కందుకూరు: మీర్‌ఖాన్‌పేట రెవెన్యూ ఫ్యూచర్‌ సిటీ సమీపంలో కొనసాగుతున్న స్టోన్‌ క్రషర్లను బుధవారం మైనింగ్‌ శాఖ ప్రిన్సిపల్‌ సెక్రెటరీ సురేంద్రమోహన్‌ సందర్శించారు. అక్కడ చేపట్టిన తవ్వకాలను, క్రషర్‌ పనులను పర్యవేక్షించారు. ఎంత విస్తీర్ణంలో మైనింగ్‌ జరుగుతుంది..? డంపింగ్‌కు ఉపయోగిస్తున్న విస్తీర్ణం ఎంత అనేది సర్వే చేసి చెప్పాలని మైనింగ్‌ అధికారులను ఆదేశించారు. ప్రస్తుతం మైనింగ్‌ జరుగుతున్న భూములు టీజీఐఐసీ పరిధిలో ఉన్నాయి. అప్పటి ప్రభుత్వం అవసరమైనప్పుడు తిరిగి టీజీఐఐసీకి అప్పగించే ప్రాతిపదికన మైనింగ్‌కు అనుమలిచ్చింది. ఈ పరిశీలనలో ప్రిన్సిపల్‌ సెక్రటరీ వెంట టీజీఐఐసీ ఎండీ విష్ణువర్ధన్‌రెడ్డి, ఇబ్రహీంపట్నం ఆర్డీఓ అనంత్‌రెడ్డి, తహసీల్దార్‌ గోపాల్‌, ఆర్‌ఐ యాదయ్య, రెవెన్యూ, మైనింగ్‌ అధికారులు, సిబ్బంది ఉన్నారు.

షాబాద్‌: గ్రామ పంచాయతీల్లో ఆన్‌లైన్‌ సేవలు, రికార్డుల నిర్వహణ, అభివృద్ధి బాగుందని ఒడిశా బృందం సభ్యులు కితాబిచ్చారు. బుధవారం మండల పరిధిలోని సర్దార్‌నగర్‌ గ్రామాన్ని ఒడిశా ప్రజాప్రతినిధులు, అధికారుల బృందం సభ్యులు సందర్శించారు. గ్రామంలో పర్యటించిన ఒడిశా బృందం సభ్యులు పంచాయతీ కొనసాగుతున్న తీరును పరిశీలించారు. సొంత నిధుల సేకరణ, రాష్ట్ర నిధుల నిర్వహణ, ఉపాధిహామీ నిధులతో చేపట్టిన పల్లె ప్రకృతివనం, కంపోస్ట్‌ యార్డు, వైకుంఠధామం, హరితహారం నర్సరీ తదితరాలను పరిశీలించారు. పంచాయతీల పరిపాలనకు నిధుల సేకరణ, ఆన్‌లైన్‌ సేవలు చాలా బాగున్నాయన్నారు. ఈ కార్యక్రమంలో ఒడిశా అధికారుల బృందం సీఈఓ అనిల్‌కుమార్‌, జిల్లా శిక్షణ అధికారి రుద్రయ్య, శ్రీనివాస్‌, షాబాద్‌ ఎంపీడీఓ అపర్ణ, ఎంపీఓ శ్రీనివాస్‌, ఏపీఓ వీరాసింగ్‌, పంచాయతీ కార్యదర్శులు కవిత, శంకర్‌, రమేశ్‌, సిబ్బంది తదితరులున్నారు. సర్దార్‌నగర్‌ పంచాయతీ పాలనపై ఒడిశా బృందం ప్రశంసలు

యాచారం: మండల పరిధిలోని మల్కీజ్‌గూడ గ్రామంలోని వీబీకే(విలేజ్‌ బుక్‌ కీపర్‌) ఫోర్జరీ సంతకాలు, నకిలీ తీర్మానాలు చేసి రూ.20లక్షల వరకు నిధుల స్వాహా చేసి యాచారం ఎస్‌బీఐకి కన్నం పెట్టిన విషయం విధితమే. విషయం తెలసుకున్న డ్వాక్రా సంఘాల మహిళల్లో కొత్త గుబులు మొదలైంది. తమ సంఘాల్లో నిధులేమైనా పక్కదారి పట్టాయేమోనని తెలుసుకునేందుకు చౌదర్‌పల్లి, చింతుల్ల, గడ్డమల్లయ్యగూడ, గునుగల్‌, యాచారం, నందివనపర్తి, తమ్మలోనిగూడ, మంతన్‌గౌరెల్లి, కొత్తపల్లి, చింతపట్ల, తక్కళ్లపల్లి, నస్దిక్‌సింగారం, నక్కర్తమేడిపల్లి తదితర గ్రామాలకు చెందిన డ్వాక్రా సంఘాల మహిళలు ఆయా గ్రామాల్లో బ్యాంకుల వద్దకు పరుగులు తీస్తున్నారు. మండల పరిధిలోని 24 గ్రామాల్లో 43 గ్రామ సంఘాలు, 1,256 స్వయం సహాయక సంఘాలు, మొత్తం 13,310 మంది సభ్యులున్నారు. ఈ సంఘాలకు గాను యాచారం, నందివనపర్తి, మాల్‌, మీరాఖాన్‌పేట గ్రామాల్లో ఎస్‌బీఐ, మాల్‌లోని యూనియన్‌ బ్యాంకు, నక్కర్తమేడిపల్లి గ్రామంలోని ఇండియన్‌ బ్యాంకుల్లో మహిళలు రుణాలు పొందారు. రూ.వంద కోట్ల లావాదేవీలు గ్రామాల్లోని స్వయం సహాయక సంఘాల మహిళలకు సెర్ప్‌(గ్రామీణా పేదరిక నిర్మూలన సంస్థ) ఆధ్వర్యంలో బ్యాంకు లింకేజీ, సీ్త్రనిధి తదితర పథకాల ద్వారా రుణాలు ఇప్పిస్తారు. 2023–24, 2024–25 రెండేళ్లకు గాను మండలంలోని అర్హత పొందిన సంఘాలకు దాదాపు రూ.80 కోట్ల రుణాలు ఇప్పించారు. 2024–25 ఏడాదికి గాను రూ.50 కోట్ల టార్గెట్‌కు గాను అర్హత కలిగిన 561 స్వయం సహాయక సంఘాలకు రూ.40 కోట్ల రుణాలు ఇప్పించారు. మరో రూ.పది కోట్ల రుణాలు ఇప్పించేందుకు ఆయా బ్యాంకుల వద్ద ప్రతిపాదనలున్నాయి. ఒక్కో సంఘానికి రూ.2 లక్షల నుంచి రూ.పది లక్షల వరకు రుణాలు ఇప్పించారు. పర్యవేక్షణ లోపమే మల్కీజ్‌గూడ గ్రామంలోని స్వయం సహాయక సంఘాల్లో జరిగిన రూ.లక్షలాది నిధులు స్వాహా, అవకతవకలు పూర్తిగా అధికారుల పర్యవేక్షణ లోపమేనని మహిళలు ఆగ్రహం వ్యక్తం చేస్తున్నారు. ఆ గ్రామ వీబీకే నకిలీ తీర్మానాలు, ఫోర్జరీ సంతకాలు చేసి బ్యాంకుకు వెళ్లి రూ.లక్షలాది నిధులను ఇతర గ్రామాల మహిళల ఖాతాల్లో బదిలీ చేయిస్తే సెర్ప్‌ సీసీ, ఏపీఎం ఏంచేశారంటూ సంఘాల సభ్యులు మండి పడుతున్నారు. 24 గ్రామాల్లో 43 మంది వీబీకేలు ఉన్నారు. గ్రామ స్థాయిలోని స్వయం సహాయక సంఘాల ఆర్థిక వ్యవహారాలన్నీ వారి పర్యవేక్షణలోనే జరుగుతాయి. వీబీకేలే నిధుల స్వాహాకు పాల్పడితే ఇంకా పట్టించుకునే వారెవరని మహిళలు ఆగ్రహం వ్యక్తం చేస్తున్నారు. కొన్ని గ్రామాల్లోని వీబీకేలు మహిళలకు రుణాలు ఇప్పించిన వెంటనే వారి అమాయకత్వాన్ని ఆసరాగా చేసుకుని వారి వద్ద బలవంతంగా మళ్లీ అప్పులు తీసుకోవడం, బీనామీ పేర్ల మీద రుణాలు పొంది సక్రమంగా వాయిదాలు చెల్లించకపోవడం పరిపాటిగా మారుతుంది. 15 ఏళ్ల క్రితం ఇలాంటి నిధుల స్వాహా వెలుగులోకి వచ్చింది. మళ్లీ మల్కీజ్‌గూడలో నిధుల స్వాహాతో మహిళల్లో కంటికి మీద కునుకు కరువైంది. తమ సంఘం లెక్కలు తనిఖీ చేయాలంటూ డ్వాక్రా సంఘాల మహిళలు బ్యాంకుల వద్ద క్యూ కడుతున్నారు. రికార్డులు పరిశీలించి తీసుకున్న రుణమెంత? చెల్లించిన అప్పు ఎంత? తదితర వివరాలను చెప్పాలని బ్యాంకు మేనేజర్లను ప్రాధేయపడుతున్నారు. మల్కీజ్‌గూడ ఘటన నేపథ్యంలో డ్వాక్రా సంఘాల మహిళల్లో ఆందోళన లెక్కలు చూడాలని బ్యాంకులకు క్యూ వీబీకేల పాత్రపై అనుమానం

కందుకూరు: మీర్‌ఖాన్‌పేట రెవెన్యూ ఫ్యూచర్‌ సిటీ సమీపంలో కొనసాగుతున్న స్టోన్‌ క్రషర్లను బుధవారం మైనింగ్‌ శాఖ ప్రిన్సిపల్‌ సెక్రెటరీ సురేంద్రమోహన్‌ సందర్శించారు. అక్కడ చేపట్టిన తవ్వకాలను, క్రషర్‌ పనులను పర్యవేక్షించారు. ఎంత విస్తీర్ణంలో మైనింగ్‌ జరుగుతుంది..? డంపింగ్‌కు ఉపయోగిస్తున్న విస్తీర్ణం ఎంత అనేది సర్వే చేసి చెప్పాలని మైనింగ్‌ అధికారులను ఆదేశించారు. ప్రస్తుతం మైనింగ్‌ జరుగుతున్న భూములు టీజీఐఐసీ పరిధిలో ఉన్నాయి. అప్పటి ప్రభుత్వం అవసరమైనప్పుడు తిరిగి టీజీఐఐసీకి అప్పగించే ప్రాతిపదికన మైనింగ్‌కు అనుమలిచ్చింది. ఈ పరిశీలనలో ప్రిన్సిపల్‌ సెక్రటరీ వెంట టీజీఐఐసీ ఎండీ విష్ణువర్ధన్‌రెడ్డి, ఇబ్రహీంపట్నం ఆర్డీఓ అనంత్‌రెడ్డి, తహసీల్దార్‌ గోపాల్‌, ఆర్‌ఐ యాదయ్య, రెవెన్యూ, మైనింగ్‌ అధికారులు, సిబ్బంది ఉన్నారు.

యాచారం: మండల పరిధిలోని మల్కీజ్‌గూడ గ్రామంలోని వీబీకే(విలేజ్‌ బుక్‌ కీపర్‌) ఫోర్జరీ సంతకాలు, నకిలీ తీర్మానాలు చేసి రూ.20లక్షల వరకు నిధుల స్వాహా చేసి యాచారం ఎస్‌బీఐకి కన్నం పెట్టిన విషయం విధితమే. విషయం తెలసుకున్న డ్వాక్రా సంఘాల మహిళల్లో కొత్త గుబులు మొదలైంది. తమ సంఘాల్లో నిధులేమైనా పక్కదారి పట్టాయేమోనని తెలుసుకునేందుకు చౌదర్‌పల్లి, చింతుల్ల, గడ్డమల్లయ్యగూడ, గునుగల్‌, యాచారం, నందివనపర్తి, తమ్మలోనిగూడ, మంతన్‌గౌరెల్లి, కొత్తపల్లి, చింతపట్ల, తక్కళ్లపల్లి, నస్దిక్‌సింగారం, నక్కర్తమేడిపల్లి తదితర గ్రామాలకు చెందిన డ్వాక్రా సంఘాల మహిళలు ఆయా గ్రామాల్లో బ్యాంకుల వద్దకు పరుగులు తీస్తున్నారు. మండల పరిధిలోని 24 గ్రామాల్లో 43 గ్రామ సంఘాలు, 1,256 స్వయం సహాయక సంఘాలు, మొత్తం 13,310 మంది సభ్యులున్నారు. ఈ సంఘాలకు గాను యాచారం, నందివనపర్తి, మాల్‌, మీరాఖాన్‌పేట గ్రామాల్లో ఎస్‌బీఐ, మాల్‌లోని యూనియన్‌ బ్యాంకు, నక్కర్తమేడిపల్లి గ్రామంలోని ఇండియన్‌ బ్యాంకుల్లో మహిళలు రుణాలు పొందారు. రూ.వంద కోట్ల లావాదేవీలు గ్రామాల్లోని స్వయం సహాయక సంఘాల మహిళలకు సెర్ప్‌(గ్రామీణా పేదరిక నిర్మూలన సంస్థ) ఆధ్వర్యంలో బ్యాంకు లింకేజీ, సీ్త్రనిధి తదితర పథకాల ద్వారా రుణాలు ఇప్పిస్తారు. 2023–24, 2024–25 రెండేళ్లకు గాను మండలంలోని అర్హత పొందిన సంఘాలకు దాదాపు రూ.80 కోట్ల రుణాలు ఇప్పించారు. 2024–25 ఏడాదికి గాను రూ.50 కోట్ల టార్గెట్‌కు గాను అర్హత కలిగిన 561 స్వయం సహాయక సంఘాలకు రూ.40 కోట్ల రుణాలు ఇప్పించారు. మరో రూ.పది కోట్ల రుణాలు ఇప్పించేందుకు ఆయా బ్యాంకుల వద్ద ప్రతిపాదనలున్నాయి. ఒక్కో సంఘానికి రూ.2 లక్షల నుంచి రూ.పది లక్షల వరకు రుణాలు ఇప్పించారు. పర్యవేక్షణ లోపమే మల్కీజ్‌గూడ గ్రామంలోని స్వయం సహాయక సంఘాల్లో జరిగిన రూ.లక్షలాది నిధులు స్వాహా, అవకతవకలు పూర్తిగా అధికారుల పర్యవేక్షణ లోపమేనని మహిళలు ఆగ్రహం వ్యక్తం చేస్తున్నారు. ఆ గ్రామ వీబీకే నకిలీ తీర్మానాలు, ఫోర్జరీ సంతకాలు చేసి బ్యాంకుకు వెళ్లి రూ.లక్షలాది నిధులను ఇతర గ్రామాల మహిళల ఖాతాల్లో బదిలీ చేయిస్తే సెర్ప్‌ సీసీ, ఏపీఎం ఏంచేశారంటూ సంఘాల సభ్యులు మండి పడుతున్నారు. 24 గ్రామాల్లో 43 మంది వీబీకేలు ఉన్నారు. గ్రామ స్థాయిలోని స్వయం సహాయక సంఘాల ఆర్థిక వ్యవహారాలన్నీ వారి పర్యవేక్షణలోనే జరుగుతాయి. వీబీకేలే నిధుల స్వాహాకు పాల్పడితే ఇంకా పట్టించుకునే వారెవరని మహిళలు ఆగ్రహం వ్యక్తం చేస్తున్నారు. కొన్ని గ్రామాల్లోని వీబీకేలు మహిళలకు రుణాలు ఇప్పించిన వెంటనే వారి అమాయకత్వాన్ని ఆసరాగా చేసుకుని వారి వద్ద బలవంతంగా మళ్లీ అప్పులు తీసుకోవడం, బీనామీ పేర్ల మీద రుణాలు పొంది సక్రమంగా వాయిదాలు చెల్లించకపోవడం పరిపాటిగా మారుతుంది. 15 ఏళ్ల క్రితం ఇలాంటి నిధుల స్వాహా వెలుగులోకి వచ్చింది. మళ్లీ మల్కీజ్‌గూడలో నిధుల స్వాహాతో మహిళల్లో కంటికి మీద కునుకు కరువైంది. తమ సంఘం లెక్కలు తనిఖీ చేయాలంటూ డ్వాక్రా సంఘాల మహిళలు బ్యాంకుల వద్ద క్యూ కడుతున్నారు. రికార్డులు పరిశీలించి తీసుకున్న రుణమెంత? చెల్లించిన అప్పు ఎంత? తదితర వివరాలను చెప్పాలని బ్యాంకు మేనేజర్లను ప్రాధేయపడుతున్నారు. మల్కీజ్‌గూడ ఘటన నేపథ్యంలో డ్వాక్రా సంఘాల మహిళల్లో ఆందోళన లెక్కలు చూడాలని బ్యాంకులకు క్యూ వీబీకేల పాత్రపై అనుమానం

సాక్షి, రంగారెడ్డి జిల్లా: పార్లమెంటు సభ్యుల నిధుల (ఎంపీ లాడ్స్‌) ఖర్చు విషయంలో మన ఎంపీలు కొంత వెనుకబడ్డారు. పనులకు ప్రతి పాదనలు, శంకుస్థాపనలపై చూపిన శ్రద్ధ.. వాటిని పూర్తి చేయడంలో చూపడం లేదు. ఫలితంగా 17వ లోక్‌సభ కాలంలో మంజూరైన పనులు.. ఇప్పటికీ పూర్తి కాకపోవడంపై సర్వత్రా ఆందోళన వ్యక్తం అవుతోంది. ఎంపీ లాడ్స్‌ కింద ఒక్కో సభ్యుడికి కేంద్రం ఏటా రూ.ఐదు కోట్ల నిధులు కేటాయిస్తున్న విషయం విధితమే. చేవెళ్లలో ఖర్చు చేసింది 32 శాతమే 2019–2023 వరకు చేవెళ్ల లోక్‌సభ సెగ్మెంట్‌కు కేంద్రం రూ.17.35 కోట్లు మంజూరు చేసింది. అప్పటి ఎంపీ డాక్టర్‌ గడ్డం రంజిత్‌రెడ్డి జిల్లాలో రూ.15.67 కోట్ల అంచనా వ్యయంతో 289 పనులకు శంకుస్థాపన చేశారు. ఆయన పదవీకాలం పూర్తయింది కానీ.. ఇప్పటికీ 181 పనులు పెండింగ్‌ లోనే ఉన్నాయి. కేవలం రూ.5.64 కోట్ల విలువ చేసే 108 పనులు(32 శాతం) మాత్రమే పూర్తవడం గమనార్హం. ప్రస్తుత 18వ లోక్‌సభ సభ్యుడికి రూ.5 కోట్లు మంజూరు చేసింది. కానీ ఇప్పటి వరకు ఒక్క పనికి శంకుస్థాపన కాలేదంటే ఆశ్చర్యపోనవసరం లేదు. జిల్లాతో సంబంధం ఉన్న లోక్‌సభ స్థానాల్లో ఇలా ● మల్కాజ్‌గిరి లోక్‌సభ సభ్యుడు ఎనుముల రేవంత్‌రెడ్డి రూ.కోటితో 23 పనులు చేపట్టగా, ఇప్పటి వరకు 15 మాత్రమే పూర్తయ్యాయి. ● భువనగిరి లోక్‌సభ సభ్యుడు కోమటిరెడ్డి వెంకట్‌రెడ్డి రూ.97.99లక్షలతో 75 పనులకు శంకుస్థాపన చేయగా, వీటిలో 36 మాత్రమే పూర్తి చేశారు. ● నాగర్‌కర్నూల్‌ లోక్‌సభసభ్యుడు పోతుగంటి రాములు రూ.1.56 కోట్ల అంచనా వ్యయంతో 40 పనులు ప్రారంభించగా, వీటిలో 29 పనులే పూర్తి చేశారు. ● మహబూబ్‌నగర్‌ ఎంపీ మన్నె శ్రీనివాస్‌రెడ్డి రూ.1.39 కోట్ల అంచనాతో 33 పనులకు శంకుస్థాపన చేయగా, వీటిలో 11 మాత్రమే పూర్తయ్యాయి. చేవెళ్ల లోక్‌సభ స్థానంలో చేపట్టిన పనులు సంవత్సరం అంచనా (రూ.కోట్లలో) చేపట్టిన పనులు పూర్తయినవి 2019–20 రూ.4.75 90 79 2020–21 – – – 2021–22 రూ.1.96 23 9 2022–23 రూ.4.86 93 8 2023–24 రూ.4.89 92 12 ప్రతిపాదనలు, శంకుస్థాపనలకే పరిమితం 2019–2023లో చేవెళ్ల లోక్‌సభ సెగ్మెంట్‌లో 289 పనులకు 17.35 కోట్ల నిధులు మంజూరు రూ.5.64 కోట్ల ఖర్చుతో 108 పనులు మాత్రమే పూర్తి 18వ లోక్‌సభ సభ్యులకు రూ.5కోట్లు మంజూరు నేటికీ పైసా ఖర్చు చేయని ఎంపీలు

సాక్షి, రంగారెడ్డిజిల్లా: స్థానిక సంస్థల్లో రిజర్వేషన్ల కల్పనలో భాగంగా ఆయా రాజకీయ పార్టీలు, కుల సంఘాల నుంచి అభిప్రాయాలను సేకరించేందుకు తెలంగాణ బీసీ కమిషన్‌ ప్రతినిధుల బృందం గురువారం జిల్లాకు రానుంది. రంగారెడ్డి సహా మేడ్చల్‌ మల్కాజ్‌గిరి, వికారాబాద్‌ జిల్లాలకు సంబంధించిన రాజకీయ పార్టీలు, కుల సంఘాల నుంచి అభిప్రాయాలను సేకరించనుంది. ఉదయం 10 గంటల నుంచి సాయంత్రం నాలుగు గంటల వరకు కలెక్టరేట్‌ సమావేశ మందిరంలో నిర్వహించే ఈ అభిప్రాయసేకరణ కార్యక్రమానికి చైర్మన్‌ నిరంజన్‌, సభ్యులు రాపోలు జయప్రకాష్‌, తిరుమలగిరి సురేందర్‌, బాలలక్ష్మీ హాజరుకానున్నారు. సర్వేకు వివరాలిచ్చిన కలెక్టర్‌ బంజారాహిల్స్‌: ప్రభుత్వం ప్రతిష్టాత్మకంగా నిర్వహిస్తున్న సమగ్ర కుటుంబ కుల గణన సర్వేలో జిల్లా కలెక్టర్‌ సి.నారాయణరెడ్డి తన వివరాలు అందజేశారు. బుధవారం బంజారాహిల్స్‌ రోడ్డు నెంబర్‌–13లోని కలెక్టర్‌ బంగ్లాలో సూపర్‌వైజర్‌ అధికారి భావ్‌సింగ్‌, ఎన్యుమరేటర్‌ శాంతిలక్ష్మీ సర్వేలో భాగంగా నారాయణరెడ్డి వివరాలు నమోదు చేసుకున్నారు. ‘ట్రీ–ప్రైడ్‌’కు బ్రేక్‌ ● డిసెంబర్‌ 1 నుంచి సబ్సిడీలు నిలిపివేత ● జిల్లా పరిశ్రమల కేంద్రం జనరల్‌ మేనేజర్‌ శ్రీలత ఇబ్రహీంపట్నం రూరల్‌: జిల్లా పరిశ్రమల కేంద్రం ద్వారా రాష్ట్ర ప్రభుత్వం అమలు చేస్తున్న టీ–ప్రైడ్‌ పథకం నిలిపివేస్తున్నట్లు జిల్లా పరిశ్రమల కేంద్రం జనరల్‌ మేనేజర్‌ శ్రీలత బుధవారం ఒక ప్రకటనలో తెలిపారు. ఈ పథకంలో టాక్సీలు, మోటార్‌ క్యాబ్‌లు కొనుగోలు చేసే వారికి సబ్సిడీలు అందవని చెప్పారు. టీ–ప్రైడ్‌ పథకంలో ఎస్సీ, ఎస్టీ, పీహెచ్‌సీ లబ్ధిదారులకు టాక్సీ, మోటారు క్యాబ్‌ కొరకు అందిస్తున్న రాయితీ (సబ్సిడీ) ప్రభుత్వ ఉత్తర్వుల ప్రకారం డిసెంబర్‌ 1 నుంచి అమలవుతాయని చెప్పారు. నవంబర్‌ 30 వరకు కొన్న వాహనములకు సంబంధించి ప్రస్తుతం అమలులో ఉన్న నిబంధనల ప్రకారం లబ్ధిదారులు దరఖాస్తు చేసుకోవచ్చన్నారు. ప్రశాంతంగా ఫ్యూచర్‌ సిటీ రహదారి సర్వే కందుకూరు: ఫ్యూచర్‌ సిటీలోకి నేరుగా చేరుకునేలా నిర్మించనున్న రహదారికి అవసరమైన భూసేకరణకు రెవెన్యూ అధికారులు చేపట్టిన సర్వే పనులు పోలీస్‌ బందోబస్తు నడుమ కొనసాగాయి. బుధవారం రాచూలూరు రెవెన్యూ పరిధిలోని భూములను రెండో రోజు సర్వే నిర్వహించారు. ఇబ్రహీంపట్నం ఆర్డీఓ అనంత్‌రెడ్డి, తహసీల్దార్‌ గోపాల్‌, ఏసీపీ లక్ష్మీకాంత్‌రెడ్డి పర్యవేక్షణలో సీఐలు సీతారామ్‌, వెంకట్‌ ఆధ్వర్యంలో పోలీసు బందోబస్తు నడుమ సిబ్బంది సర్వేను కొనసాగించారు. ఎవరూ పనులను అడ్డుకోకుండా రైతులతో మాట్లాడి సర్వే సాఫీగా జరిగేలా చూశారు. ‘మాలల సింహగర్జన’ను జయప్రదం చేయండి మాల మహానాడు జిల్లా అధ్యక్షుడు మహేశ్‌ మాల షాద్‌నగర్‌: మాలల ఆత్మగౌరవాన్ని కాపాడుకునేందుకు డిసెంబర్‌ 1న హైదరాబాద్‌లో నిర్వహించే మాలల సింహగర్జన బహిరంగ సభను జయప్రదం చేయాలని మాల మహానాడు జిల్లా అధ్యక్షుడు మహేశ్‌ మాల కోరారు. బుధవారం పట్టణంలోని సంఘం కార్యాలయంలో మాల మహానాడు ముఖ్య నాయకుల సమావేశాన్ని ఏర్పాటు చేశారు. ఈ సందర్భంగా మహేశ్‌ మాల మాట్లాడుతూ.. మాలలంతా ఏకమై మరో ఉద్యమం చేపట్టాల్సిన సమయం ఆసన్నమైందన్నారు. రాజ్యాంగ హక్కులను పాలకులు కాలరాస్తుంటే చూస్తూ ఊరుకోవద్దని పిలుపునిచ్చారు. హక్కుల పరిరక్షణకు మాలలంతా ఉద్యమించాలన్నారు. హైదరాబాద్‌లోని పరేడ్‌ గ్రౌండ్స్‌లో మధ్యాహ్నం ఒంటి గంటకు మాలల సింహగర్జన కార్యక్రమాన్ని నిర్వహిస్తున్నట్లు తెలిపారు.

ఇబ్రహీంపట్నం: విద్యార్థుల్లో అభిరుచిని పెంచేందుకు డిఫెన్స్‌, స్పేస్‌ కన్వెన్షన్‌–2024 సదస్సు ఏర్పాటు చేయడం అభినందనీయమని ఏరోనాటికల్‌ సొసైటీ ఆఫ్‌ ఇండియా ప్రెసిడెంట్‌, భారత రక్షణ శాఖ సైంటిఫిక్‌ అడ్వైజర్‌, డీఆర్‌డీఓ మాజీ చైర్మన్‌ డాక్టర్‌ సతీష్‌రెడ్డి అన్నారు. బుధవారం గురునానక్‌ విశ్వవిద్యాలయంలో భారత రత్న డాక్టర్‌ అబ్దుల్‌ కలాం ఇనిస్టిట్యూట్‌ ఆఫ్‌ ఎక్సలెన్స్‌ ఫర్‌ యూత్‌ సౌజన్యంతో ఏర్పాటు చేసిన ఈ సదస్సుకు ప్రపంచంలోని డిఫెన్స్‌, స్పేస్‌ రంగాల్లో నిపుణులైన శాస్త్రవేత్తలు, పరిశోధకులు పాల్గొన్నారు. యువతలో దేశభక్తి, నైపుణ్యం, శాసీ్త్రయ దృక్పథాన్ని పెంపొందించడానికి పలు ముఖ్యమైన విషయాలపై చర్చించారు. శాస్త్ర, సాంకేతిక, టెక్నాలజీ, ఇంజీనిరింగ్‌ మరియు మేనేజ్‌మెంట్‌ వంటి విభాగాలలో భవిష్యత్‌ నాయకులుగా ఎదగడానికి కావాల్సిన సామర్థ్యాలు, విద్యావకాశాలపై వివరించారు. అనంతరం డాక్టర్‌ సతీష్‌రెడ్డి యువతకు సాంకేతిక పరిజ్ఞానం పరిశోధనలు వాటి అవసరాలు, అలవర్చుకునే విధానాలను వివరించారు. డాక్టర్‌ అబ్దుల్‌ కలాం జీవిత గాథలు తెలియజేశారు. ఈ కార్యక్రమంలో డాక్టర్‌ రాజాసింగ్‌ తంగదురై, డీఆర్‌డీఎల్‌ డాక్టర్‌ అశోక్‌ కుమార్‌ పాండే, హెచ్‌ఓడీ ఏరోస్పేస్‌ ఇంజినిరింగ్‌ ఐఐటీ హైదరాబాద్‌ కె.శ్రీనివాస్‌ రాజు, గురునానక్‌ విద్యాసంస్థల వైస్‌ చైర్మన్‌, చాన్సలర్‌ సర్దార్‌ గగన్‌ దీప్‌సింగ్‌, విద్యాసంస్థల ఎండీ, వీసీ డాక్టర్‌ హెచ్‌ ఎస్‌ సైనీ, డైరెక్టర్‌ శ్రీనాథ్‌రెడ్డి, డాక్టర్‌ సంజీవ శ్రీ వాస్తవ, జాయింట్‌ డైరెక్టర్‌ డాక్టర్‌ పి.పార్థసారధి, ప్రిన్సిపాల్‌ వెంకటరావు, తదితరులు పాల్గొన్నారు. అనంతతరం సదస్సుకు హాజరైన శాస్త్రవేత్తలను విద్యాసంస్థల వైస్‌ చైర్మన్‌, చాన్సలర్‌ గగన్‌ దీప్‌సింగ్‌ ఘనంగా సత్కరించారు. డీఆర్‌డీఓ మాజీ చైర్మన్‌ డాక్టర్‌ సతీష్‌రెడ్డి గురునానక్‌ వర్సిటీలో డిఫెన్స్‌,స్పేస్‌ కన్వెన్షన్‌–2024 సదస్సు పాల్గొన్న శాస్త్రవేత్తలు

రిజర్వేషన్లు పెంచాలి స్థానిక సంస్థల్లో బీసీలకు 42 శాతం రిజర్వేషన్లను పెంచాలని నరేశ్‌ ప్రజాపతి డిమాండ్‌ చేశారు.జిల్లా వైద్య విధాన పరిషత్‌ డీసీహెచ్‌ఎస్‌ డాక్టర్‌ చంద్రశేఖర్‌ 8లోuచేవెళ్ల: ఆస్పత్రికి వచ్చే పేదలకు మెరుగైన వైద్య సేవలు అందించడం మన బాధ్యత అని జిల్లా వైద్య విధాన పరిషత్‌ డీసీహెచ్‌ఎస్‌ డాక్టర్‌ చంద్రశేఖర్‌ అన్నారు. బుధవారం ఆయన మండల కేంద్రంలోని ప్రభుత్వ ఏరియా ఆస్పత్రిని ఆకస్మికంగా తనిఖీ చేశారు. ఈ సందర్భంగా ఆస్పత్రిలోని సౌకర్యాలను, వార్డులను, రోగులకు అందించే వైద్యం తీరును పరిశీలించారు. ఆస్పత్రి ఇన్‌చార్జి డాక్టర్‌ రాజేంద్రప్రసాద్‌ను అడిగి పలు వివరాలు తెలుసుకున్నారు. అనంతరం ఆయన మాట్లాడుతూ.. ప్రభుత్వ ఆస్పత్రులపై ప్రజల్లో ఉన్న అపోహలు తొలగించేలా పనిచేయాలని సూచించారు. విధుల్లో నిర్లక్ష్యం వహిస్తే చర్యలు తప్పవని హెచ్చరించారు. వైద్యులు, సిబ్బంది తప్పక సమయ పాలన పాటించాలన్నారు. గర్భిణులకు ఆస్పత్రిలోనే అని వైద్య పరీక్షలు నిర్వహించాలని చెప్పారు. ఆస్పత్రిలో సమస్యలుంటే తన దృష్టికి తీసుకువస్తే పరిష్కారానికి చర్యలు తీసుకుంటానన్నారు. అనంతరం డయాలసిస్‌ కేంద్రంలోని రోగులతో మాట్లాడారు. ఆయన వెంట ఏరియా ఆస్పత్రి వైద్యులు, వైద్య సిబ్బంది, తదితరులు ఉన్నారు.

పహాడీషరీఫ్‌: ఇద్దరు పిల్లలతో కలిసి గృహిణి అదృశ్యమైన సంఘటన పహాడీషరీఫ్‌ పోలీస్‌స్టేషన్‌ పరిధిలో చోటు చేసుకుంది. పోలీసులు తెలిపిన వివరాల ప్రకారం.. వికారాబాద్‌ జిల్లా పరిగి మండలం సయ్యద్‌ పల్లి గ్రామానికి చెందిన సుకమెట్టి శివకుమార్‌, నందిని(24) దంపతులకు ఏడెళ్ల క్రితం వివాహం జరగగా ఇద్దరు కుమార్తెలు, ఒక కుమారుడు సంతానం. ఏడు నెలల క్రితం వీరు బతుకుదెరువు నిమిత్తం జల్‌పల్లి శ్రీరాం కాలనీకి వలస వచ్చారు. ఇదిలా ఉండగా నందిని ఇతరులతో తరచూ ఫోన్‌ మాట్లాడే విషయమై భార్యాభర్తల నడుమ గొడవలు జరుగుతున్నాయి. ఈ క్రమంలోనే ఈ నెల 18న శివకుమార్‌ డ్యూటీకి వెళ్లి రాత్రి 7 గంటలకు వచ్చి చూడగా, పెద్ద కుమార్తె అమ్మ ఇంట్లో లేదని ఏడుస్తూ కనిపించింది. కుమారుడు శ్రీజన్‌(4), కుమార్తె నయనిక(2)లతో పాటు ఆమెకు సంబంధించిన వస్తువులు, గ్యాస్‌ సిలిండర్‌ను తీసుకొని ఇంటి నుంచి వెళ్లినట్లు గుర్తించాడు. శివ అనే ఆటోడ్రైవర్‌తో కలిసి వెళ్లి ఉంటుందన్న అనుమానంతో బుధవారం పోలీస్‌స్టేషన్‌లో ఫిర్యాదు చేశాడు. వీరి ఆచూకీ తెలిసిన వారు పోలీస్‌స్టేషన్‌లో గాని 87126 62367 నంబర్‌లో గాని సమాచారం అందించాలని కేసు దర్యాప్తు చేస్తున్న పోలీసులు తెలిపారు.

ఇబ్రహీంపట్నం రూరల్‌: ‘నా చావుకు ఎవరూ కారణం కాదు.. కడుపు నొప్పి భరించలేక ఆత్మహత్య చేసుకుంటున్నా’ అని సూసైడ్‌ లేఖ రాసిన ఓ వ్యక్తి చెట్టుకు ఉరేసుకుని ఆత్మహత్య చేసుకున్నాడు. ఈ సంఘటన ఆదిబట్ల పోలీస్‌ స్టేషన్‌ పరిధిలో బుధవారం చోటు చేసుకుంది. సీఐ రాఘవేందర్‌రెడ్డి కథనం ప్రకారం.. ఆదిబట్ల మున్సిపల్‌ పరిధిలోని ఔటర్‌ సర్వీస్‌ రోడ్డు పక్కన చెట్టుకు ఉరి వేసుకొని కుళ్లిన స్థితిలో ఓ మృతదేహాన్ని గమనించిన కొందరు పోలీసులకు సమాచారం ఇచ్చారు. సీఐ రాఘవేందర్‌రెడ్డి, ఎస్‌ఐ బాలరాజు వెళ్లి సంఘటనా స్థలాన్ని పరిశీలించారు. ఏడెనిమిది రోజుల క్రితమే ఆత్మహత్య చేసుకున్నట్లు గుర్తించారు. చుట్టు పక్కల వెతికినా ఎలాంటి ఆధారాలు లభించలేదు. మృతుడి ప్యాంట్‌ జేబుల్లో వెతకగా బీడీలు, అగ్గిపెట్టెతో పాటు ఒక కవర్‌లో లేఖను గుర్తించారు. తన చావుకు తీవ్రమైన కడుపునొప్పి కారణమని అందులో రాసి ఉంది. పక్కనే కుమార్తె ఉమ సెల్‌ఫోన్‌ నంబరు కూడా ఉండటంతో పోలీసులు సమాచారం ఇచ్చారు. వివరాలు ఆరా తీయగా.. మృతుడు నల్లగొండ జిల్లా నకిరేకల్‌ మండలం గోరెంకలపల్లి గ్రామానికి చెందిన పోల్‌రెడ్డి సుదర్శన్‌రెడ్డి(56)గా గుర్తించారు. నల్లమల్ల అపార్ట్‌మెంట్‌ ప్రముఖ్‌ టౌన్‌షిప్‌లో తన బిడ్డ వద్ద ఉండేవాడని తెలుసుకున్నారు. బోర్‌వెల్‌పై పని చేస్తూ పది రోజులకోసారి ఇంటికి వచ్చేవాడని తెలిపారు. వారం క్రితమే ఇంటి నుంచి వెళ్లినట్లు చెప్పారు. భార్య సునీత ఫిర్యాదు మేరకు పోలీసులు కేసు నమోదు చేసుకొని, మృతదేహాన్ని పోస్టుమార్టం నిమిత్తం ఉస్మానియాకు తరలించినట్లు వివరించారు. కడుపునొప్పి భరించలేక ఆత్మహత్య చేసుకుంటున్నా.. సూసైడ్‌ నోట్‌ రాసి ఉరేసుకున్న వ్యక్తి ఔటర్‌ సర్వీస్‌ రోడ్డు పక్కన కుళ్లినస్థితిలో మృతదేహం గుర్తింపు నల్లగొండ జిల్లా వాసిగా నిర్ధారణ

తుర్కయంజాల్‌: స్థానిక సంస్థల్లో బీసీలకు 42 శాతం రిజర్వేషన్లను పెంచాలని బీసీ యువజన సంఘం జాతీయ ఉపాధ్యక్షుడు రావులకోలు నరేశ్‌ ప్రజాపతి డిమాండ్‌ చేశారు. ఈ మేరకు బుధవారం బీసీ డెడికేటెడ్‌ కమిషన్‌ చైర్మన్‌ భూసాని వెంకటేశ్వర రావును కలిసి వినతిపత్రం అందజేశారు. ఈ సందర్భంగా నరేశ్‌ మాట్లాడుతూ.. బీసీలకు అన్ని రంగాల్లో అన్యాయమే జరుగుతుందని, 55 శాతంకు పైగా ఉన్నప్పటికీ, 18 శాతం రిజర్వేషన్లను కల్పిస్తున్నారన్నారు. విద్యా, ఉద్యోగ అవకాశాల్లో కూడా జనాభాకు తగిన రీతిలో రిజర్వేషన్లను కల్పించాలని కోరారు. కాంగ్రెస్‌ ప్రభుత్వం ఎన్నికలకు ముందు కామారెడ్డి డిక్లరేషన్‌ల చెప్పినట్లుగా 42 శాతం రిజర్వేషన్‌లను పెంచిన తర్వాతే స్థానిక సంస్థల ఎన్నికలను నిర్వహించాలని డిమాండ్‌ చేశారు. కార్యక్రమంలో నాయకులు శ్రీనివాస్‌ ముదిరాజ్‌, శ్రీనివాస్‌ గౌడ్‌, నరసింహానాయక్‌, చందు తదితరులు పాల్గొన్నారు. బీసీ యువజన సంఘం జాతీయ ఉపాధ్యక్షుడు నరేశ్‌ ప్రజాపతి

షాద్‌నగర్‌: అక్రమ కేసులు, నిర్బంధాలతో ప్రభుత్వం తమ పోరాటాన్ని ఆపలేరని లంబాడీ హక్కుల పోరాట సమితి(ఎల్‌హెచ్‌పీఎస్‌) రాష్ట్ర అధ్యక్షుడు ముడావత్‌ రాంబల్‌ నాయక్‌ పేర్కొన్నారు. సంఘం ఆధ్వర్యంలో చలో లగచర్లకు పిలుపునిచ్చిన నేపథ్యంలో బుధవారం పోలీసులు ఆయనతో పాటు పలువురు గిరిజన సంఘం నాయకులను బైపాస్‌లోని రసోయ్‌ హోటల్‌ వద్ద అరెస్టు చేసి పోలీస్‌స్టేషన్‌కు తరలించారు. ఈ సందర్భంగా రాంబల్‌ నాయక్‌ మాట్లాడుతూ.. వికారాబాద్‌ జిల్లా దుద్యాల మండలంలో ఫార్మా కంపెనీల ఏర్పాటుకు గిరిజనులు పూర్తి వ్యతిరేకంగా ఉన్నారన్నారు. గిరిజనుల భూములను బలవంతంగా లాక్కోవడానికి ప్రభుత్వం ప్రయత్నిస్తుందని ఆరోపించారు. ఇటీవల లగచర్లలో జరిగిన ఘటనపై ఢిల్లీలోని జాతీయ ఎస్సీ, ఎస్టీ కమిషన్‌తో పాటుగా, కేంద్ర వర్గాలకు కలిసినట్లు తెలిపారు. లగచర్లలో గిరిజనులపై పెట్టిన కేసులను ప్రభుత్వం వెంటనే ఎత్తివేయాలని డిమాండ్‌ చేశారు. అరెస్టయిన వారిలో లక్ష్మణ్‌నాయక్‌, చందునాయక్‌, లిబియానాయక్‌, ఏకనాథ్‌నాయక్‌, రాజునాయక్‌, శ్రీనివాస్‌, జగన్‌, మోహన్‌న్‌, బాబు, రాజేందర్‌, అంబదాస్‌, భోజ్యానాయక్‌ తదితరులు ఉన్నారు. నేతల ముందస్తు అరెస్టు మంచాల: లగచర్ల ఘటనపై గిరిజన, ప్రజాసంఘాల పిలుపుతో బుధవారం పోలీసులు అప్రమత్తమయ్యాయి. మండలంలోని గిరిజన సంఘాల నాయకులు కొర్ర శ్రీనివాస్‌నాయక్‌, వెంకటేష్‌, రవీందర్‌లను తెల్లవారుజామునే ముందస్తు అరెస్టులు చేసి మంచాల పోలీస్‌స్టేషన్‌కు తరలించారు. ఈ సందర్భంగా వారు మాట్లాడుతూ.. పరిశ్రమల పేరుతో భూములను లాక్కోవాలని కేంద్ర, రాష్ట్ర ప్రభుత్వాలు చేసే కుట్రలు మానుకోవాలన్నారు. సాగుకు యోగ్యం కాని భూములను తీసుకోవాలన్నారు. గిరిజనులపై పెట్టిన కేసులు ఎత్తివేయాలి ఎల్‌హెచ్‌పీఎస్‌ రాష్ట్ర అధ్యక్షుడు రాంబల్‌ నాయక్‌బొంరాస్‌పేటలో నేతల అరెస్టు ఆమనగల్లు/కడ్తాల్‌: ఇటీవల లగచర్లలో జరిగిన వివాదంలో అమాయక గిరిజనులను పోలీసులు వేధిస్తున్నారని ఆమనగల్లు, మాడ్గుల, కడ్తాల మండలాలకు చెందిన పలువురు బీఆర్‌ఎస్‌ గిరిజన నేతలు ఆరోపించారు. ఈ మేరకు బుధవారం లగచర్లకు తరలివెళ్లారు. ఈ క్రమంలో కడ్తాల జెడ్పీటీసీ మాజీ సభ్యుడు దశరథ్‌నాయక్‌, బీఆర్‌ఎస్‌ ఆమనగల్లు మున్సిపాలిటీ అధ్యక్షుడు పత్యానాయక్‌, మాడ్గుల మాజీ ఎంపీపీ జైపాల్‌ నాయక్‌, మాజీ ఎంపీటీసీలు నాగులునాయక్‌, లచ్చిరాంనాయక్‌, మాజీ సర్పంచ్‌లు తులసీరాం నాయక్‌, లోకేశ్‌నాయక్‌, హరిచంద్‌నాయక్‌ తదితరులను బొంరాస్‌పేట మండల కేంద్రంలో పోలీసులు అడ్డుకుని ఠాణాకు తరలించారు.

యాచారం: కేంద్ర ప్రభుత్వ ప్రజా వ్యతిరేక విధానాలపై రాజీలేని పోరాటం చేయాల్సిన అవసరం ఉందని వ్యవసాయ కార్మిక సంఘం జిల్లా అధ్యక్షుడు పి.అంజయ్య అన్నారు. కార్మిక, రైతు వ్యతిరేక చట్టాలను నిరసిస్తూ సీఐటీయూ ఆధ్వర్యంలో ఈ నెల 26న ఇందిరాపార్క్‌ వద్ద ధర్నా చేపట్టాలని నిర్ణయించారు. ఇందుకు సంబంధించి బుధవారం మండల పరిధిలోని కుర్మిద్ద గ్రామంలో కరపత్రాలను ఆవిష్కరించారు. ఈ సందర్భంగా అంజయ్య మాట్లాడుతూ.. కేంద్రంలోని బీజేపీ ప్రభుత్వం మూడోసారి అధికారంలోకి వచ్చి రైతులకు, కార్మికులకు, పేదలకు తీవ్ర అన్యాయం చేస్తోందని ఆరోపించారు. పేదలకు అన్యాయం చేస్తూ పారిశ్రామికవేత్తలకు వత్తాసు పలుకుతోందన్నారు. ధర్నాకు ప్రజలు పెద్ద ఎత్తున రావాలని పిలుపునిచ్చారు. ఈ కార్యక్రమంలో నాయకులు సురేశ్‌, మల్లయ్య, చెన్నయ్య, కుమార్‌ తదితరులు పాల్గొన్నారు. వ్యవసాయ కార్మిక సంఘం జిల్లా అధ్యక్షుడు అంజయ్య

కడ్తాల్‌: మండల పరిధిలోని మైసిగండి గ్రామంలో కొలువైన మైసమ్మ తల్లి ఉత్సవాలు బుధవారంతో ముగిశాయి. ఆరు రోజుల పాటు భక్త జన సందోహంతో కొనసాగిన ఉత్సవాలను ఆలయ నిర్వాహకులు వైభవంగా నిర్వహించారు. చివరి రోజు అమ్మవారికి వివిధ రకాల కూరగాయలతో అలంకరించడంతో పాటు, ప్రత్యేక పూజలు, విశేష అలంకరణ, హోమం, పూర్ణాహుతి తదితర కార్యక్రమాలు భక్తిశ్రద్ధలతో చేశారు. భక్తులు అమ్మవారిని దర్శించుకుని పూజలు నిర్వహించి మొక్కులు తీర్చుకున్నారు. ఈ సందర్భంగా అన్నదాన కార్యక్రమం నిర్వహించారు. కార్యక్రమంలో ఆలయ ఈఓ స్నేహలత, ఫౌండర్‌ ట్రస్టీ శిరోలి, పీసీసీ సభ్యుడు శ్రీనివాస్‌గౌడ్‌, బ్లాక్‌ కాంగ్రెస్‌ అధ్యక్షుడు నర్సింహ, నాయకులు భాస్కర్‌నాయక్‌, అరుణ్‌కుమార్‌, జవహర్‌, కృష్ణ, తహసీల్దార్‌ జ్యోతి ఆలయ అర్చక సిబ్బంది, భక్తులు తదితరులు పాల్గొన్నారు.

స్టోర్స్‌లో విద్యుత్‌ పరికరాలు లేక ఇబ్బందులు ● సీటీపీటీలు, ఎల్టీహెచ్‌ఎల్‌పీ కేబుల్స్‌, ఫిన్స్‌, డిస్క్‌ల కొరత ● మెటల్‌ పార్ట్స్‌, సింగిల్‌ కోర్‌ కేబుల్స్‌ సైతం లేవట.. ● డీడీలు చెల్లించి నాలుగైదు మాసాలైనా చేతికందని విద్యుత్‌ పరికరాలు ● ఆందోళనలో గృహ, వాణిజ్య వినియోగదారులు సాక్షి, సిటీబ్యూరో: రాజేంద్రనగర్‌ సర్కిల్‌ గగన్‌పహాడ్‌కు చెందిన సత్యనారాయణ..ఈ ఏడాది జులై 26న 11కేవీ సీటీపీటీ సెట్‌ సహా 11 కేవీ హెచ్‌టీ టీవీఎం 20/5ఏ కోసం రూ.6.38 లక్షలు డీడీ చెల్లించారు. ఇప్పటికీ విద్యుత్‌ పరికరాలు సరఫరా కాలేదు. కాంట్రాక్టర్‌ రంగారెడ్డి స్టోర్స్‌కు చేరుకుని మెటీరియల్‌ ఇవ్వాల్సిందిగా కోరగా, స్టాక్‌ లేదని తిప్పి పంపారు. ● సైనిక్‌పురికి చెందిన ఎన్‌.నాగలక్ష్మి ఎల్‌టీ ఎక్స్‌ఎల్‌పీఈ కేబుల్‌ 1 కోర్‌ 120 స్క్వైర్‌ ఎంఎం సహా మరో పది పరికరాలకు ఆగస్టు 10న డీడీ కట్టారు. మూడు నెలలైనా ఇప్పటికీ కేబుల్‌ ఇవ్వలేదు. ఇక సైనిక్‌పురి సెక్షన్‌కు చెందిన వర్థన్‌ ప్రాజెక్ట్‌స్‌ సాధన విహార్‌ విద్యుత్‌ మెటిరియల్స్‌ కోసం జులై 1న డీడీ కట్టారు. ఇప్పటికీ మెటిరియల్‌ అందలేదు. విద్యుత్‌ కాంట్రాక్టర్‌ స్వయంగా స్టోర్‌కు చేరుకుని ఆరా తీస్తే..వారం కిత్రమే మెటీరియల్‌ వచ్చిందని, ఆ వెంటనే స్టాక్‌ ఖాళీ అయిందని ఇంజనీర్లు సెలవిచ్చారు. మళ్లీ ఎప్పుడు వస్తుందని ప్రశ్నిస్తే? కనీస సమాధానం లేదు. ● ఇది కేవలం సత్యనారాయణ, నాగలక్ష్మి, వర్థన్‌ ప్రాజెక్ట్‌స్‌ వినియోగదారులకు ఎదురైన చేదు అనుభవమే కాదు..విద్యుత్‌ పరికరాలు కోసం రూ.లక్షల చొప్పున డీడీలు చెల్లించిన అనేక మంది గృహ, వాణిజ్య, పారిశ్రామిక వినియోగదారులు ఎదుర్కొంటున్న ఇబ్బంది. డీడీలు కట్టి..నాలుగైదు మాసాలైనా.. కొత్త పరిశ్రమలు, వ్యాపార, వాణిజ్య సముదాయాలు, బహుళ అంతస్తుల భవనాల్లో విద్యుత్‌ పనులను ప్రైవేటు కాంట్రాక్టర్లే చేస్తున్నారు. నిర్మాణ సమయంలోనే సదరు వినియోగదారుడు డిస్కంకు దరఖాస్తు చేసుకుంటారు. ఇంజనీర్లు క్షేత్రస్థాయిలో పర్యటించి, ఇందుకు అవసరమైన విద్యుత్‌ పోల్స్‌, కండక్టర్‌, మెటల్‌ పార్ట్స్‌, ఇన్సులేటర్లు, డిస్ట్రిబ్యూషన్‌ ట్రాన్స్‌ఫార్మర్‌, కేబుల్స్‌, సీటీపీటీలు, ఏబీ స్విచ్‌లు, పీటీఆర్‌లు, ఆర్‌ఎంయూలు, ఆయిల్‌ డ్రమ్స్‌, క్రాస్‌ ఆర్మ్‌లు, ఫ్యూజ్‌ సెట్స్‌, మీటర్లు, ప్యానల్‌ బోర్డులకు అంచనాలు రూపొందించి ఇవ్వగా, సదరు వినియోగదారులు డీడీ రూపంలో డిస్కంకు ఆ మొత్తాన్ని చెల్లిస్తుంటారు. నిజానికి ప్రైవేటు మార్కెట్లో ఆయా విద్యుత్‌ పరికరాలన్నీ దొరుకుతున్నప్పటికీ..సరఫరాలో నాణ్యత, షార్ట్‌ సర్క్యూట్‌ల నియంత్రణ పేరుతో తామే వాటిని స్వయంగా సరఫరా చేయనున్నట్లు డిస్కం ప్రకటించింది. ఇందుకోసం ప్రత్యేకంగా పర్చేజింగ్‌ అండ్‌ మెటీరియల్‌ మేనేజ్‌మెంట్‌ విభాగాన్ని ఏర్పాటు చేసి, ఆ మేరకు ఆయా తయారీ సంస్థల నుంచి అవగాహన ఒప్పందం కుదుర్చుకుంది. ప్రభుత్వం నిర్ణయించిన ఎస్‌ఎస్‌ఆర్‌ ధరల ప్రకారం మొత్తం 121 రకాల విద్యుత్‌ పరికరాలను ఆయా తయారీ సంస్థల నుంచి దిగుమతి చేసుకుని, హైదరాబాద్‌, రంగారెడ్డి స్టోర్స్‌లో నిల్వ చేస్తుంది. అటు నుంచి సర్కిళ్ల/డివిజన్ల వారీగా దరఖాస్తు దారులకు(సీరియల్‌ నంబర్ల ఆధారంగా) ఆయా విద్యుత్‌ పరికరాలను పంపిణీ చేయాల్సి ఉంది. కానీ నెలలు గడిచినా..స్టోర్స్‌కు ఆయా పరికరాలు రావడం లేదు. లంచం ఇస్తే ఓకే.. కాగా విద్యుత్‌ పరికరాల సరఫరాకు డిమాండ్‌కు మధ్య భారీ వ్యతాస్యం ఉండటాన్ని ఇంజనీర్లు క్యాష్‌ చేసుకుంటున్నారు. రూ.5000 ఇస్తే చాలు దరఖాస్తు సీనియార్టీతో సంబంధం లేకుండా కోరిన పరికరాలను అప్పగిస్తున్నట్లు ఆరోపణలు లేకపోలేదు. అంతేకాదు నిర్ధేశించిన తూకానికి తక్కువగా కండక్టర్‌ అప్పగిస్తున్నారు. ఒక్కో డ్రమ్‌ నుంచి రెండు నుంచి ఐదు కేజీల వరకు తగ్గిస్తున్నట్లు తెలిసింది. ఇన్సులేటర్లు, పిన్స్‌ ఇవ్వకుండా, గుట్టుగా వాటిని ప్రైవేటు దుకాణాలకు తరలిస్తున్నట్లు తెలిసింది.కాంట్రాక్టర్లపై పెరుగుతున్న ఒత్తిడి డీడీ కట్టిన వారం పది రోజుల్లోనే మెటీరియల్‌ అందజేయాల్సి ఉంది. కానీ కొంత మంది ఇంజనీర్లు ఉద్దేశ పూర్వకంగానే కృత్రిమ కొరత సృష్టిస్తున్నారు. ఎప్పటికప్పుడు ఇండెంట్లు పంపించి, పరికరాలను దిగుమతి చేసుకోవడంలో తీవ్ర జాప్యాన్ని ప్రదర్శిస్తున్నారు. వినియోగదారుల నుంచి ఒత్తిడి పెరుగుతుండటంతో విధిలేని పరిస్థితుల్లో కాంట్రాక్టర్లే ఆయా పరికరాలను ప్రైవేటుగా కొనుగోలు చేసి, పనులు చేయాల్సి వస్తోంది. –ప్రదీప్‌రెడ్డి, సీనియర్‌ ఎలక్ట్రికల్‌ కాంట్రాక్టర్‌

యాచారం: మతిస్థిమితం లేని ఓ వ్యక్తికి తీవ్ర గాయాలై మూలుగుతున్న స్థితిలో యాచారం పోలీసులు కాపాడారు. వివరాలిలా ఉన్నాయి. నగరంలోని మౌలాలి హౌసింగ్‌ బోర్డు కాలనీకి చెందిన ఏలూరి రామాంజనేయులు బుధవారం ఉదయం మండలంలోని అయ్యవారిగూడెం అనుబంధ గ్రామం ఎనెకిందతండా సమీపంలోని ఎతైన గుట్టపైకి ఎక్కి గాయపడ్డాడు. ఆయనకు మతిస్థిమితం సరిగా లేదు. స్థానికంగా ఉండే సభావట్‌ వినోద్‌ ఇచ్చిన సమాచారంతో ఎస్‌ఐ మధు అగ్నిమాపక, పోలీస్‌ సిబ్బందితో కలిసి అక్కడికి చేరుకుని తీవ్ర గాయాలతో ఉన్న రామాంజనేయులును కాపాడి గుట్టపై నుంచి కిందకు తీసుకువచ్చారు. వెంటనే ఇబ్రహీంపట్నంలోని ప్రభుత్వ ఆసుపత్రికి తరలించారు. ఇబ్రహీంపట్నం ఏసీపీ కేపీవీ రాజు కూడా సంఘటన స్థలానికి వచ్చి గాయపడిన వ్యక్తిని పరిశీలించారు. సదరు వ్యక్తి ఎందుకు గాయపడ్డాడు, అసలు ఎక్కడికి ఎందుకు వచ్చారో ఇంకా వివరాలు తెలియరాలేదు. సకాలంలో స్పందించి వ్యక్తి ప్రాణాలు కాపాడినందుకు ఏసీపీ రాజు యాచారం పోలీసులను అభినందించారు.

కేశంపేట: రోడ్డు ప్రమాదం ముక్కుపచ్చలారని ఓ చిన్నారికి తండ్రిని దూరం చేసింది. రెండు బైకులు ఢీకొన్న సంఘటనలో గాయపడి చికిత్స పొందుతూ వ్యక్తి మృతి చెందిన ఉదంతం మండల పరిధిలో చోటు చేసుకుంది. గ్రామస్తులు తెలిపిన వివరాల ప్రకారం.. మండల పరిధిలోని పోమాల్‌పల్లి గ్రామానికి చెందిన మల్లేశ్‌(23) లేమామిడి గ్రామ శివారులో శనివారం జరిగిన రోడ్డు ప్రమాదంలో గాయపడ్డాడు. చికిత్స కోసం షాద్‌నగర్‌ ప్రభుత్వ ఆసుపత్రికి, అటునుంచి నగరంలోని ఉస్మానియా ఆసుపత్రికి తరలించారు. అక్కడే చికిత్స పొందుతూ ఆయన బుధవారం మృతి చెందాడు. మృతుడికి భార్యతో పాటు వారం రోజుల పాప ఉంది. దీంతో కుటుంబసభ్యులు కన్నీరుమున్నీరుగా విలపించారు. ఆలయ పునఃనిర్మాణానికి రూ.పది లక్షల విరాళం నందిగామ: నందిగామ పారిశ్రామక వాడలో నిర్మిస్తున్న అయ్యప్ప స్వామి ఆలయ పునఃనిర్మాణానికి శిశశక్తి స్పాంజ్‌ ఐరన్‌ పరిశ్రమ యాజమాన్యం భారీ విరాళం ప్రకటించింది. ఈ మేరకు బుధవారం పరిశ్రమ యజమానికి సునిల్‌ గురుస్వామి గిరిషన్‌ నాయర్‌కు రూ.10లక్షల నగదు అందజేశారు. ఈ సందర్భంగా గురుస్వామి గిరిషన్‌ నాయర్‌ మాట్లాడుతూ.. ఆలయ పునఃనిర్మాణానికి దాతలు స్వచ్ఛందంగా ముందుకు వస్తున్నారన్నారు. అనంతరం గురుస్వాములు సునిల్‌ను ఘనంగా సన్మానించారు. ఈ కార్యక్రమంలో గురుస్వాములు సుదర్శన్‌ గౌడ్‌, హరిజీవన్‌, నర్సింహ యాదవ్‌, బాల్‌రెడ్డి, లక్ష్మయ్య యాదవ్‌, రాంరెడ్డి, చంద్రశేఖర్‌ గౌడ్‌, నవాజ్‌రెడ్డి, చిందం నర్సింహ, కుమార్‌ గౌడ్‌, కొమ్ము కృష్ణ, జంగ నర్సింహయాదవ్‌, జంగయ్య, చించేటి కృష్ణ, కృష్ణ యాదవ్‌, రమేష్‌ చారి, నిరంజన్‌ గౌడ్‌ తదితరులు పాల్గొన్నారు. చెట్లకు జీవం పోశారు పహాడీషరీఫ్‌: మనసుంటే మార్గముంటుందని అధికారులు మరోసారి నిరూపించారు. రోడ్డు విస్తరణలో భాగంగా తొలగించిన వృక్షాలను హెచ్‌ఎండీఏ అధికారులు మరో ప్రాంతంలో నాటి జీవం పోశారు. మామిడిపల్లిలోని వివేకానంద కూడలి నుంచి శంషాబాద్‌ రాజీవ్‌ గాంధీ అంతర్జాతీయ విమానాశ్రయం వరకు గతేడాది 2.5 కిలోమీటర్ల మేర 150 ఫీట్లుగా పాత రోడ్డును విస్తరించారు. ఈ క్రమంలో పాత రోడ్డుపై ఉన్న చెట్లను ఎడాపెడా నరికేయకుండా పచ్చదనాన్ని కాపాడాలన్న ఉద్దేశంతో కొమ్మలు మాత్రమే నరికి, మానును మాత్రం కూకటివేళ్లతో పెకిలించి సమీపంలోని పొలాలు, ఇతర రహదారులపై నాటారు. ఏడాది అనంతరం ప్రస్తుతం ఆ మానులు జీవం పోసుకొని కొమ్మలతో చిగురించాయి.

ఇబ్రహీంపట్నం రూరల్‌: చిన్నారుల్లో సృజనాత్మకత, శాసీ్త్రయ ఆలోచన పెంచే దిశగా పని చేయాలని ప్రముఖ కవి, సినీ గేయ రచయిత సుద్దాల అశోక్‌ తేజ అభిప్రాయపడ్డారు. ఆదిబట్ల మున్సిపల్‌ పరిధిలోని భారత్‌ ఇంజనీరింగ్‌ కళాశాలలో మంగళవారం తెలంగాణ బాలోత్సవ కమిటీ ఆధ్వర్యంలో సుద్దాల అశోక్‌తేజ రాసిన ఘల్లుఘల్లు అనే పాటను ప్రముఖ రచయిత నందిని సిద్దారెడ్డి ఆవిష్కరించారు. ఈ సందర్భంగా విద్యార్థులను ఉద్దేశించి సుద్దాల అశోక్‌తేజ మాట్లాడుతూ.. విష సంస్కృతి, సామ్రాజ్యవాద వినిమయ విలువల నేపథ్యంలో మానవీయ విలువలు కనుమరుగవుతున్నాయని అన్నారు. కులమత, మూఢత్వం పేరుతో దాడులు పెరుగుతున్నాయని తెలిపారు. చిన్నారుల ఆలోచనలను విషపూరితం చేస్తున్నాయని ఆందోళన వ్యక్తం చేశారు. ప్రముఖ రచయిత నందిని సిద్దారెడ్డి మాట్లాడుతూ.. బాలల్ని అభ్యుదయం దిశగా ప్రోత్సహించాలని అన్నారు. బాలోత్సవం కార్యదర్శి సోమన్న మాట్లాడుతూ.. నాలుగేళ్లుగా వందలాది మంది పాఠశాల విద్యార్థులతో వేలాది మంది బాలబాలికలతో ఉత్సవాలు నిర్వహిస్తున్నట్టు చెప్పారు. విద్యార్థుల్లో సైంటిపిక్‌ టెంపర్‌, సరికొత్త ఆలోచనల్ని పెంపొందించేందుకు కృషి చేస్తున్నట్లు తెలిపారు. కార్యక్రమంలో భారత్‌ విద్యాసంస్థల చైర్మన్‌ సీహెచ్‌ వేణుగోపాల్‌రెడ్డి, బాలోత్సవ కమిటీ బాధ్యుడు బుచ్చిరెడ్డి, జనవిజ్ఞాన వేదిక నాయకులు రమేష్‌, భాస్కర్‌, భూదేవి, శ్రీకాంత్‌, యశోకృష్ణ తదితరులు పాల్గొన్నారు. ప్రముఖ కవి, సినీ గేయ రచయిత సుద్దాల అశోక్‌ తేజ

చేవెళ్ల: ప్రభుత్వానికి నిత్యం ఆదాయవనరుగా పనిచేసే సబ్‌రిజిస్ట్రార్‌ కార్యాలయానికి సొంత భవనం లేక అద్దె భవనంలో కాలం వెళ్ల దీస్తున్నారు. మండలకేంద్రంలో ఏళ్ల తరబడిగా సబ్‌రిజిస్ట్రార్‌ కార్యాలయం అద్దె భవనంలోనే కొనసాగుతోంది. ప్రభుత్వం స్థలం కేటాయించినా నిధులు మంజూరు చేయకపోవడంతో సొంత భవనం కరువైంది. ప్రస్తుతం రోజుకు నాలుగు నుంచి పది రిజిస్ట్రేషన్లు మాత్రమే జరుగుతున్నాయి. గత ఏడాదితో పోలిస్తే ఈ ఏడాది రిజిస్ట్రేషన్ల సంఖ్య భారీగా తగ్గిందని సిబ్బంది చెబుతున్నారు. చేవెళ్ల సబ్‌రిజిస్ట్రార్‌ కార్యాలయం పరిధిలోకి చేవెళ్ల, మొయినాబాద్‌, షాబాద్‌ మండలాలు వస్తాయి. వారానికి ఈ కార్యాలయం నుంచి ప్రభుత్వానికి సుమారు రూ.30లక్షల నుంచి రూ.40లక్షల ఆదాయం సమకూరుతోంది. సొంత భవనం ఉంటే అన్ని విధాలా సౌకర్యవంతంగా ఉంటుందన్న అభిప్రాయాలు వ్యక్తమవుతున్నాయి. అద్దె భవనంలో ఎన్ని ఏర్పాట్లు చేసినా అవి తాత్కాలికమేనని అంటున్నారు. నిధులు వస్తే సొంత భవనం చేవెళ్ల సబ్‌రిజిస్ట్రార్‌ కార్యాలయానికి ప్రభుత్వ స్థలం కేటాయింపు జరిగింది. స్థలాన్ని పరిశీలించాం. త్వరలోనే నిధుల కేటాయింపుతో సొంత భవనం ఏర్పాటవుతుంది. అద్దె భవనం అయినప్పటికీ అన్ని రకాల సౌకర్యాలు కల్పించాం. గతంతో పోలిస్తే రిజిస్ట్రేషన్ల సంఖ్య బాగా తగ్గింది. – వెంకటరమణ, సబ్‌రిజిస్ట్రార్‌, చేవెళ్ల

చేవెళ్ల: పొలాల వద్ద వ్యవసాయ పనిముట్లు దొంగిలిస్తున్న ఇద్దరు వ్యక్తులను రైతులు పోలీసులకు అప్పగించారు. ఈ ఘటన చేవెళ్ల పోలీస్‌స్టేషన్‌ పరిధిలోని పామెనలో మంగళవారం చోటు చేసుకుంది. పోలీసులు తెలిపిన ప్రకారం.. పామెనలో కొంత కాలంగా రైతుల వ్యవసాయ పనిముట్లు, స్టార్టర్లు గుర్తు తెలియని వ్యక్తులు అపహరిస్తున్నారు. దీంతో రైతులు పొలాల వద్ద నిఘా పెట్టారు. ఈ క్రమంలో మధ్యాహ్నం ఇద్దరు వ్యక్తులు పొలాల వద్ద అనుమానాస్పదంగా కనిపించడంతో వారిని నిలదీశారు. వారు చెప్పిన సమాధానాలు పొంతన లేకపోవడంతో పోలీసులకు సమాచారం ఇచ్చారు. ఈ మేరకు పోలీసులు వారి వద్ద వ్యవసాయ పనిముట్లను స్వాధీనం చేసుకుని ఇద్దరినీ అరెస్ట్‌ చేశారు. రైతుల ఫిర్యాదు మేరకు కేసు దర్యాప్తు చేస్తున్నట్లు పోలీసులు తెలిపారు.

మంత్రి తుమ్మల నాగేశ్వర్‌రావుకు వినతి షాద్‌నగర్‌: పౌల్ట్రీ పరిశ్రమ ఆస్తి పన్ను బకాయిలు రద్దు చేయాలని ఎమ్మెల్యే వీర్లపల్లి శంకర్‌ కోరారు. ఈ మేరకు మంగళవారం హైదరాబాద్‌లో మంత్రి తుమ్మల నాగేశ్వర్‌రావును కలిసి వినతిపత్రం సమర్పించారు. పౌల్ట్రీ రైతులు ఎదుర్కొంటున్న సమస్యలను మంత్రికి వివరించారు. గతంలో మున్సిపాలిటీ పరిధిలో ఉన్న పౌల్ట్రీలకు ఆస్తి పన్ను వేసిన దాఖలాలు లేవని, కేవలం షాద్‌నగర్‌ మున్సిపాలిటీలో మాత్రమే పన్ను విధించారని చెప్పారు. కొత్త మున్సిపల్‌ చట్టం ప్రకారం పౌల్ట్రీని ఒక యూనిట్‌గా చేసి వంద రూపాయలు మాత్రమే మెయింటెనెన్స్‌ కింద వసూలు చేయాలని ఉందని మంత్రి దృష్టికి తెచ్చారు. పౌల్ట్రీ రైతుల ఇబ్బందులను వెంటనే పరిష్కరించాలని విజ్ఞప్తి చేశారు. మంత్రిని కలిసిన వారిలో పౌల్ట్రీ రైతులు వెంకట నారాయణ, రామారావు, ఆనందరావు, అర్జున్‌రెడ్డి తదితరులు ఉన్నారు. ఆర్టీసీ కార్మిక సంఘాలపై ఆంక్షలు ఎత్తివేయాలి ఇబ్రహీంపట్నం: ఆర్టీసీ కార్మిక సంఘాలపై ఆంక్షలు ఎత్తివేయాలని సీఐటీయూ జిల్లా సహాయ కార్యదర్శి బ్రహ్మయ్య డిమాండ్‌ చేశారు. ఈ మేరకు ఇబ్రహీంపట్నం డిపో ఎదుట సీఐటీయూ ఆధ్వర్యంలో మంగళవారం ధర్నా నిర్వహించారు. ఈ సందర్భంగా ఆయన మాట్లాడుతూ.. ఆర్టీసీ కార్మికులపై ఆంక్షలు ఎత్తివేసి, సంఘాల గుర్తింపు ఎన్నికలు తక్షణమే నిర్వహించాలని అన్నారు. అసెంబ్లీ ఎన్నికల సమయంలో ఆర్టీసీ కార్మికులకు ఇచ్చిన హామీని కాంగ్రెస్‌ పాలకులు అమలు చేయాలన్నారు. లేదంటే బీఆర్‌ఎస్‌కు పట్టిన గతే పడుతుందని హెచ్చరించారు. కార్యక్రమంలో సీఐటీయూ నాయకులు ఎల్లేశ్‌, బుగ్గరాములు, యాదగిరి, పోచమోని కృష్ణ, చందునాయక్‌, సత్యానారాయణ, విగ్నేష్‌, వీరేష్‌, యదయ్య, దిలీప్‌ పాల్గొన్నారు. ఆదిబట్లలో డీటీసీపీ అధికారుల పర్యటన ఇబ్రహీంపట్నం రూరల్‌: ఆదిబట్ల మున్సిపల్‌ పరిధిలోని పార్కు స్థలాల్లో అక్రమ నిర్మాణాలు చేపట్టారని వచ్చిన ఫిర్యాదుల మేరకు డీటీసీపీ అధికారులు మంగళవారం పర్యటించారు. డీటీసీపీఓ సువర్ణ ఆధ్వర్యంలో పార్కు స్థలాల్లో చేపట్టిన నిర్మాణాలను పరిశీలించారు. పూర్తి స్థాయిలో విచారణ చేపట్టి, దస్తావేజులు పరిశీలించి అడిషనల్‌ కలెక్టర్‌కు నివేదిక ఇస్తామని తెలిపారు. హైదరాబాద్‌ మెట్రోకు ‘ఐజీబీసీ ప్లాటినం’ సాక్షి, సిటీబ్యూరో: దేశంలోనే మొదటిసారిగా హైదరాబాద్‌ మెట్రో రైల్‌ ప్రతిష్టాత్మకమైన ఇండియన్‌ గ్రీన్‌ బిల్డింగ్‌ కౌన్సిల్‌ (ఐజీబీసీ) ప్లాటినం–సర్టిఫైడ్‌ మెట్రో నెట్‌వర్క్‌గా గుర్తింపును పొందింది. ఎల్‌అండ్‌టీ హైదరాబాద్‌ మెట్రో రైల్‌ నెట్‌వర్క్‌లోని మొత్తం 57 మెట్రో స్టేషన్లకు ప్రతిష్టాత్మకమైన ఐజీబీసీ గ్రీన్‌ ఎగ్జిస్టింగ్‌ ఎమ్మార్టీఎస్‌ ప్లాటినం సర్టిఫికేషన్‌ సాధించినట్లు ఎల్‌అండ్‌టీ అధికారులు తెలిపారు. రెడ్‌, బ్లూ, గ్రీన్‌ లైన్‌ కారిడార్‌లలోని స్టేషన్‌లన్నింటిలోకీ దేశంలోనే ఈ తరహా సర్టిఫికేషన్‌ పొందిన మొదటి సంస్థగా నిలిచినట్లు పేర్కొన్నారు. ఐజీబీసీ ఆధ్వర్యంలో ఇటీవల బెంగ ళూరులో జరిగిన గ్రీన్‌ బిల్డింగ్‌ కాంగ్రెస్‌ కార్యక్రమంలో ఈ సర్టిఫికెట్‌ను పొందినట్లు వెల్లడించారు.

ఇబ్రహీంపట్నం రూరల్‌: పరిశ్రమల ఏర్పాటు కోసం భూములు కోల్పోయిన భూ నిర్వాసితులకు ఇంటికో ఉద్యోగం ఇవ్వాలని మాజీ ఎంపీ డాక్టర్‌ బూర నర్సయ్యగౌడ్‌ డిమాండ్‌ చేశారు. మండలంలోని ఎల్మినేడులో రైతులతో మంగళవారం ఆయన సమావేశమయ్యారు. ఈ సందర్భంగా మాట్లాడుతూ.. భూములు కోల్పోయిన రైతులకు 2013 చట్టం ప్రకారం పరిహారం చెల్లించాలని అన్నారు. భూ బాధితులకు ఎకరానికి వెయ్యి గజాల ప్లాటు ఇవ్వాలని డిమాండ్‌ చేశారు. నాటి ప్రభుత్వం శివన్నగూడ ప్రాజెక్టు కోసం చేపట్టిన భూసేకరణలో ఎకరానికి రూ.5లక్షల చొప్పున పరిహారం ఇచ్చిందని తెలిపారు అక్కడ ఉన్న నాలుగు గ్రామల రైతులు భూమి కోల్పోయి ప్రస్తుతం కార్మికులుగా మారారని గుర్తు చేశారు. ఎల్మినేడులో 600 ఎకరాల భూమి సేకరించినప్పుడు పరిహారంతో పాటు ప్రభుత్వ ఉద్యోగం, ఇంటి స్థలం ఇవ్వకపోవడం అన్యాయమని ఆయన పేర్కొన్నారు. ప్రభుత్వం దగ్గర లక్ష ఎకరాల భూమి బ్యాంకు ఉందని, దీంతో లక్షల మందికి ఇళ్ల స్థలాలు ఇవ్వొచ్చని సూచించారు. ప్రతి రైతుకు టీడీఆర్‌ (ట్రాన్స్‌ఫరబుల్‌ డెవలప్‌మెంట్‌ రైట్స్‌) కల్పించాలని కోరారు. రైతులకు న్యాయం జరిగే వరకు పోరాటం చేస్తామని, బీజేపీ అండగా ఉంటుందని హామీ ఇచ్చారు. కార్యక్రమంలో బీజేపీ నాయకులు బోసుపల్లి ప్రతాప్‌, అర్జున్‌రెడ్డి, జక్క రవీందర్‌రెడ్డి, లచ్చిరెడ్డి, దండె శ్రీశైలం, నిర్వాసితుల ఫోరం అధ్యక్షుడు శ్రీకాంత్‌రెడ్డి తదితరులు పాల్గొన్నారు. మాజీ ఎంపీ డాక్టర్‌ బూర నర్సయ్యగౌడ్‌

సబ్‌ రిజిస్ట్రార్‌ కార్యాలయాలకు సొంత గూడు కరువు ● కొన్నిచోట్ల స్థల కేటాయింపులతో సరి ● మరికొన్ని చోట్ల అర్ధంతరంగా నిలిచిన పనులు ● ప్రభుత్వానికి రూ.లక్షలు సమకూరుతున్నా సమస్యలు మాత్రం యథాతథం ● కనీస సౌకర్యాలు లేక రిజిస్ట్రేషన్‌కోసం వచ్చేవారికి ఇబ్బందులు ● చర్యలు తీసుకోవాలంటున్న జనంఇబ్రహీంపట్నం: ప్రభుత్వానికి ఆదాయ వనరులు సమాకూర్చే సబ్‌ రిజిస్ట్రార్‌ కార్యాలయం ఇబ్రహీంపట్నంలో దశాబ్దాలుగా ఓ పురాతన అద్దె భవనంలో కొనసాగుతోంది. నాలుగైదు నెలలుగా రోజుకు 35 నుంచి 40 వరకు డాక్యుమెంట్స్‌ రిజిస్ట్రేషన్‌ అవుతున్నాయి. సుమారు నెలకు రూ.2 కోట్ల ఆదాయం ప్రభుత్వానికి సమకూరుతోంది. నిత్యం క్రయవిక్రయాలు, మార్టిగేజ్‌లు తదితర పనులపై ఈ కార్యాలయానికి 300 నుంచి 350 మంది వరకు వస్తుంటారు. కనీసం కూర్చునేందుకు సరైన సౌకర్యం లేదు. మరుగుదొడ్లు, మూత్ర విసర్జనకు బయటకు వెళ్లాల్సిందే. ఆఫీసు సిబ్బంది ఇరుకు గదుల్లోనే విధులు నిర్వరిస్తున్నారు. డాక్యుమెంట్లను భద్రపరిచేందుకు అనువైన స్థలం భవనంలో కొరవడింది. పార్కింగ్‌ స్థలం లేక రోడ్లకు ఇరువైపులా వాహనాలను నిలుపుతున్నారు. కార్యాలయం ముందు ట్రాఫిక్‌ సమస్య జఠిలంగా మారుతోంది. కొత్త భవనం ఎప్పుడో.. సబ్‌ రిజిష్ట్రార్‌ కార్యాలయానికి శాశ్వత భవనం నిర్మించాలని గత ఎమ్మెల్యే మంచిరెడ్డి కిషన్‌రెడ్డి భావించారు. పాత బస్టాండ్‌ వద్ద ఉన్న పురాతన గిడ్డంగులు (గోదాములు) తొలగించి మున్సిపల్‌కు ఆదాయాన్ని సమకూర్చే దుకాణ సముదాయం, అందులోనే సబ్‌ రిజిస్ట్రార్‌ కార్యాలయం ఏర్పాటుకు శ్రీకారం చుట్టారు. ఇందులో భాగంగా 2022 ఫిబ్రవరిలో అప్పటి మంత్రి కేటీఆర్‌తో భవన నిర్మాణానికి శంకుస్థాపన చేయించారు. భవన నిర్మాణానికి డీఎంఎఫ్‌టీ నుంచి రూ.1.50 కోట్లను మంజూరు చేశారు. తొలివిడత మంజూరైన నిధులతో గ్రౌండ్‌ లెవెల్‌ స్లాబ్‌ వరకు సదరు కాంట్రాక్టర్‌ సబ్‌ రిజిస్ట్రార్‌ కార్యాలయ నిర్మాణ పనులు చేపట్టారు. ఆ ఆ తర్వాత నిధులు రాకపోవడంతో రెండేళ్లుగా పనులు నిలిచిపోయాయి. భవన నిర్మాణానికి రూ.కోటి మంజూరు చేయాలని టీయూఎఫ్‌ఐడీసీ (రాష్ట్ర అర్బన్‌ ఫైనాన్స్‌ ఇన్‌ఫ్రాస్ట్రక్చర్‌ డెవలప్‌మెంట్‌ కార్పొరేషన్‌) మున్సిపల్‌ అధికారులు ప్రతిపాదనలు పంపి నెలలు గడుస్తున్నాయి. ఇబ్రహీంపట్నంలో మధ్యలోనే నిలిచిపోయిన సబ్‌ రిజిస్ట్రార్‌ కార్యాలయ నూతన భవనంభవనం సరిపోవడం లేదు రోజుకు 30 నుంచి 40 డాక్యుమెంట్లు అవుతాయి. నెలకు సుమారు రూ.2 కోట్ల ఆదాయం సమకూరుతోంది. ఈ భవనం సరిపోవడం లేదు. మున్సిపల్‌ స్థలంలో పాత బస్టాండ్‌ వద్ద సబ్‌ రిజిస్ట్రార్‌ కార్యాలయ నూతన భవనం నిర్మాణం జరుగుతోంది. అది పూర్తికాగానే నామినల్‌ అద్దెతో అందులోకి కార్యాలయం మార్చుతారని సమాచారం. – సోని, ఇన్‌చార్జి సబ్‌ రిజిస్ట్రార్‌, ఇబ్రహీంపట్నంత్వరగా పూర్తి చేయాలి సబ్‌ రిజిస్ట్రార్‌ కార్యాలయానికి శాశ్వత భవన నిర్మాణానికి రెండేళ్ల క్రితం శ్రీకారం చుట్టారు. అధికారుల నిర్లక్ష్యంతో పనులు ఆగిపోయాయి. నిధులు మంజూరుకాలేదని చెతులెత్తేస్తున్నారు. అసంపూర్తి నిర్మాణం కారణంగా చెత్తచెదారం, పిచ్చిమొక్కలతో కంపుకొడుతోంది. భవన నిర్మాణం త్వరగా పూర్తి చేసేందుకు చర్యలు చేపట్టాలి. – అశోక్‌, స్థానికుడు, ఇబ్రహీంపట్నం ప్రతిపాదనలు పంపాం మంజూరైన 18 లక్షల రూపాయలతో డీఎంఎఫ్‌టీ (డిస్ట్రిక్‌ మినరల్‌ ఫండ్‌ ట్రస్ట్‌) నిధులతో సబ్‌ రిజిస్ట్రార్‌ కార్యాలయ స్లాబ్‌ లెవల్‌ పనులు పూర్తి చేశాం. మరో కోటి రూపాయల కోసం టీయూఎఫ్‌ఐడీసీకి ప్రతిపాదనలు పంపాం. నిధులు రాగానే పనులు ప్రారంభిస్తాం. – రవీంద్రసాగర్‌, మున్సిపల్‌ కమిషనర్‌, ఇబ్రహీంపట్నం

ఆమనగల్లు: ధాన్యం కొనుగోలు కేంద్రాల వద్ద రైతులకు ఎలాంటి ఇబ్బందులు లేకుండా చూడాలని, తెచ్చిన ధాన్యాన్ని వెంటనే కొనుగోలు చేయాలని అదనపు కలెక్టర్‌ ప్రతిమాసింగ్‌ అన్నారు. రైతులు ప్రభుత్వం ఏర్పాటు చేసిన కొనుగోలు కేంద్రాల్లోనే ధాన్యం విక్రయించాలని ఆమె సూచించారు. ఆమనగల్లు పట్టణంలోని వ్యవసాయ మార్కెట్‌యార్డు ఆవరణలో మంగళవారం సాయంత్రం పీఏసీఎస్‌ ఆధ్వర్యంలో ఏర్పాటు చేసిన వరిధాన్యం కొనుగోలు కేంద్రాన్ని ఆమె ఆకస్మికంగా తనిఖీ చేశారు. ఈ సందర్భంగా రైతులు తీసుకువచ్చిన ధాన్యాన్ని పరిశీలించి వారితో మాట్లాడారు. తమ ధాన్యాన్ని కొనుగోలు చేయడంలో సిబ్బంది నిర్లక్ష్యంగా వ్యవహరిస్తున్నారని కొందరు రైతులు ఫిర్యాదు చేశారు. అనంతరం అదనపు కలెక్టర్‌ మాట్లాడుతూ.. ధాన్యం కొనుగోలు కేంద్రాల్లో రైతులకు అన్ని సౌకర్యాలు కల్పించాలని అన్నారు. అవసరమైన తాగునీరు, ఓఆర్‌ఎస్‌ ప్యాకెట్లు, గన్నీ బ్యాగులు, టార్పాలిన్‌ కవర్లు అందుబాటులో ఉంచాలని ఆమె సూచించారు. రైతులు పండించిన ధాన్యం గ్రేడ్‌ ఏ రకానికి రూ.2,320, సాధారణ రకానికి రూ.2,300, సన్నరకం ధాన్యానికి క్వింటాల్‌కు అదనంగా రూ.500 బోనస్‌ చెల్లిస్తున్నట్లు చెప్పారు. ధాన్యం విక్రయించిన రైతుల వివరాలు ఎప్పటికప్పుడు ఆన్‌లైన్‌లో నమోదు చేసి కేటాయించిన రైస్‌మిల్లులకు ధాన్యం తరలించాలని ఆదేశించారు. ఆమె వెంట పీఏసీఎస్‌ సీఈఓ దేవేందర్‌, మండల వ్యవసాయాధికారి శ్రీనివాస్‌గౌడ్‌, ఏఈఓలు నిఖిత, భూదేవి తదితరులు ఉన్నారు. అదనపు కలెక్టర్‌ ప్రతిమాసింగ్‌