద అక్రమంగా నిలువ ఉంచిన 13 కట్టల పేలుడు పదార్థాలు (డిటోనేటర్స్‌) స్వాధీనం చేసుకుని కేసు నమోదు చేసినట్లు సీఐ శివప్రసాద్‌ తెలిపారు. విశ్వసనీయ సమాచారం మేరకు చల్లంపల్లి సమీపంలోని మైనింగ్‌ వద్ద తనిఖీ చేయగా అక్కడ ఉన్న షెడ్డులోని బ్యాగులో పేలుడు పదార్థాలు గుర్తించినట్టు చెప్పారు. అక్కడే ఉన్న సూపర్‌వైజర్‌ శంకర్‌ను ప్రశ్నించగా తాను మూడేళ్లుగా సూపర్‌వైజర్‌గా పనిచేస్తున్నానని, మైనింగ్‌ వద్ద జై భవానీ ఎంటర్‌ప్రైజెస్‌ కంపెనీ నిర్వాహకుడు రాజేందర్‌ బ్లాస్టింగ్‌ పనులను నిర్వహిస్తాడని తెలిపాడు. రెండు రోజుల క్రితం డిటోనేటర్లు తీసుకువచ్చి ఇక్కడే ఉంచినట్లు చెప్పాడు. ఎలాంటి అనుమతులు లేకపోవడంతో డిటోనేటర్లు స్వాధీనం చేసుకుని కేసు నమోదు చేశామని, సూపర్‌వైజర్‌ శంకర్‌ను అరెస్టు చేసి రిమాండ్‌కు తరలించినట్లు సీఐ వెల్లడించారు. బ్లాస్టింగ్‌ నిర్వాహకుడు రాజేందర్‌, మైనింగ్‌ కంపెనీ యజమాని అశ్వనీ, కేర్‌టేకర్‌ శ్రీనివాస్‌పై కూడా కేసు నమోదు చేశామని.. వారు పరారిలో ఉన్నారని తెలిపారు. పౌల్ట్రీ ఫాం యజమానిపై కేసు నమోదు ఆమనగల్లు: కడ్తాల్‌ మండల సమీపంలోని పౌల్ట్రీఫాంలో బాలుడిని పనిలో పెట్టుకున్నందుకు ఫాం యజమాని సుధీర్‌రెడ్డిపై కేసు నమోదు చేసినట్లు సీఐ శివప్రసాద్‌ తెలిపారు. ఫౌల్ట్రీఫాం యజమాని మధ్యప్రదేశ్‌ రాష్ట్రానికి చెందిన 16 సంవత్సరాల బాలుడిని పనిలో పెట్టుకున్నాడని చెప్పారు. కడ్తాల్‌ పోలీసులు, షాద్‌నగర్‌ షీటీం పోలీసులు తనిఖీలు నిర్వహించి బాలుడిని పనిలో పెట్టుకున్నట్లు గుర్తించినట్లు వివరించారు. ఈ మేరకు యజమాని సుధీర్‌రెడ్డిపై కేసు నమోదు చేసి దర్యాప్తు జరుపుతున్నట్లు ఆయన తెలిపారు. కాంగ్రెస్‌ పార్టీ లీగల్‌ సెల్‌ వైస్‌ చైర్మన్‌గా యాదిరెడ్డి చేవెళ్ల: కాంగ్రెస్‌ పార్టీ రాష్ట్ర కార్యవర్గంలో తనకు అవకాశం రావడం ఎంతో సంతోషంగా ఉందని మల్కాపూర్‌ గ్రామానికి చెందిన పార్టీ లీగల్‌సెల్‌ రాష్ట్ర వైస్‌ చైర్మన్‌, న్యాయవాది బక్కరెడ్డి యాదిరెడ్డి అన్నారు. చేవెళ్లలో ఆయన ఆదివారం విలేకరులతో మాట్లాడుతూ.. కాంగ్రెస్‌పార్టీ లీగల్‌సెల్‌ రాష్ట్ర వైస్‌ చైర్మన్‌గా తనని లీగల్‌సెల్‌ రాష్ట్ర చైర్మన్‌ పొన్నం అశోక్‌గౌడ్‌ నియమించి నియామకపత్రం అందజేసినట్లు తెలిపారు. పార్టీ బలోపేతంలో లీగల్‌సెల్‌ ప్రముఖ పాత్ర పోషిస్తుందని చెప్పారు. ఈ కమిటీలో తనకు అవకాశం కల్పించిన పీసీసీ అధ్యక్షుడు మహేశ్‌కుమార్‌గౌడ్‌, శాసనసభ స్పీకర్‌ గడ్డం ప్రసాద్‌కుమార్‌, మాజీ ఉంసీ గడ్డం రంజిత్‌రెడ్డి, మండలి చీఫ్‌ విప్‌ పట్నం మహేందర్‌రెడ్డి, ఎమ్మెల్యే కాలె యాదయ్య, నియోజకవర్గం ఇన్‌చార్జి పామెన భీంభరత్‌కు కృతజ్ఞతలు తెలిపారు.

కందుకూరు: ఫ్యూచర్‌ సిటీ రహదారికి భూములు ఇచ్చేదిలేదని బాధిత రైతులు తీర్మానించారు. మండల పరిధిలోని లేమూరులో ఆదివారం ఫ్యూచర్‌ సిటీ రహదారిలో భూములు కోల్పోతున్న ఐదు గ్రామాల రైతులు సమావేశమయ్యారు. ఈ సందర్భంగా రైతులు డి.సుధాకర్‌, నారాయణ, ఢిల్లీ గణేశ్‌, స్వామి, కె.గణేశ్‌, కె.ఐలయ్య, ప్రశాంత్‌రెడ్డి, కె.రాజు తదితరులు మాట్లాడారు. ప్రభుత్వం ఫ్యూచర్‌ సిటీలోకి వంద మీటర్ల మేర రహదారి నిర్మించడానికి తమ భూముల నుంచి సర్వే చేసి హద్దురాళ్లు పాతిందని తెలిపారు. తమకు అరకొర పరిహారం ఇవ్వడానికి చూస్తోందని, ప్రస్తుతం బహిరంగ మార్కెట్‌లో తమ భూముల విలువ దాదాపు ఎకరం ధర రూ.4 కోట్ల నుంచి రూ.5 కోట్ల వరకు పలుకుతోందన్నారు. అంత డబ్బు ప్రభుత్వం ఇవ్వదని, అందుకోసం తమ భూములు ఇవ్వడానికి అంగీకరించేదిలేదన్నారు. కొత్తగా రహదారి నిర్మించే బదులు శ్రీశైలం రహదారిని తుక్కుగూడ నుంచి కొత్తూరు గేట్‌ వరకు గతంలో నిర్మించిన ఫార్మా రహదారిని కలిపేలా విస్తరించేలా ఆలోచించాలన్నారు. దీంతో రైతులు నష్టపోకుండా ఉంటారన్నారు. వీరికి సీపీఎం నాయకులు డి.రాంచందర్‌, బుట్టి బాల్‌రాజు తదితరులు సంఘీభావం తెలిపారు. కార్యక్రమంలో రైతులు అనూరాధ, కృష్ణవేణి, రమేష్‌, తిరుపతయ్య, రాములు, వీరయ్య, జంగయ్య, నారాయణ, రాములు తదితరులు పాల్గొన్నారు. తేల్చి చెప్పిన బాధిత రైతులు

ఉప్పల్‌: ఓ యువకుడు ఉరివేసుకుని ఆత్మహత్యకు పాల్పడిన సంఘటన ఉప్పల్‌ పోలీస్‌స్టేషన్‌ పరిధిలో ఆదివారం చోటుచేసుకుంది. పోలీసుల కథనం మేరకు వివరాలిలా ఉన్నాయి. రామంతాపూర్‌, వాసవి కాలనీ, వెంకట్‌రెడ్డి నగర్‌కు చెందిన జస్వంత్‌(23) ఓయూలో ఎమ్మెస్సీ మొదటి సంవ త్సరం చదువుతున్నాడు. శనివారం రాత్రి భోజనం చేసి నిద్రించేందుకు పెంట్‌ హస్‌లోకి వెళ్లాడు. ఆదివారం ఉదయం అతడి తమ్ముడు సాయిచరణ్‌ పెంట్‌హస్‌లోకి వెళ్లి చూడగా గదిలో కనిపించలేదు. బాతురూమ్‌ గడియపెట్టి ఉండటంతో అతను బాత్‌రూమ్‌ తలుపులు తెరిచి చూడగా జస్వంత్‌ కరెంట్‌ వైర్‌తో ఉరివేసుకుని కనిపించాడు. మృతుడి తండ్రి ఫిర్యాదు మేరకు పోలీసులు కేసు నమోదు చేసుకుని దర్యా ప్తు చేస్తున్నారు.

ఎమ్మార్పీఎస్‌ జిల్లా అధ్యక్షుడు పెంటనోళ్ల నర్సింహ మాదిగ ఆమనగల్లు: హైదరాబాద్‌లో ఫిబ్రవరి 7న ఎమ్మార్పీఎస్‌ ఆధ్వర్యంలో ‘లక్ష డప్పులు.. వేల గొంతుల మహా ప్రదర్శన’ నిర్వహిస్తున్నట్లు ఎమ్మార్పీఎస్‌ జిల్లా అధ్యక్షుడు పెంటనోళ్ల నర్సింహ మాదిగ తెలిపారు. కార్యక్రమానికి పెద్ద ఎత్తున తరలిరావాలని పిలుపునిచ్చారు. కడ్తాల మండల కేంద్రంలోని జిల్లా పరిషత్‌ ఉన్నత పాఠశాల ఆవరణలో ఆదివారం ఎమ్మార్పీఎస్‌ మండల కార్యకర్తల సమావేశం నిర్వహించారు. సమావేశానికి ముఖ్య అతిథిగా హాజరైన నర్సింహ మాదిగ మాట్లాడుతూ.. వర్గీకరణకు మద్దతుగా మహా ప్రదర్శన నిర్వహిస్తున్నట్లు చెప్పారు. వ్యతిరేకులకు లక్ష డప్పులు.. వేయి గొంతులతో సమాధానం ఇవ్వాలని కోరారు. కార్యక్రమంలో ఎంఎస్‌పీ జిల్లా అధ్యక్షుడు రావుగల్ల బాబుమాదిగ, జిల్లా కార్యదర్శి కిరణ్‌పూలే, ఎమ్మార్పీఎస్‌ నాయకులు మంగళపల్లి నర్సింహ, గురిగల్ల లక్ష్మయ్య, శంకర్‌, మంకి శ్రీను, కంబాలపల్లి అంజి, మహేశ్‌, యాదయ్య, ఒగ్గు మహేశ్‌, తుప్పరి మహేశ్‌, తదితరులు పాల్గొన్నారు. అనంతరం కడ్తాల మండల ఎమ్మార్పీఎస్‌ నూతన కార్యవర్గాన్ని ఎన్నుకున్నారు. మండల అధ్యక్షుడిగా అబ్బు రమేశ్‌ మాదిగ, ఉపాధ్యక్షులుగా నరేశ్‌, మహేందర్‌, కార్యదర్శిగా యాదయ్య ఎన్నికయ్యారు.

ధారూరు: మండల కేంద్రంలోని న్యూ బెంగళూర్‌ బేకరీలో ఆదివారం పోలీసులు తనిఖీలు చేశారు. గడువు దాటిన కలర్‌ డబ్బాలను గుర్తించారు. వీటిని కేక్‌ల తయారీలో వినియోగిస్తున్నట్లు ఎస్‌ఐ వేణుగోపాల్‌గౌడ్‌ తెలిపారు. కలర్‌ డబ్బాలను సీజ్‌ చేసి బేకరీ నిర్వాహకుడు సచిన్‌పై కేసు నమోదు చేసినట్లు ఆయన తెలిపారు. బసిరెడ్డిపల్లి వాసికి డాక్టరేట్‌ పరిగి: మండలంలోని బసిరెడ్డిపల్లికి చెందిన మద్దులపల్లి పద్మ ఉస్మానియ యూనివర్సిటీ నుంచి డాక్టరేట్‌ పట్టా పొందారు. సంస్కృతం విభాగంలో ప్రొఫెసర్‌ విద్యానంద్‌ ఆధ్వర్యంలో పీహెచ్‌డీ పట్టా పొందారు. అన్ని భాషలకు సంస్కృతం మూలం అని డాక్టర్‌ పద్మా అన్నారు.